ജൈവ​ധർമ​ശാ​സ്‌ത്ര​വും രക്തരഹിത ശസ്‌ത്ര​ക്രി​യ​യും

ചികി​ത്സാ​രം​ഗത്തു സമീപ വർഷങ്ങ​ളിൽ അഭൂത​പൂർവ​മായ പുരോ​ഗതി ഉണ്ടായി​ട്ടുണ്ട്‌. എങ്കിലും, ചില നേട്ടങ്ങൾ വൈദ്യ​ശാ​സ്‌ത്ര​പ​ര​മായ പ്രശ്‌നങ്ങൾ പരിഹ​രി​ക്കു​ന്നു​വെ​ന്നി​രി​ക്കെ, ധർമശാ​സ്‌ത്ര​പ​ര​മായ ചില പ്രശ്‌നങ്ങൾ സൃഷ്ടി​ക്കു​ക​യും ചെയ്‌തി​രി​ക്കു​ന്നു.

രോഗിക്ക്‌ അന്തസ്സോ​ടെ മരിക്കാൻ കഴി​യേ​ണ്ട​തി​നു പ്രകോ​പ​ന​പ​ര​മായ വൈദ്യ​ചി​കിത്സ ചില​പ്പോൾ ഒഴിവാ​ക്കേ​ണ്ട​തു​ണ്ടോ? രോഗി​യു​ടെ ഉത്തമ പ്രയോ​ജ​ന​ത്തി​നു വേണ്ടി​യാ​ണു താനിതു ചെയ്യു​ന്നത്‌ എന്നു വിചാ​രി​ച്ചു​കൊണ്ട്‌ ഡോക്ടർ രോഗി​യു​ടെ തീരു​മാ​നത്തെ മറിക​ട​ക്കേ​ണ്ട​തു​ണ്ടോ? ചെല​വേ​റിയ വൈദ്യ​ചി​കിത്സ എല്ലാവർക്കും ലഭ്യമ​ല്ലാ​ത്ത​പ്പോൾ ആരോ​ഗ്യ​പ​രി​പാ​ലനം മുഖപ​ക്ഷ​മി​ല്ലാ​തെ എങ്ങനെ നിർവ​ഹി​ക്കാ​വു​ന്ന​താണ്‌? ഇത്തരം വിഷമാ​വ​സ്ഥ​ക​ളെ​ക്കു​റി​ച്ചു ഡോക്ടർമാർ പരിചി​ന്തി​ക്കേ​ണ്ട​തുണ്ട്‌.

അത്തരം സങ്കീർണ പ്രശ്‌നങ്ങൾ, ജൈവ​ധർമ​ശാ​സ്‌ത്രം എന്നു വിളി​ക്ക​പ്പെ​ടുന്ന വൈദ്യ​ശാ​സ്‌ത്ര ശിക്ഷണത്തെ ശ്രദ്ധയി​ലേക്കു കൊണ്ടു​വ​ന്നി​രി​ക്കു​ന്നു. ഈ ജൈവ​ധർമ​ശാ​സ്‌ത്രം, ജീവശാ​സ്‌ത്ര ഗവേഷ​ണ​ത്തി​ന്റെ​യും വൈദ്യ​ശാ​സ്‌ത്ര പുരോ​ഗ​തി​ക​ളു​ടെ​യും ഫലമാ​യുള്ള ധർമശാ​സ്‌ത്ര​പ​ര​മായ പ്രശ്‌നങ്ങൾ കൈകാ​ര്യം ചെയ്യാൻ ഡോക്ടർമാ​രെ​യും ശാസ്‌ത്ര​ജ്ഞ​രെ​യും സഹായി​ക്കാൻ ലക്ഷ്യം വെച്ചു​കൊ​ണ്ടു​ള്ള​താണ്‌. ആശുപ​ത്രി​ക​ളിൽവെച്ച്‌ ഏറ്റവും ദുഷ്‌ക​ര​മായ പല തീരു​മാ​ന​ങ്ങ​ളും കൈ​ക്കൊ​ള്ളേ​ണ്ട​തു​ള്ള​തു​കൊണ്ട്‌, അനേകം ആശുപ​ത്രി​ക​ളി​ലും ജൈവ​ധർമ​ശാ​സ്‌ത്ര കമ്മിറ്റി​കൾ സ്ഥാപി​ത​മാ​യി​ട്ടുണ്ട്‌. സാധാ​ര​ണ​മാ​യി, ഡോക്ടർമാ​രും വക്കീല​ന്മാ​രും ഉൾപ്പെ​ടെ​യുള്ള കമ്മിറ്റി​യം​ഗങ്ങൾ ജൈവ​ധർമ​ശാ​സ്‌ത്ര​ത്തെ​ക്കു​റി​ച്ചുള്ള സെമി​നാ​റു​ക​ളിൽ സംബന്ധി​ക്കാ​റുണ്ട്‌. അവി​ടെ​വെച്ചു ചികി​ത്സാ​സം​ബ​ന്ധ​മായ ധർമശാ​സ്‌ത്ര പ്രശ്‌നങ്ങൾ വിശക​ലനം ചെയ്യ​പ്പെ​ടു​ന്നു.

