യേശു​വി​നെ​ക്കു​റി​ച്ചുള്ള സംശയങ്ങൾ ന്യായീ​ക​രി​ക്ക​പ്പെ​ടു​ന്നു​വോ?

നസ്രത്തിൽനി​ന്നുള്ള യേശു വാസ്‌ത​വ​ത്തിൽ അത്‌ഭു​തങ്ങൾ പ്രവർത്തി​ച്ചു​വോ? അവന്റെ ശിഷ്യ​ന്മാർ പ്രഘോ​ഷി​ച്ച​തു​പോ​ലെ, മരിച്ച​വ​രിൽനിന്ന്‌ അവൻ വാസ്‌ത​വ​ത്തിൽ ഉയിർപ്പി​ക്ക​പ്പെ​ട്ടു​വോ? ഇനി അവൻ വാസ്‌ത​വ​ത്തിൽ ജീവി​ച്ചി​രു​ന്നി​ട്ടു​ണ്ടോ? നമ്മുടെ ഈ ആധുനി​ക​യു​ഗ​ത്തിൽ, അനേകർക്കും അത്തരം ചോദ്യ​ങ്ങൾക്ക്‌ ഉറപ്പോ​ടെ ഉത്തരം​കൊ​ടു​ക്കാ​നാ​വു​ന്നി​ല്ലെന്നു തോന്നു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ അവർക്കു യേശു​വി​നെ​ക്കു​റി​ച്ചു സംശയ​മാണ്‌. ഒരു സംഗതി സത്യമാ​ണോ അല്ലെങ്കിൽ സാധ്യ​മാ​ണോ എന്നറി​യാ​തെ​യുള്ള അനശ്ചി​ത​ത്വ​ത്തി​ന്റേ​തായ വികാ​ര​ങ്ങ​ളാ​ണു സംശയങ്ങൾ. എന്നാൽ യേശു​വി​നെ​ക്കു​റി​ച്ചുള്ള അനിശ്ചി​ത​ത്വ​ത്തി​ന്റേ​തായ വികാ​രങ്ങൾ ന്യായീ​ക​രി​ക്ക​പ്പെ​ടു​ന്നു​ണ്ടോ? നമുക്കു നോക്കാം.

യേശു​വി​നെ​ക്കു​റി​ച്ചു സംശയങ്ങൾ വിതയ്‌ക്ക​പ്പെട്ട വിധം

19-ാം നൂറ്റാ​ണ്ടി​ന്റെ അവസാ​ന​ത്തി​ലും 20-ാം നൂറ്റാ​ണ്ടി​ന്റെ ആരംഭ​ത്തി​ലും ജീവി​ച്ചി​രുന്ന ചില ദൈവ​ശാ​സ്‌ത്ര​ജ്ഞ​ന്മാ​രാ​യി​രു​ന്നു യേശു​വി​നെ “പുരാതന സഭയുടെ ഒരു സങ്കല്‌പ കഥാപാ​ത്ര​മാ​യി” ചിത്രീ​ക​രി​ച്ചത്‌. യേശു​വി​ന്റെ ചരി​ത്ര​സ്വ​ഭാ​വ​ത്തി​ന്മേ​ലുള്ള ഈ കടന്നാ​ക്ര​മണം ഈ നൂറ്റാ​ണ്ടി​ന്റെ ആരംഭ​ത്തിൽ പണ്ഡിത​ന്മാർക്കി​ട​യിൽ ഒരു വിവാ​ദ​മാ​കു​ക​യും അത്‌ അക്കാലത്തെ പൊതു​ജ​ന​ങ്ങ​ളു​ടെ ഇടയിൽ ഒരു സംസാ​ര​വി​ഷ​യ​മാ​കു​ക​യും ചെയ്‌തു. ഇന്നും അതിന്‌ ഒരു സ്വാധീ​ന​മുണ്ട്‌. ഈ അടുത്ത​കാ​ലത്ത്‌ ജർമനി​യിൽ നടത്തിയ ഒരു പഠനം​തന്നെ ഉദാഹ​രണം. അഭിമു​ഖ​ത്തിൽ പങ്കെടുത്ത 3 ശതമാനം ആളുകൾ യേശു “ഒരിക്ക​ലും ജീവി​ച്ചി​രു​ന്നി​ട്ടില്ല” എന്നും “അവനെ അപ്പോ​സ്‌ത​ല​ന്മാർ കെട്ടി​ച്ചമച്ച”താണെ​ന്നും വിശ്വ​സി​ക്കു​ന്നു​വെന്ന്‌ അതു വെളി​പ്പെ​ടു​ത്തി. അതേ, ഈ നൂറ്റാ​ണ്ടി​ന്റെ ആരംഭ​ത്തിൽ വിതയ്‌ക്ക​പ്പെട്ട, യേശു​വി​നെ​ക്കു​റി​ച്ചുള്ള സംശയ​ത്തി​ന്റേ​തായ വിത്തുകൾ വളക്കൂ​റുള്ള മണ്ണി​ലെ​ന്ന​പോ​ലെ ആളുക​ളു​ടെ ഹൃദയ​ത്തിൽ ഇപ്പോ​ഴും വളരു​ക​യാണ്‌.

