തിഹി​ക്കൊസ്‌—ആശ്രയ​യോ​ഗ്യ​നായ സഹഭൃ​ത്യൻ

തിഹി​ക്കൊസ്‌ വ്യത്യസ്‌ത അവസര​ങ്ങ​ളിൽ പൗലൊസ്‌ അപ്പൊ​സ്‌ത​ല​നോട്‌ ഒപ്പം യാത്ര ചെയ്യു​ക​യും അവന്റെ സന്ദേശ​വാ​ഹ​ക​നാ​യി പ്രവർത്തി​ക്കു​ക​യും ചെയ്‌തു. പണവും മേൽവി​ചാ​ര​ണ​യു​ടെ ഉത്തരവാ​ദി​ത്വ​വും ഭരമേൽപ്പി​ക്കാൻ കഴിയു​മാ​യി​രുന്ന ഒരു സന്ദേശ​വാ​ഹകൻ ആയിരു​ന്നു അവൻ. തിരു​വെ​ഴു​ത്തു​കൾ, അവന്റെ ആശ്രയ​യോ​ഗ്യത—എല്ലാ ക്രിസ്‌ത്യാ​നി​കൾക്കും അത്യാ​വ​ശ്യ​മായ ഒരു ഗുണം—എടുത്തു​പ​റ​യുന്ന സ്ഥിതിക്ക്‌ അവനെ കുറിച്ചു കൂടുതൽ അറിയാൻ നിങ്ങൾ ആഗ്രഹി​ച്ചേ​ക്കാം.

തന്റെ “പ്രിയ​സ​ഹോ​ദ​ര​നും വിശ്വ​സ്‌ത​ശു​ശ്രൂ​ഷ​ക​നും സഹഭൃത്യ”നും എന്നാണ്‌ പൗലൊസ്‌ തിഹി​ക്കൊ​സി​നെ വർണി​ച്ചത്‌. (കൊ​ലൊ​സ്സ്യർ 4:7) എന്തു​കൊ​ണ്ടാണ്‌ അപ്പൊ​സ്‌തലൻ അവനെ അങ്ങനെ വീക്ഷി​ച്ചത്‌?

യെരൂ​ശ​ലേ​മി​ലെ ദുരി​താ​ശ്വാ​സ ദൗത്യം

പൊ.യു. 55-നോട​ടുത്ത്‌ യഹൂദ്യ​യി​ലെ ക്രിസ്‌ത്യാ​നി​കൾക്ക്‌ ഒരു സാമ്പത്തിക ഞെരുക്കം നേരിട്ടു. അവരെ സഹായി​ക്കാൻ യൂറോ​പ്പി​ലെ​യും ഏഷ്യാ മൈന​റി​ലെ​യും സഭകളു​ടെ സഹായ​ത്തോ​ടെ പൗലൊസ്‌ ഒരു ധനശേ​ഖ​രണം നടത്തി. ആസ്യ പ്രവി​ശ്യ​യിൽ നിന്നുള്ള തിഹി​ക്കൊസ്‌ ആ ദുരി​താ​ശ്വാ​സ ദൗത്യ​ത്തിൽ ഒരു പങ്കു വഹിച്ചു.

ആ സംഭാവന എങ്ങനെ കൈകാ​ര്യം ചെയ്യണം എന്നതു സംബന്ധിച്ച്‌ നിർദേ​ശങ്ങൾ നൽകിയ ശേഷം, മൊത്തം പണവു​മാ​യി ആശ്രയ​യോ​ഗ്യ​രായ പുരു​ഷ​ന്മാ​രെ യെരൂ​ശ​ലേ​മി​ലേക്ക്‌ അയയ്‌ക്കു​ക​യോ തന്നോ​ടൊ​പ്പം അവർ അങ്ങോട്ടു പോകു​ക​യോ ചെയ്യണ​മെന്ന്‌ പൗലൊസ്‌ നിർദേ​ശി​ച്ചു. (1 കൊരി​ന്ത്യർ 16:1-4) ഗ്രീസിൽനിന്ന്‌ യെരൂ​ശ​ലേ​മി​ലേ​ക്കുള്ള ദീർഘ​യാ​ത്ര തുടങ്ങി​യ​പ്പോൾ അവനോട്‌ ഒപ്പം അനേകം പുരു​ഷ​ന്മാ​രു​ണ്ടാ​യി​രു​ന്നു. വ്യക്തമാ​യും അവരിൽ ഒരുവൻ തിഹി​ക്കൊസ്‌ ആയിരു​ന്നു. (പ്രവൃ​ത്തി​കൾ 20:4) അത്തര​മൊ​രു വലിയ സംഘം ആവശ്യ​മാ​യി​രു​ന്നി​രി​ക്കാം. കാരണം അനേകം സഭകൾ ഭരമേൽപ്പിച്ച പണവു​മാ​യാണ്‌ അവർ പോയത്‌. സുരക്ഷി​ത​ത്വം ഒരു പ്രധാന സംഗതി ആയിരു​ന്നി​രി​ക്കണം. എന്തെന്നാൽ പെരു​വഴി കവർച്ച​ക്കാർ സുരക്ഷി​ത​മായ യാത്ര​യ്‌ക്കു ഭീഷണി ഉയർത്തി​യി​രു​ന്നു.—2 കൊരി​ന്ത്യർ 11:26.

