നിങ്ങളു​ടെ കുട്ടി​യു​ടെ ജീവൻ രക്ഷിക്കുക!

ദക്ഷിണാ​ഫ്രി​ക്ക​യി​ലുള്ള ക്വാസു​ളൂ-നറ്റലിലെ ഹരിതാ​ഭ​മായ കുന്നു​കൾക്കി​ട​യി​ലുള്ള ഒരു ഗ്രാമ താഴ്‌വ​ര​യി​ലാണ്‌ മൈക്ക​ളും അൽഫി​ന​യും താമസി​ക്കു​ന്നത്‌. ഏഴു കുട്ടി​കളെ വളർത്തി​ക്കൊ​ണ്ടു​വ​രവേ അവർ ഒട്ടനവധി വെല്ലു​വി​ളി​കൾ അഭിമു​ഖീ​ക​രി​ച്ചു. പിതാ​ക്കൻമാ​രോ​ടുള്ള ബൈബി​ളി​ന്റെ കൽപ്പന അനുസ​രി​ക്കാൻ ഭാര്യ​യു​ടെ പൂർണ പിന്തു​ണ​യോ​ടെ മൈക്കൾ ആവതു ശ്രമിച്ചു: “നിങ്ങളു​ടെ മക്കളെ കോപി​പ്പി​ക്കാ​തെ കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു​വിൻ.” (എഫെസ്യർ 6:4) എന്നാൽ ചില​പ്പോൾ പ്രശ്‌നങ്ങൾ വികാസം പ്രാപി​ക്കു​ന്നു.

ദൃഷ്ടാ​ന്ത​ത്തിന്‌, ഒരുമി​ച്ചു കളിക്കാൻ കൂടുതൽ സമയം കിട്ടേ​ണ്ട​തിന്‌ ആഫ്രിക്കൻ ഇടയബാ​ലൻമാർ സാധാ​ര​ണ​മാ​യി തങ്ങളുടെ വീട്ടിലെ കന്നുകാ​ലി​കളെ മറ്റുള്ള​വ​രു​ടേ​തു​മാ​യി ഒരുമി​ച്ചു​കൂ​ട്ടു​ന്നു. അവർ ചില​പ്പോൾ വികൃ​തി​കൾ കാട്ടു​ക​യും തങ്ങൾ ചർച്ച​ചെ​യ്യ​രു​താത്ത സംഗതി​ക​ളെ​ക്കു​റി​ച്ചു സംസാ​രി​ക്കു​ക​യും ചെയ്യുന്നു. മൈക്ക​ളി​ന്റെ പുത്രൻമാർ വീട്ടിലെ കന്നുകാ​ലി​കളെ മേയി​ക്കാൻ പോയ​പ്പോൾ, ചില കുട്ടി​ക​ളു​മാ​യി സഹവസി​ക്ക​രു​തെന്ന്‌ അദ്ദേഹം അവരോ​ടു കർശന​മാ​യി പറഞ്ഞു. (യാക്കോബ്‌ 4:4) എന്നാൽ ജോലി​ക​ഴി​ഞ്ഞു വീട്ടി​ലേക്കു മടങ്ങി​പ്പോ​രു​മ്പോൾ, അവർ ആ കുട്ടി​ക​ളു​മാ​യി സഹവസി​ക്കു​ന്നത്‌ അദ്ദേഹം ചിലയ​വ​സ​ര​ങ്ങ​ളിൽ കണ്ടു. തത്‌ഫ​ല​മാ​യി, അദ്ദേഹ​ത്തിന്‌ അവരെ ശിക്ഷി​ക്കേ​ണ്ടി​വന്നു.—സദൃശ​വാ​ക്യ​ങ്ങൾ 23:13, 14.

തന്റെ കുട്ടി​ക​ളു​ടെ കാര്യ​ത്തിൽ മൈക്കൾ വളരെ കർക്കശ​നാ​യി​രു​ന്നു​വെന്ന്‌ നിങ്ങൾ വിചാ​രി​ക്കു​ന്നു​വോ? ചിലർ അങ്ങനെ വിചാ​രി​ച്ചേ​ക്കാം, എന്നാൽ “ജ്ഞാനമോ തന്റെ പ്രവൃ​ത്തി​ക​ളാൽ നീതീ​ക​രി​ക്കപ്പെ”ടുന്നു​വെന്ന്‌ യേശു പറഞ്ഞു. (മത്തായി 11:19) തങ്ങളുടെ കുട്ടി​ക​ളു​മാ​യി സമയം ചെലവ​ഴി​ച്ചും അവരെ ബൈബിൾ വിവര​ണ​ങ്ങ​ളും സത്യങ്ങ​ളും പഠിപ്പി​ച്ചും​കൊണ്ട്‌, മൈക്ക​ളും അൽഫി​ന​യും തങ്ങളുടെ ഭവനത്തിൽ ഹൃദ്യ​മായ ഒരന്തരീ​ക്ഷം സൃഷ്ടിച്ചു.

മൈക്ക​ളി​നും അൽഫി​ന​യ്‌ക്കും നാലു പുത്രി​മാ​രുണ്ട്‌—തിമ്പക്കി​ളി, സഫിവ, തോള​ക്കി​ളി, തിമ്പക്കാ​നി. അവരെ​ല്ലാ​വ​രും ദൈവ​രാ​ജ്യ സുവാർത്ത​യു​ടെ മുഴു​സമയ പ്രസം​ഗ​ക​രാണ്‌. അവരുടെ പുത്രൻമാ​രിൽ രണ്ടുപേർ യഹോ​വ​യു​ടെ സാക്ഷി​ക​ളു​ടെ സഭകളി​ലെ അധ്യക്ഷ​മേൽവി​ചാ​ര​കൻമാ​രാ​യി സേവി​ക്കു​ന്നു. അവരുടെ മൂന്നാ​മത്തെ പുത്രൻ ഒരു ശുശ്രൂ​ഷാ​ദാ​സ​നാ​യി സേവി​ക്കു​ന്നു. അദ്ദേഹ​ത്തി​ന്റെ ഭാര്യ​യും ഒരു മുഴു​സമയ പ്രസം​ഗ​പ്ര​വർത്ത​ക​യാണ്‌.

