‘യഹോ​വ​യു​ടെ ദിവസ’ത്തെ അതിജീ​വി​ക്കൽ

“യഹോ​വ​യു​ടെ ദിവസം വലുതും അതിഭ​യ​ങ്ക​ര​വു​മാ​കു​ന്നു; സഹിക്കാ​കു​ന്നവൻ ആർ?”—യോവേൽ 2:11.

1. ‘യഹോ​വ​യു​ടെ അതിഭ​യങ്കര ദിവസം’ ആഹ്ലാദ​ത്തി​നുള്ള സന്ദർഭ​മാ​യി​രി​ക്കേ​ണ്ട​തെ​ന്തു​കൊണ്ട്‌?

‘അതിഭ​യ​ങ്കരം!’ അങ്ങനെ​യാണ്‌ ദൈവ​ത്തി​ന്റെ പ്രവാ​ച​ക​നായ യോവേൽ “യഹോ​വ​യു​ടെ ദിവസ”ത്തെ വർണി​ക്കു​ന്നത്‌. എന്നിരു​ന്നാ​ലും, യഹോ​വയെ സേവി​ക്കുന്ന, യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ സമർപ്പണം നടത്തി​യി​രി​ക്കുന്ന നാം യഹോ​വ​യു​ടെ ദിവസം സമീപി​ക്കു​ന്തോ​റും ഭയന്നു​വി​റ​യ്‌ക്കേ​ണ്ട​തില്ല. തീർച്ച​യാ​യും ആ ദിവസം ഭയങ്കരം​ത​ന്നെ​യാ​യി​രി​ക്കും, അതേസ​മയം മഹത്തായ രക്ഷയുടെ ഒരു ദിവസ​വു​മാ​യി​രി​ക്കും. സഹസ്രാ​ബ്ദ​ങ്ങ​ളാ​യി മനുഷ്യ​വർഗത്തെ ദുരി​ത​ങ്ങ​ളി​ലാ​ഴ്‌ത്തി​യി​രി​ക്കുന്ന ഈ ദുഷ്ടവ്യ​വ​സ്ഥി​തി​യിൽനി​ന്നു മോചനം ലഭിക്കുന്ന ദിവസ​മാ​യി​രി​ക്കും അത്‌. ആ ദിവസത്തെ മനസ്സിൽപ്പി​ടി​ച്ചു​കൊണ്ട്‌, യോവേൽ ദൈവ​ജ​ന​ത്തോ​ടു പറയുന്നു. “ഘോഷി​ച്ചു​ല്ല​സി​ച്ചു സന്തോ​ഷിക്ക; യഹോവ വൻകാ​ര്യ​ങ്ങളെ ചെയ്‌തി​രി​ക്കു​ന്നു.” തുടർന്ന്‌ അവൻ ഈ ഉറപ്പു​നൽകു​ന്നു: “യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും.” പിന്നെ ദൈവ​രാ​ജ്യ​ക്ര​മീ​ക​ര​ണ​ത്തിൽ, “ഒരു രക്ഷിത​ഗ​ണ​വും ശേഷി​ച്ചി​രി​ക്കു​ന്ന​വ​രു​ടെ [“അതിജീ​വ​ക​രു​ടെ,” NW] കൂട്ടത്തിൽ യഹോവ വിളി​പ്പാ​നു​ള്ള​വ​രും ഉണ്ടാകും.”—യോവേൽ 2:11, 21, 22, 32.

2. ദൈ​വോ​ദ്ദേ​ശ്യ​ങ്ങൾ നിവൃ​ത്തി​യേ​റവേ, (എ) “കർത്താ​വി​ന്റെ ദിവസ”ത്തിൽ എന്തു സംഭവി​ക്കു​ന്നു? (ബി) “യഹോ​വ​യു​ടെ ദിവസ”ത്തിൽ എന്തു സംഭവി​ക്കു​ന്നു?

² യഹോ​വ​യു​ടെ അതിഭ​യങ്കര ദിവസ​വും വെളി​പ്പാ​ടു 1:10-ലെ “കർത്താ​വി​ന്റെ ദിവസ”വും (NW) ഒന്നാ​ണെന്നു ധരിക്ക​രുത്‌. രണ്ടാമ​ത്തേ​തിൽ വെളി​പ്പാ​ടു 1-22 അധ്യാ​യ​ങ്ങ​ളിൽ വർണി​ച്ചി​രി​ക്കുന്ന 16 ദർശന​ങ്ങ​ളു​ടെ നിവൃത്തി ഉൾപ്പെ​ടു​ന്നു. “ഇവ എപ്പോ​ഴാ​യി​രി​ക്കു​മെ​ന്നും നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കു​മെ​ന്നും ഞങ്ങളോ​ടു പറഞ്ഞാ​ലും” എന്ന ശിഷ്യ​ന്മാ​രു​ടെ അഭ്യർഥ​ന​യ്‌ക്കുള്ള ഉത്തരമാ​യി യേശു പ്രവചിച്ച എല്ലാ സംഭവ​ങ്ങ​ളും നിവൃ​ത്തി​യേ​റു​ന്ന​തും അതിലുൾപ്പെ​ടു​ന്നു. ഭൂമി​യി​ലെ ഭയാന​ക​മായ ‘യുദ്ധങ്ങ​ളും ക്ഷാമങ്ങ​ളും വിദ്വേ​ഷ​വും മഹാമാ​രി​ക​ളും നിയമ​രാ​ഹി​ത്യ​വും’ യേശു​വി​ന്റെ സ്വർഗീയ സാന്നി​ധ്യ​ത്തി​ന്റെ തെളി​വാണ്‌. ഈ ദുരി​തങ്ങൾ പലമട​ങ്ങാ​യി വർധി​ക്കവേ, “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസംഗി”ക്കാൻ തന്റെ ആധുനി​ക​കാല ശിഷ്യ​ന്മാ​രെ അയച്ചു​കൊണ്ട്‌ യേശു ദൈവ​ഭ​ക്ത​രായ മനുഷ്യർക്ക്‌ ആശ്വാസം പ്രദാനം ചെയ്‌തി​ട്ടുണ്ട്‌. തുടർന്ന്‌, കർത്താ​വി​ന്റെ ദിവസ​ത്തി​ലെ ഒരു നിർണാ​യക ഘട്ടത്തിൽ, ഈ വ്യവസ്ഥി​തി​യു​ടെ “അവസാനം,” യഹോ​വ​യു​ടെ അതിഭ​യങ്കര ദിവസം പൊട്ടി​പ്പു​റ​പ്പെ​ടും. (മത്തായി 24:3-14; ലൂക്കൊസ്‌ 21:11) അതു സാത്താന്റെ ദുഷിച്ച ലോക​ത്തി​ന്മേൽ ശീഘ്ര​ന്യാ​യ​വി​ധി നിർവ​ഹി​ക്കു​ന്ന​തി​നുള്ള യഹോ​വ​യു​ടെ ദിവസ​മാ​യി​രി​ക്കും. ‘ആകാശ​വും ഭൂമി​യും കുലു​ങ്ങി​പ്പോ​കും; എന്നാൽ യഹോവ തന്റെ ജനത്തിന്നു ശരണമാ​യി​രി​ക്കും.’—യോവേൽ 3:16.

