ബൈബിൾ നമുക്കു ലഭിച്ച വിധം—ഭാഗം മൂന്ന്‌

ബർമ, 1824. രാജാ​വി​ന്റെ ഉദ്യോ​ഗ​സ്ഥ​ന്മാർ അഡോ​ണി​രാ​മി​ന്റെ​യും ആൻ ജഡ്‌സ​ന്റെ​യും മിഷനറി ഭവനം പരി​ശോ​ധിച്ച്‌ മൂല്യ​വ​ത്തെന്നു തങ്ങൾക്കു തോന്നി​യ​തെ​ല്ലാം എടുത്തു​കൊ​ണ്ടു പോയ​തേ​യു​ള്ളൂ. എന്നാൽ ഏറ്റവും അമൂല്യ​മായ നിധി കൈവ​ശ​പ്പെ​ടു​ത്താൻ അവർക്കു കഴിഞ്ഞി​ട്ടില്ല—ആൻ വീടി​ന​ടി​യിൽ രഹസ്യ​മാ​യി കുഴി​ച്ചി​ട്ടി​രുന്ന, പരിഭാ​ഷ​പ്പെ​ടു​ത്തിയ ഒരു ബൈബിൾ കയ്യെഴു​ത്തു​പ്ര​തി​യാ​യി​രു​ന്നു അത്‌. ചാരവൃ​ത്തി ആരോ​പി​ക്ക​പ്പെട്ട്‌, പരിഭാ​ഷ​ക​നായ അഡോ​ണി​രാം കൊതു​കു നിറഞ്ഞ ജയിലിൽ ബന്ധനസ്ഥ​നാ​യി കിടക്കു​ന്നു. ഈർപ്പം നിമിത്തം കയ്യെഴു​ത്തു​പ്രതി നശിക്കു​മെ​ന്ന​താണ്‌ ഇപ്പോ​ഴത്തെ ഭീഷണി. അതിനെ എങ്ങനെ രക്ഷിക്കാ​നാ​കും? കട്ടിയുള്ള ഒരു തലയണ​യ്‌ക്കു​ള്ളി​ലാ​ക്കി ആൻ അത്‌ ജയിലിൽ കിടക്കുന്ന ഭർത്താ​വി​നു കൈമാ​റു​ന്നു. ആ തലയണ സംരക്ഷി​ക്ക​പ്പെ​ടു​ന്നു. അതിലെ ഉള്ളടക്കം ആദ്യത്തെ ബർമീസ്‌ ബൈബി​ളി​ന്റെ ഭാഗമാ​യി​ത്തീ​രു​ന്നു.

ചരി​ത്ര​ത്തി​ലു​ട​നീ​ളം ബൈബിൾ അത്തരം അനേകം സാഹസി​ക​ത​ക​ളി​ലൂ​ടെ കടന്നു​പോ​യി​ട്ടുണ്ട്‌. ബൈബി​ളി​ന്റെ എഴുത്തു പൂർത്തി​യാ​യ​തു​മു​തൽ 1600-കളുടെ ആരംഭം​വ​രെ​യുള്ള അതിന്റെ പരിഭാ​ഷ​യും വിതര​ണ​വും സംബന്ധിച്ച്‌ കഴിഞ്ഞ ലക്കങ്ങളിൽ നാം പരിചി​ന്തി​ച്ചു. അന്നുമു​തൽ ഇന്നുവരെ ബൈബിൾ അതിജീ​വി​ച്ച​തെ​ങ്ങനെ? അത്‌ എന്നെങ്കി​ലും സകലർക്കും ലഭ്യമാ​യി​ത്തീ​രു​മോ? വാച്ച്‌ ടവർ സൊ​സൈറ്റി എന്തു പങ്കാണു വഹിച്ചി​ട്ടു​ള്ളത്‌?

മിഷന​റി​മാ​രും ബൈബിൾ സൊ​സൈ​റ്റി​ക​ളും

നിരവധി രാജ്യ​ങ്ങ​ളിൽ, ബൈബിൾ വായന​യിൽ ദ്രുത​ഗ​തി​യി​ലു​ണ്ടായ വലിയ വർധനവ്‌ 1600-കളെയും 1700-കളെയും ശ്രദ്ധേ​യ​മാ​ക്കി. ഈ കാലഘ​ട്ട​ത്തിൽ വിശേ​ഷി​ച്ചും ഇംഗ്ലണ്ടിൽ ബൈബിൾ ആഴമായ പ്രഭാവം ചെലുത്തി. വാസ്‌ത​വ​ത്തിൽ, ബൈബിൾ കഥകളും പഠിപ്പി​ക്ക​ലു​ക​ളും, രാജാ​വു​മു​തൽ ഉഴവു​ബാ​ലൻവരെ രാജ്യ​ത്തുള്ള മിക്കവാ​റു​മെ​ല്ലാ​വ​രു​ടെ​യും ചിന്തയെ സ്വാധീ​നി​ച്ചു. എന്നാൽ ബൈബി​ളി​ന്റെ സ്വാധീ​നം തുടർന്നും വ്യാപ​ക​മാ​യി. ഇംഗ്ലണ്ട്‌ അന്ന്‌ കോള​നി​ക​ളുള്ള ഒരു സമു​ദ്ര​വാ​ണി​ജ്യ ശക്തിയാ​യി​രു​ന്നു. ചില ഇംഗ്ലീ​ഷു​കാർ യാത്ര​യിൽ തങ്ങളോ​ടൊ​പ്പം ബൈബിൾ കൊണ്ടു​പോ​യി. ബൈബി​ളി​ന്റെ വ്യാപ​ക​മായ പ്രചര​ണ​ത്തിന്‌ ഇതു കളമൊ​രു​ക്കി.