വലിയ കുടും​ബ​ങ്ങ​ളുള്ള അനേകം ക്രിസ്‌തീയ മാതാ​പി​താ​ക്കൾ തങ്ങളുടെ മക്കളെ വളർത്തി​ക്കൊ​ണ്ടു​വ​രു​ന്ന​തിൽ കൈവ​രി​ച്ചി​രി​ക്കുന്ന നല്ല വിജയ​ത്താൽ അനുഗൃ​ഹീ​ത​രാണ്‌. എന്നാൽ, മാതാ​പി​താ​ക്ക​ളു​ടെ നല്ല പരിശീ​ലനം ലഭിക്കുന്ന ചില കുട്ടികൾ സത്യം ഉപേക്ഷി​ച്ചി​ട്ടുണ്ട്‌. അവരുടെ മാതാ​പി​താ​ക്കൾ യേശു പറഞ്ഞ ധൂർത്ത​പു​ത്രന്റെ ഉപമ മനസ്സിൽ സംഗ്ര​ഹി​ക്കു​ക​യും തങ്ങളുടെ മകൻ അല്ലെങ്കിൽ മകൾ അനുത​പിച്ച്‌ ഒടുവിൽ രക്ഷപ്രാ​പി​ക്കു​മെന്നു പ്രത്യാ​ശി​ക്കു​ക​യും ചെയ്യു​ന്നു​വെ​ന്ന​തിൽ സംശയ​മില്ല.—ലൂക്കൊസ്‌ 15:21-24.

എന്നാൽ ദുഃഖ​ക​ര​മെന്നു പറയട്ടെ, ചില ക്രിസ്‌തീയ മാതാ​പി​താ​ക്ക​ളു​ടെ എല്ലാ കുട്ടി​ക​ളും വഴിപി​ഴച്ചു പോകു​ന്നു. ആഫ്രി​ക്ക​യു​ടെ ചില ഭാഗങ്ങ​ളിൽ ഇതു വിശേ​ഷി​ച്ചും ഉത്‌ക​ണ്‌ഠ​യ്‌ക്കുള്ള ഒരു കാരണ​മാണ്‌. അവിടെ, കുട്ടികൾ കൗമാ​ര​പ്രാ​യം​വരെ കുഴപ്പ​ക്കാ​ര​ല്ലാ​തെ വളർന്നു​വ​രു​ന്ന​താ​യി കാണ​പ്പെ​ടു​ന്നു. നവയൗ​വ​ന​ത്തിൽ അവർ സാത്താന്റെ ലോക​ത്തി​ന്റെ അധാർമിക വഴിക​ളാൽ പ്രലോ​ഭി​ത​രാ​കു​ന്നു. (1 യോഹ​ന്നാൻ 5:19) തത്‌ഫ​ല​മാ​യി, നിരവധി പിതാ​ക്കൻമാർ സഭാമൂ​പ്പൻമാ​രാ​യി സേവി​ക്കാൻ യോഗ്യ​ത​പ്രാ​പി​ക്കു​ന്നില്ല. (1 തിമൊ​ഥെ​യൊസ്‌ 3:1, 4, 5) സ്‌പഷ്ട​മാ​യും, ഒരു ക്രിസ്‌തീയ പിതാവ്‌ തന്റെ കുടും​ബ​ത്തി​ന്റെ രക്ഷയെ സുപ്ര​ധാന സംഗതി​യാ​യി വീക്ഷി​ക്കണം. അതു​കൊണ്ട്‌, തങ്ങളുടെ കുട്ടി​ക​ളു​ടെ ജീവൻ രക്ഷിക്കാൻ മാതാ​പി​താ​ക്കൾക്ക്‌ എന്തു ചെയ്യാ​വു​ന്ന​താണ്‌?

അടുത്ത സുഹൃ​ത്താ​യി​രി​ക്കുക

യേശു പൂർണ​ത​യു​ള്ളവൻ മാത്ര​മാ​യി​രു​ന്നില്ല, മറിച്ച്‌ അറിവി​ലും അനുഭ​വ​പ​രി​ച​യ​ത്തി​ലും മറ്റേ​തൊ​രു മനുഷ്യ​നെ​ക്കാ​ളും അത്യന്തം ഉന്നതനു​മാ​യി​രു​ന്നു. എന്നിരു​ന്നാ​ലും, അപൂർണ​രായ തന്റെ ശിഷ്യൻമാ​രോട്‌ അവൻ അടുത്ത സുഹൃ​ത്തു​ക്ക​ളോ​ടെ​ന്ന​പോ​ലെ പെരു​മാ​റി. (യോഹ​ന്നാൻ 15:15) അതു​കൊ​ണ്ടാണ്‌ അവർ അവനോ​ടൊ​പ്പ​മാ​യി​രി​ക്കാൻ ആഗ്രഹി​ച്ച​തും അവന്റെ സാന്നി​ധ്യ​ത്തിൽ അഭിവൃ​ദ്ധി പ്രാപി​ച്ച​തും. (യോഹ​ന്നാൻ 1:14, 16, 39-42; 21:7, 15-17) മാതാ​പി​താ​ക്കൾക്ക്‌ ഇതിൽനി​ന്നു പഠിക്കാൻ കഴിയും. ഊഷ്‌മ​ള​മായ സൂര്യ​പ്ര​കാ​ശ​ത്തി​നു​നേരേ ഇലകൾ നീട്ടി​നിൽക്കുന്ന കൊച്ചു സസ്യങ്ങ​ളെ​പ്പോ​ലെ കുട്ടികൾ, ഭവനത്തിൽ സ്‌നേ​ഹ​പൂർവ​ക​മായ, സൗഹൃ​ദ​പ​ര​മായ അന്തരീക്ഷം ഉണ്ടെങ്കിൽ അഭിവൃ​ദ്ധി പ്രാപി​ക്കു​ന്നു.