അരിസ്‌തർഹൊ​സും ത്രോ​ഫി​മോ​സും പൗലൊ​സി​നോട്‌ ഒപ്പം യെരൂ​ശ​ലേ​മി​ലേക്കു പോയ സ്ഥിതിക്ക്‌ തിഹി​ക്കൊ​സും മറ്റുള്ള​വ​രും അവരോ​ടൊ​പ്പം ഉണ്ടായി​രു​ന്നി​രി​ക്കാം എന്നു ചിലർ വിചാ​രി​ക്കു​ന്നു. (പ്രവൃ​ത്തി​കൾ 21:29; 24:17; 27:1, 2) തിഹി​ക്കൊസ്‌ ഈ ദുരി​താ​ശ്വാ​സ ദൗത്യ​ത്തിൽ ഉൾപ്പെ​ട്ടി​രു​ന്ന​തി​നാൽ, ധനശേ​ഖ​രണം നടത്താൻ ഗ്രീസിൽ തീത്തൊ​സി​നോട്‌ ഒപ്പം പ്രവർത്തി​ക്കു​ക​യും ‘ഈ ധർമ്മകാ​ര്യ​ത്തിൽ [പൗലൊ​സി​ന്റെ] കൂട്ടു​യാ​ത്ര​ക്കാ​ര​നാ​യി സഭകളാൽ തിര​ഞ്ഞെടു’ക്കപ്പെടു​ക​യും ചെയ്‌ത “സഹോദര”നായി കരുത​പ്പെ​ടു​ന്ന​വ​രിൽ ഒരുവ​നാണ്‌ അവൻ. (2 കൊരി​ന്ത്യർ 8:18, 19; 12:18) തിഹി​ക്കൊസ്‌ നിർവ​ഹിച്ച ആദ്യ ദൗത്യം ഉത്തരവാ​ദി​ത്വ​പൂർണ​മായ ഒന്നായി​രു​ന്നെ​ങ്കിൽ, രണ്ടാമ​ത്തേത്‌ അതിൽ ഒട്ടും കുറഞ്ഞ​താ​യി​രു​ന്നില്ല.

റോമിൽനിന്ന്‌ കൊ​ലൊ​സ്സ്യ​യി​ലേക്ക്‌

അഞ്ചോ ആറോ വർഷത്തി​നു ശേഷം (പൊ.യു. 60-61), റോമി​ലെ തന്റെ ആദ്യത്തെ തടവിൽനിന്ന്‌ മോചി​പ്പി​ക്ക​പ്പെ​ടു​ന്ന​തി​ന്റെ പ്രതീ​ക്ഷ​യിൽ ആയിരു​ന്നു പൗലൊസ്‌. തിഹി​ക്കൊസ്‌ അവനോ​ടൊ​പ്പം ഉണ്ടായി​രു​ന്നു, അതേ, വീട്ടിൽനിന്ന്‌ നൂറു​ക​ണ​ക്കി​നു കിലോ​മീ​റ്റർ അകലെ. ഇപ്പോൾ, തിഹി​ക്കൊസ്‌ ആസ്യയി​ലേക്കു മടങ്ങി പോകു​ക​യാ​യി​രു​ന്നു. തത്‌ഫ​ല​മാ​യി, ആ പ്രദേ​ശത്തെ സഭകൾക്കുള്ള ലേഖനങ്ങൾ കൊടു​ത്ത​യ​യ്‌ക്കാ​നും ഫിലേ​മോ​ന്റെ ഒളി​ച്ചോ​ടിയ ദാസനായ ഒനേസി​മൊ​സി​നെ അവനോ​ടൊ​പ്പം കൊ​ലൊ​സ്സ്യ​യി​ലേക്കു മടക്കി അയയ്‌ക്കാ​നും പൗലൊ​സി​നു സാധിച്ചു. ഇപ്പോൾ ബൈബിൾ കാനോ​നി​ലുള്ള കുറഞ്ഞത്‌ മൂന്ന്‌ ലേഖനങ്ങൾ എങ്കിലും—എഫെസ്യർക്കും കൊ​ലൊ​സ്സ്യർക്കും ഫിലേ​മോ​നും ഉള്ള ഓരോ ലേഖനങ്ങൾ—തിഹി​ക്കൊ​സും ഒനേസി​മൊ​സും കൂടെ കൊണ്ടു​പോ​യി. കൊ​ലൊ​സ്സ്യ​യിൽനിന്ന്‌ ഏകദേശം 18 കിലോ​മീ​റ്റർ അകലെ​യുള്ള ഒരു ലവോ​ദി​ക്യ നഗരത്തി​ലെ സഭയ്‌ക്കും ഒരു ലേഖനം കൊടു​ത്ത​യ​ച്ചി​രു​ന്നി​രി​ക്കാം.—എഫെസ്യർ 6:21; കൊ​ലൊ​സ്സ്യർ 4:7-9, 16; ഫിലേ​മോൻ 10-12.