1700-കളുടെ അവസാ​ന​ത്തോ​ടെ, ബ്രിട്ടീഷ്‌ സാമ്രാ​ജ്യ​ത്തിൻകീ​ഴി​ലെ അതിവി​ദൂര സ്ഥലങ്ങളി​ലുള്ള തദ്ദേശ​വാ​സി​ക​ളു​ടെ ആത്മീയാ​വ​ശ്യ​ങ്ങ​ളെ​ക്കു​റി​ച്ചു ചിന്തി​ക്കാൻ ഇംഗ്ലണ്ടി​ലുള്ള ചിലർക്കു ബൈബിൾ പ്രേര​ണ​യേകി. എന്നാൽ ഈ താത്‌പ​ര്യം യാതൊ​രു പ്രകാ​ര​ത്തി​ലും സാർവ​ലൗ​കി​ക​മാ​യി​രു​ന്നില്ല. ഒട്ടനവധി സഭാം​ഗങ്ങൾ വിധി​വി​ശ്വാ​സ​ക്കാ​രാ​യി​രു​ന്നു. അതു​കൊണ്ട്‌, ചിലയാ​ളു​കൾ രക്ഷിക്ക​പ്പെ​ടാ​തി​രി​ക്കു​ന്നതു ദൈവ​ഹി​ത​മാ​ണെന്ന്‌ അവർ വിചാ​രി​ച്ചു. മിഷന​റി​വേ​ല​യ്‌ക്കു പുറ​പ്പെ​ടും​മുമ്പ്‌ വില്യം കാരി, ഇന്ത്യയി​ലേ​ക്കുള്ള ഒരു ദൗത്യ​സം​ഘ​ത്തി​നു പിന്തുണ നേടാ​നാ​യി ആവേശ​ക​ര​മാ​യൊ​രു പ്രഭാ​ഷണം നടത്തവേ ഒരുവൻ ഭർത്സി​ച്ചു​കൊ​ണ്ടു വിളി​ച്ചു​പ​റഞ്ഞു: “എടോ താനവി​ടെ ഇരിക്ക്‌; അവിശ്വാ​സി​കളെ മതപരി​വർത്തനം ചെയ്യി​ക്ക​ണ​മെന്നു ദൈവം ആഗ്രഹി​ക്കു​മ്പോൾ തന്റെ സഹായ​മി​ല്ലാ​തെ ദൈവം അതു ചെയ്‌തു​കൊ​ള്ളും!” എങ്കിലും, 1793-ൽ കാരി ഇന്ത്യയി​ലേക്കു കപ്പൽക​യറി. അതിശ​യ​ക​ര​മെന്നു പറയട്ടെ, കാല​ക്ര​മ​ത്തിൽ അദ്ദേഹം മുഴു ബൈബി​ളോ അതിന്റെ ഭാഗങ്ങ​ളോ 35 ഇന്ത്യൻ ഭാഷക​ളി​ലേക്കു പരിഭാ​ഷ​പ്പെ​ടു​ത്തി.

പ്രാ​ദേ​ശി​ക ഭാഷയി​ലുള്ള ബൈബി​ളാണ്‌ തങ്ങളുടെ ഏറ്റവും അടിസ്ഥാന ഉപകര​ണ​മെന്നു മിഷന​റി​മാർ തിരി​ച്ച​റി​ഞ്ഞു. എന്നാൽ ബൈബി​ളു​കൾ ആർ നൽകു​മാ​യി​രു​ന്നു? രസാവ​ഹ​മാ​യി, ലോകം മുഴുവൻ ബൈബിൾ വിതരണം ചെയ്യാൻ ഇടയാ​ക്കു​മാ​യി​രുന്ന ഒരു പ്രസ്ഥാ​ന​ത്തിന്‌ അറിയാ​തെ തിരി​കൊ​ളു​ത്തി​യത്‌ വെയിൽസിൽനി​ന്നുള്ള ഒരു 16-കാരി, മേരി ജോൺസ്‌, ആയിരു​ന്നു. ഒരു പുരോ​ഹി​ത​നിൽനിന്ന്‌ വെൽഷ്‌ ബൈബിൾ വാങ്ങാ​നാ​യി 1800-ൽ മേരി നഗ്നപാ​ദ​യാ​യി 40 കിലോ​മീ​റ്റർ നടന്നു. ആറു വർഷം​കൊ​ണ്ടാണ്‌ അവൾ പണം സ്വരൂ​പി​ച്ചത്‌. ബൈബിൾ മുഴു​വ​നും വിറ്റു​ക​ഴി​ഞ്ഞെന്നു മനസ്സി​ലാ​ക്കി​യ​പ്പോൾ മേരി കടുത്ത നിരാ​ശ​യാൽ തേങ്ങി​ക്ക​രഞ്ഞു. അതു തന്റെ ഹൃദയത്തെ ആഴമായി സ്‌പർശി​ച്ച​തി​ന്റെ ഫലമായി ആ പുരോ​ഹി​തൻ സ്വന്തം ബൈബി​ളു​ക​ളി​ലൊന്ന്‌ മേരിക്കു കൊടു​ത്തു.

അതെത്തു​ടർന്ന്‌ ആ പുരോ​ഹി​തൻ ബൈബിൾ ആവശ്യ​മുള്ള മറ്റുള്ള​വ​രെ​ക്കു​റി​ച്ചു ചിന്തിച്ചു. അദ്ദേഹം ആ പ്രശ്‌നം ലണ്ടനി​ലുള്ള തന്റെ സുഹൃ​ത്തു​ക്ക​ളു​മാ​യി ചർച്ച ചെയ്‌തു. തത്‌ഫ​ല​മാ​യി 1804-ൽ ബ്രിട്ടീഷ്‌ ആൻഡ്‌ ഫോറിൻ ബൈബിൾ സൊ​സൈറ്റി രൂപീ​കൃ​ത​മാ​യി. അതിന്റെ ലക്ഷ്യം ലളിത​മാ​യി​രു​ന്നു: “കുറി​പ്പോ വ്യാഖ്യാ​ന​മോ ഇല്ലാതെ” അച്ചടിച്ച ബൈബി​ളു​കൾ ന്യായ​മായ വിലയ്‌ക്ക്‌ ആളുകൾക്കു സ്വന്തം ഭാഷയിൽ ലഭ്യമാ​ക്കുക. മാർജി​നി​ലെ വ്യാഖ്യാ​നങ്ങൾ നീക്കം​ചെ​യ്യു​ക​വഴി ഉപദേശ സംബന്ധ​മായ വിവാ​ദങ്ങൾ ഒഴിവാ​ക്കാ​മെന്നു സൊ​സൈ​റ്റി​യു​ടെ സ്ഥാപകർ പ്രത്യാ​ശി​ച്ചു. എന്നിരു​ന്നാ​ലും, ഉത്തരകാ​നോ​നിക പുസ്‌ത​കങ്ങൾ, നിമജ്ജ​നം​ചെ​യ്‌തുള്ള സ്‌നാ​പനം, ത്രി​ത്വോ​പ​ദേശം എന്നിവയെ ചൊല്ലി അവരുടെ ഇടയിൽ പലപ്പോ​ഴും അഭി​പ്രാ​യവ്യ​ത്യാ​സ​മു​ണ്ടാ​കു​മാ​യി​രു​ന്നു.

