സാമ്പത്തിക ഞെരു​ക്ക​സ​മ​യ​ങ്ങ​ളിൽ ഏകാകി​ത്വം

“എനിക്ക്‌ 25 വയസ്സു​ള്ള​പ്പോൾ വിവാഹം കഴിക്ക​ണ​മെ​ന്നു​ണ്ടാ​യി​രു​ന്നു,” പശ്ചിമാ​ഫ്രി​ക്ക​യിൽ താമസി​ക്കുന്ന ചൂക്‌സ്‌ പറഞ്ഞു. “ഒരു പെൺകു​ട്ടി​യെ എനിക്ക്‌ ഇഷ്ടമാ​യി​രു​ന്നു, അവൾക്ക്‌ എന്നെയും. എന്നാൽ ഒരു പ്രശ്‌ന​മു​ണ്ടാ​യി​രു​ന്നു. പണം. എന്റെ പിതാ​വും ജ്യേഷ്‌ഠ​നും തൊഴിൽര​ഹി​തർ, അനുജൻമാ​രും അനുജ​ത്തി​മാ​രു​മാ​ണെ​ങ്കി​ലോ സ്‌കൂ​ളി​ലും. ഞാനാ​യി​രു​ന്നു കുടും​ബ​ത്തി​ന്റെ അത്താണി. അങ്ങനെ​യി​രി​ക്കെ, മാതാ​പി​താ​ക്കൾ രോഗി​ക​ളാ​യി​ത്തീർന്നു. അതോടെ, സംഗതി​ക​ളാ​കെ കുഴഞ്ഞു. മരുന്നു വാങ്ങണ​മെ​ങ്കിൽ വേറെ​യും പണമു​ണ്ടാ​ക്ക​ണ​മെന്ന സ്ഥിതി​യാ​യി.”

ഭാര്യയെ പോറ്റാ​നാ​വാത്ത സ്ഥിതിക്ക്‌ വിവാ​ഹ​ജീ​വി​ത​ത്തി​ലേക്കു പ്രവേ​ശി​ക്കാൻ ഒരു യഹോ​വ​യു​ടെ സാക്ഷി​യായ ചൂക്‌സിന്‌ ആഗ്രഹ​മി​ല്ലാ​യി​രു​ന്നു. 1 തിമൊ​ഥെ​യൊസ്‌ 5:8-ലുള്ള പൗലോ​സി​ന്റെ ഈ വാക്കുകൾ അവൻ കാര്യ​മാ​യെ​ടു​ത്തു: “തനിക്കു​ള്ള​വർക്കും പ്രത്യേ​കം സ്വന്ത കുടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.”

ചൂക്‌സ്‌ തുടർന്നു പറഞ്ഞു: “ഞാൻ കഠിന​വേല ചെയ്‌തു, എന്നാൽ പണം എന്നും കമ്മിതന്നെ. തത്‌ഫ​ല​മാ​യി, വിവാ​ഹി​ത​നാ​കാ​നുള്ള ഉദ്ദേശ്യം പല പ്രാവ​ശ്യം മാറ്റി​വെ​ക്കേ​ണ്ടി​വന്നു. അവസാനം, തന്നെ വിവാഹം ചെയ്യണ​മെന്നു പറഞ്ഞു മറ്റാരോ തന്റെ പിതാ​വി​നെ സമീപി​ച്ചി​രി​ക്കു​ന്നു എന്നു പറഞ്ഞു​കൊണ്ട്‌ അവൾ എനി​ക്കെ​ഴു​തി. പിതാവു സമ്മതിച്ചു. അവളുടെ കത്തുകി​ട്ടി ഏതാനും ദിവസങ്ങൾ കഴിഞ്ഞ​പ്പോൾ കുടും​ബാം​ഗങ്ങൾ വിവാ​ഹ​മു​റ​പ്പി​ക്കു​ക​യും ചെയ്‌തു.”

ചൂക്‌സി​നെ​പ്പോ​ലെ, വിവാഹ ഉദ്ദേശ്യ​ങ്ങൾ തകർന്നു​ത​രി​പ്പ​ണ​മാ​വു​ക​യോ മോശ​മായ സാമ്പത്തിക അവസ്ഥകൾ നിമിത്തം നീട്ടി​വെ​ക്കു​ക​യോ ചെയ്‌തി​ട്ടുള്ള അനേകം ക്രിസ്‌തീയ പുരു​ഷ​ന്മാ​രുണ്ട്‌. അനേകം രാജ്യ​ങ്ങ​ളിൽ കടുത്ത പണപ്പെ​രു​പ്പ​മുണ്ട്‌. ഉദാഹ​ര​ണ​ത്തിന്‌, ഒരു മധ്യാ​ഫ്രി​ക്കൻ രാജ്യത്ത്‌, ഒറ്റ വർഷത്തി​ലു​ണ്ടായ വിലവർധ​നവ്‌ 8,319 ശതമാ​ന​മാ​യി​രു​ന്നു! ചില രാജ്യ​ങ്ങ​ളിൽ തൊഴിൽ കണ്ടെത്താൻ ബുദ്ധി​മു​ട്ടാണ്‌. വരുമാ​ന​മാ​ണെ​ങ്കി​ലോ, പലപ്പോ​ഴും തീരെ തുച്ഛം. അതു​കൊ​ണ്ടു സ്വന്തം​കാ​ര്യം​തന്നെ നോക്കാൻ വിഷമം, അപ്പോൾപ്പി​ന്നെ ഭാര്യ​യും കുട്ടി​ക​ളും​കൂ​ടി​യാ​യാൽ പറയാ​നു​മില്ല. നൈജീ​രി​യ​യി​ലെ ഒരു യുവാവ്‌ ഇങ്ങനെ വിലപി​ച്ചു, ഫാക്ടറി​യിൽ ഒരു മുഴു​സമയ ജോലി തരപ്പെ​ട്ട​താ​യി​രു​ന്നു, പക്ഷേ മാസശ​മ്പളം കേവലം 17 ഡോളർ—ജോലി​സ്ഥ​ല​ത്തേക്കു പോയി​വ​രാൻ മാസം അതിലും കൂടുതൽ വേണമാ​യി​രു​ന്നു!

