ഇന്നോളം യഹോ​വ​യാൽ പഠിപ്പി​ക്ക​പ്പെ​ട്ടി​രി​ക്കു​ന്നു

“യഹോ​വ​തന്നേ എനിക്കു പഠിപ്പി​ക്ക​പ്പെ​ട്ട​വ​രു​ടെ നാവു തന്നിരി​ക്കു​ന്നു.”—യെശയ്യാവ്‌ 50:4, NW.

1, 2. (എ) യഹോവ തന്റെ പ്രിയ​വി​ദ്യാർഥി​യെ എന്തിനാ​യി ഒരുക്കി, ഫലമെ​ന്താ​യി​രു​ന്നു? (ബി) തന്റെ പഠിപ്പി​ക്ക​ലി​ന്റെ ഉറവിടം സംബന്ധി​ച്ചു യേശു എങ്ങനെ​യാ​ണു സമ്മതി​ച്ചു​പ​റ​ഞ്ഞത്‌?

ഒരു പിതാവ്‌ ആയിത്തീർന്ന​തു​മു​തൽ യഹോവ ഒരു അധ്യാ​പ​ക​നാണ്‌. തന്റെ മക്കളിൽ ചിലർ മത്സരിച്ചു കുറേ​നാൾ കഴിഞ്ഞ്‌ അവൻ തന്റെ ആദ്യജാ​ത​നായ പ്രിയ​വി​ദ്യാർഥി​യെ ഭൂമി​യി​ലെ ഒരു ശുശ്രൂ​ഷ​യ്‌ക്കു​വേണ്ടി ഒരുക്കി. (സദൃശ​വാ​ക്യ​ങ്ങൾ 8:30) “തളർന്നി​രി​ക്കു​ന്ന​വർക്ക്‌ ഒരു വാക്കി​നാൽ എങ്ങനെ ഉത്തരമ​രു​ളേ​ണ​മെന്ന്‌ ഞാൻ അറി​യേ​ണ്ട​തി​നു പരമാ​ധി​കാ​രി​യാം കർത്താ​വായ യഹോ​വ​തന്നേ എനിക്കു പഠിപ്പി​ക്ക​പ്പെ​ട്ട​വ​രു​ടെ നാവു തന്നിരി​ക്കു​ന്നു” എന്ന്‌ ഈ വിദ്യാർഥി പറയു​ന്ന​താ​യി യെശയ്യാവ്‌ 50-ാം അധ്യായം പ്രാവ​ച​നി​ക​മാ​യി പറയുന്നു. (യെശയ്യാ​വു 50:4, NW) ഭൂമി​യി​ലാ​യി​രു​ന്ന​പ്പോൾ, തന്റെ പിതാ​വി​ന്റെ പഠിപ്പി​ക്കൽ ബാധക​മാ​ക്കി​യ​തി​ന്റെ ഫലമായി, ‘തളർന്ന​വർക്കും ഭാരം ചുമക്കു​ന്ന​വർക്കും’ യേശു നവോ​ന്മേ​ഷ​ത്തി​ന്റെ ഒരു ഉറവാ​യി​രു​ന്നു.—മത്തായി 11:28-30.

² ഒന്നാം നൂറ്റാ​ണ്ടിൽ യേശു അനേകം അത്ഭുത​പ്ര​വൃ​ത്തി​കൾ ചെയ്‌തു. അന്ധർക്കു കാഴ്‌ച നൽകി, മരിച്ച​വരെ ഉയിർപ്പി​ക്കു​ക​പോ​ലും ചെയ്‌തു. എന്നിട്ടും ഒരു ഗുരു എന്നനി​ല​യി​ലാ​യി​രു​ന്നു അവന്റെ സമകാ​ലീ​നർ അവനെ അറിഞ്ഞി​രു​ന്നത്‌. അവന്റെ അനുഗാ​മി​ക​ളും എതിരാ​ളി​ക​ളും അവനെ അങ്ങനെ​യാ​ണു വിളി​ച്ചി​രു​ന്നത്‌. (മത്തായി 8:19; 9:11; 12:38; 19:16; യോഹ​ന്നാൻ 3:2) താൻ പഠിപ്പിച്ച സംഗതി​കൾക്കു യേശു ഒരിക്ക​ലും മഹത്ത്വ​മെ​ടു​ത്തില്ല, പകരം താഴ്‌മ​യോ​ടെ ഇങ്ങനെ സമ്മതി​ക്കു​ക​യാ​ണു​ണ്ടാ​യത്‌: “എന്റെ പ്രബോ​ധനം എന്റെ സ്വന്തമല്ല, എന്നെ അയച്ചവ​ന്റേ​ത​ത്രേ.” “എന്റെ പിതാവ്‌ എന്നെ പഠിപ്പി​ച്ച​തു​പോ​ലെ ഇക്കാര്യ​ങ്ങൾ ഞാൻ സംസാ​രി​ക്കു​ന്നു.”—യോഹ​ന്നാൻ 7:16; 8:28; 12:49, പി.ഒ.സി. ബൈബിൾ.

തികഞ്ഞ അധ്യാപക-വിദ്യാർഥി ബന്ധം

3. താൻ പഠിപ്പി​ക്കു​ന്ന​വ​രിൽ യഹോവ തത്‌പ​ര​നാ​ണെന്നു യെശയ്യാ പ്രവചനം സൂചി​പ്പി​ക്കു​ന്ന​തെ​ങ്ങനെ?

³ ഒരു ശ്രേഷ്‌ഠ അധ്യാ​പകൻ തന്റെ വിദ്യാർഥി​ക​ളിൽ വ്യക്തി​പ​ര​വും മനസ്സാ​ക്ഷി​പൂർവ​ക​വും സ്‌നേ​ഹ​പു​ര​സ്സ​ര​വു​മായ താത്‌പ​ര്യ​മെ​ടു​ക്കും. താൻ പഠിപ്പി​ക്കു​ന്ന​വ​രിൽ അത്തര​മൊ​രു താത്‌പ​ര്യം യഹോ​വ​യാം ദൈവ​ത്തി​നു​ണ്ടെന്ന്‌ യെശയ്യാ​വു 50-ാം അധ്യായം വെളി​പ്പെ​ടു​ത്തു​ന്നു. “അവൻ രാവി​ലെ​തോ​റും ഉണർത്തു​ന്നു, പഠിപ്പി​ക്ക​പ്പെ​ട്ട​വ​രെ​പ്പോ​ലെ കേൾക്കേ​ണ്ട​തിന്‌ അവൻ എന്റെ ചെവിയെ ഉണർത്തു​ന്നു” എന്നു പ്രവചനം രേഖ​പ്പെ​ടു​ത്തു​ന്നു. (യെശയ്യാവ്‌ 50:4, NW) വിദ്യാർഥി​കളെ പഠിപ്പി​ക്കേ​ണ്ട​തിന്‌ അതിരാ​വി​ലെ അവരെ ഉണർത്തുന്ന ഒരു പ്രബോ​ധ​കനെ സൂചി​പ്പി​ക്കു​ന്ന​താണ്‌ ഇവിടത്തെ ഭാഷാ​ശൈലി. പ്രവച​ന​ത്തി​ന്റെ ബാധക​മാ​ക്ക​ലി​നെ​ക്കു​റി​ച്ചു പരാമർശി​ച്ചു​കൊണ്ട്‌ ഒരു ബൈബിൾ പണ്ഡിതൻ ഇങ്ങനെ അഭി​പ്രാ​യ​പ്പെട്ടു: “. . . വീണ്ടെ​ടു​പ്പു​കാ​രൻ, ആലങ്കാ​രി​ക​മാ​യി പറഞ്ഞാൽ, ദൈവ​ത്തി​ന്റെ സ്‌കൂ​ളി​ലാ​യി​രു​ന്ന​വ​നും . . . മറ്റുള്ള​വർക്കു പ്രബോ​ധനം കൊടു​ക്കാൻ യോഗ്യ​ത​യു​ള്ള​വ​നും ആയിരി​ക്ക​ണ​മാ​യി​രു​ന്നു​വെ​ന്ന​താണ്‌ ആശയം. മനുഷ്യ​വർഗ​ത്തി​ന്റെ പ്രബോ​ധ​ക​നാ​കു​വാൻ മിശിഹാ ദൈവിക പഠിപ്പി​ക്ക​ലി​നാൽ വിശി​ഷ്ട​മാം​വി​ധം യോഗ്യ​ത​യു​ള്ള​വ​നാ​യി​രു​ന്നു.”

