നിരാ​ശ​യി​ലും പ്രത്യാശ കണ്ടെത്താ​വുന്ന വിധം

നിങ്ങൾക്ക്‌ ഇങ്ങനെ​യൊ​ര​നു​ഭവം ഉണ്ടാകു​ന്നെന്നു കരുതുക: സ്വത്തെ​ല്ലാം നശിച്ച്‌ നിർധ​ന​നാ​യി. നിങ്ങളു​ടെ മുഴു​സ​ന്തോ​ഷ​വു​മാ​യി​രുന്ന മക്കൾ മേലാൽ ജീവി​ച്ചി​രി​ക്കു​ന്നില്ല. ഇണയുടെ യാതൊ​രു ധാർമിക പിന്തു​ണ​യു​മില്ല. ആരോ​ഗ്യ​മാ​കട്ടെ നന്നേ ക്ഷയിച്ചി​രി​ക്കു​ന്നു. ദിവസേന അഗ്നിപ​രീ​ക്ഷയെ നേരി​ടു​ക​യാണ്‌.

അത്തര​മൊ​രു ഗതി​കേ​ടിൽ എത്തി​ച്ചേ​രു​ന്നെ​ങ്കിൽ, തുടർന്നു ജീവി​ക്കു​ന്ന​തു​കൊണ്ട്‌ എന്തെങ്കി​ലും നേട്ടമു​ള്ള​താ​യി നിങ്ങൾക്കു തോന്നു​മോ? അതോ നിങ്ങൾ നിരാ​ശ​യു​ടെ പടുകു​ഴി​യിൽ വീഴു​മോ?

മുകളിൽ വിവരിച്ച ദുർദശ, ബൈബിൾ കാലങ്ങ​ളിൽ ജീവി​ച്ചി​രുന്ന ഇയ്യോബ്‌ എന്ന മനുഷ്യ​ന്റെ യഥാർഥ ജീവി​താ​നു​ഭ​വ​മാ​യി​രു​ന്നു. (ഇയ്യോബ്‌ 1-ഉം 2-ഉം അധ്യാ​യങ്ങൾ) ആശയറ്റ ഒരു സാഹച​ര്യ​ത്തിൽ ഇയ്യോബ്‌ ഇങ്ങനെ വിലപി​ച്ചു: “എന്റെ ജീവൻ എനിക്കു വെറു​പ്പാ​യ്‌തോ​ന്നു​ന്നു.” മരിക്കു​ന്ന​താ​ണു ഭേദ​മെന്ന്‌ അവനു തോന്നി. (ഇയ്യോബ്‌ 10:1; 14:13) എങ്കിലും, കൊടിയ യാതന​യി​ലും ഇയ്യോബ്‌ ദൈവ​ത്തോ​ടുള്ള നിർമലത കാത്തു​സൂ​ക്ഷി​ച്ചു. തന്മൂലം, യഹോവ “ഇയ്യോ​ബി​ന്റെ പിൻകാ​ലത്തെ അവന്റെ മുൻകാ​ല​ത്തെ​ക്കാൾ അധികം അനു​ഗ്ര​ഹി​ച്ചു.” അങ്ങനെ അവൻ സമാധാ​ന​പൂർണ​നാ​യി, “വൃദ്ധനും കാലസ​മ്പൂർണ്ണ​നു​മാ​യി മരിച്ചു.”—ഇയ്യോബ്‌ 42:12, 17.

ഇന്നോളം പ്രകീർത്തി​ക്ക​പ്പെ​ടുന്ന മാതൃ​കാ​പ​ര​മായ സഹിഷ്‌ണു​ത​യാണ്‌ ഇയ്യോബ്‌ കാട്ടി​യത്‌. പീഡനം അവന്റെ വ്യക്തി​ത്വ​ത്തെ ശുദ്ധീ​ക​രി​ക്കു​ക​യും മറ്റുള്ള​വരെ സത്‌പ്ര​വൃ​ത്തി​ക്കു പ്രേരി​പ്പി​ക്കു​ക​യും ചെയ്‌തു. (യാക്കോബ്‌ 5:10, 11) സർവ​പ്ര​ധാ​ന​മാ​യി, ഇയ്യോ​ബി​ന്റെ കറയറ്റ നിർമലത യഹോ​വ​യു​ടെ ഹൃദയത്തെ സന്തോ​ഷി​പ്പി​ച്ചു. (സദൃശ​വാ​ക്യ​ങ്ങൾ 27:11) അങ്ങനെ, യാതന​യെന്ന പേക്കി​നാവ്‌ ഒടുവിൽ ഭക്തിയു​ടെ​യും വിശ്വാ​സ​ത്തി​ന്റെ​യും നിർമ​ല​ത​യു​ടെ​യും വമ്പിച്ച വിജയ​ത്തിൽ കലാശി​ച്ചു. അത്‌ ഇയ്യോ​ബി​നും അവന്റെ ദൃഷ്ടാ​ന്ത​ത്താൽ പ്രചോ​ദി​ത​രാ​യ​വർക്കും അനു​ഗ്ര​ഹങ്ങൾ കൈവ​രു​ത്തി.

