രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

അദ്ദേഹം “വില​യേ​റിയ ഒരു മുത്തു” കണ്ടെത്തി

“സ്വർഗ്ഗ​രാ​ജ്യം നല്ല മുത്തു അന്വേ​ഷി​ക്കുന്ന ഒരു വ്യാപാ​രി​യോ​ടു സദൃശം. അവൻ വില​യേ​റിയ ഒരു മുത്തു കണ്ടെത്തി​യാ​റെ ചെന്നു തനിക്കു​ള്ള​തൊ​ക്കെ​യും വിററു അതു വാങ്ങി.” ഈ വാക്കു​ക​ളി​ലൂ​ടെ യേശു ദൈവ​രാ​ജ്യ​ത്തി​ന്റെ അളവറ്റ മൂല്യം ദൃഷ്ടാ​ന്തീ​ക​രി​ച്ചു. (മത്തായി 13:45, 46) രാജ്യ​ത്തി​ന്റെ മൂല്യം തിരി​ച്ച​റി​യു​ന്നവർ അതു മുറു​കെ​പ്പി​ടി​ക്കു​ന്ന​തിന്‌ ഒട്ടുമി​ക്ക​പ്പോ​ഴും വ്യക്തി​പ​ര​മാ​യി വലിയ ത്യാഗങ്ങൾ ചെയ്യാ​റുണ്ട്‌. തായ്‌വാ​നി​ലെ പിങ്‌ടോങ്‌ പ്രദേ​ശ​ത്തു​നി​ന്നുള്ള പിൻവ​രുന്ന അനുഭവം അതു ദൃഷ്ടാ​ന്തീ​ക​രി​ക്കു​ന്നു.

ശ്രീ. ലിന്നും ഭാര്യ​യും 1991-ൽ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി. അതേക്കു​റി​ച്ചു കേട്ട ഒരു പ്രാ​ദേ​ശിക വൈദി​കൻ അവരെ തന്റെ പള്ളിയിൽ ചേർക്കാൻ ശ്രമിച്ചു. പന്നിയു​ടെ​യും താറാ​വി​ന്റെ​യും രക്തം വിപണി​യിൽ വിൽക്കു​ന്ന​താ​യി​രു​ന്നു ലിൻ ദമ്പതി​ക​ളു​ടെ തൊഴിൽ. അതേക്കു​റിച്ച്‌ അവർ വൈദി​കന്റെ അഭി​പ്രാ​യ​മാ​രാ​ഞ്ഞു. “ദൈവം സൃഷ്ടിച്ച സകലതും മനുഷ്യ​നു ഭക്ഷണമാ​യി ഉതകാം” എന്നായി​രു​ന്നു അദ്ദേഹ​ത്തി​ന്റെ മറുപടി. നേരേ​മ​റിച്ച്‌, ദൈവ​വ​ചനം ഇക്കാര്യ​ത്തെ​ക്കു​റിച്ച്‌ എന്തു പറയു​ന്നു​വെന്നു പരിചി​ന്തി​ക്കാൻ സാക്ഷികൾ അവരെ പ്രോ​ത്സാ​ഹി​പ്പി​ച്ചു. ദൈവം രക്തത്തെ പവി​ത്ര​മാ​യി വീക്ഷി​ക്കു​ന്നു​വെന്ന്‌ അവർ മനസ്സി​ലാ​ക്കി. കാരണം, “ശരീര​ത്തി​ന്റെ ജീവൻ രക്തത്തി​ലാ​ണി​രി​ക്കു​ന്നത്‌.” (ലേവ്യ​പു​സ്‌തകം 17:10, 11, പി.ഒ.സി. ബൈബിൾ) തന്മൂലം, സത്യ​ക്രി​സ്‌ത്യാ​നി​കൾ “രക്തം . . . വർജ്ജി”ക്കണം. (പ്രവൃ​ത്തി​കൾ 15:20) പ്രസ്‌തുത വിഷയ​ത്തെ​ക്കു​റി​ച്ചു തിരു​വെ​ഴു​ത്തു​ക​ളിൽ പറയു​ന്നതു പരി​ശോ​ധി​ച്ച​ശേഷം ലിൻ കുടും​ബം തങ്ങളുടെ മുഖ്യ വരുമാ​ന​മാർഗ​മായ രക്തവിൽപ്പന നിർത്ത​ലാ​ക്കി. എന്നുവ​രി​കി​ലും, അധികം താമസി​യാ​തെ അവർ അതിലും വലിയ പരി​ശോ​ധ​നയെ അഭിമു​ഖീ​ക​രി​ച്ചു.

