ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്ന​തി​നെ​തി​രെ ജാഗ്രത

വിഖ്യാ​ത​നായ ഒരു ടെലി​വി​ഷൻ സുവി​ശേ​ഷകൻ, ഒരു സഹപ്ര​സം​ഗകൻ വ്യഭി​ചാ​ര​ത്തി​ലേർപ്പെ​ട്ട​തി​നെ പരുഷ​മാ​യി അപലപി​ച്ചു. എന്നാൽ, അതിനു​ശേഷം ഒരു വർഷമാ​കും​മു​മ്പേ, കുറ്റമാ​രോ​പിച്ച സുവി​ശേ​ഷ​കനെ ഒരു വേശ്യ​യോ​ടൊ​പ്പം കയ്യോടെ പിടി​കൂ​ടി.

ഇനി മറ്റൊരു സംഭവം. ഒരു പ്രമുഖ ലോക​ശക്തി ഒരിക്കൽ, യുദ്ധത്തി​ലേർപ്പെ​ട്ടി​രുന്ന രണ്ടു രാജ്യ​ങ്ങളെ സമാധാന ഉടമ്പടി​യി​ലേർപ്പെ​ടാൻ പ്രോ​ത്സാ​ഹി​പ്പി​ക്കു​ന്ന​തി​നു പ്രതി​നി​ധി​കളെ അയച്ചു. അതിനി​ട​യിൽ, അതേ രാഷ്‌ട്രം​തന്നെ ശതകോ​ടി​ക്ക​ണ​ക്കി​നു ഡോളർ വിലവ​രുന്ന ആയുധ വ്യാപാ​ര​ത്തിൽ പങ്കുപ​റ്റാൻ അതിന്റെ ആയുധ വ്യാപാ​രി​കളെ രഹസ്യ​മാ​യി വിദേ​ശ​ങ്ങ​ളി​ലേ​ക്ക​യച്ചു.

നിർല​ജ്ജ​മാ​യ കാപട്യം സർവസാ​ധാ​ര​ണ​മാ​യ​തി​നാൽ, സന്ദേഹ​വാ​ദം വിശ്വാ​സ്യ​തയെ മിക്കവാ​റും പിഴു​തെ​റി​ഞ്ഞി​രി​ക്കു​ന്ന​തിൽ തെല്ലും അതിശ​യി​ക്കാ​നു​ണ്ടോ? അനേക​രെ​യും സംബന്ധി​ച്ചി​ട​ത്തോ​ളം, മറ്റുള്ള​വ​രു​ടെ ഉദ്ദേശ്യ​ശു​ദ്ധി​യെ ചോദ്യം​ചെ​യ്യുന്ന പ്രകൃതം രക്തത്തിൽ അലിഞ്ഞു​ചേർന്നി​രി​ക്കു​ക​യാണ്‌.

ക്രിസ്‌ത്യാ​നി​ക​ളെന്ന നിലയിൽ, വിശ്വ​സ്‌ത​രായ സഹവി​ശ്വാ​സി​ക​ളു​മാ​യുള്ള നമ്മുടെ ബന്ധത്തിന്‌ ഉലച്ചിൽ തട്ടത്തക്ക​വണ്ണം അത്തരം മനോ​ഭാ​വം നമ്മെ സ്വാധീ​നി​ക്കാ​തി​രി​ക്കാൻ നാം ജാഗ്ര​ത​യു​ള്ള​വ​രാ​യി​രി​ക്കണം. ശത്രു​ക്ക​ളു​ടെ മധ്യേ​യാ​യി​രി​ക്കു​മ്പോൾ “പാമ്പി​നെ​പ്പോ​ലെ ബുദ്ധി​യു​ള്ളവ”രായി​രി​ക്കാൻ യേശു​ക്രി​സ്‌തു നമ്മോടു പറഞ്ഞി​ട്ടു​ണ്ടെ​ങ്കി​ലും തന്റെ യഥാർഥ അനുഗാ​മി​കളെ നാം സംശയി​ക്ക​ണ​മെന്ന്‌ അവൻ പറഞ്ഞില്ല. (മത്തായി 10:16) ആ സ്ഥിതിക്ക്‌, മറ്റുള്ള​വരെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്ന​തു​കൊ​ണ്ടുള്ള അപകടങ്ങൾ എന്തെല്ലാ​മാണ്‌? ഏതെല്ലാം മണ്ഡലങ്ങ​ളിൽ നാം അത്തരം പ്രവണ​ത​യ്‌ക്കെ​തി​രെ പ്രത്യേ​കി​ച്ചും ജാഗരൂ​ക​രാ​യി​രി​ക്കണം? സഹക്രി​സ്‌ത്യാ​നി​ക​ളു​മാ​യുള്ള വില​യേ​റിയ ബന്ധം നമു​ക്കെ​ങ്ങനെ കാത്തു​സൂ​ക്ഷി​ക്കാ​നാ​കും?