“കെട്ടി​ച്ച​മയ്‌ക്ക”പ്പെട്ട ഒരു കഥാപാ​ത്ര​മാ​ണു യേശു എന്ന നിഗമനം ന്യായീ​ക​രി​ക്ക​പ്പെ​ടു​ന്നി​ല്ലാ​ത്തത്‌ എന്തു​കൊ​ണ്ടാണ്‌? ബൈബിൾപ​ണ്ഡി​ത​നായ വോൾഗാങ്‌ ട്രില്ലിങ്‌ ഇങ്ങനെ അഭി​പ്രാ​യ​പ്പെ​ടു​ന്നു: “യേശു എന്നെങ്കി​ലും ജീവി​ച്ചി​രു​ന്നു​വോ, മറ്റു വാക്കു​ക​ളിൽ പറഞ്ഞാൽ, അവൻ ഒരു ചരി​ത്ര​പു​രു​ഷ​നാ​ണോ അതോ ഒരു കെട്ടു​ക​ഥ​യാ​ണോ, എന്നതു സംബന്ധി​ച്ചുള്ള വിവാദം പരിഹ​രി​ക്ക​പ്പെ​ട്ടി​രി​ക്കു​ന്നു. പ്രശ്‌ന​ത്തി​നു പരിഹാ​രം കണ്ടിരി​ക്കു​ന്നതു പണ്ഡി​തോ​ചി​ത​മായ രീതി​യിൽത്ത​ന്നെ​യാണ്‌, കുറഞ്ഞ​പക്ഷം ഗൗരവ​മ​ന​സ്‌ക​രായ ആളുകൾ പ്രസ്‌തുത പ്രശ്‌നത്തെ മേലാൽ ഒരു പണ്ഡിത വിവാ​ദ​മാ​യി വീക്ഷി​ക്കാ​ത്ത​വി​ധ​ത്തിൽത്ത​ന്നെ​യാണ്‌.” എന്നിരു​ന്നാ​ലും, യേശു എന്നെങ്കി​ലും ജീവി​ച്ചി​രു​ന്നു​വോ എന്നതിൽ ചിലർക്ക്‌ ഇപ്പോ​ഴും സംശയ​മാണ്‌. അതു​കൊണ്ട്‌, യേശു ചരി​ത്ര​പു​രു​ഷ​നാ​ണെന്നു സ്ഥാപി​ക്കാ​നും അവനെ​ക്കു​റി​ച്ചുള്ള മറ്റു സംശയങ്ങൾ ദൂരീ​ക​രി​ക്കാ​നും ഒരുവന്‌ എങ്ങനെ സാധി​ക്കു​മെന്നു നമുക്കു പരി​ശോ​ധി​ക്കാം.

സംശയങ്ങൾ അകറ്റുന്ന സാക്ഷ്യങ്ങൾ

വെറു​ക്കത്തക്ക ഒരു കുറ്റവാ​ളി എന്നനി​ല​യിൽ യേശു നിന്ദ്യ​മാ​യി വധിക്ക​പ്പെ​ട്ടു​വെന്ന സംഗതി “യേശു ചരിത്രപുരു​ഷ​ന​ല്ലെന്നു വാദി​ക്കു​ന്ന​വർക്കെ​തി​രാ​യുള്ള ഏറ്റവും ശക്തമായ വാദമാണ്‌,” ട്രില്ലിങ്‌ പ്രസ്‌താ​വി​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ, അത്തര​മൊ​രു വധം “യഹൂദ​ന്മാ​രു​ടെ​യും യഹൂദ​ന്മാ​രാ​ല്ലാ​ത്ത​വ​രു​ടെ​യും ഇടയിൽ പുതിയ വിശ്വാ​സം പ്രചരി​ക്കു​ന്നതു ക്ലേശക​ര​മാ​ക്കു​ക​യും പ്രതി​ബന്ധം സൃഷ്ടി​ക്കു​ക​യും​പോ​ലും ചെയ്‌തു.” (1 കൊരി​ന്ത്യർ 1:23 താരത​മ്യം ചെയ്യുക.) മിശി​ഹാ​യാ​യി​രുന്ന യേശു​വി​ന്റെ വധം യഹൂദ​ന്മാർക്കും പുറജാ​തി​കൾക്കും അത്ര കടു​ത്തൊ​രു ആക്ഷേപ​മാ​യി​രു​ന്നെ​ങ്കിൽ, അത്‌ അപ്പോ​സ്‌ത​ല​ന്മാ​രു​ടെ കണ്ടുപി​ടു​ത്ത​മാ​കാൻ നിർവാ​ഹ​മില്ല! കൂടാതെ, നാലു സുവി​ശേ​ഷങ്ങൾ മാത്രമല്ല, റോമൻ എഴുത്തു​കാ​ര​നായ റ്റാസി​റ്റ​സും യഹൂദ തൽമൂദുംa യേശു​വി​ന്റെ മരണത്തെ ഒരു ചരി​ത്ര​സം​ഭ​വ​മാ​യാ​ണു സാക്ഷ്യ​പ്പെ​ടു​ത്തി​യി​രി​ക്കു​ന്നത്‌.