സത്യം പഠിക്കു​ന്ന​തി​നു​മു​മ്പു ലിൻ കുടും​ബം തങ്ങളുടെ പറമ്പിൽ 1,300 കമുകു നട്ടിരു​ന്നു. അതിൽനിന്ന്‌ ആദായം ലഭിക്കു​ന്ന​തിന്‌ അഞ്ചു വർഷ​മെ​ടു​ക്കു​മെ​ങ്കി​ലും ആദായം ലഭിക്കാൻ തുടങ്ങു​ന്ന​തോ​ടെ ലിൻ കുടും​ബ​ത്തി​നു പ്രതി​വർഷം 77,000 ഡോളർ ഉണ്ടാക്കാൻ സാധി​ക്കു​മാ​യി​രു​ന്നു. ആദ്യത്തെ വിള​വെ​ടുപ്പ്‌ അടുത്തു​വ​രവേ ലിൻ കുടും​ബം ഒരു പ്രധാന തീരു​മാ​നം എടു​ക്കേ​ണ്ടി​വന്നു. ക്രിസ്‌ത്യാ​നി​കൾ “ജഡത്തി​ലെ​യും ആത്മാവി​ലെ​യും സകല കന്മഷവും നീക്കി”ക്കളയണ​മെന്ന്‌ അവർ തങ്ങളുടെ ബൈബി​ള​ധ്യ​യ​ന​ത്തി​ലൂ​ടെ മനസ്സി​ലാ​ക്കി​യി​രു​ന്നു. പുകവ​ലി​യും മയക്കു​മ​രു​ന്നു ദുരു​പ​യോ​ഗ​വും അടയ്‌ക്കാ ചവയ്‌ക്ക​ലും പോലുള്ള ദുശ്ശീ​ല​ങ്ങളെ ഉന്നമി​പ്പി​ക്കു​ക​യോ അവയിൽ ഏർപ്പെ​ടു​ക​യോ ചെയ്യു​ന്നത്‌ അതിൽ ഉൾപ്പെ​ട്ടി​രി​ക്കു​ന്ന​താ​യി അവർ മനസ്സി​ലാ​ക്കി. (2 കൊരി​ന്ത്യർ 7:1) അവർ എന്തു ചെയ്യു​മാ​യി​രു​ന്നു?

മനസ്സാ​ക്ഷി​ക്കു​ത്തു നിമിത്തം അധ്യയനം നിർത്താൻ ശ്രീ. ലിൻ തീരു​മാ​നി​ച്ചു. അതി​നോ​ടകം ശ്രീമതി ലിൻ, കായ്‌ച്ചു​തു​ട​ങ്ങിയ ചില കമുകു​ക​ളി​ലെ അടയ്‌ക്ക വിറ്റ്‌ 3,000 ഡോളർ സമ്പാദി​ച്ചു. മരങ്ങൾ വെട്ടാ​തി​രു​ന്നാൽ അവർക്ക്‌ എത്രമാ​ത്രം ആദായം ലഭിക്കു​മെ​ന്ന​തി​ന്റെ സൂചന മാത്ര​മാ​യി​രു​ന്നു അത്‌. എങ്കിലും, ശ്രീ. ലിന്നിനു മനസ്സാ​ക്ഷി​ക്കുത്ത്‌ അനുഭ​വ​പ്പെ​ട്ടു​കൊ​ണ്ടി​രു​ന്നു.

