യഹോവ—രഹസ്യങ്ങൾ വെളി​പ്പെ​ടു​ത്തുന്ന ദൈവം

“രഹസ്യ​ങ്ങളെ വെളി​പ്പെ​ടു​ത്തുന്ന ഒരു ദൈവം സ്വർഗ്ഗ​ത്തിൽ ഉണ്ടു.”—ദാനീ​യേൽ 2:28.

1, 2. (എ) യഹോവ തന്റെ മുഖ്യ പ്രതി​യോ​ഗി​യിൽനി​ന്നു വ്യത്യ​സ്‌ത​നാ​യി​രി​ക്കു​ന്ന​തെ​ങ്ങനെ? (ബി) ഈ വ്യത്യാ​സം മനുഷ്യർ പ്രതി​ഫ​ലി​പ്പി​ക്കു​ന്ന​തെ​ങ്ങനെ?

പ്രപഞ്ച​ത്തി​ന്റെ പരമാ​ധി​കാ​രി​യും സ്‌നേ​ഹ​വാ​നും ഒരേ​യൊ​രു സ്രഷ്ടാ​വു​മായ യഹോവ ജ്ഞാനവും നീതി​യു​മുള്ള ദൈവ​മാണ്‌. താൻ ആരാണ്‌ എന്നതും തന്റെ പ്രവൃ​ത്തി​ക​ളും, അല്ലെങ്കിൽ ഉദ്ദേശ്യ​ങ്ങ​ളും അവനു മറച്ചു​പി​ടി​ക്കേ​ണ്ട​യാ​വ​ശ്യ​മില്ല. തന്റേതായ സമയത്ത്‌ വിവേ​ച​നാ​പൂർവം അവൻ തന്നെത്തന്നെ വെളി​പ്പെ​ടു​ത്തു​ന്നു. ഈ വിധത്തിൽ അവൻ തന്റെ പ്രതി​യോ​ഗി​യായ പിശാ​ചായ സാത്താ​നിൽനി​ന്നു വ്യത്യ​സ്‌ത​നാണ്‌. താൻ ആരെന്നും തന്റെ ഉദ്ദേശ്യ​ങ്ങ​ളെ​ന്തെ​ല്ലാ​മെ​ന്നും പിശാച്‌ മറച്ചു​പി​ടി​ക്കു​ന്നു.

² യഹോ​വ​യും സാത്താ​നും വിപരീ​ത​സ്വ​ഭാ​വ​ക്കാ​രാണ്‌. അങ്ങനെ​ത​ന്നെ​യാണ്‌ അവരുടെ ആരാധ​ക​രും. കാപട്യ​വും വഞ്ചനയും സാത്താന്റെ നേതൃ​ത്വം പിൻപ​റ്റു​ന്ന​വ​രു​ടെ സവി​ശേ​ഷ​ത​യാണ്‌. നല്ലവരാ​യി ചമഞ്ഞു​കൊണ്ട്‌ അവർ ഇരുട്ടി​ന്റെ പ്രവൃ​ത്തി​കൾ ചെയ്യുന്നു. ഇക്കാര്യ​ത്തിൽ അത്ഭുത​പ്പെ​ടേ​ണ്ട​തി​ല്ലെന്നു കൊരി​ന്ത്യ ക്രിസ്‌ത്യാ​നി​ക​ളോ​ടു പറയ​പ്പെട്ടു. “ഇങ്ങനെ​യു​ള്ളവർ കള്ളയ​പ്പൊ​സ്‌ത​ലൻമാർ, കപട​വേ​ല​ക്കാർ, ക്രിസ്‌തു​വി​ന്റെ അപ്പൊ​സ്‌ത​ലൻമാ​രു​ടെ വേഷം ധരിക്കു​ന്ന​വ​ര​ത്രേ; അതു ആശ്ചര്യ​വു​മല്ല; സാത്താൻ താനും വെളി​ച്ച​ദൂ​തന്റെ വേഷം ധരിക്കു​ന്നു​വ​ല്ലോ.” (2 കൊരി​ന്ത്യർ 11:13, 14) അതേസ​മയം, ക്രിസ്‌ത്യാ​നി​കൾ തങ്ങളുടെ നായക​നെന്ന നിലയിൽ ക്രിസ്‌തു​വി​ലേക്കു നോക്കു​ന്നു. ഭൂമി​യി​ലാ​യി​രു​ന്ന​പ്പോൾ, അവൻ തന്റെ പിതാ​വായ യഹോ​വ​യാം ദൈവ​ത്തി​ന്റെ വ്യക്തി​ത്വം പൂർണ​മാ​യും പ്രതി​ഫ​ലി​പ്പി​ച്ചു. (എബ്രായർ 1:1-3) അങ്ങനെ ക്രിസ്‌തു​വി​നെ പിൻപ​റ്റി​ക്കൊണ്ട്‌, ക്രിസ്‌ത്യാ​നി​കൾ സത്യത്തി​ന്റെ​യും അഗൂഢ​ത​യു​ടെ​യും വെളി​ച്ച​ത്തി​ന്റെ​യും ദൈവ​മായ യഹോ​വയെ അനുക​രി​ക്കു​ന്നു. തങ്ങൾ ആരെന്ന​തും തങ്ങളുടെ പ്രവൃ​ത്തി​ക​ളും ഉദ്ദേശ്യ​ങ്ങ​ളു​മെ​ന്തെ​ന്ന​തും മറച്ചു​പി​ടി​ക്കേ​ണ്ട​യാ​വ​ശ്യം അവർക്കു​മില്ല.—എഫെസ്യർ 4:17-19; 5:1, 2.

3. യഹോ​വ​യു​ടെ സാക്ഷി​ക​ളാ​യി​ത്തീ​രു​ന്നവർ സമ്മർദ​ത്തി​നു വഴങ്ങി ഒരു “രഹസ്യ മതവി​ഭാഗ”ത്തിലേക്കു ചേരു​ക​യാ​ണെന്ന ആരോ​പ​ണത്തെ നമു​ക്കെ​ങ്ങനെ ഖണ്ഡിക്കാ​നാ​കും?