വിവിധ പരി​ശോ​ധ​ന​ക​ളി​ലും പ്രത്യാശ

ഇയ്യോ​ബി​ന്റേ​തി​നു സമാന​മായ പരി​ശോ​ധ​നകൾ നിങ്ങൾക്കു​മു​ണ്ടാ​യേ​ക്കാം. പ്രിയ​പ്പെട്ട ഒരാളു​ടെ മരണം വൈകാ​രി​ക​മാ​യി നിങ്ങളെ തളർത്തി​യെ​ന്നു​വ​രാം. ഗുരു​ത​ര​മായ രോഗം നിമിത്തം ജീവിതം യാതനാ​പൂർണ​മാ​യേ​ക്കാം. ഹൃദയ​ഭേ​ദ​ക​മായ വിവാ​ഹ​മോ​ചനം മുഴു​ജീ​വി​ത​വും പാഴാ​ക്കി​യെ​ന്നു​വ​രാം. സാമ്പത്തിക നഷ്ടങ്ങൾ നിങ്ങളെ നിർധ​ന​നാ​ക്കി​യേ​ക്കാം. സത്യാ​രാ​ധ​ന​യു​ടെ വി​ദ്രോ​ഹി​ക​ളായ എതിരാ​ളി​കൾ നിങ്ങൾക്കെ​തി​രെ കൊടിയ പീഡനം ഇളക്കി​വി​ട്ടെന്നു വരാം. പരി​ശോ​ധ​നകൾ തരണം​ചെ​യ്യാൻ കഠിന​ശ്രമം ചെയ്യേണ്ടി വരുന്നതു നിമിത്തം ഭാവി ആശയറ്റ​താ​യി തോന്നി​യേ​ക്കാം.—1 പത്രൊസ്‌ 1:6.

നിരാ​ശ​യി​ലേ​ക്കു വഴുതി​വീ​ഴു​ന്ന​തി​നു പകരം സ്വയം ഇങ്ങനെ ചോദി​ക്കുക, ‘ഞാൻ കഷ്ടമനു​ഭ​വി​ക്കു​ന്ന​തി​നു കാരണ​മെ​ന്താണ്‌?’ പിശാ​ചായ സാത്താൻ എന്ന “ദുഷ്ടന്റെ അധീന​ത​യിൽ കിടക്കുന്ന” ലോക​ത്തിൽ ജീവി​ക്കു​ന്ന​തു​കൊ​ണ്ടാ​ണു നിങ്ങൾ കഷ്ടമനു​ഭ​വി​ക്കു​ന്നത്‌. (1 യോഹ​ന്നാൻ 5:19) തത്‌ഫ​ല​മാ​യി, സകലരും കഷ്ടമനു​ഭ​വി​ക്കു​ന്നു. രാജ്യ​സ​ന്ദേ​ശ​ത്തി​നെ​തി​രെ പിശാ​ചി​നാൽ പ്രേരി​ത​മായ വിദ്വേ​ഷ​മോ മറ്റുള്ള​വ​രു​ടെ സ്‌നേ​ഹ​ശൂ​ന്യ​മായ വാക്കു​ക​ളോ ഈ “ദുർഘ​ട​സ​മയങ്ങ”ളിൽ സർവസാ​ധാ​ര​ണ​മായ, ഭക്തിര​ഹിത നടത്തയു​ടെ ഭീതി​ദ​മായ പ്രവർത്ത​ന​ങ്ങ​ളോ ഒരുവി​ധ​ത്തി​ല​ല്ലെ​ങ്കിൽ മറ്റൊ​രു​വി​ധ​ത്തിൽ നമ്മെ ബാധി​ക്കു​ന്നു.—2 തിമൊ​ഥെ​യൊസ്‌ 3:1-5.

