“ഞാൻ വിശു​ദ്ധ​നാ​ക​യാൽ നിങ്ങളും വിശു​ദ്ധ​രാ​യി​രി​പ്പിൻ”

“നിങ്ങളു​ടെ ദൈവ​മായ യഹോവ എന്ന ഞാൻ വിശു​ദ്ധ​നാ​ക​യാൽ നിങ്ങളും വിശു​ദ്ധ​രാ​യി​രി​പ്പിൻ.”—ലേവ്യ​പു​സ്‌തകം 19:2.

1. വിശു​ദ്ധ​രാ​യി ലോകം പരിഗ​ണി​ക്കുന്ന ചില ആളുകൾ ആരെല്ലാം?

ലോക​ത്തി​ലെ ഭൂരി​ഭാ​ഗം പ്രമുഖ മതങ്ങൾക്കും വിശു​ദ്ധ​രാ​യി തങ്ങൾ പരിഗ​ണി​ക്കു​ന്ന​വ​രുണ്ട്‌. ഇന്ത്യയിൽ പ്രശസ്‌ത​യായ മദർ തെരേസ ദരി​ദ്രർക്കു​വേ​ണ്ടി​യുള്ള തന്റെ ആത്മത്യാ​ഗം നിമിത്തം മിക്ക​പ്പോ​ഴും വിശു​ദ്ധ​യാ​യി വീക്ഷി​ക്ക​പ്പെ​ടു​ന്നു. “പരിശുദ്ധ പിതാവ്‌” എന്നു പാപ്പാ വിളി​ക്ക​പ്പെ​ടു​ന്നു. ആധുനിക കത്തോ​ലി​ക്കാ പ്രസ്ഥാ​ന​മായ ഒപ്യുസ്‌ ഡയിന്റെ സ്ഥാപക​നായ ഹൊസെ മാരിയാ ഇസ്‌ക്രി​ബാ​യെ ചില കത്തോ​ലി​ക്കർ “വിശു​ദ്ധി​ക്കുള്ള മാതൃക”യായി വീക്ഷി​ക്കു​ന്നു. ഹിന്ദു​മ​ത​ത്തി​നു സ്വാമി​മാർ അഥവാ വിശുദ്ധ പുരു​ഷൻമാർ ഉണ്ട്‌. ഗാന്ധി ഒരു വിശുദ്ധ മനുഷ്യ​നാ​യി ആദരി​ക്ക​പ്പെ​ട്ടി​രു​ന്നു. ബുദ്ധമ​ത​ത്തി​നു വിശുദ്ധ സന്ന്യാ​സി​മാ​രും ഇസ്ലാമി​നു വിശുദ്ധ പ്രവാ​ച​ക​നും ഉണ്ട്‌. എന്നാൽ, വിശു​ദ്ധ​നാ​യി​രി​ക്കു​ക​യെ​ന്നാൽ കൃത്യ​മാ​യും എന്താണ്‌ അർഥമാ​ക്കു​ന്നത്‌?

2, 3. (എ) “വിശു​ദ്ധ​മായ,” “വിശുദ്ധി” എന്നീ പദങ്ങൾ എന്ത്‌ അർഥമാ​ക്കു​ന്നു? (ബി) ഉത്തരം ലഭിക്കേണ്ട ചില ചോദ്യ​ങ്ങൾ ഏവ?

² “വിശു​ദ്ധ​മായ” എന്ന പദം “1. . . .ഒരു ദിവ്യ ശക്തി​യോ​ടു ബന്ധപ്പെ​ട്ടത്‌; പവി​ത്ര​മാ​യത്‌. 2. ആരാധ​ന​ക്കോ പൂജി​ക്ക​ലി​നോ പരിഗ​ണി​ക്ക​പ്പെ​ടുന്ന അല്ലെങ്കിൽ യോഗ്യ​മായ . . . 3. കർശന​മായ അല്ലെങ്കിൽ ഉന്നത ധാർമി​ക​ത​യുള്ള മതപര​മോ ആത്മീയ​മോ ആയ വ്യവസ്ഥ അനുസ​രി​ച്ചു ജീവി​ക്കുന്ന . . . 4. മതപര​മായ ഉദ്ദേശ്യ​ത്തി​നു​വേണ്ടി തരംതി​രി​ച്ച​തോ വേർതി​രി​ക്ക​പ്പെ​ട്ട​തോ” എന്നിങ്ങനെ നിർവ​ചി​ക്ക​പ്പെ​ട്ടി​രി​ക്കു​ന്നു. ബൈബിൾപ​ര​മായ സന്ദർഭ​ത്തിൽ, വിശുദ്ധി “മതപര​മായ ശുദ്ധിയെ അല്ലെങ്കിൽ പരിശു​ദ്ധി​യെ; പരിപാ​വ​ന​തയെ” അർഥമാ​ക്കു​ന്നു. തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) എന്ന ബൈബിൾ സംശോ​ധക ഗ്രന്ഥം പറയു​ന്ന​ത​നു​സ​രിച്ച്‌, “മൂല എബ്രായ [പദം] ക്വോ​ഡെഷ്‌, ദൈവ​ത്തി​നാ​യുള്ള വേർപെട്ട അവസ്ഥ, അനന്യത അല്ലെങ്കിൽ വിശു​ദ്ധീ​ക​രണം, . . . ദൈവ​സേ​വ​ന​ത്തി​നാ​യി മാറ്റി​വെ​ക്ക​പ്പെ​ടുന്ന അവസ്ഥ, എന്ന ആശയം നൽകുന്നു.”a

³ ഇസ്രാ​യേൽ ജനത​യോട്‌ വിശു​ദ്ധ​രാ​യി​രി​ക്കാൻ കൽപ്പിച്ചു. ദൈവ​ത്തി​ന്റെ നിയമം പ്രസ്‌താ​വി​ച്ചു: “ഞാൻ നിങ്ങളു​ടെ ദൈവ​മായ യഹോ​വ​യാ​കു​ന്നു; ഞാൻ വിശു​ദ്ധ​നാ​ക​യാൽ നിങ്ങൾ നിങ്ങളെ തന്നേ വിശു​ദ്ധീ​ക​രി​ച്ചു വിശു​ദ്ധ​ന്മാ​രാ​യി​രി​ക്കേണം.” ആരായി​രു​ന്നു വിശു​ദ്ധി​യു​ടെ ഉറവ്‌? അപൂർണ ഇസ്രാ​യേ​ല്യർക്ക്‌ വിശു​ദ്ധ​രാ​യി​ത്തീ​രാൻ കഴിയു​മാ​യി​രു​ന്ന​തെ​ങ്ങനെ? വിശു​ദ്ധി​ക്കുള്ള യഹോ​വ​യു​ടെ ആഹ്വാ​ന​ത്തിൽ നമുക്കാ​യി ഇന്ന്‌ എന്തു പാഠങ്ങൾ കണ്ടെത്താ​വു​ന്ന​താണ്‌?—ലേവ്യ​പു​സ്‌തകം 11:44.

