അപകട​ക​ര​മായ പരിസ​രത്തു നിങ്ങൾക്കെ​ങ്ങനെ അതിജീ​വി​ക്കാ​നാ​വും?

“എനി​ക്കെ​പ്പോ​ഴും ഒരു വല്ലാത്ത ഭയമാ​യി​രു​ന്നു. ലിഫ്‌റ്റി​ലാ​യി​രി​ക്കു​മ്പോൾ പേടി, കാറി​ലാ​യി​രി​ക്കു​മ്പോൾ പേടി, എന്റെ വസതി​യി​ലാ​യി​രി​ക്കു​മ്പോൾ പേടി. എവി​ടെ​യും കുറ്റകൃ​ത്യം​തന്നെ. ആളുകൾ എപ്പോ​ഴും കൊള്ള​യ​ടി​ക്ക​പ്പെ​ടു​ന്നു,” മരിയ പറയുന്നു. നിങ്ങളു​ടെ പരിസ​ര​ത്താ​യി​രി​ക്കു​മ്പോൾ, വിശേ​ഷി​ച്ചും അർധരാ​ത്രി​യിൽ, ഈ ബ്രസീ​ലു​കാ​രി സ്‌ത്രീ​യെ​പ്പോ​ലെ നിങ്ങൾക്കും പേടി തോന്നു​ന്നു​ണ്ടോ?

കുറ്റാ​ന്വേ​ഷ​ണ​ക​ഥകൾ വായി​ക്കു​ന്നതു ഹരംപ​ക​രുന്ന ഒരനു​ഭ​വ​മാ​യി​രി​ക്കാം, എന്നാൽ യഥാർഥ ജീവിതം പലപ്പോ​ഴും ശുഭപ​ര്യ​വ​സാ​യി​യല്ല. ഒരു കുറ്റകൃ​ത്യ​ത്തിന്‌ ഒരു തുമ്പും​കി​ട്ടാ​തെ അവശേ​ഷി​ച്ചേ​ക്കാം. ഇനി, നരഹത്യ​യു​ടെ കാര്യ​ത്തി​ലാ​ണെ​ങ്കി​ലോ, ഒരു വ്യക്തിക്കു നഷ്ടമാ​വു​ന്നത്‌ ഭർത്താ​വി​നെ​യോ പിതാ​വി​നെ​യോ പുത്ര​നെ​യോ ഭാര്യ​യെ​യോ അമ്മയെ​യോ പുത്രി​യെ​യോ ഒക്കെയാ​കാം. അക്രമാ​സ​ക്ത​മായ കുറ്റകൃ​ത്യ​ങ്ങൾ നിങ്ങളു​ടെ പരിസ​രത്തു വർധി​ച്ചു​വ​രി​ക​യാ​ണോ? സുരക്ഷി​ത​ത്വ​മുള്ള ശാന്തമായ ഒരു സ്ഥലത്താ​യി​രി​ക്കണം നിങ്ങളു​ടെ കുടും​ബ​മെന്നു നിങ്ങൾ അതിയാ​യി ആഗ്രഹി​ക്കു​ന്നു​ണ്ടോ? അല്ലെങ്കിൽ, കുറ്റകൃ​ത്യ​ങ്ങൾ നടമാ​ടുന്ന ഒരു പ്രദേ​ശത്തു കുട്ടി​കളെ വളർത്തി ജീവി​ക്കേണ്ട സാഹച​ര്യ​മാ​ണു നിങ്ങൾക്കു​ള്ള​തെ​ങ്കിൽ, അതിജീ​വി​ക്കാൻ നിങ്ങൾക്ക്‌ എന്തു ചെയ്യാൻ സാധി​ക്കും?