ജീവി​ത​ത്തിൽ ദാരു​ണ​മായ എന്തെങ്കി​ലും സംഭവി​ച്ചി​ട്ടു​ണ്ടെ​ങ്കിൽ “കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും” നിങ്ങളെ വലവീ​ശി​പ്പി​ടി​ച്ച​താ​യി​രി​ക്കും. (സഭാ​പ്ര​സം​ഗി 9:11) അതേസ​മയം, നമ്മു​ടെ​തന്നെ അവകാ​ശ​പ്പെ​ടു​ത്തിയ അപൂർണത നിമി​ത്ത​വും ചില​പ്പോ​ഴൊ​ക്കെ അവസ്ഥകൾ മോശ​മാ​യേ​ക്കാം. (റോമർ 5:12) ഗുരു​ത​ര​മാ​യി പാപം ചെയ്‌തെ​ങ്കി​ലും, അനുത​പി​ക്കു​ക​യും ആത്മീയ സഹായം തേടു​ക​യും ചെയ്‌തി​രി​ക്കു​ന്ന​പക്ഷം, ദൈവ​ത്താൽ ഉപേക്ഷി​ക്ക​പ്പെ​ട്ടെന്നു വിചാ​രി​ക്കേ​ണ്ട​തില്ല. (സങ്കീർത്തനം 103:10-14; യാക്കോബ്‌ 5:13-15) മറ്റേ​തൊ​രാ​ളെ​ക്കാ​ളും അവൻ നമ്മെക്കു​റി​ച്ചു കരുത​ലു​ള്ള​വ​നാണ്‌. (1 പത്രൊസ്‌ 5:6, 7) “ഹൃദയം നുറു​ങ്ങി​യ​വർക്കു യഹോവ സമീപസ്ഥൻ; മനസ്സു തകർന്ന​വരെ അവൻ രക്ഷിക്കു​ന്നു” എന്നു നിങ്ങൾക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. (സങ്കീർത്തനം 34:18) നിങ്ങളു​ടെ പീഡനം എത്രതന്നെ ദുരന്ത​പൂർണ​വും കഠിന​വു​മാ​യി​രു​ന്നാ​ലും അതിനെ നേരി​ടു​ന്ന​തി​നാ​വ​ശ്യ​മായ ജ്ഞാനം പ്രദാനം ചെയ്യാൻ യഹോ​വ​യ്‌ക്കു സാധി​ക്കും. (യാക്കോബ്‌ 1:5-8) യഹോ​വ​യ്‌ക്കു സകല മുറി​വു​ക​ളും ഭേദ​പ്പെ​ടു​ത്താ​നാ​കു​മെന്ന്‌ എല്ലായ്‌പോ​ഴും ഓർമി​ക്കുക. അവന്റെ പ്രീതി​യു​ള്ള​പ്പോൾ നിത്യ​ജീ​വൻ നേടു​ന്ന​തിൽനി​ന്നു നിങ്ങളെ തടയാൻ ഒന്നിനു​മാ​കില്ല.—റോമർ 8:38, 39.

പീഡന​ങ്ങൾകൊണ്ട്‌ എന്തെങ്കി​ലും നേട്ടമു​ണ്ടോ?

“ഒരേറ്റ​ത്തി​നൊ​രി​റക്കം” എന്നൊരു ചൊല്ലുണ്ട്‌. സ്ഥിതി​ഗ​തി​കൾ എത്രതന്നെ മോശ​മാ​യാ​ലും എല്ലായ്‌പോ​ഴും പ്രത്യാ​ശ​യ്‌ക്കു കാരണം കണ്ടെത്താ​മെന്നു പറയു​ന്ന​തി​നുള്ള ലളിത​മായ മാർഗ​മാ​ണത്‌. ദൈവ​വ​ച​ന​ത്തിൽ എഴുത​പ്പെ​ട്ടി​രി​ക്കു​ന്ന​തൊ​ക്കെ​യും ‘നമുക്കു പ്രത്യാശ ഉണ്ടാ​കേ​ണ്ട​തി​നാണ്‌.’ (റോമർ 15:4) നിങ്ങളു​ടെ അവസ്ഥ എത്രതന്നെ ദുരി​ത​പൂർണ​മാ​യാ​ലും ബൈബി​ളി​ലുള്ള വാഗ്‌ദാ​ന​ങ്ങ​ളും തത്ത്വങ്ങ​ളും നിങ്ങൾക്കു പുതു​ക്കിയ സന്തോ​ഷ​വും പ്രത്യാ​ശ​യും കൈവ​രു​ത്തും.

