ലോക​ത്തി​ലെ​ങ്കി​ലും അതിന്റെ ഭാഗമല്ല

“നിങ്ങൾ ലോക​ത്തി​ന്റെ ഭാഗമല്ല, . . . ഇക്കാര​ണ​ത്താൽ ലോകം നിങ്ങളെ വെറു​ക്കു​ന്നു.”—യോഹ​ന്നാൻ 15:19, NW.

1. ക്രിസ്‌ത്യാ​നി​കൾക്കു ലോക​വു​മാ​യി എന്തു ബന്ധമാ​ണു​ള്ളത്‌, എങ്കിലും ലോകം അവരെ വീക്ഷി​ക്കു​ന്ന​തെ​ങ്ങനെ?

ശിഷ്യ​ന്മാ​രോ​ടൊ​ത്തുള്ള തന്റെ അവസാന രാത്രി​യിൽ യേശു അവരോ​ടു പറഞ്ഞു: “നിങ്ങൾ ലോക​ത്തി​ന്റെ ഭാഗമല്ല.” അവൻ ഏതു ലോക​ത്തെ​പ്പ​റ്റി​യാ​യി​രു​ന്നു സംസാ​രി​ച്ചത്‌? “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു” എന്ന്‌ മുമ്പൊ​രു സന്ദർഭ​ത്തിൽ അവൻ പറഞ്ഞി​രു​ന്നി​ല്ലേ? (യോഹ​ന്നാൻ 3:16) ശിഷ്യ​ന്മാർ വ്യക്തമാ​യും ആ ലോക​ത്തി​ന്റെ ഭാഗമാ​യി​രു​ന്നു, കാരണം നിത്യ​ജീ​വ​നാ​യി യേശു​വിൽ ആദ്യം വിശ്വാ​സം പ്രകട​മാ​ക്കി​യത്‌ അവരാ​യി​രു​ന്നു. അങ്ങനെ​യെ​ങ്കിൽ, യേശു എന്തിനാണ്‌ ഇപ്പോൾ ശിഷ്യ​ന്മാർ ലോക​ത്തിൽനി​ന്നു വേറി​ട്ട​വ​രാ​ണെന്നു പറയു​ന്നത്‌? “നിങ്ങൾ ലോക​ത്തി​ന്റെ ഭാഗമല്ല, . . . ഇക്കാര​ണ​ത്താൽ ലോകം നിങ്ങളെ വെറു​ക്കു​ന്നു” എന്നും അവൻ പറയു​ന്ന​തെ​ന്തു​കൊണ്ട്‌?—യോഹ​ന്നാൻ 15:19, NW.

2, 3. (എ) ക്രിസ്‌ത്യാ​നി​കൾ ഏതു “ലോക”ത്തിന്റെ ഭാഗമാ​യി​രി​ക്ക​രുത്‌? (ബി) ക്രിസ്‌ത്യാ​നി​കൾ ഭാഗമ​ല്ലാത്ത “ലോക”ത്തെക്കു​റി​ച്ചു ബൈബിൾ എന്തു പറയുന്നു?

² “ലോകം” (ഗ്രീക്ക്‌, കോസ്‌മോസ്‌) എന്ന പദം ബൈബിൾ വ്യത്യസ്‌ത വിധങ്ങ​ളിൽ ഉപയോ​ഗി​ക്കു​ന്നു​വെ​ന്ന​താണ്‌ ഉത്തരം. മുൻലേ​ഖ​ന​ത്തിൽ വിശദ​മാ​ക്കി​യ​തു​പോ​ലെ, ബൈബി​ളിൽ “ലോകം” എന്നത്‌ ചില​പ്പോൾ പൊതു​വേ മനുഷ്യ​വർഗത്തെ പരാമർശി​ക്കു​ന്നു. ഇതാണു ദൈവം സ്‌നേ​ഹിച്ച ലോകം, ഈ ലോക​ത്തി​നു​വേ​ണ്ടി​യാണ്‌ യേശു മരിച്ചത്‌. എന്നിരു​ന്നാ​ലും, ദി ഓക്‌സ്‌ഫോർഡ്‌ ഹിസ്റ്ററി ഓഫ്‌ ക്രിസ്റ്റ്യാ​നി​റ്റി പ്രസ്‌താ​വി​ക്കു​ന്നു: “ക്രിസ്‌തീയ പദപ്ര​യോ​ഗ​ങ്ങ​ളിൽ ദൈവ​ത്തിൽനിന്ന്‌ അന്യ​പ്പെ​ട്ട​തും അവനു വിരോ​ധ​വു​മായ എന്തെങ്കി​ലും സംഗതി​യെ സൂചി​പ്പി​ക്കാ​നും ‘ലോകം’ എന്ന പദം ഉപയോ​ഗി​ക്കു​ന്നുണ്ട്‌.” ഇതെങ്ങനെ ശരിയാ​കും? കത്തോ​ലി​ക്കാ എഴുത്തു​കാ​ര​നായ റോളൻ മിനരറ്റ്‌, ലേ ക്രേത്യൻ ആ ലാ മോണ്ട്‌ (ക്രിസ്‌ത്യാ​നി​ക​ളും ലോക​വും) എന്ന തന്റെ പുസ്‌ത​ക​ത്തിൽ വിശദ​മാ​ക്കു​ന്നു: “അനാദ​ര​സൂ​ച​ക​മായ അർഥത്തി​ലെ​ടു​ത്താൽ, ലോകം . . . ദൈവ​ത്തി​നെ​തി​രായ ശക്തികൾ പ്രവർത്തി​ക്കു​ന്ന​തും ക്രിസ്‌തു​വി​ന്റെ വിജയ​ക​ര​മായ ഭരണ​ത്തോ​ടുള്ള എതിർപ്പി​നാൽ സാത്താന്റെ നിയ​ന്ത്ര​ണ​ത്തിൻകീ​ഴിൽ ഒരു ശത്രു​സാ​മ്രാ​ജ്യ​മാ​യി​രി​ക്കു​ന്നതു​മായ ഒരു മേഖല​യാ​യി കാണ​പ്പെ​ടു​ന്നു.” ഈ “ലോകം” ദൈവ​ത്തിൽനിന്ന്‌ അന്യപ്പെട്ട മനുഷ്യ​സ​മൂ​ഹ​മാണ്‌. സത്യ​ക്രി​സ്‌ത്യാ​നി​കൾ ഈ ലോക​ത്തി​ന്റെ ഭാഗമല്ല, അത്‌ അവരെ ദ്വേഷി​ക്കു​ന്നു.

