രാജ്യ​ഘോ​ഷകർ റിപ്പോർട്ടു ചെയ്യുന്നു

എല്ലാ അവസര​ങ്ങ​ളും ഉപയോ​ഗ​പ്പെ​ടു​ത്തൽ

ബൈബിൾ വിദ്യാ​ഭ്യാ​സ പ്രവർത്ത​ന​ങ്ങൾക്കു ലോക​വ്യാ​പ​ക​മാ​യി അറിയ​പ്പെ​ടു​ന്ന​വ​രാണ്‌ യഹോ​വ​യു​ടെ സാക്ഷികൾ. എന്നാൽ, സമൂഹ​ത്തി​നു മറ്റു വിധങ്ങ​ളിൽ പ്രയോ​ജ​കീ​ഭ​വി​ക്കുന്ന പരിപാ​ടി​ക​ളും അവർ നടത്താ​റുണ്ട്‌. അത്തരം പൊതു​പ്ര​വർത്തനം പരക്കെ സ്വീകാ​ര്യ​മാ​യി​രു​ന്നി​ട്ടുണ്ട്‌. ഇക്വ​ഡോ​റിൽനി​ന്നുള്ള പിൻവ​രുന്ന അനുഭ​വങ്ങൾ അതാണു വ്യക്തമാ​ക്കു​ന്നത്‌.

◻ ഒരു വലിയ ഗ്ലാസ്‌ ഫാക്ടറി​യു​ടെ നടത്തി​പ്പു​കാർ തങ്ങളുടെ ജോലി​ക്കാർക്കു​വേണ്ടി കുടുംബ മൂല്യ​ങ്ങളെ ആസ്‌പ​ദ​മാ​ക്കി ഒരു കോഴ്‌സ്‌ നടത്താൻ തീരു​മാ​നി​ച്ചു. ഹ്യൂമൻ റിസോ​ഴ്‌സ​സി​ന്റെ ഡയറക്ടർ നിരവധി കത്തോ​ലി​ക്കാ പുരോ​ഹി​ത​ന്മാ​രെ അതിൽ പങ്കെടു​ക്കാൻ ക്ഷണി​ച്ചെ​ങ്കി​ലും പ്രതി​ക​ര​ണ​മൊ​ന്നു​മു​ണ്ടാ​യില്ല. അത്തരം വിഷയ​ത്തെ​ക്കു​റി​ച്ചു സംസാ​രി​ക്കാൻ യോഗ്യ​രായ പുരോ​ഹി​ത​ന്മാർ നന്നേ കുറവാ​ണെ​ന്നും ഒരുപക്ഷേ ആരും​തന്നെ ലഭ്യമാ​യി​രി​ക്കി​ല്ലെ​ന്നും ഒരു പുരോ​ഹി​തൻ അദ്ദേഹ​ത്തോ​ടു പറഞ്ഞു. അതേക്കു​റി​ച്ചു കേട്ടറിഞ്ഞ സാക്ഷി​യായ ഒരു ജോലി​ക്കാ​രി, മിക്ക​പ്പോ​ഴും ബിസി​നസ്‌ പ്രദേ​ശത്തു പ്രവർത്തി​ക്കുന്ന ഒരു സഹോ​ദരൻ ഫാക്ടറി സന്ദർശി​ക്ക​ത്ത​ക്ക​വണ്ണം ക്രമീ​ക​രണം ചെയ്‌തു.