ആ സംഗതി അദ്ദേഹത്തെ അലട്ടി​ക്കൊ​ണ്ടി​രു​ന്നു. അങ്ങനെ, ഒരിക്കൽ അദ്ദേഹം പ്രാ​ദേ​ശിക സാക്ഷി​ക​ളോട്‌ തനിക്കു​വേണ്ടി ആ കമുകു​കൾ വെട്ടി​ക്ക​ള​യാൻ അഭ്യർഥി​ച്ചു. അതു സ്വന്ത തീരു​മാ​ന​മാ​യി​രി​ക്ക​ണ​മെ​ന്നും ‘സ്വന്ത ചുമടു ചുമന്നു’കൊണ്ട്‌ അദ്ദേഹം​തന്നെ മരങ്ങൾ വെട്ടേ​ണ്ട​താ​ണെ​ന്നും സാക്ഷികൾ വിശദീ​ക​രി​ച്ചു. (ഗലാത്യർ 6:4, 5) 1 കൊരി​ന്ത്യർ 10:13-ൽ കാണുന്ന വാഗ്‌ദത്തം ഓർമി​ക്കാൻ അവർ അദ്ദേഹത്തെ പ്രോ​ത്സാ​ഹി​പ്പി​ച്ചു. അവിടെ ഇങ്ങനെ പറയുന്നു: “മനുഷ്യർക്കു നടപ്പല്ലാത്ത പരീക്ഷ നിങ്ങൾക്കു നേരി​ട്ടി​ട്ടില്ല; ദൈവം വിശ്വ​സ്‌തൻ; നിങ്ങൾക്കു കഴിയു​ന്ന​തി​ന്നു​മീ​തെ പരീക്ഷ നേരി​ടു​വാൻ സമ്മതി​ക്കാ​തെ നിങ്ങൾക്കു സഹിപ്പാൻ കഴി​യേ​ണ്ട​തി​ന്നു പരീക്ഷ​യോ​ടു​കൂ​ടെ അവൻ പോക്കു​വ​ഴി​യും ഉണ്ടാക്കും.” കൂടാതെ, സാക്ഷികൾ അദ്ദേഹ​ത്തോട്‌ ഇങ്ങനെ​യും ന്യായ​വാ​ദം ചെയ്‌തു: “ഞങ്ങൾ താങ്കളു​ടെ മരങ്ങൾ വെട്ടി​ക്ക​ള​ഞ്ഞാൽ താങ്കൾ അതിൽ ഖേദിച്ച്‌ നഷ്ടത്തിനു ഞങ്ങളെ പഴിചാ​രും.” കുറച്ചു​നാൾ കഴിഞ്ഞ്‌, ഒരു ദിവസം രാവിലെ ഈർച്ച​വാ​ളി​ന്റെ ശബ്ദം കേട്ടാണു ശ്രീമതി ലിൻ ഉണർന്നത്‌. ഭർത്താ​വും കുട്ടി​ക​ളും കൂടി കമുകു​കൾ വെട്ടി​ക്ക​ള​യു​ക​യാ​യി​രു​ന്നു!

യഹോവ ഉറപ്പാ​യും തന്റെ വാഗ്‌ദത്തം നിവർത്തി​ക്കു​ന്ന​വ​നാ​ണെന്നു ശ്രീ. ലിൻ തിരി​ച്ച​റി​ഞ്ഞു. മനസ്സാ​ക്ഷി​യെ അലട്ടാത്ത ഒരു തൊഴിൽ ലഭിച്ച​തു​മൂ​ലം അദ്ദേഹ​ത്തിന്‌ യഹോ​വ​യു​ടെ സ്‌തു​തി​പാ​ഠ​ക​നാ​യി​ത്തീ​രാൻ സാധിച്ചു. 1996 ഏപ്രി​ലിൽ യഹോ​വ​യു​ടെ സാക്ഷി​ക​ളു​ടെ ഒരു സർക്കിട്ട്‌ സമ്മേള​ന​ത്തിൽവെച്ച്‌ അദ്ദേഹം സ്‌നാ​പ​ന​മേറ്റു.

അതേ, “വില​യേ​റിയ ഒരു മുത്തു” കണ്ടെത്തി​യ​പ്പോൾ ശ്രീ. ലിൻ ഫലത്തിൽ “തനിക്കു​ള്ള​തൊ​ക്കെ​യും വിററു അതു വാങ്ങി.” ഇപ്പോൾ അദ്ദേഹ​ത്തിന്‌ യഹോ​വ​യു​മാ​യി വ്യക്തി​പ​ര​മായ ബന്ധമു​ണ്ടാ​യി​രി​ക്കു​ന്ന​തി​നും അവന്റെ രാജ്യ​താ​ത്‌പ​ര്യ​ങ്ങൾക്കാ​യി സേവി​ക്കു​ന്ന​തി​നു​മുള്ള അമൂല്യ പദവി ലഭിച്ചി​രി​ക്കു​ന്നു.