³ ഒന്നാം നൂറ്റാ​ണ്ടി​ന്റെ അവസാ​ന​ത്തോ​ടെ, ഈ ലോകത്തെ ഉദ്ദേശിച്ച്‌ യോഹ​ന്നാൻ എഴുതി: “ലോക​ത്തെ​യും ലോക​ത്തി​ലു​ള്ള​തി​നെ​യും സ്‌നേ​ഹി​ക്ക​രു​തു. ഒരുവൻ ലോകത്തെ സ്‌നേ​ഹി​ക്കു​ന്നു​വെ​ങ്കിൽ അവനിൽ പിതാ​വി​ന്റെ സ്‌നേഹം ഇല്ല. ജഡമോ​ഹം, കണ്മോഹം, ജീവന​ത്തി​ന്റെ പ്രതാപം ഇങ്ങനെ ലോക​ത്തി​ലു​ള്ളതു എല്ലാം പിതാ​വിൽനി​ന്നല്ല, ലോക​ത്തിൽനി​ന്ന​ത്രേ ആകുന്നു.” (1 യോഹ​ന്നാൻ 2:15, 16) കൂടാതെ “നാം ദൈവ​ത്തിൽനി​ന്നു​ള്ളവർ എന്നു നാം അറിയു​ന്നു. സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്നും അവൻ എഴുതി. (1 യോഹ​ന്നാൻ 5:19) യേശു​ത​ന്നെ​യും സാത്താനെ “ഈ ലോക​ത്തി​ന്റെ ഭരണാ​ധി​പൻ” എന്നാണു വിളി​ച്ചത്‌.—യോഹ​ന്നാൻ 12:31; 16:11.

ലോക​ശ​ക്തി​ക​ളു​ടെ വളർച്ച

4. ലോക​ശ​ക്തി​കൾ അസ്‌തി​ത്വ​ത്തിൽ വന്നതെ​ങ്ങനെ?

⁴ ഇപ്പോൾ സ്ഥിതി​ചെ​യ്യുന്ന, ദൈവ​ത്തിൽനിന്ന്‌ അന്യപ്പെട്ട മനുഷ്യ​വർഗ​ലോ​കം നോഹ​യു​ടെ നാളിലെ പ്രളയ​ത്തി​നു​ശേഷം അവന്റെ അനേകം പിൻഗാ​മി​ക​ളും യഹോ​വയെ ആരാധി​ക്കു​ന്നത്‌ നിർത്തിയ സമയം​മു​തൽ വികാസം പ്രാപി​ക്കാൻ തുടങ്ങി​യ​താണ്‌. നഗരനിർമാ​താ​വും “യഹോ​വ​യ്‌ക്കെ​തി​രെ ഒരു നായാട്ടു വീരനു​മാ​യി​രുന്ന” നി​മ്രോദ്‌ ആയിരു​ന്നു ആദ്യകാല പ്രമുഖൻ. (ഉല്‌പത്തി 10:8-12, NW) അക്കാലത്ത്‌ ഈ ലോക​ത്തി​ന്റെ നല്ലൊ​രു​ഭാ​ഗ​വും കൊച്ചു​നഗര രാജ്യ​ങ്ങ​ളാ​യി സംഘടി​പ്പി​ക്ക​പ്പെ​ട്ടി​രു​ന്നു. അവ ഇടയ്‌ക്കി​ടെ സംഖ്യം​ചേർന്ന്‌ പരസ്‌പരം യുദ്ധം ചെയ്യു​മാ​യി​രു​ന്നു. (ഉല്‌പത്തി 14:1-9) ചില നഗരരാ​ജ്യ​ങ്ങൾ മറ്റുള്ള​വ​യു​ടെ​മേൽ ആധിപ​ത്യം നേടി മേഖലാ ശക്തിക​ളാ​യി​ത്തീർന്നു. ചില മേഖലാ ശക്തികൾ അവസാനം വൻ ലോക​ശ​ക്തി​ക​ളു​മാ​യി​ത്തീർന്നു.

5, 6. (എ) ബൈബിൾ ചരി​ത്ര​ത്തി​ലെ ഏഴു ലോക​ശ​ക്തി​കൾ ഏതെല്ലാം? (ബി) ഈ ലോക​ശ​ക്തി​കൾ എങ്ങനെ പ്രതി​നി​ധാ​നം ചെയ്യ​പ്പെ​ട്ടി​രി​ക്കു​ന്നു, അവർക്ക്‌ അധികാ​രം ലഭിക്കു​ന്നത്‌ എവി​ടെ​നിന്ന്‌?

⁵ നി​മ്രോ​ദി​ന്റെ മാതൃക പിൻപ​റ്റിയ, ലോക​ശ​ക്തി​ക​ളു​ടെ ഭരണാ​ധി​പ​ന്മാർ യഹോ​വയെ ആരാധി​ച്ചില്ല. ആ വസ്‌തുത ക്രൂര​വും അക്രമാ​സ​ക്ത​വു​മായ അവരുടെ പ്രവൃ​ത്തി​ക​ളിൽ പ്രതി​ഫ​ലി​ച്ചി​രു​ന്നു. തിരു​വെ​ഴു​ത്തു​ക​ളിൽ ഈ ലോക​ശ​ക്തി​കളെ പ്രതീ​കാ​ത്മ​ക​മാ​യി കാട്ടു​മൃ​ഗ​ങ്ങ​ളാ​യാണ്‌ ചിത്രീ​ക​രി​ക്കു​ന്നത്‌. നൂറ്റാ​ണ്ടു​ക​ളി​ലൂ​ടെ, യഹോ​വ​യു​ടെ ജനത്തി​ന്റെ​മേൽ ശക്തമായ സ്വാധീ​നം ചെലു​ത്തി​യി​ട്ടുള്ള ആറു ശക്തികളെ ബൈബിൾ തിരി​ച്ച​റി​യി​ക്കു​ന്നു. ഇവ ഈജി​പ്‌ത്‌, അസ്സീറിയ, ബാബി​ലോൻ, മേദോ പേർഷ്യ, ഗ്രീസ്‌, റോം എന്നിവ​യാ​യി​രു​ന്നു. റോമി​നു​ശേഷം, ഏഴാമത്തെ വൻശക്തി രംഗ​പ്ര​വേശം ചെയ്യു​മെന്നു പ്രവചി​ക്ക​പ്പെട്ടു. (ദാനീ​യേൽ 7:3-7; 8:3-7, 20, 21; വെളി​പ്പാ​ടു 17:9, 10) ഇത്‌ ബ്രിട്ടീഷ്‌ സാമ്രാ​ജ്യ​വും അതിന്റെ സഖ്യരാ​ജ്യ​മായ ഐക്യ​നാ​ടു​ക​ളും ഉൾപ്പെട്ട ആംഗ്ലോ-അമേരി​ക്കൻ ലോക​ശ​ക്തി​യാ​ണെന്നു തെളിഞ്ഞു. എന്നാൽ റോമാ സാമ്രാ​ജ്യ​ത്തി​ന്റെ അവസാന തരിമ്പും അപ്രത്യ​ക്ഷ​മാ​യ​തി​നു​ശേഷം വികാസം പ്രാപിച്ച ഈ ബ്രിട്ടീഷ്‌ സാമ്രാ​ജ്യ​ത്തെ ശക്തിയു​ടെ കാര്യ​ത്തിൽ ഐക്യ​നാ​ടു​കൾ അവസാനം നിഷ്‌പ്ര​ഭ​മാ​ക്കു​ക​യാ​ണു​ണ്ടാ​യത്‌.a

