ദൈവ​ത്തിൽനി​ന്നുള്ള ഒരു ഗ്രന്ഥം

“പ്രവചനം ഒരിക്ക​ലും മമനു​ഷ്യ​ന്റെ ഇഷ്ടത്താൽ വന്നതല്ല, ദൈവ​ക​ല്‌പ​ന​യാൽ മനുഷ്യർ പരിശു​ദ്ധാ​ത്മ​നി​യോ​ഗം പ്രാപി​ച്ചി​ട്ടു സംസാ​രി​ച്ച​ത​ത്രേ.”—2 പത്രൊസ്‌ 1:21.

1, 2. (എ) ആധുനിക ജീവി​ത​ത്തിൽ ബൈബി​ളി​നു പ്രസക്തി​യു​ണ്ടോ എന്നു ചിലർ സംശയി​ക്കു​ന്ന​തെ​ന്തു​കൊണ്ട്‌? (ബി) ബൈബിൾ ദൈവ​ത്തിൽനി​ന്നു​ള്ള​താ​ണെന്നു പ്രകട​മാ​ക്കാൻ നമുക്ക്‌ ഉപയോ​ഗി​ക്കാ​വുന്ന മൂന്നു തെളി​വു​ക​ളേവ?

ഇരുപ​ത്തൊ​ന്നാം നൂറ്റാ​ണ്ടി​ന്റെ കവാട​ത്തി​ങ്കൽ ജീവി​ക്കുന്ന ആളുകളെ സംബന്ധി​ച്ചി​ട​ത്തോ​ളം ബൈബി​ളിന്‌ എന്തെങ്കി​ലും പ്രസക്തി​യു​ണ്ടോ? ഇല്ലെന്നാണ്‌ ചിലർ വിചാ​രി​ക്കു​ന്നത്‌. “ആധുനിക രസത​ന്ത്ര​ക്ലാ​സ്സിൽ ഉപയോ​ഗി​ക്കു​ന്ന​തി​നു വേണ്ടി 1924-ലെ രസത​ന്ത്ര​പാഠ[പുസ്‌തക]ത്തിന്റെ പതിപ്പ്‌ ഉപയോ​ഗി​ക്ക​ണ​മെന്ന്‌ ആരും വാദി​ക്കു​ക​യില്ല—ആ കാലത്തി​നു​ശേഷം രസതന്ത്രം ഏറെ വളർന്നി​രി​ക്കു​ന്നു,” ഡോ. ഇലി. എസ്‌. ചെസ്സൻ എഴുതി. ബൈബിൾ കാലഹ​ര​ണ​പ്പെ​ട്ട​താ​ണെന്നു തനിക്കു തോന്നു​ന്ന​തി​ന്റെ കാരണം വിശദീ​ക​രി​ക്കു​ക​യാ​യി​രു​ന്നു അദ്ദേഹം. പ്രത്യ​ക്ഷ​ത്തിൽ, ആ വാദത്തി​നു കഴമ്പു​ള്ള​താ​യി തോന്നാം. എന്തൊ​ക്കെ​യാ​യാ​ലും, ബൈബിൾകാ​ല​ങ്ങൾക്കു​ശേഷം മനുഷ്യൻ ശാസ്‌ത്രം, മാനസി​കാ​രോ​ഗ്യം, മനുഷ്യ​സ്വ​ഭാ​വം എന്നിവ​യെ​ക്കു​റി​ച്ചെ​ല്ലാം ഏറെക്കാ​ര്യ​ങ്ങൾ മനസ്സി​ലാ​ക്കി​യി​രി​ക്കു​ന്നു. അതു​കൊണ്ട്‌, ചിലർ സംശയി​ച്ചേ​ക്കാം: ‘അത്തര​മൊ​രു പുരാതന ഗ്രന്ഥത്തിന്‌ ശാസ്‌ത്രീയ അബദ്ധങ്ങ​ളിൽനിന്ന്‌ എങ്ങനെ​യാണ്‌ മുക്തമാ​യി​രി​ക്കാ​നാ​കുക? അതി​ലെ​ങ്ങ​നെ​യാണ്‌ ആധുനിക ജീവി​ത​ത്തിന്‌ പ്രാ​യോ​ഗി​ക​മായ ബുദ്ധ്യു​പ​ദേ​ശ​മു​ണ്ടാ​യി​രി​ക്കുക?’

² ബൈബിൾതന്നെ അതിന്‌ ഉത്തരം തരുന്നുണ്ട്‌. ബൈബിൾ പ്രവാ​ച​ക​ന്മാർ “ദൈവ​ക​ല്‌പ​ന​യാൽ . . . പരിശു​ദ്ധാ​ത്മ​നി​യോ​ഗം പ്രാപി​ച്ചി​ട്ടു സംസാ​രി​ച്ച​ത​ത്രേ” എന്നു 2 പത്രൊസ്‌ 1:21 നമ്മോടു പറയുന്നു. അങ്ങനെ ബൈബിൾ ദൈവ​ത്തിൽനി​ന്നുള്ള ഒരു ഗ്രന്ഥമാ​ണെന്ന്‌ അതു സൂചി​പ്പി​ക്കു​ന്നു. എന്നാൽ അതു സത്യമാ​ണെന്നു നമു​ക്കെ​ങ്ങനെ മറ്റുള്ള​വരെ ബോധ്യ​പ്പെ​ടു​ത്താ​നാ​കും? ബൈബിൾ ദൈവ​ത്തി​ന്റെ വചനമാ​ണെ​ന്നു​ള്ള​തിന്‌ നമുക്കു മൂന്നു തെളി​വു​കൾ പരിചി​ന്തി​ക്കാം: (1) അതു ശാസ്‌ത്രീ​യ​മാ​യി കൃത്യ​ത​യു​ള്ള​താണ്‌, (2) ആധുനിക ജീവി​ത​ത്തി​നു പ്രാ​യോ​ഗി​ക​മായ കാലാ​തീത തത്ത്വങ്ങൾ അതിലുണ്ട്‌, (3) ചരി​ത്ര​വ​സ്‌തു​ത​ക​ളാൽ സ്ഥിരീ​ക​രി​ക്കാ​വുന്ന, നിവൃ​ത്തി​യേ​റിയ സൂക്ഷ്‌മ​ത​യുള്ള പ്രവച​നങ്ങൾ അതില​ട​ങ്ങി​യി​രി​ക്കു​ന്നു.

ശാസ്‌ത്ര​ത്തോ​ടു യോജി​ക്കുന്ന ഒരു ഗ്രന്ഥം

3. ശാസ്‌ത്രീയ കണ്ടുപി​ടി​ത്തങ്ങൾ ബൈബി​ളി​നു ഭീഷണി​യാ​യി​രു​ന്നി​ട്ടി​ല്ലാ​ത്തത്‌ എന്തു​കൊണ്ട്‌?

³ ബൈബിൾ ഒരു ശാസ്‌ത്ര​പാ​ഠ​പു​സ്‌ത​കമല്ല. എന്നാൽ അത്‌ സത്യം അടങ്ങി​യി​രി​ക്കുന്ന ഒരു ഗ്രന്ഥമാണ്‌. സത്യത്തി​നു കാലത്തി​ന്റെ പരി​ശോ​ധ​നയെ അതിജീ​വി​ക്കാ​നാ​കും. (യോഹ​ന്നാൻ 17:17) ശാസ്‌ത്രീയ കണ്ടുപി​ടി​ത്തങ്ങൾ ബൈബി​ളി​നു ഭീഷണി​യാ​യി​രു​ന്നി​ട്ടില്ല. ശാസ്‌ത്ര​വു​മാ​യി ബന്ധപ്പെട്ട സംഗതി​ക​ളെ​ക്കു​റി​ച്ചു പരാമർശി​ക്കു​മ്പോൾ, അത്‌ പിൽക്കാ​ലത്തു കേവലം കെട്ടു​ക​ഥ​ക​ളാ​ണെന്നു തെളിഞ്ഞ പുരാതന “ശാസ്‌ത്രീയ” സിദ്ധാ​ന്ത​ങ്ങ​ളിൽനി​ന്നു തികച്ചും വ്യത്യ​സ്‌ത​മാണ്‌. വാസ്‌ത​വ​ത്തിൽ, ശാസ്‌ത്രീ​യ​മാ​യി കൃത്യ​ത​യു​ള്ള​തും എഴുത​പ്പെട്ട കാലത്തെ അംഗീ​കൃത അഭി​പ്രാ​യ​ങ്ങൾക്കു കടകവി​രു​ദ്ധ​വു​മാ​യി​രുന്ന പ്രസ്‌താ​വ​നകൾ ബൈബി​ളി​ലുണ്ട്‌. ഉദാഹ​ര​ണ​ത്തിന്‌, ബൈബി​ളും വൈദ്യ​ശാ​സ്‌ത്ര​വും തമ്മിലുള്ള പൊരു​ത്ത​ത്തെ​ക്കു​റി​ച്ചു പരിചി​ന്തി​ക്കുക.

