നീതി​നി​ഷ്‌ഠ​മായ ലോകം—ഒരു സ്വപ്‌നമല്ല!

“ഭൂമി​യിൽ മനുഷ്യൻ ഏറ്റവും ആഗ്രഹി​ക്കുന്ന ഒന്നാണ്‌ നീതി” എന്ന്‌ അമേരി​ക്കൻ രാജ്യ​ത​ന്ത്ര​ജ്ഞ​നായ ഡാനിയൽ വെബ്‌സ്റ്റെർ അഭി​പ്രാ​യ​പ്പെട്ടു. “യഹോവ ന്യായ​പ്രി​യ​നാ​കു​ന്നു” എന്ന്‌ ബൈബിൾ പ്രസ്‌താ​വി​ക്കു​ന്നു. (സങ്കീർത്തനം 37:28) ദൈവ​ത്തി​ന്റെ സാദൃ​ശ്യ​ത്തിൽ സൃഷ്ടി​ക്ക​പ്പെട്ട ആദ്യമാ​നുഷ ദമ്പതി​കൾക്കു നീതി​ബോ​ധം ഉൾപ്പെ​ടെ​യുള്ള ദൈവിക ഗുണങ്ങൾ ഉണ്ടായി​രു​ന്നു.—ഉല്‌പത്തി 1:26, 27.

“ന്യായ​പ്ര​മാ​ണ​മി​ല്ലാത്ത ജാതികൾ ന്യായ​പ്ര​മാ​ണ​ത്തി​ലു​ള്ളതു സ്വഭാ​വ​ത്താൽ ചെയ്യു”ന്നതി​നെ​ക്കു​റി​ച്ചും തിരു​വെ​ഴു​ത്തു​കൾ പറയുന്നു. അങ്ങനെ, “അവരുടെ മനസ്സാ​ക്ഷി​കൂ​ടെ സാക്ഷ്യം പറഞ്ഞും അവരുടെ വിചാ​രങ്ങൾ തമ്മിൽ കുററം ചുമത്തു​ക​യോ പ്രതി​വാ​ദി​ക്ക​യോ ചെയ്‌തും​കൊ​ണ്ടു അവർ ന്യായ​പ്ര​മാ​ണ​ത്തി​ന്റെ പ്രവൃത്തി തങ്ങളുടെ ഹൃദയ​ത്തിൽ എഴുതി​യി​രി​ക്കു​ന്ന​താ​യി കാണി​ക്കു​ന്നു.” (റോമർ 2:14, 15) അതേ, മനുഷ്യർക്ക്‌ മനസ്സാ​ക്ഷി​യു​ടെ പ്രാപ്‌തി—ശരിയും തെറ്റും സംബന്ധിച്ച ഒരു ആന്തരി​ക​ബോ​ധം—നൽക​പ്പെ​ട്ടി​രി​ക്കു​ന്നു. വ്യക്തമാ​യും, നീതി ലഭിക്ക​ണ​മെ​ന്നത്‌ മനുഷ്യ​ന്റെ സ്വതഃ​സിദ്ധ ആഗ്രഹ​മാണ്‌.

സന്തുഷ്ടി​ക്കു​വേ​ണ്ടി​യുള്ള മാനുഷ വാഞ്‌ഛ നീതി​യു​ടെ ആവശ്യ​ക​ത​യു​മാ​യി അടുത്തു ബന്ധപ്പെ​ട്ടി​രി​ക്കു​ന്നു. എന്തെന്നാൽ സങ്കീർത്തനം 106:3 ഉദ്‌ഘോ​ഷി​ക്കു​ന്നു: “ന്യായത്തെ പ്രമാ​ണി​ക്കു​ന്ന​വ​രും എല്ലായ്‌പോ​ഴും നീതി പ്രവർത്തി​ക്കു​ന്ന​വ​നും ഭാഗ്യ​വാ​ന്മാർ [“സന്തുഷ്ടർ” NW].” എന്നാൽ, നീതി​നി​ഷ്‌ഠ​മായ ഒരു ലോകം ഉളവാ​ക്കാൻ മനുഷ്യ​നു സാധി​ക്കാ​ത്ത​തെ​ന്തു​കൊ​ണ്ടാണ്‌?