പ്രയാ​സ​ക​ര​മാ​യ സാമ്പത്തിക അവസ്ഥകൾ തങ്ങളുടെ വിവാഹ ഉദ്ദേശ്യ​ങ്ങ​ളി​ന്മേൽ നിഴൽ പരത്തു​ക​യാ​ണെന്ന്‌ ഏകാകി​ക​ളായ അനേകം ക്രിസ്‌തീയ സ്‌ത്രീ​ക​ളും കണ്ടെത്തു​ക​യാണ്‌. കുടും​ബാം​ഗ​ങ്ങളെ പോറ്റാൻ പലപ്പോ​ഴും അവർ തൊഴി​ലെ​ടു​ക്കണം. സാഹച​ര്യം മനസ്സി​ലാ​ക്കി ഏകാകി​ക​ളായ ചില പുരു​ഷ​ന്മാർ വിവാ​ഹി​ത​രാ​കാൻ മടികാ​ണി​ക്കു​ന്നു. കാരണം അത്തരം സാഹച​ര്യ​ത്തിൽ വിവാ​ഹി​ത​നാ​കു​ന്നവൻ ഭാര്യയെ മാത്രമല്ല, അവളുടെ കുടും​ബ​ത്തെ​യും പോ​റ്റേ​ണ്ടി​വ​രു​മെന്ന്‌ അവർക്ക്‌ അറിയാം. തന്നെയും അമ്മയെ​യും അനുജ​ന്മാ​രെ​യും അനുജ​ത്തി​മാ​രെ​യും പോറ്റാൻ പാടു​പെ​ടുന്ന ഒരു യൂണി​വേ​ഴ്‌സി​റ്റി ബിരു​ദ​ധാ​രി​ണി​യായ ആയോ ഇങ്ങനെ വിലപി​ക്കു​ന്നു: “വിവാഹം കഴിക്ക​ണ​മെന്ന്‌ എനിക്ക്‌ ആഗ്രഹ​മുണ്ട്‌, പക്ഷേ മറ്റുള്ളവർ വന്ന്‌ എന്റെ പങ്കപ്പാ​ടു​കൾ [സാമ്പത്തിക ഉത്തരവാ​ദി​ത്വ​ങ്ങൾ] കാണു​മ്പോൾ അവർ വിട്ടു​ക​ള​യു​ന്നു.”

സാമ്പത്തിക ബുദ്ധി​മു​ട്ടു​കൾ ഉണ്ടായി​രു​ന്നി​ട്ടും, അവിവാ​ഹി​ത​രായ അനേകം ക്രിസ്‌ത്യാ​നി​കൾക്കു ബന്ധുക്ക​ളിൽനി​ന്നും മറ്റുള്ള​വ​രിൽനി​ന്നും വിവാ​ഹി​ത​രാ​കാ​നും കുട്ടി​ക​ളു​ണ്ടാ​വാ​നു​മുള്ള സമ്മർദ​മുണ്ട്‌. ചില​പ്പോൾ, ഈ സമ്മർദം പരിഹാ​സ​ത്തി​ന്റെ രൂപത്തി​ലാ​വാം. ഉദാഹ​ര​ണ​ത്തിന്‌, ആഫ്രി​ക്ക​യു​ടെ ചില ഭാഗങ്ങ​ളിൽ, പ്രായ​പൂർത്തി​യായ ഒരാളെ അഭിവാ​ദ്യം ചെയ്യു​മ്പോൾ അയാളു​ടെ അല്ലെങ്കിൽ അവളുടെ ഇണയും കുട്ടി​ക​ളും എങ്ങനെ​യി​രി​ക്കു​ന്നു എന്ന്‌ അന്വേ​ഷി​ക്കു​ന്നത്‌ ഒരു ആചാര​രീ​തി​യാണ്‌. ചില​പ്പോൾ അത്തരം അഭിവാ​ദ​നങ്ങൾ അവിവാ​ഹി​തരെ കളിയാ​ക്കാൻ ഉപയോ​ഗി​ക്കു​ന്നു. 50-തിനോ​ട​ടു​ത്തു പ്രായ​മുള്ള ജോൺ പറയുന്നു: “‘ഭാര്യക്ക്‌ എങ്ങനെ​യുണ്ട്‌’ എന്നു ചോദിച്ച്‌ ആളുകൾ എന്നെ കളിയാ​ക്കു​മ്പോൾ, ‘അവൾ വരുന്ന​തേ​യു​ള്ളു’ എന്നു ഞാൻ പറയും, ഭാര്യയെ പോറ്റാ​നാ​വി​ല്ലെ​ങ്കിൽ എനി​ക്കെ​ങ്ങ​നെ​യാ​ണു ഭാര്യയെ ലഭിക്കുക എന്നതാണു സത്യം.”

