ഇന്ന്‌ ശുഭ​പ്ര​തീ​ക്ഷ​യ്‌ക്കുള്ള ഈടുറ്റ അടിസ്ഥാ​നം

ചരി​ത്ര​കാ​ര​നും സാമൂ​ഹ്യ​ശാ​സ്‌ത്ര​ജ്ഞ​നു​മായ എച്ച്‌. ജി. വെൽസി​ന്റെ ജനനം 1866-ലായി​രു​ന്നു. അദ്ദേഹം 20-ാം നൂറ്റാ​ണ്ടി​ലെ ആളുക​ളു​ടെ ചിന്തയിൽ ശക്തമായ ഒരു സ്വാധീ​നം ചെലുത്തി. ശാസ്‌ത്ര​ത്തി​ന്റെ മുന്നോ​ട്ടുള്ള പ്രയാ​ണ​ത്തിൽ സമസ്‌ത ഐശ്വ​ര്യ​ങ്ങ​ളു​ടെ​യും സഹസ്രാ​ബ്ദം സ്വതവേ വന്നു​ചേ​രു​മെന്ന വിശ്വാ​സം തന്റെ എഴുത്തു​ക​ളിൽ അദ്ദേഹം മുഴപ്പി​ച്ചു​കാ​ട്ടി. തന്റെ ആശയഗ​തി​യു​ടെ പ്രചാ​ര​ണ​ത്തി​നാ​യി അവിരാ​മം പ്രവർത്തിച്ച വെൽസി​നു​ണ്ടാ​യി​രുന്ന “സീമാ​തീത ശുഭ​പ്ര​തീക്ഷ”യെക്കു​റിച്ച്‌ കോളി​യേ​ഴ്‌സ്‌ എൻ​സൈ​ക്ലോ​പീ​ഡിയ അനുസ്‌മ​രി​ക്കു​ന്നു. എന്നാൽ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ അദ്ദേഹ​ത്തി​ന്റെ ശുഭ​പ്ര​തീക്ഷ തകർന്നു​പോ​യെ​ന്നു​കൂ​ടി അതു പറയുന്നു.

“ശാസ്‌ത്ര​ത്തി​നു നന്മയെ​ന്ന​പോ​ലെ തിന്മയും പ്രവർത്തി​ക്കാ​നാ​കു”മെന്ന അവബോ​ധം വെൽസി​നു​ണ്ടാ​യ​പ്പോൾ “വിശ്വാ​സം നഷ്ടപ്പെട്ട അദ്ദേഹം അശുഭ​പ്ര​തീ​ക്ഷ​യു​ടെ പിടി​യി​ല​മർന്നു” എന്ന്‌ ചേം​ബേ​ഴ്‌സ്‌ ബയോ​ഗ്ര​ഫി​ക്കൽ ഡിക്‌ഷ​നറി പ്രസ്‌താ​വി​ക്കു​ന്നു. എന്തു​കൊ​ണ്ടാണ്‌ അതു സംഭവി​ച്ചത്‌?

വെൽസി​ന്റെ വിശ്വാ​സ​വും ശുഭ​പ്ര​തീ​ക്ഷ​യും തികച്ചും മാനു​ഷിക നേട്ടങ്ങ​ളി​ലാ​യി​രു​ന്നു അധിഷ്‌ഠി​ത​മാ​യി​രു​ന്നത്‌. തന്റെ ആദർശ​ലോ​കം നേടാൻ മനുഷ്യ​നു സാധി​ക്കി​ല്ലെന്ന്‌ മനസ്സി​ലാ​ക്കി​യ​പ്പോൾ, അദ്ദേഹ​ത്തി​നു തിരി​യാൻ വേറൊ​രി​ട​വു​മി​ല്ലാ​യി​രു​ന്നു. നൈരാ​ശ്യം പെട്ടെ​ന്നു​തന്നെ അശുഭ​പ്ര​തീ​ക്ഷ​യാ​യി മാറി.

