‘മനസ്സു തകർന്ന’വർക്ക്‌ ആശ്വാസം

“എല്ലാ ധാർമിക ബോധ​വും കെട്ടു​പോയ” ഒന്നായി​രി​ക്കു​ക​യാണ്‌ ഇന്നു സാത്താന്റെ ലോകം. (എഫേസ്യർ 4:19, NW; 1 യോഹ​ന്നാൻ 5:19) വ്യഭി​ചാ​ര​വും പരസം​ഗ​വും നടമാ​ടു​ന്നു. അനേകം രാജ്യ​ങ്ങ​ളി​ലും 50-ഓ അതില​ധി​ക​മോ ശതമാനം വിവാ​ഹ​ങ്ങ​ളും വിവാ​ഹ​മോ​ച​ന​ത്തിൽ കലാശി​ക്കു​ന്നു. സ്വവർഗ​സം​ഭോ​ഗ​ത്തി​നു വ്യാപ​ക​മായ അംഗീ​കാ​രം. ലൈം​ഗിക അക്രമം—ബലാൽസം​ഗം—വാർത്ത​ക​ളി​ലി​ല്ലാ​തി​രി​ക്കു​ന്നതു വിരളം. അശ്ലീല​സാ​ഹി​ത്യ​മാ​ണെ​ങ്കി​ലോ ശതകോ​ടി ഡോള​റി​ന്റെ ബിസി​ന​സും.—റോമർ 1:26, 27.

ഏറ്റവും നിന്ദ്യ​മായ വികട​ത്ത​ങ്ങ​ളി​ലൊ​ന്നാ​ണു നിഷ്‌ക​ള​ങ്ക​രായ കുട്ടി​ക​ളോ​ടുള്ള ലൈം​ഗിക ദുഷ്‌പെ​രു​മാ​റ്റം. സാത്താന്റെ ലോക​ത്തി​ന്റെ ജ്ഞാന​ത്തെ​പ്പോ​ലെ​തന്നെ, കുട്ടി​ക​ളോ​ടുള്ള ലൈം​ഗിക ദുഷ്‌പെ​രു​മാ​റ്റം “മൃഗീ​യ​വും പൈശാ​ചി​ക​വും” ആണ്‌. (യാക്കോബ്‌ 3:15, NW) ഐക്യ​നാ​ടു​ക​ളിൽ മാത്രം “അധ്യാ​പ​ക​രും ഡോക്ടർമാ​രും നടത്തിയ ലൈം​ഗിക അതി​ക്ര​മ​ങ്ങ​ളു​ടെ സ്ഥിരീ​ക​രി​ക്കാ​വുന്ന 4,00,000-ത്തിലധി​കം കേസുകൾ ഔദ്യോ​ഗിക രേഖക​ളി​ലുണ്ട്‌” എന്നു ടൈം മാഗസിൻ പറയുന്നു. ഈ ദുഷ്‌പെ​രു​മാ​റ്റ​ത്തിന്‌ ഇരയാ​യ​വ​രിൽ അനേകർക്കും പ്രായ​മാ​യാ​ലും വേദനാ​ക​ര​മായ ആ മുറി​വു​കൾ ഉണങ്ങു​ന്നില്ല. ആ മുറി​വു​കൾ യഥാർഥ​മാ​ണു​താ​നും! ബൈബിൾ പറയുന്നു: “പുരു​ഷന്റെ ധീരത [മാനസിക ചായ്‌വ്‌, ആന്തരിക വികാ​ര​ങ്ങ​ളും വിചാ​ര​ങ്ങ​ളും] അവന്റെ ദീനത്തെ സഹിക്കും; തകർന്ന [മുറി​വേറ്റ, പീഡിത] മനസ്സി​നെ​യോ ആർക്കു സഹിക്കാം?”—സദൃശ​വാ​ക്യ​ങ്ങൾ 18:14.

ദൈവ​രാ​ജ്യ സുവാർത്ത “ഹൃദയം തകർന്ന”വരും “ദുഃഖിത”രും ഉൾപ്പെടെ സകലതരം ആളുക​ളെ​യും ആകർഷി​ക്കു​ന്നു. (യെശയ്യാ​വു 61:1-4) അപ്പോൾ, വൈകാ​രി​ക​മാ​യി വേദന​യി​ലാ​യി​രി​ക്കുന്ന അനേക​രും “ദാഹി​ക്കു​ന്നവൻ വരട്ടെ, ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ” എന്ന ക്ഷണത്തോ​ടു പ്രതി​ക​രി​ക്കു​ന്ന​തിൽ വിസ്‌മ​യി​ക്കാ​നില്ല. (വെളി​പ്പാ​ടു 22:17) ഇക്കൂട്ടർക്കു സാന്ത്വ​ന​മേ​കുന്ന ഒരിട​മാ​യി​രി​ക്കാൻ ക്രിസ്‌തീയ സഭയ്‌ക്കു കഴിയും. ദുരി​ത​ങ്ങ​ളെ​ല്ലാം ഉടൻതന്നെ ഒരു കഴിഞ്ഞ​കാല സംഗതി​യാ​വാൻ പോകു​ക​യാണ്‌ എന്ന്‌ അവർ ആഹ്ലാദ​ത്തോ​ടെ മനസ്സി​ലാ​ക്കു​ക​യാണ്‌. (യെശയ്യാ​വു 65:17) എന്നിരു​ന്നാ​ലും, ആ സമയം​വരെ അവരെ ‘ആശ്വസി​പ്പി​ക്കു​ക​യും’ അവരുടെ മുറി​വു​കൾ ‘കെട്ടു​ക​യും’ ചെയ്യേ​ണ്ട​യാ​വ​ശ്യ​മുണ്ട്‌. പൗലോസ്‌ ക്രിസ്‌ത്യാ​നി​കളെ ഇങ്ങനെ ഉചിത​മാ​യി ബുദ്ധ്യു​പ​ദേ​ശി​ച്ചു: “ഉൾക്കരു​ത്തി​ല്ലാ​വരെ ധൈര്യ​പ്പെ​ടു​ത്തു​വിൻ; ബലഹീ​നരെ താങ്ങു​വിൻ; എല്ലാവ​രോ​ടും ദീർഘക്ഷമ കാണി​പ്പിൻ.”—1 തെസ്സ​ലൊ​നീ​ക്യർ 5:14.

“അടിച്ച​മർത്ത​പ്പെട്ട ഓർമകൾ”

