‘സത്യം നിങ്ങളെ സ്വത​ന്ത്ര​രാ​ക്കും’

‘നിങ്ങൾ സത്യം അറിക​യും സത്യം നിങ്ങളെ സ്വത​ന്ത്ര​ന്മാ​രാ​ക്കു​ക​യും ചെയ്യും.’ യെരൂ​ശ​ലേം ദേവാ​ല​യ​ത്തിൽ വെച്ച്‌ ജനക്കൂ​ട്ടത്തെ പഠിപ്പി​ക്കവേ യേശു അപ്രകാ​രം പ്രഖ്യാ​പി​ച്ചു. (യോഹ​ന്നാൻ 8:32) ആ സത്യം യേശു​വി​ന്റെ പഠിപ്പി​ക്ക​ലു​കൾ ആണെന്ന്‌ അവന്റെ അപ്പൊ​സ്‌ത​ല​ന്മാർക്ക്‌ ഉടൻതന്നെ മനസ്സി​ലാ​ക്കാൻ കഴിഞ്ഞു. തങ്ങളുടെ ഗുരു​വി​ന്റെ ദിവ്യ ഉത്ഭവത്തി​ന്റെ ധാരാളം തെളി​വു​കൾ അവർ കണ്ടിരു​ന്നു.

എന്നാൽ യേശു പറഞ്ഞ ആ സത്യം തിരി​ച്ച​റി​യാൻ ഇക്കാലത്തു ചിലർക്കു ബുദ്ധി​മുട്ട്‌ ഉണ്ടായി​രി​ക്കാം. “തിന്മെക്കു നന്മ എന്നും നന്മെക്കു തിന്മ എന്നും പേർ പറകയും ഇരുട്ടി​നെ വെളി​ച്ച​വും വെളി​ച്ചത്തെ ഇരുട്ടും ആക്കുക​യും കൈപ്പി​നെ മധുര​വും മധുരത്തെ കൈപ്പും ആക്കുക​യും ചെയ്യു​ന്നവർ” യെശയ്യാ​വി​ന്റെ കാല​ത്തെ​ന്ന​പോ​ലെ ഇന്നുമുണ്ട്‌. (യെശയ്യാ​വു 5:20) ഇന്ന്‌ അസംഖ്യം അഭി​പ്രാ​യ​ങ്ങ​ളും തത്ത്വചി​ന്ത​ക​ളും ജീവിത രീതി​ക​ളും പ്രോ​ത്സാ​ഹി​പ്പി​ക്ക​പ്പെ​ടു​ന്ന​തി​നാൽ സർവതും ആപേക്ഷി​ക​മാ​ണെ​ന്നും സത്യം എന്നൊന്ന്‌ ഇല്ലെന്നും അനേകർ വിചാ​രി​ക്കു​ന്നു.