യഹോവ നോഹ​യു​ടെ നാളിൽ പ്രവർത്തി​ക്കു​ന്നു

3. ഇന്നത്തെ അവസ്ഥകൾ നോഹ​യു​ടെ നാളി​ലേ​തി​നോ​ടു സമാന​മാ​യി​രി​ക്കു​ന്ന​തെ​ങ്ങനെ?

³ ഇന്നത്തെ ലോകാ​വ​സ്ഥകൾ 4,000 വർഷത്തി​ല​ധി​കം മുമ്പത്തെ ‘നോഹ​യു​ടെ നാളി’ലേതു​പോ​ലെ​യാണ്‌. (ലൂക്കൊസ്‌ 17:26, 27) ഉല്‌പത്തി 6:5-ൽ നാമി​ങ്ങനെ വായി​ക്കു​ന്നു: “ഭൂമി​യിൽ മമനു​ഷ്യ​ന്റെ ദുഷ്ടത വലിയ​തെ​ന്നും അവന്റെ ഹൃദയ​വി​ചാ​ര​ങ്ങ​ളു​ടെ നിരൂ​പ​ണ​മൊ​ക്കെ​യും എല്ലായ്‌പോ​ഴും ദോഷ​മു​ള്ള​ത​ത്രേ എന്നും യഹോവ കണ്ടു.” ലോകം ഇന്ന്‌ അതി​നോട്‌ എത്ര സമാനം! ദുഷ്ടത​യും അത്യാ​ഗ്ര​ഹ​വും സ്‌നേ​ഹ​രാ​ഹി​ത്യ​വും എവി​ടെ​യും നടമാ​ടു​ക​യാണ്‌. മനുഷ്യ​വർഗ​ത്തി​ന്റെ വഷളത്തം അതിന്റെ പാരമ്യ​ത്തി​ലെ​ത്തി​യെന്നു നമുക്കു ചില​പ്പോൾ തോന്നി​യേ​ക്കാം. എന്നാൽ “അന്ത്യനാ​ളു”കളെക്കു​റി​ച്ചുള്ള പൗലൊ​സി​ന്റെ പ്രവചനം നിറ​വേ​റി​ക്കൊ​ണ്ടേ​യി​രി​ക്കു​ക​യാണ്‌: “ദുഷ്ട മനുഷ്യ​രും കാപട്യ​ക്കാ​രും വഞ്ചിച്ചും വഞ്ചിക്ക​പ്പെ​ട്ടും അടിക്കടി അധഃപ​തി​ക്കും.”—2 തിമൊ​ഥെ​യൊസ്‌ 3:1, 13, NW.

4. ആദ്യകാ​ല​ങ്ങ​ളിൽ വ്യാജാ​രാ​ധ​ന​യ്‌ക്ക്‌ എന്തു സ്വാധീ​ന​മു​ണ്ടാ​യി​രു​ന്നു?

⁴ നോഹ​യു​ടെ നാളിലെ മനുഷ്യ​വർഗ​ത്തിന്‌ ആശ്വാസം കൈവ​രു​ത്താൻ അന്നത്തെ മതത്തിനു കഴിയു​മാ​യി​രു​ന്നോ? ഇല്ല, മറിച്ച്‌ അന്നത്തെ വിശ്വാ​സ​ത്യാ​ഗം ഭവിച്ച മതം നാശക​ര​മായ അവസ്ഥകൾ ഗണ്യമാ​യി വർധി​പ്പി​ച്ചി​ട്ടു​ണ്ടാ​കണം. നമ്മുടെ ആദ്യ മാതാ​പി​താ​ക്കൾ “പിശാ​ചും സാത്താ​നും എന്ന മഹാസർപ്പ​മായ പഴയ പാമ്പി”ന്റെ വ്യാജ​പ​ഠി​പ്പി​ക്ക​ലി​നു വശംവ​ദ​രാ​യി. ആദാമി​നു​ശേ​ഷ​മുള്ള രണ്ടാമത്തെ തലമു​റ​യിൽ, വ്യക്തമാ​യും ദൈവ​ദൂ​ഷ​ണ​പ​ര​മാ​യി “യഹോ​വ​യു​ടെ നാമം​വി​ളി തുടങ്ങി.” (വെളി​പ്പാ​ടു 12:9; ഉല്‌പത്തി 3:3-6; 4:26, NW) പിന്നീട്‌, ദൈവ​ത്തോ​ടുള്ള സമ്പൂർണ ഭക്തി വെടിഞ്ഞ മത്സരി​ക​ളായ ദൂതന്മാർ മനുഷ്യ​ശ​രീ​രം ധരിച്ച്‌ മനുഷ്യ​രു​ടെ സുന്ദരി​ക​ളായ പുത്രി​മാ​രു​മാ​യി അവിഹിത ലൈം​ഗി​ക​വേ​ഴ്‌ച​യിൽ ഏർപ്പെട്ടു. ഈ സ്‌ത്രീ​കൾ നെഫി​ലി​മു​കൾ എന്ന അതികാ​യ​ന്മാ​രായ സങ്കരസ​ന്ത​തി​കൾക്കു ജന്മം നൽകി. മർദക​രായ അവർ മനുഷ്യ​വർഗ​ത്തോ​ടു ക്രൂര​മാ​യി പെരു​മാ​റി. ഈ ഭൂത സ്വാധീ​ന​ത്തിൻകീ​ഴിൽ, “സകലജ​ഡ​വും ഭൂമി​യിൽ തന്റെ വഴി വഷളാക്കി.”—ഉല്‌പത്തി 6:1-12.

5. നോഹ​യു​ടെ നാളിലെ സംഭവ​ങ്ങ​ളോ​ടുള്ള ബന്ധത്തിൽ, യേശു നമുക്ക്‌ എന്തു മുന്നറി​യി​പ്പിൻ ഉദ്‌ബോ​ധനം നൽകുന്നു?