4. തന്റെ പിതാ​വി​ന്റെ പഠിപ്പി​ക്ക​ലി​നോ​ടു യേശു പ്രതി​ക​രി​ച്ച​തെ​ങ്ങനെ?

⁴ സാധാ​ര​ണ​മാ​യി, വിദ്യാർഥി​കൾ അവരുടെ അധ്യാ​പ​കന്റെ പഠിപ്പി​ക്ക​ലി​നോ​ടു പ്രതി​ക​രി​ക്കു​ന്നു. തന്റെ പിതാ​വി​ന്റെ പഠിപ്പി​ക്ക​ലി​നോ​ടു യേശു എങ്ങനെ​യാ​ണു പ്രതി​ക​രി​ച്ചത്‌? “യഹോ​വ​യായ കർത്താവു എന്റെ ചെവി തുറന്നു; ഞാനോ മറുത്തു​നി​ന്നില്ല; പിൻതി​രി​ഞ്ഞ​തു​മില്ല” എന്നു നാം യെശയ്യാ​വു 50:5-ൽ വായി​ക്കു​ന്ന​തി​നോ​ടുള്ള യോജി​പ്പി​ലാ​യി​രു​ന്നു അവന്റെ പ്രതി​ക​രണം. അതേ, പഠിക്കാൻ യേശു ഉത്സുക​നാ​യി​രു​ന്നു. കാതു കൂർപ്പി​ച്ചു കേൾക്കു​ന്നവൻ എന്നു പറയു​ന്ന​തു​പോ​ലെ​യാ​യി​രു​ന്നു അവൻ. അതിലു​പരി, പിതാവ്‌ ആവശ്യ​പ്പെ​ടു​ന്ന​തെ​ന്തും ചെയ്യാൻ അവൻ മനസ്സൊ​രു​ക്ക​മു​ള്ള​വ​നാ​യി​രു​ന്നു. അവനു മത്സര മനോ​ഭാ​വ​മു​ണ്ടാ​യി​രു​ന്നില്ല; അതിനു​പ​കരം അവൻ പറഞ്ഞു: “എന്റെ ഇഷ്ടമല്ല നിന്റെ ഇഷ്ടംതന്നേ ആകട്ടെ.”—ലൂക്കൊസ്‌ 22:42.

5. (എ) ഭൂമി​യിൽ താൻ പരി​ശോ​ധ​നകൾ അനുഭ​വി​ക്കു​മെന്നു യേശു​വി​നു നേരത്തെ അറിയാ​മാ​യി​രു​ന്നു​വെന്ന്‌ എന്തു സൂചി​പ്പി​ക്കു​ന്നു? (ബി) യെശയ്യാ​വു 50:6-ലെ പ്രവചനം എങ്ങനെ നിറ​വേറി?

⁵ ദൈ​വേഷ്ടം ചെയ്‌താൽ സംഭവി​ക്കു​മാ​യി​രുന്ന ഭവിഷ്യ​ത്തു​ക​ളെ​ക്കു​റി​ച്ചു പുത്രന്‌ അറിയാ​മാ​യി​രു​ന്നു​വെന്നു പ്രവചനം സൂചി​പ്പി​ക്കു​ന്നു. പഠിപ്പി​ക്ക​പ്പെ​ട്ടവൻ ഇങ്ങനെ പറയു​ന്ന​തിൽനിന്ന്‌ അതു വ്യക്തമാണ്‌: “അടിക്കു​ന്ന​വർക്കു, ഞാൻ എന്റെ മുതു​കും രോമം പറിക്കു​ന്ന​വർക്കു എന്റെ കവിളും കാണി​ച്ചു​കൊ​ടു​ത്തു; എന്റെ മുഖം നിന്ദെ​ക്കും തുപ്പലി​ന്നും മറെച്ചി​ട്ടു​മില്ല.” (യെശയ്യാ​വു 50:6) പ്രവചനം സൂചി​പ്പി​ക്കു​ന്ന​തു​പോ​ലെ, ഭൂമി​യിൽ യേശു​വി​നു ക്രൂര​മായ പെരു​മാ​റ്റം ലഭിച്ചു. “അവർ അവന്റെ മുഖത്തു തുപ്പി” എന്ന്‌ അപ്പോ​സ്‌ത​ല​നായ മത്തായി എഴുതി. “ചിലർ അവനെ കന്നത്തടി​ച്ചു.” (മത്തായി 26:67) പൊ.യു. 33-ലെ പെസഹാ രാത്രി​യിൽ അവൻ അനുഭ​വിച്ച ഈ ദുരി​ത​ങ്ങ​ളു​ടെ​യെ​ല്ലാം പിന്നിൽ മതനേ​താ​ക്ക​ളു​ടെ കൈക​ളാ​യി​രു​ന്നു. പിറ്റേ​ന്നാൾ സ്‌തം​ഭ​ത്തി​ലേറ്റി കൊല്ലു​ന്ന​തി​നു​മു​മ്പാ​യി റോമൻ പടയാ​ളി​കൾ അവനെ നിർദയം അടിച്ച​പ്പോൾ അവൻ തല്ലുന്ന​വർക്കു​വേണ്ടി നിന്നു​കൊ​ടു​ത്തു.—യോഹ​ന്നാൻ 19:1-3, 16-23.

6. തന്റെ അധ്യാ​പ​ക​നിൽ യേശു​വി​നു​ണ്ടാ​യി​രുന്ന വിശ്വാ​സം ഒരിക്ക​ലും നഷ്ടമാ​യി​ല്ലെന്ന്‌ എന്തു പ്രകട​മാ​ക്കു​ന്നു, അവന്റെ വിശ്വാ​സ​ത്തി​നു പ്രതി​ഫലം കിട്ടി​യ​തെ​ങ്ങനെ?

⁶ നേര​ത്തെ​തന്നെ നന്നായി വിദ്യാ​ഭ്യാ​സം ലഭിച്ചി​രുന്ന പുത്രനു തന്റെ അധ്യാ​പ​ക​നി​ലു​ണ്ടാ​യി​രുന്ന വിശ്വാ​സം ഒരിക്ക​ലും നഷ്ടമാ​യില്ല. പ്രവച​ന​പ്ര​കാ​രം അവൻ അടുത്ത​താ​യി പറയു​ന്ന​തിൽനിന്ന്‌ ഇതു പ്രകട​മാണ്‌: “യഹോ​വ​യായ കർത്താവു എന്നെ സഹായി​ക്കും. അതു​കൊ​ണ്ടു ഞാൻ അമ്പരന്നു​പോ​ക​യില്ല.” (യെശയ്യാ​വു 50:7) തന്റെ അധ്യാ​പ​കന്റെ സഹായ​ത്തിൽ യേശു​വി​നു​ണ്ടാ​യി​രുന്ന വിശ്വാ​സ​ത്തി​നു സമൃദ്ധ​മായ പ്രതി​ഫലം കിട്ടി. ദൈവ​ത്തി​ന്റെ മറ്റെല്ലാ ദാസന്മാ​രെ​ക്കാ​ളും ഉയർന്ന സ്ഥാനം നൽകി അനു​ഗ്ര​ഹി​ച്ചു​കൊണ്ട്‌ അവന്റെ പിതാവ്‌ അവനെ ഉയർത്തി. (ഫിലി​പ്പി​യർ 2:5-11) യഹോ​വ​യു​ടെ പഠിപ്പി​ക്ക​ലി​നോട്‌ അനുസ​ര​ണ​യോ​ടെ പറ്റിനിൽക്കു​ക​യും “വിപരീത ദിശയിൽ തിരി​യാ​തി​രി​ക്കു​ക​യും” ചെയ്യു​ന്നെ​ങ്കിൽ നമുക്കും മഹത്തായ അനു​ഗ്ര​ഹങ്ങൾ ലഭിക്കും. നമ്മുടെ നാളു​കൾവരെ ആ പഠിപ്പി​ക്കൽ എങ്ങനെ ലഭ്യമാ​ക്കി​യി​രി​ക്കു​ന്നു​വെന്നു നോക്കാം.