³ മുമ്പ്‌ മനുഷ്യർക്ക്‌ അജ്ഞാത​മാ​യി​രുന്ന തന്റെ ഉദ്ദേശ്യ​ങ്ങ​ളെ​യും ഭാവി​യെ​യും കുറി​ച്ചുള്ള വിശദാം​ശങ്ങൾ തനിക്ക്‌ ഏറ്റവും ഉചിത​മെന്നു തോന്നുന്ന സമയത്ത്‌ യഹോവ വെളി​പ്പെ​ടു​ത്തു​ന്നു. ആ അർഥത്തിൽ അവൻ രഹസ്യങ്ങൾ വെളി​പ്പെ​ടു​ത്തുന്ന ദൈവ​മാണ്‌. അങ്ങനെ, വെളി​പ്പെ​ടു​ത്ത​പ്പെട്ട അത്തരം വിവരങ്ങൾ മനസ്സി​ലാ​ക്കു​ന്ന​തിന്‌ അവനെ സേവി​ക്കാ​നാ​ഗ്ര​ഹി​ക്കുന്ന ജനത്തിനു ക്ഷണം ലഭിക്കു​ന്നുണ്ട്‌. അതേ, അവരെ അതിനാ​യി പ്രോ​ത്സാ​ഹി​പ്പി​ക്കു​ക​യാണ്‌. ഒരു യൂറോ​പ്യൻ രാജ്യത്ത്‌ 1,45,000-ത്തിലധി​കം സാക്ഷി​ക​ളു​ടെ​യി​ട​യിൽ 1994-ൽ ഒരു സർവേ നടത്തി​യ​പ്പോൾ അവരോ​രോ​രു​ത്ത​രും ശരാശരി മൂന്നു വർഷ​ത്തോ​ളം യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കൾ വ്യക്തി​പ​ര​മാ​യി പരി​ശോ​ധി​ച്ച​ശേ​ഷ​മാണ്‌ സാക്ഷി​യാ​കാൻ തീരു​മാ​നി​ച്ച​തെന്നു വ്യക്തമാ​യി. പര​പ്രേരണ കൂടാതെ സ്വന്തം ഇച്ഛാസ്വാ​ത​ന്ത്ര്യ​പ്ര​കാ​ര​മാണ്‌ അവർ തീരു​മാ​ന​മെ​ടു​ത്തത്‌. അവർ തുടർന്നും ഇച്ഛാസ്വാ​ത​ന്ത്ര്യ​വും പ്രവർത്ത​ന​സ്വാ​ത​ന്ത്ര്യ​വും ഉപയോ​ഗി​ക്കു​ന്നു. ഉദാഹ​ര​ണ​ത്തിന്‌, ക്രിസ്‌ത്യാ​നി​ക​ളു​ടെ ഉന്നത നിലവാ​ര​മുള്ള ധാർമി​ക​ത​യിൽ വിയോ​ജി​പ്പു തോന്നി പിൽക്കാ​ലത്തു ചിലർ സാക്ഷി​ക​ളു​ടെ കൂട്ടത്തിൽനി​ന്നു പിരി​ഞ്ഞു​പോ​യി​ട്ടുണ്ട്‌. രസാവ​ഹ​മെന്നു പറയട്ടെ, കഴിഞ്ഞ അഞ്ചു വർഷത്തി​നി​ട​യിൽ ഈ മുൻസാ​ക്ഷി​ക​ളിൽ നല്ലൊ​രു​പ​ങ്കും സാക്ഷി​ക​ളോ​ടൊ​ത്തുള്ള സഹവാസം പുനഃ​രാ​രം​ഭിച്ച്‌ പ്രവർത്തനം തുടങ്ങാ​നാ​വ​ശ്യ​മായ പടികൾ കൈ​ക്കൊ​ണ്ടി​ട്ടുണ്ട്‌.

4. വിശ്വസ്‌ത ക്രിസ്‌ത്യാ​നി​കളെ എന്ത്‌ ഉത്‌ക​ണ്‌ഠ​പ്പെ​ടു​ത്തേ​ണ്ട​തില്ല, എന്തു​കൊണ്ട്‌?

⁴ തീർച്ച​യാ​യും, എല്ലാ മുൻസാ​ക്ഷി​ക​ളും തിരി​ച്ചു​വ​രു​ന്നില്ല. ക്രിസ്‌തീയ സഭയ്‌ക്കു​ള്ളിൽ ഒരിക്കൽ ഉത്തരവാ​ദി​ത്വ സ്ഥാനങ്ങൾ വഹിച്ചി​രു​ന്ന​വ​രും അക്കൂട്ട​ത്തിൽപ്പെ​ടും. ഇതിൽ അത്ഭുത​പ്പെ​ട​രുത്‌, കാരണം യേശു​വി​ന്റെ ഏറ്റവും അടുത്ത അനുഗാ​മി​ക​ളിൽ ഒരാൾപോ​ലും പിരി​ഞ്ഞു​പോ​യി. യൂദാ അപ്പോ​സ്‌തലൻ. (മത്തായി 26:14-16, 20-25) എന്നാലിത്‌ ക്രിസ്‌ത്യാ​നി​ത്വ​ത്തെ​ക്കു​റി​ച്ചു​തന്നെ ഉത്‌കണ്‌ഠ തോന്നാ​നുള്ള ഒരു കാരണ​മാ​ണോ? ഇതു യഹോ​വ​യു​ടെ സാക്ഷികൾ നടത്തുന്ന വിദ്യാ​ഭ്യാ​സ പ്രവർത്ത​ന​ത്തി​ന്റെ വിജയത്തെ നിർവീ​ര്യ​മാ​ക്കു​ന്നു​ണ്ടോ? അശേഷ​മില്ല, യൂദാ​യു​ടെ വഞ്ചനാത്മക പ്രവൃത്തി ദൈവ​ത്തി​ന്റെ ഉദ്ദേശ്യ​ങ്ങൾക്ക്‌ ഒട്ടും തടസ്സമാ​കാ​ഞ്ഞ​തു​പോ​ല​തന്നെ.

സർവശ​ക്ത​നെ​ങ്കി​ലും സ്‌നേ​ഹ​സ​മ്പ​ന്നൻ

5. യഹോ​വ​യും യേശു​വും മനുഷ്യ​രെ സ്‌നേ​ഹി​ക്കു​ന്നു​ണ്ടെന്നു നമു​ക്കെ​ങ്ങനെ അറിയാം, അവർ ഈ സ്‌നേഹം എങ്ങനെ പ്രകട​മാ​ക്കി​യി​രി​ക്കു​ന്നു?

⁵ യഹോവ സ്‌നേ​ഹ​വാ​നായ ദൈവ​മാണ്‌. അവൻ ആളുക​ളെ​ക്കു​റി​ച്ചു കരുതു​ന്നു. (1 യോഹ​ന്നാൻ 4:7-11) ഉന്നതസ്ഥാ​ന​ത്താ​യി​രു​ന്നി​ട്ടും, മനുഷ്യ​രു​മാ​യി സൗഹൃ​ദ​ത്തി​ലാ​കു​ന്നത്‌ അവനി​ഷ്ട​മാണ്‌. അവന്റെ പുരാതന ദാസന്മാ​രിൽ ഒരുവ​നെ​ക്കു​റി​ച്ചു നാം വായി​ക്കു​ന്നു: “അബ്രാ​ഹാം ദൈവത്തെ വിശ്വ​സി​ക്ക​യും അതു അവന്നു നീതി​യാ​യി കണക്കി​ടു​ക​യും ചെയ്‌തു . . . അവൻ ദൈവ​ത്തി​ന്റെ സ്‌നേ​ഹി​തൻ എന്നു പേർ പ്രാപി​ച്ചു.” (യാക്കോബ്‌ 2:23; 2 ദിനവൃ​ത്താ​ന്തം 20:7; യെശയ്യാ​വു 41:8) സ്‌നേ​ഹി​ത​രായ മനുഷ്യർ സ്വകാര്യ സംഗതി​കൾ അല്ലെങ്കിൽ രഹസ്യങ്ങൾ പങ്കു​വെ​ക്കു​ന്ന​തു​പോ​ലെ യഹോ​വ​യും തന്റെ സുഹൃ​ത്തു​ക്ക​ളു​മാ​യി രഹസ്യങ്ങൾ പങ്കു​വെ​ക്കു​ന്നു. ഇക്കാര്യ​ത്തിൽ യേശു തന്റെ പിതാ​വി​നെ അനുക​രി​ച്ചു, എന്തെന്നാൽ അവൻ തന്റെ ശിഷ്യ​ന്മാ​രെ സുഹൃ​ത്തു​ക്ക​ളാ​ക്കി അവരു​മാ​യി രഹസ്യങ്ങൾ പങ്കു​വെച്ചു. അവൻ അവരോ​ടു പറഞ്ഞു: “യജമാനൻ ചെയ്യു​ന്നതു ദാസൻ അറിയാ​യ്‌ക​കൊ​ണ്ടു ഞാൻ നിങ്ങളെ ദാസൻമാർ എന്നു ഇനി പറയു​ന്നില്ല; ഞാൻ എന്റെ പിതാ​വി​നോ​ടു കേട്ടതു എല്ലാം നിങ്ങ​ളോ​ടു അറിയി​ച്ച​തു​കൊ​ണ്ടു നിങ്ങളെ സ്‌നേ​ഹി​തൻമാർ എന്നു പറഞ്ഞി​രി​ക്കു​ന്നു.” (യോഹ​ന്നാൻ 15:15) യഹോ​വ​യ്‌ക്കും അവന്റെ പുത്ര​നും അവരുടെ സുഹൃ​ത്തു​ക്കൾക്കു​മി​ട​യിൽ പൊതു​വേ ഉണ്ടായി​രുന്ന സ്വകാര്യ വിവരം അല്ലെങ്കിൽ “രഹസ്യങ്ങൾ” സ്‌നേ​ഹ​ത്തി​ന്റെ​യും ഭക്തിയു​ടെ​യും തകർക്കാ​നാ​കാത്ത ഒരു ബന്ധത്തിൽ അവരെ ഏകീകൃ​ത​രാ​ക്കു​ന്നു.—കൊ​ലൊ​സ്സ്യർ 3:14.

