വായന​ക്കാ​രിൽനി​ന്നുള്ള ചോദ്യ​ങ്ങൾ

“സ്‌നേ​ഹ​ത്തിൽ ഭയമില്ല; . . . തികഞ്ഞ​സ്‌നേഹം ഭയത്തെ പുറത്താ​ക്കി​ക്ക​ള​യു​ന്നു” എന്ന്‌ 1 യോഹ​ന്നാൻ 4:18 നമ്മോടു പറയുന്നു. എന്നാൽ, “സഹോ​ദ​ര​വർഗ്ഗത്തെ സ്‌നേ​ഹി​പ്പിൻ; ദൈവത്തെ ഭയപ്പെ​ടു​വിൻ” എന്നു പത്രോസ്‌ എഴുതി. (1 പത്രൊസ്‌ 2:17) ഈ രണ്ടു വാക്യ​ങ്ങ​ളും നമു​ക്കെ​ങ്ങനെ ഒത്തിണ​ക്കാം?

പത്രോ​സും യോഹ​ന്നാ​നും യേശു​ക്രി​സ്‌തു​വിൽനി​ന്നു നേരിട്ടു പഠിച്ച അപ്പോ​സ്‌ത​ല​ന്മാ​രാ​യി​രു​ന്നു. തൻമൂലം, അവർ എഴുതി​യതു യോജി​പ്പി​ലാണ്‌ എന്നു നമുക്ക്‌ ഉറപ്പാ​ക്കാം. രണ്ട്‌ അപ്പോ​സ്‌ത​ല​ന്മാ​രും വ്യത്യസ്‌ത തരം ഭയത്തെ​ക്കു​റി​ച്ചാ​ണു സംസാ​രി​ച്ചത്‌ എന്നതാണു മുകളിൽ ഉദ്ധരി​ച്ചി​രി​ക്കുന്ന വാക്യ​ങ്ങൾക്കുള്ള പരിഹാ​രം.

നമുക്കാ​ദ്യം പത്രോ​സി​ന്റെ ബുദ്ധ്യു​പ​ദേശം പരിചി​ന്തി​ക്കാം. സന്ദർഭം കാണി​ക്കു​ന്ന​പ്ര​കാ​രം, അധികാ​ര​സ്ഥാ​ന​ത്തു​ള്ള​വ​രോട്‌ ഉണ്ടായി​രി​ക്കേണ്ട മനോ​ഭാ​വം സംബന്ധി​ച്ചു സഹക്രി​സ്‌ത്യാ​നി​കൾക്കു നിശ്വസ്‌ത ഉപദേശം നൽകു​ക​യാ​യി​രു​ന്നു പത്രോസ്‌. മറ്റുവാ​ക്കു​ക​ളിൽ പറഞ്ഞാൽ, ചില പ്രത്യേക രംഗങ്ങ​ളിൽ കീഴ്‌പെ​ട്ടി​രി​ക്കു​ന്നതു സംബന്ധിച്ച ഉചിത​മായ വീക്ഷണ​ത്തെ​ക്കു​റിച്ച്‌ അഭി​പ്രാ​യം പറയു​ക​യാ​യി​രു​ന്നു അവൻ. അങ്ങനെ, മാനുഷ ഗവൺമെൻറു​ക​ളിൽ രാജാ​ക്കൻമാർ അല്ലെങ്കിൽ ഗവർണർമാർ എന്നിങ്ങനെ അധികാര സ്ഥാനം​വ​ഹി​ക്കു​ന്ന​വർക്കു കീഴ്‌പെ​ട്ടി​രി​ക്കു​ന്നതു സംബന്ധി​ച്ചു ക്രിസ്‌ത്യാ​നി​കളെ ഉപദേ​ശി​ച്ചു. (1 പത്രൊസ്‌ 2:13, 14) അതേത്തു​ടർന്നു പത്രോസ്‌ എഴുതി: “എല്ലാവ​രെ​യും ബഹുമാ​നി​പ്പിൻ; സഹോ​ദ​ര​വർഗ്ഗത്തെ സ്‌നേ​ഹി​പ്പിൻ; ദൈവത്തെ ഭയപ്പെ​ടു​വിൻ; രാജാ​വി​നെ ബഹുമാ​നി​പ്പിൻ.”—1 പത്രൊസ്‌ 2:17.