സമീപ വർഷങ്ങ​ളിൽ ചിലർ മറ്റുള്ള​വർക്കു പിടി​കി​ട്ടാൻ പ്രയാ​സ​മായ കാരണ​ങ്ങൾനി​മി​ത്തം ‘ഹൃദയം തകർന്ന’വരായി​ത്തീർന്നി​ട്ടുണ്ട്‌. കുട്ടി​ക​ളാ​യി​രു​ന്ന​പ്പോൾ ലൈം​ഗിക ദുഷ്‌പെ​രു​മാ​റ്റ​ത്തിന്‌ ഇരയാ​യി​ട്ടു​ണ്ടെന്നു സമ്മതി​ക്കുന്ന പ്രായ​പൂർത്തി വന്നവരാ​ണവർ. “അടിച്ച​മർത്ത​പ്പെട്ട ഓർമകൾ” എന്നു വർണി​ക്ക​പ്പെ​ടുന്ന അവസ്ഥാ​വി​ശേ​ഷ​മാണ്‌ അവർ അങ്ങനെ സമ്മതി​ക്കു​ന്ന​തി​നുള്ള അടിസ്ഥാ​നം.a മുതിർന്ന ഒരാളിൽനിന്ന്‌ (അല്ലെങ്കിൽ മുതിർന്ന​വ​രിൽനിന്ന്‌) കുട്ടി​ക്കാ​ലത്ത്‌ അനുഭ​വി​ക്കേ​ണ്ടി​വന്ന ലൈം​ഗിക ദുഷ്‌പെ​രു​മാ​റ്റ​ത്തെ​ക്കു​റി​ച്ചു ചിലർ ഓർക്കു​ന്നത്‌ അതേക്കു​റി​ച്ചുള്ള മുൻകാല മാനസിക ചിത്ര​ങ്ങ​ളും “ഓർമ​ക​ളും” അപ്രതീ​ക്ഷി​ത​മാ​യി മനസ്സി​ലൂ​ടെ മിന്നി​മ​റ​യു​മ്പോൾ മാത്ര​മാ​യി​രി​ക്കാം. ക്രിസ്‌തീയ സഭയി​ലുള്ള ആർക്കെ​ങ്കി​ലും അലോ​സ​ര​പ്പെ​ടു​ത്തുന്ന അത്തരം തോന്ന​ലു​കൾ അനുഭ​വ​പ്പെ​ടു​ന്നു​ണ്ടോ? ഏതാനും ചില രാജ്യ​ങ്ങ​ളിൽ ഉണ്ട്‌. സമർപ്പി​ത​രായ ഇക്കൂട്ടർക്കു കഠിന​മായ വലച്ചൽ, ദേഷ്യം, കുറ്റ​ബോ​ധം, ലജ്ജ, അല്ലെങ്കിൽ ഏകാന്തത എന്നിവ​യൊ​ക്കെ അനുഭ​വ​പ്പെ​ട്ടേ​ക്കാം. ദാവീ​ദി​നെ​പ്പോ​ലെ ദൈവ​ത്തിൽനിന്ന്‌ ഒറ്റപ്പെ​ട്ടു​വെന്ന തോന്ന​ലോ​ടെ അവർ ഇങ്ങനെ നിലവി​ളി​ച്ചേ​ക്കാം: “യഹോവേ, നീ ദൂരത്തു നില്‌ക്കു​ന്ന​തെന്തു? കഷ്ടകാ​ലത്തു നീ മറഞ്ഞു​ക​ള​യു​ന്ന​തെന്തു?”—സങ്കീർത്തനം 10:1.

ഈ “ഓർമ​കളു”ടെ അനേകം വശങ്ങളും മാനസി​കാ​രോ​ഗ്യ വിദഗ്‌ധർക്കു ശരിക്കും പിടി​കി​ട്ടു​ന്നില്ല. അത്തരം “ഓർമകൾ”ക്കു സമർപ്പിത ക്രിസ്‌ത്യാ​നി​ക​ളു​ടെ ആത്മീയ​തയെ ബാധി​ക്കാ​നാ​വും. അതു​കൊണ്ട്‌, അവ കൈകാ​ര്യം ചെയ്യു​ന്ന​തി​നുള്ള മാർഗ​നിർദേ​ശ​ത്തി​നു​വേണ്ടി നാം ആത്മവി​ശ്വാ​സ​ത്തോ​ടെ ദൈവ​വ​ച​ന​ത്തി​ലേക്കു തിരി​യു​ന്നു. ബൈബിൾ “സകല സംഗതി​ക​ളി​ലും വിവേകം” പ്രദാ​നം​ചെ​യ്യു​ന്നു. (2 തിമോ​ത്തി 2:7, NW; 3:16) ‘മനസ്സലി​വുള്ള പിതാ​വും സർവ്വാ​ശ്വാ​സ​വും നല്‌കുന്ന ദൈവ​വു​മായ, കഷ്ടത്തിൽ ഒക്കെയും നമ്മെ ആശ്വസി​പ്പി​ക്കു​ന്ന​വ​നു​മായ’ യഹോ​വ​യിൽ വിശ്വാ​സ​മർപ്പി​ക്കാ​നും അതു കഷ്ടപ്പെ​ടുന്ന സകല​രെ​യും സഹായി​ക്കു​ന്നു.—2 കൊരി​ന്ത്യർ 1:3, 4.

അതു വാസ്‌ത​വ​ത്തിൽ സംഭവി​ച്ചു​വോ?

ഈ “ഓർമകൾ” എന്താ​ണെ​ന്ന​തും വാസ്‌ത​വ​ത്തിൽ സംഭവിച്ച സംഗതി​കളെ അവ എത്ര​ത്തോ​ളം പ്രതി​നി​ധാ​നം ചെയ്യു​ന്നു​വെ​ന്ന​തും സംബന്ധി​ച്ചു ലോക​ത്തിൽ കാര്യ​മായ അഭി​പ്രായ വ്യത്യാ​സ​മുണ്ട്‌. യഹോ​വ​യു​ടെ സാക്ഷികൾ “ലോക​ത്തി​ന്റെ ഭാഗമല്ല,” അതു​കൊ​ണ്ടു​തന്നെ ഈ വിവാ​ദ​ത്തിൽ അവർ പങ്കു​ചേ​രു​ന്നു​മില്ല. (യോഹ​ന്നാൻ 17:16) പ്രസി​ദ്ധീ​ക​രി​ക്ക​പ്പെട്ട റിപ്പോർട്ടു​കൾ പറയു​ന്ന​ത​നു​സ​രിച്ച്‌, ഈ “ഓർമകൾ”ക്കു കൃത്യ​ത​യു​ള്ള​താ​യി ചില​പ്പോ​ഴൊ​ക്കെ തെളി​ഞ്ഞി​ട്ടുണ്ട്‌. ഒരു ഇൻഷ്വ​റൻസ്‌ ഉദ്യോ​ഗ​സ്ഥ​നായ ഫ്രാങ്ക്‌ ഫിറ്റ്‌സ്‌പാ​ട്രിക്‌, തന്നെ ഒരു പുരോ​ഹി​തൻ ലൈം​ഗിക ദുഷ്‌പെ​രു​മാ​റ്റ​ത്തി​നു വിധേ​യ​നാ​ക്കി​യത്‌ “ഓർമി”ക്കാൻ തുടങ്ങി​യ​തോ​ടെ, അതേ പുരോ​ഹി​തൻ തങ്ങളെ​യും ദുഷ്‌പെ​രു​മാ​റ്റ​ത്തിന്‌ ഇരയാ​ക്കി​യി​ട്ടു​ണ്ടെന്ന്‌ ഏതാണ്ട്‌ നൂറോ​ളം​പേ​രും അവകാ​ശ​പ്പെ​ടു​ക​യു​ണ്ടാ​യി. ദുഷ്‌പെ​രു​മാ​റ്റം നടത്തി​യെന്നു പുരോ​ഹി​ത​നും സമ്മതി​ച്ച​താ​യി റിപ്പോർട്ടുണ്ട്‌.