4, 5. (എ) പുരാതന വൈദ്യ​ന്മാർ രോഗ​ത്തെ​ക്കു​റിച്ച്‌ എന്തു മനസ്സി​ലാ​ക്കി​യി​രു​ന്നില്ല? (ബി) ഈജി​പ്‌ഷ്യൻ വൈദ്യ​ന്മാ​രു​ടെ ചികി​ത്സാ​രീ​തി​ക​ളു​മാ​യി മോശ നിശ്ചയ​മാ​യും പരിചി​ത​നാ​യി​രു​ന്ന​തെ​ന്തു​കൊണ്ട്‌?

⁴ രോഗങ്ങൾ പകരു​ന്ന​തെ​ങ്ങ​നെ​യെന്ന്‌ പുരാതന വൈദ്യ​ന്മാർക്ക്‌ പൂർണ​മാ​യും മനസ്സി​ലാ​യി​രു​ന്നില്ല. രോഗ​പ്ര​തി​രോ​ധ​ത്തിൽ ശുചി​ത്വ​ത്തി​നുള്ള പ്രാധാ​ന്യ​വും അവർക്ക​റി​യി​ല്ലാ​യി​രു​ന്നു. ആധുനിക നിലവാ​രങ്ങൾ വെച്ചു​നോ​ക്കു​മ്പോൾ അനേകം പുരാതന ചികി​ത്സാ​രീ​തി​ക​ളും അപരി​ഷ്‌കൃ​ത​മാ​യി കാണ​പ്പെ​ടും. ലഭ്യമായ ഏറ്റവും പഴക്കമുള്ള വൈദ്യ​ശാ​സ്‌ത്ര പുസ്‌ത​ക​ങ്ങ​ളി​ലൊ​ന്നാണ്‌ ഏബേഴ്‌സ്‌ പപ്പൈ​റസ്‌. പൊ.യു.മു. 1550-നോട​ടുത്ത കാലം മുതലുള്ള ഈജി​പ്‌ഷ്യൻ വൈദ്യ​ശാ​സ്‌ത്ര വിജ്ഞാന സമാഹാ​ര​മാണ്‌ അത്‌. “മുതല​കടി മുതൽ കാൽന​ഖ​ത്തി​ലെ വേദന​വരെ” പലവിധ രോഗ​ങ്ങൾക്കുള്ള 700 പ്രതി​വി​ധി​കൾ അതിലുണ്ട്‌. പ്രതി​വി​ധി​ക​ളിൽ മിക്കതും ഫലപ്ര​ദ​മാ​യി​രു​ന്നില്ല, തന്നെയു​മല്ല ചിലത്‌ അങ്ങേയറ്റം അപകട​ക​ര​വു​മാ​യി​രു​ന്നു. മുറി​വി​നു ശുപാർശ ചെയ്‌തി​രുന്ന ചികി​ത്സാ​രീ​തി​ക​ളി​ലൊന്ന്‌ മനുഷ്യ​മ​ല​വും മറ്റു പദാർഥ​ങ്ങ​ളും ചേർത്തു​ണ്ടാ​ക്കിയ ഒരു മിശ്രി​തം പുരട്ടു​ക​യെ​ന്ന​താ​യി​രു​ന്നു.

⁵ ഈജി​പ്‌ഷ്യൻ ചികി​ത്സാ​വി​ധി​ക​ള​ട​ങ്ങിയ ഈ പുസ്‌തകം എഴുത​പ്പെ​ട്ടത്‌ മോ​ശൈക ന്യായ​പ്ര​മാ​ണം ഉൾപ്പെ​ടെ​യുള്ള ബൈബി​ളി​ന്റെ ആദ്യപു​സ്‌ത​കങ്ങൾ എഴുത​പ്പെട്ട ഏതാണ്ട്‌ അതേകാ​ല​ത്തു​ത​ന്നെ​യാ​യി​രു​ന്നു. പൊ.യു.മു. 1593-ൽ ജനിച്ച മോശ വളർന്നത്‌ ഈജി​പ്‌തി​ലാ​യി​രു​ന്നു. (പുറപ്പാ​ടു 2:1-10) ഫറവോ​ന്റെ ഭവനത്തിൽ വളർത്ത​പ്പെട്ട മോശ “മിസ്ര​യീ​മ്യ​രു​ടെ സകല ജ്ഞാനവും അഭ്യസി​ച്ചു.” (പ്രവൃ​ത്തി​കൾ 7:22) ഈജി​പ്‌തി​ലെ “വൈദ്യ​ന്മാ”രെ അവനു പരിച​യ​മു​ണ്ടാ​യി​രു​ന്നു. (ഉല്‌പത്തി 50:1-3) അവരുടെ ഫലപ്ര​ദ​മ​ല്ലാ​ത്ത​തോ അപകട​ക​ര​മോ ആയ ചികി​ത്സാ​രീ​തി​കൾ അവന്റെ എഴുത്തു​കളെ സ്വാധീ​നി​ച്ചോ?

6. ആധുനിക ശാസ്‌ത്രം മോ​ശൈക ന്യായ​പ്ര​മാ​ണ​ത്തി​ലെ ഏതെല്ലാം ശുചി​ത്വ​നി​ബ​ന്ധ​നകൾ ന്യായ​യു​ക്ത​മാ​യി കരുതു​ന്നു?

⁶ നേരേ​മ​റിച്ച്‌, ആധുനിക വൈദ്യ​ശാ​സ്‌ത്രം ന്യായ​യു​ക്ത​മെന്നു കരുതുന്ന ശുചി​ത്വ​നി​ബ​ന്ധ​ന​ക​ളാണ്‌ മോ​ശൈക ന്യായ​പ്ര​മാ​ണ​ത്തി​ലു​ണ്ടാ​യി​രു​ന്നത്‌. ഉദാഹ​ര​ണ​ത്തിന്‌, സൈനിക പാളയ​ങ്ങൾക്കുള്ള നിയമം മനുഷ്യ​മലം പാളയ​ത്തി​നു വെളി​യിൽ കുഴി​ച്ചു​മൂ​ട​ണ​മെന്ന്‌ അനുശാ​സി​ച്ചി​രു​ന്നു. (ആവർത്ത​ന​പു​സ്‌തകം 23:13) ഇത്‌ അങ്ങേയറ്റം പുരോ​ഗ​മ​നാ​ത്മ​ക​മായ ഒരു രോഗ​പ്ര​തി​രോ​ധ​ന​ട​പ​ടി​യാ​യി​രു​ന്നു. അത്‌ ജല​സ്രോ​ത​സ്സു​കളെ മാലി​ന്യ​ര​ഹി​ത​മാ​യി സൂക്ഷി​ക്കു​ക​യും ഈച്ചകൾവഴി പകരുന്ന ഷിഗ​ല്ലോ​സിസ്‌ രോഗ​ത്തിൽനി​ന്നും ഇപ്പോ​ഴും വർഷം​തോ​റും പൊതു​വേ വികസ്വര രാജ്യ​ങ്ങ​ളിൽ ദശലക്ഷ​ക്ക​ണ​ക്കി​നാ​ളു​ക​ളു​ടെ ജീവന​പ​ഹ​രി​ക്കുന്ന മറ്റ്‌ അതിസാര രോഗ​ങ്ങ​ളിൽനി​ന്നും സംരക്ഷണം നൽകു​ക​യും ചെയ്‌തു.

7. മോ​ശൈക ന്യായ​പ്ര​മാ​ണ​ത്തി​ലെ ഏതെല്ലാം ശുചി​ത്വ​നി​ബ​ന്ധ​നകൾ പകർച്ച​വ്യാ​ധി​ക​ളു​ടെ വ്യാപനം തടയാൻ സഹായി​ച്ചു?