ഇന്ന്‌ അതേ അനുഭവം പലർക്കു​മു​ണ്ടാ​കു​ന്നു. കാരണ​വും അതുതന്നെ. ചെറു​പ്പ​ത്തിൽ അവർക്കു ശുഭ​പ്ര​തീ​ക്ഷയേ ഉള്ളൂ. എന്നാൽ, പ്രായ​മേ​റു​ന്തോ​റും അവർ ദുഃഖ​ക​ര​മായ അശുഭ​പ്ര​തീ​ക്ഷ​യു​ടെ പിടി​യി​ല​മ​രു​ന്നു. യുവ​പ്രാ​യ​ക്കാർപോ​ലും, സാധാരണ ജീവിതം എന്നു വിളി​ക്ക​പ്പെ​ടു​ന്നത്‌ ത്യജി​ച്ചു​കൊണ്ട്‌ മയക്കു​മ​രുന്ന്‌ ദുരു​പ​യോ​ഗ​ത്തി​ലും കുത്തഴി​ഞ്ഞ​തും നാശക​ര​വു​മായ ജീവി​ത​രീ​തി​ക​ളി​ലും മറ്റും മുങ്ങി​ത്തു​ടി​ക്കു​ക​യാണ്‌. എന്താണ​തി​നു പരിഹാ​രം? ബൈബിൾകാ​ല​ങ്ങ​ളി​ലെ പിൻവ​രുന്ന ഉദാഹ​ര​ണങ്ങൾ പരിചി​ന്തി​ച്ചു​കൊണ്ട്‌—കഴിഞ്ഞ​കാ​ല​ത്തും വർത്തമാ​ന​കാ​ല​ത്തും ഭാവി​കാ​ല​ത്തും—ശുഭ​പ്ര​തീ​ക്ഷ​യ്‌ക്ക്‌ എന്ത്‌ അടിസ്ഥാ​ന​മു​ണ്ടെന്ന്‌ കാണുക.

അബ്രാ​ഹാ​മി​ന്റെ ശുഭ​പ്ര​തീ​ക്ഷ​യ്‌ക്കു പ്രതി​ഫലം ലഭിക്കു​ന്നു

പൊ.യു.മു. 1943-ൽ ഹാരാ​നിൽനി​ന്നു യാത്ര​തി​രിച്ച അബ്രാ​ഹാം യൂഫ്ര​ട്ടീസ്‌ നദി കുറുകെ കടന്ന്‌ കനാൻദേ​ശ​ത്തെത്തി. ‘വിശ്വ​സി​ക്കു​ന്ന​വർക്കു പിതാ​വാ​യി’ അബ്രാ​ഹാ​മി​നെ വർണി​ച്ചി​രി​ക്കു​ന്നു. അവൻ എത്ര നല്ലൊരു മാതൃ​ക​യാ​ണു വെച്ചത്‌!—റോമർ 4:11.

അബ്രാ​ഹാ​മി​ന്റെ അനാഥ​നായ സഹോ​ദ​ര​പു​ത്രൻ ലോത്തും കുടും​ബ​വും അവനോ​ടൊ​പ്പ​മു​ണ്ടാ​യി​രു​ന്നു. പിന്നീട്‌ ആ ദേശത്ത്‌ ഒരു ക്ഷാമമു​ണ്ടാ​യ​പ്പോൾ, ആ രണ്ടു കുടും​ബ​ങ്ങ​ളും ഈജി​പ്‌തി​ലേക്കു താമസം മാറ്റി. യഥാകാ​ലം അവർ മടങ്ങി​വ​രു​ക​യും ചെയ്‌തു. അപ്പോ​ഴേ​ക്കും അബ്രാ​ഹാ​മി​ന്റെ​യും ലോത്തി​ന്റെ​യും സമ്പത്തും ആടുമാ​ടു​ക​ളും ധാരാ​ള​മാ​യി വർധി​ച്ചി​രു​ന്നു. അവരുടെ ഇടയന്മാർ തമ്മിൽ ശണ്‌ഠ​യു​ണ്ടാ​യ​പ്പോൾ മുൻകൈ എടുത്തു​കൊണ്ട്‌ അബ്രാ​ഹാം പറഞ്ഞു: “എനിക്കും നിനക്കും എന്റെ ഇടയന്മാർക്കും നിന്റെ ഇടയന്മാർക്കും തമ്മിൽ പിണക്കം ഉണ്ടാക​രു​തേ; നാം സഹോ​ദ​ര​ന്മാ​ര​ല്ലോ. ദേശ​മെ​ല്ലാം നിന്റെ മുമ്പാകെ ഇല്ലയോ? എന്നെ വിട്ടു​പി​രി​ഞ്ഞാ​ലും. നീ ഇടത്തോ​ട്ടെ​ങ്കിൽ ഞാൻ വലത്തോ​ട്ടു പൊയ്‌ക്കൊ​ള്ളാം; നീ വലത്തോ​ട്ടെ​ങ്കിൽ ഞാൻ ഇടത്തോ​ട്ടു പൊയ്‌ക്കൊ​ള്ളാം.”—ഉല്‌പത്തി 13:8, 9.

