നിങ്ങളു​ടെ കുട്ടി​കളെ എങ്ങനെ സംരക്ഷി​ക്കാ​നാ​കും?

വീടി​ന​ടു​ത്തുള്ള ഒരു സ്‌കൂ​ളിൽ വർഷങ്ങ​ളോ​ളം പഠിച്ച ശേഷം വെർനർa ഏകദേശം 3,000 ചെറു​പ്പ​ക്കാ​രോ​ടൊ​പ്പം ബ്രസീ​ലി​ലെ സാവൊ പൗലോ​യിൽ ഉന്നത വിദ്യാ​ഭ്യാ​സം തുടങ്ങി. സഹപാ​ഠി​കൾ മയക്കു​മ​രു​ന്നു​കൾ വിൽക്കു​ന്ന​തും ഉപയോ​ഗി​ക്കു​ന്ന​തും അവൻ ആദ്യമാ​യി കണ്ടു. വലുപ്പം കുറഞ്ഞ അവൻ പെട്ടെ​ന്നു​തന്നെ മുതിർന്ന വിദ്യാർഥി​ക​ളാ​ലുള്ള അവമതി​ക്ക​ലി​നും റാഗി​ങ്ങി​നും വിധേ​യ​നാ​യി.

വെർന​റി​ന്റെ പെങ്ങളായ ഇവായ്‌ക്കും പ്രശ്‌നങ്ങൾ ഉണ്ടായി​രു​ന്നു. കഴിവി​ന്റെ പരമാ​വധി ചെയ്യാ​നുള്ള ആഗ്രഹം നിമിത്തം അവൾ വളരെ കഠിന​മാ​യി പഠിച്ചു. തത്‌ഫ​ല​മാ​യി അവൾക്കു തളർച്ച​യും മാനസിക ക്ഷോഭ​വും അനുഭ​വ​പ്പെട്ടു. മറ്റു ചെറു​പ്പ​ക്കാ​രെ​പ്പോ​ലെ തന്നെ വെർന​റി​നും ഇവായ്‌ക്കും ശാരീ​രി​ക​വും വൈകാ​രി​ക​വു​മായ സംരക്ഷണം ആവശ്യ​മാ​യി​രു​ന്നു. നിങ്ങളു​ടെ കുട്ടി​കൾക്ക്‌ ഏതു തരത്തി​ലുള്ള സഹായ​മാ​ണു വേണ്ടത്‌? പ്രായ​പൂർത്തി​യാ​യവർ എന്ന നിലയി​ലുള്ള ജീവി​ത​ത്തി​നാ​യി നിങ്ങൾക്ക്‌ അവരെ എങ്ങനെ ഒരുക്കാ​നാ​കും? വാസ്‌ത​വ​ത്തിൽ നിങ്ങളു​ടെ കുട്ടി​കൾക്കാ​യി എന്തു ഭാവി​യാ​ണു നിങ്ങൾ കാംക്ഷി​ക്കു​ന്നത്‌?

