ആദിമ ദൈവ​ദാ​സർക്കി​ട​യിൽ സ്‌ത്രീ​കൾക്കു​ണ്ടാ​യി​രുന്ന മാന്യ​മായ സ്ഥാനം

“യഹോ​വ​യാം ദൈവം തുടർന്നു പറഞ്ഞു: ‘മനുഷ്യൻ തനിയെ തുടരു​ന്നത്‌ അവനു നന്നല്ല. ഞാൻ അവനു​വേണ്ടി അവന്റെ പൂരക​മെ​ന്ന​നി​ല​യിൽ ഒരു സഹായി​യെ നിർമി​ക്കാൻ പോവു​ക​യാണ്‌.’”—ഉൽപ്പത്തി 2:18, NW.

1. പുരാതന നാളു​ക​ളി​ലെ സ്‌ത്രീ​ക​ളു​ടെ അവസ്ഥ​യെ​പ്പറ്റി ഒരു ബൈബിൾ നിഘണ്ടു വർണി​ക്കു​ന്നത്‌ എങ്ങനെ?

“ആധുനിക പാശ്ചാത്യ സമുദാ​യ​ത്തിൽ സ്‌ത്രീ​കൾ ആസ്വദി​ക്കുന്ന സ്വാത​ന്ത്ര്യം പുരാതന മെഡി​റ്റ​റേ​നി​യൻ ദേശങ്ങ​ളി​ലോ മധ്യപൂർവ ദേശങ്ങ​ളി​ലോ എങ്ങുമി​ല്ലാ​യി​രു​ന്നു. അടിമകൾ സ്വത​ന്ത്രർക്കും, ചെറു​പ്പ​ക്കാർ പ്രായ​മാ​യ​വർക്കും കീഴ്‌പെ​ട്ടി​രു​ന്ന​തു​പോ​ലെ സ്‌ത്രീ​കൾ പുരു​ഷൻമാർക്കു കീഴ്‌പെ​ട്ടി​രി​ക്ക​ണ​മാ​യി​രു​ന്നു. . . . ആൺകു​ട്ടി​കൾ പെൺകു​ട്ടി​ക​ളെ​ക്കാൾ അത്യന്തം ഗണ്യമാ​യി കരുത​പ്പെട്ടു, ചില​പ്പോ​ഴെ​ല്ലാം കഠിന​മായ കാലാ​വ​സ്ഥ​യിൽ സംരക്ഷ​ണ​മേ​കാ​തെ തുറസ്സായ സ്ഥലങ്ങളിൽകി​ടന്നു മരി​ക്കേ​ണ്ട​തി​നു പെൺകു​ട്ടി​കളെ ഉപേക്ഷി​ക്കു​മാ​യി​രു​ന്നു.” പുരാതന നാളു​ക​ളി​ലെ സ്‌ത്രീ​ക​ളു​ടെ അവസ്ഥ​യെ​പ്പറ്റി ഒരു ബൈബിൾ നിഘണ്ടു വർണി​ക്കു​ന്നത്‌ അപ്രകാ​ര​മാണ്‌.

2, 3. (എ) ഒരു റിപ്പോർട്ടു പറയു​ന്ന​പ്ര​കാ​രം ഇന്നത്തെ അനേകം സ്‌ത്രീ​ക​ളു​ടെ​യും സ്ഥിതി എന്താണ്‌? (ബി) എന്തു ചോദ്യ​ങ്ങ​ളാണ്‌ ഉയർന്നു​വ​രു​ന്നത്‌?

² ലോക​ത്തി​ന്റെ പലഭാ​ഗ​ത്തും ഇന്നു സ്ഥിതി​ഗ​തി​കൾ അത്ര മെച്ച​മൊ​ന്നു​മല്ല. 1994-ൽ ആദ്യമാ​യി യു.എസ്സ്‌. സ്റ്റേറ്റ്‌ ഡിപ്പാർട്ടു​മെൻറി​ന്റെ മനുഷ്യാ​വ​കാ​ശ​ങ്ങ​ളെ​പ്പ​റ്റി​യുള്ള ഒരു റിപ്പോർട്ട്‌ സ്‌ത്രീ​ക​ളോ​ടുള്ള പെരു​മാ​റ്റ​രീ​തി​യിൽ ശ്രദ്ധ​കേ​ന്ദ്രീ​ക​രി​ച്ചു. ആ റിപ്പോർട്ടി​നെ​പ്പറ്റി അഭി​പ്രാ​യ​പ്പെ​ട്ടു​കൊ​ണ്ടു ന്യൂ​യോർക്ക്‌ ടൈം​സി​ലെ ഒരു തലക്കെട്ട്‌ ഇങ്ങനെ പ്രസ്‌താ​വി​ക്കു​ന്നു: “അനുദി​ന​മുള്ള വിവേചന നിലനിൽക്കുന്ന ഒരു യാഥാർഥ്യ​മാ​ണെന്ന്‌ 193 രാജ്യ​ങ്ങ​ളെ​ക്കു​റി​ച്ചുള്ള വിശദാം​ശങ്ങൾ കാണി​ക്കു​ന്നു.”

³ ഭൂവ്യാ​പ​ക​മാ​യി വ്യത്യസ്‌ത സാംസ്‌കാ​രിക പശ്ചാത്ത​ല​ത്തിൽനി​ന്നുള്ള ധാരാളം സ്‌ത്രീ​കൾ യഹോ​വ​യു​ടെ ജനത്തിന്റെ സഭക​ളോ​ടൊ​പ്പം സഹവസി​ക്കു​ന്ന​തു​കൊ​ണ്ടു ചില ചോദ്യ​ങ്ങൾ ഉയർന്നു​വ​രു​ന്നു: ഇപ്പോൾ വിവരിച്ച തരത്തി​ലുള്ള പെരു​മാ​റ്റ​മാ​ണോ ദൈവം സ്‌ത്രീ​ക​ളു​ടെ കാര്യ​ത്തിൽ ആരംഭ​ത്തിൽ ഉദ്ദേശി​ച്ചി​രു​ന്നത്‌? ബൈബിൾ കാലങ്ങ​ളിൽ യഹോ​വ​യു​ടെ ആരാധ​ക​രു​ടെ ഇടയിൽ സ്‌ത്രീ​ക​ളോട്‌ എങ്ങനെ​യാണ്‌ ഇടപെ​ട്ടി​രു​ന്നത്‌? ഇന്നു സ്‌ത്രീ​ക​ളോട്‌ എങ്ങനെ ഇടപെ​ടണം?

“ഒരു സഹായി”യും “ഒരു പൂരക”വും

4. ആദ്യമ​നു​ഷ്യൻ ഏദെൻതോ​ട്ട​ത്തിൽ കുറച്ചു​നാൾ ഏകനായി കഴിഞ്ഞ​ശേഷം യഹോവ എന്താണു നിരീ​ക്ഷി​ച്ചത്‌, അപ്പോൾ ദൈവം എന്തു​ചെ​യ്‌തു?

