മറ്റുള്ള​വരെ ആശ്രയി​ക്കാൻ നിങ്ങൾക്കു ഭയമാ​ണോ?

‘എനി​ക്കൊ​ന്നു സംസാ​രി​ക്കാൻ ആരുമില്ല. ആരും എന്നെ മനസ്സി​ലാ​ക്കു​ക​യില്ല. സ്വന്തം പ്രശ്‌ന​ങ്ങ​ളു​മാ​യി എല്ലാവ​രും തിരക്കി​ലാണ്‌. എനിക്കു​വേണ്ടി ചെലവ​ഴി​ക്കാൻ അവർക്കു സമയമില്ല.’ അനേകർക്കും അങ്ങനെ​യാ​ണു തോന്നു​ന്നത്‌. അതു​കൊണ്ട്‌ അവർ തങ്ങളുടെ പ്രശ്‌ന​ങ്ങ​ളെ​ക്കു​റിച്ച്‌ ആരോ​ടും പറയു​ന്നില്ല. എന്തുണ്ട്‌ വിശേഷം എന്നു മറ്റുള്ളവർ ചോദി​ക്കു​മ്പോൾ, അവർക്കു പറയണ​മെ​ന്നു​ണ്ടെ​ങ്കി​ലും പറയാ​റില്ല. അവർക്കു തുറന്നു സംസാ​രി​ക്കാ​നാ​കു​ന്നില്ല.

മറ്റുള്ള​വ​രിൽനി​ന്നു സഹായം ആഗ്രഹി​ക്കാ​ത്തവർ ഉണ്ടെന്നതു ശരിതന്നെ. എങ്കിലും, സഹായ​ത്തി​നാ​യി വലയുന്ന അനേക​രുണ്ട്‌. പക്ഷേ തങ്ങളുടെ തികച്ചും വ്യക്തി​പ​ര​മായ ചിന്തക​ളും വിചാ​ര​ങ്ങ​ളും അനുഭ​വ​ങ്ങ​ളും വെളി​പ്പെ​ടു​ത്താൻ അവർക്കു ഭയമാ​യി​രി​ക്കും. നിങ്ങൾ അത്തരക്കാ​രിൽ ഒരുവ​നാ​ണോ? നിങ്ങൾക്കു യഥാർഥ​ത്തിൽ ആശ്രയി​ക്കാ​വുന്ന ആരുമി​ല്ലെ​ന്നാ​ണോ?

ഭയത്തെ മനസ്സി​ലാ​ക്കൽ

പരസ്‌പ​ര​വി​ശ്വാ​സ​മി​ല്ലാത്ത സ്ഥിതി​വി​ശേ​ഷ​മാണ്‌ ഇന്നു ലോക​ത്തി​ലു​ള്ളത്‌. യുവജ​നങ്ങൾ മാതാ​പി​താ​ക്ക​ളോ​ടു സംസാ​രി​ക്കു​ന്നില്ല. മാതാ​പി​താ​ക്കൾക്കു പരസ്‌പരം സംസാ​രി​ക്കാ​നാ​കു​ന്നില്ല. അധികാ​രി​ക​ളോ​ടു സംസാ​രി​ക്കാൻ തീരെ കുറച്ചു​പേരെ തയ്യാറു​ള്ളൂ. മറ്റുള്ള​വ​രോ​ടു കാര്യങ്ങൾ തുറന്നു​പ​റ​യാൻ കഴിയാ​ത്ത​തു​കൊണ്ട്‌, പ്രശ്‌ന​ങ്ങ​ളിൽനി​ന്നു രക്ഷനേ​ടാൻ ചിലർ മദ്യത്തി​ലേ​ക്കോ മയക്കു​മ​രു​ന്നി​ലേ​ക്കോ ക്രമം​കെട്ട ജീവി​ത​രീ​തി​യി​ലേ​ക്കോ തിരി​യു​ന്നു.—സദൃശ​വാ​ക്യ​ങ്ങൾ 23:29-35; യെശയ്യാ​വു 56:12.

സത്യസ​ന്ധ​ത​യി​ല്ലാ​യ്‌മ​യും അധാർമി​ക​ത​യും നിറഞ്ഞ പ്രവർത്ത​ന​ങ്ങ​ളെ​ക്കു​റി​ച്ചുള്ള എണ്ണമറ്റ റിപ്പോർട്ടു​കൾനി​മി​ത്തം പുരോ​ഹി​ത​ന്മാർ, ഡോക്ടർമാർ, ചികി​ത്സകർ, അധ്യാ​പകർ എന്നിവ​രെ​പ്പോ​ലെ അധികാ​ര​സ്ഥാ​നത്ത്‌ ഇരിക്കു​ന്ന​വ​രി​ലുള്ള വിശ്വാ​സ​ത്തിന്‌ ഉലച്ചിൽ തട്ടിയി​രി​ക്കു​ന്നു. ഉദാഹ​ര​ണ​ത്തിന്‌, ഒരു കണക്കനു​സ​രിച്ച്‌ 10 ശതമാ​ന​ത്തി​ല​ധി​കം പുരോ​ഹി​ത​ന്മാർ ലൈം​ഗിക ദുഷ്‌പെ​രു​മാ​റ്റം ഉള്ളവരാണ്‌. ഈ “വിശ്വാ​സ​വ​ഞ്ച​ക​ന്മാർ മനുഷ്യ​ബ​ന്ധ​ങ്ങ​ളിൽ വൻവി​ട​വു​ക​ളും വിള്ളലു​ക​ളും ഗർത്തങ്ങ​ളും സൃഷ്ടി​ക്കു​ന്നു,” ഒരു എഴുത്തു​കാ​രൻ പ്രസ്‌താ​വി​ക്കു​ന്നു. ഇത്‌ അവരുടെ പള്ളിക്കാ​രെ എങ്ങനെ​യാ​ണു ബാധി​ക്കു​ന്നത്‌? അതു വിശ്വാ​സത്തെ തകർത്തു​ക​ള​യു​ന്നു.

