രാജ്യ​ഘോ​ഷകർ റിപ്പോർട്ടു ചെയ്യുന്നു

മലാവി​യിൽ സഹിഷ്‌ണുത ദൈവാ​നു​ഗ്ര​ഹ​ത്തി​ലേക്കു നയിക്കു​ന്നു

യഹോ​വ​യു​ടെ ഒരു വിശ്വസ്‌ത ദാസനാ​യി​രു​ന്നു യോ​സേഫ്‌. (എബ്രായർ 11:22) സഹിഷ്‌ണു​ത​യു​ടെ മകു​ടോ​ദാ​ഹ​ര​ണ​വു​മാ​യി​രു​ന്നു അവൻ. സ്വന്തം സഹോ​ദ​ര​ന്മാർ അവനെ ഒറ്റി​ക്കൊ​ടു​ത്തു. രണ്ടു പ്രാവ​ശ്യം അടിമ​യാ​യി വിൽക്ക​പ്പെട്ടു. പിന്നീട്‌ വ്യാജാ​രോ​പ​ണങ്ങൾ ചുമത്ത​പ്പെട്ട്‌ തടവി​ലാ​യി. എന്നിട്ടും, യോ​സേഫ്‌ തളർന്നു​പോ​യില്ല. പകരം, അവൻ വർഷങ്ങ​ളോ​ളം നീണ്ടു​നിന്ന പീഡനം ക്ഷമയോ​ടെ സഹിക്കു​ക​യും യഹോ​വ​യു​ടെ അനു​ഗ്ര​ഹ​ത്തി​നാ​യി താഴ്‌മ​യോ​ടെ കാത്തി​രി​ക്കു​ക​യും ചെയ്‌തു.—ഉല്‌പത്തി 37:23-28, 36; 39:11-20.

സമാന​മാ​യി ഇന്ന്‌, മലാവി​യി​ലെ യഹോ​വ​യു​ടെ സാക്ഷികൾ ദൈവാ​നു​ഗ്ര​ഹ​ത്തി​നാ​യി ക്ഷമയോ​ടെ കാത്തി​രു​ന്നി​ട്ടുണ്ട്‌. ഈ ക്രിസ്‌തീയ സാക്ഷി​കൾക്ക്‌ 26 വർഷ​ത്തോ​ളം ഗവൺമെൻറിൽനി​ന്നുള്ള നിരോ​ധ​ന​വും കടുത്ത എതിർപ്പും അനവധി കൊടും​ക്രൂ​ര​ത​ക​ളും സഹി​ക്കേ​ണ്ട​താ​യി വന്നു. എന്നാൽ അവരുടെ സഹിഷ്‌ണു​ത​യ്‌ക്കു ഫലമു​ണ്ടാ​യി!

1967-ന്റെ ഒടുവിൽ മലാവി​യിൽ പീഡനം പൊട്ടി​പ്പു​റ​പ്പെ​ട്ട​പ്പോൾ 18,000-ത്തോളം രാജ്യ​പ്ര​സാ​ധകർ ഉണ്ടായി​രു​ന്നു. 38,393 എന്ന പുതിയ അത്യു​ച്ച​ത്തോ​ടെ 1997 സേവന​വർഷം തുടങ്ങി​യ​പ്പോൾ സാക്ഷി​കൾക്കു​ണ്ടായ സന്തോഷം ഒന്നു വിഭാവന ചെയ്യൂ—നിരോ​ധനം തുടങ്ങി​യ​പ്പോൾ ഉണ്ടായി​രു​ന്ന​തി​ന്റെ രണ്ടിര​ട്ടി​യി​ല​ധി​ക​മാ​യി​രു​ന്നു അത്‌! തന്നെയു​മല്ല, മലാവി​യിൽ നടത്തിയ 13 “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ 1,17,000-ത്തിലധി​കം പേർ സംബന്ധി​ക്കു​ക​യും ചെയ്‌തു. യഹോവ സത്യമാ​യും അവരുടെ വിശ്വാ​സ​ത്തെ​യും സഹിഷ്‌ണു​ത​യെ​യും അനു​ഗ്ര​ഹി​ച്ചി​രി​ക്കു​ന്നു.

