ദൈവം നടപടി​യെ​ടു​ക്കു​മ്പോൾ നിങ്ങൾ രക്ഷിക്ക​പ്പെ​ടു​മോ?

“ആ നാളുകൾ ചുരു​ങ്ങാ​തി​രു​ന്നാൽ ഒരു ജഡവും രക്ഷിക്ക​പ്പെ​ടു​ക​യില്ല; വൃതന്മാർ [“തിര​ഞ്ഞെ​ടു​ക്ക​പ്പെ​ട്ടവർ,” NW] നിമി​ത്ത​മോ ആ നാളുകൾ ചുരു​ങ്ങും.”—മത്തായി 24:22.

1, 2. (എ) നമ്മുടെ ഭാവി​യിൽ തത്‌പ​ര​രാ​യി​രി​ക്കു​ന്നതു സ്വാഭാ​വി​ക​മാ​യി​രി​ക്കു​ന്നത്‌ എന്തു​കൊണ്ട്‌? (ബി) സ്വാഭാ​വിക താത്‌പ​ര്യ​ത്തിൽ ഏതു സുപ്ര​ധാന ചോദ്യ​ങ്ങൾ ഉൾപ്പെ​ട്ടി​രു​ന്നേ​ക്കാം?

നിങ്ങൾ നിങ്ങളിൽത്തന്നെ എത്ര താത്‌പ​ര്യ​മു​ള്ള​വ​നാണ്‌? ഇന്ന്‌ അനേകർ അങ്ങേയറ്റം സ്വാർഥ​ത​ത്‌പ​ര​രാണ്‌. തൻകാ​ര്യ​ത​ത്‌പ​ര​രാണ്‌. എന്നിരു​ന്നാ​ലും, നമ്മെ ബാധി​ക്കുന്ന കാര്യ​ങ്ങ​ളി​ലുള്ള ഉചിത​മായ താത്‌പ​ര്യ​ത്തെ ബൈബിൾ കുറ്റം​വി​ധി​ക്കു​ന്നില്ല. (എഫെസ്യർ 5:32ബി) നമ്മുടെ ഭാവി​യിൽ താത്‌പ​ര്യ​മു​ള്ള​വ​രാ​യി​രി​ക്കു​ന്നത്‌ അതിൽ ഉൾപ്പെ​ടു​ന്നു. അതു​കൊ​ണ്ടു നിങ്ങളു​ടെ ഭാവി എന്തു കൈവ​രു​ത്തു​മെന്ന്‌ അറിയാൻ ആഗ്രഹി​ക്കു​ന്നതു സ്വാഭാ​വി​ക​മാ​യി​രി​ക്കും. നിങ്ങൾക്കു താത്‌പ​ര്യ​മു​ണ്ടോ?

² യേശു​വി​ന്റെ അപ്പോ​സ്‌ത​ലൻമാർക്കു തങ്ങളുടെ ഭാവി​യിൽ അത്തര​മൊ​രു താത്‌പ​ര്യ​മു​ണ്ടാ​യി​രു​ന്നു​വെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. (മത്തായി 19:27) അവരിൽ നാലു​പേർ യേശു​വി​നോ​ടൊ​പ്പം ഒലിവു​മ​ല​യിൽ ആയിരു​ന്ന​തി​ന്റെ ഒരു കാരണം സാധ്യ​ത​യ​നു​സ​രിച്ച്‌ അതായി​രു​ന്നു. അവർ ചോദി​ച്ചു: ‘അതു എപ്പോൾ സംഭവി​ക്കും? അതിന്നു എല്ലാം നിവൃത്തി വരുന്ന കാലത്തി​ന്റെ ലക്ഷണം എന്ത്‌?’ (മർക്കൊസ്‌ 13:4) ഭാവി​യി​ലുള്ള, അവരു​ടെ​യും നമ്മു​ടെ​യും, സ്വാഭാ​വിക താത്‌പ​ര്യ​ത്തെ യേശു അവഗണി​ച്ചില്ല. ഭാവി​സം​ഭ​വ​ഗ​തി​കൾ തന്റെ അനുഗാ​മി​കളെ എങ്ങനെ ബാധി​ക്കു​മെ​ന്നും അന്തിമ ഫലം എന്തായി​രി​ക്കു​മെ​ന്നും അവൻ എടുത്തു പറഞ്ഞു.

3. യേശു​വി​ന്റെ മറുപ​ടി​യെ നമ്മുടെ നാളു​മാ​യി നാം ബന്ധിപ്പി​ക്കു​ന്നത്‌ എന്തു​കൊണ്ട്‌?

³ നമ്മുടെ നാളിൽ പ്രമുഖ നിവൃ​ത്തി​യുള്ള ഒരു പ്രവച​ന​മാണ്‌ യേശു​വി​ന്റെ മറുപടി വിവരി​ച്ചത്‌. നമ്മുടെ നൂറ്റാ​ണ്ടി​ലെ ലോക​മ​ഹാ​യു​ദ്ധങ്ങൾ, മറ്റു സംഘട്ട​നങ്ങൾ, അസംഖ്യം ജീവന്‌ അന്തംവ​രു​ത്തുന്ന ഭൂകമ്പങ്ങൾ, രോഗ​ത്തി​നും മരണത്തി​നും ഇടയാ​ക്കുന്ന ഭക്ഷ്യദൗർല​ഭ്യ​ങ്ങൾ, വിപു​ല​മാ​യി വ്യാപിച്ച 1918-ലെ സ്‌പാ​നീഷ്‌ പകർച്ച​പ്പ​നി​മു​തൽ ഇപ്പോ​ഴത്തെ എയ്‌ഡ്‌സ്‌ വിപത്തു​വ​രെ​യുള്ള സാം​ക്ര​മിക രോഗങ്ങൾ തുടങ്ങി​യ​വ​യിൽനി​ന്നു നമുക്കി​തു മനസ്സി​ലാ​ക്കാൻ കഴിയും. എന്നിരു​ന്നാ​ലും, യേശു​വി​ന്റെ മറുപ​ടി​യു​ടെ കൂടുതൽ ഭാഗത്തി​നും പൊ.യു. (പൊതു​യു​ഗം) 70-ലെ റോമാ​ക്കാ​രാ​ലുള്ള യെരു​ശ​ലേ​മി​ന്റെ നാശത്തി​ലേക്കു നയിക്കു​ന്ന​തും ആ നാശം ഉൾപ്പെ​ടു​ന്ന​തു​മായ ഒരു നിവൃ​ത്തി​യും ഉണ്ടായി​രു​ന്നു. “എന്നാൽ നിങ്ങ​ളെ​ത്തന്നേ സൂക്ഷി​ച്ചു​കൊൾവിൻ; അവർ നിങ്ങളെ ന്യായാ​ധി​പ​സം​ഘ​ങ്ങ​ളിൽ ഏൽപ്പി​ക്ക​യും പള്ളിക​ളിൽവെച്ചു തല്ലുക​യും എന്റെ നിമിത്തം നാടു​വാ​ഴി​കൾക്കും രാജാ​ക്ക​ന്മാർക്കും മുമ്പാകെ അവർക്കു സാക്ഷ്യ​ത്തി​ന്നാ​യി നിർത്തു​ക​യും ചെയ്യും” എന്നു യേശു തന്റെ ശിഷ്യൻമാർക്കു മുന്നറി​യി​പ്പു നൽകി.—മർക്കൊസ്‌ 13:9.

യേശു മുൻകൂ​ട്ടി പറഞ്ഞത്‌, സംഭവി​ച്ചത്‌

4. യേശു​വി​ന്റെ മറുപ​ടി​യിൽ ഉൾക്കൊ​ണ്ടി​രുന്ന ചില മുന്നറി​യി​പ്പു​കൾ ഏവ?