തിഹി​ക്കൊസ്‌ വെറും ഒരു തപാലു​കാ​രൻ ആയിരു​ന്നില്ല. അവൻ ആശ്രയ​യോ​ഗ്യ​നായ ഒരു സ്വകാര്യ സന്ദേശ​വാ​ഹകൻ ആയിരു​ന്നു. കാരണം പൗലൊസ്‌ എഴുതി: “എന്റെ അവസ്ഥ ഒക്കെയും കർത്താ​വിൽ പ്രിയ​സ​ഹോ​ദ​ര​നും വിശ്വ​സ്‌ത​ശു​ശ്രൂ​ഷ​ക​നും സഹഭൃ​ത്യ​നു​മായ തിഹി​ക്കൊസ്‌ നിങ്ങ​ളോ​ടു അറിയി​ക്കും. നിങ്ങൾ ഞങ്ങളുടെ അവസ്ഥ അറിവാ​നും അവൻ നിങ്ങളു​ടെ ഹൃദയ​ങ്ങളെ ആശ്വസി​പ്പി​പ്പാ​നു​മാ​യി ഞാൻ അവനെ . . . നിങ്ങളു​ടെ അടുക്കൽ അയച്ചി​രി​ക്കു​ന്നു.”—കൊ​ലൊ​സ്സ്യർ 4:7-9.

ഒരു ലേഖനം കൊണ്ടു​പോ​കുന്ന ആൾ “മിക്ക​പ്പോ​ഴും എഴുത്തു​കാ​ര​ന്റെ​യും സ്വീകർത്താ​ക്ക​ളു​ടെ​യും ഇടയിലെ ലിഖിത കണ്ണിക്കു പുറ​മെ​യുള്ള ഒരു സ്വകാര്യ കണ്ണിയാ​യി​രു​ന്നു. . . . ആശ്രയ​യോ​ഗ്യ​നായ ഒരാൾ ആവശ്യ​മാ​യി​രു​ന്ന​തി​ന്റെ [ഒരു കാരണം] അയാൾ മിക്ക​പ്പോ​ഴും കൂടു​ത​ലായ വിവരങ്ങൾ വഹിച്ചി​രു​ന്നു എന്നതാണ്‌. ഒരു ലേഖനം, എഴുത്തു​കാ​രന്റെ കൂടെ​ക്കൂ​ടെ​യുള്ള വിലയി​രു​ത്ത​ലോ​ടെ ഒരു സാഹച​ര്യം ചുരുക്കി വിവരി​ച്ചേ​ക്കാം, എന്നാൽ അതു കൊണ്ടു​പോ​കുന്ന ആൾ സ്വീകർത്താ​വി​നു വേണ്ടി എല്ലാ വിശദാം​ശ​ങ്ങ​ളും വിവരി​ക്കാൻ പ്രതീ​ക്ഷി​ക്ക​പ്പെ​ടു​ന്നു” എന്ന്‌ പണ്ഡിത​നായ ഇ. റാൻഡോൾഫ്‌ റിച്ചാ​ഡ്‌സ്‌ ചൂണ്ടി​ക്കാ​ട്ടു​ന്നു. പഠിപ്പി​ക്ക​ലു​ക​ളും അടിയ​ന്തിര പ്രാധാ​ന്യ​മുള്ള കാര്യ​ങ്ങ​ളും ഒരു ലേഖന​ത്തിൽ പ്രതി​പാ​ദി​ച്ചേ​ക്കാം എങ്കിലും മറ്റു കാര്യങ്ങൾ ആശ്രയ​യോ​ഗ്യ​നായ സന്ദേശ​വാ​ഹ​ക​നി​ലൂ​ടെ വാമൊ​ഴി​യാ​യി കൈമാ​റു​മാ​യി​രു​ന്നു.