ക്രിസ്‌ത്യാ​നി​കൾ “ദൈവത്തെ ഭയപ്പെട”ണമെന്നു പത്രോസ്‌ എഴുതി​യ​തി​ന്റെ അർഥം ദൈവ​ത്തോട്‌ ആഴമായ, ഭയഭക്തി​യോ​ടെ​യുള്ള ആദരവ്‌, അത്യുന്നത അധികാ​രി​യെ അപ്രീ​തി​പ്പെ​ടു​ത്തു​ന്ന​തി​ലുള്ള അഗാധ​മായ ഭയം, നമുക്കു​ണ്ടാ​യി​രി​ക്കണം എന്നാ​ണെന്നു സന്ദർഭം പരി​ശോ​ധി​ക്കു​മ്പോൾ വ്യക്തമാ​കും.—എബ്രായർ 11:7 താരത​മ്യം ചെയ്യുക.

അപ്പോ​സ്‌ത​ല​നാ​യ യോഹ​ന്നാ​ന്റെ അഭി​പ്രാ​യം സംബന്ധി​ച്ചെന്ത്‌? നേരത്തെ 1 യോഹ​ന്നാൻ 4-ാം അധ്യാ​യ​ത്തിൽ (NW) കള്ളപ്ര​വാ​ച​കൻമാ​രിൽനി​ന്നു വരുന്ന​പോ​ലുള്ള “നിശ്വസ്‌ത മൊഴി​കൾ” പരി​ശോ​ധി​ക്കേ​ണ്ട​തി​ന്റെ ആവശ്യ​ത്തെ​ക്കു​റിച്ച്‌ അപ്പോ​സ്‌തലൻ ചർച്ച​ചെ​യ്‌തു. ഈ മൊഴി​കൾ തീർച്ച​യാ​യും യഹോ​വ​യിൽനിന്ന്‌ ഉത്ഭൂത​മാ​കു​ന്നതല്ല; അവ ദുഷ്ട​ലോ​ക​ത്തിൽനി​ന്നു​ള്ള​തോ അതിന്റെ പ്രതി​ഫ​ല​ന​മോ ആണ്‌.

നേരേ​മ​റിച്ച്‌, അഭിഷിക്ത ക്രിസ്‌ത്യാ​നി​കൾ “ദൈവ​ത്തിൽനി​ന്നു​ള്ള​വ​രാ​കു​ന്നു.” (1 യോഹ​ന്നാൻ 4:1-6) തൻമൂലം, യോഹ​ന്നാൻ ഇങ്ങനെ പ്രചോ​ദ​ന​മേകി: “പ്രിയ​മു​ള്ള​വരേ, നാം അന്യോ​ന്യം സ്‌നേ​ഹിക്ക; സ്‌നേഹം ദൈവ​ത്തിൽനി​ന്നു​വ​രു​ന്നു.” സ്‌നേഹം പ്രകടി​പ്പി​ക്കു​ന്ന​തി​നു ദൈവം മുൻകൈ എടുത്തു—അവൻ ‘തന്റെ പുത്രനെ നമ്മുടെ പാപങ്ങൾക്കു പ്രായ​ശ്ചി​ത്തം ആകുവാൻ അയച്ചു.’ (1 യോഹ​ന്നാൻ 4:7-10) നാം എങ്ങനെ പ്രതി​ക​രി​ക്കണം?