പ്രായ​ക്കൂ​ടു​ത​ലുള്ള അബ്രാ​ഹാ​മിന്‌, തനിക്കു ഗുണം ചെയ്യുന്ന വിധത്തിൽ കാര്യങ്ങൾ നീക്കാ​മാ​യി​രു​ന്നു. അതേസ​മയം, തന്റെ മാതു​ല​നോ​ടുള്ള ആദരവു നിമിത്തം ലോത്തിന്‌ അബ്രാ​ഹാ​മി​ന്റെ തിര​ഞ്ഞെ​ടു​പ്പി​നു വഴങ്ങു​ക​യും ചെയ്യാ​മാ​യി​രു​ന്നു. പകരം, “ലോത്ത്‌ നോക്കി യോർദ്ദാ​ന്ന​രി​കെ​യുള്ള പ്രദേശം ഒക്കെയും നീരോ​ട്ട​മു​ള്ള​തെന്നു കണ്ടു; യഹോവ സൊ​ദോ​മി​നെ​യും ഗൊ​മോ​ര​യെ​യും നശിപ്പി​ച്ച​തി​ന്നു മുമ്പെ അതു യഹോ​വ​യു​ടെ തോട്ടം​പോ​ലെ​യും സോവർവരെ മിസ്ര​യീം​ദേ​ശം​പോ​ലെ​യും ആയിരു​ന്നു. ലോത്ത്‌ യോർദ്ദാ​ന്ന​രി​കെ​യുള്ള പ്രദേശം ഒക്കെയും തിര​ഞ്ഞെ​ടു​ത്തു.” അത്തര​മൊ​രു തിര​ഞ്ഞെ​ടു​പ്പു നടത്തിയ ലോത്തിന്‌ ശുഭ​പ്ര​തീ​ക്ഷ​യു​ണ്ടാ​യി​രി​ക്കാൻ സകല കാരണ​വു​മു​ണ്ടാ​യി​രു​ന്നു. എന്നാൽ അബ്രാ​ഹാ​മി​ന്റെ കാര്യ​മോ?—ഉല്‌പത്തി 13:10, 11.

തന്റെ കുടും​ബ​ത്തി​ന്റെ ക്ഷേമം അപകട​ത്തി​ലാ​ക്കി​ക്കൊണ്ട്‌ അബ്രാ​ഹാം വിഡ്‌ഢി​ത്തം കാട്ടു​ക​യാ​യി​രു​ന്നോ? അല്ല. അബ്രാ​ഹാ​മി​ന്റെ ക്രിയാ​ത്മ​ക​വും ഉദാര​വു​മായ മനോ​ഭാ​വം അവനു സമൃദ്ധ​മായ പ്രതി​ഫ​ലങ്ങൾ കൈവ​രു​ത്തി. യഹോവ അബ്രാ​ഹാ​മി​നോ​ടു പറഞ്ഞു: “തലപൊ​ക്കി, നീ ഇരിക്കുന്ന സ്ഥലത്തു​നി​ന്നു വടക്കോ​ട്ടും തെക്കോ​ട്ടും കിഴ​ക്കോ​ട്ടും പടിഞ്ഞാ​റോ​ട്ടും നോക്കുക. നീ കാണുന്ന ഭൂമി ഒക്കെയും ഞാൻ നിനക്കും നിന്റെ സന്തതി​ക്കും ശാശ്വ​ത​മാ​യി തരും.”—ഉല്‌പത്തി 13:14, 15.

അബ്രാ​ഹാ​മി​ന്റെ ശുഭ​പ്ര​തീ​ക്ഷ​യ്‌ക്ക്‌ ഈടുറ്റ അടിസ്ഥാ​ന​മു​ണ്ടാ​യി​രു​ന്നു. “[അബ്രാ​ഹാം മുഖാ​ന്തരം] ഭൂമി​യി​ലെ സകലവം​ശ​ങ്ങ​ളും അനു​ഗ്ര​ഹിക്ക”പ്പെടാൻ തക്കവണ്ണം അവനിൽനിന്ന്‌ ഒരു മഹാജാ​തി​യെ ഉളവാ​ക്കു​മെ​ന്നുള്ള ദൈവ​വാ​ഗ്‌ദ​ത്ത​ത്തിൽ അടിസ്ഥാ​ന​പ്പെ​ട്ട​താ​യി​രു​ന്നു അത്‌. (ഉല്‌പത്തി 12:2-4, 7) “ദൈവത്തെ സ്‌നേ​ഹി​ക്കു​ന്ന​വർക്ക്‌ . . . അവിടു​ന്നു സകലവും നന്മയ്‌ക്കാ​യി പരിണ​മി​പ്പി​ക്കു​ന്നു”വെന്ന്‌ അറിഞ്ഞു​കൊണ്ട്‌ ഉറപ്പു​ള്ള​വ​രാ​യി​രി​ക്കാൻ നമുക്കും തക്ക കാരണ​മുണ്ട്‌.—റോമർ 8:28, പി.ഒ.സി. ബൈബിൾ.