വ്യാപ​ക​മാ​യ ധാർമി​കാ​ധഃ​പ​തനം ഹേതു​വാ​യി കുടും​ബ​ത്തി​ലു​ണ്ടാ​യി​രി​ക്കുന്ന പ്രതി​സന്ധി വളരെ വലുതാണ്‌, അതു​കൊ​ണ്ടു​തന്നെ കുടും​ബങ്ങൾ മുടന്തി​നീ​ങ്ങുന്ന സ്ഥിതി​വി​ശേഷം അപൂർവ​മെ​ന്ന​തി​നു​പ​കരം ഒട്ടൊക്കെ സാധാ​ര​ണ​മാ​യി​രി​ക്കു​ക​യാണ്‌. പണ്ടൊക്കെ ഭവനം ഒരു പരിപു​ഷ്ടി​പ്പെ​ടു​ത്തുന്ന സ്ഥലമാ​യി​രു​ന്നു. ഇന്നത്‌ ഒരു പെ​ട്രോൾ പമ്പ്‌, ഭക്ഷണം കഴിക്കു​ന്ന​തി​നുള്ള ഒരു സ്ഥലം, പോ​ലെ​യാണ്‌. ഒരു കുട്ടി “സ്വാഭാ​വിക പ്രിയ​മി​ല്ലാത്ത” കുടും​ബ​ത്തിൽ വളരു​ന്ന​തി​ന്റെ പൊതു​വായ ഫലം അവനു പ്രായ​പൂർത്തി​യെ​ത്തി​യാ​ലും മറ്റുള്ള​വരെ ആശ്രയി​ക്കാൻ തോന്നു​ക​യില്ല എന്നതാണ്‌.—2 തിമൊ​ഥെ​യൊസ്‌ 3:3, NW.

അതിലു​പ​രി, ലോക​ത്തി​ന്റെ അവസ്ഥകൾ വഷളാ​യി​ക്കൊ​ണ്ടി​രി​ക്കു​ന്ന​തി​നാൽ, നാം ഹാനി​ക​ര​മായ അനുഭ​വ​ങ്ങൾക്കു വിധേ​യ​മാ​കാ​നുള്ള സാധ്യ​ത​യേ​റു​ക​യാണ്‌. സമാന​മായ ഒരു സ്ഥിതി​വി​ശേ​ഷ​ത്തിൽ, മീഖാ പ്രവാ​ചകൻ എഴുതി: “സ്‌നേ​ഹി​ത​നിൽ ആശ്രയി​ക്ക​രു​തു.” (മീഖാ 7:5) നിരാ​ശ​യ്‌ക്കി​ട​യാ​ക്കിയ ഒരു ചെറിയ സംഭവ​ത്തി​നോ നിങ്ങൾ വഞ്ചിത​നാ​യ​തി​നോ അല്ലെങ്കിൽ ജീവനു​തന്നെ ഭീഷണി​യായ ഒരു വലിയ സംഭവ​ത്തി​നോ ശേഷം നിങ്ങൾക്കും അങ്ങനെ തോന്നി​യേ​ക്കാം. മറ്റുള്ള​വരെ വീണ്ടും ആശ്രയി​ക്കു​ന്നതു നിങ്ങൾക്കു ബുദ്ധി​മു​ട്ടാ​യി തോന്നും. ഓരോ ദിവസ​വും ഒരു വൈകാ​രിക മതിൽ തീർത്തു​കൊ​ണ്ടു വൈകാ​രിക മരവി​പ്പോ​ടെ​യാ​കും നിങ്ങൾ വളരുക. (സങ്കീർത്തനം 102:1-7 താരത​മ്യം ചെയ്യുക.) ജീവിതം തള്ളിനീ​ക്കാൻ അത്തരം മനോ​ഭാ​വം സഹായി​ച്ചേ​ക്കാ​മെ​ന്നത്‌ സത്യം​തന്നെ, എന്നാൽ നിങ്ങളു​ടെ “ഹൃദയ​ത്തി​ലെ വ്യസനം” ജീവി​ത​ത്തി​ലെ യഥാർഥ സന്തോ​ഷത്തെ കവർന്നെ​ടു​ക്കും. (സദൃശ​വാ​ക്യ​ങ്ങൾ 15:13) എന്നാൽ സത്യമി​താണ്‌, ആത്മീയ​വും വൈകാ​രി​ക​വും മാനസി​ക​വും ശാരീ​രി​ക​വു​മായ ആരോ​ഗ്യ​മു​ണ്ടാ​കാൻ ആ മതിൽ നീങ്ങണം, നിങ്ങൾ ആളുകളെ ആശ്രയി​ക്കാൻ പഠിക്കണം. അതു സാധ്യ​മാ​ണോ? സാധ്യ​മാണ്‌.