⁷ പകർച്ച​വ്യാ​ധി​ക​ളു​ടെ വ്യാപനം തടയാൻ സഹായിച്ച മറ്റു ശുചി​ത്വ​നി​ബ​ന്ധ​ന​ക​ളും മോ​ശൈക ന്യായ​പ്ര​മാ​ണ​ത്തി​ലു​ണ്ടാ​യി​രു​ന്നു. പകർച്ച​വ്യാ​ധി​യു​ള്ള​തോ ഉണ്ടെന്നു സംശയി​ക്ക​പ്പെ​ടു​ന്ന​തോ ആയ ഒരു വ്യക്തിയെ മാറ്റി​പ്പാർപ്പി​ച്ചി​രു​ന്നു. (ലേവ്യ​പു​സ്‌തകം 13:1-5) താനേ ചത്ത (ഒരുപക്ഷേ രോഗം​ബാ​ധിച്ച്‌) ഒരു മൃഗവു​മാ​യി സമ്പർക്ക​ത്തിൽ വന്ന വസ്‌ത്ര​ങ്ങ​ളോ പാത്ര​ങ്ങ​ളോ വീണ്ടും ഉപയോ​ഗി​ക്കു​ന്ന​തി​നു മുമ്പായി കഴുക​ണ​മാ​യി​രു​ന്നു, അല്ലെങ്കിൽ നശിപ്പി​ച്ചു​ക​ള​യ​ണ​മാ​യി​രു​ന്നു. (ലേവ്യ​പു​സ്‌തകം 11:27, 28, 32, 33) ശവത്തെ സ്‌പർശിച്ച ഏതു വ്യക്തി​യെ​യും അശുദ്ധ​നാ​യി കരുതി​യി​രു​ന്നു, തന്റെ വസ്‌ത്രം കഴുക​ലും കുളി​ക്ക​ലും ഉൾപ്പെട്ട ഒരു ശുദ്ധീ​കരണ നടപടിക്ക്‌ അയാൾ വിധേ​യ​നാ​ക​ണ​മാ​യി​രു​ന്നു. അശുദ്ധി​യു​ടെ ഈ ഏഴുദി​വസ കാലയ​ള​വിൽ, അയാൾ മറ്റുള്ള​വ​രു​മാ​യി ശാരീ​രിക സമ്പർക്കം ഒഴിവാ​ക്ക​ണ​മാ​യി​രു​ന്നു.—സംഖ്യാ​പു​സ്‌തകം 19:1-13.

8, 9. മോ​ശൈക ന്യായ​പ്ര​മാ​ണ​ത്തി​ലെ ശുചി​ത്വ​നി​യ​മങ്ങൾ നിലവി​ലി​രുന്ന ജ്ഞാനത്തി​ന​തീ​ത​മാ​യി​രു​ന്നു എന്നു പറയാ​വു​ന്ന​തെ​ന്തു​കൊണ്ട്‌?

⁸ ഈ ശുചി​ത്വ​നി​യ​മങ്ങൾ അന്നു നിലവി​ലി​രുന്ന ജ്ഞാനത്തി​ന​തീ​ത​മാ​യി​രു​ന്നു. ആധുനിക ശാസ്‌ത്രം രോഗ​ത്തി​ന്റെ വ്യാപ​ന​ത്തെ​യും പ്രതി​രോ​ധ​ത്തെ​യും കുറിച്ച്‌ ഏറെ മനസ്സി​ലാ​ക്കി​യി​രി​ക്കു​ന്നു. ഉദാഹ​ര​ണ​ത്തിന്‌, 19-ാം നൂറ്റാ​ണ്ടി​ലെ വൈദ്യ​ശാ​സ്‌ത്ര നേട്ടങ്ങൾനി​മി​ത്തം ആൻറി​സെ​പ്‌സിസ്‌—ശുചി​ത്വ​ത്തി​ലൂ​ടെ രോഗ​ബാധ കുറയ്‌ക്കുന്ന രീതി—നടപ്പി​ലാ​യി. അതിന്റെ ഫലമായി രോഗ​സം​ക്ര​മ​ണ​ത്തി​ലും അകാല​മ​ര​ണ​ത്തി​ലും ഗണ്യമായ കുറവു​ണ്ടാ​യി. 1900 എന്ന വർഷത്തിൽ, അനേകം യൂറോ​പ്യൻ രാജ്യ​ങ്ങ​ളി​ലും ഐക്യ​നാ​ടു​ക​ളി​ലും ജനനസ​മ​യത്ത്‌ ആയുർപ്ര​തീക്ഷ 50-ൽ താഴെ​യാ​യി​രു​ന്നു. എന്നാൽ അന്നുമു​തൽ അത്‌ രോഗ​നി​യ​ന്ത്ര​ണ​ത്തി​ലുള്ള വൈദ്യ​ശാ​സ്‌ത്ര​ത്തി​ന്റെ പുരോ​ഗ​തി​നി​മി​ത്തം മാത്രമല്ല, മെച്ചപ്പെട്ട ശുചി​ത്വ​വും ജീവി​താ​വ​സ്ഥ​യും ഹേതു​വാ​യും, നാടകീ​യ​മാ​യി ഉയർന്നി​രി​ക്കു​ന്നു.

⁹ എന്നിരു​ന്നാ​ലും, രോഗങ്ങൾ പകരു​ന്ന​തെ​ങ്ങ​നെ​യെന്നു ശാസ്‌ത്രം മനസ്സി​ലാ​ക്കി​യ​തിന്‌ ആയിര​ക്ക​ണ​ക്കി​നു വർഷം​മു​മ്പേ, രോഗ​ങ്ങ​ളിൽനി​ന്നുള്ള സംരക്ഷ​ണ​മെന്ന നിലയിൽ ബൈബിൾ ന്യായ​യു​ക്ത​മായ പ്രതി​രോ​ധ​ന​ട​പ​ടി​കൾ ശുപാർശ​ചെ​യ്‌തു. തന്റെ നാളിലെ ഇസ്രാ​യേ​ല്യർ പൊതു​വേ 70-തോ 80-ഓ വയസ്സോ​ളം ജീവി​ക്കു​ന്നു​വെന്ന്‌ അവരെ​ക്കു​റി​ച്ചു മോശ​യ്‌ക്കു പറയാൻ കഴിഞ്ഞ​തിൽ അതിശ​യി​ക്കാ​നില്ല. (സങ്കീർത്തനം 90:10) അത്തരം ശുചി​ത്വ​നി​യ​മങ്ങൾ മോശ​യ്‌ക്ക്‌ അറിയാൻ കഴിഞ്ഞ​തെ​ങ്ങനെ? ബൈബിൾതന്നെ വിശദ​മാ​ക്കു​ന്നു: ആ നിയമ​സം​ഹിത “ദൂതൻമാർ മുഖാ​ന്തരം . . . ഏല്‌പി”ക്കപ്പെട്ട​താണ്‌. (ഗലാത്യർ 3:19) അതേ, മാനു​ഷ​ജ്ഞാ​ന​മ​ട​ങ്ങിയ ഒരു ഗ്രന്ഥമല്ല ബൈബിൾ; അതു ദൈവ​ത്തിൽനി​ന്നുള്ള ഒരു ഗ്രന്ഥമാണ്‌.

ആധുനിക ജീവി​ത​ത്തി​നുള്ള ഒരു പ്രാ​യോ​ഗിക ഗ്രന്ഥം

10. ബൈബിൾ ഏതാണ്ട്‌ 2,000 വർഷം​മുമ്പ്‌ പൂർത്തീ​ക​രി​ക്ക​പ്പെ​ട്ടെ​ങ്കി​ലും, അതിന്റെ ബുദ്ധ്യു​പ​ദേശം സംബന്ധിച്ച്‌ എന്തു സത്യമാണ്‌?

¹⁰ ഉപദേ​ശ​ഗ്ര​ന്ഥങ്ങൾ കാലഹ​ര​ണ​പ്പെ​ടു​ന്നു, വേഗം പരിഷ്‌ക​രി​ക്ക​പ്പെ​ടു​ന്നു, അല്ലെങ്കിൽ അവയുടെ സ്ഥാനത്തു മറ്റുള്ളവ വരുന്നു. എന്നാൽ ബൈബിൾ സത്യമാ​യും അനുപ​മ​മാണ്‌. “നിന്റെ ഓർമി​പ്പി​ക്ക​ലു​കൾ വളരെ ആശ്രയ​യോ​ഗ്യ​മാ​ണെന്നു തെളി​ഞ്ഞി​രി​ക്കു​ന്നു” എന്നു സങ്കീർത്തനം 93:5 (NW) പറയുന്നു. ഏതാണ്ട്‌ 2,000 വർഷം​മുമ്പ്‌ എഴുത്ത്‌ പൂർത്തി​യാ​യ​താ​ണെ​ങ്കി​ലും, ബൈബി​ളി​ലെ വചനങ്ങൾ ഇപ്പോ​ഴും പ്രാ​യോ​ഗി​ക​മാണ്‌. നമ്മുടെ തൊലി​യു​ടെ നിറ​മേ​താ​യാ​ലും, നാം പാർക്കുന്ന രാജ്യ​മേ​താ​യാ​ലും അവ ഒരു​പോ​ലെ ബാധക​മാണ്‌. ബൈബി​ളി​ന്റെ കാലാ​തീ​ത​വും “വളരെ ആശ്രയ​യോ​ഗ്യ”വുമായ ബുദ്ധ്യു​പ​ദേ​ശ​ങ്ങ​ളിൽ ചിലത്‌ പരിചി​ന്തി​ക്കുക.