തുടക്ക​ത്തി​ലെ ഉത്സാഹം പെട്ടെ​ന്നു​തന്നെ വ്യാപി​ച്ചു. 1813-ഓടെ ജർമനി, നെതർലൻഡ്‌സ്‌, ഡെൻമാർക്ക്‌, റഷ്യ എന്നിവി​ട​ങ്ങ​ളിൽ സഹസൊ​സൈ​റ്റി​കൾ രൂപം​കൊ​ണ്ടു. കാല​ക്ര​മ​ത്തിൽ മറ്റു രാജ്യ​ങ്ങ​ളി​ലെ ബൈബിൾ സൊ​സൈ​റ്റി​ക​ളും കൂട്ടി​ച്ചേർക്ക​പ്പെട്ടു. ആദിമ ബൈബിൾ സൊ​സൈ​റ്റി​കൾ തങ്ങളുടെ ലക്ഷ്യങ്ങൾക്കു രൂപം നൽകി​യ​പ്പോൾ അവർ വിചാ​രി​ച്ചി​രു​ന്നത്‌ ലോകത്തു മിക്കവാ​റു​മെ​ല്ലാ​യി​ട​ത്തു​മാ​യി ഏതാനും ചില പ്രമുഖ ഭാഷകളേ ഉപയോ​ഗ​ത്തി​ലു​ള്ളു​വെ​ന്നാ​യി​രു​ന്നു. ആയിര​ക്ക​ണ​ക്കി​നു ഭാഷക​ളു​ണ്ടെന്ന്‌ അവർ സ്വപ്‌ന​ത്തിൽപോ​ലും കരുതി​യില്ല! പ്രാ​ദേ​ശിക ഭാഷയി​ലേക്കു നേരിട്ടു പരിഭാ​ഷ​പ്പെ​ടു​ത്താൻത​ക്ക​വണ്ണം എബ്രാ​യ​യും ഗ്രീക്കും അറിയാ​വുന്ന താരത​മ്യേന ചുരുക്കം ചില പരിഭാ​ഷ​കരേ ഉണ്ടായി​രു​ന്നു​ള്ളൂ. അതു​കൊണ്ട്‌, ബ്രിട്ടീഷ്‌ ആൻഡ്‌ ഫോറിൻ ബൈബിൾ സൊ​സൈറ്റി പരിഭാ​ഷകൾ ഏറ്റെടു​ത്ത​പ്പോൾ, പരിഭാ​ഷകർ മിക്ക​പ്പോ​ഴും തങ്ങളുടെ പരിഭാ​ഷയെ ഇംഗ്ലീഷ്‌ ഭാഷയി​ലുള്ള ജയിംസ്‌ രാജാ​വി​ന്റെ ഭാഷാ​ന്ത​ര​ത്തിൽ അടിസ്ഥാ​ന​പ്പെ​ടു​ത്തി.

ഒരു പരിഭാ​ഷ​കന്റെ പരി​ശോ​ധ​ന​കൾ

ബൈബി​ളി​ന്റെ ഭൂരി​ഭാ​ഗ​വും അനുദിന ജീവി​ത​ത്തി​ലെ അനുഭ​വ​ങ്ങ​ളിൽ അധിഷ്‌ഠി​ത​മായ വിവര​ണ​ങ്ങ​ളും ദൃഷ്ടാ​ന്ത​ങ്ങ​ളു​മാണ്‌. അത്‌ പരിഭാഷ കൂടുതൽ എളുപ്പ​മാ​ക്കു​ന്നു, എഴുത്ത്‌ അമൂർത്ത തത്ത്വശാ​സ്‌ത്ര ഭാഷയി​ലാ​യി​രു​ന്നെ​ങ്കിൽ പരിഭാഷ കൂടുതൽ ദുഷ്‌ക​ര​മാ​കു​മാ​യി​രു​ന്നു. എന്നിരു​ന്നാ​ലും, മിഷന​റി​മാ​രു​ടെ ആദ്യകാല ശ്രമങ്ങൾ ചിലയ​വ​സ​ര​ങ്ങ​ളിൽ കുഴപ്പി​ക്കു​ന്ന​തോ ഫലിത​രസം നിറഞ്ഞ​തോ ആയ പരിഭാ​ഷകൾ ഉളവാ​ക്കി​യെ​ന്നത്‌ ഊഹി​ക്കാ​വു​ന്ന​തേ​യു​ള്ളൂ. ദൃഷ്ടാ​ന്ത​ത്തിന്‌ ഒരു പരിഭാഷ, ഇന്ത്യയു​ടെ ഒരു പ്രത്യേക ഭാഗത്തുള്ള ആളുകൾക്ക്‌ ദൈവം നീലനി​റ​മുള്ള ഒരു വ്യക്തി​യാ​ണെന്ന ധാരണ നൽകി. “സ്വർഗീയ പിതാവ്‌” എന്ന പ്രയോ​ഗ​ത്തി​ലെ “സ്വർഗീയ” എന്നതിന്‌ ഉപയോ​ഗിച്ച പദത്തിന്റെ അർഥം, അക്ഷരീയ “ആകാശ​ത്തി​ന്റെ നിറമുള്ള” എന്നായി​രു​ന്നു!

പരിഭാ​ഷ​ക​ന്റെ വൈത​ര​ണി​ക​ളെ​ക്കു​റിച്ച്‌ അഡോ​ണി​രാം ജഡ്‌സൻ 1819-ൽ എഴുതി: ‘നമ്മു​ടേ​തിൽനി​ന്നു വിഭി​ന്ന​മായ ചിന്താ​ധാ​ര​ക​ളുള്ള, തത്‌ഫ​ല​മാ​യി നമുക്കു തികച്ചും അപരി​ചി​ത​മായ ഭാഷാ​പ്ര​യോ​ഗ​രീ​തി​ക​ളുള്ള, നമുക്കു പരിചി​ത​മായ ഒരു ഭാഷയു​മാ​യും യാതൊ​രു സാമ്യ​വു​മി​ല്ലാത്ത അക്ഷരങ്ങ​ളും വാക്കു​ക​ളു​മുള്ള, ലോക​ത്തി​ന്റെ മറുഭാ​ഗത്തെ ആളുകൾ സംസാ​രി​ക്കുന്ന ഒരു ഭാഷ നാം പഠിക്കു​മ്പോൾ; സഹായ​ത്തി​നാ​യി നിഘണ്ടു​വോ ദ്വിഭാ​ഷി​യോ ഇല്ലാതെ, പ്രാ​ദേ​ശിക അധ്യാ​പ​കന്റെ സഹായം തേടു​ന്ന​തി​നു മുമ്പ്‌ ആ ഭാഷ നാം കുറ​ച്ചെ​ങ്കി​ലും മനസ്സി​ലാ​ക്കേ​ണ്ട​തു​ള്ള​പ്പോൾ, നാം കഠിന​മാ​യി ശ്രമി​ക്കേ​ണ്ട​തുണ്ട്‌!’ ജഡ്‌സ​നെ​പ്പോ​ലുള്ള പരിഭാ​ഷ​ക​രു​ടെ പ്രവർത്തനം ബൈബി​ളി​ന്റെ ലഭ്യത വളരെ​യേറെ വർധി​പ്പി​ച്ചു.—12-ാം പേജിലെ ചാർട്ട്‌ കാണുക.

