ദൂതന്മാ​രെ കുറി​ച്ചുള്ള സത്യം

ഒരാളുമായി പരിച​യ​ത്തി​ലാ​വുക എന്നു പറയു​മ്പോൾ അയാളു​ടെ കുടും​ബ​ത്തെ​ക്കു​റിച്ച്‌ എന്തെങ്കി​ലും അറിയു​ന്നതു മിക്ക​പ്പോ​ഴും അതിൽ ഉൾപ്പെ​ട്ടി​രി​ക്കു​ന്നു. അതുത​ന്നെ​യാ​ണു യഹോ​വ​യാം ദൈവ​ത്തെ​ക്കു​റിച്ച്‌ അറിയു​ന്ന​തി​ലും ഉൾപ്പെ​ട്ടി​രി​ക്കു​ന്നത്‌. വെറുതെ അവന്റെ പേര്‌ അറിയു​ന്ന​തി​ലു​മ​ധി​കം ഉൾപ്പെ​ട്ടി​രി​ക്കു​ന്നു. സ്വർഗ​ത്തി​ലുള്ള അവന്റെ “കുടുംബ”ത്തെപ്പറ്റി​യും നാം അറിഞ്ഞി​രി​ക്കേ​ണ്ട​തുണ്ട്‌. (എഫെസ്യർ 3:14, 15 താരത​മ്യം ചെയ്യുക.) ദൂതന്മാ​രെ ദൈവ​ത്തി​ന്റെ “പുത്ര​ന്മാർ” എന്നു ബൈബിൾ വിളി​ക്കു​ന്നു. (ഇയ്യോബ്‌ 1:6) ബൈബി​ളി​ലെ അവരുടെ ശ്രദ്ധേ​യ​മായ പങ്കി​നെ​പ്പറ്റി പരിചി​ന്തി​ക്കു​മ്പോൾ ദൈ​വോ​ദ്ദേ​ശ്യ​ത്തിൽ അവരുടെ സ്ഥാന​മെ​ന്തെന്നു മനസ്സി​ലാ​ക്കു​ന്ന​തി​നു നാം അവരെ​പ്പറ്റി അധിക​മ​റി​യാൻ ആഗ്രഹി​ക്കണം.

ഒരു പുതിയ ഉപ-സംസ്‌കാ​രം വികാ​സം​പ്രാ​പി​ച്ചു വരുക​യാണ്‌. അനേകം ആളുക​ളും തങ്ങൾ ദൂതന്മാ​രിൽ വിശ്വ​സി​ക്കു​ന്നു​ണ്ടെന്നു പറയുക മാത്രമല്ല ചെയ്യു​ന്നത്‌; എന്തെങ്കി​ലു​മൊ​രു വിധത്തിൽ ദൂതന്മാർ തങ്ങളുടെ ജീവി​തത്തെ ബാധി​ച്ചി​രി​ക്കു​ന്ന​താ​യി അവകാ​ശ​പ്പെ​ടു​ന്ന​വ​രു​ടെ എണ്ണം കൂടു​ക​യാണ്‌. “ദൂതന്മാ​രു​ടെ സാന്നി​ധ്യം നിങ്ങളു​ടെ ജീവി​ത​ത്തിൽ വ്യക്തി​പ​ര​മാ​യി നിങ്ങൾക്കെ​ന്നെ​ങ്കി​ലും അനുഭ​വ​പ്പെ​ട്ടി​ട്ടു​ണ്ടോ?” എന്ന്‌ 500 അമേരി​ക്ക​ക്കാ​രോ​ടു ചോദി​ച്ച​പ്പോൾ ഉവ്വ്‌ എന്ന്‌ അതിൽ മൂന്നി​ലൊ​ന്നോ​ളം ഉത്തരം പറഞ്ഞു. ദൂതന്മാ​രിൽ വിശ്വ​സി​ക്കു​ന്നു​വെന്ന്‌ അവകാ​ശ​പ്പെ​ടുന്ന ചെറു​പ്പ​ക്കാ​രു​ടെ എണ്ണവും അതിശ​യി​പ്പി​ക്കു​ന്ന​താണ്‌—ഐക്യ​നാ​ടു​ക​ളിൽ നടത്തിയ ഒരു അഭി​പ്രായ വോ​ട്ടെ​ടു​പ്പ​നു​സ​രിച്ച്‌ 76 ശതമാനം! ആളുകൾ ദൂതന്മാ​രിൽ തത്‌പ​ര​രാണ്‌ എന്നു വ്യക്തമാണ്‌. എന്നാൽ ദൂതന്മാ​രെ​ക്കു​റി​ച്ചുള്ള ഇപ്പോ​ഴത്തെ ധാരണ ബൈബിൾ സത്യവു​മാ​യി എങ്ങനെ നിരക്കു​ന്നു?