⁴ ആദാം ഏദെൻതോ​ട്ട​ത്തിൽ കുറച്ചു​നാൾ ഏകനായി കഴിഞ്ഞ​ശേഷം യഹോവ ഇങ്ങനെ പറഞ്ഞു: “മനുഷ്യൻ തനിയെ തുടരു​ന്നത്‌ അവനു നന്നല്ല. ഞാൻ അവനു​വേണ്ടി അവന്റെ പൂരക​മെ​ന്ന​നി​ല​യിൽ ഒരു സഹായി​യെ നിർമി​ക്കാൻ പോവു​ക​യാണ്‌.” (ഉൽപ്പത്തി 2:18, NW) ആദാം ഒരു പൂർണ പുരു​ഷ​നാ​യി​രു​ന്നെ​ങ്കി​ലും സ്രഷ്‌ടാ​വി​ന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തി​നു വേറൊ​രു സംഗതി കൂടി ആവശ്യ​മാ​യി​രു​ന്നു. ആ ആവശ്യം നിറ​വേ​റ്റു​ന്ന​തി​നു യഹോവ സ്‌ത്രീ​യെ സൃഷ്ടി​ക്കു​ക​യും ഒന്നാമത്തെ വിവാഹം നടത്തു​ക​യും ചെയ്‌തു.—ഉല്‌പത്തി 2:21-24.

5. (എ) “സഹായി” എന്നു ഭാഷാ​ന്തരം ചെയ്‌തി​രി​ക്കുന്ന എബ്രായ പദം ബൈബിൾ എഴുത്തു​കാർ എങ്ങനെ​യാ​ണു മിക്ക​പ്പോ​ഴും ഉപയോ​ഗി​ച്ചി​രി​ക്കു​ന്നത്‌? (ബി) യഹോവ ആദ്യത്തെ സ്‌ത്രീ​യെ ഒരു “പൂരക”മായി പരാമർശി​ക്കുന്ന വസ്‌തു​ത​യിൽനിന്ന്‌ എന്താണു വ്യക്തമാ​കു​ന്നത്‌?

⁵ “സഹായി,” “പൂരകം” എന്നീ പദങ്ങൾ സ്‌ത്രീ​യു​ടെ ദൈവ​ദ​ത്ത​മായ സ്ഥാനം തരംതാ​ണ​താ​യി​രു​ന്നു​വെന്നു സൂചി​പ്പി​ക്കു​ന്നു​ണ്ടോ? നേരേ​മ​റി​ച്ചാ​ണു സംഗതി. “സഹായി” എന്നു ഭാഷാ​ന്തരം ചെയ്‌തി​രി​ക്കുന്ന എബ്രായ നാമം (ഈസർ) ദൈവ​ത്തോ​ടുള്ള ബന്ധത്തി​ലാ​ണു ബൈബി​ളെ​ഴു​ത്തു​കാർ മിക്ക​പ്പോ​ഴും ഉപയോ​ഗി​ച്ചി​രി​ക്കു​ന്നത്‌. ദൃഷ്ടാ​ന്ത​ത്തിന്‌, യഹോവ “നമ്മുടെ സഹായ​വും പരിച​യും” ആണെന്നു തെളി​ഞ്ഞി​രി​ക്കു​ന്നു. (സങ്കീർത്തനം 33:20; പുറപ്പാ​ടു 18:4; ആവർത്ത​ന​പു​സ്‌തകം 33:7) ഹോശേയ 13:9-ൽ യഹോവ തന്നെക്കു​റി​ച്ചു​ത​ന്നെ​പോ​ലും ഇസ്രാ​യേ​ലി​ന്റെ “സഹായ”മായി പരാമർശി​ച്ചി​രി​ക്കു​ന്നു. ‘പൂരകം’ എന്നു ഭാഷാ​ന്തരം ചെയ്‌തി​രി​ക്കുന്ന എബ്രായ പദം (നീഗെദ്‌) സംബന്ധിച്ച്‌ ഒരു ബൈബിൾ പണ്ഡിതൻ ഇങ്ങനെ വിശദീ​ക​രി​ക്കു​ന്നു: “സഹായ​മെന്നു പറയു​മ്പോൾ വെറും ദൈനം​ദി​ന​വേ​ല​യി​ലോ കുട്ടി​കളെ ജനിപ്പി​ക്കു​ന്ന​തി​ലോ നൽകുന്ന സഹായമല്ല അർഥമാ​ക്കു​ന്നത്‌ . . . മറിച്ച്‌, സൗഹൃദം പ്രദാ​നം​ചെ​യ്യുന്ന പരസ്‌പര പിന്തു​ണ​യാണ്‌.”

6. സ്‌ത്രീ​യെ സൃഷ്ടി​ച്ച​ശേഷം എന്താണു പറഞ്ഞത്‌, എന്തു​കൊണ്ട്‌?

⁶ തൻമൂലം, യഹോവ സ്‌ത്രീ​യെ “ഒരു സഹായി” എന്നും ‘ഒരു പൂരകം’ എന്നും വർണി​ക്കു​ന്ന​തിൽ തരംതാ​ണ​താ​യി ഒന്നുമില്ല. സ്‌ത്രീ​ക്കു മാനസി​ക​വും വൈകാ​രി​ക​വും ശാരീ​രി​ക​വു​മാ​യി തന്റേതായ അനുപ​മ​മായ രൂപഘടന ഉണ്ടായി​രു​ന്നു. അവൾ പുരു​ഷന്‌ ഒരു യോജിച്ച പ്രതി​രൂ​പ​വും സംതൃ​പ്‌തി​ക​ര​മായ ഒരു പൂരക​വു​മാ​യി​രു​ന്നു. ഓരോ​രു​ത്ത​രും വ്യത്യ​സ്‌ത​രാ​യി​രു​ന്നു, സ്രഷ്ടാ​വി​ന്റെ ഉദ്ദേശ്യ​ങ്ങൾക്കു ചേർച്ച​യിൽ ഓരോ​രു​ത്ത​രും ‘ഭൂമിയെ നിറ​ക്കേണ്ടി’യിരുന്നു. പുരു​ഷ​നെ​യും സ്‌ത്രീ​യെ​യും സൃഷ്ടി​ച്ച​ശേ​ഷ​മാ​ണു “താൻ ഉണ്ടാക്കി​യ​തി​നെ ഒക്കെയും ദൈവം നോക്കി, അതു എത്രയും നല്ലതു” എന്നു പറഞ്ഞത്‌ എന്നതു സ്‌പഷ്ട​മാണ്‌.—ഉല്‌പത്തി 1:28, 31.

7, 8. (എ) ഏദെനിൽവെച്ചു പാപം ചെയ്‌ത​തോ​ടെ അതു സ്‌ത്രീ​യു​ടെ സ്ഥാനത്തെ എങ്ങനെ ബാധി​ക്കു​മാ​യി​രു​ന്നു? (ബി) യഹോ​വ​യു​ടെ ആരാധ​ക​രു​ടെ ഇടയിൽ ഉല്‌പത്തി 3:16-ന്റെ പൂർത്തീ​ക​ര​ണ​ത്തോ​ടുള്ള ബന്ധത്തിൽ ഏതെല്ലാം ചോദ്യ​ങ്ങ​ളാണ്‌ ഉയർന്നു​വ​രു​ന്നത്‌?