പരിഭാഷ എന്ന ആയാസ​ക​ര​മായ കൃത്യം നിർവ​ഹി​ക്കാൻ ആൻ ജഡ്‌സൻ ഭർത്താ​വി​നെ സഹായി​ച്ചു. എന്നാൽ കേവലം പരിഭാ​ഷാ സംബന്ധ​മായ പ്രശ്‌നങ്ങൾ മാത്രമല്ല ജഡ്‌സൻ കുടും​ബം അഭിമു​ഖീ​ക​രി​ച്ചത്‌. രാജാ​വി​ന്റെ ഉദ്യോ​ഗ​സ്ഥ​ന്മാർ അഡോ​ണി​രാ​മി​നെ ജയിലി​ലേക്കു വലിച്ചി​ഴ​ച്ചു​കൊ​ണ്ടു​പോയ സമയത്ത്‌ ആൻ ഗർഭി​ണി​യാ​യി​രു​ന്നു. തന്റെ ഭർത്താ​വി​നെ വിടു​വി​ക്കു​ന്ന​തി​നാ​യി, ശത്രു​താ​പ​ര​മാ​യി പെരു​മാ​റിയ അധികാ​രി​കൾക്ക്‌ അവർ 21 മാസം ധീരത​യോ​ടെ നിവേ​ദനം നൽകി. ആ കഠിന​പ​രീ​ക്ഷ​യും രോഗ​വും നിമിത്തം അവരുടെ ആരോ​ഗ്യം വഷളായി. അഡോ​ണി​രാം ജയിൽവി​മോ​ചി​ത​നാ​യി അധിക​നാൾ കഴിയു​ന്ന​തി​നു​മുമ്പ്‌ അദ്ദേഹ​ത്തി​ന്റെ ധീരയായ ആനും കൊച്ചു​പു​ത്രി​യും പനിപി​ടി​ച്ചു മരിച്ചു. അഡോ​ണി​രാം ദുഃഖാർത്ത​നാ​യി. എങ്കിലും, ശക്തിക്കാ​യി ദൈവ​ത്തി​ലേക്കു നോക്കി​ക്കൊണ്ട്‌ അദ്ദേഹം പരിഭാഷ തുടരു​ക​യും 1835-ൽ ബർമീസ്‌ ബൈബിൾ പൂർത്തി​യാ​ക്കു​ക​യും ചെയ്‌തു. അതിനി​ട​യിൽ ബൈബി​ളി​നെ​തി​രാ​യി കുടി​ല​മായ മറ്റു വെല്ലു​വി​ളി​കൾ വികാസം പ്രാപി​ക്കു​ക​യാ​യി​രു​ന്നു.

വിവാ​ദങ്ങൾ ബൈബി​ളി​നെ വലയം ചെയ്യുന്നു

1800-കൾ വലിയ സാമൂ​ഹിക-രാഷ്‌ട്രീയ വിവാ​ദ​ങ്ങൾക്കു സാക്ഷ്യം വഹിച്ചു. ചില​പ്പോ​ഴൊ​ക്കെ ബൈബിൾ അവയിൽ മുഖ്യ പങ്കുവ​ഹി​ച്ചി​രു​ന്നു. ദൃഷ്ടാ​ന്ത​ത്തിന്‌, റഷ്യൻ ബൈബിൾ സൊ​സൈറ്റി ചക്രവർത്തി​യു​ടെ​യും റഷ്യൻ ഓർത്ത​ഡോ​ക്‌സ്‌ സഭയു​ടെ​യും രക്ഷാകർത്തൃ​ത്വ​ത്തോ​ടെ​യാണ്‌ ആരംഭി​ച്ച​തെ​ങ്കി​ലും, ഒടുവിൽ അവർ ആ സൊ​സൈറ്റി പിരി​ച്ചു​വി​ടു​ക​യും അതിനെ നിരോ​ധി​ക്കു​ക​യും ചെയ്‌തു. (അതിന്‌ ഒരു വർഷം മുമ്പു​തന്നെ സൊ​സൈ​റ്റി​യു​ടെ എതിരാ​ളി​കൾ ആയിര​ക്ക​ണ​ക്കി​നു ബൈബി​ളു​കൾ ചുട്ടെ​രി​ച്ചി​രു​ന്നു.) ആദിമ ക്രിസ്‌ത്യാ​നി​കൾ തികഞ്ഞ ആവേശ​ത്തോ​ടെ തുടങ്ങി​വെച്ച, സാർവ​ദേ​ശീയ ബൈബിൾ വിതരണം അവസാ​നി​പ്പി​ക്കാൻ ഓർത്ത​ഡോ​ക്‌സ്‌ വൈദി​ക​വൃ​ന്ദം ഉത്സാഹ​പൂർവം ശ്രമിച്ചു. ബൈബിൾ സഭയു​ടെ​യും രാഷ്‌ട്ര​ത്തി​ന്റെ​യും അധികാ​രത്തെ ഭീഷണി​പ്പെ​ടു​ത്തി​യെന്ന്‌ 19-ാം നൂറ്റാ​ണ്ടി​ലെ ഓർത്ത​ഡോ​ക്‌സ്‌ നേതാ​ക്ക​ന്മാർ ശക്തിയു​ക്തം പ്രഖ്യാ​പി​ച്ചു. വിരോ​ധാ​ഭാ​സ​മെന്നു പറയട്ടെ, ഉയർന്നു​വ​ന്നു​കൊ​ണ്ടി​രുന്ന രാഷ്‌ട്രീയ വിപ്ലവ പ്രസ്ഥാനം ബൈബി​ളി​നെ അധികാ​രി​കൾക്കൊ​രു ഭീഷണി​യാ​യി​ട്ടല്ല, പ്രത്യുത, ജനക്കൂ​ട്ടത്തെ നിയ​ന്ത്ര​ണ​ത്തിൽ നിർത്താ​നുള്ള സഭയു​ടെ​യും രാഷ്‌ട്ര​ത്തി​ന്റെ​യും ഒരു ആയുധ​മാ​യി​ട്ടാ​ണു വീക്ഷി​ച്ചത്‌. ബൈബിൾ ഇരു വിഭാ​ഗ​ങ്ങ​ളിൽനി​ന്നു​മുള്ള കടുത്ത ആക്രമ​ണ​ത്തി​നു വിധേ​യ​മാ​യി!

