കുടും​ബം—ജീവി​ത​ത്തി​ലെ ഒരു അനിവാ​ര്യ ഘടകം!

കുടും​ബങ്ങൾ അഭിവൃ​ദ്ധി പ്രാപി​ക്കു​മ്പോൾ മാത്രമേ മാനവ സമുദാ​യം അഭിവൃ​ദ്ധി പ്രാപി​ക്കു​ന്നു​ള്ളു​വെന്നു പറയാ​റുണ്ട്‌. കുടുംബ ക്രമീ​ക​രണം ദുർബ​ല​മാ​കു​മ്പോൾ സമുദാ​യ​ങ്ങ​ളു​ടെ​യും രാഷ്‌ട്ര​ങ്ങ​ളു​ടെ​യും ശക്തി ക്ഷയിക്കു​ന്നു​വെന്നു ചരിത്രം പ്രകട​മാ​ക്കു​ന്നു. ധാർമിക അധഃപ​തനം പുരാതന ഗ്രീസി​ലെ കുടും​ബ​ങ്ങളെ തകർത്ത​പ്പോൾ അതിന്റെ സംസ്‌കാ​രം ശിഥി​ല​മാ​കു​ക​യും അങ്ങനെ അതു റോമാ​ക്കാർക്ക്‌ എളുപ്പം കീഴട​ക്കാ​വുന്ന അവസ്ഥയി​ലാ​കു​ക​യും ചെയ്‌തു. റോമാ​സാ​മ്രാ​ജ്യ​ത്തി​ലെ കുടും​ബങ്ങൾ കെട്ടു​റ​പ്പു​ള്ള​താ​യി​രു​ന്നി​ട​ത്തോ​ളം കാലം ആ സാമ്രാ​ജ്യ​വും കെട്ടു​റ​പ്പു​ള്ള​താ​യി​രു​ന്നു. എന്നാൽ നൂറ്റാ​ണ്ടു​കൾ കടന്നു​പോ​യ​തോ​ടെ കുടും​ബ​ജീ​വി​തം ദുർബ​ല​മാ​യി, സാമ്രാ​ജ്യ​ത്തി​ന്റെ കെട്ടു​റപ്പ്‌ ക്ഷയിച്ചു. “കുടും​ബ​ത്തി​ന്റെ​യും കുടും​ബ​ജീ​വി​ത​ത്തി​ന്റെ​യും സുരക്ഷി​ത​ത്വ​വും ഉന്നതി​യു​മാണ്‌ സംസ്‌കാ​ര​ത്തി​ന്റെ പ്രഥമ ലക്ഷ്യങ്ങൾ, എല്ലാ ശ്രമങ്ങ​ളു​ടെ​യും ആത്യന്തിക ലക്ഷ്യവും അതാണ്‌” എന്ന്‌ ഹാർവാർഡ്‌ സർവക​ലാ​ശാ​ല​യു​ടെ മുൻ പ്രസി​ഡ​ന്റാ​യി​രുന്ന ചാൾസ്‌ ഡബ്ലിയു. ഇലിയട്ട്‌ അഭി​പ്രാ​യ​പ്പെട്ടു.

അതേ, കുടും​ബം മാനുഷ ജീവി​ത​ത്തി​ലെ അനിവാ​ര്യ ഘടകമാണ്‌. അതിന്‌ സമൂഹ​ത്തി​ന്റെ കെട്ടു​റ​പ്പി​ലും കുട്ടി​ക​ളു​ടെ​യും ഭാവി തലമു​റ​ക​ളു​ടെ​യും ക്ഷേമത്തി​ലും നേരി​ട്ടുള്ള ഒരു സ്വാധീ​ന​മുണ്ട്‌. കുട്ടി​കളെ ഉത്തമരാ​യി വളർത്തി​ക്കൊ​ണ്ടു​വ​രാൻ കിണഞ്ഞു പരി​ശ്ര​മി​ക്കുന്ന ഒട്ടനവധി ഏകാകി​ക​ളായ അമ്മമാർ ഉണ്ടെന്നു​ള്ള​തിൽ സംശയ​മില്ല. അവരുടെ കഠിനാ​ധ്വാ​ന​ത്തിന്‌ അവർ അഭിന​ന്ദി​ക്ക​പ്പെ​ടേ​ണ്ട​താണ്‌. എന്നിരു​ന്നാ​ലും, മാതാ​പി​താ​ക്കൾ ഇരുവ​രു​മുള്ള കുടും​ബ​ത്തിൽ വളരുന്ന കുട്ടികൾ പൊതു​വേ അവരെ​ക്കാൾ മെച്ച​പ്പെ​ട്ട​വ​രാ​യി​ത്തീ​രു​മെന്ന്‌ പഠനങ്ങൾ പ്രകട​മാ​ക്കു​ന്നു.