വിപു​ല​മാ​ക്ക​പ്പെട്ട പഠിപ്പി​ക്കൽ പരിപാ​ടി

7. ഭൂമി​യിൽ യഹോവ തന്റെ പഠിപ്പി​ക്കൽ നിർവ​ഹി​ച്ചി​രി​ക്കു​ന്ന​തെ​ങ്ങനെ?

⁷ നേരത്തെ കണ്ടതു​പോ​ലെ, ഒന്നാം നൂറ്റാ​ണ്ടിൽ ദിവ്യ ബോധനം കൊടു​ക്കാൻ യഹോവ തന്റെ ഭൗമിക പ്രതി​നി​ധി​യായ യേശു​ക്രി​സ്‌തു​വി​നെ ഉപയോ​ഗി​ച്ചു. (യോഹ​ന്നാൻ 16:27, 28) അവൻ പഠിപ്പി​ച്ച​വർക്ക്‌ ഒരു മാതൃ​ക​വെ​ച്ചു​കൊണ്ട്‌, തന്റെ പഠിപ്പി​ക്ക​ലി​ന്റെ ആധികാ​രിക ഉറവിടം എന്നനി​ല​യിൽ അവൻ നിരന്തരം ദൈവ​വ​ചനം ഉപയോ​ഗി​ച്ചു. (മത്തായി 4:4, 7, 10; 21:13; 26:24, 31) അതിനു​ശേഷം, പഠിപ്പി​ക്ക​പ്പെട്ട അത്തരക്കാ​രു​ടെ ശുശ്രൂ​ഷ​യി​ലൂ​ടെ ഭൂമി​യിൽ യഹോ​വ​യു​ടെ പഠിപ്പി​ക്കൽ തുടർന്നു​പോ​ന്നു. യേശു അവരോ​ടു കല്‌പി​ച്ചത്‌ ഓർക്കുക: “ആകയാൽ നിങ്ങൾ പോയി എല്ലാ ജനതക​ളെ​യും ശിഷ്യ​പ്പെ​ടു​ത്തു​വിൻ. . . . ഞാൻ നിങ്ങ​ളോ​ടു കല്‌പി​ച്ച​വ​യെ​ല്ലാം അനുസ​രി​ക്കാൻ അവരെ പഠിപ്പി​ക്കു​വിൻ.” (മത്തായി 28:19, 20, പി.ഒ.സി. ബൈ., ചെരി​ച്ചെ​ഴു​ത്തു ഞങ്ങളു​ടേത്‌) ശിഷ്യ​ന്മാ​രെ ലഭിച്ച​പ്പോൾ, ഇവർ “ജീവനുള്ള ദൈവ​ത്തി​ന്റെ സഭയുടെ . . . ദൈവ​ഭവന”ത്തിന്റെ ഭാഗമാ​യി​ത്തീർന്നു. (1 തിമോ​ത്തി 3:15, NW) ഓരോ​രോ സഭയുടെ ഭാഗമാ​യി​ത്തീർന്ന അവർ അവിടെ യഹോ​വ​യാൽ പഠിപ്പി​ക്ക​പ്പെട്ടു. (പ്രവൃ​ത്തി​കൾ 14:23; 15:41; 16:5; 1 കൊരി​ന്ത്യർ 11:16) ആ വിധത്തിൽ ദിവ്യ ബോധനം നമ്മുടെ നാൾവരെ തുടർന്നു​പോ​ന്നി​ട്ടു​ണ്ടോ?

8. അവസാനം വരുന്ന​തി​നു​മു​മ്പു മാർഗ​നിർദേ​ശ​ത്തിൻകീ​ഴിൽ പ്രസം​ഗ​വേല നടത്ത​പ്പെ​ടു​മെന്നു യേശു പ്രകട​മാ​ക്കി​യ​തെ​ങ്ങനെ?

⁸ തീർച്ച​യാ​യും തുടർന്നു​പോ​ന്നി​ട്ടുണ്ട്‌! വ്യവസ്ഥി​തി​യു​ടെ സമാപ​ന​ത്തി​നു​മുമ്പ്‌ ഒരു മഹത്തായ പ്രസം​ഗ​പ്ര​വർത്തനം ഉണ്ടായി​രി​ക്കു​മെന്ന്‌ യേശു തന്റെ മരണത്തി​നു മൂന്നു​നാൾമു​മ്പു മുൻകൂ​ട്ടി​പ്പ​റഞ്ഞു. “രാജ്യ​ത്തി​ന്റെ ഈ സുവാർത്ത മുഴു​നി​വ​സിത ഭൂമി​യി​ലും എല്ലാ ജനതകൾക്കും ഒരു സാക്ഷ്യ​മാ​യി പ്രസം​ഗി​ക്ക​പ്പെ​ടും, അതിനു​ശേഷം അവസാനം വരും” എന്ന്‌ അവൻ പറഞ്ഞു. ലോക​വ്യാ​പക പ്രസംഗ, പഠിപ്പി​ക്കൽവേല എന്തിന്റെ മാർഗ​നിർദേ​ശ​ത്തിൻകീ​ഴിൽ നടത്ത​പ്പെ​ടു​മെന്നു യേശു തുടർന്നു പറഞ്ഞു. തന്റെ ദാസന്മാർക്ക്‌ ആത്മീയ ഭക്ഷണം പ്രദാനം ചെയ്യാൻ ഒരു സരണി​യാ​യി, അഥവാ ഉപാധി​യാ​യി സേവി​ക്കുന്ന “വിശ്വ​സ്‌ത​നും വിവേ​കി​യു​മായ ഒരു അടിമ”യെക്കു​റിച്ച്‌ അവൻ സംസാ​രി​ച്ചു. (മത്തായി 24:14, 45-47, NW) ഭൂമി​യി​ലു​ട​നീ​ളം തന്റെ രാജ്യ​താ​ത്‌പ​ര്യ​ങ്ങ​ളു​ടെ കാര്യ​ത്തിൽ മേൽനോ​ട്ടം വഹിക്കാൻ യഹോ​വ​യാം ദൈവം ഈ “അടിമ”യെ ഉപയോ​ഗി​ച്ചി​രി​ക്കു​ന്നു.

9. ആരൊക്കെ ചേർന്നു​ള്ള​താ​ണു വിശ്വ​സ്‌ത​നും വിവേ​കി​യു​മായ അടിമ?