ഒരു ഗതകാല പാഠം

ന്യായ​മായ കാരണം കൂടാതെ മറ്റുള്ള​വരെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്നത്‌ അവരെ ന്യായം​വി​ധി​ക്കു​ന്ന​തി​നു തുല്യ​മാണ്‌. അത്‌ അവരുടെ വാക്കുകൾ അല്ലെങ്കിൽ പ്രവൃ​ത്തി​കൾ, കുടി​ല​വും ദ്വേഷ​പ​ര​വു​മായ ഒരു സംഗതി മറച്ചു​വ​യ്‌ക്കു​ന്ന​തി​നുള്ള ഉപായം മാത്ര​മാ​ണെന്ന നിഗമ​ന​ത്തി​ലേക്ക്‌ എടുത്തു​ചാ​ടു​ന്ന​തു​പോ​ലെ​യാണ്‌. ഒട്ടുമി​ക്ക​പ്പോ​ഴും വെറും തെറ്റി​ദ്ധാ​ര​ണ​യാ​യി​രി​ക്കും പ്രശ്‌ന​ത്തി​ന്റെ കാതൽ. ഒരു ബൈബിൾ വൃത്താന്തം അതു ദൃഷ്ടാ​ന്തീ​ക​രി​ക്കു​ന്നു. യോശുവ 22-ാം അധ്യാ​യ​ത്തിൽ അതു കണ്ടെത്താം.

ഇസ്രാ​യേ​ല്യർ വാഗ്‌ദ​ത്ത​ദേശം കയ്യടക്കി, അവർക്കു ഗോ​ത്ര​പ്ര​കാ​രം അവകാ​ശ​ദേ​ശങ്ങൾ ലഭിച്ചതേ ഉണ്ടായി​രു​ന്നു​ള്ളൂ. രൂബേ​ന്യ​രും ഗാദ്യ​രും മനശ്ശെ​യു​ടെ പാതി​ഗോ​ത്ര​വും യോർദാൻ നദിയു​ടെ സമീപത്ത്‌ “കാഴ്‌ചെക്കു വലുതാ​യി​രി​ക്കുന്ന ഒരു യാഗപീ​ഠം” പണിതു. അതു വിശ്വാ​സ​ത്യാ​ഗ​മാ​ണെന്നു മറ്റു ഗോ​ത്ര​ക്കാർ തെറ്റി​ദ്ധ​രി​ച്ചു. ആരാധ​ന​യ്‌ക്കാ​യി നിശ്ചയി​ക്ക​പ്പെ​ട്ടി​രുന്ന ശീലോ​വി​ലെ സമാഗമന കൂടാ​ര​ത്തിൽ കൂടി​വ​രു​ന്ന​തി​നു പകരം ആ മൂന്നു ഗോ​ത്ര​ക്കാ​രും യാഗമർപ്പി​ക്കാൻ ഈ വലിയ യാഗപീ​ഠം ഉപയോ​ഗി​ക്കാൻ പോകു​ക​യാ​ണെ​ന്നാ​യി​രു​ന്നു ധാരണ. ഉടനടി, കുറ്റമാ​രോ​പിച്ച ഗോ​ത്ര​ക്കാർ സൈനിക നടപടി​ക്കു മുതിർന്നു.—യോശുവ 22:10-12.