വിശു​ദ്ധി​യു​ടെ ഉറവി​ട​വു​മാ​യി ഇസ്രാ​യേൽ ബന്ധപ്പെ​ട്ടി​രുന്ന വിധം

4. ഇസ്രാ​യേ​ലിൽ യഹോ​വ​യു​ടെ വിശുദ്ധി ഉദാഹ​രി​ക്ക​പ്പെ​ട്ടി​രു​ന്നത്‌ എങ്ങനെ​യാ​യി​രു​ന്നു?

⁴ യഹോ​വ​യാം ദൈവ​ത്തി​നുള്ള ഇസ്രാ​യേ​ലി​ന്റെ ആരാധ​ന​യോ​ടു ബന്ധപ്പെട്ട എല്ലാറ്റി​നെ​യും വിശു​ദ്ധ​മാ​യി പരിഗ​ണിച്ച്‌, അപ്രകാ​രം​തന്നെ കൈകാ​ര്യം ചെയ്യണ​മാ​യി​രു​ന്നു. അത്‌ എന്തു​കൊ​ണ്ടാ​യി​രു​ന്നു? എന്തു​കൊ​ണ്ടെ​ന്നാൽ യഹോ​വ​ത​ന്നെ​യാ​ണു വിശു​ദ്ധി​യു​ടെ കാരണ​ഭൂ​ത​നും ഉറവി​ട​വും. വിശുദ്ധ സമാഗമന കൂടാ​ര​ത്തി​ന്റെ​യും പുരോ​ഹിത വസ്‌ത്ര​ത്തി​ന്റെ​യും അലങ്കാ​ര​ങ്ങ​ളു​ടെ​യും തയ്യാറാ​ക്കൽ സംബന്ധിച്ച മോശ​യു​ടെ വിവരണം ഈ വാക്കു​ക​ളോ​ടെ ഉപസം​ഹ​രി​ക്കു​ന്നു: ‘അവർ തങ്കം​കൊ​ണ്ടു വിശു​ദ്ധ​മു​ടി​യു​ടെ നെറ്റി​പ്പട്ടം ഉണ്ടാക്കി, അതിൽ “യഹോ​വെക്കു വിശുദ്ധം” [“വിശുദ്ധി യഹോ​വ​ക്കു​ള്ളത്‌,” NW] എന്നു മുദ്ര​ക്കൊ​ത്താ​യുള്ള ഒരു എഴുത്തു കൊത്തി.’ തങ്കം​കൊ​ണ്ടുള്ള ഈ തിളങ്ങുന്ന നെറ്റി​പ്പട്ടം മഹാപു​രോ​ഹി​തന്റെ തലപ്പാ​വിൽ പതിപ്പി​ച്ചി​രു​ന്നു, പ്രത്യേക വിശു​ദ്ധി​യു​ടെ ഒരു സേവന​ത്തി​നാ​യി അദ്ദേഹം വേർതി​രി​ക്ക​പ്പെ​ട്ടി​രു​ന്നു​വെന്ന്‌ അത്‌ അർഥമാ​ക്കി. കൊത്ത​പ്പെട്ട ഈ അടയാളം സൂര്യ​പ്ര​കാ​ശ​ത്തിൽ വെട്ടി​ത്തി​ള​ങ്ങു​ന്നതു വീക്ഷി​ക്കവേ യഹോ​വ​യു​ടെ വിശുദ്ധി സംബന്ധിച്ച്‌ ഇസ്രാ​യേ​ല്യർ പതിവാ​യി ഓർമി​പ്പി​ക്ക​പ്പെട്ടു.—പുറപ്പാ​ടു 28:36; 29:6; 39:30.

5. അപൂർണ ഇസ്രാ​യേ​ല്യ​രെ വിശു​ദ്ധ​രാ​യി പരിഗ​ണി​ക്കാൻ കഴിയു​മാ​യി​രു​ന്ന​തെ​ങ്ങനെ?

⁵ എന്നാൽ ഇസ്രാ​യേ​ല്യർക്കു വിശു​ദ്ധ​രാ​യി​ത്തീ​രാൻ കഴിയു​മാ​യി​രു​ന്ന​തെ​ങ്ങനെ? യഹോ​വ​യു​മാ​യുള്ള അവരുടെ അടുത്ത ബന്ധത്താ​ലും അവനുള്ള അവരുടെ നിർമ​ലാ​രാ​ധ​ന​യാ​ലും മാത്രം. വിശു​ദ്ധി​യിൽ, ശാരീ​രി​ക​വും ആത്മീയ​വു​മായ ശുദ്ധി​യിൽ, “അതിപ​രി​ശുദ്ധ”നെ ആരാധി​ക്കു​ന്ന​തിന്‌ അവനെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം അവർക്ക്‌ ആവശ്യ​മാ​യി​രു​ന്നു. (സദൃശ​വാ​ക്യ​ങ്ങൾ 2:1-6; 9:10, NW) അതു​കൊണ്ട്‌ ഇസ്രാ​യേ​ല്യർ ദൈവത്തെ ഒരു ശുദ്ധമായ ആന്തര​ത്തോ​ടെ​യും ഒരു ശുദ്ധമായ ഹൃദയ​ത്തോ​ടെ​യും ആരാധി​ക്കേ​ണ്ടി​യി​രു​ന്നു. കപടഭ​ക്തി​പ​ര​മായ രൂപത്തി​ലുള്ള ഏത്‌ ആരാധ​ന​യും യഹോ​വ​യ്‌ക്ക്‌ അനിഷ്ട​ക​ര​മാ​യി​രി​ക്കു​മാ​യി​രു​ന്നു.—സദൃശ​വാ​ക്യ​ങ്ങൾ 21:27.