സാത്താന്റെ അവ്യക്ത​മായ പങ്ക്‌

ദൂതന്മാ​രെ​പ്പറ്റി പറയു​മ്പോൾ, ദൈവ​ത്തി​നെ​തി​രെ മത്സരിച്ച സ്വർഗീയ ജീവി​ക​ളെന്നു ബൈബിൾ പറയുന്ന ദുഷ്ടദൂ​ത​ന്മാ​രെ നാം വിസ്‌മ​രി​ക്ക​രുത്‌. ഇവരിൽ പ്രമുഖൻ സാത്താ​നാണ്‌. സാത്താൻ എന്നത്‌, നിരന്ത​ര​മായ പ്രലോ​ഭ​ന​ങ്ങ​ളി​ലൂ​ടെ തങ്ങളുടെ “ആത്മീയ പേശികൾ” ബലപ്പെ​ടു​ത്താൻ മനുഷ്യ​രെ സഹായി​ക്കുന്ന “ദൈവ​ത്തി​ന്റെ ഒരു സവി​ശേഷത” മാത്ര​മാണ്‌ എന്നു നിങ്ങളു​ടെ ദൂതന്മാ​രോ​ടു ചോദി​ക്കു​വിൻ (ഇംഗ്ലീഷ്‌) എന്ന വിഖ്യാ​ത​മായ ഒരു പുസ്‌തകം അഭി​പ്രാ​യ​പ്പെ​ടു​ന്നു. സാത്താന്റെ “സ്‌നേ​ഹ​പു​ര​സ്സ​ര​മായ ഉദ്ദേശ്യ​ങ്ങൾ” ഗണ്യമാ​ക്കാ​തെ നൂറ്റാ​ണ്ടു​ക​ളാ​യി അവൻ തിന്മയാ​യി തെറ്റായി തിരി​ച്ച​റി​യ​പ്പെ​ട്ടി​രി​ക്കു​ക​യാ​ണെന്ന്‌ എഴുത്തു​കാർ പറയുന്നു. സാത്താ​നും യേശു​വും “കൃത്യ​മാ​യും പരസ്‌പര പൂരക​ങ്ങ​ള​ല്ലെ​ന്നു​വ​രി​കി​ലും ചുരു​ങ്ങി​യ​പക്ഷം അവർ ഒരേ പക്ഷത്താണ്‌, ഒരേ വ്യക്തി​യു​ടെ​തന്നെ അവിഭാ​ജ്യ ഘടകമാണ്‌” എന്ന്‌ അവർ കൂട്ടി​ച്ചേർക്കു​ന്നു. ഇതെല്ലാം അമ്പരപ്പി​ക്കുന്ന അവകാ​ശ​വാ​ദ​ങ്ങ​ളാണ്‌. എന്നാൽ ബൈബിൾ എന്താണു പറയു​ന്നത്‌?

സാത്താൻ “ദൈവ​ത്തി​ന്റെ ഒരു സവി​ശേഷത” അല്ല മറിച്ച്‌ ദൈവ​ത്തി​ന്റെ ഒരു ശത്രു ആണെന്നു ബൈബിൾ പറയുന്നു. (ലൂക്കൊസ്‌ 10:18, 19; റോമർ 16:20) അവൻ യഹോ​വ​യു​ടെ പരമാ​ധി​കാ​രത്തെ വെല്ലു​വി​ളി​ക്കു​ന്നു. മനുഷ്യ​രെ കുറി​ച്ചുള്ള അവന്റെ ഉദ്ദേശ്യ​ങ്ങൾ തീർച്ച​യാ​യും “സ്‌നേ​ഹ​പു​രസ്സര”മല്ല. അവൻ ദൈവ​ത്തി​ന്റെ ഭൗമിക സേവകർക്കെ​തി​രെ തന്റെ കോപം നിർദാ​ക്ഷി​ണ്യം അഴിച്ചു​വി​ടു​ന്നു. അവൻ രാപകൽ അവരെ ദൈവ​മു​മ്പാ​കെ കുറ്റ​പ്പെ​ടു​ത്തു​ന്നു!a (വെളി​പ്പാ​ടു 12:10, 12, 15-17) എന്തു വില​കൊ​ടു​ത്തും അവരെ ദുഷി​പ്പി​ക്ക​ണ​മെന്ന ഉദ്ദേശ്യ​ത്തോ​ടെ സാത്താൻ തുനി​ഞ്ഞി​റ​ങ്ങി​യി​രി​ക്കു​ക​യാണ്‌. നീതി​മാ​നായ ഇയ്യോ​ബി​ന്റെ​മേൽ വരുത്തിയ അവന്റെ നിർദ​യ​മായ പീഡനം മാനു​ഷ​ദു​രി​ത​ത്തെ​പ്ര​തി​യുള്ള അവന്റെ കഠോ​ര​മായ മനോ​ഭാ​വത്തെ വെളി​പ്പെ​ടു​ത്തി.—ഇയ്യോബ്‌ 1:13-19; 2:7, 8.

“ഒരേ പക്ഷത്താ”യിരി​ക്കു​ന്ന​തി​നു പകരം സാത്താ​നും യേശു​വും പൂർണ വൈരി​ക​ളാ​യി പരസ്‌പരം എതിർക്കു​ന്നു. എന്തിന്‌, കൊച്ചു കുട്ടി​യാ​യി​രുന്ന യേശു​വി​നെ കൊല്ലാ​നുള്ള ശ്രമത്തിൽ ഒരു കൂട്ട ശിശു​ഹ​ത്യ​ക്കു കൽപ്പന പുറ​പ്പെ​ടു​വി​ക്കാൻ ഹെരോ​ദാ​വി​നെ പ്രേരി​പ്പി​ച്ചതു സാത്താ​നാ​യി​രു​ന്നു​വെ​ന്ന​തിൽ യാതൊ​രു സംശയ​വു​മില്ല! (മത്തായി 2:16-18) കൂടാതെ സാത്താന്റെ നിർദ​യ​മായ ആക്രമണം യേശു​വി​ന്റെ മരണം​വരെ തുടരു​ക​യു​ണ്ടാ​യി. (ലൂക്കൊസ്‌ 4:1-13; യോഹ​ന്നാൻ 13:27) അങ്ങനെ, ഒരേ വ്യക്തി​യു​ടെ​തന്നെ “അവിഭാ​ജ്യ ഘടകമാ”യിരി​ക്കു​ന്ന​തി​നു പകരം യേശു​വും സാത്താ​നും തികഞ്ഞ വിരോ​ധി​ക​ളാണ്‌. അവരുടെ ശത്രു​ത്വം ഒഴിച്ചു​കൂ​ടാ​നാ​വാ​ത്ത​താ​ണെന്നു ബൈബിൾ പ്രവചനം കാണി​ക്കു​ന്നു. (ഉല്‌പത്തി 3:15) ഉചിത​മാ​യി​ത്തന്നെ, ദൈവ​ത്തി​ന്റെ തക്കസമ​യത്തു സാത്താനെ നശിപ്പി​ക്കാ​നി​രി​ക്കു​ന്നതു പുനരു​ത്ഥാ​നം പ്രാപിച്ച യേശു​വാണ്‌.—വെളി​പ്പാ​ടു 1:18; 20:1, 10.

പ്രാർഥ​നകൾ ആരോട്‌?