⁹ ഇന്ന്‌, വിശ്വ​സ്‌ത​നും വിവേ​കി​യു​മായ അടിമ​യി​ലു​ള്ളതു രാജ്യാ​വ​കാ​ശി​ക​ളു​ടെ ശേഷി​പ്പാണ്‌. “ക്രിസ്‌തു​വി​ന്നു​ള്ളവ”രും “അബ്രാ​ഹാ​മി​ന്റെ സന്തതി”യുടെ ഭാഗവു​മായ 1,44,000-ത്തിൽ ഭൂമി​യിൽ ശേഷി​ക്കു​ന്ന​വ​രായ അഭിഷിക്ത ക്രിസ്‌ത്യാ​നി​ക​ളാ​ണി​വർ. (ഗലാത്യർ 3:16, 29; വെളി​പ്പാ​ടു 14:1-3) വിശ്വ​സ്‌ത​നും വിവേ​കി​യു​മായ അടിമയെ നിങ്ങൾക്കെ​ങ്ങനെ തിരി​ച്ച​റി​യാൻ കഴിയും? അതു വിശേ​ഷാൽ അവർ ചെയ്യുന്ന പ്രവൃ​ത്തി​യാ​ലും ദൈവ​വ​ച​ന​മായ ബൈബി​ളി​നോ​ടുള്ള അവരുടെ അടുത്ത പറ്റിനിൽപ്പി​നാ​ലു​മാണ്‌.

10. യഹോ​വ​യു​ടെ പഠിപ്പി​ക്കൽ ഉന്നമി​പ്പി​ക്കാൻ അടിമ​വർഗം എന്തെല്ലാം ഉപകര​ണങ്ങൾ ഉപയോ​ഗി​ക്കു​ന്നു?

¹⁰ ഇന്ന്‌ ആളുകളെ പഠിപ്പി​ക്കു​ന്ന​തി​നുള്ള തന്റെ ഉപാധി​യാ​യി യഹോവ ഈ “അടിമ”യെ ഉപയോ​ഗി​ക്കു​ന്നു. അടിമ​വർഗ​ത്തിൽപ്പെട്ട അവർ 1931-ൽ യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ചു. അതിനു​ശേഷം, ലക്ഷക്കണ​ക്കിന്‌ ആളുകൾ അവരോ​ടൊ​ത്തു സഹവസി​ക്കു​ക​യും ആ പേർ സ്വീക​രി​ക്കു​ക​യും ദൈവ​രാ​ജ്യം പ്രഘോ​ഷി​ക്കു​ന്ന​തിൽ പങ്കു​ചേ​രു​ക​യും ചെയ്‌തി​രി​ക്കു​ന്നു. പഠിപ്പി​ക്കൽവേ​ല​യിൽ “അടിമ” ഉപയോ​ഗി​ക്കുന്ന മുഖ്യ ഉപകര​ണ​മാ​ണു വീക്ഷാ​ഗോ​പു​രം യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു എന്ന ഈ മാസിക. എന്നിരു​ന്നാ​ലും, പുസ്‌ത​കങ്ങൾ, ചെറു​പു​സ്‌ത​കങ്ങൾ, ലഘുപ​ത്രി​കകൾ, ലഘു​ലേ​ഖകൾ, പിന്നെ ഉണരുക! എന്നിവ ഉൾപ്പെടെ മറ്റു പ്രസി​ദ്ധീ​ക​ര​ണ​ങ്ങ​ളും ഉപയോ​ഗി​ക്കു​ന്നുണ്ട്‌.

11. “അടിമ” ഏതെല്ലാം സ്‌കൂ​ളു​കൾ നടത്തി​യി​രി​ക്കു​ന്നു, ഓരോ സ്‌കൂ​ളും ഏതെല്ലാം ഉദ്ദേശ്യം നിവർത്തി​ക്കു​ന്നു?

¹¹ അതിലു​പ​രി​യാ​യി, ഈ “അടിമ” പല സ്‌കൂ​ളു​കൾ നടത്തു​ന്നുണ്ട്‌. യുവ ശുശ്രൂ​ഷ​കരെ വിദേശ മിഷനറി സേവന​ത്തിന്‌ ഒരുക്കുന്ന അഞ്ചുമാ​സത്തെ കോഴ്‌സായ വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ, അവിവാ​ഹി​ത​രായ മൂപ്പന്മാ​രെ​യും ശുശ്രൂ​ഷാ​ദാ​സ​ന്മാ​രെ​യും പ്രത്യേക ദിവ്യാ​ധി​പത്യ നിയമനങ്ങൾക്കു​വേണ്ടി പരിശീ​ലി​പ്പി​ക്കുന്ന രണ്ടു മാസത്തെ ശുശ്രൂ​ഷാ പരിശീ​ലന സ്‌കൂൾ എന്നിവ ഇതിലുൾപ്പെ​ടു​ന്നു. പിന്നെ സഭാപ​ര​മായ ഉത്തരവാ​ദി​ത്വ​ങ്ങൾ സംബന്ധിച്ച്‌ ക്രിസ്‌തീയ മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും കാലാ​കാ​ല​ങ്ങ​ളിൽ പ്രബോ​ധനം ലഭിക്കുന്ന രാജ്യ ശുശ്രൂ​ഷാ സ്‌കൂൾ, പ്രസം​ഗ​പ്ര​വർത്ത​ന​ത്തിൽ കൂടുതൽ ഫലപ്ര​ദ​രാ​യി​ത്തീ​രാൻ മുഴു​സമയ ശുശ്രൂ​ഷ​കരെ സജ്ജരാ​ക്കുന്ന പയനിയർ സേവന സ്‌കൂൾ എന്നിവ​യും ഉണ്ട്‌.

12. പഠന പരിപാ​ടി​യു​ടെ വാരം​തോ​റു​മുള്ള ഒരു സവി​ശേ​ഷ​ഭാ​ഗം എന്താണ്‌?

¹² ലോക​വ്യാ​പ​ക​മാ​യി യഹോ​വ​യു​ടെ ജനത്തി​നുള്ള 75,500-ലധികം സഭകളിൽ നടത്ത​പ്പെ​ടുന്ന ആഴ്‌ച​തോ​റു​മുള്ള അഞ്ചു യോഗങ്ങൾ പ്രസ്‌തുത പഠിപ്പി​ക്കൽ പരിപാ​ടി​യു​ടെ മറ്റൊരു സവി​ശേ​ഷ​ത​യാണ്‌. ഈ യോഗ​ങ്ങ​ളിൽനി​ന്നു നിങ്ങൾ കഴിയാ​വു​ന്നത്ര പ്രയോ​ജനം നേടു​ന്നു​ണ്ടോ? അവിടെ ലഭിക്കുന്ന പ്രബോ​ധ​ന​ത്തി​നു സൂക്ഷ്‌മ ശ്രദ്ധ​കൊ​ടു​ത്തു​കൊ​ണ്ടു നിങ്ങൾ ആലങ്കാ​രി​ക​മാ​യി പറഞ്ഞാൽ, ദൈവ​ത്തി​ന്റെ സ്‌കൂ​ളി​ലാ​ണെന്നു വിശ്വ​സി​ക്കു​ന്ന​താ​യി പ്രകട​മാ​ക്കു​ന്നു​ണ്ടോ? നിങ്ങൾക്കു “പഠിപ്പി​ക്ക​പ്പെ​ട്ട​വ​രു​ടെ നാവ്‌” ഉണ്ടെന്നു നിങ്ങളു​ടെ ആത്മീയ പുരോ​ഗതി മറ്റുള്ള​വർക്കു വ്യക്തമാ​ക്കി​ക്കൊ​ടു​ക്കു​ന്നു​ണ്ടോ?—യെശയ്യാ​വു 50:4; 1 തിമൊ​ഥെ​യൊസ്‌ 4:15, 16.