ജോണി​ന്റെ​യും അദ്ദേഹ​ത്തെ​പ്പോ​ലെ​യുള്ള മറ്റനേ​ക​രു​ടെ​യും സ്ഥിതി​വി​ശേഷം ഈ യൊരൂ​ബാ പഴഞ്ചൊ​ല്ലിൽ സംഗ്ര​ഹി​ക്കാം: “എടുപി​ടീ​ന്നു വിവാ​ഹി​ത​രാ​കു​ന്നത്‌ അത്ര വലിയ കാര്യ​മൊ​ന്നു​മല്ല; ഭക്ഷണത്തി​ന്റെ വിലയാ​ണു പ്രശ്‌നം.”

നിങ്ങളു​ടെ സ്ഥിതി​വി​ശേഷം പരമാ​വധി ഉപയോ​ഗ​പ്പെ​ടു​ത്തുക

ഒരു സംഗതി​ക്കാ​യി വളരെ​യ​ധി​കം ആഗ്രഹി​ച്ചി​ട്ടും ലഭിക്കാ​തെ​വ​രു​മ്പോൾ നാം എത്ര എളുപ്പം ദുഃഖി​ത​രാ​യി​ത്തീ​രു​ന്നു. “സഫലമാ​കാൻ വൈകുന്ന പ്രതീക്ഷ ഹൃദയത്തെ വേദനി​പ്പി​ക്കു​ന്നു,” സുഭാ​ഷി​തങ്ങൾ 13:12 [പി.ഒ.സി. ബൈബിൾ.] പറയുന്നു. വിവാഹം കഴിക്കാൻ അതിയാ​യി ആഗ്രഹി​ച്ചി​ട്ടും സാമ്പത്തി​ക​സ്ഥി​തി നിങ്ങളെ അതിന്‌ അനുവ​ദി​ക്കു​ന്നി​ല്ലെ​ങ്കിൽ, ഒരുപക്ഷേ നിങ്ങൾക്ക്‌ അങ്ങനെ തോന്നു​ന്നു​ണ്ടാ​വും. “വികാ​ര​ത്താൽ ജ്വലി​ക്കുന്ന”വരെന്ന്‌ അപ്പോ​സ്‌ത​ല​നായ പൗലോസ്‌ വർണി​ച്ച​വ​രിൽ ഉൾപ്പെ​ട്ട​വ​നാ​ണു നിങ്ങ​ളെ​ങ്കിൽ ഇതു വിശേ​ഷാൽ സത്യമാ​യി​രു​ന്നേ​ക്കാം.—1 കൊരി​ന്ത്യർ 7:9, NW.

പ്രശ്‌ന​ങ്ങ​ളെ മറിക​ട​ക്കു​ന്നത്‌ എളുപ്പ​മ​ല്ലാ​യി​രി​ക്കാം, എന്നാൽ സഹിച്ചു​നിൽക്കാ​നും നിങ്ങളു​ടെ സാഹച​ര്യ​ത്തിൽ സന്തുഷ്ടി കണ്ടെത്താ​നും​പോ​ലും നിങ്ങൾക്കു ചെയ്യാ​നാ​വുന്ന സംഗതി​ക​ളുണ്ട്‌. അവിവാ​ഹി​ത​നായ യേശു​ക്രി​സ്‌തു ഒരു പ്രാ​യോ​ഗിക ബൈബിൾത​ത്ത്വം വെച്ചി​ട്ടുണ്ട്‌. സഫലമാ​കാൻ വൈകുന്ന പ്രതീക്ഷ നിമി​ത്ത​മുള്ള നിരാ​ശയെ മറിക​ട​ക്കാൻ അതു നിങ്ങളെ സഹായി​ക്കും. അവൻ പറഞ്ഞു: “സ്വീക​രി​ക്കു​ന്ന​തിൽ ഉള്ളതി​നെ​ക്കാൾ സന്തോഷം കൊടു​ക്കു​ന്ന​തി​ലുണ്ട്‌.”—പ്രവൃ​ത്തി​കൾ 20:35, NW.

നിങ്ങളു​ടെ കുടും​ബ​ത്തി​നും സഭയിലെ മറ്റുള്ള​വർക്കും​വേണ്ടി നല്ല സംഗതി​കൾ ചെയ്‌തു​കൊ​ടു​ത്തു​കൊണ്ട്‌ നിങ്ങൾക്കി​തു ബാധക​മാ​ക്കാൻ കഴിയും. ഒരുപക്ഷേ, നിങ്ങൾക്കു ക്രിസ്‌തീയ ശുശ്രൂ​ഷ​യിൽ നിങ്ങളു​ടെ പ്രവർത്തനം വർധി​പ്പി​ക്കാ​നു​മാ​വും. നിസ്വാർഥ​മായ കൊടു​ക്ക​ലിൽ നിങ്ങൾ പൂർണ​മാ​യി മുഴു​കു​ന്നു​വെ​ങ്കിൽ, നിങ്ങൾ ‘നിങ്ങളു​ടെ ഇഷ്ടം നടത്തു​വാൻ അധികാ​ര​മു​ള്ള​വ​നും ഹൃദയ​ത്തിൽ സ്ഥിരത​യു​ള്ള​വനു’മായി​ത്തീ​രു​ന്നു​വെന്നു നിങ്ങൾ കണ്ടെത്തും.—1 കൊരി​ന്ത്യർ 7:37.