മതിൽ നീങ്ങേ​ണ്ടത്‌ എന്തു​കൊണ്ട്‌?

മറ്റുള്ള​വ​രോ​ടു കാര്യങ്ങൾ തുറന്നു പറയു​ന്നതു കലുഷിത ഹൃദയ​ത്തിന്‌ ആശ്വാസം പകരുന്നു. ഹന്നായ്‌ക്ക്‌ ഈ അനുഭവം ഉണ്ടായി. അവൾക്കു നല്ലൊരു ദാമ്പത്യ​ജീ​വി​ത​വും സുരക്ഷി​ത​മായ ഭവനവും ഉണ്ടായി​രു​ന്നു. എന്നിട്ടും അവൾ വലിയ അരിഷ്ട​ത​യി​ലാ​യി​രു​ന്നു. “മനോ​വ്യ​സന”ത്തിലായ അവൾ ഉള്ളുരു​കി നിശബ്ദ​മാ​യി ചുണ്ടുകൾ വിതുമ്പി ബുദ്ധി​പൂർവം “യഹോ​വ​യോ​ടു” “പ്രാർത്ഥി”ക്കാൻ തുടങ്ങി. അതേ, അവൾ യഹോ​വ​യോട്‌ എല്ലാം തുറന്നു​പ​റഞ്ഞു. അതിനു​ശേഷം അവൾ ദൈവ​ത്തി​ന്റെ പ്രതി​നി​ധി​യായ ഏലി​യോ​ടു ഹൃദയം തുറന്നു സംസാ​രി​ച്ചു. ഫലമോ? “[ഹന്ന] തന്റെ വഴിക്കു പോയി ഭക്ഷണം കഴിച്ചു; അവളുടെ മുഖം പിന്നെ വാടി​യ​തു​മില്ല.”—1 ശമൂവേൽ 1:1-18.

ഉറ്റ മിത്ര​ങ്ങ​ളോ​ടു തുറന്നു സംസാ​രി​ക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ മിക്ക സംസ്‌കാ​ര​ങ്ങൾക്കും പരിചി​ത​മാണ്‌. ഉദാഹ​ര​ണ​ത്തിന്‌, സമാന സ്ഥിതി​വി​ശേ​ഷ​ങ്ങ​ളിൽ ആയിരു​ന്ന​വ​രു​മാ​യി ആശയങ്ങ​ളും അനുഭ​വ​ങ്ങ​ളും പങ്കു​വെ​ക്കു​ന്നതു പ്രയോ​ജ​ന​പ്ര​ദ​മാണ്‌. ഗവേഷകർ ഇങ്ങനെ നിഗമനം ചെയ്യുന്നു: “വൈകാ​രി​ക​മായ ഒറ്റപ്പെ​ടു​ത്തൽ രോഗം വരുത്തു​ന്നു—മനസ്സു​ഖ​ത്തോ​ടെ നില​കൊ​ള്ളു​ന്ന​തി​നു നാം സംഗതി​കൾ വെളി​പ്പെ​ടു​ത്തേ​ണ്ട​തുണ്ട്‌.” “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകലജ്ഞാ​ന​ത്തോ​ടും അവൻ കയർക്കു​ന്നു” എന്നു പറയുന്ന നിശ്വസ്‌ത സദൃശ​വാ​ക്യം സത്യമാ​ണെന്നു സ്ഥിരീ​ക​രി​ക്കുന്ന ശാസ്‌ത്ര ഗവേഷണ തെളി​വു​ക​ളു​ടെ എണ്ണം കൂടി​വ​രി​ക​യാണ്‌.—സദൃശ​വാ​ക്യ​ങ്ങൾ 18:1.