സഭാ​യോ​ഗ​ങ്ങ​ളിൽ പഠിപ്പി​ക്ക​പ്പെ​ടു​ന്നു

13. (എ) യഹോവ ഇന്നു തന്റെ ജനത്തെ പഠിപ്പി​ക്കുന്ന ഒരു പ്രധാന വിധ​മെന്ത്‌? (ബി) നമു​ക്കെ​ങ്ങനെ വീക്ഷാ​ഗോ​പു​ര​ത്തോ​ടു വിലമ​തി​പ്പു പ്രകടി​പ്പി​ക്കാ​നാ​വും?

¹³ പഠനസ​ഹാ​യി എന്നനി​ല​യിൽ വീക്ഷാ​ഗോ​പു​രം ഉപയോ​ഗി​ച്ചു​കൊ​ണ്ടു വാരം​തോ​റു​മുള്ള ഒരു ബൈബി​ള​ധ്യ​യ​ന​ത്തി​ലൂ​ടെ​യാ​ണു യഹോവ തന്റെ ജനത്തെ വിശേ​ഷി​ച്ചും പഠിപ്പി​ക്കു​ന്നത്‌. യഹോ​വ​യാൽ പഠിപ്പി​ക്ക​പ്പെ​ടാ​വുന്ന ഒരു സ്ഥലമായി നിങ്ങൾ ഈ യോഗത്തെ വീക്ഷി​ക്കു​ന്നു​ണ്ടോ? യെശയ്യാ​വു 50:4 മുഖ്യ​മാ​യും ബാധക​മാ​കു​ന്നതു യേശു​വി​നാ​ണെ​ങ്കി​ലും, “പഠിപ്പി​ക്ക​പ്പെ​ട്ട​വ​രു​ടെ നാവ്‌” ലഭിക്കു​ന്ന​തി​നുള്ള ദൈവ​ത്തി​ന്റെ വ്യവസ്ഥകൾ പ്രയോ​ജ​ന​പ്പെ​ടു​ത്തുന്ന സകലർക്കും ഇതു ബാധക​മാ​ക്കാ​നാ​വും. വീക്ഷാ​ഗോ​പു​രത്തെ നിങ്ങൾ നിധി​പോ​ലെ കരുതു​ന്നു​വെന്നു പ്രകട​മാ​ക്കാൻ സാധി​ക്കുന്ന ഒരു വിധം ഓരോ ലക്കവും ലഭിച്ച​ശേഷം അത്‌ എത്രയും വേഗം വായി​ക്കു​ന്ന​താണ്‌. എന്നിട്ട്‌, വീക്ഷാ​ഗോ​പു​രം സഭയിൽ പഠിക്കു​മ്പോൾ, സന്നിഹി​ത​രാ​യി​ക്കൊ​ണ്ടും നിങ്ങളു​ടെ പ്രത്യാ​ശ​യു​ടെ പരസ്യ​പ്ര​ഖ്യാ​പനം നടത്താൻ ഒരുങ്ങി​യി​രു​ന്നു​കൊ​ണ്ടും യഹോ​വ​യോ​ടുള്ള വിലമ​തി​പ്പു നിങ്ങൾക്കു പ്രകടി​പ്പി​ക്കാൻ സാധി​ക്കും.—എബ്രായർ 10:23.

14. (എ) യോഗ​ങ്ങ​ളിൽ ഉത്തരം പറയു​ന്നതു വളരെ പ്രധാന പദവി​യാ​യി​രി​ക്കു​ന്നത്‌ എന്തു​കൊണ്ട്‌? (ബി) ബാലി​കാ​ബാ​ല​ന്മാ​രു​ടെ ഏതുതരം ഉത്തരങ്ങ​ളാണ്‌ ഏറ്റവും പ്രോ​ത്സാ​ഹ​ജ​ന​ക​മാ​യി​രി​ക്കു​ന്നത്‌?

¹⁴ യോഗ​ങ്ങ​ളിൽ ഉത്തരം പറയു​ന്ന​തി​ലൂ​ടെ യഹോ​വ​യു​ടെ മഹത്തായ പഠിപ്പി​ക്കൽ പരിപാ​ടി​യിൽ നിങ്ങൾക്ക്‌ ഒരു പങ്കുണ്ടാ​യി​രി​ക്കാൻ കഴിയു​മെന്നു നിങ്ങൾ മനസ്സി​ലാ​ക്കു​ന്നു​ണ്ടോ? പരസ്‌പരം “സ്‌നേ​ഹ​ത്തി​നും സൽപ്ര​വർത്തി​ക്കും” ഉത്സാഹം വർധി​പ്പി​ക്കാൻ നമുക്കു സാധി​ക്കുന്ന ഒരു പ്രധാ​ന​പ്പെട്ട വിധമാ​ണു യോഗ​ങ്ങ​ളിൽ ഉത്തരം പറയു​ന്ന​തെന്ന കാര്യ​ത്തിൽ യാതൊ​രു സംശയ​വു​മില്ല. (എബ്രായർ 10:24, 25) ഈ പഠിപ്പി​ക്കൽ പരിപാ​ടി​യിൽ കുട്ടി​കൾക്കും ഒരു പങ്കുണ്ടാ​യി​രി​ക്കാ​നാ​വു​മോ? ഉവ്വ്‌, സാധി​ക്കും. യുവ​പ്രാ​യ​ക്കാർ ഹൃദയ​ത്തിൽനിന്ന്‌ ഉത്തരം പറയു​ന്നതു പ്രായ​മാ​യ​വർക്കു പലപ്പോ​ഴും പ്രോ​ത്സാ​ഹ​ജ​ന​ക​മാണ്‌. ചില​പ്പോ​ഴൊ​ക്കെ, കുട്ടികൾ ഉത്തരം പറയു​ന്നതു കേട്ടിട്ട്‌ നമ്മുടെ യോഗ​ങ്ങൾക്കു ഹാജരാ​കുന്ന പുതി​യ​വ​രായ ആളുകൾ കൂടുതൽ ഗൗരവ​ത്തോ​ടെ സത്യത്തിൽ താത്‌പ​ര്യ​മെ​ടു​ക്കാൻ പ്രചോ​ദി​ത​രാ​യി​ട്ടുണ്ട്‌. ചില ബാലി​കാ​ബാ​ല​ന്മാർ ഖണ്ഡിക​യിൽനി​ന്നു നേരിട്ടു വായി​ക്കു​ക​യോ മുതിർന്നവർ കാതിൽ മന്ത്രി​ച്ചു​കൊ​ടു​ക്കു​ന്നത്‌ ആവർത്തി​ക്കു​ക​യോ ചെയ്യുന്നു. എന്നാൽ, അവർ നന്നായി തയ്യാറാ​യി ഉത്തരങ്ങൾ പറയു​മ്പോൾ അത്‌ ഏറ്റവും പ്രോ​ത്സാ​ഹ​ജ​ന​ക​മാണ്‌. അത്തരം ഉത്തരങ്ങൾ നമ്മുടെ ശ്രേഷ്‌ഠ അധ്യാ​പ​ക​നും അവന്റെ ഉന്നത പഠിപ്പി​ക്കൽ പരിപാ​ടി​ക്കും സത്യമാ​യും മഹത്ത്വം കരേറ്റു​ന്നു.—യെശയ്യാ​വു 30:20, 21.

15. കൂടുതൽ ഫലപ്ര​ദ​മാ​യി ഉത്തരം പറയാൻ മാതാ​പി​താ​ക്കൾക്കു കുട്ടി​കളെ സഹായി​ക്കാൻ എന്തു ചെയ്യാ​നാ​വും?