മാതാ​പി​താ​ക്ക​ളേ, നിങ്ങളു​ടെ കുട്ടി​കൾക്ക്‌ അവരുടെ എല്ലാ ആകുല​ത​ക​ളു​മാ​യി നിങ്ങളെ സമീപി​ക്കാൻ സ്വാത​ന്ത്ര്യം തോന്നു​ന്നു​വോ? നിങ്ങൾ അവർ പറയു​ന്നതു ശ്രദ്ധി​ക്കു​ന്നു​വോ? നിഗമ​ന​ങ്ങ​ളിൽ എത്തി​ച്ചേ​രു​ന്ന​തി​നു മുമ്പ്‌, കൂടുതൽ പൂർണ​മായ ഒരു ചിത്രം ലഭിക്കു​ന്ന​തി​നു​വേണ്ടി അവരുടെ വിചാ​ര​ങ്ങ​ളും വികാ​ര​ങ്ങ​ളും തുറന്നു പ്രകടി​പ്പി​ക്കാൻ നിങ്ങള​വരെ പ്രോ​ത്സാ​ഹി​പ്പി​ക്കു​ന്നു​ണ്ടോ? ബൈബിൾ പ്രസി​ദ്ധീ​ക​ര​ണ​ങ്ങ​ളിൽ അവരോ​ടൊ​പ്പം ഗവേഷണം നടത്തി​ക്കൊണ്ട്‌ ചില ചോദ്യ​ങ്ങൾക്ക്‌ ഉത്തരം കണ്ടെത്താൻ നിങ്ങൾ അവരെ ക്ഷമാപൂർവം സഹായി​ക്കു​ന്നു​ണ്ടോ?

ദക്ഷിണാ​ഫ്രി​ക്ക​ക്കാ​രി​യായ ഒരു മാതാവ്‌ വിശദീ​ക​രി​ക്കു​ന്നു: “ഞങ്ങളുടെ മോൾ സ്‌കൂ​ളിൽപോയ ആദ്യ ദിവസം മുതൽ, ഓരോ ദിവസ​ത്തെ​യും സംഭവങ്ങൾ അന്നന്നു വിവരി​ക്കാൻ ഞങ്ങൾ അവളെ പ്രോ​ത്സാ​ഹി​പ്പി​ച്ചി​രു​ന്നു. ദൃഷ്ടാ​ന്ത​ത്തിന്‌, ഞാൻ ഇങ്ങനെ ചോദി​ക്കു​മാ​യി​രു​ന്നു: ‘ഉച്ചയ്‌ക്കത്തെ ഇടവേള ആരോ​ടൊ​പ്പ​മാണ്‌ മോൾ ചെലവ​ഴി​ച്ചത്‌? മോളു​ടെ പുതിയ അധ്യാ​പി​ക​യെ​ക്കു​റിച്ച്‌ എന്നോടു പറയൂ. അവരെ കണ്ടാൽ എങ്ങനെ​യി​രി​ക്കും? ഈ വാര​ത്തേക്ക്‌ എന്തു പ്രവർത്ത​ന​ങ്ങ​ളാണ്‌ ആസൂ​ത്രണം ചെയ്‌തി​ട്ടു​ള്ളത്‌?’ ഇംഗ്ലീഷ്‌ ടീച്ചർ ക്ലാസ്സിനെ ഒരു സിനി​മ​യ്‌ക്കു കൊണ്ടു​പോ​കാ​നി​രി​ക്കു​ക​യാ​ണെ​ന്നും പിന്നീട്‌ തങ്ങൾ അതി​നെ​ക്കു​റിച്ച്‌ ഒരു നിരൂ​പ​ണ​മെ​ഴു​ത​ണ​മെ​ന്നും മോൾ ഒരിക്കൽ വീട്ടിൽ വന്നുപ​റഞ്ഞു. സിനി​മ​യു​ടെ പേര്‌ ചോദ്യം​ചെ​യ്യ​ത്ത​ക്ക​താ​യി​രു​ന്നു. അത്‌ ഒരു ക്രിസ്‌ത്യാ​നി​ക്കു ചേർന്ന​ത​ല്ലെന്ന്‌ കൂടുതൽ വിവരങ്ങൾ ശേഖരി​ച്ച​പ്പോൾ ഞങ്ങൾക്കു മനസ്സി​ലാ​യി. ഒരു കുടും​ബ​മെന്ന നിലയിൽ ഞങ്ങൾ അതു ചർച്ച​ചെ​യ്‌തു. അടുത്ത ദിവസം മോൾ ടീച്ചറെ സമീപി​ച്ചിട്ട്‌, ആ സിനിമ ചിത്രീ​ക​രി​ക്കുന്ന സദാചാര മൂല്യങ്ങൾ തന്റെ ക്രിസ്‌തീയ വിശ്വാ​സ​ങ്ങ​ളോ​ടു ചേർച്ച​യി​ലാ​യി​രി​ക്കു​ക​യി​ല്ലാ​ത്തതി​നാൽ താൻ അത്‌ കാണാൻ ആഗ്രഹി​ക്കു​ന്നി​ല്ലെന്നു വിശദീ​ക​രി​ച്ചു. ടീച്ചർ അതി​നെ​ക്കു​റിച്ച്‌ പുനരാ​ലോ​ചി​ച്ചിട്ട്‌, താൻ ഖേദി​ക്കേ​ണ്ടി​വ​രുന്ന എന്തെങ്കി​ലും കാണാ​നാ​യി വിദ്യാർഥി​കളെ കൊണ്ടു​പോ​കാൻ ആഗ്രഹി​ച്ചി​ല്ലെന്നു പറഞ്ഞു​കൊണ്ട്‌ മോളെ പിന്നീട്‌ അഭിന​ന്ദി​ച്ചു.” തങ്ങളുടെ പുത്രി​യു​ടെ രക്ഷയിൽ ഈ മാതാ​പി​താ​ക്കൾ തുടർച്ച​യാ​യി പ്രകടി​പ്പിച്ച സ്‌നേ​ഹ​പൂർവ​ക​മായ താത്‌പ​ര്യം നല്ല ഫലങ്ങൾ ഉത്‌പാ​ദി​പ്പി​ച്ചു. അവൾക്ക്‌ സന്തോ​ഷ​ക​ര​വും ക്രിയാ​ത്മ​ക​വു​മായ ഒരു മനോ​ഭാ​വ​മുണ്ട്‌. വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റി​യു​ടെ ദക്ഷിണാ​ഫ്രി​ക്കാ ബ്രാഞ്ചിൽ അവൾ ഇപ്പോൾ ഒരു സ്വമേ​ധയാ സേവി​ക​യാ​യി പ്രവർത്തി​ക്കു​ന്നു.