എന്നിരു​ന്നാ​ലും, പലർക്കും തങ്ങളുടെ “ഓർമകൾ”ക്കു സ്ഥിരീ​ക​രണം നൽകാൻ കഴിഞ്ഞി​ട്ടി​ല്ലെ​ന്നതു ശ്രദ്ധേ​യ​മാണ്‌. തങ്ങളെ ദുഷ്ട​പെ​രു​മാ​റ്റ​ത്തി​നു വിധേ​യ​മാ​ക്കിയ ഒരു പ്രത്യേക വ്യക്തി​യെ​യോ തങ്ങൾ ദുഷ്‌പെ​രു​മാ​റ്റ​ത്തി​നു വിധേ​യ​മായ പ്രത്യേക സ്ഥലത്തെ​യോ കുറിച്ച്‌ ഈ വിധം കഷ്ടപ്പെ​ടുന്ന ചിലർക്കു വ്യക്തമാ​യി ഓർമ​കി​ട്ടി​യി​ട്ടുണ്ട്‌. എന്നാൽ പിന്നീട്‌ അതിനു വിരു​ദ്ധ​മാ​യുള്ള വിശ്വ​സ​നീ​യ​മായ തെളി​വു​കൾ ലഭിച്ച​തോ​ടെ “ഓർമി​ക്ക​പ്പെട്ട” വിശദാം​ശങ്ങൾ സത്യമ​ല്ലെന്നു വ്യക്തമാ​യി.

ഒരു സങ്കേതം പ്രദാ​നം​ചെ​യ്യൽ

എന്നാൽ, അത്തരം “ഓർമകൾ”നിമിത്തം ‘മനസ്സു തകർന്ന’വരെ എങ്ങനെ ആശ്വസി​പ്പി​ക്കാ​നാ​വും? നല്ല അയൽക്കാ​ര​നായ ശമര്യ​ക്കാ​ര​നെ​ക്കു​റി​ച്ചുള്ള യേശു​വി​ന്റെ ഉപമ ഓർക്കുക. കള്ളന്മാ​രു​ടെ ആക്രമ​ണ​ത്തിൽ കൊള്ള​യ​ടി​ക്ക​പ്പെട്ട്‌ പരി​ക്കേ​റ്റു​കി​ട​ക്കു​ക​യാ​യി​രു​ന്നു ഒരു മനുഷ്യൻ. അടു​ത്തെ​ത്തിയ ശമര്യ​ക്കാ​രനു മുറി​വേറ്റ മനുഷ്യ​നോ​ടു മനസ്സലി​വു തോന്നി. അയാൾ എന്തു ചെയ്‌തു? പ്രഹര​മേ​റ്റതു സംബന്ധി​ച്ചുള്ള സകല വിശദാം​ശ​ങ്ങ​ളും കേട്ടേ​തീ​രൂ എന്ന്‌ അയാൾ ശഠിച്ചോ? അല്ലെങ്കിൽ, കൊള്ള​ക്കാ​രെ ഉടനടി പിന്തു​ട​രു​ന്ന​തി​നു​വേണ്ടി അവരെ​ക്കു​റി​ച്ചുള്ള ഒരു വിവരണം പ്രസ്‌തുത ശമര്യ​ക്കാ​രൻ തേടി​യോ? ഇല്ല. ആ മനുഷ്യ​നു മുറി​വേ​റ്റി​രി​ക്കു​ക​യാണ്‌! അതു​കൊണ്ട്‌, ശമര്യ​ക്കാ​രൻ അയാളു​ടെ മുറിവു മൃദു​വാ​യി വെച്ചു​കെട്ടി, സുഖം​പ്രാ​പി​ക്കു​ന്ന​തു​വരെ താമസി​ക്കാൻ അയാളെ സ്‌നേ​ഹ​പു​ര​സ്സരം അടുത്തുള്ള ഒരു സത്രത്തിൽ സുരക്ഷി​ത​മാ​യി കൊണ്ടു​ചെ​ന്നാ​ക്കി.—ലൂക്കൊസ്‌ 10:30-37.

ശാരീ​രി​ക മുറി​വും കുട്ടി​ക്കാ​ലത്തു വാസ്‌ത​വ​ത്തിൽ നേരിട്ട ലൈം​ഗിക ദുഷ്‌പെ​രു​മാ​റ്റം​ഹേ​തു​വാ​യി ‘മനസ്സു തകർന്ന’തും തമ്മിൽ വ്യത്യാ​സ​മു​ണ്ടെ​ന്നതു സത്യം​തന്നെ. എന്നാൽ രണ്ടും വലിയ ദുരി​ത​ത്തി​നി​ട​യാ​ക്കു​ന്ന​തു​തന്നെ. അതു​കൊണ്ട്‌, അരിഷ്ട​ത​യി​ലാ​യി​രി​ക്കുന്ന ഒരു ക്രിസ്‌ത്യാ​നി​യു​ടെ കാര്യ​ത്തിൽ എന്തു ചെയ്യാ​മെന്നു പ്രകട​മാ​ക്കു​ന്ന​താണ്‌ മുറി​വേറ്റ യഹൂദ​നോ​ടു ശമര്യ​ക്കാ​രൻ ചെയ്‌ത പ്രവൃത്തി. സ്‌നേ​ഹ​പു​ര​സ്സ​ര​മായ ആശ്വാസം കൊടു​ക്കു​ന്ന​തി​നും അയാളെ സുഖമാ​കാൻ സഹായി​ക്കു​ന്ന​തി​നു​മാ​യി​രി​ക്കണം ആദ്യ മുൻഗണന.

പിശാച്‌ വിശ്വ​സ്‌ത​നായ ഇയ്യോ​ബി​നെ ഉപദ്ര​വി​ച്ചു. വൈകാ​രി​ക​മോ ശാരീ​രി​ക​മോ ആയ വേദന അവന്റെ നിർമ​ല​തയെ തകർക്കു​മെന്ന ഉറപ്പു പിശാ​ചി​നു​ണ്ടാ​യി​രു​ന്നു​വെ​ന്നതു വ്യക്തമാണ്‌. (ഇയ്യോബ്‌ 1:11; 2:5) അന്നുമു​തൽ സാത്താൻ, നേരിട്ടു വരുത്തു​ന്ന​താ​യാ​ലും അല്ലെങ്കി​ലും, ദൈവ​ദാ​സ​രു​ടെ വിശ്വാ​സത്തെ ദുർബ​ല​മാ​ക്കാൻ പലപ്പോ​ഴും കഷ്ടപ്പാ​ടു​കളെ ഉപയോ​ഗി​ക്കാൻ ശ്രമി​ച്ചി​ട്ടുണ്ട്‌. (2 കൊരി​ന്ത്യർ 12:7-9 താരത​മ്യം ചെയ്യുക.) ക്രിസ്‌ത്യാ​നി​ക​ളു​ടെ വിശ്വാ​സത്തെ ദുർബ​ല​മാ​ക്കാ​നുള്ള ശ്രമത്തി​ന്റെ ഭാഗമാ​യി കുട്ടി​ക​ളോ​ടുള്ള ദുഷ്‌പെ​രു​മാ​റ്റ​വും പ്രായ​പൂർത്തി​യായ അനേക​രു​ടെ​യും “തകർന്ന മനസ്സി”നെയും (അല്ലെങ്കിൽ അത്‌ അനുഭ​വി​ച്ച​തി​ന്റെ “ഓർമ​കളാ”ൽ കഷ്ടപ്പെ​ടു​ന്ന​തി​നെ​യും) ഇപ്പോൾ പിശാച്‌ പ്രയോ​ജ​ന​പ്പെ​ടു​ത്തു​ന്നു​ണ്ടെന്നു നമുക്കു സംശയി​ക്കാ​മോ? വേദന അനുഭ​വി​ക്കു​ന്നെ​ങ്കി​ലും തന്റെ നിർമലത കൈ​വെ​ടി​യാൻ ശക്തിയു​ക്തം വിസമ്മ​തി​ക്കുന്ന ഒരു ക്രിസ്‌ത്യാ​നി, ആക്രമണം നേരി​ട്ട​പ്പോൾ യേശു പറഞ്ഞതു​പോ​ലെ പറയും: ‘സാത്താനേ, എന്നെ വിട്ടു​പോ!’—മത്തായി 4:10.