⁶ അസ്വസ്ഥ​മായ മനുഷ്യ​സ​മു​ദ്ര​ത്തിൽനി​ന്നും പൊന്തി​വ​രുന്ന ഏഴു തലയുള്ള കാട്ടു​മൃ​ഗ​ത്തി​ന്റെ തലകൾ ഒന്നിനു​പു​റകേ ഒന്നായി വന്ന ഏഴു ലോക​ശ​ക്തി​കളെ പ്രതി​നി​ധാ​നം ചെയ്യുന്നു. (യെശയ്യാ​വു 17:12, 13; 57:20, 21; വെളി​പ്പാ​ടു 13:1) വാഴ്‌ച​ന​ട​ത്തുന്ന ഈ മൃഗത്തിന്‌ അധികാ​രം കൊടു​ക്കു​ന്ന​താ​രാണ്‌? ബൈബിൾ ഉത്തരം പറയുന്നു: “അതിന്നു മഹാസർപ്പം തന്റെ ശക്തിയും സിംഹാ​സ​ന​വും വലിയ അധികാ​ര​വും കൊടു​ത്തു.” (വെളി​പ്പാ​ടു 13:2) മഹാസർപ്പം മറ്റാരു​മല്ല, പിശാ​ചായ സാത്താ​നാണ്‌.—ലൂക്കൊസ്‌ 4:5, 6; വെളി​പ്പാ​ടു 12:9.

വരാനി​രി​ക്കുന്ന ദൈവ​രാ​ജ്യ​ഭ​രണം

7. ക്രിസ്‌ത്യാ​നി​കൾ എന്തിൽ പ്രത്യാശ വെക്കുന്നു, ഇത്‌ ലോക​ഗ​വൺമെൻറു​ക​ളോ​ടുള്ള അവരുടെ ബന്ധത്തെ ബാധി​ച്ചി​രി​ക്കു​ന്ന​തെ​ങ്ങനെ?

⁷ “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന്‌ 2,000 വർഷ​ത്തോ​ള​മാ​യി ക്രിസ്‌ത്യാ​നി​കൾ പ്രാർഥി​ച്ചി​രി​ക്കു​ന്നു. (മത്തായി 6:10) ദൈവ​രാ​ജ്യ​ത്തി​നു​മാ​ത്രമേ ഭൂമി​യിൽ യഥാർഥ സമാധാ​നം കൈവ​രു​ത്താ​നാ​കു​ക​യു​ള്ളു​വെന്നു യഹോ​വ​യു​ടെ സാക്ഷി​കൾക്ക​റി​യാം. ബൈബിൾ പ്രവച​നങ്ങൾ സസൂക്ഷ്‌മം നിരീ​ക്ഷി​ക്കു​ന്ന​തു​കൊണ്ട്‌, ഈ പ്രാർഥ​ന​യ്‌ക്ക്‌ ഉടൻ ഉത്തരം ലഭിക്കു​മെ​ന്നും താമസി​യാ​തെ ആ രാജ്യം ഭൂമി​യു​ടെ കാര്യാ​ദി​ക​ളു​ടെ നിയ​ന്ത്രണം ഏറ്റെടു​ക്കു​മെ​ന്നും അവർക്കു ബോധ്യ​മുണ്ട്‌. (ദാനീ​യേൽ 2:44) ഈ രാജ്യ​ത്തോ​ടു വിധേ​യ​ത്വം പ്രകട​മാ​ക്കു​ന്ന​തു​കൊണ്ട്‌, അവർ ലോക​ഗ​വൺമെൻറു​ക​ളു​ടെ കാര്യ​ത്തിൽ നിഷ്‌പക്ഷത പാലി​ക്കു​ന്നു.

8. സങ്കീർത്തനം 2-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലെ, ദൈവ​രാ​ജ്യ ഭരണ​ത്തോ​ടു ഗവൺമെൻറു​കൾ എങ്ങനെ പ്രതി​ക​രി​ക്കു​ന്നു?

⁸ മതതത്ത്വ​ങ്ങൾ പാലി​ക്കു​ന്നു​വെന്ന്‌ അവകാ​ശ​പ്പെ​ടുന്ന ചില രാഷ്‌ട്ര​ങ്ങ​ളുണ്ട്‌. എന്നാൽ അവരുടെ പ്രവൃത്തി യഹോവ അഖിലാണ്ഡ പരമാ​ധി​കാ​രി​യാ​ണെ​ന്നും ഭൂമി​യു​ടെ​മേൽ അധികാ​രം കൊടുത്ത്‌ അവൻ യേശു​വി​നെ സ്വർഗീയ രാജാ​വാ​യി വാഴി​ച്ചി​രി​ക്കു​ക​യാ​ണെ​ന്നു​മുള്ള വസ്‌തുത അവഗണി​ക്കു​ന്ന​താണ്‌. (ദാനീ​യേൽ 4:17; വെളി​പ്പാ​ടു 11:15) ഒരു പ്രാവ​ച​നിക സങ്കീർത്തനം പ്രസ്‌താ​വി​ക്കു​ന്നു: “യഹോ​വെ​ക്കും അവന്റെ അഭിഷി​ക്ത​ന്നും വിരോ​ധ​മാ​യി ഭൂമി​യി​ലെ രാജാ​ക്ക​ന്മാർ എഴു​ന്നേ​ല്‌ക്ക​യും അധിപ​തി​കൾ തമ്മിൽ ആലോ​ചി​ക്ക​യും ചെയ്യു​ന്നതു: നാം അവരുടെ കെട്ടു​കളെ പൊട്ടി​ച്ചു അവരുടെ കയറു​കളെ എറിഞ്ഞു​കളക.” (സങ്കീർത്തനം 2:2, 3) തങ്ങളുടെ ദേശീയ പരമാ​ധി​കാ​രം പ്രയോ​ഗി​ക്കു​ന്ന​തി​നെ പരിമി​ത​പ്പെ​ടു​ത്തുന്ന ദിവ്യ ‘കെട്ടു​ക​ളോ കയറു​ക​ളോ’ ഗവൺമെൻറു​കൾ അംഗീ​ക​രി​ക്കു​ന്നില്ല. അതു​കൊണ്ട്‌, യഹോവ യേശു​വി​നോട്‌, തന്റെ തിര​ഞ്ഞെ​ടു​ക്ക​പ്പെട്ട രാജാ​വി​നോ​ടു പറയുന്നു: “എന്നോടു ചോദി​ച്ചു​കൊൾക; ഞാൻ നിനക്കു ജാതി​കളെ അവകാ​ശ​മാ​യും ഭൂമി​യു​ടെ അററങ്ങളെ കൈവ​ശ​മാ​യും തരും; ഇരിമ്പു​കോൽകൊ​ണ്ടു നീ അവരെ തകർക്കും; കുശവന്റെ പാത്രം​പോ​ലെ അവരെ ഉടെക്കും.” (സങ്കീർത്തനം 2:8, 9) എന്നിരു​ന്നാ​ലും, യേശു മരിച്ചത്‌ മനുഷ്യ​വർഗ​ലോ​ക​ത്തി​നു​വേ​ണ്ടി​യാ​യ​തി​നാൽ അതു പൂർണ​മാ​യും ‘തകർക്ക​പ്പെ​ടുക’യില്ല.—യോഹ​ന്നാൻ 3:17.