മറ്റാളു​ക​ളു​ടെ കുട്ടി​ക​ളു​മാ​യി ഇടപെ​ടു​ന്ന​തിൽ യേശു ഒരു ഉത്തമ മാതൃ​ക​വെച്ചു. അവൻ അവരുടെ സഹവാസം ആസ്വദി​ച്ചു. (മർക്കൊസ്‌ 10:13-16) സ്വന്തം കുട്ടി​ക​ളോ​ടൊ​പ്പം കാര്യങ്ങൾ ചെയ്യു​ന്ന​തിൽ മാതാ​പി​താ​ക്കൾ എത്ര സന്തുഷ്ട​രാ​യി​രി​ക്കണം! ആഫ്രി​ക്ക​യു​ടെ ചില ഭാഗങ്ങ​ളിൽ, ഒരു പിതാവ്‌ തന്റെ പുത്രൻമാ​രോ​ടൊ​ത്തു പന്തുക​ളി​ക്കു​ക​യോ മറ്റു വിനോ​ദ​ങ്ങ​ളിൽ ഏർപ്പെ​ടു​ക​യോ ചെയ്യു​ന്ന​താ​യി കണ്ടാൽ അത്‌ അപമാ​ന​ക​ര​മാണ്‌. എന്നാൽ, തന്റെ കുട്ടി​ക​ളോ​ടൊ​ത്തു കാര്യങ്ങൾ ചെയ്യു​ന്നത്‌ അന്തസ്സിനു ചേരാ​ത്ത​താ​ണെന്ന്‌ ഒരു ക്രിസ്‌തീയ പിതാവ്‌ ഒരിക്ക​ലും വിചാ​രി​ക്ക​രുത്‌. തങ്ങളോ​ടൊ​പ്പം സമയം ചെലവ​ഴി​ക്കു​ന്നത്‌ ആസ്വദി​ക്കുന്ന മാതാ​പി​താ​ക്ക​ളെ​യാ​ണു യുവജ​ന​ങ്ങൾക്ക്‌ ആവശ്യം. ഇത്‌, തങ്ങളുടെ ആകുല​തകൾ പ്രകടി​പ്പി​ക്കു​ന്നതു കുട്ടി​കൾക്ക്‌ എളുപ്പ​മാ​ക്കു​ന്നു. അത്തരം വൈകാ​രിക ആവശ്യങ്ങൾ അവഗണി​ക്ക​പ്പെ​ടു​മ്പോൾ, കുട്ടികൾ അസ്വസ്ഥ​രാ​കു​ക​യോ ഒതുങ്ങി​ക്കൂ​ടു​ക​യോ ചെയ്‌തേ​ക്കാം, അവർ തുടർച്ച​യാ​യി തിരു​ത്ത​പ്പെ​ടു​ന്നു​ണ്ടെ​ങ്കിൽ വിശേ​ഷി​ച്ചും.

കുടുംബ ബന്ധങ്ങ​ളെ​ക്കു​റിച്ച്‌ കൊ​ലൊ​സ്സ്യർക്ക്‌ എഴുതു​ക​യിൽ പൗലൊസ്‌ പറഞ്ഞു: “പിതാ​ക്കൻമാ​രേ, നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു.” (കൊ​ലൊ​സ്സ്യർ 3:21) ഇത്‌ സൂചി​പ്പി​ക്കു​ന്നത്‌, ചില​പ്പോൾ വളരെ​ക്കൂ​ടിയ ശിക്ഷണ​ത്തി​ന്റേ​തും വളരെ​ക്കു​റഞ്ഞ സൗഹൃ​ദ​ത്തി​ന്റേ​തു​മായ ഒരു അസന്തു​ലി​താ​വസ്ഥ ഉണ്ടായി​രി​ക്കാ​മെ​ന്നാണ്‌. സ്‌നേ​ഹി​ക്ക​പ്പെ​ടു​ക​യും വിലമ​തി​ക്ക​പ്പെ​ടു​ക​യും ചെയ്യുന്ന, കൗമാ​ര​പ്രാ​യ​ക്കാർ ഉൾപ്പെ​ടെ​യുള്ള കുട്ടികൾ ആവശ്യ​മായ ശിക്ഷണ​ത്തോട്‌ പ്രതി​ക​രി​ക്കാൻ കൂടുതൽ സാധ്യ​ത​യുണ്ട്‌.