ആത്മീയ​മാ​യി ശക്തരായി നില​കൊ​ള്ളു​ക

കുട്ടി​ക്കാ​ലത്തു ലഭിച്ച ദുഷ്‌പെ​രു​മാ​റ്റ​ത്തി​ന്റെ ഫലമാ​യു​ണ്ടായ ആത്മീയ​വും വൈകാ​രി​ക​വു​മായ മുറി​വു​കൾ കൈകാ​ര്യം ചെയ്യാൻ സഹായി​ക്കുന്ന വിവരങ്ങൾ “വിശ്വ​സ്‌ത​നും വിവേ​കി​യു​മായ അടിമ” പ്രസി​ദ്ധീ​ക​രി​ച്ചി​ട്ടുണ്ട്‌. (മത്തായി 24:45-47, NW) “ദൈവ​ത്തി​ന്റെ സർവ്വാ​യു​ധ​വർഗ്ഗം ധരിച്ചു”കൊണ്ട്‌ “കർത്താ​വി​ലും അവന്റെ അമിത ബലത്തി”ലും ആശ്രയി​ക്കാൻ സാധി​ക്കു​ന്നെ​ങ്കി​ലേ കഷ്ടമനു​ഭ​വി​ക്കു​ന്നവൻ സഹായി​ക്ക​പ്പെ​ടു​ന്നു​ള്ളു എന്ന്‌ അനുഭവം പ്രകട​മാ​ക്കു​ന്നു. (എഫെസ്യർ 6:10-17) സാത്താനെ ആത്യന്തിക ശത്രു​വാ​യി തുറന്നു​കാ​ട്ടു​ക​യും സാത്താ​നും അവന്റെ സിൽബ​ന്തി​ക​ളും പ്രവർത്തി​ക്കുന്ന അന്ധകാ​രത്തെ ഇല്ലാതാ​ക്കു​ക​യും ചെയ്യുന്ന ബൈബിൾ “സത്യം” ഉൾപ്പെ​ടു​ന്ന​താണ്‌ ഈ ആയുധ​വർഗം. (യോഹ​ന്നാൻ 3:19) അടുത്ത​താ​യി, “നീതി എന്ന കവച”വുമുണ്ട്‌. കഷ്ടം അനുഭ​വി​ക്കു​ന്ന​യാൾ നീതി​നി​ഷ്‌ഠ​മായ നിലവാ​ര​ങ്ങ​ളോ​ടു പറ്റിനിൽക്കാൻ പരി​ശ്ര​മി​ക്കണം. ഉദാഹ​ര​ണ​ത്തിന്‌, തങ്ങൾക്കു​തന്നെ ദ്രോഹം വരുത്തു​ന്ന​തി​നോ അധാർമി​ക​ത​യിൽ ഏർപ്പെ​ടു​ന്ന​തി​നോ ശക്തമായ പ്രചോ​ദ​ന​മു​ള്ള​വ​രാ​ണു ചിലർ. ഈ പ്രചോ​ദ​ന​ങ്ങളെ ചെറു​ത്തു​നിൽക്കുന്ന ഓരോ തവണയും അവർ ജേതാ​ക്ക​ളാ​കു​ന്നു!

ആത്മീയ ആയുധ​വർഗ​ത്തിൽ “സമാധാ​ന​സു​വി​ശേഷ”വും ഉൾപ്പെ​ടു​ന്നു. യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചു മറ്റുള്ള​വ​രോ​ടു പറയു​ന്നതു പറയു​ന്ന​യാ​ളെ​യും കേൾക്കു​ന്ന​യാ​ളെ​യും ബലപ്പെ​ടു​ത്തു​ന്നു. (1 തിമൊ​ഥെ​യൊസ്‌ 4:16) നിങ്ങൾ ‘മനസ്സു തകർന്ന’വനാ​ണെ​ങ്കിൽ, അതു​കൊ​ണ്ടു​തന്നെ സുവാർത്ത​യെ​ക്കു​റി​ച്ചു സംസാ​രി​ക്കാൻ പ്രയാ​സ​മാ​ണെ​ങ്കിൽ, മറ്റൊരു ക്രിസ്‌ത്യാ​നി ഈ ജീവത്‌പ്ര​ധാന വേലയി​ലേർപ്പെ​ടു​മ്പോൾ അയാളു​ടെ​യോ അവളു​ടെ​യോ കൂടെ​പ്പോ​കു​വാൻ ശ്രമി​ക്കുക. “വിശ്വാ​സം എന്ന പരിച”യുടെ കാര്യം വിസ്‌മ​രി​ക്ക​രുത്‌. യഹോവ നിങ്ങളെ സ്‌നേ​ഹി​ക്കു​ന്നു​വെ​ന്നും നിങ്ങൾക്കു നഷ്ടപ്പെ​ട്ട​തെ​ല്ലാം അവൻ വീണ്ടെ​ടു​ത്തു​ത​രു​മെ​ന്നു​മുള്ള വിശ്വാ​സ​മു​ണ്ടാ​യി​രി​ക്കുക. യേശു​വും നിങ്ങളെ സ്‌നേ​ഹി​ക്കു​ന്നു​വെ​ന്നും നിസ്സം​ശയം വിശ്വ​സി​ക്കുക. നിങ്ങൾക്കു​വേണ്ടി മരിച്ചു​കൊണ്ട്‌ അവൻ അതു തെളി​യി​ച്ചി​ട്ടു​ള്ള​താണ്‌. (യോഹ​ന്നാൻ 3:16) തന്റെ ദാസന്മാ​രു​ടെ കാര്യ​ത്തിൽ ശ്രദ്ധയു​ള്ള​വനല്ല യഹോവ എന്നു സാത്താൻ എല്ലായ്‌പോ​ഴും വ്യാജേന അവകാ​ശ​വാ​ദം ചെയ്‌തി​ട്ടുണ്ട്‌. അത്‌ അവന്റെ കുത്സി​ത​വും കൊടും​പ​ക​നി​റ​ഞ്ഞ​തു​മായ നുണക​ളിൽ ഒന്നുമാ​ത്രം.—യോഹ​ന്നാൻ 8:44; ഇയ്യോബ്‌ 4:1, 15-18-ഉം 42:10-15-ഉം താരത​മ്യം ചെയ്യുക.