⁴ മറ്റുള്ളവർ തന്റെ ശിഷ്യൻമാ​രോട്‌ എങ്ങനെ പെരു​മാ​റും എന്നു മുൻകൂ​ട്ടി​പ്പ​റ​യു​ന്ന​തി​ല​ധി​കം യേശു ചെയ്‌തു. അവർതന്നെ എങ്ങനെ പ്രവർത്തി​ക്ക​ണ​മെ​ന്നതു സംബന്ധിച്ച്‌ അവൻ അവരെ ജാഗരൂ​ക​രാ​ക്കി. ഉദാഹ​ര​ണ​ത്തിന്‌, “ശൂന്യ​മാ​ക്കുന്ന മ്ലേച്ഛത നിൽക്ക​രു​താത്ത സ്ഥലത്തു നിൽക്കു​ന്നതു നിങ്ങൾ കാണു​മ്പോൾ,—വായി​ക്കു​ന്നവൻ ചിന്തി​ച്ചു​കൊ​ള്ളട്ടെ—അന്നു യഹൂദ്യ​ദേ​ശത്തു ഉള്ളവർ മലകളി​ലേക്കു ഓടി​പ്പോ​കട്ടെ.” (മർക്കൊസ്‌ 13:14) “സൈന്യ​ങ്ങൾ യെരൂ​ശ​ലേ​മി​നെ വളഞ്ഞി​രി​ക്കു​ന്നതു കാണു​മ്പോൾ” എന്നു ലൂക്കൊസ്‌ 21:20-ലെ സമാന്ത​ര​വി​വ​രണം പറയുന്നു. ആദ്യ നിവൃ​ത്തി​യിൽ അതു കൃത്യ​ത​യു​ള്ള​തെന്നു തെളി​ഞ്ഞ​തെ​ങ്ങനെ?

5. പൊ.യു. 66-ൽ യഹൂദ്യ​യി​ലെ യഹൂദൻമാർക്കി​ട​യിൽ എന്തു സംഭവി​ച്ചു?

⁵ ദി ഇൻറർനാ​ഷണൽ സ്റ്റാൻഡേഡ്‌ ബൈബിൾ എൻ​സൈ​ക്ലോ​പീ​ഡിയ (1982) നമ്മോടു പറയുന്നു: “റോമൻ നിയ​ന്ത്ര​ണ​ത്തിൻ കീഴിൽ യഹൂദൻമാർ മേൽക്കു​മേൽ അശാന്ത​രും ഉദ്യോ​ഗ​സ്ഥൻമാർ വർധി​ച്ച​തോ​തിൽ അക്രമാ​സ​ക്ത​രും ക്രൂരൻമാ​രും സത്യസ​ന്ധ​ത​യി​ല്ലാ​ത്ത​വ​രും ആയിരു​ന്നു. എ. ഡി. 66-ൽ തുറന്ന വിപ്ലവം പൊട്ടി​പ്പു​റ​പ്പെട്ടു. . . . തീവ്ര​വാ​ദി​കൾ മസാദാ പിടി​ച്ചെ​ടുത്ത്‌ മെന​ക്കെ​മി​ന്റെ നേതൃ​ത്വ​ത്തിൽ യെരു​ശ​ലേ​മി​ലേക്കു മാർച്ചു​ചെ​യ്‌ത​പ്പോൾ യുദ്ധം ആരംഭി​ച്ചു. അതേസ​മയം ഗവർണർ ഭരണത്തി​ലുള്ള കൈസര്യ നഗരത്തി​ലെ യഹൂദൻമാർ കൂട്ട​ക്കൊ​ല​ചെ​യ്യ​പ്പെട്ടു, ഈ കഠോ​ര​കൃ​ത്യ​ത്തെ​ക്കു​റി​ച്ചുള്ള വാർത്ത രാജ്യ​ത്തു​ട​നീ​ളം പരന്നു. 1 മുതൽ 5 വരെയുള്ള വിപ്ലവ​വർഷങ്ങൾ എന്ന്‌ ആലേഖനം ചെയ്‌ത പുതിയ നാണയങ്ങൾ പുറത്തി​റങ്ങി.”

6. യഹൂദ വിപ്ലവം ഏതു റോമൻ പ്രതി​ക​രണം ഉളവാക്കി?

⁶ സെസ്റ്റ്യസ്‌ ഗാലസി​ന്റെ കീഴി​ലുള്ള പന്ത്രണ്ടാം റോമൻ പട സിറി​യ​യിൽനി​ന്നു മാർച്ചു​ചെ​യ്‌തു ഗലീല​യും യഹൂദ്യ​യും കൊള്ള​യ​ടി​ച്ചു നശിപ്പി​ച്ചിട്ട്‌ “വിശു​ദ്ധ​ന​ഗ​ര​മായ യെരൂ​ശ​ലേമി”ന്റെ വടക്കു​ഭാ​ഗം പോലും കൈവ​ശ​പ്പെ​ടു​ത്തി​ക്കൊ​ണ്ട തലസ്ഥാനം ആക്രമി​ച്ചു. (നെഹെ​മ്യാ​വു 11:1; മത്തായി 4:5; 5:35; 27:53) സംഭവ​വി​കാ​സ​ങ്ങളെ ചുരു​ക്കി​പ്പ​റ​ഞ്ഞു​കൊണ്ട്‌, യെരു​ശ​ലേ​മി​ന്റെ​മേ​ലുള്ള റോമൻ ഉപരോ​ധം എന്ന വാല്യം പറയുന്നു: “തുടർച്ച​യാ​യി പ്രത്യാ​ക്രമണ വിധേ​യ​രായ റോമാ​ക്കാർ അഞ്ചു ദിവസം മതിലിൽ കോവണി പിടി​പ്പി​ക്കാൻ ശ്രമിച്ചു. ഒടുവിൽ ശരവർഷം​കൊ​ണ്ടു കീഴട​ക്ക​പ്പെട്ട പ്രതി​രോ​ധകർ പിൻവാ​ങ്ങി. പരിചമറ—തങ്ങളെ​ത്തന്നെ സംരക്ഷി​ക്കു​ന്ന​തി​നു തലകൾക്കു മീതെ പരിചകൾ കൂട്ടി​യി​ണ​ക്കുന്ന രീതി—ഉണ്ടാക്കി​ക്കൊണ്ട്‌ റോമൻ സൈനി​കർ മതിലിന്‌ അടിയി​ലൂ​ടെ തുരങ്ക​മു​ണ്ടാ​ക്കി, കവാട​ത്തി​നു തീവയ്‌ക്കാൻ ശ്രമി​ക്കു​ക​യും ചെയ്‌തു. ഒരു ഭയാന​ക​മായ സംഭ്രാ​ന്തി പ്രതി​രോ​ധ​കരെ പിടി​കൂ​ടി.” ഉള്ളിലു​ണ്ടാ​യി​രുന്ന ക്രിസ്‌ത്യാ​നി​കൾക്കു യേശു​വി​ന്റെ വാക്കുകൾ ഓർമി​ക്കു​ന്ന​തി​നും ഒരു മ്ലേച്ഛവ​സ്‌തു വിശു​ദ്ധ​സ്ഥ​ലത്തു നിൽക്കു​ക​യാ​ണെന്നു തിരി​ച്ച​റി​യു​ന്ന​തി​നും കഴിഞ്ഞു.a എന്നാൽ നഗരത്തെ വളഞ്ഞി​രു​ന്ന​തി​നാൽ യേശു ഉപദേ​ശി​ച്ച​തു​പോ​ലെ പലായ​നം​ചെ​യ്യാൻ ആ ക്രിസ്‌ത്യാ​നി​കൾക്ക്‌ എങ്ങനെ കഴിയു​മാ​യി​രു​ന്നു?

7. പൊ.യു. 66-ൽ വിജയം കൈ​യെ​ത്താ​വുന്ന ദൂരത്താ​യി​രു​ന്ന​പ്പോൾ റോമാ​ക്കാർ എന്തു ചെയ്‌തു?