ബൈബി​ളി​നെ​തി​രായ വർധി​ച്ചു​വ​രുന്ന “ബൗദ്ധിക” ആക്രമ​ണ​ത്തി​നും തുടർന്നു​വന്ന വർഷങ്ങൾ സാക്ഷ്യം വഹിച്ചു. 1831-ൽ ചാൾസ്‌ ഡാർവിൻ പരിണാമ സിദ്ധാ​ന്ത​ത്തി​ലേക്കു വഴിന​യിച്ച തന്റെ സമുദ്ര പര്യട​ന​ത്തിന്‌ തുടക്കം കുറിച്ചു. ക്രിസ്‌ത്യാ​നി​ത്വ​ത്തെ ഒരു അടിച്ച​മർത്തൽ ഉപകര​ണ​മാ​യി ചിത്രീ​ക​രി​ച്ചു​കൊണ്ട്‌ മാർക്‌സും ഏങ്‌ഗെൽസും 1848-ൽ കമ്മ്യു​ണി​സ്റ്റു മാനി​ഫെ​സ്‌റ്റോ പുറത്തി​റക്കി. അതിനു​പു​റമേ, ഈ കാലഘ​ട്ട​ത്തിൽ അതികൃ​ത്തി​പ്പു​കാർ തിരു​വെ​ഴു​ത്തു​ക​ളു​ടെ ആധികാ​രി​ക​ത​യെ​യും ബൈബിൾ കഥാപാ​ത്ര​ങ്ങ​ളു​ടെ, യേശു​ക്രി​സ്‌തു​വി​ന്റെ പോലും, ചരി​ത്ര​പ​ര​മായ സത്യത​യെ​യും ചോദ്യം ചെയ്‌തു! എന്നാൽ ദൈവ​ത്തെ​യും ബൈബി​ളി​നെ​യും നിരസിച്ച സിദ്ധാ​ന്ത​ങ്ങ​ളി​ലെ കാപട്യം ചില ചിന്തകർ തിരി​ച്ച​റി​യു​ക​യും ബൈബി​ളി​ന്റെ വിശ്വാ​സ്യ​തയെ സ്ഥിരീ​ക​രി​ക്കാ​നുള്ള പണ്ഡി​തോ​ചിത മാർഗങ്ങൾ തേടു​ക​യും ചെയ്‌തു. പ്രഗത്‌ഭ ജർമൻ ഭാഷാ​പ​ണ്ഡി​ത​നായ കോൺസ്റ്റാൻറിൻ വോൺ തിഷെൻഡോർഫാ​യി​രു​ന്നു അവരി​ലൊ​രാൾ.

ബൈബിൾ പാഠത്തെ സ്ഥിരീ​ക​രി​ക്കാൻ കണ്ടുപി​ടി​ത്തങ്ങൾ സഹായി​ക്കു​ന്നു

ബൈബി​ളി​ന്റെ ആദിമ പാഠത്തെ തികച്ചും അസന്ദി​ഗ്‌ധ​മാ​യി സ്ഥിരീ​ക​രി​ക്കാ​നാ​കു​മെന്ന പ്രത്യാ​ശ​യിൽ തിഷെൻഡോർഫ്‌ പുരാതന ബൈബിൾ കയ്യെഴു​ത്തു പ്രതികൾ തേടി മധ്യപൂർവ​ദേ​ശ​ത്തു​കൂ​ടെ യാത്ര​ചെ​യ്‌തു. 1859-ൽ, ഡാർവിൻ വർഗോ​ത്‌പത്തി (ഇംഗ്ലീഷ്‌) പ്രസി​ദ്ധീ​ക​രിച്ച അതേ വർഷം​തന്നെ, തിഷെൻഡോർഫ്‌ സീനായി പർവത​ത്തി​ന്റെ അടിവാ​ര​ത്തുള്ള ഒരു ആശ്രമ​ത്തിൽ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ അറിയ​പ്പെ​ടു​ന്ന​തിൽവെച്ച്‌ ഏറ്റവും പഴക്കമുള്ള സമ്പൂർണ പ്രതി കണ്ടെത്തി. സൈനാ​റ്റി​ക്കസ്‌ കയ്യെഴു​ത്തു​പ്രതി എന്ന്‌ അതറി​യ​പ്പെ​ടു​ന്നു. സാധ്യ​ത​യ​നു​സ​രിച്ച്‌ അതു പ്രസി​ദ്ധീ​ക​രി​ച്ചത്‌ ജെറോം ലാറ്റിൻ വൾഗേറ്റ്‌ പൂർത്തീ​ക​രി​ക്കു​ന്ന​തിന്‌ 50 വർഷം മുമ്പാണ്‌. അദ്ദേഹം ആ കയ്യെഴു​ത്തു​പ്രതി ആശ്രമ​ത്തിൽനിന്ന്‌ നീക്കം ചെയ്‌ത​തി​ന്റെ ഔചി​ത്യം ഇപ്പോ​ഴും തർക്ക വിഷയ​മാ​ണെ​ങ്കി​ലും തിഷെൻഡോർഫ്‌ അതു പ്രസി​ദ്ധീ​ക​രി​ച്ചു. അങ്ങനെ അത്‌ പണ്ഡിത​ന്മാർക്കു ലഭ്യമാ​യി.a

സൈനാ​റ്റി​ക്കസ്‌ ഏറ്റവും പഴക്കം​ചെന്ന ആദിമ​ഭാ​ഷാ കയ്യെഴു​ത്തു​പ്ര​തി​ക​ളിൽ ഉൾപ്പെ​ട്ട​താ​യ​തി​നാൽ അത്‌, ഗ്രീക്കു തിരു​വെ​ഴു​ത്തു​ക​ളിൽ അടിസ്ഥാ​ന​പ​ര​മായ മാറ്റങ്ങ​ളൊ​ന്നും സംഭവി​ച്ചി​ട്ടി​ല്ലെന്നു വെളി​പ്പെ​ടു​ത്തുക മാത്രമല്ല, പിന്നീ​ടുള്ള കയ്യെഴു​ത്തു​പ്ര​തി​ക​ളിൽ നുഴഞ്ഞു​ക​യ​റിയ പിശകു​കൾ വെളി​ച്ച​ത്തു​കൊ​ണ്ടു​വ​രാൻ പണ്ഡിത​ന്മാ​രെ സഹായി​ക്കു​ക​യും ചെയ്‌തു. ദൃഷ്ടാ​ന്ത​ത്തിന്‌, 1 തിമൊ​ഥെ​യൊസ്‌ 3:16-ലെ, യേശു​വി​നെ​ക്കു​റി​ച്ചുള്ള പരാമർശനം സൈനാ​റ്റി​ക്ക​സിൽ ഇങ്ങനെ വായി​ക്കു​ന്നു: “അവൻ ജഡത്തിൽ പ്രത്യ​ക്ഷ​നാ​യി.” അന്ന്‌ അറിയ​പ്പെ​ട്ടി​രുന്ന മിക്ക കയ്യെഴു​ത്തു​പ്ര​തി​ക​ളും “അവൻ” എന്നതിന്റെ സ്ഥാനത്ത്‌ “ദൈവം” എന്നതിന്റെ സംക്ഷിപ്‌ത രൂപമാണ്‌ ഉപയോ​ഗി​ച്ചി​രു​ന്നത്‌. “അവൻ” എന്നതി​നുള്ള ഗ്രീക്കു പദത്തിൽ ചെറി​യൊ​രു മാറ്റം വരുത്തി​യാണ്‌ അതു രൂപ​പ്പെ​ടു​ത്തി​യത്‌. എന്നാൽ, “ദൈവം” എന്ന്‌ എഴുതി​യി​രി​ക്കുന്ന ഏതു ഗ്രീക്കു കയ്യെഴു​ത്തു​പ്ര​തി​യെ​ക്കാ​ളും വളരെ വർഷങ്ങൾ മുമ്പാണ്‌ സൈനാ​റ്റി​ക്കസ്‌ തയ്യാറാ​ക്കി​യത്‌. അങ്ങനെ, പാഠത്തിൽ പിൽക്കാ​ലത്ത്‌ പിശകു​കൾ കടന്നു​കൂ​ടി​യി​ട്ടു​ണ്ടെന്ന്‌ അതു വെളി​പ്പെ​ടു​ത്തി. തെളി​വ​നു​സ​രിച്ച്‌, ത്രി​ത്വോ​പ​ദേ​ശത്തെ പിന്താ​ങ്ങാൻവേണ്ടി അവതരി​പ്പി​ച്ച​താ​യി​രു​ന്നു അത്‌.

