ഗിലെ​യാദ്‌ ബിരു​ദ​ധാ​രി​കൾ—“യഥാർഥ മിഷന​റി​മാർ!”

“എന്താണ്‌ ഒരു മിഷനറി?” ഏതാണ്ടു നാലു പതിറ്റാ​ണ്ടു​കൾക്കു​മുമ്പ്‌ ഒരു പത്രത്തി​ന്റെ മുഖ​പ്ര​സം​ഗം ഉന്നയിച്ച ചോദ്യം. സാമൂ​ഹി​ക​വും സാമ്പത്തി​ക​വു​മായ പരിഷ്‌കാ​ര​ത്തി​നുള്ള ഉപകര​ണ​ങ്ങ​ളാണ്‌ യഥാർഥ മിഷന​റി​മാർ എന്ന്‌ ആ എഴുത്തു​കാ​രൻ ന്യായ​വാ​ദം ചെയ്‌തു. എന്നിരു​ന്നാ​ലും, 1995 മാർച്ച്‌ 5 ഞായറാഴ്‌ച യഹോ​വ​യു​ടെ സാക്ഷി​ക​ളു​ടെ ജേഴ്‌സി സിറ്റി അസംബ്ലി ഹാളിൽവെച്ച്‌ അതിനുള്ള തികച്ചും വ്യത്യ​സ്‌ത​മായ ഉത്തരം ഊന്നി​പ്പ​റ​യു​ക​യു​ണ്ടാ​യി. സന്ദർഭം? ലോക​മെ​മ്പാ​ടും മിഷന​റി​മാ​രെ അയച്ചി​ട്ടുള്ള ഒരു സ്‌കൂ​ളായ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 98-ാമത്തെ ക്ലാസ്സിന്റെ ബിരു​ദ​ദാന ചടങ്ങ്‌!

ഭരണസം​ഘ​ത്തി​ലെ ആൽബർട്ട്‌ ഡി. ഷ്രോഡർ പ്രാരംഭ ഗീതത്തി​നും പ്രാർഥ​ന​യ്‌ക്കും​ശേഷം, സന്നിഹി​ത​രാ​യി​രുന്ന 6,430 പേരെ ഊഷ്‌മ​ള​മാ​യി സ്വാഗതം ചെയ്‌തു. തങ്ങളെ​ത്തന്നെ മിഷന​റി​മാർ എന്നു വിളി​ക്കു​ന്ന​വ​രിൽനി​ന്നു ഗിലെ​യാദ്‌ ബിരു​ദ​ധാ​രി​കൾ വ്യത്യ​സ്‌ത​രാ​യി​രി​ക്കു​ന്ന​തി​ന്റെ കാരണം ആമുഖ പ്രസ്‌താ​വ​ന​യിൽ ഷ്രോഡർ സഹോ​ദരൻ വ്യക്തമാ​ക്കി. അദ്ദേഹം പറഞ്ഞു: “ഗിലെ​യാ​ദി​ന്റെ പ്രധാന പാഠപു​സ്‌തകം ബൈബി​ളാണ്‌.” ഗിലെ​യാദ്‌ ബിരു​ദ​ധാ​രി​കൾക്കു പരിശീ​ലനം ലഭിക്കു​ന്നത്‌ സാമൂ​ഹിക പ്രവർത്ത​ക​രാ​യി​രി​ക്കാ​നല്ല, ദൈവ​വ​ചനം പഠിപ്പി​ക്കു​ന്ന​വ​രാ​യി​രി​ക്കാ​നാണ്‌. അങ്ങനെ വിദേശ വയലു​ക​ളി​ലെ ആളുക​ളു​ടെ ആത്മീയ ആവശ്യങ്ങൾ നോക്കാൻ അവർ അനുപ​മ​മാം​വി​ധം യോഗ്യ​ത​യു​ള്ള​വ​രാണ്‌.

