വിള​വെ​ടുപ്പ്‌ ഉത്സവങ്ങൾ ദൈവത്തെ പ്രസാ​ദി​പ്പി​ക്കു​ന്നു​വോ?

സ്വാദി​ഷ്ട​മായ പഴങ്ങൾ, ആസ്വാ​ദ്യ​മായ പച്ചക്കറി​കൾ, പുഷ്ടി​യുള്ള ധാന്യ​ക്ക​റ്റകൾ എന്നിവ കുന്നു​കൂ​ട്ടി​യി​ട്ടി​രി​ക്കു​ന്നത്‌ ആകർഷ​ക​മായ ഒരു കാഴ്‌ച​യാണ്‌. വിള​വെ​ടു​പ്പു​കാ​ലത്ത്‌ അത്തരം പ്രദർശ​നങ്ങൾ ഇംഗ്ലണ്ടി​ലു​ട​നീ​ള​മുള്ള പള്ളിക​ളി​ലെ ബലിപീ​ഠ​ങ്ങ​ളെ​യും അൾത്താ​ര​ക​ളെ​യും അലങ്കരി​ക്കു​ന്നു. മറ്റെവി​ടെ​യും​പോ​ലെ യൂറോ​പ്പി​ലും വിള​വെ​ടു​പ്പു​കാ​ല​ത്തി​ന്റെ ആരംഭ​വും അവസാ​ന​വും കുറി​ക്കുന്ന അസംഖ്യം ആഘോ​ഷ​ങ്ങ​ളുണ്ട്‌.

ഉപജീ​വ​ന​മാർഗ​ത്തി​നാ​യി മണ്ണി​നോ​ടു മല്ലടി​ക്കു​ന്നവർ വിളവി​നെ​പ്രതി വിശേ​ഷി​ച്ചും നന്ദിയു​ള്ള​വ​രാണ്‌. വിള​വെ​ടു​പ്പു​മാ​യി അടുത്ത ബന്ധമുള്ള മൂന്നു വാർഷി​കോ​ത്സ​വങ്ങൾ ആഘോ​ഷി​ക്കാൻ ദൈവം പുരാതന ഇസ്രാ​യേൽ ജനത​യോട്‌ ആവശ്യ​പ്പെ​ട്ടു​വെ​ന്നതു സത്യം​തന്നെ. വസന്തകാ​ല​ത്തി​ന്റെ ആരംഭ​ത്തിൽ, പുളി​പ്പി​ല്ലാത്ത അപ്പത്തിന്റെ ഉത്സവസ​മ​യത്ത്‌ ബാർലി വിള​വെ​ടു​പ്പി​ലെ ആദ്യഫ​ല​ങ്ങ​ളു​ടെ ഒരു കതിർകറ്റ ഇസ്രാ​യേ​ല്യർ ദൈവ​ത്തി​നു സമർപ്പി​ച്ചി​രു​ന്നു. വസന്തകാ​ല​ത്തി​ന്റെ അവസാ​ന​മുള്ള വാരോ​ത്സ​വ​സ​മ​യത്ത്‌ (അഥവാ പെന്ത​ക്കോ​സ്‌തിൽ) ഗോതമ്പു വിള​വെ​ടു​പ്പി​ലെ ആദ്യഫ​ല​ങ്ങ​ളിൽനി​ന്നു​ണ്ടാ​ക്കിയ അപ്പങ്ങൾ അവർ അർപ്പി​ച്ചി​രു​ന്നു. ഇസ്രാ​യേ​ലി​ലെ കാർഷിക വർഷത്തി​ന്റെ സമാപനം കുറി​ക്കുന്ന കായ്‌ക​നി​പ്പെ​രു​ന്നാൾ ശരത്‌കാ​ല​ത്താ​യി​രു​ന്നു. (പുറപ്പാ​ടു 23:14-17) ഈ ഉത്സവങ്ങൾ “വിശുദ്ധ സഭാ​യോഗ”ങ്ങളായി​രു​ന്നു, അവ സന്തോ​ഷ​സ​മ​യ​ങ്ങ​ളാ​യി​രു​ന്നു.—ലേവ്യ​പു​സ്‌തകം 23:2; ആവർത്ത​ന​പു​സ്‌തകം 16:16.