“മൃഗ”ത്തിന്റെ “മുദ്ര” ഒഴിവാ​ക്കൽ

9, 10. (എ) വെളി​പ്പാ​ടു പുസ്‌ത​ക​ത്തിൽ നമുക്ക്‌ എന്തി​നെ​ക്കു​റി​ച്ചു മുന്നറി​വു നൽകി​യി​രി​ക്കു​ന്നു? (ബി) ‘മൃഗത്തി​ന്റെ മുദ്ര’ ധരിക്കു​ന്ന​തി​ന്റെ പ്രതീ​കാ​ത്മക അർഥ​മെന്ത്‌? (സി) ദൈവ​ദാ​സ​ന്മാർ എന്തു മുദ്ര സ്വീക​രി​ക്കു​ന്നു?

⁹ ദൈവ​ത്തിൽനിന്ന്‌ അന്യപ്പെട്ട മനുഷ്യ​വർഗ​ലോ​കം അതിന്റെ അന്ത്യ​ത്തോട്‌ അടുക്കു​മ്പോൾ അധിക​മ​ധി​കം നിബന്ധ​നകൾ വെക്കു​മെന്ന്‌ യോഹ​ന്നാ​നു ലഭിച്ച വെളി​പ്പാ​ടു മുന്നറി​യി​പ്പു നൽകുന്നു: “ചെറി​യ​വ​രും വലിയ​വ​രും സമ്പന്നന്മാ​രും ദരി​ദ്ര​ന്മാ​രും സ്വത​ന്ത്ര​ന്മാ​രും ദാസന്മാ​രു​മായ എല്ലാവർക്കും വല​ങ്കൈ​മേ​ലോ നെററി​യി​ലോ മുദ്ര കിട്ടു​മാ​റും മൃഗത്തി​ന്റെ പേരോ പേരിന്റെ സംഖ്യ​യോ ആയ മുദ്ര​യു​ള്ള​വ​ന​ല്ലാ​തെ വാങ്ങു​ക​യോ വില്‌ക്കു​ക​യോ ചെയ്‌വാൻ വഹിയാ​തെ​യും ആക്കുന്നു.” (വെളി​പ്പാ​ടു 13:16, 17) ഇതിന്റെ അർഥ​മെ​ന്താണ്‌? സജീവ പിന്തു​ണ​യു​ടെ ഒരു ഉചിത പ്രതീ​ക​മാണ്‌ വല​ങ്കൈ​യി​ലെ ഒരു മുദ്ര. നെറ്റി​യി​ലെ മുദ്ര​യോ? ദി എക്‌സ്‌പോ​സി​റ്റേ​ഴ്‌സ്‌ ഗ്രീക്ക്‌ ടെസ്റ്റ​മെൻറ്‌ പ്രസ്‌താ​വി​ക്കു​ന്നു: “അങ്ങേയറ്റം ആലങ്കാ​രി​ക​മായ ഈ പരാമർശ​ത്തിന്‌, പടയാ​ളി​ക​ളി​ലും അടിമ​ക​ളി​ലും നടത്തുന്ന ശ്രദ്ധാർഹ​മായ പച്ചകുത്തൽ അല്ലെങ്കിൽ തപ്‌ത​ലോ​ഹ​മു​ദ്ര പതിപ്പി​ക്കൽ എന്ന സമ്പ്രദാ​യ​വു​മാ​യി ബന്ധമുണ്ട്‌. . . . അതുമ​ല്ലെ​ങ്കിൽ, ഒരു ദൈവ​നാ​മം ‘രക്ഷ’യായി ധരിക്കുന്ന മതാചാ​ര​ത്തോട്‌ അതു കൂടുതൽ ബന്ധപ്പെ​ട്ടി​രി​ക്കു​ന്നു.” പ്രവൃ​ത്തി​ക​ളി​ലൂ​ടെ​യും വാക്കു​ക​ളി​ലൂ​ടെ​യും അനേകം മനുഷ്യ​രും “മൃഗ”ത്തിന്റെ “അടിമ​ക​ളോ” “പടയാ​ളി​ക​ളോ” ആയി സ്വയം തിരി​ച്ച​റി​യി​ച്ചു​കൊണ്ട്‌ പ്രതീ​കാ​ത്മ​ക​മാ​യി ഈ മുദ്ര ധരിക്കു​ന്നു. (വെളി​പ്പാ​ടു 13:3, 4) അവരുടെ ഭാവി​യെ​ക്കു​റിച്ച്‌, തിയ​ളോ​ജി​ക്കൽ ഡിക്ഷ്‌ണറി ഓഫ്‌ ദ ന്യൂ ടെസ്റ്റ​മെൻറ്‌ പറയുന്നു: “മൃഗത്തി​ന്റെ നാമം ഉൾക്കൊ​ണ്ടി​രി​ക്കുന്ന ദുർജ്ഞേയ സംഖ്യ​യെന്ന അതിന്റെ [മുദ്ര] തങ്ങളുടെ നെറ്റി​യി​ലും കയ്യിലും പതിക്ക​പ്പെ​ടാൻ ദൈവ​ത്തി​ന്റെ ശത്രുക്കൾ അനുവ​ദി​ക്കു​ന്നു. ഇത്‌ അവർക്ക്‌ സാമ്പത്തി​ക​വും വാണി​ജ്യ​പ​ര​വു​മായ നേട്ടങ്ങൾക്ക്‌ വലിയ അവസര​ങ്ങ​ളൊ​രു​ക്കി​ക്കൊ​ടു​ക്കു​ന്നു. അതേസ​മയം ഇത്‌ അവരെ ദൈവ​കോ​പ​ത്തിന്‌ ഇരയാ​ക്കു​ക​യും സഹസ്രാ​ബ്ദ​വാ​ഴ്‌ച​യിൽനിന്ന്‌ ഒഴിവാ​ക്കു​ക​യും ചെയ്യുന്നു, വെളി. 13:16; 14:9; 20:4.”

¹⁰ “മുദ്ര” ലഭിക്കു​ന്ന​തി​നുള്ള സമ്മർദം ചെറു​ക്കു​ന്ന​തിന്‌ അധിക​മ​ധി​കം ധൈര്യ​വും സഹിഷ്‌ണു​ത​യും ആവശ്യ​മാണ്‌. (വെളി​പ്പാ​ടു 14:9-12) എന്നാൽ ദൈവ​ദാ​സ​ന്മാർക്ക്‌ അത്തരം ശക്തിയുണ്ട്‌, അതു​കൊ​ണ്ടാണ്‌ അവർ മിക്ക​പ്പോ​ഴും വിദ്വേ​ഷ​ത്തി​നും ദുഷ്‌പ്ര​ച​ര​ണ​ത്തി​നും പാത്ര​മാ​കു​ന്നത്‌. (യോഹ​ന്നാൻ 15:18-20; 17:14, 15) മൃഗത്തി​ന്റെ മുദ്ര വഹിക്കു​ന്ന​തി​നു​പ​കരം, ‘യഹോ​വെ​ക്കു​ള്ളവർ’ എന്ന്‌ അവർ തങ്ങളുടെ കയ്യിൽ ആലങ്കാ​രി​ക​മാ​യി എഴുതു​മെന്ന്‌ യെശയ്യാ​വു പറഞ്ഞു. (യെശയ്യാ​വു 44:5) കൂടാതെ, വിശ്വാ​സ​ത്യാ​ഗി​നി​യായ മതം ചെയ്യുന്ന മ്ലേച്ഛ സംഗതി​ക​ളെ​പ്രതി അവർ “നെടു​വീർപ്പി​ട്ടു കരയുന്ന”തുകൊണ്ട്‌, യഹോ​വ​യു​ടെ ന്യായ​വി​ധി നിർവ​ഹി​ക്ക​പ്പെ​ടു​മ്പോൾ സംരക്ഷി​ക്ക​പ്പെ​ടു​ന്ന​തി​നു യോഗ്യ​രെന്നു തിരി​ച്ച​റി​യി​ക്കുന്ന ഒരു പ്രതീ​കാ​ത്മക മുദ്ര അവർക്കു നെറ്റി​യിൽ ലഭിക്കു​ന്നു.—യെഹെ​സ്‌കേൽ 9:1-7.