¹⁵ നമ്മുടെ ദൈവത്തെ സ്‌തു​തി​ക്കു​ന്ന​തിൽ ഒരു പങ്കുണ്ടാ​യി​രി​ക്കാൻ കുട്ടികൾ ആഗ്രഹി​ക്കു​ന്നതു കാണുക സന്തോ​ഷ​മാണ്‌. യുവ​പ്രാ​യ​ക്കാ​രു​ടെ സ്‌തു​തി​പ്ര​ക​ട​നങ്ങൾ യേശു വിലമ​തി​ച്ചു. (മത്തായി 21:15, 16) ഒരു ക്രിസ്‌തീയ മൂപ്പൻ ഇങ്ങനെ അഭി​പ്രാ​യ​പ്പെ​ടു​ന്നു: “ഞാൻ ഒരു കുട്ടി​യാ​യി​രു​ന്ന​പ്പോൾ, വീക്ഷാ​ഗോ​പുര അധ്യയ​ന​ത്തിൽ ഉത്തരം പറയാൻ എനിക്കു വളരെ ഇഷ്ടമാ​യി​രു​ന്നു. ഉത്തരം പറയാൻ എന്നെ ഒരുക്കി​യ​ശേഷം, ഞാൻ അത്‌ ഏഴു പ്രാവ​ശ്യ​മെ​ങ്കി​ലും പറഞ്ഞു പരിശീ​ലി​ക്കാൻ പിതാവ്‌ എന്നോട്‌ ആവശ്യ​പ്പെ​ടു​മാ​യി​രു​ന്നു.” ഒരുപക്ഷേ നിങ്ങളു​ടെ കുടുംബ ബൈബി​ള​ധ്യ​യ​ന​ത്തി​നി​ട​യിൽ വീക്ഷാ​ഗോ​പു​ര​ത്തി​ലെ തിര​ഞ്ഞെ​ടുത്ത ഖണ്ഡിക​ക​ളിൽനി​ന്നു സ്വന്ത വാക്യ​ത്തിൽ ഉത്തരങ്ങൾ തയ്യാറാ​കാൻ നിങ്ങളു​ടെ കുട്ടി​കളെ സഹായി​ക്കാൻ മാതാ​പി​താ​ക്ക​ളായ നിങ്ങൾക്കു സാധി​ക്കും. യഹോ​വ​യു​ടെ പഠിപ്പി​ക്കൽ പരിപാ​ടി​യിൽ പങ്കുപ​റ്റു​ന്ന​തിന്‌ അവർക്കുള്ള മഹത്തായ പദവിയെ വിലമ​തി​ക്കാൻ അവരെ സഹായി​ക്കുക.

16. ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽനിന്ന്‌ എന്തു പ്രയോ​ജ​ന​മു​ണ്ടാ​യി​രി​ക്കു​ന്നു, സ്‌കൂ​ളിൽ ആർക്കെ​ല്ലാം പേരു​കൊ​ടു​ക്കാം?

¹⁶ മറ്റു ക്രിസ്‌തീയ യോഗ​ങ്ങ​ളി​ലെ പഠിപ്പി​ക്ക​ലി​നും ഗൗരവ​മായ പരിഗണന കൊടു​ക്കണം, വിവരം കൊടു​ക്കാൻ പദവി​യു​ള്ള​വ​രും പ്രബോ​ധനം ശ്രദ്ധി​ക്കു​ന്ന​വ​രും. ഇപ്പോൾ 50-ലധികം വർഷമാ​യി, രാജ്യ​സ​ന്ദേശം കൂടുതൽ ഫലപ്ര​ദ​മാ​യി അവതരി​പ്പി​ക്കു​ന്ന​തി​നു ലക്ഷക്കണ​ക്കി​നു സ്‌ത്രീ​പു​രു​ഷ​ന്മാ​രെ പരിശീ​ലി​പ്പി​ക്കാൻ യഹോവ വാരം​തോ​റു​മുള്ള ദിവ്യാ​ധി​പത്യ ശുശ്രൂ​ഷാ സ്‌കൂ​ളി​നെ ഉപയോ​ഗി​ച്ചി​രി​ക്കു​ന്നു. ഈയിടെ യോഗ​ങ്ങ​ളിൽ സംബന്ധി​ക്കാൻ തുടങ്ങി​യി​രി​ക്കു​ന്നവർ ഉൾപ്പെടെ സഭയു​മാ​യി സജീവ​മാ​യി സഹവസി​ക്കു​ന്ന​വർക്ക്‌ പേരു ചാർത്താ​വു​ന്ന​താണ്‌. എന്നാൽ അവർ ക്രിസ്‌തീയ തത്ത്വങ്ങൾക്കു ചേർച്ച​യിൽ ജീവിതം നയിക്കു​ന്ന​വ​രാ​യി​രി​ക്കണം.

17. (എ) പ്രത്യേ​കി​ച്ചും എന്ത്‌ ഉദ്ദേശ്യ​ത്തി​ലാ​ണു പരസ്യ​യോ​ഗം ഏർപ്പെ​ടു​ത്തി​യത്‌? (ബി) പരസ്യ​പ്ര​സം​ഗകർ ഓർത്തി​രി​ക്കേണ്ട സംഗതി​ക​ളെന്ത്‌?

¹⁷ പഠിപ്പി​ക്കൽ പരിപാ​ടി​യു​ടെ ദീർഘ​നാ​ളാ​യി​ട്ടുള്ള മറ്റൊരു സവി​ശേ​ഷ​ത​യാ​ണു പരസ്യ​യോ​ഗം. അതിന്റെ പേർ സൂചി​പ്പി​ക്കു​ന്ന​തു​പോ​ലെ, സാക്ഷി​ക​ള​ല്ലാ​ത്ത​വരെ അടിസ്ഥാന ബൈബിൾ പഠിപ്പി​ക്കൽ പരിച​യ​പ്പെ​ടു​ത്തി​ക്കൊ​ടു​ക്ക​ണ​മെന്ന പ്രത്യേക ഉദ്ദേശ്യ​ത്തിൽ സ്ഥാപി​ച്ചി​രി​ക്കു​ന്ന​താണ്‌ ഈ യോഗം. അതു​കൊണ്ട്‌, സന്ദേശം ആദ്യമാ​യി കേൾക്കു​ന്ന​യാൾക്കു ഗ്രഹി​ക്ക​ത്ത​ക്ക​വി​ധ​ത്തി​ലാ​യി​രി​ക്കണം പ്രസംഗം നിർവ​ഹി​ക്കു​ന്ന​യാൾ വിവരങ്ങൾ അവതരി​പ്പി​ക്കേ​ണ്ടത്‌. “വേറെ ആടുകൾ” “സഹോ​ദ​ര​ന്മാർ” “ശേഷിപ്പ്‌” എന്നിങ്ങനെ സാക്ഷി​ക​ള​ല്ലാ​ത്തവർ മനസ്സി​ലാ​ക്കാ​നി​ട​യി​ല്ലാത്ത പദങ്ങൾ വിശദീ​ക​രി​ച്ചു​കൊ​ടു​ക്ക​ണ​മെ​ന്നാണ്‌ ഇതിന്റെ അർഥം. പരസ്യ​യോ​ഗ​ത്തി​നു സംബന്ധി​ക്കുന്ന ആളുകൾക്കു തിരു​വെ​ഴു​ത്തു​ക​ളോ​ടു തികച്ചും വിരു​ദ്ധ​മായ വിശ്വാ​സ​ങ്ങ​ളോ ജീവി​ത​ശൈ​ലി​ക​ളോ ഉണ്ടാ​യെ​ന്നു​വ​രാം, അത്‌ ഇന്നത്തെ സമൂഹ​ത്തിൽ സ്വീകാ​ര്യ​വു​മാ​യി​രി​ക്കാം. എന്നാൽ പ്രസം​ഗകൻ എല്ലായ്‌പോ​ഴും നയമു​ള്ള​വ​നാ​യി​രി​ക്കണം, അത്തരം വിശ്വാ​സ​ങ്ങ​ളെ​യോ ജീവി​ത​ശൈ​ലി​ക​ളെ​യോ ഒരിക്ക​ലും പരിഹ​സി​ച്ചു​സം​സാ​രി​ക്ക​രുത്‌.—താരത​മ്യം ചെയ്യുക: 1 കൊരി​ന്ത്യർ 9:19-23.