ദൈവ​സ്‌നേ​ഹം

സ്‌നേഹം പ്രകട​മാ​ക്കു​ന്ന​തി​ലെ തങ്ങളുടെ മാതൃ​ക​യാണ്‌ കുട്ടി​കൾക്കാ​യി മാതാ​പി​താ​ക്കൾക്കു നൽകാൻ കഴിയുന്ന ഏറ്റവും വില​യേ​റിയ സ്വത്ത്‌. മാതാ​പി​താ​ക്കൾ വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും യഥാർഥ ദൈവ​സ്‌നേഹം പ്രകടി​പ്പി​ക്കു​ന്നത്‌ കുട്ടികൾ കേൾക്കു​ക​യും കാണു​ക​യും ചെയ്യേ​ണ്ട​തുണ്ട്‌. വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റി​യു​ടെ ദക്ഷിണാ​ഫ്രി​ക്കാ ബ്രാഞ്ചിൽ സേവി​ക്കുന്ന ഒരു ചെറു​പ്പ​ക്കാ​രൻ വിശദീ​ക​രി​ക്കു​ന്നു: “കുട്ടി​യാ​യി​രു​ന്ന​പ്പോൾ ഞാൻ പിതാ​വി​നെ വീട്ടു ജോലി​ക​ളിൽ സഹായി​ക്കു​മാ​യി​രു​ന്നു. അദ്ദേഹത്തെ സഹായി​ക്കു​ന്നതു ഞാൻ ആസ്വദി​ച്ചി​രു​ന്നു, കാരണം ഞാൻ ചെയ്‌തി​രുന്ന ചെറിയ കാര്യ​ങ്ങളെ ഡാഡി യഥാർഥ​ത്തിൽ വിലമ​തി​ച്ചി​രു​ന്നു. യഹോ​വ​യെ​ക്കു​റിച്ച്‌ അനേകം കാര്യങ്ങൾ എന്നോടു പറയു​ന്ന​തി​നാ​യി ആ സമയം അദ്ദേഹം വിനി​യോ​ഗി​ക്കു​മാ​യി​രു​ന്നു. ദൃഷ്ടാ​ന്ത​ത്തിന്‌, പുല്ലു​വെ​ട്ടി​മാ​റ്റാ​നാ​യി ഞങ്ങൾ കഠിന​മാ​യി അധ്വാ​നിച്ച ഒരു ശനിയാ​ഴ്‌ച​യെ​ക്കു​റിച്ച്‌ ഞാൻ ഓർമി​ക്കു​ന്നു. വളരെ ചൂടുള്ള സമയമാ​യി​രു​ന്നു അത്‌. ഡാഡി വിയർത്തൊ​ലി​ക്കു​ക​യാ​യി​രു​ന്നു. അതു​കൊണ്ട്‌ ഞാൻ ഓടി​ച്ചെന്ന്‌ രണ്ടു ഗ്ലാസ്‌ വെള്ള​മെ​ടുത്ത്‌ അതിൽ ഐസിട്ട്‌ കൊണ്ടു​വന്നു. ഡാഡി പറഞ്ഞു: ‘മോനേ, യഹോവ എത്ര ജ്ഞാനി​യാ​ണെന്ന്‌ നീ കാണു​ന്നു​വോ? ഐസ്‌ വെള്ളത്തിൽ പൊങ്ങി​ക്കി​ട​ക്കു​ന്നു. അതു മുങ്ങി​യാൽ, തടാക​ങ്ങ​ളു​ടെ​യും കുളങ്ങ​ളു​ടെ​യും അടിയി​ലുള്ള സകല ജീവനും നശിക്കും. പകരം, ഐസ്‌ ഒരു പ്രതി​രോധ വിതാ​ന​മാ​യി ഉപകരി​ക്കു​ന്നു! യഹോ​വയെ മെച്ചമാ​യി അറിയാൻ അതു നമ്മെ സഹായി​ക്കു​ന്നി​ല്ലേ?’a പിന്നീട്‌, നിഷ്‌പക്ഷത കാത്തു​സൂ​ക്ഷി​ച്ചതു നിമിത്തം ഞാൻ ജയിലി​ലാ​യ​പ്പോൾ എനിക്കു ചിന്തി​ക്കാൻ സമയമു​ണ്ടാ​യി​രു​ന്നു. ജയില​റ​യിൽ വിഷാ​ദ​മ​ഗ്ന​നാ​യി കഴിഞ്ഞ ഒരു രാത്രി​യിൽ ഞാൻ ഡാഡി​യു​ടെ ആ വാക്കുകൾ ഓർമി​ച്ചു. അവയ്‌ക്ക്‌ എന്തൊ​രർഥ​മാണ്‌ ഉണ്ടായി​രു​ന്നത്‌! ഞാൻ യഹോ​വയെ ആരാധി​ക്കും, സാധ്യ​മെ​ങ്കിൽ എന്നെ​ന്നേ​ക്കും.”

അതേ, മാതാ​പി​താ​ക്കൾ ചെയ്യുന്ന സകലത്തി​ലും ദൈവ​സ്‌നേഹം പ്രതി​ഫ​ലി​ക്കു​ന്നത്‌ കുട്ടികൾ കാണേ​ണ്ട​തുണ്ട്‌. ക്രിസ്‌തീയ യോഗ​ങ്ങ​ളി​ലെ സാന്നി​ധ്യ​ത്തി​ന്റെ​യും വയൽ ശുശ്രൂ​ഷ​യിൽ പങ്കെടു​ക്കു​ന്ന​തി​ന്റെ​യും കുടുംബ ബൈബിൾ വായന​യും പഠനവും നടത്തു​ന്ന​തി​ന്റെ​യും പിന്നിലെ പ്രേര​ക​ശക്തി ദൈവ​സ്‌നേ​ഹ​വും അവനോ​ടുള്ള മനസ്സൊ​രു​ക്ക​ത്തോ​ടു​കൂ​ടിയ അനുസ​ര​ണ​വു​മാ​ണെന്നു വിശേ​ഷി​ച്ചും പ്രകട​മാ​യി​രി​ക്കണം. (1 കൊരി​ന്ത്യർ 13:3) സർവ​പ്ര​ധാ​ന​മാ​യി, ഹൃദയം​ഗ​മ​മായ കുടുംബ പ്രാർഥ​ന​ക​ളിൽ ദൈവ​സ്‌നേഹം പ്രതി​ഫ​ലി​ക്കണം. അത്തര​മൊ​രു സ്വത്ത്‌ നിങ്ങളു​ടെ കുട്ടി​കൾക്കു നൽകു​ന്ന​തി​ന്റെ പ്രാധാ​ന്യം എത്ര ഊന്നി​പ്പ​റ​ഞ്ഞാ​ലും അധിക​മാ​കില്ല. അതു​കൊ​ണ്ടാണ്‌ ഇസ്രാ​യേ​ല്യ​രോട്‌ ഇപ്രകാ​രം കൽപ്പി​ച്ചത്‌: “നിന്റെ ദൈവ​മായ യഹോ​വയെ നീ പൂർണ്ണ ഹൃദയ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം. ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.”—ആവർത്ത​ന​പു​സ്‌തകം 6:5-7; മത്തായി 22:37-40 താരത​മ്യം ചെയ്യുക.