മനുഷ്യൻ പരാജ​യ​പ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

നീതി​നി​ഷ്‌ഠ​മായ ഒരു ലോകം നേടി​യെ​ടു​ക്കു​ന്ന​തി​ലെ പരാജ​യ​ത്തി​ന്റെ ഒരടി​സ്ഥാന കാരണം നമ്മുടെ ആദ്യ മാതാ​പി​താ​ക്ക​ളായ ആദാമിൽനി​ന്നും ഹവ്വായിൽനി​ന്നും നമുക്ക്‌ പാരമ്പ​ര്യ​മാ​യി ലഭിച്ച കളങ്കമാണ്‌. ബൈബിൾ വിശദീ​ക​രി​ക്കു​ന്നു: “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.” (റോമർ 5:12) ആ കളങ്കം പാപമാണ്‌. കളങ്കര​ഹി​ത​രാ​യി സൃഷ്ടി​ക്ക​പ്പെ​ട്ടെ​ങ്കി​ലും ആദാമും ഹവ്വായും ദൈവ​ത്തി​നെ​തി​രെ മത്സരി​ക്കാൻ തീരു​മാ​നി​ക്കു​ക​യും അങ്ങനെ തങ്ങളെ​ത്തന്നെ പാപി​ക​ളാ​ക്കു​ക​യും ചെയ്‌തു. (ഉല്‌പത്തി 2:16, 17; 3:1-6) തന്നിമി​ത്തം, അവർ തങ്ങളുടെ കുട്ടി​കൾക്ക്‌ അവകാ​ശ​മാ​യി നൽകി​യതു പാപപൂർണ​മായ, തെറ്റായ പ്രവണ​ത​ക​ളാണ്‌.

അത്യാ​ഗ്ര​ഹ​വും മുൻവി​ധി​യും പോലുള്ള വ്യക്തിത്വ സ്വഭാ​വങ്ങൾ പാപപൂർണ​മായ പ്രവണ​ത​ക​ളു​ടെ പ്രവർത്ത​ന​ഫ​ല​മല്ലേ? ഈ പ്രവണ​തകൾ ലോകത്ത്‌ അനീതിക്ക്‌ ആക്കംകൂ​ട്ടു​ന്നി​ല്ലേ? എന്തിന്‌, മനഃപൂർവ​മായ പാരി​സ്ഥി​തിക ദുരു​പ​യോ​ഗ​ത്തി​ന്റെ​യും സാമ്പത്തിക അടിച്ച​മർത്ത​ലി​ന്റെ​യും അടിസ്ഥാ​നം​തന്നെ അത്യാ​ഗ്ര​ഹ​മാണ്‌! വംശീയ പോരാ​ട്ട​ത്തി​ന്റെ​യും വർഗീയ അനീതി​ക​ളു​ടെ​യും പിന്നിൽ തീർച്ച​യാ​യും മുൻവി​ധി​യാ​ണു​ള്ളത്‌. മോഷ്ടി​ക്കാ​നും ചതിക്കാ​നും മറ്റുള്ള​വരെ ദ്രോ​ഹി​ക്കുന്ന തരത്തിൽ പ്രവർത്തി​ക്കാ​നും അത്തരം പ്രവണ​തകൾ ആളുകളെ പ്രേരി​പ്പി​ക്കു​ന്നു.