ദൈവത്തെ സ്‌നേ​ഹി​ക്കു​ന്ന​വർക്കാ​യി കരുതി​യി​രി​ക്കുന്ന നിത്യാ​നു​ഗ്ര​ഹ​ങ്ങ​ളു​മാ​യി തട്ടിച്ചു​നോ​ക്കു​മ്പോൾ ആ ‘കഷ്ടം നൊടി​നേ​ര​ത്തേ​ക്കു​ള്ള​തും ലഘുവു’മാണ്‌ എന്നു തിരു​വെ​ഴു​ത്തു വ്യക്തമാ​ക്കു​ന്നു. (2 കൊരി​ന്ത്യർ 4:16-18) പീഡന​ങ്ങൾക്കി​ട​യിൽ വളർത്തി​യെ​ടുത്ത ദൈവിക ഗുണങ്ങൾ പ്രശസ്‌തി​യെ​ക്കാൾ അല്ലെങ്കിൽ ഭൗതിക സമ്പത്തി​നെ​ക്കാൾ വളരെ​യേറെ മൂല്യ​വ​ത്താ​ണെ​ന്നും ബൈബിൾ സൂചി​പ്പി​ക്കു​ന്നു. (1 യോഹ​ന്നാൻ 2:15-17) അതിനാൽ, കഷ്ടപ്പാ​ടു​കൊ​ണ്ടും നേട്ടമുണ്ട്‌. (എബ്രായർ 5:8) വാസ്‌ത​വ​ത്തിൽ, പഠിച്ച കാര്യങ്ങൾ പീഡന​സ​മ​യത്തു ബാധക​മാ​ക്കു​ന്നത്‌ അപ്രതീ​ക്ഷിത അനു​ഗ്ര​ഹങ്ങൾ കൈവ​രു​ത്തി​യേ​ക്കാം.

ദുഷ്‌ക​ര​മാ​യ ഒരു പീഡനം നിങ്ങളെ കൂടുതൽ മയപ്പെ​ടു​ത്തും. മറ്റുള്ള​വരെ അലോ​സ​ര​പ്പെ​ടു​ത്തു​ക​യും നിങ്ങളു​ടെ​തന്നെ ആത്മീയ വളർച്ച​യ്‌ക്കു തടസ്സം സൃഷ്ടി​ക്കു​ക​യും ചെയ്‌ത ഒരു സ്വഭാ​വ​വി​ശേഷം മുമ്പു നിങ്ങൾക്കു​ണ്ടാ​യി​രു​ന്നു​വെന്നു നിങ്ങൾ സമ്മതി​ച്ചേ​ക്കാം. ഒരുപക്ഷേ അത്‌ അമിത​വി​ശ്വാ​സ​മാ​യി​രു​ന്നി​രി​ക്കാം. ഒരു ദുരന്ത​ത്താൽ കഷ്ടമനു​ഭ​വി​ച്ചു കഴിയു​മ്പോൾ, നിങ്ങൾ എത്ര ദുർബ​ല​നാ​ണെ​ന്നും മറ്റുള്ള​വരെ എത്രമാ​ത്രം ആവശ്യ​മു​ണ്ടെ​ന്നും നിങ്ങൾ പെട്ടെന്നു തിരി​ച്ച​റി​ഞ്ഞേ​ക്കാം. പീഡനം നിങ്ങളെ ആ പാഠം പഠിപ്പി​ക്കു​ക​യും നിങ്ങളിൽ ആവശ്യ​മാ​യി​രി​ക്കുന്ന മാറ്റങ്ങൾ വരുത്തു​ക​യും ചെയ്‌തെ​ങ്കിൽ, അതു​കൊ​ണ്ടു നിങ്ങൾക്കു പ്രയോ​ജ​ന​മു​ണ്ടാ​യി.

