ഒരു മെച്ചപ്പെട്ട ജീവിതം വാഗ്‌ദാ​നം ചെയ്യ​പ്പെ​ട്ടി​രി​ക്കു​ന്നു

ജീവി​തത്തെ പ്രയാ​സ​ക​ര​മാ​ക്കുന്ന പ്രശ്‌ന​ങ്ങ​ളിൽനി​ന്നു മുക്തരാ​കാൻ നിങ്ങൾ ആഗ്രഹി​ക്കു​ന്നു​വോ? ഈ മാസി​ക​യു​ടെ പുറം​പേ​ജു​ക​ളിൽ ചിത്രീ​ക​രി​ച്ചി​രി​ക്കു​ന്ന​തു​പോ​ലുള്ള ആഹ്ലാദ​ക​ര​മായ ഒരു ലോകത്തു ജീവി​ക്കാൻ നിങ്ങൾ ആഗ്രഹി​ക്കു​ന്നു​ണ്ടോ? ചിത്രം സൂക്ഷ്‌മ​മാ​യൊ​ന്നു നിരീ​ക്ഷി​ക്കുക. ആളുകൾക്കു ഭക്ഷിക്കാൻ വേണ്ടു​വോ​ളം സാധനങ്ങൾ. രുചി​ക​ര​മായ ആ ഭക്ഷണം അവർ ശരിക്കും ആസ്വദി​ക്കും. സകലരും സന്തുഷ്ടർ. വ്യത്യസ്‌ത വർഗങ്ങ​ളിൽപ്പെട്ട ആളുകൾ പരസ്‌പരം സമാധാ​ന​ത്തിൽ. മൃഗങ്ങ​ളും സമാധാ​ന​ത്തിൽ! ആരും തമ്മില​ടി​ക്കു​ന്നില്ല. ദരി​ദ്ര​രാ​യി ആരുമില്ല. രോഗി​ക​ളു​മില്ല. സുന്ദര​മായ ചുറ്റു​പാ​ടു​കൾ, അഴകാർന്ന വൃക്ഷങ്ങൾ, മാലി​ന്യ​ര​ഹിത ശുദ്ധജലം. എന്തൊരു പകിട്ടാർന്ന രംഗം!

ഈ ഭൂമി എന്നെങ്കി​ലും അതു​പോ​ലെ​യാ​കു​മോ? ആകും, അതൊരു പറുദീ​സ​യാ​കും. (ലൂക്കൊസ്‌ 23:43) മനുഷ്യർ ഒരു പറുദീ​സാ ഭൂമി​യിൽ മെച്ചപ്പെട്ട ജീവിതം ആസ്വദി​ക്കു​മെ​ന്നതു ഭൂമിയെ സൃഷ്ടിച്ച ദൈവ​ത്തി​ന്റെ ഉദ്ദേശ്യ​മാണ്‌. നിങ്ങൾക്കും അവിടെ ഉണ്ടായി​രി​ക്കാൻ കഴിയും!

നിങ്ങൾ ഏതു ജീവിതം ഇഷ്ടപ്പെ​ടു​ന്നു?

നാമി​പ്പോൾ ജീവി​ക്കുന്ന ലോക​ത്തിൽനിന്ന്‌ എത്ര വ്യത്യ​സ്‌ത​മാ​യി​രി​ക്കും ഭാവി​യി​ലെ ഭൗമിക പറുദീസ? ഇപ്പോൾ, വിശപ്പ​ട​ക്കാ​നാ​വാ​തെ ഓരോ ദിവസ​വും തള്ളിനീ​ക്കുന്ന ആളുകൾ ഒരു ശതകോ​ടി​യി​ല​ധി​ക​മാണ്‌. എന്നാൽ ദൈവം മനുഷ്യർക്കാ​യി ഉദ്ദേശി​ച്ചി​ട്ടുള്ള പറുദീ​സ​യിൽ, ഓരോ​രു​ത്തർക്കും ഭക്ഷിക്കാൻ ധാരാ​ള​മു​ണ്ടാ​യി​രി​ക്കും. ബൈബിൾ ഇങ്ങനെ വാഗ്‌ദാ​നം ചെയ്യുന്നു: “സൈന്യ​ങ്ങ​ളു​ടെ യഹോവ തീർച്ച​യാ​യും സകലജ​ന​ങ്ങൾക്കും​വേണ്ടി നല്ലപോ​ലെ എണ്ണചേർത്ത ഭോജ​ന​ങ്ങൾകൊ​ണ്ടുള്ള ഒരു വിരുന്ന്‌, മട്ടൂറിയ വീഞ്ഞു​കൊ​ണ്ടുള്ള . . ..  ഒരു വിരു​ന്നു​തന്നെ നടത്തും.” (യെശയ്യാവ്‌ 25:6, NW) ഭക്ഷ്യക്ഷാ​മം ഉണ്ടായി​രി​ക്കു​ക​യില്ല, കാരണം ബൈബിൾ ഇങ്ങനെ പറയുന്നു: “ഭൂമി​യിൽ ധാരാളം ധാന്യ​മു​ണ്ടാ​യി​രി​ക്കും; പർവത​ങ്ങ​ളു​ടെ മുകളിൽ ഒരു കവി​ഞ്ഞൊ​ഴുക്ക്‌ ഉണ്ടായി​രി​ക്കും.”—സങ്കീർത്തനം 72:16, NW.