അപ്പോൾ, ആധുനി​ക​കാല വിള​വെ​ടുപ്പ്‌ ഉത്സവങ്ങ​ളോ? അവ ദൈവത്തെ പ്രസാ​ദി​പ്പി​ക്കു​ന്നു​വോ?

പുറജാ​തീയ ബന്ധങ്ങൾ

പരമ്പരാ​ഗത കൊയ്‌ത്തു​കാ​ല​വി​രു​ന്നി​ന്റെ മതേതര സ്വഭാ​വ​ത്തി​ലും ആ ആഘോ​ഷ​വു​മാ​യി ബന്ധപ്പെട്ട മദ്യല​ഹ​രി​യി​ലും അസ്വസ്ഥ​നായ ഇംഗ്ലണ്ടി​ലെ കോൺവാ​ളി​ലുള്ള ഒരു ആംഗ്ലിക്കൻ പുരോ​ഹി​തൻ 1843-ൽ മധ്യകാ​ല​ഘ​ട്ട​ത്തി​ലെ ഒരു വിള​വെ​ടു​പ്പാ​ചാ​രം പുനഃ​രു​ജ്ജീ​വി​പ്പി​ക്കാൻ തീരു​മാ​നി​ച്ചു. ആദ്യം കൊയ്‌ത ധാന്യ​ത്തിൽ കുറെ എടുത്ത്‌, അതിൽനിന്ന്‌ അദ്ദേഹം തന്റെ പള്ളിയി​ലെ തിരു​വ​ത്താഴ ശുശ്രൂ​ഷ​യ്‌ക്കുള്ള അപ്പമു​ണ്ടാ​ക്കി. അപ്രകാ​രം ചെയ്‌തു​കൊണ്ട്‌ അദ്ദേഹം ലാമാസ്‌ ഉത്സവം—കെൽറ്റിക്‌ ദൈവ​മായ ലുച്ചിന്റെ പുരാതന ആരാധ​ന​യിൽനിന്ന്‌ ഉത്ഭവി​ച്ച​തെന്ന്‌ ചിലർ പറയുന്ന ഒരു “ക്രിസ്‌തീയ” ആഘോഷം—ശാശ്വ​ത​മാ​ക്കി.a അതു​കൊണ്ട്‌, ആധുനി​ക​കാല ആംഗ്ലിക്കൻ വിള​വെ​ടുപ്പ്‌ ഉത്സവത്തിന്‌ ഒരു പുറജാ​തീയ ഉത്ഭവമാ​ണു​ള്ളത്‌.

വിള​വെ​ടു​പ്പു​കാ​ല​ത്തി​ന്റെ സമാപ​ന​ത്തിൽ നടക്കുന്ന മറ്റാ​ഘോ​ഷ​ങ്ങ​ളോ? എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയു​ന്ന​ത​നു​സ​രിച്ച്‌ ഈ ഉത്സവങ്ങ​ളു​ടെ പ്രത്യേ​ക​ത​ക​ളായ ഒട്ടുമിക്ക ആചാര​ങ്ങ​ളു​ടെ​യും ഉത്ഭവം “ധാന്യാ​ത്മാ​വിൽ അഥവാ ധാന്യ​മാ​താ​വി​ലുള്ള പ്രപഞ്ചാത്മ വിശ്വാ​സ​മാണ്‌.” അവസാനം കൊയ്യുന്ന ധാന്യ​ക്ക​തി​രിൽ ഒരാത്മാവ്‌ വസിക്കു​ന്നു​ണ്ടെ​ന്നാ​യി​രു​ന്നു ചില പ്രദേ​ശ​ങ്ങ​ളി​ലെ കർഷക​രു​ടെ വിശ്വാ​സം. ആത്മാവി​നെ തുരത്താൻ അവർ ആ കതിർ നിലത്ത​ടി​ച്ചി​രു​ന്നു. മറ്റുചി​ല​യി​ട​ങ്ങ​ളിൽ അവർ ധാന്യ​ച്ചെ​ടി​യു​ടെ ഏതാനും തണ്ടുകൾ “ധാന്യ​പ്പാവ”യിൽ ഇഴച്ചു​ചേർത്തിട്ട്‌ തുടർന്നു​വ​രുന്ന വർഷം വിത്തു വിതയ്‌ക്കും​വരെ “ഭാഗ്യ”ത്തിനായി അതു സൂക്ഷി​ച്ചു​വെ​ക്കു​മാ​യി​രു​ന്നു. എന്നിട്ട്‌ അവർ ധാന്യ​ക്ക​തി​രു​കൾ മണ്ണിൽ ഉഴുതു​ചേർക്കും, അതു പുതിയ വിളയെ കാത്തു​സം​ര​ക്ഷി​ക്കു​മെ​ന്നാ​യി​രു​ന്നു അവരുടെ പ്രതീക്ഷ.