11. പതിറ്റാ​ണ്ടു​കൾക്കു​മുമ്പ്‌, കുട്ടി​കൾക്കു ശിക്ഷണം കൊടു​ക്കു​ന്നതു സംബന്ധിച്ച്‌ അനേകം മാതാ​പി​താ​ക്ക​ളും എന്തു വിശ്വ​സി​ക്കാ​നി​ട​യാ​യി?

¹¹ കുട്ടി​കളെ വളർത്തു​ന്ന​തി​ലുള്ള “പുത്തൻ ആശയങ്ങ”ളാൽ പ്രേരി​ത​രാ​യി, പല ദശകങ്ങൾക്കു​മുമ്പ്‌ അനേകം മാതാ​പി​താ​ക്ക​ളും കരുതി​യി​രു​ന്നത്‌ “ശിക്ഷി​ക്കു​ന്നത്‌ തെറ്റാണ്‌” എന്നായി​രു​ന്നു. കുട്ടി​ക​ളു​ടെ​മേൽ നിബന്ധ​നകൾ വെക്കു​ന്നത്‌ അവരിൽ ആഘാത​വും നിരാ​ശ​യും ഉളവാ​ക്കു​മെന്ന്‌ അവർ ഭയപ്പെട്ടു. മാതാ​പി​താ​ക്കൾ കുട്ടി​കൾക്ക്‌ മൃദു​വായ ഒരു തിരു​ത്തലേ കൊടു​ക്കാൻ പാടുള്ളൂ, അതിൽ കൂടുതൽ ഒന്നും ചെയ്യരു​തെന്ന്‌ സദു​ദ്ദേ​ശ്യ​പ്രേ​രി​ത​രായ ഉപദേ​ഷ്ടാ​ക്ക​ന്മാർ നിർബന്ധം പിടി​ച്ചി​രു​ന്നു. അത്തരത്തി​ലുള്ള അനേകം വിദഗ്‌ധ​രും ഇപ്പോൾ “മാതാ​പി​താ​ക്കളെ കുറച്ചു​കൂ​ടി കർശന​സ്വ​ഭാ​വ​ക്കാ​രാ​കാ​നും പഴയതു​പോ​ലെ നിയ​ന്ത്രണം ഏറ്റെടു​ക്കാ​നും പ്രോ​ത്സാ​ഹി​പ്പി​ക്കുക”യാണെന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു.

12. “ശിക്ഷണം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ നാമപ​ദ​ത്തി​ന്റെ അർഥ​മെന്ത്‌, കുട്ടി​കൾക്ക്‌ അത്തരം ശിക്ഷണം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹² എന്നാൽ കുട്ടി​കളെ പരിശീ​ലി​പ്പി​ക്കുന്ന വിഷയ​ത്തിൽ ബൈബിൾ സുനി​ശ്ചി​ത​വും സമനി​ല​യു​ള്ള​തു​മായ ബുദ്ധ്യു​പ​ദേശം നൽകി​യി​ട്ടുണ്ട്‌. അതിങ്ങനെ ഉപദേ​ശി​ക്കു​ന്നു: “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ അവരെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രു​വിൻ.” (എഫെസ്യർ 6:4, NW) “ശിക്ഷണം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു നാമപ​ദ​ത്തി​നർഥം “അഭ്യസി​പ്പി​ക്കൽ, പരിശീ​ലി​പ്പി​ക്കൽ, പ്രബോ​ധി​പ്പി​ക്കൽ” എന്നെല്ലാ​മാണ്‌. ശിക്ഷണം, അഥവാ പ്രബോ​ധനം മാതാ​പി​താ​ക്ക​ളു​ടെ സ്‌നേ​ഹ​ത്തി​ന്റെ തെളി​വാ​ണെന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 13:24) ശരിയും തെറ്റും സംബന്ധിച്ച അവബോ​ധം വികസി​പ്പി​ച്ചെ​ടു​ക്കാൻ തങ്ങളെ സഹായി​ക്കുന്ന വ്യക്തമായ ധാർമിക മാർഗ​നിർദേ​ശ​ങ്ങൾക്കു കീഴിൽ കുട്ടികൾ തഴയ്‌ക്കു​ന്നു. ഉചിത​മാ​യി നൽക​പ്പെ​ടുന്ന ശിക്ഷണം അവർക്കു സുരക്ഷി​ത​ത്വ​ബോ​ധം പ്രദാനം ചെയ്യുന്നു. മാതാ​പി​താ​ക്കൾ തങ്ങൾക്കു​വേണ്ടി കരുതു​ന്നു​വെ​ന്നും തങ്ങൾ എത്തരക്കാ​രാ​യി​ത്തീ​രു​ന്നു എന്നതിൽ അവർ തത്‌പ​ര​രാ​ണെ​ന്നും അത്‌ അവരോ​ടു പറയുന്നു.—സദൃശ​വാ​ക്യ​ങ്ങൾ 4:10-13 താരത​മ്യം ചെയ്യുക.

13. (എ) ശിക്ഷണ​ത്തി​ന്റെ കാര്യ​ത്തിൽ, ബൈബിൾ മാതാ​പി​താ​ക്കൾക്ക്‌ എന്ത്‌ മുന്നറി​യിപ്പ്‌ നൽകുന്നു? (ബി) ബൈബിൾ ഏതുതരം ശിക്ഷണം ശുപാർശ​ചെ​യ്യു​ന്നു?

¹³ എന്നാൽ ശിക്ഷണ​ത്തി​ന്റെ കാര്യ​ത്തിൽ ബൈബിൾ മാതാ​പി​താ​ക്കൾക്ക്‌ ചില മുന്നറി​യി​പ്പു​ക​ളും നൽകുന്നു. മാതാ​പി​താ​ക്കൾ ഒരിക്ക​ലും തങ്ങളുടെ അധികാ​രം ദുരു​പ​യോ​ഗം ചെയ്യരുത്‌. (സദൃശ​വാ​ക്യ​ങ്ങൾ 22:15) കുട്ടിയെ ഒരിക്ക​ലും ക്രൂര​മാ​യി ശിക്ഷി​ക്ക​രുത്‌. ബൈബിൾ തത്ത്വങ്ങ​ള​നു​സ​രി​ച്ചു ജീവി​ക്കുന്ന ഒരു കുടും​ബ​ത്തിൽ ദേഹോ​പ​ദ്ര​വ​ത്തി​നു സ്ഥാനമില്ല. (സങ്കീർത്തനം 11:5) പരുഷ​മായ വാക്കുകൾ, നിരന്ത​ര​മുള്ള വിമർശനം, കടുത്ത പരിഹാ​സം എന്നിവ​യാ​ലുള്ള വൈകാ​രി​കോ​പ​ദ്ര​വ​വും പാടില്ല, അവയ്‌ക്കെ​ല്ലാം കുട്ടി​യു​ടെ ആത്മവീ​ര്യ​ത്തെ കെടു​ത്താ​നാ​കും. (സദൃശ​വാ​ക്യ​ങ്ങൾ 12:18 താരത​മ്യം ചെയ്യുക.) ജ്ഞാനപൂർവ​ക​മാ​യി, ബൈബിൾ മാതാ​പി​താ​ക്കളെ ഇങ്ങനെ അനുശാ​സി​ക്കു​ന്നു: “നിങ്ങളു​ടെ കുട്ടി​കളെ പ്രകോ​പി​പ്പി​ക്ക​രുത്‌. പ്രകോ​പി​പ്പി​ച്ചാൽ അവർ നിരു​ന്മേ​ഷ​രാ​കും [അല്ലെങ്കിൽ, “നിങ്ങൾ അവരെ അധീര​രാ​ക്കും,” ഫിലി​പ്‌സ്‌].” (കൊ​ലൊ​സ്സ്യർ 3:21, പി.ഒ.സി. ബൈബിൾ) ബൈബിൾ പ്രതി​രോധ നടപടി​കൾ ശുപാർശ​ചെ​യ്യു​ന്നു. ആവർത്ത​ന​പു​സ്‌തകം 11:19-ൽ, അനൗപ​ചാ​രിക അവസരങ്ങൾ പ്രയോ​ജ​ന​പ്പെ​ടു​ത്തി കുട്ടി​ക​ളിൽ ധാർമി​ക​വും ആത്മീയ​വു​മായ മൂല്യങ്ങൾ ഉൾനടാൻ മാതാ​പി​താ​ക്ക​ളോ​ടു പറഞ്ഞി​രി​ക്കു​ന്നു. കുട്ടി​കളെ വളർത്തു​ന്ന​തു​മാ​യി ബന്ധപ്പെട്ട അത്തരം വ്യക്തവും ന്യായ​യു​ക്ത​വു​മായ ബുദ്ധ്യു​പ​ദേശം ബൈബിൾകാ​ല​ങ്ങ​ളെ​പ്പോ​ലെ ഇന്നും പ്രസക്ത​മാണ്‌.