മറ്റൊരു അവിവാ​ഹി​ത​നായ പൗലോസ്‌ അപ്പോ​സ്‌തലൻ സഹായ​ക​മായ ഈ ഉപദേശം എഴുതി: “സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ. ഇതു ദുഷ്‌കാ​ല​മാ​ക​യാൽ സമയം തക്കത്തിൽ ഉപയോ​ഗി​ച്ചു​കൊൾവിൻ.” (എഫെസ്യർ 5:15, 16) അവിവാ​ഹി​ത​രായ അനേകം ക്രിസ്‌ത്യാ​നി​കൾ പ്രാർഥന, ദൈവ​വ​ച​ന​ത്തി​ന്റെ പഠനം, ക്രിസ്‌തീയ യോഗ​ങ്ങ​ളി​ലെ പങ്കുപറ്റൽ എന്നിവ​യി​ലൂ​ടെ യഹോ​വ​യു​മാ​യി കൂടുതൽ അടുക്കാൻ തങ്ങളുടെ സമയം ഉപയോ​ഗി​ച്ചു​കൊണ്ട്‌ ‘തങ്ങളുടെ ആത്മാക്കൾക്കു ആശ്വാസം’ കണ്ടെത്തി​യി​രി​ക്കു​ന്നു. (മത്തായി 11:28-30) നിങ്ങൾ ഇതു ചെയ്യു​ന്നെ​ങ്കിൽ, പ്രയാ​സ​ക​ര​മായ സാമ്പത്തിക സ്ഥിതി​വി​ശേ​ഷ​ങ്ങളെ കൂടുതൽ വിജയ​ക​ര​മാ​യി നേരി​ടാൻ നിങ്ങൾ പ്രാപ്‌ത​രാ​യി​ത്തീ​രും. അതു കൂടുതൽ ആത്മീയത പ്രകട​മാ​ക്കാ​നും നിങ്ങളെ സഹായി​ക്കും. അവസാനം നിങ്ങൾ വിവാഹം ചെയ്യു​ന്നു​വെ​ന്നു​ത​ന്നെ​യി​രി​ക്കട്ടെ, അപ്പോൾ അതു നിങ്ങളെ മെച്ചപ്പെട്ട ഭർത്താ​വോ ഭാര്യ​യോ ആക്കിത്തീർക്കു​ക​യും ചെയ്യും.

തന്നെ സ്‌നേ​ഹി​ക്കുന്ന എല്ലാവർക്കും​വേണ്ടി യഹോവ കരുതു​ന്നു​വെന്ന കാര്യം ഒരിക്ക​ലും വിസ്‌മ​രി​ക്ക​രുത്‌. നിങ്ങൾ അനുഭ​വി​ക്കുന്ന പ്രശ്‌ന​ങ്ങ​ളെ​യും പ്രയാ​സ​ങ്ങ​ളെ​യും​കു​റിച്ച്‌ അവൻ ബോധ​വാ​നാണ്‌. ദീർഘ​കാ​ലാ​ടി​സ്ഥാ​ന​ത്തിൽ ആത്മീയ​മാ​യും വൈകാ​രി​ക​മാ​യും നിങ്ങൾക്ക്‌ ഏറ്റവും നല്ലത്‌ എന്താ​ണെന്നു നമ്മുടെ സ്‌നേ​ഹ​വാ​നായ സ്വർഗീയ പിതാ​വിന്‌ അറിയാം. നിങ്ങളു​ടെ അനുദിന ജീവി​ത​ത്തിൽ അവന്റെ വചനത്തി​ലെ തത്ത്വങ്ങൾ ക്ഷമാപൂർവം ബാധക​മാ​ക്കു​ന്നെ​ങ്കിൽ, അവൻ തക്കസമ​യത്ത്‌ ആശ്വാസം കൈവ​രു​ത്തു​മെ​ന്നും നിങ്ങൾക്കു ശാശ്വത പ്രയോ​ജനം ലഭിക്കുന്ന വിധത്തിൽ നിങ്ങളു​ടെ ആവശ്യ​ങ്ങ​ളും ആഗ്രഹ​ങ്ങ​ളും നിറ​വേ​റ്റു​മെ​ന്നും നിങ്ങൾക്ക്‌ ഉറപ്പു​ള്ള​വ​രാ​യി​രി​ക്കാ​നാ​വും. ‘നേരോ​ടെ നടക്കു​ന്ന​വർക്കു യഹോവ ഒരു നന്മയും മുടക്കു​ക​യില്ല,’ ബൈബിൾ ഉറപ്പു​നൽകു​ന്നു.—സങ്കീർത്തനം 84:11.

സംഗതി​ക​ളു​ടെ ഗുണക​ര​മായ വശത്തു നോക്കുക

ഏകാകി​യാ​യി​രി​ക്കു​ന്ന​തി​നാൽ വ്യക്തമായ പ്രയോ​ജ​ന​ങ്ങ​ളു​ണ്ടെന്ന കാര്യ​വും മനസ്സിൽപ്പി​ടി​ക്കുക. അപ്പോ​സ്‌ത​ല​നായ പൗലോസ്‌ എഴുതി: “. . . തന്റെ കന്യകാ​ത്വം വിവാ​ഹ​ത്തിൽ സമർപ്പി​ക്കു​ന്നവൻ നന്നായി പ്രവർത്തി​ക്കു​ന്നു, എന്നാൽ അതു വിവാ​ഹ​ത്തിൽ സമർപ്പി​ക്കാ​ത്തവൻ അതിലും നന്നായി പ്രവർത്തി​ക്കു​ന്നു.”—1 കൊരി​ന്ത്യർ 7:38, NW.