നീതി നടപ്പാ​ക്കാ​നും നന്മ ചെയ്യാ​നു​മുള്ള ഉത്തമ പ്രേര​ണ​യാൽ നടത്തുന്ന ശ്രമങ്ങൾപോ​ലും മിക്ക​പ്പോ​ഴും പരാജ​യ​പ്പെ​ടു​ന്നത്‌ നമ്മുടെ പാപപൂർണ​മായ പ്രവണ​തകൾ നിമി​ത്ത​മാണ്‌. അപ്പോ​സ്‌ത​ല​നായ പൗലൊസ്‌ ഇങ്ങനെ സമ്മതിച്ചു പറഞ്ഞു: “ഞാൻ ചെയ്‌വാൻ ഇച്ഛിക്കുന്ന നന്മ ചെയ്യു​ന്നി​ല്ല​ല്ലോ; ഇച്ഛിക്കാത്ത തിന്മയ​ത്രേ പ്രവർത്തി​ക്കു​ന്നതു.” ആ പോരാ​ട്ടത്തെ അവൻ തുടർന്ന്‌ ഇങ്ങനെ വിശദീ​ക​രി​ക്കു​ന്നു: “ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു.” (റോമർ 7:19-23) ഇന്ന്‌ അതേ പോരാ​ട്ടം​തന്നെ നമുക്കു​മു​ണ്ടാ​യി​രി​ക്കാം. അതു​കൊ​ണ്ടാണ്‌ ഇത്ര കൂടെ​ക്കൂ​ടെ അനീതി​കൾ സംഭവി​ക്കു​ന്നത്‌.

മാനുഷ ഭരണരീ​തി​യും ലോകത്ത്‌ അനീതി​ക്കു വളമി​ട്ടി​ട്ടുണ്ട്‌. എല്ലാ രാജ്യ​ത്തും നിയമ​ങ്ങ​ളും അതു നടപ്പാ​ക്കു​ന്ന​വ​രും ഉണ്ട്‌. തീർച്ച​യാ​യും, ന്യായാ​ധി​പ​ന്മാ​രും കോട​തി​ക​ളു​മുണ്ട്‌. തത്ത്വമ​തി​ക​ളായ ചിലയാ​ളു​കൾ മനുഷ്യാ​വ​കാ​ശങ്ങൾ ഉയർത്തി​പ്പി​ടി​ക്കാ​നും എല്ലാവർക്കും തുല്യ​നീ​തി ഉറപ്പു​വ​രു​ത്താ​നും ശ്രമി​ച്ചി​ട്ടു​ണ്ടെ​ന്നു​ള്ളതു നിസ്‌തർക്ക​മാണ്‌. എന്നിട്ടും, അവരുടെ മിക്ക ശ്രമങ്ങ​ളും പരാജ​യ​പ്പെ​ട്ടി​രി​ക്കു​ന്നു. എന്തു​കൊണ്ട്‌? അവരുടെ പരാജ​യ​ത്തിൽ ഉൾപ്പെ​ട്ടി​രുന്ന വ്യത്യസ്‌ത ഘടകങ്ങളെ സംക്ഷേ​പി​ച്ചു​കൊണ്ട്‌ യിരെ​മ്യാ​വു 10:23 പ്രസ്‌താ​വി​ക്കു​ന്നു: “യഹോവേ, മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല എന്നു ഞാൻ അറിയു​ന്നു.” ദൈവ​ത്തിൽനിന്ന്‌ അന്യപ്പെട്ട മനുഷ്യൻ നീതി​നി​ഷ്‌ഠ​വും ന്യായ​യു​ക്ത​വു​മായ ഒരു ലോകം സംസ്ഥാ​പി​ക്കാൻ തികച്ചും അപ്രാ​പ്‌ത​നാണ്‌.—സദൃശ​വാ​ക്യ​ങ്ങൾ 14:12; സഭാ​പ്ര​സം​ഗി 8:9.