നാം നമ്മുടെ സ്‌നേ​ഹ​വാ​നായ ദൈവ​ത്തോ​ടൊ​ത്തു നില​കൊ​ള്ളണം. നാം അവന്റെ മുന്നിൽ നടുങ്ങി വിറയ്‌ക്കു​ക​യോ പ്രാർഥ​ന​യിൽ എങ്ങനെ അവനെ സമീപി​ക്കു​മെ​ന്നോർത്തു കിടിലം കൊള്ളു​ക​യോ അരുത്‌. യോഹ​ന്നാൻ നേരത്തെ ഇങ്ങനെ ബുദ്ധ്യു​പ​ദേ​ശി​ച്ചു: “ഹൃദയം നമ്മെ കുറ്റം വിധി​ക്കു​ന്നി​ല്ലെ​ങ്കിൽ നമുക്കു ദൈവ​ത്തോ​ടു പ്രാഗ​ത്ഭ്യം [“സംസാ​ര​സ്വാ​ത​ന്ത്ര്യം,” NW] ഉണ്ടു. അവന്റെ കല്‌പ​ന​കളെ നാം പ്രമാ​ണി​ച്ചു അവന്നു പ്രസാ​ദ​മു​ള്ളതു ചെയ്യു​ന്ന​തു​കൊ​ണ്ടു എന്തു യാചി​ച്ചാ​ലും അവങ്കൽനി​ന്നു ലഭിക്കും.” (1 യോഹ​ന്നാൻ 3:21, 22) അതേ, ഒരു നല്ല മനസ്സാക്ഷി നമ്മെ തളർത്തു​ന്ന​തോ തടുക്കു​ന്ന​തോ ആയ ഭയം കൂടാതെ ദൈവത്തെ സമീപി​ക്കാ​നുള്ള സ്വാത​ന്ത്ര്യം നമുക്കു നൽകുന്നു. സ്‌നേ​ഹം​മൂ​ലം പ്രാർഥ​ന​യിൽ യഹോ​വയെ അഭിസം​ബോ​ധന ചെയ്യാൻ അഥവാ സമീപി​ക്കാൻ നമുക്കു സ്വാത​ന്ത്ര്യം തോന്നു​ന്നു. ഈ വിധത്തിൽ, “സ്‌നേ​ഹ​ത്തിൽ ഭയമില്ല.”

ആ സ്ഥിതിക്കു നമുക്കു രണ്ടു ന്യായ​വാ​ദ​ങ്ങ​ളും ഒരുമി​ച്ചു ചേർത്തു നോക്കാം. ഒരു ക്രിസ്‌ത്യാ​നിക്ക്‌ എല്ലായ്‌പോ​ഴും യഹോ​വ​യോട്‌ അവന്റെ സ്ഥാനം, ശക്തി, നീതി എന്നിവ നിമിത്തം ഉളവാ​കുന്ന ഭക്ത്യാ​ദ​ര​വോ​ടെ​യുള്ള ഭയം ഉണ്ടായി​രി​ക്കണം. എന്നാൽ, നാം ദൈവത്തെ നമ്മുടെ പിതാ​വെന്ന നിലയിൽ സ്‌നേ​ഹി​ക്കു​ന്നു. അതോ​ടൊ​പ്പം അവനോട്‌ അടുപ്പ​വും അവനെ സമീപി​ക്കു​വാ​നുള്ള സ്വാത​ന്ത്ര്യ​വും തോന്നു​ക​യും ചെയ്യുന്നു. അവന്റെ മുന്നിൽ നടുങ്ങി വിറയ്‌ക്കു​ന്ന​തി​നു പകരം, ഒരു കുട്ടി സ്‌നേ​ഹ​നി​ധി​യായ തന്റെ പിതാ​വി​നെ സമീപി​ക്കു​ന്ന​തു​പോ​ലെ അവനെ സമീപി​ക്കാൻ നമുക്കു കഴിയു​മെന്നു നാം വിശ്വ​സി​ക്കു​ന്നു.—യാക്കോബ്‌ 4:8.