“സുദൃഢ കുടും​ബ​ങ്ങ​ളിൽനി​ന്നുള്ള കുട്ടി​കളെ അപേക്ഷിച്ച്‌, ശിഥില കുടും​ബ​ങ്ങ​ളിൽനി​ന്നുള്ള കൗമാ​ര​പ്രാ​യ​ക്കാർക്ക്‌ സാധാരണ ആരോ​ഗ്യ​പ്ര​ശ്‌ന​ങ്ങ​ളു​ണ്ടാ​കാ​നും വൈകാ​രിക പ്രശ്‌ന​ങ്ങ​ളു​ടെ ലക്ഷണങ്ങൾ കാണി​ക്കാ​നും ലൈം​ഗി​ക​ത​യിൽ ഏർപ്പെ​ടാ​നു​മുള്ള സാധ്യത കൂടു​ത​ലാ​യി​രു​ന്നു”വെന്ന്‌ 2,100 കൗമാ​ര​പ്രാ​യ​ക്കാ​രിൽ നടത്തിയ ഒരു ഓസ്‌​ട്രേ​ലി​യൻ പഠനം കണ്ടെത്തി. തകർന്ന ഭവനങ്ങ​ളിൽനി​ന്നുള്ള കുട്ടി​കൾക്ക്‌ “അപകടം സംഭവി​ക്കാൻ 20-30 ശതമാ​ന​വും ഒരു ക്ലാസ്സിൽ തോൽക്കാൻ 40-75 ശതമാ​ന​വും സ്‌കൂ​ളിൽനിന്ന്‌ പുറത്താ​ക്ക​പ്പെ​ടാൻ 70 ശതമാ​ന​വും കൂടുതൽ സാധ്യ​തയു”ണ്ടെന്ന്‌ യു.എസ്‌. നാഷണൽ ഇൻസ്റ്റി​റ്റ്യൂ​ട്ട്‌സ്‌ ഓഫ്‌ ഹെൽത്ത്‌ സ്റ്റാറ്റി​സ്റ്റി​ക്‌സ്‌ നടത്തിയ ഒരു പഠനം വെളി​പ്പെ​ടു​ത്തി. “മാതാ​പി​താ​ക്ക​ളിൽ ഒരാൾ മാത്ര​മുള്ള ഭവനങ്ങ​ളി​ലെ കുട്ടികൾ പരമ്പരാ​ഗത ഭവനങ്ങ​ളിൽ വളരുന്ന കുട്ടി​കളെ അപേക്ഷിച്ച്‌ കുറ്റകൃ​ത്യ​ത്തിൽ ഏർപ്പെ​ടാ​നുള്ള സാധ്യത വളരെ​ക്കൂ​ടു​തലാ”ണെന്ന്‌ ഒരു നയവി​ശ​കലന വിദഗ്‌ധൻ റിപ്പോർട്ടു ചെയ്യുന്നു.

ഭവനം ഒരു അഭയസ്ഥാ​നം

കുടുംബ ക്രമീ​ക​രണം, സന്തുഷ്ട​വും കെട്ടു​പ​ണി​ചെ​യ്യു​ന്ന​തും ഉല്ലാസ​ക​ര​വു​മായ ഭവനാ​ന്ത​രീ​ക്ഷം എല്ലാവർക്കും പ്രദാനം ചെയ്യുന്നു. “സന്തുഷ്ടി​യു​ടെ​യും ക്ഷേമത്തി​ന്റെ​യും ഏറ്റവും പ്രധാ​ന​പ്പെട്ട ഉറവ്‌ തൊഴി​ലോ വസ്‌തു​വ​ക​ക​ളോ ഹോബി​ക​ളോ സുഹൃ​ത്തു​ക്ക​ളോ അല്ല, മറിച്ച്‌ കുടുംബ”മാണെന്ന്‌ ഒരു സ്വീഡിഷ്‌ വിദഗ്‌ധൻ അവകാ​ശ​പ്പെ​ടു​ന്നു.

