ദൈവ​സ​മാ​ധാന സന്ദേശ​വാ​ഹകർ സമ്മേളി​ക്കു​ന്നു

“ഞങ്ങൾ സംബന്ധി​ച്ചി​ട്ടുള്ള ഓരോ ഡിസ്‌ട്രി​ക്‌റ്റ്‌ കൺ​വെൻ​ഷ​നും ഞങ്ങളെ പരിപു​ഷ്ടി​പ്പെ​ടു​ത്തി​യി​രി​ക്കു​ന്നു. എന്നിരു​ന്നാ​ലും, ഈ വർഷ​ത്തേത്‌ അവർണ​നീ​യ​മായ ഒന്നായി​രു​ന്നു. അടുത്ത ദിവസത്തെ പരിപാ​ടി​കൾ ഞങ്ങളുടെ പ്രതീ​ക്ഷ​കളെ കടത്തി​വെ​ട്ടു​ന്നത്‌ എങ്ങനെ​യാ​യി​രി​ക്കു​മെന്നു ചിന്തി​ച്ചു​കൊ​ണ്ടാ​യി​രു​ന്നു ഞങ്ങൾ ഓരോ ദിവസ​വും കൺ​വെൻ​ഷൻ സ്ഥലത്തു​നി​ന്നു പോന്നത്‌, ഞങ്ങൾ നിരാ​ശ​രാ​യില്ല!” എന്ന്‌ ഐക്യ​നാ​ടു​ക​ളി​ലെ ഒരു ക്രിസ്‌തീയ മൂപ്പൻ പറയുന്നു.

“ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളി​ലൊ​ന്നിൽ നിങ്ങൾ സംബന്ധി​ച്ചു​വെ​ങ്കിൽ, ഉത്സാഹ​വാ​നായ ആ പ്രതി​നി​ധി പറഞ്ഞതി​നോ​ടു നിങ്ങൾ യോജി​ക്കു​മെ​ന്ന​തി​നു സംശയ​മില്ല. ദൈവ​ത്തി​ന്റെ സന്ദേശ​വാ​ഹകർ എന്നനി​ല​യിൽ യഹോ​വ​യു​ടെ സാക്ഷികൾ നിറ​വേ​റ്റുന്ന നിയോ​ഗ​ത്തി​ന്റെ വ്യത്യ​സ്‌ത​മായ ഒരു വശത്തു ശ്രദ്ധ കേന്ദ്രീ​ക​രി​ക്കു​ന്ന​താ​യി​രു​ന്നു കൺ​വെൻ​ഷന്റെ ഓരോ ദിവസ​വും. നമുക്ക്‌ ആ ത്രിദിന പരിപാ​ടി പുനര​വ​ലോ​കനം ചെയ്യാം.

‘സമാധാ​നം പ്രഘോ​ഷി​ക്കു​ന്നവൻ . . . എത്ര മനോ​ഹരം’

കൺ​വെൻ​ഷന്റെ ആദ്യ ദിവസത്തെ വിഷയ​മാ​യി​രുന്ന അത്‌ യെശയ്യാ​വു 52:7-നെ [NW] അധിക​രി​ച്ചു​ള്ള​താ​യി​രു​ന്നു. ഈ ദുഷ്‌കര നാളു​ക​ളിൽ പലരും യഹോ​വയെ സേവി​ക്കു​ന്നതു വെല്ലു​വി​ളി നിറഞ്ഞ സാഹച​ര്യ​ങ്ങ​ളി​ലാണ്‌. “തീക്ഷ്‌ണ​ത​യുള്ള സമാധാന പ്രഘോ​ഷ​ക​രിൽനി​ന്നു കേൾക്കൽ” എന്ന പ്രസം​ഗ​ത്തിൽ വിശ്വ​സ്‌ത​രായ ചിലരു​മാ​യുള്ള അഭിമു​ഖ​ങ്ങ​ളു​ണ്ടാ​യി​രു​ന്നു. അവർ പറയു​ന്നതു ശ്രവി​ക്കു​ന്നത്‌ തീർച്ച​യാ​യും പ്രോ​ത്സാ​ഹ​ജ​ന​ക​മാ​യി​രു​ന്നു. സഹിച്ചു​നിൽക്കാ​നുള്ള “അത്യന്ത​ശക്തി” നൽകി​ക്കൊ​ണ്ടു​പോ​ലും യഹോ​വ​യ്‌ക്കു തങ്ങളെ​യും ബലപ്പെ​ടു​ത്താ​നാ​കു​മെന്നു സമ്മേളി​തർക്ക്‌ അങ്ങനെ ബോധ്യം വന്നു.—2 കൊരി​ന്ത്യർ 4:7.

യഹോ​വ​യു​ടെ വ്യവസ്ഥകൾ ഭാരമു​ള്ള​വയല്ല. (1 യോഹ​ന്നാൻ 5:3) രാവി​ലത്തെ പരിപാ​ടി​യു​ടെ അവസാ​നത്തെ പ്രസം​ഗ​ത്തിൽ അതു വ്യക്തമാ​ക്കു​ക​യു​ണ്ടാ​യി. ആ പരിപാ​ടി പാരമ്യ​ത്തി​ലെ​ത്തി​യത്‌ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ശീർഷ​ക​ത്തി​ലുള്ള 32-പേജ്‌ ലഘുപ​ത്രിക പ്രകാ​ശനം ചെയ്‌തു​കൊ​ണ്ടാണ്‌. മനോ​ഹ​ര​മായ ചിത്ര​ങ്ങ​ളോ​ടു​കൂ​ടിയ ഈ പുതിയ പഠനസ​ഹാ​യി, ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു പഠിക്കാൻ കൂടുതൽ ആളുകളെ സഹായി​ക്കു​ന്ന​തിൽ ഒരു സുപ്ര​ധാന പങ്കുവ​ഹി​ക്കു​മെന്ന കാര്യ​ത്തിൽ യാതൊ​രു സംശയ​വു​മില്ല. ഈ പുതിയ പ്രസി​ദ്ധീ​ക​ര​ണ​ത്തി​ന്റെ ഉപയോ​ഗം സംബന്ധി​ച്ചുള്ള അഭി​പ്രാ​യങ്ങൾ, ഈ മാസി​ക​യു​ടെ അവസാ​നത്തെ അധ്യയ​ന​ലേ​ഖ​ന​ത്തിൽ, അതായത്‌ 16-ഉം 17-ഉം പേജു​ക​ളിൽ, കാണാം.