18. വാരം​തോ​റും വേറെ ഏതെല്ലാം സഭാ​യോ​ഗ​ങ്ങ​ളുണ്ട്‌, അവയുടെ ഉദ്ദേശ്യ​മെന്ത്‌?

¹⁸ വിശ്വ​സ്‌ത​നും വിവേ​കി​യു​മായ അടിമ​യു​ടെ നിർദേ​ശ​ത്തിൻകീ​ഴിൽ തയ്യാറാ​ക്ക​പ്പെ​ടുന്ന പ്രസി​ദ്ധീ​ക​ര​ണങ്ങൾ വാരം​തോ​റും ബൈബിൾവെച്ചു പഠിക്കുന്ന യോഗ​മാ​ണു സഭാപു​സ്‌ത​കാ​ധ്യ​യനം. വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! എന്ന പുസ്‌ത​ക​മാണ്‌ അനേക രാജ്യ​ങ്ങ​ളിൽ ഇപ്പോൾ പഠിച്ചു​കൊ​ണ്ടി​രി​ക്കു​ന്നത്‌. രാജ്യ​സു​വാർത്താ പ്രസം​ഗ​ത്തിൽ ഒരു മുഴു പങ്കുണ്ടാ​യി​രി​ക്കാ​നും ശിഷ്യ​രാ​ക്കൽ നിർവ​ഹി​ക്കാ​നും യഹോ​വ​യു​ടെ ജനത്തെ സജ്ജമാ​ക്കാൻ രൂപകൽപ്പന ചെയ്‌തി​രി​ക്കു​ന്ന​താ​ണു സേവന​യോ​ഗം.—മത്തായി 28:19, 20; മർക്കൊസ്‌ 13:10.

വലിയ യോഗ​ങ്ങ​ളിൽ പഠിപ്പി​ക്ക​പ്പെ​ടു​ന്നു

19. വർഷം​തോ​റും ഏതെല്ലാം വലിയ കൂടി​വ​ര​വു​ക​ളാണ്‌ “അടിമ” ക്രമീ​ക​രി​ക്കു​ന്നത്‌?

¹⁹ സത്യ​ക്രി​സ്‌ത്യാ​നി​കളെ പഠിപ്പി​ക്കു​ന്ന​തി​നും അവർക്കു പ്രത്യേക പ്രോ​ത്സാ​ഹനം കൊടു​ക്കു​ന്ന​തി​നും ‘വിശ്വ​സ്‌ത​നായ അടിമ’ കൺ​വെൻ​ഷ​നു​ക​ളും സമ്മേള​ന​ങ്ങ​ളും ക്രമീ​ക​രി​ക്കാൻ തുടങ്ങി​യി​ട്ടു നൂറി​ല​ധി​കം വർഷമാ​യി. വർഷം​തോ​റും അത്തരം മൂന്നു വലിയ യോഗങ്ങൾ നടത്ത​പ്പെ​ടു​ന്നു. ഒരു സർക്കി​ട്ടി​ലെ സഭകൾ സംബന്ധി​ക്കുന്ന ഒരു ഏകദിന സമ്മേള​ന​മുണ്ട്‌. ഒരു വർഷത്തിൽ ഓരോ സർക്കി​ട്ടി​ലും സർക്കിട്ടു സമ്മേള​ന​മെന്നു വിളി​ക്കുന്ന രണ്ടു ദിവസത്തെ ഒരു സമ്മേള​ന​മുണ്ട്‌. കൂടാതെ, ഡിസ്‌ട്രി​ക്‌റ്റ്‌ കൺ​വെൻ​ഷൻ എന്നു വിളി​ക്ക​പ്പെ​ടുന്ന ഒരു കൂടി​വ​ര​വുണ്ട്‌, ഒന്നില​ധി​കം സർക്കി​ട്ടു​കൾ ഇതിൽ സംബന്ധി​ക്കു​ന്നു. ഏതാനും വർഷങ്ങൾ കൂടു​മ്പോൾ സാർവ​ദേ​ശീയ കൺ​വെൻ​ഷ​നു​കൾ ഉണ്ടാ​യേ​ക്കാം. മറ്റു രാജ്യ​ങ്ങ​ളിൽനി​ന്നുള്ള അതിഥി​ക​ളായ സാക്ഷികൾ പങ്കെടു​ക്കുന്ന ഈ വലിയ കൂടി​വ​ര​വു​കൾ യഹോ​വ​യു​ടെ ജനത്തിന്റെ വിശ്വാ​സ​ത്തി​നു വാസ്‌ത​വ​ത്തിൽ കരുത്തു​പ​ക​രു​ന്നു!—താരത​മ്യം ചെയ്യുക: ആവർത്ത​ന​പു​സ്‌തകം 16:16.

20. യഹോ​വ​യു​ടെ സാക്ഷി​ക​ളു​ടെ വലിയ കൂടി​വ​ര​വു​ക​ളിൽ പൂർവാ​പ​ര​യോ​ജി​പ്പിൽ എന്തിന്‌ ഊന്നൽ ലഭിച്ചി​രി​ക്കു​ന്നു?

²⁰ ഐക്യ​നാ​ടു​ക​ളി​ലെ ഒഹാ​യോ​യി​ലുള്ള സീഡാർ പോയൻറിൽ 1922-ൽ ഏതാണ്ട്‌ 10,000 പേർ ഒരുമി​ച്ചു​കൂ​ടി​യ​പ്പോൾ, പ്രസം​ഗ​കന്റെ ഈ പ്രോ​ത്സാ​ഹ​ന​വാ​ക്കു​കൾ കേട്ട്‌ പ്രതി​നി​ധി​കൾ പ്രചോ​ദി​ത​രാ​യി: “ഇതു സകല ദിവസ​ങ്ങ​ളി​ലും​വെച്ചു മഹത്തായ ദിവസ​മാ​കു​ന്നു. നോക്കൂ, രാജാവു വാഴുന്നു! അതു പ്രസി​ദ്ധ​മാ​ക്കാ​നുള്ള ഏജൻറു​മാ​രാ​ണു നിങ്ങൾ. അതു​കൊണ്ട്‌ രാജാ​വി​നെ​യും അവന്റെ രാജ്യ​ത്തെ​യും പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ.” അത്തരം വലിയ കൺ​വെൻ​ഷ​നു​കൾ പൂർവാ​പ​ര​യോ​ജി​പ്പിൽ പ്രസം​ഗ​വേ​ലക്ക്‌ ഊന്നൽ കൊടു​ത്തി​രി​ക്കു​ന്നു. ഉദാഹ​ര​ണ​ത്തിന്‌, 1953 ന്യൂ​യോർക്കു നഗരത്തിൽ നടന്ന സാർവ​ദേ​ശീയ കൺ​വെൻ​ഷ​നിൽ, എല്ലാ സഭകളി​ലും വീടു​തോ​റു​മുള്ള ഒരു പരിശീ​ലന പരിപാ​ടി​യു​ടെ സ്ഥാപിക്കൽ സംബന്ധി​ച്ചുള്ള ഒരു പ്രഖ്യാ​പ​ന​മു​ണ്ടാ​യി. അതു പ്രാവർത്തി​ക​മാ​ക്കി​യ​തി​നാൽ അനേകം രാജ്യ​ങ്ങ​ളിൽ രാജ്യ​പ്ര​സം​ഗ​വേ​ല​യിൽ വളരെ ഗുണക​ര​മായ ഫലമു​ണ്ടാ​യി.