⁵ എന്നിരു​ന്നാ​ലും, യഹോ​വ​യോ​ടു നിർമലത പാലിച്ച ഒരു കുടും​ബ​മു​ണ്ടാ​യി​രു​ന്നു. അതു​കൊണ്ട്‌, ദൈവം “ഭക്തി​കെ​ട്ട​വ​രു​ടെ ലോക​ത്തിൽ ജലപ്ര​ളയം വരുത്തി​യ​പ്പോൾ നീതി​പ്ര​സം​ഗി​യായ നോഹയെ ഏഴു പേരോ​ടു​കൂ​ടെ പാലി”ച്ചു. (2 പത്രൊസ്‌ 2:5) ആ പ്രളയം ഈ വ്യവസ്ഥി​തി​യു​ടെ അന്ത്യത്തെ കുറി​ക്കുന്ന യഹോ​വ​യു​ടെ അതിഭ​യങ്കര ദിവസ​ത്തി​ന്റെ മുൻനി​ഴ​ലാ​യി​രു​ന്നു. അതി​നെ​ക്കു​റിച്ച്‌ യേശു ഇങ്ങനെ മുൻകൂ​ട്ടി​പ്പ​റഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല. നോഹ​യു​ടെ കാലം​പോ​ലെ തന്നേ മനുഷ്യ​പു​ത്രന്റെ വരവും [“സാന്നി​ധ്യ​വും,” NW] ആകും. ജലപ്ര​ള​യ​ത്തി​ന്നു മുമ്പുള്ള കാലത്തു നോഹ പെട്ടക​ത്തിൽ കയറി​യ​നാൾവരെ അവർ തിന്നും കുടി​ച്ചും വിവാഹം കഴിച്ചും വിവാ​ഹ​ത്തി​ന്നു കൊടു​ത്തും പോന്നു; ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മില്ല [“ഗൗനി​ച്ചില്ല,” NW]; മനുഷ്യ​പു​ത്രന്റെ വരവും അങ്ങനെ തന്നേ ആകും.” (മത്തായി 24:36-39) നാമിന്നു സമാന​മായ സ്ഥിതി​വി​ശേ​ഷ​ത്തി​ലാണ്‌. അതു​കൊണ്ട്‌ ‘സംഭവി​പ്പാ​നുള്ള എല്ലാറ​റിൽനി​ന്നും ഒഴിഞ്ഞു​പോ​കു​വാൻ നാം പ്രാപ്‌ത​രാ​കേ​ണ്ട​തി​ന്നു സദാ ഉണർന്നും പ്രാർഥി​ച്ചും​കൊ​ണ്ടി​രി​ക്കാൻ’ യേശു നമ്മെ ഉദ്‌ബോ​ധി​പ്പി​ക്കു​ന്നു.—ലൂക്കൊസ്‌ 21:34-36.

സൊ​ദോം ഗൊ​മോ​ര​യു​ടെ​മേ​ലുള്ള യഹോ​വ​യു​ടെ ശിക്ഷാ​വി​ധി

6, 7. (എ) ലോത്തി​ന്റെ നാളിലെ സംഭവങ്ങൾ എന്തിനെ മുൻനി​ഴ​ലാ​ക്കു​ന്നു? (ബി) ഇതു നമുക്ക്‌ ഏതു വ്യക്തമായ മുന്നറി​യി​പ്പു പ്രദാനം ചെയ്യുന്നു?

⁶ പ്രളയാ​ന​ന്തരം ഏതാനും നൂറ്റാ​ണ്ടു​കൾക്കു​ശേഷം, നോഹ​യു​ടെ പിൻഗാ​മി​കൾ ഭൂമി​യിൽ പെരു​കി​യ​പ്പോൾ, വിശ്വ​സ്‌ത​നായ അബ്രാ​ഹാ​മും അവന്റെ മച്ചുന​നായ ലോത്തും യഹോ​വ​യു​ടെ മറ്റൊരു അതിഭ​യങ്കര ദിവസ​ത്തി​നു ദൃക്‌സാ​ക്ഷി​ക​ളാ​യി. ലോത്തും കുടും​ബ​വും സൊ​ദോം നഗരത്തി​ലാണ്‌ പാർത്തി​രു​ന്നത്‌. അതും അയൽന​ഗ​ര​മായ ഗൊ​മോ​ര​യും മ്ലേച്ഛമായ ലൈം​ഗിക അധാർമി​ക​ത​യിൽ മുങ്ങി​യി​രു​ന്നു. ഭൗതി​ക​ത്വ​ചി​ന്താ​ഗ​തി​യും പ്രബല​മാ​യി​രു​ന്നു. അവസാനം അതു ലോത്തി​ന്റെ ഭാര്യ​യെ​യും ബാധിച്ചു. യഹോവ അബ്രാ​ഹാ​മി​നോ​ടു പറഞ്ഞു: “സൊ​ദോ​മി​ന്റെ​യും ഗൊ​മോ​ര​യു​ടെ​യും നിലവി​ളി വലിയ​തും അവരുടെ പാപം അതിക​ഠി​ന​വും ആകുന്നു.” (ഉല്‌പത്തി 18:20) സ്ഥലവാ​സി​ക​ളായ നീതി​മാ​ന്മാ​രെ​പ്രതി ആ നഗരങ്ങൾ നശിപ്പി​ക്ക​രു​തെന്ന്‌ അബ്രാ​ഹാം യഹോ​വ​യോ​ടു യാചിച്ചു. എന്നാൽ അവിടെ പത്തു നീതി​മാ​ന്മാർപോ​ലു​മി​ല്ലെന്നു യഹോവ പ്രഖ്യാ​പി​ച്ചു. അടുത്ത നഗരമായ സോവ​റി​ലേക്കു രക്ഷപ്പെ​ടാൻ ലോത്തി​നെ​യും രണ്ടു പുത്രി​മാ​രെ​യും ദൈവ​ദൂ​ത​ന്മാർ സഹായി​ച്ചു.

⁷ അതിനു​ശേ​ഷ​മോ? നമ്മുടെ “അന്ത്യനാ​ളു”കളെ ലോത്തി​ന്റെ നാളു​ക​ളു​മാ​യി താരത​മ്യം ചെയ്‌തു​കൊണ്ട്‌ ലൂക്കൊസ്‌ 17:28-30 പറയുന്നു: “ലോത്തി​ന്റെ കാലത്തു സംഭവി​ച്ച​തു​പോ​ലെ​യും തന്നേ; അവർ തിന്നും കുടി​ച്ചും​കൊ​ണ്ടും വിററും നട്ടും പണിതും പോന്നു. എന്നാൽ ലോത്ത്‌ സൊ​ദോം വിട്ട നാളിൽ ആകാശ​ത്തു​നി​ന്നു തീയും ഗന്ധകവും പെയ്‌തു എല്ലാവ​രെ​യും മുടി​ച്ചു​ക​ളഞ്ഞു. മനുഷ്യ​പു​ത്രൻ വെളി​പ്പെ​ടുന്ന നാളിൽ അവ്വണ്ണം തന്നേ ആകും.” യഹോ​വ​യു​ടെ ആ ഭയങ്കര ദിവസ​ത്തിൽ സൊ​ദോ​മി​നും ഗൊ​മോ​ര​യ്‌ക്കും സംഭവിച്ച ദുരന്തം യേശു​വി​ന്റെ സാന്നി​ധ്യ​കാ​ലത്ത്‌ ജീവി​ക്കുന്ന നമുക്ക്‌ ഒരു വ്യക്തമായ മുന്നറി​യി​പ്പു നൽകു​ന്നുണ്ട്‌. ഈ ആധുനി​ക​കാല മനുഷ്യ​വർഗ തലമു​റ​യും “ദുർന്ന​ടപ്പു ആചരിച്ചു അന്യജഡം മോഹി​ച്ചു നടന്നി”രിക്കുന്നു. (യൂദാ 7) കൂടാതെ, നമ്മുടെ നാളിലെ അധാർമിക ലൈം​ഗി​ക​ന​ട​പ​ടി​കൾ ഈ നാളി​ലേ​ക്കാ​യി യേശു മുൻകൂ​ട്ടി​പ്പ​റ​ഞ്ഞി​രി​ക്കുന്ന “മഹാവ്യാ​ധി​കളി”ലധിക​ത്തി​നും കാരണ​മാ​യി​രി​ക്കു​ന്നു.—ലൂക്കൊസ്‌ 21:11.