⁷ ചരി​ത്ര​കാ​ര​നായ ഫ്‌ളേ​വി​യസ്‌ ജോസീ​ഫസ്‌ പറയുന്നു: “ഉപരോ​ധി​ക്ക​പ്പെ​ട്ട​വ​രു​ടെ നൈരാ​ശ്യ​മോ ജനങ്ങളു​ടെ വികാ​ര​ങ്ങ​ളോ സംബന്ധി​ച്ചു ബോധ​വാ​ന​ല്ലാ​യി​രുന്ന സെസ്റ്റ്യസ്‌ [ഗാലസ്‌] സകല ന്യായ​ങ്ങൾക്കും വിരു​ദ്ധ​മാ​യി പെട്ടെന്നു തന്റെ ആളുകളെ പിൻവ​ലിച്ച്‌, യാതൊ​രു തോൽവി​യും അനുഭ​വി​ക്കാ​തി​രു​ന്നി​ട്ടും വിജയം വേണ്ടെ​ന്നു​വെച്ച്‌ നഗരത്തിൽനി​ന്നു പിൻവാ​ങ്ങി.” ഗാലസ്‌ പിൻവാ​ങ്ങി​യത്‌ എന്തു​കൊ​ണ്ടാണ്‌? കാരണം എന്തായി​രു​ന്നാ​ലും അദ്ദേഹ​ത്തി​ന്റെ പിൻവാ​ങ്ങൽ യേശു​വി​ന്റെ കൽപ്പന അനുസ​രി​ച്ചു​കൊ​ണ്ടു മലകളി​ലേക്ക്‌, സുരക്ഷി​ത​സ്ഥാ​ന​ത്തേക്കു പലായ​നം​ചെ​യ്യാൻ ക്രിസ്‌ത്യാ​നി​കൾക്ക്‌ അവസരം നൽകി.

8. യെരു​ശ​ലേ​മിന്‌ എതിരായ റോമൻ ശ്രമത്തി​ന്റെ രണ്ടാം ഘട്ടം ഏതായി​രു​ന്നു, അതിജീ​വകർ എന്തനു​ഭ​വി​ച്ചു?

⁸ അനുസ​രണം ജീവര​ക്ഷാ​ക​ര​മാ​യി​രു​ന്നു. അധികം താമസി​യാ​തെ വിപ്ലവത്തെ അടിച്ച​മർത്താൻ റോമാ​ക്കാർ നീക്കം ആരംഭി​ച്ചു. ജനറൽ ടൈറ്റ​സി​ന്റെ നേതൃ​ത്വ​ത്തി​ലുള്ള സൈനിക നടപടി പൊ.യു. 70 ഏപ്രിൽ മുതൽ ആഗസ്‌ററ്‌ വരെ യെരു​ശ​ലേ​മി​ന്റെ​മേ​ലുള്ള ഉപരോ​ധ​ത്തിൽ പാരമ്യ​ത്തി​ലെത്തി. യഹൂദൻമാർ യാതന അനുഭ​വി​ച്ച​വി​ധം സംബന്ധിച്ച ജോസീ​ഫ​സി​ന്റെ വിവരണം വായി​ക്കു​ന്നത്‌ ഒരുവനെ ഭീതി​പ്പെ​ടു​ത്തു​ന്നു. റോമാ​ക്കാ​രോ​ടു പോരാ​ടി മരിച്ച​വർക്കു​പു​റമേ, മറ്റ്‌ യഹൂദൻമാർ യഹൂദ​രി​ലെ​തന്നെ ശത്രു സംഘട​ന​ക​ളാൽ കൊല​ചെ​യ്യ​പ്പെട്ടു, പട്ടിണി നരഭോ​ജ​ന​ത്തി​ലേക്കു നയിച്ചു. റോമൻ വിജയ​ത്തി​ന്റെ സമയമാ​യ​പ്പോ​ഴേ​ക്കും 11,00,000 യഹൂദർ മരിച്ചു.b 97,000 അതിജീ​വ​ക​രിൽ കുറേ​പ്പേരെ പെട്ടെ​ന്നു​തന്നെ വധിച്ചു; മറ്റുള്ള​വരെ അടിമ​ക​ളാ​ക്കി. ജോസീ​ഫസ്‌ പറയുന്നു: “പതി​നേഴു വയസ്സിനു മുകളി​ലു​ള്ള​വരെ വിലങ്ങു​വച്ച്‌ കഠിന വേലയ്‌ക്ക്‌ ഈജി​പ്‌തി​ലേക്ക്‌ അയച്ചു, അതേസ​മയം തിയേ​റ്റ​റു​ക​ളിൽ വാളി​നാ​ലും വന്യമൃ​ഗ​ങ്ങ​ളാ​ലും കൊല്ല​പ്പെ​ടു​ന്ന​തി​നു വലി​യൊ​രു സംഖ്യ ആളുകളെ ടൈറ്റസ്‌ പ്രവി​ശ്യ​കൾക്കു സമ്മാനി​ച്ചു.” ഈ വേർതി​രി​ക്കൽ നടക്കവേ, 11,000 തടവു​കാർ പട്ടിണി​കി​ടന്നു മരിച്ചു.

9. യഹൂദൻമാർ അനുഭ​വിച്ച അനന്തര​ഫലം ക്രിസ്‌ത്യാ​നി​കൾ അനുഭ​വി​ക്കാ​തി​രു​ന്നത്‌ എന്തു​കൊണ്ട്‌, എന്നാൽ ഏതു ചോദ്യ​ങ്ങൾ അവശേ​ഷി​ക്കു​ന്നു?

⁹ റോമൻ സൈന്യം തിരി​ച്ചു​വ​രു​ന്ന​തി​നു മുൻപു കർത്താ​വി​ന്റെ മുന്നറി​യിപ്പ്‌ അനുസ​രിച്ച്‌, നഗരത്തിൽനി​ന്നു പലായനം ചെയ്‌ത​തിൽ ക്രിസ്‌ത്യാ​നി​കൾക്കു നന്ദിയു​ള്ള​വ​രാ​യി​രി​ക്കാൻ കഴിയു​മാ​യി​രു​ന്നു. ‘ലോകാ​രം​ഭം മുതൽ അന്നുവരെ സംഭവി​ച്ചി​ട്ടി​ല്ലാ​ത്ത​തും’ യെരു​ശ​ലേ​മിൽ ‘വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവം’ എന്ന്‌ യേശു വിളി​ച്ച​തി​ന്റെ ഒരു ഭാഗത്തു​നിന്ന്‌ അവർ അങ്ങനെ രക്ഷിക്ക​പ്പെട്ടു. (മത്തായി 24:21) യേശു കൂട്ടി​ച്ചേർത്തു: “ആ നാളുകൾ ചുരു​ങ്ങാ​തി​രു​ന്നാൽ ഒരു ജഡവും രക്ഷിക്ക​പ്പെ​ടു​ക​യില്ല; വൃതന്മാർ [“തിര​ഞ്ഞെ​ടു​ക്ക​പ്പെ​ട്ടവർ,” NW] നിമി​ത്ത​മോ ആ നാളുകൾ ചുരു​ങ്ങും.” (മത്തായി 24:22) അത്‌ അന്ന്‌ എന്തർഥ​മാ​ക്കി, ഇന്ന്‌ എന്തർഥ​മാ​ക്കു​ന്നു?

10. മത്തായി 24:22 നാം മുൻപ്‌ എങ്ങനെ വിശദീ​ക​രി​ച്ചി​രു​ന്നു?