ഈ അനു​ഗ്ര​ഹ​ത്തി​ന്റെ ഒരു ദൃഷ്ടാ​ന്ത​മാണ്‌ മാച്ചേക്കാ എന്ന യുവാ​വി​ന്റെ അനുഭവം. ബൈബിൾ പഠിക്കാ​നുള്ള യഹോ​വ​യു​ടെ സാക്ഷി​ക​ളു​ടെ ക്ഷണം മാച്ചേക്കാ സ്വീക​രി​ച്ച​പ്പോൾ അവന്റെ മാതാ​പി​താ​ക്കൾ വളരെ അസ്വസ്ഥ​രാ​യി. അവർ പറഞ്ഞു: “നീ സാക്ഷി​യാ​യി​ത്തീ​രാൻ ആഗ്രഹി​ക്കു​ന്നെ​ങ്കിൽ, ഈ വീട്ടിൽനി​ന്നു പൊയ്‌ക്കോ​ണം.” എന്നാൽ ബൈബിൾപ​ഠനം തുടരു​ന്ന​തിൽനിന്ന്‌ അവനെ പിന്തി​രി​പ്പി​ക്കാൻ ആ ഭീഷണി​ക്കാ​യില്ല. തത്‌ഫ​ല​മാ​യി, മാച്ചേ​ക്കാ​യു​ടെ മാതാ​പി​താ​ക്കൾ അവന്റെ വസ്‌ത്ര​ങ്ങ​ളെ​ല്ലാം പിടി​ച്ചു​വെച്ചു. സഹോ​ദ​രങ്ങൾ അവനു കുറെ വസ്‌ത്രങ്ങൾ വാങ്ങി​ക്കൊ​ടു​ത്തു​കൊണ്ട്‌ പ്രതി​ക​രി​ച്ചു. അതേക്കു​റിച്ച്‌ അറിഞ്ഞ​പ്പോൾ മാച്ചേ​ക്കാ​യു​ടെ മാതാ​പി​താ​ക്കൾ അവനോ​ടു പറഞ്ഞു: “സാക്ഷി​ക​ളാ​ണു നിന്റെ കാര്യം നോക്കു​ന്ന​തെ​ങ്കിൽ, നീ പോയി അവരുടെ കൂടെ ജീവി​ച്ചോ​ണം.” ശ്രദ്ധാ​പൂർവം അക്കാര്യ​ത്തെ​ക്കു​റി​ച്ചു പരിചി​ന്തി​ച്ച​ശേഷം അവൻ തന്റെ വീടു വിട്ടി​റങ്ങി. പ്രാ​ദേ​ശിക സഭയിലെ ഒരു സാക്ഷി​ക്കു​ടും​ബം അവന്‌ അഭയം നൽകി.

വളരെ കോപാ​കു​ല​രായ മാച്ചേ​ക്കാ​യു​ടെ മാതാ​പി​താ​ക്കൾ, സാക്ഷി​ക​ളു​മാ​യുള്ള സകല സമ്പർക്ക​വും ഒഴിവാ​ക്കു​ന്ന​തി​നു വേണ്ടി ആ പ്രദേ​ശ​ത്തു​നി​ന്നു മറ്റെവി​ടേ​ക്കെ​ങ്കി​ലും പോകാൻ തീരു​മാ​നി​ച്ചു. തീർച്ച​യാ​യും ഇത്‌ മാച്ചേ​ക്കാ​യെ വളരെ​യേറെ വേദനി​പ്പി​ച്ചെ​ങ്കി​ലും, സഹോ​ദ​രങ്ങൾ അവനു​മാ​യി സങ്കീർത്തനം 27:10 ചർച്ച ചെയ്‌ത​പ്പോൾ അവനു വളരെ ആശ്വാസം കൈവന്നു. ആ വാക്യം പറയുന്നു: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.”

കാല​ക്ര​മേണ, മാച്ചേ​ക്കാ​യു​ടെ മാതാ​പി​താ​ക്കൾ തങ്ങളുടെ നിലപാ​ടി​നു മയം വരുത്തി. തന്മൂലം അവൻ സ്വന്തം വീട്ടി​ലേക്കു പോകാൻ തീരു​മാ​നി​ച്ചു. യഹോ​വയെ സേവി​ക്കാ​നുള്ള തങ്ങളുടെ മകന്റെ ദൃഢനി​ശ്ചയം അവരിൽ വലിയ മതിപ്പു​ള​വാ​ക്കി. തന്മൂലം, യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ അവർക്കും ആഗ്രഹ​മാ​യി! “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ മൂന്നു ദിവസ​വും അവർ സംബന്ധി​ച്ചു. അതേത്തു​ടർന്ന്‌ “സത്യത്തിൽ, ഇതാണ്‌ ദൈവ​സ്ഥാ​പനം!” എന്ന്‌ ഉദ്‌ഘോ​ഷി​ക്കാൻ അവർ പ്രേരി​ത​രാ​യി.

അതേ, എതിർപ്പ്‌ തീവ്ര​മാ​യി​രു​ന്നേ​ക്കാം. എന്നാൽ ദൈവ​ത്തി​ന്റെ വിശ്വസ്‌ത സന്ദേശ​വാ​ഹകർ തളർന്ന്‌ പിന്മാ​റു​ന്നില്ല. “കഷ്ടത സഹിഷ്‌ണുത ഉളവാ​ക്കു​ന്നു; ക്രമത്തിൽ, സഹിഷ്‌ണുത അംഗീ​കൃ​ത​നില ഉളവാ​ക്കു​ന്നു” എന്നറി​ഞ്ഞു​കൊണ്ട്‌ അവർ ധൈര്യ​സ​മേതം മുന്നേ​റു​ന്നു. (റോമർ 5:3, 4, NW) സഹിഷ്‌ണുത ദൈവാ​നു​ഗ്ര​ഹ​ത്തി​ലേക്കു നയിക്കു​ന്നു​വെന്ന്‌ മലാവി​യി​ലെ യഹോ​വ​യു​ടെ സാക്ഷി​കൾക്കു സമുചി​ത​മാ​യി സാക്ഷ്യ​പ്പെ​ടു​ത്താ​നാ​കും.