ഏകാകി​ത്വം വിവാ​ഹ​ത്തെ​ക്കാൾ ‘നല്ല’തായി​രി​ക്കു​ന്ന​തെ​ന്തു​കൊണ്ട്‌? പൗലോസ്‌ വിശദീ​ക​രി​ച്ചു: “വിവാഹം ചെയ്യാ​ത്തവൻ കർത്താ​വി​നെ എങ്ങനെ പ്രസാ​ദി​പ്പി​ക്കും എന്നു​വെച്ചു കർത്താ​വി​ന്നു​ള്ളതു ചിന്തി​ക്കു​ന്നു; വിവാഹം ചെയ്‌തവൻ ഭാര്യയെ എങ്ങനെ പ്രസാ​ദി​പ്പി​ക്കും എന്നു​വെച്ചു ലോക​ത്തി​ന്നു​ള്ളതു ചിന്തി​ക്കു​ന്നു. അതു​പോ​ലെ ഭാര്യ​യാ​യ​വൾക്കും കന്യ​കെ​ക്കും തമ്മിൽ വ്യത്യാ​സം ഉണ്ടു. വിവാഹം കഴിയാ​ത്തവൾ ശരീര​ത്തി​ലും ആത്മാവി​ലും വിശു​ദ്ധ​യാ​കേ​ണ്ട​തി​ന്നു കർത്താ​വി​ന്നു​ള്ളതു ചിന്തി​ക്കു​ന്നു; വിവാഹം കഴിഞ്ഞവൾ ഭർത്താ​വി​നെ എങ്ങനെ പ്രസാ​ദി​പ്പി​ക്കും എന്നു​വെച്ചു ലോക​ത്തി​ന്നു​ള്ളതു ചിന്തി​ക്കു​ന്നു.”—1 കൊരി​ന്ത്യർ 7:32-34.

മറ്റു വാക്കു​ക​ളിൽ പറഞ്ഞാൽ, വിവാ​ഹിത ക്രിസ്‌ത്യാ​നി​കൾ തങ്ങളുടെ ഇണകളു​ടെ ആവശ്യ​ങ്ങ​ളും ഇഷ്ടാനി​ഷ്ട​ങ്ങ​ളും സംബന്ധിച്ച്‌ ഉചിത​മാ​യി വ്യാപൃ​ത​രാ​യി​ത്തീ​രു​ന്നു. എന്നാൽ കൂടു​ത​ലായ ഏകാ​ഗ്ര​ത​യോ​ടെ യഹോ​വ​യു​ടെ സേവന​ത്തിൽ ശ്രദ്ധ കേന്ദ്രീ​ക​രി​ക്കാൻ ഏകാകി​ക​ളായ ക്രിസ്‌ത്യാ​നി​കൾക്കു സാധി​ക്കു​ന്നു. വിവാ​ഹി​ത​രു​മാ​യി താരത​മ്യം ചെയ്യു​മ്പോൾ, ഏകാകി​ക​ളായ ക്രിസ്‌ത്യാ​നി​കൾ “ചാപല്യം​കൂ​ടാ​തെ കർത്താ​വി​ങ്കൽ സ്ഥിരമാ​യ്‌വസി”ക്കുന്നതിന്‌ ഏറെ മെച്ചപ്പെട്ട സ്ഥാനത്താണ്‌.—1 കൊരി​ന്ത്യർ 7:35.

ഏകാകി​യാ​യ ക്രിസ്‌ത്യാ​നി​ക്കു ശ്രദ്ധാ​ശൈ​ഥി​ല്യ​ങ്ങ​ളി​ല്ലെന്നു പറയു​കയല്ല പൗലോസ്‌. നിങ്ങൾ സാമ്പത്തിക പ്രശ്‌ന​ങ്ങ​ളാൽ ഭാര​പ്പെ​ടു​ന്നെ​ങ്കിൽ, ശുശ്രൂ​ഷ​യിൽനി​ന്നു നിങ്ങളു​ടെ ശ്രദ്ധ പതറി​ക്കാൻ സാധ്യ​ത​യുള്ള അനേകം സംഗതി​ക​ളു​ണ്ടെന്നു നിങ്ങൾക്കു തോന്നി​യേ​ക്കാം. എന്നിരു​ന്നാ​ലും, ദൈവത്തെ സേവി​ക്കു​ന്ന​തി​നുള്ള വ്യക്തി​പ​ര​മായ സ്വാത​ന്ത്ര്യം സാധാ​ര​ണ​മാ​യി കൂടു​ത​ലു​ള്ളത്‌ അവിവാ​ഹിത പുരു​ഷ​നോ സ്‌ത്രീ​ക്കോ ആണ്‌.

ഏകാകി​ത്വം മെച്ചപ്പെട്ട ഗതിയാ​യി ശുപാർശ ചെയ്യവേ, വിവാഹം കഴിക്കു​ന്നതു തെറ്റാ​ണെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞില്ല. അവൻ എഴുതി: “നീ വിവാഹം ചെയ്‌താ​ലും ദോഷ​മില്ല.” എന്നാൽ അവൻ ഇങ്ങനെ മുന്നറി​യി​പ്പു നൽകി: “ഇങ്ങനെ​യുള്ള[വിവാഹം കഴിക്കുന്ന]വർക്കു ജഡത്തിൽ കഷ്ടത ഉണ്ടാകും.”—1 കൊരി​ന്ത്യർ 7:28.