കാര്യ​മാ​യ കുറ്റകൃ​ത്യ​ങ്ങൾ റിപ്പോർട്ടു​ചെ​യ്യ​പ്പെ​ടാത്ത നഗരങ്ങൾ ഉണ്ടെന്നതു ശരിതന്നെ. അനേകം ദേശങ്ങ​ളിൽ, ആളുകൾ ഗ്രാമീണ പ്രശാ​ന്ത​ത​യിൽ അഥവാ സ്വസ്ഥത​യുള്ള ഗ്രാമ​ങ്ങ​ളിൽ പാർക്കു​ന്നുണ്ട്‌. എന്നാൽ കുറ്റകൃ​ത്യ​വി​മു​ക്ത​മെന്നു മുമ്പു കരുതി​യി​രുന്ന പ്രദേ​ശ​ങ്ങ​ളിൽപ്പോ​ലും സംഗതി​കൾ ദ്രുത​ഗ​തി​യിൽ മാറി​ക്കൊ​ണ്ടി​രി​ക്കു​ക​യാണ്‌. ഉദാഹ​ര​ണ​ത്തിന്‌, 50 വർഷം​മുമ്പ്‌, ബ്രസീ​ലിൽ 70 ശതമാനം ആളുകൾ ഗ്രാമ​പ്ര​ദേ​ശ​ങ്ങ​ളി​ലാ​യി​രു​ന്നു താമസി​ച്ചി​രു​ന്നത്‌. എന്നാൽ ഇപ്പോൾ 70 ശതമാനം നഗരങ്ങ​ളി​ലാ​ണു താമസി​ക്കു​ന്നത്‌. തൊഴി​ല​വ​സ​രങ്ങൾ വർധി​ച്ചു​വെ​ങ്കി​ലും കുറ്റകൃ​ത്യ​വും അക്രമ​വും പോലുള്ള നഗര പ്രശ്‌ന​ങ്ങ​ളും അതോ​ടൊ​പ്പം പെരുകി. അപകട​ക​ര​മാ​യ​തോ അല്ലാത്ത​തോ ആയ മേഖല​ക​ളിൽ ജീവി​ച്ചാ​ലും, നിങ്ങൾക്കു വീട്ടിൽനിന്ന്‌ അകലെ ജോലി​ക്കോ സ്‌കൂ​ളി​ലോ, അല്ലെങ്കിൽ മറ്റു പലകാ​ര്യ​ങ്ങൾക്കു​വേ​ണ്ടി​യോ പുറത്തു​പോ​യേ​തീ​രൂ.

ഇപ്പോൾ കണ്ടുവ​രുന്ന “പരി​ഭ്രാ​ന്തി ലക്ഷണങ്ങ”ളെ അംഗീ​ക​രി​ച്ചു​കൊണ്ട്‌ റിയോ ഡെ ജനി​റോ​യി​ലെ ഒരു പൊലീസ്‌ മേധാവി അതിനെ നിലനിർത്തുന്ന ഘടകങ്ങളെ പരാമർശി​ക്കു​ന്നു. സാമൂ​ഹിക അനീതി​യും സംഘടിത കുറ്റകൃ​ത്യ​വു​മാ​ണ​വ​യെന്ന്‌ അദ്ദേഹം പറയുന്നു. “ദുരന്ത വാർത്ത​കൾകൊണ്ട്‌ ആളുക​ളു​ടെ മനോ​വീ​ര്യ​ത്തെ കെടു​ത്തി​ക്കൊണ്ട്‌” പത്രങ്ങ​ളും ടെലി​വി​ഷ​നും വ്യാപ​ക​മായ ഭയത്തെ ഊട്ടി​വ​ളർത്തു​ന്ന​താ​യും അദ്ദേഹ​ത്തി​നു തോന്നു​ന്നു. മയക്കു​മ​രു​ന്നാ​സക്തി, കുടും​ബ​ത്ത​കർച്ച, തെറ്റായ മതവി​ശ്വാ​സം എന്നിവ​യും പെരു​കുന്ന നിയമ​രാ​ഹി​ത്യ​ത്തെ പോഷി​പ്പി​ക്കു​ന്നുണ്ട്‌. ഇനി ഭാവി​യി​ലെ അവസ്ഥയോ? പുസ്‌ത​ക​ങ്ങ​ളി​ലും ചലച്ചി​ത്ര​ങ്ങ​ളി​ലും വിനോ​ദ​മെന്ന നിലയിൽ നിരന്തരം നിസ്സാ​രീ​ക​രി​ച്ചു​കാ​ണി​ക്കുന്ന അക്രമാ​സക്ത രംഗങ്ങൾ ആളുകളെ മറ്റുള്ള​വ​രു​ടെ നേരേ കഠിന​ഹൃ​ദ​യ​രാ​ക്കു​മോ? കുറ്റകൃ​ത്യ​മു​ക്ത​മെന്നു വിചാ​രി​ക്കുന്ന പ്രദേ​ശ​ങ്ങ​ളും അപകട​ക​ര​മാ​യി​ത്തീ​രു​മോ?