ചില ഐതി​ഹ്യ​ങ്ങൾ, ഫലപു​ഷ്ടി​യു​ടെ ദേവത​യായ ഇഷ്ടാറി​ന്റെ ഭർത്താ​വും ബാബി​ലോ​ന്യ ദേവനു​മായ തമ്മൂസി​ന്റെ ആരാധ​ന​യു​മാ​യി വിള​വെ​ടു​പ്പു​കാ​ലത്തെ ബന്ധപ്പെ​ടു​ത്തു​ന്നു. വിളഞ്ഞ ധാന്യ​ക്ക​തിർ മുറി​ക്കു​ന്നത്‌ തമ്മൂസി​ന്റെ അകാല മരണത്തി​നു തുല്ല്യ​മാ​യി​രു​ന്നു. മറ്റു ചില ഐതി​ഹ്യ​ങ്ങൾ വിള​വെ​ടു​പ്പു​കാ​ലത്തെ, യഹോ​വ​യാം ദൈവം വെറു​ക്കുന്ന ഒരു ആചാര​മായ നരബലി​യു​മാ​യി ബന്ധപ്പെ​ടു​ത്തു​ന്നു.—ലേവ്യ​പു​സ്‌തകം 20:2; യിരെ​മ്യാ​വു 7:30, 31.

ദൈവ​ത്തി​ന്റെ വീക്ഷണ​മെ​ന്താണ്‌?

സ്രഷ്ടാ​വും ജീവന്റെ ഉറവു​മായ യഹോവ തന്റെ ആരാധ​ക​രു​ടെ അനന്യ​ഭക്തി ആവശ്യ​പ്പെ​ട്ടെന്ന്‌ പുരാതന ഇസ്രാ​യേ​ലു​മാ​യുള്ള ദൈവ​ത്തി​ന്റെ ഇടപെ​ട​ലു​കൾ വ്യക്തമാ​യി വെളി​പ്പെ​ടു​ത്തു​ന്നു. (സങ്കീർത്തനം 36:9; നഹൂം 1:2) പ്രവാ​ച​ക​നായ യെഹെ​സ്‌കേ​ലി​ന്റെ കാലത്ത്‌, തമ്മൂസ്‌ ദേവനു​വേണ്ടി കരയുന്ന ആചാരം യഹോ​വ​യു​ടെ ദൃഷ്ടി​യിൽ “വലിയ മ്ലേച്ഛത”യായി​രു​ന്നു. മറ്റ്‌ വ്യാജ​മ​താ​ചാ​ര​ങ്ങ​ളോ​ടൊ​പ്പം അത്‌, ആ വ്യാജാ​രാ​ധ​ക​രു​ടെ പ്രാർഥ​ന​കൾക്കു​നേരേ തന്റെ ചെവി​യ​ട​യ്‌ക്കാൻ ദൈവത്തെ പ്രേരി​പ്പി​ച്ചു.—യെഹെ​സ്‌കേൽ 8:6, 13, 14, 18.

