വിജയ​പ്ര​ദ​രായ വിദ്യാർഥി​ക​ളിൽനിന്ന്‌ വിജയ​പ്ര​ദ​രായ മിഷന​റി​മാ​രി​ലേക്ക്‌

“ഞങ്ങൾക്ക്‌ ഈ പദവി ലഭിച്ചി​രി​ക്കു​ന്നു​വെന്ന്‌ എനിക്കി​പ്പോ​ഴും വിശ്വ​സി​ക്കാ​നാ​കു​ന്നില്ല!” വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 103-ാമത്തെ ക്ലാസ്സിലെ വിദ്യാർഥി​ക​ളെന്ന നിലയിൽ തനിക്കും ഭാര്യ പാറ്റ്‌സി​ക്കും ലഭിച്ച പരിശീ​ലനം പൂർത്തി​യാ​ക്കിയ ഉടനെ അതിനെ പരാമർശി​ച്ചു​കൊണ്ട്‌ വിൽ അപ്രകാ​രം ഉദ്‌ഘോ​ഷി​ച്ചു. സാഹി​ദും ജെന്നി​യും ആ അഭി​പ്രാ​യ​ത്തോ​ടു യോജി​ച്ചു. “ഇവി​ടെ​യാ​യി​രി​ക്കു​ന്നത്‌ ഒരു പദവി​യാ​ണെന്ന്‌ ഞങ്ങൾ കരുതു​ന്നു,” അവർ പറഞ്ഞു. എല്ലാ വിദ്യാർഥി​ക​ളും സ്‌കൂ​ളിൽ നന്നായി പഠിച്ചു. ഇപ്പോൾ, തങ്ങളുടെ മിഷന​റി​വൃ​ത്തി ആരംഭി​ക്കാൻ അവർ ആകാം​ക്ഷ​യു​ള്ള​വ​രാണ്‌. എന്നാൽ അതിനു​മുമ്പ്‌ 1997 സെപ്‌റ്റം​ബർ 6-ലെ ബിരു​ദ​ദാന പരിപാ​ടി​യിൽവെച്ച്‌ അവർക്ക്‌, മിഷനറി നിയമ​ന​ങ്ങ​ളിൽ വിജയി​ക്കു​ന്ന​തിന്‌ സഹായി​ക്കുന്ന സ്‌നേ​ഹ​പൂർവ​ക​മായ ബുദ്ധ്യു​പ​ദേ​ശങ്ങൾ ലഭിച്ചു.

ഭരണസം​ഘ​ത്തി​ലെ ഒരംഗ​മായ തിയോ​ഡർ ജാരറ്റ്‌സ്‌ ആയിരു​ന്നു പരിപാ​ടി​യു​ടെ അധ്യക്ഷൻ. ബെഥേൽ കുടും​ബ​ത്തോ​ടും വാച്ച്‌ ടവർ സൊ​സൈ​റ്റി​യു​ടെ 48 ബ്രാഞ്ചു​ക​ളിൽനി​ന്നുള്ള പ്രതി​നി​ധി​ക​ളോ​ടു​മൊ​പ്പം, കാനഡ, യൂറോപ്പ്‌, പോർട്ടോ​റി​ക്കോ, ഐക്യ​നാ​ടു​കൾ എന്നിവി​ട​ങ്ങ​ളിൽനി​ന്നുള്ള ബന്ധുമി​ത്രാ​ദി​കൾ വിദ്യാർഥി​കൾക്കു തങ്ങളുടെ പിന്തു​ണ​യും സ്‌നേ​ഹ​വും ഉറപ്പു​നൽകാ​നാ​യി സന്നിഹി​ത​രാ​യി​രി​ക്കു​ന്നു​വെന്ന്‌ അദ്ദേഹം ചൂണ്ടി​ക്കാ​ട്ടി. ക്രൈ​സ്‌ത​വ​മ​ണ്ഡ​ല​ത്തി​ലെ സഭകൾ അയച്ച മിഷന​റി​മാർ മിക്ക​പ്പോ​ഴും മിഷനറി പ്രവർത്ത​ന​ത്തിൽനി​ന്നു വ്യതി​ച​ലിച്ച്‌ പണ്ഡി​തോ​ചിത ഉദ്യമങ്ങൾ പിന്തു​ട​രു​ക​യോ രാഷ്‌ട്രീ​യ​ത്തിൽ ഉൾപ്പെ​ടു​ക​യോ​പോ​ലും ചെയ്‌തി​രി​ക്കു​ന്ന​താ​യി ജാരറ്റ്‌സ്‌ സഹോ​ദരൻ അഭി​പ്രാ​യ​പ്പെട്ടു. നേരേ​മ​റിച്ച്‌ ഗിലെ​യാദ്‌ ബിരു​ദ​ധാ​രി​കൾ, എന്തു ചെയ്യാൻ തങ്ങൾ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്നു​വോ അതു ചെയ്യുന്നു. അവർ ആളുകളെ ബൈബിൾ പഠിപ്പി​ക്കു​ന്നു.