ഫീനെ​ഹാ​സി​ന്റെ നേതൃ​ത്വ​ത്തിൽ ഔദ്യോ​ഗിക പ്രതി​നി​ധി​കൾ തങ്ങളുടെ സഹോ​ദ​ര​ങ്ങ​ളായ ഇസ്രാ​യേ​ല്യ​രു​മാ​യി ഇതേക്കു​റി​ച്ചു ചർച്ചന​ട​ത്തി​യെ​ന്നതു സ്‌തു​ത്യർഹ​മാണ്‌. അവിശ്വ​സ്‌തത, മത്സരം, യഹോ​വ​യ്‌ക്കെ​തി​രെ വിശ്വാ​സ​ത്യാ​ഗം എന്നീ കുറ്റാ​രോ​പ​ണ​ങ്ങ​ളെ​ല്ലാം കേട്ട​പ്പോൾ കുറ്റക്കാ​രെന്നു കരുത​പ്പെട്ട ഗോ​ത്ര​ക്കാർ തങ്ങൾ വലിയ യാഗപീ​ഠം പണിത​തി​ന്റെ കാരണം വിശദീ​ക​രി​ച്ചു. യാഗപീ​ഠ​മാ​യി ഉപയോ​ഗി​ക്കാ​നല്ല, യഹോ​വയെ ആരാധി​ക്കുന്ന ഇസ്രാ​യേൽ ഗോ​ത്ര​ങ്ങ​ളു​ടെ ഐക്യ​ത്തി​നു “സാക്ഷി​യാ​യി​രി​ക്കേ​ണ്ട​തി​ന്നു” ആയിരു​ന്നു അതു പണിതു​യർത്തി​യത്‌. (യോശുവ 22:26, 27) തങ്ങളുടെ സഹോ​ദ​രങ്ങൾ അനുചി​ത​മാ​യി ഒന്നും ചെയ്‌തി​ട്ടി​ല്ലെന്ന സംതൃ​പ്‌തി​യോ​ടെ പ്രതി​നി​ധി​കൾ മടങ്ങി. അങ്ങനെ, ഒരു ആഭ്യന്ത​ര​യു​ദ്ധ​വും ഘോര​മായ രക്തച്ചൊ​രി​ച്ചി​ലും ഒഴിവാ​യി.

യാതൊ​രു വീണ്ടു​വി​ചാ​ര​വു​മി​ല്ലാ​തെ, മറ്റുള്ള​വരെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കാ​തി​രി​ക്കു​ന്ന​തി​നുള്ള എത്ര നല്ല പാഠം! ഉപരി​പ്ല​വ​മാ​യി വീക്ഷി​ക്കു​മ്പോൾ സത്യ​മെന്നു തോന്നി​ക്കുന്ന സംഗതി, അടുത്തു വീക്ഷി​ക്കു​മ്പോൾ നേരേ​മ​റി​ച്ചാ​ണെന്നു മിക്ക​പ്പോ​ഴും കണ്ടെത്താ​റുണ്ട്‌. ഒരു ക്രിസ്‌ത്യാ​നി​യു​ടെ ജീവി​ത​ത്തി​ന്റെ അനേകം തുറക​ളിൽ അതു സത്യമാണ്‌.