നമ്മുടെ പീഡാ​നു​ഭ​വ​ങ്ങ​ളെ​ക്കു​റിച്ച്‌ യഹോവ ശരി ക്കും ബോധ​വാ​നാ​ണെ​ന്ന​തിന്‌ അടിവ​ര​യി​ട്ടു “വിശിഷ്ട വേലയിൽ സഹിച്ചു​നിൽക്കൽ” എന്ന പ്രസംഗം. സഹിച്ചു​നിൽക്കുക എന്നതിന്റെ അർഥം പ്രത്യാശ കൈ​വെ​ടി​യാ​തെ ഉറച്ചു​നിൽക്കുക എന്നാണ്‌. നമ്മെ സഹായി​ക്കു​ന്ന​തിന്‌ യഹോവ തന്റെ വചനവും ആത്മാവും സ്ഥാപന​വും നൽകി​യി​രി​ക്കു​ന്നു. പ്രസം​ഗ​വേ​ല​യ്‌ക്കു സഹിഷ്‌ണുത ആവശ്യ​മാണ്‌. എന്നാൽ, സഹിച്ചു​നിൽക്കാൻ പ്രസം​ഗ​വേല നമ്മെ സഹായി​ക്കു​ന്നു. കാരണം അതു നമ്മുടെ വിശ്വാ​സത്തെ സജീവ​മാ​ക്കി നിർത്തു​ന്നു. നാം ലക്ഷ്യ​ത്തോ​ടു വളരെ അടുത്തി​രി​ക്കു​ന്ന​തി​നാൽ, നമ്മുടെ പ്രശ്‌നങ്ങൾ ഉത്സാഹ​ത്തി​നു മാന്ദ്യം വരുത്താൻ അനുവ​ദി​ക്ക​രുത്‌. കാരണം അവസാ​ന​ത്തോ​ളം സഹിച്ചു​നിൽക്കു​ന്ന​വരേ രക്ഷ പ്രാപി​ക്കു​ക​യു​ള്ളൂ.—മത്തായി 24:13.

മുഖ്യ​വി​ഷ​യ​പ്ര​സം​ഗ​മായ “ദൈവ​സ​മാ​ധാന സന്ദേശ​വാ​ഹകർ എന്ന നിലയി​ലുള്ള നമ്മുടെ പങ്ക്‌,” പ്രവാ​സി​ക​ളായ യഹൂദർ ബാബി​ലോ​നിൽനി​ന്നു വിടു​വി​ക്ക​പ്പെ​ട്ട​തി​ലേ​ക്കും പൊ.യു.മു. (പൊതു​യു​ഗ​ത്തി​നു​മുമ്പ്‌) 537-ൽ യെരൂ​ശ​ലേ​മിൽ നിർമ​ലാ​രാ​ധന പുനഃ​സ്ഥി​തീ​ക​രി​ച്ച​തി​ലേ​ക്കും ശ്രദ്ധ ക്ഷണിച്ചു. ലോക​വ്യാ​പ​ക​മായ ഒരളവിൽ ദൈവ​രാ​ജ്യം നിവർത്തി​ക്കാൻ പോകു​ന്ന​തി​ന്റെ ഒരു പൂർവ​ദർശ​ന​മാ​യി​രു​ന്നു ആ സംഭവ​മെന്നു പ്രസം​ഗകൻ വിശദീ​ക​രി​ച്ചു. (സങ്കീർത്തനം 72:7; യെശയ്യാ​വു 9:7) ആ രാജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കു​ക​യും ആ സന്ദേശ​ത്തി​നു ചേർച്ച​യിൽ ജീവി​ക്കു​ക​യും ചെയ്യുക എന്നതാണ്‌ നമ്മുടെ ഇപ്പോ​ഴത്തെ നിയമനം. മടുത്തു​പോ​കാ​തെ ഈ വേലയിൽ തുടരാൻ ദൈവ​ത്തോ​ടും അയൽക്കാ​ര​നോ​ടു​മുള്ള സ്‌നേഹം നമ്മെ പ്രചോ​ദി​പ്പി​ക്കേ​ണ്ട​താണ്‌.—പ്രവൃ​ത്തി​കൾ 5:42.

വെള്ളി​യാ​ഴ്‌ച​ത്തെ പരിപാ​ടി​യു​ടെ ഒരു സവി​ശേഷത “വിനോ​ദ​ത്തി​ന്റെ മറഞ്ഞി​രി​ക്കുന്ന കെണി​കളെ സൂക്ഷി​ക്കുക” എന്ന സിമ്പോ​സി​യ​മാ​യി​രു​ന്നു. ഇന്നത്തെ സംഗീതം, ചലച്ചി​ത്രങ്ങൾ, വീഡി​യോ​കൾ, ടെലി​വി​ഷൻ പരിപാ​ടി​കൾ, വീഡി​യോ കളികൾ, പുസ്‌ത​കങ്ങൾ, മാസി​കകൾ, ഫലിതങ്ങൾ തുടങ്ങി​യവ പൈശാ​ചിക ചിന്ത​യെ​യാ​ണു മിക്ക​പ്പോ​ഴും പ്രതി​ഫ​ലി​പ്പി​ക്കു​ന്നത്‌. അതു​കൊണ്ട്‌, നാം “ദുഷ്ടമാ​യ​തി​നെ വെറുക്കു”കയും “നല്ലതി​നോ​ടു പറ്റിനിൽക്കു”കയും ചെയ്യേ​ണ്ട​തുണ്ട്‌. (റോമർ 12:9, NW) അതേ, ദുഷിച്ച വിനോ​ദത്തെ നാം വെറു​പ്പു​ള​വാ​ക്കു​ന്ന​താ​യി കണക്കാക്കി അതിൽനിന്ന്‌ ഒഴിഞ്ഞു​മാ​റേ​ണ്ട​തുണ്ട്‌. അതേസ​മയം, നിർമ​ല​വും രമ്യവും സ്‌തു​ത്യർഹ​വു​മായ കാര്യ​ങ്ങ​ളെ​ക്കു​റി​ച്ചു ചിന്തി​ക്കു​ക​യും വേണം. (ഫിലി​പ്പി​യർ 4:8) യഹോ​വ​യു​ടെ സ്ഥാപനം പ്രദാനം ചെയ്യുന്ന പ്രസി​ദ്ധീ​ക​ര​ണ​ങ്ങ​ളും ഗവേഷ​ണോ​പാ​ധി​ക​ളും പരിപു​ഷ്ടി​പ്പെ​ടു​ത്തുന്ന ചിന്തകൾകൊ​ണ്ടു നമ്മുടെ മനസ്സിനെ പ്രചോ​ദി​പ്പി​ക്കു​ക​യും ശരിയും തെറ്റും തിരി​ച്ച​റി​യാൻ നമ്മെ പരിശീ​ലി​പ്പി​ക്കു​ക​യും ചെയ്യുന്നു. (എബ്രായർ 5:14) ഇരമ്പി​മ​റി​യുന്ന സമു​ദ്ര​ത്തി​ലെ ചങ്ങാടത്തെ മുറുകെ പിടി​ക്കു​ന്ന​തു​പോ​ലെ ഈ കരുത​ലു​കളെ നാം മുറുകെ പിടി​ക്കും.