തുടർന്ന്‌, സൊ​സൈ​റ്റി​യു​ടെ ബ്രുക്ലിൻ ഓഫീ​സിൽനി​ന്നുള്ള റോബർട്ട്‌ ബട്ട്‌ലർ “നിങ്ങളു​ടെ പാത വിജയ​പ്ര​ദ​മാ​ക്കുക” എന്ന വിഷയത്തെ അധിക​രിച്ച്‌ സംസാ​രി​ച്ചു. ആളുകൾ വിജയം അളക്കു​ന്നത്‌ സാമ്പത്തിക നേട്ടങ്ങ​ളു​ടെ​യോ മറ്റ്‌ വ്യക്തി​പ​ര​മായ നേട്ടങ്ങ​ളു​ടെ​യോ അടിസ്ഥാ​ന​ത്തി​ലാ​ണെ​ങ്കി​ലും, ദൈവം വിജയം അളക്കുന്ന വിധമാണ്‌ വാസ്‌ത​വ​ത്തിൽ പ്രാധാ​ന്യ​മർഹി​ക്കുന്ന സംഗതി​യെന്ന്‌ അദ്ദേഹം വിശദീ​ക​രി​ച്ചു. യേശു​വി​ന്റെ ശുശ്രൂഷ വിജയ​പ്ര​ദ​മാ​യി​രു​ന്നത്‌, അവൻ അനേകം മതപരി​വർത്തി​തരെ ഉളവാ​ക്കി​യ​തു​കൊ​ണ്ടല്ല മറിച്ച്‌ തന്റെ നിയമ​ന​ത്തിൽ വിശ്വ​സ്‌ത​നാ​യി​രു​ന്ന​തു​കൊ​ണ്ടാണ്‌. യേശു യഹോ​വ​യ്‌ക്കു മഹത്ത്വം കരേറ്റു​ക​യും ലോക​ത്താൽ മലിന​പ്പെ​ടാ​തെ നില​കൊ​ള്ളു​ക​യും ചെയ്‌തു. (യോഹ​ന്നാൻ 16:33; 17:4) എല്ലാ ക്രിസ്‌ത്യാ​നി​കൾക്കും ചെയ്യാൻ കഴിയുന്ന കാര്യ​ങ്ങ​ളാ​ണിവ.

“സകല മനുഷ്യർക്കും ദാസന്മാ​രാ​യി​രി​ക്കുക,” പൂർവ​ദേ​ശത്ത്‌ മുമ്പൊ​രു മിഷന​റി​യാ​യി​രുന്ന റോബർട്ട്‌ പെവി ഉപദേ​ശി​ച്ചു. അപ്പോ​സ്‌ത​ല​നായ പൗലൊസ്‌ വിജയ​പ്ര​ദ​നാ​യൊ​രു മിഷന​റി​യാ​യി​രു​ന്നു. എന്തായി​രു​ന്നു അതിന്റെ രഹസ്യം? അവൻ തന്നെത്തന്നെ എല്ലാവർക്കും ദാസനാ​ക്കി. (1 കൊരി​ന്ത്യർ 9:19-23) പ്രസം​ഗകൻ വിശദീ​ക​രി​ച്ചു: “ആ മനോ​ഭാ​വ​മുള്ള ഒരു ഗിലെ​യാദ്‌ ബിരു​ദ​ധാ​രി, മിഷനറി സേവനത്തെ ഒരു പുരോ​ഗ​മ​നാ​ത്മക ജീവി​ത​വൃ​ത്തി​യാ​യോ സ്ഥാപന​ത്തി​ലെ കൂടുതൽ പ്രധാ​ന​പ്പെട്ട സ്ഥാനങ്ങ​ളി​ലേ​ക്കുള്ള ഒരു ചവിട്ടു​പ​ടി​യാ​യോ വീക്ഷി​ക്കു​ക​യില്ല. ഒരു മിഷനറി ഓരേ​യൊ​രു ആന്തര​ത്തോ​ടെ തന്റെ മിഷനറി നിയമ​ന​ത്തി​നു പോകു​ന്നു—സേവി​ക്കാൻ, കാരണം അതാണ്‌ ദാസന്മാർ ചെയ്യു​ന്നത്‌.”

