വായന​ക്കാ​രിൽനി​ന്നുള്ള ചോദ്യ​ങ്ങൾ

ചെമ്മരിയാടുകളെയും കോലാ​ടു​ക​ളെ​യും സംബന്ധിച്ച യേശു​വി​ന്റെ ഉപമ​യെ​ക്കു​റി​ച്ചു പഠിച്ച​തിൽ നാം പുളകം​കൊ​ണ്ടു. 1995 ഒക്‌ടോ​ബർ 15 “വീക്ഷാ​ഗോ​പുര”ത്തിൽ അവതരി​പ്പി​ച്ചി​രുന്ന പുതിയ ഗ്രാഹ്യ​ത്തി​ന്റെ കാഴ്‌ച​പ്പാ​ടിൽ, യഹോ​വ​യു​ടെ സാക്ഷികൾ ഇന്ന്‌ ഒരു വേർതി​രി​ക്കൽ വേലയിൽ പങ്കെടു​ക്കു​ന്നു​വെന്നു പറയാൻ കഴിയു​മോ?

കഴിയും. മനസ്സി​ലാ​ക്കാ​വു​ന്ന​തു​പോ​ലെ മത്തായി 25:31, 32-ൽ “മനുഷ്യ​പു​ത്രൻ തന്റെ തേജ​സ്സോ​ടെ സകല വിശു​ദ്ധ​ദൂ​തൻമാ​രു​മാ​യി വരു​മ്പോൾ അവൻ തന്റെ തേജസ്സി​ന്റെ സിംഹാ​സ​ന​ത്തിൽ ഇരിക്കും. സകല ജാതി​ക​ളെ​യും അവന്റെ മുമ്പിൽ കൂട്ടും; അവൻ അവരെ ഇടയൻ ചെമ്മരി​യാ​ടു​ക​ളെ​യും കോലാ​ടു​ക​ളെ​യും തമ്മിൽ വേർതി​രി​ക്കു​ന്ന​തു​പോ​ലെ വേർതി​രി”ക്കും എന്നു പറയു​ന്ന​തു​കൊ​ണ്ടാണ്‌ പലരും ഇതി​നെ​ക്കു​റിച്ച്‌ അമ്പരന്നി​ട്ടു​ള്ളത്‌. മഹോ​പ​ദ്രവം തുടങ്ങി​യ​തി​നു​ശേഷം ഈ വാക്യ​ങ്ങൾക്കു പ്രയുക്തത ഉണ്ടാകു​ന്നത്‌ എന്തു​കൊ​ണ്ടാ​ണെന്ന്‌ 1995 ഒക്‌ടോ​ബർ 15-ലെ വീക്ഷാ​ഗോ​പു​രം പ്രകട​മാ​ക്കി. യേശു തന്റെ മഹത്ത്വ​ത്തിൽ ദൂതൻമാ​രോ​ടൊ​പ്പം എത്തി തന്റെ ന്യായാ​സ​ന​ത്തിൽ ഇരിക്കും. എന്നിട്ട്‌, അവൻ ആളുകളെ വേർതി​രി​ക്കും. ഏത്‌ അർഥത്തിൽ? ആ കാലത്തി​നു മുമ്പ്‌ ആളുകൾ ചെയ്‌ത​തും ചെയ്യാ​തി​രു​ന്ന​തു​മായ കാര്യ​ങ്ങ​ളു​ടെ അടിസ്ഥാ​ന​ത്തിൽ അവൻ തീർപ്പു കൽപ്പി​ക്കും.

ഒരു കോട​തി​ക്കേ​സി​ലേക്കു വഴിന​യി​ക്കുന്ന നിയമ​പ​ര​മായ ഒരു നടപടി​ക്ര​മ​ത്തി​ന്റെ പുരോ​ഗ​മ​ന​ത്തോ​ടു നമുക്ക്‌ ഇതിനെ താരത​മ്യം ചെയ്യാൻ സാധി​ക്കും. കോടതി, വിധി​യും ശിക്ഷയും കൽപ്പി​ക്കു​ന്ന​തി​നു​മുമ്പ്‌ തെളി​വു​കൾ ശേഖരി​ക്കു​ന്നത്‌ ദീർഘ​മായ ഒരു കാലം​കൊ​ണ്ടാണ്‌. ഇപ്പോൾ ജീവി​ച്ചി​രി​ക്കുന്ന ആളുകൾ ചെമ്മരി​യാ​ടു​ക​ളോ അതോ കോലാ​ടു​ക​ളോ എന്നുള്ള​തി​ന്റെ തെളിവ്‌ ദീർഘ​കാ​ല​മാ​യി ശേഖരി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. ഇപ്പോ​ഴും തെളി​വു​കൾ വന്നു​കൊ​ണ്ടി​രി​ക്കു​ന്നു. എന്നാൽ, യേശു തന്റെ സിംഹാ​സ​ന​ത്തിൽ ഇരിക്കു​മ്പോൾ കേസ്‌ പൂർത്തി​യാ​യി​രി​ക്കും, ന്യായ​വി​ധി നടത്താൻ അവൻ ഒരുങ്ങി​യി​രി​ക്കും. ആളുകൾ നിത്യ​ച്ഛേ​ദ​ന​ത്തി​നോ അല്ലെങ്കിൽ നിത്യ​ജീ​വ​നോ ആയി വേർതി​രി​ക്ക​പ്പെ​ടും.