യഹോ​വ​യാം ദൈവം ഇസ്രാ​യേ​ല്യ​രോട്‌ വിള​വെ​ടു​പ്പി​നോ​ടുള്ള ബന്ധത്തിൽ ആചരി​ക്കാൻ പറഞ്ഞ കാര്യ​ങ്ങ​ളു​മാ​യി ഇതു വിപരീത താരത​മ്യം ചെയ്യുക. കായ്‌ക​നി​പ്പെ​രു​ന്നാ​ളിൽ ഇസ്രാ​യേ​ല്യർ ഒരു പാവന​സ​മ്മേ​ളനം നടത്തി​യി​രു​ന്നു. ആ സമയത്ത്‌ ചെറു​പ്പ​ക്കാ​രും പ്രായ​മാ​യ​വ​രും, സമ്പന്നരും ദരി​ദ്ര​രും ഭംഗി​യുള്ള മരങ്ങളു​ടെ തഴച്ച ഇലകൾക്കൊ​ണ്ട​ല​ങ്ക​രിച്ച താത്‌കാ​ലിക വസതി​ക​ളിൽ താമസി​ച്ചി​രു​ന്നു. അവർക്കതു വലിയ സന്തോ​ഷ​ത്തി​ന്റെ സമയമാ​യി​രു​ന്നു. ഈജി​പ്‌തിൽനി​ന്നു പുറ​പ്പെ​ടുന്ന സമയത്തു ദൈവം അവരുടെ പൂർവി​കർക്കു നൽകിയ വിടു​ത​ലി​നെ​ക്കു​റി​ച്ചു ചിന്തി​ക്കു​ന്ന​തി​നുള്ള സമയവു​മാ​യി​രു​ന്നു അത്‌.—ലേവ്യ​പു​സ്‌തകം 23:40-43.

ഇസ്രാ​യേ​ല്യ ഉത്സവങ്ങ​ളു​ടെ സമയത്ത്‌ ഏക സത്യ​ദൈ​വ​മായ യഹോ​വ​യ്‌ക്കു വഴിപാ​ടു​കൾ അർപ്പി​ച്ചി​രു​ന്നു. (ആവർത്ത​ന​പു​സ്‌തകം 8:10-20) മുമ്പു പരാമർശിച്ച മൃഗീയ വിശ്വാ​സ​ങ്ങ​ളു​ടെ കാര്യ​ത്തിൽ, ഗോത​മ്പു​ക​റ്റകൾ പോലുള്ള വിളവു​കൾക്ക്‌ ദേഹി​യു​ള്ള​താ​യി ബൈബി​ളിൽ ഒരിട​ത്തും പറയു​ന്നില്ല.b ഒപ്പംതന്നെ, സംസാ​രി​ക്കാ​നോ കാണാ​നോ കേൾക്കാ​നോ മണക്കാ​നോ സ്‌പർശി​ക്കാ​നോ ആരാധ​കർക്ക്‌ എന്തെങ്കി​ലും സഹായം ചെയ്യാ​നോ കഴിയാ​തെ വിഗ്ര​ഹങ്ങൾ നിർജീ​വ​മാ​യി തുടരു​ന്നു​വെന്നു ബൈബിൾ വ്യക്തമാ​യി പ്രകട​മാ​ക്കു​ന്നു.—സങ്കീർത്തനം 115:5-8; റോമർ 1:23-25.

ക്രിസ്‌ത്യാ​നി​കൾ ഇന്ന്‌ പുരാതന ഇസ്രാ​യേൽ ജനതയു​മാ​യി ദൈവം ചെയ്‌ത ന്യായ​പ്ര​മാണ ഉടമ്പടി​യിൻ കീഴിലല്ല. തീർച്ച​യാ​യും, ദൈവം ‘അതെടുത്ത്‌ ക്രിസ്‌തു​വി​ന്റെ ദണ്ഡനസ്‌തം​ഭ​ത്തിൽ തറച്ച്‌ വഴിയിൽനി​ന്നു നീക്കി​ക്ക​ളഞ്ഞു.’ (കൊ​ലൊ​സ്സ്യർ 2:13, 14, NW) യഹോ​വ​യു​ടെ ആധുനി​ക​കാല ദാസൻമാർ “ക്രിസ്‌തു​വി​ന്റെ നിയമ”പ്രകാരം ജീവി​ക്കു​ക​യും ദൈവം പ്രദാനം ചെയ്യുന്ന എല്ലാറ്റി​നോ​ടും വിലമ​തി​പ്പോ​ടെ പ്രതി​ക​രി​ക്കു​ക​യും ചെയ്യുന്നു.—ഗലാത്യർ 6:2, NW.