ദൂതന്മാ​രു​മാ​യി ആശയവി​നി​യമം നടത്തു​ന്ന​തി​നു ദൂത പ്രസ്ഥാ​ന​ത്തി​ന്റെ ചില വക്താക്കൾ ധ്യാന​വും മറ്റുചില വിധങ്ങ​ളും ശുപാർശ ചെയ്യുന്നു. “സ്വർഗീയ കുടും​ബ​ത്തി​ലുള്ള ഏതെങ്കി​ലും അംഗങ്ങ​ളു​മാ​യി സമ്പർക്ക​പ്പെ​ടു​ന്ന​തി​നുള്ള ആത്മാർഥ​മായ ഒരു അപേക്ഷ കേൾക്കാ​തെ പോകില്ല” എന്ന്‌ ഒരു പുസ്‌തകം പറയുന്നു. “ചോദി​ക്കു​വിൻ നിങ്ങൾക്ക്‌ ഉത്തരം ലഭിക്കും.” സമ്പർക്കം പുലർത്താൻ പറ്റിയ​വ​രിൽപ്പെ​ടു​ന്ന​താ​യി മീഖാ​യേൽ, ഗബ്രി​യേൽ, ഉരിയേൽ, റഫായേൽ എന്നിവർ ശുപാർശ​ചെ​യ്യ​പ്പെ​ട്ടി​രി​ക്കു​ന്നു.b

എന്നിരു​ന്നാ​ലും, ദൈവ​ത്തോ​ടു പ്രാർഥി​ക്കാ​നാണ്‌ യേശു തന്റെ ശിഷ്യ​ന്മാ​രെ പഠിപ്പി​ച്ചത്‌, ദൂതന്മാ​രോ​ടല്ല. (മത്തായി 6:9, 10) സമാന​മാ​യി, “എല്ലാറ്റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്കു​ക​യ​ത്രേ വേണ്ടത്‌” എന്നു പൗലോസ്‌ എഴുതി. (ചെരി​ച്ചെ​ഴു​ത്തു ഞങ്ങളു​ടേത്‌.) (ഫിലി​പ്പി​യർ 4:6) തന്മൂലം, ക്രിസ്‌ത്യാ​നി​കൾ തങ്ങളുടെ പ്രാർഥ​ന​ക​ളിൽ യഹോ​വയെ അല്ലാതെ മറ്റാ​രെ​യും സമീപി​ക്കു​ന്നില്ല. അവർ യേശു​ക്രി​സ്‌തു​വി​ന്റെ നാമത്തിൽ അപ്രകാ​രം ചെയ്യുന്നു.c—യോഹ​ന്നാൻ 14:6, 13, 14.

മതവ്യ​ത്യാ​സ​ചി​ന്ത​യി​ല്ലാത്ത ദൂതന്മാ​രോ?

ദൂത നിരീക്ഷണ ശൃംഖ​ല​യു​ടെ അധ്യക്ഷ, ഐലീൻ ഐലി​യസ്‌ ഫ്രീമാൻ പറയു​ന്ന​ത​നു​സ​രിച്ച്‌, “ദൂതന്മാർ സകല മതത്തെ​യും സകല തത്ത്വശാ​സ്‌ത്ര​ത്തെ​യും സകല വിശ്വാ​സ​പ്ര​മാ​ണ​ത്തെ​യും കവിയു​ന്ന​താണ്‌. വാസ്‌ത​വ​ത്തിൽ, നമുക്ക​റി​യാ​വു​ന്ന​തു​പോ​ലെ, ദൂതന്മാർക്കു മതമില്ല.”

എന്നിരു​ന്നാ​ലും, ബൈബിൾ ഈ സംഗതി വ്യക്തമാ​ക്കു​ന്നു, വിശ്വസ്‌ത ദൂതന്മാർക്കു തീർച്ച​യാ​യും ഒരു മതമുണ്ട്‌; മറ്റു ദൈവ​ങ്ങ​ളിൽനി​ന്നുള്ള മത്സരം പൊറു​ക്കു​ക​യി​ല്ലാത്ത സത്യ​ദൈ​വ​മായ യഹോ​വയെ അവർ ആരാധി​ക്കു​ന്നു. (ആവർത്ത​ന​പു​സ്‌തകം 5:6, 7; വെളി​പ്പാ​ടു 7:11) അങ്ങനെ, അത്തര​മൊ​രു ദൂതൻ ദൈവ കൽപ്പനകൾ അനുസ​രി​ക്കുന്ന “സഹഭൃത്യ”നായി യോഹ​ന്നാ​ന്റെ മുമ്പാകെ സ്വയം അവതരി​പ്പി​ച്ചു. (വെളി​പ്പാ​ടു 19:10) വിശ്വസ്‌ത ദൂതന്മാർ മറ്റേ​തെ​ങ്കി​ലും വിധത്തി​ലുള്ള ആരാധനാ രീതി ഉയർത്തി​പ്പി​ടി​ക്കു​ന്ന​താ​യി നാം ബൈബി​ളി​ലെ​ങ്ങും വായി​ക്കു​ന്നില്ല. അവർ യഹോ​വ​യ്‌ക്കു സമ്പൂർണ ഭക്തി നൽകുന്നു.—പുറപ്പാ​ടു 20:4, 5.

‘ഭോഷ്‌കി​ന്റെ അപ്പൻ’