ഇസ്രാ​യേൽ “ചുഴലി​ക്കാ​റ്റു” കൊയ്യു​ന്നു

8. യഹോ​വ​യു​മാ​യുള്ള ഉടമ്പടി ഇസ്രാ​യേൽ എത്ര​ത്തോ​ളം പാലിച്ചു?

⁸ കാല​ക്ര​മ​ത്തിൽ, യഹോവ ഇസ്രാ​യേ​ലി​നെ ‘സകലജാ​തി​ക​ളി​ലും​വെച്ചു പ്രത്യേ​ക​സ​മ്പ​ത്താ​യി, ഒരു പുരോ​ഹി​ത​രാ​ജ​ത്വ​വും വിശു​ദ്ധ​ജ​നവു’മായി തിര​ഞ്ഞെ​ടു​ത്തു. എന്നാലത്‌ നിരു​പാ​ധി​ക​മാ​യി​രു​ന്നില്ല; അവർ ‘അവന്റെ വാക്കു കേട്ടു അനുസ​രി​ക്ക​യും അവന്റെ നിയമം പ്രമാ​ണി​ക്ക​യും ചെയ്യണ​മാ​യി​രു​ന്നു.’ (പുറപ്പാ​ടു 19:5, 6) ആ മഹത്തായ പദവിയെ അവർ ആദരി​ച്ചു​വോ? നിശ്ചയ​മാ​യും ഇല്ല! മോശ, ശമൂവേൽ, ദാവീദ്‌, യെഹോ​ശാ​ഫാത്ത്‌, ഹിസ്‌കീ​യാവ്‌, യോശി​യാവ്‌ എന്നിവ​രും മറ്റ്‌ അർപ്പിത പ്രവാ​ച​കീ​പ്ര​വാ​ച​ക​ന്മാ​രു​മായ ആ ജനതയി​ലെ വിശ്വ​സ്‌ത​രായ വ്യക്തികൾ അവനെ സേവിച്ചു കൂറു കാട്ടി​യെ​ന്നത്‌ സത്യം​തന്നെ. എന്നിരു​ന്നാ​ലും, ഒരു ജനതയെന്ന നിലയിൽ അവർ അവിശ്വ​സ്‌ത​രാ​യി​രു​ന്നു. കാല​ക്ര​മ​ത്തിൽ, ആ രാജ്യം രണ്ടായി പിളർന്നു—ഇസ്രാ​യേ​ലും യഹൂദ​യും. പൊതു​വേ പറഞ്ഞാൽ, രണ്ടു ജനതയും അയൽരാ​ജ്യ​ങ്ങ​ളു​ടെ വിജാ​തീയ ആരാധ​ന​യി​ലും ദൈവത്തെ അപമാ​നി​ക്കുന്ന മറ്റാചാ​ര​ങ്ങ​ളി​ലും മുങ്ങി​ത്തു​ടി​ച്ചു.—യെഹെ​സ്‌കേൽ 23:49.

9. മത്സരി​ക​ളായ പത്തു​ഗോ​ത്ര രാജ്യത്തെ യഹോവ ന്യായം​വി​ധി​ച്ച​തെ​ങ്ങനെ?

⁹ യഹോവ കാര്യ​ങ്ങളെ വിധി​ച്ച​തെ​ങ്ങനെ? എന്നത്തെ​യും​പോ​ലെ, അവൻ മുന്നറി​യി​പ്പു കൊടു​ത്തു. അത്‌ ആമോസ്‌ പറഞ്ഞ തത്ത്വത്തി​നു ചേർച്ച​യി​ലാ​യി​രു​ന്നു: “യഹോ​വ​യായ കർത്താവു പ്രവാ​ച​ക​ന്മാ​രായ തന്റെ ദാസന്മാർക്കു തന്റെ രഹസ്യം വെളി​പ്പെ​ടു​ത്താ​തെ ഒരു കാര്യ​വും ചെയ്‌ക​യില്ല.” ഇസ്രാ​യേ​ലെന്ന വടക്കേ രാജ്യ​ത്തി​ന്റെ നാശം മുൻകൂ​ട്ടി അറിയി​ച്ചത്‌ ആമോ​സ്‌ത​ന്നെ​യാ​യി​രു​ന്നു. “യഹോ​വ​യു​ടെ ദിവസം​കൊ​ണ്ടു നിങ്ങൾക്കു എന്തു ഗുണം? അതു വെളി​ച്ചമല്ല ഇരുട്ട​ത്രേ.” (ആമോസ്‌ 3:7; 5:18) കൂടാതെ, ആമോ​സി​ന്റെ സഹപ്ര​വാ​ച​ക​നായ ഹോശേയ പ്രഖ്യാ​പി​ച്ചു: “അവർ കാററു വിതെച്ചു, ചുഴലി​ക്കാ​ററു കൊയ്യും.” (ഹോശേയ 8:7) പൊ.യു.മു. 740-ൽ, യഹോവ അസീറി​യൻ സൈന്യ​ത്തെ​ക്കൊണ്ട്‌ ഇസ്രാ​യേ​ലെന്ന വടക്കേ രാജ്യത്തെ എന്നന്നേ​ക്കു​മാ​യി നശിപ്പി​ച്ചു.

വിശ്വാ​സ​ത്യാ​ഗം​ഭ​വിച്ച യഹൂദ​യു​മാ​യുള്ള യഹോ​വ​യു​ടെ കണക്കു​തീർപ്പ്‌

10, 11. (എ) യഹൂദ​യോ​ടു യഹോവ ക്ഷമിക്കാ​ഞ്ഞ​തെ​ന്തു​കൊണ്ട്‌? (ബി) ഏതെല്ലാം മ്ലേച്ഛതകൾ ജനതയെ ദുഷി​പ്പി​ച്ചി​രു​ന്നു?