11. ഭൂമി​യു​ടെ​മേൽ ആധിപ​ത്യം ഏറ്റെടു​ക്കാൻ ദൈവ​രാ​ജ്യം വരുന്ന​തു​വരെ ഭരണം നടത്തു​ന്ന​തി​നുള്ള അനുവാ​ദം മാനുഷ ഗവൺമെൻറു​കൾക്കു നൽകു​ന്ന​താര്‌?

¹¹ ക്രിസ്‌തു​വി​ന്റെ സ്വർഗീയ രാജ്യം ഭൂമി​യു​ടെ ഭരണാ​ധി​പ​ത്യം പൂർണ​മാ​യും ഏറ്റെടു​ക്കു​ന്ന​തു​വരെ ഭരണം നടത്താൻ ദൈവം മാനുഷ ഗവൺമെൻറു​കളെ അനുവ​ദി​ക്കു​ന്നു. രാഷ്‌ട്രങ്ങൾ നിലനിൽക്കാൻ ദൈവം അനുവ​ദി​ക്കു​ന്നു​വെ​ന്നത്‌ പ്രൊ​ഫസർ ഓസ്‌കാർ കുൾമാൻ ദ സ്റ്റേറ്റ്‌ ഇൻ ദ ന്യൂ ടെസ്റ്റ​മെൻറ്‌ എന്ന തന്റെ പുസ്‌ത​ക​ത്തിൽ പരാമർശി​ക്കു​ന്നുണ്ട്‌. അദ്ദേഹം എഴുതു​ന്നു: “ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളു​ടെ മനോ​ഭാ​വം രാഷ്‌ട്ര​ത്തോ​ടു പൊരു​ത്ത​മു​ള്ള​താ​യി​രി​ക്കാ​തെ, അതിനു പ്രതി​കൂ​ല​മാ​യി കാണ​പ്പെ​ടു​ന്ന​തി​നു കാരണം രാഷ്‌ട്ര​ത്തി​ന്റെ ‘താത്‌കാ​ലിക’ സ്വഭാവം സംബന്ധിച്ച സങ്കീർണ​മായ ധാരണ​യാണ്‌. അങ്ങനെ കാണ​പ്പെ​ടു​ന്ന​താ​ണെന്നു ഞാൻ ഊന്നി​പ്പ​റ​യു​ക​യാണ്‌. ‘ഓരോ​രു​ത്ത​നും അധികാ​ര​ങ്ങൾക്കു കീഴട​ങ്ങി​യി​രി​ക്കട്ടെ . . .’ എന്നു പറയുന്ന റോമർ 13:1-ഉം രാഷ്‌ട്രത്തെ അഗാധ​ത്തിൽനി​ന്നുള്ള മൃഗമാ​യി പറയുന്ന വെളി​പ്പാ​ടു 13-ഉം നാം സൂചി​പ്പി​ക്കു​കയേ വേണ്ടൂ.”

“മൃഗ”വും ‘കൈസ​റും’

12. യഹോ​വ​യു​ടെ സാക്ഷി​കൾക്കു മാനുഷ ഗവൺമെൻറു​ക​ളെ​ക്കു​റിച്ച്‌ സമനി​ല​യുള്ള എന്തു വീക്ഷണ​മാ​ണു​ള്ളത്‌?

¹² ഗവൺമെൻറ്‌ അധികാ​ര​ത്തി​ലുള്ള എല്ലാവ​രും സാത്താന്റെ ചട്ടുക​ങ്ങ​ളാ​ണെന്നു നിഗമനം ചെയ്യു​ന്നത്‌ ശരിയല്ല. ബൈബി​ളിൽ “ബുദ്ധി​മാ​നായ” എന്നു വിശേ​ഷി​പ്പി​ച്ചി​രി​ക്കുന്ന ദേശാ​ധി​പ​തി​യായ സെർഗ്ഗ്യൊസ്‌ പൌ​ലൊ​സി​നെ​പ്പോ​ലുള്ള അനേകം തത്ത്വമ​തി​ക​ളുണ്ട്‌. (പ്രവൃ​ത്തി​കൾ 13:7) യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ അറിവി​ല്ലാ​തി​രു​ന്നി​ട്ടും ദൈവദത്ത മനസ്സാ​ക്ഷി​യു​ടെ പ്രേര​ണ​യാൽ ചില ഭരണാ​ധി​പ​ന്മാർ ന്യൂന​പ​ക്ഷ​ങ്ങ​ളു​ടെ അവകാ​ശ​ങ്ങളെ ധൈര്യ​പൂർവം സംരക്ഷി​ച്ചി​ട്ടുണ്ട്‌. (റോമർ 2:14, 15) ദൈവം സ്‌നേ​ഹി​ക്കു​ന്ന​തും നാം സ്‌നേ​ഹി​ക്കേ​ണ്ട​തു​മായ മനുഷ്യ​വർഗ​ലോ​കം, സാത്താൻ ദൈവ​മാ​യി​രി​ക്കു​ന്ന​തും നാം വിട്ടൊ​ഴി​ഞ്ഞി​രി​ക്കേ​ണ്ട​തും യഹോ​വ​യിൽനിന്ന്‌ അന്യ​പ്പെ​ട്ടി​രി​ക്കു​ന്ന​തു​മായ മനുഷ്യ​വർഗ​ലോ​കം എന്നീ വിരു​ദ്ധ​മായ രണ്ടു വിധങ്ങ​ളിൽ ബൈബിൾ “ലോകം” എന്ന പദം ഉപയോ​ഗി​ക്കു​ന്നു​വെ​ന്നോർക്കുക. (യോഹ​ന്നാൻ 1:9, 10; 17:14; 2 കൊരി​ന്ത്യർ 4:4; യാക്കോബ്‌ 4:4) അങ്ങനെ, യഹോ​വ​യു​ടെ ദാസന്മാർക്കു മാനുഷ ഭരണങ്ങ​ളു​ടെ​നേരേ സമനി​ല​യുള്ള ഒരു മനോ​ഭാ​വ​മുണ്ട്‌. ദൈവ​രാ​ജ്യ​ത്തി​ന്റെ സ്ഥാനപ​തി​ക​ളോ സന്ദേശ​വാ​ഹ​ക​രോ ആയി സേവി​ക്കു​ന്ന​തു​കൊ​ണ്ടും നമ്മുടെ ജീവിതം ദൈവ​ത്തി​നു സമർപ്പി​ച്ചി​രി​ക്കു​ന്ന​തു​കൊ​ണ്ടും നാം രാഷ്‌ട്രീയ കാര്യ​ങ്ങ​ളിൽ നിഷ്‌പക്ഷത പാലി​ക്കു​ന്നു. (2 കൊരി​ന്ത്യർ 5:20) അതേസ​മയം, അധികാ​ര​സ്ഥർക്കു മനസ്സാ​ക്ഷി​പൂർവ​ക​മാ​യി കീഴ്‌പെ​ടു​ക​യും ചെയ്യുന്നു.