ദൂതന്മാ​രു​മാ​യുള്ള കൂടി​ക്കാ​ഴ്‌ച​ക​ളെന്നു പറയ​പ്പെ​ടുന്ന പലതി​ലും മരിച്ച​വ​രു​മാ​യുള്ള ആശയവി​നി​യമം ഉൾപ്പെ​ട്ടി​രി​ക്കു​ന്നു. “എന്റെ അടുക്കൽ എത്തി​ച്ചേ​രു​ന്ന​തി​നും താൻ ഒടുവിൽ സന്തോ​ഷ​വാ​നാ​യി​രി​ക്കു​ന്നു​വെന്ന്‌ എന്നെ അറിയി​ക്കു​ന്ന​തി​നും എന്റെ അമ്മാവൻ ഒരു മാർഗം കണ്ടെത്തി​യ​താ​യി എനിക്കു തോന്നി” എന്ന്‌ എലീസ എന്നു പേരുള്ള ഒരു സ്‌ത്രീ, ശകുന​മെന്നു തനിക്കു​തോ​ന്നിയ ഒന്നു ലഭിച്ച​ശേഷം പറഞ്ഞു. മരിച്ചു​പോയ ഒരു പ്രിയ സുഹൃ​ത്തി​നെ​പ്പറ്റി അതു​പോ​ലെ ടെറി​യും ഓർക്കു​ന്നു. “ശവസം​സ്‌കാ​ര​ത്തിന്‌ ഒരാഴ്‌ച​യ്‌ക്കു​ശേഷം അദ്ദേഹം ഒരു സ്വപ്‌ന​ത്തി​ലെ​ന്ന​വണ്ണം എന്റെയ​ടു​ക്കൽ വന്നു. തന്റെ വിയോ​ഗ​ത്തിൽ ദുഃഖി​ക്ക​രുത്‌ കാരണം താൻ സന്തോ​ഷ​വും സമാധാ​ന​വു​മു​ള്ള​വ​നാ​ണെന്ന്‌ അദ്ദേഹം എന്നോടു പറഞ്ഞു” എന്ന്‌ അവർ പറയുന്നു.

എന്നാൽ ‘മരിച്ചവർ ഒന്നും അറിയു​ന്നില്ല’ എന്നു ബൈബിൾ പ്രസ്‌താ​വി​ക്കു​ന്നു. (സഭാ​പ്ര​സം​ഗി 9:5) ഒരു വ്യക്തി മരിക്കുന്ന “അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു” എന്നും അതു പറയുന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (സങ്കീർത്തനം 146:4) എന്നിരു​ന്നാ​ലും, സാത്താൻ ‘ഭോഷ്‌കി​ന്റെ അപ്പൻ’ ആണ്‌. (യോഹ​ന്നാൻ 8:44) മനുഷ്യ​ദേഹി മരണത്തെ അതിജീ​വി​ക്കു​മെന്ന നുണയ്‌ക്കു തുടക്കം​കു​റി​ച്ചത്‌ അവനാണ്‌. (യെഹെ​സ്‌കേൽ 18:4 താരത​മ്യം ചെയ്യുക.) ഇന്ന്‌ അനേക​രും അതു വിശ്വ​സി​ക്കു​ന്നുണ്ട്‌. അതു സാത്താന്റെ ഉദ്ദേശ്യ​വു​മാ​യി നിരക്കു​ന്നു. കാരണം അതു ക്രിസ്‌ത്യാ​നി​ത്വ​ത്തി​ന്റെ അടിസ്ഥാന പഠിപ്പി​ക്ക​ലായ പുനരു​ത്ഥാ​ന​ത്തി​ലുള്ള വിശ്വാ​സത്തെ നിരാ​ക​രി​ക്കു​ന്നു. (യോഹ​ന്നാൻ 5:28, 29) അതു​കൊണ്ട്‌, മരിച്ച​വ​രെ​പ്പറ്റി അന്വേ​ഷി​ക്കു​ന്ന​തോ അവരിൽനി​ന്നെന്നു തോന്നി​ക്കുന്ന സന്ദേശം കൈപ്പ​റ്റു​ന്ന​തോ ദൈവം അംഗീ​ക​രി​ക്കാത്ത ദൂത പ്രസ്ഥാ​ന​ത്തി​ന്റെ മറ്റൊരു സവി​ശേ​ഷ​ത​യാണ്‌.

സമീപി​ക്കു​ന്നതു ദൂതന്മാ​രെ​യോ ഭൂതങ്ങ​ളെ​യോ?

ദൂത പ്രസ്ഥാ​ന​ത്തിൽ അധിക​വും ഗൂഢവി​ദ്യ​യിൽ മുങ്ങി​ക്കു​ളി​ക്കു​ന്നു. മാർസ്യാ​യു​ടെ അനുഭവം പരിചി​ന്തി​ക്കുക. “1986 സെപ്‌റ്റം​ബർമു​തൽ ഡിസം​ബർവരെ എനിക്ക്‌ ‘പ്രകൃ​ത്യാ​തീത’ സന്ദേശങ്ങൾ ലഭിക്കാൻ തുടങ്ങി. മായാ​രൂ​പ​ങ്ങ​ളും അവിശ്വ​സ​നീ​യ​മായ ‘പൂർവജന്മ’ സ്വപ്‌ന​ങ്ങ​ളും ഞാൻ കണ്ടു. മരിച്ചു​പോയ സുഹൃ​ത്തു​ക്ക​ളു​മാ​യി ഞാൻ സമ്പർക്കം പുലർത്തി. ഞാൻ വെറുതെ കണ്ടുമു​ട്ടു​ക​മാ​ത്രം ചെയ്‌തി​ട്ടുള്ള ആളുക​ളെ​ക്കു​റി​ച്ചുള്ള കാര്യങ്ങൾ മനസ്സി​ലാ​ക്കാൻ കഴിഞ്ഞ മറ്റനേകം അതീ​ന്ദ്രിയ അനുഭ​വ​ങ്ങ​ളും എനിക്കു​ണ്ടാ​യി. സ്വതേ എഴുതു​ന്ന​തി​നുള്ള വരദാ​ന​ത്താ​ലും അശരീ​രി​ക​ളിൽനി​ന്നു വരുന്ന സന്ദേശ​ങ്ങ​ളാ​ലും ഞാൻ അനുഗൃ​ഹീ​ത​യാ​യി. ഭൗമിക ജീവി​ത​ത്തിൽ ഞാൻ ഒരിക്ക​ലും കണ്ടുമു​ട്ടി​യി​ട്ടി​ല്ലാ​ത്തവർ എന്നിലൂ​ടെ മറ്റുള്ള​വർക്കു സന്ദേശം പകരു​മാ​യി​രു​ന്നു” എന്ന്‌ അവൾ പറയുന്നു.