¹⁰ യഹൂദ​യെന്ന തെക്കേ രാജ്യ​ത്തേ​ക്കും യഹോവ തന്റെ പ്രവാ​ച​ക​ന്മാ​രെ അയച്ചു. എന്നിട്ടും, ‘കുററ​മി​ല്ലാത്ത രക്തം ഏററവും വളരെ ചിന്നി​ച്ചും വിഗ്ര​ഹ​ങ്ങളെ സേവിച്ചു നമസ്‌ക​രി​ച്ചും’കൊണ്ട്‌ മനശ്ശെ, അവന്റെ പിൻഗാ​മി​യായ ആമോൻ എന്നിവ​രെ​പ്പോ​ലെ​യുള്ള യഹൂദാ രാജാ​ക്ക​ന്മാർ യഹോ​വ​യു​ടെ ദൃഷ്ടി​യിൽ മോശ​മായ കാര്യങ്ങൾ ചെയ്‌തു​കൊ​ണ്ടേ​യി​രു​ന്നു. ആമോന്റെ പുത്ര​നായ യോശി​യാവ്‌ യഹോ​വ​യു​ടെ ദൃഷ്ടി​യിൽ ശരിയാ​യതു ചെയ്‌തെ​ങ്കി​ലും, അവന്റെ പിൻഗാ​മി​ക​ളായ രാജാ​ക്ക​ന്മാ​രും ജനവും പിന്നെ​യും ദുഷ്ടത​യിൽ മുങ്ങി, അങ്ങനെ “ക്ഷമിപ്പാൻ യഹോ​വെക്കു മനസ്സാ​യില്ല.”—2 രാജാ​ക്ക​ന്മാർ 21:16-21; 24:3, 4.

¹¹ യഹോവ തന്റെ പ്രവാ​ച​ക​നായ യിരെ​മ്യാ​വി​ലൂ​ടെ പ്രഖ്യാ​പി​ച്ചു: “വിസ്‌മ​യ​വും ഭയങ്കര​വു​മാ​യു​ള്ളതു ദേശത്തു സംഭവി​ക്കു​ന്നു. പ്രവാ​ച​ക​ന്മാർ വ്യാജ​മാ​യി പ്രവചി​ക്കു​ന്നു; പുരോ​ഹി​ത​ന്മാ​രും അവരോ​ടു ഒരു കയ്യായി നിന്നു അധികാ​രം നടത്തുന്നു; എന്റെ ജനത്തി​ന്നോ അതു ഇഷ്ടം ആകുന്നു; എന്നാൽ ഒടുക്കം നിങ്ങൾ എന്തു​ചെ​യ്യും?” യഹൂദ രാജ്യം അങ്ങേയ​റ്റത്തെ രക്തപാ​ത​ക​ക്കു​റ്റം പേറി. മോഷണം, കൊല​പാ​തകം, വ്യഭി​ചാ​രം, കള്ളസത്യം ചെയ്യൽ, മറ്റു ദൈവ​ങ്ങളെ ആരാധി​ക്കൽ, മറ്റു മ്ലേച്ഛ കാര്യങ്ങൾ എന്നിവ​യാൽ അതിലെ ആളുകൾ ദുഷി​ച്ചി​രു​ന്നു. ദൈവ​ത്തി​ന്റെ ആലയം “കള്ളന്മാ​രു​ടെ ഗുഹ”യായി​ത്തീർന്നു.—യിരെ​മ്യാ​വു 2:34; 5:30, 31; 7:8-12.

12. വിശ്വാ​സ​ത്യാ​ഗം​ഭ​വിച്ച യെരൂ​ശ​ലേ​മി​നെ യഹോവ ശിക്ഷി​ച്ച​തെ​ങ്ങനെ?

¹² “ഞാൻ വടക്കു​നി​ന്നു [കല്‌ദ​യ​രിൽനി​ന്നു] അനർത്ഥ​വും വലിയ​നാ​ശ​വും വരുത്തു”മെന്നു യഹോവ പ്രഖ്യാ​പി​ച്ചു. (യിരെ​മ്യാ​വു 4:6) അങ്ങനെ, വിശ്വാ​സ​ത്യാ​ഗം​ഭ​വിച്ച യെരൂ​ശ​ലേ​മി​നെ​യും അതിന്റെ ആലയ​ത്തെ​യും ഇടിച്ചു​ത​കർക്കാൻ അവൻ ആ കാലത്ത്‌ “സർവ്വഭൂ​മി​യു​ടെ​യും ചുററിക”യായി​രുന്ന ബാബി​ലോ​ന്യ ലോക​ശ​ക്തി​യെ വരുത്തി. (യിരെ​മ്യാ​വു 50:23) പൊ.യു.മു. 607-ൽ ഒരു കടുത്ത ഉപരോ​ധം ഏർപ്പെ​ടു​ത്തി​യ​തി​നെ​ത്തു​ടർന്ന്‌, നഗരം നെബൂ​ഖ​ദ്‌നേ​സ​രി​ന്റെ ശക്തമായ സൈന്യ​ത്തി​നു​മു​മ്പിൽ മുട്ടു​കു​ത്തി. “ബാബേൽരാ​ജാ​വു രിബ്ലയിൽവെച്ചു സിദെ​ക്കീ​യാ[രാജാ]വിന്റെ പുത്ര​ന്മാ​രെ അവൻ കാൺകെ കൊന്നു; യെഹൂ​ദാ​കു​ലീ​ന​ന്മാ​രെ ഒക്കെയും ബാബേൽരാ​ജാ​വു കൊന്നു​ക​ളഞ്ഞു. അവൻ സിദെ​ക്കീ​യാ​വി​ന്റെ കണ്ണു പൊട്ടി​ച്ചു അവനെ ബാബേ​ലി​ലേക്കു കൊണ്ടു​പോ​കേ​ണ്ട​തി​ന്നു ചങ്ങലയി​ട്ടു ബന്ധിച്ചു. കല്‌ദയർ രാജഗൃ​ഹ​ത്തെ​യും ജനത്തിന്റെ വീടു​ക​ളെ​യും തീ വെച്ചു ചുട്ടു, യെരൂ​ശ​ലേ​മി​ന്റെ മതിലു​കളെ ഇടിച്ചു​ക​ളഞ്ഞു. നഗരത്തിൽ ശേഷിച്ച ജനത്തെ​യും തന്റെ പക്ഷം ചേരു​വാൻ ഓടി​വ​ന്ന​വ​രെ​യും ശേഷി​ച്ചി​രുന്ന ജനശി​ഷ്ട​ത്തെ​യും അകമ്പടി​നാ​യ​ക​നായ നെബൂസർ-അദാൻ ബാബേ​ലി​ലേക്കു പിടി​ച്ചു​കൊ​ണ്ടു​പോ​യി.”—യിരെ​മ്യാ​വു 39:6-9.

13. പൊ.യു.മു. 607-ലെ യഹോ​വ​യു​ടെ ദിവസ​ത്തിൽ രക്ഷിക്ക​പ്പെ​ട്ട​താർ, എന്തു​കൊണ്ട്‌?