മുമ്പ്‌, നിങ്ങളു​ടെ കോപ​പ്ര​കൃ​തത്തെ നിയ​ന്ത്രി​ക്കു​ന്നതു പ്രയാ​സ​ക​ര​മാ​യി​രു​ന്ന​തി​നാൽ നിങ്ങളു​മാ​യി ഇടപഴ​കാൻ മറ്റുള്ള​വർക്കു ബുദ്ധി​മു​ട്ടാ​യി​രു​ന്നെ​ങ്കി​ലോ? അതു നിങ്ങളു​ടെ ആരോ​ഗ്യ​ത്തി​നും കോട്ടം​വ​രു​ത്തി​യി​രി​ക്കാം. (സദൃശ​വാ​ക്യ​ങ്ങൾ 14:29, 30) എന്നാൽ, ഇപ്പോൾ നിങ്ങൾ ആത്മനി​യ​ന്ത്രണം പാലി​ക്കാൻ സഹായ​ത്തി​നാ​യി ദൈവാ​ത്മാ​വിൽ ആശ്രയി​ക്കു​ന്ന​തി​നാൽ സാഹച​ര്യം വളരെ​യ​ധി​കം മെച്ച​പ്പെ​ട്ടി​രി​ക്കാം.—ഗലാത്യർ 5:22, 23.

മറ്റുള്ള​വ​രെ​പ്പോ​ലെ, തെറ്റു​ചെ​യ്യു​ന്ന​വ​രോ​ടു കരുണ കാട്ടാൻ ആവശ്യ​മായ അനുകമ്പ ഒരിക്കൽ നിങ്ങൾക്കി​ല്ലാ​തി​രു​ന്നി​രി​ക്കാം. എന്നാൽ, നിങ്ങൾക്കു വളരെ​യ​ധി​കം കരുണ ആവശ്യ​മാ​യി​രുന്ന ഒരു സാഹച​ര്യം ഉണ്ടായി​ട്ടു​ണ്ടെ​ങ്കിൽ മറ്റുള്ള​വ​രോ​ടു കൂടുതൽ കരുണ​യു​ള്ള​വ​നാ​യി​രി​ക്കാൻ സാധ്യ​ത​യുണ്ട്‌. നിങ്ങൾക്കു ലഭിച്ച ഹൃദ​യോ​ഷ്‌മ​ള​മായ സഹതാ​പ​വും താത്‌പ​ര്യ​വും കരുണ​യും, അനുത​പി​ക്കുന്ന ദുഷ്‌പ്ര​വൃ​ത്തി​ക്കാ​രോ​ടു സമാന​മായ ഗുണങ്ങൾ പ്രകടി​പ്പി​ക്കേ​ണ്ട​തു​ണ്ടെന്നു തിരി​ച്ച​റി​യാൻ ഇടവരു​ത്തു​ന്നു. നിങ്ങൾക്കു​ണ്ടായ ബുദ്ധി​മു​ട്ടു​കൾ ആ വ്യക്തി​ത്വ​ബ​ല​ഹീ​ന​തകൾ തിരു​ത്താൻ പ്രേരി​പ്പി​ച്ചെ​ങ്കിൽ നിങ്ങളു​ടെ അനുഭ​വ​ത്തിൽനി​ന്നു​ണ്ടായ ഒരു പ്രയോ​ജ​ന​മാ​ണത്‌. “കരുണ ന്യായ​വി​ധി​യെ ജയിച്ചു പ്രശം​സി​ക്കു​ന്നു” എന്നു നിങ്ങൾ മനസ്സി​ലാ​ക്കി.—യാക്കോബ്‌ 2:13; മത്തായി 5:7.