നിങ്ങൾ മറ്റുള്ള​വ​രോ​ടു തുറന്നു സംസാ​രി​ക്കു​ന്നി​ല്ലെ​ങ്കിൽ, അവർക്കെ​ങ്ങ​നെ​യാ​ണു നിങ്ങളെ സഹായി​ക്കാ​നാ​കുക? യഹോ​വ​യാം ദൈവ​ത്തി​നു നിങ്ങളു​ടെ ഹൃദയം വായി​ക്കാ​നാ​കും, പക്ഷേ നിങ്ങളു​ടെ ഉൾചി​ന്ത​ക​ളും വിചാ​ര​വി​കാ​ര​ങ്ങ​ളും കുടും​ബ​ത്തി​നും സുഹൃ​ത്തു​ക്കൾക്കും, നിങ്ങൾ അവ തുറക്കാ​ത്തി​ട​ത്തോ​ളം കാലം, അടഞ്ഞ പുസ്‌ത​ക​മാണ്‌. (1 ദിനവൃ​ത്താ​ന്തം 28:9) ദൈവ​നി​യ​മ​ത്തി​ന്റെ ലംഘനം ഉൾപ്പെ​ട്ടി​രി​ക്കുന്ന പ്രശ്‌ന​മാ​ണെ​ങ്കിൽ, തുറന്നു​പ​റ​യാ​തി​രി​ക്കു​ന്നതു സംഗതി കൂടുതൽ വഷളാ​ക്കു​ക​യേ​യു​ള്ളൂ.—സദൃശ​വാ​ക്യ​ങ്ങൾ 28:13.

തീർച്ച​യാ​യും, വ്രണി​ത​രാ​യി അപകട​സാ​ധ്യ​ത​യി​ലാ​കു​ന്ന​തി​നെ​ക്കാൾ എത്രയോ നല്ലതാണു മനോ​വി​ഷ​മ​ങ്ങ​ളെ​ക്കു​റി​ച്ചു മറ്റുള്ള​വ​രോ​ടു തുറന്നു​പ​റഞ്ഞു പ്രയോ​ജ​നങ്ങൾ അനുഭ​വി​ക്കു​ന്നത്‌. എന്നാൽ അതിനർഥം വ്യക്തി​പ​ര​മായ വിശദാം​ശ​ങ്ങ​ളെ​ല്ലാം വിവേ​ച​നാ​ര​ഹി​ത​മാ​യി എല്ലാവ​രോ​ടും കൊട്ടി​ഘോ​ഷി​ക്ക​ണ​മെന്നല്ല. (ന്യായാ​ധി​പ​ന്മാർ 16:18; യിരെ​മ്യാ​വു 9:4; ലൂക്കൊസ്‌ 21:16 എന്നിവ താരത​മ്യം ചെയ്യുക.) “പരസ്‌പരം പിച്ചി​ച്ചീ​ന്താൻ ചായ്‌വുള്ള സുഹൃ​ത്തു​ക്ക​ളുണ്ട്‌” എന്ന മുന്നറി​യി​പ്പു നൽകി​യി​ട്ടു സദൃശ​വാ​ക്യ​ങ്ങൾ 18:24 ഇങ്ങനെ കൂട്ടി​ച്ചേർക്കു​ന്നു: “സഹോ​ദ​ര​നെ​ക്കാ​ളും അടുത്തു പറ്റിനിൽക്കുന്ന സ്‌നേ​ഹി​ത​നു​മുണ്ട്‌.” അത്തര​മൊ​രു സുഹൃ​ത്തി​നെ നിങ്ങൾക്ക്‌ എവിടെ കണ്ടെത്താ​നാ​കും?

നിങ്ങളു​ടെ കുടും​ബ​ത്തി​ലു​ള്ള​വരെ ആശ്രയി​ക്കു​ക

നിങ്ങൾക്കൊ​രു പ്രശ്‌ന​മു​ണ്ടെ​ങ്കിൽ, നിങ്ങളു​ടെ വിവാ​ഹിത ഇണയു​മാ​യോ നിങ്ങളു​ടെ മാതാ​പി​താ​ക്ക​ളു​മാ​യോ ചർച്ച​ചെ​യ്‌തു നോക്കി​യി​ട്ടു​ണ്ടോ? “ഒട്ടുമിക്ക പ്രശ്‌ന​ങ്ങ​ളെ​ക്കു​റി​ച്ചും ഒന്നു തുറന്നു സംസാ​രി​ക്കു​കയേ വേണ്ടൂ,” അനുഭ​വ​സ​മ്പ​ന്ന​നായ ഒരുപ​ദേ​ഷ്ടാ​വു പ്രസ്‌താ​വി​ക്കു​ന്നു. (സദൃശ​വാ​ക്യ​ങ്ങൾ 27:9) ‘ഭാര്യ​മാ​രെ തങ്ങളെ​പ്പോ​ലെ​തന്നെ സ്‌നേ​ഹി​ക്കുന്ന’ ക്രിസ്‌തീയ ഭർത്താ​ക്ക​ന്മാ​രും ‘ഭർത്താ​ക്കൻമാർക്കു കീഴടങ്ങു’ന്ന ഭാര്യ​മാ​രും മക്കളെ ‘കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തി’ക്കൊണ്ടു​വ​രു​ന്ന​തി​നുള്ള ദൈവദത്ത ഉത്തരവാ​ദി​ത്വം ഗൗരവ​മാ​യി എടുക്കുന്ന മാതാ​പി​താ​ക്ക​ളു​മെ​ല്ലാം സമാനു​ഭാ​വ​മുള്ള ശ്രോ​താ​ക്ക​ളും സഹായ​മ​ന​സ്‌ക​രായ ഉപദേ​ഷ്ടാ​ക്ക​ളും ആയിത്തീ​രാൻ കഠിന​മാ​യി ശ്രമി​ക്കും. (എഫെസ്യർ 5:22, 33; 6:4) ജഡിക അർഥത്തിൽ ഭാര്യ​യോ കുട്ടി​ക​ളോ ഇല്ലായി​രു​ന്നെ​ങ്കി​ലും, ഇക്കാര്യ​ത്തിൽ യേശു എത്ര അത്ഭുത​ക​ര​മായ മാതൃ​ക​യാ​ണു വെച്ചി​രി​ക്കു​ന്നത്‌!—മർക്കൊസ്‌ 10:13-16; എഫെസ്യർ 5:25-27.