പഠിപ്പി​ക്കാൻ ദൈവ​ത്താൽ പഠിപ്പി​ക്ക​പ്പെ​ടു​ന്നു

21. നാം ഏതു പദവി സ്വീക​രി​ക്കാൻ ആഗ്രഹി​ക്കു​ന്നു, എന്നാൽ എന്തിന്റെ ഉദ്ദേശ്യം മറക്കാൻ ആഗ്രഹി​ക്കു​ന്നില്ല?

²¹ തീർച്ച​യാ​യും, ഇന്നു ഭൂമി​യിൽ യഹോ​വക്കു വിസ്‌മ​യാ​വ​ഹ​മായ ഒരു പഠിപ്പി​ക്കൽ പരിപാ​ടി​യുണ്ട്‌! അതിൽനി​ന്നു പ്രയോ​ജനം അനുഭ​വി​ക്കുന്ന എല്ലാവ​രെ​യും യഹോ​വക്കു പഠിപ്പി​ക്കാ​നാ​വും, അതേ, അത്തരക്കാർക്കു “പഠിപ്പി​ക്ക​പ്പെ​ട്ട​വ​രു​ടെ നാവ്‌” ലഭിച്ചി​രി​ക്കു​ന്ന​വ​രു​ടെ ഇടയി​ലാ​യി​രി​ക്കാ​നാ​വും. പ്രതീ​കാ​ത്മ​ക​മാ​യി പറഞ്ഞാൽ, ദൈവ​ത്തി​ന്റെ സ്‌കൂ​ളി​ലാ​യി​രി​ക്കാ​നുള്ള എന്തോരു പദവി! എന്നിട്ടും, ഈ പദവി സ്വീക​രി​ക്കു​മ്പോൾ, നാം അതിന്റെ ഉദ്ദേശ്യം മറന്നു​ക​ള​യ​രുത്‌. യേശു​വി​നു മറ്റുള്ള​വരെ പഠിപ്പി​ക്കാൻ കഴി​യേ​ണ്ട​തി​നു യഹോവ യേശു​വി​നെ പഠിപ്പി​ച്ചു, ശിഷ്യ​ന്മാർക്കു താൻ ചെയ്‌ത അതേവേല വലിയ അളവിൽ ചെയ്യാൻ കഴി​യേ​ണ്ട​തി​നു യേശു ശിഷ്യ​ന്മാ​രെ പഠിപ്പി​ച്ചു. സമാന​മാ​യി, മറ്റുള്ള​വരെ പഠിപ്പി​ക്കു​ക​യെന്ന ഉദ്ദേശ്യ​ത്തി​ലുള്ള യഹോ​വ​യു​ടെ മഹത്തായ പഠിപ്പി​ക്കൽ പരിപാ​ടി​യിൽ നമുക്കു പരിശീ​ലനം ലഭിക്കു​ക​യാണ്‌.—യോഹ​ന്നാൻ 6:45; 14:12; 2 കൊരി​ന്ത്യർ 5:20, 21; 6:1; 2 തിമൊ​ഥെ​യൊസ്‌ 2:2.

22. (എ) മോശ​ക്കും യിരെ​മ്യാ​വി​നും എന്തു പ്രശ്‌ന​മു​ണ്ടാ​യി​രു​ന്നു, എന്നാൽ അത്‌ എങ്ങനെ പരിഹ​രി​ക്ക​പ്പെട്ടു? (ബി) ദൈവം രാജ്യ​പ്ര​സം​ഗ​വേല പൂർത്തി​യാ​ക്കു​മെ​ന്ന​തി​നു നമുക്ക്‌ എന്ത്‌ ഉറപ്പുണ്ട്‌?

²² “ഞാൻ വാക്‌സാ​മർത്ഥ്യ​മു​ള്ള​വനല്ല” എന്നു പറഞ്ഞ മോശ​യെ​പ്പോ​ലെ​യും “എനിക്കു സംസാ​രി​പ്പാൻ അറിഞ്ഞു​കൂ​ടാ” എന്നു പറഞ്ഞ യിരെ​മ്യാ​വി​നെ​പ്പോ​ലെ​യും നിങ്ങൾ പറയു​ന്നു​വോ? യഹോവ അവരെ സഹായി​ച്ച​തു​പോ​ലെ നിങ്ങളെ സഹായി​ക്കും. ‘ഞാൻ നിന്റെ വായോ​ടു​കൂ​ടെ ഇരിക്കും’ എന്ന്‌ അവൻ മോശ​യോ​ടു പറഞ്ഞു. ‘നീ അവരെ ഭയപ്പെ​ട​രു​തു; . . . ഞാൻ നിന്നോ​ടു​കൂ​ടെ ഉണ്ട്‌’ എന്ന്‌ അവൻ യിരെ​മ്യാ​വി​നോ​ടു പറഞ്ഞു. (പുറപ്പാ​ടു 4:10-12; യിരെ​മ്യാ​വു 1:6-8) തന്റെ ശിഷ്യ​ന്മാർ ശബ്ദിക്കാ​തി​രി​ക്കാൻ മതനേ​താ​ക്ക​ന്മാർ ആഗ്രഹി​ച്ച​പ്പോൾ, യേശു പറഞ്ഞു: “ഇവർ മിണ്ടാ​തി​രു​ന്നാൽ കല്ലുകൾ ആർത്തു​വി​ളി​ക്കും.” (ലൂക്കൊസ്‌ 19:40) അന്നു കല്ലുകൾ ആർത്തു​വി​ളി​ക്കേ​ണ്ട​യാ​വ​ശ്യം വന്നില്ല, ഇപ്പോ​ഴും അവയുടെ ആവശ്യ​മില്ല, കാരണം തന്റെ രാജ്യ​സ​ന്ദേശം എത്തിച്ചു​കൊ​ടു​ക്കാൻ യഹോവ തന്റെ പഠിപ്പി​ക്ക​പ്പെ​ട്ട​വ​രു​ടെ നാവിനെ ഉപയോ​ഗി​ക്കു​ക​യാണ്‌.

നിങ്ങൾക്ക്‌ ഉത്തരം പറയാ​നാ​വു​മോ?

◻ യെശയ്യാ​വു 50-ാം അധ്യാ​യ​ത്തിൽ ഏതു തികഞ്ഞ അധ്യാപക-വിദ്യാർഥി ബന്ധം പ്രദീ​പ്‌ത​മാ​ക്കി​യി​രി​ക്കു​ന്നു?

◻ യഹോവ വ്യാപ​ക​മായ പഠിപ്പി​ക്കൽ പരിപാ​ടി നടത്തി​യി​രി​ക്കു​ന്ന​തെ​ങ്ങനെ?

◻ യഹോ​വ​യു​ടെ പഠിപ്പി​ക്കൽ പരിപാ​ടി​യു​ടെ ചില സവി​ശേ​ഷ​തകൾ എന്തെല്ലാം?

◻ യഹോ​വ​യു​ടെ പഠിപ്പി​ക്കൽ പരിപാ​ടി​യിൽ പങ്കു​കൊ​ള്ളു​ന്നതു മഹത്തായ പദവി​യാ​യി​രി​ക്കു​ന്നത്‌ എന്തു​കൊണ്ട്‌?

[16-ാം പേജിലെ ചിത്രം]

കുട്ടികൾ ഹൃദയ​ത്തിൽനിന്ന്‌ ഉത്തരങ്ങൾ പറയു​ന്നത്‌ പ്രായ​മു​ള്ള​വർക്കു പലപ്പോ​ഴും പ്രോ​ത്സാ​ഹ​ജ​ന​ക​മാണ്‌