ക്രിസ്‌തീ​യ സഭ നൽകിയ ശിക്ഷണം നിമിത്തം നിങ്ങൾക്കു വിലപ്പെട്ട പദവി​ക​ളും മറ്റുള്ള​വ​രു​ടെ ആദരവും നഷ്ടമാ​യെ​ങ്കി​ലോ? നിരാ​ശ​യി​ലേക്കു വഴുതി​വീ​ഴ​രുത്‌. ശിക്ഷണ​ന​ട​പടി സഭയെ ശുദ്ധമാ​ക്കി നിർത്താൻ സഹായി​ക്കു​ന്നു. എന്നാൽ, ദുഷ്‌പ്ര​വൃ​ത്തി​ക്കാ​രനെ ആത്മീയ​മാ​യി പുനഃ​സ്ഥാ​പി​ക്കു​ന്ന​തും അതിന്റെ ഉദ്ദേശ്യ​ങ്ങ​ളിൽപ്പെ​ടു​ന്നു. ശരിയാണ്‌, “ഏതു ശിക്ഷയും തല്‌ക്കാ​ലം സന്തോ​ഷ​ക​രമല്ല ദുഃഖ​ക​ര​മ​ത്രേ എന്നു തോന്നും; പിന്ന​ത്തേ​തി​ലോ അതിനാൽ അഭ്യാസം വന്നവർക്കു നീതി എന്ന സമാധാ​ന​ഫലം ലഭിക്കും.” (ചെരി​ച്ചെ​ഴു​ത്തു ഞങ്ങളു​ടേത്‌.) (എബ്രായർ 12:11) ശിക്ഷണം ഒരുവനെ പിടി​ച്ചു​ല​ച്ചേ​ക്കാ​മെ​ങ്കി​ലും താഴ്‌മ​യുള്ള അനുതാ​പി​യെ പ്രത്യാ​ശാ​ര​ഹി​ത​നാ​ക്കു​ന്നില്ല. പുരാതന ഇസ്രാ​യേൽ രാജാ​വാ​യി​രുന്ന ദാവീ​ദി​നു ദുഷ്‌പ്ര​വൃ​ത്തി നിമിത്തം കർശന​മാ​യി ശിക്ഷണം നൽകി. എന്നാൽ, അവൻ അനുതാ​പം പ്രകട​മാ​ക്കി. മാത്രമല്ല, മുന്തിയ വിശ്വാ​സ​മു​ള്ള​വ​നെന്ന പ്രത്യേക പ്രശം​സ​യും ഒടുവിൽ അവനു ലഭിച്ചു.—2 ശമൂവേൽ 12:7-12; സങ്കീർത്തനം 32:5; എബ്രായർ 11:32-34.

ഒരു പീഡന​ത്തിന്‌ നിങ്ങളു​ടെ വീക്ഷണ​ത്തി​ന്മേൽ ശക്തമായ പ്രഭാവം ചെലു​ത്താ​നാ​കും. മുമ്പു നിങ്ങൾ ഭൗതിക ലാക്കു​ക​ളി​ലും ഈ ലോക​ത്തിൽ അംഗീ​കാ​ര​വും സാമൂ​ഹിക പദവി​യും കൈവ​രു​ത്തിയ നേട്ടങ്ങ​ളി​ലു​മാ​യി​രു​ന്നി​രി​ക്കും ശ്രദ്ധ​കേ​ന്ദ്രീ​ക​രി​ച്ചി​രു​ന്നത്‌. ഒരുപക്ഷേ, സാമ്പത്തിക ആഘാത​ത്തോ​ടോ ഭൗതിക നഷ്ടത്തോ​ടോ ബന്ധപ്പെട്ട പരി​ശോ​ധന, കൂടുതൽ പ്രാധാ​ന്യ​മുള്ള സംഗതി​ക​ളിൽ ശ്രദ്ധ​കേ​ന്ദ്രീ​ക​രി​ക്കാൻ ഇടവരു​ത്തി​യി​രി​ക്കും. (ഫിലി​പ്പി​യർ 1:10 താരത​മ്യം ചെയ്യുക.) വിശുദ്ധ സേവന​ത്തി​ലെ ആത്മീയ മൂല്യ​ങ്ങ​ളും ലാക്കു​ക​ളും മാത്രമേ യഥാർഥ സന്തുഷ്ടി​യും നിലനിൽക്കുന്ന സംതൃ​പ്‌തി​യും പ്രദാനം ചെയ്യു​ക​യു​ള്ളു​വെന്നു നിങ്ങളി​പ്പോൾ തിരി​ച്ച​റി​യു​ന്നു.