അടുത്തത്‌, “പിശാ​ചി​നെ എതിർക്കുക—കിടമ​ത്സരം വെച്ചു​പൊ​റു​പ്പി​ക്കാ​തി​രി​ക്കുക” എന്ന പ്രസം​ഗ​മാ​യി​രു​ന്നു. വാഗ്‌ദ​ത്ത​ദേ​ശത്തു പ്രവേ​ശി​ക്കു​ന്ന​തി​നു തൊട്ടു​മുമ്പ്‌ ആയിര​ക്ക​ണ​ക്കിന്‌ ഇസ്രാ​യേ​ല്യർ അധാർമി​ക​ത​യു​ടെ കെണി​യി​ല​ക​പ്പെട്ടു. സത്യാ​രാ​ധ​ന​യു​ടെ നേർക്കുള്ള കിടമ​ത്സ​രത്തെ ഫീനെ​ഹാസ്‌ വെച്ചു​പൊ​റു​പ്പി​ച്ചില്ല. ദുഷ്‌പ്ര​വൃ​ത്തി​ക്കാർക്കെ​തി​രെ അവൻ നിർണാ​യക നടപടി സ്വീക​രി​ച്ചു. അവന്റെ അനന്യ​ഭക്തി യഹോ​വയെ പ്രസാ​ദി​പ്പി​ക്കു​ക​യും ചെയ്‌തു. (സംഖ്യാ​പു​സ്‌തകം 25: 1-13) സാത്താന്റെ ലക്ഷ്യം, ദൈവ​ത്തി​ന്റെ പുതിയ ലോക​ത്തിൽ പ്രവേ​ശി​ക്കു​ന്ന​തിൽനി​ന്നു നമ്മെ ഓരോ​രു​ത്ത​രെ​യും അയോ​ഗ്യ​രാ​ക്കുക എന്നതാണ്‌. അതു​കൊണ്ട്‌ നാം ഫീനെ​ഹാ​സി​നെ​പ്പോ​ലെ, നമ്മെ ദുഷി​പ്പി​ക്കാ​നുള്ള സാത്താന്റെ ശ്രമങ്ങളെ ചെറു​ത്തു​നിൽക്കേ​ണ്ട​തുണ്ട്‌. വിവാ​ഹി​ത​രാ​ണെ​ങ്കി​ലും ഏകാകി​ക​ളാ​ണെ​ങ്കി​ലും, നാം ‘ദുർന്ന​ടപ്പു വിട്ടു ഓടേണ്ട’തുണ്ട്‌.—1 കൊരി​ന്ത്യർ 6:18.

“ദൈവ​വ​ച​ന​ത്തി​ന്റെ നിർമലത വിശ്വ​സ്‌ത​മാ​യി ഉയർത്തി​പ്പി​ടി​ക്കൽ” എന്നതാ​യി​രു​ന്നു കൺ​വെൻ​ഷന്റെ ആദ്യ ദിവസത്തെ സമാപ​ന​പ്ര​സം​ഗം. പല പരിഭാ​ഷ​ക​രും തിരു​വെ​ഴു​ത്തു​ഭാ​ഗ​ങ്ങൾക്കു ഭേദഗതി വരുത്തു​ക​യോ അവ നീക്കി​ക്ക​ള​യു​ക​യോ ചെയ്യുന്നു. ഉദാഹ​ര​ണ​ത്തിന്‌, സ്‌ത്രീ​ക​ളു​ടെ അവകാ​ശ​ങ്ങൾക്കു വേണ്ടി വാദി​ക്കു​ന്ന​വരെ പ്രീതി​പ്പെ​ടു​ത്തു​ന്ന​തിന്‌ ദ ന്യൂ ടെസ്റ്റ​മെൻറ്‌ ആൻഡ്‌ സാംസ്‌: ആൻ ഇൻക്ലൂ​സീവ്‌ വേർഷന്റെ പരിഭാ​ഷകർ ദൈവത്തെ പരാമർശി​ക്കു​ന്നത്‌ പിതാവ്‌ എന്നല്ല, പിന്നെ​യോ മാതാ-പിതാവ്‌ എന്നാണ്‌. യേശു​വി​നെ പരാമർശി​ക്കു​ന്നത്‌ “മനുഷ്യ​പു​ത്രൻ” എന്നല്ല, പിന്നെ​യോ “മനുഷ്യ​വ്യ​ക്തി” എന്നാണ്‌. അതിൽനി​ന്നു വ്യത്യ​സ്‌ത​മാ​യി, പുതി​യ​ലോക ഭാഷാ​ന്തരം (ഇംഗ്ലീഷ്‌) മൂലഭാ​ഷ​യി​ലെ പാഠ​ത്തോട്‌ വളരെ വിശ്വ​സ്‌ത​മാ​യി പറ്റിനിൽക്കു​ന്നു. അതു​കൊണ്ട്‌, തിരു​വെ​ഴു​ത്തു​പ​ര​മായ പല കാര്യങ്ങൾ സംബന്ധി​ച്ചു​മുള്ള നമ്മുടെ ചിന്തയെ വ്യക്തമാ​ക്കാൻ അത്‌ ഉതകി​യി​രി​ക്കു​ന്നു. ഉദാഹ​ര​ണ​ത്തിന്‌, പ്രസം​ഗകൻ ഇങ്ങനെ പറഞ്ഞു: “ഒന്നാം നൂറ്റാ​ണ്ടിൽ ക്രിസ്‌തീയ സഭ വെച്ച മാതൃ​ക​യോട്‌ അടുത്തു പറ്റിനി​ന്നു​കൊണ്ട്‌ . . . മൂപ്പന്മാ​രു​ടെ സംഘങ്ങളെ നിയമി​ക്കു​ക​വഴി സഭകൾ പുനഃ​സം​ഘ​ടി​പ്പി​ക്കു​ന്ന​തി​നു നമുക്ക്‌ അടിസ്ഥാ​നം പ്രദാനം ചെയ്‌തതു പുതി​യ​ലോക ഭാഷാ​ന്ത​ര​ത്തി​ലെ കൃത്യ​മായ പരിഭാ​ഷ​ക​ളാ​യി​രു​ന്നു.” ദൈവ​വ​ചനം ദിനം​പ്രതി വായി​ച്ചു​കൊ​ണ്ടും അതിലെ ബുദ്ധ്യു​പ​ദേശം ബാധക​മാ​ക്കി​ക്കൊ​ണ്ടും അതി​നോ​ടുള്ള നമ്മുടെ വിശ്വ​സ്‌തത നാം പ്രകടി​പ്പി​ക്കു​ന്നു. പ്രസം​ഗകൻ ഇങ്ങനെ​യും പറഞ്ഞു: “ദൈവ​വ​ചനം ഉത്സാഹ​പൂർവം മറ്റുള്ള​വ​രോ​ടു പ്രസം​ഗി​ച്ചു​കൊ​ണ്ടും അതു പറയു​ന്നതു വളച്ചൊ​ടി​ച്ചു​കൊ​ണ്ടോ വലിച്ചു​നീ​ട്ടി​ക്കൊ​ണ്ടോ നമ്മുടെ ആശയങ്ങ​ളു​മാ​യി അതിനെ ഇണക്കാൻ ശ്രമി​ക്കാ​തെ മറ്റുള്ള​വരെ പഠിപ്പി​ക്കാൻ അതു ശ്രദ്ധാ​പൂർവം ഉപയോ​ഗി​ച്ചു​കൊ​ണ്ടും നാം ദൈവ​വ​ച​ന​ത്തി​ന്റെ വിശ്വസ്‌ത വക്താക്ക​ളെന്നു പ്രകട​മാ​ക്കു​ന്നു.”

‘ദൈവ​സ​മാ​ധാ​നം എല്ലാ ചിന്തക​ളെ​യും കവിയു​ന്നു’

ഫിലി​പ്പി​യർ 4:7-നെ [NW] അധിക​രി​ച്ചുള്ള ഈ വിഷയം, കൺ​വെൻ​ഷന്റെ രണ്ടാം ദിവസ​ത്തി​നു കളമൊ​രു​ക്കി. അവതരി​പ്പിച്ച വിവര​ങ്ങ​ളി​ല​ധി​ക​വും, ശുശ്രൂഷ, കുടും​ബം, സമർപ്പണം, അനുദിന ജീവി​ത​ത്തി​ലെ മറ്റു വശങ്ങൾ എന്നിവ സംബന്ധി​ച്ചുള്ള ഉചിത​മായ വീക്ഷണ​ത്തെ​ക്കു​റി​ച്ചു​ള്ള​താ​യി​രു​ന്നു.