തന്റെ ബുദ്ധ്യു​പ​ദേ​ശത്തെ പ്രധാ​ന​മാ​യും 2 കൊരി​ന്ത്യർ 3-ഉം 4-ഉം അധ്യാ​യ​ങ്ങ​ളിൽ അടിസ്ഥാ​ന​പ്പെ​ടു​ത്തി​ക്കൊണ്ട്‌ ഭരണസം​ഘ​ത്തി​ലെ ഗെരി​ററ്‌ ലോഷ്‌ “യഹോ​വ​യു​ടെ മഹത്ത്വത്തെ ദർപ്പണ​ങ്ങ​ളെ​പ്പോ​ലെ പ്രതി​ഫ​ലി​പ്പി”ക്കാൻ വിദ്യാർഥി​കളെ ഉദ്‌ബോ​ധി​പ്പി​ച്ചു. ദൈവ​പ​രി​ജ്ഞാ​നം സ്വീക​രി​ക്കാ​നാ​യി ഒരു ക്രിസ്‌ത്യാ​നി തന്റെ ഹൃദയം തുറക്കു​മ്പോൾ അത്‌ അയാളെ പ്രകാ​ശി​പ്പി​ക്കുന്ന ഒരു വെളിച്ചം പോ​ലെ​യാ​ണെന്ന്‌ അദ്ദേഹം അവരെ ഓർമി​പ്പി​ച്ചു. സുവാർത്ത പ്രസം​ഗി​ച്ചു​കൊ​ണ്ടും നല്ല നടത്ത നിലനിർത്തി​ക്കൊ​ണ്ടും നാം ആ വെളിച്ചം പ്രതി​ഫ​ലി​പ്പി​ക്കു​ന്നു. “അപര്യാ​പ്‌ത​രാ​ണെന്ന തോന്നൽ ചില​പ്പോൾ നിങ്ങൾക്കു​ണ്ടാ​യേ​ക്കാം,” അദ്ദേഹം സമ്മതിച്ചു. “അത്തരം തോന്ന​ലു​കൾ ഉണ്ടാകു​മ്പോൾ യഹോ​വ​യിൽ ആശ്രയി​ക്കുക, ‘എന്തെന്നാൽ സാധാ​ര​ണ​യിൽ കവിഞ്ഞ ശക്തി ദൈവ​ത്തി​ന്റേ​താ​കാം.’” (2 കൊരി​ന്ത്യർ 4:7, NW) 2 കൊരി​ന്ത്യർ 4:1-ൽ (NW) രേഖ​പ്പെ​ടു​ത്തി​യി​രി​ക്കുന്ന പൗലൊ​സി​ന്റെ വാക്കുകൾ പ്രതി​ധ്വ​നി​പ്പി​ച്ചു​കൊണ്ട്‌ ലോഷ്‌ സഹോ​ദരൻ വിദ്യാർഥി​ക​ളോട്‌ അഭ്യർഥി​ച്ചു: “നിങ്ങളു​ടെ മിഷനറി നിയമനം ഉപേക്ഷി​ക്ക​രുത്‌. നിങ്ങളു​ടെ ദർപ്പണം മിനു​സ​മു​ള്ള​താ​യി നിലനിർത്തുക!”