14, 15. (എ) കേവലം ജ്ഞാനപൂർവ​ക​മായ ബുദ്ധ്യു​പ​ദേ​ശ​ത്തി​ലു​മ​ധി​കം ബൈബിൾ പ്രദാ​നം​ചെ​യ്യു​ന്നത്‌ ഏതു വിധത്തിൽ? (ബി) വ്യത്യസ്‌ത വർഗങ്ങ​ളി​ലും രാഷ്‌ട്ര​ങ്ങ​ളി​ലും​പെട്ട സ്‌ത്രീ​പു​രു​ഷ​ന്മാ​രെ, പരസ്‌പരം തുല്യ​രാ​യി വീക്ഷി​ക്കാൻ ഏതു ബൈബിൾ പഠിപ്പി​ക്ക​ലു​കൾ സഹായി​ക്കും?

¹⁴ കേവലം ജ്ഞാനപൂർവ​ക​മായ ബുദ്ധ്യു​പ​ദേ​ശ​ത്തെ​ക്കാ​ള​ധി​കം ബൈബിൾ പ്രദാനം ചെയ്യു​ന്നുണ്ട്‌. അതിന്റെ സന്ദേശം ഹൃദയത്തെ ആകർഷി​ക്കു​ന്ന​താണ്‌. എബ്രായർ 4:12 പറയുന്നു: “ദൈവ​ത്തി​ന്റെ വചനം ജീവനും ചൈത​ന്യ​വു​മു​ള്ള​താ​യി ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യേ​റി​യ​തും പ്രാണ​നെ​യും ആത്മാവി​നെ​യും സന്ധിമ​ജ്ജ​ക​ളെ​യും വേറു​വി​ടു​വി​ക്കും​വരെ തുളെ​ച്ചു​ചെ​ല്ലു​ന്ന​തും ഹൃദയ​ത്തി​ലെ ചിന്തന​ങ്ങ​ളെ​യും ഭാവങ്ങ​ളെ​യും വിവേ​ചി​ക്കു​ന്ന​തും ആകുന്നു.” ബൈബി​ളി​ന്റെ പ്രചോ​ദ​നാ​ത്മക ശക്തിയെ ദൃഷ്ടാ​ന്തീ​ക​രി​ക്കുന്ന ഒരുദാ​ഹ​രണം എടുക്കാം.

¹⁵ ഇന്ന്‌ ആളുകൾ വർഗീയ, ദേശീയ, വംശീയ പ്രതി​ബ​ന്ധ​ങ്ങ​ളാൽ വിഭജി​ത​രാണ്‌. അത്തരം കൃത്രിമ മതിലു​കൾ ലോക​മെ​മ്പാ​ടു​മുള്ള യുദ്ധങ്ങ​ളിൽ നിഷ്‌ക​ള​ങ്ക​രായ മനുഷ്യ​രു​ടെ കൂട്ടക്കു​രു​തി​ക്കു കാരണ​മാ​യി​രി​ക്കു​ന്നു. അതേസ​മയം, വ്യത്യസ്‌ത വർഗങ്ങ​ളി​ലും രാഷ്‌ട്ര​ങ്ങ​ളി​ലും​പെട്ട സ്‌ത്രീ​പു​രു​ഷ​ന്മാ​രെ തുല്യ​രാ​യി വീക്ഷി​ക്കാൻ സഹായി​ക്കുന്ന പഠിപ്പി​ക്ക​ലു​കൾ ബൈബി​ളി​ലുണ്ട്‌. ഉദാഹ​ര​ണ​ത്തിന്‌, ദൈവം “ഒരുത്ത​നിൽനി​ന്നു മനുഷ്യ​ജാ​തി​യെ ഒക്കെയും ഉളവാക്കി”യെന്നു പ്രവൃ​ത്തി​കൾ 17:26 പറയുന്നു. ഇതു പ്രകട​മാ​ക്കു​ന്ന​ത​നു​സ​രിച്ച്‌, മനുഷ്യ​വർഗം എന്ന ഒരേ​യൊ​രു വർഗമേ വാസ്‌ത​വ​ത്തി​ലു​ള്ളൂ! കൂടു​ത​ലാ​യി ബൈബിൾ നമ്മോട്‌ “ദൈവ​ത്തി​ന്റെ അനുകാ​രി​കൾ” ആയിത്തീ​രാൻ ആവശ്യ​പ്പെ​ടു​ന്നു. ആ ദൈവ​ത്തെ​ക്കു​റിച്ച്‌ അത്‌ ഇങ്ങനെ പറയുന്നു: “ദൈവ​ത്തി​ന്നു മുഖപ​ക്ഷ​മില്ല,” “ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു.” (എഫെസ്യർ 5:1; പ്രവൃ​ത്തി​കൾ 10:34, 35) ബൈബി​ളി​ന്റെ പഠിപ്പി​ക്ക​ലു​ക​ള​നു​സ​രി​ച്ചു ജീവി​ക്കാൻ യഥാർഥ ശ്രമം ചെയ്യു​ന്ന​വർക്ക്‌ ഈ പരിജ്ഞാ​നം ഏകീകരണ സ്വാധീ​ന​മു​ള്ള​താണ്‌. അത്‌ ഏറ്റവും കൂടുതൽ ആഴ്‌ന്നി​റങ്ങി, ഹൃദയ​ത്തി​ലേ​ക്കി​റങ്ങി പ്രവർത്തി​ക്കു​ന്നു, ആളുകളെ വിഭജി​ക്കുന്ന മനുഷ്യ​നിർമിത പ്രതി​ബ​ന്ധ​ങ്ങളെ അതു തകർക്കു​ന്നു. അത്‌ ഇന്നത്തെ ലോക​ത്തിൽ യഥാർഥ​ത്തിൽ പ്രാ​യോ​ഗി​ക​മാ​ണോ?

16. യഹോ​വ​യു​ടെ സാക്ഷികൾ ഒരു യഥാർഥ സാർവ​ദേ​ശീയ സഹോ​ദ​ര​വർഗ​മാ​ണെന്നു പ്രകട​മാ​ക്കുന്ന ഒരു അനുഭവം വിവരി​ക്കുക.

¹⁶ തീർച്ച​യാ​യും അതു പ്രാ​യോ​ഗി​ക​മാണ്‌! സാധാ​ര​ണ​ഗ​തി​യിൽ പരസ്‌പരം സമാധാ​ന​ത്തി​ല​ല്ലാത്ത വ്യത്യസ്‌ത പശ്ചാത്ത​ല​ങ്ങ​ളിൽനി​ന്നുള്ള ആളുകളെ ഏകീക​രി​ക്കുന്ന സാർവ​ദേ​ശീയ സാഹോ​ദ​ര്യ​ത്തി​നു പേരു​കേ​ട്ട​വ​രാണ്‌ യഹോ​വ​യു​ടെ സാക്ഷികൾ. ഉദാഹ​ര​ണ​ത്തിന്‌, റുവാ​ണ്ട​യിൽ വംശീയ പോരാ​ട്ടങ്ങൾ നടന്ന സമയത്ത്‌, ഓരോ ഗോ​ത്ര​ത്തി​ലും​പെട്ട യഹോ​വ​യു​ടെ സാക്ഷികൾ സ്വന്തം ജീവൻ പണയ​പ്പെ​ടു​ത്തി​ക്കൊണ്ട്‌ മറ്റേ വർഗത്തിൽപ്പെട്ട തങ്ങളുടെ ക്രിസ്‌തീയ സഹോ​ദ​രീ​സ​ഹോ​ദ​ര​ന്മാ​രെ സംരക്ഷി​ച്ചു. ഒരു സംഭവ​ത്തിൽ, ഒരു ഹൂട്ടു സാക്ഷി തന്റെ സഭയിലെ ഒരു ആറംഗ ടൂട്‌സി കുടും​ബ​ത്തിന്‌ രഹസ്യാ​ഭയം നൽകി. സങ്കടക​ര​മെന്നു പറയട്ടെ, ആ ടൂട്‌സി കുടും​ബം അവസാനം കണ്ടെത്ത​പ്പെ​ടു​ക​യും വധിക്ക​പ്പെ​ടു​ക​യും ചെയ്‌തു. ഇപ്പോൾ ഘാതക​രു​ടെ ക്രോ​ധ​പാ​ത്ര​മാ​യി​ത്തീർന്ന ഹൂട്ടു സഹോ​ദ​ര​നും കുടും​ബ​ത്തി​നും ടാൻസാ​നി​യ​യി​ലേക്കു പലായനം ചെയ്യേ​ണ്ടി​വന്നു. സമാന​മായ അനവധി സംഭവ​ങ്ങ​ളെ​ക്കു​റി​ച്ചുള്ള റിപ്പോർട്ടുണ്ട്‌. അവരുടെ ഹൃദയങ്ങൾ ബൈബിൾ സന്ദേശ​ത്തി​ന്റെ പ്രചോ​ദ​നാ​ത്മക ശക്തിയാൽ ആഴത്തിൽ സ്‌പർശി​ക്ക​പ്പെ​ട്ട​തു​കൊ​ണ്ടാണ്‌ അത്തരം ഐക്യം സാധ്യ​മാ​യ​തെന്ന്‌ യഹോ​വ​യു​ടെ സാക്ഷികൾ സത്വരം സമ്മതി​ക്കു​ന്നു. പകനിറഞ്ഞ ഈ ലോക​ത്തി​ലെ ജനങ്ങളെ ബൈബി​ളിന്‌ ഏകീക​രി​ക്കാ​നാ​കു​ന്നു​വെ​ന്നത്‌ അത്‌ ദൈവ​ത്തിൽനി​ന്നു​ള്ള​താ​ണെ​ന്ന​തി​ന്റെ ശക്തമായ തെളി​വാണ്‌.