നീതി​നി​ഷ്‌ഠ​മായ ഒരു ലോകം കെട്ടി​പ്പ​ടു​ക്കാ​നുള്ള മാനുഷ ശ്രമത്തി​നു വലി​യൊ​രു തടസ്സം പിശാ​ചായ സാത്താ​നാണ്‌. സാത്താൻ എന്ന മത്സരി​യായ ദൂതൻ “കുലപാ​തക”നും “ഭോഷ്‌കു പറയു​ന്ന​വനു”മാണെ​ന്നും “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു”വെന്നും ബൈബിൾ വ്യക്തമാ​യി പ്രസ്‌താ​വി​ക്കു​ന്നു. (യോഹ​ന്നാൻ 8:44; 1 യോഹ​ന്നാൻ 5:19) അപ്പോ​സ്‌ത​ല​നായ പൗലൊസ്‌ അവനെ “ഈ ലോക​ത്തി​ന്റെ ദൈവ”മായി തിരി​ച്ച​റി​യി​ക്കു​ന്നു. (2 കൊരി​ന്ത്യർ 4:3, 4) നീതിയെ ദ്വേഷി​ക്കു​ന്നവൻ എന്നനി​ല​യിൽ സാത്താൻ ദുഷ്ടതയെ പ്രോ​ത്സാ​ഹി​പ്പി​ക്കാൻ സാധ്യ​മാ​യ​തെ​ല്ലാം ചെയ്യുന്നു. അവൻ ലോകത്തെ നിയ​ന്ത്രി​ക്കു​ന്നി​ട​ത്തോ​ളം കാലം, എല്ലാത്ത​ര​ത്തി​ലുള്ള അനീതി​ക​ളും അവയുടെ ദുരന്ത​ഫ​ല​ങ്ങ​ളും മനുഷ്യ​വർഗത്തെ അടിമ​പ്പെ​ടു​ത്തും.

മാനവ​സ​മു​ദാ​യ​ത്തിൽ അനീതി ഒഴിവാ​ക്കാ​നാ​കാ​ത്ത​താ​ണെ​ന്നാ​ണോ ഇതി​ന്റെ​യെ​ല്ലാം അർഥം? നീതി​നി​ഷ്‌ഠ​മായ ലോകം വെറു​മൊ​രു സ്വപ്‌ന​മാ​ണോ?

നീതി​നി​ഷ്‌ഠ​മായ ഒരു ലോകം—എങ്ങനെ?

നീതി​നി​ഷ്‌ഠ​മായ ഒരു ലോക​ത്തി​നു​വേ​ണ്ടി​യുള്ള പ്രതീക്ഷ യാഥാർഥ്യ​മാ​യി​ത്തീ​രു​ന്ന​തിന്‌, മനുഷ്യ​വർഗം അനീതി​യു​ടെ കാരണ​ങ്ങളെ തുടച്ചു​നീ​ക്കാൻ കഴിയുന്ന ഒരു ഉറവി​ലേക്ക്‌ നോ​ക്കേ​ണ്ട​തുണ്ട്‌. എന്നാൽ പാപത്തെ ഇല്ലായ്‌മ ചെയ്യാ​നും സാത്താ​നെ​യും അവന്റെ ഭരണാ​ധി​പ​ത്യ​ത്തെ​യും തുടച്ചു​നീ​ക്കാ​നും ആർക്കു കഴിയും? വ്യക്തമാ​യും, ഏതെങ്കി​ലു​മൊ​രു മനുഷ്യ​നോ മനുഷ്യ​സം​ഘ​ട​ന​യ്‌ക്കോ അത്തര​മൊ​രു അതിബൃ​ഹ​ത്തായ കൃത്യം ചെയ്യാ​നാ​കില്ല. യഹോ​വ​യാം ദൈവ​ത്തി​നു മാത്രമേ കഴിയൂ! അവനെ​ക്കു​റിച്ച്‌ ബൈബിൾ പറയുന്നു: “അവൻ പാറ; അവന്റെ പ്രവൃത്തി അത്യു​ത്തമം. അവന്റെ വഴികൾ ഒക്കെയും ന്യായം; അവൻ വിശ്വ​സ്‌ത​ത​യുള്ള ദൈവം, വ്യാജ​മി​ല്ലാ​ത്തവൻ; നീതി​യും നേരു​മു​ള്ളവൻ തന്നേ.” (ആവർത്ത​ന​പു​സ്‌തകം 32:4) മനുഷ്യ​വർഗം നീതി​നി​ഷ്‌ഠ​മാ​യൊ​രു ലോക​ത്തിൽ ജീവിതം ആസ്വദി​ക്ക​ണ​മെന്ന്‌ ‘ന്യായ​പ്രി​യ​നായ’ യഹോവ ആഗ്രഹി​ക്കു​ന്നു.—സങ്കീർത്തനം 37:28.