ഗിലെ​യാദ്‌ അധ്യാ​പ​ക​രിൽ ഒരാളായ കാൾ ആഡംസ്‌, “യഹോവ എവിടെ?” എന്ന രസകര​മായ വിഷയം അവതരി​പ്പി​ച്ചു. ആ ചോദ്യം, പ്രപഞ്ച​ത്തിൽ ദൈവം വസിക്കുന്ന സ്ഥലത്തെയല്ല, മറിച്ച്‌ യഹോ​വ​യു​ടെ വീക്ഷണ​ഗ​തി​യും അവന്റെ മാർഗ​നിർദേ​ശ​ത്തി​ന്റെ സൂചന​ക​ളും പരിഗ​ണി​ക്കേ​ണ്ട​തി​ന്റെ ആവശ്യത്തെ പരാമർശി​ക്കു​ന്നു. “യഹോ​വ​യു​ടെ സേവന​ത്തിൽ ദീർഘ​കാല പരിച​യ​മുള്ള ഒരു വ്യക്തി​പോ​ലും സമ്മർദ​ത്തിൻ കീഴി​ലാ​യി​രി​ക്കു​മ്പോൾ അവന്റെ വീക്ഷണ​ഗതി വിസ്‌മ​രി​ച്ചേ​ക്കാം,” അദ്ദേഹം പറഞ്ഞു. (ഇയ്യോബ്‌ 35:10) നമ്മുടെ ആധുനിക കാലത്തെ സംബന്ധി​ച്ചെന്ത്‌? 1942-ൽ ദൈവ​ജനം മാർഗ​നിർദേശം ആവശ്യ​മുള്ള അവസ്ഥയി​ലാ​യി​രു​ന്നു. പ്രസം​ഗ​വേല സമാപി​ക്കു​ക​യാ​യി​രു​ന്നോ, അതോ കൂടുതൽ വേല ചെയ്യേ​ണ്ട​തു​ണ്ടാ​യി​രു​ന്നോ? തന്റെ ജനത്തി​നു​വേ​ണ്ടി​യുള്ള യഹോ​വ​യു​ടെ ഹിതം എന്തായി​രു​ന്നു? അവർ ദൈവ​വ​ചനം പഠിച്ച​പ്പോൾ ഉത്തരം വ്യക്തമാ​യി​ത്തീർന്നു. “ആ വർഷം അവസാ​നി​ക്കു​ന്ന​തി​നു മുമ്പു​തന്നെ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​നു​വേ​ണ്ടി​യുള്ള ആസൂ​ത്ര​ണങ്ങൾ ചെയ്‌തു കഴിഞ്ഞി​രു​ന്നു,” ആഡംസ്‌ സഹോ​ദരൻ പ്രസ്‌താ​വി​ച്ചു. ആ സ്‌കൂൾ അയച്ച മിഷന​റി​മാ​രു​ടെ വേലയെ യഹോവ നിശ്ചയ​മാ​യും അനു​ഗ്ര​ഹി​ച്ചി​രി​ക്കു​ന്നു.

പ്രസം​ഗി​ച്ച രണ്ടാമത്തെ അധ്യാ​പകൻ മാർക്ക്‌ നൂമർ ആയിരു​ന്നു. “നിങ്ങളു​ടെ പ്രാപ്‌തി​കൾ നിങ്ങൾ എങ്ങനെ ഉപയോ​ഗി​ക്കും?” എന്ന ശീർഷ​ക​ത്തോ​ടു​കൂ​ടിയ തന്റെ പ്രസം​ഗ​ത്തിൽ, തങ്ങളുടെ പുതിയ നിയമ​ന​സ്ഥ​ലത്ത്‌ എത്തിയാ​ലു​ടനെ ഗിലെ​യാ​ദിൽ ലഭിച്ച പരിശീ​ലനം ബാധക​മാ​ക്കാൻ അദ്ദേഹം വിദ്യാർഥി​കളെ പ്രോ​ത്സാ​ഹി​പ്പി​ച്ചു. “മറ്റുള്ള​വ​രിൽ താത്‌പ​ര്യ​മെ​ടു​ക്കാൻ കഠിന​ശ്രമം ചെയ്യുക,” അദ്ദേഹം പറഞ്ഞു. “അവരു​മാ​യി ഇടപഴ​കുക. അതതു രാജ്യത്തെ ആചാര​ങ്ങ​ളും ചരി​ത്ര​വും നർമങ്ങ​ളും പഠിക്കു​ന്ന​തിൽ ഉത്സാഹ​മു​ള്ള​വ​രാ​യി​രി​ക്കുക. നിങ്ങൾ എത്ര വേഗം ഭാഷ പഠിക്കു​ന്നു​വോ അത്ര എളുപ്പം നിങ്ങൾ നിയമ​ന​ത്തോട്‌ അനുരൂ​പ​പ്പെ​ടും.”