ഗിലെ​യാദ്‌ ബിരു​ദ​ധാ​രി​കൾ “യഥാർഥ” മിഷന​റി​മാ​രാ​യി​രി​ക്കു​ന്ന​തി​ന്റെ തെളിവു നൽകുന്ന മറ്റനേകം മേഖലകൾ തുടർന്നു​വന്ന പ്രസം​ഗകർ ചർച്ച​ചെ​യ്‌തു. “മിഷന​റി​മാർ എന്നനി​ല​യിൽ നല്ല ഫലം പുറ​പ്പെ​ടു​വി​ക്കു​ന്ന​തിൽ തുടരു​വിൻ” എന്ന വിഷയ​ത്തെ​ക്കു​റിച്ച്‌ ചാൾസ്‌ മോലഹൻ സംസാ​രി​ച്ചു. കൊ​ലോ​സ്യർ 1:9, 10-ലെ [NW] അപ്പോ​സ്‌ത​ല​നായ പൗലോ​സി​ന്റെ വാക്കു​ക​ളി​ലേക്കു ശ്രദ്ധ ക്ഷണിച്ചു​കൊണ്ട്‌ അവരുടെ കഴിഞ്ഞ അഞ്ചുമാ​സത്തെ ഗിലെ​യാദ്‌ പരിശീ​ലനം “ദൈവ​ത്തെ​ക്കു​റി​ച്ചുള്ള സൂക്ഷ്‌മ പരിജ്ഞാ​ന​ത്തിൽ” വളരാൻ അവരെ സഹായി​ച്ചി​രി​ക്കു​ന്നു​വെന്ന്‌ മോലഹൻ സഹോ​ദരൻ ബിരു​ദ​ധാ​രി​കളെ അനുസ്‌മ​രി​പ്പി​ച്ചു. ഫലമു​ത്‌പാ​ദി​പ്പി​ക്കാൻ ഇത്‌ അവരെ രണ്ടുവി​ധ​ങ്ങ​ളിൽ സഹായി​ക്കും: ദൈവാ​ത്മാ​വി​ന്റെ ഫലങ്ങൾ പ്രകട​മാ​ക്കി​ക്കൊ​ണ്ടും മറ്റുള്ള​വ​രു​മാ​യി ബൈബിൾ സത്യങ്ങൾ പങ്കു​വെ​ച്ചു​കൊ​ണ്ടും.

തുടർന്ന്‌, “നിങ്ങളു​ടെ ജീവന്റെ കാര്യ​ത്തിൽ വിട്ടു​വീഴ്‌ച ചെയ്യരുത്‌” എന്ന ചിന്തോ​ദ്ദീ​പ​ക​മായ വിഷയ​വു​മാ​യി ഭരണസം​ഘ​ത്തി​ലെ ദാനി​യേൽ സിഡ്‌ലിക്‌ എത്തി. “ഒരു മനുഷ്യൻ തന്റെ ദേഹിക്കു പകരമാ​യി എന്തു കൊടു​ക്കും?” എന്ന യേശു​വി​ന്റെ ചോദ്യം അദ്ദേഹം സൂചി​പ്പി​ച്ചു. (മത്തായി 16:26, NW) “സുഗമ​വും സുഖക​ര​വു​മായ ഒരു ജീവി​ത​ത്തി​നു​വേണ്ടി ആളുകൾ തങ്ങളുടെ ദേഹി​കളെ വിറ്റു​ക​ള​ഞ്ഞി​രി​ക്കു​ന്നു,” സിഡ്‌ലിക്‌ സഹോ​ദരൻ അഭി​പ്രാ​യ​പ്പെട്ടു. എന്നിരു​ന്നാ​ലും, പരി​ശോ​ധന നേരി​ടു​മ്പോൾ സജീവ വിശ്വാ​സ​മു​ള്ള​വർക്കു വിട്ടു​വീഴ്‌ച ചെയ്യാ​നൊ​ക്കില്ല. ഒരുവന്റെ ദേഹിയെ, അഥവാ ജീവനെ നേടു​ന്ന​തി​നു​വേണ്ടി “കൊടു​ക്കാ”ൻ, അതായത്‌ ത്യാഗം ചെയ്യാൻ, ഒരുവനു മനസ്സു​ണ്ടാ​യി​രി​ക്ക​ണ​മെന്നു യേശു​വി​ന്റെ വാക്കുകൾ സൂചി​പ്പി​ക്കു​ന്നു. യഹോ​വ​ക്കുള്ള സേവന​ത്തിൽ തങ്ങളുടെ മുഴു​ദേ​ഹി​യും തങ്ങളുടെ പരമാ​വ​ധി​യും നൽകാൻ പുതിയ മിഷന​റി​മാർ ഉദ്‌ബോ​ധി​പ്പി​ക്ക​പ്പെട്ടു!