മൂപ്പന്മാ​രെ​ക്കു​റി​ച്ചുള്ള നമ്മുടെ വീക്ഷണം

“ദൈവ​ത്തി​ന്റെ സഭയെ മേയ്‌പാ”നുള്ള ഉത്തരവാ​ദി​ത്വം നിർവ​ഹി​ക്കു​മ്പോൾ സഭയിലെ നിരവധി വ്യക്തി​കൾക്കു ബുദ്ധ്യു​പ​ദേശം നൽകേ​ണ്ടത്‌ അത്യാ​വ​ശ്യ​മാ​ണെന്നു ചില​പ്പോ​ഴൊ​ക്കെ മൂപ്പന്മാർക്കു തോന്നു​ന്നു. (പ്രവൃ​ത്തി​കൾ 20:28) ഉദാഹ​ര​ണ​ത്തിന്‌, നമ്മുടെ കുട്ടി​ക​ളു​ടെ മോശ​മായ സഹവാ​സ​ത്തെ​യോ എതിർലിം​ഗ​ത്തിൽപ്പെട്ട ഒരാളു​മാ​യുള്ള അനുചിത നടത്ത​യെ​യോ സംബന്ധിച്ച്‌ ഒരു മൂപ്പൻ നമ്മോടു പറയു​ന്നു​വെ​ന്നി​രി​ക്കട്ടെ. നമ്മുടെ പ്രതി​ക​രണം എന്തായി​രി​ക്കും? അദ്ദേഹ​ത്തി​നു ദുരു​ദ്ദേ​ശ്യ​മു​ണ്ടെന്നു നാം അനുമാ​നി​ക്കു​ക​യും ‘അയാൾക്കു ഞങ്ങളുടെ കുടും​ബത്തെ ലേശം​പോ​ലും ഇഷ്ടമല്ല’ എന്നു ചിന്തി​ക്കു​ക​യും ചെയ്യു​മോ? അത്തരം വികാ​രങ്ങൾ മനസ്സിനെ മഥിക്കാൻ അനുവ​ദി​ക്കു​ന്ന​പക്ഷം പിന്നീടു വളരെ ഖേദി​ക്കേ​ണ്ടി​വ​രും. നമ്മുടെ കുട്ടി​ക​ളു​ടെ ആത്മീയ ക്ഷേമം അപകട​ത്തി​ലാ​യി​രു​ന്നേ​ക്കാം. സഹായ​ക​മായ തിരു​വെ​ഴു​ത്തു ബുദ്ധ്യു​പ​ദേശം നാം വിലമ​തി​ക്കണം.—സദൃശ​വാ​ക്യ​ങ്ങൾ 12:15.

സഭാമൂ​പ്പൻ നമ്മെ ബുദ്ധ്യു​പ​ദേ​ശി​ക്കു​മ്പോൾ അതിനു ഗൂഢാർഥം കൽപ്പി​ക്കാ​തി​രി​ക്കാം. മറിച്ച്‌, അദ്ദേഹ​ത്തി​ന്റെ ബൈബി​ള​ധി​ഷ്‌ഠിത ബുദ്ധ്യു​പ​ദേ​ശ​ത്തിൽനിന്ന്‌ ഏതെങ്കി​ലും വിധത്തിൽ പ്രയോ​ജനം നേടാ​നാ​കു​മോ എന്നു നമുക്കു സ്വയം ചോദി​ക്കാം. “ഏതു ശിക്ഷയും തല്‌ക്കാ​ലം സന്തോ​ഷ​ക​രമല്ല ദുഃഖ​ക​ര​മ​ത്രേ എന്നു തോന്നും; പിന്ന​ത്തേ​തി​ലോ അതിനാൽ അഭ്യാസം വന്നവർക്കു നീതി എന്ന സമാധാ​ന​ഫലം ലഭിക്കും” എന്ന്‌ അപ്പോ​സ്‌ത​ലായ പൗലൊസ്‌ എഴുതി. (എബ്രായർ 12:11) തന്മൂലം, കൃതജ്ഞ​ത​യു​ള്ള​വ​രാ​യി​രു​ന്നു​കൊണ്ട്‌ നമുക്കു കാര്യ​ങ്ങ​ളെ​ക്കു​റി​ച്ചു വസ്‌തു​നി​ഷ്‌ഠ​മാ​യി ചിന്തി​ക്കാം. ബുദ്ധ്യു​പ​ദേശം കൈ​ക്കൊ​ള്ളു​ന്നതു നമുക്കു പ്രയാ​സ​ക​ര​മാ​യി​രി​ക്കു​ന്ന​തു​പോ​ലെ ബുദ്ധ്യു​പ​ദേശം നൽകു​ന്നതു മൂപ്പന്മാർക്കും പ്രയാ​സ​ക​ര​മാ​ണെന്ന്‌ ഓർമി​ക്കുക.