തീക്ഷ്‌ണ​ത​യുള്ള വിദ്യാർഥി​കൾ ശുശ്രൂ​ഷ​യിൽ സന്തോഷം കണ്ടെത്തു​ന്നു

ഗിലെ​യാ​ദി​ലാ​യി​രി​ക്കെ തങ്ങളുടെ പഠനത്തിൽ ഉറ്റിരി​ക്കു​ന്ന​തി​നു പുറമേ, വിദ്യാർഥി​കൾ 11 പ്രാ​ദേ​ശിക സഭകളി​ലേക്കു നിയമി​ക്ക​പ്പെട്ടു. വാരാ​ന്ത്യ​ങ്ങ​ളിൽ അവർ ഉത്സാഹ​പൂർവം പ്രസം​ഗ​പ്ര​വർത്ത​ന​ത്തിൽ പങ്കെടു​ത്തു. തങ്ങളുടെ അനുഭ​വ​ങ്ങ​ളിൽ ചിലത്‌ സദസ്സു​മാ​യി പങ്കു​വെ​ക്കാൻ ഗിലെ​യാദ്‌ അധ്യാ​പ​ക​നായ വാലസ്‌ ലിവെ​റൻസ്‌ അവരിൽ ചിലരെ ക്ഷണിച്ചു. ഷോപ്പിങ്‌ കേന്ദ്രങ്ങൾ, പാർക്കിങ്‌ സ്ഥലങ്ങൾ, ബിസി​നസ്‌ പ്രദേ​ശങ്ങൾ, തെരു​വു​കൾ, വീടുകൾ എന്നിവി​ട​ങ്ങ​ളിൽ സാക്ഷീ​ക​രി​ച്ച​പ്പോ​ഴു​ണ്ടായ അനുഭ​വങ്ങൾ പറഞ്ഞ​പ്പോൾ അവരുടെ സന്തോഷം പ്രകട​മാ​യി​രു​ന്നു. അവരിൽ ചിലർ, തങ്ങളുടെ സഭയുടെ പ്രദേ​ശത്ത്‌ താമസിച്ച്‌ ജോലി​ചെ​യ്യുന്ന, വിദേ​ശ​ഭാഷ സംസാ​രി​ക്കു​ന്ന​വ​രു​മാ​യി ബന്ധപ്പെ​ടാ​നുള്ള വഴികൾ തേടി. 103-ാമത്തെ ക്ലാസ്സിലെ അംഗങ്ങൾ തങ്ങളുടെ അഞ്ചു മാസത്തെ പരിശീ​ലന സമയത്ത്‌ കുറഞ്ഞത്‌ പത്ത്‌ ഭവന​ബൈ​ബി​ള​ധ്യ​യ​നങ്ങൾ ആരംഭി​ക്കു​ക​യും നടത്തു​ക​യും ചെയ്‌തു.

ദീർഘ​കാല മിഷന​റി​മാർ വിജയ​ര​ഹ​സ്യ​ങ്ങൾ പങ്കു​വെ​ക്കു​ന്നു

പരിപാ​ടി​യി​ലെ ഈ ആസ്വാ​ദ്യ​മായ ഭാഗത്തെ തുടർന്ന്‌, പാട്രിക്‌ ലാഫ്രൻക​യും വില്യം വാൻ ഡെ വോളും ഏഴ്‌ ബ്രാഞ്ച്‌ കമ്മിറ്റി അംഗങ്ങളെ തങ്ങളുടെ മിഷന​റി​വൃ​ത്തി​യിൽ അവർ പഠിച്ച പാഠങ്ങൾ ക്ലാസ്സിന്റെ പ്രയോ​ജ​ന​ത്തി​നാ​യി വിവരി​ക്കാൻ ക്ഷണിച്ചു. മിഷനറി നിയമ​നത്തെ യഹോ​വ​യിൽനി​ന്നു വരുന്ന​താ​യി പരിഗ​ണി​ക്കാ​നും നിയമ​ന​ത്തോട്‌ പറ്റിനിൽക്കാൻ ദൃഢനി​ശ്ചയം ചെയ്യാ​നും അവർ ബിരു​ദ​ധാ​രി​കളെ ഉദ്‌ബോ​ധി​പ്പി​ച്ചു. മറ്റു രാജ്യ​ങ്ങ​ളി​ലെ വേലയിൽ ഗിലെ​യാദ്‌-പരിശീ​ലിത മിഷന​റി​മാർ ഉളവാ​ക്കി​യി​ട്ടുള്ള ക്രിയാ​ത്മക ഫലങ്ങ​ളെ​ക്കു​റിച്ച്‌ അവർ സംസാ​രി​ച്ചു.