അടുത്ത പ്രസംഗം സർവീസ്‌ ഡിപ്പാർട്ടു​മെൻറ്‌ കമ്മിറ്റി​യി​ലെ വില്യം വാൻ ഡി വോളി​ന്റെ​താ​യി​രു​ന്നു. “അപ്പോ​സ്‌ത​ല​നായ പൗലോസ്‌—അനുക​ര​ണാർഹ​മായ ഒരു മാതൃക” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. “പൗലോസ്‌ ഒന്നാം നൂറ്റാ​ണ്ടി​ലെ മിഷന​റി​വേ​ല​യു​ടെ അമരത്തു​ണ്ടാ​യി​രു​ന്നു,” വാൻ ഡി വോൾ വിശദീ​ക​രി​ച്ചു. അപ്പോ​സ്‌ത​ല​നായ പൗലോസ്‌ ഇന്നത്തെ ക്രിസ്‌ത്യാ​നി​കൾക്കു നല്ല മാതൃക വെച്ച നാലു മേഖലകൾ അപ്പോൾ ഉചിത​മാ​യി പ്രദീ​പ്‌ത​മാ​ക്കി: (1) ജനങ്ങ​ളോ​ടുള്ള പൗലോ​സി​ന്റെ യഥാർഥ താത്‌പ​ര്യ​വും സ്‌നേ​ഹ​വും, (2) ശുശ്രൂ​ഷ​യി​ലെ അവന്റെ ഫലപ്ര​ദ​ത്വം, (3) സ്വയം ഉയർത്തി​പ്പി​ടി​ക്കാ​തി​രി​ക്കാൻ അവനെ​ടുത്ത വിനീത തീരു​മാ​നം, (4) യഹോ​വ​യി​ലുള്ള അവന്റെ അങ്ങേയ​റ്റത്തെ ആശ്രയം.

“നിങ്ങളു​ടെ പുതിയ നിയമ​ന​ത്തിൽ യഹോവ നിങ്ങളെ ശോധന ചെയ്യട്ടെ” എന്നതാ​യി​രു​ന്നു ഭരണസം​ഘ​ത്തി​ലെ ലൈമൻ എ. സ്വിംഗൾ ചർച്ച ചെയ്‌ത വിഷയം. പുതിയ മിഷന​റി​മാർ എന്നനി​ല​യിൽ, തങ്ങളുടെ നിയമ​ന​ങ്ങ​ളിൽ അവർ പ്രശ്‌നങ്ങൾ അഭിമു​ഖീ​ക​രി​ക്കു​മെ​ന്നും എന്നാൽ യഹോ​വക്ക്‌ അവയുടെ പരിഹാ​രം അറിയാ​മെ​ന്നും സ്വിംഗൾ സഹോ​ദരൻ ദിനവാ​ക്യ​മായ സങ്കീർത്തനം 139:16 ഉപയോ​ഗി​ച്ചു​കൊണ്ട്‌ അവരുടെ ശ്രദ്ധയിൽപ്പെ​ടു​ത്തി. “നിങ്ങൾക്ക്‌ ഒരു പ്രശ്‌ന​മു​ള്ള​പ്പോൾ അവന്റെ അടുക്കൽ ചെന്ന്‌ അവനോ​ടു സംസാ​രി​ക്കു​വിൻ. അവന്റെ ഹിത​മെ​ന്തെന്നു വിവേ​ചി​ച്ച​റി​യു​വിൻ,” അദ്ദേഹം ഉദ്‌ബോ​ധി​പ്പി​ച്ചു.