യഥാർഥ പ്രവച​ന​ങ്ങ​ളു​ടെ ഒരു ഗ്രന്ഥം

17. ബൈബിൾപ്ര​വ​ച​നങ്ങൾ മനുഷ്യ​രു​ടെ പ്രവച​ന​ങ്ങ​ളിൽനി​ന്നു വ്യത്യ​സ്‌ത​മാ​യി​രി​ക്കു​ന്ന​തെ​ങ്ങനെ?

¹⁷ “തിരു​വെ​ഴു​ത്തി​ലെ പ്രവചനം ഒന്നും സ്വയമായ വ്യാഖ്യാ​ന​ത്താൽ ഉളവാ​കു​ന്നതല്ല” എന്ന്‌ 2 പത്രൊസ്‌ 1:20 പറയുന്നു. ബൈബിൾ പ്രവാ​ച​ക​ന്മാർ നിലവി​ലുള്ള ലോകാ​വ​സ്ഥകൾ അപഗ്ര​ഥിച്ച്‌ സംഭവ​ങ്ങ​ളെ​ക്കു​റി​ച്ചുള്ള വ്യക്തി​പ​ര​മായ വ്യാഖ്യാ​ന​ങ്ങ​ളു​ടെ അടിസ്ഥാ​ന​ത്തിൽ വിദഗ്‌ധ​മായ ഊഹാ​പോ​ഹങ്ങൾ നടത്തു​ക​യാ​യി​രു​ന്നില്ല. ഭാവി​യി​ലെ ഏതൊരു സംഭവ​ത്തി​നും ആരോ​പി​ക്കാൻ കഴിയും​വി​ധം അവ്യക്ത​മായ പ്രവച​നങ്ങൾ നടത്തു​ക​യു​മാ​യി​രു​ന്നില്ല അവർ. അങ്ങേയറ്റം സൂക്ഷ്‌മ​മാ​യി​രു​ന്ന​തും അന്നു ജീവി​ച്ചി​രുന്ന ആളുക​ളു​ടെ പ്രതീ​ക്ഷ​യ്‌ക്കു നേർവി​പ​രീ​ത​മാ​യി മുൻകൂ​ട്ടി​പ്പ​റ​ഞ്ഞ​തു​മായ ഒരു ബൈബിൾപ്ര​വ​ചനം നമുക്കു ദൃഷ്ടാ​ന്ത​മാ​യെ​ടു​ക്കാം.

18. പുരാതന ബാബി​ലോൻ നിവാ​സി​കൾക്ക്‌ നിശ്ചയ​മാ​യും വളരെ സുരക്ഷി​ത​ത്വ​ബോ​ധം തോന്നി​യ​തെ​ന്തു​കൊണ്ട്‌, എന്നിട്ടും ബാബി​ലോ​നെ​ക്കു​റിച്ച്‌ യെശയ്യാവ്‌ എന്തു മുൻകൂ​ട്ടി​പ്പ​റഞ്ഞു?

¹⁸ പൊ.യു.മു. ഏഴാം നൂറ്റാണ്ട്‌ ആയപ്പോ​ഴേ​ക്കും ബാബി​ലോൻ നഗരം അജയ്യ​മെന്നു തോന്നു​മാറ്‌ ബാബി​ലോ​ന്യ സാമ്രാ​ജ്യ​ത്തി​ന്റെ തലസ്ഥാ​ന​മാ​യി​ക്ക​ഴി​ഞ്ഞി​രു​ന്നു. ആ നഗരം യൂഫ്ര​ട്ടീസ്‌ നദിയു​ടെ ഇരുക​ര​ക​ളി​ലു​മാ​യി സ്ഥിതി​ചെ​യ്‌തി​രു​ന്നു. നദിയി​ലെ വെള്ളം, വിശാ​ല​വും ആഴമു​ള്ള​തു​മായ പരസ്‌പ​ര​ബ​ന്ധിത കിടങ്ങു​ക​ളി​ലും കനാലു​ക​ളി​ലും കേറി​ക്കി​ട​ന്നി​രു​ന്നു. തന്നെയു​മല്ല, ആ നഗരം ഒരു വൻ ഇരട്ടമ​തി​ലി​നാൽ സംരക്ഷി​ക്ക​പ്പെ​ട്ടി​രു​ന്നു. തലയെ​ടു​പ്പുള്ള അനവധി കോട്ട​കൊ​ത്ത​ള​ങ്ങ​ളു​മു​ണ്ടാ​യി​രു​ന്നു. നിസ്സം​ശ​യ​മാ​യും ബാബി​ലോ​നി​ലെ നിവാ​സി​കൾക്കു വളരെ സുരക്ഷി​ത​ത്വം തോന്നി​യി​രു​ന്നു. എന്നിരു​ന്നാ​ലും, ബാബി​ലോൻ അതിന്റെ പ്രതാ​പ​ത്തി​ന്റെ ഉന്നതി​യി​ലേക്കു വരുന്ന​തി​നു മുമ്പു​തന്നെ, പൊ.യു.മു. എട്ടാം നൂറ്റാ​ണ്ടിൽ യെശയ്യാ പ്രവാ​ചകൻ ഇങ്ങനെ മുൻകൂ​ട്ടി​പ്പ​റ​ഞ്ഞി​രു​ന്നു: “ബാബേൽ, ദൈവം സൊ​ദോ​മി​നെ​യും ഗൊ​മോ​റ​യെ​യും മറിച്ചു​ക​ള​ഞ്ഞ​തു​പോ​ലെ ആയിത്തീ​രും. അതിൽ ഒരു നാളും കുടി​പാർപ്പു​ണ്ടാ​ക​യില്ല; തലമു​റ​ത​ല​മു​റ​യോ​ളം അതിൽ ആരും വസിക്ക​യു​മില്ല; അറബി​ക്കാ​രൻ അവിടെ കൂടാരം അടിക്ക​യില്ല; ഇടയന്മാർ അവിടെ ആടുകളെ കിടത്തു​ക​യും ഇല്ല.” (യെശയ്യാ​വു 13:19, 20) ബാബി​ലോൻ നശിപ്പി​ക്ക​പ്പെ​ടു​മെന്നു മാത്രമല്ല, അത്‌ എന്നെന്നും നിവസി​ക്ക​പ്പെ​ടാ​തെ കിടക്കു​മെ​ന്നും പ്രവചനം മുൻകൂ​ട്ടി​പ്പ​റ​ഞ്ഞു​വെ​ന്നതു ശ്രദ്ധി​ക്കുക. അത്തര​മൊ​രു പ്രവചനം തികച്ചും ഒരു സാഹസം​ത​ന്നെ​യാ​യി​രു​ന്നു! ബാബി​ലോൻ ശൂന്യ​മാ​യി​ക്കി​ട​ക്കു​ന്നതു കണ്ടതിനു ശേഷമാ​യി​രി​ക്കു​മോ യെശയ്യാ​വു തന്റെ പ്രവചനം എഴുതി​യത്‌? അല്ല എന്നു ചരിത്രം പറയുന്നു!

19. പൊ.യു.മു. 539 ഒക്‌ടോ​ബർ 5-ന്‌ യെശയ്യാ പ്രവചനം പൂർണ​മാ​യി നിവർത്തി​ക്കാ​ഞ്ഞ​തെ​ന്തു​കൊണ്ട്‌?