യേശു​വി​ന്റെ ജീവി​ത​ത്തി​ലെ മറ്റു സംഭവ​ങ്ങ​ളും സുവി​ശേ​ഷ​ത്തി​ന്റെ​യും അവ അവനെ​ക്കു​റി​ച്ചു പറയുന്ന സംഗതി​ക​ളു​ടെ​യും വിശ്വാ​സ്യ​ത​യ്‌ക്കുള്ള ആന്തരിക തെളി​വാ​യി വീക്ഷി​ക്ക​പ്പെ​ടു​ന്നു. ഉദാഹ​ര​ണ​ത്തിന്‌, പ്രത്യ​ക്ഷ​ത്തിൽ അപ്രധാ​ന​മായ ഒരു സ്ഥലമായ നസ്രത്തിൽനിന്ന്‌ അവൻ വരുന്ന​താ​യി യേശു​വി​ന്റെ അനുഗാ​മി​കൾ കെട്ടി​ച്ച​മ​യ്‌ക്കു​മാ​യി​രു​ന്നു​വോ? അല്ലെങ്കിൽ, ഒരു വിശ്വസ്‌ത സഹചാ​രി​യാ​യി​രുന്ന യൂദാസ്‌ അവനെ ഒറ്റി​ക്കൊ​ടു​ത്തു​വെന്ന്‌ അവർ കെട്ടി​ച്ച​മ​യ്‌ക്കുക സാധ്യ​മാ​ണോ? അത്രയ്‌ക്കു ഭീരു​ത്വം​നി​റഞ്ഞ വിധത്തിൽ ശേഷിച്ച ശിഷ്യ​ന്മാർ യേശു​വി​നെ പരിത്യ​ജിച്ച ഒരു കഥ അവർ മെന​ഞ്ഞെ​ടു​ക്കു​മെ​ന്നതു യാഥാർഥ്യ​മാ​യി തോന്നു​ന്നു​ണ്ടോ? രൂപത്തി​ലും ഭാവത്തി​ലും അങ്ങേയറ്റം അപകട​ക​ര​മായ വിശദാം​ശങ്ങൾ ശിഷ്യ​ന്മാർ കെട്ടി​ച്ച​മ​ക്കു​ക​യും പിന്നീട്‌ അതു സകലയി​ട​ത്തും പ്രഘോ​ഷി​ക്കു​ക​യും ചെയ്‌തി​രി​ക്കു​മെ​ന്നതു തീർച്ച​യാ​യും യുക്തി​സ​ഹമല്ല! അതിനും​പു​റമേ, ഒരു അനുപമ ശൈലി​യി​ലാ​യി​രു​ന്നു യേശു തന്റെ പഠിപ്പി​ക്കൽ കല ഉപയോ​ഗി​ച്ചത്‌. അവന്റെ ദൃഷ്ടാ​ന്ത​ങ്ങ​ളു​മാ​യി താരത​മ്യം ചെയ്യാ​നാ​വുന്ന യാതൊ​ന്നും ഒന്നാം നൂറ്റാ​ണ്ടി​ലെ യഹൂദ സാഹി​ത്യ​ത്തി​ലില്ല. ഗിരി​പ്ര​ഭാ​ഷ​ണം​പോ​ലെ അതി​ശ്രേ​ഷ്‌ഠ​മാ​യൊ​രു പ്രസംഗം ഏത്‌ അജ്ഞാത വ്യക്തി​ക്കാ​ണു “കെട്ടിച്ചമ”ക്കാനാ​വുക? യേശു​വി​ന്റെ ജീവി​ത​സം​ഭ​വങ്ങൾ എന്നനി​ല​യി​ലുള്ള സുവി​ശേ​ഷ​ങ്ങ​ളു​ടെ വിശ്വാ​സ്യ​തയെ സ്ഥിരീ​ക​രി​ക്കാ​നുള്ള പ്രവണ​ത​യാണ്‌ ഈ വാദങ്ങൾക്കെ​ല്ലാ​മു​ള്ളത്‌.

യേശു ചരി​ത്ര​പു​രു​ഷ​നാ​ണെ​ന്നു​ള്ള​തി​നു ബാഹ്യ​മായ തെളി​വു​മുണ്ട്‌. സ്‌പഷ്ട​വും കൃത്യ​മായ വിശദാം​ശ​ങ്ങ​ളു​ള്ള​തു​മായ ചരിത്ര പശ്ചാത്ത​ല​ത്തോ​ടെ​യാ​ണു നാലു സുവി​ശേ​ഷ​ങ്ങ​ളും അവനെ അവതരി​പ്പി​ക്കു​ന്നത്‌. ബെത്‌ല​ഹേം, ഗലീല എന്നിങ്ങ​നെ​യുള്ള സ്ഥലങ്ങളും പൊന്തി​യോസ്‌ പീലാ​ത്തോസ്‌, പരീശ​ന്മാർ എന്നിങ്ങ​നെ​യുള്ള പ്രമുഖ വ്യക്തി​ക​ളും യഹൂദ ആചാര​ങ്ങ​ളും മറ്റു സവി​ശേ​ഷ​ത​ക​ളും ഒരുത​ര​ത്തി​ലും കെട്ടി​ച്ചമച്ച സംഗതി​കളല്ല. അവ ഒന്നാം നൂറ്റാ​ണ്ടി​ലെ ജീവി​ത​രീ​തി​യു​ടെ ഭാഗമാ​യി​രു​ന്നു, ബൈബി​ളേതര ഉറവി​ട​ങ്ങ​ളും പുരാ​വ​സ്‌തു​പ​ര​മായ കണ്ടെത്ത​ലു​ക​ളും അവയെ സ്ഥിരീ​ക​രി​ച്ചി​ട്ടുണ്ട്‌.

അങ്ങനെ യേശു ഒരു ചരി​ത്ര​പു​രു​ഷ​നാ​ണെ​ന്ന​തിന്‌ ആന്തരി​ക​വും ബാഹ്യ​വു​മായ ശക്തമായ തെളി​വുണ്ട്‌.