കുടുംബ ക്രമീ​ക​രണം ഏർപ്പെ​ടു​ത്തിയ, കുടും​ബ​ങ്ങ​ളു​ടെ മഹാ​സ്ര​ഷ്ടാ​വായ യഹോ​വ​യാം ദൈവ​ത്തോ​ടു ഭൂമി​യി​ലെ സകല കുടും​ബ​വും അതിന്റെ പേരിനു കടപ്പെ​ട്ടി​രി​ക്കു​ന്നു​വെന്ന്‌ ബൈബിൾ പ്രകട​മാ​ക്കു​ന്നു. (ഉല്‌പത്തി 1:27, 28; 2:23, 24; എഫെസ്യർ 3:14, 15) എന്നാൽ ക്രിസ്‌തീയ സഭയ്‌ക്കു വെളി​യിൽ ധാർമി​ക​ത​യു​ടെ​യും മാനവ​സ​മു​ദാ​യ​ത്തി​ന്റെ​യും തകർച്ച​യ്‌ക്ക്‌ ഇടയാ​ക്കി​ക്കൊണ്ട്‌ കുടും​ബ​ത്തി​ന്മേ​ലു​ണ്ടാ​കുന്ന ശക്തമാ​യൊ​രു ആക്രമ​ണ​ത്തെ​ക്കു​റിച്ച്‌ നിശ്വസ്‌ത തിരു​വെ​ഴു​ത്തു​ക​ളിൽ അപ്പോ​സ്‌ത​ല​നായ പൗലൊസ്‌ മുൻകൂ​ട്ടി​പ്പ​റഞ്ഞു. അവിശ്വ​സ്‌തത, “സ്വാഭാ​വിക പ്രിയ”ത്തിന്റെ അഭാവം, മാതാ​പി​താ​ക്ക​ളോ​ടുള്ള അനുസ​ര​ണ​ക്കേട്‌ എന്നിവ “ദൈവിക ഭക്തിയു​ടെ ഒരു ഭാവ​പ്ര​ക​ട​ന​മുള്ള”രിൽപോ​ലും ഉണ്ടായി​രി​ക്കു​ന്നത്‌ “അന്ത്യനാ​ളു”കളുടെ അടയാ​ള​മാ​യി​രി​ക്കു​മെന്ന്‌ അവൻ പറഞ്ഞു. അത്തരക്കാ​രിൽനിന്ന്‌ അകന്നു​മാ​റാൻ അവൻ ക്രിസ്‌ത്യാ​നി​കളെ ഉദ്‌ബോ​ധി​പ്പി​ച്ചു. ദൈവിക സത്യ​ത്തോ​ടുള്ള എതിർപ്പ്‌ കുടും​ബ​ങ്ങളെ വിഭജി​ക്കു​മെന്ന്‌ യേശു മുൻകൂ​ട്ടി​പ്പ​റഞ്ഞു.—2 തിമൊ​ഥെ​യൊസ്‌ 3:1-5, NW; മത്തായി 10:32-37.

എന്നിരു​ന്നാ​ലും, ദൈവം നമ്മെ സഹായ​മി​ല്ലാ​ത്ത​വ​രാ​യി വിട്ടി​ട്ടില്ല. അവന്റെ വചനത്തിൽ വളരെ​യേറെ സ്ഥലം കുടും​ബ​ബ​ന്ധ​ങ്ങ​ളെ​ക്കു​റി​ച്ചുള്ള പ്രബോ​ധ​ന​ങ്ങൾക്കാ​യി നീക്കി​വെ​ച്ചി​രി​ക്കു​ന്നു. കുടുംബ ജീവിതം വിജയ​പ്ര​ദ​മാ​ക്കാ​നും ഓരോ കുടും​ബാം​ഗ​ത്തി​നും മറ്റംഗ​ങ്ങ​ളോ​ടുള്ള ഉത്തരവാ​ദി​ത്വം നിർവ​ഹി​ക്കേണ്ട ഒരു ആനന്ദ​പ്ര​ദ​മായ സ്ഥലമാക്കി ഭവനത്തെ മാറ്റി​യെ​ടു​ക്കാ​നും എങ്ങനെ സാധി​ക്കു​മെന്ന്‌ അതു നമ്മോടു പറയുന്നു.a—എഫെസ്യർ 5:33; 6:1-4.

കുടും​ബം കടുത്ത ഭീഷണി​യി​ലാ​യി​രി​ക്കുന്ന ഈ നാളു​ക​ളിൽ അത്തര​മൊ​രു സന്തുഷ്ട ബന്ധം നേടുക സാധ്യ​മാ​ണോ? തീർച്ച​യാ​യും! നിർവി​കാ​ര​വും ഊഷര​വു​മായ ഈ ലോകത്ത്‌ നിങ്ങളു​ടെ കുടും​ബത്തെ ആസ്വാ​ദ്യ​വും നവോ​ന്മേ​ഷ​ദാ​യ​ക​വു​മായ ഒരു മരുപ്പ​ച്ച​യാ​ക്കു​ന്ന​തിൽ നിങ്ങൾക്കു വിജയി​ക്കാ​നാ​കും. എന്നാൽ അതിന്‌ കുടും​ബ​വൃ​ത്ത​ത്തി​ലുള്ള എല്ലാവ​രും ചില കാര്യങ്ങൾ ചെയ്യേ​ണ്ട​തുണ്ട്‌. തുടർന്നു​വ​രു​ന്നവ സഹായ​ക​മായ ചില നിർദേ​ശ​ങ്ങ​ളാണ്‌.