⁷ പാപം ചെയ്‌ത​തോ​ടെ പുരു​ഷ​ന്റെ​യും സ്‌ത്രീ​യു​ടെ​യും കാര്യ​ത്തിൽ സ്ഥിതി​ഗ​തി​കൾ ആകെ മാറി. പാപി​ക​ളെന്ന നിലയിൽ യഹോവ ഇരുവ​രു​ടെ​മേ​ലും ശിക്ഷാ​വി​ധി കൽപ്പിച്ചു. “ഞാൻ നിനക്കു കഷ്ടവും ഗർഭധാ​ര​ണ​വും ഏറ്റവും വർദ്ധി​പ്പി​ക്കും” എന്നു യഹോവ ഹവ്വാ​യോ​ടു പറഞ്ഞു, അതിനു കാരണ​ക്കാ​രൻ താനാ​ണെന്നു തോന്നും​വി​ധം ഒടുവിൽ അങ്ങനെ സംഭവി​ക്കാൻ അവൻ അനുവ​ദി​ച്ചു. “നീ വേദന​യോ​ടെ മക്കളെ പ്രസവി​ക്കും; നിന്റെ ആഗ്രഹം നിന്റെ ഭർത്താ​വി​നോ​ടു ആകും” എന്ന്‌ അവൻ കൂട്ടി​ച്ചേർത്തു. (ഉല്‌പത്തി 3:16) അന്നു മുതൽ അനേക ഭാര്യ​മാ​രും ഭർത്താ​ക്കൻമാ​രാൽ, പതിവാ​യി വളരെ കർശന​മാ​യി, ഭരിക്ക​പ്പെ​ട്ടി​രി​ക്കു​ന്നു. സഹായി​ക​ളും പൂരക​ങ്ങ​ളു​മാ​യി വിലകൽപ്പി​ക്കു​ന്ന​തി​നു പകരം മിക്ക​പ്പോ​ഴും വേലക്കാ​രോ​ടോ ദാസ​രോ​ടോ എന്നപോ​ലെ​യാണ്‌ അവരോ​ടു പെരു​മാ​റി​യി​രി​ക്കു​ന്നത്‌.

⁸ എങ്കിലും, യഹോ​വ​യു​ടെ ആരാധ​ക​രായ സ്‌ത്രീ​കളെ സംബന്ധി​ച്ചി​ട​ത്തോ​ളം ഉല്‌പത്തി 3:16-ന്റെ നിവൃത്തി എന്താണ്‌ അർഥമാ​ക്കു​ന്നത്‌? അവർ വളരെ താണതും അവമാ​നി​ക്ക​ത്ത​ക്ക​തു​മായ ഒരു സ്ഥാന​ത്തേക്കു തള്ളപ്പെ​ട്ടി​രി​ക്കു​ക​യാ​ണോ? തീർച്ച​യാ​യും അല്ല! എന്നാൽ ഇന്നു ചില സമുദാ​യ​ങ്ങ​ളിൽ അംഗീ​കാ​ര​യോ​ഗ്യ​മ​ല്ലാ​ത്ത​തെന്നു തോന്നുന്ന, സ്‌ത്രീ​കളെ സംബന്ധി​ക്കുന്ന ആചാര നടപടി​ക​ളെ​പ്പറ്റി പറയുന്ന ബൈബിൾ വിവര​ണ​ങ്ങളെ സംബന്ധി​ച്ചെന്ത്‌?

ബൈബി​ളി​ലുള്ള ആചാരങ്ങൾ മനസ്സി​ലാ​ക്കൽ

9. ബൈബിൾ കാലങ്ങ​ളിൽ സ്‌ത്രീ​കൾ ഉൾപ്പെട്ട ആചാരങ്ങൾ പരിചി​ന്തി​ക്കവേ നാം ഏതു മൂന്നു കാര്യങ്ങൾ മനസ്സിൽ പിടി​ക്കണം?

⁹ ബൈബിൾ കാലങ്ങ​ളിൽ ദൈവ​ദാ​സർക്കി​ട​യിൽ സ്‌ത്രീ​ക​ളോ​ടു നന്നായി പെരു​മാ​റി​യി​രു​ന്നു. ആ നാളു​ക​ളിൽ സ്‌ത്രീ​കൾ ഉൾപ്പെട്ട ആചാരങ്ങൾ പരിചി​ന്തി​ക്കവേ അനേക സംഗതി​കൾ മനസ്സിൽപ്പി​ടി​ക്കു​ന്നതു സഹായ​ക​മാ​ണെ​ന്നതു തീർച്ച​യാണ്‌. ഒന്നാമ​താ​യി, ദുഷ്ടരായ പുരു​ഷൻമാ​രു​ടെ സ്വാർഥ​പ​ര​മായ മേധാ​വി​ത്വ​ത്താൽ വികാസം പ്രാപിച്ച അപ്രി​യ​ക​ര​മായ സാഹച​ര്യ​ത്തെ​പ്പറ്റി ബൈബിൾ പറയു​മ്പോൾ സ്‌ത്രീ​ക​ളു​ടെ നേർക്കുള്ള അത്തരം പെരു​മാ​റ്റത്തെ ദൈവം അംഗീ​ക​രി​ച്ചു​വെന്ന്‌ അത്‌ അർഥമാ​ക്കു​ന്നില്ല. രണ്ടാമ​താ​യി, തന്റെ ദാസൻമാർക്കി​ട​യിൽ ഒരു സമയം​വരെ ചില ആചാരങ്ങൾ യഹോവ അനുവ​ദി​ച്ചെ​ങ്കി​ലും സ്‌ത്രീ​കളെ സംരക്ഷി​ക്കു​ന്ന​തി​നു​വേണ്ടി അവ നിയമാ​നു​സ​രണം ക്രമ​പ്പെ​ടു​ത്തി. മൂന്നാ​മ​താ​യി, ആധുനിക നിലവാ​ര​ങ്ങ​ളു​ടെ അടിസ്ഥാ​ന​ത്തിൽ പുരാതന ആചാര​ങ്ങളെ വിമർശി​ക്കാ​തി​രി​ക്കാൻ നാം ശ്രദ്ധി​ക്കണം. ഇന്നുള്ള ആളുകൾക്ക്‌ അപ്രി​യ​മാ​യി തോന്നുന്ന ചില ആചാരങ്ങൾ അന്നത്തെ സ്‌ത്രീ​കൾ തരംതാ​ണ​താ​യി കരുതി​യി​രി​ക്ക​ണ​മെന്നു നിർബ​ന്ധ​മില്ല. ചില ഉദാഹ​ര​ണങ്ങൾ നമുക്കു പരി​ശോ​ധി​ക്കാം.

10. ബഹുഭാ​ര്യ​ത്വം സംബന്ധി​ച്ചു യഹോ​വ​യു​ടെ വീക്ഷണ​മെ​ന്താ​യി​രു​ന്നു, ഏകഭാ​ര്യ​ത്വം എന്ന തന്റെ ആദി​മോ​ദ്ദേ​ശ്യം യഹോവ ഒരിക്ക​ലും ഉപേക്ഷി​ച്ചില്ല എന്നു സൂചി​പ്പി​ക്കു​ന്ന​തെന്ത്‌?