ശുഭ​പ്ര​തീ​ക്ഷ​യുള്ള രണ്ട്‌ ഒറ്റു​നോ​ട്ട​ക്കാർ

400-ലധികം വർഷങ്ങൾക്കു​ശേഷം, ഇസ്രാ​യേൽജനത കനാനി​ലേക്ക്‌, “പാലും തേനും ഒഴുകുന്ന” ദേശ​ത്തേക്ക്‌ പ്രവേ​ശി​ക്കാൻ സജ്ജരായി നിൽക്കു​ക​യാ​യി​രു​ന്നു. (പുറപ്പാ​ടു 3:8; ആവർത്ത​ന​പു​സ്‌തകം 6:3) ‘ദേശം ഒററു​നോ​ക്കീ​ട്ടു തങ്ങൾ ചെല്ലേ​ണ്ടുന്ന വഴി​യെ​യും പോ​കേ​ണ്ടുന്ന പട്ടണങ്ങ​ളെ​യും കുറിച്ചു വർത്തമാ​നം കൊണ്ടു​വ​രേ​ണ്ട​തിന്‌’ മോശ 12 ഗോ​ത്ര​ത്ത​ല​വ​ന്മാ​രെ നിയോ​ഗി​ച്ചു. (ആവർത്ത​ന​പു​സ്‌തകം 1:22; സംഖ്യാ​പു​സ്‌തകം 13:2) ആ ദേശത്തി​ന്റെ സമൃദ്ധി​യെ​ക്കു​റി​ച്ചു വിവരി​ക്കു​ന്ന​തിൽ ആ 12 ഒറ്റു​നോ​ട്ട​ക്കാ​രും ഏകാഭി​പ്രാ​യ​മു​ള്ള​വ​രാ​യി​രു​ന്നു. എന്നാൽ അവരിൽ 10 പേർ അശുഭ​പ്ര​തീ​ക്ഷ​യുള്ള ഒരു റിപ്പോർട്ടാ​ണു നൽകി​യത്‌. അത്‌ ജനഹൃ​ദ​യ​ങ്ങ​ളിൽ ഭയം ഉളവാക്കി.—സംഖ്യാ​പു​സ്‌തകം 13:31-33.

നേരേ​മ​റിച്ച്‌, യോശു​വ​യും കാലേ​ബും ആളുകൾക്കു നൽകി​യത്‌ ശുഭ​പ്ര​തീ​ക്ഷ​യുള്ള ഒരു സന്ദേശ​മാ​യി​രു​ന്നു. കൂടാതെ, ആളുക​ളു​ടെ ഭയം ദൂരി​ക​രി​ക്കാൻ തങ്ങളാ​ലാ​വു​ന്ന​തെ​ല്ലാം അവർ ചെയ്‌തു. വാഗ്‌ദ​ത്ത​ദേ​ശ​ത്തേക്ക്‌ തങ്ങളെ മടക്കി​വ​രു​ത്തു​മെ​ന്നുള്ള യഹോ​വ​യു​ടെ വചനം നിവർത്തി​ക്കാ​നുള്ള അവന്റെ കഴിവിൽ സമ്പൂർണ വിശ്വാ​സം പ്രതി​ഫ​ലി​പ്പി​ക്കു​ന്ന​താ​യി​രു​ന്നു അവർ പ്രകട​മാ​ക്കിയ മനോ​ഭാ​വ​വും നൽകിയ റിപ്പോർട്ടും. എങ്കിലും, അതിനു ഫലമു​ണ്ടാ​യില്ല. പകരം, “അവരെ കല്ലെറി​യേണം എന്നു സഭയെ​ല്ലാം പറഞ്ഞു.”—സംഖ്യാ​പു​സ്‌തകം 13:30; 14:6-10.