അതിജീ​വി​ക്കാൻ നിങ്ങളു​ടെ കുടും​ബത്തെ സഹായി​ക്കൽ

ഒരു കുടും​ബ​ത്തിന്‌ ഏകീകൃ​ത​മാ​യി നിലനിൽക്കാൻ കഴിയുന്ന ഏറ്റവും നല്ല മാർഗ​ങ്ങ​ളി​ലൊന്ന്‌ ഒരുമി​ച്ചു സമയം ചെലവ​ഴി​ക്കു​ന്ന​താണ്‌. എല്ലാ അംഗങ്ങ​ളും തങ്ങളുടെ ഒഴിവു​സ​മയം കുടും​ബ​ത്തോ​ടൊ​പ്പം മനസ്സോ​ടെ പങ്കു​വെ​ക്കണം. അതിനു കുറ​ച്ചൊ​ക്കെ ത്യാഗങ്ങൾ ആവശ്യ​മാ​യി​രു​ന്നേ​ക്കാം. ദൃഷ്ടാ​ന്ത​ത്തിന്‌, കൗമാ​ര​പ്രാ​യ​ക്കാ​രേ, നിങ്ങൾ ഇഷ്ടപ്പെട്ട ചില ടെലി​വി​ഷൻ പരിപാ​ടി​ക​ളോ കായി​ക​മ​ത്സ​ര​ങ്ങ​ളോ സുഹൃ​ത്തു​ക്ക​ളോ​ടൊ​പ്പം പുറത്തു​പോ​കു​ന്ന​തോ ഒക്കെ ത്യജി​ക്കേ​ണ്ട​തു​ണ്ടാ​യി​രി​ക്കാം. പിതാ​ക്ക​ന്മാ​രേ, അഹോ​വൃ​ത്തി​ക്കു വകക​ണ്ടെ​ത്തു​ന്ന​തിൽ സാധാ​ര​ണ​മാ​യി മുഖ്യ പങ്കുവ​ഹി​ക്കുന്ന നിങ്ങൾ ഹോബി​ക്കോ വ്യക്തി​പ​ര​മായ മറ്റു താത്‌പ​ര്യ​ങ്ങൾക്കോ വേണ്ടി മാത്രം ഒഴിവു​സ​മയം ചെലവ​ഴി​ക്ക​രുത്‌. കുടും​ബ​ത്തോ​ടൊ​ത്തു പ്രവർത്ത​നങ്ങൾ ആസൂ​ത്രണം ചെയ്യുക, ഒരുപക്ഷേ വാരാ​ന്ത്യ​ങ്ങ​ളോ അവധി​ക്കാ​ല​മോ എങ്ങനെ ഒരുമി​ച്ചു ചെലവ​ഴി​ക്കാ​മെ​ന്നു​ള്ളത്‌. തീർച്ച​യാ​യും, എല്ലാവ​രും നോക്കി​പ്പാർത്തി​രി​ക്കു​ന്ന​തും ആസ്വദി​ക്കു​ന്ന​തു​മായ എന്തെങ്കി​ലും ആസൂ​ത്രണം ചെയ്യുക.

ഗുണ​മേ​ന്മ​യു​ള്ള സമയം എന്നു വിളി​ക്ക​പ്പെ​ടു​ന്നത്‌, അതായത്‌ കുട്ടി​ക​ളോ​ടൊ​പ്പം ക്രമമാ​യി ചെലവ​ഴി​ക്കാൻ പട്ടിക​പ്പെ​ടു​ത്തി​യി​രി​ക്കുന്ന അരമണി​ക്കൂ​റോ മറ്റോ, മാത്രം പോരാ അവർക്ക്‌. കൂടുതൽ സമയം അവർക്ക്‌ ആവശ്യ​മാണ്‌. ഒരു സ്വീഡിഷ്‌ ദിനപ്പ​ത്ര​ത്തി​ലെ ഒരു കോള​മെ​ഴു​ത്തു​കാ​രൻ എഴുതു​ന്നു: “ഒരു റിപ്പോർട്ടർ എന്നനി​ല​യി​ലുള്ള എന്റെ 15 വർഷക്കാല സേവന​ത്തിൽ ഞാൻ ഒട്ടനവധി ബാലകു​റ്റ​വാ​ളി​കളെ കണ്ടുമു​ട്ടി​യി​ട്ടുണ്ട്‌. . . . മാതാ​പി​താ​ക്ക​ളിൽനിന്ന്‌ അവർക്ക്‌ ഗുണ​മേ​ന്മ​യുള്ള സമയം മാത്രമേ ലഭിച്ചി​രു​ന്നു​ള്ളൂ​വെ​ന്ന​താണ്‌ ഒരു പൊതു​വായ ഘടകം: ‘എന്റെ മാതാ​പി​താ​ക്കൾക്കു സമയമി​ല്ലാ​യി​രു​ന്നു.’ ‘അവർ ഒരിക്ക​ലും ശ്രദ്ധി​ച്ചി​ട്ടില്ല.’ ‘അദ്ദേഹം എല്ലായ്‌പോ​ഴും യാത്ര​യി​ലാ​യി​രു​ന്നു.’ . . . കുട്ടി​കൾക്ക്‌ എത്രമാ​ത്രം സമയം നൽകണ​മെന്നു തീരു​മാ​നി​ക്കാ​നുള്ള സ്വാത​ന്ത്ര്യം മാതാ​പി​താ​ക്ക​ളെ​ന്ന​നി​ല​യിൽ നിങ്ങൾക്ക്‌ എല്ലായ്‌പോ​ഴു​മുണ്ട്‌. എന്നാൽ, 15 വർഷം കഴിയു​മ്പോൾ നിർദ​യ​നായ ഒരു 15 വയസ്സു​കാ​ര​നാ​യി​രി​ക്കും നിങ്ങളു​ടെ തീരു​മാ​ന​ത്തി​ന്റെ മൂല്യം നിർണ​യി​ക്കു​ന്നത്‌.”