പിന്നെ ഭരണസം​ഘ​ത്തി​ലെ ജോൺ ഇ. ബാർ “നിങ്ങളു​ടെ വിശ്വാ​സം അത്യന്തം വളരുന്നു” എന്ന വിഷയ​ത്തെ​ക്കു​റി​ച്ചു സംസാ​രി​ച്ചു. (2 തെസ​ലോ​നി​ക്യർ 1:3, NW) “ഇടർച്ചകൾ വരാതി​രി​ക്കു​ന്നതു അസാദ്ധ്യം” എന്നു യേശു പറഞ്ഞതാ​യി നാം ലൂക്കൊസ്‌ 17:1-ൽ വായി​ക്കു​ന്നു. സഹമി​ഷ​ന​റി​മാ​രു​ടെ വ്യക്തി​ത്വം കണ്ട്‌ ചിലർ ഇടറി​പ്പോ​യി​ട്ടുണ്ട്‌. എന്നാൽ ക്ഷമിക്കു​ന്ന​വ​രാ​യി​രി​ക്കാൻ ആവശ്യ​മായ വിശ്വാ​സം ഉണ്ടായി​രി​ക്കാൻ ബാർ സഹോ​ദരൻ മിഷന​റി​മാ​രെ പ്രോ​ത്സാ​ഹി​പ്പി​ച്ചു. “ഞങ്ങൾക്കു വിശ്വാ​സം വർദ്ധി​പ്പി​ച്ചു​ത​രേ​ണമേ” എന്നു യേശു​വി​ന്റെ ശിഷ്യ​ന്മാർ യാചി​ക്കാ​നു​ണ്ടായ സന്ദർഭം തീർച്ച​യാ​യും ഇതായി​രു​ന്നു. (ലൂക്കൊസ്‌ 17:2-5) സംഘട​നാ​പ​ര​മായ വിവിധ പരിഷ്‌കാ​ര​ങ്ങ​ളും മിഷന​റി​മാ​രു​ടെ വിശ്വാ​സ​ത്തി​നു പരി​ശോ​ധ​ന​യാ​യി​ത്തീ​രാം. ബാർ സഹോ​ദരൻ ചോദി​ച്ചു, “അവ സ്വീക​രി​ക്കാ​നുള്ള വിശ്വാ​സം നമുക്കി​ല്ലേ, അതോ അവ പർവത​സ​മാന പ്രതി​ബ​ന്ധ​ങ്ങ​ളാ​യി​ത്തീ​രു​മോ?”

രണ്ടു ഗിലെ​യാദ്‌ അധ്യാ​പ​ക​രിൽനി​ന്നുള്ള ഏതാനും പ്രബോ​ധ​ന​ങ്ങ​ളാ​യി​രു​ന്നു അടുത്ത​താ​യി ലഭിച്ചത്‌. ഒരു ക്രിയാ​ത്മക മനോ​ഭാ​വം നിലനിർത്താൻ ജാക്‌ റെഡ്‌ഫോർഡ്‌ ബിരു​ദ​ധാ​രി​കളെ ആഹ്വാനം ചെയ്‌തു. സഹമി​ഷ​ന​റി​മാർ കളിയാ​ക്കി​യെ​ന്നു​പ​റഞ്ഞു നിയമനം വിട്ടു​കളഞ്ഞ ഒരു മിഷനറി സഹോ​ദ​രി​യെ​ക്കു​റിച്ച്‌ അദ്ദേഹം പറഞ്ഞു. എന്നിരു​ന്നാ​ലും, അനാവ​ശ്യ​മാ​യി നീരസം ഉണ്ടാകു​ന്ന​തി​നെ​തി​രെ തിരു​വെ​ഴു​ത്തു​കൾ നമുക്കു മുന്നറി​യി​പ്പു നൽകുന്നു. (സഭാ​പ്ര​സം​ഗി 7:9) അദ്ദേഹം ഇങ്ങനെ ഉദ്‌ബോ​ധി​പ്പി​ച്ചു: “ശരിയായ മനോ​ഭാ​വം ഉള്ളവരാ​യി​രി​ക്കു​വിൻ. നിങ്ങ​ളോ​ടൊ​പ്പ​മുള്ള മറ്റുള്ള​വ​രു​ടെ തെറ്റു​ക​ളും കുറവു​ക​ളും ക്ഷമിക്കു​ന്ന​വ​രാ​യി​രി​ക്കു​വിൻ.”