യഹോ​വ​യിൽ ആശ്രയി​ക്കാൻ മോശ ജനത്തെ പ്രോ​ത്സാ​ഹി​പ്പി​ച്ചെ​ങ്കി​ലും, അവർ അത്‌ നിരസി​ച്ചു. തങ്ങളുടെ അശുഭ​പ്ര​തീ​ക്ഷാ മനോ​ഭാ​വ​ത്തി​നു മാറ്റം വരുത്താ​ഞ്ഞ​തി​നാൽ 40 വർഷം ആ ജനതയ്‌ക്കൊ​ന്ന​ടങ്കം മരുഭൂ​മി​യിൽ അലഞ്ഞു​തി​രി​യേ​ണ്ടി​വന്നു. 12 ഒറ്റു​നോ​ട്ട​ക്കാ​രിൽ, യോശു​വ​യ്‌ക്കും കാലേ​ബി​നും മാത്രമേ ശുഭ​പ്ര​തീ​ക്ഷ​യു​ടെ പ്രതി​ഫ​ലങ്ങൾ അനുഭ​വി​ക്കാ​നാ​യു​ള്ളൂ. അടിസ്ഥാന പ്രശ്‌നം എന്തായി​രു​ന്നു? വിശ്വാ​സ​ക്കു​റവ്‌. അവർ തങ്ങളുടെ സ്വന്തം ജ്ഞാനത്തിൽ ആശ്രയി​ച്ചു.—സംഖ്യാ​പു​സ്‌തകം 14:26-30; എബ്രായർ 3:7-12.

യോനാ​യു​ടെ ചാഞ്ചല്യം

യോനാ ജീവി​ച്ചി​രു​ന്നത്‌ പൊ.യു.മു. ഒമ്പതാം നൂറ്റാ​ണ്ടി​ലാണ്‌. യൊ​രോ​ബെ​യാം രണ്ടാമന്റെ വാഴ്‌ച​ക്കാ​ല​ത്തെ​പ്പോ​ഴോ പത്തു​ഗോ​ത്ര ഇസ്രാ​യേൽ രാജ്യ​ത്തി​നാ​യുള്ള യഹോ​വ​യു​ടെ ഒരു വിശ്വസ്‌ത പ്രവാ​ച​ക​നാ​യി​രു​ന്നു അവനെന്ന്‌ ബൈബിൾ സൂചി​പ്പി​ക്കു​ന്നു. എങ്കിലും, നീനെ​വേ​യി​ലെ ആളുകൾക്ക്‌ ഒരു മുന്നറി​യി​പ്പാ​യി വർത്തി​ക്കാൻ അവി​ടേക്കു പോകാ​നുള്ള നിയോ​ഗം അവൻ തിരസ്‌ക​രി​ച്ചു. യോനാ, “അതിൽനിന്ന്‌ തലയൂരി” പകരം യാഫോ​വി​ലേക്കു പോകു​ന്ന​താണ്‌ “ഏറെ നല്ലതെന്ന്‌ വിചാ​രിച്ച”തായി ചരി​ത്ര​കാ​ര​നായ ജോസീ​ഫസ്‌ പറയുന്നു. അവി​ടെ​വെച്ച്‌ അവൻ, ആധുനി​ക​കാല സ്‌പെ​യി​നാ​യി​രി​ക്കാൻ സാധ്യ​ത​യുള്ള, തർശീ​ശി​ലേ​ക്കുള്ള ഒരു പടകിൽ കയറി. (യോനാ 1:1-3) ഈ നിയമനം സംബന്ധിച്ച്‌ യോനാ അശുഭ​പ്ര​തീ​ക്ഷ​യുള്ള അത്തര​മൊ​രു വീക്ഷണം കൈ​ക്കൊ​ണ്ട​തി​ന്റെ കാരണം യോനാ 4:2-ൽ വിശദീ​ക​രി​ച്ചി​രി​ക്കു​ന്നു.

ഒടുവിൽ തന്റെ നിയോ​ഗം ഏറ്റെടു​ക്കാൻ യോനാ സമ്മതിച്ചു. പക്ഷേ, നീനെ​വേ​യി​ലെ ആളുകൾ അനുത​പി​ച്ച​പ്പോൾ അവൻ കോപാ​കു​ല​നാ​യി. അതു​കൊണ്ട്‌, യോനാ​യ്‌ക്കു തണലേ​കിയ ആവണക്കു​ചെടി വാടി​ക്ക​രി​ഞ്ഞു​പോ​കാൻ ഇടയാ​ക്കു​ക​വഴി അനുകമ്പ സംബന്ധിച്ച ഒരു ഗുണപാ​ഠം യഹോവ അവനെ പഠിപ്പി​ച്ചു. (യോനാ 4:1-8) ആ ചെടി ഉണങ്ങി​പ്പോ​യ​തിൽ യോനാ​യ്‌ക്കു തോന്നിയ ദുഃഖം “വലങ്കയ്യും ഇടങ്കയ്യും തമ്മിൽ തിരി​ച്ച​റി​ഞ്ഞു​കൂ​ടാത്ത” നീനെ​വേ​യി​ലെ 1,20,000 ആളുക​ളു​ടെ പേരിൽ തോന്നി​യി​രു​ന്നെ​ങ്കിൽ അത്‌ ഏറെ ശരിയാ​യി​രു​ന്നേനേ.—യോനാ 4:11.