ദൂതന്മാ​രു​മാ​യി “ആശയവി​നി​യമം നടത്തു​ന്ന​തി​നുള്ള” ഒരു മാർഗ​മാ​യി ആത്മജ്ഞാ​ന​സി​ദ്ധി ഉപയോ​ഗി​ക്കു​ന്നത്‌ അസാധാ​ര​ണമല്ല. മാന്തിക കല്ലുകൾ, ടാറോട്ട്‌ കാർഡു​കൾ, ഈ ജിൻ നാണയങ്ങൾ, ഹസ്‌ത​രേ​ഖാ​ശാ​സ്‌ത്രം, ജ്യോ​തി​ഷം എന്നിവ ഉപയോ​ഗി​ക്കാൻ ഒരു കൃതി അതിന്റെ വായന​ക്കാ​രെ തുറന്ന​ടി​ച്ചു പ്രോ​ത്സാ​ഹി​പ്പി​ക്കു​ന്നു. “യഥാർഥ വെളി​ച്ച​പ്പാ​ടി​ന്റെ അടു​ത്തേക്കു നിങ്ങളെ നയിക്കാൻ നിങ്ങളു​ടെ അന്തരാ​ത്മാ​വി​നെ അനുവ​ദി​ക്കുക, കൂടാതെ ഒരു ദൂതൻ അവിടെ നിങ്ങളെ സന്ധിക്കു​മെന്നു വിശ്വ​സി​ക്കുക” എന്ന്‌ അതിന്റെ എഴുത്തു​കാർ എഴുതു​ന്നു.

എന്നിരു​ന്നാ​ലും, ബൈബിൾ പറയു​ന്ന​ത​നു​സ​രിച്ച്‌, ‘അവിടെ നിങ്ങളെ സന്ധിക്കു​ന്നത്‌’ എന്തുത​ന്നെ​യാ​യാ​ലും ദൈവ​ദൂ​ത​ന്മാ​രി​ലൊ​രു​വനല്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ ആത്മജ്ഞാ​ന​സി​ദ്ധി തികച്ചും ദൈവ​വി​രു​ദ്ധ​മാണ്‌. സത്യാ​രാ​ധ​കർക്ക്‌—സ്വർഗ​ത്തി​ലെ​യും ഭൂമി​യി​ലെ​യും—അതുമാ​യി യാതൊ​രു കാര്യ​വു​മില്ല. എന്തിന്‌, ഇസ്രാ​യേ​ലിൽ ആത്മജ്ഞാ​ന​സി​ദ്ധി വധശി​ക്ഷാർഹ​മായ ഒരു കുറ്റമാ​യി​രു​ന്നു! “ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വക്കു വെറുപ്പു ആകുന്നു” എന്നു ന്യായ​പ്ര​മാ​ണം പ്രസ്‌താ​വി​ച്ചു.—ആവർത്ത​ന​പു​സ്‌തകം 13:1-5; 18:10-12.

‘വെളി​ച്ച​ദൂ​തൻ’

ആത്മജ്ഞാ​ന​സി​ദ്ധി​യെ പ്രയോ​ജ​ന​പ്ര​ദ​മാ​യത്‌, ദൂത​പ്ര​ഭാ​വം​പോ​ലു​മു​ള്ളത്‌ എന്നു തോന്നി​ക്കാൻ പിശാ​ചി​നു കഴിയു​മെ​ന്നതു നമ്മെ അതിശ​യി​പ്പി​ക്ക​രുത്‌. സാത്താൻ “വെളി​ച്ച​ദൂ​തന്റെ വേഷം ധരിക്കു​ന്നു​വ​ല്ലോ” എന്നു ബൈബിൾ പറയുന്നു. (2 കൊരി​ന്ത്യർ 11:14) പൂർവ​ല​ക്ഷ​ണങ്ങൾ തട്ടിക്കൂ​ട്ടി അവ വാസ്‌ത​വ​മാ​ക്കി​ത്തീർക്കാൻ അവനു കഴിയും. അങ്ങനെ ശകുനം ദൈവ​ത്തിൽനി​ന്നാ​ണെന്നു തോന്നാൻ തക്കവണ്ണം പ്രേക്ഷ​കരെ വഞ്ചിക്കു​ന്നു. (മത്തായി 7:21-23-ഉം 2 തെസ്സ​ലൊ​നീ​ക്യർ 2:9-12-ഉം താരത​മ്യം ചെയ്യുക.) സാത്താന്റെ സകല വേലക​ളും, അവ എത്രതന്നെ സദ്‌ഗു​ണ​പൂർണ​മോ ദോഷ​ക​ര​മോ ആയി തോന്നി​ച്ചാ​ലും, രണ്ട്‌ ഉദ്ദേശ്യ​ങ്ങ​ളി​ലൊ​ന്നു നിവർത്തി​ക്കു​ന്നു: ആളുകളെ യഹോ​വ​യ്‌ക്കെ​തി​രെ തിരി​ക്കുക അല്ലെങ്കിൽ ‘ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം ശോഭി​ക്കാ​തി​രി’ക്കത്തക്കവണ്ണം അവരുടെ മനസ്സു കുരു​ടാ​ക്കുക. (2 കൊരി​ന്ത്യർ 4:3, 4) മിക്ക​പ്പോ​ഴും വഞ്ചനയു​ടെ ഏറ്റവും ഫലപ്ര​ദ​മായ രീതി അവസാനം പറഞ്ഞതാണ്‌.