യഹോവ നിങ്ങളിൽ തത്‌പ​ര​നാ​ണെന്നു വിശ്വ​സി​ക്കാൻ ഹൃദയ​വേദന നിമിത്തം പ്രയാ​സ​മാ​യി​രി​ക്കു​ന്നെ​ങ്കിൽ, അവൻ നമ്മിൽ തത്‌പ​ര​നാ​ണെന്നു ഉറച്ചു​വി​ശ്വ​സി​ക്കുന്ന മറ്റുള്ള​വ​രു​മാ​യി സഹവസി​ക്കു​ന്നതു സഹായി​ക്കും. (സങ്കീർത്തനം 119:107, 111; സദൃശ​വാ​ക്യ​ങ്ങൾ 18:1; എബ്രായർ 10:23-25) ജീവന്റെ പ്രതി​ഫലം നിങ്ങളിൽനി​ന്നു തട്ടി​യെ​ടു​ക്കാൻ സാത്താനെ അനുവ​ദി​ക്ക​രുത്‌. “രക്ഷ എന്ന ശിരസ്‌ത്ര​വും” “ആത്മാവി​ന്റെ വാളും” ആയുധ​വർഗ​ത്തി​ന്റെ ഭാഗമാ​ണെന്ന്‌ ഓർക്കുക. ബൈബിൾ പരിശു​ദ്ധാ​ത്മാ​വി​നാൽ നിശ്വ​സ്‌ത​മാണ്‌. അതിനെ പരാജ​യ​പ്പെ​ടു​ത്താൻ സാത്താ​നാ​വില്ല. (2 തിമൊ​ഥെ​യൊസ്‌ 3:16; എബ്രായർ 4:12) വൈകാ​രിക വേദന​യ്‌ക്ക്‌ ആശ്വാ​സ​മേ​കാൻ അതിന്റെ സൗഖ്യ​വ​ച​ന​ങ്ങൾക്കു സാധി​ക്കും.—സങ്കീർത്തനം 107:20; 2 കൊരി​ന്ത്യർ 10:4, 5 എന്നിവ താരത​മ്യം ചെയ്യുക.

അവസാ​ന​മാ​യി, സഹിച്ചു​നിൽക്കു​ന്ന​തി​നുള്ള ശക്തിക്കു​വേണ്ടി നിരന്തരം പ്രാർഥി​ക്കുക. (റോമർ 12:12; എഫെസ്യർ 6:18) കടുത്ത വൈകാ​രിക വ്യഥയി​ലാ​യി​രു​ന്ന​പ്പോൾ ഉള്ളുതു​റ​ന്നുള്ള പ്രാർഥ​ന​യാ​യി​രു​ന്നു യേശു​വി​നെ താങ്ങി​നിർത്തി​യത്‌. അതിനു നിങ്ങ​ളെ​യും സഹായി​ക്കാൻ സാധി​ക്കും. (ലൂക്കൊസ്‌ 22:41-43) നിങ്ങൾക്കു പ്രാർഥി​ക്കാൻ പ്രയാ​സ​മു​ണ്ടോ? നിങ്ങ​ളോ​ടൊ​പ്പ​വും നിങ്ങൾക്കു​വേ​ണ്ടി​യും പ്രാർഥി​ക്കാൻ മറ്റുള്ള​വ​രോട്‌ അഭ്യർഥി​ക്കുക. (കൊ​ലൊ​സ്സ്യർ 1:3; യാക്കോബ്‌ 5:14) പരിശു​ദ്ധാ​ത്മാ​വു നിങ്ങളു​ടെ പ്രാർഥ​നയെ പിന്തു​ണ​യ്‌ക്കും. (റോമർ 8:26, 27 താരത​മ്യം ചെയ്യുക.) വേദനാ​ക​ര​മായ ശാരീ​രിക രോഗ​ത്തി​ന്റെ കാര്യ​ത്തി​ലെ​ന്ന​പോ​ലെ, ആഴമായ വൈകാ​രിക മുറി​വു​ക​ളുള്ള ചിലർക്ക്‌ ഈ വ്യവസ്ഥി​തി​യിൽ പരിപൂർണ സൗഖ്യം ലഭിക്കി​ല്ലാ​യി​രി​ക്കും. എന്നാൽ യഹോ​വ​യു​ടെ സഹായ​ത്താൽ നമുക്കു സഹിച്ചു​നിൽക്കാ​നാ​വും. യേശു​വി​ന്റെ കാര്യ​ത്തിൽ സംഭവി​ച്ച​തു​പോ​ലെ, സഹിഷ്‌ണുത വിജയ​മാണ്‌. (യോഹ​ന്നാൻ 16:33) “ജനമേ, എല്ലാകാ​ല​ത്തും [യഹോ​വ​യിൽ] ആശ്രയി​പ്പിൻ; നിങ്ങളു​ടെ ഹൃദയം അവന്റെ മുമ്പിൽ പകരു​വിൻ; ദൈവം നമുക്കു സങ്കേത​മാ​കു​ന്നു.”—സങ്കീർത്തനം 62:8.

ദുഷ്‌പെ​രു​മാ​റ്റം നടത്തി​യെന്ന്‌ ആരോ​പി​ക്ക​പ്പെ​ടു​ന്ന​യാ​ളു​ടെ കാര്യ​മോ?

ഒരു കുട്ടി​യോ​ടു ലൈം​ഗി​ക​മായ ദുഷ്‌പെ​രു​മാ​റ്റം നടത്തുന്ന വ്യക്തി ഒരു ബലാൽസം​ഗ​ക്കാ​ര​നാണ്‌, അതു​കൊണ്ട്‌ അങ്ങനെ​തന്നെ അയാളെ വീക്ഷി​ക്കണം. ഈവിധം ദുഷ്‌പെ​രു​മാ​റ്റ​ത്തിന്‌ ഇരയായ വ്യക്തിക്കു ദുഷ്‌പെ​രു​മാ​റ്റം ചെയ്‌ത​യാ​ളി​നെ​തി​രെ പരാതി​പ്പെ​ടാ​നുള്ള അവകാ​ശ​മുണ്ട്‌. എന്നിരു​ന്നാ​ലും, ദുഷ്‌പെ​രു​മാ​റ്റം സംബന്ധിച്ച “അടിച്ച​മർത്ത​പ്പെട്ട ഓർമകൾ”മാത്ര​മാണ്‌ അടിസ്ഥാ​ന​മെ​ങ്കിൽ എടുപി​ടീ​ന്നു കുറ്റാ​രോ​പണം നടത്തരുത്‌. ഇക്കാര്യ​ത്തിൽ, ഉപദ്രവം സഹി​ക്കേ​ണ്ടി​വ​ന്ന​യാ​ളെ സംബന്ധി​ച്ചി​ട​ത്തോ​ളം ഒരള​വോ​ള​മുള്ള വൈകാ​രിക സ്ഥിരത കൈവ​രി​ക്കു​ക​യാണ്‌ ഏറ്റവും പ്രധാന സംഗതി. കുറച്ചു കാലം കഴിഞ്ഞ​ശേഷം, അയാൾക്ക്‌ “ഓർമ​കളെ” മെച്ചമാ​യി അപഗ്ര​ഥി​ച്ചു നിർണയം ചെയ്യാ​നും അതിൽ കഴമ്പു​ണ്ടെ​ങ്കിൽ, താൻ അതുസം​ബ​ന്ധിച്ച്‌ എന്തു ചെയ്യാൻ ആഗ്രഹി​ക്കു​ന്നു​വെന്നു തീരു​മാ​ന​മെ​ടു​ക്കാ​നും കഴി​ഞ്ഞേ​ക്കും.