¹⁰ പൊ.യു. 70-ലെ യെരു​ശ​ലേ​മി​ലെ കഷ്ടത്തെ അതിജീ​വിച്ച യഹൂദൻമാ​രെ​യാണ്‌ ‘രക്ഷിക്ക​പ്പെ​ടേണ്ട ജഡം’ പരാമർശി​ക്കു​ന്ന​തെന്നു കഴിഞ്ഞ​കാ​ലത്തു വിശദീ​ക​രി​ച്ചി​രു​ന്നു. ക്രിസ്‌ത്യാ​നി​കൾ പലായ​നം​ചെ​യ്‌തി​രു​ന്നു, അതു​കൊണ്ട്‌ ഒരു സത്വര നാശം കൊണ്ടു​വ​രാൻ ദൈവ​ത്തി​നു റോമാ​ക്കാ​രെ അനുവ​ദി​ക്കാൻ കഴിഞ്ഞു. മറ്റുവാ​ക്കു​ക​ളിൽ, “തിര​ഞ്ഞെ​ടു​ക്ക​പ്പെ​ട്ടവർ” അപകട വിമു​ക്ത​രാ​യി​രു​ന്നു​വെ​ന്നുള്ള വസ്‌തുത നിമിത്തം, കുറെ യഹൂദ “ജഡം” രക്ഷിക്ക​പ്പെ​ടാൻ അനുവ​ദി​ച്ചു​കൊണ്ട്‌ ഉപദ്ര​വ​നാ​ളു​കൾ ചുരു​ക്ക​പ്പെ​ടാൻ കഴിഞ്ഞു. അതിജീ​വിച്ച യഹൂദൻമാർ നമ്മുടെ നാളിൽ ആഗതമാ​കുന്ന മഹോ​പ​ദ്ര​വത്തെ അതിജീ​വി​ക്കു​ന്ന​വരെ മുൻനി​ഴ​ലാ​ക്കി​യെന്നു കരുത​പ്പെ​ട്ടി​രു​ന്നു.—വെളി​പ്പാ​ടു 7:14.

11. മത്തായി 24:22-ന്റെ വിശദീ​ക​രണം പുനഃ​പ​രി​ഗ​ണി​ക്ക​ണ​മെന്നു തോന്നു​ന്ന​തെ​ന്തു​കൊണ്ട്‌?

¹¹ എന്നാൽ ആ വിശദീ​ക​രണം പൊ.യു. 70-ൽ സംഭവി​ച്ച​തു​മാ​യി ചേർച്ച​യി​ലാ​ണോ? കഷ്ടത്തിൽനി​ന്നു മാനുഷ “ജഡം രക്ഷിക്കപ്പെ”ടേണ്ടി​യി​രു​ന്നു എന്നു യേശു പറഞ്ഞു. ആയിര​ക്ക​ണ​ക്കിന്‌ അതിജീ​വകർ പെട്ടെ​ന്നു​തന്നെ പട്ടിണി​യാൽ മരിക്കു​ക​യോ തിയേ​റ്റ​റിൽ കൊല​ചെ​യ്യ​പ്പെ​ടു​ക​യോ ചെയ്‌തു​വെന്ന വസ്‌തുത കണക്കി​ലെ​ടു​ക്കു​മ്പോൾ, “രക്ഷിക്ക​പ്പെട്ടു” എന്ന പദം ആ 97,000 അതിജീ​വ​കരെ വിവരി​ക്കാൻ നിങ്ങൾ ഉപയോ​ഗി​ക്കു​മോ? കൈസ​ര്യ​യി​ലെ ഒരു തിയേ​റ്റ​റി​നെ​ക്കു​റി​ച്ചു ജോസീ​ഫസ്‌ പറയുന്നു: “വന്യമൃ​ഗ​ങ്ങ​ളു​മാ​യുള്ള പോരാ​ട്ട​ത്തി​ലോ പരസ്‌പ​രാ​ക്ര​മ​ണ​ത്തി​ലോ ജീവ​നോ​ടെ കത്തിക്ക​പ്പെ​ട്ട​തി​നാ​ലോ മരിച്ച​വ​രു​ടെ എണ്ണം 2,500 കവിഞ്ഞു.” ഉപരോ​ധ​ത്തിൽ അവർ മരിച്ചി​ല്ലെ​ങ്കി​ലും തീർച്ച​യാ​യും അവർ “രക്ഷിക്കപ്പെ”ട്ടില്ല. ആഗതമാ​കുന്ന “മഹോ​പ​ദ്രവ”ത്തിലെ സന്തുഷ്ട അതിജീ​വ​കർക്കു സമാന​രാ​യി യേശു അവരെ പരിഗ​ണി​ക്കു​മാ​യി​രു​ന്നോ?

ജഡം രക്ഷിക്ക​പ്പെട്ടു—എങ്ങനെ?

12. ദൈവ​ത്തി​നു താത്‌പ​ര്യ​മു​ണ്ടാ​യി​രുന്ന ഒന്നാം നൂറ്റാ​ണ്ടി​ലെ “തിര​ഞ്ഞെ​ടു​ക്ക​പ്പെ​ട്ടവർ” ആരായി​രു​ന്നു?

¹² പൊ.യു 70-ഓടെ, സ്വാഭാ​വിക യഹൂദൻമാ​രെ ദൈവം മേലാൽ തന്റെ തിര​ഞ്ഞെ​ടു​ക്ക​പ്പെട്ട ജനമായി വീക്ഷി​ച്ചി​രു​ന്നില്ല. ദൈവം ആ ജനതയെ തള്ളിക്ക​ള​ഞ്ഞി​രി​ക്കു​ന്നു​വെ​ന്നും അതിന്റെ തലസ്ഥാന നഗരവും ആലയവും ആരാധനാ സമ്പ്രദാ​യ​വും അവസാ​നി​ക്കാൻ അനുവ​ദി​ക്കു​മെ​ന്നും യേശു പ്രകട​മാ​ക്കി. (മത്തായി 23:37–24:2) ദൈവം ഒരു പുതിയ ജനതയെ, ആത്മീയ ഇസ്രാ​യേ​ലി​നെ തിര​ഞ്ഞെ​ടു​ത്തു. (പ്രവൃ​ത്തി​കൾ 15:14; റോമർ 2:28, 29; ഗലാത്യർ 6:16) എല്ലാ ജനതക​ളിൽനി​ന്നു​മാ​യി തിര​ഞ്ഞെ​ടു​ക്ക​പ്പെട്ട, പരിശു​ദ്ധാ​ത്മാ​വി​നാൽ അഭിഷി​ക്ത​രായ സ്‌ത്രീ​പു​രു​ഷൻമാർ അടങ്ങി​യ​താ​യി​രു​ന്നു അത്‌. (മത്തായി 22:14; യോഹ​ന്നാൻ 15:19; പ്രവൃ​ത്തി​കൾ 10:1, 2, 34, 35, 44, 45) സെസ്റ്റ്യസ്‌ ഗാലസി​നാ​ലുള്ള ആക്രമ​ണ​ത്തിന്‌ ഏതാനും വർഷം മുൻപ്‌, ‘പിതാ​വായ ദൈവ​ത്തി​ന്റെ മുന്നറി​വി​ന്നു ഒത്തവണ്ണം ആത്മാവി​ന്റെ വിശു​ദ്ധീ​ക​രണം പ്രാപിച്ച . . . വൃതന്മാർക്കു [“തിര​ഞ്ഞെ​ടു​ക്ക​പ്പെ​ട്ട​വർക്ക്‌,” NW]’ പത്രോസ്‌ എഴുതി. അത്തരം ആത്മാഭി​ഷി​ക്തർ “തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹി​ത​വർഗ്ഗ​വും വിശു​ദ്ധ​വം​ശ​വും” ആയിരു​ന്നു. (ചെരി​ച്ചെ​ഴുത്ത്‌ ഞങ്ങളു​ടേത്‌.) (1 പത്രൊസ്‌ 1:1, 2; 2:9) തിര​ഞ്ഞെ​ടു​ക്ക​പ്പെട്ട അവരെ യേശു​വി​നോ​ടൊ​പ്പം ഭരിക്കാൻ ദൈവം സ്വർഗ​ത്തി​ലേക്ക്‌ എടുക്കു​മാ​യി​രു​ന്നു.—കൊ​ലൊ​സ്സ്യർ 1:1, 2; 3:12; തീത്തൊസ്‌ 1:1; വെളി​പ്പാ​ടു 17:14.

13. മത്തായി 24:22-ലെ യേശു​വി​ന്റെ വാക്കു​കൾക്ക്‌ ഏത്‌ അർഥം ഉണ്ടായി​രു​ന്നി​രി​ക്കാ​നി​ട​യുണ്ട്‌?