കുടും​ബ​ത്തിൽ പരിഹ​രി​ക്കാ​നാ​വാത്ത പ്രശ്‌ന​മാ​ണെ​ങ്കി​ലോ? ക്രിസ്‌തീയ സഭയിൽ നാം ഒരിക്ക​ലും തനിച്ചല്ല. “ആർ ബലഹീ​ന​നാ​യി​ട്ടു ഞാൻ ബലഹീ​ന​നാ​കാ​തെ ഇരിക്കു​ന്നു?” എന്നു പൗലൊസ്‌ അപ്പോ​സ്‌തലൻ പറഞ്ഞു. (2 കൊരി​ന്ത്യർ 11:29) അവൻ അനുശാ​സി​ച്ചു: “തമ്മിൽ തമ്മിൽ ഭാരങ്ങളെ ചുമപ്പിൻ.” (ഗലാത്യർ 6:2; റോമർ 15:1) നമ്മുടെ ആത്മീയ സഹോ​ദ​രീ​സ​ഹോ​ദ​ര​ന്മാർക്കി​ട​യിൽ, നിസ്സം​ശ​യ​മാ​യും ‘അനർഥ​കാ​ലത്തു സഹോ​ദ​ര​നാ​യി​ത്തീ​രുന്ന’ ഒന്നില​ധി​കം പേരെ നമുക്കു കാണാ​നാ​കും.—സദൃശ​വാ​ക്യ​ങ്ങൾ 17:17.

സഭയി​ലുള്ള ആശ്രയം

ഭൂവ്യാ​പ​ക​മാ​യുള്ള യഹോ​വ​യു​ടെ സാക്ഷി​ക​ളു​ടെ 80,000-ത്തിലധി​കം വരുന്ന സഭകളിൽ, “നിങ്ങളു​ടെ സന്തോ​ഷ​ത്തി​നു​വേ​ണ്ടി​യുള്ള കൂട്ടു​വേ​ല​ക്കാർ” എന്നനി​ല​യിൽ സേവി​ക്കുന്ന താഴ്‌മ​യുള്ള പുരു​ഷ​ന്മാർ ഉണ്ട്‌. (2 കൊരി​ന്ത്യർ 1:24, NW) ഇവരാണു മൂപ്പന്മാർ. “ഓരോ​രു​ത്തൻ കാററി​ന്നു ഒരു മറവും പിശറി​ന്നു ഒരു സങ്കേത​വും ആയി വരണ്ട നിലത്തു നീർത്തോ​ടു​കൾപോ​ലെ​യും ക്ഷീണമുള്ള ദേശത്തു ഒരു വമ്പാറ​യു​ടെ തണൽപോ​ലെ​യും ഇരിക്കും,” യെശയ്യാ​വു പ്രസ്‌താ​വി​ക്കു​ന്നു. അങ്ങനെ​യാ​യി​രി​ക്കാ​നാ​ണു മൂപ്പന്മാർ ശ്രമി​ക്കു​ന്നത്‌.—യെശയ്യാ​വു 32:2; 50:4; 1 തെസ്സ​ലൊ​നീ​ക്യർ 5:14.

‘പരിശു​ദ്ധാ​ത്മാ​വി​നാൽ നിയമി​തരാ’കുന്നതി​നു​മുമ്പ്‌, മൂപ്പന്മാർ തിരു​വെ​ഴു​ത്തു​പ​ര​മായ യോഗ്യ​ത​ക​ളിൽ എത്തി​ച്ചേ​രു​ന്നു. ഇത്‌ അറിയു​ന്ന​തു​കൊണ്ട്‌ അവരി​ലുള്ള നിങ്ങളു​ടെ വിശ്വാ​സം വർധി​ക്കും. (പ്രവൃ​ത്തി​കൾ 20:28; 1 തിമൊ​ഥെ​യൊസ്‌ 3:2-7; തീത്തൊസ്‌ 1:5-9) നിങ്ങൾ ഒരു മൂപ്പനു​മാ​യി ചർച്ച​ചെ​യ്യു​ന്ന​തെ​ന്തും തീർത്തും രഹസ്യ​മാ​യി സൂക്ഷി​ക്ക​പ്പെ​ടും. വിശ്വാ​സ​യോ​ഗ്യ​നാ​യി​രി​ക്കണം എന്നതു​തന്നെ അദ്ദേഹ​ത്തി​ന്റെ യോഗ്യ​ത​ക​ളിൽപ്പെട്ട ഒരു സംഗതി​യാണ്‌.—പുറപ്പാ​ടു 18:21; നെഹെ​മ്യാ​വു 7:2 ഇവ താരത​മ്യം ചെയ്യുക.