¹⁰ ബഹുഭാ​ര്യ​ത്വം:a യഹോ​വ​യു​ടെ ആദിമ ഉദ്ദേശ്യ​പ്ര​കാ​രം, ഒരു സ്‌ത്രീ മറ്റൊരു സ്‌ത്രീ​യു​മാ​യി തന്റെ ഭർത്താ​വി​നെ പങ്കിടു​ക​യില്ല. ദൈവം ആദാമിന്‌ ഒരു ഭാര്യ​യെ​യാ​ണു സൃഷ്ടി​ച്ചത്‌. (ഉല്‌പത്തി 2:21, 22) ഏദെനി​ലെ മത്സരത്തി​നു​ശേഷം ബഹുഭാ​ര്യ​ത്വം ആദ്യം പ്രത്യ​ക്ഷ​പ്പെ​ട്ടതു കയീന്റെ വംശത്തി​ലാണ്‌. ക്രമേണ അത്‌ ഒരു ആചാര​മാ​യി​ത്തീ​രു​ക​യും യഹോ​വ​യു​ടെ ചില ആരാധകർ അതു സ്വീക​രി​ക്കു​ക​യും ചെയ്‌തു. (ഉല്‌പത്തി 4:19; 16:1-3; 29:21-28) യഹോവ ബഹുഭാ​ര്യ​ത്വം അനുവ​ദി​ക്കു​ക​യും അത്‌ ഇസ്രാ​യേ​ലി​ന്റെ ജനസംഖ്യ വർധി​ക്കാൻ ഉതകു​ക​യും ചെയ്‌തെ​ന്നു​വ​രി​കി​ലും ഭാര്യ​മാ​രും കുട്ടി​ക​ളും സംരക്ഷി​ക്ക​പ്പെ​ടേ​ണ്ട​തിന്‌ ആ നടപടി അവൻ നിയമാ​നു​സ​രണം ക്രമ​പ്പെ​ടു​ത്തി. (പുറപ്പാ​ടു 21:10, 11; ആവർത്ത​ന​പു​സ്‌തകം 21:15-17) കൂടാതെ ഏകഭാ​ര്യ​ത്വം എന്ന തന്റെ ആദിമ പ്രമാണം യഹോവ ഒരിക്ക​ലും ഉപേക്ഷി​ച്ചില്ല. ‘സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറവിൻ’ എന്ന കൽപ്പന നോഹ​യോ​ടും അവന്റെ പുത്രൻമാ​രോ​ടു​മെ​ല്ലാം ആവർത്തി​ച്ചു, അവരും ഏകഭാ​ര്യ​രാ​യി​രു​ന്നു. (ഉല്‌പത്തി 7:7; 9:1; 2 പത്രൊസ്‌ 2:5) ഇസ്രാ​യേ​ല്യ​രു​മാ​യുള്ള തന്റെ ബന്ധം ആലങ്കാ​രി​ക​മാ​യി ചിത്രീ​ക​രി​ച്ച​പ്പോൾ ദൈവം ഏകഭാ​ര്യ​നാ​യി സ്വയം ചിത്രീ​ക​രി​ച്ചു. (യെശയ്യാ​വു 54:1, 5) കൂടാതെ, ഏകഭാ​ര്യ​ത്വം സംബന്ധി​ച്ചുള്ള ദൈവ​ത്തി​ന്റെ ആദ്യ നിലവാ​രം യേശു​ക്രി​സ്‌തു പുനഃ​സ്ഥാ​പി​ക്കു​ക​യും അത്‌ ഒന്നാം നൂറ്റാ​ണ്ടി​ലെ ക്രിസ്‌തീയ സഭ ആചരി​ക്കു​ക​യും ചെയ്‌തു.—മത്തായി 19:4-8; 1 തിമൊ​ഥെ​യൊസ്‌ 3:2, 12.

11. ബൈബിൾ കാലങ്ങ​ളിൽ വധുവില നൽകി​യി​രു​ന്നത്‌ എന്തു​കൊണ്ട്‌, ഇതു സ്‌ത്രീ​കളെ തരംതാ​ഴ്‌ത്തു​ന്ന​താ​യി​രു​ന്നോ?

¹¹ വധുവില നൽകൽ: പുരാതന ഇസ്രാ​യേൽ—അതിന്റെ ജീവി​ത​വും ആചാര​ങ്ങ​ളും (ഇംഗ്ലീഷ്‌) എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “പെൺകു​ട്ടി​യു​ടെ കുടും​ബ​ത്തിന്‌ ഒരു തുകയോ അതിനു തുല്യ​മായ എന്തെങ്കി​ലു​മോ നൽകു​ന്ന​തി​നുള്ള ഈ ബാധ്യ​ത​മൂ​ലം ഇസ്രാ​യേല്യ വിവാഹം, വിലയ്‌ക്കു വാങ്ങുന്ന പ്രതീതി ഉണർത്തു​ന്നു. എന്നാൽ ആ [വധുവില] കുടും​ബ​ത്തി​നു നഷ്ടപരി​ഹാ​ര​മാ​യി നൽക​പ്പെ​ടുന്ന വിലയെ അല്ല അത്രകണ്ട്‌ അർഥമാ​ക്കു​ന്നത്‌.” (ചെരി​ച്ചെ​ഴു​ത്തു ഞങ്ങളു​ടേത്‌.) സ്‌ത്രീ​യു​ടെ കുടും​ബത്തെ സംബന്ധി​ച്ചി​ട​ത്തോ​ളം വധുവില ആ സ്‌ത്രീ​യു​ടെ സേവന നഷ്ടത്തി​നും അവളുടെ പരിപാ​ല​ന​ത്തി​നു​വേണ്ടി ചെലവ​ഴിച്ച ശ്രമങ്ങൾക്കും മുതലി​നും മതിയായ ഒരു നഷ്ടപരി​ഹാ​ര​മാ​യി​ത്തീ​രു​മാ​യി​രു​ന്നു. അതു​കൊണ്ട്‌, അതു സ്‌ത്രീ​യെ തരംതാ​ഴ്‌ത്തു​ന്ന​തി​നു പകരം കുടും​ബ​ത്തിൽ അവൾ എത്രമാ​ത്രം വില​പ്പെ​ട്ട​വ​ളാണ്‌ എന്നു കാണി​ക്കു​ക​യാ​ണു ചെയ്‌തത്‌.—ഉല്‌പത്തി 34:11, 12; പുറപ്പാ​ടു 22:16; കാണുക: 1989 ജനുവരി 15 വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 21-4 പേജുകൾ.

12. (എ) വിവാ​ഹി​ത​രായ സ്‌ത്രീ​പു​രു​ഷൻമാ​രെ ചില​പ്പോ​ഴെ​ല്ലാം ബൈബി​ളിൽ എങ്ങനെ​യാ​ണു പരാമർശി​ച്ചി​രി​ക്കു​ന്നത്‌, ഈ പദപ്ര​യോ​ഗം സ്‌ത്രീ​കൾക്ക്‌ അനിഷ്ട​ക​ര​മാ​യി​രു​ന്നോ? (ബി) യഹോവ ഏദെനിൽ ഉപയോ​ഗിച്ച പദപ്ര​യോ​ഗ​ത്തിൽ ശ്രദ്ധേ​യ​മായ എന്താണു​ള്ളത്‌? (അടിക്കു​റി​പ്പു കാണുക.)