ഡോന​യു​ടെ കാര്യം പരിചി​ന്തി​ക്കുക. റിപ്പോർട്ടു പറയു​ന്ന​പ്ര​കാ​രം, ഭക്ഷണസം​ബ​ന്ധ​മായ ക്രമ​ക്കേ​ടു​കൾ ഉണ്ടായി​രുന്ന അവൾ ഒരു ഉപദേ​ഷ്ടാ​വി​ന്റെ അടുക്കൽ പോയി. അയാളു​ടെ കഴിവു സംശയാ​സ്‌പ​ദ​മാ​യി​രു​ന്നു​വെന്നു സ്‌പഷ്ടം. തുടർന്ന്‌ അവൾ ഉടനടി അവളുടെ പിതാ​വി​നെ​തി​രെ ലൈം​ഗിക പീഡന​കു​റ്റം ചുമത്തി അദ്ദേഹത്തെ കോടതി കയറ്റി. എന്നാൽ ജഡ്‌ജി​മാർക്ക്‌ ഒരു തീരു​മാ​ന​ത്തി​ലെ​ത്താ​നാ​യില്ല. അതിനാൽ പിതാ​വി​നു തടവിൽ പോ​കേ​ണ്ടി​വ​ന്നില്ല. പക്ഷേ കോട​തി​ച്ചെ​ല​വാ​യി അദ്ദേഹ​ത്തിന്‌ 1 ലക്ഷം ഡോളർ നഷ്ടമായി. എന്നാൽ ഇതൊക്കെ കഴിഞ്ഞ​പ്പോൾ ഡോന മാതാ​പി​താ​ക്ക​ളോ​ടു പറഞ്ഞു, അങ്ങനെ ഒരു ദുഷ്‌പെ​രു​മാ​റ്റം നടന്നതാ​യി താൻ വിശ്വ​സി​ക്കു​ന്നേ​യില്ല എന്ന്‌!

ശലോ​മോൻ ഇങ്ങനെ പറഞ്ഞി​രി​ക്കു​ന്നതു ജ്ഞാനപൂർവം​തന്നെ: “ബദ്ധപ്പെട്ടു വ്യവഹാ​ര​ത്തി​ന്നു പുറ​പ്പെ​ട​രു​തു.” (സദൃശ​വാ​ക്യ​ങ്ങൾ 25:8) കുറ്റക്കാ​ര​നെന്നു പറയ​പ്പെ​ടു​ന്ന​യാൾ ഇപ്പോ​ഴും കുട്ടി​യോ​ടു ദുഷ്‌പെ​രു​മാ​റ്റം നടത്തു​ന്നു​ണ്ടെന്നു സംശയി​ക്കാൻ ഏതെങ്കി​ലും സാധു​വായ കാരണ​മു​ണ്ടെ​ങ്കിൽ, ഒരു മുന്നറി​യി​പ്പു കൊടു​ക്കാ​വു​ന്ന​താണ്‌. അതു ചെയ്യാൻ സഭാമൂ​പ്പ​ന്മാർക്കു സഹായി​ക്കാൻ സാധി​ക്കും. അല്ലാ​യെ​ങ്കിൽ ധൃതി​കൂ​ട്ടാ​തെ നോക്കണം. അവസാനം, നിങ്ങൾക്കു​തന്നേ തോന്നും, വിട്ടു​ക​ള​ഞ്ഞേ​ക്കാ​മെന്ന്‌. ഇനി, (സാധ്യ​ത​യുള്ള പ്രത്യാ​ഘാ​തങ്ങൾ നിങ്ങൾക്കെ​ങ്ങനെ അനുഭ​വ​പ്പെ​ടു​മെ​ന്നെ​ല്ലാം ആദ്യം​തന്നെ വിലയി​രു​ത്തി​യ​ശേഷം) കുറ്റക്കാ​ര​നെന്നു പറയ​പ്പെ​ടു​ന്ന​യാ​ളെ നേരി​ടാ​നാ​ണു നിങ്ങളു​ടെ ഭാവ​മെ​ങ്കിൽ, അപ്രകാ​രം ചെയ്യാ​നുള്ള അവകാശം നിങ്ങൾക്കുണ്ട്‌.

“ഓർമകൾ” അനുഭ​വ​പ്പെ​ടുന്ന ഒരാൾ സുഖം​പ്രാ​പി​ച്ചു​കൊ​ണ്ടി​രി​ക്കുന്ന സമയത്ത്‌, വല്ലാത്ത സ്ഥിതി​വി​ശേ​ഷങ്ങൾ ഉടലെ​ടു​ത്തേ​ക്കാം. ഉദാഹ​ര​ണ​ത്തിന്‌, താൻ നിത്യേന കണ്ടുമു​ട്ടുന്ന ആരെങ്കി​ലും ഒരാൾ തന്നെ ലൈം​ഗി​ക​പീ​ഡ​ന​ത്തി​നു വിധേ​യ​മാ​ക്കു​ന്ന​താ​യുള്ള വ്യക്തമായ ചിത്രങ്ങൾ ഒരു വ്യക്തി​യു​ടെ മനസ്സിൽ എത്തുന്നു​ണ്ടാ​വാം. ഇതു കൈകാ​ര്യം ചെയ്യാൻ ഒരു നിയമ​വും ഉണ്ടാക്കാ​നാ​വില്ല. “ഓരോ​രു​ത്ത​രും സ്വന്തം ഭാരം വഹിച്ചേ മതിയാ​വൂ.” (ഗലാത്തി​യാ 6:5, പി.ഒ.സി. ബൈബിൾ) പ്രശ്‌നം അനുഭ​വ​പ്പെ​ടു​ന്നത്‌ ഒരു ബന്ധുവിൽനി​ന്നോ തൊട്ട​ടുത്ത ഒരു കുടും​ബാം​ഗ​ത്തിൽനി​ന്നോ ആണെന്നു ചില​പ്പോൾ ഒരാൾക്കു തോന്നി​യേ​ക്കാം. കുറ്റക്കാ​ര​നെന്നു സംശയി​ക്കു​ന്ന​യാ​ളെ തിരി​ച്ച​റി​യുന്ന കാര്യം വരു​മ്പോൾ, ചില “അടിച്ച​മർത്ത​പ്പെട്ട ഓർമകൾ”ക്ക്‌ ആശ്രയ​യോ​ഗ്യ​മ​ല്ലാത്ത സ്വഭാ​വ​വി​ശേ​ഷ​മു​ണ്ടെന്ന്‌ ഓർക്കുക. അത്തരം സന്ദർഭ​ത്തിൽ, സംഗതി ഉറപ്പായി സ്ഥിരീ​ക​രി​ക്കാ​ത്തി​ട​ത്തോ​ളം​കാ​ലം, ചുരു​ങ്ങി​യ​പക്ഷം വല്ലപ്പോ​ഴു​മുള്ള സന്ദർശ​ന​ങ്ങ​ളാ​ലോ എഴുത്തി​നാ​ലോ, അല്ലെങ്കിൽ ഫോൺചെ​യ്‌തോ കുടും​ബ​വു​മാ​യുള്ള സമ്പർക്കം നിലനിർത്തുക. അങ്ങനെ തിരു​വെ​ഴു​ത്തു​പ​ര​മായ ഒരു ഗതി പിൻപ​റ്റാൻ അയാൾ ശ്രമി​ക്കു​ന്നു​വെന്ന്‌ അതു പ്രകട​മാ​ക്കും.—എഫെസ്യർ 6:1-3 താരത​മ്യം ചെയ്യുക.

മൂപ്പന്മാർക്ക്‌ എന്തു ചെയ്യാൻ കഴിയും?