പിന്നെ, ഗിലെ​യാദ്‌ രജിസ്‌ട്രാ​റായ യു. വി. ഗ്ലാസ്സ്‌ ഇങ്ങനെ ചോദി​ച്ചു: “‘കാല​ത്തെ​യും മുൻകൂ​ട്ടി​ക്കാ​ണാൻ കഴിയാത്ത സംഭവ​ത്തെ​യും’ നേരി​ടാൻ നിങ്ങൾ സജ്ജരാ​ണോ?” (സഭാ​പ്ര​സം​ഗി 9:11, NW) “നമ്മുടെ ജീവി​ത​രീ​തി എല്ലായ്‌പോ​ഴും മാറ്റങ്ങൾക്കു വിധേ​യ​മാണ്‌. ചില മാറ്റങ്ങൾ മനംത​കർക്കു​ന്ന​താ​യി​രി​ക്കാം,” ഗ്ലാസ്സ്‌ സഹോ​ദരൻ അഭി​പ്രാ​യ​പ്പെട്ടു. അപ്രതീ​ക്ഷി​ത​മാ​യി നേരി​ടുന്ന ആരോ​ഗ്യ​ത്ത​കർച്ച, രോഗം, കുടും​ബ​പ്ര​ശ്‌നങ്ങൾ എന്നിവ​നി​മി​ത്തം ചിലർ നിയമനം വിട്ടു​പോ​കാൻ നിർബ​ന്ധി​ത​രാ​യി​ട്ടുണ്ട്‌. ഗ്ലാസ്സ്‌ സഹോ​ദരൻ പറഞ്ഞു: “മുൻകൂ​ട്ടി​ക്കാ​ണാൻ കഴിയാത്ത സംഭവം എന്തുത​ന്നെ​യാ​യാ​ലും യഹോവ അതു സംബന്ധി​ച്ചു ബോധ​വാ​നും ചിന്തയു​ള്ള​വ​നു​മാ​ണെന്നു നമുക്ക​റി​യാം. നമ്മുടെ ആശ്രയം അവനിൽ വെക്കു​ന്നെ​ങ്കിൽ നാം വിജയ​ശ്രീ​ലാ​ളി​ത​രാ​യി​ത്തീ​രു​മെന്നു നമുക്ക​റി​യാം!”

“മിഷനറി സേവന​ത്തി​നാ​യി മാറ്റി​വെ​ക്ക​പ്പെ​ട്ടി​രി​ക്കു​ന്നു” എന്ന ശീർഷ​ക​ത്തി​ലുള്ള പ്രസംഗം രാവി​ലത്തെ പ്രസം​ഗ​പ​ര​മ്പ​ര​യു​ടെ പാരമ്യ​മാ​യി​രു​ന്നു. ഭരണസം​ഘ​ത്തി​ലെ തിയോ​ഡോർ ജാരസ്‌ “എന്താണ്‌ ഒരു മിഷനറി?” എന്ന ആരംഭ​ത്തിൽ സൂചി​പ്പിച്ച ചോദ്യം കൈകാ​ര്യം ചെയ്‌തു. ഉത്തരമാ​യി അദ്ദേഹം പ്രവൃ​ത്തി​കൾ 13-ഉം 14-ഉം അധ്യാ​യങ്ങൾ എടുത്ത്‌ പൗലോ​സി​ന്റെ​യും ബർന്നബാ​സി​ന്റെ​യും മിഷന​റി​വേ​ല​യെ​ക്കു​റി​ച്ചു ചർച്ച ചെയ്‌തു. വ്യക്തമാ​യും, ആ വേല ശ്രദ്ധ കേന്ദ്രീ​ക​രി​ച്ചത്‌ സാമൂ​ഹിക പ്രശ്‌നങ്ങൾ പരിഹ​രി​ക്കു​ന്ന​തി​ലാ​യി​രു​ന്നില്ല, എന്നാൽ ‘സുവാർത്ത ഘോഷി​ക്കുന്ന’തിലാ​യി​രു​ന്നു. (പ്രവൃ​ത്തി​കൾ 13:32, NW) “ഒരു യഥാർഥ മിഷനറി എന്തായി​രി​ക്ക​ണ​മെന്നു പൗലോ​സും ബർന്നബാ​സും പ്രകട​മാ​ക്കി​യെ​ന്ന​തി​നോ​ടു നിങ്ങൾ യോജി​ക്കു​ന്നി​ല്ലേ?,” ജാരസ്‌ സഹോ​ദരൻ ചോദി​ച്ചു. എന്നിട്ട്‌, ഒരു സുവി​ശേ​ഷകൻ എന്നനി​ല​യിൽ തനിക്കു​ണ്ടാ​യി​ട്ടുള്ള ഹൃദ​യോ​ഷ്‌മ​ള​മായ അനുഭ​വ​ങ്ങ​ളിൽ ചിലതു പങ്കു​വെ​ക്കാൻ മെക്‌സി​ക്കോ​യി​ലെ അനുഭ​വ​സ​മ്പ​ന്ന​നായ മിഷനറി റോബർട്ട്‌ ട്രെയ്‌സി​യെ ക്ഷണിച്ചു.