6. യഹോ​വ​യ്‌ക്കു തന്റെ ഉദ്ദേശ്യ​ങ്ങൾ മറച്ചു​പി​ടി​ക്കേ​ണ്ട​യാ​വ​ശ്യ​മി​ല്ലാ​ത്തത്‌ എന്തു​കൊണ്ട്‌?

⁶ യഹോവ എന്ന പേരിന്റെ അർഥം​തന്നെ “ആയിത്തീ​രാൻ അവൻ ഇടയാ​ക്കു​ന്നു” എന്നാണ്‌. ഇത്‌ അവന്റെ ഉദ്ദേശ്യ​നി​വൃ​ത്തി​ക്കാ​യി എന്തെല്ലാം ആയിത്തീ​ര​ണ​മോ അതെല്ലാം ആയിത്തീ​രാൻ അവനു പ്രാപ്‌തി​യു​ണ്ടെന്നു സൂചി​പ്പി​ക്കു​ന്നു. മനുഷ്യ​രിൽനി​ന്നു വ്യത്യ​സ്‌ത​നാ​യി, തന്റെ ഉദ്ദേശ്യ​നി​വൃ​ത്തിക്ക്‌ ആരെങ്കി​ലും തടസ്സമാ​കു​മെന്ന ഭയത്താൽ അതു മറച്ചു​പി​ടി​ക്കേ​ണ്ട​യാ​വ​ശ്യം യഹോ​വ​യ്‌ക്കില്ല. അവനു പരാജ​യ​പ്പെ​ടാ​നേ കഴിയില്ല, അതു​കൊണ്ട്‌ താൻ ചെയ്യാൻ ഉദ്ദേശി​ക്കു​ന്ന​വ​യിൽ ഏറിയ​പ​ങ്കും തന്റെ വചനമായ ബൈബി​ളിൽ അവൻ വെട്ടി​ത്തു​റന്നു പറഞ്ഞി​രി​ക്കു​ന്നു. അവൻ വാഗ്‌ദാ​നം ചെയ്യുന്നു: “എന്റെ വചനം . . . വെറുതെ എന്റെ അടുക്ക​ലേക്കു മടങ്ങി​വ​രാ​തെ എനിക്കു ഇഷ്ടമു​ള്ളതു നിവർത്തി​ക്ക​യും ഞാൻ അയച്ച കാര്യം സാധി​പ്പി​ക്ക​യും ചെയ്യും.”—യെശയ്യാ​വു 55:11.

7. (എ) ഏദെനിൽവെച്ച്‌ യഹോവ എന്തു മുൻകൂ​ട്ടി​പ്പ​റഞ്ഞു, ദൈവം സത്യവാ​നാ​ണെന്നു സാത്താൻ തെളി​യി​ച്ച​തെ​ങ്ങനെ? (ബി) 2 കൊരി​ന്ത്യർ 13:8-ലെ തത്ത്വം എല്ലായ്‌പോ​ഴും ബാധക​മാ​യി​രി​ക്കു​ന്ന​തെ​ങ്ങനെ?

⁷ ഏദെനി​ലെ മത്സരത്തി​നു​ശേഷം അധികം താമസി​യാ​തെ, തനിക്കും തന്റെ പ്രതി​യോ​ഗി​യായ സാത്താ​നു​മി​ട​യിൽ തുടരുന്ന വിവാ​ദ​ത്തി​ന്റെ അന്തിമ​ഫലം എന്തായി​രി​ക്കു​മെ​ന്ന​തി​ന്റെ രത്‌ന​ച്ചു​രു​ക്കം യഹോവ വെളി​പ്പെ​ടു​ത്തി. ദൈവ​ത്തി​ന്റെ വാഗ്‌ദത്ത സന്തതി ശാശ്വ​ത​മാ​യി​ട്ട​ല്ലെ​ങ്കി​ലും വേദനാ​ജ​ന​ക​മാ​യി ചതയ്‌ക്ക​പ്പെ​ടും, എന്നാൽ അവസാനം സാത്താൻ മാരക​മാ​യി ചതയ്‌ക്ക​പ്പെ​ടും. (ഉല്‌പത്തി 3:15) പൊ.യു. 33-ൽ പിശാച്‌, സന്തതി​യായ ക്രിസ്‌തു​യേ​ശു​വി​നെ കൊന്നു​കൊണ്ട്‌ ചതവ്‌ ഏൽപ്പി​ക്കു​ക​തന്നെ ചെയ്‌തു. ഈ വിധത്തിൽ, സാത്താൻ തിരു​വെ​ഴു​ത്തു​കൾ നിവർത്തി​ച്ചു, അതേസ​മയം യഹോവ സത്യത്തി​ന്റെ ദൈവ​മാ​ണെന്നു തെളി​യി​ക്കു​ന്നത്‌ തന്റെ ഉദ്ദേശ്യ​മ​ല്ലാ​യി​രു​ന്നി​ട്ടും അവൻ അതുതന്നെ ചെയ്‌തു. സത്യ​ത്തോ​ടും നീതി​യോ​ടു​മുള്ള വെറു​പ്പും അവന്റെ അഹങ്കാ​ര​വും അനുതാ​പ​മി​ല്ലാത്ത മനോ​ഭാ​വ​വും അവൻ ചെയ്യു​മെന്നു ദൈവം മുൻകൂ​ട്ടി​പ്പ​റ​ഞ്ഞ​തു​തന്നെ ചെയ്യു​ന്ന​തിൽ കൊ​ണ്ടെ​ത്തി​ച്ചു. അതേ, സത്യത്തി​ന്റെ എല്ലാ എതിരാ​ളി​കൾക്കും, സാത്താ​നു​ത​ന്നെ​യും ഈ തത്ത്വം ബാധക​മാണ്‌: “സത്യത്തി​ന്നു അനുകൂ​ല​മ​ല്ലാ​തെ സത്യത്തി​ന്നു പ്രതി​കൂ​ല​മാ​യി ഞങ്ങൾക്കു ഒന്നും കഴിവി​ല്ല​ല്ലോ.”—2 കൊരി​ന്ത്യർ 13:8.