തിഷെൻഡോർഫി​ന്റെ കാലം​തൊട്ട്‌ കൂടുതൽ കയ്യെഴു​ത്തു​പ്ര​തി​കൾ കണ്ടെത്തി​യി​രി​ക്കു​ന്നു. ഇന്ന്‌, എബ്രായ തിരു​വെ​ഴു​ത്തു​ക​ളു​ടെ അറിയ​പ്പെ​ടുന്ന മൊത്തം കയ്യെഴു​ത്തു​പ്ര​തി​കൾ 6,000-വും ഗ്രീക്കു തിരു​വെ​ഴു​ത്തു​ക​ളു​ടേത്‌ 13,000-ത്തിലധി​ക​വു​മാണ്‌. ഇവയുടെ താരതമ്യ പഠനത്തി​ന്റെ ഫലമായി ഉറപ്പോ​ടെ വിശ്വ​സി​ക്കാ​നാ​കുന്ന ഒരു മൂലഭാ​ഷാ പാഠം ലഭിച്ചി​രി​ക്കു​ന്നു. പണ്ഡിത​നായ എഫ്‌. എഫ്‌. ബ്രൂസ്‌ അഭി​പ്രാ​യ​പ്പെ​ടുന്ന പ്രകാരം: “വ്യത്യസ്‌ത ഭാഷാ​ന്ത​രങ്ങൾ . . . പ്രധാന ചരിത്ര യാഥാർഥ്യ​ങ്ങൾക്കോ ക്രിസ്‌തീയ വിശ്വാസ-ആചാര​ങ്ങൾക്കോ മാറ്റം വരുത്തു​ന്നില്ല.” ഒട്ടനവധി ഭാഷക​ളി​ലേ​ക്കു​കൂ​ടി​യുള്ള ബൈബിൾ പരിഭാഷ തുടരവേ, ഈ വർധിച്ച അറിവ്‌ ആളുകൾക്ക്‌ എങ്ങനെ പ്രയോ​ജനം ചെയ്യു​മാ​യി​രു​ന്നു?

വാച്ച്‌ ടവർ സൊ​സൈ​റ്റി​യും ബൈബി​ളും

ബൈബിൾ അധ്യാ​പ​ക​രു​ടെ​യും വിദ്യാർഥി​ക​ളു​ടെ​യും ചെറു​തെ​ങ്കി​ലും ഉത്സാഹ​മുള്ള ഒരു കൂട്ടം 1881-ൽ രൂപീ​കൃ​ത​മാ​യി. ഇത്‌ പിൽക്കാ​ലത്ത്‌ വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റി​യാ​യി​ത്തീർന്നു. ആദ്യകാ​ലത്ത്‌, മറ്റു ബൈബിൾ സൊ​സൈ​റ്റി​കൾ പ്രസി​ദ്ധീ​ക​രിച്ച, തിഷെൻഡോർഫി​ന്റെ ഗ്രീക്ക്‌ തിരു​വെ​ഴു​ത്തു​കൾ ഉൾപ്പെ​ടെ​യുള്ള, ബൈബി​ളു​കൾ അവർ വിതരണം ചെയ്‌തു. എന്നാൽ 1890-ഓടെ അവർ വ്യത്യസ്‌ത ബൈബി​ളു​ക​ളു​ടെ മുദ്രണം ഏറ്റെടു​ത്തു​കൊണ്ട്‌ ആദ്യമാ​യി നേരിട്ട്‌ ബൈബിൾ പ്രസി​ദ്ധീ​ക​രി​ക്കാൻ ആരംഭി​ച്ചു. 1926-ൽ സൊ​സൈറ്റി സ്വന്തം പ്രസ്സു​ക​ളിൽ ബൈബിൾ അച്ചടി​ക്കാൻ തുടങ്ങി. എന്നാൽ ഒരു പരിഷ്‌ക​രിച്ച ബൈബിൾ പരിഭാ​ഷ​യു​ടെ ആവശ്യം കൂടുതൽ വ്യക്തമാ​കു​ക​യാ​യി​രു​ന്നു. കഴിഞ്ഞ നൂറ്റാ​ണ്ടി​ലെ കണ്ടുപി​ടി​ത്ത​ങ്ങ​ളി​ലൂ​ടെ​യും പഠനങ്ങ​ളി​ലൂ​ടെ​യും നേടിയ അറിവ്‌, സുഗ്രാ​ഹ്യ​മായ, താങ്ങാ​നാ​വുന്ന വിലയുള്ള ഒരു ബൈബി​ളിൽ ഉൾപ്പെ​ടു​ത്താൻ കഴിയു​മാ​യി​രു​ന്നോ? ഈ ലക്ഷ്യത്തിൽ, തിരു​വെ​ഴു​ത്തു​ക​ളു​ടെ ഒരു പുതിയ പരിഭാഷ പുറത്തി​റ​ക്കാൻ 1946-ൽ സൊ​സൈ​റ്റി​യി​ലെ അംഗങ്ങൾ പരിപാ​ടി​യി​ട്ടു.