എഫെസ്യർക്കും കൊ​ലൊ​സ്സ്യർക്കും ഫിലേ​മോ​നും ഉള്ള ലേഖനങ്ങൾ, പൗലൊസ്‌ കഴിഞ്ഞു​കൂ​ടി​യി​രു​ന്നത്‌ എങ്ങനെ​യെ​ന്നതു സംബന്ധിച്ച്‌ ഒന്നും തന്നെ പറയു​ന്നില്ല. അതു​കൊണ്ട്‌, റോമി​ലെ പൗലൊ​സി​ന്റെ അവസ്ഥ വിശദീ​ക​രി​ച്ചു​കൊണ്ട്‌ തിഹി​ക്കൊസ്‌ വ്യക്തി​പ​ര​മായ വിവരങ്ങൾ പകർന്നു കൊടു​ക്ക​ണ​മാ​യി​രു​ന്നു. തന്നെയു​മല്ല, അവർക്കു പ്രോ​ത്സാ​ഹ​ന​മേ​കാൻ കഴിയ​ത്ത​ക്ക​വി​ധം പ്രസ്‌തുത സഭകളി​ലെ സാഹച​ര്യ​ങ്ങൾ അവൻ നന്നായി ഗ്രഹി​ക്കു​ക​യും ചെയ്യണ​മാ​യി​രു​ന്നു. അയയ്‌ക്കുന്ന വ്യക്തിയെ വിശ്വ​സ്‌ത​മാ​യി പ്രതി​നി​ധീ​ക​രി​ക്കു​മെന്ന്‌ ഉറപ്പുള്ള ഒരുവനെ മാത്രമേ ഇത്തരം സന്ദേശ​ങ്ങ​ളും ഉത്തരവാ​ദി​ത്വ​ങ്ങ​ളും ഭരമേൽപ്പി​ച്ചി​രു​ന്നു​ള്ളൂ. തിഹി​ക്കൊസ്‌ അത്തരം ഒരു മനുഷ്യൻ ആയിരു​ന്നു.

വിദൂരസ്ഥ നിയമ​ന​ങ്ങ​ളിൽ മേൽനോ​ട്ടം

റോമി​ലെ വീട്ടു​ത​ട​ങ്ക​ലിൽനി​ന്നു മോചി​ത​നായ ശേഷം പൗലൊസ്‌ തിഹി​ക്കൊ​സി​നെ​യോ അർത്തെ​മാ​സി​നെ​യോ ക്രേത്താ ദ്വീപിൽ തീത്തൊ​സി​ന്റെ അടുക്കൽ അയയ്‌ക്കു​ന്ന​തി​നെ കുറിച്ച്‌ ചിന്തിച്ചു. (തീത്തൊസ്‌ 1:5; 3:12) റോമി​ലെ തന്റെ രണ്ടാമത്തെ തടങ്കലി​ന്റെ സമയത്ത്‌ (സാധ്യ​ത​യ​നു​സ​രിച്ച്‌ ഏകദേശം പൊ.യു. 65-ൽ) പൗലൊസ്‌ അപ്പൊ​സ്‌തലൻ തിഹി​ക്കൊ​സി​നെ വീണ്ടും എഫെ​സൊ​സി​ലേക്ക്‌ അയച്ചു. തിമൊ​ഥെ​യൊ​സി​ന്റെ സ്ഥാനം ഏറ്റെടു​ക്കാ​നും അങ്ങനെ തിമൊ​ഥെ​യൊ​സിന്‌ പൗലൊ​സി​ന്റെ അടുത്തു വരാനും കഴി​യേ​ണ്ട​തിന്‌ ആയിരു​ന്നി​രി​ക്കാം അത്‌.—2 തിമൊ​ഥെ​യൊസ്‌ 4:9, 12.