ഇസ്രാ​യേ​ലി​നെ യഹോവ കുറ്റം വിധി​ച്ച​തി​ന്റെ കാരണം

6. മലാഖി​യു​ടെ നാളിലെ യഹൂദൻമാർ യഹോ​വ​യു​ടെ മേശ​യോട്‌ എങ്ങനെ പെരു​മാ​റി?

⁶ ഇസ്രാ​യേ​ല്യർ അർധഹൃ​ദ​യ​ത്തോ​ടെ ആലയത്തി​ലേക്കു നിലവാ​രം കുറഞ്ഞ, ന്യൂന​ത​യുള്ള യാഗങ്ങൾ കൊണ്ടു​വ​ന്ന​പ്പോൾ ഇതു വ്യക്തമാ​യി ചിത്രീ​ക​രി​ക്ക​പ്പെട്ടു. തന്റെ പ്രവാ​ച​ക​നായ മലാഖി​യി​ലൂ​ടെ യഹോവ അവരുടെ നിലവാ​രം കുറഞ്ഞ വഴിപാ​ടു​കളെ കുറ്റം​വി​ധി​ച്ചു: “എനിക്കു നിങ്ങളിൽ പ്രസാ​ദ​മില്ല എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു; നിങ്ങളു​ടെ കയ്യിൽനി​ന്നു ഞാൻ വഴിപാ​ടു കൈ​ക്കൊൾക​യു​മില്ല. നിങ്ങളോ: യഹോ​വ​യു​ടെ മേശ മലിന​മാ​യി​രി​ക്കു​ന്നു; അവന്റെ ഭോജ​ന​മായ അതിന്റെ അനുഭവം നിന്ദ്യം ആകുന്നു എന്നു പറയു​ന്ന​തി​നാൽ നിങ്ങൾ എന്റെ നാമത്തെ അശുദ്ധ​മാ​ക്കു​ന്നു. എന്തൊരു പ്രയാസം എന്നു പറഞ്ഞു നിങ്ങൾ അതി​നോ​ടു ചീറുന്നു; എന്നാൽ കടിച്ചു​കീ​റി​പ്പോ​യ​തി​നെ​യും മുടന്തും ദീനവു​മു​ള്ള​തി​നെ​യും നിങ്ങൾ കൊണ്ടു​വന്നു അങ്ങനെ കാഴ്‌ച​വെ​ക്കു​ന്നു എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു; അതിനെ ഞാൻ നിങ്ങളു​ടെ കയ്യിൽനി​ന്നു അംഗീ​ക​രി​ക്കു​മോ എന്നു യഹോവ അരുളി​ച്ചെ​യ്യു​ന്നു.”—മലാഖി 1:10, 12, 13.

7. പൊ.യു.മു. അഞ്ചാം നൂറ്റാ​ണ്ടിൽ യഹൂദൻമാർ ഏത്‌ അവിശുദ്ധ നടപടി​കൾ സ്വീക​രി​ച്ചി​രു​ന്നു?

⁷ സാധ്യ​ത​യ​നു​സ​രിച്ച്‌ പൊ.യു.മു. അഞ്ചാം നൂറ്റാ​ണ്ടിൽ, യഹൂദൻമാ​രു​ടെ വ്യാജ നടപടി​കളെ കുറ്റം വിധി​ക്കാൻ ദൈവം മലാഖി​യെ ഉപയോ​ഗി​ച്ചു. പുരോ​ഹി​തൻമാർ ഒരു മോശ​മായ ദൃഷ്ടാന്തം വെക്കുകയായിരുന്നു, അവരുടെ നടത്ത യാതൊ​രു പ്രകാ​ര​ത്തി​ലും വിശു​ദ്ധ​മാ​യി​രു​ന്നില്ല. ആ നേതൃ​ത്വ​ത്തെ പിന്തു​ടർന്ന ജനങ്ങൾ ദൈവിക തത്ത്വങ്ങ​ളോ​ടു പറ്റിനി​ന്നില്ല. സാധ്യ​ത​യ​നു​സ​രി​ച്ചു പ്രായം​കു​റഞ്ഞ പുറജാ​തീയ ഭാര്യ​മാ​രെ എടുക്കാൻ കഴി​യേ​ണ്ട​തി​നു തങ്ങളുടെ ഭാര്യ​മാ​രെ ഉപേക്ഷി​ക്കുന്ന ഘട്ടംവരെ അവർ പോയി. മലാഖി എഴുതി: “യഹോവ നിനക്കും നീ അവിശ്വ​സ്‌തത കാണി​ച്ചി​രി​ക്കുന്ന [“വഞ്ചനാത്മകമായിb ഇടപെ​ട്ടി​രി​ക്കുന്ന,” NW] നിന്റെ യൌവ​ന​ത്തി​ലെ ഭാര്യ​ക്കും മദ്ധ്യേ സാക്ഷി​യാ​യി​രു​ന്ന​തു​കൊ​ണ്ടു തന്നേ; അവൾ നിന്റെ കൂട്ടാ​ളി​യും നിന്റെ ധർമ്മപ​ത്‌നി​യു​മ​ല്ലോ. . . . നിങ്ങളു​ടെ ഉള്ളിൽ സൂക്ഷി​ച്ചു​കൊൾവിൻ; തന്റെ യൌവ​ന​ത്തി​ലെ ഭാര്യ​യോ​ടു ആരും അവിശ്വ​സ്‌തത കാണി​ക്ക​രു​തു. ഞാൻ ഉപേക്ഷണം വെറു​ക്കു​ന്നു എന്നു യിസ്രാ​യേ​ലി​ന്റെ ദൈവ​മായ യഹോവ അരുളി​ച്ചെ​യ്യു​ന്നു.”—മലാഖി 2:14-16.

8. വിവാ​ഹ​മോ​ചനം സംബന്ധിച്ച ആധുനിക വീക്ഷണ​ത്താൽ ക്രിസ്‌തീയ സഭയി​ലുള്ള ചിലർ എങ്ങനെ ബാധി​ക്ക​പ്പെ​ട്ടി​രി​ക്കു​ന്നു?