കുട്ടി​ക്കാ​ലത്തു നേരിട്ട ലൈം​ഗിക ദുഷ്‌പെ​രു​മാ​റ്റ​ത്തെ​ക്കു​റി​ച്ചുള്ള മാനസി​ക​ചി​ത്ര​ങ്ങ​ളോ “അടിച്ച​മർത്ത​പ്പെട്ട ഓർമ​ക​ളോ” ലഭിക്കുന്ന ഒരു സഭാംഗം മൂപ്പന്മാ​രെ സമീപി​ക്കു​ക​യാ​ണെ​ങ്കിൽ, സാധാ​ര​ണ​മാ​യി രണ്ടു മൂപ്പന്മാ​രെ സഹായ​ത്തിന്‌ ഏർപ്പാടു ചെയ്യുന്നു. അതിനി​ട​യിൽ ഈ മൂപ്പന്മാർ കഷ്ടപ്പെ​ടു​ന്ന​യാ​ളെ ദയാപു​ര​സ്സരം പ്രോ​ത്സാ​ഹി​പ്പി​ക്കേ​ണ്ടതു വൈകാ​രി​കാ​സ്വാ​സ്ഥ്യം വിജയ​ക​ര​മാ​യി നേരി​ടു​ന്ന​തിൽ ശ്രദ്ധ​കേ​ന്ദ്രീ​ക​രി​ക്കാ​നാ​യി​രി​ക്കണം. “ഓർമ​യി​ലെ” ദുഷ്‌പെ​രു​മാ​റ്റ​ക്കാ​രന്റെ പേർ കർശന​മാ​യും രഹസ്യ​മാ​യി സൂക്ഷി​ക്കേ​ണ്ട​താണ്‌.

മൂപ്പന്മാ​രു​ടെ പ്രാഥ​മിക ധർമം ഇടയന്മാർ എന്നനി​ല​യിൽ പ്രവർത്തി​ക്ക​ലാണ്‌. (യെശയ്യാ​വു 32:1, 2; 1 പത്രൊസ്‌ 5:2, 3) “മനസ്സലി​വു, ദയ, താഴ്‌മ, സൌമ്യത, ദീർഘക്ഷമ എന്നിവ ധരിക്കാ”ൻ അവർ വിശേ​ഷാൽ ശ്രദ്ധയു​ള്ള​വ​രാ​യി​രി​ക്കേണം. (കൊ​ലൊ​സ്സ്യർ 3:12) അവർ ദയാപു​ര​സ്സ​ര​മായ ഒരു വിധത്തിൽ ശ്രദ്ധി​ക്കട്ടെ, എന്നിട്ടാ​വാം തിരു​വെ​ഴു​ത്തു​ക​ളിൽനി​ന്നുള്ള സൗഖ്യ​വാ​ക്കു​ക​ളു​ടെ ബാധക​മാ​ക്കൽ. (സദൃശ​വാ​ക്യ​ങ്ങൾ 12:18) വേദനാ​ക​ര​മായ “ഓർമ​കളാ”ൽ കഷ്ടപ്പെ​ടുന്ന ചിലർ തങ്ങൾ എങ്ങനെ കഴിഞ്ഞു​പോ​കു​ന്നു​വെന്ന്‌ അറിയാൻ മൂപ്പന്മാർ നിരന്തരം സന്ദർശി​ക്കു​ക​യോ ഫോൺ വിളി​ക്കു​ക​യോ ചെയ്‌ത​തി​നു നന്ദി പ്രകടി​പ്പി​ച്ചി​ട്ടുണ്ട്‌. അത്തരം സമ്പർക്ക​ങ്ങൾക്കൊ​ന്നും വളരെ​യ​ധി​കം സമയ​മെ​ടു​ക്ക​ണ​മെ​ന്നില്ല. എന്നാൽ ഇത്തരം സംഗതി​യി​ലൊ​ക്കെ യഹോ​വ​യു​ടെ സ്ഥാപനം ശ്രദ്ധ​ചെ​ലു​ത്തു​ന്നു എന്ന്‌ അതു പ്രകട​മാ​ക്കും. ക്രിസ്‌തീയ സഹോ​ദ​രങ്ങൾ തന്നെ സത്യമാ​യും സ്‌നേ​ഹി​ക്കു​ന്നു​വെന്നു കഷ്ടപ്പെ​ടു​ന്ന​യാൾ തിരി​ച്ച​റി​യു​മ്പോൾ, ഒരു ഗണ്യമായ അളവോ​ളം വൈകാ​രിക സമനില വീണ്ടെ​ടു​ക്കാൻ അയാൾ സഹായി​ക്ക​പ്പെ​ട്ടേ​ക്കാം.

കഷ്ടപ്പെ​ടു​ന്ന​യാൾ ഒരു കുറ്റാ​രോ​പണം നടത്താൻ തീരു​മാ​നി​ക്കു​ന്നെ​ങ്കി​ലോ?b സംഗതി സംബന്ധി​ച്ചു കുറ്റമാ​രോ​പി​ക്ക​പ്പെ​ടു​ന്ന​യാ​ളെ അയാൾ വ്യക്തി​പ​ര​മാ​യി സമീപി​ക്ക​ണ​മെന്നു മത്തായി 18:15-ലെ തത്ത്വത്തി​നു ചേർച്ച​യിൽ, രണ്ടു മൂപ്പന്മാർക്ക്‌ അയാളെ ഉപദേ​ശി​ക്കാ​വു​ന്ന​താണ്‌. ഇതു നേരി​ട്ട​റി​യി​ക്കാൻ കുറ്റാ​രോ​പ​കനു വൈകാ​രി​ക​മാ​യി ബുദ്ധി​മു​ട്ടു​ണ്ടെ​ങ്കിൽ, അതു ഫോണി​ലൂ​ടെ​യോ, ഒരുപക്ഷേ ഒരു എഴുത്ത്‌ എഴുതി​ക്കൊ​ണ്ടോ ചെയ്യാ​വു​ന്ന​താണ്‌. ആരോ​പ​ണ​ത്തി​നു മറുപടി നൽകി​ക്കൊണ്ട്‌ യഹോ​വ​യു​ടെ മുമ്പാകെ ഒരു രേഖയു​ണ്ടാ​ക്കാൻ കുറ്റമാ​രോ​പി​ക്ക​പ്പെ​ടു​ന്ന​യാൾക്ക്‌ അത്‌ അവസര​മൊ​രു​ക്കു​ന്നു. താൻ ദുഷ്‌പെ​രു​മാ​റ്റം നടത്തി​യി​ട്ടി​ല്ലെ​ന്ന​തി​നുള്ള തെളി​വു​കൾ ഹാജരാ​ക്കാൻ അയാൾക്കു കഴി​ഞ്ഞേ​ക്കും. അല്ലെങ്കിൽ ഒരുപക്ഷേ കുറ്റമാ​രോ​പി​ക്ക​പ്പെ​ട്ട​യാൾ കുറ്റം സമ്മതി​ച്ചേ​ക്കാം; അങ്ങനെ അനുര​ഞ്‌ജനം സാധ്യ​മാ​കു​ക​യും ചെയ്‌തേ​ക്കാം. അത്‌ എന്തൊരു അനു​ഗ്ര​ഹ​മാ​യി​രി​ക്കും! ഒരു കുറ്റസ​മ്മതം നടത്തി​ക്ക​ഴി​ഞ്ഞാൽ, പിന്നെ മൂപ്പന്മാർക്കു തിരു​വെ​ഴു​ത്തു തത്ത്വങ്ങ​ളോ​ടുള്ള യോജി​പ്പിൽ ശേഷം​കാ​ര്യ​ങ്ങൾ കൈകാ​ര്യം ചെയ്യാ​വു​ന്ന​താണ്‌.