¹³ “തിര​ഞ്ഞെ​ടു​ക്ക​പ്പെ​ട്ടവർ നിമിത്തം” ഉപദ്ര​വ​നാ​ളു​കൾ ചുരു​ക്ക​പ്പെ​ടു​മെന്നു യേശു മുൻകൂ​ട്ടി​പ്പ​റ​ഞ്ഞ​തി​നാൽ തിര​ഞ്ഞെ​ടു​ക്ക​പ്പെ​ട്ട​വരെ സംബന്ധി​ച്ചുള്ള ഈ തിരി​ച്ച​റി​വു പ്രയോ​ജ​ന​ക​ര​മാണ്‌. “നിമിത്തം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദത്തെ “നന്മയ്‌ക്കു​വേണ്ടി” അല്ലെങ്കിൽ “നന്മയ്‌ക്ക്‌” എന്നും വിവർത്തനം ചെയ്യാ​വു​ന്ന​താണ്‌. (മർക്കൊസ്‌ 2:27; യോഹ​ന്നാൻ 12:30; 1 കൊരി​ന്ത്യർ 8:11; 9:10, 23; 11:9; 2 തിമൊ​ഥെ​യൊസ്‌ 2:10; വെളി​പ്പാ​ടു 2:3; NW) അതു​കൊണ്ട്‌, ‘ആ നാളുകൾ ചുരു​ങ്ങാ​തി​രു​ന്നാൽ ഒരു ജഡവും രക്ഷിക്ക​പ്പെ​ടു​ക​യില്ല; എന്നാൽ തിര​ഞ്ഞെ​ടു​ക്ക​പ്പെ​ട്ട​വ​രു​ടെ നന്മയ്‌ക്കു​വേണ്ടി ആ നാളുകൾ ചുരു​ങ്ങും’ എന്നു യേശു പറയു​ക​യാ​യി​രു​ന്നി​രി​ക്കാം.c (മത്തായി 24:22, NW) യെരു​ശ​ലേ​മിൽ കുരു​ങ്ങി​പ്പോയ ക്രിസ്‌തീയ തിര​ഞ്ഞെ​ടു​ക്ക​പ്പെ​ട്ട​വർക്കു പ്രയോ​ജ​നം​ചെയ്‌ത അല്ലെങ്കിൽ അവരുടെ ‘നന്മക്കു​വേണ്ടി’യുള്ള എന്തെങ്കി​ലും സംഭവി​ച്ചോ?

14. പൊ.യു. 66-ൽ റോമൻ സൈന്യം യെരു​ശ​ലേ​മിൽനിന്ന്‌ അപ്രതീ​ക്ഷി​ത​മാ​യി പിൻവാ​ങ്ങി​യ​പ്പോൾ “ജഡം” രക്ഷിക്ക​പ്പെ​ട്ട​തെ​ങ്ങനെ?

¹⁴ പൊ.യു. 66-ൽ റോമാ​ക്കാർ ദേശത്തു​കൂ​ടെ നീങ്ങി യെരു​ശ​ലേ​മി​ന്റെ വടക്കു​ഭാ​ഗം കൈവ​ശ​മാ​ക്കി​യിട്ട്‌ മതിലിന്‌ അടിയി​ലൂ​ടെ തുരക്കാൻ തുടങ്ങി​യെന്ന്‌ ഓർമി​ക്കുക. “ഉപരോ​ധം അൽപ്പകാ​ലം കൂടി അദ്ദേഹം നീട്ടി​യി​രു​ന്നെ​ങ്കിൽ ഉടനടി നഗരം പിടി​ച്ചെ​ടു​ക്കു​മാ​യി​രു​ന്നു” എന്ന്‌ ജോസീ​ഫസ്‌ അഭി​പ്രാ​യ​പ്പെ​ടു​ന്നു. നിങ്ങ​ളോ​ടു​തന്നെ ചോദി​ക്കുക, ‘റോമൻ സൈന്യം പെട്ടെന്നു സൈനി​ക​ന​ട​പടി ഉപേക്ഷിച്ച്‌ “സകല ന്യായ​ങ്ങൾക്കും വിരു​ദ്ധ​മാ​യി” എന്തു​കൊ​ണ്ടു പിൻവാ​ങ്ങ​ണ​മാ​യി​രു​ന്നു?’ “ഗാലസി​ന്റെ അസാധാ​ര​ണ​വും വിനാ​ശ​ക​ര​വു​മായ തീരു​മാ​ന​ത്തി​നു പര്യാ​പ്‌ത​മായ എന്തെങ്കി​ലും കാരണം നൽകു​ന്ന​തിൽ ഒരു ചരി​ത്ര​കാ​ര​നും വിജയി​ച്ചി​ട്ടില്ല” എന്നു സൈനിക ചരിത്രം വ്യാഖ്യാ​നി​ക്കു​ന്ന​തിൽ വിദഗ്‌ധ​നായ റുപേർട്ട്‌ ഫർനോ അഭി​പ്രാ​യ​പ്പെ​ടു​ന്നു. കാരണ​മെ​ന്താ​യി​രു​ന്നാ​ലും ഉപദ്രവം ചുരു​ക്ക​പ്പെട്ടു എന്നതാ​യി​രു​ന്നു ഫലം. റോമാ​ക്കാർ പിൻവാ​ങ്ങി, അവർ പോകവേ യഹൂദൻമാർ അവരെ ആക്രമി​ച്ചു. കുരു​ക്കി​ല​ക​പ്പെട്ട അഭിഷിക്ത ക്രിസ്‌ത്യാ​നി​ക​ളായ ‘തിര​ഞ്ഞെ​ടു​ക്ക​പ്പെ​ട്ട​വരെ’ സംബന്ധി​ച്ചെന്ത്‌? ഉപരോ​ധം നീക്കം​ചെ​യ്‌തത്‌ ഉപദ്ര​വ​കാ​ലത്തെ കൊല​പാ​തക ഭീഷണി​യിൽനിന്ന്‌ അവർ രക്ഷിക്ക​പ്പെ​ട്ടു​വെന്ന്‌ അർഥമാ​ക്കി. അതു​കൊണ്ട്‌ ഉപദ്രവം ചുരു​ക്ക​പ്പെ​ട്ട​തിൽനി​ന്നു പ്രയോ​ജനം അനുഭ​വിച്ച ആ ക്രിസ്‌ത്യാ​നി​ക​ളാ​യി​രു​ന്നു മത്തായി 24:22-ൽ പരാമർശി​ച്ചി​രി​ക്കുന്ന രക്ഷിക്ക​പ്പെട്ട “ജഡം.”

നിങ്ങളു​ടെ ഭാവി എന്ത്‌ വെച്ചു​നീ​ട്ടു​ന്നു?

15. മത്തായി 24-ാം അധ്യായം നമ്മുടെ നാളിൽ പ്രത്യേക താത്‌പ​ര്യ​മു​ള്ള​താ​യി​രി​ക്ക​ണ​മെന്നു നിങ്ങൾ എന്തു​കൊ​ണ്ടു പറയും?