⁸ ആധുനി​ക​കാ​ലത്ത്‌, എളുപ്പം വിവാ​ഹ​മോ​ചനം ലഭിക്കുന്ന നിരവധി രാജ്യ​ങ്ങ​ളിൽ വിവാ​ഹ​മോ​ചന നിരക്കു കുതി​ച്ചു​യർന്നി​രി​ക്കു​ന്നു. ക്രിസ്‌തീയ സഭ പോലും ബാധി​ക്ക​പ്പെ​ട്ടി​രി​ക്കു​ന്നു. പ്രതി​ബ​ന്ധങ്ങൾ തരണം ചെയ്‌ത്‌ തങ്ങളുടെ വിവാഹം വിജയി​പ്പി​ക്കാൻ ശ്രമി​ക്കു​ന്ന​തി​നു മൂപ്പൻമാ​രു​ടെ സഹായം തേടു​ന്ന​തി​നു പകരം തങ്ങളുടെ ഇണയെ ചിലർ വളരെ വേഗം ഉപേക്ഷി​ച്ചി​രി​ക്കു​ന്നു. ഒരു ഉയർന്ന വൈകാ​രിക വില​യൊ​ടു​ക്കാ​നാ​യി മിക്ക​പ്പോ​ഴും കുട്ടികൾ ശേഷി​ക്കു​ന്നു.—മത്തായി 19:8, 9.

9, 10. യഹോ​വ​യ്‌ക്കുള്ള നമ്മുടെ ആരാധ​ന​യെ​ക്കു​റി​ച്ചു നാം എങ്ങനെ ചിന്തി​ക്കണം?

⁹ നാം മുന്നമേ കണ്ടതു​പോ​ലെ, മലാഖി​യു​ടെ നാളിലെ സങ്കടക​ര​മായ ആത്മീയ അവസ്ഥയു​ടെ വീക്ഷണ​ത്തിൽ, യഹൂദ​യു​ടെ ഉപരി​പ്ല​വ​മായ ആരാധ​നയെ യഹോവ പരസ്യ​മാ​യി കുറ്റം​വി​ധി​ക്കു​ക​യും താൻ നിർമ​ലാ​രാ​ധന മാത്രമേ സ്വീക​രി​ക്കു​ക​യു​ള്ളൂ​വെന്നു പ്രകട​മാ​ക്കു​ക​യും ചെയ്‌തു. യഥാർഥ വിശു​ദ്ധി​യു​ടെ ഉറവായ അഖിലാണ്ഡ പരമാ​ധി​കാ​രി​യാം കർത്താ​വായ യഹോ​വ​യാം ദൈവ​ത്തി​നുള്ള നമ്മുടെ ആരാധ​ന​യു​ടെ ഗുണ​മേ​ന്മ​യെ​ക്കു​റി​ച്ചു പരിചി​ന്തി​ക്കാൻ ഇതു നമ്മെ പ്രേരി​പ്പി​ക്കേ​ണ്ട​തല്ലേ? നാം ദൈവ​ത്തി​നു യഥാർഥ​ത്തിൽ വിശുദ്ധ സേവനം അർപ്പി​ക്കു​ന്നു​വോ? ആത്മീയ​മാ​യി ശുദ്ധമായ ഒരു അവസ്ഥയിൽ നാം നമ്മെത്തന്നെ നിലനിർത്തു​ന്നു​വോ?

¹⁰ നാം പൂർണ​രാ​യി​രി​ക്കേ​ണ്ട​തു​ണ്ടെന്ന്‌ ഇത്‌ അർഥമാ​ക്കു​ന്നില്ല, അത്‌ അസാധ്യ​മാണ്‌. നാം നമ്മെത്തന്നെ മറ്റുള്ള​വ​രു​മാ​യി താരത​മ്യം​ചെ​യ്യ​ണ​മെ​ന്നും അത്‌ അർഥമാ​ക്കു​ന്നില്ല. എന്നാൽ ഓരോ ക്രിസ്‌ത്യാ​നി​യും വ്യക്തി​യു​ടെ സാഹച​ര്യ​ങ്ങൾക്കു​ള്ളിൽ അവന്‌ അല്ലെങ്കിൽ അവൾക്ക്‌ കഴിയു​ന്നത്ര മെച്ചമായ ആരാധന ദൈവ​ത്തിന്‌ അർപ്പി​ക്ക​ണ​മെന്ന്‌ അത്‌ അർഥമാ​ക്കു​ക​തന്നെ ചെയ്യുന്നു. ഇത്‌ നമ്മുടെ ആരാധ​ന​യു​ടെ ഗുണത്തെ പരാമർശി​ക്കു​ന്നു. നമ്മുടെ പവിത്ര സേവനം നമ്മുടെ ഏറ്റവും മെച്ചമാ​യത്‌ അതായത്‌ വിശുദ്ധ സേവനം ആയിരി​ക്കണം. അത്‌ എങ്ങനെ നിർവ​ഹി​ക്ക​പ്പെ​ടു​ന്നു?—ലൂക്കൊസ്‌ 16:10; ഗലാത്യർ 6:3, 4.

നിർമല ഹൃദയം നിർമ​ലാ​രാ​ധ​ന​യി​ലേക്കു നയിക്കു​ന്നു

11, 12. അവിശുദ്ധ പെരു​മാ​റ്റം എവി​ടെ​നി​ന്നാണ്‌ ഉത്ഭവി​ക്കു​ന്നത്‌?

¹¹ ഹൃദയ​ത്തി​ലു​ള്ളത്‌ എന്താ​ണെന്ന്‌ ഒരുവൻ പറയു​ന്ന​തി​നാ​ലും ചെയ്യു​ന്ന​തി​നാ​ലും പ്രകട​മാ​കു​മെന്നു യേശു വ്യക്തമാ​യി പഠിപ്പി​ച്ചു. സ്വയനീ​തി​ക്കാ​രായ എന്നാൽ അവിശു​ദ്ധ​രായ പരീശൻമാ​രോട്‌ യേശു പറഞ്ഞു: “സർപ്പസ​ന്ത​തി​കളേ, നിങ്ങൾ ദുഷ്ടന്മാ​രാ​യി​രി​ക്കെ നല്ലതു സംസാ​രി​പ്പാൻ എങ്ങനെ കഴിയും? ഹൃദയം നിറഞ്ഞു കവിയു​ന്ന​തിൽനി​ന്ന​ല്ലോ വായ്‌ സംസാ​രി​ക്കു​ന്നതു.” ദുഷ്ടമായ പ്രവൃ​ത്തി​കൾ ഉത്ഭവി​ക്കു​ന്നതു ഹൃദയ​ത്തി​ലെ അഥവാ ആന്തരിക മനുഷ്യ​നി​ലെ ദുഷ്ടമായ ചിന്തക​ളിൽനി​ന്നാ​ണെന്ന്‌ അവൻ പിന്നീടു പ്രകട​മാ​ക്കി. അവൻ പറഞ്ഞു: “വായിൽനി​ന്നു പുറ​പ്പെ​ടു​ന്ന​തോ ഹൃദയ​ത്തിൽനി​ന്നു വരുന്നു; അതു മനുഷ്യ​നെ അശുദ്ധ​മാ​ക്കു​ന്നു. എങ്ങനെ​യെ​ന്നാൽ ദുശ്ചിന്ത, കുലപാ​തകം, വ്യഭി​ചാ​രം, പരസംഗം, മോഷണം, കള്ളസ്സാ​ക്ഷ്യം, ദൂഷണം എന്നിവ ഹൃദയ​ത്തിൽനി​ന്നു പുറ​പ്പെ​ട്ടു​വ​രു​ന്നു. മനുഷ്യ​നെ അശുദ്ധ​മാ​ക്കു​ന്നതു ഇതത്രേ.”—മത്തായി 12:34; 15:18-20.