ഒരു പരിഭാഷ, അനേകം ഭാഷകൾ

വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം ഇംഗ്ലീ​ഷിൽ പ്രസി​ദ്ധീ​ക​രി​ക്കാ​നാ​യി യോഗ്യ​രായ അഭിഷിക്ത ക്രിസ്‌ത്യാ​നി​ക​ളു​ടെ ഒരു കമ്മിറ്റി സംഘടി​പ്പി​ക്ക​പ്പെട്ടു. 1950 മുതൽ 1960 വരെയുള്ള കാലയ​ള​വിൽ ആറ്‌ വാല്യ​ങ്ങ​ളാ​യി അതു പുറത്തി​റക്കി. തുടക്കം ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലാ​യി​രു​ന്നു. 1963 മുതൽ അത്‌ മറ്റ്‌ 27 ഭാഷക​ളി​ലേ​ക്കു​കൂ​ടി പരിഭാ​ഷ​പ്പെ​ടു​ത്തി​യി​ട്ടുണ്ട്‌. കൂടുതൽ ഭാഷക​ളിൽ പരിഭാഷ പുരോ​ഗ​മി​ച്ചു​കൊ​ണ്ടി​രി​ക്കു​ന്നു. ഇംഗ്ലീ​ഷി​ന്റെ കാര്യ​ത്തിൽ ലക്ഷ്യം എന്തായി​രു​ന്നു​വോ അതുത​ന്നെ​യാണ്‌ മറ്റു ഭാഷക​ളു​ടെ കാര്യ​ത്തി​ലും. ഒന്നാമ​താ​യി, പരിഭാഷ കൃത്യ​ത​യു​ള്ളത്‌, മൂല ആശയങ്ങ​ളോട്‌ സാധി​ക്കു​ന്നത്ര അടുത്തു പറ്റിനിൽക്കു​ന്നത്‌ ആയിരി​ക്കണം. ഒരു പ്രത്യേക ഉപദേ​ശ​പ​ര​മായ ഗ്രാഹ്യ​ത്തോ​ടുള്ള യോജി​പ്പിൽ അർഥം വളച്ചൊ​ടി​ച്ച​താ​യി​രി​ക്ക​രുത്‌. രണ്ടാമ​താ​യി, പൂർവാ​പ​ര​യോ​ജിപ്പ്‌ നിലനിർത്തണം. സന്ദർഭം ന്യായ​യു​ക്ത​മാ​യും അനുവ​ദി​ക്കു​ന്നി​ട​ത്തോ​ളം, ഓരോ പ്രധാന പദങ്ങൾക്കും ഒരേ പരിഭാഷ തന്നെയാ​യി​രി​ക്കണം. ബൈബി​ളെ​ഴു​ത്തു​കാർ നിശ്ചിത പദങ്ങൾ ഉപയോ​ഗിച്ച വിധം മനസ്സി​ലാ​ക്കാൻ അത്തര​മൊ​രു സമീപനം വായന​ക്കാ​രെ സഹായി​ക്കു​ന്നു. മൂന്നാ​മ​താ​യി, അർഥം അവ്യക്ത​മാ​കാ​തെ​തന്നെ, സാധി​ക്കു​ന്നത്ര പദാനു​പ​ദ​മാ​യി​ട്ടാ​യി​രി​ക്കണം പരിഭാഷ. പദാനു​പദ പരിഭാഷ മൂലഭാ​ഷ​ക​ളു​ടെ സ്വഭാ​വ​വും ബന്ധപ്പെട്ട ചിന്താ​ധാ​ര​യും വളരെ അടുത്തു മനസ്സി​ലാ​ക്കാൻ വായന​ക്കാ​രനെ സഹായി​ക്കു​ന്നു. നാലാ​മ​താ​യി, അത്‌ സാധാരണ ജനങ്ങൾക്ക്‌ എളുപ്പം വായി​ക്കാ​നും ഗ്രഹി​ക്കാ​നും കഴിയു​ന്ന​താ​യി​രി​ക്കണം.

ഇംഗ്ലീ​ഷി​ലു​ള്ള പുതി​യ​ലോക ഭാഷാ​ന്ത​ര​ത്തി​ന്റെ മിക്കവാ​റും പദാനു​പ​ദ​മായ പരിഭാ​ഷാ​രീ​തി അത്‌ മറ്റു ഭാഷക​ളി​ലേക്കു പരിഭാ​ഷ​പ്പെ​ടു​ത്തു​ന്നത്‌ കൂടുതൽ എളുപ്പ​മാ​ക്കു​ന്നു. ഈ ഉദ്ദേശ്യ​ത്തിൽ, തങ്ങളുടെ വേല ത്വരി​ത​പ്പെ​ടു​ത്തു​ന്ന​തി​നും കൂടുതൽ കൃത്യ​ത​യു​ള്ള​താ​ക്കു​ന്ന​തി​നും വേണ്ടി സൊ​സൈ​റ്റി​യു​ടെ പരിഭാ​ഷാ സംഘങ്ങൾ ഇപ്പോൾ ആധുനിക കമ്പ്യൂ​ട്ടർവ​ത്‌കൃത ഉപാധി​കൾ ഉപയോ​ഗി​ക്കു​ന്നു. ഓരോ പ്രധാന പദങ്ങളു​ടെ​യും തത്തുല്യ നാട്ടു​ഭാ​ഷാ പദങ്ങളു​ടെ പട്ടിക സമാഹ​രി​ക്കു​ന്ന​തിന്‌ ഈ സംവി​ധാ​നം പരിഭാ​ഷ​കരെ സഹായി​ക്കു​ന്നു. ബൈബി​ളി​ലെ ഓരോ എബ്രായ-ഗ്രീക്ക്‌ പദത്തി​ന്റെ​യും ഇംഗ്ലീഷ്‌ പരിഭാഷ പഠിക്കാ​നും അത്‌ അവരെ പ്രാപ്‌ത​രാ​ക്കു​ന്നു.

എബ്രായ-ഗ്രീക്കു ഭാഷക​ളിൽനി​ന്നു നേരിട്ടു പരിഭാ​ഷ​പ്പെ​ടു​ത്തു​ന്ന​തി​നു പകരം ഇംഗ്ലീ​ഷിൽനി​ന്നു പരിഭാ​ഷ​പ്പെ​ടു​ത്തു​ന്ന​തു​കൊണ്ട്‌ പ്രധാ​ന​പ്പെട്ട ചില നേട്ടങ്ങ​ളുണ്ട്‌. പരിഭാ​ഷാ​സ​മയം കുറയ്‌ക്കു​ന്ന​തി​നു പുറമേ അത്‌ എല്ലാ ഭാഷക​ളി​ലും വർധിച്ച ആശയ​പ്ര​കടന ഐക്യം സാധ്യ​മാ​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ ഒരു പുരാതന ഭാഷയിൽനി​ന്നു വ്യത്യസ്‌ത ആധുനിക ഭാഷക​ളി​ലേക്കു പരിഭാ​ഷ​പ്പെ​ടു​ത്തു​ന്ന​തി​നെ അപേക്ഷിച്ച്‌ ഒരു ആധുനിക ഭാഷയിൽനി​ന്നു മറ്റ്‌ ആധുനിക ഭാഷക​ളി​ലേക്കു കൃത്യ​മാ​യി പരിഭാ​ഷ​പ്പെ​ടു​ത്തുക വളരെ​യേറെ എളുപ്പ​മാണ്‌. പരിഭാ​ഷ​കർക്ക്‌ ആധുനിക ഭാഷകൾ സംസാ​രി​ക്കുന്ന തദ്ദേശീ​യ​രു​മാ​യി കൂടി​യാ​ലോ​ചി​ക്കാൻ കഴിയും, എന്നാൽ ആയിര​ക്ക​ണ​ക്കി​നു വർഷങ്ങൾ മുമ്പ്‌ സംസാ​രി​ച്ചി​രുന്ന ഭാഷക​ളു​ടെ കാര്യ​ത്തിൽ അതു സാധ്യ​മ​ല്ല​ല്ലോ.