¹⁵ ‘യേശു​വി​ന്റെ വാക്കു​ക​ളു​ടെ സ്‌പഷ്ട​മാ​ക്ക​പ്പെട്ട ഈ ഗ്രാഹ്യ​ത്തിൽ ഞാൻ എന്തു​കൊ​ണ്ടു പ്രത്യേ​കാൽ താത്‌പ​ര്യ​മു​ള്ള​വ​നാ​യി​രി​ക്കണം?’ എന്ന്‌ ഒരുവൻ ചോദി​ച്ചേ​ക്കാം? കൊള്ളാം, പൊ.യു. 70 വരെയും ആ വർഷത്തി​ലും സംഭവി​ച്ച​തിൽ കവിഞ്ഞ ഒരു വലിയ നിവൃത്തി യേശു​വി​ന്റെ പ്രവച​ന​ത്തിന്‌ ഉണ്ടായി​രി​ക്കേ​ണ്ടി​യി​രു​ന്നു​വെന്നു നിഗമനം ചെയ്യാൻ മതിയായ കാരണ​മുണ്ട്‌.d (മത്തായി 24:7; ലൂക്കൊസ്‌ 21:10, 11; വെളി​പ്പാ​ടു 6:2-8; ഇവ താരത​മ്യം ചെയ്യുക.) വിപു​ല​മായ തോതി​ലുള്ള ഒരു “മഹോ​പ​ദ്രവം” തൊട്ടു​മു​ന്നിൽ പ്രതീ​ക്ഷി​ക്കാൻ കഴിയു​മെന്നു നമ്മുടെ നാളിൽ സംഭവി​ക്കുന്ന പ്രമുഖ നിവൃത്തി തെളി​യി​ക്കു​ന്നു​വെന്നു ദശകങ്ങ​ളാ​യി യഹോ​വ​യു​ടെ സാക്ഷികൾ പ്രസം​ഗി​ച്ചി​രി​ക്കു​ന്നു. മത്തായി 24:22-ലെ പ്രാവ​ച​നിക വാക്കുകൾ ആ സമയത്ത്‌ എങ്ങനെ നിവൃ​ത്തി​യേ​റും?

16. ആഗതമാ​കുന്ന മഹോ​പ​ദ്ര​വ​ത്തെ​ക്കു​റി​ച്ചു വെളി​പ്പാ​ടു പ്രോ​ത്സാ​ഹ​ജ​ന​ക​മായ ഏതു വസ്‌തുത പ്രദാനം ചെയ്യുന്നു?

¹⁶ യെരു​ശ​ലേ​മി​ലെ ഉപദ്ര​വ​ത്തിന്‌ ഏകദേശം രണ്ടു ദശകങ്ങൾ കഴിഞ്ഞ്‌ അപ്പോ​സ്‌ത​ല​നായ യോഹ​ന്നാൻ വെളി​പ്പാ​ടു പുസ്‌തകം എഴുതി. മഹോ​പ​ദ്രവം മുന്നി​ലാ​ണെന്ന്‌ അതു സ്ഥിരീ​ക​രി​ച്ചു. നമ്മെ വ്യക്തി​പ​ര​മാ​യി ബാധി​ക്കുന്ന സംഗതി​യിൽ താത്‌പ​ര്യ​മു​ള്ള​തി​നാൽ, ഈ ആഗതമാ​കുന്ന മഹോ​പ​ദ്ര​വത്തെ മാനുഷ ജഡം അതിജീ​വി​ക്കു​മെന്നു വെളി​പ്പാട്‌ പ്രാവ​ച​നി​ക​മാ​യി നമുക്ക്‌ ഉറപ്പു​നൽകു​ന്നു​വെന്ന്‌ അറിയു​ന്ന​തിൽ നാം ആശ്വസി​ച്ചേ​ക്കാം. “സകല ജാതി​ക​ളിൽനി​ന്നും ഗോ​ത്ര​ങ്ങ​ളിൽനി​ന്നും വംശങ്ങ​ളിൽനി​ന്നും ഭാഷക​ളിൽനി​ന്നും ഉള്ള . . . ഒരു മഹാപു​രു​ഷാര”ത്തെക്കു​റി​ച്ചു യോഹ​ന്നാൻ മുൻകൂ​ട്ടി​പ്പ​റഞ്ഞു. അവർ ആരാണ്‌? സ്വർഗ​ത്തിൽനി​ന്നുള്ള ഒരു സ്വരം ഉത്തരം നൽകുന്നു: “ഇവർ മഹാക​ഷ്ട​ത്തിൽനി​ന്നു [“മഹോ​പ​ദ്ര​വ​ത്തിൽനി​ന്നു,” NW] വന്നവർ.” (വെളി​പ്പാ​ടു 7:9, 14) അതേ, അവർ അതിജീ​വ​ക​രാ​യി​രി​ക്കും! വരാൻപോ​കുന്ന മഹോ​പ​ദ്ര​വ​ത്തിൽ കാര്യങ്ങൾ എങ്ങനെ വികാ​സം​പ്രാ​പി​ക്കു​മെ​ന്ന​തി​ലും മത്തായി 24:22 എങ്ങനെ നിവൃ​ത്തി​യേ​റു​മെ​ന്ന​തി​ലും വെളി​പ്പാട്‌ നമുക്ക്‌ ഉൾക്കാ​ഴ്‌ച​യും നൽകുന്നു.

17. മഹോ​പ​ദ്ര​വ​ത്തി​ന്റെ പ്രാരംഭ ഘട്ടത്തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

¹⁷ ഈ ഉപദ്ര​വ​ത്തി​ന്റെ പ്രാരംഭ ഘട്ടം “മഹതി​യാം ബാബി​ലോൻ” എന്നു വിളി​ക്ക​പ്പെ​ടുന്ന ആലങ്കാ​രിക വേശ്യ​യു​ടെ മേലുള്ള ഒരു ആക്രമ​ണ​മാ​യി​രി​ക്കും. (വെളി​പ്പാ​ടു 14:8; 17:1, 2) ഏറ്റവും നിന്ദ്യ​മായ ക്രൈ​സ്‌ത​വ​ലോ​കം ഉൾപ്പെ​ടെ​യുള്ള വ്യാജമത ലോക​സാ​മ്രാ​ജ്യ​ത്തെ അവൾ പ്രതി​നി​ധാ​നം ചെയ്യുന്നു. വെളി​പ്പാ​ടു 17:16-18-ലെ വാക്കുകൾ അനുസ​രിച്ച്‌, ഈ ആലങ്കാ​രിക വേശ്യയെ ആക്രമി​ക്കാൻ ദൈവം രാഷ്‌ട്രീയ ഘടകത്തി​ന്റെ ഹൃദയ​ത്തിൽ തോന്നി​ക്കും.e ദൈവ​ത്തി​ന്റെ അഭിഷി​ക്ത​രായ “തിര​ഞ്ഞെ​ടു​ക്ക​പ്പെ​ട്ടവർ”ക്കും അവരുടെ സഹകാ​രി​ക​ളായ “മഹാപു​രു​ഷാ​ര​ത്തി​നും” ഇത്‌ എങ്ങനെ പ്രത്യ​ക്ഷ​പ്പെ​ട്ടേ​ക്കാ​വു​ന്ന​താ​ണെന്നു ചിന്തി​ക്കുക. മതത്തി​ന്റെ​മേ​ലുള്ള വിനാ​ശ​ക​ര​മായ ഈ ആക്രമണം മുന്നേ​റവേ, യഹോ​വ​യു​ടെ ജനം ഉൾപ്പെടെ, സകല മതസ്ഥാ​പ​ന​ങ്ങ​ളെ​യും അതു തുടച്ചു​നീ​ക്കു​മെന്നു തോന്നി​യേ​ക്കാം.

18. മഹോ​പ​ദ്ര​വ​ത്തി​ന്റെ പ്രാരംഭ ഘട്ടത്തിൽ ഒരു “ജഡ”വും രക്ഷിക്ക​പ്പെ​ടു​ക​യി​ല്ലെന്നു തോന്നി​യേ​ക്കാ​വു​ന്ന​തെ​ന്തു​കൊണ്ട്‌?