ആ സമയത്തു തിഹി​ക്കൊസ്‌ രണ്ടു സ്ഥലത്തേ​ക്കും, അതായതു ക്രേത്ത​യി​ലേ​ക്കും എഫെ​സൊ​സി​ലേ​ക്കും പോയോ എന്നതു വ്യക്തമല്ല. എന്നിരു​ന്നാ​ലും അവൻ പൗലൊസ്‌ അപ്പൊ​സ്‌ത​ലന്റെ ശുശ്രൂ​ഷ​യു​ടെ അവസാന വർഷങ്ങൾവരെ അവന്റെ അടുത്ത സഹകാ​രി​ക​ളിൽ ഒരുവൻ ആയിരു​ന്നു​വെന്ന്‌ ഇതു​പോ​ലുള്ള വിവര​ണങ്ങൾ സൂചി​പ്പി​ക്കു​ന്നു. ഉത്തരവാ​ദി​ത്വ​പൂർണ​വും ഒരുപക്ഷേ ആയാസ​ക​ര​വു​മായ ദൗത്യ​ങ്ങൾക്കാ​യി തിമൊ​ഥെ​യൊ​സി​നും തീത്തൊ​സി​നും പകരം തിഹി​ക്കൊ​സി​നെ അയയ്‌ക്കു​ന്ന​തി​നെ കുറിച്ചു പൗലൊസ്‌ ചിന്തി​ച്ച​തി​നാൽ, അവൻ പക്വത​യുള്ള ഒരു ക്രിസ്‌തീയ മേൽവി​ചാ​രകൻ ആയിത്തീർന്നി​രു​ന്നു എന്നു വ്യക്തമാണ്‌. (1 തിമൊ​ഥെ​യൊസ്‌ 1:3, 4-ഉം തീത്തൊസ്‌ 1:10-13-ഉം താരത​മ്യം ചെയ്യുക.) യാത്ര ചെയ്യാ​നും വിദൂരസ്ഥ നിയമ​നങ്ങൾ ഏറ്റെടു​ക്കാ​നു​മുള്ള മനസ്സൊ​രു​ക്കം അവനെ പൗലൊ​സി​നും മുഴു ക്രിസ്‌തീയ സഭയ്‌ക്കും പ്രയോ​ജനം ഉള്ളവനാ​ക്കി.

ആത്മത്യാ​ഗി​ക​ളാ​യ ക്രിസ്‌ത്യാ​നി​കൾ ഇന്ന്‌ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകളിൽ ദൈവത്തെ മനസ്സൊ​രു​ക്ക​ത്തോ​ടെ സേവി​ക്കു​ക​യോ മറ്റ്‌ എവി​ടെ​യെ​ങ്കി​ലും രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കാ​നാ​യി തങ്ങളെ​ത്തന്നെ ലഭ്യമാ​ക്കു​ക​യോ ചെയ്യുന്നു. മിഷന​റി​മാർ, സഞ്ചാര മേൽവി​ചാ​ര​ക​ന്മാർ, നിർമാണ പദ്ധതി​ക​ളി​ലെ രാജ്യാ​ന്തര സേവക​ന്മാർ എന്നീ നിലക​ളി​ലോ വാച്ച്‌ ടവർ സൊ​സൈ​റ്റി​യു​ടെ ലോക ആസ്ഥാന​ത്തോ അതിന്റെ ബ്രാഞ്ച്‌ ഓഫീ​സു​ക​ളിൽ ഒന്നിലോ ആയിരങ്ങൾ സന്തോ​ഷ​പൂർവം നിയമ​നങ്ങൾ സ്വീക​രി​ച്ചി​രി​ക്കു​ന്നു. തിഹി​ക്കൊ​സി​നെ​പ്പോ​ലെ അവർ പുറമേ ശ്രദ്ധി​ക്ക​പ്പെ​ടു​ന്ന​വരല്ല. എന്നാൽ അവർ കഠിനാ​ധ്വാ​നി​ക​ളാണ്‌. ദൈവ​ത്തി​നു പ്രിയ​പ്പെ​ട്ട​വ​രും ‘കർത്താ​വിൽ’ ആശ്രയ​യോ​ഗ്യ​രായ ‘സഹഭൃ​ത്യ​ന്മാർ’ എന്ന നിലയിൽ മറ്റു ക്രിസ്‌ത്യാ​നി​കൾ സ്‌നേ​ഹി​ക്കു​ന്ന​വ​രു​മായ “വിശ്വ​സ്‌ത​ശു​ശ്രൂ​ഷക”രാണ്‌ അവർ.