¹³ തീർച്ച​യാ​യും അതിഭ​യങ്കര ദിവസം​തന്നെ! എന്നിരു​ന്നാ​ലും, യഹോ​വയെ അനുസ​രിച്ച ഏതാനും​പേർ ആ അഗ്നിമയ ന്യായ​വി​ധി​യിൽനി​ന്നു രക്ഷപ്പെട്ടു. യഹൂദ​രിൽനി​ന്നു നേർവി​പ​രീ​ത​മാ​യി താഴ്‌മ​യും അനുസ​ര​ണ​വും പ്രകട​മാ​ക്കിയ ഇസ്രാ​യേ​ല്യേ​ത​ര​രായ രേഖാ​ബ്യ​രും അതിലുൾപ്പെ​ട്ടി​രു​ന്നു. യിരെ​മ്യാ​വി​നെ ചെളി​നി​റഞ്ഞ കിണറ്റിൽനി​ന്നു ജീവ​നോ​ടെ രക്ഷിച്ച വിശ്വ​സ്‌ത​നായ ഏബെദ്‌-മേലെക്‌ എന്ന വിശ്വസ്‌ത ഷണ്ഡനും യിരെ​മ്യാ​വി​ന്റെ വിശ്വസ്‌ത പകർപ്പെ​ഴു​ത്തു​കാ​ര​നായ ബാരൂ​ക്കും രക്ഷപ്പെ​ട്ട​വ​രിൽപെ​ടു​ന്നു. (യിരെ​മ്യാ​വു 35:18, 19; 38:7-13; 39:15-18; 45:1-5) അത്തരക്കാ​രോ​ടാ​യി​രു​ന്നു യഹോവ പ്രഖ്യാ​പി​ച്ചത്‌: “നിങ്ങൾ പ്രത്യാ​ശി​ക്കുന്ന ശുഭഭാ​വി വരുവാൻ തക്കവണ്ണം ഞാൻ നിങ്ങ​ളെ​ക്കു​റി​ച്ചു നിരൂ​പി​ക്കുന്ന നിരൂ​പ​ണങ്ങൾ ഇന്നവ എന്നു ഞാൻ അറിയു​ന്നു; അവ തിന്മെക്കല്ല നന്മെക്ക​ത്രേ​യുള്ള നിരൂ​പ​ണങ്ങൾ എന്നു യഹോ​വ​യു​ടെ അരുള​പ്പാ​ടു.” ആ വാഗ്‌ദാ​ന​ത്തി​ന്റെ ഒരു ചെറിയ നിവൃത്തി പൊ.യു.മു. 539-ൽ ഉണ്ടായി. ബാബി​ലോ​നെ ജയിച്ച​ട​ക്കിയ കോ​രെശ്‌ രാജാവ്‌, ദൈവ​ഭ​ക്ത​രായ യഹൂദ​ന്മാ​രെ മോചി​പ്പിച്ച്‌ യെരൂ​ശ​ലേം നഗരവും ആലയവും പുനർനിർമി​ക്കാ​നാ​യി മടക്കി​യ​യ​ച്ച​പ്പോ​ഴാ​യി​രു​ന്നു അത്‌. സമാന​മാ​യി, ഇന്നു ബാബി​ലോ​ന്യ മതത്തിൽനി​ന്നു പുറത്തു​വന്ന്‌ യഹോ​വ​യു​ടെ നിർമ​ലാ​രാ​ധ​ന​യി​ലേക്കു പുനഃ​സ്ഥാ​പി​ക്ക​പ്പെ​ടു​ന്ന​വർക്കു യഹോ​വ​യു​ടെ പുനഃ​സ്ഥാ​പിത പറുദീ​സ​യിൽ നിത്യ​സ​മാ​ധാ​ന​മുള്ള ഒരു മഹനീയ ഭാവി​ക്കാ​യി പ്രതീ​ക്ഷാ​പൂർവം കാത്തി​രി​ക്കാ​വു​ന്ന​താണ്‌.—യിരെ​മ്യാ​വു 29:11; സങ്കീർത്തനം 37:34; വെളി​പ്പാ​ടു 18:2, 4.

ഒന്നാം നൂറ്റാ​ണ്ടി​ലെ “മഹോ​പ​ദ്രവം”

14. യഹോവ ഇസ്രാ​യേ​ലി​നെ എന്നെ​ന്നേ​ക്കു​മാ​യി പരിത്യ​ജി​ച്ച​തെ​ന്തു​കൊണ്ട്‌?

¹⁴ നമുക്കി​നി പൊ.യു. ഒന്നാം നൂറ്റാ​ണ്ടി​ലേക്കു തിരി​യാം. പുനഃ​സ്ഥാ​പിത യഹൂദ​ന്മാർക്ക്‌ അപ്പോ​ഴേ​ക്കും വീണ്ടും വിശ്വാ​സ​ത്യാ​ഗം സംഭവി​ച്ചി​രു​ന്നു. യഹോവ തന്റെ ഏകജാ​ത​പു​ത്രനെ അഭിഷി​ക്തൻ, അഥവാ മിശിഹാ ആകാൻ ഭൂമി​യി​ലേക്ക്‌ അയച്ചു. “സ്വർഗ്ഗ​രാ​ജ്യം സമീപി​ച്ചി​രി​ക്ക​യാൽ മാനസാ​ന്ത​ര​പ്പെ​ടു​വിൻ” എന്നു പറഞ്ഞു​കൊണ്ട്‌ പൊ.യു. 29-33 വർഷങ്ങ​ളിൽ യേശു ഇസ്രാ​യേൽ ദേശത്തു​ട​നീ​ളം പ്രസം​ഗി​ച്ചു. (മത്തായി 4:17) കൂടാതെ, തന്നോ​ടൊ​പ്പം രാജ്യ​ത്തി​ന്റെ സുവാർത്ത പ്രസം​ഗി​ക്കു​ന്ന​തി​നു​വേണ്ടി അവൻ ശിഷ്യ​ന്മാ​രെ സംഘടി​പ്പി​ക്കു​ക​യും പരിശീ​ലി​പ്പി​ക്കു​ക​യും ചെയ്‌തു. യഹൂദ ഭരണാ​ധി​പ​ന്മാർ എങ്ങനെ പ്രതി​ക​രി​ച്ചു? അവർ യേശു​വി​നെ തുച്ഛീ​ക​രിച്ച്‌ അവസാനം അവനെ ദണ്ഡനസ്‌തം​ഭ​ത്തി​ന്മേൽ കഠോ​ര​വേദന അനുഭ​വി​ച്ചു മരിക്കു​ന്ന​തിന്‌ ഏൽപ്പി​ച്ചു​കൊ​ടു​ക്കു​ക​യെന്ന നിന്ദ്യ​മായ കുറ്റം ചെയ്‌തു. തന്റെ ജനമെന്ന നിലയിൽ യഹോവ യഹൂദ​ന്മാ​രെ തള്ളിക്ക​ളഞ്ഞു. അങ്ങനെ ആ ജനത എന്നെ​ന്നേ​ക്കു​മാ​യി പരിത്യ​ജി​ക്ക​പ്പെട്ടു.