പിറ്റേ​ന്നു​ത​ന്നെ ആ സാക്ഷി ഹ്യൂമൻ റിസോ​ഴ്‌സ​സി​ന്റെ ഡയറക്ടറെ ചെന്നു​കണ്ട്‌ ഉദ്ദിഷ്ട അധ്യയന പരിപാ​ടി​യെ​ക്കു​റി​ച്ചുള്ള വിശദാം​ശങ്ങൾ നൽകി. വാച്ച്‌ ടവർ സൊ​സൈ​റ്റി​യു​ടെ നിരവധി പ്രസി​ദ്ധീ​ക​ര​ണ​ങ്ങ​ളിൽനി​ന്നു വിഷയ​ങ്ങ​ളു​ടെ ഒരു പട്ടിക​തന്നെ തയ്യാറാ​ക്കി​യി​രു​ന്നു. ഡയറക്ടർക്കു വളരെ മതിപ്പു തോന്നി. മനുഷ്യ ബന്ധങ്ങൾ, തൊഴിൽ സ്ഥലത്തെ സദാചാ​രം, കുടും​ബ​ത്തി​നു​ള്ളി​ലെ സദാചാ​രം എന്നീ മൂന്നു വിഷയങ്ങൾ അദ്ദേഹം ചർച്ചയ്‌ക്കാ​യി തിര​ഞ്ഞെ​ടു​ത്തു. മുഴു ജോലി​ക്കാ​രു​മാ​യി വിവരങ്ങൾ പരിചി​ന്തി​ക്കു​ന്ന​തി​നു ക്രമീ​ക​ര​ണങ്ങൾ നടത്ത​പ്പെട്ടു.

ജോലി​ക്കാ​രെ 30 പേരട​ങ്ങുന്ന ഏഴു കൂട്ടങ്ങ​ളാ​യി തിരിച്ചു. എന്നിട്ട്‌ യോഗ്യ​രായ മൂന്നു സഹോ​ദ​ര​ന്മാർ വിവരങ്ങൾ അവതരി​പ്പി​ച്ചു. ഫലമോ? തങ്ങളുടെ വീട്ടിൽ വരണ​മെന്നു നിരവധി ജോലി​ക്കാർ ആവശ്യ​പ്പെട്ടു. മാത്രമല്ല, 216 ബൈബി​ള​ധ്യ​യന സഹായി​ക​ളും സമർപ്പി​ക്ക​പ്പെട്ടു. തികഞ്ഞ വിലമ​തി​പ്പു പ്രകട​മാ​ക്കിയ നടത്തി​പ്പു​കാർ മറ്റൊരു പ്രസംഗ പരമ്പര ക്രമീ​ക​രി​ക്കാൻ സാക്ഷി​ക​ളോട്‌ അഭ്യർഥി​ച്ചു.

◻ ഇക്വ​ഡോ​റിൽ ഈയിടെ, സ്‌കൂ​ളിൽ മതം പഠിപ്പി​ക്കാൻ അനുവ​ദി​ച്ചു​കൊ​ണ്ടുള്ള ഒരു നിയമം പാസ്സാക്കി. ഒരു മിഷനറി സഹോ​ദരി ഒരു പ്രൈ​മറി സ്‌കൂ​ളി​ലെ വനിതാ സൂപ്ര​ണ്ടി​നെ സന്ദർശിച്ച്‌, പ്രസ്‌തുത നിയമം പ്രാബ​ല്യ​ത്തി​ലാ​യി​രി​ക്കുന്ന വിധം ചോദി​ച്ച​റി​ഞ്ഞു. മറിയാ​രാ​ധ​ന​യു​മാ​യി ബന്ധപ്പെട്ട ഒരു പരിപാ​ടി​ക്കു തുടക്ക​മി​ടാൻ ശ്രമി​ച്ചെ​ങ്കി​ലും അത്‌ എങ്ങു​മെ​ത്താ​തെ നിൽക്കു​ക​യാ​ണെന്ന്‌ സൂപ്രണ്ടു പറഞ്ഞു. അത്തരം ആരാധന കത്തോ​ലി​ക്ക​ര​ല്ലാത്ത വിദ്യാർഥി​കൾക്കു പ്രശ്‌ന​മാ​യേ​ക്കാ​മെന്നു സഹോ​ദരി അഭി​പ്രാ​യ​പ്പെ​ട്ട​പ്പോൾ സൂപ്രണ്ട്‌ അതി​നോ​ടു യോജി​ച്ചു. “എന്നാൽ, ഒരു പ്രത്യേക മതം സ്വീക​രി​ക്കാൻ ഒരു വ്യക്തിയെ നിർബ​ന്ധി​ക്കാ​തെ, ബൈബി​ളി​നെ ആസ്‌പ​ദ​മാ​ക്കി ധാർമിക തത്ത്വങ്ങൾ പഠിപ്പി​ക്കുന്ന പരിപാ​ടി ഞങ്ങൾക്കുണ്ട്‌” എന്ന്‌ ആ മിഷനറി പറഞ്ഞു. സൂപ്രണ്ടു ചോദി​ച്ചു: “നിങ്ങൾക്ക്‌ എപ്പോൾ വരാൻ സാധി​ക്കും? നാളെ​ക​ഴി​ഞ്ഞു വരാമോ?” മഹദ്‌ഗു​രു​വി​നെ ശ്രദ്ധിക്കൽ എന്ന പുസ്‌തകം മിഷനറി സൂപ്ര​ണ്ടി​നെ കാണി​ച്ച​പ്പോൾ “സമാധാ​ന​പ്രി​യർ സന്തുഷ്ട​രാ​കു​ന്നു” എന്ന അധ്യായം പരിചി​ന്തി​ക്കാ​മെന്നു തീരു​മാ​ന​മാ​യി.