¹⁹ പൊ.യു.മു. 539 ഒക്ടോബർ 5 രാത്രി കോ​രെ​ശി​ന്റെ നേതൃ​ത്വ​ത്തിൻ കീഴിലെ മേദോ-പേർഷ്യൻ സൈന്യ​ത്തി​നു​മു​മ്പിൽ ബാബി​ലോൻ തോറ്റു. എന്നിരു​ന്നാ​ലും, യെശയ്യാ​വി​ന്റെ പ്രവച​ന​ത്തിന്‌ അപ്പോൾ പൂർണ​മായ നിവൃ​ത്തി​യു​ണ്ടാ​യില്ല. കോ​രെശ്‌ പിടി​ച്ച​ട​ക്കി​യ​തി​നു​ശേ​ഷ​വും ആൾപ്പാർപ്പു​ണ്ടാ​യി​രുന്ന, എന്നാൽ അത്ര പ്രബല​മ​ല്ലാ​യി​രുന്ന ബാബി​ലോൻ നൂറ്റാ​ണ്ടു​ക​ളോ​ളം നിലനി​ന്നു. പൊ.യു.മു. രണ്ടാം നൂറ്റാ​ണ്ടിൽ, അതായത്‌ യെശയ്യാ​വി​ന്റെ ചാവു​കടൽ ചുരുൾ പകർത്തി​യെ​ഴു​തിയ സമയ​ത്തോ​ട​ടുത്ത്‌, അയൽരാ​ജ്യ​ങ്ങ​ളു​ടെ​യെ​ല്ലാം സ്വപ്‌ന​ഭൂ​മി​യാ​യി​രുന്ന ബാബി​ലോ​ന്റെ​മേൽ പാർത്തി​യാൻകാർ നിയ​ന്ത്ര​ണ​മേ​റ്റെ​ടു​ത്തു. പൊ.യു.മു. ഒന്നാം നൂറ്റാ​ണ്ടിൽ “നല്ലൊരു കൂട്ടം” യഹൂദ​ന്മാർ അവിടെ പാർത്തി​രു​ന്ന​താ​യി ജോസീ​ഫസ്‌ റിപ്പോർട്ടു ചെയ്യു​ന്നുണ്ട്‌. ദ കേം​ബ്രി​ഡ്‌ജ്‌ ഏൻഷ്യൻറ്‌ ഹിസ്റ്ററി പറയു​ന്ന​ത​നു​സ​രിച്ച്‌, പൊ.യു. 24-ൽ പാമി​റിൻ വ്യാപാ​രി​കൾ ബാബി​ലോ​നിൽ ആദായ​മുള്ള ഒരു വ്യാപാ​ര​കേ​ന്ദ്രം സ്ഥാപി​ച്ചി​രു​ന്നു. അതു​കൊണ്ട്‌, പൊ.യു. ഒന്നാം നൂറ്റാ​ണ്ടി​ലും ബാബി​ലോൻ പൂർണ​മാ​യി ശൂന്യ​മാ​യി​രു​ന്നില്ല. എന്നാൽ അപ്പോ​ഴേ​ക്കും യെശയ്യാ​വി​ന്റെ പുസ്‌തകം പൂർത്തി​യാ​യിട്ട്‌ ദീർഘ​കാ​ലം കഴിഞ്ഞി​രു​ന്നു.—1 പത്രൊസ്‌ 5:13.

20. ബാബി​ലോൻ അവസാനം ‘കല്‌ക്കു​ന്നു​ക​ളാ​യി’ത്തീർന്നു​വെ​ന്ന​തിന്‌ എന്തു തെളി​വുണ്ട്‌?

²⁰ ബാബി​ലോൻ നിവസി​ക്ക​പ്പെ​ടാ​തെ കിടക്കു​ന്നതു കാണാൻ യെശയ്യാ​വു ജീവി​ച്ചി​രു​ന്നില്ല. എന്നാൽ പ്രവചനം സത്യമാ​യി, ബാബി​ലോൻ അവസാനം ‘കല്‌ക്കു​ന്നു​ക​ളാ​യി’ മാറി. (യിരെ​മ്യാ​വു 51:37) എബ്രായ പണ്ഡിത​നായ ജെറോം (പൊ.യു. നാലാം നൂറ്റാ​ണ്ടിൽ ജനിച്ച​യാൾ) പറയു​ന്ന​ത​നു​സ​രിച്ച്‌, അദ്ദേഹ​ത്തി​ന്റെ നാളിൽ ബാബി​ലോൻ “എല്ലാത്തരം മൃഗങ്ങ​ളും” വിഹരി​ച്ചി​രുന്ന ഒരു വേട്ടനി​ല​മാ​യി മാറി​ക്ക​ഴി​ഞ്ഞി​രു​ന്നു. ബാബി​ലോൻ ഇന്നും ശൂന്യ​മാ​യി കിടക്കു​ന്നു. ഒരു വിനോ​ദ​സ​ഞ്ചാ​ര​സ്ഥ​ല​മാ​യി ബാബി​ലോ​നെ പുനഃ​സ്ഥി​തീ​ക​രി​ക്കു​ന്നത്‌ സന്ദർശ​കരെ ആകർഷി​ച്ചെ​ന്നി​രി​ക്കും. എന്നാൽ യെശയ്യാ​വു മുൻകൂ​ട്ടി​പ്പ​റ​ഞ്ഞ​തു​പോ​ലെ, ബാബി​ലോ​ന്റെ ‘പുത്ര​നും പൗത്ര​നും’ എന്നേക്കും പൊയ്‌പോ​യി​രി​ക്കു​ന്നു.—യെശയ്യാ​വു 14:22.

21. വിശ്വസ്‌ത പ്രവാ​ച​ക​ന്മാർക്കു പിഴവു​പ​റ്റാത്ത കൃത്യ​ത​യോ​ടെ ഭാവി മുൻകൂ​ട്ടി​പ്പ​റ​യാൻ സാധി​ച്ച​തെ​ങ്ങനെ?

²¹ യെശയ്യാവ്‌ വിദഗ്‌ധ​മാ​യൊ​രു ഊഹാ​പോ​ഹം നടത്തി​യ​താ​യി​രു​ന്നില്ല. പ്രവച​ന​മാ​യി തോന്ന​ത്ത​ക്ക​വണ്ണം അവൻ ചരി​ത്രത്തെ തിരു​ത്തി​യെ​ഴു​തു​ക​യും ചെയ്‌തില്ല. യെശയ്യാവ്‌ ഒരു യഥാർഥ പ്രവാ​ചകൻ ആയിരു​ന്നു. അങ്ങനെ​ത​ന്നെ​യാ​യി​രു​ന്നു ബൈബി​ളി​ലെ മറ്റു വിശ്വസ്‌ത പ്രവാ​ച​ക​ന്മാ​രും. പിഴവു​പ​റ്റാത്ത കൃത്യ​ത​യോ​ടെ ഭാവി മുൻകൂ​ട്ടി​പ്പ​റ​യു​ക​യെന്ന, മറ്റു മനുഷ്യർക്കാർക്കും ചെയ്യാ​നാ​കാത്ത സംഗതി ഈ മനുഷ്യർക്കു സാധി​ച്ച​തെ​ന്തു​കൊണ്ട്‌? ഉത്തരം വ്യക്തമാണ്‌. ആ പ്രവച​ന​ങ്ങ​ളു​ടെ ഉത്ഭവം പ്രവച​ന​ത്തി​ന്റെ ദൈവ​മായ, ‘ആരംഭ​ത്തി​ങ്കൽ തന്നേ അവസാ​ന​വും പറയുന്ന’ യഹോ​വ​യിൽനി​ന്നാണ്‌.—യെശയ്യാ​വു 46:10.

22. ബൈബിൾ സ്വയം പരി​ശോ​ധി​ക്കു​ന്ന​തിന്‌ പരമാർഥ​ഹൃ​ദ​യരെ പ്രോ​ത്സാ​ഹി​പ്പി​ക്കാൻ നാം പരമാ​വധി ചെയ്യേ​ണ്ട​തെ​ന്തു​കൊണ്ട്‌?