15. അനുതാ​പ​മുള്ള യഹൂദ​ന്മാർക്ക്‌ എന്തു നിർവ​ഹി​ക്കാ​നുള്ള പദവി​യു​ണ്ടാ​യി​രു​ന്നു?

¹⁵ പുനരു​ത്ഥാ​നം പ്രാപിച്ച യേശു പൊ.യു. 33-ലെ പെന്ത​ക്കോ​സ്‌ത്‌ നാളിൽ തന്റെ ശിഷ്യ​ന്മാ​രു​ടെ​മേൽ പരിശു​ദ്ധാ​ത്മാ​വി​നെ പകർന്നു. ഇത്‌ അവിടെ തിടു​ക്ക​ത്തിൽ കൂടി​വ​ന്നി​രുന്ന യഹൂദ​ന്മാ​രോ​ടും മതപരി​വർത്തി​ത​രോ​ടും ഭാഷാ​വ​ര​ത്തോ​ടെ സംസാ​രി​ക്കാൻ അവരെ ശക്തീക​രി​ച്ചു. ജനക്കൂ​ട്ടത്തെ സംബോ​ധന ചെയ്‌തു​കൊണ്ട്‌ പത്രൊസ്‌ അപ്പോ​സ്‌തലൻ പ്രഖ്യാ​പി​ച്ചു: “ഈ യേശു​വി​നെ ദൈവം ഉയിർത്തെ​ഴു​ന്നേ​ല്‌പി​ച്ചു; അതിന്നു ഞങ്ങൾ എല്ലാവ​രും സാക്ഷികൾ ആകുന്നു . . . ആകയാൽ നിങ്ങൾ ക്രൂശിച്ച ഈ യേശു​വി​നെ തന്നേ ദൈവം കർത്താ​വും ക്രിസ്‌തു​വു​മാ​ക്കി​വെച്ചു എന്നു യിസ്രാ​യേൽഗൃ​ഹം ഒക്കെയും നിശ്ചയ​മാ​യി അറിഞ്ഞു​കൊ​ള്ളട്ടെ.” സത്യസ​ന്ധ​രായ യഹൂദ​ന്മാർ എങ്ങനെ​യാ​ണു പ്രതി​ക​രി​ച്ചത്‌? “അവർ ഹൃദയ​ത്തിൽ കുത്തു​കൊണ്ട”വരായി, തങ്ങളുടെ പാപങ്ങ​ളെ​ക്കു​റിച്ച്‌ അനുത​പിച്ച്‌ സ്‌നാ​പ​ന​മേറ്റു. (പ്രവൃ​ത്തി​കൾ 2:32-41) രാജ്യ​പ്ര​സം​ഗ​വേ​ല​യു​ടെ ഗതി​വേഗം വർധിച്ചു. 30 വർഷം​കൊണ്ട്‌ അത്‌ “ആകാശ​ത്തിൻകീ​ഴെ സകലസൃ​ഷ്ടി”കളു​ടെ​യും പക്കൽ എത്തി​ച്ചേർന്നു.—കൊ​ലൊ​സ്സ്യർ 1:23.

16. സ്വാഭാ​വിക ഇസ്രാ​യേ​ലി​ന്മേൽ ന്യായ​വി​ധി നിർവ​ഹി​ക്കാൻത​ക്ക​വണ്ണം സംഭവ​ങ്ങളെ യഹോവ തന്റെ ഹിത​പ്ര​കാ​രം നയിച്ച​തെ​ങ്ങനെ?

¹⁶ താൻ തള്ളിക്കളഞ്ഞ സ്വാഭാ​വിക ഇസ്രാ​യേൽ എന്ന തന്റെ ജനത്തി​ന്മേൽ യഹോ​വ​യ്‌ക്കി​പ്പോൾ ന്യായ​വി​ധി നിർവ​ഹി​ക്കു​ന്ന​തി​നുള്ള സമയം വന്നെത്തി. അന്നത്തെ അറിയ​പ്പെ​ടുന്ന ലോക​ത്തു​ട​നീ​ള​മുള്ള ജനതക​ളിൽനിന്ന്‌ ആയിര​ക്ക​ണ​ക്കി​നാ​ളു​കൾ ക്രിസ്‌തീയ സഭയി​ലേക്കു വരിക​യും “ദൈവ​ത്തി​ന്റെ [ആത്മീയ] യിസ്രാ​യേൽ” ആയി അഭിഷി​ക്ത​രാ​ക്ക​പ്പെ​ടു​ക​യും ചെയ്‌തി​രു​ന്നു. (ഗലാത്യർ 6:16) എന്നിരു​ന്നാ​ലും അക്കാലത്തെ യഹൂദ​ജനം വിദ്വേ​ഷ​ത്തി​ന്റെ​യും വിഭാ​ഗീയ അക്രമ​ത്തി​ന്റെ​യും ഗതിയിൽ മുഴു​കി​യി​രി​ക്കു​ക​യാ​യി​രു​ന്നു. ‘ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങി​യി​രി​ക്കു​വിൻ’ എന്ന്‌ പൗലൊസ്‌ എഴുതി​യി​രുന്ന ആഹ്വാ​ന​ത്തി​നു വിപരീ​ത​മാ​യി, അവർ തങ്ങളു​ടെ​മേൽ ഭരണം​ന​ട​ത്തി​യി​രുന്ന റോമാ​സാ​മ്രാ​ജ്യ​ത്തി​നെ​തി​രെ പരസ്യ​മാ​യി മത്സരിച്ചു. (റോമർ 13:1) വ്യക്തമാ​യും യഹോവ അതിനു​ശേ​ഷ​മുള്ള സംഭവ​ങ്ങളെ തന്റെ ഹിത​പ്ര​കാ​രം നയിച്ചു. പൊ.യു. 66-ൽ, ജനറൽ ഗാലസി​ന്റെ നേതൃ​ത്വ​ത്തിൽ റോമാ സൈന്യം യെരൂ​ശ​ലേ​മി​നെ ഉപരോ​ധി​ക്കാ​നാ​യി പുറ​പ്പെട്ടു. റോമൻ ആക്രമ​ണ​സേന അതി​ക്ര​മിച്ച്‌ ആലയമ​തി​ലി​ന്റെ അടിയി​ലൂ​ടെ തുരങ്ക​മു​ണ്ടാ​ക്കി. ജോസീ​ഫ​സി​ന്റെ ചരിത്രം രേഖ​പ്പെ​ടു​ത്തു​ന്ന​പ്ര​കാ​രം, നഗരത്തി​നും ജനത്തി​നും യഥാർഥ ഉപദ്രവം നേരിട്ടു.a എന്നാൽ പെട്ടെന്ന്‌ ആക്രമ​ണ​സേന പിൻവാ​ങ്ങി. ഇത്‌ മത്തായി 24:15, 16-ൽ രേഖ​പ്പെ​ടു​ത്തി​യി​രി​ക്കുന്ന മുന്നറി​യി​പ്പി​നു​ചേർച്ച​യിൽ യേശു​വി​ന്റെ ശിഷ്യ​ന്മാർക്കു ‘മലകളി​ലേക്കു ഓടി​പ്പോ​കാ’നുള്ള അവസര​മൊ​രു​ക്കി.