8, 9. (എ) സാത്താന്‌ എന്തറി​യാം, എന്നാൽ ഈ അറിവ്‌ യഹോ​വ​യു​ടെ ഉദ്ദേശ്യ​നി​വൃ​ത്തി​യെ അപകട​ത്തി​ലാ​ക്കു​ന്നു​ണ്ടോ? (ബി) യഹോ​വ​യു​ടെ എതിരാ​ളി​കൾ ഏതു വ്യക്തമായ മുന്നറി​യിപ്പ്‌ അവഗണി​ക്കു​ന്നു, എന്തു​കൊണ്ട്‌?

⁸ 1914-ൽ ദൈവ​രാ​ജ്യം അദൃശ്യ​മാ​യി സ്ഥാപി​ക്ക​പ്പെ​ട്ട​തു​മു​തൽ, വെളി​പ്പാ​ടു 12:12 ബാധക​മാ​യി​രി​ക്കു​ന്നു: “ആകയാൽ സ്വർഗ്ഗ​വും അതിൽ വസിക്കു​ന്ന​വ​രു​മാ​യു​ള്ളോ​രേ, ആനന്ദി​പ്പിൻ; ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” സാത്താനു കുറച്ചു സമയമേ ബാക്കി​യു​ള്ളു​വെന്ന അറിവ്‌ തന്റെ ഗതിക്കു മാറ്റം വരുത്താൻ അവനെ പ്രേരി​പ്പി​ക്കു​ന്നു​ണ്ടോ? മാറ്റം​വ​രു​ത്തു​ന്നത്‌, യഹോവ സത്യത്തി​ന്റെ ദൈവ​മാ​ണെ​ന്നും പരമാ​ധി​കാര ഭരണാ​ധി​പൻ എന്ന നിലയിൽ അവൻ മാത്ര​മാണ്‌ ആരാധന അർഹി​ക്കു​ന്ന​തെ​ന്നും സാത്താൻ അംഗീ​ക​രി​ക്കു​ന്ന​തി​നു തുല്യ​മാ​കും. എന്നാൽ സംഗതി കൃത്യ​മാ​യി അറിയാ​മെ​ങ്കി​ലും പരാജയം സമ്മതി​ക്കാൻ പിശാ​ചി​നു മനസ്സില്ല.

⁹ സാത്താന്റെ ലോക​വ്യ​വ​സ്ഥി​തി​ക്കു​മേൽ ന്യായ​വി​ധി നടപ്പാ​ക്കാൻ ക്രിസ്‌തു വരു​മ്പോൾ എന്തു സംഭവി​ക്കു​മെന്നു യഹോവ വ്യക്തമാ​യി വെളി​പ്പെ​ടു​ത്തു​ന്നു. (മത്തായി 24:29-31; 25:31-46) ഇതി​നോ​ടുള്ള ബന്ധത്തിൽ, അവന്റെ വചനം ലോക​ഭ​ര​ണാ​ധി​കാ​രി​ക​ളെ​ക്കു​റി​ച്ചു പ്രഖ്യാ​പി​ക്കു​ന്നു: “അവർ ‘സമാധാ​നം, സുരക്ഷി​ത​ത്വം!’ എന്നു പറയു​ന്ന​തെ​പ്പോ​ഴോ അപ്പോൾ, ഗർഭി​ണി​ക്കു​ണ്ടാ​കുന്ന കഠിന​വേദന പോലെ ശീഘ്ര​നാ​ശം അവരു​ടെ​മേൽ ക്ഷണത്തിൽ വരും.” (1 തെസ്സ​ലൊ​നീ​ക്യർ 5:3, NW) സാത്താന്റെ നേതൃ​ത്വം പിൻപ​റ്റു​ന്നവർ ഈ വ്യക്തമായ മുന്നറി​യിപ്പ്‌ അവഗണി​ക്കു​ന്നു. ദുഷ്ടഹൃ​ദയം നിമിത്തം അവർ അന്ധരാ​യി​രി​ക്കു​ന്നു, അത്‌ ദുഷ്ടഗ​തി​യെ​ക്കു​റിച്ച്‌ അനുത​പി​ക്കാ​നും യഹോ​വ​യു​ടെ ഉദ്ദേശ്യ​ങ്ങൾ തകർക്കാൻ ശ്രമി​ക്കുന്ന പദ്ധതി​ക​ളിൽനി​ന്നും തന്ത്രങ്ങ​ളിൽനി​ന്നും പിന്തി​രി​യാ​നും അവർക്കു തടസ്സമാ​യി​ത്തീ​രു​ന്നു.

10. (എ) 1 തെസ്സ​ലൊ​നീ​ക്യർ 5:3 ഏത്‌ അളവോ​ളം നിവർത്തി​ച്ചി​ട്ടു​ണ്ടാ​കാം, എന്നാൽ യഹോ​വ​യു​ടെ ജനം എങ്ങനെ പ്രതി​ക​രി​ക്കണം? (ബി) വിശ്വാ​സ​മി​ല്ലാ​ത്ത​യാ​ളു​കൾ ഭാവി​യിൽ ദൈവ​ജ​നത്തെ എതിർക്കു​ന്ന​തിൽ എത്രയ​ധി​കം ധാർഷ്ട്യ​ക്കാ​രാ​യേ​ക്കാം?

¹⁰ ഐക്യ​രാ​ഷ്‌ട്രങ്ങൾ അന്താരാ​ഷ്‌ട്ര സമാധാ​ന​വർഷ​മാ​യി പ്രഖ്യാ​പിച്ച 1986 മുതൽ വിശേ​ഷി​ച്ചും, ലോക​ത്തി​ലെ​വി​ടെ​യും സമാധാ​ന​ത്തെ​യും സുരക്ഷി​ത​ത്വ​ത്തെ​യും കുറിച്ചു സംസാ​ര​മുണ്ട്‌. ലോക​സ​മാ​ധാ​നം ഉറപ്പാ​ക്കു​ന്ന​തി​നുള്ള ശ്രമത്തി​ന്റെ ഭാഗമെന്ന നിലയിൽ സ്വീക​രി​ച്ചി​ട്ടുള്ള സുനി​ശ്ചിത നടപടി​കൾക്കു കുറ​ച്ചൊ​ക്കെ ഫലമു​ണ്ടാ​യി​ട്ടുണ്ട്‌. ഈ പ്രവച​ന​ത്തി​ന്റെ മുഴു​വ​നായ നിവൃ​ത്തി​യാ​ണോ അത്‌, അതോ അമ്പരപ്പി​ക്കുന്ന എന്തെങ്കി​ലു​മൊ​രു പ്രഖ്യാ​പനം ഭാവി​യിൽ നാം പ്രതീ​ക്ഷി​ക്ക​ണ​മോ? യഹോവ ഇക്കാര്യം തക്ക സമയത്തു വ്യക്തമാ​ക്കി​ത്ത​രു​ന്ന​താ​യി​രി​ക്കും. അതിനി​ടെ, “യഹോ​വ​യു​ടെ ദിവസ​ത്തി​ന്റെ സാന്നി​ധ്യ​ത്തി​നാ​യി കാത്തി​രു​ന്നു​കൊ​ണ്ടും അതിനെ മനസ്സിൽ അടുപ്പി​ച്ചു​നിർത്തി​ക്കൊ​ണ്ടും” നമുക്ക്‌ ആത്മീയ ഉണർവു​ള്ള​വ​രാ​യി നില​കൊ​ള്ളാം. (2 പത്രൊസ്‌ 3:11, NW) സമാധാ​ന​ത്തെ​യും സുരക്ഷി​ത​ത്വ​ത്തെ​യും കുറി​ച്ചുള്ള കൂടു​ത​ലായ സംസാ​ര​വു​മാ​യി സമയം കടന്നു​പോ​കു​ന്ന​തോ​ടെ, ഈ മുന്നറി​യിപ്പ്‌ അറിയാ​മാ​യി​രു​ന്നി​ട്ടും അത്‌ അവഗണി​ക്കാൻ തീരു​മാ​നി​ക്കുന്ന ചില വ്യക്തികൾ യഹോവ തന്റെ വചനം നിവർത്തി​ക്കു​ക​യി​ല്ലെ​ന്നോ അവനതു നിവർത്തി​ക്കാൻ കഴിയു​ക​യി​ല്ലെ​ന്നോ ചിന്തിച്ച്‌ അധിക​മ​ധി​കം ധാർഷ്‌ട്യ​ക്കാ​രാ​യി​ത്തീർന്നേ​ക്കാം. (സഭാ​പ്ര​സം​ഗി 8:11-13; 2 പത്രൊസ്‌ 3:3, 4 എന്നിവ താരത​മ്യം ചെയ്യുക.) എന്നാൽ സത്യ​ക്രി​സ്‌ത്യാ​നി​കൾക്ക​റി​യാം യഹോവ തന്റെ ഉദ്ദേശ്യം നിവർത്തി​ക്കു​മെന്ന്‌!