ദൈവത്തെ സ്‌നേ​ഹി​ക്കു​ക​യും അനുസ​രി​ക്കു​ക​യും ചെയ്യു​ന്ന​തി​ലെ ഒരു വലിയ പ്രതി​ബന്ധം നമുക്ക്‌ പാരമ്പ​ര്യ​മാ​യി​കി​ട്ടിയ പാപപൂർണ സ്വഭാ​വ​മാണ്‌. (റോമർ 5:12) അതു​കൊണ്ട്‌ ബൈബിൾ ഇങ്ങനെ​യും കൽപ്പി​ക്കു​ന്നു: “യഹോ​വയെ സ്‌നേ​ഹി​ക്കു​ന്ന​വരേ, ദോഷത്തെ വെറു​പ്പിൻ.” (സങ്കീർത്തനം 97:10) മോശ​മായ ചിന്തകൾ മിക്ക​പ്പോ​ഴും മോശ​മായ നടപടി​ക​ളി​ലേക്കു നയിക്കു​ന്നു. ഇവ ഒഴിവാ​ക്കു​ന്ന​തിന്‌, ഒരു കുട്ടി മറ്റൊരു മർമ​പ്ര​ധാന ഗുണവും​കൂ​ടി വളർത്തി​യെ​ടു​ക്കണം.

ദൈവ​ഭ​യം

യഹോ​വയെ അപ്രീ​തി​പ്പെ​ടു​ത്തു​ന്നതു സംബന്ധിച്ച ആദരപൂർവ​ക​മായ ഭയത്തോ​ടു​കൂ​ടിയ സ്‌നേഹം വളരെ അഭികാ​മ്യ​മായ ഒന്നാണ്‌. “യഹോവാ ഭയത്തിൽ” പ്രമോ​ദം കണ്ടെത്തി​യ​തി​ന്റെ പൂർണ​ത​യുള്ള ദൃഷ്ടാന്തം യേശു​ക്രി​സ്‌തു​തന്നെ നമുക്കാ​യി വെച്ചി​രി​ക്കു​ന്നു. (യെശയ്യാ​വു 11:1-3, NW) ഒരു കുട്ടി നവയൗ​വ​ന​ത്തി​ലെ​ത്തു​ക​യും ശക്തമായ ലൈം​ഗിക പ്രചോ​ദ​നങ്ങൾ കുട്ടിക്ക്‌ അനുഭ​വ​പ്പെ​ട്ടു​തു​ട​ങ്ങു​ക​യും ചെയ്യു​മ്പോൾ അത്തരം ഭയം മർമ​പ്ര​ധാ​ന​മാണ്‌. അധാർമിക നടത്തയി​ലേക്കു നയി​ച്ചേ​ക്കാ​വുന്ന ലൗകിക സമ്മർദ​ങ്ങളെ ചെറു​ക്കാൻ ദൈവ​ഭ​യ​ത്തിന്‌ ഒരു ചെറു​പ്പ​ക്കാ​രനെ സഹായി​ക്കാ​നാ​കും. (സദൃശ​വാ​ക്യ​ങ്ങൾ 8:13) ചില സമുദാ​യ​ങ്ങ​ളിൽ, ലൈം​ഗിക പ്രലോ​ഭ​ന​ങ്ങളെ എങ്ങനെ കൈകാ​ര്യം ചെയ്യാ​നാ​കു​മെ​ന്നതു സംബന്ധിച്ച്‌ കുട്ടി​കളെ പഠിപ്പി​ക്കു​ന്ന​തിൽനി​ന്നു മാതാ​പി​താ​ക്കൾ പിന്മാ​റി​നിൽക്കു​ന്നു. വാസ്‌ത​വ​ത്തിൽ ഇത്തരം കാര്യങ്ങൾ ചർച്ച​ചെ​യ്യു​ന്നതു തെറ്റാ​ണെന്ന്‌ അനേകർ വിചാ​രി​ക്കു​ന്നു. എന്നാൽ, മാതാ​പി​താ​ക്ക​ളാ​ലുള്ള അത്തരം അവഗണ​ന​യു​ടെ ഫലം എന്തായി​രി​ക്കു​ന്നു?

ബൂഗാ, അമൊ​ക്കോ, റ്റ്‌സാ​യി​യാന എന്നീ മൂന്നു വൈദ്യ​ശാ​സ്‌ത്ര വിദഗ്‌ധർ ദക്ഷിണാ​ഫ്രി​ക്ക​യി​ലെ ട്രാൻസ്‌ക്കേ ഗ്രാമ​ങ്ങ​ളി​ലുള്ള 1,702 പെൺകു​ട്ടി​ക​ളു​മാ​യും 903 ആൺകു​ട്ടി​ക​ളു​മാ​യും അഭിമു​ഖം നടത്തി. “ഈ സർവേ​യി​ലെ 76% പെൺകു​ട്ടി​ക​ളും 90.1% ആൺകു​ട്ടി​ക​ളും അതി​നോ​ടകം ലൈം​ഗി​ക​ത​യിൽ ഏർപ്പെ​ട്ടി​രു​ന്നു”വെന്ന്‌ ദ സൗത്താ​ഫ്രി​ക്കൻ മെഡിക്കൽ ജേർണൽ റിപ്പോർട്ടു ചെയ്‌തു. പെൺകു​ട്ടി​ക​ളു​ടെ ശരാശരി വയസ്സ്‌ 15 ആയിരു​ന്നു. അവരിൽ ഒട്ടേ​റെ​പ്പേർ ലൈം​ഗി​ക​ബ​ന്ധ​ത്തി​നു നിർബ​ന്ധി​ക്ക​പ്പെ​ടു​ക​യാ​യി​രു​ന്നു. 250-ലേറെ​പ്പേർ ഒന്നോ അതില​ധി​ക​മോ തവണ ഗർഭി​ണി​ക​ളാ​യി. ലൈം​ഗി​ക​മാ​യി പകരുന്ന രോഗ​ങ്ങ​ളു​ടെ ഉയർന്ന നിരക്കാ​യി​രു​ന്നു മറ്റൊരു പരിണ​ത​ഫലം.