പണം സംബന്ധിച്ച ഉചിത​മായ വീക്ഷണം

എല്ലാ കുടും​ബാം​ഗ​ങ്ങ​ളും പണം സംബന്ധിച്ച്‌ ഉചിത​മാ​യൊ​രു വീക്ഷണം വളർത്തി​യെ​ടു​ക്കണം. കുടും​ബ​ത്തി​ന്റെ പൊതു​വായ ചെലവു​കൾ വഹിക്കാ​നാ​യി തങ്ങളാ​ലാ​കു​ന്നതു നൽകാൻ അവർ സന്നദ്ധരാ​യി​രി​ക്കണം. അനേകം സ്‌ത്രീ​കൾക്ക്‌ ഉപജീ​വ​ന​ത്തി​നാ​യി ഒരു തൊഴിൽ തരപ്പെ​ടു​ത്തേ​ണ്ട​തുണ്ട്‌. എന്നാൽ ഭാര്യ​മാ​രേ, നേരി​ട്ടേ​ക്കാ​വുന്ന അപകട​ങ്ങ​ളെ​യും പ്രലോ​ഭ​ന​ങ്ങ​ളെ​യും കുറിച്ച്‌ നിങ്ങൾ ബോധ​വ​തി​ക​ളാ​യി​രി​ക്കണം. “മുഴു പ്രാപ്‌തി​ക​ളും” ഉപയോ​ഗിച്ച്‌ “നിങ്ങൾക്ക്‌ ഇഷ്ടമു​ള്ളതു ചെയ്യാൻ” ഈ ലോകം നിങ്ങളെ പ്രോ​ത്സാ​ഹി​പ്പി​ക്കു​ന്നു. നിങ്ങൾ തന്നിഷ്ട​ക്കാ​രി​യാ​യി​ത്തീർന്നിട്ട്‌, ഒരു മാതാ​വും വീട്ടമ്മ​യും എന്ന നിലയി​ലുള്ള ദൈവദത്ത ധർമത്തിൽ അസന്തു​ഷ്ട​യാ​യി​ത്തീ​രാൻ അത്‌ ഇടയാ​ക്കി​യേ​ക്കാം.—തീത്തൊസ്‌ 2:4, 5.

അമ്മമാ​രായ നിങ്ങൾക്ക്‌ ഭവനത്തി​ലാ​യി​രി​ക്കാ​നും കുട്ടി​കൾക്ക്‌ ഒരു വഴികാ​ട്ടി​യും സുഹൃ​ത്തു​മാ​യി​രി​ക്കാ​നും കഴിഞ്ഞാൽ, സകല പ്രാതി​കൂ​ല്യ​ങ്ങൾക്കും മധ്യേ കുടും​ബത്തെ ഒരുമി​ച്ചു​നിർത്താൻ സഹായി​ക്കുന്ന ശക്തമായ ബന്ധങ്ങൾ കെട്ടി​പ്പ​ടു​ക്കാൻ അതു തീർച്ച​യാ​യും ഏറെ സഹായി​ക്കും. ഒരു ഭവനത്തെ സന്തുഷ്ട​വും സുരക്ഷി​ത​വും പ്രവർത്ത​നോ​ന്മു​ഖ​വും ആക്കുന്ന​തിൽ ഒരു സ്‌ത്രീക്ക്‌ വളരെ​യേറെ സഹായി​ക്കാ​നാ​കും. “പാളയ​മ​ടി​ക്കാൻ നൂറു പുരു​ഷ​ന്മാ​രെ​ങ്കി​ലും വേണം, എന്നാൽ ഒരു ഭവനം പണിയാൻ ഒരു സ്‌ത്രീ മതി” എന്ന്‌ 19-ാം നൂറ്റാ​ണ്ടി​ലെ ഒരു രാഷ്‌ട്ര​ത​ന്ത്രജ്ഞൻ പറഞ്ഞു.