അതിനാൽ അവൻ എന്താണ്‌ അർഥമാ​ക്കി​യത്‌? വിവാഹം ചില ഉത്‌ക​ണ്‌ഠ​കൾക്കി​ട​യാ​ക്കു​ന്നു. സാമ്പത്തിക ഞെരു​ക്ക​സ​മ​യ​ങ്ങ​ളിൽ, ഭാര്യ​യ്‌ക്കും കുട്ടി​കൾക്കും​വേണ്ടി കരുതു​ന്നതു സംബന്ധിച്ച ഒരു പിതാ​വി​ന്റെ ഉത്‌കണ്‌ഠ അത്തര​മൊ​രു കഷ്ടതയാണ്‌. രോഗ​ങ്ങ​ളും കുടും​ബ​ത്തി​ന്റെ സാമ്പത്തി​ക​വും വൈകാ​രി​ക​വു​മായ ഭാരങ്ങൾ കൂട്ടി​യേ​ക്കാം.

നിങ്ങൾ ഇഷ്ടപ്പെ​ടാത്ത സാഹച​ര്യ​മാ​ണു നിങ്ങൾക്കു​ള്ള​തെ​ങ്കി​ലും, വിവാഹം കഴിച്ച്‌ കുട്ടി​കളെ നോ​ക്കേ​ണ്ടുന്ന അവസ്ഥയിൽ ആയിരി​ക്കു​ന്ന​തി​നെ​ക്കാൾ മെച്ചപ്പെട്ട ഒരു സ്ഥാനത്താ​യി​രി​ക്കാം നിങ്ങൾ. ഇപ്പോൾ അഭിമു​ഖീ​ക​രി​ക്കുന്ന വിഷമ​തകൾ താത്‌കാ​ലി​ക​മാണ്‌; ദൈവ​ത്തി​ന്റെ പുതിയ വ്യവസ്ഥി​തി​യിൽ അവയെ​ല്ലാം നീക്കം ചെയ്യ​പ്പെ​ടും—ഒരുപക്ഷേ, അവയിൽ ചിലതു കുറേ​ക്കൂ​ടെ നേര​ത്തെ​യാ​യി​ക്കൂ​ടെ​ന്നു​മില്ല.—താരത​മ്യം ചെയ്യുക: സങ്കീർത്തനം 145:16.

നിങ്ങൾക്കു നിങ്ങളു​ടെ ശുശ്രൂഷ വിപു​ലീ​ക​രി​ക്കാ​നാ​വു​മോ?

സകലർക്കും അങ്ങനെ ചെയ്യാ​നൊ​ക്കി​ല്ലെ​ങ്കി​ലും, സാമ്പത്തിക ബുദ്ധി​മു​ട്ടു​ക​ളി​ലും ചിലർക്കു മുഴു​സമയ സേവന​ത്തിൽ പ്രവേ​ശി​ക്കാൻ സാധി​ച്ചി​ട്ടുണ്ട്‌. നേരത്തെ സൂചി​പ്പിച്ച ചൂക്‌സ്‌ സ്റ്റേഷനറി സാധനങ്ങൾ വാങ്ങി വിൽപ്പന നടത്തി​ക്കൊ​ണ്ടു കുടും​ബം പോറ്റി. അവന്റെ വിവാഹം നടക്കാ​തെ​പോയ സമയത്തു​തന്നെ, വാച്ച്‌ടവർ സൊ​സൈ​റ്റി​യു​ടെ പ്രാ​ദേ​ശിക ബ്രാഞ്ച്‌ ഓഫീ​സിൽ താത്‌കാ​ലിക നിർമാ​ണ​വേ​ല​യിൽ ചേരാൻ ക്ഷണിച്ചു​കൊ​ണ്ടുള്ള ഒരു കത്ത്‌ അവനു ലഭിച്ചു. പണത്തിന്റെ കാര്യ​മോർത്തി​ട്ടാ​വാം, ജ്യേഷ്‌ഠൻ അവന്റെ പോക്കി​നെ നിരു​ത്സാ​ഹ​പ്പെ​ടു​ത്തി. എന്നിരു​ന്നാ​ലും, ചൂക്‌സ്‌ യുക്തമാ​യി ചിന്തിച്ചു, സ്റ്റേഷനറി ബിസി​നസ്സ്‌ നടത്താൻ യഹോവ തന്നെ സഹായി​ച്ച​ല്ലോ, അതിനാൽ താൻ രാജ്യ​താ​ത്‌പ​ര്യ​ങ്ങൾ ഒന്നാമതു വെക്കു​ക​യും ദൈവ​ത്തി​ന്റെ സഹായി​ക്കാ​നുള്ള കഴിവിൽ ആശ്രയി​ക്കു​ക​യും വേണം. (മത്തായി 6:25-34) മാത്ര​വു​മല്ല, അവൻ വിചാ​രി​ച്ചു, കേവലം മൂന്നു മാസ​ത്തേ​ക്കല്ലേ.