മാതാ​പി​താ​ക്ക​ളെ​ക്കു​റി​ച്ചുള്ള ധാരണകൾ

മാതാ​പി​താ​ക്കൾ ചില നിബന്ധ​നകൾ വയ്‌ക്കു​മ്പോൾ ചില യുവജ​നങ്ങൾ തങ്ങളുടെ മാതാ​പി​താ​ക്ക​ളു​ടെ ഉദ്ദേശ്യ​ശു​ദ്ധി​യെ ചോദ്യം​ചെ​യ്യു​ന്നു. യുവജ​നങ്ങൾ ഇങ്ങനെ ചോദി​ച്ചേ​ക്കാം: ‘എന്റെ മാതാ​പി​താ​ക്കൾ ഇത്ര​യേറെ നിയമ​ങ്ങ​ളു​ണ്ടാ​ക്കു​ന്നത്‌ എന്തു​കൊ​ണ്ടാണ്‌? ഞാൻ ജീവിതം ആസ്വദി​ക്കാൻ അവർ ആഗ്രഹി​ക്കു​ന്നില്ല.’ എന്നാൽ, അത്തരം നിഗമ​ന​ത്തി​ലെ​ത്തു​ന്ന​തി​നു പകരം യുവജ​നങ്ങൾ സാഹച​ര്യ​ത്തെ വസ്‌തു​നി​ഷ്‌ഠ​മാ​യി അപഗ്ര​ഥി​ക്കേ​ണ്ട​തുണ്ട്‌.

മക്കളെ പരിപാ​ലി​ച്ചു​കൊ​ണ്ടു മാതാ​പി​താ​ക്കൾ വർഷങ്ങൾ ചെലവ​ഴി​ച്ചി​രി​ക്കു​ന്നു. സാമ്പത്തി​ക​മാ​യും മറ്റും പല ത്യാഗങ്ങൾ സഹിച്ചു​കൊ​ണ്ടാണ്‌ അവരതു ചെയ്‌തി​രി​ക്കു​ന്നത്‌. കൗമാ​ര​പ്രാ​യ​ത്തി​ലുള്ള മക്കളുടെ ജീവിതം ദുരി​ത​പൂർണ​മാ​ക്കാൻ അവരി​പ്പോൾ കച്ചകെട്ടി ഇറങ്ങി​യി​രി​ക്കു​ക​യാ​ണെന്നു നിഗമനം ചെയ്യു​ന്ന​തിൽ എന്തെങ്കി​ലും കഴമ്പു​ണ്ടോ? തങ്ങളുടെ കുട്ടി​കളെ സംരക്ഷി​ക്കു​ന്ന​തി​നും പരിപാ​ലി​ക്കു​ന്ന​തി​നും മാതാ​പി​താ​ക്കളെ പ്രേരി​പ്പി​ക്കുന്ന ഘടകം സ്‌നേ​ഹ​മാ​ണെന്നു ചിന്തി​ക്കു​ന്നത്‌ കൂടുതൽ ന്യായ​യു​ക്ത​മല്ലേ? ജീവി​ത​ത്തിൽ നൂതന വെല്ലു​വി​ളി​കളെ അഭിമു​ഖീ​ക​രി​ക്കുന്ന മക്കളു​ടെ​മേൽ ചില നിബന്ധ​നകൾ വയ്‌ക്കു​ന്ന​തിന്‌ അവരെ പ്രേരി​പ്പി​ക്കു​ന്നത്‌ അതേ സ്‌നേ​ഹ​മാ​യി​രി​ക്കു​ക​യി​ല്ലേ? സ്‌നേ​ഹ​നി​ധി​ക​ളായ മാതാ​പി​താ​ക്കളെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്നത്‌ എത്ര നിർദ​യ​വും നന്ദി​കേ​ടു​മാ​യി​രി​ക്കും!—എഫെസ്യർ 6:1-3.

സഹക്രി​സ്‌ത്യാ​നി​ക​ളോ​ടുള്ള നമ്മുടെ മനോ​ഭാ​വം

മറ്റുള്ള​വരെ മുൻവി​ധി​യോ​ടെ വീക്ഷി​ക്കു​ന്ന​തി​നും അവരെ അങ്ങനെ​തന്നെ മുദ്ര​യ​ടി​ക്കു​ന്ന​തി​നും അനേക​രും പ്രവണ​ത​കാ​ട്ടു​ന്നു. നമുക്കു​ത​ന്നെ​യും അത്തരം മനോ​ഭാ​വ​മു​ണ്ടാ​യി​രി​ക്കു​ക​യും നാം ചിലരെ സംശയ​ദൃ​ഷ്ടി​യോ​ടെ വീക്ഷി​ക്കു​ക​യും ചെയ്യു​ന്നെ​ങ്കി​ലോ? ഇക്കാര്യ​ത്തിൽ ലോകം നമ്മെ സ്വാധീ​നി​ക്കു​ക​യാ​യി​രി​ക്കു​മോ?