ദിനവാ​ക്യ ചർച്ചയ്‌ക്കു​ശേഷം, “സമാധാന സുവാർത്ത എത്തിക്കുന്ന സന്ദേശ​വാ​ഹകർ” എന്ന ശീർഷ​ക​ത്തി​ലുള്ള സിമ്പോ​സി​യം അവതരി​പ്പി​ച്ചു. നമ്മു​ടേത്‌ സമാധാന സന്ദേശ​മാണ്‌. അതു​കൊണ്ട്‌, സമാധാ​ന​പ​ര​മായ രീതി​യിൽ അത്‌ അവതരി​പ്പി​ക്കേ​ണ്ട​തുണ്ട്‌. (എഫെസ്യർ 6:15) നമ്മുടെ ലക്ഷ്യം തർക്കത്തിൽ ജയിക്കുക എന്നതല്ല, പിന്നെ​യോ ഹൃദയ​ങ്ങളെ നേടുക എന്നതാണ്‌. യഹോ​വ​യു​ടെ സ്ഥാപന​ത്തിൽനി​ന്നു നമുക്കു ലഭിക്കുന്ന പരിശീ​ല​ന​വും പ്രസി​ദ്ധീ​ക​ര​ണ​ങ്ങ​ളും അതുതന്നെ ചെയ്യാൻ നമ്മെ സഹായി​ക്കു​ന്നു. ഉദാസീ​ന​ത​യോ വിരക്തി​യോ നമ്മെ നിരു​ത്സാ​ഹ​പ്പെ​ടു​ത്താൻ നാം അനുവ​ദി​ക്ക​രുത്‌. മറിച്ച്‌, വ്യക്തി​പ​ര​മായ പഠനം, യോഗ​ഹാ​ജർ, പ്രസം​ഗ​പ്ര​വർത്ത​ന​ത്തി​ലെ പങ്കുപറ്റൽ എന്നിവ​യു​ടെ ആരോ​ഗ്യാ​വ​ഹ​മായ ഒരു ദിനചര്യ ഉണ്ടായി​രു​ന്നു​കൊണ്ട്‌ നമ്മുടെ ‘പരമാ​വധി പ്രവർത്തി​ക്കു’ന്നതിൽ നാം തുട​രേ​ണ്ട​തുണ്ട്‌. (2 തിമൊ​ഥെ​യൊസ്‌ 2:15, NW) മറ്റുള്ള​വർക്ക്‌, പ്രത്യേ​കി​ച്ചും വിശ്വാ​സ​ത്തിൽ നമ്മോടു ബന്ധപ്പെ​ട്ടി​രി​ക്കു​ന്ന​വർക്ക്‌ നന്മ ചെയ്യുന്ന കാര്യം നാം അവഗണി​ക്ക​രുത്‌. (ഗലാത്യർ 6:10) തീർച്ച​യാ​യും, പരമാ​വധി ചെയ്യണം എന്നതി​നർഥം തളർന്നു​പോ​കു​ന്ന​തു​വരെ പ്രവർത്തി​ക്ക​ണ​മെന്നല്ല. സ്വന്തം പ്രാപ്‌തി​യും സാഹച​ര്യ​ങ്ങ​ളു​മ​നു​സ​രിച്ച്‌ ഓരോ വ്യക്തി​ക്കും ചെയ്യാൻ കഴിയു​ന്നത്‌ യഹോ​വ​യ്‌ക്കു സ്വീകാ​ര്യ​മാണ്‌.

രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കു​ന്ന​തി​നു ദൈവ​ജനം തങ്ങളുടെ സമയവും ഊർജ​വും വിഭവ​ങ്ങ​ളും കൊടു​ക്കു​ന്നു. ചെമ്മരി​യാ​ടു​തു​ല്യ​രായ കൂടുതൽ ആളുകൾ രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​ന്ന​തി​നാൽ കൂടു​ത​ലായ സജ്ജീക​ര​ണ​ങ്ങ​ളു​ടെ​യും യോഗ​സ്ഥ​ല​ങ്ങ​ളു​ടെ​യും ബ്രാഞ്ച്‌ സൗകര്യ​ങ്ങ​ളു​ടെ​യും ആവശ്യ​മു​ണ്ടെന്ന്‌ “യഹോ​വ​യു​ടെ സ്ഥാപന​ത്തി​നു​ള്ളി​ലെ സന്തോ​ഷ​ക​ര​മായ കൊടു​ക്കൽ” എന്ന പ്രസംഗം വ്യക്തമാ​ക്കി. ലോക​വ്യാ​പക പ്രസം​ഗ​പ്ര​വർത്ത​ന​ത്തിന്‌ ആവശ്യ​മാ​യ​തെ​ല്ലാം കരുതു​ന്ന​തി​നു നമ്മുടെ സംഭാ​വ​നകൾ സ്ഥാപനത്തെ പ്രാപ്‌ത​മാ​ക്കു​ന്നു. ഉദാര​മായ കൊടു​ക്കൽ യഹോ​വയെ മാനി​ക്കുക മാത്രമല്ല, ദാതാ​വി​നു സന്തോഷം കൈവ​രു​ത്തു​ക​യും ചെയ്യുന്നു. അതു​കൊണ്ട്‌, ക്രിസ്‌ത്യാ​നി​ക​ളെ​ന്ന​നി​ല​യിൽ നാം ആരാധ​ന​യു​ടെ ഈ മുഖ്യ​വശം അവഗണി​ക്കാൻ പാടില്ല.—2 കൊരി​ന്ത്യർ 8:1-7.

രാവി​ല​ത്തെ സെഷന്റെ സമാപനം സ്‌നാ​പ​ന​പ്ര​സം​ഗ​ത്തോ​ടെ​യാ​യി​രു​ന്നു—എപ്പോ​ഴും യഹോ​വ​യു​ടെ സാക്ഷി​ക​ളു​ടെ വലിയ കൂടി​വ​ര​വി​ലെ ഒരു മുന്തിയ സവി​ശേ​ഷ​ത​യാ​ണത്‌. ജലസ്‌നാ​പ​ന​മേ​റ്റു​കൊ​ണ്ടു പുതു​താ​യി സമർപ്പി​ച്ചവർ യേശു​വി​ന്റെ കാലടി​കൾ പിൻപ​റ്റു​ന്നതു കാണുക എന്തൊരു സന്തോ​ഷ​മാണ്‌! (മത്തായി 3:13-17) ഈ പടി സ്വീക​രി​ക്കുന്ന എല്ലാവ​രും ഏറ്റവും മഹത്തായ ജ്ഞാനത്തി​ന്റെ ഉറവി​ട​മായ ബൈബി​ളിൽനിന്ന്‌ അറിവു നേടി​യി​ട്ടു​ള്ള​വ​രാണ്‌. മാത്രമല്ല, അവർ ജീവി​ത​ത്തിൽ യഥാർഥ ഉദ്ദേശ്യം കണ്ടെത്തി​യി​രി​ക്കു​ന്നു. ശരിയാ​യതു ചെയ്യുന്നു എന്ന അറിവിൽനി​ന്നു വരുന്ന സമാധാ​ന​ത്താ​ലും അനുഗൃ​ഹീ​ത​രാണ്‌ അവർ.—സഭാ​പ്ര​സം​ഗി 12:13.