എന്നിരു​ന്നാ​ലും, മത്തായി 25:32-ൽ പരാമർശി​ച്ചി​രി​ക്കുന്ന തരത്തി​ലുള്ള ന്യായ​വി​ധി ഭാവി​യി​ലാ​ണെ​ന്നുള്ള വസ്‌തുത ഇപ്പോൾ ഏതെങ്കി​ലും വേർതി​രി​ക്ക​ലോ വിഭജി​ക്ക​ലോ സംഭവി​ക്കു​ന്നി​ല്ലെന്ന്‌ അർഥമാ​ക്കു​ന്നില്ല. മത്തായി 13-ാം അധ്യാ​യ​ത്തിൽ, നേരത്തെ നടക്കുന്ന ഒരു വേർതി​രി​ക്കൽ വേലയെ ബൈബിൾ പരാമർശി​ക്കു​ന്നു. രസാവ​ഹ​മാ​യി, ഏകസത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​തർ എന്ന പുസ്‌ത​ക​ത്തി​ന്റെ 180-81 പേജു​ക​ളിൽ “ആളുകളെ വേർതി​രി​ക്കൽ” എന്ന ശീർഷ​ക​ത്തി​നു കീഴിൽ ഈ വിഷയം കൈകാ​ര്യം ചെയ്‌തി​രി​ക്കു​ന്നു.a ആ പുസ്‌തകം പറയുന്നു: “യേശു പ്രാമു​ഖ്യം കൊടുത്ത്‌ വ്യവസ്ഥി​തി​യു​ടെ സമാപ​ന​ത്തോ​ടു ബന്ധപ്പെ​ടു​ത്തിയ മററു പ്രധാന സംഭവ​ങ്ങ​ളു​മുണ്ട്‌. അവയി​ലൊന്ന്‌ ‘ദുഷ്ടനാ​യ​വന്റെ പുത്രൻമാ’രിൽ നിന്നുള്ള ‘രാജ്യ​ത്തി​ന്റെ പുത്രൻമാ​രു​ടെ’ വേർതി​രി​ക്ക​ലാണ്‌. ശത്രു കളകൾ വിതച്ച ഒരു ഗോതമ്പു വയലി​നെ​ക്കു​റി​ച്ചുള്ള തന്റെ ഉപമയിൽ യേശു ഇതി​നെ​ക്കു​റി​ച്ചു പറയു​ക​യു​ണ്ടാ​യി.”

മത്തായി 13:24-30-ൽ പറഞ്ഞി​രി​ക്കു​ന്ന​തും 36 മുതൽ 43 വരെയുള്ള വാക്യ​ങ്ങ​ളിൽ വിശദീ​ക​രി​ച്ചി​രി​ക്കു​ന്ന​തു​മായ യേശു​വി​ന്റെ ഉപമയെ പരാമർശി​ക്കു​ക​യാ​യി​രു​ന്നു പ്രസ്‌തുത പുസ്‌തകം. 38-ാം വാക്യ​മ​നു​സ​രിച്ച്‌, നല്ല ഗോതമ്പു വിത്തുകൾ രാജ്യ​ത്തി​ന്റെ പുത്രൻമാ​രെ​യും എന്നാൽ കളകൾ ദുഷ്ടന്റെ പുത്രൻമാ​രെ​യും പ്രതി​നി​ധാ​നം ചെയ്യു​ന്നു​വെ​ന്നതു ശ്രദ്ധി​ക്കുക. ‘വ്യവസ്ഥി​തി​യു​ടെ സമാപ​ന​ത്തി​ങ്കൽ’—നാം ജീവി​ക്കുന്ന ഈ കാലത്ത്‌—കളകൾ ശേഖരി​ക്ക​പ്പെ​ടു​ന്നു​വെന്ന്‌ 39, 40 (NW) വാക്യങ്ങൾ പ്രകട​മാ​ക്കു​ന്നു. അവയെ വേർതി​രിച്ച്‌ ഒടുവിൽ കത്തിക്കും, അതായത്‌ നശിപ്പി​ക്കും.