നീതി​നി​ഷ്‌ഠ​മായ ഒരു ലോകം ആനയി​ക്കാ​നുള്ള ദൈവ​ത്തി​ന്റെ ക്രമീ​ക​ര​ണ​ത്തെ​ക്കു​റിച്ച്‌ അപ്പോ​സ്‌ത​ല​നായ പത്രൊസ്‌ എഴുതി: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” (2 പത്രൊസ്‌ 3:13) ഈ ‘പുതിയ ആകാശം’ പുതിയ അക്ഷരീയ ആകാശമല്ല. ദൈവം നമ്മുടെ അക്ഷരീയ ആകാശത്തെ കുറ്റമ​റ്റ​താ​യി നിർമി​ച്ചു. അത്‌ അവന്‌ മഹത്ത്വം കരേറ്റു​ക​യും ചെയ്യുന്നു. (സങ്കീർത്തനം 8:3; 19:1, 2) ‘പുതിയ ആകാശം’ ഭൂമി​യു​ടെ​മേ​ലുള്ള ഒരു പുതിയ ഭരണാ​ധി​പ​ത്യ​മാണ്‌. ഇപ്പോ​ഴത്തെ ‘ആകാശം’ മനുഷ്യ​നിർമിത ഗവൺമെൻറു​കൾ അടങ്ങി​യ​താണ്‌. പെട്ടെ​ന്നു​തന്നെ അവ, ദൈവ​ത്തി​ന്റെ അർമ​ഗെ​ദോൻ യുദ്ധത്തിൽ “പുതിയ ആകാശ”ത്തിന്‌—ദൈവ​ത്തി​ന്റെ സ്വർഗീയ രാജ്യ​ത്തിന്‌ അഥവാ ഗവൺമെൻറിന്‌—വഴിമാ​റി​ക്കൊ​ടു​ക്കും. (വെളി​പ്പാ​ടു 16:14-16) ആ രാജ്യ​ത്തി​ന്റെ രാജാവ്‌ യേശു​ക്രി​സ്‌തു ആണ്‌. മാനു​ഷ​ഭ​ര​ണാ​ധി​പ​ത്യ​ത്തെ സ്ഥിരമാ​യി അവസാ​നി​പ്പി​ച്ചു​കൊണ്ട്‌ ഈ ഗവൺമെൻറ്‌ എന്നേക്കും ഭരണം നടത്തും.—ദാനീ​യേൽ 2:44.