യഹോവ ഉപയോ​ഗി​ക്കുന്ന മുഖാ​ന്ത​ര​ങ്ങ​ളോ​ടുള്ള ഉചിത​മായ ആദരവ്‌

11. യഹോ​വ​യെ​ക്കു​റി​ച്ചു ദാനീ​യേ​ലും യോ​സേ​ഫും എന്തു മനസ്സി​ലാ​ക്കി?

¹¹ നവ-ബാബി​ലോ​ന്യ സാമ്രാ​ജ്യ​ത്തി​ന്റെ ഭരണാ​ധി​പ​നായ നെബൂ​ഖ​ദ്‌നേസർ രാജാവ്‌ തനിക്കു​ണ്ടായ അലോ​സ​ര​പ്പെ​ടു​ത്തുന്ന ഒരു സ്വപ്‌നം ഓർക്കാൻ കഴിയാ​ഞ്ഞ​പ്പോൾ സഹായാ​ഭ്യർഥന നടത്തി. അവന്റെ പുരോ​ഹി​ത​ന്മാർക്കും മന്ത്രവാ​ദി​കൾക്കും ഗൂഢവി​ദ്യ​ക്കാർക്കും സ്വപ്‌നം എന്താ​ണെന്നു പറയാ​നോ അതിനുള്ള വിശദീ​ക​രണം നൽകാ​നോ കഴിഞ്ഞില്ല. എന്നാൽ ദൈവ​ദാ​സ​നായ ദാനീ​യേ​ലിന്‌ അതു ചെയ്യാൻ കഴിഞ്ഞു—സ്വപ്‌ന​വും അതിന്റെ അർഥവും വെളി​പ്പെ​ടു​ത്താൻ കഴിഞ്ഞത്‌ സ്വന്തം ജ്ഞാനത്താ​ല​ല്ലെന്ന്‌ അവൻ ഉടനടി സമ്മതി​ച്ചു​പ​റ​ഞ്ഞെ​ങ്കി​ലും. ദാനീ​യേൽ പറഞ്ഞു: “രഹസ്യ​ങ്ങളെ വെളി​പ്പെ​ടു​ത്തുന്ന ഒരു ദൈവം സ്വർഗ്ഗ​ത്തിൽ ഉണ്ടു; അവൻ ഭാവി​കാ​ലത്തു സംഭവി​പ്പാ​നി​രി​ക്കു​ന്നതു നെബൂ​ഖ​ദ്‌നേസർ രാജാ​വി​നെ അറിയി​ച്ചി​രി​ക്കു​ന്നു.” (ദാനീ​യേൽ 2:1-30) അതിനു പല നൂറ്റാ​ണ്ടു​കൾക്കു മുമ്പ്‌, ദൈവ​ത്തി​ന്റെ മറ്റൊരു പ്രവാ​ച​ക​നായ യോ​സേ​ഫിന്‌, യഹോവ രഹസ്യങ്ങൾ വെളി​പ്പെ​ടു​ത്തു​ന്ന​വ​നാ​ണെന്നു സമാന​മാ​യി ബോധ്യ​പ്പെ​ട്ടി​രു​ന്നു.—ഉല്‌പത്തി 40:8-22; ആമോസ്‌ 3:7, 8.

12, 13. (എ) യഹോ​വ​യു​ടെ ഏറ്റവും വലിയ പ്രവാ​ചകൻ ആരായി​രു​ന്നു, നിങ്ങൾ അങ്ങനെ ഉത്തരം പറയു​ന്ന​തെ​ന്തു​കൊണ്ട്‌? (ബി) ഇന്ന്‌ “ദൈവ​മർമ്മ​ങ്ങ​ളു​ടെ ഗൃഹവി​ചാ​ര​കൻമാ”രായി സേവി​ക്കു​ന്ന​താർ, നാം അവരെ എങ്ങനെ വീക്ഷി​ക്കണം?

¹² യഹോവ ഭൂമി​യി​ലേക്ക്‌ അയച്ചി​ട്ടുള്ള പ്രവാ​ച​ക​രിൽ ഏറ്റവും വലിയവൻ യേശു​വാണ്‌. (പ്രവൃ​ത്തി​കൾ 3:19-24) പൗലൊസ്‌ വിശദീ​ക​രി​ച്ചു: “ദൈവം പണ്ടു ഭാഗം ഭാഗമാ​യി​ട്ടും വിവി​ധ​മാ​യി​ട്ടും പ്രവാ​ച​ക​ന്മാർമു​ഖാ​ന്തരം പിതാ​ക്ക​ന്മാ​രോ​ടു അരുളി​ച്ചെ​യ്‌തി​ട്ടു ഈ അന്ത്യകാ​ലത്തു പുത്രൻമു​ഖാ​ന്തരം നമ്മോടു അരുളി​ച്ചെ​യ്‌തി​രി​ക്കു​ന്നു. അവനെ താൻ സകലത്തി​ന്നും അവകാ​ശി​യാ​ക്കി വെച്ചു; അവൻ മുഖാ​ന്തരം ലോക​ത്തെ​യും ഉണ്ടാക്കി.”—എബ്രായർ 1:1, 2.