ഒന്നാം നൂറ്റാ​ണ്ടി​ലെ ഒരു അടിമ​പ്പെൺകു​ട്ടി​യെ​പ്പ​റ്റി​യുള്ള ബൈബിൾ വിവരണം പരിചി​ന്തി​ക്കുക. അവളുടെ ഭാവി​ക​ഥ​നങ്ങൾ തന്റെ യജമാ​ന്മാർക്കു വളരെ​യ​ധി​കം നേട്ടം കൈവ​രു​ത്തി. “ഈ മനുഷ്യർ അത്യു​ന്ന​ത​നായ ദൈവ​ത്തി​ന്റെ ദാസന്മാർ, രക്ഷാമാർഗ്ഗം നിങ്ങ​ളോ​ടു അറിയി​ക്കു​ന്നവർ” എന്നു പറഞ്ഞു​കൊ​ണ്ടു നാളു​ക​ളോ​ളം അവൾ ശിഷ്യ​ന്മാ​രെ പിന്തു​ടർന്നു. അവളുടെ വാക്കുകൾ സത്യമാ​യി​രു​ന്നു. എങ്കിലും, അവളെ ബാധി​ച്ചി​രു​ന്നതു ദൂതനാ​യി​രു​ന്നില്ല മറിച്ച്‌ അവൾ ‘വെളി​ച്ച​പ്പാ​ട​ത്തി​യാ​യി ലക്ഷണം പറയു​ന്നവൾ [“ആത്മജ്ഞാ​ന​സി​ദ്ധി​യുള്ള ഒരു ഭൂതം,” NW]’ ആയിരു​ന്നു​വെന്നു വിവരണം പറയുന്നു. ഒടുവിൽ പൗലോസ്‌ “മുഷിഞ്ഞു തിരി​ഞ്ഞു​നോ​ക്കി അവളി​ലുള്ള ഭൂത​ത്തോ​ടു: അവളെ​വി​ട്ടു പോകു​വാൻ ഞാൻ യേശു​ക്രി​സ്‌തു​വി​ന്റെ നാമത്തിൽ നിന്നോ​ടു കൽപ്പി​ക്കു​ന്നു എന്നു പറഞ്ഞു. ആ നാഴി​ക​യിൽ തന്നേ അതു അവളെ വിട്ടു​പോ​യി.”—പ്രവൃ​ത്തി​കൾ 16:16-18.

പൗലോസ്‌ ഈ ആത്മാവി​നെ എന്തു​കൊ​ണ്ടാ​ണു പുറത്താ​ക്കി​യത്‌? ഒന്നുമ​ല്ലേ​ലും അതു ഭൂതബാ​ധി​ത​യായ പെൺകു​ട്ടി​യു​ടെ യജമാ​ന​ന്മാർക്കു ധാരാളം വരുമാ​നം ഉണ്ടാക്കി​ക്കൊ​ടു​ത്ത​താ​ണ​ല്ലോ. ആ അടിമ​പ്പെൺകു​ട്ടി തന്റെ അമാനുഷ ശക്തിക​ളു​പ​യോ​ഗി​ച്ചു​കൊണ്ട്‌, കർഷക​രോട്‌ എപ്പോൾ നടണ​മെ​ന്നും കന്യക​മാ​രോട്‌ എപ്പോൾ വിവാഹം കഴിക്ക​ണ​മെ​ന്നും ഖനി​ത്തൊ​ഴി​ലാ​ളി​ക​ളോ​ടു സ്വർണ​ത്തി​നു​വേണ്ടി എവിടെ കുഴി​ക്ക​ണ​മെ​ന്നും പറഞ്ഞി​രി​ക്കാൻ ഇടയുണ്ട്‌. എന്തിന്‌, ശിഷ്യ​ന്മാ​രെ പരസ്യ​മാ​യി പുകഴ്‌ത്തി​ക്കൊ​ണ്ടു കുറച്ചു സത്യവ​ച​നങ്ങൾ സംസാ​രി​ക്കാൻപോ​ലും ആ ആത്മാവു പെൺകു​ട്ടി​യെ പ്രേരി​പ്പി​ക്കു​ക​യു​ണ്ടാ​യി!

എന്നിരു​ന്നാ​ലും അത്‌ “ആത്മജ്ഞാ​ന​സി​ദ്ധി​യുള്ള ഒരു ഭൂത”മായി​രു​ന്നു. തന്മൂലം, യഹോ​വ​യെ​യും രക്ഷയ്‌ക്കാ​യുള്ള അവന്റെ കരുത​ലി​നെ​യും കുറിച്ചു പ്രഖ്യാ​പി​ക്കാൻ അതിനു യാതൊ​രു അധികാ​ര​വു​മി​ല്ലാ​യി​രു​ന്നു. ഒരുപക്ഷേ അടിമ​പ്പെൺകു​ട്ടി​യു​ടെ ഭാവി​ക​ഥ​ന​ങ്ങൾക്കു വിശ്വാ​സ്യത നൽകു​ന്ന​തി​നാ​യി ഉരുവിട്ട അതിന്റെ ഉപചാ​ര​വാ​ക്കു​കൾ ക്രിസ്‌തു​വി​ന്റെ യഥാർഥ അനുഗാ​മി​ക​ളിൽനി​ന്നു കാഴ്‌ച​ക്കാ​രു​ടെ ശ്രദ്ധയെ പതറി​പ്പി​ച്ചി​രി​ക്കാം. ‘നിങ്ങൾക്കു കർത്താ​വി​ന്റെ മേശയി​ലും ഭൂതങ്ങ​ളു​ടെ മേശയി​ലും അംശികൾ ആകുവാൻ പാടില്ല’ എന്നു പൗലോസ്‌ കൊരി​ന്ത്യർക്കു മുന്നറി​യി​പ്പു നൽകി​യതു നല്ല കാരണ​ത്തോ​ടെ​യാണ്‌. (1 കൊരി​ന്ത്യർ 10:21) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ആത്മജ്ഞാ​ന​സി​ദ്ധി​യു​മാ​യി ബന്ധപ്പെട്ട തങ്ങളുടെ പുസ്‌ത​ക​ങ്ങ​ളെ​ല്ലാം നശിപ്പി​ച്ച​തിൽ അതിശ​യി​ക്കാ​നില്ല.—പ്രവൃ​ത്തി​കൾ 19:19.