മടങ്ങി​ച്ചെന്ന മിഷനറി ഏഴു ക്ലാസ്സ്‌ മുറികൾ സന്ദർശി​ച്ചു​കൊണ്ട്‌ മൂന്നു മണിക്കൂർ ചെലവ​ഴി​ച്ചു. സൂപ്ര​ണ്ടും അതു അതു ശ്രദ്ധി​ക്കാൻ സന്നിഹി​ത​യാ​യി. അഞ്ചാം തരത്തിലെ കുട്ടി​ക​ളു​മാ​യുള്ള ചർച്ച കഴിഞ്ഞ​പ്പോൾ ആ ക്ലാസ്സിലെ ഒരു കുട്ടി പറഞ്ഞു: “ടീച്ചർ, ആറാം ക്ലാസ്സി​ലും മറക്കാതെ പോകണേ. ഞങ്ങളെ അടിക്കാ​നും വഴക്കി​ടാ​നും അവർ തരം​നോ​ക്കി​യി​രി​ക്കു​ക​യാണ്‌!” ഒരു അധ്യാ​പിക പറഞ്ഞു: “അക്രമം ചർച്ച ചെയ്യ​പ്പെ​ടേണ്ട ഒരു പ്രധാന വിഷയ​മാണ്‌. അതേക്കു​റി​ച്ചു ചർച്ച ചെയ്യാൻ നമുക്കു കൂടുതൽ സമയം വേണം.”

അനുസ​ര​ണം, നുണപ​റയൽ എന്നീ വിഷയ​ങ്ങളെ അധിക​രി​ച്ചുള്ള ചർച്ചകൾക്കാ​യി സ്‌കൂ​ളിൽ മടക്കസ​ന്ദർശ​നങ്ങൾ നടത്താ​നുള്ള ക്രമീ​ക​ര​ണങ്ങൾ ചെയ്യ​പ്പെട്ടു. ഇന്നോ​ള​മുള്ള ഫലങ്ങൾ വളരെ തൃപ്‌തി​ക​ര​മാണ്‌. ഇപ്പോൾ മിഷനറി സഹോ​ദരി റോഡി​ലൂ​ടെ പോകു​മ്പോൾ കുട്ടികൾ അവരെ കണ്ട്‌ അഭിവാ​ദ്യം ചെയ്യാ​നും ബൈബിൾ ചോദ്യ​ങ്ങൾ ചോദി​ക്കാ​നും ഓടി അണയുന്നു. മറ്റു ചിലർ സഹോ​ദ​രി​യെ അഭിമാ​ന​പൂർവം തങ്ങളുടെ മാതാ​പി​താ​ക്കൾക്കു പരിച​യ​പ്പെ​ടു​ത്തു​ന്നു. അതിനു​പു​റമേ, രണ്ടു സ്‌കൂൾക്കു​ട്ടി​ക​ളു​മാ​യി ഭവന ബൈബി​ള​ധ്യ​യ​ന​വും തുടങ്ങി​യി​ട്ടുണ്ട്‌.