“വിവേകം നിങ്ങളെ കാത്തു​ര​ക്ഷി​ക്കട്ടെ” എന്ന പ്രസം​ഗ​ത്തി​ലൂ​ടെ സ്‌പഷ്ട​മായ ബുദ്ധ്യു​പ​ദേശം ലഭിച്ചു. ബിസി​നസ്‌ ഇടപാ​ടു​ക​ളിൽ വിവേ​ക​മു​ണ്ടാ​യി​രി​ക്കു​ന്നതു വളരെ പ്രധാ​ന​മാണ്‌. രാജ്യ​ഹാ​ളിൽ വ്യക്തി​പ​ര​മായ ബിസി​നസ്‌ കാര്യ​ങ്ങ​ളിൽ നാം ഏർപ്പെ​ട​രുത്‌. സാമ്പത്തിക നേട്ടത്തി​നു വേണ്ടി നാം സഹവി​ശ്വാ​സി​കളെ ചൂഷണം ചെയ്യു​ക​യു​മ​രുത്‌. (യോഹ​ന്നാൻ 2:15, 16 താരത​മ്യം ചെയ്യുക.) ബിസി​നസ്‌ കാര്യ​ങ്ങൾക്കാ​യി പണം മുടക്കു​മ്പോൾ അല്ലെങ്കിൽ പണം കടം വാങ്ങു​ക​യോ കൊടു​ക്കു​ക​യോ ചെയ്യു​മ്പോൾ വിവേകം അനിവാ​ര്യ​മാണ്‌. “പണമു​ണ്ടാ​ക്കുന്ന അപകട​ക​ര​മായ സംരം​ഭ​ങ്ങ​ളിൽ ധൃതഗ​തി​യിൽ പ്രവേ​ശിച്ച ചിലർ നിരാ​ശ​രാ​യി​ത്തീ​രു​ന്ന​തി​നും അവരുടെ ആത്മീയത നഷ്ടമാ​കു​ന്ന​തി​നും ക്രിസ്‌ത്യാ​നി​ക​ളു​ടെ ഇടയിലെ ബിസി​നസ്‌ സംരം​ഭ​ങ്ങ​ളു​ടെ പരാജയം കാരണ​മാ​യി​ട്ടുണ്ട്‌” എന്നു പ്രസം​ഗകൻ അഭി​പ്രാ​യ​പ്പെട്ടു. ക്രിസ്‌ത്യാ​നി​കൾ പരസ്‌പരം ബിസി​ന​സിൽ ഏർപ്പെ​ടു​ന്നത്‌ തെറ്റ​ല്ലെ​ങ്കി​ലും, സൂക്ഷ്‌മത പുലർത്തു​ന്നതു തീർച്ച​യാ​യും ജ്ഞാനമാണ്‌. രണ്ടു കക്ഷികൾ ഒരു ബിസി​നസ്‌ ഉടമ്പടി​യിൽ ഏർപ്പെ​ടു​മ്പോൾ അതിന്റെ വ്യവസ്ഥകൾ എഴുതി​വെ​ക്കേ​ണ്ട​തുണ്ട്‌.

പുരു​ഷ​ന്മാർക്കും സ്‌ത്രീ​കൾക്കു​മുള്ള ദൈവ​ത്തി​ന്റെ നിലവാ​ര​ത്തെ​ക്കു​റിച്ച്‌ “അവൻ അവരെ ആണും പെണ്ണു​മാ​യി സൃഷ്ടിച്ചു” എന്ന പ്രസംഗം ചർച്ച ചെയ്യു​ക​യു​ണ്ടാ​യി. ചരി​ത്ര​ത്തി​ലു​ട​നീ​ളം ഇരുലിം​ഗ​ത്തി​ലും പെട്ടവ​രു​ടെ ധർമങ്ങൾ വികല​മാ​ക്ക​പ്പെ​ട്ടി​ട്ടുണ്ട്‌. “തെറ്റായ വിധത്തിൽ പലരും പുരു​ഷ​ത്വ​ത്തെ ഉപമി​ക്കു​ന്നതു പരുക്കൻ മേധാ​വി​ത്വ​ത്തോ​ടും മുഷ്‌ക​ര​ത്വ​ത്തോ​ടും അല്ലെങ്കിൽ അതിരു​ക​വിഞ്ഞ ശക്തി​പ്ര​ഭാ​വ​ത്തോ​ടു​മാണ്‌. . . . ചില സംസ്‌കാ​ര​ങ്ങ​ളിൽ ഒരു പുരുഷൻ പരസ്യ​മാ​യി അല്ലെങ്കിൽ രഹസ്യ​മാ​യി പോലും വിലപി​ക്കു​ന്നത്‌ അപൂർവ​മോ ലജ്ജാകരം പോലു​മോ ആണ്‌. എന്നാൽ ജനാവലി ലാസറി​ന്റെ കല്ലറയ്‌ക്കു വെളി​യി​ലാ​യി​രു​ന്ന​പ്പോൾ ‘യേശു കണ്ണീർ വാർത്തു’ എന്നു യോഹ​ന്നാൻ 11:35 വിവരി​ക്കു​ന്നു’” എന്നു പ്രസം​ഗകൻ പറഞ്ഞു. സ്‌ത്രീ​ക​ളു​ടെ കാര്യ​മോ? സ്‌ത്രീ​ത്വ​ത്തെ പലപ്പോ​ഴും തുലനം ചെയ്യു​ന്നതു ശാരീ​രിക സൗന്ദര്യ​ത്തോ​ടാണ്‌. എന്നാൽ പ്രസം​ഗകൻ ഇങ്ങനെ ചോദി​ച്ചു: “ഒരു സ്‌ത്രീ​ക്കു സൗന്ദര്യ​മു​ണ്ടെ​ങ്കി​ലും ന്യായ​ബോ​ധ​മി​ല്ലാ​തി​രി​ക്കു​ക​യും തർക്കി​ക്കു​ക​യും നിന്ദ​യോ​ടെ അല്ലെങ്കിൽ അഹങ്കാ​ര​ത്തോ​ടെ സംസാ​രി​ക്കു​ക​യും ചെയ്യു​ന്നെ​ങ്കിൽ, ആ വാക്കിന്റെ യഥാർഥ അർഥത്തിൽ സൗന്ദര്യ​വ​തി​യാ​യി​രി​ക്കാൻ, യഥാർഥ​ത്തിൽ സ്‌​ത്രൈണ സ്വഭാ​വ​മു​ള്ള​വ​ളാ​യി​രി​ക്കാൻ അവൾക്കു കഴിയു​മോ?” (സദൃശ​വാ​ക്യ​ങ്ങൾ 11:22; 31:26 താരത​മ്യം ചെയ്യുക.) സംസാ​ര​ത്തി​ലും നടത്തയി​ലും ചമയത്തി​ലും ക്രിസ്‌തീയ സ്‌ത്രീ​പു​രു​ഷ​ന്മാർ ബൈബിൾ നിലവാ​രങ്ങൾ പിൻപ​റ്റാൻ ഉദ്യമി​ക്കണം. പ്രസം​ഗകൻ ഇങ്ങനെ പറഞ്ഞു: “ആത്മാവി​ന്റെ ഫലം പ്രകട​മാ​ക്കുന്ന ഒരു പുരു​ഷനെ ആദരി​ക്കുക എളുപ്പ​മാണ്‌. അതു പ്രകട​മാ​ക്കുന്ന ഒരു സ്‌ത്രീ​യെ സ്‌നേ​ഹി​ക്കു​ന്ന​തും എളുപ്പ​മാണ്‌.”—ഗലാത്യർ 5:22, 23.