¹² അവിശുദ്ധ പ്രവൃ​ത്തി​കൾ കേവലം യാദൃ​ച്ഛി​ക​മോ ഒരു മുൻ അടിസ്ഥാ​നം ഇല്ലാത്ത​തോ അല്ലെന്നു മനസ്സി​ലാ​ക്കാൻ ഇതു നമ്മെ സഹായി​ക്കു​ന്നു. ഹൃദയ​ത്തിൽ പതിയി​രി​ക്കുന്ന ദുഷിച്ച ചിന്തക​ളു​ടെ, രഹസ്യ ആഗ്രഹ​ങ്ങ​ളു​ടെ​യും മിഥ്യാ​സ​ങ്കൽപ്പ​ങ്ങ​ളു​ടെ​യും ഫലമാണ്‌ അവ. അതു​കൊ​ണ്ടാണ്‌ യേശു​വിന്‌ ഇങ്ങനെ പറയാൻ കഴിഞ്ഞത്‌: “‘വ്യഭി​ചാ​രം ചെയ്യരുത്‌’ എന്നു പറഞ്ഞതാ​യി നിങ്ങൾ കേട്ടു​വ​ല്ലോ. എന്നാൽ, ഒരു സ്‌ത്രീ​യോട്‌ കാമം തോന്നു​മാറ്‌ അവളെ തുടർച്ച​യാ​യി നോക്കി​ക്കൊ​ണ്ടി​രി​ക്കുന്ന ഏവനും തന്റെ ഹൃദയ​ത്തിൽ അവളു​മാ​യി വ്യഭി​ചാ​രം ചെയ്‌തു​ക​ഴി​ഞ്ഞി​രി​ക്കു​ന്നു എന്നു ഞാൻ നിങ്ങ​ളോ​ടു പറയുന്നു.” മറ്റു വാക്കു​ക​ളിൽ, എന്തെങ്കി​ലും നടപടി ഉണ്ടാകു​ന്ന​തി​നു മുൻപേ പരസം​ഗ​വും വ്യഭിചാരവും ഹൃദയ​ത്തിൽ വേരോ​ടി​ക്ക​ഴി​ഞ്ഞി​രി​ക്കു​ന്നു. പിന്നീട്‌, പറ്റിയ സാഹച​ര്യ​ങ്ങൾ ലഭിക്കു​മ്പോൾ അവിശുദ്ധ ചിന്തകൾ അവിശുദ്ധ പെരു​മാ​റ്റ​മാ​യി​ത്തീ​രു​ന്നു. പരസംഗം, വ്യഭി​ചാ​രം, സോ​ദോ​മ്യ പാപം, മോഷണം, ദൈവ​ദൂ​ഷണം, വിശ്വാ​സ​ത്യാ​ഗം എന്നിവ പ്രകട​മായ ഏതാനും ഫലങ്ങളാ​യി​ത്തീ​രു​ന്നു.—മത്തായി 5:27, 28, NW; ഗലാത്യർ 5:19-21.

13. അവിശുദ്ധ ചിന്തകൾക്ക്‌ എങ്ങനെ അവിശുദ്ധ പ്രവർത്ത​ന​ങ്ങ​ളി​ലേക്കു നയിക്കാൻ കഴിയു​മെ​ന്നു​ള്ള​തി​ന്റെ ചില ഉദാഹ​ര​ണങ്ങൾ ഏവ?

¹³ ഇതു വ്യത്യസ്‌ത വിധങ്ങ​ളിൽ ചിത്രീ​ക​രി​ക്കാ​വു​ന്ന​താണ്‌. ചൂതാ​ട്ട​ശാ​ലകൾ ചില രാജ്യ​ങ്ങ​ളിൽ കൂണു​പോ​ലെ മുളയ്‌ക്കു​ന്നു, അങ്ങനെ ചൂതാ​ട്ട​ത്തി​നുള്ള അവസരം വർധി​ക്കു​ന്നു. തന്റെ സാമ്പത്തിക പ്രശ്‌നങ്ങൾ പരിഹ​രി​ക്കാൻ ശ്രമി​ക്കു​ന്ന​തിന്‌ ഈ വ്യാജ​പ​രി​ഹാ​ര​മാർഗം അവലം​ബി​ക്കാൻ ഒരുവൻ പ്രലോ​ഭി​പ്പി​ക്ക​പ്പെ​ട്ടേ​ക്കാം. ബൈബിൾ തത്ത്വങ്ങൾ നിരസി​ക്കാ​നോ നേർപ്പി​ക്കാ​നോ വഞ്ചകമായ ന്യായ​വാ​ദം ഒരു സഹോ​ദ​രനെ പ്രേരി​പ്പി​ച്ചേ​ക്കാം.c മറ്റൊരു സംഗതി, ടിവി, വീഡി​യോ​കൾ, കമ്പ്യൂ​ട്ട​റു​കൾ, പുസ്‌ത​കങ്ങൾ ഇവയിൽ ഏതിലൂ​ടെ​യാ​യാ​ലും അശ്ലീല​ത​യു​ടെ ആയാസ​ര​ഹി​ത​മായ ലഭ്യത ഒരു ക്രിസ്‌ത്യാ​നി​യെ അവിശുദ്ധ നടത്തയി​ലേക്കു നയി​ച്ചേ​ക്കാം. അയാൾ തന്റെ ആത്മീയ പടക്കോപ്പ്‌ അവഗണി​ക്കേ​ണ്ടതു മാത്രമേ ഉള്ളൂ, അയാൾ മനസ്സി​ലാ​ക്കു​ന്ന​തി​നു മുൻപു തന്നെ അധാർമി​ക​ത​യി​ലേക്കു വീണി​രി​ക്കും. എന്നാൽ മിക്ക കേസു​ക​ളി​ലും പാപത്തി​ലേ​ക്കുള്ള വീഴ്‌ച മനസ്സി​ലാണ്‌ ആരംഭി​ക്കു​ന്നത്‌. അതേ, ഇതു​പോ​ലുള്ള സാഹച​ര്യ​ങ്ങ​ളിൽ യാക്കോ​ബി​ന്റെ വാക്കുകൾ നിവൃ​ത്തി​യേ​റു​ന്നു: “ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർക്ഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം​ധ​രി​ച്ചു പാപത്തെ പ്രസവി​ക്കു​ന്നു.”—യാക്കോബ്‌ 1:14, 15; എഫെസ്യർ 6:11-18.