13. (എ) യഹോവ മാനുഷ ഗവൺമെൻറു​കളെ വീക്ഷി​ക്കു​ന്ന​തെ​ങ്ങനെ? (ബി) മാനുഷ ഗവൺമെൻറു​ക​ളോ​ടു ക്രിസ്‌ത്യാ​നി​കൾക്ക്‌ എത്ര​ത്തോ​ളം കീഴ്‌പെ​ട​ലാ​കാം?

¹³ സമനി​ല​യുള്ള ഈ സമീപനം യഹോ​വ​യാം ദൈവ​ത്തി​ന്റെ വീക്ഷണം​ത​ന്നെ​യാ​ണു പ്രതി​ഫ​ലി​പ്പി​ക്കു​ന്നത്‌. ലോക​ശ​ക്തി​ക​ളോ കൊച്ചു​രാ​ഷ്‌ട്ര​ങ്ങ​ളോ അധികാ​ര​ദുർവി​നി​യോ​ഗം നടത്തു​ക​യോ ആളുകളെ അടിച്ച​മർത്തു​ക​യോ ദൈവത്തെ ആരാധി​ക്കു​ന്ന​വരെ പീഡി​പ്പി​ക്കു​ക​യോ ചെയ്യു​മ്പോൾ, ക്രൂര​മൃ​ഗ​ങ്ങ​ളാ​ണെന്ന പ്രാവ​ച​നിക വിവര​ണ​ത്തോട്‌ അവർ തീർച്ച​യാ​യും ഒത്തുവ​രു​ന്നു. (ദാനീ​യേൽ 7:19-21; വെളി​പ്പാ​ടു 11:7) എന്നിരു​ന്നാ​ലും, ദേശീയ ഗവൺമെൻറു​കൾ നീതി​യോ​ടെ നിയമ​വാഴ്‌ച നടപ്പാ​ക്കു​ക​യെന്ന ദൈ​വോ​ദ്ദേ​ശ്യം നിർവ​ഹി​ക്കു​മ്പോൾ, അവൻ അവരെ “ശുശ്രൂ​ഷ​കന്മാ”രായി കരുതു​ന്നു. (റോമർ 13:6) തന്റെ ജനം മാനുഷ ഗവൺമെൻറു​കളെ ആദരി​ക്ക​ണ​മെ​ന്നും അവർക്ക്‌ കീഴ്‌പെ​ട്ടി​രി​ക്ക​ണ​മെ​ന്നും യഹോവ പ്രതീ​ക്ഷി​ക്കു​ന്നു, എന്നാൽ അവരുടെ കീഴ്‌പെ​ട​ലി​നു പരിധി​യുണ്ട്‌. ദൈവ​നി​യമം വിലക്കുന്ന സംഗതി​കൾ ചെയ്യാൻ മനുഷ്യർ ദൈവ​ദാ​സ​രോട്‌ ആവശ്യ​പ്പെ​ടു​മ്പോൾ, അല്ലെങ്കിൽ ദൈവം ആവശ്യ​പ്പെ​ടുന്ന സംഗതി​കൾ ചെയ്യു​ന്ന​തിൽനിന്ന്‌ അവരെ വിലക്കു​മ്പോൾ, ദൈവ​ദാ​സ​ന്മാർ അപ്പോ​സ്‌ത​ല​ന്മാ​രു​ടെ നിലപാ​ടു പിൻപ​റ്റു​ന്നു, അതായത്‌: “ഞങ്ങൾ മനുഷ്യ​രെ​ക്കാൾ അധിക​മാ​യി ദൈവത്തെ ഭരണാ​ധി​കാ​രി​യാ​യി അനുസ​രി​ക്കേ​ണ്ട​താണ്‌.”—പ്രവൃ​ത്തി​കൾ 5:29, NW.

14. മാനുഷ ഗവൺമെൻറു​ക​ളോ​ടുള്ള ക്രിസ്‌തീയ കീഴ്‌പെടൽ യേശു വിശദീ​ക​രി​ക്കു​ന്ന​തെ​ങ്ങനെ, പൗലൊസ്‌ വിശദീ​ക​രി​ക്കു​ന്ന​തെ​ങ്ങനെ?

¹⁴ “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്ന്‌ യേശു പ്രഖ്യാ​പി​ച്ച​പ്പോൾ, ഗവൺമെൻറി​നോ​ടും ദൈവ​ത്തോ​ടും തന്റെ അനുഗാ​മി​കൾക്കു കടമകൾ ഉണ്ടായി​രി​ക്കു​മെന്നു യേശു പറഞ്ഞു. (മത്തായി 22:21) നിശ്വ​സ്‌ത​ത​യിൽ പൗലൊസ്‌ അപ്പോ​സ്‌തലൻ എഴുതി: “ഏതു മനുഷ്യ​നും ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങട്ടെ. . . . നീ തിന്മ ചെയ്‌താ​ലോ ഭയപ്പെ​ടുക; വെറുതെ അല്ല അവൻ വാൾ വഹിക്കു​ന്നതു; അവൻ ദോഷം പ്രവർത്തി​ക്കു​ന്ന​വന്റെ ശിക്ഷെ​ക്കാ​യി പ്രതി​കാ​രി​യായ ദൈവ​ശു​ശ്രൂ​ഷ​ക്കാ​രൻ തന്നേ. അതു​കൊ​ണ്ടു ശിക്ഷയെ മാത്രമല്ല മനസ്സാ​ക്ഷി​യെ​യും വിചാ​രി​ച്ചു കീഴട​ങ്ങുക ആവശ്യം. അതു​കൊ​ണ്ടു നിങ്ങൾ നികു​തി​യും കൊടു​ക്കു​ന്നു.” (റോമർ 13:1, 4-6) പൊ.യു. ഒന്നാം നൂറ്റാ​ണ്ടു​മു​തൽ ഇന്നുവ​രെ​യും, ക്രിസ്‌ത്യാ​നി​കൾക്കു രാഷ്‌ട്ര​ത്തി​ന്റെ നിബന്ധ​നകൾ പരിഗ​ണി​ക്കേ​ണ്ടി​വ​ന്നി​ട്ടുണ്ട്‌. ആ നിബന്ധ​നകൾ നിറ​വേ​റ്റു​ന്നത്‌ തങ്ങളുടെ ആരാധ​ന​യു​ടെ കാര്യ​ത്തിൽ വിട്ടു​വീഴ്‌ച ചെയ്യു​ന്ന​തിൽ കലാശി​ക്കു​മോ, അത്തരം നിബന്ധ​നകൾ നിയമാ​നു​സൃ​ത​മാ​ണോ, അവ മനസ്സാ​ക്ഷി​പൂർവം നിറ​വേ​റ്റാ​നാ​കു​മോ എന്നെല്ലാം അവർക്കു വിവേ​ചി​ക്കേ​ണ്ടി​വ​ന്നി​ട്ടുണ്ട്‌.