അവർക്കു ഭക്ഷണപാ​നീ​യങ്ങൾ മാത്രം പോരാ

കുട്ടി​കളെ സംരക്ഷി​ക്കു​ന്ന​തിൽ ഇന്നു മാതാ​പി​താ​ക്കൾ നേരി​ടുന്ന വെല്ലു​വി​ളി​യെ കുറിച്ച്‌ ഒരു നിമിഷം ചിന്തി​ക്കുക. കുടുംബ ജീവി​ത​ത്തി​ന്റെ ഗുണ​ശോ​ഷ​ണ​വും ദാരി​ദ്ര്യ​ത്തി​ന്റെ വർധന​വും നിമിത്തം അനേകം രാജ്യ​ങ്ങ​ളിൽ തെരുവു കുട്ടി​ക​ളു​ടെ എണ്ണം വർധി​ക്കു​ക​യാണ്‌. കുട്ടി​കളെ ചൂഷണ​ത്തിൽനി​ന്നു സംരക്ഷി​ക്കു​ന്ന​തി​ലെ പരാജ​യ​ത്തി​ന്റെ ഫലമാണ്‌ ബാല​തൊ​ഴിൽ. മയക്കു​മ​രു​ന്നു ദുരു​പ​യോ​ഗ​വും ഒട്ടേറെ കുട്ടി​കളെ നശിപ്പി​ക്കു​ന്നു. ദൃഷ്ടാ​ന്ത​ത്തിന്‌, ബ്രസീ​ലി​ലെ ഒരു കൗമാ​ര​ക്കാ​രൻ മയക്കു​മ​രു​ന്നിന്‌ അടിമ ആയപ്പോൾ അവന്റെ വീട്ടിൽനി​ന്നു സമാധാ​നം അപ്രത്യ​ക്ഷ​മാ​യി. അവന്റെ മാതാ​പി​താ​ക്കൾ വൈകാ​രിക സംഘർഷം അനുഭ​വി​ച്ച​തി​നു പുറമേ, അവനെ സുഖ​പ്പെ​ടു​ത്താൻ ആവശ്യ​മായ പണത്തിനു വേണ്ടി പെടാ​പ്പാ​ടു​പെ​ടു​ക​യും ചെയ്‌തു. മാത്ര​വു​മല്ല, നിർദ​യ​രായ മയക്കു​മ​രുന്ന്‌ ഇടപാ​ടു​കാർ പണം ആവശ്യ​പ്പെ​ട്ടു​കൊണ്ട്‌ അവരുടെ വീട്ടു​പ​ടി​ക്കൽ എത്തി.

ജീവിത സമ്മർദ​ങ്ങൾക്ക്‌ ഇടയി​ലും തങ്ങളുടെ കുട്ടി​കൾക്കു ഭക്ഷണം, വസ്‌ത്രം, പാർപ്പി​ടം എന്നിവ പ്രദാനം ചെയ്യാൻ മാത്രമല്ല, അക്രമം, മയക്കു​മ​രു​ന്നു ദുരു​പ​യോ​ഗം, മറ്റു പ്രശ്‌നങ്ങൾ എന്നിവ​യിൽ നിന്നു സംരക്ഷണം നൽകാ​നും അനേകം മാതാ​പി​താ​ക്കൾ തീവ്ര ശ്രമം നടത്തുന്നു. ഇത്‌ ഉദാത്ത​മായ ഒരു ശ്രമമാണ്‌. എന്നാൽ അതു മതിയോ? വൈകാ​രി​ക​വും ആത്മീയ​വു​മായ ഉപദ്ര​വ​ത്തിൽ നിന്നുള്ള സംരക്ഷ​ണ​ത്തി​ന്റെ കാര്യ​മോ? സുഹൃ​ത്തു​ക്ക​ളു​ടെ​യും വിനോ​ദ​ത്തി​ന്റെ​യും കാര്യ​ത്തിൽ കുട്ടികൾ നടത്തുന്ന തിര​ഞ്ഞെ​ടു​പ്പി​നോ​ടു ബന്ധപ്പെട്ട വെല്ലു​വി​ളി​യെ നേരി​ടു​ന്ന​തും കുട്ടി​കളെ വിജയ​ക​ര​മാ​യി വളർത്തു​ന്ന​തിൽ ഉൾപ്പെ​ട്ടി​രി​ക്കു​ന്നു​വെന്ന്‌ അനേകർ തിരി​ച്ച​റി​യു​ന്നു. എന്നാൽ, അമിത​മാ​യി സംരക്ഷണം നൽകു​ന്ന​തോ കയറൂരി വിടു​ന്ന​തോ ഒഴിവാ​ക്കാൻ മാതാ​പി​താ​ക്കൾക്ക്‌ എങ്ങനെ കഴിയും? അടുത്ത ലേഖന​ത്തിൽ കൊടു​ത്തി​രി​ക്കുന്ന ഉത്തരങ്ങൾ പരി​ശോ​ധി​ക്കാൻ നിങ്ങളെ ക്ഷണിക്കു​ന്നു.

[അടിക്കു​റി​പ്പു​കൾ]