സന്തുഷ്ട​രും ഫലപ്ര​ദ​രു​മായ മിഷന​റി​മാർ എന്നനി​ല​യിൽ പതിറ്റാ​ണ്ടു​ക​ളോ​ളം സേവി​ക്കാൻ ഈ ബ്രാഞ്ച്‌ കമ്മിററി അംഗങ്ങളെ സഹായി​ച്ച​തെ​ന്താണ്‌? അവർ പ്രാ​ദേ​ശിക സഹോ​ദ​ര​ന്മാ​രു​മാ​യി അടുത്തു പ്രവർത്തി​ക്കു​ക​യും അവരിൽനിന്ന്‌ പഠിക്കു​ക​യും ചെയ്‌തു. അവർ തങ്ങളുടെ നിയമ​ന​സ്ഥ​ല​ത്തെ​ത്തിയ ഉടൻതന്നെ അവിടു​ത്തെ ഭാഷ പഠിക്കു​ന്ന​തിൽ മുഴുകി. പ്രാ​ദേ​ശിക ആചാര​ങ്ങ​ളോ​ടുള്ള ബന്ധത്തിൽ വഴക്കമു​ള്ള​വ​രാ​യി​രി​ക്കാ​നും അവയോ​ടു പൊരു​ത്ത​പ്പെ​ടാ​നും അവർ പഠിച്ചു. ആദ്യ ഗിലെ​യാദ്‌ ക്ലാസ്സിലെ ഒരു ബിരു​ദ​ധാ​രി​യും 54 വർഷമാ​യി ഒരു മിഷന​റി​യു​മായ ചാൾസ്‌ ഐസ്‌നോ​വർ വിജയ​പ്ര​ദ​രായ മിഷന​റി​മാർ പഠിച്ചി​ട്ടുള്ള അഞ്ച്‌ “രഹസ്യങ്ങൾ” പങ്കു​വെച്ചു: (1) ക്രമമാ​യി ബൈബിൾ പഠിക്കുക, (2) ഭാഷ പഠിക്കുക, (3) ശുശ്രൂ​ഷ​യിൽ സജീവ​രാ​യി​രി​ക്കുക, (4) മിഷനറി ഭവനത്തി​ലെ സമാധാ​ന​ത്തി​നാ​യി യത്‌നി​ക്കുക, (5) യഹോ​വ​യോ​ടു പതിവാ​യി പ്രാർഥി​ക്കുക. തങ്ങൾക്കു ലഭിച്ച പ്രാ​യോ​ഗിക ഉപദേശം മാത്രമല്ല, അനുഭ​വ​സ​മ്പ​ന്ന​രായ ഈ മിഷന​റി​മാർക്ക്‌ യഹോ​വ​യു​ടെ സേവന​ത്തി​ലുള്ള പ്രകട​മായ സന്തോ​ഷ​വും വിദ്യാർഥി​ക​ളിൽ മതിപ്പു​ള​വാ​ക്കി. അർമാൻഡോ​യും ലൂപ്പും ഇങ്ങനെ പറഞ്ഞു: “തങ്ങളുടെ ജീവി​ത​ത്തെ​ക്കു​റിച്ച്‌ പറയു​മ്പോൾ അവർ സന്തുഷ്ട​രാണ്‌.”

അഭിമു​ഖ​ങ്ങൾക്കു ശേഷം ഒരു പ്രസംഗം കൂടി​യു​ണ്ടാ​യി​രു​ന്നു. ഭരണസം​ഘ​ത്തി​ലെ ഒരംഗ​മായ ആൽബർട്ട്‌ ഷ്രോഡർ, “ദൈവ വചനത്തി​ന്റെ വിശ്വസ്‌ത കാര്യ​സ്ഥ​വൃ​ത്തി സത്യത്തി​ന്റെ അമൂല്യ രത്‌നങ്ങൾ അനാവ​രണം ചെയ്യുന്നു” എന്നത്‌ തന്റെ വിഷയ​മാ​യി തിര​ഞ്ഞെ​ടു​ത്തു. ഗിലെ​യാദ്‌ സ്‌കൂ​ളി​ലെ മുഖ്യ പാഠപു​സ്‌തകം ബൈബി​ളാ​യി​രു​ന്ന​തി​നാൽ, അദ്ദേഹ​ത്തിന്‌ പറയാ​നു​ണ്ടാ​യി​രു​ന്ന​തിൽ വിദ്യാർഥി​കൾ തത്‌പ​ര​രാ​യി​രു​ന്നു. 50 വർഷം മുമ്പ്‌ വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തി​ന്റെ ജോലി ആരംഭി​ച്ച​പ്പോൾ, പുതി​യ​ലോക ബൈബിൾ പരിഭാ​ഷാ സംഘത്തി​ലെ അഭിഷിക്ത അംഗങ്ങൾ മനുഷ്യ​രു​ടെ അംഗീ​കാ​രം തേടി​യില്ല, മറിച്ച്‌ പരിശു​ദ്ധാ​ത്മാ​വി​ന്റെ മാർഗ​നിർദേ​ശ​ത്തിൽ ആശ്രയി​ച്ചു​വെന്ന്‌ ഷ്രോഡർ സഹോ​ദരൻ ചൂണ്ടി​ക്കാ​ട്ടി. (യിരെ​മ്യാ​വു 17:5-8) എന്നാൽ അടുത്ത​യി​ടെ, പുതി​യ​ലോക ഭാഷാ​ന്തരം നിലനിർത്തി​യി​രി​ക്കുന്ന ഉന്നതനി​ല​വാ​രം ചില പണ്ഡിത​ന്മാർ തിരി​ച്ച​റി​ഞ്ഞി​രി​ക്കു​ന്നു. സൊ​സൈ​റ്റി​ക്കുള്ള ഒരു കത്തിൽ ഒരു പണ്ഡിതൻ എഴുതി: “ഗുണ​മേ​ന്മ​യുള്ള ഒരു പ്രസി​ദ്ധീ​ക​രണം കാണു​മ്പോൾ എനിക്ക​റി​യാം, ‘പുതി​യ​ലോക ബൈബിൾ പരിഭാ​ഷാ സംഘം’ ഒരു അത്യുത്തമ വേല നിർവ​ഹി​ച്ചി​രി​ക്കു​ന്നു.”