യോനാ​യു​ടെ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാൻ സാധി​ക്കും? വിശുദ്ധ സേവനം അശുഭ​പ്ര​തീ​ക്ഷ​യ്‌ക്കു യാതൊ​രു സ്ഥാനവും നൽകു​ന്നില്ല. യഹോ​വ​യു​ടെ മാർഗ​നിർദേശം തിരി​ച്ച​റിഞ്ഞ്‌ പൂർണ ബോധ്യ​ത്തോ​ടെ പിൻപ​റ്റു​ന്നെ​ങ്കിൽ, നാം വിജയി​ക്കും.—സദൃശ​വാ​ക്യ​ങ്ങൾ 3:5, 6.

പ്രതി​കൂല സംഗതി​കൾക്കു മധ്യേ​യും ശുഭ​പ്ര​തീ​ക്ഷ

“ദുഷ്‌പ്ര​വൃ​ത്തി​ക്കാ​രു​ടെ നിമിത്തം നീ മുഷി​യ​രു​തു; നീതി​കേടു ചെയ്യു​ന്ന​വ​രോ​ടു അസൂയ​പ്പെ​ടു​ക​യു​മ​രു​തു” എന്നു ദാവീ​ദു​രാ​ജാ​വു പ്രഖ്യാ​പി​ച്ചു. (സങ്കീർത്തനം 37:1) തീർച്ച​യാ​യും, അത്‌ ജ്ഞാനപൂർവ​ക​മായ ബുദ്ധ്യു​പ​ദേ​ശ​മാണ്‌. കാരണം, ഇന്ന്‌ അനീതി​യും വക്രത​യും നമുക്കു ചുറ്റും നടമാ​ടു​ന്നു.—സഭാ​പ്ര​സം​ഗി 8:11.

നാം ദുഷ്ട​രോട്‌ അസൂയ​പ്പെ​ടു​ന്നി​ല്ലെ​ങ്കിൽപ്പോ​ലും, നിർദോ​ഷി​ക​ളായ ആളുകൾ അവരുടെ കൈക​ളാൽ കഷ്ടമനു​ഭ​വി​ക്കു​ക​യോ നാംതന്നെ നീതി​ര​ഹി​ത​മായ പ്രവൃ​ത്തി​കൾക്ക്‌ ഇരകളാ​കു​ക​യോ ചെയ്യു​മ്പോൾ എളുപ്പം നിരാശ തോന്നി​യേ​ക്കാം. അത്‌ ആശയറ്റ, അശുഭ​പ്ര​തീ​ക്ഷ​യുള്ള ഒരു മനോ​ഭാ​വം നമ്മിൽ വളർന്നു​വ​രാൻ കാരണ​മാ​ക്കി​യേ​ക്കാം. അങ്ങനെ തോന്നു​മ്പോൾ നാം എന്തു ചെയ്യണം? ഒന്നാമത്‌, പ്രതി​കാ​രം ഒരിക്ക​ലും ഉണ്ടാവു​ക​യില്ല എന്ന ഉദാസീന മനോ​ഭാ​വം ദുഷ്ടന്മാർക്കു കൈ​ക്കൊ​ള്ളാ​നാ​കി​ല്ലെന്ന്‌ നമുക്കു മനസ്സിൽ പിടി​ക്കാൻ സാധി​ക്കും. 37-ാം സങ്കീർത്തനം 2-ാം വാക്യ​ത്തിൽ നമുക്ക്‌ ഈ ഉറപ്പു നൽകുന്നു: “അവർ [ദുഷ്‌പ്ര​വൃ​ത്തി​ക്കാർ] പുല്ലു​പോ​ലെ വേഗത്തിൽ ഉണങ്ങി പച്ചച്ചെ​ടി​പോ​ലെ വാടി​പ്പോ​കു​ന്നു.”

തന്നെയു​മല്ല, നമുക്കു നന്മ ചെയ്‌തു​കൊ​ണ്ടി​രി​ക്കാ​നും ശുഭ​പ്ര​തീ​ക്ഷ​യു​ള്ള​വ​രാ​യി നില​കൊ​ള്ളാ​നും യഹോ​വ​യ്‌ക്കാ​യി കാത്തി​രി​ക്കാ​നും സാധി​ക്കും. “ദോഷം വിട്ടൊ​ഴി​ഞ്ഞു ഗുണം ചെയ്‌ക; എന്നാൽ നീ സദാകാ​ലം സുഖമാ​യി വസിക്കും. യഹോവ ന്യായ​പ്രി​യ​നാ​കു​ന്നു; തന്റെ വിശു​ദ്ധ​ന്മാ​രെ [“വിശ്വ​സ്‌തരെ,” NW] ഉപേക്ഷി​ക്കു​ന്ന​തു​മില്ല” എന്ന്‌ സങ്കീർത്ത​ന​ക്കാ​രൻ തുടർന്നു പറഞ്ഞു.—സങ്കീർത്തനം 37:27, 28.