അപ്പോൾ, “പുതിയ ഭൂമി” എന്താണ്‌? അതൊരു പുതിയ ഗ്രഹമല്ല, എന്തെന്നാൽ മനുഷ്യ​നി​വാ​സ​ത്തിന്‌ തികച്ചും അനു​യോ​ജ്യ​മായ വിധത്തി​ലാണ്‌ ദൈവം ഭൂമിയെ സൃഷ്ടി​ച്ചത്‌, അത്‌ എന്നേക്കും നിലനിൽക്ക​ണ​മെ​ന്നു​ള്ളത്‌ അവന്റെ അഭീഷ്ട​വു​മാണ്‌. (സങ്കീർത്തനം 104:5) “പുതിയ ഭൂമി” ഒരു പുതിയ മനുഷ്യ​സ​മു​ദാ​യത്തെ പരാമർശി​ക്കു​ന്നു. (ഉല്‌പത്തി 11:1; സങ്കീർത്തനം 96:1) തങ്ങളെ​ത്തന്നെ ഈ ദുഷ്ടവ്യ​വ​സ്ഥി​തി​യു​ടെ ഭാഗമാ​ക്കുന്ന ആളുകൾ അടങ്ങി​യ​താണ്‌ നശിപ്പി​ക്ക​പ്പെ​ടുന്ന “ഭൂമി.” (2 പത്രൊസ്‌ 3:7) അതിനു പകരം വരുന്ന “പുതിയ ഭൂമി” ദുഷ്ടതയെ വെറു​ക്കുന്ന, നീതി​യെ​യും ന്യായ​ത്തെ​യും സ്‌നേ​ഹി​ക്കുന്ന, ദൈവ​ത്തി​ന്റെ സത്യാ​രാ​ധകർ അടങ്ങി​യ​താണ്‌. (സങ്കീർത്തനം 37:10, 11) അങ്ങനെ, സാത്താന്റെ ലോകം പൊയ്‌പോ​യി​രി​ക്കും.

എന്നാൽ സാത്താന്റെ ഭാവി​യോ? അപ്പോ​സ്‌ത​ല​നായ യോഹ​ന്നാൻ ഇങ്ങനെ മുൻകൂ​ട്ടി​പ്പ​റഞ്ഞു: “അവൻ [ക്രിസ്‌തു​യേശു] പിശാ​ചും സാത്താ​നും എന്നുള്ള പഴയ പാമ്പായ മഹാസർപ്പത്തെ പിടിച്ചു ആയിരം ആണ്ടേക്കു ചങ്ങലയി​ട്ടു. ആയിരം ആണ്ടു കഴിയു​വോ​ളം ജാതി​കളെ വഞ്ചിക്കാ​തി​രി​പ്പാൻ അവനെ അഗാധ​ത്തിൽ തള്ളിയി​ട്ടു അടെച്ചു​പൂ​ട്ടു​ക​യും മീതെ മുദ്ര​യി​ടു​ക​യും ചെയ്‌തു.” (വെളി​പ്പാ​ടു 20:1-3) ബന്ധനസ്ഥ​നായ സാത്താന്‌ മനുഷ്യ​വർഗ​ത്തി​ന്മേൽ യാതൊ​രു സ്വാധീ​ന​വും ചെലു​ത്താ​നാ​കില്ല, അഗാധ​കൂ​പ​ത്തി​ലി​ട്ടി​രി​ക്കുന്ന ഒരുവന്റെ അവസ്ഥയ്‌ക്കു തുല്യ​മാ​യി​രി​ക്കും അവന്റെ​യും അവസ്ഥ. നീതി​നി​ഷ്‌ഠ​മായ ഒരു ലോക​ത്തി​ന്റെ മുന്നോ​ടി​ക​ളാ​യി​ത്തീ​രുന്ന മനുഷ്യ​വർഗ​ത്തിന്‌ അത്‌ എന്തൊ​രാ​ശ്വാ​സ​മാ​യി​രി​ക്കും! ആയിരം വർഷത്തി​ന്റെ അവസാനം സാത്താൻ അസ്‌തി​ത്വ​ത്തിൽനിന്ന്‌ ഉന്മൂലനം ചെയ്യ​പ്പെ​ടും—വെളി​പ്പാ​ടു 20:7-10.