യഹോ​വ​യിൽ ആശ്രയി​ക്കു​ക

യഹോ​വ​യ്‌ക്കു വിശുദ്ധ സേവന​മ​നു​ഷ്‌ഠി​ക്കു​ന്നതു നിമിത്തം ക്രിസ്‌തീയ വിശ്വാ​സത്തെ എതിർക്കു​ന്ന​വ​രു​ടെ കരങ്ങളാൽ പീഡന​വും കഷ്ടപ്പാ​ടും അനുഭ​വി​ക്കേണ്ടി വന്നേക്കാം. പീഡനം നിമിത്തം നിങ്ങൾ നിരു​ത്സാ​ഹി​ത​നാ​യെന്നു വരാം. എന്നാൽ പീഡനം​കൊ​ണ്ടു പ്രയോ​ജ​ന​മുണ്ട്‌. അതു നിങ്ങളു​ടെ വിശ്വാ​സത്തെ ശക്തി​പ്പെ​ടു​ത്തി​യേ​ക്കാം. കൂടാതെ, പീഡന​മ​നു​ഭ​വി​ക്കുന്ന മറ്റുള്ളവർ നിങ്ങളു​ടെ സ്ഥിരോ​ത്സാ​ഹം കണ്ടു പ്രോ​ത്സാ​ഹി​ത​രും ബലിഷ്‌ഠ​രു​മാ​യേ​ക്കാം. നിങ്ങളു​ടെ നല്ല നടത്ത വീക്ഷി​ക്കു​ന്നവർ ദൈവത്തെ മഹത്ത്വ​പ്പെ​ടു​ത്താൻ പ്രേരി​ത​രാ​യേ​ക്കും. എന്തിന്‌, എതിരാ​ളി​കൾ പോലും ലജ്ജിത​രാ​യി, നിങ്ങളു​ടെ സത്‌പ്ര​വൃ​ത്തി​കളെ അംഗീ​ക​രി​ച്ചെ​ന്നി​രി​ക്കും!—1 പത്രൊസ്‌ 2:12; 3:16.

പീഡി​പ്പി​ക്ക​പ്പെ​ടു​മ്പോൾ നിരാ​ശ​യി​ലേക്കു വഴുതി​വീ​ഴാ​തി​രി​ക്കാൻ യഹോ​വ​യിൽ ആശ്രയി​ക്കേ​ണ്ടത്‌ ആവശ്യ​മാണ്‌. പീഡന​ത്തിൽനിന്ന്‌ ഉറപ്പാ​യും വിടുതൽ ലഭിക്കു​മെന്ന്‌ അവന്റെ വചനം പറയുന്നു. എന്നാൽ നിങ്ങൾ ആഗ്രഹി​ക്കും​പോ​ലെ അത്ര പെട്ടെ​ന്നതു ലഭി​ച്ചെന്നു വരില്ല. അതിനി​ട​യിൽ, “നന്മ ചെയ്യു​ന്ന​തിൽ തളർന്നു​പോ​ക​രു​തു.” (2 തെസ്സ​ലൊ​നീ​ക്യർ 3:13) പീഡനങ്ങൾ തരണം​ചെ​യ്യാ​നും സഹിച്ചു​നിൽക്കാ​നു​മുള്ള മാർഗങ്ങൾ തേടി​ക്കൊ​ണ്ടി​രി​ക്കുക. സ്ഥിതി​ഗ​തി​കൾ ആശയറ്റ​താ​യി തോന്നി​ക്കു​മ്പോ​ഴും “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” (സങ്കീർത്തനം 55:22) സ്വാനു​താ​പ​ത്തിൽ ആണ്ടു​പോ​കു​ന്ന​തി​നു പകരം യഹോ​വയെ അറിഞ്ഞ​തും അവന്റെ ജനത്തി​നി​ട​യിൽ ഒരു സ്ഥാനമു​ള്ള​തും നിത്യ​ജീ​വന്റെ പ്രത്യാശ കൈവ​രി​ച്ച​തും നിമിത്തം നിങ്ങൾ എത്ര അനുഗൃ​ഹീ​ത​നാ​ണെന്നു ചിന്തി​ക്കുക.—യോഹ​ന്നാൻ 3:16, 36.

അത്യാ​വ​ശ്യ കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കുക. സഹിച്ചു​നിൽക്കാ​നുള്ള ശക്തിക്കാ​യി നിത്യേന യഹോ​വ​യോ​ടു പ്രാർഥി​ക്കുക. (ഫിലി​പ്പി​യർ 4:6, 7, 13) നിങ്ങളെ കഷ്ടപ്പെ​ടു​ത്തു​ന്ന​വ​രോ​ടുള്ള പ്രതി​കാ​ര​ചി​ന്ത​യു​ടെ ഏതൊരു കണിക​യും നിർമാർജനം ചെയ്യുക. കാര്യാ​ദി​കൾ യഹോ​വ​യു​ടെ കരങ്ങളി​ലേൽപ്പി​ക്കുക. (റോമർ 12:19) നിങ്ങളു​ടെ വ്യക്തി​ത്വ​ത്തെ നിർമ​ലീ​ക​രി​ക്കു​ന്ന​തി​നും ക്രിസ്‌തീയ ഗുണങ്ങൾ നട്ടുവ​ളർത്തു​ന്ന​തി​നു​മുള്ള മാർഗങ്ങൾ തേടുക. (2 പത്രൊസ്‌ 1:5-8) നിങ്ങളു​ടെ ആത്മീയാ​വ​ശ്യ​ങ്ങൾക്കാ​യി സ്‌നേ​ഹ​പു​ര​സ്സരം കരുതുന്ന മൂപ്പന്മാ​രുൾപ്പെടെ, മറ്റുള്ളവർ നിങ്ങൾക്കു​വേണ്ടി ചെയ്‌ത സകലതും വിലമ​തി​ക്കുക. (എബ്രായർ 13:7, 17) ദൈവ​ത്തോ​ടു വിശ്വ​സ്‌ത​നാ​യി​രി​ക്കുക. ജീവസ​മ്മാ​ന​ത്തിൽ ദൃഷ്ടി​യു​റ​പ്പി​ക്കുക. മരണത്തി​നു​പോ​ലും അത്‌ അപഹരി​ക്കാ​നാ​വി​ല്ലെന്ന ദൃഢവി​ശ്വാ​സ​മു​ണ്ടാ​യി​രി​ക്കുക.—യോഹ​ന്നാൻ 5:28, 29; 17:3.