²² അതു​കൊണ്ട്‌, ബൈബിൾ പരി​ശോ​ധ​നാ​യോ​ഗ്യ​മാ​ണോ? ആണെന്നു നമുക്ക​റി​യാം! എന്നാൽ അനേക​മാ​ളു​കൾക്കും ഈ ബോധ്യം ഇല്ല. ഒരിക്ക​ലും വായി​ച്ചി​ട്ടി​ല്ലെ​ങ്കി​ലും അവർ ബൈബി​ളി​നെ​ക്കു​റിച്ച്‌ അഭി​പ്രാ​യം രൂപ​പ്പെ​ടു​ത്തി​യി​രി​ക്കു​ന്നു. മുൻലേ​ഖ​ന​ത്തി​ന്റെ തുടക്ക​ത്തിൽ സൂചി​പ്പി​ച്ചി​രുന്ന പ്രൊ​ഫ​സ​റു​ടെ കാര്യം ഓർക്കുക. ഒരു ബൈബി​ള​ധ്യ​യ​ന​ത്തി​നു സമ്മതിച്ച അദ്ദേഹം ശ്രദ്ധാ​പൂർവം ബൈബിൾ പരി​ശോ​ധി​ക്കാൻ തുടങ്ങി. അങ്ങനെ അദ്ദേഹം ബൈബിൾ ദൈവ​ത്തിൽനി​ന്നുള്ള ഒരു ഗ്രന്ഥമാ​ണെന്ന നിഗമ​ന​ത്തി​ലെത്തി. അവസാനം യഹോ​വ​യു​ടെ സാക്ഷി​ക​ളി​ലൊ​രു​വ​നാ​യി സ്‌നാ​പ​ന​മേറ്റ ഈ പ്രൊ​ഫസർ ഇപ്പോൾ ഒരു മൂപ്പനാ​യി സേവി​ക്കു​ക​യാണ്‌! ബൈബിൾ സ്വയം പരി​ശോ​ധിച്ച്‌ അതേക്കു​റിച്ച്‌ ഒരഭി​പ്രാ​യം രൂപ​പ്പെ​ടു​ത്താൻ പരമാർഥ​ഹൃ​ദ​യരെ പ്രോ​ത്സാ​ഹി​പ്പി​ക്കാൻ നമുക്കു നമ്മുടെ പരമാ​വധി ചെയ്യാം. അവർ നേരിട്ടു സത്യസ​ന്ധ​മാ​യി പരി​ശോ​ധി​ക്കു​ന്നെ​ങ്കിൽ, ബൈബിൾ ഒരു അനുപമ ഗ്രന്ഥമാ​ണെന്ന്‌, തീർച്ച​യാ​യും സകലർക്കും വേണ്ടി​യുള്ള ഒരു ഗ്രന്ഥമാ​ണെന്ന്‌ അവർ മനസ്സി​ലാ​ക്കു​മെന്നു നമുക്കു​റ​പ്പുണ്ട്‌!

നിങ്ങൾക്കു വിശദീ​ക​രി​ക്കാ​മോ?

□ മോ​ശൈക ന്യായ​പ്ര​മാ​ണം ഉപയോ​ഗിച്ച്‌ ബൈബിൾ മനുഷ്യ​നിൽനിന്ന്‌ ഉത്ഭവി​ച്ച​ത​ല്ലെന്നു പ്രകട​മാ​ക്കാൻ കഴിയു​ന്ന​തെ​ങ്ങനെ?

□ ബൈബി​ളി​ലെ ഏതെല്ലാം കാലാ​തീത തത്ത്വങ്ങൾ ആധുനിക ജീവി​ത​ത്തി​നു പ്രാ​യോ​ഗി​ക​മാണ്‌?

□ യെശയ്യാ​വു 13:19, 20-ലെ പ്രവചനം വാസ്‌ത​വ​ത്തിൽ സംഭവം നടന്നതി​നു​ശേഷം എഴുതിയതായിരിക്കാനിടയില്ലാത്തതെന്തുകൊണ്ട്‌?

□ നാം പരമാർഥ​ഹൃ​ദ​യരെ എന്തു ചെയ്യാൻ പ്രോ​ത്സാ​ഹി​പ്പി​ക്കണം, എന്തു​കൊണ്ട്‌?

[19-ാം പേജിലെ ചതുരം]

തെളിയിക്കാനാകാത്ത സംഗതി​ക​ളു​ടെ കാര്യ​മോ?

ഓരോ​ന്നി​നും ഭൗതിക തെളി​വു​ക​ളി​ല്ലാത്ത പല പ്രസ്‌താ​വ​ന​ക​ളും ബൈബി​ളി​ലുണ്ട്‌. ഉദാഹ​ര​ണ​ത്തിന്‌, ആത്മസൃ​ഷ്ടി​കൾ വസിക്കുന്ന അദൃശ്യ​മേ​ഖ​ല​യെ​ക്കു​റിച്ച്‌ അതു പറയുന്നു. അത്‌ ഉണ്ടെന്നോ ഇല്ലെന്നോ ശാസ്‌ത്രീ​യ​മാ​യി തെളി​യി​ക്കാ​നാ​കില്ല. തെളി​യി​ക്കാ​നാ​കാത്ത അത്തരം പരാമർശങ്ങൾ ബൈബി​ളി​നെ അവശ്യം ശാസ്‌ത്ര​ത്തി​ന്റെ ശത്രു​വാ​ക്ക​ണ​മോ?

ഗ്രഹങ്ങ​ളി​ലെ ശിലക​ളെ​ക്കു​റി​ച്ചു ഗവേഷണം നടത്തുന്ന ഒരു ശാസ്‌ത്ര​ജ്ഞനെ കുഴക്കി​യി​രുന്ന ഒരു ചോദ്യ​മാ​യി​രു​ന്നു അത്‌. അദ്ദേഹം ഏതാനും വർഷം​മുമ്പ്‌ യഹോ​വ​യു​ടെ സാക്ഷി​ക​ളു​മൊത്ത്‌ ബൈബിൾ പഠിക്കാ​നാ​രം​ഭി​ച്ചു. “എനിക്കു ചില ബൈബിൾ പ്രസ്‌താ​വ​നകൾ ശാസ്‌ത്രീ​യ​മാ​യി തെളി​യി​ക്കാൻ സാധി​ക്കു​മാ​യി​രു​ന്നില്ല. അതിനാൽ ആദ്യ​മൊ​ക്കെ ബൈബി​ളി​നെ അംഗീ​ക​രി​ക്കുക എനിക്കു ബുദ്ധി​മു​ട്ടാ​യി​രു​ന്നു​വെന്നു സമ്മതി​ക്കു​ന്നു,” അദ്ദേഹം അനുസ്‌മ​രി​ക്കു​ന്നു. ആത്മാർഥ​ത​യുള്ള ഈ മനുഷ്യൻ ബൈബിൾ പഠനം തുടർന്നു. ലഭ്യമായ തെളി​വു​കൾ വെച്ചു​നോ​ക്കു​മ്പോൾ അത്‌ ദൈവ​ത്തി​ന്റെ വചനമാ​ണെന്ന്‌ അവസാനം അദ്ദേഹ​ത്തി​നു ബോധ്യ​മാ​യി. അദ്ദേഹം പറയുന്നു: “ഓരോ ബൈബിൾ പ്രസ്‌താ​വ​ന​യ്‌ക്കും തെളിവു വേണമെന്ന ഉത്‌ക​ട​മായ ആഗ്രഹ​ത്തിന്‌ അയവു​വന്നു. ശാസ്‌ത്രീയ അഭിരു​ചി​യുള്ള ഒരാൾ ബൈബി​ളി​നെ ആത്മീയ വീക്ഷണ​ത്തിൽ പരി​ശോ​ധി​ക്കാൻ തയ്യാറാ​കണം, അല്ലാത്ത​പക്ഷം അയാൾ ഒരിക്ക​ലും സത്യം സ്വീക​രി​ക്കാൻ പോകു​ന്നില്ല. ബൈബി​ളി​ലെ ഓരോ പ്രസ്‌താ​വ​ന​യ്‌ക്കും തെളിവു തരാൻ ശാസ്‌ത്ര​ത്തി​നു കഴിയു​മെന്നു പ്രതീ​ക്ഷി​ക്കാ​നാ​വില്ല. ചില പ്രസ്‌താ​വ​നകൾ തെളി​യി​ക്കാ​നാ​കു​ന്നി​ല്ലെ​ന്നു​വെച്ച്‌ അവ അസത്യ​മാ​ണെന്നു വരുന്നില്ല. തെളി​യി​ക്കാ​വു​ന്നി​ട​ങ്ങ​ളി​ലെ​ല്ലാം ബൈബി​ളി​ന്റെ കൃത്യത സ്ഥിരീ​ക​രി​ക്ക​പ്പെ​ടു​ന്നു​വെ​ന്ന​താണ്‌ പ്രധാ​ന​പ്പെട്ട സംഗതി,” അദ്ദേഹം വിശദ​മാ​ക്കു​ന്നു.

[17-ാം പേജിലെ ചിത്രം]

തന്റെ കാലത്ത്‌ നിലവി​ലി​രുന്ന ജ്ഞാനത്തി​ന​തീ​ത​മായ ശുചിത്വ നിബന്ധ​നകൾ മോശ രേഖ​പ്പെ​ടു​ത്തി