‘ആകാശ​മ​ധ്യേ പറക്കുന്ന ദൂതൻ’

നാം കണ്ടുക​ഴി​ഞ്ഞ​തു​പോ​ലെ, ഇന്നത്തെ ദൂത പ്രസ്ഥാ​ന​ത്തി​ല​ധി​ക​വും ദൈവ​ത്തി​ന്റെ പ്രതി​യോ​ഗി​യായ പിശാ​ചായ സാത്താ​നു​മാ​യി ബന്ധപ്പെ​ട്ടി​രി​ക്കു​ന്ന​താ​യി ബൈബിൾ തുറന്നു​കാ​ണി​ക്കു​ന്നു. മനുഷ്യ​രു​ടെ കാര്യ​ങ്ങ​ളിൽ വിശുദ്ധ ദൂതന്മാർ ഉൾപ്പെ​ട്ടി​രി​ക്കു​ന്നി​ല്ലെന്ന്‌ അത്‌ അർഥമാ​ക്കു​ന്നു​ണ്ടോ? നേരേ​മ​റിച്ച്‌, അവർ ഇപ്പോൾ ഭൂമി​യിൽ ശക്തമായ ഒരു വേല നിവർത്തി​ച്ചു​കൊ​ണ്ടി​രി​ക്കു​ക​യാണ്‌. അതെന്താണ്‌? ഉത്തരത്തി​നു​വേണ്ടി നാം ബൈബിൾ പുസ്‌ത​ക​മായ വെളി​പാ​ടിൽ നോക്കണം. ദൂതന്മാ​രെ​പ്പറ്റി ബൈബി​ളി​ലെ മറ്റേ​തൊ​രു പുസ്‌ത​ക​ങ്ങ​ളി​ലെ​ക്കാ​ളും അധികം തവണ സൂചി​പ്പി​ച്ചി​രി​ക്കു​ന്നത്‌ ഈ പുസ്‌ത​ക​ത്തി​ലാണ്‌.

അപ്പോ​സ്‌ത​ല​നാ​യ യോഹ​ന്നാ​നു ലഭിച്ച പ്രാവ​ച​നിക ദർശനം രേഖ​പ്പെ​ടു​ത്തി​യി​രി​ക്കുന്ന വെളി​പ്പാ​ടു 14:6, 7-ൽ നാം ഇങ്ങനെ വായി​ക്കു​ന്നു: “വേറൊ​രു ദൂതൻ ആകാശ​മ​ദ്ധ്യേ പറക്കു​ന്നതു ഞാൻ കണ്ടു; ഭൂവാ​സി​ക​ളായ സകല ജാതി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാൻ അവന്റെ പക്കൽ ഒരു സുവി​ശേഷം ഉണ്ടായി​രു​ന്നു. ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ; അവന്റെ ന്യായ​വി​ധി​യു​ടെ നാഴിക വന്നിരി​ക്കു​ന്നു; ആകാശ​വും ഭൂമി​യും സമു​ദ്ര​വും നീരു​റ​വു​ക​ളും ഉണ്ടാക്കി​യ​വനെ നമസ്‌ക​രി​പ്പിൻ എന്നു അവൻ അത്യു​ച്ച​ത്തിൽ പറഞ്ഞു​കൊ​ണ്ടി​രു​ന്നു.”

ദൂതന്മാ​രു​ടെ ഏറ്റവും മുഖ്യ വേലയെ ഈ തിരു​വെ​ഴു​ത്തു വിശേ​ഷ​വ​ത്‌ക​രി​ക്കു​ന്നു. ദൈവ​രാ​ജ്യ​ത്തെ​ക്കു​റി​ച്ചു സുവാർത്ത പ്രഖ്യാ​പി​ക്കു​ക​യെന്ന അങ്ങേയറ്റം പ്രാധാ​ന്യ​മർഹി​ക്കുന്ന വേലയിൽ അവർ ഉൾപ്പെ​ട്ടി​രി​ക്കു​ന്നു. ഈ വേല​യോ​ടുള്ള ബന്ധത്തി​ലാണ്‌ യേശു “ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു” എന്നു തന്റെ ശിഷ്യ​ന്മാർക്കു വാഗ്‌ദാ​നം നൽകി​യത്‌. (മത്തായി 28:18-20) യേശു തന്റെ ശിഷ്യ​ന്മാ​രോ​ടൊ​പ്പം ഉണ്ടായി​രി​ക്കു​ന്ന​തെ​ങ്ങനെ? സ്‌മര​ണീ​യ​മായ ഈ വേല നിർവ​ഹി​ക്കു​ന്ന​തിന്‌ അവർക്കു ദൂതന്മാ​രു​ടെ സഹായം പ്രദാ​നം​ചെ​യ്യു​ക​യാണ്‌ ഒരു വിധം.

ദൈവ​രാ​ജ്യ​ത്തി​ന്റെ സുവാർത്ത പ്രസം​ഗി​ച്ചു​കൊ​ണ്ടു യഹോ​വ​യു​ടെ സാക്ഷികൾ വർഷം​തോ​റും 100 കോടി​യി​ല​ധി​കം മണിക്കൂർ ചെലവ​ഴി​ക്കു​ന്നു. ഈ വേല നിർവ​ഹി​ക്കു​മ്പോൾ ദൂതന്മാ​രു​ടെ നടത്തി​പ്പി​ന്റെ തെളി​വു​കൾ അവർ കണ്ടറി​യു​ന്നു. ദൈ​വോ​ദ്ദേ​ശ്യ​ങ്ങൾ മനസ്സി​ലാ​ക്കു​ന്ന​തിന്‌ ആരെങ്കി​ലും തങ്ങളെ സഹായി​ക്ക​ണ​മെന്നു പ്രാർഥി​ച്ചു​കൊ​ണ്ടി​രി​ക്കുന്ന വ്യക്തി​ക​ളു​മാ​യി വീടു​തോ​റു​മുള്ള ശുശ്രൂ​ഷ​യ്‌ക്കി​ട​യിൽ സാക്ഷികൾ സമ്പർക്ക​ത്തി​ലേർപ്പെട്ട സംഭവങ്ങൾ പലപ്പോ​ഴും ഉണ്ടായി​ട്ടുണ്ട്‌. ദൂതന്മാ​രു​ടെ സഹായ​ത്തോ​ടൊ​പ്പം സാക്ഷി​ക​ളു​ടെ​ത​ന്നെ​യും മുൻ​കൈ​യെ​ടു​ക്കൽ ഓരോ വർഷവും ആയിര​ക്ക​ണ​ക്കി​നാ​ളു​കൾ യഹോ​വ​യെ​ക്കു​റിച്ച്‌ അറിയു​ന്ന​തിൽ കലാശി​ച്ചി​രി​ക്കു​ന്നു!

