രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

യഹോ​വ​യു​ടെ ദിവ്യാ​ധി​പത്യ സ്ഥാപന​ത്തി​ലേക്കു പലായനം ചെയ്യൽ

‘സമുദ്ര ദ്വീപു​ക​ളിൽ അവർ യഹോ​വയെ മഹത്ത്വ​പ്പെ​ടു​ത്തണം,’ എന്നു പ്രഘോ​ഷി​ക്കാൻ ദീർഘ​കാ​ലം മുമ്പ്‌ പ്രവാ​ച​ക​നായ യെശയ്യാ​വു പ്രേരി​ത​നാ​യി. (യെശയ്യാ​വു 24:15, NW) “സുവാർത്ത പ്രസം​ഗി​ക്ക​പ്പെ​ടേണ്ട”തായി യേശു പറഞ്ഞ “നിവസിത ഭൂമി”യുടെ ഭാഗമാ​യി​ട്ടാണ്‌ യഹോ​വ​യു​ടെ സാക്ഷികൾ സമുദ്ര ദ്വീപു​കളെ വീക്ഷി​ക്കു​ന്നത്‌.—മത്തായി 24:14, NW; മർക്കൊസ്‌ 13:10.

തഹീതി​യു​ടെ 1,400 കിലോ​മീ​റ്റർ വടക്കു​കി​ഴ​ക്കാ​യി​ട്ടാണ്‌ മാർക്ക​സസ്‌ ദ്വീപു​കൾ സ്ഥിതി​ചെ​യ്യു​ന്നത്‌. ഫ്രഞ്ച്‌ പോളി​നേഷ്യ എന്നു വിളി​ക്ക​പ്പെ​ടുന്ന ദക്ഷിണ പസഫി​ക്കി​ലെ വിദൂര ദ്വീപ സമൂഹ​ത്തി​ന്റെ ഭാഗമാണ്‌ അവ. ഫലഭൂ​യി​ഷ്‌ഠ​മായ അഗ്നിപർവത മണ്ണും ഊഷ്‌മ​ള​മായ, ഈർപ്പ​മുള്ള കാലാ​വ​സ്ഥ​യും നിമിത്തം ഈ ദ്വീപു​ക​ളിൽ സസ്യങ്ങൾ തഴച്ചു​വ​ള​രു​ന്നു. എന്നാൽ, മാർക്ക​സ​സു​കാർ മറ്റൊരു തരം ഫലവും ഉത്‌പാ​ദി​പ്പി​ക്കു​ന്നുണ്ട്‌. രാജ്യ​സ​ന്ദേ​ശ​ത്തോ​ടു പ്രതി​ക​രിച്ച, ഹിവാ ഓവ ദ്വീപി​ലെ ഒരു കുടും​ബ​ത്തി​ന്റെ കാര്യ​മെ​ടു​ക്കുക.

ഴാനും ഭാര്യ നാഡി​നും തങ്ങൾ ജീവി​ച്ചി​രുന്ന പശ്ചിമ യൂറോ​പ്പി​ലെ പരിഷ്‌കൃ​ത​സ​മൂ​ഹം എന്നു വിളി​ക്ക​പ്പെ​ടു​ന്ന​തി​നെ​പ്രതി അസന്തു​ഷ്ട​രാ​യി​രു​ന്നു. അതു​കൊണ്ട്‌, ആ തിരക്കു​പി​ടിച്ച ജീവി​ത​രീ​തി ഉപേക്ഷിച്ച്‌ തങ്ങളുടെ കുട്ടി​യോ​ടൊ​പ്പം മാർക്ക​സസ്‌ ദ്വീപു​ക​ളി​ലേക്കു മാറാൻ അവർ തീരു​മാ​നി​ച്ചു. മുള​കൊ​ണ്ടു നിർമിച്ച അവരുടെ പുതിയ ഭവനം സ്ഥിതി​ചെ​യ്‌തി​രു​ന്നത്‌ ഒരു വിദൂര താഴ്‌വ​ര​യി​ലാ​യി​രു​ന്നു. അവരുടെ ഏറ്റവും അടുത്ത അയൽക്കാ​രു​ടെ അടു​ത്തെ​ത്തു​ന്ന​തിന്‌ നിമ്‌നോ​ന്നത പർവത പാതയി​ലൂ​ടെ രണ്ടുമ​ണി​ക്കൂർ നടക്കേ​ണ്ട​തു​ണ്ടാ​യി​രു​ന്നു. ഡോക്ട​റും സ്‌കൂ​ളും പലചര​ക്കു​ക​ട​യു​മുള്ള ഏറ്റവും അടുത്ത ഗ്രാമ​ത്തി​ലേക്ക്‌ ജീപ്പിൽ മൂന്നു​മ​ണി​ക്കൂർ യാത്ര​ചെ​യ്യ​ണ​മാ​യി​രു​ന്നു.

ഴാനും നാഡി​നും മതത്തിൽ താത്‌പ​ര്യ​മി​ല്ലാ​യി​രു​ന്നു. എന്നിരു​ന്നാ​ലും, അവർ ജീവോ​ത്‌പ​ത്തി​യെ​ക്കു​റി​ച്ചുള്ള ചർച്ചക​ളിൽ ഏർപ്പെട്ടു. മിക്ക​പ്പോ​ഴും അവർ സങ്കീർണ​മായ പരിണാമ സിദ്ധാ​ന്തങ്ങൾ വികസി​പ്പി​ച്ചെ​ടു​ക്കു​മാ​യി​രു​ന്നു. എന്നാൽ അവരുടെ സിദ്ധാ​ന്ത​ങ്ങ​ളൊ​ന്നും അവർക്കു സംതൃ​പ്‌തി നൽകി​യില്ല.

