സന്തുഷ്ടി—വഴുതി​പ്പോ​കുന്ന ഒന്ന്‌

കോപം, ആകുലത, വിഷാദം എന്നിവ വളരെ​ക്കാ​ല​മാ​യി ശാസ്‌ത്രീയ പഠന വിഷയ​ങ്ങ​ളാണ്‌. എന്നാൽ കുറച്ചു​വർഷ​ങ്ങ​ളാ​യി പ്രമുഖ ശാസ്‌ത്ര​ജ്ഞൻമാർ മനുഷ്യർക്ക്‌ അനുഭ​വ​പ്പെ​ടുന്ന ക്രിയാ​ത്മ​ക​വും അഭികാ​മ്യ​വു​മായ വികാ​ര​ത്തിൽ—സന്തുഷ്ടി​യിൽ—തങ്ങളുടെ ഗവേഷണം കേന്ദ്രീ​ക​രി​ക്കു​ക​യാണ്‌.

ആളുകളെ കൂടുതൽ സന്തുഷ്ട​രാ​ക്കു​ന്നത്‌ എന്തായി​രി​ക്കാം? അവർ കുറെ​ച്ചു​കൂ​ടെ ചെറു​പ്പ​ക്കാ​രോ ധനിക​രോ ആരോ​ഗ്യ​വാ​ന്മാ​രോ ഉയരമു​ള്ള​വ​രോ വണ്ണംകു​റ​ഞ്ഞ​വ​രോ ആയിരു​ന്നാൽ സന്തുഷ്ട​രാ​കു​മോ? യഥാർഥ സന്തുഷ്ടി​യു​ടെ താക്കോ​ലെ​ന്താണ്‌? ആ ചോദ്യ​ത്തിന്‌ ഉത്തരം നൽകാൻ ബുദ്ധി​മു​ട്ടാ​ണെന്ന്‌, അല്ലെങ്കിൽ അസാധ്യ​മാ​ണെന്ന്‌ മിക്കവ​രും വിചാ​രി​ക്കു​ന്നു. സന്തോഷം കണ്ടെത്തു​ന്ന​തി​ലെ വിപു​ല​വ്യാ​പ​ക​മായ പരാജയം പരിഗ​ണി​ക്കു​മ്പോൾ, സന്തുഷ്ടി​യു​ടെ താക്കോൽ എന്ത്‌ അല്ല എന്നതിന്‌ ഉത്തരം നൽകാൻ കൂടുതൽ എളുപ്പ​മാ​ണെന്നു ഒരുപക്ഷേ ചിലർ കണ്ടെത്തി​യേ​ക്കാം.

സന്തുഷ്ടി​യു​ടെ താക്കോ​ലെന്ന നിലയിൽ സ്വകേ​ന്ദ്രീ​കൃത തത്ത്വശാ​സ്‌ത്രത്തെ പ്രമുഖ മനഃശാ​സ്‌ത്ര​ജ്ഞ​ന്മാർ ദീർഘ​കാ​ലം ശുപാർശ ചെയ്‌തു. തങ്ങളുടെ വ്യക്തി​പ​ര​മായ ആവശ്യങ്ങൾ തൃപ്‌തി​പ്പെ​ടു​ത്തു​ന്ന​തിൽ മാത്രം ശ്രദ്ധ കേന്ദ്രീ​ക​രി​ക്കാൻ അവർ അസന്തു​ഷ്ട​രായ ആളുകളെ പ്രോ​ത്സാ​ഹി​പ്പി​ച്ചു. “വ്യക്തി​മാ​ഹാ​ത്മ്യം പ്രകടി​പ്പി​ക്കുക,” “ആത്മബോ​ധ​മു​ള്ള​വ​രാ​യി​രി​ക്കുക,” “സ്വയം ആരാഞ്ഞ​റി​യുക” തുടങ്ങിയ ശ്രദ്ധ പിടി​ച്ചു​പ​റ്റുന്ന പ്രയോ​ഗങ്ങൾ മനോ​രോ​ഗ​ചി​കി​ത്സ​യിൽ ഉപയോ​ഗി​ച്ചി​ട്ടുണ്ട്‌. എന്നാൽ, ഈ ചിന്താ​ഗ​തി​യെ പ്രോ​ത്സാ​ഹി​പ്പിച്ച ചില പ്രഗത്‌ഭ​ന്മാർതന്നെ അത്തരം വ്യക്തി​മാ​ഹാ​ത്മ്യ മനോ​ഭാ​വം നിലനിൽക്കുന്ന സന്തുഷ്ടി കൈവ​രു​ത്തു​ക​യി​ല്ലെന്ന്‌ ഇപ്പോൾ സമ്മതി​ക്കു​ന്നു. അഹംഭാ​വം നിശ്ചയ​മാ​യും വേദന​യും അസന്തു​ഷ്ടി​യും കൈവ​രു​ത്തും. സ്വാർഥത സന്തുഷ്ടി​യു​ടെ താക്കോ​ലല്ല.