പ്രത്യ​ക്ഷ​ത്തിൽ, വിവാ​ഹ​പൂർവ ലൈം​ഗി​കത എങ്ങനെ ഒഴിവാ​ക്കാം എന്നു കുട്ടി​കളെ പഠിപ്പി​ക്കേ​ണ്ട​തി​ന്റെ ആവശ്യം മിക്ക മാതാ​പി​താ​ക്ക​ളും മനസ്സി​ലാ​ക്കു​ന്നില്ല. മറിച്ച്‌, മുമ്പു പ്രസ്‌താ​വിച്ച ജേർണൽ വിശദീ​ക​രി​ക്കു​ന്നു: “ട്രാൻസ്‌ക്കേ ഗ്രാമ​സ​മൂ​ഹ​ത്തിൽ ഗർഭധാ​ര​ണ​വും മാതൃ​ത്വ​വും അങ്ങേയറ്റം ആദരി​ക്ക​പ്പെ​ടുന്ന സ്‌ത്രീ​ത്വ ഗുണങ്ങ​ളാണ്‌, കൗമാ​ര​ദ​ശ​യിൽ പ്രവേ​ശി​ക്കു​മ്പോൾതന്നെ പെട്ടെന്ന്‌ പെൺകു​ട്ടി​കൾ ഇതു മനസ്സി​ലാ​ക്കു​ന്നു.” ലോക​ത്തി​ന്റെ ഇതര ഭാഗങ്ങ​ളി​ലും ഇതേ പ്രശ്‌നം​തന്നെ രേഖ​പ്പെ​ടു​ത്ത​പ്പെ​ട്ടി​രി​ക്കു​ന്നു.

തങ്ങളുടെ ലൈം​ഗി​കത മനസ്സി​ലാ​ക്കാൻ തങ്ങളെ സഹായി​ക്കാ​ത്ത​തിൽ ആഫ്രി​ക്ക​യി​ലെ അനേകം യുവജ​നങ്ങൾ മാതാ​പി​താ​ക്കളെ കുറ്റ​പ്പെ​ടു​ത്തു​ന്നു. നിങ്ങളു​ടെ യൗവനം—അതു പരമാ​വധി ആസ്വദിക്കുകb എന്ന പുസ്‌തകം പ്രയോ​ജ​ന​പ്പെ​ടു​ത്താൻ ചില ക്രിസ്‌തീയ മാതാ​പി​താ​ക്കൾക്കു വളരെ ബുദ്ധി​മു​ട്ട​നു​ഭ​വ​പ്പെ​ട്ടി​ട്ടുണ്ട്‌. ലൈം​ഗിക അവയവ​ങ്ങ​ളു​ടെ മാന്യ​മായ ഉപയോ​ഗ​ത്തെ​യും കൗമാ​ര​ത്തിൽ ഉണ്ടാകുന്ന മാറ്റങ്ങ​ളെ​യും​കു​റിച്ച്‌ 20-3 പേജു​ക​ളിൽ അതു വിശദീ​ക​രി​ക്കു​ന്നു.

തങ്ങളുടെ കുട്ടി​ക​ളു​മാ​യി ലൈം​ഗി​കത സംബന്ധിച്ച ദൈവ​ത്തി​ന്റെ വീക്ഷണം ചർച്ച​ചെ​യ്യാൻ ശ്രമി​ക്കുന്ന ക്രിസ്‌തീയ മാതാ​പി​താ​ക്കൾ അഭിന​ന്ദനം അർഹി​ക്കു​ന്നു. കാര്യങ്ങൾ മനസ്സി​ലാ​ക്കാ​നുള്ള കുട്ടി​യു​ടെ പ്രാപ്‌തി​യ​നു​സ​രിച്ച്‌, ഇതു ക്രമാ​നു​ഗ​ത​മാ​യി ചെയ്യു​ന്ന​താണ്‌ ഏറ്റവും ഉത്തമം. കുട്ടി​യു​ടെ പ്രായം പോലുള്ള വസ്‌തു​ത​ക​ളിൽ അധിഷ്‌ഠി​ത​മാ​യി, ശരീര​ഭാ​ഗ​ങ്ങ​ളെ​യും അവയുടെ പ്രവർത്ത​ന​ങ്ങ​ളെ​യും സംബന്ധി​ച്ചു പരാമർശി​ക്കു​മ്പോൾ മാതാ​പി​താ​ക്കൾ കൃത്യ​ത​യു​ള്ളവർ ആയിരി​ക്കേ​ണ്ട​തു​ണ്ടാ​യി​രി​ക്കാം. അല്ലെങ്കിൽ, പറയുന്ന കാര്യങ്ങൾ അനുഭ​വ​ജ്ഞാ​ന​മി​ല്ലാത്ത ഒരു ചെറു​പ്പ​ക്കാ​രൻ ഗ്രഹി​ക്കാ​തെ​പോ​യേ​ക്കാം.—1 കൊരി​ന്ത്യർ 14:8, 9.

