രാജ്യ​ഘോ​ഷകർ റിപ്പോർട്ടു ചെയ്യുന്നു

“നിന്റെ ജനം മനസ്സോ​ടെ തങ്ങളെ​ത്തന്നെ അർപ്പി​ക്കും”

കരുത്ത​നായ സിറിയൻ പട്ടാള​മേ​ധാ​വി നയമാൻ കുഷ്‌ഠ​രോ​ഗി​യാണ്‌. ഈ അറപ്പു​ള​വാ​ക്കുന്ന രോഗം ചികി​ത്സി​ച്ചി​ല്ലെ​ങ്കിൽ ആൾക്ക്‌ വൈരൂ​പ്യം ബാധി​ക്കു​ക​യും മരണം സംഭവി​ക്കു​ക​യും ചെയ്യാം. നയമാൻ എന്താണു ചെയ്യുക? നയമാന്റെ ഗൃഹത്തിൽ ‘യിസ്രാ​യേൽദേ​ശ​ത്തു​നി​ന്നു പിടി​ച്ചു​കൊ​ണ്ടു​പോയ’ ഒരു കൊച്ചു പെൺകു​ട്ടി​യു​മുണ്ട്‌. നയമാനെ സുഖ​പ്പെ​ടു​ത്താൻ കഴിയുന്ന ഒരുവ​നാ​യി പ്രവാ​ച​ക​നായ എലീശാ​യെ തിരി​ച്ച​റി​യി​ച്ചു​കൊണ്ട്‌ അവൾ ധൈര്യ​പൂർവം സംസാ​രി​ക്കു​ന്നു.—2 രാജാ​ക്ക​ന്മാർ 5:1-3.

അവളുടെ ധീരോ​ദാ​ത്ത​മായ നിലപാ​ടു നിമിത്തം നയമാൻ എലീശാ​യെ തേടി പുറ​പ്പെ​ടു​ക​യും സുഖം പ്രാപി​ക്കു​ക​യും ചെയ്യുന്നു. അതിനു​പു​റമേ, നയമാൻ യഹോ​വ​യു​ടെ ആരാധ​ക​നാ​യി​ത്തീ​രു​ന്നു! ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഈ സംഭവം നടന്നത്‌ പൊ.യു.മു. പത്താം നൂറ്റാ​ണ്ടി​ലാണ്‌. (2 രാജാ​ക്ക​ന്മാർ 5:4-15) ഇന്ന്‌, രാജ്യ​താ​ത്‌പ​ര്യ​ങ്ങ​ളെ​പ്രതി സംസാ​രി​ക്കുന്ന കാര്യ​ത്തിൽ അനേകം ചെറു​പ്പ​ക്കാർ സമാന​മായ ധൈര്യം കാണി​ക്കു​ന്നു. മൊസാ​മ്പി​ക്കിൽനി​ന്നുള്ള പിൻവ​രുന്ന അനുഭവം അതു സ്ഥിരീ​ക​രി​ക്കു​ന്നു.

ആറു വയസ്സുള്ള നുനു സുവാർത്ത ഘോഷി​ക്കുന്ന സ്‌നാ​പ​ന​മേൽക്കാത്ത പ്രസാ​ധ​ക​നാണ്‌. സ്‌നാ​പ​ന​മേൽക്കാത്ത പ്രസാ​ധ​ക​നാ​കു​ന്ന​തി​നു മുമ്പു​പോ​ലും നുനു അയൽപ​ക്ക​ത്തുള്ള കുട്ടി​കളെ വിളി​ച്ചു​കൂ​ട്ടി പ്രാർഥി​ച്ചിട്ട്‌ എന്റെ ബൈബിൾ കഥാ പുസ്‌തകം ഉപയോ​ഗിച്ച്‌ അവരെ ബൈബിൾ പഠിപ്പി​ക്കു​മാ​യി​രു​ന്നു.

മിക്ക​പ്പോ​ഴും നുനു ശനിയാഴ്‌ച അതിരാ​വി​ലെ എഴു​ന്നേറ്റ്‌, “ഇന്ന്‌ നാം വയൽശു​ശ്രൂ​ഷ​യ്‌ക്കു പോകുന്ന ദിവസ​മാണ്‌” എന്ന്‌ കുടും​ബാം​ഗ​ങ്ങളെ ഓർമി​പ്പി​ക്കു​ന്നു. മറ്റു വിധങ്ങ​ളി​ലും ശുശ്രൂ​ഷ​യോ​ടുള്ള അവന്റെ തീക്ഷ്‌ണത പ്രകട​മാ​കു​ന്നു. മാപ്പു​ട്ടോ​യിൽ തെരുവു സാക്ഷീ​ക​ര​ണ​ത്തി​നാ​യി മാതാ​പി​താ​ക്ക​ളോ​ടൊ​പ്പം പോകു​മ്പോൾ നുനു മിക്ക​പ്പോ​ഴും തനിയെ ആളുകളെ സമീപി​ക്കു​ന്നു. അത്തര​മൊ​രു അവസര​ത്തിൽ ഒരു ബിസി​ന​സ്സു​കാ​രൻ അവന്റെ അടുത്തു വന്നു ചോദി​ച്ചു: “നീ എന്തിനാണ്‌ ഈ മാസി​കകൾ വിൽക്കു​ന്നത്‌?” നുനു പറഞ്ഞു: “ഞാൻ മാസി​കകൾ വിൽക്കു​കയല്ല, എന്നാൽ പ്രസം​ഗ​വേ​ലയെ സാമ്പത്തി​ക​മാ​യി സഹായി​ക്കു​ന്ന​തിന്‌ ഞാൻ സംഭാവന സ്വീക​രി​ക്കാ​റുണ്ട്‌.” ആ ബിസി​ന​സ്സു​കാ​രൻ ഇങ്ങനെ പ്രതി​വ​ചി​ച്ചു: “എനിക്കു താത്‌പ​ര്യ​മി​ല്ലെ​ങ്കി​ലും, നിന്റെ മനോ​ഭാ​വ​വും കഴിവും എന്നിൽ മതിപ്പു​ള​വാ​ക്കി​യി​രി​ക്കു​ന്നു. ഈ വേലയ്‌ക്കു​വേണ്ടി ഒരു സംഭാവന നൽകാൻ ഞാൻ ആഗ്രഹി​ക്കു​ന്നു.”