അസന്തു​ഷ്ടി​യു​ടെ അടിസ്ഥാ​നം

ഉല്ലാസാ​നു​ധാ​വ​ന​ത്തിൽ സന്തുഷ്ടി കണ്ടെത്താൻ ശ്രമി​ക്കു​ന്നവർ ശരിയായ ഉറവി​ലേക്കല്ല നോക്കു​ന്നത്‌. പുരാതന ഇസ്രാ​യേ​ലി​ലെ ജ്ഞാനി​യായ ശലോ​മോൻ രാജാ​വി​ന്റെ ദൃഷ്ടാന്തം പരിഗ​ണി​ക്കുക. ബൈബിൾ പുസ്‌ത​ക​മായ സഭാ​പ്ര​സം​ഗി​യിൽ അവൻ വിശദീ​ക​രി​ക്കു​ന്നു: “എന്റെ കണ്ണു ആഗ്രഹി​ച്ച​തൊ​ന്നും ഞാൻ അതിന്നു നിഷേ​ധി​ച്ചില്ല; എന്റെ ഹൃദയ​ത്തി​ന്നു ഒരു സന്തോ​ഷ​വും വിലക്കി​യില്ല; എന്റെ സകല​പ്ര​യ​ത്‌ന​വും നിമിത്തം എന്റെ ഹൃദയം സന്തോ​ഷി​ച്ചു; എന്റെ സകല പ്രയത്‌ന​ത്തി​ലും എനിക്കു​ണ്ടായ അനുഭവം ഇതു തന്നേ.” (സഭാ​പ്ര​സം​ഗി 2:10) ശലോ​മോൻ തനിക്കു​വേണ്ടി വീടുകൾ പണിതു, മുന്തി​രി​ത്തോ​ട്ടങ്ങൾ നട്ടുണ്ടാ​ക്കി, തോട്ട​ങ്ങ​ളും ഉദ്യാ​ന​ങ്ങ​ളും കുളങ്ങ​ളും നിർമി​ച്ചു. (സഭാ​പ്ര​സം​ഗി 2:4-6) ഒരിക്കൽ അവൻ ചോദി​ച്ചു: “എന്നെക്കാൾ മെച്ചമാ​യി തിന്നു​ക​യും കുടി​ക്കു​ക​യും ചെയ്യു​ന്നത്‌ ആർ?” (സഭാ​പ്ര​സം​ഗി 2:25, NW) അവനെ വിനോ​ദി​പ്പി​ക്കു​ന്ന​തിന്‌ വിദഗ്‌ധ​രായ പാട്ടു​കാ​രും സംഗീ​ത​ജ്ഞ​രും ഉണ്ടായി​രു​ന്നു. ദേശത്തെ ഏറ്റവും സുന്ദരി​മാ​രായ സ്‌ത്രീ​ക​ളു​ടെ സഖിത്വ​വും അവൻ ആസ്വദി​ച്ചു.—സഭാ​പ്ര​സം​ഗി 2:8.

ഉല്ലാസ​ക​ര​മാ​യ പ്രവർത്ത​ന​ങ്ങ​ളൊ​ന്നും ശലോ​മോൻ ഒഴിവാ​ക്കി​യി​ല്ലെ​ന്നു​ള്ള​താണ്‌ വസ്‌തുത. ജീവി​ത​ത്തിൽ അത്യന്തം ഉല്ലാസം ആസ്വദിച്ച ശേഷം അവൻ എന്തു നിഗമ​ന​ത്തിൽ എത്തി​ച്ചേർന്നു? അവൻ പറഞ്ഞു: “ഞാൻ എന്റെ കൈക​ളു​ടെ സകല​പ്ര​വൃ​ത്തി​ക​ളെ​യും ഞാൻ ചെയ്‌വാൻ ശ്രമിച്ച സകലപ​രി​ശ്ര​മ​ങ്ങ​ളെ​യും നോക്കി; എല്ലാം മായയും വൃഥാ​പ്ര​യ​ത്‌ന​വും അത്രേ; സൂര്യന്റെ കീഴിൽ യാതൊ​രു ലാഭവും ഇല്ല എന്നു കണ്ടു.”—സഭാ​പ്ര​സം​ഗി 2:11.