അത്തരം സെമി​നാ​റു​ക​ളിൽ ഉയർന്നു​വ​രാ​റുള്ള ചില ചോദ്യ​ങ്ങ​ളാണ്‌ ഇവ: അടിസ്ഥാ​ന​പ​ര​മാ​യി, മതപര​മായ കാരണ​ങ്ങ​ളാൽ രക്തപ്പകർച്ച​യ്‌ക്കു വിധേ​യ​രാ​കാൻ വിസമ്മ​തി​ക്കുന്ന യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങളെ ഡോക്ടർമാർ എത്ര​ത്തോ​ളം ആദരി​ക്കണം? വൈദ്യ​ശാ​സ്‌ത്ര​പ​ര​മാ​യി “അഭികാ​മ്യ​മെന്ന്‌” തോന്നു​ക​യാ​ണെ​ങ്കിൽ, രോഗി​യു​ടെ ഹിതത്തിന്‌ എതിരാ​യി, ഡോക്ടർ അയാളിൽ രക്തം കുത്തി​വെ​ക്ക​ണ​മോ? ‘രോഗി അറിയാ​ത്തി​ട​ത്തോ​ളം കാലം അത്‌ അയാൾക്കു ദോഷം ചെയ്യു​ക​യില്ല’ എന്നു കരുതി​ക്കൊ​ണ്ടു രോഗി​യു​ടെ അറിവു കൂടാതെ രക്തം കുത്തി​വെ​ക്കു​ന്നതു ധർമശാ​സ്‌ത്ര​പ​ര​മാ​യി​രി​ക്കു​മോ?

അത്തരം പ്രശ്‌നങ്ങൾ ഉചിത​മാ​യി കൈകാ​ര്യം ചെയ്യു​ന്ന​തിന്‌, യഹോ​വ​യു​ടെ സാക്ഷി​ക​ളു​ടെ വീക്ഷണം സംബന്ധിച്ച വസ്‌തു​നി​ഷ്‌ഠ​മായ ഗ്രാഹ്യം ഡോക്ടർമാർക്കു​ണ്ടാ​യി​രി​ക്കണം. തങ്ങളുടെ നിലപാ​ടു ഡോക്ടർമാ​രോ​ടു വിശദീ​ക​രി​ക്കാൻ യഹോ​വ​യു​ടെ സാക്ഷികൾ അങ്ങേയറ്റം താത്‌പ​ര്യ​മു​ള്ള​വ​രാണ്‌. ഏറ്റുമു​ട്ട​ലു​കൾ ഒഴിവാ​ക്കാൻ പരസ്‌പര ധാരണ സഹായി​ക്കു​മെന്ന്‌ അവർ തിരി​ച്ച​റി​യു​ക​യും ചെയ്യുന്നു.