എന്നാൽ നല്ലൊരു കൂട്ടം ആളുകൾക്ക്‌ അവനു​മാ​യി ബന്ധപ്പെട്ട അത്ഭുത​ങ്ങ​ളെ​ക്കു​റി​ച്ചു സംശയ​മുണ്ട്‌. നിശ്ചയ​മാ​യും, മേൽവി​വ​രിച്ച സർവേ പ്രകട​മാ​ക്കു​ന്ന​പ്ര​കാ​രം, ജർമനി​യിൽ പള്ളിയിൽ പോകു​ന്ന​വ​രു​ടെ കൂട്ടത്തിൽ യേശു​വി​ന്റെ അത്ഭുത​ങ്ങ​ളും പുനരു​ത്ഥാ​ന​വും “വാസ്‌ത​വ​ത്തിൽ നടന്നതാണ്‌” എന്നു വിശ്വ​സി​ക്കു​ന്നത്‌ ഒരു ന്യൂന​പ​ക്ഷം​മാ​ത്ര​മാണ്‌. യേശു​വി​ന്റെ അത്ഭുത​ത്തെ​യും പുനരു​ത്ഥാ​ന​ത്തെ​യും കുറി​ച്ചുള്ള സംശയങ്ങൾ ന്യായീ​ക​രി​ക്ക​പ്പെ​ടു​ന്നു​ണ്ടോ?

ചിലർ യേശു​വി​ന്റെ അത്ഭുത​ങ്ങളെ സംശയി​ക്കു​ന്ന​തി​ന്റെ കാരണം

യേശു രോഗി​കളെ അത്ഭുത​ക​ര​മാ​യി സുഖ​പ്പെ​ടു​ത്തി​യെ​ന്നും മരിച്ച​വരെ ഉയിർപ്പി​ച്ചു​വെ​ന്നും ഭൂതങ്ങളെ പുറത്താ​ക്കി​യെ​ന്നും മത്തായി 9:18-36 റിപ്പോർട്ടു ചെയ്യുന്നു. ഒരു ചരി​ത്ര​കാ​ര​നായ പ്രൊ​ഫസ്സർ ഹൂഗോ സ്റ്റോഡിൻജർ ഇങ്ങനെ അഭി​പ്രാ​യ​പ്പെ​ടു​ന്നു: “ഈ അസാധാ​രണ റിപ്പോർട്ടു​കൾ സ്‌പഷ്ട​മായ ഭാവനാ​വി​ലാ​സ​മാ​ണെ​ന്നതു തികച്ചും അവിശ്വ​സ​നീ​യ​മാണ്‌, ചരി​ത്ര​ത്തി​ന്റെ വീക്ഷണ​ത്തിൽ നോക്കു​മ്പോൾ അസാധ്യ​വു​മാണ്‌.” എന്തു​കൊണ്ട്‌? എന്തു​കൊ​ണ്ടെ​ന്നാൽ, ഏറ്റവും ആദ്യത്തെ സുവി​ശേഷം എഴുത​പ്പെ​ട്ട​താ​യി കാണു​ന്നത്‌ ഈ അത്ഭുത​ങ്ങൾക്കു ദൃക്‌സാ​ക്ഷി​ക​ളാ​യി​രുന്ന മിക്കവ​രും ജീവി​ച്ചി​രി​ക്കു​മ്പോൾത്ത​ന്നെ​യാണ്‌! യഹൂദ ശത്രുക്കൾ “യേശു അത്ഭുത​പ്ര​വൃ​ത്തി​കൾ ചെയ്‌തു​വെ​ന്നത്‌ ഒരിക്ക​ലും നിഷേ​ധി​ച്ചില്ല” എന്നതിൽ കൂടു​ത​ലായ സ്ഥിരീ​ക​രണം കാണ​പ്പെ​ടു​ന്നു​വെന്നു സ്റ്റോഡിൻജർ തുടർന്നു​പ​റ​യു​ന്നു. മറ്റെല്ലാ തെളി​വു​ക​ളും അവഗണി​ച്ചു​കൊണ്ട്‌, നമ്മുടെ തീരു​മാ​നം ഈ ബാഹ്യ​മായ തെളി​വിൽ അധിഷ്‌ഠി​ത​മാ​ക്കി​യാ​ലും യേശു​വി​ന്റെ അത്ഭുതങ്ങൾ നിശ്ചയ​മാ​യും നമ്മുടെ വിശ്വാ​സം അർഹി​ക്കു​ന്നു​ണ്ടെന്നു നാം കണ്ടെത്തും.—2 തിമൊ​ഥെ​യൊസ്‌ 3:16.

“യേശു രോഗി​കളെ സുഖ​പ്പെ​ടു​ത്തി​യെ​ന്നതു ബഹുഭൂ​രി​പക്ഷം ജർമൻകാർക്കും ബോധ്യ​മു​ണ്ടെ”ങ്കിലും ഈ സൗഖ്യ​മാ​ക്ക​ലി​നു പിന്നിലെ ശക്തി​യെ​ക്കു​റിച്ച്‌ അനേകർക്കും സംശയ​മുണ്ട്‌. ഉദാഹ​ര​ണ​ത്തിന്‌, മാനസി​കാ​രി​ഷ്ട​ത​യാൽ കഷ്ടപ്പെ​ട്ടി​രുന്ന ആളുകളെ സ്വാധീ​നി​ക്കുന്ന ഹിപ്‌നോ​ട്ടി​സം ഉപയോ​ഗി​ച്ചാ​യി​രു​ന്നു യേശു സൗഖ്യ​മാ​ക്ക​ലു​കൾ നടത്തി​യ​തെന്ന്‌ ഒരു പ്രശസ്‌ത ജർമൻ ദൈവ​ശ്ശാ​സ്‌ത്രജ്ഞൻ പരസ്യ​മാ​യി പ്രസ്‌താ​വി​ച്ചു. ഇതൊരു സാധു​വായ വിശദീ​ക​ര​ണ​മാ​ണോ?