¹² ഭർത്താ​ക്കൻമാർ “ഉടയവർ” എന്നനി​ല​യിൽ: അബ്രഹാ​മി​ന്റെ​യും സാറാ​യു​ടെ​യും കാലമാ​യ​പ്പോ​ഴേ​ക്കും വിവാ​ഹി​ത​നായ ഒരുവനെ “ഉടയവൻ” (എബ്രാ​യ​പദം, ബേൽ) ആയും വിവാ​ഹി​ത​യായ സ്‌ത്രീ​യെ ‘സ്വന്തമാ​ക്ക​പ്പെ​ട്ടവൾ’ (എബ്രാ​യ​പദം, ബിയുള) ആയും കരുതി​പ്പോ​ന്ന​താ​യി പൊ.യു.മു. (പൊതു​യു​ഗ​ത്തി​നു മുമ്പ്‌) 1918-ൽ അവരുടെ ജീവി​ത​ത്തിൽ നടന്ന ഒരു സംഭവം സൂചി​പ്പി​ക്കു​ന്നു. (ഉൽപ്പത്തി 20:3, NW) അതിനു​ശേഷം ചില​പ്പോ​ഴെ​ല്ലാം തിരു​വെ​ഴു​ത്തു​ക​ളിൽ ഈ പദപ്ര​യോ​ഗങ്ങൾ നടത്തി​യി​ട്ടുണ്ട്‌, ക്രിസ്‌തീയ യുഗത്തി​നു മുമ്പു​ണ്ടാ​യി​രുന്ന സ്‌ത്രീ​കൾക്ക്‌ അത്‌ അനിഷ്ട​ക​ര​മാ​യി തോന്നി​യെ​ന്ന​തി​ന്റെ യാതൊ​രു സൂചന​യു​മില്ല.b (ആവർത്ത​ന​പു​സ്‌തകം 22:22) എങ്കിലും, സ്‌ത്രീ​ക​ളോ​ടു സ്ഥാവര​വ​സ്‌തു​ക്ക​ളോ​ടെ​ന്ന​പോ​ലെ പെരു​മാ​റി​ക്കൂ​ടാ​യി​രു​ന്നു. വസ്‌തു​വോ സമ്പത്തോ വാങ്ങാ​നും വിൽക്കാ​നും അവകാ​ശ​പ്പെ​ടു​ത്താ​നും​പോ​ലും കഴിയു​മാ​യി​രു​ന്നു. എന്നാൽ ഒരു ഭാര്യ​യു​ടെ കാര്യ​ത്തിൽ ഇതു സാധ്യ​മ​ല്ലാ​യി​രു​ന്നു. “ഭവനവും സമ്പത്തും പിതാ​ക്കൻമാർ വെച്ചേ​ക്കുന്ന അവകാശം; ബുദ്ധി​യുള്ള ഭാര്യ​യോ യഹോ​വ​യു​ടെ ദാനം” എന്നു ബൈബി​ളി​ലെ ഒരു സദൃശ​വാ​ക്യം പറയുന്നു.—സദൃശ​വാ​ക്യ​ങ്ങൾ 19:14; ആവർത്ത​ന​പു​സ്‌തകം 21:14.

ഒരു മാന്യ​മായ സ്ഥാനം

13. ദൈവ​ഭ​യ​മുള്ള പുരു​ഷൻമാർ യഹോ​വ​യു​ടെ​തന്നെ മാതൃക അനുക​രി​ക്കു​ക​യും ന്യായ​പ്ര​മാ​ണം അനുസ​രി​ക്കു​ക​യും ചെയ്‌ത​പ്പോൾ അതു സ്‌ത്രീ​കൾക്ക്‌ എന്തു ഫലം​ചെ​യ്‌തു?

¹³ അപ്പോൾപി​ന്നെ, ക്രിസ്‌തീയ യുഗത്തി​നു​മു​മ്പുള്ള കാലങ്ങ​ളിൽ ദൈവ​ദാ​സർക്കി​ട​യിൽ സ്‌ത്രീ​കൾക്കുള്ള സ്ഥാനം എന്തായി​രു​ന്നു? അവരെ എങ്ങനെ വീക്ഷി​ക്കു​ക​യും അവരോട്‌ എങ്ങനെ പെരു​മാ​റു​ക​യും ചെയ്‌തു? ലളിത​മാ​യി പറഞ്ഞാൽ, ദൈവ​ഭ​യ​മുള്ള പുരു​ഷൻമാർ യഹോ​വ​യു​ടെ​തന്നെ മാതൃക അനുക​രി​ക്കു​ക​യും ന്യായ​പ്ര​മാ​ണം അനുസ​രി​ക്കു​ക​യും ചെയ്‌ത​പ്പോൾ സ്‌ത്രീ​കൾക്കു തങ്ങളുടെ മാന്യത വീണ്ടെ​ടു​ക്കു​ന്ന​തി​നും അനേക അവകാ​ശ​ങ്ങ​ളും പദവി​ക​ളും ആസ്വദി​ക്കു​ന്ന​തി​നും കഴിഞ്ഞു.

14, 15. സ്‌ത്രീ​കൾ ഇസ്രാ​യേ​ലിൽ ആദരണീ​യ​രാ​യി​രു​ന്നു എന്നതിന്‌ എന്തെല്ലാം സൂചന​ക​ളാണ്‌ ഉള്ളത്‌, തന്റെ ആരാധ​ക​രായ പുരു​ഷൻമാർ അവരെ ആദരി​ക്ക​ണ​മെന്നു ന്യായ​മാ​യും പ്രതീ​ക്ഷി​ക്കാൻ യഹോ​വക്കു കഴിയു​മാ​യി​രു​ന്നത്‌ എന്തു​കൊണ്ട്‌?

¹⁴ സ്‌ത്രീ​കൾ ആദരി​ക്ക​പ്പെ​ടേ​ണ്ട​വ​രാ​യി​രു​ന്നു. പിതാ​ക്കൻമാ​രെ​യും മാതാ​ക്ക​ളെ​യും ആദരി​ക്ക​ണ​മെന്നു ദൈവ​നി​യമം ഇസ്രാ​യേ​ല്യ​രോ​ടു കൽപ്പിച്ചു. (പുറപ്പാ​ടു 20:12; 21:15, 17) “നിങ്ങൾ ഓരോ​രു​ത്തൻ താന്താന്റെ അമ്മയെ​യും അപ്പനെ​യും ഭയപ്പെ​ടേണം” എന്നു ലേവ്യ​പു​സ്‌തകം 19:3 പറയുന്നു. ഒരു സന്ദർഭ​ത്തിൽ ബത്ത്‌-ശേബ തന്റെ പുത്ര​നായ ശലോ​മോ​നെ സമീപി​ച്ച​പ്പോൾ ബഹുമാ​നാർഥം “രാജാവു എഴു​ന്നേ​റ്റു​ചെന്നു വന്ദനം​ചെ​യ്‌തു.” (1 രാജാ​ക്കൻമാർ 2:19) എൻ​സൈ​ക്ലോ​പീ​ഡിയ ജൂഡാ​യിക്ക അഭി​പ്രാ​യ​പ്പെ​ടു​ന്നു: “സ്‌ത്രീ​കളെ ബഹുമാ​നി​ച്ചി​രുന്ന ഒരു സമൂഹ​ത്തിൽ മാത്രമേ ഇസ്രാ​യേ​ലി​നോ​ടു ദൈവ​ത്തി​നു​ണ്ടാ​യി​രുന്ന സ്‌നേ​ഹത്തെ ഒരു ഭർത്താ​വി​നു ഭാര്യ​യോ​ടുള്ള സ്‌നേ​ഹ​വു​മാ​യി പ്രാവ​ച​നി​ക​താ​ര​ത​മ്യ​ങ്ങൾ ചെയ്യാൻ സാധി​ക്കു​മാ​യി​രു​ന്നു​ള്ളൂ.”