അക്രമ​ത്തിന്‌ ഇരയാ​കു​ന്ന​വർക്ക്‌ അതു വേദനാ​ജ​ന​ക​മാ​യ​തു​കൊണ്ട്‌, സുരക്ഷി​ത​രാ​യി​രി​ക്ക​ണ​മെന്ന ഒരു ശക്തമായ ആഗ്രഹം നമുക്കുണ്ട്‌. ഇതിൽ ഉത്‌ക​ണ്‌ഠാ​കു​ല​രായ പൗരന്മാർ തെരു​വു​ക​ളിൽ കൂടുതൽ പൊലീ​സി​നെ​യും കുറ്റവാ​ളി​കൾക്കു കടുത്ത തടവു​ശി​ക്ഷ​ക​ളും അല്ലെങ്കിൽ വധശി​ക്ഷ​യും​വരെ ആവശ്യ​പ്പെ​ടു​ന്ന​തിൽ അതിശ​യി​ക്കാ​നില്ല! അപകട​സാ​ധ്യ​ത​യു​ണ്ടാ​യി​രു​ന്നി​ട്ടും, ചിലർ സ്വയര​ക്ഷ​യ്‌ക്കു തോക്കു​കൾ സമ്പാദി​ക്കു​ന്നു. മറ്റുചി​ല​രാ​കട്ടെ, തോക്കു​കൾപോ​ലുള്ള ആയുധ​ങ്ങ​ളു​ടെ വില്‌പ​നയെ നിയ​ന്ത്രി​ക്ക​ണ​മെന്ന്‌ അധികാ​രി​ക​ളോട്‌ ആവശ്യ​പ്പെ​ടു​ന്നു. കുറ്റകൃ​ത്യ​ങ്ങൾ പെരു​കു​ന്നു​വെന്ന അസുഖ​ക​ര​മായ വാർത്ത​യു​ണ്ടെ​ങ്കി​ലും, നിരാ​ശ​പ്പെ​ടേ​ണ്ട​യാ​വ​ശ്യ​മില്ല. വാസ്‌ത​വ​ത്തിൽ, ജോഹ​ന്ന​സ്‌ബർഗ്‌, മെക്‌സി​ക്കോ സിറ്റി, ന്യൂ​യോർക്ക്‌, റിയോ ഡെ ജനിറോ, സാവോ പൗലോ എന്നിങ്ങ​നെ​യുള്ള വൻ നഗരങ്ങ​ളിൽ ഒരിക്ക​ലും കൊള്ള​യ​ടി​ക്ക​പ്പെ​ട്ടി​ട്ടി​ല്ലാത്ത അനേകം നിവാ​സി​ക​ളുണ്ട്‌. അപകട​ക​ര​മായ പരിസ​രത്ത്‌ ആളുകൾ വിജയ​ക​ര​മാ​യി ജീവി​ക്കു​ന്ന​തെ​ങ്ങ​നെ​യെന്നു നമുക്കു പരി​ശോ​ധി​ക്കാം.

ക്രിയാ​ത്മ​ക​മായ ഒരു മനോ​ഭാ​വം നിലനിർത്തൽ

കുറ്റകൃ​ത്യ​ങ്ങൾ നടമാ​ടുന്ന ഒരു പ്രദേ​ശ​ത്തെ​ക്കു​റി​ച്ചു പറയവേ, “പരുക്കൻ ജീവിത സാഹച​ര്യ​ങ്ങ​ളു​ണ്ടാ​യി​രു​ന്നി​ട്ടും അന്തസ്സും ആഭിജാ​ത്യ​വും കൈമു​ത​ലാ​ക്കി​യെ​ടു​ത്തി​ട്ടുള്ള ആയിര​ക്ക​ണ​ക്കി​നു ബ്രസീൽക്കാ​രു​ടെ വൈഭ​വ​ത്തെ​യും സ്ഥിരോ​ത്സാ​ഹ​ത്തെ​യും” സംബന്ധിച്ച്‌ ഒരു എഴുത്തു​കാ​രൻ സൂചി​പ്പി​ക്കു​ന്നുണ്ട്‌. റിയോ ഡെ ജനി​റോ​യിൽ 38 വർഷമാ​യി താമസി​ക്കുന്ന ജോർജ പറയുന്നു: “ചില തെരു​വു​ക​ളി​ലൂ​ടെ​യും പ്രദേ​ശ​ത്തു​കൂ​ടെ​യും ഞാൻ പോകാ​റില്ല, തന്നെയു​മല്ല എന്തെങ്കി​ലും ജിജ്ഞാ​സ​യൊ​ട്ടു കാണി​ക്കാ​റു​മില്ല. രാത്രി വളരെ വൈകി തെരു​വി​ലൂ​ടെ നടക്കു​ന്ന​തും അതിരു​വിട്ട ഭയം പ്രകടി​പ്പി​ക്കു​ന്ന​തും ഞാൻ ഒഴിവാ​ക്കു​ന്നു. ജാഗ്രത കാട്ടു​മെ​ങ്കി​ലും, ഞാൻ ആളുകളെ സത്യസ​ന്ധ​രാ​യി വീക്ഷി​ക്കു​ന്നു, അവരോട്‌ ഇടപെ​ടു​മ്പോൾ ഞാൻ അന്തസ്സും ആദരവും പ്രകട​മാ​ക്കു​ന്നു.”