ആ ഉപമ അഭിഷിക്ത ക്രിസ്‌ത്യാ​നി​ക​ളെ​ക്കു​റി​ച്ചു (ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽ യേശു​വി​ന്റെ സഹോ​ദ​രൻമാർ എന്നു വിളി​ക്ക​പ്പെ​ട്ടി​രി​ക്കു​ന്ന​വ​രെ​ക്കു​റിച്ച്‌) പറയുന്നു. ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്നെ​ങ്കി​ലും “ദുഷ്ടന്റെ പുത്രൻമാർ” എന്നു സ്വയം തെളി​യി​ക്കു​ന്ന​വ​രിൽനിന്ന്‌ അഭിഷി​ക്തർ വേർതി​രി​ച്ച​റി​യ​പ്പെ​ടു​ന്ന​തി​നാൽ, ഒരു മർമ​പ്ര​ധാന വേർതി​രി​ക്കൽ നമ്മുടെ നാളിൽ സംഭവി​ക്കു​ക​തന്നെ ചെയ്യു​ന്നു​വെ​ന്നതു വ്യക്തമാണ്‌.

ആളുകൾ വിഭജി​ക്ക​പ്പെ​ടു​ന്ന​തി​ന്റെ അല്ലെങ്കിൽ വേർതി​രി​ക്ക​പ്പെ​ടു​ന്ന​തി​ന്റെ മറ്റ്‌ ഉദാഹ​ര​ണങ്ങൾ യേശു പ്രദാനം ചെയ്‌തു. നാശത്തി​ലേക്കു നയിക്കുന്ന വിശാ​ല​മായ വഴി​യെ​ക്കു​റിച്ച്‌ അവൻ പറഞ്ഞു​വെന്നു ഓർമി​ക്കുക: “അതിൽകൂ​ടി കടക്കു​ന്നവർ അനേക​രും ആകുന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 7:13) അന്തിമ ഫലത്തെ​ക്കു​റി​ച്ചു മാത്ര​മുള്ള ഒരു അഭി​പ്രാ​യ​പ്ര​ക​ട​ന​മാ​യി​രു​ന്നില്ല അത്‌. പുരോ​ഗ​മി​ച്ചു​കൊ​ണ്ടി​രി​ക്കുന്ന ഒരു സംഭവ​വി​കാ​സ​ത്തെ​ക്കു​റി​ച്ചുള്ള പ്രസ്‌താ​വ​ന​യാ​യി​രു​ന്നു അത്‌, ജീവനി​ലേക്കു നയിക്കുന്ന ഇടുങ്ങിയ പാത ഇപ്പോൾ കണ്ടെത്തുന്ന കുറഞ്ഞ എണ്ണം ആളുക​ളു​ടെ കാര്യ​ത്തിൽ സത്യമാ​യി​രി​ക്കു​ന്ന​തു​പോ​ലെ. അപ്പോ​സ്‌ത​ലൻമാ​രെ പറഞ്ഞയ​ച്ച​പ്പോൾ, അർഹരായ ചിലരെ കണ്ടുമു​ട്ടു​മെന്നു യേശു പറഞ്ഞു​വെ​ന്നും ഓർമി​ക്കുക. മറ്റുള്ളവർ അർഹരാ​യി​രി​ക്കു​മാ​യി​രു​ന്നില്ല, അത്തരം ആളുകൾക്ക്‌ “എതിരെ ഒരു സാക്ഷ്യ​ത്തി​നാ​യി” അപ്പോ​സ്‌ത​ലൻമാർ തങ്ങളുടെ കാലിൽനി​ന്നു പൊടി തട്ടിക്ക​ള​യ​ണ​മാ​യി​രു​ന്നു. (ലൂക്കൊസ്‌ 9:5, NW) ക്രിസ്‌ത്യാ​നി​കൾ ഇന്നു തങ്ങളുടെ പരസ്യ​ശു​ശ്രൂഷ തുടരവേ സമാന​മായ ചിലതു സംഭവി​ക്കു​ന്നു​വെ​ന്നതു സത്യമല്ലേ? ചിലർ നന്നായി പ്രതി​ക​രി​ക്കു​ന്നു, അതേസ​മയം മറ്റുള്ളവർ നാം വഹിക്കുന്ന ദിവ്യ​സ​ന്ദേശം നിരസി​ക്കു​ന്നു.

ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറിച്ച്‌ വീക്ഷാ​ഗോ​പു​ര​ത്തിൽ വന്ന ലേഖനങ്ങൾ ഇങ്ങനെ പ്രസ്‌താ​വി​ച്ചു: “ഉപമയി​ലെ ന്യായ​വി​ധി സമീപ ഭാവി​യി​ലാ​യി​രി​ക്കെ ഇപ്പോൾ പോലും ജീവത്‌പ്ര​ധാ​ന​മായ ചിലതു സംഭവി​ക്കു​ന്നുണ്ട്‌. ക്രിസ്‌ത്യാ​നി​ക​ളായ നമ്മൾ ജീവരക്ഷാ പ്രവർത്ത​ന​ത്തി​ന്റെ ഭാഗമാ​യി ഒരു സന്ദേശം പ്രഖ്യാ​പി​ക്കു​ന്ന​തിൽ ഏർപ്പെ​ട്ടി​രി​ക്കു​ക​യാണ്‌. ആ സന്ദേശം ആളുക​ളു​ടെ ഇടയിൽ ഭിന്നി​പ്പു​ണ്ടാ​ക്കു​ന്നു. (മത്തായി 10:32-39)” മത്തായി 10-ാം അധ്യാ​യ​ത്തി​ലെ ആ ഭാഗത്ത്‌, തന്റെ അനുഗാ​മി​ക​ളാ​യി​ത്തീ​രു​ന്നതു ഭിന്നത​യിൽ കലാശി​ക്കു​മെന്നു—മകനെ​തി​രെ അപ്പനും അമ്മക്കെ​തി​രെ മകളും തിരി​യു​മെന്ന്‌—യേശു പറഞ്ഞതാ​യി നാം വായി​ക്കു​ന്നു.

അവസാ​ന​മാ​യി, രാജ്യ​സ​ന്ദേശം പ്രസം​ഗി​ക്കുന്ന വേലയ്‌ക്ക്‌ ക്രിസ്‌തു​വി​ന്റെ അഭിഷിക്ത സഹോ​ദ​രൻമാർ നേതൃ​ത്വം നൽകി​യി​രി​ക്കു​ന്നു. ആളുകൾ അതു കേട്ട്‌ അനുകൂ​ല​മാ​യോ പ്രതി​കൂ​ല​മാ​യോ പ്രതി​ക​രി​ക്കു​മ്പോൾ, തങ്ങൾ ഏതു തരത്തി​ലു​ള്ള​വ​രാ​ണെന്ന്‌ അവർ തിരി​ച്ച​റി​യി​ക്കു​ക​യാണ്‌. മത്തായി 25-ന്റെ അർഥത്തിൽ ‘ഈ വ്യക്തി ചെമ്മരി​യാ​ടാണ്‌’ എന്നോ ‘ആ വ്യക്തി കോലാ​ടാണ്‌’ എന്നോ മനുഷ്യ​രായ നമുക്കു പറയാൻ കഴിയില്ല, പറയു​ക​യു​മ​രുത്‌. എങ്കിലും, ദൈവ​സ​ന്ദേശം ആളുകളെ കേൾപ്പി​ക്കു​ന്ന​തി​നാൽ ഇപ്പോൾത്തന്നെ തങ്ങളുടെ നിലപാ​ടെ​ന്തെന്നു പ്രകട​മാ​ക്കാൻ നാം ആളുകളെ അനുവ​ദി​ക്കു​ക​യാണ്‌—തങ്ങൾ ഏതുതരം വ്യക്തി​ക​ളാ​ണെ​ന്നും യേശു​വി​ന്റെ സഹോ​ദ​രൻമാ​രോട്‌ അവർ എങ്ങനെ പ്രതി​ക​രി​ക്കു​ന്നു​വെ​ന്നും കാണി​ക്കാൻ അവരെ അനുവ​ദി​ക്കു​ന്നു. അതു​കൊണ്ട്‌ യേശു​വി​ന്റെ സഹോ​ദ​രൻമാ​രെ പിന്തു​ണ​യ്‌ക്കു​ന്ന​വ​രും അവരെ പിന്തു​ണ​യ്‌ക്കാൻ വിസമ്മ​തി​ക്കു​ന്ന​വ​രും തമ്മിലുള്ള ഈ വിഭജനം, ഒരു കോട​തി​ക്കേ​സി​ലെ വർധി​ച്ചു​വ​രുന്ന തെളി​വു​കൾ പോലെ എന്നത്തേ​തി​ലു​മ​ധി​കം വ്യക്തമാ​യി​ക്കൊ​ണ്ടി​രി​ക്കു​ക​യാണ്‌. (മലാഖി 3:18) വീക്ഷാ​ഗോ​പു​രം പ്രകട​മാ​ക്കി​യ​തു​പോ​ലെ, അന്തിമ​മാ​യി ജീവനി​ലേ​ക്കോ നാശത്തി​ലേ​ക്കോ നീതി​ന്യാ​യ​പ​ര​മാ​യി ആളുകളെ വേർതി​രി​ച്ചു​കൊണ്ട്‌ യേശു പെട്ടെ​ന്നു​തന്നെ തന്റെ സിംഹാ​സ​ന​ത്തി​ലി​രു​ന്നു ന്യായ​വി​ധി പ്രഖ്യാ​പി​ക്കും.

[അടിക്കു​റി​പ്പു​കൾ]