കുടും​ബ​ത്തി​ന്റെ വരുമാ​ന​ത്തി​നു​ള്ളിൽ ഒതുങ്ങി​ക്ക​ഴി​യാൻ എല്ലാവ​രും സഹകരി​ക്കു​ന്നെ​ങ്കിൽ, അത്‌ കുടും​ബത്തെ അനേകം പ്രശ്‌ന​ങ്ങ​ളിൽനി​ന്നു സംരക്ഷി​ക്കും. ജീവിതം ലളിത​മാ​യി സൂക്ഷി​ക്കാ​നും ആത്മീയ താത്‌പ​ര്യ​ങ്ങൾ ഒന്നാമ​തു​വെ​ക്കാ​നും ദമ്പതികൾ സഹകരി​ക്കണം. കുടും​ബ​ത്തി​ന്റെ സാമ്പത്തി​ക​സ്ഥി​തിക്ക്‌ താങ്ങാ​നാ​കാത്ത കാര്യങ്ങൾ ആവശ്യ​പ്പെ​ടാ​തെ, ഉള്ളതു​കൊ​ണ്ടു തൃപ്‌തി​പ്പെ​ടാൻ കുട്ടികൾ പഠിക്കണം. കൺമോ​ഹം സംബന്ധിച്ച്‌ ജാഗ്രത പുലർത്തുക! താങ്ങാ​നാ​കാത്ത വിലയുള്ള സാധനങ്ങൾ കടം​മേ​ടിച്ച്‌ വാങ്ങാ​നുള്ള പ്രലോ​ഭനം അനേകം കുടും​ബ​ങ്ങളെ തകർച്ച​യി​ലേക്കു നയിച്ചി​ട്ടുണ്ട്‌. ഉല്ലാസ​പ്ര​ദ​മായ ഒരു യാത്ര, വീട്ടി​ലേ​ക്കു​വേണ്ട പ്രയോ​ജ​ന​പ്ര​ദ​വും ആസ്വാ​ദ്യ​വു​മായ ചില ഉപകര​ണങ്ങൾ, ക്രിസ്‌തീയ സഭയെ പിന്താ​ങ്ങാ​നുള്ള ഒരു സംഭാവന എന്നിങ്ങ​നെ​യുള്ള കൂട്ടു​പ​ദ്ധ​തി​കൾക്കാ​യി എല്ലാവ​രും പണം മുടക്കു​ന്നത്‌ കുടുംബ ഐക്യത്തെ സഹായി​ച്ചേ​ക്കാം.

ശുചീ​ക​ര​ണം, കേടു​പോ​ക്കൽ, വീടി​നും പൂന്തോ​ട്ട​ത്തി​നും കാറി​നും മറ്റും​വേ​ണ്ടി​യുള്ള കാര്യങ്ങൾ ചെയ്യൽ തുടങ്ങി​യ​വ​യിൽ പങ്കുപ​റ്റു​ന്നത്‌ സന്തുഷ്ട​മാ​യൊ​രു കുടും​ബാ​ന്ത​രീ​ക്ഷ​ത്തി​നു​വേണ്ടി എല്ലാ കുടും​ബാം​ഗ​ങ്ങൾക്കും ചെയ്യാൻ കഴിയുന്ന മറ്റൊ​രു​തരം “സംഭാവന”യാണ്‌. അത്തരം ജോലി​കൾ കുറേശ്ശെ വീതം ഓരോ കുടും​ബാം​ഗ​ത്തി​നും, കൊച്ചു​കു​ട്ടി​കൾക്കു​പോ​ലും, നിയമി​ച്ചു​കൊ​ടു​ക്കാ​വു​ന്ന​താണ്‌. കുട്ടി​കളേ, നിങ്ങളു​ടെ സമയം പാഴാ​ക്കാ​തി​രി​ക്കാൻ ശ്രദ്ധി​ക്കുക. പകരം, ഒരു സഹായ-സഹകരണ മനോ​ഭാ​വം വളർത്തി​യെ​ടു​ക്കുക. കുടുംബ ഐക്യത്തെ ഉന്നമി​പ്പി​ക്കുന്ന യഥാർഥ സൗഹൃ​ദ​വും സഹവർത്തി​ത്വ​വു​മാ​യി​രി​ക്കും ഫലം.