ക്ഷണം സ്വീക​രിച്ച ചൂക്‌സ്‌ തന്റെ ബിസി​നസ്സ്‌ സഹോ​ദ​രനെ ഏൽപ്പിച്ചു. ആറു വർഷം പിന്നിട്ടു, ഇപ്പോ​ഴും മുഴു​സമയ ശുശ്രൂ​ഷ​ക​നായ ചൂക്‌സ്‌ ക്രിസ്‌തീയ സഭയിൽ ഒരു മൂപ്പനാണ്‌. വിവാ​ഹ​ത്തി​നുള്ള സാമ്പത്തിക ഭദ്രത കൈവ​രി​ച്ചു. സംഭവ​വി​കാ​സങ്ങൾ അരങ്ങേ​റിയ വിധത്തിൽ അവനു ദുഃഖ​മു​ണ്ടോ? ചൂക്‌സ്‌ പറയുന്നു: “ആഗ്രഹിച്ച സമയത്തു വിവാഹം നടക്കാ​ഞ്ഞ​തിൽ എനിക്കു നിരാ​ശ​യു​ണ്ടാ​യി​രു​ന്നു. എന്നാൽ ഏറ്റവും​നല്ല മെച്ചങ്ങളേ എനിക്ക്‌ അതു​കൊ​ണ്ടു​ണ്ടാ​യി​ട്ടു​ള്ളു. എനിക്ക്‌ ആസ്വദി​ക്കാ​റായ അനേകം സേവന പദവി​ക​ളും അതിലെ സന്തോ​ഷ​വും വിവാഹം കഴിച്ച്‌ ഒരു കുടും​ബം ഉണ്ടായി​രു​ന്നെ​ങ്കിൽ എനിക്ക്‌ ആസ്വദി​ക്കാ​നാ​വു​മാ​യി​രു​ന്നില്ല.”

ഭാവി​യി​ലേ​ക്കുള്ള സുരക്ഷി​ത​ത്വം

ഭാവി​യി​ലെ സാമ്പത്തിക ബുദ്ധി​മു​ട്ടു​ക​ളിൽനി​ന്നുള്ള ഒരു സംരക്ഷണം എന്നനി​ല​യിൽ അനേക​രും പ്രയാസ സമയങ്ങ​ളിൽ വിവാ​ഹ​ത്തി​ലൂ​ടെ​യുള്ള സുരക്ഷി​ത​ത്വം തേടുന്നു. കടത്തിൽ മുങ്ങിയ ചില രാജ്യ​ങ്ങ​ളിൽ പ്രായ​മാ​യ​വർക്ക്‌ അല്‌പ​മാ​ത്ര​മായ സഹായ​മേ​യു​ള്ളു, അല്ലെങ്കിൽ അതൊ​ട്ടും​ത​ന്നെ​യില്ല. അതു​കൊണ്ട്‌, വാർധ​ക്യ​ത്തിൽ തങ്ങളെ പോറ്റു​ന്ന​തി​നു മാതാ​പി​താ​ക്കൾ തങ്ങളുടെ കുടും​ബ​ങ്ങളെ, വിശേ​ഷി​ച്ചും തങ്ങളുടെ കുട്ടി​കളെ, ആശ്രയി​ക്കു​ന്നു. തത്‌ഫ​ല​മാ​യി, സാമ്പത്തിക അനിശ്ചി​താ​വസ്ഥ ഉള്ളപ്പോൾപ്പോ​ലും, ഏകാകി​ക​ളായ സ്‌ത്രീ​പു​രു​ഷ​ന്മാർ വിവാഹം ചെയ്യാ​നും കുട്ടി​ക​ളു​ണ്ടാ​വാ​നു​മുള്ള സമ്മർദ​മ​നു​ഭ​വി​ക്കു​ന്നു.

പക്ഷേ വിവാ​ഹ​വും കുട്ടി​ക​ളു​ണ്ടാ​ക​ലും സുരക്ഷി​ത​ത്വം ഉറപ്പു​നൽകു​ന്നില്ല. ലോക​ക്കാ​രായ ചില മക്കൾ വൃദ്ധരായ മാതാ​പി​താ​ക്കളെ നോക്കാൻ കൂട്ടാ​ക്കു​ന്നില്ല, മറ്റുള്ള​വർക്ക്‌ അതിനുള്ള കഴിവില്ല, വേറെ ചിലരാ​ണെ​ങ്കിൽ മാതാ​പി​താ​ക്കൾക്കു​മു​മ്പേ മരിക്കു​ന്നു. ക്രിസ്‌ത്യാ​നി​കൾ സുരക്ഷി​ത​ത്വ​ത്തി​നു​വേണ്ടി നോക്കു​ന്നതു വേറൊ​രി​ട​ത്താണ്‌, അവർ ദൈവ​ത്തി​ന്റെ വാഗ്‌ദാ​നത്തെ കാര്യ​മാ​യി​ട്ടെ​ടു​ക്കു​ന്നു: “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല.”—എബ്രായർ 13:5.