“സമാധാ​ന​ത്തി​ന്റെ ദൈവം നിങ്ങൾക്കാ​യി കരുതു​ന്നു” എന്ന സിമ്പോ​സി​യ​മാ​യി​രു​ന്നു അടുത്തത്‌. അനവധി ക്രിസ്‌ത്യാ​നി​കൾക്കും സാമ്പത്തിക ഉത്‌ക​ണ്‌ഠ​ക​ളുണ്ട്‌. എന്നിരു​ന്നാ​ലും, “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല” എന്നു യഹോവ വാഗ്‌ദാ​നം ചെയ്യുന്നു. (എബ്രായർ 13:5) സാമ്പത്തിക പരാധീ​ന​തകൾ ഉണ്ടായി​രു​ന്നി​ട്ടും, സഹായ പയനി​യ​റി​ങ്ങി​ലോ നിരന്തര പയനി​യ​റി​ങ്ങി​ലോ ഏർപ്പെ​ട്ടു​കൊ​ണ്ടു ചിലർ ഈ വാഗ്‌ദ​ത്ത​ത്തിൽ വിശ്വാ​സം പ്രകട​മാ​ക്കി​യി​രി​ക്കു​ന്നു. ഇപ്പോൾ പയനി​യ​റിങ്‌ നടത്താൻ കഴിയാത്ത മറ്റു ചിലർ സാക്ഷീ​ക​രി​ക്കാ​നുള്ള എല്ലാ അവസര​വും പ്രയോ​ജ​ന​പ്പെ​ടു​ത്തി​ക്കൊ​ണ്ടു രാജ്യ​താ​ത്‌പ​ര്യ​ങ്ങൾ ഒന്നാമതു വെക്കുന്നു. (മത്തായി 6:33) അത്തരം എല്ലാ ഉദ്യമ​ങ്ങ​ളും അനു​മോ​ദ​നാർഹ​മാണ്‌! നമ്മുടെ ശുശ്രൂ​ഷ​യിൽ നമ്മെ പിന്തു​ണ​യ്‌ക്കാ​നും നമ്മുടെ പ്രശ്‌നങ്ങൾ തരണം ചെയ്യാൻ നമ്മെ സഹായി​ക്കാ​നും യഹോ​വ​യു​ടെ സ്ഥാപനം അനേകം പ്രസി​ദ്ധീ​ക​ര​ണങ്ങൾ നൽകി​യി​രി​ക്കു​ന്നു. യഹോ​വ​യു​ടെ ആത്മീയ കരുത​ലു​ക​ളോട്‌ നാം വിലമ​തി​പ്പു പ്രകട​മാ​ക്കു​ന്നു​വെ​ങ്കിൽ, സാമ്പത്തി​ക​മാ​യി പ്രക്ഷു​ബ്ധ​മായ ഈ കാലങ്ങ​ളിൽ സമാധാ​നം നൽകി​ക്കൊണ്ട്‌ അവൻ നമ്മെ അനു​ഗ്ര​ഹി​ക്കും.—സങ്കീർത്തനം 29:11.

ആ ദിവസത്തെ അവസാന പ്രസംഗം, “കുടുംബ ജീവി​ത​ത്തിൽ ദൈവ​സ​മാ​ധാ​നം പിന്തു​ട​രു​വിൻ” എന്നതാ​യി​രു​ന്നു. അതിന്റെ ഒടുവിൽ, കുടും​ബ​സ​ന്തു​ഷ്ടി​യു​ടെ രഹസ്യം എന്ന പുതിയ പുസ്‌തകം ലഭിച്ച​തിൽ സമ്മേളി​തർ വളരെ സന്തോ​ഷി​ച്ചു. “വ്യക്തി​ഗ​ത​മാ​യും കുടുംബ കൂട്ടങ്ങ​ളാ​യും ഈ പുസ്‌തകം ഉത്സാഹ​പൂർവം പഠിക്കുക” എന്നു പ്രസം​ഗകൻ ഉദ്‌ബോ​ധി​പ്പി​ച്ചു. “ബൈബി​ള​ധി​ഷ്‌ഠിത ബുദ്ധ്യു​പ​ദേശം ബാധക​മാ​ക്കാൻ ആത്മാർഥ​മാ​യി ശ്രമി​ക്കുക, അപ്പോൾ നിങ്ങളു​ടെ കുടും​ബ​ത്തി​ന്റെ സമാധാ​ന​വും സന്തുഷ്ടി​യും വർധി​ക്കു​മെ​ന്നത്‌ ഉറപ്പാണ്‌.”

“സമാധാ​ന​ത്തി​ന്റെ ഏകീകരണ ബന്ധത്തിൽ . . . ഒരുമ ആചരി​ക്കു​വിൻ”

എഫെസ്യർ 4:3-ൽ [NW] അധിഷ്‌ഠി​ത​മായ ആ വിഷയം കൺ​വെൻ​ഷന്റെ സമാപന ദിവസ​ത്തി​നു യോജി​ച്ച​താ​യി​രു​ന്നു. ലോക​ത്തി​ലെ സകല ജനതക​ളിൽനി​ന്നും വന്നിരി​ക്കുന്ന യഹോ​വ​യു​ടെ സാക്ഷികൾ ദൈവ​ത്താൽ പഠിപ്പി​ക്ക​പ്പെ​ട്ടി​രി​ക്കു​ന്നു. അതു​കൊണ്ട്‌ അവർ സമാധാ​നത്തെ സ്‌നേ​ഹി​ക്കു​ന്നു. അവർ യേശു​വി​ന്റെ ദൃഷ്ടാന്തം പിൻപ​റ്റി​ക്കൊണ്ട്‌ “സമാധാ​ന​ത്തി​ന്റെ ഏകീകരണ ബന്ധത്തിൽ ആത്മാവി​ന്റെ ഒരുമ ആചരി​ക്കാൻ” പരി​ശ്ര​മി​ക്കു​ന്നു.