ഉദാഹ​ര​ണ​ത്തിന്‌, നമ്മുടെ ആത്മീയ സഹോ​ദ​ര​ന്മാ​രി​ലൊ​രാൾക്കു നല്ലൊരു വീടും വിലപി​ടിച്ച വാഹന​വു​മു​ണ്ടെന്നു കരുതുക. അദ്ദേഹം രാജ്യ​താ​ത്‌പ​ര്യ​ങ്ങൾ ജീവി​ത​ത്തിൽ ഒന്നാമതു വയ്‌ക്കാത്ത, ഭൗതി​കത്വ ചിന്താ​ഗ​തി​ക്കാ​ര​നാ​ണെന്നു നാം നിഗമനം ചെയ്യു​മോ? ചില ക്രിസ്‌ത്യാ​നി​കൾക്കു നല്ല സാധനങ്ങൾ വാങ്ങാൻ കഴി​ഞ്ഞേ​ക്കാം. എന്നാൽ, അവർ ദുരു​ദ്ദേ​ശ്യ​മു​ള്ള​വ​രാ​ണെ​ന്നോ ‘മുമ്പെ രാജ്യം അന്വേഷി’ക്കുന്നി​ല്ലെ​ന്നോ അതർഥ​മാ​ക്കു​ന്നില്ല. അവർ ആത്മീയ​പ്ര​വർത്ത​ന​ങ്ങ​ളിൽ അങ്ങേയറ്റം തിരക്കു​ള്ള​വ​രാ​യി​രു​ന്നേ​ക്കാം. ഒരുപക്ഷേ, പെട്ടെന്നു ദൃഷ്ടി​ഗോ​ച​ര​മ​ല്ലാത്ത വിധത്തിൽ തങ്ങളുടെ ഭൗതിക സ്വത്തുക്കൾ രാജ്യ​താ​ത്‌പ​ര്യ​ങ്ങൾക്കു​വേണ്ടി ഉദാര​മാ​യി ഉപയോ​ഗി​ക്കു​ന്നു​മു​ണ്ടാ​കാം.—മത്തായി 6:1-4, 33.

ഒന്നാം നൂറ്റാ​ണ്ടി​ലെ ക്രിസ്‌തീയ സഭയിൽ എല്ലാ തരക്കാ​രും—സമ്പന്നരും ദരി​ദ്ര​രും—ഉണ്ടായി​രു​ന്നു. (പ്രവൃ​ത്തി​കൾ 17:34; 1 തിമൊ​ഥെ​യൊസ്‌ 2:3, 4; 6:17; യാക്കോബ്‌ 2:5) സാമ്പത്തിക സ്ഥിതി​യ​നു​സ​രി​ച്ചല്ല ദൈവം മനുഷ്യ​രെ വിലയി​രു​ത്തു​ന്നത്‌. നാമും അങ്ങനെ ചെയ്യരുത്‌. പരി​ശോ​ധനാ ഘട്ടങ്ങളെ അതിജീ​വി​ച്ച​വ​രും വിശ്വ​സ്‌ത​രു​മായ സഹവി​ശ്വാ​സി​കളെ “പക്ഷപാതം കൂടാതെ” നാം സ്‌നേ​ഹി​ക്കണം.—1 തിമൊ​ഥെ​യൊസ്‌ 5:21, NW.

സാത്താന്റെ നിയ​ന്ത്ര​ണ​ത്തിൽ കിടക്കുന്ന ഈ ലോക​ത്തിൽ മുദ്ര​യ​ടി​ക്ക​ലും സംശയ​വും പല രൂപത്തിൽ കാണാം. ഒരു വ്യക്തി​യു​ടെ പശ്ചാത്ത​ലം​നി​മി​ത്തം മാത്രം അയാളെ അക്രമി​യോ ഭൗതി​കത്വ ചിന്തയു​ള്ള​വ​നോ ആയി വീക്ഷി​ച്ചേ​ക്കാം. ക്രിസ്‌ത്യാ​നി​ക​ളെന്ന നിലയിൽ നാം അത്തരം മനോ​ഭാ​വ​ങ്ങൾക്ക്‌ ഇരയാ​ക​രുത്‌. രൂഢമൂ​ല​മായ മുൻവി​ധി​ക്കോ സന്ദേഹ​ത്തി​നോ യഹോ​വ​യു​ടെ സ്ഥാപന​ത്തിൽ യാതൊ​രു സ്ഥാനവു​മില്ല. സത്യ​ക്രി​സ്‌ത്യാ​നി​ക​ളെ​ല്ലാം യഹോ​വ​യാം ദൈവത്തെ അനുക​രി​ക്കേ​ണ്ട​തുണ്ട്‌. അവന്റെ “പക്കൽ അന്യാ​യ​വും മുഖപ​ക്ഷവു”മില്ല.—2 ദിനവൃ​ത്താ​ന്തം 19:7; പ്രവൃ​ത്തി​കൾ 10:34, 35.