¹⁵ യഹോവ തന്റെ ആരാധ​ക​രായ പുരു​ഷൻമാർ സ്‌ത്രീ​കളെ ബഹുമാ​നി​ക്കാൻ പ്രതീ​ക്ഷി​ക്കു​ന്നു, കാരണം അവൻ അവരെ ബഹുമാ​നി​ക്കു​ന്നു. ഇതിന്റെ സൂചനകൾ തിരു​വെ​ഴു​ത്തു​ക​ളിൽ കാണാം. അവിടെ യഹോവ ദൃഷ്ടാ​ന്ത​രൂ​പേണ സ്‌ത്രീ​ക​ളു​ടെ അനുഭ​വങ്ങൾ ഉപയോ​ഗി​ക്കു​ക​യും തന്റെ സ്വന്തം വികാ​രങ്ങൾ സ്‌ത്രീ​ക​ളു​ടേ​തു​മാ​യി സാദൃ​ശ്യ​പ്പെ​ടു​ത്തി പറയു​ക​യും ചെയ്യുന്നു. (യെശയ്യാ​വു 42:14; 49:15; 66:13) യഹോ​വക്ക്‌ എങ്ങനെ അനുഭ​വ​പ്പെ​ടു​ന്നു​വെന്നു മനസ്സി​ലാ​ക്കാൻ ഇതു വായന​ക്കാ​രെ സഹായി​ക്കു​ന്നു. രസകര​മെന്നു പറയട്ടെ, യഹോവ തനിക്കു​തന്നെ ബാധക​മാ​ക്കി പറയുന്ന “കരുണ,” അല്ലെങ്കിൽ “ദയ” എന്നതി​നുള്ള എബ്രായ പദം “ഗർഭാ​ശയം” എന്നതി​നുള്ള പദവു​മാ​യി അടുത്തു ബന്ധപ്പെ​ട്ടി​രി​ക്കു​ന്നു, തൻമൂലം അതിനെ “മാതൃ​വി​കാ​രം” എന്നു വർണി​ക്കാ​വു​ന്ന​താണ്‌.—പുറപ്പാ​ടു 33:19; യെശയ്യാ​വു 54:7.

16. ദൈവ​ഭ​ക്തി​യുള്ള സ്‌ത്രീ​ക​ളു​ടെ ഉപദേ​ശ​ത്തി​നു വിലകൽപ്പി​ച്ചി​രു​ന്നു​വെ​ന്ന​തി​ന്റെ ദൃഷ്ടാ​ന്തങ്ങൾ ഏവ?

¹⁶ ദൈവ​ഭ​ക്തി​യുള്ള സ്‌ത്രീ​ക​ളു​ടെ ഉപദേ​ശ​ത്തി​നു വിലകൽപ്പി​ച്ചി​രു​ന്നു. ദൈവ​ഭ​യ​മുള്ള അബ്രഹാം തന്റെ ദൈവ​ഭ​ക്തി​യുള്ള ഭാര്യ​യായ സാറാ​യു​ടെ ഉപദേ​ശ​ത്തി​നു ശ്രദ്ധ​ചെ​ലു​ത്താൻ വിസമ്മ​തി​ച്ച​പ്പോൾ യഹോവ അവനോ​ടു പറഞ്ഞു: “അവളുടെ വാക്കു കേൾക്ക.” (ഉല്‌പത്തി 21:10-12) ഏശാവി​ന്റെ ഹിത്യ​രായ ഭാര്യ​മാർ “യിസ്‌ഹാ​ക്കി​ന്നും റിബെ​ക്കെ​ക്കും മനോ​വ്യ​സ​ന​കാ​ര​ണ​മാ​യി​രു​ന്നു.” തങ്ങളുടെ പുത്ര​നായ യാക്കോബ്‌ ഒരു ഹിത്യ സ്‌ത്രീ​യെ വിവാഹം ചെയ്‌താൽ താൻ അനുഭ​വി​ക്കേ​ണ്ടി​വ​രു​മാ​യി​രുന്ന കഷ്ടപ്പാ​ടു​ക​ളെ​ക്കു​റി​ച്ചു റിബേക്ക ക്രമേണ പ്രകടി​പ്പി​ച്ചു. ഇസഹാ​ക്കി​ന്റെ പ്രതി​ക​ര​ണ​മെ​ന്താ​യി​രു​ന്നു? വിവരണം പറയുന്നു: “അനന്തരം യിസ്‌ഹാക്‌ യാക്കോ​ബി​നെ വിളിച്ചു, അവനെ അനു​ഗ്ര​ഹി​ച്ചു, അവനോ​ടു ആജ്ഞാപി​ച്ചു പറഞ്ഞതു: നീ കനാന്യ സ്‌ത്രീ​ക​ളിൽനി​ന്നു ഭാര്യ​മാ​രെ എടുക്ക​രു​തു.” റിബേക്ക നേരിട്ട്‌ ഉപദേശം നൽകി​യി​ല്ലെ​ങ്കി​ലും അവളുടെ ഭർത്താവ്‌ അവളുടെ വികാ​ര​ങ്ങളെ കണക്കി​ലെ​ടു​ത്തു​കൊ​ണ്ടുള്ള ഒരു തീരു​മാ​ന​മെ​ടു​ത്തു. (ഉല്‌പത്തി 26:34, 35; 27:46; 28:1) അബീഗ​യി​ലി​ന്റെ ജ്ഞാനപൂർവ​ക​മായ അപേക്ഷ ചെവി​ക്കൊ​ണ്ട​തു​കൊ​ണ്ടു ദാവീദ്‌ രാജാവ്‌ രക്തപാ​തകം ഒഴിവാ​ക്കി.—1 ശമൂവേൽ 25:32-35.

17. സ്‌ത്രീ​കൾക്കു കുടും​ബ​ത്തിൽ ഒരളവു​വരെ അധികാ​ര​മു​ണ്ടാ​യി​രു​ന്നു​വെന്ന്‌ എന്തു കാണി​ക്കു​ന്നു?

¹⁷ സ്‌ത്രീ​കൾക്കു കുടും​ബ​ത്തിൽ ഒരളവു​വരെ അധികാ​ര​മു​ണ്ടാ​യി​രു​ന്നു. “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രു​തു” എന്നു കുട്ടികൾ ഉദ്‌ബോ​ധി​പ്പി​ക്ക​പ്പെ​ടു​ക​യു​ണ്ടാ​യി. (സദൃശ​വാ​ക്യ​ങ്ങൾ 1:8) വിവാ​ഹി​ത​യായ, അധ്വാ​ന​ശീ​ല​യായ സ്‌ത്രീ കുടും​ബ​ജോ​ലി​കൾ മാത്രമല്ല സ്ഥാവര​വ​സ്‌തു​ക്ക​ളു​ടെ ഇടപാ​ടു​കൾ നടത്തൽ, ഉത്‌പാ​ദ​ക​മായ ഒരു പ്രവർത്ത​ന​രം​ഗം ഉറപ്പാക്കൽ, ഒരു ചെറിയ ബിസി​നസ്സ്‌ നടത്തൽ, മറ്റുള്ള​വർക്കു ബുദ്ധി പറഞ്ഞു​കൊ​ടു​ക്കു​ന്ന​തിൽ പ്രഖ്യാ​ത​യാ​യി​രി​ക്കുക എന്നിവ​യും ചെയ്‌തി​രു​ന്ന​താ​യി സദൃശ​വാ​ക്യ​ങ്ങൾ 31-ാം അധ്യാ​യ​ത്തിൽ “സാമർത്ഥ്യ​മുള്ള ഭാര്യ”യെ സംബന്ധിച്ച വിവരണം വെളി​പ്പെ​ടു​ത്തു​ന്നു. സകലത്തി​ലും പ്രധാ​ന​മാ​യി​രു​ന്നതു പ്രശം​സ​നീയ സ്‌ത്രീ​യു​ടെ ഭക്ത്യാ​ദ​ര​വോ​ടു​കൂ​ടിയ യഹോ​വാ​ഭ​യ​മാ​യി​രു​ന്നു. അത്തരം ഭാര്യ​യു​ടെ മൂല്യം “മുത്തു​ക​ളി​ലും ഏറു”മായി​രു​ന്നു​വെ​ന്ന​തിൽ അതിശ​യി​ക്കാ​നില്ല! വില​യേ​റിയ ചെമന്ന മുത്ത്‌ അത്യന്തം വിലയു​ള്ള​താ​യി​രു​ന്നു, അത്‌ ആഭരണ​മാ​യും അലങ്കാര വസ്‌തു​വാ​യും ഉപയോ​ഗി​ച്ചി​രു​ന്നു.—സദൃശ​വാ​ക്യ​ങ്ങൾ 31:10-31.