ഇതൊന്നു പരിചി​ന്തി​ക്കുക. യേശു ഒരു മനുഷ്യ​ന്റെ ശോഷിച്ച കൈ സുഖ​പ്പെ​ടു​ത്തി​യെന്നു മർക്കൊസ്‌ 3:3-5 റിപ്പോർട്ടു ചെയ്യുന്നു. എന്നാൽ മാനസിക അരിഷ്ട​ത​യു​ടെ ഫലമാ​ണോ ശോഷിച്ച കൈ? തീർച്ച​യാ​യും അല്ല. അതു​കൊ​ണ്ടു​തന്നെ, ഈ സൗഖ്യ​മാ​ക്കൽ ഹിപ്‌നോ​ട്ടി​സ​ത്തി​ന്റെ ഫലമാ​യാ​ണെന്നു പറയാ​നൊ​ക്കില്ല. അതു​കൊണ്ട്‌, അത്ഭുതങ്ങൾ പ്രവർത്തി​ക്കാൻ യേശു​വി​നെ പ്രാപ്‌ത​നാ​ക്കി​യത്‌ എന്തായി​രു​ന്നു? പ്രൊ​ഫസ്സർ സ്റ്റോഡിൻജർ ഇങ്ങനെ സമ്മതിച്ചു പറയുന്നു: “പരിപൂർണ​മാ​യും സാധു​വായ നിയമ​ങ്ങ​ളി​ല്ലെ​ങ്കിൽ, അതേസ​മയം ദൈവത്തെ പൂർണ​മാ​യും നിഷേ​ധി​ക്കു​ന്നി​ല്ലെ​ങ്കിൽ, മനുഷ്യ​ന്റേ​തി​നെ വെല്ലുന്ന ശക്തിയുള്ള ദൈവ​ത്തിന്‌ അസാധാ​രണ സംഗതി​കൾ നിർവ​ഹി​ക്കാൻ സാധി​ക്കു​മെന്ന സാധ്യ​തയെ അടിസ്ഥാ​ന​പ​ര​മാ​യി ഒരുവനു തള്ളിക്ക​ള​യാ​നാ​വില്ല.” അതേ, ‘ദൈവ​ത്തി​ന്റെ ശക്തിയു​ടെ’ സഹായ​ത്താൽ യേശു രോഗി​ക​ളാ​യി​രു​ന്ന​വരെ വാസ്‌ത​വ​ത്തിൽ സുഖ​പ്പെ​ടു​ത്തി. അവന്റെ അത്ഭുത​ങ്ങ​ളു​ടെ യാഥാർഥ്യ​ത്തെ സംശയി​ക്കാൻ യാതൊ​രു കാരണ​വു​മില്ല.—ലൂക്കോസ്‌ 9:43, പി.ഒ.സി. ബൈബിൾ; മത്തായി 12:28.

ദി അമേരി​ക്കൻ പീപ്പിൾസ്‌ എൻ​സൈ​ക്ലോ​പീ​ഡിയ പറയു​ന്ന​തു​പോ​ലെ, എല്ലാറ്റി​ലും വലിയ അത്ഭുതം—യേശു​വി​ന്റെ ഉയിർപ്പ്‌—നടന്നെ​ങ്കിൽ സുവി​ശേ​ഷ​ത്തിൽ രേഖ​പ്പെ​ടു​ത്തി​യി​ട്ടുള്ള മറ്റെല്ലാ അത്ഭുത​ങ്ങ​ളും “സംഭവ്യ​ത​യു​ടെ മേഖല​യിൽ വരുന്നു.” യേശു മരിച്ച​വ​രിൽനി​ന്നു വാസ്‌ത​വ​ത്തിൽ ഉയിർപ്പി​ക്ക​പ്പെ​ട്ടു​വോ?

യേശു​വി​ന്റെ പുനരു​ത്ഥാ​ന​ത്തെ​ക്കു​റി​ച്ചുള്ള സംശയം ന്യായീ​ക​രി​ക്ക​പ്പെ​ടു​ന്നു​ണ്ടോ?