അതേ, അനാവശ്യ കുഴപ്പങ്ങൾ ഒഴിവാ​ക്കുക. മറ്റുള്ള​വ​രു​ടെ കാര്യ​ങ്ങ​ളിൽ തലയി​ടാ​തി​രി​ക്കുക. അതിരു​കടന്ന ഭയം നാഡീ​വ്യ​വ​സ്ഥയെ പ്രതി​കൂ​ല​മാ​യി ബാധി​ക്കു​മെ​ന്നും അതുനി​മി​ത്തം സൽസ്വ​ഭാ​വി​ക​ളായ ആളുകൾപോ​ലും യുക്തി​ഹീ​ന​മാ​യി പ്രവർത്തി​ക്കാൻ ഇടവരു​മെ​ന്നു​മുള്ള വസ്‌തു​തയെ ഒരിക്ക​ലും നിസ്സാ​ര​മാ​യി കാണരുത്‌. അപകട​മേ​ഖ​ല​യിൽ താൻ ജോലി​ചെ​യ്യു​ന്നതു സംബന്ധിച്ച്‌ ഓഡാർ ഇങ്ങനെ അഭി​പ്രാ​യ​പ്പെ​ടു​ന്നു: “മോശ​മായ സംഗതി​കൾ സംഭവി​ച്ചാ​ലോ എന്ന ഭയത്താൽ മനസ്സു പുണ്ണാ​ക്കാ​തെ ഞാൻ ക്രിയാ​ത്മക മനോ​ഭാ​വ​മു​ള്ള​വ​നാ​യി​രി​ക്കാൻ ശ്രമി​ക്കു​ന്നു. കാരണം അത്തരം ഭയം അനാവശ്യ പിരി​മു​റു​ക്ക​ത്തി​നും പരി​ഭ്രാ​ന്തി​ക്കും ഇടയാ​ക്കും. എല്ലാ ആളുക​ളോ​ടും ആദരവു കാട്ടാൻ ഞാൻ ശ്രമി​ക്കു​ന്നു.” ജാഗ്രത കാട്ടു​ന്ന​തി​ലും സംശയം തോന്നു​ന്ന​വ​രിൽനിന്ന്‌ അകന്നു​നിൽക്കു​ന്ന​തി​ലും ഉപരി​യാ​യി ഒരുവന്റെ വികാ​ര​ങ്ങളെ നിയ​ന്ത്രി​ക്കാൻ മറ്റൊരു സഹായം​കൂ​ടി​യു​ണ്ടെന്ന്‌ അദ്ദേഹം കൂട്ടി​ച്ചേർക്കു​ന്നു: “സർവോ​പരി, യാതൊ​ന്നും യഹോ​വ​യു​ടെ ദൃഷ്ടി​യിൽനി​ന്നു മറഞ്ഞി​രി​ക്കു​ന്നി​ല്ലെ​ന്നും സംഭവി​ക്കു​ന്ന​തെ​ന്തും അവന്റെ അനുവാ​ദ​ത്തോ​ടെ​യാ​ണെ​ന്നും ഓർത്തു​കൊണ്ട്‌ ഞാൻ യഹോ​വ​യിൽ വിശ്വാ​സം നട്ടുവ​ളർത്തു​ന്നു.”

എങ്കിലും, നിരന്തരം ഭയത്തിൽ ജീവി​ക്കാൻ ആരും ഇഷ്ടപ്പെ​ടു​ന്നില്ല. വൈകാ​രി​ക​വും ശാരീ​രി​ക​വു​മായ ആരോ​ഗ്യ​ത്തി​നു ദോഷ​ക​ര​മാണ്‌ അതിരു​കടന്ന ഭയവും സമ്മർദ​വു​മെന്ന വസ്‌തു​തയെ ആരു നിഷേ​ധി​ക്കും? അതു​കൊണ്ട്‌ തങ്ങൾ ഏതു സമയത്തും ആക്രമി​ക്ക​പ്പെ​ട്ടേ​ക്കാ​മെന്നു ഭയപ്പെ​ടു​ന്ന​വർക്ക്‌ എന്തു പ്രത്യാ​ശ​യുണ്ട്‌? കുറ്റകൃ​ത്യ​ങ്ങൾ നിറഞ്ഞ ഏറ്റവും മോശ​മായ സ്ഥിതി​വി​ശേഷം ഇനിയും സംഭവി​ക്കാ​നി​രി​ക്കു​ന്ന​തേ​യു​ള്ളൂ​വെന്ന്‌ അനേക​രും ഭയപ്പെ​ടു​ന്ന​തു​കൊണ്ട്‌, നാം എന്നെങ്കി​ലും അക്രമ​ങ്ങ​ളു​ടെ അന്ത്യം കാണു​മോ? “ഭയം എപ്പോൾ അവസാ​നി​ക്കും?” എന്ന അടുത്ത ലേഖനം വായി​ക്കാൻ ഞങ്ങൾ നിങ്ങളെ ക്ഷണിക്കു​ന്നു.