സമ്പത്തും ജ്ഞാനവു​മുള്ള ഒരു രാജാവ്‌

ധനം നിങ്ങളെ സന്തുഷ്ട​നാ​ക്കു​മെന്നു നിങ്ങൾ വിചാ​രി​ക്കു​ന്നു​ണ്ടോ? നിങ്ങൾക്ക്‌ ആരെങ്കി​ലും വലി​യൊ​രു തുക നൽകി​യി​രു​ന്നെ​ങ്കിൽ, നിങ്ങൾ സന്തോ​ഷി​ക്കു​മാ​യി​രു​ന്നി​ല്ലേ? സന്തോ​ഷി​ക്കാ​നാണ്‌ സാധ്യത. അതു ചെലവ​ഴി​ക്കാ​നുള്ള മാർഗ​ങ്ങ​ളെ​ക്കു​റി​ച്ചു നിങ്ങൾ ചിന്തി​ച്ചെ​ന്നും​വ​രാം.

ജീവിതം കൂടുതൽ സുഖ​പ്ര​ദ​വും ആസ്വാ​ദ്യ​ക​ര​വും ആക്കാനാ​യി വാങ്ങാൻ കഴിയുന്ന ധാരാളം വസ്‌തു​ക്ക​ളു​ണ്ടെ​ന്നു​ള്ളത്‌ സത്യം​തന്നെ. രോഗം, തൊഴി​ലി​ല്ലായ്‌മ തുടങ്ങിയ അവിചാ​രിത പ്രശ്‌ന​ങ്ങൾക്കെ​തി​രെ “ഒരു സംരക്ഷ​ണമാ”യും പണം ഉപകരി​ച്ചേ​ക്കും.—സഭാ​പ്ര​സം​ഗി 7:12, NW.

എന്നാൽ പണവും സന്തുഷ്ടി​യും തമ്മിലുള്ള ബന്ധമെ​ന്താണ്‌? അനേക​രും വിചാ​രി​ക്കു​ന്ന​തു​പോ​ലെ, സന്തുഷ്ടി സമ്പത്തിന്റെ ഒരു ഉപോ​ത്‌പന്നം ആണെന്നു നിങ്ങൾ കരുതു​ന്നു​ണ്ടോ? ഈ ചോദ്യ​ങ്ങൾക്ക്‌ ഉത്തരം കണ്ടെത്തുക ബുദ്ധി​മു​ട്ടാ​യി​രു​ന്നേ​ക്കാം. കാരണം, പണം നിഷ്‌പ്ര​യാ​സം തിട്ട​പ്പെ​ടു​ത്താ​നോ എണ്ണാനോ കഴിയു​മെ​ങ്കി​ലും സന്തുഷ്ടി​യു​ടെ കാര്യം അങ്ങനെയല്ല. സന്തുഷ്ടി​യെ ഒരു തുലാ​സിൽ വെച്ചു തൂക്കാ​നാ​കില്ല.

മാത്ര​വു​മല്ല, ചില ധനവാ​ന്മാർ സന്തുഷ്ട​രാ​യി കാണ​പ്പെ​ടു​മ്പോൾ മറ്റുചി​ലർ ക്ലേശമ​നു​ഭ​വി​ക്കു​ന്നു. ദരി​ദ്ര​രു​ടെ കാര്യ​ത്തി​ലും അതു സത്യമാണ്‌. എങ്കിലും, കൂടുതൽ പണം തങ്ങൾക്കു കൂടുതൽ സന്തുഷ്ടി കൈവ​രു​ത്തു​മെന്നു സമ്പന്നർ ഉൾപ്പെടെ മിക്കവ​രും കരുതു​ന്നു.

അത്തരം കാര്യ​ങ്ങ​ളെ​ക്കു​റിച്ച്‌ എഴുതിയ ഒരു വ്യക്തി​യാ​യി​രു​ന്നു പുരാതന ഇസ്രാ​യേ​ലി​ലെ ശലോ​മോൻ രാജാവ്‌. ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും ധനാഢ്യ​രിൽ ഒരാളാ​യി​രു​ന്നു അവൻ. ബൈബിൾ പുസ്‌ത​ക​മായ ഒന്നു രാജാ​ക്ക​ന്മാർ 10-ാം അധ്യാ​യ​ത്തിൽ അവന്റെ ബൃഹത്തായ സമ്പത്തി​നെ​ക്കു​റി​ച്ചുള്ള വിവരണം നിങ്ങൾക്കു വായി​ക്കാ​വു​ന്ന​താണ്‌. ദൃഷ്ടാ​ന്ത​ത്തിന്‌, 15-ാം വാക്യം പ്രസ്‌താ​വി​ക്കു​ന്നതു ശ്രദ്ധി​ക്കുക: “ആണ്ടു​തോ​റും വന്ന പൊന്നി​ന്റെ തൂക്കം അറുനൂ​റ്റ​റു​പ​ത്താ​റു താലന്താ​യി​രു​ന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) അത്‌ 25 ടൺ സ്വർണ​ത്തി​നു തുല്യ​മാണ്‌. ഇന്ന്‌ അത്രയും സ്വർണ​ത്തിന്‌ 775,00,00,000-യിലധി​കം രൂപയു​ടെ മൂല്യ​മുണ്ട്‌!

പക്ഷേ, ശലോ​മോൻ ധനാഢ്യൻ മാത്ര​മാ​യി​രു​ന്നില്ല; ദൈവം അവനെ ജ്ഞാനം കൊണ്ട്‌ അനു​ഗ്ര​ഹി​ച്ചി​രു​ന്നു. ബൈബിൾ പറയുന്നു: “ഇങ്ങനെ ശലോ​മോൻ രാജാവു ഭൂമി​യി​ലെ സകലരാ​ജാ​ക്ക​ന്മാ​രി​ലും​വെച്ചു ധനം​കൊ​ണ്ടും ജ്ഞാനം​കൊ​ണ്ടും മികെ​ച്ച​വ​നാ​യി​രു​ന്നു. ദൈവം ശലോ​മോ​ന്റെ ഹൃദയ​ത്തിൽ കൊടുത്ത ജ്ഞാനം കേൾക്കേ​ണ്ട​തി​ന്നു സകല​ദേ​ശ​ക്കാ​രും അവന്റെ മുഖദർശനം അന്വേ​ഷി​ച്ചു​വന്നു.” (1 രാജാ​ക്ക​ന്മാർ 10:23, 24) ശലോ​മോ​ന്റെ എഴുത്തു​കൾ ബൈബിൾ രേഖയു​ടെ ഭാഗമാ​യ​തി​നാൽ നമുക്കും അവന്റെ ജ്ഞാനത്തിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയും. സമ്പത്തും സന്തുഷ്ടി​യും തമ്മിലുള്ള ബന്ധത്തെ​ക്കു​റിച്ച്‌ അവന്‌ എന്താണു പറയാ​നു​ണ്ടാ​യി​രു​ന്ന​തെന്നു നമുക്കു നോക്കാം.

[3-ാം പേജിലെ ചിത്ര​ത്തിന്‌ കടപ്പാട]

Reproduced from Die Heilige Schrift - Übersetzt von Dr. Joseph Franz von Allioli. Druck und Verlag von Eduard Hallberger, Stuttgart