യേശു​വി​ന്റെ പുനരു​ത്ഥാ​ന​ത്തി​ന്റെ വിശ്വാ​സ്യ​തയെ പിന്താ​ങ്ങുന്ന ഒരു ശക്തമായ സാഹചര്യ തെളിവ്‌ എടുക്കുക—അവന്റെ ഒഴിഞ്ഞ കല്ലറ. യേശു​വി​ന്റെ കല്ലറ ഒഴിഞ്ഞു​കി​ട​ക്കു​ന്ന​താ​യി കണ്ടെത്തി​യെന്ന വസ്‌തു​തയെ അവന്റെ സമകാ​ലീ​ന​രും, എന്തിന്‌ അവന്റെ എതിരാ​ളി​ക​ളും​പോ​ലും സംശയി​ച്ചില്ല. (മത്തായി 28:11-15) കളവാ​യി​രു​ന്നെ​ങ്കിൽ അത്‌ എളുപ്പം കണ്ടുപി​ടി​ക്കു​മാ​യി​രു​ന്നു! മുമ്പ്‌ പ്രതി​പാ​ദിച്ച റഫറൻസ്‌ പുസ്‌തകം ഉചിത​മാ​യി ഇങ്ങനെ ഉപസം​ഹ​രി​ക്കു​ന്നു: “അവൻ ഇവിടെ ഇല്ല; ഉയിർത്തെ​ഴു​ന്നേ​റ്റി​രി​ക്കു​ന്നു” എന്ന ബൈബിൾപ്ര​സ്‌താ​വന ഒഴിച്ചാൽ, ഒഴിഞ്ഞ കല്ലറയ്‌ക്കു സാധു​വായ യാതൊ​രു വിശദീ​ക​ര​ണ​വും ഒരിക്ക​ലും നൽക​പ്പെ​ട്ടി​ട്ടില്ല (മത്താ. 28:6).”

അവൻ പുനരു​ത്ഥാ​നം പ്രാപിച്ച മിശി​ഹാ​യാ​ണെന്ന്‌ എല്ലായി​ട​ത്തും പ്രഘോ​ഷി​ച്ചത്‌ യേശു​വി​ന്റെ ശിഷ്യ​ന്മാർ മാത്ര​മാ​യി​രു​ന്നു​വെന്നു പറഞ്ഞു​കൊണ്ട്‌ ചിലർ എതിർക്കു​ന്നുണ്ട്‌. അതു ശരിയാണ്‌. എന്നാൽ അവരുടെ സന്ദേശ​ത്തി​ന്റെ വിശ്വാ​സ്യത, വിശേ​ഷിച്ച്‌ യേശു​വി​ന്റെ മരണവും പുനരു​ത്ഥാ​ന​വു​മെന്ന ചരി​ത്ര​വ​സ്‌തു​ത​യിൽ ശക്തമായി അടിയു​റ​ച്ച​താ​യി​രു​ന്നി​ല്ലേ? തീർച്ച​യാ​യും. അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി​യ​പ്പോൾ അവൻ ഈ ബന്ധത്തെ​ക്കു​റി​ച്ചു ബോധ​വാ​നാ​യി​രു​ന്നു: “ക്രിസ്‌തു ഉയിർത്തെ​ഴു​ന്നേ​റ്റി​ട്ടി​ല്ലെ​ങ്കിൽ ഞങ്ങളുടെ പ്രസംഗം വ്യർത്ഥം; നിങ്ങളു​ടെ വിശ്വാ​സ​വും വ്യർത്ഥം. . . . ദൈവം ഉയിർപ്പി​ച്ചി​ട്ടി​ല്ലാത്ത ക്രിസ്‌തു​വി​നെ അവൻ ഉയിർപ്പി​ച്ചു എന്നു ദൈവ​ത്തി​ന്നു വിരോ​ധ​മാ​യി സാക്ഷ്യം പറകയാൽ ഞങ്ങൾ ദൈവ​ത്തി​ന്നു കള്ളസാ​ക്ഷി​കൾ എന്നു വരും.”—1 കൊരി​ന്ത്യർ 15:14; യോഹ​ന്നാൻ 19:35-ഉം 21:24-ഉം എബ്രായർ 2:3-ഉം താരത​മ്യം ചെയ്യുക.

പ്രശസ്‌ത​രും യേശു​വി​ന്റെ മരണ​ശേ​ഷ​മുള്ള അവന്റെ പ്രത്യ​ക്ഷ​പ്പെ​ട​ലി​നു സാക്ഷ്യം വഹിക്കാ​നാ​വു​മാ​യി​രുന്ന നന്നായി അറിയ​പ്പെ​ട്ടി​രു​ന്ന​വ​രു​മായ അനേക​മാ​ളു​കൾ ഒന്നാം നൂറ്റാ​ണ്ടി​ലു​ണ്ടാ​യി​രു​ന്നു. 12 അപ്പോ​സ്‌ത​ല​ന്മാ​രും പൗലോ​സും വേറെ 500-ലധികം വരുന്ന ദൃക്‌സാ​ക്ഷി​ക​ളും അവരിൽപ്പെ​ടു​ന്ന​വ​രാണ്‌.b (1 കൊരി​ന്ത്യർ 15:6) മാത്രമല്ല, അവിശ്വസ്‌ത അപ്പോ​സ്‌ത​ല​നായ യൂദാ​സി​ന്റെ സ്ഥാനത്തു വരാൻ മത്ഥിയാ​സിന്‌ ചില യോഗ്യ​ത​ക​ളിൽ എത്തേണ്ടി​യി​രു​ന്ന​തി​ന്റെ കാരണ​മെ​ന്തെ​ന്നും ഓർക്കുക. യേശു​വി​ന്റെ പുനരു​ത്ഥാ​ന​ത്തി​നും അവനു​മാ​യി ബന്ധപ്പെട്ട ആദ്യകാല സംഭവ​ങ്ങൾക്കും സാക്ഷ്യം​നൽകാൻ മത്ഥിയാ​സി​നു സാധി​ക്കു​മാ​യി​രു​ന്നു​വെന്നു പ്രവൃ​ത്തി​കൾ 1:21-23 റിപ്പോർട്ടു ചെയ്യുന്നു. യേശു​വി​ന്റെ ജീവി​ത​വും പുനരു​ത്ഥാ​ന​വും വസ്‌തു​തയല്ല, കെട്ടു​ക​ഥ​യാ​യി​രു​ന്നെ​ങ്കിൽ, നിയമ​ന​ത്തി​നാ​യുള്ള അത്തര​മൊ​രു നിബന്ധന തീർച്ച​യാ​യും തീർത്തും നിരർഥ​ക​മായ ഒരു സംഗതി​യാ​കു​മാ​യി​രു​ന്നു.