ദൈവ​ത്തി​ന്റെ പ്രത്യേക പ്രീതി ലഭിച്ച സ്‌ത്രീ​കൾ

18. ബൈബിൾ കാലങ്ങ​ളിൽ ഏതുവി​ധ​ത്തി​ലാ​ണു ചില സ്‌ത്രീ​ക​ളു​ടെ​മേൽ പ്രത്യേക അനു​ഗ്ര​ഹങ്ങൾ ചൊരി​യ​പ്പെ​ട്ടത്‌?

¹⁸ ബൈബിൾ കാലങ്ങ​ളിൽ ചില സ്‌ത്രീ​ക​ളു​ടെ​മേൽ ചൊരിഞ്ഞ പ്രത്യേക അനുഗ്രഹങ്ങളിൽ യഹോ​വക്ക്‌ അവരോ​ടുള്ള ആദരവു പ്രതി​ഫ​ലി​ക്കു​ക​യു​ണ്ടാ​യി. ഹാഗാർ, സാറാ, മാനോ​ഹ​യു​ടെ ഭാര്യ എന്നിവരെ ദൂതൻമാർ സന്ദർശി​ക്കു​ക​യും അവർക്കു ദിവ്യ മാർഗ​ദർശനം കൈമാ​റു​ക​യും ചെയ്‌തു. (ഉല്‌പത്തി 16:7-12; 18:9-15; ന്യായാ​ധി​പൻമാർ 13:2-5) സമാഗ​മ​ന​കൂ​ടാ​ര​ത്തിൽ “സേവ ചെയ്‌തു​വന്ന സ്‌ത്രീക”ളും ശലോ​മോ​ന്റെ അരമന​യിൽ സംഗീ​ത​മാ​ല​പി​ക്കുന്ന സ്‌ത്രീ​ക​ളും ഉണ്ടായി​രു​ന്നു.—പുറപ്പാ​ടു 38:8; 1 ശമൂവേൽ 2:22; സഭാ​പ്ര​സം​ഗി 2:8.

19. ചില​പ്പോ​ഴെ​ല്ലാം ഏതുവി​ധ​ത്തിൽ തന്നെ പ്രതി​നി​ധീ​ക​രി​ക്കാ​നാ​ണു യഹോവ സ്‌ത്രീ​കളെ ഉപയോ​ഗി​ച്ചത്‌?

¹⁹ ഇസ്രാ​യേ​ലി​ന്റെ ചരി​ത്ര​ത്തിൽ പലവട്ടം തന്നെ പ്രതി​നി​ധീ​ക​രി​ക്കു​ന്ന​തിന്‌, അല്ലെങ്കിൽ തനിക്കു​വേണ്ടി സംസാ​രി​ക്കു​ന്ന​തിന്‌, ഒരു സ്‌ത്രീ​യെ യഹോവ ഉപയോ​ഗി​ച്ചു. പ്രവാ​ച​കി​യായ ദബോ​ര​യെ​പ്പറ്റി നാം വായി​ക്കു​ന്നു: “യിസ്രാ​യേൽമക്കൾ ന്യായ​വി​സ്‌താ​ര​ത്തി​ന്നു അവളുടെ അടുക്കൽ ചെല്ലുക പതിവാ​യി​രു​ന്നു.” (ന്യായാ​ധി​പൻമാർ 4:5) ഇസ്രാ​യേൽ കനാന്യ രാജാ​വാ​യി​രുന്ന യാബീനെ തോൽപ്പി​ച്ച​തി​നെ​ത്തു​ടർന്നു ദബോ​ര​യ്‌ക്കു യഥാർഥ​ത്തിൽ ഒരു പ്രത്യേക പദവി ലഭിച്ചു. ഒടുവിൽ യഹോ​വ​യു​ടെ നിശ്വസ്‌ത രേഖയു​ടെ ഭാഗമാ​യി​ത്തീർന്ന ജയഗീതം, ഭാഗി​ക​മാ​യി​ട്ടെ​ങ്കി​ലും, രചിച്ചത്‌ അവളാണ്‌.c (ന്യായാ​ധി​പൻമാർ, അധ്യായം 5) നൂറ്റാ​ണ്ടു​കൾ കഴിഞ്ഞു യോശീ​യാവ്‌ രാജാവ്‌ യഹോ​വ​യെ​പ്പറ്റി അന്വേ​ഷി​ക്കു​ന്ന​തി​നു മഹാപു​രോ​ഹി​തൻ ഉൾപ്പെ​ടെ​യുള്ള ഒരു സംഘത്തെ ഹുൽദാ പ്രവാ​ച​കി​യു​ടെ അടു​ത്തേക്ക്‌ അയച്ചു. “യിസ്രാ​യേ​ലി​ന്റെ ദൈവ​മായ യഹോവ ഇപ്രകാ​രം അരുളി​ച്ചെ​യ്യു​ന്നു” എന്ന്‌ അധികാ​ര​പൂർവം ഹുൽദക്കു പറയാൻ കഴിഞ്ഞു. (2 രാജാ​ക്കൻമാർ 22:11-15) യഹോ​വ​യിൽനി​ന്നു മാർഗ​നിർദേശം നേടു​ന്ന​തി​നു​വേണ്ടി ഒരു പ്രവാ​ച​കി​യെ സമീപി​ക്കാൻ ആ സന്ദർഭ​ത്തിൽ രാജാവ്‌ പ്രതി​നി​ധി​ക​ളോ​ടു പറഞ്ഞു.—താരത​മ്യം ചെയ്യുക: മലാഖി 2:7.

20. സ്‌ത്രീ​ക​ളു​ടെ വികാ​ര​ങ്ങ​ളി​ലും ക്ഷേമത്തി​ലും യഹോ​വ​ക്കുള്ള താത്‌പ​ര്യം വ്യക്തമാ​ക്കുന്ന ദൃഷ്ടാ​ന്തങ്ങൾ ഏവ?