ജ്ഞാനി​യാ​യ ആ രാജാ​വി​ന്റെ കണ്ടെത്ത​ലു​കൾ ഇന്നും സത്യമാണ്‌. ഐക്യ​നാ​ടു​ക​ളെ​പ്പോ​ലുള്ള ഒരു സമ്പന്ന രാജ്യ​ത്തി​ന്റെ ദൃഷ്ടാ​ന്ത​മെ​ടു​ക്കുക. കഴിഞ്ഞ 30 വർഷം​കൊണ്ട്‌ അമേരി​ക്ക​ക്കാർ മോ​ട്ടോർവാ​ഹ​ന​ങ്ങ​ളും ടെലി​വി​ഷ​നും പോലുള്ള തങ്ങളുടെ ഭൗതിക സമ്പാദ്യ​ങ്ങൾ മിക്കവാ​റും ഇരട്ടി​യാ​ക്കി​യി​രി​ക്കു​ന്നു. എന്നിരു​ന്നാ​ലും, മാനസി​കാ​രോ​ഗ്യ വിദഗ്‌ധർ പറയു​ന്ന​ത​നു​സ​രിച്ച്‌ അമേരി​ക്ക​ക്കാർ കൂടുതൽ സന്തുഷ്ട​രേയല്ല. “അതേ കാലയ​ള​വിൽതന്നെ വിഷാദ നിരക്ക്‌ കുതി​ച്ചു​യർന്നി​രി​ക്കു​ന്നു. കൗമാര ആത്മഹത്യ മൂന്നി​ര​ട്ടി​യാ​യി​ട്ടുണ്ട്‌. വിവാ​ഹ​മോ​ചന നിരക്ക്‌ ഇരട്ടി​യും,” ഒരു ഉറവിടം പറയുന്നു. ഏതാണ്ട്‌ 50 വ്യത്യസ്‌ത രാജ്യ​ങ്ങ​ളി​ലെ ജനങ്ങളു​ടെ ഇടയിൽ പണവും സന്തുഷ്ടി​യും തമ്മിലുള്ള ബന്ധം പഠനവി​ധേ​യ​മാ​ക്കി​യ​ശേഷം ഗവേഷകർ സമാന​മായ നിഗമ​ന​ങ്ങ​ളിൽ എത്തി​ച്ചേർന്നി​രി​ക്കു​ന്നു. ലളിത​മാ​യി പറഞ്ഞാൽ, നിങ്ങൾക്ക്‌ സന്തുഷ്ടി പണം​കൊ​ടു​ത്തു വാങ്ങാ​നാ​വില്ല.

നേരേ​മ​റിച്ച്‌, പണത്തിനു പിന്നാ​ലെ​യുള്ള നെട്ടോ​ട്ടത്തെ അസന്തു​ഷ്ടി​യു​ടെ അടിസ്ഥാ​ന​കാ​ര​ണ​മെന്ന്‌ ഉചിത​മാ​യും വിളി​ക്കാ​നാ​കും. അപ്പോ​സ്‌ത​ല​നായ പൗലൊസ്‌ മുന്നറി​യി​പ്പു നൽകി: “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു. ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചി​ട്ടു വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു.”—1 തിമൊ​ഥെ​യൊസ്‌ 6:9, 10.

ധനം, ആരോ​ഗ്യം, യുവത്വം, സൗന്ദര്യം, അധികാ​രം എന്നിവ​യ്‌ക്ക്‌ ഒറ്റയ്‌ക്കോ കൂട്ടമാ​യോ നിലനിൽക്കുന്ന സന്തുഷ്ടി ഉറപ്പു​നൽകാ​നാ​വില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ മോശ​മായ കാര്യങ്ങൾ സംഭവി​ക്കു​ന്നതു തടയാ​നുള്ള ശക്തി നമുക്കില്ല. ശലോ​മോൻ രാജാവ്‌ ഉചിത​മാ​യി ഇങ്ങനെ അഭി​പ്രാ​യ​പ്പെട്ടു: “മനുഷ്യൻ തന്റെ കാലം അറിയു​ന്നി​ല്ല​ല്ലോ; വല്ലാത്ത വലയിൽ പിടി​പെ​ടുന്ന മത്സ്യങ്ങ​ളെ​പ്പോ​ലെ​യും കെണി​യിൽ അകപ്പെ​ടുന്ന പക്ഷിക​ളെ​പ്പോ​ലെ​യും മനുഷ്യർ, പെട്ടെന്നു വന്നുകൂ​ടുന്ന ദുഷ്‌കാ​ലത്തു കെണി​യിൽ കുടു​ങ്ങി​പ്പോ​കു​ന്നു.”—സഭാ​പ്ര​സം​ഗി 9:12, ദാനീ​യേൽ റഫറൻസ്‌ ബൈബിൾ.