സഭയിൽ മൂപ്പന്മാർ “കണക്കു ബോധി​പ്പി​ക്കേ​ണ്ടു​ന്ന​വ​രാ​ക​യാൽ നിങ്ങളു​ടെ ആത്മാക്കൾക്കു വേണ്ടി” അവർ “ജാഗരി​ച്ചി​രി​ക്കു”കയാണ്‌. (എബ്രായർ 13:17) ഇതു നിങ്ങളെ ഈ മനുഷ്യ​രിൽ ആശ്രയം വെക്കു​ന്ന​തി​നാ​യി പ്രേരി​പ്പി​ക്കു​ന്നി​ല്ലേ? സ്വാഭാ​വി​ക​മാ​യും, എല്ലാ മൂപ്പന്മാർക്കും ഒരേ ഗുണങ്ങൾ ഒരേ അളവിൽ ഉണ്ടായി​രി​ക്കു​ക​യില്ല. ചിലർ മറ്റുള്ള​വ​രെ​ക്കാൾ സമീപി​ക്കാ​വു​ന്ന​വ​രും ദയാലു​ക്ക​ളും സഹാനു​ഭൂ​തി​യു​ള്ള​വ​രും ആയി കാണ​പ്പെ​ട്ടേ​ക്കാം. (2 കൊരി​ന്ത്യർ 12:15; 1 തെസ്സ​ലൊ​നീ​ക്യർ 2:7, 8, 11) നിങ്ങൾക്കു സ്വസ്ഥമാ​യി സംസാ​രി​ക്കാ​വുന്ന ഒരു മൂപ്പ​നോ​ടു തുറന്നു സംസാ​രി​ക്ക​രു​തോ?

ശമ്പളം പറ്റുന്ന ജോലി​ക്കാ​രല്ല ഈ പുരു​ഷ​ന്മാർ. മറിച്ച്‌, നിങ്ങളെ സഹായി​ക്കു​ന്ന​തി​നു യഹോവ പ്രദാനം ചെയ്‌തി​രി​ക്കുന്ന “മനുഷ്യ​രാം ദാനങ്ങൾ” ആണ്‌. (എഫെസ്യർ 4:8, 11-13, NW; ഗലാത്യർ 6:1) എങ്ങനെ? വിദഗ്‌ധ​മാ​യി ബൈബിൾ ഉപയോ​ഗി​ച്ചു​കൊണ്ട്‌, നിങ്ങളു​ടെ വ്യക്തി​പ​ര​മായ സാഹച​ര്യ​ങ്ങൾക്കാ​യി അവർ അതിന്റെ സൗഖ്യ​ശക്തി ബാധക​മാ​ക്കു​ന്നു. (സങ്കീർത്തനം 107:20; സദൃശ​വാ​ക്യ​ങ്ങൾ 12:18; എബ്രായർ 4:12, 13) അവർ നിങ്ങ​ളോ​ടൊ​പ്പ​വും നിങ്ങൾക്കു​വേ​ണ്ടി​യും പ്രാർഥി​ക്കും. (ഫിലി​പ്പി​യർ 1:9; യാക്കോബ്‌ 5:13-18) കലങ്ങിയ മനസ്സിനു സാന്ത്വ​ന​മേ​കു​ന്ന​തി​നും മനസ്സമാ​ധാ​നം വീണ്ടെ​ടു​ക്കു​ന്ന​തി​നും സ്‌നേ​ഹ​സ​മ്പ​ന്ന​രായ അത്തരം ഉപദേ​ഷ്ടാ​ക്ക​ളിൽനി​ന്നുള്ള സഹായം കാര്യ​മായ പ്രയോ​ജനം ചെയ്യും.