ആറു വർഷത്തെ ഒറ്റപ്പെട്ട ജീവി​ത​ത്തി​നു​ശേഷം തങ്ങളെ രണ്ട്‌ യഹോ​വ​യു​ടെ സാക്ഷികൾ സന്ദർശി​ച്ചത്‌ അവരെ അത്ഭുത​പ്പെ​ടു​ത്തി. സമീപ​ത്തുള്ള ഗ്രാമീ​ണ​രിൽനിന്ന്‌ സാക്ഷികൾ ഴാനി​ന്റെ​യും നാഡി​ന്റെ​യും താമസ​ത്തെ​ക്കു​റിച്ച്‌ അറിഞ്ഞി​രു​ന്നു. സ്വാഭാ​വി​ക​മാ​യും, സംഭാ​ഷണം പരിണാമ സിദ്ധാ​ന്ത​ത്തെ​ക്കു​റി​ച്ചുള്ള ഒരു ചർച്ചയി​ലേക്കു നയിച്ചു. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? (ഇംഗ്ലീഷ്‌) എന്ന പുസ്‌ത​ക​ത്തി​ന്റെ ഒരു പ്രതി സാക്ഷി​ക​ളു​ടെ കൈവ​ശ​മു​ണ്ടാ​യി​രു​ന്നു. അത്‌ ആ ദമ്പതി​കളെ ആഹ്ലാദി​പ്പി​ച്ചു. ജീവൻ ഇവിടെ എങ്ങനെ വന്നു​വെ​ന്ന​തി​നെ​ക്കു​റി​ച്ചു സമ്പൂർണ​മാ​യൊ​രു വിശക​ലനം അവതരി​പ്പി​ച്ചി​രി​ക്കുന്ന ഒരു പുസ്‌തകം ലഭിച്ച​തിൽ ഴാനും നാഡി​നും സന്തുഷ്ട​രാ​യി​രു​ന്നു.

കുറച്ചു​കാ​ലം കഴിഞ്ഞ്‌ ഒരു ബൈബി​ള​ധ്യ​യനം ആരംഭി​ച്ചു. ഏതാണ്ട്‌ മൂന്നു വർഷം​കൊണ്ട്‌ ഴാനും നാഡി​നും സ്ഥായി​യായ പുരോ​ഗതി കൈവ​രി​ച്ചു. പെട്ടെ​ന്നു​തന്നെ മുഴു​ഭൂ​മി​യും ഒരു പറുദീ​സ​യാ​ക്ക​പ്പെ​ടു​മെന്ന്‌ അവർക്കു ബോധ്യ​മാ​യി. മൂന്നു കുട്ടി​ക​ളാ​യ​തോ​ടെ രാജ്യ​ഹാ​ളിൽ ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ന്ന​തി​നാ​യി നാലു മണിക്കൂർ യാത്ര​ചെ​യ്യു​ന്നത്‌ ഒരു യഥാർഥ വെല്ലു​വി​ളി​യാ​യി​ത്തീർന്നു. പക്ഷേ, ഹാജരാ​കു​ന്ന​തിൽനിന്ന്‌ അത്‌ അവരെ പിന്തി​രി​പ്പി​ച്ചില്ല. ഒടുവിൽ ഴാനും നാഡി​നും യഹോ​വ​യ്‌ക്കുള്ള തങ്ങളുടെ സമർപ്പ​ണത്തെ ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി. പ്രധാന ഗ്രാമ​ത്തിൽ നടന്ന ഒരു കൺ​വെൻ​ഷ​നിൽവെ​ച്ചാ​യി​രു​ന്നു അവർ അതു ചെയ്‌തത്‌. അവിടു​ത്തെ അത്യുച്ച ഹാജരോ 38!

രാജ്യ​പ്ര​സാ​ധ​ക​രു​ടെ ചെറിയ കൂട്ടത്തെ സഹായി​ക്കു​ന്ന​തി​നാ​യി തങ്ങളുടെ ഒറ്റപ്പെട്ട ഭവനം വിട്ടു​പോ​കാൻ ആ കുടും​ബം തീരു​മാ​നി​ച്ചു. ഏകദേശം ആയിരം നിവാ​സി​ക​ളുള്ള ഒരു ഗ്രാമ​ത്തി​ലേക്ക്‌ അവർ താമസം മാറ്റി. യഹോ​വ​യു​ടെ സാക്ഷി​ക​ളു​ടെ അവിടു​ത്തെ പ്രാ​ദേ​ശിക സഭയിൽ ഴാൻ ഇപ്പോൾ ഒരു ശുശ്രൂ​ഷാ​ദാ​സ​നാ​യി സേവി​ക്കു​ന്നു. നാഗരി​ക​ത​യിൽനി​ന്നു രക്ഷപ്പെ​ടാൻ മുമ്പ്‌ ദ്വീപു​ക​ളി​ലേക്കു പലായനം ചെയ്‌ത ഈ കുടും​ബം ഏക സത്യ​പ്രാ​കാ​രത്തെ, യഹോ​വ​യു​ടെ ദിവ്യാ​ധി​പത്യ സ്ഥാപനത്തെ, കണ്ടെത്തി​യത്‌ ഒരു പദവി​യാ​യി കരുതു​ന്നു.