¹⁸ മത്തായി 24:22-ൽ കാണുന്ന യേശു​വി​ന്റെ വാക്കുകൾ വിപു​ല​മായ തോതിൽ നിവൃ​ത്തി​യേ​റുന്ന സമയമി​താ​യി​രി​ക്കും. യെരു​ശ​ലേ​മി​ലെ തിര​ഞ്ഞെ​ടു​ക്ക​പ്പെ​ട്ടവർ അപകട​ത്തി​ലാ​ണെന്നു തോന്നി​യ​തു​പോ​ലെ, മതത്തിന്റെ മേലുള്ള ആക്രമ​ണ​വേ​ള​യിൽ, ദൈവ​ജ​ന​ത്തി​ലെ സകല “ജഡ”ത്തെയും ആ ആക്രമണം തുടച്ചു​നീ​ക്കു​മെ​ന്ന​പോ​ലെ, യഹോ​വ​യു​ടെ ദാസൻമാർ അപകട​ത്തി​ലാ​ണെന്നു തോന്നി​യേ​ക്കാം. എന്നാൽ, പൊ.യു. 66-ൽ എന്താണു സംഭവി​ച്ച​തെന്നു നമുക്കു മനസ്സിൽ പിടി​ക്കാം. ദൈവ​ത്തി​ന്റെ അഭിഷി​ക്ത​രായ തിര​ഞ്ഞെ​ടു​ക്ക​പ്പെ​ട്ട​വർക്കു രക്ഷപ്പെ​ടു​ന്ന​തി​നും തുടർന്നു ജീവി​ക്കു​ന്ന​തി​നും മതിയായ അവസരം അനുവ​ദി​ച്ചു​കൊണ്ട്‌, റോമാ​ക്കാ​രാ​ലു​ണ്ടായ ഉപദ്രവം ചുരു​ക്ക​പ്പെട്ടു. അതു​കൊണ്ട്‌, സത്യാ​രാ​ധ​ക​രു​ടെ ആഗോ​ള​സ​ഭയെ കൊ​ന്നൊ​ടു​ക്കാൻ മതത്തി​ന്റെ​മേ​ലുള്ള വിനാ​ശ​ക​ര​മായ ആക്രമണം അനുവ​ദി​ക്ക​പ്പെ​ടു​ക​യി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. “ഒരു ദിവസ​ത്തിൽ” എന്നപോ​ലെ അതു പെട്ടെന്നു മുന്നേ​റും. എന്നാൽ, ദൈവ​ജനം “രക്ഷിക്ക”പ്പെടാൻ കഴി​യേ​ണ്ട​തിന്‌, അത്‌ ഏതെങ്കി​ലും വിധത്തിൽ ചുരു​ക്ക​പ്പെ​ടും, ലക്ഷ്യം പൂർത്തീ​ക​രി​ക്കാൻ അത്‌ അനുവ​ദി​ക്ക​പ്പെ​ടില്ല.—വെളി​പ്പാ​ടു 18:8.

19. (എ) മഹോ​പ​ദ്ര​വ​ത്തി​ന്റെ ആദ്യഘ​ട്ട​ത്തി​നു ശേഷം എന്തു പ്രകട​മാ​യി​രി​ക്കും? (ബി) ഇത്‌ എന്തി​ലേക്കു നയിക്കും?

¹⁹ തങ്ങളുടെ പഴയ മതവേ​ശ്യ​യു​മാ​യുള്ള ഇടപാ​ടു​ക​ളു​ടെ നഷ്ടത്തിൽ വിലപി​ച്ചു​കൊണ്ട്‌, പിശാ​ചായ സാത്താന്റെ ഭൗമി​ക​സ്ഥാ​പ​ന​ത്തി​ലെ മറ്റു ചില ഘടകങ്ങൾ കുറേ​ക്കാ​ലം കൂടെ അതേത്തു​ടർന്നു നിലനിൽക്കും. (വെളി​പ്പാ​ടു 18:9-19) അനായാസ ഇരയായി കാണ​പ്പെ​ടുന്ന ദൈവ​ത്തി​ന്റെ യഥാർഥ ദാസൻമാർ അവശേ​ഷി​ക്കു​ന്നു​വെന്ന്‌, ‘മതിൽ . . . കൂടാതെ നിർഭയം വസിക്കു​ന്നു’വെന്ന്‌ അവർ ഒരു ഘട്ടത്തിൽ നിരീ​ക്ഷി​ക്കും. എന്തൊരു അതിശ​യ​മാ​ണു സംഭവി​ക്കാൻ പോകു​ന്നത്‌! തന്റെ ദാസൻമാർക്കെ​തി​രായ യഥാർഥ​മോ ഭീഷണി​പ്പെ​ടു​ത്തു​ന്ന​തോ ആയ ഒരു ആക്രമ​ണ​ത്തോ​ടു പ്രതി​ക​രി​ച്ചു​കൊണ്ട്‌, മഹോ​പ​ദ്ര​വ​ത്തി​ന്റെ അന്തിമ​ഭാ​ഗത്ത്‌ ദൈവം തന്റെ ശത്രു​ക്ക​ളു​ടെ​മേൽ ന്യായ​വി​ധി ആരംഭി​ക്കും.—യെഹെ​സ്‌കേൽ 38:10-12, 14, 18-23.

20. മഹോ​പ​ദ്ര​വ​ത്തി​ന്റെ രണ്ടാം ഘട്ടം ദൈവ​ജ​നത്തെ അപകട​പ്പെ​ടു​ത്തു​ക​യി​ല്ലാ​ത്തത്‌ എന്തു​കൊണ്ട്‌?

²⁰ മഹോ​പ​ദ്ര​വ​ത്തി​ന്റെ ഈ രണ്ടാം ഘട്ടം പൊ.യു. 70-ൽ റോമാ​ക്കാ​രാ​ലുള്ള ആക്രമ​ണ​ത്തിൽ യെരു​ശ​ലേ​മി​നും അതിലെ നിവാ​സി​കൾക്കും സംഭവി​ച്ച​തി​നോ​ടു സമാന്ത​ര​മാ​യി​രി​ക്കും. അതു “ലോകാ​രം​ഭം മുതൽ [അന്നു]വരെ സംഭവി​ച്ചി​ട്ടി​ല്ലാ​ത്ത​തും വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവ”മാണെന്ന്‌ തെളി​യും. (മത്തായി 24:21, NW) എന്നിരു​ന്നാ​ലും ദൈവ​ത്തി​ന്റെ തിര​ഞ്ഞെ​ടു​ക്ക​പ്പെ​ട്ട​വ​രും അവരുടെ സഹകാ​രി​ക​ളും അപകട മേഖല​യിൽ, കൊല്ല​പ്പെ​ടു​ന്ന​തി​ന്റെ അപകട​ത്തിൽ ആയിരി​ക്കു​ക​യി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. ഓ, അവർ ഒരു ഭൂമി​ശാ​സ്‌ത്ര​പ​ര​മായ സ്ഥാന​ത്തേക്കു പലായനം ചെയ്യില്ല. യെരു​ശ​ലേ​മി​ലാ​യി​രുന്ന ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾക്ക്‌ ആ നഗരത്തിൽനി​ന്നു ജോർദാന്‌ അപ്പുറ​ത്തുള്ള പെല്ലാ പോലുള്ള പർവത​പ്ര​ദേ​ശ​ങ്ങ​ളി​ലേക്കു പലായനം ചെയ്യാൻ കഴിഞ്ഞു. എന്നാൽ ഭാവി​യിൽ, ദൈവ​ത്തി​ന്റെ വിശ്വസ്‌ത സാക്ഷികൾ ഗോള​ത്തി​ലു​ട​നീ​ളം വസിക്കു​ന്ന​താ​യി​രി​ക്കും, അതു​കൊ​ണ്ടു സുരക്ഷി​ത​ത്വ​വും സംരക്ഷ​ണ​വും ഭൂമി​ശാ​സ്‌ത്ര​പ​ര​മായ സ്ഥാനത്ത്‌ അധിഷ്‌ഠി​ത​മാ​യി​രി​ക്കില്ല.

21. അന്തിമ യുദ്ധത്തിൽ ആർ പോരാ​ട്ടം നടത്തും, എന്തു ഫലത്തോ​ടെ?