ആശ്രയ​ബന്ധം കെട്ടി​പ്പ​ടു​ക്കേണ്ട വിധം

സഹായ​മോ ഉപദേ​ശ​മോ ചോദി​ക്കു​ന്നത്‌, അല്ലെങ്കിൽ കേവലം ശ്രദ്ധി​ക്കുന്ന ഒരു കാത്‌ നീട്ടി​ക്കൊ​ടു​ക്കു​ന്നതു ദൗർബ​ല്യ​ത്തി​ന്റെ​യോ പരാജ​യ​ത്തി​ന്റെ​യോ അടയാ​ളമല്ല. അതു നാം അപൂർണ​രാ​ണെ​ന്നും എല്ലാവർക്കും എല്ലാം അറിയി​ല്ലെ​ന്നു​മുള്ള യാഥാർഥ്യ​ബോ​ധ​ത്തോ​ടെ​യുള്ള ഒരു തിരി​ച്ച​റി​വു മാത്രമേ ആകുന്നു​ള്ളൂ. തീർച്ച​യാ​യും, നമുക്കുള്ള ഏറ്റവും വലിയ ഉപദേ​ഷ്ടാ​വും ഉറ്റമി​ത്ര​വും നമ്മുടെ സ്വർഗീയ പിതാ​വായ യഹോ​വ​യാം ദൈവം ആണ്‌. “യഹോവ എന്റെ ബലവും എന്റെ പരിച​യും ആകുന്നു; എന്റെ ഹൃദയം അവങ്കൽ ആശ്രയി​ച്ചു; എനിക്കു സഹായ​വും ലഭിച്ചു” എന്ന്‌ എഴുതിയ സങ്കീർത്ത​ന​ക്കാ​ര​നോ​ടു നാം യോജി​ക്കു​ന്നു. (സങ്കീർത്തനം 28:7) പ്രാർഥി​ക്കു​മ്പോൾ, അവൻ നമ്മുടെ പ്രാർഥന കേൾക്കു​ക​യും നമുക്കു വേണ്ടി കരുതു​ക​യും ചെയ്യുന്നു എന്ന ഉറപ്പോ​ടെ, ഏതു സമയത്തും നമുക്കു ‘നമ്മുടെ ഹൃദയം അവന്റെ മുമ്പിൽ’ സമ്പൂർണ​മാ​യും ‘പകരാ​നാ​കും.’—സങ്കീർത്തനം 62:7, 8; 1 പത്രൊസ്‌ 5:7.

നിങ്ങൾക്കെ​ങ്ങ​നെ സഭയിലെ മൂപ്പന്മാ​രെ​യും മറ്റുള്ള​വ​രെ​യും ആശ്രയി​ക്കാൻ പഠിക്കാ​നാ​കും? ഒന്നാമത്‌, നിങ്ങ​ളെ​ത്തന്നെ പരി​ശോ​ധി​ക്കുക. നിങ്ങളു​ടെ ഭയത്തിനു തക്കതായ കാരണ​ങ്ങ​ളു​ണ്ടോ? മറ്റുള്ള​വ​രു​ടെ ആന്തരങ്ങ​ളെ​ക്കു​റി​ച്ചു നിങ്ങൾക്കു സംശയ​മു​ണ്ടോ? (1 കൊരി​ന്ത്യർ 13:4, 7) വ്രണി​ത​നാ​കാ​നുള്ള സാധ്യത കുറയ്‌ക്കു​ന്ന​തി​നു മാർഗ​മു​ണ്ടോ? ഉണ്ട്‌. എങ്ങനെ? നിങ്ങൾ ഉറ്റ മിത്ര​മാ​ക്കാൻ ഉദ്ദേശി​ക്കു​ന്ന​വ​രു​മാ​യി ആത്മീയ പ്രവർത്ത​ന​ങ്ങ​ളിൽ ഏർപ്പെ​ടുന്ന അവസര​ത്തിൽ വ്യക്തി​പ​ര​മാ​യി അടുക്കു​ന്ന​തി​നു ശ്രമി​ക്കുക. സഭാ​യോ​ഗ​ങ്ങ​ളിൽവെച്ച്‌ അവരു​മാ​യി സംസാ​രി​ക്കുക. വീടു​തോ​റു​മുള്ള വേലയിൽ ഒരുമി​ച്ചു പങ്കെടു​ക്കുക. ആദരവി​ന്റെ കാര്യ​ത്തി​ലെ​ന്ന​പോ​ലെ, ആശ്രയ​വും നേടി​യെ​ടു​ക്കേ​ണ്ട​താണ്‌. അതു​കൊ​ണ്ടു ക്ഷമയു​ള്ള​വ​നാ​യി​രി​ക്കുക. ഉദാഹ​ര​ണ​ത്തിന്‌, ഒരു ആത്മീയ ഇടയൻ എന്നനി​ല​യിൽ അദ്ദേഹത്തെ പരിച​യ​പ്പെ​ടു​ന്ന​തോ​ടെ നിങ്ങൾക്ക്‌ അദ്ദേഹ​ത്തി​ലുള്ള വിശ്വാ​സം വർധി​ക്കും. നിങ്ങളു​ടെ ഉത്‌ക​ണ്‌ഠകൾ ക്രമാ​നു​ഗ​ത​മാ​യി വെളി​പ്പെ​ടു​ത്തുക. ഉചിത​മായ വിധത്തിൽ, സഹാനു​ഭൂ​തി​യോ​ടെ​യും വിവേ​ക​ത്തോ​ടെ​യും പ്രതി​ക​രി​ക്കു​ന്നെ​ങ്കിൽ, നിങ്ങൾക്കു കൂടുതൽ കാര്യങ്ങൾ തുറന്നു​പ​റ​യാൻ ശ്രമി​ക്കാ​വു​ന്ന​താണ്‌.

