വായന​ക്കാ​രിൽനി​ന്നുള്ള ചോദ്യ​ങ്ങൾ

മത്തായി 24:34-ലെ “തലമുറ”യെക്കു​റി​ച്ചുള്ള അടുത്ത​കാ​ലത്തെ പുതു​ക്കിയ ഗ്രാഹ്യം, അന്ത്യം വിദൂര ഭാവി​യി​ലാ​ണെന്ന ആശയം ദ്യോ​തി​പ്പി​ക്കു​ന്ന​താ​യി പറയാൻ കഴിയു​മോ?

വാസ്‌തവം അങ്ങനെ​യാ​യി​രി​ക്കു​ന്നില്ല. മറിച്ച്‌, ഇതേക്കു​റി​ച്ചുള്ള അടുത്ത​കാ​ലത്തെ പുതു​ക്ക​പ്പെട്ട ഗ്രാഹ്യം അന്ത്യം സദാ പ്രതീ​ക്ഷി​ക്കാൻ നമ്മെ സഹായി​ക്കു​ക​യാ​ണു വേണ്ടത്‌. അതെങ്ങനെ?

1995 നവംബർ 1 വീക്ഷാ​ഗോ​പു​രം വിശദീ​ക​രി​ച്ച​പ്ര​കാ​രം, “ഈ തലമുറ” എന്ന പ്രയോ​ഗം യേശു സമകാ​ലിക ദുഷ്ട മനുഷ്യർക്കു ബാധക​മാ​ക്കി. (മത്തായി 11:7, 16-19; 12:39, 45; 17:14-17; പ്രവൃ​ത്തി​കൾ 2:5, 6, 14, 40) ഒരു നിർദിഷ്ട തീയതി​യിൽ തുടങ്ങുന്ന ഒരു സുനി​ശ്ചിത കാലഘ​ട്ട​ത്തെ​ക്കു​റി​ച്ചുള്ള വിവര​ണ​മാ​യി​രു​ന്നില്ല അത്‌.

വാസ്‌ത​വ​ത്തിൽ, അതേ ലക്കം വീക്ഷാ​ഗോ​പു​ര​ത്തി​ലെ “വായന​ക്കാ​രിൽനി​ന്നുള്ള ചോദ്യ​ങ്ങൾ” രണ്ടു മുഖ്യ കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ച്ചു: “ആളുക​ളു​ടെ ഒരു തലമു​റയെ സുനി​ശ്ചിത എണ്ണം വർഷങ്ങ​ളുള്ള ഒരു കാലഘ​ട്ട​മാ​യി വീക്ഷി​ക്കാൻ സാധ്യമല്ല,” “ഒരു തലമു​റ​യിൽപ്പെട്ട ആളുകൾ താരത​മ്യേന ചുരു​ങ്ങിയ ഒരു കാലഘ​ട്ടമേ ജീവി​ച്ചി​രി​ക്കു​ന്നു​ള്ളൂ.”

നാം മിക്ക​പ്പോ​ഴും അത്തരത്തിൽ “തലമുറ” ഉപയോ​ഗി​ക്കു​ന്നു. ഉദാഹ​ര​ണ​ത്തിന്‌, നാം ഇങ്ങനെ പറഞ്ഞേ​ക്കാം: ‘നെപ്പോ​ളി​യന്റെ തലമു​റ​യിൽപ്പെട്ട സൈനി​കർ വിമാ​ന​ങ്ങ​ളെ​യോ ആറ്റം​ബോം​ബു​ക​ളെ​യോ കുറിച്ചു യാതൊ​ന്നും അറിഞ്ഞി​രു​ന്നില്ല.’ നെപ്പോ​ളി​യൻ ജനിച്ച അതേ വർഷത്തിൽ ജനിച്ച സൈനി​കരെ ആയിരി​ക്കു​മോ നാം പരാമർശി​ക്കു​ന്നത്‌? അദ്ദേഹം മരിക്കു​ന്ന​തി​നു മുമ്പു മരിച്ചു​പോയ സൈനി​കരെ മാത്രമേ നാം അർഥമാ​ക്കു​ന്നു​ള്ളോ? തീർച്ച​യാ​യു​മല്ല; “തലമുറ” എന്ന അത്തരം പ്രയോ​ഗ​ത്താൽ ഒരു സുനി​ശ്ചിത എണ്ണം വർഷങ്ങളെ സമർഥി​ക്കാ​നും നാം ശ്രമി​ക്കു​ന്നില്ല. എന്നിരു​ന്നാ​ലും, നാം പരാമർശി​ക്കു​ന്നതു താരത​മ്യേന ചുരു​ങ്ങിയ ഒരു കാലഘ​ട്ട​ത്തെ​യാ​യി​രി​ക്കും, നെപ്പോ​ളി​യന്റെ കാലം മുതലുള്ള നൂറു​ക​ണ​ക്കി​നു വർഷങ്ങ​ളെയല്ല.