¹³ യഹോവ ആദിമ ക്രിസ്‌ത്യാ​നി​ക​ളോ​ടു തന്റെ പുത്ര​നായ യേശു മുഖാ​ന്തരം സംസാ​രി​ച്ചു. അവൻ അവർക്കു ദിവ്യ​ര​ഹ​സ്യ​ങ്ങൾ വെളി​പ്പെ​ടു​ത്തി​ക്കൊ​ടു​ത്തു. യേശു അവരോ​ടു പറഞ്ഞു: “ദൈവ​രാ​ജ്യ​ത്തി​ന്റെ മർമ്മങ്ങളെ അറിവാൻ നിങ്ങൾക്കു വരം ലഭിച്ചി​രി​ക്കു​ന്നു.” (ലൂക്കൊസ്‌ 8:10) പിന്നീട്‌ പൗലൊസ്‌ അപ്പോ​സ്‌തലൻ അഭിഷിക്ത ക്രിസ്‌ത്യാ​നി​ക​ളെ​ക്കു​റിച്ച്‌ അവർ “ക്രിസ്‌തു​വി​ന്റെ ശുശ്രൂ​ഷ​ക്കാ​രും ദൈവ​മർമ്മ​ങ്ങ​ളു​ടെ ഗൃഹവി​ചാ​ര​കൻമാ​രു”മാണെന്നു പറഞ്ഞു. (1 കൊരി​ന്ത്യർ 4:1) തക്കസമ​യത്തെ ആത്മീയ ഭക്ഷണം ഭരണസം​ഘ​ത്തി​ലൂ​ടെ പ്രദാനം ചെയ്യുന്ന വിശ്വ​സ്‌ത​നും വിവേ​കി​യു​മായ അടിമ​വർഗ​മാ​യി അഭിഷിക്ത ക്രിസ്‌ത്യാ​നി​കൾ ഇന്ന്‌ അതേ സേവനം തുടരു​ക​യാണ്‌. (മത്തായി 24:45-47) ദൈവ​ത്തി​ന്റെ മുൻകാല നിശ്വസ്‌ത പ്രവാ​ച​ക​ന്മാ​രെ​യും വിശേ​ഷി​ച്ചു ദൈവ​പു​ത്ര​നെ​യും നാം വളരെ​യ​ധി​കം ആദരി​ക്കു​ന്നെ​ങ്കിൽ, ഈ നിർണാ​യക സമയത്ത്‌ തന്റെ ജനത്തിന്‌ അങ്ങേയറ്റം അത്യാ​വ​ശ്യ​മായ ബൈബിൾവി​വ​രങ്ങൾ വെളി​പ്പെ​ടു​ത്താൻ യഹോവ ഇന്ന്‌ ഉപയോ​ഗി​ക്കുന്ന മനുഷ്യ​മു​ഖാ​ന്ത​ര​ത്തെ​യും നാം ആദരി​ക്കേ​ണ്ട​തല്ലേ?—2 തിമൊ​ഥെ​യൊസ്‌ 3:1-5, 13.

പ്രവർത്തനം—പരസ്യ​മാ​യോ രഹസ്യ​മാ​യോ?

14. ക്രിസ്‌ത്യാ​നി​കൾ രഹസ്യ​ത്തിൽ പ്രവർത്തനം നടത്തേ​ണ്ട​തെ​പ്പോൾ, അതുവഴി അവർ ആരുടെ മാതൃ​ക​യാ​ണു പിൻപ​റ്റു​ന്നത്‌?

¹⁴ യഹോവ കാര്യങ്ങൾ വെട്ടി​ത്തു​റന്നു പറയു​ന്നു​വെ​ന്ന​തി​നാൽ തങ്ങൾക്ക​റി​യാ​വു​ന്ന​തെ​ല്ലാം എല്ലായ്‌പോ​ഴും ഏതു സാഹച​ര്യ​ത്തി​ലും ക്രിസ്‌ത്യാ​നി​കൾ വെളി​പ്പെ​ടു​ത്ത​ണ​മെ​ന്നു​ണ്ടോ? “പാമ്പി​നെ​പ്പോ​ലെ ബുദ്ധി​യു​ള്ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും ആയിരി​പ്പിൻ” എന്നാണ്‌ യേശു തന്റെ ശിഷ്യ​ന്മാ​രെ ഉപദേ​ശി​ച്ചത്‌. ക്രിസ്‌ത്യാ​നി​കൾ ഈ ഉപദേശം പിൻപ​റ്റു​ന്നു. (മത്തായി 10:16) തങ്ങളുടെ മനസ്സാ​ക്ഷി​യ​നു​സ​രിച്ച്‌ ദൈവത്തെ ആരാധി​ക്കാൻ പാടി​ല്ലെന്ന്‌ അവരോട്‌ ആവശ്യ​പ്പെ​ടു​ന്ന​പക്ഷം ക്രിസ്‌ത്യാ​നി​കൾ തുടർന്നും “ദൈവത്തെ അനുസരി”ക്കും, കാരണം യഹോ​വ​യ്‌ക്കുള്ള ആരാധന തടയാൻ യാതൊ​രു മനുഷ്യ​സ്ഥാ​പ​ന​ത്തി​നും അവകാ​ശ​മി​ല്ലെന്ന്‌ അവർ തിരി​ച്ച​റി​യു​ന്നു. (പ്രവൃ​ത്തി​കൾ 5:29) യേശു ഇതു പ്രവർത്തി​ച്ചു​കാ​ണി​ച്ചി​ട്ടുണ്ട്‌. നാം വായി​ക്കു​ന്നു: “അതിന്റെ ശേഷം യേശു ഗലീല​യിൽ സഞ്ചരിച്ചു; യെഹൂ​ദൻമാർ അവനെ കൊല്ലു​വാൻ അന്വേ​ഷി​ച്ച​തു​കൊ​ണ്ടു യെഹൂ​ദ്യ​യിൽ സഞ്ചരി​പ്പാൻ അവന്നു മനസ്സി​ല്ലാ​യി​രു​ന്നു. എന്നാൽ യെഹൂ​ദൻമാ​രു​ടെ കൂടാ​ര​പ്പെ​രു​നാൾ അടുത്തി​രു​ന്നു. യേശു അവരോ​ടു [വിശ്വാ​സി​ക​ള​ല്ലാത്ത ജഡിക സഹോ​ദ​ര​ന്മാ​രോട്‌]: . . . നിങ്ങൾ പെരു​നാ​ളി​ന്നു പോകു​വിൻ; എന്റെ സമയം ഇതുവരെ വന്നിട്ടി​ല്ലാ​യ്‌ക​കൊ​ണ്ടു ഞാൻ ഈ പെരു​നാ​ളി​ന്നു ഇപ്പോൾ പോകു​ന്നില്ല; ഇങ്ങനെ അവരോ​ടു പറഞ്ഞിട്ടു ഗലീല​യിൽ തന്നേ പാർത്തു. അവന്റെ സഹോ​ദ​രൻമാർ പെരു​നാ​ളി​ന്നു പോയ​ശേഷം അവനും പരസ്യ​മാ​യി​ട്ടല്ല രഹസ്യ​ത്തിൽ എന്നപോ​ലെ പോയി.”—യോഹ​ന്നാൻ 7:1, 2, 6, 8-10.

പറയണ​മോ വേണ്ടയോ?

15. രഹസ്യം സൂക്ഷി​ക്കു​ന്നതു ചില​പ്പോൾ സ്‌നേ​ഹ​പൂർവ​ക​മായ ഒരു പ്രവൃ​ത്തി​യാ​ണെന്നു യോ​സേഫ്‌ പ്രകട​മാ​ക്കി​യ​തെ​ങ്ങനെ?