ആ പ്രസം​ഗ​ത്തി​നു ശേഷം വിദ്യാർഥി​കൾക്കു തങ്ങളുടെ ഡിപ്ലോ​മകൾ ലഭിച്ചു. അവരുടെ നിയമ​നങ്ങൾ സദസ്സിനെ അറിയി​ച്ചു. ക്ലാസ്സിലെ അംഗങ്ങളെ സംബന്ധി​ച്ചി​ട​ത്തോ​ളം അത്‌ വികാ​രാർദ്ര​മായ ഒരു സമയമാ​യി​രു​ന്നു. ക്ലാസ്സിന്റെ ഒരു പ്രതി​നി​ധി വിലമ​തി​പ്പു പ്രകടി​പ്പി​ച്ചു​കൊ​ണ്ടുള്ള കത്ത്‌ വായി​ച്ച​പ്പോൾ അനേക​രിൽനിന്ന്‌ ഗദ്‌ഗ​ദ​മു​യ​രു​ക​യും കണ്ണുകൾ ഈറന​ണി​യു​ക​യും ചെയ്‌തു. വിദ്യാർഥി​ക​ളിൽ ചിലർ വർഷങ്ങ​ളാ​യി മിഷന​റി​വേ​ല​യ്‌ക്കു വേണ്ടി ഒരുങ്ങു​ക​യാ​യി​രു​ന്നു. ഗിലെ​യാദ്‌ കോഴ്‌സ്‌ ഇംഗ്ലീ​ഷി​ലാ​യി​രി​ക്കും നടത്ത​പ്പെ​ടു​ന്ന​തെന്ന്‌ മനസ്സി​ലാ​ക്കി​ക്കൊണ്ട്‌ ചുരുക്കം ചിലർ ആ ഭാഷയി​ലുള്ള തങ്ങളുടെ കഴിവ്‌ മെച്ച​പ്പെ​ടു​ത്താ​നാ​യി ഇംഗ്ലീഷ്‌ ഭാഷ സംസാ​രി​ക്കുന്ന സഭകളി​ലേക്ക്‌ മാറി​യി​രു​ന്നു. മറ്റു ചിലർ തങ്ങളുടെ രാജ്യ​ത്തോ വിദേ​ശ​ത്തോ പയനി​യർമാ​രു​ടെ കൂടുതൽ ആവശ്യ​മുള്ള സ്ഥലത്തേക്ക്‌ മാറി​യി​രു​ന്നു. ഇനിയും ചിലർ, അനുഭ​വങ്ങൾ വായി​ക്കു​ക​യോ ഗവേഷണം നടത്തു​ക​യോ ഭൂമി​യു​ടെ അറുതി​ക​ളി​ലേക്ക്‌ എന്ന സൊ​സൈ​റ്റി​യു​ടെ വീഡി​യോ കാസെറ്റ്‌ ആവർത്തി​ച്ചാ​വർത്തിച്ച്‌ കാണു​ക​യോ ചെയ്‌തു​കൊണ്ട്‌ തയ്യാ​റെ​ടുപ്പ്‌ നടത്തി​യി​രു​ന്നു.