രണ്ടു പുത്രി​മാ​രും ഒരു പുത്ര​നു​മുള്ള ഒരു ദക്ഷിണാ​ഫ്രി​ക്കൻ പിതാവ്‌ വിശദീ​ക​രി​ക്കു​ന്നു: “ക്ഷിപ്ര​സം​വേദക വിഷയ​മായ ലൈം​ഗിക കാര്യങ്ങൾ പെൺകു​ട്ടി​ക​ളു​മാ​യി പോലും ചർച്ച​ചെ​യ്യു​ന്ന​തിന്‌ എനിക്കു മിക്ക​പ്പോ​ഴും അവസര​ങ്ങ​ളു​ണ്ടാ​യി​രു​ന്നു. എന്നാൽ, നിങ്ങളു​ടെ യൗവനം—അതു പരമാ​വധി ആസ്വദി​ക്കുക എന്ന പുസ്‌തകം ഉപയോ​ഗി​ച്ചു​കൊണ്ട്‌ ഭാര്യ ഞങ്ങളുടെ പുത്രി​മാർക്കു പ്രത്യേക ശ്രദ്ധ നൽകി. [26-31 പേജുകൾ കാണുക.] എന്റെ പുത്രന്‌ 12 വയസ്സു​ള്ള​പ്പോൾ, അവനെ മലകളി​ലൂ​ടെ ഒരു ദീർഘ​യാ​ത്ര​യ്‌ക്കു കൊണ്ടു​പോ​കാൻ ഞാൻ തീരു​മാ​നി​ച്ചു. ഒരു ആൺകു​ട്ടി​യു​ടെ ശാരീ​രിക വികാ​സ​ങ്ങ​ളെ​യും പിൽക്കാ​ലത്ത്‌ വിവാ​ഹ​ത്തി​ലുള്ള അവയുടെ പ്രത്യേക ഉദ്ദേശ്യ​ത്തെ​യും സംബന്ധിച്ച്‌ ഞങ്ങൾ ആ സന്ദർഭ​ത്തിൽ വിശദ​മാ​യി ചർച്ച​ചെ​യ്‌തു. സ്വയം​ഭോ​ഗം എന്ന അധഃപ​തി​പ്പി​ക്കുന്ന ശീലം ഒഴിവാ​ക്കേ​ണ്ട​തി​ന്റെ​യും അമ്മയെ​യും സഹോ​ദ​രി​മാ​രെ​യും വീക്ഷി​ക്കു​ന്ന​തു​പോ​ലെ പെൺകു​ട്ടി​കളെ ബഹുമാ​ന​ത്തോ​ടും ആദര​വോ​ടും​കൂ​ടെ വീക്ഷി​ക്കേ​ണ്ട​തി​ന്റെ​യും ആവശ്യം ഞാൻ അവനോ​ടൊ​ത്തു ചർച്ച​ചെ​യ്‌തു.”

സന്തോ​ഷ​ക​ര​മായ പ്രതി​ഫ​ല​ങ്ങൾ

ഇപ്പോൾ പറഞ്ഞ മാതാ​വും പിതാ​വും കഠിന​മാ​യി അധ്വാ​നി​ച്ചു, തങ്ങളുടെ മൂന്നു കുട്ടി​കളെ വളർത്തു​ന്ന​തിൽ നല്ല ഫലങ്ങൾ ലഭിച്ച​തിൽ അവർ സന്തുഷ്ട​രാണ്‌. പ്രായ​പൂർത്തി​യായ ആ മൂവരും ഇപ്പോൾ വിശ്വ​സ്‌ത​രായ ക്രിസ്‌ത്യാ​നി​കളെ വിവാഹം ചെയ്‌തി​രി​ക്കു​ന്നു. അവരുടെ പുത്ര​നും മരുമ​ക്ക​ളും ക്രിസ്‌തീയ സഭയിൽ മൂപ്പൻമാ​രാ​യി സേവി​ക്കു​ന്നു. ആ ദമ്പതി​ക​ളിൽ രണ്ടു ജോടി, അനേകം വർഷങ്ങ​ളാ​യി മുഴു​സമയ പ്രസം​ഗ​പ്ര​വർത്ത​ന​ത്തി​ലാണ്‌.

അതേ, തങ്ങളുടെ കുടും​ബ​ത്തി​ന്റെ രക്ഷയ്‌ക്കു​വേണ്ടി കഠിനാ​ധ്വാ​നം ചെയ്യുന്ന മാതാ​പി​താ​ക്കൾക്ക്‌ അത്തരം ബൈബിൾ പഠന​ത്തോ​ടു പ്രതി​ക​രി​ക്കാൻ തീരു​മാ​നി​ക്കുന്ന കുട്ടി​ക​ളിൽനി​ന്നുള്ള സന്തോ​ഷ​ക​ര​മായ പ്രതി​ഫലം പ്രതീ​ക്ഷി​ക്കാൻ കഴിയും. എന്തെന്നാൽ സദൃശ​വാ​ക്യ​ങ്ങൾ 23:24, 25 പറയുന്നു: “നീതി​മാ​ന്റെ അപ്പൻ ഏററവും ആനന്ദി​ക്കും; ജ്ഞാനി​യു​ടെ ജനകൻ അവനിൽ സന്തോ​ഷി​ക്കും. നിന്റെ അമ്മയപ്പ​ന്മാർ സന്തോ​ഷി​ക്കട്ടെ.” ഈ ലേഖന​ത്തി​ന്റെ ആമുഖ​ത്തിൽ പരാമർശിച്ച ആ വലിയ കുടും​ബ​ത്തി​ന്റെ കാര്യ​മെ​ടു​ക്കുക. അൽഫിന പറയുന്നു: “എന്റെ കുട്ടികൾ വരുത്തിയ ആത്മീയ പുരോ​ഗ​തി​യെ​ക്കു​റിച്ച്‌ ഞാൻ ചിന്തി​ക്കു​മ്പോൾ ഹൃദയ​ത്തിൽ സന്തോഷം നുരഞ്ഞു​പൊ​ന്തു​ന്നു.” എല്ലാ ക്രിസ്‌തീയ മാതാ​പി​താ​ക്ക​ളും ഈ സന്തുഷ്ട പ്രതി​ഫ​ല​ത്തി​നാ​യി പ്രവർത്തി​ക്കട്ടെ.

[അടിക്കു​റി​പ്പു​കൾ]

[23-ാം പേജിലെ ചിത്രം]

ജീവിത യാഥാർഥ്യ​ങ്ങൾ വിശദീ​ക​രി​ക്കു​ന്ന​തി​നാ​യി ഒരു പിതാ​വിന്‌ ഉചിത​മാ​യൊ​രു പശ്ചാത്തലം ക്രമീ​ക​രി​ക്കാൻ കഴിയും