പാരമ്പ​ര്യ​മാ​യി ലഭിച്ച പാപത്തി​ന്റെ കാര്യ​മോ? പാപത്തെ ഇല്ലായ്‌മ ചെയ്യു​ന്ന​തിന്‌ യഹോവ ഇപ്പോൾത്തന്നെ ഒരു അടിസ്ഥാ​നം പ്രദാനം ചെയ്‌തി​ട്ടുണ്ട്‌. ‘മനുഷ്യ​പു​ത്രൻ [യേശു​ക്രി​സ്‌തു] അനേകർക്കു വേണ്ടി തന്റെ ജീവനെ മറുവി​ല​യാ​യി കൊടു​പ്പാൻ വന്നു.’ (മത്തായി 20:28) “മറുവില” എന്ന പദം തടവു​പു​ള്ളി​കളെ വിട്ടു​കി​ട്ടു​ന്ന​തിന്‌ ആവശ്യ​മാ​യി​രി​ക്കുന്ന വിലയെ അർഥമാ​ക്കു​ന്നു. മനുഷ്യ​വർഗത്തെ വിടു​വി​ക്കു​ന്ന​തി​നുള്ള മറുവി​ല​യെന്ന നിലയിൽ യേശു തന്റെ പൂർണ​ത​യുള്ള മനുഷ്യ ജീവൻ വിലയാ​യി നൽകി.—2 കൊരി​ന്ത്യർ 5:14; 1 പത്രൊസ്‌ 1:18, 19.

യേശു​വി​ന്റെ മറുവി​ല​യാ​ഗ​ത്തിന്‌ ഇപ്പോൾപ്പോ​ലും നമുക്കു പ്രയോ​ജനം ചെയ്യാൻ കഴിയും. അതിൽ വിശ്വാ​സ​മർപ്പി​ച്ചു​കൊണ്ട്‌ നമുക്കു ദൈവ​മു​മ്പാ​കെ ഒരു ശുദ്ധമായ നില ആസ്വദി​ക്കാൻ കഴിയും. (പ്രവൃ​ത്തി​കൾ 10:43; 1 കൊരി​ന്ത്യർ 6:11) ദൈവ​രാ​ജ്യ ഭരണത്തിൻ കീഴിൽ, മറുവില മനുഷ്യ​വർഗ​ത്തിന്‌ പാപത്തിൽനി​ന്നുള്ള സമ്പൂർണ വിടുതൽ സാധ്യ​മാ​ക്കും. ദൈവ​ത്തി​ന്റെ സിംഹാ​സ​ന​ത്തിൽനി​ന്നു പുറ​പ്പെ​ടു​ന്ന​തും ‘ജാതി​ക​ളു​ടെ രോഗ​ശാ​ന്തി​ക്കു ഉതകുന്ന ഇല’കളോ​ടു​കൂ​ടിയ പ്രതീ​കാ​ത്മക ഫലവൃ​ക്ഷങ്ങൾ ഇരുക​ര​യി​ലു​മു​ള്ള​തു​മായ ഒരു ആലങ്കാ​രിക “ജീവജ​ല​നദി”യെക്കു​റി​ച്ചു ബൈബി​ളി​ലെ അവസാന പുസ്‌തകം വിവരി​ക്കു​ന്നു. (വെളി​പ്പാ​ടു 22:1, 2) ബൈബി​ളി​ലെ ഈ ചിത്രീ​ക​രണം യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ മനുഷ്യ​വർഗത്തെ പാപത്തിൽനി​ന്നു വീണ്ടെ​ടു​ക്കാ​നുള്ള സ്രഷ്ടാ​വി​ന്റെ അത്ഭുത​ക​ര​മായ കരുത​ലി​നെ​യാണ്‌ പ്രതി​നി​ധാ​നം ചെയ്യു​ന്നത്‌. ഈ കരുത​ലി​ന്റെ പൂർണ​മായ ബാധക​മാ​ക്കൽ അനുസ​ര​ണ​മുള്ള മനുഷ്യ​വർഗത്തെ പാപത്തിൽനി​ന്നും മരണത്തിൽനി​ന്നും വിടു​വി​ക്കും.