ഇന്ന്‌, എത്ര​യെത്ര ആളുകൾ കുടി​ലു​ക​ളി​ലും ചേരി​പ്ര​ദേ​ശ​ങ്ങ​ളി​ലും പാർക്കു​ന്നു, അല്ലെങ്കിൽ വാടക​കൊ​ടു​ക്കാൻ കഷ്ടപ്പെ​ടു​ന്നു. കൂടാതെ തെരു​വിൽ അന്തിയു​റ​ങ്ങുന്ന ഭവനര​ഹി​തർ വേറെ​യും. ലോകാ​രോ​ഗ്യ സംഘടന പറയു​ന്ന​ത​നു​സ​രിച്ച്‌, ലോക​ത്താ​കെ​യുള്ള കുട്ടി​ക​ളിൽ പത്തു​കോ​ടി​യോ​ളം ഭവനര​ഹി​ത​രാണ്‌. എന്നാൽ വരാനി​രി​ക്കുന്ന പറുദീ​സ​യിൽ സകലർക്കും സ്വന്തമാ​യി ഭവനമു​ണ്ടാ​യി​രി​ക്കും. “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും” എന്ന്‌ ദൈവ​വ​ചനം പറയുന്നു.—യെശയ്യാ​വു 65:21.

തങ്ങൾക്ക്‌ ഇഷ്ടമി​ല്ലാത്ത ജോലി​ചെ​യ്യേ​ണ്ടി​വ​രു​ന്ന​വ​രാണ്‌ അനേക​രും. പലപ്പോ​ഴും കൂടുതൽ മണിക്കൂ​റു​കൾ കഠിന​വേല ചെയ്‌തി​ട്ടും തുച്ഛ വരുമാ​ന​മു​ള്ളവർ. പ്രതി​വർഷം 500 ഡോള​റിൽത്താ​ഴെ വരുമാ​നം​കൊ​ണ്ടാണ്‌ ലോക​ത്തി​ലെ അഞ്ചി​ലൊ​ന്നു ജനങ്ങൾ ജീവിതം തള്ളിനീ​ക്കു​ന്നത്‌. എന്നാൽ വരാനി​രി​ക്കുന്ന പറുദീ​സ​യിൽ, ആളുകൾ വേല ആസ്വദി​ക്കു​മെ​ന്നു​മാ​ത്രമല്ല, അതിന്റെ നല്ല ഫലങ്ങളും കാണും. ദൈവം ഇപ്രകാ​രം വാഗ്‌ദാ​നം ചെയ്യുന്നു: “എന്റെ വൃതന്മാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും. അവർ വൃഥാ അദ്ധ്വാ​നി​ക്ക​യില്ല.”—യെശയ്യാ​വു 65:22, 23.

ഇപ്പോൾ, എല്ലായി​ട​ത്തും രോഗ​വും ദീനവു​മുണ്ട്‌. അന്ധരാ​യവർ അനേകർ. ചിലർ ബധിരർ. നടക്കാ​നാ​വാ​തെ മറ്റുചി​ലർ. എന്നാൽ പറുദീ​സ​യിൽ, ആളുകൾ രോഗ​ങ്ങ​ളിൽനി​ന്നും വൈക​ല്യ​ങ്ങ​ളിൽനി​ന്നും മുക്തരാ​യി​രി​ക്കും. യഹോവ പറയുന്നു: “അവിടു​ത്തെ നിവാ​സി​ക​ളി​ലാ​രും താൻ രോഗി​യാ​ണെന്നു പറയു​ക​യില്ല.” (ഏശയ്യാ 33:24, പി.ഒ.സി. ബൈബിൾ) ഇപ്പോൾ വികലാം​ഗ​രാ​യി​രി​ക്കു​ന്ന​വർക്കുള്ള ഹൃദ​യോ​ഷ്‌മ​ള​മായ വാഗ്‌ദാ​നം ഇതാണ്‌: “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും.”—യെശയ്യാ​വു 35:5, 6.

ഇന്നു കഷ്ടപ്പാ​ടും വേദന​യും ദുഃഖ​വും മരണവു​മുണ്ട്‌. എന്നാൽ ഭൗമിക പറുദീ​സ​യിൽ, ഈവക സംഗതി​കൾ ഉണ്ടായി​രി​ക്കില്ല. അതേ, മരണം​പോ​ലും പൊയ്‌പോ​യി​രി​ക്കും! ബൈബിൾ പറയുന്നു: “ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3, 4, 5.

അപ്പോൾ, യഹോ​വ​യു​ടെ വാഗ്‌ദത്ത ഭൗമിക പറുദീ​സ​യാൽ അർഥമാ​ക്കു​ന്നത്‌ മനുഷ്യ​വർഗ​ത്തി​നു​വേണ്ടി ഒരു മെച്ചപ്പെട്ട ജീവി​തം​തന്നെ. എന്നാൽ അതു വരു​മെന്നു നമുക്ക്‌ എങ്ങനെ ഉറപ്പു​ള്ള​വ​രാ​യി​രി​ക്കാൻ കഴിയും? അത്‌ എപ്പോൾ വരും, എങ്ങനെ വരും? അവി​ടെ​യു​ണ്ടാ​യി​രി​ക്കാൻ നിങ്ങൾ എന്തു ചെയ്യണം?