യഹൂദ ഉത്സവങ്ങൾ ‘വരുവാ​നി​രു​ന്ന​വ​യു​ടെ നിഴലാ’ണെന്ന്‌ അപ്പോ​സ്‌ത​ല​നായ പൗലൊസ്‌ വ്യക്തമാ​യി പ്രസ്‌താ​വി​ച്ചു. “ദേഹം [“യാഥാർഥ്യം”, NW] എന്നതോ ക്രിസ്‌തു​വി​ന്നു​ള്ളതു” എന്ന്‌ അവൻ കൂട്ടി​ച്ചേർക്കു​ന്നു. (കൊ​ലൊ​സ്സ്യർ 2:16, 17) തത്‌ഫ​ല​മാ​യി സത്യ​ക്രി​സ്‌ത്യാ​നി​കൾ പിൻവ​രുന്ന തിരു​വെ​ഴു​ത്തു ന്യായ​വാ​ദം കൈ​ക്കൊ​ള്ളു​ന്നു: “ജാതികൾ ബലിക​ഴി​ക്കു​ന്നതു ദൈവ​ത്തി​ന്നല്ല ഭൂതങ്ങൾക്കു കഴിക്കു​ന്നു . . . നിങ്ങൾക്കു കർത്താ​വി​ന്റെ പാനപാ​ത്ര​വും ഭൂതങ്ങ​ളു​ടെ പാനപാ​ത്ര​വും കുടി​പ്പാൻ പാടില്ല.” (1 കൊരി​ന്ത്യർ 10:20, 21) അതിനു​പു​റമേ, “അശുദ്ധ​മാ​യതു ഒന്നും തൊട​രു​തു” എന്ന നിർദേ​ശ​ത്തി​നു ക്രിസ്‌ത്യാ​നി​കൾ ശ്രദ്ധ​കൊ​ടു​ക്കു​ന്നു. നിങ്ങളു​ടെ പ്രദേ​ശ​ത്തുള്ള വിള​വെ​ടുപ്പ്‌ ഉത്സവങ്ങൾക്കു പുറജാ​തീയ, അല്ലെങ്കിൽ വ്യാജമത ബന്ധങ്ങളു​ണ്ടോ? ഉണ്ടെങ്കിൽ, യഥാർഥ ക്രിസ്‌ത്യാ​നി​കൾ മലിനീ​കൃ​ത​മായ അത്തരം ആരാധ​ന​യിൽ ഏതെങ്കി​ലും തരത്തിൽ ഉൾപ്പെ​ടാൻ വിസമ്മ​തി​ച്ചു​കൊണ്ട്‌ യഹോ​വയെ അപ്രീ​തി​പ്പെ​ടു​ത്തു​ന്നത്‌ ഒഴിവാ​ക്കി​യേ​ക്കാം.—2 കൊരി​ന്ത്യർ 6:17.

പിതാ​വിൽനിന്ന്‌ ഒരു സമ്മാനം ലഭിക്കു​മ്പോൾ വിലമ​തി​പ്പുള്ള ഒരു കുട്ടി ആർക്കു നന്ദി​കൊ​ടു​ക്കും? തികച്ചും അന്യനായ ഒരുവ​നോ അതോ തന്റെ പിതാ​വി​നോ? ഹൃദയം​ഗ​മ​മായ പ്രാർഥ​ന​യി​ലൂ​ടെ ദൈവാ​രാ​ധകർ തങ്ങളുടെ സ്വർഗീയ പിതാ​വായ യഹോ​വ​യ്‌ക്ക്‌ അവന്റെ കലവറ​യി​ല്ലാത്ത ഔദാ​ര്യ​ത്തെ​പ്രതി അനുദി​നം നന്ദിനൽകു​ന്നു.—2 കൊരി​ന്ത്യർ 6:18; 1 തെസ്സ​ലൊ​നീ​ക്യർ 5:17, 18.

[അടിക്കു​റി​പ്പു​കൾ]