ഷ്രോഡർ സഹോ​ദരൻ 48 ബിരു​ദ​ധാ​രി​കൾക്കു ഡിപ്ലോമ വിതരണം ചെയ്‌ത​തോ​ടെ രാവി​ലത്തെ പരിപാ​ടി അതിന്റെ പാരമ്യ​ത്തി​ലെത്തി. മിഷന​റി​മാർക്കു നിയമനം ലഭിച്ച 21 രാജ്യ​ങ്ങ​ളു​ടെ പേരുകൾ കേട്ട​പ്പോൾ സദസ്സ്‌ ഹർഷപു​ള​കി​ത​രാ​യി: ഇക്വ​ഡോർ, ഇക്വ​റ്റോ​റി​യൽ ഗിനി, എസ്‌തോ​ണിയ, ഐവറി കോസ്റ്റ്‌, കോസ്റ്റ റിക്ക, ഗിനി-ബിസോ, നിക്കരാ​ഗ്വ, പരഗ്വെ, പെറു, തയ്‌വാൻ, മൊസാ​മ്പിക്‌, മൗറീ​ഷ്യസ്‌, ലാത്വിയ, ലീവാർഡ്‌ ദ്വീപു​കൾ, ബാർബ​ഡോസ്‌, ബെനിൻ, ബൊളീ​വിയ, വെനെ​സ്വേല, സെൻട്രൽ ആഫ്രിക്കൻ റിപ്പബ്ലിക്‌, സെനിഗൾ, ഹോണ്ടു​റസ്‌.

ഉച്ചഭക്ഷ​ണ​ത്തി​നു​ള്ള ഇടവേ​ള​യ്‌ക്കു​ശേഷം, വീണ്ടും സന്നിഹി​ത​രായ സദസ്സിനു സർവീസ്‌ ഡിപ്പാർട്ടു​മെ​ന്റി​ലെ റോബർട്ട്‌ പി. ജോൺസൻ നിർവ​ഹിച്ച വീക്ഷാ​ഗോ​പു​ര​ത്തി​ന്റെ ഒരു സജീവ പഠനം ആസ്വദി​ക്കാ​റാ​യി. 98-ാമത്തെ ക്ലാസ്സിലെ അംഗങ്ങൾ ചോദ്യ​ങ്ങൾക്ക്‌ ഉത്തരം പറഞ്ഞു. അതിനു​ശേഷം ഗിലെ​യാദ്‌ സ്റ്റാഫ്‌ അംഗങ്ങൾ നടത്തിയ അഭിമു​ഖ​ങ്ങ​ളു​ടെ രസകര​മായ ഒരു പരമ്പര​യാ​യി​രു​ന്നു. വയലിലെ തങ്ങളുടെ അനുഭ​വ​ങ്ങ​ളും വിദേ​ശ​നി​യ​മ​ന​ങ്ങ​ളെ​ക്കു​റി​ച്ചുള്ള തങ്ങളുടെ വികാ​ര​ങ്ങ​ളും ബിരു​ദ​ധാ​രി​കൾ പങ്കു​വെ​ച്ച​പ്പോൾ സദസ്സിന്‌ അതൊരു വലിയ പ്രോ​ത്സാ​ഹ​ന​മാ​യി.

ആറര വർഷമാ​യി, ന്യൂ​യോർക്കിൽ വോൾക്കി​ലി​ലുള്ള വാച്ച്‌ടവർ സൊ​സൈ​റ്റി​യു​ടെ കെട്ടി​ട​ങ്ങ​ളി​ലാ​യി​രു​ന്നു ഗിലെ​യാദ്‌ സ്ഥിതി​ചെ​യ്‌തി​രു​ന്നത്‌. എന്നാൽ 1995 ഏപ്രിൽ, സ്‌കൂ​ളി​നെ ന്യൂ​യോർക്കിൽ പാറ്റേ​ഴ്‌സ​ണി​ലുള്ള വാച്ച്‌ടവർ എഡ്യു​ക്കേ​ഷണൽ സെന്ററി​ലേക്കു മാറ്റി. വോൾക്കിൽ ബെഥേൽ കുടും​ബ​ത്തിന്‌ ഈ മാറ്റ​ത്തെ​ക്കു​റിച്ച്‌ എന്തു തോന്നി? ഈ ബിരു​ദ​ദാന ചടങ്ങി​നോ​ടുള്ള ബന്ധത്തിൽ വോൾക്കി​ലിൽനി​ന്നുള്ള പലരെ​യും അഭിമു​ഖം നടത്തി. ഇതു തങ്ങളിൽ ഒരു മായാത്ത മുദ്ര പതിപ്പി​ച്ചി​രി​ക്കു​ന്നു​വെന്നു വ്യക്തമാ​ക്കു​ന്ന​താ​യി​രു​ന്നു പ്രചോ​ദ​നാ​ത്മ​ക​മായ അവരുടെ ആശയ​പ്ര​ക​ട​നങ്ങൾ. വ്യക്തമാ​യും, മനസ്സൊ​രു​ക്ക​മുള്ള ഈ സ്‌ത്രീ​പു​രു​ഷ​ന്മാർ താഴ്‌മ​യും ആത്മത്യാ​ഗ​മ​നോ​ഭാ​വ​വും മറ്റുള്ള​വരെ സഹായി​ക്ക​ണ​മെന്ന ആഴമായ താത്‌പ​ര്യ​വും ഉള്ള യഥാർഥ മിഷന​റി​മാ​രാണ്‌.