ആരോ​പ​ണം നിഷേ​ധി​ക്കു​ന്നു​വെ​ങ്കിൽ, നീതി​ന്യാ​യ​പ​ര​മായ വിധത്തിൽ ഇതിൽക്കൂ​ടു​ത​ലൊ​ന്നും ചെയ്യാ​നാ​വി​ല്ലെന്ന്‌ ആരോ​പണം ഉന്നയി​ച്ച​യാ​ളോ​ടു മൂപ്പന്മാർ പറയണം. സഭ കുറ്റാ​രോ​പി​തനെ നിഷ്‌ക​ള​ങ്ക​നാ​യി​ത്തന്നെ തുടർന്നും വീക്ഷി​ക്കു​ന്ന​താ​യി​രി​ക്കും. നീതി​ന്യാ​യ നടപടി എടുക്കു​ന്ന​തി​നു​മു​മ്പാ​യി രണ്ടോ മൂന്നോ സാക്ഷികൾ ആവശ്യ​മാ​ണെന്നു ബൈബിൾ പറയുന്നു. (2 കൊരി​ന്ത്യർ 13:1; 1 തിമൊ​ഥെ​യൊസ്‌ 5:19) ഒരേ വ്യക്തി​യാ​ലുള്ള ദുഷ്‌പെ​രു​മാ​റ്റ​ത്തെ​ക്കു​റിച്ച്‌ ഒന്നിൽക്കൂ​ടു​തൽ പേർ “ഓർക്കു​ന്നു”വെങ്കിൽത്ത​ന്നെ​യും, അതിനെ പിന്തു​ണ​യ്‌ക്കുന്ന മറ്റു തെളി​വു​ക​ളി​ല്ലെ​ങ്കിൽ നീതി​ന്യാ​യ തീരു​മാ​നങ്ങൾ കൈ​ക്കൊ​ള്ളാ​നാ​വില്ല. കാരണം അത്തരം ഓർമ​ക​ളു​ടെ സ്വഭാ​വ​വി​ശേ​ഷ​മാണ്‌ അനിശ്ചി​ത​ത്വം. എന്നു​വെച്ച്‌ അത്തരം “ഓർമ​കളെ”ല്ലാം വ്യാജ​മാ​ണെ​ന്നോ (അല്ലെങ്കിൽ അതെല്ലാം സത്യമാ​ണെ​ന്നോ) ഇതിനർഥ​മില്ല. എന്നാൽ ഒരു സംഗതി നീതി​ന്യാ​യ​പ​ര​മാ​യി സ്ഥാപി​ക്ക​ണ​മെ​ങ്കിൽ ബൈബിൾ തത്ത്വങ്ങൾ പിൻപ​റ്റി​യേ തീരൂ.

കുറ്റം നിഷേ​ധി​ക്കു​ന്നെ​ങ്കി​ലും, കുറ്റാ​രോ​പി​തൻ വാസ്‌ത​വ​ത്തിൽ കുറ്റക്കാ​ര​നാ​ണെ​ങ്കി​ലോ? അയാൾ ശിക്ഷയിൽനിന്ന്‌ ഒഴിവാ​കു​മോ? തീർച്ച​യാ​യു​മില്ല! അയാൾ കുറ്റക്കാ​ര​നോ നിർദോ​ഷി​യോ എന്ന പ്രശ്‌നം സുരക്ഷി​ത​മാ​യി യഹോ​വക്കു വിടുക. “ചില മനുഷ്യ​രു​ടെ പാപങ്ങൾ വിസ്‌താ​ര​ത്തി​ന്നു മുമ്പെ​തന്നേ വെളി​വാ​യി​രി​ക്കു​ന്നു; ചിലരു​ടെ പാപങ്ങ​ളോ ക്രമേ​ണ​യ​ത്രേ.” (1 തിമൊ​ഥെ​യൊസ്‌ 5:24; റോമർ 12:19; 14:12) സദൃശ​വാ​ക്യ​ങ്ങൾ എന്ന പുസ്‌തകം പറയുന്നു: “നീതി​മാ​ന്മാ​രു​ടെ പ്രത്യാശ സന്തോ​ഷ​മാ​കു​ന്നു; ദുഷ്ടന്മാ​രു​ടെ പ്രതീ​ക്ഷെ​ക്കോ ഭംഗം വരും.” “ദുഷ്ടൻ മരിക്കു​മ്പോൾ അവന്റെ പ്രതീക്ഷ നശിക്കു​ന്നു.” (സദൃശ​വാ​ക്യ​ങ്ങൾ 10:28; 11:7) ആത്യന്തി​ക​മാ​യി, നീതി​യിൽ നിത്യ​ന്യാ​യ​വി​ധി കൽപ്പി​ക്കു​ന്നതു യഹോ​വ​യാം ദൈവ​വും യേശു​ക്രി​സ്‌തു​വു​മാണ്‌.—1 കൊരി​ന്ത്യർ 4:5.

പിശാ​ചി​നോ​ടു ചെറു​ത്തു​നിൽക്കൽ

സമർപ്പി​ത​രായ വ്യക്തികൾ ശാരീ​രി​ക​മോ വൈകാ​രി​ക​മോ ആയ വലിയ വേദന നേരി​ടുന്ന അവസര​ത്തിൽ സഹിച്ചു​നിൽക്കു​മ്പോൾ, അവർക്ക്‌ ഉൾക്കരു​ത്തും ദൈവ​ത്തോ​ടു സ്‌നേ​ഹ​വും ഉണ്ടെന്നു​ള്ള​തി​ന്റെ എന്തൊരു തെളി​വാ​ണത്‌! അവരെ താങ്ങി​നിർത്തുന്ന യഹോ​വ​യു​ടെ ആത്മാവി​ന്റെ ശക്തിക്ക്‌ എന്തൊരു സാക്ഷ്യം!—2 കൊരി​ന്ത്യർ 4:7 താരത​മ്യം ചെയ്യുക.

അത്തരക്കാർക്കു ബാധക​മാ​വു​ന്ന​താ​ണു പത്രോ​സി​ന്റെ ഈ വാക്കുകൾ: “വിശ്വാ​സ​ത്തിൽ സ്ഥിരമു​ള്ള​വ​രാ​യി [സാത്താ​നോ​ടു] എതിർത്തു നില്‌പിൻ.” (1 പത്രൊസ്‌ 5:9) അങ്ങനെ ചെയ്യു​ന്നത്‌ എളുപ്പ​മാ​യി​രി​ക്ക​ണ​മെ​ന്നില്ല. വ്യക്തമാ​യും യുക്തി​പൂർവ​ക​മാ​യും ചിന്തി​ക്കു​ന്ന​തു​പോ​ലും ചില​പ്പോൾ ബുദ്ധി​മു​ട്ടാ​യി​രു​ന്നേ​ക്കാം. എന്നാൽ നിരു​ത്സാ​ഹി​ത​രാ​കാ​തി​രി​ക്കുക! താമസി​യാ​തെ, പിശാ​ചും അവന്റെ കുടില തന്ത്രങ്ങ​ളും ഇല്ലാത്ത അവസ്ഥ വരും. സത്യമാ​യും, ‘ദൈവം അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യുന്ന, ഇനി മരണം ഉണ്ടാക​യി​ല്ലാത്ത; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യി​ല്ലാത്ത, ഒന്നാമ​ത്തേതു കഴിഞ്ഞു​പോ’കുന്ന സമയത്തി​നു​വേണ്ടി നാം നോക്കി​പ്പാർത്തി​രി​ക്കു​ക​യാണ്‌.—വെളി​പ്പാ​ടു 21:3, 4.

[അടിക്കു​റി​പ്പു​കൾ]