മനസ്സാ​ക്ഷി​ബോ​ധ​മുള്ള പൗരന്മാർ

15. തങ്ങൾ കൈസർക്കു കടപ്പെ​ട്ടി​രി​ക്കു​ന്നത്‌ യഹോ​വ​യു​ടെ സാക്ഷികൾ മനസ്സാ​ക്ഷി​പൂർവം കൊടു​ക്കു​ന്ന​തെ​ങ്ങനെ?

¹⁵ ദൈവാം​ഗീ​കാ​ര​മുള്ള പ്രവൃ​ത്തി​കൾ ചെയ്യു​മ്പോൾ രാഷ്‌ട്രീയ “ശ്രേഷ്‌ഠാ​ധി​കാ​രി​കൾ” ദൈവ​ത്തി​ന്റെ ശുശ്രൂ​ഷ​ക​നാണ്‌. “ദുഷ്‌പ്ര​വൃ​ത്തി​ക്കാ​രു​ടെ ദണ്ഡനത്തി​ന്നും സൽപ്ര​വൃ​ത്തി​ക്കാ​രു​ടെ മാനത്തി​ന്നു​മാ​യി” അധികാ​രം പ്രയോ​ഗി​ക്കു​ന്നത്‌ അതി​ലൊ​ന്നാണ്‌. (1 പത്രൊസ്‌ 2:13, 14) നികു​തി​യു​ടെ കാര്യ​ത്തിൽ കൈസർ നിയമാ​നു​സൃ​തം ആവശ്യ​പ്പെ​ടു​ന്നത്‌ യഹോ​വ​യു​ടെ ദാസന്മാർ മനസ്സാ​ക്ഷി​പൂർവം കൊടു​ക്കു​ന്നു. കൂടാതെ ബൈബിൾ-പരിശീ​ലിത മനസ്സാക്ഷി അനുവ​ദി​ക്കു​ന്നി​ട​ത്തോ​ളം അവർ “വാഴ്‌ച​കൾക്കും അധികാ​ര​ങ്ങൾക്കും കീഴടങ്ങി അനുസരി”ക്കുകയും ‘സകലസൽപ്ര​വൃ​ത്തി​ക്കും ഒരുങ്ങി​യി​രി’ക്കുകയും ചെയ്യുന്നു. (തീത്തൊസ്‌ 3:1) ദുരന്ത​ങ്ങൾക്കി​ര​യാ​യ​വരെ സഹായി​ക്കു​ന്നത്‌ “സൽപ്ര​വൃ​ത്തി”യിൽ ഉൾപ്പെ​ടു​ന്നു. ഈ സ്ഥിതി​വി​ശേ​ഷ​ങ്ങ​ളിൽ യഹോ​വ​യു​ടെ സാക്ഷികൾ സഹമനു​ഷ്യ​രോ​ടു പ്രകടി​പ്പി​ച്ചി​ട്ടുള്ള ദയാവാ​യ്‌പു​കളെ അനേകർ സാക്ഷ്യ​പ്പെ​ടു​ത്തി​യി​ട്ടുണ്ട്‌.—ഗലാത്യർ 6:10.

16. യഹോ​വ​യു​ടെ സാക്ഷികൾ ഗവൺമെൻറു​കൾക്കും സഹമനു​ഷ്യർക്കും മനസ്സാ​ക്ഷി​പൂർവം എന്തു സത്‌പ്ര​വൃ​ത്തി​കൾ ചെയ്യുന്നു?

¹⁶ യഹോ​വ​യു​ടെ സാക്ഷികൾ സഹമനു​ഷ്യ​രെ സ്‌നേ​ഹി​ക്കു​ക​യും നീതി​നി​ഷ്‌ഠ​മായ “പുതിയ ആകാശ”വും “പുതിയ ഭൂമി”യും കൊണ്ടു​വ​രാ​നുള്ള ദൈ​വോ​ദ്ദേ​ശ്യ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം നേടാൻ അവരെ സഹായി​ക്കു​ന്ന​താണ്‌ തങ്ങൾക്കു ചെയ്യാ​വുന്ന ഏറ്റവും നല്ല സത്‌പ്ര​വൃ​ത്തി​യെന്നു വിചാ​രി​ക്കു​ക​യും ചെയ്യുന്നു. (2 പത്രൊസ്‌ 3:13) ബൈബി​ളി​ന്റെ ഉയർന്ന ധാർമിക തത്ത്വങ്ങൾ പഠിപ്പി​ക്കു​ക​യും പ്രാവർത്തി​ക​മാ​ക്കു​ക​യും ചെയ്യു​ന്ന​തി​നാൽ, അനേകരെ ദുഷ്‌കൃ​ത്യ​ങ്ങ​ളി​ല​ക​പ്പെ​ടാ​തെ കാക്കു​ന്ന​തി​നാൽ അവർ മനുഷ്യ​സ​മു​ദാ​യ​ത്തിന്‌ ഒരു മുതൽക്കൂ​ട്ടാണ്‌. യഹോ​വ​യു​ടെ ദാസന്മാർ നിയമാ​നു​വർത്തി​ക​ളും മന്ത്രി​മാ​രെ​യും ഉദ്യോ​ഗ​സ്ഥ​ന്മാ​രെ​യും ന്യായാ​ധി​പ​ന്മാ​രെ​യും നഗരാ​ധി​കാ​രി​ക​ളെ​യും ആദരി​ക്കു​ന്ന​വ​രു​മാണ്‌. ‘മാനം കാണി​ക്കേ​ണ്ട​വ​രോട്‌’ അവർ മാനം കാണി​ക്കു​ന്നു. (റോമർ 13:7) സാക്ഷി​ക​ളായ മാതാ​പി​താ​ക്കൾ അധ്യാ​പ​ക​രോ​ടു സന്തോ​ഷ​പൂർവം സഹകരി​ക്കു​ക​യും നന്നായി പഠിക്കാൻ കുട്ടി​കളെ സഹായി​ക്കു​ക​യും ചെയ്യുന്നു, അങ്ങനെ പിന്നീട്‌ ഇവർ സമൂഹ​ത്തിന്‌ ഒരു ഭാരമാ​കാ​തെ അഹോ​വൃ​ത്തി​ക്കു വക തേടാൻ പ്രാപ്‌ത​രാ​യി​ത്തീ​രു​ന്നു. (1 തെസ്സ​ലൊ​നീ​ക്യർ 4:11, 12) സഭയ്‌ക്ക​ക​ത്താ​ണെ​ങ്കി​ലോ, സാക്ഷികൾ വർഗീയ മുൻവി​ധി​യും വർഗവ്യ​ത്യാ​സ​വും പ്രകടി​പ്പി​ക്കു​ന്നി​ല്ലെ​ന്നു​മാ​ത്രമല്ല, കുടും​ബ​ജീ​വി​തം ബലിഷ്‌ഠ​മാ​ക്കു​ന്ന​തിന്‌ അവർ വലിയ പ്രാധാ​ന്യം കൽപ്പി​ക്കു​ക​യും ചെയ്യുന്നു. (പ്രവൃ​ത്തി​കൾ 10:34, 35; കൊ​ലൊ​സ്സ്യർ 3:18-21) അതു​കൊണ്ട്‌ തങ്ങൾ കുടും​ബ​വി​രോ​ധി​ക​ളോ സമുദാ​യ​ത്തി​നു പ്രയോ​ജ​ന​മി​ല്ലാ​ത്ത​വ​രോ ആണെന്നുള്ള ആരോ​പ​ണ​ങ്ങ​ളിൽ കഴമ്പി​ല്ലെന്ന്‌ അവർ പ്രവൃ​ത്തി​യി​ലൂ​ടെ പ്രകട​മാ​ക്കു​ന്നു. അങ്ങനെ, പത്രൊസ്‌ അപ്പോ​സ്‌ത​ലന്റെ വാക്കുകൾ സത്യമാ​ണെന്നു തെളി​യു​ന്നു: “നിങ്ങൾ നന്മ ചെയ്‌തു​കൊ​ണ്ടു ബുദ്ധി​യി​ല്ലാത്ത മനുഷ്യ​രു​ടെ ഭോഷ​ത്വം മിണ്ടാ​താ​ക്കേണം എന്നുള്ളതു ദൈ​വേഷ്ടം ആകുന്നു.”—1 പത്രൊസ്‌ 2:15.