ആമുഖ​ത്തിൽ പരാമർശിച്ച വില്ലും പാറ്റ്‌സി​യും, വിദ്യാർഥി​ക​ളോ​ടു പ്രദർശി​പ്പിച്ച വ്യക്തി​പ​ര​മായ താത്‌പ​ര്യ​ത്താൽ വികാ​ര​ത​ര​ളി​ത​രാ​യി. “ഞങ്ങളെ അറിയു​ക​പോ​ലു​മി​ല്ലാത്ത ആളുകൾ ഞങ്ങളെ ആശ്ലേഷി​ക്കു​ക​യും ഞങ്ങളുടെ ഫോ​ട്ടോ​യെ​ടു​ക്കു​ക​യും ചെയ്‌തു. ഭരണസം​ഘ​ത്തി​ലെ ഒരംഗം ഞങ്ങളുടെ കൈപി​ടിച്ച്‌ കുലു​ക്കി​യിട്ട്‌ പറഞ്ഞു: ‘നിങ്ങ​ളെ​പ്രതി ഞങ്ങൾ അഭിമാ​നം കൊള്ളു​ന്നു!’” യാതൊ​രു സംശയ​വു​മില്ല, 103-ാമത്തെ ക്ലാസ്സിലെ വിദ്യാർഥി​കൾ അതിയാ​യി സ്‌നേ​ഹി​ക്ക​പ്പെ​ടു​ന്നു. അവർ നന്നായി പരിശീ​ലി​പ്പി​ക്ക​പ്പെ​ട്ടി​രി​ക്കു​ന്നു. ഗിലെ​യാ​ദിൽ അവർക്കു ലഭിച്ച പരിശീ​ലനം വിജയ​പ്ര​ദ​രായ വിദ്യാർഥി​ക​ളിൽനിന്ന്‌ വിജയ​പ്ര​ദ​രായ മിഷന​റി​മാ​രാ​യി മാറാൻ അവരെ സഹായി​ക്കും.

[22-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണക്ക്‌

പ്രതിനിധീകരിച്ച രാജ്യ​ങ്ങ​ളു​ടെ എണ്ണം: 9

നിയമിക്കപ്പെട്ട രാജ്യ​ങ്ങ​ളു​ടെ എണ്ണം: 18

വിദ്യാർഥികളുടെ എണ്ണം: 48

വിവാഹിത ദമ്പതി​ക​ളു​ടെ എണ്ണം: 24

ശരാശരി വയസ്സ്‌: 33

സത്യത്തിലായിരുന്ന ശരാശരി വർഷം: 16

മുഴുസമയ ശുശ്രൂ​ഷ​യി​ലാ​യി​രുന്ന ശരാശരി വർഷം: 12

[23-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 103-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ബെൻ, എ.; ഡാൽസ്റ്റെഡ്‌, എം.; കമ്പാനിയ, ഇസെഡ്‌.; ബോയി​യ​ജി​ളൂ, ആർ.; ഒഗാൻഡോ, ജി.; നിക്കൻചുക്ക്‌, റ്റി.; മെൽവിൻ, എസ്‌. (2) മേ, എം.; മാപുല, എം.; ല്വിൻ, ജെ.; ഹിറ്റാമാ, ഡി.; ഹെർനാൻഡസ്‌, സി.; ബോയി​യ​ജി​ളൂ, എൻ.; സ്‌ട്രം, എ.; മെൽവിൻ, കെ. (3) റ്റോം, ജെ.; മാപുല, ഇ.; നോൾ, എം.; റ്റിസഡൽ, പി.; റൈറ്റ്‌, പി.; പെരസ്‌, എൽ.; ഷെന​പെൽറ്റ്‌, എം.; പാക്ക്‌, എച്ച്‌. (4) മർഫി, എം.; കമ്പാനിയ, ജെ.; സ്റ്റ്യൂവർറ്റ്‌, എസ്‌.; ചറഡാ, എം.; റീഡ്‌, എം.; പെരസ്‌, എ.; റ്റിസഡൽ, ഡബ്ലിയു.; പാക്ക്‌, ജെ. (5) സ്റ്റ്യൂവർറ്റ്‌, ഡി.; റൈറ്റ്‌, എ.; ചറഡാ, പി.; നിക്കൻചുക്ക്‌, എഫ്‌.; റീഡ്‌, ജെ.; ഹിറ്റാമാ, കെ.; ഒഗാൻഡോ, സി.; ഷെന​പെൽറ്റ്‌, ആർ. (6) മർഫി, റ്റി.; ഹെർനാൻഡസ്‌, ജെ.; നോൾ, എം.; ബെൻ, ബി.; റ്റോം, ആർ.; ഡാൽസ്റ്റെഡ്‌, റ്റി.; ല്വിൻ, ഇസെഡ്‌.; മേ, ആർ.; സ്‌ട്രം, എ.

[24-ാം പേജിലെ ചിത്രം]

എവിടേക്കാണ്‌ നാം പോകു​ന്നത്‌?