ഒലിവു​മ​ല​യിൽവെച്ചു യേശു നൽകിയ പ്രവച​ന​ത്തിൽ അവൻ പറഞ്ഞ വിവരം നാം മനസ്സി​ലാ​ക്കു​ന്ന​തും അങ്ങനെ​തന്നെ. ആ പ്രവച​ന​ത്തി​ന്റെ വ്യത്യസ്‌ത വശങ്ങൾ ഈ വ്യവസ്ഥി​തി​യു​ടെ അന്ത്യം അടുത്തി​രി​ക്കു​ന്നു​വെ​ന്ന​തി​നു തെളിവു നൽകുന്നു. (മത്തായി 24:32, 33) വെളി​പ്പാ​ടു 12:9, 10 പറയു​ന്ന​ത​നു​സ​രിച്ച്‌, 1914-ൽ ദൈവ​ത്തി​ന്റെ സ്വർഗീയ രാജ്യം സ്ഥാപി​ത​മാ​യ​തോ​ടെ സാത്താൻ ഭൂമി​യു​ടെ പരിസ​ര​ത്തേക്കു വലി​ച്ചെ​റി​യ​പ്പെ​ട്ടു​വെ​ന്നത്‌ ഓർക്കുക. സാത്താൻ അങ്ങേയറ്റം ക്രൂദ്ധ​നാ​ണെന്നു വെളി​പ്പാ​ടു കൂട്ടി​ച്ചേർക്കു​ന്നു. കാരണം? “തനിക്കു അല്‌പ​കാ​ല​മേ​യു​ള്ളു”വെന്ന്‌ അവനറി​യാം.—വെളി​പ്പാ​ടു 12:12.

അതു​കൊണ്ട്‌, നവംബർ 1-ലെ വീക്ഷാ​ഗോ​പു​ര​ത്തിന്‌ “ഉണർന്നി​രി​പ്പിൻ!” എന്ന ഉപശീർഷകം ഉണ്ടായി​രു​ന്നത്‌ ഉചിത​മാ​യി​രു​ന്നു. അതേത്തു​ടർന്നു​വന്ന ഖണ്ഡിക ഉചിത​മാ​യി ഇങ്ങനെ പറഞ്ഞു: “സംഭവ​ങ്ങ​ളു​ടെ യഥാർഥ സമയം നാം അറി​യേ​ണ്ട​തില്ല. എന്നാൽ ശക്തമായ വിശ്വാ​സം നട്ടുവ​ളർത്തി​ക്കൊ​ണ്ടും യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി​രു​ന്നു​കൊ​ണ്ടും ഉണർന്നി​രി​ക്കു​ന്ന​തി​ലാ​യി​രി​ക്കണം നമ്മുടെ ശ്രദ്ധ. അല്ലാതെ ഒരു തീയതി കണക്കാ​ക്കു​ന്ന​തി​ലാ​യി​രി​ക്ക​രുത്‌.” എന്നിട്ട്‌, അത്‌ യേശു​വി​ന്റെ പിൻവ​രുന്ന വാക്കുകൾ ഉദ്ധരിച്ചു: ‘ആ കാലം എപ്പോൾ എന്നു നിങ്ങൾ അറിയാ​യ്‌ക​കൊ​ണ്ടു സൂക്ഷി​ച്ചു​കൊൾവിൻ; ഉണർന്നി​രി​പ്പിൻ; ഞാൻ നിങ്ങ​ളോ​ടു പറയു​ന്ന​തോ എല്ലാവ​രോ​ടും പറയുന്നു: ഉണർന്നി​രി​പ്പിൻ.’—മർക്കൊസ്‌ 13:33, 37.