“ശരിയാ​യ​തരം സന്ദേശ​വാ​ഹ​കരെ തിരി​ച്ച​റി​യൽ” എന്ന സിമ്പോ​സി​യ​ത്തിൽ എടുത്തു​കാ​ണി​ച്ചത്‌ ദൈവ​സ്ഥാ​പ​ന​ത്തി​ലാ​കെ വ്യാപി​ച്ചി​രി​ക്കുന്ന സമാധാ​ന​ത്തെ​യാണ്‌. കള്ളപ്ര​വാ​ച​ക​ന്മാർ പുരാതന ഇസ്രാ​യേ​ലി​ലു​ണ്ടാ​യി​രു​ന്നു. എങ്കിലും, ദൈവ​ത്തി​ന്റെ യഥാർഥ സന്ദേശ​വാ​ഹകർ—യെശയ്യാവ്‌, യെഹെ​സ്‌കേൽ, യിരെ​മ്യാവ്‌ എന്നിങ്ങ​നെ​യുള്ള പ്രവാ​ച​ക​ന്മാർ—യെരൂ​ശ​ലേ​മി​ന്റെ വീഴ്‌ച​യും പ്രവാ​സ​കാ​ല​ഘ​ട്ട​വും ദൈവ​ജ​ന​ത്തി​ന്റെ സംഭവ​ബ​ഹു​ല​മായ വിമോ​ച​ന​വും കൃത്യ​മാ​യി മൂൻകൂ​ട്ടി​പ്പ​റഞ്ഞു. സമാന​മായ ഒരു അവസ്ഥയാണ്‌ ഇന്നും നിലവി​ലു​ള്ളത്‌. വ്യാജ​സ​ന്ദേ​ശ​വാ​ഹകർ രാഷ്‌ട്രീയ, വ്യാജമത മണ്ഡലങ്ങ​ളിൽ ധാരാ​ള​മുണ്ട്‌. എങ്കിലും, ഈ വ്യവസ്ഥി​തി​യെ​ക്കു​റി​ച്ചുള്ള തന്റെ ഉദ്ദേശ്യം പ്രഘോ​ഷി​ക്കാൻ യഹോവ തന്റെ സാക്ഷി​കളെ എഴു​ന്നേൽപ്പി​ച്ചി​രി​ക്കു​ന്നു. ദൈവ​ത്തി​ന്റെ സന്ദേശം പ്രഘോ​ഷി​ക്കാൻ, പ്രത്യേ​കി​ച്ചും 1919 മുതൽ, യഹോ​വ​യു​ടെ ദാസന്മാ​രെ ഉപയോ​ഗി​ച്ചു​പോ​രു​ന്നു. ക്രൈ​സ്‌ത​വ​ലോ​ക​ത്തി​ലെ വ്യാജ സന്ദേശ​വാ​ഹ​ക​രിൽനിന്ന്‌ അവർ എത്രയോ വ്യത്യ​സ്‌ത​രാണ്‌! പൂർത്തി​യാ​യി​രി​ക്കു​ന്നു എന്ന്‌ യഹോവ പറയു​ന്ന​തു​വരെ ഈ വേലയിൽ നമുക്കുള്ള പങ്ക്‌ ഉത്സാഹ​ത്തോ​ടെ നിറ​വേ​റ്റാം.

മാർഗ​നിർദേ​ശ​ത്തി​ന്റെ​യും ആശ്വാ​സ​ത്തി​ന്റെ​യും പ്രത്യാ​ശ​യു​ടെ​യും ഏറ്റവും വലിയ ഉറവിടം തിരു​വെ​ഴു​ത്തു​ക​ളാ​ണെ​ന്ന​തിന്‌ “ദൈവ​വ​ചനം ശ്രദ്ധി​ക്കു​ക​യും അനുസ​രി​ക്കു​ക​യും ചെയ്യുക” എന്ന പ്രസംഗം ഊന്നൽ കൊടു​ത്തു. (യെശയ്യാ​വു 30:20, 21; റോമർ 15:4) ഇന്നത്തെ ലോകം ഒന്നി​നൊന്ന്‌ അനുവാ​ദാ​ത്മ​ക​മാ​യി​ക്കൊ​ണ്ടി​രി​ക്കു​ന്നു. അതു​കൊണ്ട്‌, മുമ്പെ​ന്ന​ത്തെ​ക്കാ​ളു​മു​പരി, ദൈവ​വ​ച​ന​ത്തിൽനി​ന്നും അവന്റെ സ്ഥാപന​ത്തിൽനി​ന്നും വരുന്ന ബുദ്ധ്യു​പ​ദേ​ശ​ത്തി​നു നാം ശ്രദ്ധ കൊടു​ക്കേ​ണ്ട​തുണ്ട്‌. നമ്മുടെ ബലഹീ​ന​തകൾ അറിയാ​വുന്ന യഹോവ തന്റെ വചനത്തിൽ നമുക്കു പ്രയോ​ജനം ചെയ്യുന്ന പ്രവർത്ത​ന​ഗതി വ്യക്തമാ​യി നൽകി​യി​രി​ക്കു​ന്നു. യഹോവ നമ്മെ പിന്തു​ണ​യ്‌ക്കു​ന്നു എന്നറി​യു​ന്നത്‌, അവൻ നമ്മോട്‌ ആവശ്യ​പ്പെ​ടു​ന്ന​തെ​ന്തും ചെയ്‌തു​കൊ​ണ്ടു മുന്നേ​റാൻ നമുക്ക്‌ ആത്മവി​ശ്വാ​സം പകരുന്നു.

ഇത്‌ തുടർന്നു​വന്ന, പുരാതന വേഷവി​ധാ​ന​ത്തോ​ടെ​യുള്ള നാടക​ത്തിന്‌ വേദി​യൊ​രു​ക്കി. “ദിവ്യാ​ധി​പത്യ ക്രമീ​ക​ര​ണ​ങ്ങളെ ആദരി​ക്കേ​ണ്ടത്‌ എന്തു​കൊണ്ട്‌?” എന്നതാ​യി​രു​ന്നു അതിന്റെ അഭിധാ​നം. ഗിദെ​യോ​നെ​ക്കു​റി​ച്ചുള്ള ബൈബിൾ വിവരണം അടിസ്ഥാ​ന​മാ​യി ഉപയോ​ഗിച്ച ആ നാടകം ശക്തമായ ഒരു പാഠമാണ്‌ അവതരി​പ്പി​ച്ചത്‌—നാം ദൈവ​ത്തി​ന്റെ നിർദേ​ശങ്ങൾ പിൻപ​റ്റണം, അല്ലാതെ അതിന്റെ സ്ഥാനത്തു സ്വന്തം ചിന്താ​ഗതി പ്രതി​ഷ്‌ഠി​ക്കു​ക​യോ ദിവ്യാ​ധി​പത്യ ബുദ്ധ്യു​പ​ദേശം മറിക​ട​ക്കാൻ ശ്രമി​ക്കു​ക​യോ അല്ല വേണ്ടത്‌.