17. ക്രിസ്‌ത്യാ​നി​കൾക്കെ​ങ്ങനെ “പുറത്തു​ള്ള​വ​രോ​ടു ജ്ഞാന​ത്തോ​ടെ പെരു​മാ​റാ”നാകും?

¹⁷ അങ്ങനെ ക്രിസ്‌തു​വി​ന്റെ യഥാർഥ അനുഗാ​മി​കൾ “ലോക​ത്തി​ന്റെ ഭാഗമല്ലെ”ങ്കിലും, അവരി​പ്പോ​ഴും മനുഷ്യ​സ​മു​ദായ ലോക​ത്തിൽത്ത​ന്നെ​യാണ്‌. അവർ തുടർന്നും “പുറത്തു​ള്ള​വ​രോ​ടു ജ്ഞാന​ത്തോ​ടെ പെരുമാ”റേണ്ടവ​രാണ്‌. (യോഹ​ന്നാൻ 17:16; കൊ​ലൊ​സ്സ്യർ 4:5, NW) യഹോവ ശ്രേഷ്‌ഠാ​ധി​കാ​ര​ങ്ങളെ തന്റെ ശുശ്രൂ​ഷ​ക​നാ​യി പ്രവർത്തി​ക്കാൻ അനുവ​ദി​ക്കു​ന്നി​ട​ത്തോ​ളം​കാ​ലം നാം അവരോട്‌ ഉചിത​മായ ആദരവ്‌ പ്രകടി​പ്പി​ക്കും. (റോമർ 13:1-4) രാഷ്‌ട്രീ​യ​ത്തിൽ നിഷ്‌പ​ക്ഷ​രാ​യി നില​കൊ​ള്ളു​ക​യാ​ണെ​ങ്കി​ലും, നാം “രാജാ​ക്ക​ന്മാർക്കും സകല അധികാ​ര​സ്ഥ​ന്മാർക്കും”വേണ്ടി പ്രാർഥി​ക്കു​ന്നു, വിശേ​ഷി​ച്ചും അവർ നമ്മുടെ ആരാധ​നാ​സ്വാ​ത​ന്ത്ര്യ​ത്തെ ബാധി​ക്കുന്ന തീരു​മാ​ന​ങ്ങ​ളെ​ടു​ക്കുന്ന ഘട്ടങ്ങളിൽ. ‘സകലമ​നു​ഷ്യ​രും രക്ഷപ്രാ​പി​ക്കാൻ സർവ്വഭ​ക്തി​യോ​ടും ഘനത്തോ​ടും​കൂ​ടെ സാവധാ​ന​ത​യും സ്വസ്ഥത​യു​മുള്ള ജീവനം കഴി​ക്കേ​ണ്ട​തി​നു’ നാമതു തുടർന്നും ചെയ്‌തു​കൊ​ണ്ടി​രി​ക്കും.—1 തിമൊ​ഥെ​യൊസ്‌ 2:1-4.

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

□ ക്രിസ്‌ത്യാ​നി​കൾ ഭാഗമാ​യി​രി​ക്കുന്ന “ലോകം” ഏത്‌, എന്നാൽ അവർ ഭാഗമാ​യി​രി​ക്ക​രു​താത്ത “ലോകം” ഏത്‌?

□ ഒരു വ്യക്തി​യു​ടെ കയ്യിലോ നെറ്റി​യി​ലോ ഉള്ള “മൃഗ”ത്തിന്റെ “മുദ്ര”യുടെ പ്രതീ​കാ​ത്മക അർഥ​മെന്ത്‌, യഹോ​വ​യു​ടെ വിശ്വസ്‌ത ദാസർക്ക്‌ എന്തു മുദ്ര​യാ​ണു​ള്ളത്‌?

□ സത്യ​ക്രി​സ്‌ത്യാ​നി​കൾക്കു മാനുഷ ഗവൺമെൻറു​ക​ളോ​ടു സമനി​ല​യുള്ള എന്തു വീക്ഷണ​മാ​ണു​ള്ളത്‌?

□ യഹോ​വ​യു​ടെ സാക്ഷികൾ മനുഷ്യ​സ​മു​ദാ​യ​ത്തി​ന്റെ ക്ഷേമത്തിന്‌ ഏതെല്ലാം വിധങ്ങ​ളിൽ സംഭാവന ചെയ്യുന്നു?

[16-ാം പേജിലെ ചിത്രങ്ങൾ]

ബൈബിൾ മാനുഷ ഗവൺമെൻറി​നെ ദൈവ​ശു​ശ്രൂ​ഷ​ക​നാ​യും കാട്ടു​മൃ​ഗ​മാ​യും തിരി​ച്ച​റി​യി​ക്കു​ന്നു

[17-ാം പേജിലെ ചിത്രം]

മറ്റുള്ളവരോടു സ്‌നേ​ഹ​പു​ര​സ്സ​ര​മായ താത്‌പ​ര്യം പ്രകട​മാ​ക്കു​ന്ന​തി​നാൽ യഹോ​വ​യു​ടെ സാക്ഷികൾ സമുദാ​യ​ത്തിന്‌ ഒരു മുതൽക്കൂ​ട്ടാണ്‌