ബൈബിൾ വിദ്യാ​ഭ്യാ​സ​ത്തി​ന്റെ മൂല്യം

ഏകീകൃത ക്രിസ്‌തീയ കുടും​ബ​ത്തിൽ, ക്രമമായ ബൈബിൾ പഠനത്തി​ന്റെ പ്രാധാ​ന്യ​ത്തി​നും ഊന്നൽ നൽക​പ്പെ​ടു​ന്നു. ബൈബിൾ വാക്യ​ങ്ങ​ളു​ടെ ദൈനം​ദിന ചർച്ചയും വിശു​ദ്ധ​തി​രു​വെ​ഴു​ത്തു​ക​ളു​ടെ പ്രതി​വാര പഠനവും ഒരു ഏകീകൃത കുടും​ബ​ത്തി​നുള്ള അടിസ്ഥാ​നം പ്രദാനം ചെയ്യുന്നു. കുടും​ബ​ത്തി​ലുള്ള എല്ലാവ​രു​ടെ​യും ഹൃദയത്തെ പ്രചോ​ദി​പ്പി​ക്ക​ത്ത​ക്ക​വണ്ണം അടിസ്ഥാന ബൈബിൾ സത്യങ്ങ​ളും തത്ത്വങ്ങ​ളും ഒരുമി​ച്ചു ചർച്ച​ചെ​യ്യണം.

അത്തരം കുടും​ബ​യോ​ഗങ്ങൾ പ്രബോ​ധ​നാ​ത്മ​ക​മാ​യി​രി​ക്കു​ന്ന​തി​നു പുറമേ ആസ്വാ​ദ്യ​വും പ്രോ​ത്സാ​ഹ​ജ​ന​ക​വു​മാ​യി​രി​ക്കണം. ഉത്തരസ്വീ​ഡ​നി​ലെ ഒരു കുടും​ബം, ഓരോ വാരത്തി​ലും ഉയർന്നു​വ​രുന്ന ചോദ്യ​ങ്ങൾ കുട്ടി​ക​ളെ​ക്കൊണ്ട്‌ പതിവാ​യി എഴുതി​വെ​പ്പി​ച്ചി​രു​ന്നു. എന്നിട്ട്‌ ആ ചോദ്യ​ങ്ങൾ പ്രതി​വാര ബൈബി​ള​ധ്യ​യന സമയത്ത്‌ ചർച്ച​ചെ​യ്‌തി​രു​ന്നു. ചോദ്യ​ങ്ങൾ മിക്ക​പ്പോ​ഴും ഗഹനവും ചിന്തോ​ദ്ദീ​പ​ക​വു​മാ​യി​രു​ന്നു. അവ കുട്ടി​ക​ളു​ടെ ചിന്താ​പ്രാ​പ്‌തി​യു​ടെ​യും ബൈബിൾ പഠിപ്പി​ക്ക​ലു​ക​ളോ​ടുള്ള വിലമ​തി​പ്പി​ന്റെ​യും പ്രതി​ഫ​ല​ന​മാ​ണെന്നു തെളിഞ്ഞു. പിൻവ​രു​ന്ന​വ​യാ​യി​രു​ന്നു ചില ചോദ്യ​ങ്ങൾ: “എല്ലാം വളർന്നു​വ​രാൻ യഹോവ എപ്പോ​ഴും ഇടയാ​ക്കു​ന്നു​ണ്ടോ, അതോ ഒരിക്കൽ മാത്രമേ അവൻ അങ്ങനെ ചെയ്‌തു​ള്ളോ?” “ദൈവം ഒരു മനുഷ്യ​ന​ല്ലാത്ത സ്ഥിതിക്ക്‌, അവൻ മനുഷ്യ​നെ ‘തന്റെ സ്വരൂ​പ​ത്തിൽ’ സൃഷ്ടി​ച്ചു​വെന്ന്‌ ബൈബിൾ പറയു​ന്ന​തെ​ന്തു​കൊണ്ട്‌?” “ആദാമും ഹവ്വായും നഗ്നപാ​ദ​രും വിവസ്‌ത്ര​രു​മാ​യി​രു​ന്ന​തി​നാൽ ശൈത്യ​കാ​ലത്ത്‌ പറുദീ​സ​യിൽ അവർ തണുത്തു​മ​ര​വി​ച്ചു​കാ​ണി​ല്ലേ?” “രാത്രി​യിൽ ഇരുട്ടു​ണ്ടാ​യി​രി​ക്കേണ്ട സ്ഥിതിക്ക്‌ നമുക്കു ചന്ദ്രന്റെ ആവശ്യ​മെന്ത്‌?” ആ കുട്ടികൾ ഇപ്പോൾ വളർന്ന്‌, മുഴു​സമയ ശുശ്രൂ​ഷ​ക​രാ​യി ദൈവത്തെ സേവി​ക്കു​ന്നു.