²¹ റോമൻ സൈന്യ​ത്താ​ലോ മറ്റേ​തൊ​രു മാനുഷ സംഘട​ന​യാ​ലോ ആയിരി​ക്കില്ല ആ നാശം. പകരം, വെളി​പ്പാ​ടു പുസ്‌തകം വധാധി​കൃത സൈന്യ​ങ്ങളെ സ്വർഗ​ത്തിൽനി​ന്നു​ള്ള​വ​യാ​യി വിവരി​ക്കു​ന്നു. അതേ, ഏതെങ്കി​ലും മാനുഷ സൈന്യ​മാ​യി​രി​ക്കില്ല, മറിച്ച്‌, പുനരു​ത്ഥാ​നം​പ്രാ​പിച്ച അഭിഷിക്ത ക്രിസ്‌ത്യാ​നി​കൾ ഉൾപ്പെ​ടെ​യുള്ള “സ്വർഗ്ഗ​ത്തി​ലെ സൈന്യ”ത്തിന്റെ സഹായ​ത്തോ​ടെ “ദൈവ​വ​ചനം” എന്ന രാജാ​വായ യേശു​ക്രി​സ്‌തു ആയിരി​ക്കും മഹോ​പ​ദ്ര​വ​ത്തി​ന്റെ ആ അന്തിമ​ഭാ​ഗം നിർവ​ഹി​ക്കു​ന്നത്‌. “കർത്താ​ധി​കർത്താ​വും രാജാ​ധി​രാ​ജാ​വു”മായവൻ പൊ.യു. 70-ൽ റോമാ​ക്കാർ ചെയ്‌ത​തി​നെ​ക്കാൾ വളരെ​യേറെ സമ്പൂർണ​മായ ഒരു വധനിർവ​ഹണം നടത്തും. അത്‌ ദൈവ​ത്തി​ന്റെ സകല മാനുഷ ശത്രു​ക്ക​ളെ​യും—രാജാ​ക്കൻമാർ, സൈനിക മേധാ​വി​കൾ, സ്വത​ന്ത്ര​രും അടിമ​ക​ളും, ചെറി​യ​വ​രും വലിയ​വ​രും—നീക്കം ചെയ്യും. സാത്താന്റെ ലോക​ത്തി​ലെ മാനുഷ സ്ഥാപന​ങ്ങൾപോ​ലും അവയുടെ അന്ത്യം അനുഭ​വി​ക്കും.—വെളി​പ്പാ​ടു 2:26, 27; 17:14; 19:11-21; 1 യോഹ​ന്നാൻ 5:19.

22. ഏതു കൂടു​ത​ലായ അർഥത്തിൽ “ജഡം” രക്ഷിക്ക​പ്പെ​ടും?

²² ഉപദ്ര​വ​ത്തി​ന്റെ ആദ്യഘ​ട്ട​ത്തിൽ മഹാബാ​ബി​ലോൻ വേഗത്തി​ലും പൂർണ​മാ​യും നിലം​പ​തി​ക്കു​മ്പോൾതന്നെ അഭിഷിക്ത ശേഷി​പ്പും മഹാപു​രു​ഷാ​ര​വു​മാ​കുന്ന “ജഡം” രക്ഷിക്ക​പ്പെ​ട്ടി​രി​ക്കു​മെന്ന്‌ ഓർമി​ക്കുക. സമാന​മാ​യി, ഉപദ്ര​വ​ത്തി​ന്റെ അന്തിമ​ഭാ​ഗത്ത്‌, യഹോ​വ​യു​ടെ പക്ഷത്തേക്കു പലായനം ചെയ്‌തി​രി​ക്കുന്ന “ജഡം” രക്ഷിക്ക​പ്പെ​ടും. പൊ.യു. 70-ലെ മത്സരി​ക​ളായ യഹൂദൻമാർക്കു​ണ്ടായ പരിണ​ത​ഫ​ല​വു​മാ​യി ഇത്‌ എത്ര വൈപ​രീ​ത്യ​ത്തി​ലാ​യി​രി​ക്കും!

23. അതിജീ​വി​ക്കുന്ന “ജഡ”ത്തിന്‌ എന്തിനാ​യി നോക്കി​പ്പാർത്തി​രി​ക്കാൻ കഴിയും?

²³ നിങ്ങളു​ടെ സ്വന്തം ഭാവി​യു​ടെ​യും നിങ്ങളു​ടെ പ്രിയ​പ്പെ​ട്ട​വ​രു​ടെ ഭാവി​യു​ടെ​യും സാധ്യ​ത​ക​ളെ​ക്കു​റി​ച്ചു ചിന്തി​ച്ചു​കൊണ്ട്‌, വെളി​പ്പാ​ടു 7:16, 17-ൽ വാഗ്‌ദാ​നം ചെയ്‌തി​രി​ക്കു​ന്നത്‌ എന്താ​ണെന്നു ശ്രദ്ധി​ക്കുക: “ഇനി അവർക്കു വിശക്ക​യില്ല ദാഹി​ക്ക​യു​മില്ല; വെയി​ലും യാതൊ​രു ചൂടും അവരുടെ മേൽ തട്ടുക​യു​മില്ല. സിംഹാ​സ​ന​ത്തി​ന്റെ മദ്ധ്യേ ഉള്ള കുഞ്ഞാടു അവരെ മേച്ചു ജീവജ​ല​ത്തി​ന്റെ ഉറവു​ക​ളി​ലേക്കു നടത്തു​ക​യും ദൈവം​താൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​ക​യും ചെയ്യും.” ഇതു തീർച്ച​യാ​യും വിസ്‌മ​യാ​വ​ഹ​മായ, നിലനിൽക്കുന്ന അർഥത്തി​ലുള്ള യഥാർഥ​മായ “രക്ഷിക്ക”പ്പെടലാണ്‌.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ യെരു​ശ​ലേ​മി​ന്റെ​മേ​ലുള്ള റോമൻ ആക്രമ​ണ​ത്തിന്‌ ഏതു രണ്ടു ഘട്ടങ്ങൾ ഉണ്ടായി​രു​ന്നു?

◻ മത്തായി 24:22-ൽ പരാമർശി​ച്ചി​രി​ക്കുന്ന “ജഡം” പൊ.യു. 70-ലെ 97,000 യഹൂദ അതിജീ​വകർ ആയിരി​ക്കാൻ സാധ്യ​ത​യി​ല്ലാ​ത്തത്‌ എന്തു​കൊണ്ട്‌?

◻ യെരു​ശ​ലേ​മി​ന്റെ ഉപദ്ര​വ​നാ​ളു​കൾ ചുരു​ക്ക​പ്പെ​ട്ടത്‌ എങ്ങനെ​യാ​യി​രു​ന്നു, അതു​കൊ​ണ്ടു “ജഡം” രക്ഷിക്ക​പ്പെ​ട്ട​തെ​ങ്ങനെ?

◻ ആഗതമാ​കുന്ന മഹോ​പ​ദ്ര​വ​ത്തിൽ ദിനങ്ങൾ എങ്ങനെ ചുരു​ക്ക​പ്പെ​ടു​ക​യും “ജഡം” രക്ഷിക്ക​പ്പെ​ടു​ക​യും ചെയ്യും?

[16-ാം പേജിലെ ചിത്രം]

വിപ്ലവാനന്തരം നിർമിച്ച യഹൂദ നാണയം. “വർഷം രണ്ട്‌” എന്നുള്ള എബ്രായ എഴുത്ത്‌, പൊ.യു. 67-നെ, അതായത്‌ അവരുടെ സ്വയം​ഭ​ര​ണ​ത്തി​ന്റെ രണ്ടാം വർഷത്തെ കുറി​ക്കു​ന്നു.

[ചിത്ര​ത്തി​ന്റെ കടപ്പാട്‌]

Pictorial Archive (Near Eastern History) Est.

[17-ാം പേജിലെ ചിത്രം]

പൊ.യു. 71-ൽ നിർമിച്ച റോമൻ നാണയം. ഇടത്ത്‌ ഒരു സായുധ റോമാ​ക്കാ​രൻ; വലത്ത്‌ വിലപി​ക്കുന്ന ഒരു യഹൂദ വനിത. “യൂഡിയ കാപ്‌റ്റ” എന്ന പദങ്ങൾ “പിടി​ക്ക​പ്പെട്ട യഹൂദ്യ” എന്ന്‌ അർഥമാ​ക്കു​ന്നു

[കടപ്പാട്‌]

Pictorial Archive (Near Eastern History) Est.