¹⁵ ചില സന്ദർഭ​ങ്ങ​ളിൽ, ഒരു സംഗതി രഹസ്യ​മാ​ക്കി​വെ​ക്കു​ന്നത്‌ ജ്ഞാനപൂർവകം മാത്രമല്ല, സ്‌നേ​ഹ​പൂർവ​ക​വു​മാണ്‌. ഉദാഹ​ര​ണ​ത്തിന്‌, യേശു​വി​ന്റെ വളർത്തു​പി​താ​വായ യോ​സേഫ്‌ തന്റെ പ്രതി​ശ്രുത വധുവായ മറിയ ഗർഭി​ണി​യാ​ണെ​ന്ന​റി​ഞ്ഞ​പ്പോൾ എങ്ങനെ​യാ​ണു പ്രതി​ക​രി​ച്ചത്‌? നാം വായി​ക്കു​ന്നു: “അവളുടെ ഭർത്താ​വായ യോ​സേഫ്‌ നീതി​മാ​നാ​ക​കൊ​ണ്ടും അവൾക്കു ലോകാ​പ​വാ​ദം വരുത്തു​വാൻ അവന്നു മനസ്സി​ല്ലാ​യ്‌ക​കൊ​ണ്ടും അവളെ ഗൂഢമാ​യി ഉപേക്ഷി​പ്പാൻ ഭാവിച്ചു.” (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 1:18, 19) അവളെ പരസ്യ​മാ​യി നിന്ദാ​പാ​ത്ര​മാ​ക്കു​ന്നത്‌ എത്ര നിർദ​യ​മായ പ്രവൃ​ത്തി​യാ​കു​മാ​യി​രു​ന്നു!

16. രഹസ്യ​കാ​ര്യ​ങ്ങ​ളു​ടെ സംഗതി​യിൽ മൂപ്പന്മാർക്കും സഭയിലെ മറ്റെല്ലാ അംഗങ്ങൾക്കും എന്ത്‌ ഉത്തരവാ​ദി​ത്വ​മുണ്ട്‌?

¹⁶ പ്രയാ​സ​ക​ര​മായ സ്ഥിതി​വി​ശേ​ഷ​മോ വേദന​യോ ഉളവാ​ക്കുന്ന രഹസ്യ​കാ​ര്യ​ങ്ങൾ വേണ്ട​പ്പെ​ട്ട​വ​രോ​ട​ല്ലാ​തെ ആരോ​ടും പറയരുത്‌. യഹോ​വ​യ്‌ക്കെ​തി​രെ ഗുരു​ത​ര​മായ പാപം​ചെയ്‌ത സഹക്രി​സ്‌ത്യാ​നി​കൾക്കു ക്രിസ്‌തീയ മൂപ്പന്മാർ വ്യക്തി​പ​ര​മായ ബുദ്ധ്യു​പ​ദേ​ശ​മോ സാന്ത്വ​ന​മോ ശിക്ഷണ​മോ നൽകു​മ്പോൾ അവരതു മനസ്സിൽപ്പി​ടി​ക്കു​ന്നു. ഈ കാര്യങ്ങൾ തിരു​വെ​ഴു​ത്തു​പ​ര​മായ വിധത്തിൽ കൈകാ​ര്യം ചെയ്യു​ക​യാ​ണു വേണ്ടത്‌; സംഗതി​യു​മാ​യി ബന്ധമി​ല്ലാ​ത്ത​വ​രോ​ടു രഹസ്യ​വി​വ​രങ്ങൾ പറയു​ന്നത്‌ അനാവ​ശ്യ​വും സ്‌നേ​ഹ​മി​ല്ലാ​യ്‌മ​യു​മാണ്‌. തീർച്ച​യാ​യും, ക്രിസ്‌തീയ സഭാം​ഗങ്ങൾ മൂപ്പന്മാ​രിൽനി​ന്നു വിവരങ്ങൾ ചികഞ്ഞ്‌ ചോർത്തി​യെ​ടു​ക്കാൻ ശ്രമി​ക്കു​ക​യില്ല, മറിച്ച്‌ സ്വകാ​ര്യ​കാ​ര്യ​ങ്ങൾ രഹസ്യ​മാ​യി സൂക്ഷി​ക്കാ​നുള്ള മൂപ്പന്മാ​രു​ടെ ഉത്തരവാ​ദി​ത്വ​ത്തെ ആദരി​ക്കും. സദൃശ​വാ​ക്യ​ങ്ങൾ 25:9 പ്രസ്‌താ​വി​ക്കു​ന്നു: “നിന്റെ വഴക്കു കൂട്ടു​കാ​ര​നു​മാ​യി പറഞ്ഞു​തീർക്ക; എന്നാൽ മറെറാ​രു​ത്തന്റെ രഹസ്യം വെളി​പ്പെ​ടു​ത്ത​രു​തു.”

17. ക്രിസ്‌ത്യാ​നി​കൾ മിക്ക സന്ദർഭ​ങ്ങ​ളി​ലും രഹസ്യ​കാ​ര്യ​ങ്ങൾ രഹസ്യ​മാ​യി​ത്തന്നെ സൂക്ഷി​ക്കു​ന്ന​തെ​ന്തു​കൊണ്ട്‌, എന്നാൽ അവർക്ക്‌ അത്‌ എല്ലായ്‌പോ​ഴും ചെയ്യാൻ സാധി​ക്കാ​ത്ത​തെ​ന്തു​കൊണ്ട്‌?

¹⁷ ഈ തത്ത്വം കുടും​ബാം​ഗ​ങ്ങൾക്കി​ട​യി​ലും അടുത്ത സുഹൃ​ത്തു​ക്കൾക്കി​ട​യി​ലും ബാധക​മാണ്‌. ചില കാര്യങ്ങൾ രഹസ്യ​മാ​യി സൂക്ഷി​ക്കു​ന്നത്‌ തെറ്റി​ദ്ധാ​ര​ണകൾ ഒഴിവാ​ക്കു​ന്ന​തി​നും ബന്ധങ്ങൾക്ക്‌ ഉലച്ചിൽ തട്ടാതി​രി​ക്കു​ന്ന​തി​നും മർമ​പ്ര​ധാ​ന​മാണ്‌. “വടതി​ക്കാ​ററു മഴ കൊണ്ടു​വ​രു​ന്നു; ഏഷണി​വാ​ക്കു [“രഹസ്യം പുറത്തു​വി​ടുന്ന നാവ്‌,” NW] കോപ​ഭാ​വത്തെ ജനിപ്പി​ക്കു​ന്നു.” (സദൃശ​വാ​ക്യ​ങ്ങൾ 25:23) തീർച്ച​യാ​യും, യഹോ​വ​യോ​ടും അവന്റെ നീതി​നി​ഷ്‌ഠ​മായ തത്ത്വങ്ങ​ളോ​ടു​മുള്ള വിശ്വ​സ്‌ത​ത​യും തെറ്റു​ചെ​യ്യുന്ന വ്യക്തി​ക​ളോ​ടുള്ള സ്‌നേ​ഹ​വും ഹേതു​വാ​യി ചില​പ്പോ​ഴൊ​ക്കെ മാതാ​പി​താ​ക്ക​ളെ​യും ക്രിസ്‌തീയ മൂപ്പന്മാ​രെ​യും അധികാ​ര​സ്ഥാ​ന​ത്തി​രി​ക്കുന്ന മറ്റുള്ള​വ​രെ​യും രഹസ്യ​കാ​ര്യ​ങ്ങൾ ധരിപ്പി​ക്കേ​ണ്ടി​വ​ന്നേ​ക്കാം.a എന്നാൽ മിക്ക സന്ദർഭ​ങ്ങ​ളി​ലും, ക്രിസ്‌ത്യാ​നി​കൾ മറ്റുള്ള​വ​രു​ടെ വ്യക്തി​പ​ര​മായ രഹസ്യങ്ങൾ ആരോ​ടും പറയാതെ സ്വന്തം കാര്യം​പോ​ലെ സൂക്ഷി​ക്കു​ന്നു.