നമ്മോ​ടൊ​പ്പം യഹോ​വയെ ആരാധി​ക്കു​ന്നവർ, വിശേ​ഷി​ച്ചും ക്രിസ്‌തീയ മൂപ്പന്മാർ, തങ്ങളുടെ പരസ്‌പര ബന്ധങ്ങളിൽ ദൈവ​ത്തി​ന്റെ അമൂല്യ​ഗു​ണങ്ങൾ അനുക​രി​ക്കാൻ കഠിന​മാ​യി യത്‌നി​ക്കു​ന്നു. (മത്തായി 5:48) ഇതു സഭയിൽ ആശ്രയ​ത്തി​ന്റേ​തായ ഒരു അന്തരീക്ഷം സൃഷ്ടി​ക്കു​ന്നു. ദീർഘ​നാ​ളാ​യി മൂപ്പനാ​യി സേവി​ക്കുന്ന ഒരാൾ പറയുന്നു: “സഹോ​ദ​രങ്ങൾ ഒരു സംഗതി അറി​യേ​ണ്ട​തുണ്ട്‌: ഒരു വ്യക്തി എന്തു ചെയ്‌താ​ലും ഒരു മൂപ്പന്‌ അയാ​ളോ​ടുള്ള ക്രിസ്‌തീയ സ്‌നേഹം നഷ്ടമാ​കു​ന്നില്ല. അയാൾ ചെയ്‌തത്‌ മൂപ്പന്‌ ഇഷ്ടമാ​യി​ല്ലാ​യി​രി​ക്കും, എങ്കിലും അയാൾ അപ്പോ​ഴും തന്റെ സഹോ​ദ​രനെ സ്‌നേ​ഹി​ക്കു​ക​യും അയാളെ സഹായി​ക്കാൻ ആഗ്രഹി​ക്കു​ക​യും ചെയ്യുന്നു.”

അതു​കൊണ്ട്‌, ഒരു പ്രശ്‌നം കൈകാ​ര്യം ചെയ്യാൻ ഒറ്റയ്‌ക്കേ ഉള്ളു​വെന്നു വിചാ​രി​ക്കേണ്ട ആവശ്യ​മില്ല. “ആത്മീയ യോഗ്യ​ത​ക​ളുള്ള” ആരെങ്കി​ലു​മാ​യി സംസാ​രി​ക്കുക. ഭാരം താങ്ങാൻ അയാൾക്കു നിങ്ങളെ സഹായി​ക്കാ​നാ​കും. (ഗലാത്യർ 6:1, NW) “മനോ​വ്യ​സനം ഹേതു​വാ​യി മമനു​ഷ്യ​ന്റെ മനസ്സി​ടി​യു​ന്നു” എന്നോർക്കുക. എന്നാൽ, “ഇമ്പമുള്ള വാക്കു തേൻക​ട്ട​യാ​കു​ന്നു; മനസ്സിന്നു മധുര​വും അസ്ഥികൾക്കു ഔഷധ​വും തന്നേ.”—സദൃശ​വാ​ക്യ​ങ്ങൾ 12:25; 16:24.

[26-ാം പേജിലെ ചിത്രം]

വ്യക്തിപരമായ ഒരു പ്രശ്‌ന​മുള്ള ബന്ധുവി​നെ​യോ സുഹൃ​ത്തി​നെ​യോ ആത്മീയ സഹോ​ദ​ര​നെ​യോ സഹായി​ക്കാൻ ഏതൊരു ക്രിസ്‌ത്യാ​നി​യോ​ടും ആവശ്യ​പ്പെ​ട്ടേ​ക്കാം. എങ്ങനെ സഹായി​ക്ക​ണ​മെന്നു നിങ്ങൾക്ക​റി​യാ​മോ?

ഫലപ്രദനായ ഉപദേ​ഷ്ടാവ്‌

സമീപിക്കാവുന്നവനായിരിക്കും: മത്തായി 11:28, 29; 1 പത്രൊസ്‌ 1:22; 5:2, 3

ശരിയായ പശ്ചാത്തലം തിര​ഞ്ഞെ​ടു​ക്കും: മർക്കൊസ്‌ 9:33-37

പ്രശ്‌നം മനസ്സി​ലാ​ക്കാൻ ശ്രമി​ക്കും: ലൂക്കൊസ്‌ 8:18; യാക്കോബ്‌ 1:19

അമിത പ്രതി​ക​രണം നടത്തു​ക​യില്ല: കൊ​ലൊ​സ്സ്യർ 3:12-14

വൈകാരിക വേദന കുറയ്‌ക്കാൻ സഹായി​ക്കും: 1 തെസ്സ​ലൊ​നീ​ക്യർ 5:14; 1 പത്രൊസ്‌ 3:8

തന്റെ പരിമി​തി​കൾ തിരി​ച്ച​റി​യും: ഗലാത്യർ 6:3; 1 പത്രൊസ്‌ 5:5

നിർദിഷ്ട ഉപദേശം കൊടു​ക്കും: സങ്കീർത്തനം 19:7-9; സദൃശ​വാ​ക്യ​ങ്ങൾ 24:26

രഹസ്യം സൂക്ഷി​ക്കും: സദൃശ​വാ​ക്യ​ങ്ങൾ 10:19; 25:9