മറ്റൊ​ര​വ​സ​ര​ത്തിൽ, നുനു തെരു​വി​ലു​ണ്ടാ​യി​രുന്ന ഒരു മനുഷ്യ​നെ സമീപിച്ച്‌ അദ്ദേഹ​ത്തിന്‌ യഥാർത്ഥ സമാധാ​ന​വും സുരക്ഷി​ത​ത്വ​വും—നിങ്ങൾക്ക്‌ അത്‌ എങ്ങനെ കണ്ടെത്താം? എന്ന പുസ്‌തകം കൊടു​ത്തു. ആ മനുഷ്യൻ ചോദി​ച്ചു: “അവി​ടെ​യുള്ള ആ സ്‌കൂ​ളിൽ നീ പോകാ​റി​ല്ലേ?” “ഉണ്ട്‌,” നുനു മറുപടി പറഞ്ഞു, “ഞാൻ ആ സ്‌കൂ​ളിൽ പോകു​ന്നുണ്ട്‌, എന്നാൽ ഇന്ന്‌ ഞാൻ ഈ പുസ്‌ത​ക​ത്തിൽനി​ന്നുള്ള ഒരു സുപ്ര​ധാന സന്ദേശം ആളുകൾക്കു പരിച​യ​പ്പെ​ടു​ത്തു​ക​യാണ്‌. ഈ പുസ്‌ത​ക​ത്തി​ലെ ചിത്ര​ത്തിൽ കാണി​ച്ചി​രി​ക്കു​ന്ന​തു​പോ​ലെ​യുള്ള, ദൈവം കൊണ്ടു​വ​രുന്ന പുതിയ ലോക​ത്തിൽ നിങ്ങൾക്കു ജീവി​ക്കാൻ കഴിയു​മെന്ന്‌ അതു പ്രകട​മാ​ക്കു​ന്നു.” തന്റെ സ്‌കൂ​ളി​ലെ ഒരു അധ്യാ​പ​ക​നോ​ടാണ്‌ താൻ സംസാ​രി​ക്കു​ന്ന​തെന്ന്‌ നുനു അറിഞ്ഞില്ല. അധ്യാ​പകൻ ആ പുസ്‌തകം സ്വീക​രി​ച്ചു. ഇപ്പോൾ നുനു​വിൽനിന്ന്‌ അദ്ദേഹം വീക്ഷാ​ഗോ​പു​രം, ഉണരുക! മാസി​കകൾ പതിവാ​യി സ്വീക​രി​ക്കു​ക​യും ചെയ്യുന്നു.

പ്രസം​ഗ​വേ​ല​യിൽ പങ്കെടു​ക്കാൻ ഇഷ്ടപ്പെ​ടു​ന്നത്‌ എന്തു​കൊ​ണ്ടാ​ണെന്നു ചോദി​ക്കു​മ്പോൾ നുനു പറയുന്നു: “യഹോ​വ​യെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറിച്ച്‌ ആളുക​ളോ​ടു സംസാ​രി​ക്കാ​നും അവരെ പഠിപ്പി​ക്കാ​നും ഞാൻ ആഗ്രഹി​ക്കു​ന്നു.” അവൻ കൂട്ടി​ച്ചേർക്കു​ന്നു: “ആളുകൾക്ക്‌ കേൾക്കാൻ ആഗ്രഹ​മി​ല്ലെ​ങ്കിൽ, നിരാ​ശ​പ്പെ​ടേണ്ട കാര്യ​മൊ​ന്നു​മില്ല.”

ലോക​വ്യാ​പ​ക​മാ​യി, നുനു​വി​നെ​പ്പോ​ലെ ആയിര​ക്ക​ണ​ക്കി​നു ചെറു​പ്പ​ക്കാർ ദൈവ​രാ​ജ്യ​ത്തെ​ക്കു​റി​ച്ചു പഠിപ്പി​ക്കാ​നും പ്രസം​ഗി​ക്കാ​നു​മാ​യി “മനസ്സോ​ടെ തങ്ങളെ​ത്തന്നെ അർപ്പിക്കു”ന്നു. (സങ്കീർത്തനം 110:3, NW) എന്നാൽ അത്‌ യാദൃ​ച്ഛി​ക​മാ​യി സംഭവി​ക്കു​ന്നതല്ല. ശൈശ​വം​മു​തൽ തങ്ങളുടെ കുട്ടി​കളെ യഹോ​വ​യെ​ക്കു​റി​ച്ചു പഠിപ്പി​ക്കു​ക​യും ശുശ്രൂ​ഷ​യിൽ നല്ല ദൃഷ്ടാന്തം വെക്കു​ക​യും രാജ്യ​താ​ത്‌പ​ര്യ​ങ്ങൾ തീക്ഷ്‌ണ​ത​യോ​ടെ പിന്തു​ട​രു​ക​യും ചെയ്യുന്ന മാതാ​പി​താ​ക്കൾക്ക്‌ സമൃദ്ധ​മായ പ്രതി​ഫലം കിട്ടും.