വീക്ഷണങ്ങൾ കൈമാ​റൽ

ജൈവ​ധർമ​ശാ​സ്‌ത്ര​ത്തിൽ വിഖ്യാ​ത​നായ ഒരു സ്‌പാ​നിഷ്‌ വിധഗ്‌ധൻ, പ്രൊ​ഫസർ ഡിയേ​ഗോ ഗ്രേസിയ, തന്റെ ക്ലാസ്സിൽ അത്തര​മൊ​രു ചർച്ച നടത്താൻ ആഗ്രഹി​ച്ചു. “രക്തപ്പകർച്ച​ക​ളു​ടെ കാര്യ​ത്തിൽ നിങ്ങൾക്കുള്ള [യഹോ​വ​യു​ടെ സാക്ഷി​കൾക്ക്‌] ബുദ്ധി​മു​ട്ടു​കൾ കണക്കി​ലെ​ടു​ക്കു​മ്പോൾ . . . അഭി​പ്രാ​യങ്ങൾ തുറന്നു​പ​റ​യാൻ നിങ്ങൾക്ക്‌ അവസരം തരുന്നതു തികച്ചും ന്യായ​മാണ്‌” എന്ന്‌ ആ പ്രൊ​ഫസർ പറഞ്ഞു.

അങ്ങനെ, യഹോ​വ​യു​ടെ സാക്ഷി​ക​ളു​ടെ വീക്ഷണം വിശദീ​ക​രി​ക്കാൻ അവരുടെ മൂന്നു പ്രതി​നി​ധി​കളെ സ്‌പെ​യി​നി​ലെ മഡ്രി​ഡി​ലുള്ള കോപ്ലൂ​റ്റെൻസ്‌ യൂണി​വേ​ഴ്‌സി​റ്റി​യി​ലേക്ക്‌ 1996 ജൂൺ 5-നു ക്ഷണിക്കു​ക​യു​ണ്ടാ​യി. 40-ഓളം ഡോക്ടർമാ​രും മറ്റു വിദഗ്‌ധ​രും സന്നിഹി​ത​രാ​യി​രു​ന്നു.

സാക്ഷികൾ ഹ്രസ്വ​മായ ഒരു അവതരണം നടത്തി. അതിനു​ശേഷം, ചോദ്യ​ങ്ങൾ ചോദി​ക്കു​ന്ന​തി​നുള്ള അവസര​മാ​യി​രു​ന്നു. പ്രത്യേക തരത്തി​ലുള്ള ഒരു വൈദ്യ​ചി​കിത്സ നിരസി​ക്കാ​നുള്ള അവകാശം പ്രായ​പൂർത്തി​യായ ഏതൊരു രോഗി​ക്കു​മു​ണ്ടാ​യി​രി​ക്കണം എന്നതി​നോ​ടു സന്നിഹി​ത​രാ​യി​രുന്ന എല്ലാവ​രും യോജി​ച്ചു. രോഗി​യു​ടെ കാര്യ​ജ്ഞാ​ന​ത്തോ​ടെ​യുള്ള സമ്മതമി​ല്ലാ​തെ രക്തം കുത്തി​വെ​ക്കാൻ പാടില്ല എന്ന അഭി​പ്രാ​യ​ക്കാ​രാ​യി​രു​ന്നു അവർ. എന്നിരു​ന്നാ​ലും, സാക്ഷി​ക​ളു​ടെ നിലപാ​ടി​ന്റെ ചില വശങ്ങൾ അവരെ ഉത്‌ക​ണ്‌ഠാ​കു​ല​രാ​ക്കി.