ആകാശ​മ​ധ്യേ പറക്കുന്ന ദൂതനു നിങ്ങൾ ചെവി ചായ്‌ക്കു​ന്നു​ണ്ടോ? യഹോ​വ​യു​ടെ സാക്ഷികൾ സന്ദർശി​ക്കു​മ്പോൾ ഈ ദൂതസ​ന്ദേ​ശ​ത്തെ​ക്കു​റിച്ച്‌ അവരു​മാ​യി ചർച്ച​ചെ​യ്‌ത്‌ കൂടുതൽ വിവരങ്ങൾ നേടരു​തോ?

[അടിക്കു​റി​പ്പു​കൾ]

[8-ാം പേജിലെ ചതുരം]

ദൂതന്മാർ ആരാണ്‌?

അനേകരുടെയും ധാരണ​യ്‌ക്കു വിപരീ​ത​മാ​യി, ദൂതന്മാർ മരിച്ച മനുഷ്യ​രെ വിട്ടു​പോ​യി​രി​ക്കുന്ന ദേഹി​കളല്ല. മരിച്ചവർ “ഒന്നും അറിയു​ന്നില്ല” എന്നു ബൈബിൾ വ്യക്തമാ​യി പ്രതി​പാ​ദി​ക്കു​ന്നു. (സഭാ​പ്ര​സം​ഗി 9:5) അപ്പോൾപ്പി​ന്നെ ദൂതന്മാർ എവി​ടെ​നി​ന്നു വന്നു? ഭൂമിയെ സൃഷ്ടി​ക്കു​ന്ന​തി​നു​മു​മ്പു ദൈവം അവരെ ഓരോ​രു​ത്ത​രെ​യും സൃഷ്ടി​ച്ചു​വെന്നു ബൈബിൾ സൂചി​പ്പി​ക്കു​ന്നു. (ഇയ്യോബ്‌ 38:4-7) ദൈവ​ത്തി​ന്റെ സ്വർഗീയ കുടും​ബ​ത്തി​ന്റെ വലിപ്പം കോടി​ക്ക​ണ​ക്കി​നാ​ണെ​ന്നു​വ​രാം, ഒരുപക്ഷേ കോടി​ക്ക​ണ​ക്കി​ല​ധി​കം​പോ​ലും! കുറെ ദൂതന്മാർ സാത്താന്റെ മത്സരത്തിൽ അവനോ​ടു​കൂ​ടെ ചേർന്നു.—ദാനീ​യേൽ 7:10; വെളി​പ്പാ​ടു 5:11; 12:7-9.

യഹോവ ക്രമത്തി​ന്റെ ദൈവ​മാ​ക​യാൽ ഈ വലിയ ദൂതകു​ടും​ബം സംഘടി​ത​മാ​ണെ​ന്ന​തിൽ അതിശ​യി​ക്കാ​നില്ല.—1 കൊരി​ന്ത്യർ 14:33.

• ശക്തിയി​ലും അധികാ​ര​ത്തി​ലും ഏറ്റവും പ്രമു​ഖ​നായ ദൂതൻ പ്രധാ​ന​ദൂ​ത​നായ, മീഖാ​യേൽ എന്നും വിളി​ക്ക​പ്പെ​ടുന്ന യേശു​ക്രി​സ്‌തു​വാണ്‌. (1 തെസ്സ​ലൊ​നീ​ക്യർ 4:16; യൂദാ 9) അവന്റെ അധികാ​ര​ത്തിൻ കീഴി​ലാ​ണു സാറാ​ഫു​ക​ളും കെരൂ​ബു​ക​ളും ദൂതന്മാ​രും.

• സാറാ​ഫു​കൾ ദൈവ​സിം​ഹാ​സ​ന​ത്തി​നു സമീപം നിൽക്കു​ന്നു. അവരുടെ നിയമനം ദൈവ​ത്തി​ന്റെ പരിശു​ദ്ധി​യെ​ക്കു​റി​ച്ചു പ്രഖ്യാ​പി​ക്കു​ക​യും അവന്റെ ജനത്തെ ശുദ്ധരാ​യി സൂക്ഷി​ക്കു​ക​യു​മാ​ണെ​ന്നതു വ്യക്തമാണ്‌.—യെശയ്യാ​വു 6:1-3, 6, 7.

• കെരൂ​ബു​ക​ളും യഹോ​വ​യു​ടെ സന്നിധാ​ന​ത്തിൽ കാണ​പ്പെ​ടു​ന്നു. ദൈവ​ത്തി​ന്റെ സിംഹാ​സന വാഹകർ അല്ലെങ്കിൽ അതിന്റെ അകമ്പടി​ക്കാർ എന്നനി​ല​യിൽ അവർ യഹോ​വ​യു​ടെ ശ്രേഷ്‌ഠ​ത്വ​ത്തെ ഉയർത്തി​പ്പി​ടി​ക്കു​ന്നു.—സങ്കീർത്തനം 80:1; 99:1; യെഹെ​സ്‌കേൽ 10:1, 2.

• ദൂതന്മാർ (“സന്ദേശ​വാ​ഹകർ” എന്ന അർഥത്തിൽ) യഹോ​വ​യു​ടെ ഏജൻറു​മാ​രും പ്രതി​നി​ധി​ക​ളു​മാണ്‌. അവർ ദിവ്യ​ഹി​തം നിവർത്തി​ക്കു​ന്നു, അതിൽ ദൈവ​ജ​ന​ത്തി​ന്റെ വിടു​ത​ലോ ദുഷ്ടന്മാ​രു​ടെ ഉന്മൂല​നാ​ശ​മോ എന്തുതന്നെ ഉൾപ്പെ​ട്ടാ​ലും ശരി.—ഉല്‌പത്തി 19:1-26.

[7-ാം പേജിലെ ചിത്രം]

ആകാശമധ്യേ പറക്കുന്ന ദൂതനു നിങ്ങൾ ചെവി ചായ്‌ക്കു​ന്നു​ണ്ടോ?