17, 18. (എ) ഏത്‌ ഉപദ്രവം വരുത്തി​ക്കൊ​ണ്ടാണ്‌ യഹോവ യഹൂദ​ജ​ന​ത്തി​ന്മേൽ ന്യായ​വി​ധി നടപ്പാ​ക്കി​യത്‌? (ബി) ആരെല്ലാം ‘രക്ഷിക്ക​പ്പെട്ടു,’ അത്‌ എന്തിനെ മുൻനി​ഴ​ലാ​ക്കി?

¹⁷ എന്നിരു​ന്നാ​ലും, ഉപദ്ര​വ​ങ്ങ​ളു​ടെ പാരമ്യ​മായ യഹോ​വ​യു​ടെ സമ്പൂർണ ന്യായ​വി​ധി​നിർവ​ഹണം സംഭവി​ക്കാൻ പോകു​ന്ന​തേ​യു​ണ്ടാ​യി​രു​ന്നു​ള്ളൂ. പൊ.യു. 70-ൽ റോമാ​സൈ​ന്യം—ഇപ്പോൾ ജനറൽ ടൈറ്റ​സി​നു​കീ​ഴിൽ—ആക്രമി​ക്കാ​നാ​യി മടങ്ങി​യെത്തി. ഇപ്രാ​വ​ശ്യം യുദ്ധം നിർണാ​യ​ക​മാ​യി​രു​ന്നു! പരസ്‌പരം പോരാ​ടി​യി​രുന്ന യഹൂദർ റോമാ​ക്കാർക്ക്‌ ഒരു വെല്ലു​വി​ളി​യാ​യി​രു​ന്നില്ല. അവർ നഗര​ത്തെ​യും ആലയ​ത്തെ​യും നിലം​പ​രി​ചാ​ക്കി. തളർന്ന​വ​ശ​രായ പത്തുല​ക്ഷ​ത്തി​ല​ധി​കം യഹൂദ​ന്മാർ മരണമ​ടഞ്ഞു. ഏതാണ്ട്‌ 6,00,000 മൃതശ​രീ​ര​ങ്ങ​ളാ​യി​രു​ന്നു നഗരക​വാ​ട​ത്തി​നു വെളി​യി​ലേക്കു തള്ളപ്പെ​ട്ടത്‌. നഗരത്തി​ന്റെ പതന​ത്തെ​ത്തു​ടർന്ന്‌ 97,000 യഹൂദ​ന്മാർ തടവു​കാ​രാ​യി പിടി​ക്ക​പ്പെട്ടു. പിന്നീട്‌ അവരി​ല​നേ​ക​രും ദ്വന്ദയു​ദ്ധ​പ്ര​ക​ട​ന​ങ്ങ​ളിൽ മരിച്ചു​വീ​ണു. യഥാർഥ​ത്തിൽ, യോർദാന്‌ അപ്പുറ​മുള്ള മലകളി​ലേക്കു പലായനം ചെയ്‌ത അനുസ​ര​ണ​മുള്ള ക്രിസ്‌ത്യാ​നി​കൾ മാത്ര​മാണ്‌ ഉപദ്ര​വ​ത്തി​ന്റെ ആ വർഷങ്ങ​ളിൽനി​ന്നു രക്ഷപ്പെ​ട്ടത്‌.—മത്തായി 24:21, 22; ലൂക്കൊസ്‌ 21:20-22.

¹⁸ അങ്ങനെ, പൊ.യു. 66-70 കാലഘ​ട്ട​ത്തിൽ മത്സരി​ക​ളായ യഹൂദ ജനതയു​ടെ​മേൽ ന്യായ​വി​ധി നടപ്പാ​ക്കിയ യഹോ​വ​യു​ടെ ദിവസ​ത്തിൽ പാരമ്യ​ത്തി​ലെ​ത്തി​യത്‌ “വ്യവസ്ഥി​തി​യു​ടെ സമാപന”ത്തെക്കു​റി​ച്ചുള്ള യേശു​വി​ന്റെ വലിയ പ്രവച​ന​ത്തി​ന്റെ ആദ്യ നിവൃ​ത്തി​യാ​യി​രു​ന്നു. (മത്തായി 24:3-22) മുഴു​ലോ​ക​ത്തെ​യും ഗ്രസി​ക്കാ​നി​രി​ക്കുന്ന അവസാന ഉപദ്ര​വ​മായ, ‘വരാനി​രി​ക്കുന്ന യഹോ​വ​യു​ടെ വലുതും ഭയങ്കര​വു​മാ​യുള്ള ദിവസ’ത്തിന്റെ ഒരു നിഴൽമാ​ത്ര​മാ​യി​രു​ന്നു അത്‌. (യോവേൽ 2:31) നിങ്ങൾക്കെ​ങ്ങനെ “രക്ഷിക്ക​പ്പെടാ”നാകും? അത്‌ അടുത്ത ലേഖനം ചർച്ച​ചെ​യ്യും.

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

□ “കർത്താ​വി​ന്റെ ദിവസം” “യഹോ​വ​യു​ടെ ദിവസ”ത്തോടു ബന്ധപ്പെ​ട്ടി​രി​ക്കു​ന്ന​തെ​ങ്ങനെ?

□ നോഹ​യു​ടെ നാൾ പുനര​വ​ലോ​കനം ചെയ്യു​മ്പോൾ, നാം ഏതു മുന്നറി​യി​പ്പി​നു ചെവി​കൊ​ടു​ക്കണം?

□ സൊ​ദോ​മും ഗൊ​മോ​ര​യും ശക്തമായ പാഠം പ്രദാനം ചെയ്യു​ന്ന​തെ​ങ്ങനെ?

□ ഒന്നാം നൂറ്റാ​ണ്ടി​ലെ “മഹോ​പ​ദ്രവ”ത്തിൽ ആരെല്ലാം രക്ഷിക്ക​പ്പെട്ടു?

[15-ാം പേജിലെ ചിത്രങ്ങൾ]

നോഹയുടെയും ലോത്തി​ന്റെ​യും കുടും​ബ​ങ്ങൾക്കും, കൂടാതെ പൊ.യു.മു. 607-ലും പൊ.യു. 70-ലും യഹോവ രക്ഷ പ്രദാനം ചെയ്‌തു