യഥാർഥ ശുഭ​പ്ര​തീക്ഷ നിലനിൽക്കു​ന്നു!

അപ്പോൾ, നമ്മുടെ ഭാവി​യു​ടെ കാര്യ​മോ? “വേഗത്തിൽ സംഭവി​പ്പാ​നുള്ള” കാര്യ​ങ്ങ​ളെ​ക്കു​റി​ച്ചു ബൈബി​ളി​ലെ വെളി​പ്പാ​ടു പുസ്‌തകം നമ്മോടു പറയുന്നു. യുദ്ധത്തെ സൂചി​പ്പി​ക്കുന്ന അഗ്നിനി​റ​മുള്ള ഒരു കുതി​ര​പ്പു​റ​ത്തി​രി​ക്കുന്ന സവാരി​ക്കാ​രൻ “ഭൂമി​യിൽനി​ന്നു സമാധാ​നം എടുത്തു​കള”യുന്നതാ​യി അക്കൂട്ട​ത്തിൽ വെളി​പ്പെ​ടു​ത്തി​യി​രി​ക്കു​ന്നു.—വെളി​പ്പാ​ടു 1:1; 6:4

ഒന്നാം ലോക​മ​ഹാ​യു​ദ്ധ​കാ​ലത്ത്‌ ബ്രിട്ട​നിൽ പരക്കെ​യു​ണ്ടാ​യി​രുന്ന—ശുഭ​പ്ര​തീ​ക്ഷ​യുള്ള—ഒരു ചിന്താ​ഗതി അത്‌ ഏറ്റവും അവസാ​നത്തെ മുഖ്യ​യു​ദ്ധം ആയിരി​ക്കു​മെ​ന്നാ​യി​രു​ന്നു. ബ്രിട്ടീഷ്‌ രാജ്യ​ത​ന്ത്ര​ജ്ഞ​നായ ഡേവിഡ്‌ ലോയിഡ്‌ ജോർജ്‌ 1916-ൽ ഏറെ വാസ്‌ത​വി​ക​മായ ഒരു അഭി​പ്രാ​യം നടത്തി. അദ്ദേഹം പറഞ്ഞു: “ഈ യുദ്ധം, അടുത്ത യുദ്ധം​പോ​ലെ​തന്നെ, യുദ്ധത്തിന്‌ അറുതി വരുത്താ​നുള്ള യുദ്ധമാണ്‌.” (ചെരി​ച്ചെ​ഴുത്ത്‌ ഞങ്ങളു​ടേത്‌.) അദ്ദേഹം പറഞ്ഞതു ശരിയാ​യി​രു​ന്നു. കൂട്ടന​ശീ​ക​ര​ണ​ത്തി​നുള്ള അതി​ഘോ​ര​മായ രീതികൾ കണ്ടുപി​ടി​ക്കു​ന്ന​തി​ന്റെ ആക്കം വർധി​പ്പി​ക്കുക മാത്ര​മാണ്‌ രണ്ടാം ലോക​മ​ഹാ​യു​ദ്ധം ചെയ്‌തത്‌. അതിനു​ശേഷം, 50 വർഷം പിന്നി​ട്ടി​ട്ടും യുദ്ധത്തിന്‌ അടു​ത്തെ​ങ്ങും അറുതി വരു​മെന്നു തോന്നു​ന്നില്ല.

അതേ വെളി​പ്പാ​ടു​പു​സ്‌ത​ക​ത്തിൽത്തന്നെ, ക്ഷാമ​ത്തെ​യും മഹാമാ​രി​യെ​യും മരണ​ത്തെ​യും പ്രതി​നി​ധീ​ക​രി​ക്കുന്ന മറ്റു കുതി​ര​ക്കാ​രെ​ക്കു​റി​ച്ചും നാം വായി​ക്കു​ന്നു. (വെളി​പ്പാ​ടു 6:5-8) അന്ത്യകാ​ലം സംബന്ധിച്ച അടയാ​ള​ത്തി​ന്റെ കൂടു​ത​ലായ സവി​ശേ​ഷ​ത​ക​ളാണ്‌ അവ.—മത്തായി 24:3-8.