14. തങ്ങളുടെ അവിശുദ്ധ നടത്തയിൽനിന്ന്‌ അനേകർ എങ്ങനെ വീണ്ടെ​ടു​ക്ക​പ്പെ​ട്ടി​രി​ക്കു​ന്നു?

¹⁴ സന്തോ​ഷ​ക​ര​മെന്നു പറയട്ടെ, ബലഹീ​ന​ത​യിൽ പാപം​ചെയ്‌ത ഒട്ടുമിക്ക ക്രിസ്‌ത്യാ​നി​ക​ളും യഥാർഥ അനുതാ​പം പ്രകട​മാ​ക്കു​ന്നു. അവരെ ആത്മീയ​മാ​യി പൂർവ​സ്ഥി​തി​യി​ലാ​ക്കാൻ മൂപ്പൻമാർക്കു കഴിയു​ന്നു. അനുതാ​പ​രാ​ഹി​ത്യം നിമിത്തം പുറത്താ​ക്ക​പ്പെ​ടുന്ന അനേകർ പോലും ഒടുവിൽ സുബോ​ധ​ത്തി​ലേക്കു വരിക​യും സഭയിൽ പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്യുന്നു. അവിശു​ദ്ധ​ചി​ന്തകൾ ഹൃദയ​ത്തിൽ വേരു​പി​ടി​ക്കാൻ തങ്ങൾ അനുവ​ദി​ച്ച​പ്പോൾ സാത്താൻ എത്ര എളുപ്പം തങ്ങളെ പിടി​കൂ​ടി​യെന്ന്‌ അവർ തിരി​ച്ച​റി​യു​ന്നു.—ഗലാത്യർ 6:1; 2 തിമൊ​ഥെ​യൊസ്‌ 2:24-26; 1 പത്രൊസ്‌ 5:8, 9.

നമ്മുടെ ബലഹീ​ന​തകൾ നേരി​ടാ​നുള്ള വെല്ലു​വി​ളി

15. (എ) എന്തു​കൊ​ണ്ടു നാം നമ്മുടെ ബലഹീ​ന​തകൾ നേരി​ടണം? (ബി) നമ്മുടെ ബലഹീ​ന​തകൾ അംഗീ​ക​രി​ക്കാൻ എന്തിനു നമ്മെ സഹായി​ക്കാൻ കഴിയും?

¹⁵ നമ്മുടെ സ്വന്തം ഹൃദയത്തെ വസ്‌തു​നി​ഷ്‌ഠ​മാ​യി അറിയാൻ നാം ഒരു ശ്രമം നടത്തണം. നമ്മുടെ ബലഹീ​ന​ത​കളെ നേരി​ടാൻ, അവയെ അംഗീ​ക​രി​ക്കാൻ, എന്നിട്ട്‌ അവയെ കീഴട​ക്കു​ന്ന​തി​നു ശ്രമി​ക്കാൻ നാം മനസ്സൊ​രു​ക്ക​മു​ള്ള​വ​രാ​ണോ? നമുക്കു പുരോ​ഗ​മി​ക്കാൻ എങ്ങനെ കഴിയു​മെന്ന്‌ ഒരു ആത്മാർഥ സുഹൃ​ത്തി​നോ​ടു ചോദി​ക്കാ​നും എന്നിട്ട്‌ ആ ഉപദേശം ശ്രദ്ധി​ക്കാ​നും നാം തയ്യാറാ​ണോ? വിശു​ദ്ധ​രാ​യി നൽക്കു​ന്ന​തി​നു നാം നമ്മുടെ ദൗർബ​ല്യ​ങ്ങളെ കീഴട​ക്കണം. എന്തു​കൊണ്ട്‌? കാരണം സാത്താൻ നമ്മുടെ ബലഹീ​ന​തകൾ അറിയു​ന്നു. നമ്മെ പാപത്തി​ലേ​ക്കും അവിശുദ്ധ നടത്തയി​ലേ​ക്കും ഇളക്കി​വി​ടാൻ അവൻ തന്റെ കുടില തന്ത്രങ്ങൾ ഉപയോ​ഗി​ക്കും. യഹോ​വ​യു​ടെ ആരാധ​ന​യ്‌ക്ക്‌ നാം മേലാൽ വിശു​ദ്ധ​രും ഉപയു​ക്ത​രും അല്ലാത്തവർ ആകേണ്ട​തി​നു നമ്മെ ദൈവ​സ്‌നേ​ഹ​ത്തിൽനി​ന്നു വേർപി​രി​ക്കാൻ തന്റെ കുടില പ്രവർത്ത​ന​ങ്ങ​ളാൽ അവൻ ശ്രമി​ക്കു​ന്നു.—യിരെ​മ്യാ​വു 17:9; എഫെസ്യർ 6:11; യാക്കോബ്‌ 1:19.

16. പൗലോ​സിന്‌ എന്തു സംഘട്ടനം ഉണ്ടായി​രു​ന്നു?