ബിരു​ദ​ദാ​ന പരിപാ​ടി സമാപി​ച്ച​പ്പോൾ, ഗിലെ​യാദ്‌ സ്‌കൂൾ 50-ലധികം വർഷമാ​യി ചെയ്‌തു​കൊ​ണ്ടി​രി​ക്കു​ന്നതു തുടർന്നും വിജയ​ക​ര​മാ​യി ചെയ്യു​മെന്ന്‌ സദസ്സി​ലുള്ള സകലർക്കും ഉറപ്പാ​യി​രു​ന്നു—അതായത്‌, യഥാർഥ മിഷന​റി​മാ​രെ ഉളവാ​ക്കു​ക​തന്നെ ചെയ്യും!

[18-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണ​ക്കു​കൾ:

പ്രതിനിധാനം ചെയ്‌ത രാജ്യ​ങ്ങ​ളു​ടെ എണ്ണം: 8

നിയമിച്ചയക്കപ്പെട്ട രാജ്യ​ങ്ങ​ളു​ടെ എണ്ണം: 21

വിദ്യാർഥികളുടെ എണ്ണം: 48

ശരാശരി പ്രായം: 32.72

സത്യത്തിലെ ശരാശരി വർഷം: 15.48

മുഴുസമയ ശുശ്രൂ​ഷ​യി​ലെ ശരാശരി വർഷം: 10.91

[18-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 98-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) എസ്ലിഞ്‌ജർ എ.; മാൻ റ്റി.; റിവേര ജി.; ബാർവേ​രോ എം.; വാസ്‌ എം.; ദുർഗ കെ.; സിൽവെ​ര​ക്‌സ്‌ എച്ച്‌.; അൾവര​ഡോ ഡി. (2) റ്റൊത്ത്‌ ബി.; സെഗാരാ എസ്‌.; ഹർട്ട്‌ ആർ.; റോര്യാക്‌ ഐ.; എസ്‌കോ​ബാർ പി.; ഐസ്റ്റ്രപ്‌ ജെ.; സ്ലൈ എൽ.; റിവേര ഇ. (3) ആർച്ചാർഡ്‌ ഡി.; സ്‌നേത്ത്‌ എസ്‌.; മാർസ്യേൽ പി.; കോല്യ​നൻ ഡി.; വാഡൽ എസ്‌.; ബ്ലാക്‌ബേൺ എൽ.; എസ്‌കോ​ബാർ എം.; ആർച്ചാർഡ്‌ കെ. (4) ഹർട്ട്‌ എം.; റ്റൊത്ത്‌ എസ്‌.; കോല്യ​നൻ ജെ.; ബെരി​മാൻ എച്ച്‌.; മാൻ ഡി.; ബ്ലാക്‌ബേൺ ജെ.; പാർക്‌ ഡി.; വാസ്‌ എഫ്‌. (5) സെഗാരാ എസ്‌.; സ്ലൈ എൽ.; ലെസ്ലി എൽ.; ബെരി​മാൻ ബി.; ബാർവേ​രോ ഡബ്ലിയു.; അൾവര​ഡോ ജെ.; ലെസ്ലി ഡി.; പാർക്‌ ഡി. (6) സിൽവെ​ര​ക്‌സ്‌ കെ.; എസ്ലിഞ്‌ജർ ആർ.; വാഡൽ ജെ.; സ്‌നേത്ത്‌ കെ.; ദുർഗ എ.; റോര്യാക്‌ എഫ്‌.; ഐസ്റ്റ്രപ സി.; മാർസ്യേൽ ഡി.