പണത്തെ സംബന്ധി​ച്ചു​ള്ള​താ​യി​രു​ന്നു ഒരു ചോദ്യം. ലേസർ ശസ്‌ത്ര​ക്രിയ പോലുള്ള പ്രത്യേക ഉപാധി​ക​ളും രക്തകോ​ശങ്ങൾ പെരു​കാൻ സഹായി​ക്കുന്ന എരി​ത്രോ​പൊ​യ​റ്റിൻ പോലുള്ള വിലകൂ​ടിയ മരുന്നു​ക​ളും ചില​പ്പോൾ രക്തരഹിത ശസ്‌ത്ര​ക്രി​യ​യിൽ ഉൾപ്പെ​ടു​ന്നു. ചെലവു കുറഞ്ഞ ചികിത്സ (സമാന​രക്തം) നിരസി​ക്കു​ക​വഴി യഹോ​വ​യു​ടെ സാക്ഷികൾ പൊതു​ജ​നാ​രോ​ഗ്യ സേവന​വി​ഭാ​ഗ​ത്തിൽനി​ന്നുള്ള പ്രത്യേക പദവികൾ പ്രതീ​ക്ഷി​ക്കു​ക​യല്ലേ എന്ന സംശയം ഒരു ഡോക്ടർക്കു​ണ്ടാ​യി​രു​ന്നു.

അവശ്യം ഡോക്ടർമാർ പരിചി​ന്തി​ക്കേണ്ട ഒരു ഘടകമാ​ണു പണമെന്നു സമ്മതി​ക്ക​വെ​തന്നെ സാക്ഷി​ക​ളു​ടെ ഒരു പ്രതി​നി​ധി സമാന​രക്തം കുത്തി​വെ​ക്കു​ന്ന​തി​നു ഗൂഢമാ​യി ഒടു​ക്കേ​ണ്ടി​വ​രുന്ന വില​യെ​ക്കു​റി​ച്ചു വിശക​ലനം ചെയ്യുന്ന പ്രസി​ദ്ധ​പ്പെ​ടു​ത്തിയ പഠനങ്ങ​ളെ​ക്കു​റി​ച്ചു പരാമർശി​ക്കു​ക​യു​ണ്ടാ​യി. രക്തപ്പകർച്ച​യോ​ടു ബന്ധപ്പെട്ട്‌ കുഴപ്പം പിടിച്ച അവസ്ഥകൾ ഉണ്ടാകു​മ്പോൾ അവ ചികി​ത്സി​ക്കു​ന്ന​തി​നുള്ള ചെലവും തന്മൂല​മു​ണ്ടാ​കുന്ന പണനഷ്ട​വും അവയിൽ ഉൾപ്പെ​ടു​ന്നു. ഐക്യ​നാ​ടു​ക​ളിൽ നടന്ന സമഗ്ര​മായ ഒരു പഠനം അദ്ദേഹം ഉദ്ധരി​ക്കു​ക​യു​ണ്ടാ​യി. ശരാശരി ഒരു യൂണിറ്റ്‌ രക്തത്തിന്റെ പ്രാഥ​മിക വില 250 ഡോള​റാ​ണെ​ങ്കി​ലും യഥാർഥ​ത്തിൽ 1,300-ലധികം ഡോളർ—ആദ്യ തുകയു​ടെ അഞ്ചിരട്ടി—വരെ അതിന്റെ വില വന്നേക്കാ​മെന്ന്‌ ആ പഠനം സൂചി​പ്പി​ച്ചു. അതു​കൊണ്ട്‌, എല്ലാ ഘടകങ്ങ​ളും കണക്കി​ലെ​ടു​ക്കു​മ്പോൾ രക്തരഹിത ശസ്‌ത്ര​ക്രിയ ചെലവു കുറഞ്ഞ​താ​ണെന്ന്‌ അദ്ദേഹം ചൂണ്ടി​ക്കാ​ട്ടി. തന്നെയു​മല്ല, രക്തരഹിത ശസ്‌ത്ര​ക്രി​യ​യ്‌ക്കു വേണ്ടി​വ​രു​മെന്നു പറയുന്ന കൂടു​ത​ലായ ചെലവി​ല​ധി​ക​വും വീണ്ടും ഉപയോ​ഗി​ക്കാൻ കഴിയുന്ന ഉപകര​ണ​ത്തി​ന്റേ​താണ്‌.