18. നാമെന്തു പറയണം, എന്തു പറയരുത്‌ എന്നു നിർണ​യി​ക്കാൻ ഏതു മൂന്നു ക്രിസ്‌തീയ ഗുണങ്ങൾ നമ്മെ സഹായി​ക്കും?

¹⁸ ചുരു​ക്ക​ത്തിൽ, ഒരു ക്രിസ്‌ത്യാ​നി അത്യാ​വ​ശ്യ​മാ​യി​രി​ക്കു​മ്പോൾ ചില രഹസ്യങ്ങൾ സൂക്ഷി​ച്ചു​കൊ​ണ്ടും ഉചിത​മാ​യി​രി​ക്കു​മ്പോൾ ആവശ്യ​മു​ള്ള​വ​മാ​ത്രം വെളി​പ്പെ​ടു​ത്തി​ക്കൊ​ണ്ടും യഹോ​വയെ അനുക​രി​ക്കു​ന്നു. എന്തു പറയണം, എന്തു പറയരുത്‌ എന്നു തീരു​മാ​നി​ക്കു​ന്ന​തിൽ അയാൾ താഴ്‌മ, വിശ്വാ​സം, സ്‌നേഹം എന്നിവ​യാൽ നയിക്ക​പ്പെ​ടു​ന്നു. അറിയാ​വു​ന്ന​തെ​ല്ലാം പറഞ്ഞോ പറയാൻ പാടി​ല്ലാത്ത രഹസ്യ​ങ്ങ​ളാൽ മോഹി​പ്പി​ച്ചോ മറ്റുള്ള​വ​രിൽ മതിപ്പു​ള​വാ​ക്കാൻ ശ്രമി​ച്ചു​കൊണ്ട്‌ സ്വന്തം പ്രാധാ​ന്യം പെരു​പ്പി​ച്ചു​കാ​ണി​ക്കാ​തി​രി​ക്കാൻ താഴ്‌മ അയാളെ സഹായി​ക്കും. യഹോ​വ​യു​ടെ വചനത്തി​ലും ക്രിസ്‌തീയ സഭയി​ലു​മുള്ള വിശ്വാ​സം ദിവ്യ​മാ​യി പ്രദാനം ചെയ്യ​പ്പെ​ട്ടി​രി​ക്കുന്ന ബൈബിൾ വിവരങ്ങൾ പ്രസം​ഗി​ക്കാ​നും അതേസ​മയം മറ്റുള്ള​വരെ വ്രണ​പ്പെ​ടു​ത്താ​വുന്ന സംഗതി​കൾ ആദ്യമേ പറയാ​തി​രി​ക്കാ​നും അയാളെ പ്രചോ​ദി​പ്പി​ക്കു​ന്നു. അതേ, ദൈവത്തെ മഹത്ത്വ​പ്പെ​ടു​ത്തു​ന്ന​തും ജീവൻ നേടു​ന്ന​തിന്‌ ആളുകൾ അറി​യേ​ണ്ട​തു​മായ സംഗതി​കൾ പരസ്യ​മാ​ക്കു​ന്ന​തി​നു സ്‌നേഹം അയാളെ പ്രചോ​ദി​പ്പി​ക്കു​ന്നു. അതേസ​മയം, മിക്ക സന്ദർഭ​ങ്ങ​ളി​ലും വ്യക്തി​പ​ര​മായ രഹസ്യ​സം​ഗ​തി​കൾ വെളി​പ്പെ​ടു​ത്തു​ന്നത്‌ ഒരുവനു സ്‌നേ​ഹ​മി​ല്ലെന്നു പ്രകട​മാ​ക്കു​മെന്നു മനസ്സി​ലാ​ക്കി അയാൾ അത്തരം സംഗതി​ക​ളൊ​ട്ടു വെളി​പ്പെ​ടു​ത്തു​ന്നു​മില്ല.

19. സത്യ​ക്രി​സ്‌ത്യാ​നി​കളെ തിരി​ച്ച​റി​യാൻ ഏതു പ്രവർത്ത​ന​ഗതി സഹായി​ക്കു​ന്നു, അത്‌ എന്തിൽ കലാശി​ക്കു​ന്നു?

¹⁹ സമനി​ല​യുള്ള ഈ സമീപനം സത്യ​ക്രി​സ്‌ത്യാ​നി​കളെ തിരി​ച്ച​റി​യാൻ സഹായി​ക്കു​ന്നു. അവർ ദൈവം ആരെന്നത്‌ പേരി​ല്ലാ​യ്‌മ​യു​ടെ മുഖം​മൂ​ടി​ക്കു പിന്നി​ലോ വിശദീ​ക​രി​ക്കാ​നാ​കാത്ത ഒരു ദുർജ്ഞേയ ത്രി​ത്വോ​പ​ദേ​ശ​ത്തി​നു പിന്നി​ലോ മറച്ചു​വെ​ക്കു​ന്നില്ല. അജ്ഞാത ദൈവങ്ങൾ വ്യാജ​മ​ത​ത്തി​ന്റെ പ്രത്യേ​ക​ത​യാണ്‌, അല്ലാതെ സത്യമ​ത​ത്തി​ന്റേതല്ല. (പ്രവൃ​ത്തി​കൾ 17:22, 23 കാണുക.) യഹോ​വ​യു​ടെ അഭിഷിക്ത സാക്ഷികൾ “ദൈവ​മർമ്മ​ങ്ങ​ളു​ടെ ഗൃഹവി​ചാ​ര​കൻമാ”രായി​രി​ക്കുന്ന പദവിയെ ശരിക്കും വിലമ​തി​ക്കു​ന്നു. ഈ രഹസ്യങ്ങൾ മറ്റുള്ള​വർക്കു വ്യക്തമാ​യി വെളി​പ്പെ​ടു​ത്തി​ക്കൊണ്ട്‌, അവർ പരമാർഥ​ഹൃ​ദ​യരെ യഹോ​വ​യു​ടെ സൗഹൃദം തേടാൻ സഹായി​ക്കു​ന്നു.—1 കൊരി​ന്ത്യർ 4:1; 14:22-25; സെഖര്യാ​വു 8:23; മലാഖി 3:18.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

□ യഹോ​വ​യ്‌ക്കു തന്റെ ഉദ്ദേശ്യ​ങ്ങൾ മറച്ചു​പി​ടി​ക്കേ​ണ്ട​യാ​വ​ശ്യ​മി​ല്ലാ​ത്തത്‌ എന്തു​കൊണ്ട്‌?

□ യഹോവ രഹസ്യങ്ങൾ ആർക്കു വെളി​പ്പെ​ടു​ത്തി​ക്കൊ​ടു​ക്കു​ന്നു?

□ രഹസ്യ​കാ​ര്യ​ങ്ങൾ സംബന്ധിച്ച്‌ ക്രിസ്‌ത്യാ​നി​കൾക്ക്‌ എന്ത്‌ ഉത്തരവാ​ദി​ത്വ​മുണ്ട്‌?

□ എന്തു പറയണം, എന്തു പറയരുത്‌ എന്നറി​യാൻ ക്രിസ്‌ത്യാ​നി​കളെ ഏതു മൂന്നു ഗുണങ്ങൾ സഹായി​ക്കും?

[8-ാം പേജിലെ ചിത്രം]

യഹോവ തന്റെ വചനത്തി​ലൂ​ടെ രഹസ്യം വെളി​പ്പെ​ടു​ത്തു​ന്നു