സ്‌നേ​ഹ​ത്താൽ പ്രേരി​ത​രാ​കു​ക

“എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു” എന്നു തിരു​വെ​ഴു​ത്തു​കൾ സുവ്യ​ക്ത​മാ​യി പറയുന്നു. (റോമർ 3:23) തന്മൂലം, യഹോ​വ​യ്‌ക്കു സ്വീകാ​ര്യ​മായ സേവന​മ​നു​ഷ്‌ഠി​ക്കാൻ കഠിന​മാ​യി ശ്രമി​ക്കു​ന്ന​തി​നു നമ്മോ​ടൊ​പ്പം ഏകീകൃ​ത​രാ​യി​രി​ക്കു​ന്ന​വ​രാ​യി നാം സഹ ആരാധ​കരെ വീക്ഷി​ക്കണം. ഒരു ആത്മീയ സഹോ​ദ​ര​നു​മാ​യോ സഹോ​ദ​രി​യു​മാ​യോ ഉള്ള നമ്മുടെ ബന്ധത്തിന്‌ ഉലച്ചിൽ തട്ടാൻ നാം സംശയ​ത്തെ​യോ നിഷേ​ധാ​ത്മക വികാ​ര​ത്തെ​യോ അനുവ​ദി​ക്കു​ന്നെ​ങ്കിൽ സാത്താന്റെ കെണി​യിൽ വീഴാ​തി​രി​ക്ക​ത്ത​ക്ക​വണ്ണം അത്തരം മനോ​വൃ​ത്തി​യെ കീഴട​ക്കാൻ സഹായ​ത്തി​നാ​യി നമുക്കു ദൈവ​ത്തോ​ടു പ്രാർഥി​ക്കാം. (മത്തായി 6:13) യഹോ​വ​യ്‌ക്കു ദുരു​ദ്ദേ​ശ്യ​മു​ണ്ടെ​ന്നും ഹവ്വായു​ടെ ക്ഷേമത്തിൽ അവൻ തത്‌പ​ര​ന​ല്ലെ​ന്നും യഥാർഥ സന്തുഷ്ടി കൈവ​രു​ത്തുന്ന സ്വാത​ന്ത്ര്യം അവൻ അവളിൽനി​ന്നു പിടി​ച്ചു​വെ​ച്ചി​രി​ക്കു​ന്നു​വെ​ന്നും സാത്താൻ അവളെ ബോധ്യ​പ്പെ​ടു​ത്തി. (ഉല്‌പത്തി 3:1-5) നമ്മുടെ സഹോ​ദ​ര​ങ്ങൾക്കു ദുരു​ദ്ദേ​ശ്യ​മു​ണ്ടെന്നു ചിത്രീ​ക​രി​ക്കു​ന്ന​തു​കൊ​ണ്ടു പ്രയോ​ജനം സാത്താ​നാണ്‌.—2 കൊരി​ന്ത്യർ 2:11; 1 പത്രൊസ്‌ 5:8.