¹⁶ അപ്പോ​സ്‌ത​ല​നായ പൗലോസ്‌ റോമർക്കുള്ള തന്റെ ലേഖന​ത്തിൽ സാക്ഷ്യ​പ്പെ​ടു​ത്തി​യ​തു​പോ​ലെ, അവനു സ്വന്തം പരീക്ഷ​ണ​ങ്ങ​ളും പരി​ശോ​ധ​ന​ക​ളും ഉണ്ടായി​രു​ന്നു: “എന്നിൽ എന്നു​വെ​ച്ചാൽ എന്റെ ജഡത്തിൽ നന്മ വസിക്കു​ന്നില്ല എന്നു ഞാൻ അറിയു​ന്നു; നന്മ ചെയ്‌വാ​നുള്ള താല്‌പ​ര്യം എനിക്കു​ണ്ടു; പ്രവർത്തി​ക്കു​ന്ന​തോ ഇല്ല. ഞാൻ ചെയ്‌വാൻ ഇച്ഛിക്കുന്ന നന്മ ചെയ്യു​ന്നി​ല്ല​ല്ലോ; ഇച്ഛിക്കാത്ത തിന്മയ​ത്രേ പ്രവർത്തി​ക്കു​ന്നതു. . . . ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.”—റോമർ 7:18-23.

17. തന്റെ ബലഹീ​ന​ത​ക​ളോ​ടുള്ള പോരാ​ട്ട​ത്തിൽ പൗലോ​സിന്‌ വിജയം​വ​രി​ക്കാൻ കഴിഞ്ഞ​തെ​ങ്ങനെ?

¹⁷ പൗലോ​സി​ന്റെ കാര്യ​ത്തിൽ മർമ​പ്ര​ധാ​ന​മായ സംഗതി അവൻ തന്റെ ബലഹീ​ന​തകൾ അംഗീ​ക​രി​ച്ചു​വെ​ന്നു​ള്ള​താണ്‌. അവയെ​ല്ലാം ഉണ്ടായിരുന്നി​ട്ടും അവന്‌ ഇപ്രകാ​രം പറയാൻ കഴിഞ്ഞു: “ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു.” പൗലോസ്‌ നല്ലതിനെ സ്‌നേ​ഹി​ച്ചു, മോശ​മാ​യ​തി​നെ വെറുത്തു. എന്നാൽ അപ്പോ​ഴും അവന്‌ ഒരു പോരാ​ട്ടം നടത്താ​നു​ണ്ടാ​യി​രു​ന്നു, സാത്താ​നും ലോക​ത്തി​നും ജഡത്തി​നും എതിരെ നമു​ക്കെ​ല്ലാ​മുള്ള അതേ പോരാ​ട്ടം​തന്നെ. അതു​കൊ​ണ്ടു വിശു​ദ്ധ​രാ​യി, ഈ ലോക​ത്തിൽനി​ന്നും അതിന്റെ ചിന്തയിൽനി​ന്നും വേർപെ​ട്ട​വ​രാ​യി നിലനിൽക്കാൻവേണ്ടി നമു​ക്കെ​ങ്ങനെ ആ പോരാ​ട്ട​ത്തിൽ വിജയി​ക്കാ​നാ​വും.—2 കൊരി​ന്ത്യർ 4:4; എഫെസ്യർ 6:12.

നമു​ക്കെ​ങ്ങനെ വിശു​ദ്ധ​രാ​യി നിലനിൽക്കാൻ കഴിയും?

18. നമു​ക്കെ​ങ്ങനെ വിശു​ദ്ധ​രാ​യി നിലനിൽക്കാൻ കഴിയും?

¹⁸ വിശുദ്ധി, ഏറ്റവും കുറഞ്ഞ പ്രതി​രോ​ധ​ഗതി സ്വീക​രി​ക്കു​ന്ന​തി​നാ​ലോ സുഖത​ത്‌പ​ര​നാ​യി​രി​ക്കു​ന്ന​തി​നാ​ലോ നേടാ​വു​ന്നതല്ല. അത്തരം വ്യക്തി എല്ലായ്‌പോ​ഴും തന്റെ നടത്തയ്‌ക്ക്‌ ഒഴിവു​ക​ഴി​വു പറഞ്ഞ്‌ കുറ്റം മറ്റെവി​ടെ​യെ​ങ്കി​ലും കെട്ടി​വെ​യ്‌ക്കാൻ ശ്രമി​ക്കും. കുടുംബ പശ്ചാത്ത​ല​മോ ജനിത​ക​പ്ര​ത്യേ​ക​ത​ക​ളോ നിമിത്തം സാഹച​ര്യം തങ്ങൾക്കു പ്രതി​കൂ​ല​മാ​ണെന്ന്‌ ആരോ​പി​ക്കുന്ന ചില​രെ​പ്പോ​ലെ ആയിരി​ക്കാ​തെ നമ്മുടെ പ്രവർത്ത​ന​ങ്ങൾക്ക്‌ ഉത്തരവാ​ദി​ക​ളാ​കാൻ നാം ഒരുപക്ഷേ പഠി​ക്കേ​ണ്ട​തു​ണ്ടാ​യി​രി​ക്കാം. സംഗതി​യു​ടെ മൂലം കിടക്കു​ന്നതു വ്യക്തി​യു​ടെ ഹൃദയ​ത്തി​ലാണ്‌. അവനോ അവളോ നീതിയെ സ്‌നേ​ഹി​ക്കു​ന്നു​വോ? വിശു​ദ്ധി​ക്കാ​യി അതിയാ​യി വാഞ്‌ഛി​ക്കു​ന്നു​വോ? ദൈവ​ത്തി​ന്റെ അനു​ഗ്രഹം ആഗ്രഹി​ക്കു​ന്നു​വോ? ഇപ്രകാ​രം പറഞ്ഞ​പ്പോൾ സങ്കീർത്ത​ന​ക്കാ​രൻ വിശു​ദ്ധി​യു​ടെ ആവശ്യം വ്യക്തമാ​ക്കി: “ദോഷം വിട്ടകന്നു ഗുണം ചെയ്‌ക; സമാധാ​നം അന്വേ​ഷി​ച്ചു പിന്തു​ട​രുക.” അപ്പോ​സ്‌ത​ല​നായ പൗലോസ്‌ എഴുതി: “നിങ്ങളു​ടെ സ്‌നേഹം കാപട്യ​മി​ല്ലാ​ത്ത​താ​യി​രി​ക്കട്ടെ. ദുഷ്ടമാ​യ​തി​നെ വെറുത്ത്‌, നല്ലതി​നോ​ടു പറ്റിനിൽക്കുക.”—സങ്കീർത്തനം 34:14; 97:10; റോമർ 12:9, NW.

19, 20. (എ) നമുക്ക്‌ എങ്ങനെ നമ്മുടെ മനസ്സിനെ കെട്ടു​പ​ണി​ചെ​യ്യാൻ കഴിയും? (ബി) ഫലപ്ര​ദ​മായ വ്യക്തിഗത പഠനം എന്ത്‌ അനിവാ​ര്യ​മാ​ക്കു​ന്നു?