അനേകം ഡോക്ടർമാ​രു​ടെ​യും മനസ്സി​ലു​ണ്ടാ​യി​രുന്ന മറ്റൊരു ചോദ്യം മറ്റുള്ള​വ​രു​ടെ സമ്മർദ​ത്തെ​ക്കു​റി​ച്ചു​ള്ള​താ​യി​രു​ന്നു. ഒരു സാക്ഷി തന്റെ തീരു​മാ​ന​ത്തി​നു മാറ്റം വരുത്തി രക്തപ്പകർച്ച​യ്‌ക്കു വിധേ​യ​മാ​കാൻ സമ്മതി​ക്കു​ക​യാ​ണെ​ങ്കിൽ എന്തു സംഭവി​ക്കും? സാക്ഷികൾ ആ വ്യക്തിക്കു ഭ്രഷ്ട്‌ കൽപ്പി​ക്കു​മോ? എന്നതാ​യി​രു​ന്നു അവരുടെ സംശയം.

യഥാർഥ സ്ഥിതി​വി​ശേ​ഷത്തെ ആശ്രയി​ച്ചാ​യി​രി​ക്കും പ്രതി​ക​രണം. കാരണം ദൈവ​നി​യ​മ​ത്തോട്‌ അനുസ​ര​ണ​ക്കേടു കാണി​ക്കു​ന്നതു സഭാമൂ​പ്പ​ന്മാർ പരി​ശോ​ധി​ക്കേണ്ട ഗുരു​ത​ര​മായ ഒരു കാര്യ​മാണ്‌. ജീവനു​തന്നെ ഭീഷണി​യാ​യി​രി​ക്കുന്ന ശസ്‌ത്ര​ക്രിയ എന്ന മനോ​സം​ഘർഷ​മു​ള​വാ​ക്കുന്ന അനുഭ​വ​ത്തി​നു വിധേ​യ​നായ, രക്തപ്പകർച്ച​യ്‌ക്കു വിധേ​യ​നായ, ഏതൊരു വ്യക്തി​യെ​യും സഹായി​ക്കാൻ സാക്ഷികൾ ആഗ്രഹി​ക്കു​ന്നു. അത്തര​മൊ​രു സാക്ഷിക്കു വളരെ വിഷമം തോന്നു​മെ​ന്ന​തി​നും ദൈവ​വു​മാ​യുള്ള തന്റെ ബന്ധത്തെ​ക്കു​റിച്ച്‌ അയാൾ ഉത്‌ക​ണ്‌ഠയു​ള്ള​വ​നാ​യി​രി​ക്കു​മെ​ന്ന​തി​നും സംശയ​മില്ല. അങ്ങനെ​യുള്ള വ്യക്തിക്കു സഹായ​വും സഹാനു​ഭൂ​തി​യും ആവശ്യ​മാണ്‌. ക്രിസ്‌ത്യാ​നി​ത്വ​ത്തി​ന്റെ നെടും​തൂൺ സ്‌നേ​ഹ​മാ​യി​രി​ക്കുന്ന സ്ഥിതിക്ക്‌, എല്ലാ നീതി​ന്യാ​യ​ക്കേ​സു​ക​ളി​ലു​മെന്ന പോലെ, കരുണ​യ്‌ക്കൊ​പ്പം ദൃഢത​യും കാണി​ക്കാൻ മൂപ്പന്മാർ ആഗ്രഹി​ക്കും.—മത്തായി 9:12, 13; യോഹ​ന്നാൻ 7:24.

“നിങ്ങൾ താമസി​യാ​തെ നിങ്ങളു​ടെ ധർമശാ​സ്‌ത്ര നിലപാട്‌ പുനഃ​പ​രി​ശോ​ധി​ക്കു​ക​യി​ല്ലേ?” ഐക്യ​നാ​ടു​ക​ളിൽനി​ന്നു സന്ദർശനം നടത്തിയ ഒരു ജൈവ​ധർമ​ശാ​സ്‌ത്ര പ്രൊ​ഫസർ ചോദി​ച്ചു. “സമീപ വർഷങ്ങ​ളിൽ മറ്റു മതങ്ങൾ അങ്ങനെ ചെയ്‌തി​ട്ടു​ണ്ട​ല്ലോ.”