മറ്റുള്ള​വ​രെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്ന​തി​നുള്ള പ്രവണത നമുക്കു​ണ്ടെ​ന്നു​വ​രി​കിൽ യേശു​ക്രി​സ്‌തു​വി​ന്റെ ഉദാഹ​രണം പരിചി​ന്തി​ക്കുക. പൂർണ​നായ ദൈവ​പു​ത്ര​നാ​യി​രു​ന്നെ​ങ്കി​ലും അവൻ തന്റെ ശിഷ്യ​ന്മാർക്കു ദുരു​ദ്ദേ​ശ്യ​മു​ണ്ടോ​യെന്നു നോക്കി​യില്ല. മറിച്ച്‌, യേശു അവരി​ലുള്ള നന്മയാണു നോക്കി​യത്‌. ശിഷ്യ​ന്മാർ പ്രമുഖ സ്ഥാനത്തി​നു​വേണ്ടി മത്സരി​ച്ച​പ്പോൾ, അവർക്കു ദുരു​ദ്ദേ​ശ്യ​മു​ള്ള​താ​യി അനുമാ​നിച്ച്‌ 12 പുതിയ ശിഷ്യ​ന്മാ​രെ നിയോ​ഗി​ക്കാൻ അവൻ മുതിർന്നില്ല. (മർക്കൊസ്‌ 9:34, 35) അപൂർണ​രാ​യി​രുന്ന അവരെ, അഹംഭാ​വ​ത്തി​നും വർഗ​ഭേ​ദ​ത്തി​നും ഊന്നൽ നൽകി​യി​രുന്ന വിശ്വാ​സ​ത്യാ​ഗ യഹൂദമത സംസ്‌കാ​രം ഏതെങ്കി​ലും വിധത്തിൽ സ്വാധീ​നി​ച്ചി​രു​ന്നി​രി​ക്കാം. യഹോ​വ​യോ​ടുള്ള സ്‌നേ​ഹ​മാ​ണു തന്റെ അനുഗാ​മി​കൾക്കു മുഖ്യ​മാ​യും പ്രചോ​ദ​ന​മേ​കു​ന്ന​തെന്ന്‌ യേശു​വി​ന​റി​യാ​മാ​യി​രു​ന്നു. അത്തരം സ്‌നേഹം പ്രകടി​പ്പി​ക്കു​ക​യും യേശു​വി​നോ​ടു പറ്റിനിൽക്കു​ക​യും ചെയ്‌ത​തി​നാൽ അവർക്കു വലിയ പ്രതി​ഫലം ലഭിച്ചു.—ലൂക്കൊസ്‌ 22:28-30.

വിശ്വ​സ്‌ത​രാ​യ സഹവി​ശ്വാ​സി​കളെ സംശയ​ദൃ​ഷ്ടി​യോ​ടെ വീക്ഷി​ക്കു​ന്നതു വക്രമായ ലെൻസിൽക്കൂ​ടി നോക്കു​ന്ന​തു​പോ​ലി​രി​ക്കും. ഒന്നി​നെ​യും യഥാർഥ രൂപത്തിൽ കാണാൻ സാധി​ക്കു​ക​യില്ല. അതു​കൊണ്ട്‌, നമുക്കു സ്‌നേ​ഹ​മെന്ന ലെൻസി​ലൂ​ടെ നോക്കാം. വിശ്വ​സ്‌ത​രായ സഹക്രി​സ്‌ത്യാ​നി​കൾ നമ്മെ സ്‌നേ​ഹി​ക്കു​ന്നു​വെ​ന്ന​തി​നു ധാരാളം തെളി​വു​ക​ളുണ്ട്‌. അവർ നമ്മുടെ ദയാപു​ര​സ്സ​ര​മായ പരിഗണന അർഹി​ക്കു​ന്നു. (1 കൊരി​ന്ത്യർ 13:4-8) അതു​കൊണ്ട്‌, നമുക്ക​വ​രോ​ടു സ്‌നേഹം പ്രകടി​പ്പി​ക്കാം. അവരെ ദുരു​ദ്ദേ​ശ്യ​മു​ള്ള​വ​രാ​യി ചിത്രീ​ക​രി​ക്കു​ന്ന​തി​നെ​തി​രെ ജാഗ്രത പുലർത്താം.

[26-ാം പേജിലെ ചിത്രം]

യഹോവയെ വിശ്വ​സ്‌ത​ത​യോ​ടെ ആരാധി​ക്കുന്ന മറ്റുള്ള​വരെ നിങ്ങൾ എങ്ങനെ വീക്ഷി​ക്കു​ന്നു?

[27-ാം പേജിലെ ചിത്രം]

ആശ്രയവും ആദരവും യഹോ​വ​യു​ടെ സാക്ഷി​കളെ ഒരു സന്തുഷ്ട കുടും​ബ​മാ​ക്കു​ന്നു