അശുഭ​പ്ര​തീ​ക്ഷ​യ്‌ക്കുള്ള കാരണ​ങ്ങ​ളാ​ണോ അവ? തീർച്ച​യാ​യു​മല്ല. കാരണം, “ഒരു വെള്ളക്കു​തി​രയെ”ക്കുറി​ച്ചും ആ ദർശനം വിവരി​ക്കു​ന്നു. “അതിന്മേൽ ഇരിക്കു​ന്ന​വന്റെ കയ്യിൽ ഒരു വില്ലുണ്ടു; അവന്നു ഒരു കിരീ​ട​വും ലഭിച്ചു; അവൻ ജയിക്കു​ന്ന​വ​നാ​യും ജയിപ്പാ​നാ​യും പുറ​പ്പെട്ടു.” (വെളി​പ്പാ​ടു 6:2) സകല ദുഷ്ടത​യും തുടച്ചു​നീ​ക്കി​ക്കൊണ്ട്‌ ലോക​വ്യാ​പ​ക​മാ​യി സമാധാ​ന​വും ഐക്യ​വും സ്ഥാപി​ക്കാൻ സവാരി​ചെ​യ്യുന്ന സ്വർഗീയ രാജാ​വായ യേശു​ക്രി​സ്‌തു​വി​നെ​യാണ്‌ നാമി​വി​ടെ കാണു​ന്നത്‌.a

നിയുക്ത രാജാ​വെ​ന്ന​നി​ല​യിൽ, യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ ആ രാജ്യം വരാനാ​യി പ്രാർഥി​ക്കാൻ തന്റെ ശിഷ്യ​ന്മാ​രെ പഠിപ്പി​ച്ചു. “സ്വർഗ്ഗ​സ്ഥ​നായ ഞങ്ങളുടെ പിതാവേ” എന്ന പ്രാർഥന അഥവാ കർതൃ​പ്രാർഥന ചൊല്ലാൻ നിങ്ങളും പഠിച്ചി​ട്ടു​ണ്ടാ​യി​രി​ക്കാം. അതിൽ നാം പ്രാർഥി​ക്കു​ന്നത്‌ ദൈവ​ത്തി​ന്റെ രാജ്യം വരാനും അവന്റെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടപ്പാ​ക്ക​പ്പെ​ടാ​നു​മാണ്‌.—മത്തായി 6:9-13.

ഇപ്പോ​ഴ​ത്തെ വ്യവസ്ഥി​തി​യു​ടെ കേടു​പോ​ക്കു​ന്ന​തി​നു പകരം, തന്റെ മിശി​ഹൈക രാജാ​വായ യേശു​ക്രി​സ്‌തു മുഖാ​ന്തരം നടപടി​യെ​ടു​ത്തു​കൊണ്ട്‌ യഹോവ അതിനെ പാടേ നീക്കം ചെയ്യും. അതിന്റെ സ്ഥാനത്ത്‌ “ഞാൻ പുതിയ ആകാശ​വും പുതിയ ഭൂമി​യും സൃഷ്ടി​ക്കു​ന്നു; മുമ്പി​ലെത്തവ ആരും ഓർക്കു​ക​യില്ല; ആരു​ടെ​യും മനസ്സിൽ വരിക​യു​മില്ല” എന്ന്‌ യഹോവ പറയുന്നു. ആ സ്വർഗീയ രാജ്യ​ഗ​വൺമെൻറിൻ കീഴിൽ ഭൂമി മനുഷ്യ​വർഗ​ത്തി​നാ​യി സമാധാ​ന​വും സന്തോ​ഷ​വു​മുള്ള ഒരു ഭവനമാ​യി​ത്തീ​രും. അവിടത്തെ ജീവി​ത​വും ജോലി​യും എന്നെന്നും ആമോ​ദ​മാ​യി​രി​ക്കും. “ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ” എന്ന്‌ യഹോവ പറയുന്നു. “എന്റെ വൃതന്മാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും.” (യെശയ്യാ​വു 65:17-22) ഒരിക്ക​ലും പിഴവു​പ​റ്റാത്ത ആ വാഗ്‌ദാ​ന​ത്തിൽ നിങ്ങൾ ഭാവി പ്രത്യാശ ഉറപ്പി​ക്കു​ന്നെ​ങ്കിൽ, ശുഭ​പ്ര​തീ​ക്ഷ​യു​ള്ള​വ​രാ​യി​രി​ക്കാൻ നിങ്ങൾക്കു സകല കാരണ​വു​മു​ണ്ടാ​യി​രി​ക്കും—ഇപ്പോൾ മാത്രമല്ല, എന്നെന്നും!

[അടിക്കു​റി​പ്പു​കൾ]

[4-ാം പേജിലെ ചിത്രം]

എച്ച്‌. ജി. വെൽസ്‌

[കടപ്പാട]

Corbis-Bettmann