²⁰ തന്റെ ആരാധ​ക​രായ സ്‌ത്രീ​ക​ളിൽ ചിലർക്കു​വേണ്ടി യഹോവ പ്രവർത്തിച്ച സാഹച​ര്യ​ങ്ങ​ളിൽനി​ന്നു സ്‌ത്രീ​ക​ളു​ടെ ക്ഷേമത്തിൽ അവനുള്ള താത്‌പ​ര്യം വ്യക്തമാണ്‌. അബ്രഹാ​മി​ന്റെ സുന്ദരി​യായ ഭാര്യ ബലാത്‌കാ​രം ചെയ്യ​പ്പെ​ടാ​തെ രണ്ടു തവണ അവൻ സംരക്ഷി​ച്ചു. (ഉല്‌പത്തി 12:14-20; 20:1-7) യാക്കോ​ബി​ന്റെ ഭാര്യ​യായ ലേയ അനിഷ്ട​യെന്നു കണ്ട്‌ ‘അവളുടെ ഗർഭത്തെ തുറന്നു’കൊണ്ടു യഹോവ അവളെ അനു​ഗ്ര​ഹി​ച്ചു, തൻമൂലം അവൾക്ക്‌ ഒരു പുത്രൻ ജനിച്ചു. (ഉല്‌പത്തി 29:31, 32) ദൈവ​ഭ​യ​മു​ണ്ടാ​യി​രുന്ന രണ്ടു സൂതി​കർമി​ണി​കൾ എബ്രായ ആൺകു​ട്ടി​കളെ ഈജി​പ്‌തി​ലെ ശിശു​ഹ​ത്യ​യിൽനി​ന്നു രക്ഷിക്കു​ന്ന​തി​നു​വേണ്ടി തങ്ങളുടെ ജീവൻ പണയ​പ്പെ​ടു​ത്തി​യ​പ്പോൾ യഹോവ വിലമ​തി​പ്പോ​ടെ “അവർക്കു കുടും​ബ​വർദ്ധന നൽകി.” (പുറപ്പാ​ടു 1:17, 20, 21) ഹന്നായു​ടെ അകമഴി​ഞ്ഞുള്ള പ്രാർഥ​ന​യ്‌ക്കും അവൻ ഉത്തരമ​രു​ളി. (1 ശമൂവേൽ 1:10, 20) കടം തീർക്കാ​ഞ്ഞ​തു​കൊണ്ട്‌ ഒരു കടക്കാരൻ ഒരു പ്രവാ​ച​കന്റെ വിധവ​യു​ടെ കുട്ടി​കളെ എടുത്തു​കൊ​ണ്ടു​പോ​കാൻ വന്നപ്പോൾ യഹോവ അവളെ കൈ​വെ​ടി​ഞ്ഞില്ല. തൻമൂലം കടംവീ​ട്ടാൻ തക്കവണ്ണം അവളുടെ പക്കലു​ണ്ടാ​യി​രുന്ന എണ്ണ പെരു​ക്കു​ന്ന​തി​നു സ്‌നേ​ഹ​പു​ര​സ്സരം ദൈവം എലീശയെ പ്രാപ്‌ത​നാ​ക്കി. അങ്ങനെ തന്റെ കുടും​ബ​ത്തെ​യും മാന്യ​മായ സ്ഥാന​ത്തെ​യും കാത്തു​സൂ​ക്ഷി​ക്കു​ന്ന​തിന്‌ അവൾക്കു കഴിഞ്ഞു.—പുറപ്പാ​ടു 22:22, 23; 2 രാജാ​ക്കൻമാർ 4:1-7.

21. സ്‌ത്രീ​ക​ളു​ടെ അവസ്ഥ​യെ​പ്പറ്റി എന്തു സന്തുലിത ചിത്ര​മാണ്‌ എബ്രായ തിരു​വെ​ഴു​ത്തു​കൾ അവതരി​പ്പി​ക്കു​ന്നത്‌?

²¹ സ്‌ത്രീ​കളെ തരംതാ​ഴ്‌ത്തി കാണു​ന്ന​തി​നു പകരം എബ്രായ തിരു​വെ​ഴു​ത്തു​കൾ ദൈവ​ദാ​സർക്കി​ട​യിൽ അവർക്കുള്ള സ്ഥാന​ത്തെ​പ്പറ്റി ഒരു സന്തുലിത വിവരണം നൽകുന്നു. ഉല്‌പത്തി 3:16-ന്റെ നിവൃ​ത്തി​യിൽനി​ന്നു തന്റെ ആരാധ​ക​രായ സ്‌ത്രീ​കളെ യഹോവ സംരക്ഷി​ച്ചി​ല്ലെ​ന്നു​വ​രി​കി​ലും യഹോ​വ​യു​ടെ മാതൃക പിൻപ​റ്റു​ക​യും അവന്റെ ന്യായ​പ്ര​മാ​ണം അനുസ​രി​ക്കു​ക​യും ചെയ്‌ത ദൈവിക പുരു​ഷൻമാർ സ്‌ത്രീ​ക​ളോ​ടു മാന്യ​മാ​യും ആദരണീ​യ​മാ​യും പെരു​മാ​റി.

22. യേശു ഭൂമി​യിൽ വന്നപ്പോ​ഴേ​ക്കും സ്‌ത്രീ​ക​ളു​ടെ സ്ഥാനത്തിന്‌ എങ്ങനെ​യാ​ണു മാറ്റം വന്നത്‌, എന്തു ചോദ്യ​ങ്ങ​ളാ​ണു ഉന്നയി​ക്ക​പ്പെ​ട്ടി​രി​ക്കു​ന്നത്‌?

²² എബ്രായ തിരു​വെ​ഴു​ത്തു​കൾ എഴുതി​ക്ക​ഴിഞ്ഞ്‌ തുടർന്നുള്ള നൂറ്റാ​ണ്ടു​ക​ളിൽ യഹൂദൻമാ​രു​ടെ​യി​ട​യിൽ സ്‌ത്രീ​ക​ളു​ടെ സ്ഥാനത്തി​നു ഗണ്യമായ മാറ്റം​വന്നു. യേശു ഭൂമി​യിൽ പ്രത്യ​ക്ഷ​നാ​യ​പ്പോ​ഴേ​ക്കും റബ്ബിമാ​രു​ടെ പാരമ്പ​ര്യം മതപര​മായ പദവി​ക​ളി​ലും സാമൂ​ഹിക ജീവി​ത​ത്തി​ലും സ്‌ത്രീ​ക​ളു​ടെ​മേൽ വളരെ നിയ​ന്ത്ര​ണ​മേർപ്പെ​ടു​ത്തി. യേശു സ്‌ത്രീ​ക​ളോട്‌ ഇടപെട്ട വിധത്തെ അത്തരം പാരമ്പ​ര്യ​ങ്ങൾ സ്വാധീ​നി​ച്ചു​വോ? ഇന്നു ക്രിസ്‌തീയ സ്‌ത്രീ​ക​ളോട്‌ എങ്ങനെ പെരു​മാ​റണം? ഈ ചോദ്യ​ങ്ങൾ അടുത്ത ലേഖന​ത്തിൽ ചർച്ച ചെയ്യു​ന്ന​താണ്‌.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം നൽകും?

◻ “സഹായി,” “പൂരകം” എന്നീ പദങ്ങൾ സ്‌ത്രീ​കൾക്കു നൽക​പ്പെ​ട്ടി​രി​ക്കുന്ന ദൈവ​ദ​ത്ത​മായ സ്ഥാന​ത്തെ​പ്പറ്റി എന്താണു സൂചി​പ്പി​ക്കു​ന്നത്‌?

◻ ബൈബിൾ കാലങ്ങ​ളിൽ സ്‌ത്രീ​കളെ ബാധി​ക്കുന്ന ആചാര​ങ്ങ​ളെ​പ്പറ്റി പരിചി​ന്തി​ക്കു​മ്പോൾ നാം എന്തു മനസ്സിൽ പിടി​ക്കേ​ണ്ട​തുണ്ട്‌?

◻ ആദ്യ കാലങ്ങ​ളിൽ ദൈവ​ദാ​സർക്കി​ട​യിൽ സ്‌ത്രീ​കൾക്കു മാന്യ​മായ സ്ഥാനമു​ണ്ടാ​യി​രു​ന്നു​വെന്നു കാണി​ക്കു​ന്ന​തെന്ത്‌?

◻ ക്രിസ്‌തീയ യുഗത്തി​നു മുമ്പുള്ള കാലങ്ങ​ളിൽ യഹോവ ഏതു വിധങ്ങ​ളി​ലാ​ണു സ്‌ത്രീ​ക​ളു​ടെ​മേൽ പ്രത്യേക അനു​ഗ്രഹം ചൊരി​ഞ്ഞത്‌?