“ഒടുവിൽ യഥാർഥ സമാധാ​നം!—ഏത്‌ ഉറവിൽനിന്ന്‌?” എന്നതാ​യി​രു​ന്നു പരസ്യ​പ്ര​സം​ഗ​ത്തി​ന്റെ വിഷയം. ഈ ലോക​ത്തി​നു സങ്കൽപ്പി​ക്കാൻ കഴിയുന്ന എന്തി​നെ​യും കവിഞ്ഞു​പോ​കു​ന്ന​താ​ണു ദൈവം വാഗ്‌ദാ​നം ചെയ്യുന്ന സമാധാ​നം. “യഥാർഥ സമാധാ​ന​ത്തി​ന്റെ അർഥം എല്ലാ ദിവസ​വും സമാധാ​ന​മു​ണ്ടാ​യി​രി​ക്കു​മെ​ന്നാണ്‌. . . . ദൈവ​സ​മാ​ധാ​ന​ത്തി​ന്റെ അർഥം രോഗ​മോ വേദന​യോ ദുഃഖ​മോ മരണമോ ഇല്ലാത്ത ഒരു ലോകം എന്നായി​രി​ക്കും” എന്നു പ്രസം​ഗകൻ പറഞ്ഞു. യഹോവ “ഭൂമി​യു​ടെ അറ്റംവ​രെ​യും യുദ്ധങ്ങളെ നിർത്തൽചെ​യ്യു​ന്നു” എന്നു ബൈബിൾ നമ്മോടു പറയുന്നു. (സങ്കീർത്തനം 46:9) അവൻ അത്‌ എങ്ങനെ ചെയ്യും? യുദ്ധത്തെ ഇളക്കി​വി​ടുന്ന പിശാ​ചായ സാത്താനെ നീക്കം ചെയ്‌തു​കൊണ്ട്‌. (വെളി​പ്പാ​ടു 20:1-3) അത്‌ സൗമ്യ​ത​യു​ള്ള​വർക്കു ‘ഭൂമിയെ കൈവ​ശ​മാ​ക്കി സമാധാ​ന​സ​മൃ​ദ്ധി​യിൽ ആനന്ദിക്കു’ന്നതിനുള്ള വഴി​യൊ​രു​ക്കും.—സങ്കീർത്തനം 37:11.

ആ വാര​ത്തേ​ക്കുള്ള വീക്ഷാ​ഗോ​പുര അധ്യയന ലേഖന​ത്തി​ന്റെ സംഗ്ര​ഹ​ത്തെ​ത്തു​ടർന്ന്‌ കൺ​വെൻ​ഷ​നി​ലെ അവസാന പ്രസംഗം അവതരി​പ്പി​ച്ചു. “ദൈവ​സ​മാ​ധാന സന്ദേശ​വാ​ഹകർ എന്ന നിലയിൽ മുന്നേറൽ” എന്ന ശീർഷ​ക​ത്തി​ലുള്ള പ്രോ​ത്സാ​ഹ​ജ​ന​ക​മായ ആ പ്രസംഗം, നമ്മുടെ പ്രസം​ഗ​വേല അനുപ​മ​വും അടിയ​ന്തി​ര​വു​മാ​ണെന്ന്‌ ഊന്നി​പ്പ​റഞ്ഞു. വിശ്ര​മി​ക്കു​ന്ന​തി​നോ മാന്ദ്യം കാണി​ക്കു​ന്ന​തി​നോ തെറ്റായ ആശയങ്ങ​ളി​ലേക്കു മടങ്ങി​പ്പോ​കു​ന്ന​തി​നോ ഉള്ള സമയമ​ല്ലിത്‌. നമുക്ക്‌ ആവശ്യ​മു​ള്ള​വ​കൊണ്ട്‌—അതായത്‌, ദൈവ​ത്തി​ന്റെ സന്ദേശം, അവന്റെ പരിശു​ദ്ധാ​ത്മാവ്‌, അവന്റെ സ്‌നേ​ഹ​പൂർവ​ക​മായ ദിവ്യാ​ധി​പത്യ സ്ഥാപന​ത്തിൽനി​ന്നു വരുന്ന അനവധി കരുത​ലു​കൾ എന്നിവ​കൊണ്ട്‌—നാം സജ്ജരാ​യി​രി​ക്കു​ന്നു. അതു​കൊണ്ട്‌, യഹോ​വ​യു​ടെ ദാസന്മാർ എന്ന നിലയിൽ ദൈവ​സ​മാ​ധാന സന്ദേശ​വാ​ഹ​ക​രാ​യി നമുക്കു മുന്നേ​റാം!

[9-ാം പേജിലെ ചതുരം/ചിത്രങ്ങൾ]

കുടുംബങ്ങൾക്കു സ്‌നേ​ഹ​പു​ര​സ്സ​ര​മായ ഒരു കരുതൽ

“ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷന്റെ രണ്ടാം ദിവസം സദസ്സി​ലു​ണ്ടാ​യി​രു​ന്നവർ കുടുംബ സന്തുഷ്ടി​യു​ടെ രഹസ്യം എന്ന ശീർഷ​ക​ത്തി​ലുള്ള പുതിയ പ്രസി​ദ്ധീ​ക​രണം ലഭിച്ച​തിൽ വളരെ സന്തോ​ഷി​ച്ചു. ദൈവത്തെ സ്‌നേ​ഹി​ക്കുന്ന സകല കുടും​ബ​ങ്ങൾക്കും പ്രയോ​ജനം ചെയ്യുന്ന തിരു​വെ​ഴു​ത്തു​പ​ര​മായ വിവര​ങ്ങ​ളാണ്‌ ആ പുസ്‌ത​ക​ത്തിൽ അടങ്ങി​യി​രി​ക്കു​ന്നത്‌.

യു.എസ്‌.എ.-യിലെ കണക്‌റ്റി​ക്ക​ട്ടി​ലുള്ള ഒരു മൂപ്പൻ ഇങ്ങനെ അഭി​പ്രാ​യ​പ്പെ​ടു​ന്നു: “ജൂൺ 15-ന്‌ ഞങ്ങൾക്ക്‌ കുടുംബ സന്തുഷ്ടി പുസ്‌തകം ലഭിച്ചു. ജൂൺ 16 ആയപ്പോ​ഴേ​ക്കും ഞാൻ അതിന്റെ പകുതി വായി​ച്ചു​ക​ഴി​ഞ്ഞി​രു​ന്നു. 17-ാം തീയതി അതുപ​യോ​ഗി​ച്ചുള്ള ഞങ്ങളുടെ ആദ്യത്തെ കുടും​ബാ​ധ്യ​യനം നടത്തി. ഞങ്ങൾക്കു വളരെ പ്രോ​ത്സാ​ഹനം ലഭിച്ചു! അന്നുതന്നെ ഞാൻ ആ പുസ്‌തകം വായി​ച്ചു​തീർത്തു. ഈ നല്ല പ്രസി​ദ്ധീ​ക​രണം പ്രയോ​ജ​ന​പ്പെ​ടു​ത്തുന്ന സകലർക്കും അതു മൂല്യ​മു​ള്ള​തെന്നു തെളി​യു​മെ​ന്ന​തിൽ സംശയ​മില്ല. ആ പുസ്‌ത​ക​ത്തി​ന്റെ നിഷ്‌ക​പ​ട​ത​യും പുതിയ വിവര​ങ്ങ​ളും ‘വിശ്വ​സ്‌ത​നും വിവേ​കി​യു​മായ അടിമ’ ‘തക്കസമ​യത്ത്‌ ആഹാരം’ കൊടു​ക്കു​ന്നു​വെ​ന്ന​തി​ന്റെ​യും ഈ പ്രയാ​സ​നാ​ളു​ക​ളിൽ നമ്മുടെ ആവശ്യങ്ങൾ സംബന്ധി​ച്ചു വളരെ ബോധ്യം പുലത്തു​ന്നു​വെ​ന്ന​തി​ന്റെ​യും കൂടു​ത​ലായ തെളിവു നൽകുന്നു.”—മത്തായി 24:45-47.

[7-ാം പേജിലെ ചിത്രം]

ദൈവം ആവശ്യ​പ്പെ​ടു​ന്നത്‌ എന്താ​ണെ​ന്ന​റി​യാൻ പ്രായ​ഭേ​ദ​മ​ന്യേ എല്ലാവ​രും ആഗ്രഹി​ക്കു​ന്നു