നീതി​നി​ഷ്‌ഠ​മായ ലോക​ത്തി​ലെ ജീവിതം

രാജ്യ​ഭ​ര​ണ​ത്തിൻ കീഴിൽ ജീവിതം എങ്ങനെ​യാ​യി​രി​ക്കു​മെന്നു വിചി​ന്തനം ചെയ്യുക. കുറ്റകൃ​ത്യ​വും അക്രമ​വും കഴിഞ്ഞ​കാല സംഗതി​ക​ളാ​യി​രി​ക്കും. (സദൃശ​വാ​ക്യ​ങ്ങൾ 2:21, 22) സാമ്പത്തിക അനീതി പൊയ്‌പോ​യി​രി​ക്കും. (സങ്കീർത്തനം 37:6; 72:12, 13; യെശയ്യാ​വു 65:21-23) സാമൂ​ഹി​ക​വും വർഗീ​യ​വും ഗോ​ത്ര​പ​ര​വും വംശീ​യ​വു​മായ വിവേ​ച​ന​ത്തി​ന്റെ സകല കണിക​ക​ളും തുടച്ചു​നീ​ക്ക​പ്പെ​ടും. (പ്രവൃ​ത്തി​കൾ 10:34, 35) മേലാൽ യുദ്ധങ്ങ​ളും യുദ്ധാ​യു​ധ​ങ്ങ​ളും ഉണ്ടായി​രി​ക്കില്ല. (സങ്കീർത്തനം 46:9) മരിച്ച ലക്ഷക്കണ​ക്കി​നാ​ളു​കൾ അനീതി ഇല്ലാത്ത ഒരു ലോക​ത്തിൽ ജീവനി​ലേക്കു തിരി​കെ​വ​രു​ത്ത​പ്പെ​ടും. (പ്രവൃ​ത്തി​കൾ 24:15) എല്ലാവ​രും പൂർണ​വും ഓജസ്സു​റ്റ​തു​മായ ആരോ​ഗ്യം ആസ്വദി​ക്കും. (ഇയ്യോബ്‌ 33:25; വെളി​പ്പാ​ടു 21:3-5എ) “അവൻ [യേശു​ക്രി​സ്‌തു] സത്യ​ത്തോ​ടെ ന്യായം” നടപ്പി​ലാ​ക്കു​മെന്നു ബൈബിൾ നമുക്ക്‌ ഉറപ്പു​ത​രു​ന്നു.—യെശയ്യാ​വു 42:3.

അതിനി​ടെ, നാം അനീതി​ക്കി​ര​യാ​യേ​ക്കാം, എന്നാൽ നമുക്ക്‌ തിരിച്ച്‌ ഒരിക്ക​ലും അനീതി പ്രവർത്തി​ക്കാ​തി​രി​ക്കാം. (മീഖാ 6:8) അനീതി സഹി​ക്കേ​ണ്ടി​വ​രു​മ്പോ​ഴും നമുക്കു ക്രിയാ​ത്മക മനോ​ഭാ​വം നിലനിർത്താം. നീതി​നി​ഷ്‌ഠ​മായ വാഗ്‌ദത്ത ലോകം പെട്ടെ​ന്നു​തന്നെ ഒരു യാഥാർഥ്യ​മാ​യി​ത്തീ​രും. (2 തിമൊ​ഥെ​യൊസ്‌ 3:1-5; 2 പത്രൊസ്‌ 3:11-13) സർവശ​ക്ത​നായ ദൈവം വാക്കു​ത​ന്നി​രി​ക്കു​ന്നു, അതു ‘നിവർത്തി​യേ​റും.’ (യെശയ്യാ​വു 55:10, 11) ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു​വെന്ന്‌ പഠിച്ചു​കൊണ്ട്‌ നീതി​നി​ഷ്‌ഠ​മായ ആ ലോക​ത്തി​ലെ ജീവനു​വേണ്ടി ഒരുങ്ങു​ന്ന​തി​നുള്ള സമയം ഇപ്പോ​ഴാണ്‌.—യോഹ​ന്നാൻ 17:3; 2 തിമൊ​ഥെ​യൊസ്‌ 3:16, 17.

[7-ാം പേജിലെ ചിത്രം]

ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ലോക​ത്തിൽ അനീതി​യു​ടെ എല്ലാ കണിക​ക​ളും തുടച്ചു​നീ​ക്ക​പ്പെ​ടും