സകല ജനതകൾക്കും വേണ്ടി​യുള്ള സുവാർത്ത

ബൈബി​ളി​നെ ഭൂമി​യിൽ ഏറ്റവും വ്യാപ​ക​മാ​യി ലഭ്യമായ പുസ്‌ത​ക​മാ​ക്കാൻ സഹായിച്ച നിശ്ചയ​ദാർഢ്യ​മുള്ള സ്‌ത്രീ​പു​രു​ഷ​ന്മാ​രെ​ക്കു​റിച്ച്‌ ഇനിയും വളരെ​ക്കൂ​ടു​തൽ എഴുതാൻ കഴിയും. നൂറ്റാ​ണ്ടു​കൾകൊണ്ട്‌, കുറഞ്ഞത്‌ 400 കോടി ബൈബി​ളു​ക​ളും ബൈബി​ളി​ന്റെ ഭാഗങ്ങ​ളും ലോകത്തെ 90 ശതമാ​ന​ത്തി​ല​ധി​കം ആളുകൾ സംസാ​രി​ക്കുന്ന രണ്ടായി​ര​ത്തി​ല​ധി​കം ഭാഷക​ളി​ലാ​യി അച്ചടി​ച്ചി​രി​ക്കു​ന്നു!

ദൈവ​രാ​ജ്യം നമ്മുടെ നാളിൽ ലോക​വ്യാ​പ​ക​മാ​യി ഘോഷി​ക്ക​പ്പെ​ടു​മെന്നു ബൈബിൾ മുൻകൂ​ട്ടി​പ്പ​റഞ്ഞു. ഈ ലക്ഷ്യത്തിൽ, ബൈബിൾ മിക്കവാ​റും സാർവ​ദേ​ശീ​യ​മാ​യി ലഭ്യമാ​ക്കു​ന്ന​തിൽ വ്യക്തമാ​യും യഹോ​വ​യാം ദൈവം​തന്നെ മനുഷ്യ​രെ നയിച്ചി​ട്ടുണ്ട്‌. (മത്തായി 13:47, 48; 24:14) ധാർമിക അന്ധകാരം ബാധിച്ച ഒരു ലോക​ത്തി​ലെ ആത്മീയ വെളി​ച്ച​ത്തി​ന്റെ ഏക സ്രോ​ത​സ്സായ ദൈവ​വ​ചനം നമുക്കു നൽകു​ന്ന​തി​നാ​യി കഴിഞ്ഞ​കാ​ലത്തെ നിർഭ​യ​രായ ബൈബിൾ പരിഭാ​ഷ​ക​രും പ്രസാ​ധ​ക​രും തങ്ങൾക്കുള്ള സകലതും അപകട​ത്തി​ലാ​ക്കി. അവർ പ്രദർശി​പ്പിച്ച അതേ ബോധ്യ​ത്തോ​ടെ, ആ വചനം വായി​ക്കാ​നും അതനു​സ​രി​ച്ചു ജീവി​ക്കാ​നും മറ്റുള്ള​വ​രു​മാ​യി പങ്കു​വെ​ക്കാ​നും അവരുടെ ദൃഷ്ടാന്തം നമ്മെ പ്രേരി​പ്പി​ക്കട്ടെ. അതേ, നിങ്ങളു​ടെ കൈവ​ശ​മുള്ള ആശ്രയ​യോ​ഗ്യ​മായ ബൈബി​ളിൽനിന്ന്‌ ദിനം​പ്രതി പരമാ​വധി പ്രയോ​ജനം നേടുക!—യെശയ്യാ​വു 40:6-8.

[അടിക്കു​റി​പ്പു​കൾ]

[12-ാം പേജിലെ ചാർട്ട്‌]

ബൈബിൾ പരിഭാ​ഷ​യി​ലെ വളർച്ച

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഭാഷകളുടെ എണ്ണം

1 യഹൂദ​ന്മാർ എബ്രായ തിരു​വെ​ഴു​ത്തു​കൾ ഗ്രീക്കി​ലേക്കു പരിഭാ​ഷ​പ്പെ​ടു​ത്താൻ തുടങ്ങു​ന്നു

പൊ.യു.മു. ഏതാണ്ട്‌ 280

12 ജെറോം ലാറ്റിൻ വൾഗേറ്റ്‌ പൂർത്തി​യാ​ക്കു​ന്നു പൊ.യു. ഏതാണ്ട്‌ 400

35 ഗുട്ടെൻബർഗ്‌ അച്ചടിച്ച തന്റെ ആദ്യ​ബൈ​ബിൾ പൂർത്തി​യാ​ക്കു​ന്നു ഏതാണ്ട്‌ 1455

81 ബ്രിട്ടീഷ്‌ ആൻഡ്‌ ഫോറിൻ ബൈബിൾ സൊ​സൈറ്റി 1804-ൽ സ്ഥാപി​ത​മാ​യി

ഭാഷകളുടെ കണക്കാ​ക്ക​പ്പെട്ട എണ്ണം വർഷാ​ടി​സ്ഥാ​ന​ത്തിൽ

522

1900

600

700

800

900

1,049

1950

1,100

1,200

1,300

1,471

1970

2,123

1996

2,200

2,300

2,400

[കടപ്പാട]

Sources: Christianity Today, United Bible Society

[9-ാം പേജിലെ ചിത്ര​ത്തിന്‌ കടപ്പാട]

Mountain High Maps® Copyright © 1995 Digital Wisdom, Inc.

[8-ാം പേജിലെ ചിത്രം]

ജഡ്‌സനെ ബന്ധിച്ച്‌ വലിച്ചി​ഴ​ച്ചു​കൊ​ണ്ടു​പോ​യി

[കടപ്പാട]

ഉറവിട ഗ്രന്ഥം Judson the Hero of Burma, by Jesse Page

[10-ാം പേജിലെ ചിത്രം]

സീനായി പർവത​ത്തി​ന്റെ അടിവാ​ര​ത്തുള്ള ഈ ആശ്രമ​ത്തി​ലെ വിലപി​ടി​പ്പുള്ള ഒരു കയ്യെഴു​ത്തു​പ്രതി തിഷെൻഡോർഫ്‌ സംരക്ഷി​ച്ചു

[കടപ്പാട]

Pictorial Archive (Near Eastern History) Est.