മാതാ​പി​താ​ക്ക​ളേ, കുടും​ബ​പ്ര​ശ്‌നങ്ങൾ കൈകാ​ര്യം ചെയ്യു​മ്പോൾ ശുഭാ​പ്‌തി​വി​ശ്വാ​സ​വും സന്തോ​ഷ​വു​മു​ള്ള​വ​രാ​യി​രി​ക്കുക. പരിഗ​ണ​ന​യും വഴക്കവു​മു​ള്ള​വ​രാ​യി​രി​ക്കുക. എന്നാൽ, പ്രധാ​ന​പ്പെട്ട തത്ത്വങ്ങൾക്കു ശ്രദ്ധ കൊടു​ക്കേണ്ട കാര്യം വരു​മ്പോൾ ദൃഢത​യു​ള്ള​വ​രാ​യി​രി​ക്കുക. ദൈവ​ത്തോ​ടും അവന്റെ ശരിയായ തത്ത്വങ്ങ​ളോ​ടു​മുള്ള സ്‌നേഹം എല്ലായ്‌പോ​ഴും നിങ്ങളു​ടെ തീരു​മാ​ന​ങ്ങളെ ഭരിക്കു​ന്നു​വെന്ന്‌ കുട്ടികൾ കാണട്ടെ. സ്‌കൂ​ളി​ലെ അന്തരീക്ഷം മിക്ക​പ്പോ​ഴും വളരെ സമ്മർദ​പൂ​രി​ത​വും വിഷാ​ദാ​ത്മ​ക​വു​മാണ്‌. ആ സ്വാധീ​നത്തെ നിർവീ​ര്യ​മാ​ക്കാൻ ഭവനത്തിൽ കുട്ടി​കൾക്കു നല്ല പ്രോ​ത്സാ​ഹനം ആവശ്യ​മാണ്‌.

മാതാ​പി​താ​ക്ക​ളേ, പൂർണ​രാ​യി നടിക്ക​രുത്‌. തെറ്റുകൾ സമ്മതി​ക്കു​ക​യും ആവശ്യ​മാ​യി​വ​രു​മ്പോൾ നിങ്ങളു​ടെ കുട്ടി​ക​ളോ​ടു ക്ഷമാപണം നടത്തു​ക​യും ചെയ്യുക. യുവജ​ന​ങ്ങളേ, മമ്മിയും ഡാഡി​യും തെറ്റ്‌ സമ്മതി​ക്കു​മ്പോൾ അവരെ കൂടുതൽ സ്‌നേ​ഹി​ക്കുക.—സഭാ​പ്ര​സം​ഗി 7:16.

അതേ, ഒരു ഏകീകൃത കുടും​ബം സമാധാ​ന​വും സുരക്ഷി​ത​ത്വ​വും സന്തുഷ്ടി​യു​മുള്ള ഒരു ഭവനമാണ്‌. ജർമൻ കവിയായ ഗോഥെ ഒരിക്കൽ ഇങ്ങനെ പറഞ്ഞു: “രാജാ​വാ​കട്ടെ, കൃഷി​വ​ല​നാ​കട്ടെ, ഭവനത്തിൽ സന്തുഷ്ടി കണ്ടെത്തു​ന്ന​വ​നാണ്‌ ഏറ്റവും സന്തുഷ്ടൻ.” വിലമ​തി​പ്പുള്ള മാതാ​പി​താ​ക്കൾക്കും കുട്ടി​കൾക്കും ഭവന​ത്തോ​ടു തുല്യ​മായ മറ്റൊരു സ്ഥലമു​ണ്ടാ​യി​രി​ക്കില്ല.

നാം ജീവി​ക്കുന്ന ലോക​ത്തി​ലെ സമ്മർദങ്ങൾ നിമിത്തം കുടും​ബം കടുത്ത ഭീഷണി​യി​ലാ​ണെ​ന്നതു സത്യം​തന്നെ. എന്നാൽ കുടും​ബം ദൈവ​ത്തിൽനി​ന്നു​ള്ള​താ​ക​യാൽ അത്‌ അതിജീ​വി​ക്കും. സന്തുഷ്ട കുടും​ബ​ജീ​വി​ത​ത്തി​നു വേണ്ടി ദൈവ​ത്തി​ന്റെ നീതി​നി​ഷ്‌ഠ​മായ മാർഗ​നിർദേ​ശങ്ങൾ പിൻപ​റ്റു​ന്നെ​ങ്കിൽ നിങ്ങളും നിങ്ങളു​ടെ കുടും​ബ​വും അതിജീ​വി​ക്കും.

[അടിക്കു​റി​പ്പു​കൾ]