രക്തത്തിന്റെ പവിത്രത സംബന്ധിച്ച യഹോ​വ​യു​ടെ സാക്ഷി​ക​ളു​ടെ നിലപാട്‌, ഇടയ്‌ക്കി​ട​യ്‌ക്കുള്ള പുനര​വ​ലോ​ക​ന​ത്തി​നു വിധേ​യ​മാ​കുന്ന ഒരു ധർമശാ​സ്‌ത്ര വീക്ഷണ​ത്തി​നു പകരം ഉപദേ​ശ​പ​ര​മായ ഒരു വിശ്വാ​സ​മാ​ണെന്ന്‌ അദ്ദേഹ​ത്തോ​ടു പറയു​ക​യു​ണ്ടാ​യി. ബൈബി​ളി​ന്റെ വ്യക്തമായ കൽപ്പന അനുര​ഞ്‌ജ​ന​ത്തി​നു യാതൊ​രു അവസര​വും തരുന്നില്ല. (പ്രവൃ​ത്തി​കൾ 15:28, 29) അത്തരം ദിവ്യ നിയമം ലംഘി​ക്കു​ന്നത്‌, വിഗ്ര​ഹാ​രാ​ധ​ന​യോ പരസം​ഗ​മോ വെച്ചു​പൊ​റു​പ്പി​ക്കു​ന്ന​തു​പോ​ലെ​തന്നെ ഒരു സാക്ഷിക്ക്‌ അസ്വീ​കാ​ര്യ​മാണ്‌.

ബൈബി​ള​ധി​ഷ്‌ഠിത ബോധ്യ​ങ്ങൾക്കു ചേർച്ച​യിൽ പകരചി​കിത്സ തേടാ​നുള്ള യഹോ​വ​യു​ടെ സാക്ഷി​ക​ളു​ടെ തീരു​മാ​നത്തെ ആദരി​ക്കാ​നുള്ള ഡോക്ടർമാ​രു​ടെ—മഡ്രി​ഡി​ലെ ജൈവ​ധർമ​ശാ​സ്‌ത്ര സെമി​നാ​റിൽ സന്നിഹി​ത​രായ ഡോക്ടർമാ​രെ പോലു​ള്ള​വ​രു​ടെ—മനസ്സൊ​രു​ക്കത്തെ അവർ വളരെ​യ​ധി​കം വിലമ​തി​ക്കു​ന്നു. ഡോക്ട​റും രോഗി​യും തമ്മിലുള്ള ബന്ധങ്ങൾ മെച്ച​പ്പെ​ടു​ത്തു​ന്ന​തി​നും രോഗി​യു​ടെ ആഗ്രഹ​ങ്ങ​ളോ​ടുള്ള ആദരവു വർധി​പ്പി​ക്കു​ന്ന​തി​നും നിസ്സം​ശ​യ​മാ​യും ജൈവ​ധർമ​ശാ​സ്‌ത്രം പ്രധാ​ന​പ്പെട്ട ഒരു പങ്കു വഹിക്കും.

റിപ്പോർട്ട​നു​സ​രിച്ച്‌ ഒരു പ്രസിദ്ധ സ്‌പാ​നീഷ്‌ ഡോക്ടർ പറഞ്ഞതു​പോ​ലെ, തങ്ങൾ “അപൂർണ​മായ ഉപകര​ണ​ങ്ങ​ളും പ്രമാ​ദി​ത്വ​മുള്ള മാർഗ​ങ്ങ​ളും ഉപയോ​ഗി​ച്ചാണ്‌ ജോലി ചെയ്യു​ന്ന​തെന്ന്‌” ഡോക്ടർമാർ എപ്പോ​ഴും ഓർത്തി​രി​ക്കണം. അതു​കൊണ്ട്‌, “അറിവിന്‌ എത്താൻ കഴിയാ​ത്തി​ടത്ത്‌ സ്‌നേഹം സദാ വ്യാപ​രി​ക്കേ​ണ്ട​തുണ്ട്‌ എന്ന ബോധ്യം” അവർക്കാ​വ​ശ്യ​മാണ്‌.