യഹോ​വ​യെ മുഴു​സ​മയം സേവി​ക്കാൻവേണ്ടി വിവാഹം നീട്ടി​വെ​ച്ചവർ ഉപേക്ഷി​ക്ക​പ്പെ​ട്ടി​ട്ടില്ല. 32 വയസ്സുള്ള ക്രിസ്യാ​ന ഏകാകി​യാണ്‌. കഴിഞ്ഞ ഒമ്പതു വർഷമാ​യി നൈജീ​രി​യ​യിൽ അവൾ ഒരു നിരന്തര പയനി​യ​റാ​യി സേവി​ക്കു​ന്നു. അവൾ പറയുന്നു: “തന്റെ ദാസന്മാ​രെ ഒരിക്ക​ലും ഉപേക്ഷി​ക്കി​ല്ലെന്നു നമുക്ക്‌ ഉറപ്പു​നൽകുന്ന യഹോ​വ​യിൽ ഞാൻ ആശ്രയം വെച്ചു. അവന്റെ വാഗ്‌ദാ​ന​മാണ്‌ എന്റെ ധൈര്യം. യഹോവ ആത്മീയ​മാ​യും ഭൗതി​ക​മാ​യും എന്നെ പരിപാ​ലി​ക്കു​ന്നു. ഒരു ഔദാ​ര്യ​മാ​ന​സ​നായ പിതാ​വാ​ണെന്ന്‌ അവൻ തെളി​യി​ച്ചി​രി​ക്കു​ന്നു. ഉദാഹ​ര​ണ​ത്തിന്‌, സാക്ഷി​കളെ വാസ്‌ത​വ​ത്തിൽ ആവശ്യ​മാ​യി​രുന്ന ഒരു പ്രദേ​ശത്തു പയനി​യ​റിങ്‌ ചെയ്യാ​നാ​യി ഞാൻ മാറി​ത്താ​മ​സി​ച്ചു. സുഖസൗ​ക​ര്യ​ങ്ങൾ തീരെ കുറവാ​യി​രു​ന്നെ​ങ്കി​ലും, അതുമാ​യി പൊരുത്തപ്പെട്ടുപോകാൻ ഞാൻ പഠിച്ചു. ഞാൻ ടൈ​ഫോ​യ്‌ഡ്‌ പിടി​പെട്ട്‌ ആശുപ​ത്രി​യി​ലാ​യി​രു​ന്ന​പ്പോൾ, എന്റെ മുൻസ​ഭ​യി​ലെ സഹോ​ദ​രങ്ങൾ എന്റെ സഹായ​ത്തി​നാ​യി പാഞ്ഞെത്തി.

“മുഴു​സമയ സേവന​ത്തിൽ എനിക്ക്‌ അതിയായ സംതൃ​പ്‌തി​യുണ്ട്‌. അഖിലാ​ണ്ഡ​ത്തി​ന്റെ സ്രഷ്ടാ​വി​നോ​ടും ലോക​മെ​മ്പാ​ടു​മുള്ള അനേകം സഹോ​ദ​രീ​സ​ഹോ​ദ​ര​ന്മാ​രോ​ടു​മൊ​പ്പം വേല ചെയ്യു​ന്നത്‌ ഒരു മഹത്തായ പദവി​യാ​യി ഞാൻ കാണുന്നു. തങ്ങൾക്കു ചുറ്റും സംഭവി​ച്ചു​കൊ​ണ്ടി​രി​ക്കുന്ന സംഗതി​ക​ളിൽ അസ്വസ്ഥ​ത​യും നിരാ​ശ​യു​മുള്ള അനേകം യുവജ​ന​ങ്ങളെ ഞാൻ കാണുന്നു. എന്നെ സംബന്ധി​ച്ചു പറയു​ക​യാ​ണെ​ങ്കിൽ, എന്റെ ജീവി​ത​ത്തിന്‌ അർഥമുണ്ട്‌; ഞാൻ ആത്മവി​ശ്വാ​സ​ത്തോ​ടെ ഭാവി​യി​ലേക്കു നോക്കു​ന്നു. യഹോ​വ​യോട്‌ അടുത്തു​നിൽക്കു​ന്ന​താണ്‌ നാം ഇന്ന്‌ അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്കുള്ള ഏറ്റവും നല്ല പരിഹാ​ര​മെന്ന്‌ എനിക്ക​റി​യാം.”

അതിയായ ആഗ്രഹ​മു​ണ്ടാ​യി​ട്ടും, സാമ്പത്തിക ബുദ്ധി​മു​ട്ടു​കൾനി​മി​ത്തം വിവാഹം കഴിക്കാ​നാ​വാത്ത സ്ഥിതി​യി​ലാ​ണു നിങ്ങ​ളെ​ങ്കിൽ, ധൈര്യ​മാ​യി​രി​ക്കുക! നിങ്ങൾ തനിച്ചല്ല. യഹോ​വ​യു​ടെ സഹായ​ത്താൽ അതു​പോ​ലുള്ള പരി​ശോ​ധ​നകൾ സഹിച്ചു​നിൽക്കുന്ന അനേക​മാ​ളു​ക​ളുണ്ട്‌. മറ്റുള്ള​വർക്കു നന്മ ചെയ്യു​ന്ന​തി​നു നിങ്ങ​ളെ​ത്തന്നെ വിട്ടു​കൊ​ടു​ത്തു​കൊ​ണ്ടും നിങ്ങളു​ടെ ആത്മീയത മെച്ച​പ്പെ​ടു​ത്തി​ക്കൊ​ണ്ടും നിങ്ങളു​ടെ സാഹച​ര്യ​ത്തെ പരമാ​വധി ഉപയോ​ഗ​പ്പെ​ടു​ത്തുക. ദൈവ​ത്തോട്‌ അടുത്തു​ചെ​ല്ലുക; അവൻ നിങ്ങൾക്കു​വേണ്ടി വാസ്‌ത​വ​ത്തിൽ കരുതു​ന്ന​തു​കൊണ്ട്‌ അവൻ നിങ്ങളെ സഹായി​ക്കും.—1 പത്രൊസ്‌ 5:7.