നിങ്ങളി​പ്പോൾ അത്യന്തം ദുഃഖ​വും കൊടിയ പീഡന​വും അനുഭ​വി​ക്കു​ന്നു​ണ്ടെ​ങ്കിൽ “പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക.” ഒടുവിൽ, ദുഃഖ​ത്തി​ന്റെ​യും കഷ്ടപ്പാ​ടി​ന്റെ​യും സ്ഥാനത്തു നിങ്ങൾ അത്യന്തം ആനന്ദി​ക്കും. (സദൃശ​വാ​ക്യ​ങ്ങൾ 3:5, 6; യോഹ​ന്നാൻ 16:20) ദൈവം ഇയ്യോ​ബി​നെ അനു​ഗ്ര​ഹി​ച്ച​പ്പോ​ഴെ​ന്ന​പോ​ലെ യാതനകൾ സന്തുഷ്ടി​ക്കു വഴിമാ​റും. നിങ്ങൾക്കു ലഭിക്കാ​നി​രി​ക്കുന്ന പ്രതി​ഫ​ല​വു​മാ​യി തട്ടിച്ചു​നോ​ക്കു​മ്പോൾ ഇപ്പോ​ഴത്തെ കഷ്ടപ്പാ​ടു​കൾ ഏതുമല്ല. (റോമർ 8:18 താരത​മ്യം ചെയ്യുക.) നിങ്ങളു​ടെ വിശ്വ​സ്‌ത​മായ സഹിഷ്‌ണുത മറ്റുള്ള​വരെ പ്രോ​ത്സാ​ഹി​പ്പി​ക്കും. മാത്രമല്ല, “പുതിയ വ്യക്തിത്വ”ത്തോ​ടൊ​പ്പം ഉണ്ടാകുന്ന ആകർഷ​ക​മായ ക്രിസ്‌തീയ ഗുണങ്ങൾ നട്ടുവ​ളർത്താ​നും അതു നിങ്ങളെ സഹായി​ക്കും. (എഫെസ്യർ 4:23, 24, NW; കൊ​ലൊ​സ്സ്യർ 3:10, 12-14) ആ സ്ഥിതിക്ക്‌, പത്രൊസ്‌ അപ്പോ​സ്‌ത​ലന്റെ പിൻവ​രുന്ന വാക്കു​ക​ളിൽനി​ന്നു ധൈര്യ​മാർജി​ക്കുക: “ദൈ​വേ​ഷ്ട​പ്ര​കാ​രം കഷ്ടം സഹിക്കു​ന്നവർ നന്മ ചെയ്‌തു​കൊ​ണ്ടു തങ്ങളുടെ പ്രാണനെ വിശ്വ​സ്‌ത​നായ സ്രഷ്ടാ​വി​ങ്കൽ ഭരമേ​ല്‌പി​ക്കട്ടെ.”—1 പത്രൊസ്‌ 4:19.

[23-ാം പേജിലെ ചിത്രം]

ഇയ്യോബിനെപ്പോലെ ആയിരി​ക്കുക. ഒരിക്ക​ലും പ്രത്യാശ കൈ​വെ​ടി​യ​രുത്‌

[24-ാം പേജിലെ ചിത്രം]

മുഴുഹൃദയത്തോടെ യഹോ​വ​യിൽ ആശ്രയി​ക്കു​ക