¹⁹ നമുക്കു ക്രിസ്‌തു​വി​ന്റെ മനസ്സു​ണ്ടെ​ങ്കിൽ, നാം കാര്യ​ങ്ങളെ യഹോ​വ​യു​ടെ കാഴ്‌ച​പ്പാ​ടിൽ വീക്ഷി​ക്കു​ന്നു​വെ​ങ്കിൽ, നമുക്ക്‌ ‘നല്ലതി​നോ​ടു പറ്റിനിൽക്കാൻ’ കഴിയും. (1 കൊരി​ന്ത്യർ 2:16) ഇത്‌ എങ്ങനെ സാധി​ക്കു​ന്നു? ദൈവ​വ​ച​ന​ത്തി​ന്റെ ക്രമമായ പഠനത്താ​ലും ധ്യാന​ത്താ​ലും. ഈ ബുദ്ധ്യു​പ​ദേശം എത്ര കൂടെ​ക്കൂ​ടെ നൽക​പ്പെ​ട്ടി​രി​ക്കു​ന്നു! എന്നാൽ നാമിതു വേണ്ടു​വോ​ളം ഗൗരവ​മാ​യി എടുക്കു​ന്നു​വോ? ഉദാഹ​ര​ണ​ത്തിന്‌, നിങ്ങൾ യോഗ​ത്തി​നു വരുന്ന​തി​നു മുൻപ്‌ ബൈബിൾ വാക്യങ്ങൾ പരി​ശോ​ധി​ച്ചു​കൊണ്ട്‌ ഈ മാസിക യഥാർഥ​ത്തിൽ പഠിക്കു​ന്നു​വോ? ഓരോ ഖണ്ഡിക​യി​ലെ​യും ഏതാനും പദപ്ര​യോ​ഗ​ങ്ങൾക്കു കേവലം അടിവ​ര​യി​ടു​ക​യെ​ന്നതല്ല പഠനം​കൊ​ണ്ടു നാം അർഥമാ​ക്കു​ന്നത്‌. ഒരു അധ്യയന ലേഖനം ഏകദേശം 15 മിനി​റ്റു​കൊണ്ട്‌ ഓടി​ച്ചു​നോ​ക്കി അടിവ​ര​യി​ടാൻ കഴിയും. നാം ആ ലേഖനം പഠിച്ചി​രി​ക്കു​ന്നു​വെന്ന്‌ അത്‌ അർഥമാ​ക്കു​ന്നു​വോ? യഥാർഥ​ത്തിൽ, ഓരോ ലേഖന​വും നൽകുന്ന ആത്മീയ പ്രയോ​ജനം ഉൾക്കൊ​ണ്ടു​കൊണ്ട്‌ അതു പഠിക്കു​ന്ന​തിന്‌ ഒന്നോ രണ്ടോ മണിക്കൂർ എടു​ത്തേ​ക്കാം.

²⁰ നമ്മുടെ വ്യക്തിഗത വിശു​ദ്ധി​യിൽ യഥാർഥ​മാ​യി ശ്രദ്ധ​കേ​ന്ദ്രീ​ക​രി​ച്ചു​കൊണ്ട്‌ ഓരോ ആഴ്‌ച​യും ഏതാനും മണിക്കൂർ ടിവി-യിൽനിന്ന്‌ അകന്നു​നിൽക്കു​ന്ന​തിന്‌ നാം ഒരുപക്ഷേ നമുക്കു​തന്നെ ശിക്ഷണം നൽകേണ്ട ആവശ്യ​മു​ണ്ടാ​യി​രി​ക്കാം. ക്രമമായ പഠനം ശരിയായ തീരു​മാ​നങ്ങൾ എടുക്കാൻ നമ്മുടെ മനസ്സിനെ കർമോ​ദ്യു​ക്ത​മാ​ക്കി​ക്കൊ​ണ്ടു നമ്മെ ആത്മീയ​മാ​യി കെട്ടു​പ​ണി​ചെ​യ്യു​ന്നു, “നടത്തയു​ടെ വിശുദ്ധ പ്രവൃ​ത്തിക”ളിലേക്കു നയിക്കുന്ന തീരു​മാ​നങ്ങൾ തന്നെ.—2 പത്രൊസ്‌ 3:11, NW; എഫെസ്യർ 4:23; 5:15, 16.

21. ഏതു ചോദ്യം ഉത്തരം ലഭി​ക്കേ​ണ്ട​താ​യി അവശേ​ഷി​ക്കു​ന്നു?

²¹ ഇപ്പോൾ ചോദ്യ​മി​താണ്‌, യഹോവ വിശു​ദ്ധ​നാ​യി​രി​ക്കു​ന്ന​തു​പോ​ലെ പ്രവർത്ത​ന​ത്തി​ന്റെ​യും നടത്തയു​ടെ​യും ഏതു കൂടു​ത​ലായ മണ്ഡലങ്ങ​ളിൽ ക്രിസ്‌ത്യാ​നി​ക​ളെ​ന്ന​നി​ല​യിൽ നമുക്കു വിശു​ദ്ധ​രാ​യി​രി​ക്കാൻ കഴിയും? തുടർന്നു​വ​രുന്ന ലേഖനം ചിന്തി​ക്കാ​നുള്ള വക പ്രദാനം ചെയ്യും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ വിശു​ദ്ധി​യു​ടെ ഉറവിടം ഇസ്രാ​യേ​ലിൽ തിരി​ച്ച​റി​യി​ക്ക​പ്പെ​ട്ട​തെ​ങ്ങനെ?

◻ മലാഖി​യു​ടെ നാളിൽ ഇസ്രാ​യേല്യ ആരാധന അവിശു​ദ്ധ​മാ​യി​രു​ന്നത്‌ ഏതു വിധങ്ങ​ളി​ലാണ്‌?

◻ അവിശു​ദ്ധ​നടത്ത എവിടെ ആരംഭി​ക്കു​ന്നു?

◻ വിശു​ദ്ധ​രാ​യി​രി​ക്കു​ന്ന​തി​നു നാം എന്തു തിരി​ച്ച​റി​യണം?

◻ നമുക്ക്‌ എങ്ങനെ വിശു​ദ്ധ​രാ​യി നിലനിൽക്കാൻ കഴിയും?