യേശു​വി​ന്റെ ജീവിതം, അത്ഭുതങ്ങൾ, മരണം, പുനരു​ത്ഥാ​നം എന്നിവ​യെ​ക്കു​റി​ച്ചു സാക്ഷ്യ​പ്പെ​ടു​ത്താൻ ഒന്നാം നൂറ്റാ​ണ്ടി​ലെ അനേകം ദൃക്‌സാ​ക്ഷി​കൾക്കു സാധി​ച്ച​തു​കൊണ്ട്‌, മേൽപ്പറഞ്ഞ തടസ്സങ്ങ​ളു​ണ്ടാ​യി​രു​ന്നി​ട്ടും, റോമാ​സാ​മ്രാ​ജ്യ​ത്തി​ലു​ട​നീ​ളം ക്രിസ്‌ത്യാ​നി​ത്വം താരത​മ്യേന വേഗത്തിൽ പ്രചരി​ച്ചു. പുനരു​ത്ഥാ​ന​വും അതുമാ​യി ബന്ധപ്പെട്ട അടിസ്ഥാന സത്യവും സകലയി​ട​ത്തും പ്രഖ്യാ​പി​ക്കു​ന്ന​തി​നു​വേണ്ടി അവന്റെ അനുഗാ​മി​കൾ പ്രയാ​സ​ങ്ങ​ളും പീഡന​വും മരണം​പോ​ലും നേരി​ടാൻ മനസ്സു​ള്ള​വ​രാ​യി​രു​ന്നു. ഏതു സത്യം? അവന്റെ പുനരു​ത്ഥാ​നം ദൈവ​ത്തി​ന്റെ ശക്തിയാൽമാ​ത്രം സാധ്യ​മാ​യ​താണ്‌ എന്ന സത്യം. യഹോ​വ​യാം ദൈവം യേശു​വി​നെ മരിച്ച​വ​രു​ടെ ഇടയിൽനിന്ന്‌ ഉയിർപ്പി​ച്ച​തെ​ന്തി​നാ​യി​രു​ന്നു? ചരി​ത്ര​പു​രു​ഷ​നായ യേശു ആരെന്നു പ്രകട​മാ​ക്കു​ന്ന​താണ്‌ ആ ചോദ്യ​ത്തി​നുള്ള ഉത്തരം.

പെന്ത​ക്കോ​സ്‌ത്‌ ദിവസം, യെരു​ശ​ലേ​മി​ലെ അത്ഭുത​സ്‌ത​ബ്ധ​രായ യഹൂദ​ന്മാ​രോട്‌ അപ്പോ​സ്‌ത​ല​നായ പത്രോസ്‌ നിർഭയം ഇങ്ങനെ പ്രഖ്യാ​പി​ച്ചു: “ഈ യേശു​വി​നെ ദൈവം ഉയിർത്തെ​ഴു​ന്നേ​ല്‌പി​ച്ചു; അതിന്നു ഞങ്ങൾ എല്ലാവ​രും സാക്ഷികൾ ആകുന്നു. അവൻ ദൈവ​ത്തി​ന്റെ വല[ത്തു]ഭാഗ​ത്തേക്കു ആരോ​ഹണം ചെയ്‌തു പരിശു​ദ്ധാ​ത്മാ​വു എന്ന വാഗ്‌ദത്തം പിതാ​വി​നോ​ടു വാങ്ങി, നിങ്ങൾ ഈ കാണു​ക​യും കേൾക്കു​ക​യും ചെയ്യു​ന്നതു പകർന്നു​തന്നു. ദാവീദ്‌ സ്വർഗ്ഗാ​രോ​ഹണം ചെയ്‌തി​ല്ല​ല്ലോ. എന്നാൽ അവൻ: “ഞാൻ നിന്റെ ശത്രു​ക്കളെ നിന്റെ പാദപീ​ഠം ആക്കു​വോ​ളം നീ എന്റെ വലത്തു​ഭാ​ഗത്തു ഇരിക്ക എന്നു കർത്താവു എന്റെ കർത്താ​വി​നോ​ടു അരുളി​ച്ചെ​യ്‌തു” എന്നു പറയുന്നു. ആകയാൽ നിങ്ങൾ ക്രൂശിച്ച ഈ യേശു​വി​നെ തന്നേ ദൈവം കർത്താ​വും ക്രിസ്‌തു​വു​മാ​ക്കി​വെച്ചു എന്നു യിസ്രാ​യേൽഗൃ​ഹം ഒക്കെയും നിശ്ചയ​മാ​യി അറിഞ്ഞു​കൊ​ള്ളട്ടെ.” (പ്രവൃ​ത്തി​കൾ 2:32-36) അതേ, നസ്രത്തിൽനി​ന്നുള്ള യേശു​വി​നെ യഹോ​വ​യാം ദൈവം “കർത്താ​വും ക്രിസ്‌തു​വു”മാക്കി. ദൈ​വോ​ദ്ദേ​ശ്യ​ത്തി​ന്റെ ഈ ഭാഗത്ത്‌ അവനുള്ള കർത്തവ്യം സംബന്ധിച്ച സംശയങ്ങൾ ന്യായീ​ക​രി​ക്ക​പ്പെ​ടു​ന്നു​ണ്ടോ?