വഴുതി​പ്പോ​കുന്ന ലക്ഷ്യം

യാതൊ​ര​ള​വി​ലുള്ള ശാസ്‌ത്രീയ ഗവേഷ​ണ​ത്തി​നും സന്തുഷ്ടി​ക്കുള്ള മാനു​ഷ​നിർമിത സൂത്ര​വാ​ക്യ​മോ തന്ത്രമോ നൽകാ​നാ​വില്ല. ശലോ​മോൻ ഇങ്ങനെ​യും പറഞ്ഞു: “പിന്നെ​യും ഞാൻ സൂര്യന്നു കീഴെ കണ്ടതു: വേഗത​യു​ള്ളവർ ഓട്ടത്തി​ലും വീരന്മാർ യുദ്ധത്തി​ലും നേടു​ന്നില്ല; ജ്ഞാനി​കൾക്കു ആഹാര​വും വിവേ​കി​കൾക്കു സമ്പത്തും സാമർത്ഥ്യ​മു​ള്ള​വർക്കു പ്രീതി​യും ലഭിക്കു​ന്നില്ല; അവർക്കൊ​ക്കെ​യും കാലവും ഗതിയും [“മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും,” NW] അത്രേ ലഭിക്കു​ന്നതു.”—സഭാ​പ്ര​സം​ഗി 9:11.

മേൽപ്പറഞ്ഞ വാക്കു​ക​ളോ​ടു യോജി​ക്കുന്ന മിക്കവ​രും യഥാർഥ സന്തുഷ്ട ജീവിതം അയഥാർഥ​മാ​ണെന്നു നിഗമനം ചെയ്‌തി​രി​ക്കു​ന്നു. “സന്തുഷ്ടി ഒരു സാങ്കൽപ്പിക അവസ്ഥയാ”ണെന്ന്‌ ഒരു പ്രമുഖ വിദ്യാ​ഭ്യാ​സ വിചക്ഷണൻ പ്രസ്‌താ​വി​ച്ചു. സന്തുഷ്ടി​യു​ടെ താക്കോൽ ഒരു നിഗൂഢ രഹസ്യ​മാ​ണെ​ന്നും ആ രഹസ്യ​ത്തി​ന്റെ കുരു​ക്ക​ഴി​ക്കാ​നുള്ള പ്രാപ്‌തി ബൗദ്ധി​ക​വാ​സ​ന​യുള്ള ചുരു​ക്കം​ചില യോഗി​കൾക്കേ​യു​ള്ളു​വെ​ന്നും മറ്റുചി​ലർ വിശ്വ​സി​ക്കു​ന്നു.

എന്നിട്ടും, സന്തുഷ്ടി​ക്കാ​യുള്ള അന്വേ​ഷ​ണ​ത്തിൽ ആളുകൾ വ്യത്യസ്‌ത ജീവി​ത​രീ​തി​കൾ ഇടതട​വി​ല്ലാ​തെ പരീക്ഷി​ച്ചു​നോ​ക്കു​ന്നു. തങ്ങളുടെ മുൻഗാ​മി​ക​ളു​ടെ പരാജയം ഗണ്യമാ​ക്കാ​തെ അനേകർ ഇപ്പോ​ഴും അസന്തു​ഷ്ടി​ക്കുള്ള പരിഹാ​ര​മാ​യി ധനം, അധികാ​രം, ആരോ​ഗ്യം, ഉല്ലാസം എന്നിവ പിന്തു​ട​രു​ന്നു. നിലനിൽക്കുന്ന സന്തുഷ്ടി വെറു​മൊ​രു സാങ്കൽപ്പിക അവസ്ഥയ​ല്ലെന്ന്‌ ഉള്ളി​ന്റെ​യു​ള്ളിൽ മിക്കയാ​ളു​ക​ളും വിശ്വ​സി​ക്കു​ന്ന​തു​കൊണ്ട്‌ അന്വേ​ഷണം തുടരു​ന്നു. സന്തുഷ്ടി വഴുതി​മാ​റുന്ന ഒരു സ്വപ്‌ന​മ​ല്ലെന്ന്‌ അവർ കരുതു​ന്നു. അതു​കൊണ്ട്‌ നിങ്ങൾ ചോദി​ച്ചേ​ക്കാം, ‘എനിക്കത്‌ എങ്ങനെ കണ്ടെത്താ​നാ​കും?’