യേശു​വി​ന്റെ ഇപ്പോ​ഴത്തെ കർത്തവ്യ​ത്തെ എന്തു​കൊ​ണ്ടു സംശയി​ക്കണം?

യേശു​വി​ന്റെ വ്യക്തി​ത്വ​വും കർത്തവ്യ​വും സംബന്ധി​ച്ചുള്ള എല്ലാ സംശയ​ങ്ങ​ളും എങ്ങനെ ദൂരീ​ക​രി​ക്കാ​നാ​വും? വ്യക്തമാ​യും അവൻ ഒരു യഥാർഥ പ്രവാ​ചകൻ ആയിരു​ന്നു​വെന്ന വസ്‌തു​ത​യാൽ അതു ദൂരീ​ക​രി​ക്കാ​വു​ന്ന​താണ്‌. നാം ഇന്നു കാണുന്ന യുദ്ധങ്ങൾ, ക്ഷാമങ്ങൾ, ഭൂകമ്പങ്ങൾ, കുറ്റകൃ​ത്യം, സ്‌നേ​ഹ​മി​ല്ലായ്‌മ എന്നിവ​യെ​ക്കു​റി​ച്ചെ​ല്ലാം അവൻ പ്രവചി​ച്ചി​രു​ന്നു. കൂടു​ത​ലാ​യി അവൻ ഇങ്ങനെ മുൻകൂ​ട്ടി​പ്പ​റഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:3-14) യേശു ‘തന്റെ ശത്രു​ക്ക​ളു​ടെ മദ്ധ്യേ’ അദൃശ്യ​മാ​യി വാഴുന്ന പുനരു​ത്ഥാ​നം പ്രാപിച്ച ക്രിസ്‌തു​വാ​ണെ​ന്നും അവൻ പെട്ടെ​ന്നു​തന്നെ ദൈവ​ത്തി​ന്റെ പുതിയ ലോകത്തെ ആനയി​ക്കു​മെ​ന്നും ഈ പ്രവച​ന​ങ്ങ​ളു​ടെ നിവൃത്തി തെളി​യി​ക്കു​ന്നു.—സങ്കീർത്തനം 110:1, 2; ദാനീ​യേൽ 2:44; വെളി​പ്പാ​ടു 21:1-5.

അമാനു​ഷി​ക ജ്ഞാനമുള്ള ഒരു രക്ഷകനെ മനുഷ്യ​വർഗ​ത്തിന്‌ മുമ്പൊ​രി​ക്ക​ലും ആവശ്യ​മാ​യി​രു​ന്നി​ട്ടി​ല്ലാത്ത വിധം അടിയ​ന്തി​ര​മാ​യി ആവശ്യ​മാ​യി​രി​ക്കു​ക​യാണ്‌. മനുഷ്യ​വർഗത്തെ രക്ഷിക്കാൻ യോഗ്യ​മാ​യി തെര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നവൻ യേശു​വാ​ണെ​ന്ന​തിൽ നാം എന്തിനു സംശയി​ക്കണം? യേശു​വി​ന്റെ വശ്യമായ അത്ഭുത​ങ്ങൾക്കും പുനരു​ത്ഥാ​ന​ത്തി​നും ദൃക്‌സാ​ക്ഷി​യാ​യി​രുന്ന യോഹ​ന്നാൻ ഇങ്ങനെ പ്രഖ്യാ​പി​ച്ചു: “പിതാവു പുത്രനെ ലോക​ര​ക്ഷി​താ​വാ​യി​ട്ടു അയച്ചി​രി​ക്കു​ന്നു എന്നു ഞങ്ങൾ കണ്ടു സാക്ഷ്യം പറയുന്നു.” (1 യോഹ​ന്നാൻ 4:14; യോഹ​ന്നാൻ 4:42 താരത​മ്യം ചെയ്യുക.) യേശു​വി​ന്റെ അസ്‌തി​ത്വം, അത്ഭുതങ്ങൾ, മരണം, പുനരു​ത്ഥാ​നം മുതലാ​യ​വയെ സംശയി​ക്കാൻ നമുക്കു ന്യായ​മായ കാരണങ്ങൾ ഇല്ലാത്ത​തു​പോ​ലെ, യഹോ​വ​യാം ദൈവം അവനെ തന്റെ വലത്തു​ഭാ​ഗത്തു നിയമ​പ​ര​മായ രാജാവ്‌ എന്നനി​ല​യിൽ സിംഹാ​സ​ന​സ്ഥ​നാ​ക്കി​യി​രി​ക്കു​ന്നു എന്നു സംശയി​ക്കാ​നും നമുക്കു യാതൊ​രു കാരണ​വു​മില്ല. നിസ്സം​ശ​യ​മാ​യും, നസ്രത്തിൽനി​ന്നുള്ള യേശു ദൈവ​രാ​ജ്യ​ത്തി​ന്റെ രാജാ​വും “ലോക​ത്തി​ന്റെ രക്ഷകനു”മാകുന്നു.—മത്തായി 6:10.

[അടിക്കു​റി​പ്പു​കൾ]