യേശു തന്റെ സദസ്സി​നോട്‌ സത്യം അവരെ സ്വത​ന്ത്ര​ന്മാ​രാ​ക്കു​മെന്നു പറഞ്ഞ​പ്പോൾ, “ഞങ്ങൾ അബ്രാ​ഹാ​മി​ന്റെ സന്തതി; ആർക്കും ഒരുനാ​ളും ദാസൻമാ​രാ​യി​രു​ന്നി​ട്ടില്ല; നിങ്ങൾ സ്വത​ന്ത്ര​ന്മാർ ആകും എന്നു നീ പറയു​ന്നതു എങ്ങനെ” എന്നായി​രു​ന്നു അവരുടെ പ്രതി​ക​രണം. (യോഹ​ന്നാൻ 8:33) തങ്ങളെ സ്വത​ന്ത്ര​ന്മാ​രാ​ക്കാൻ ആരു​ടെ​യെ​ങ്കി​ലും അല്ലെങ്കിൽ എന്തി​ന്റെ​യെ​ങ്കി​ലും ആവശ്യ​മു​ണ്ടെന്ന്‌ അവർക്കു തോന്നി​യില്ല. എന്നാൽ യേശു ഇങ്ങനെ വിശദീ​ക​രി​ച്ചു: “ആമേൻ, ആമേൻ, ഞാൻ നിങ്ങ​ളോ​ടു പറയുന്നു: പാപം ചെയ്യു​ന്നവൻ എല്ലാം പാപത്തി​ന്റെ ദാസൻ ആകുന്നു.” (യോഹ​ന്നാൻ 8:34) യേശു പറഞ്ഞ സത്യത്തിന്‌ പാപത്തിൽനി​ന്നു സ്വാത​ന്ത്ര്യ​ത്തി​ലേ​ക്കുള്ള വഴി തുറക്കാൻ കഴിയും. അവൻ പറഞ്ഞു: “പുത്രൻ നിങ്ങൾക്കു സ്വാത​ന്ത്ര്യം വരുത്തി​യാൽ നിങ്ങൾ സാക്ഷാൽ സ്വതന്ത്രർ ആകും.” (യോഹ​ന്നാൻ 8:36) അതു​കൊണ്ട്‌ ആളുകളെ സ്വത​ന്ത്ര​രാ​ക്കുന്ന സത്യം, ദൈവ​പു​ത്ര​നായ യേശു​ക്രി​സ്‌തു​വി​നെ കുറി​ച്ചുള്ള സത്യമാണ്‌. യേശു​വി​ന്റെ പൂർണ മാനുഷ ജീവന്റെ ബലിയി​ലുള്ള വിശ്വാ​സ​ത്താൽ മാത്രമേ ഒരുവനു പാപത്തിൽനി​ന്നും മരണത്തിൽനി​ന്നും സ്വത​ന്ത്ര​നാ​കാൻ കഴിയൂ.

മറ്റൊരു അവസര​ത്തിൽ യേശു പറഞ്ഞു: “സത്യത്താൽ അവരെ വിശു​ദ്ധീ​ക​രി​ക്കേ​ണമേ; നിന്റെ വചനം സത്യം ആകുന്നു.” (യോഹ​ന്നാൻ 17:17) ബൈബി​ളിൽ കൊടു​ത്തി​രി​ക്കുന്ന പ്രകാ​ര​മുള്ള ദൈവ​ത്തി​ന്റെ മൊഴി​ക​ളാണ്‌ അന്ധവി​ശ്വാ​സ​ത്തിൽ നിന്നും വ്യാജ ആരാധ​ന​യിൽ നിന്നും സ്വാത​ന്ത്ര്യം കൈവ​രു​ത്താൻ കഴിയുന്ന സത്യം. ബൈബി​ളിൽ യേശു​ക്രി​സ്‌തു​വി​നെ കുറി​ച്ചുള്ള സത്യം അടങ്ങി​യി​രി​ക്കു​ന്നു. അവനിൽ വിശ്വാ​സം അർപ്പി​ക്കു​ന്ന​തി​ലേക്ക്‌ അത്‌ ആളുകളെ നയിക്കു​ക​യും ഭാവി സംബന്ധിച്ച ഒരു ശോഭ​ന​മായ പ്രത്യാ​ശ​യി​ലേ​ക്കുള്ള വഴി തുറക്കു​ക​യും ചെയ്യുന്നു. ദൈവ​വ​ച​ന​ത്തി​ലെ സത്യം അറിയു​ന്നത്‌ ഒരു മഹത്തായ കാര്യ​മാണ്‌!

സത്യം അറിയു​ന്നത്‌ എത്ര മർമ​പ്ര​ധാ​ന​മാണ്‌? ബൈബി​ളി​നെ പിൻപ​റ്റു​ന്നു എന്ന്‌ അവകാ​ശ​പ്പെ​ടു​ന്നു​ണ്ടെ​ങ്കി​ലും ഇന്നത്തെ അനേകം മതങ്ങളും മാനുഷ തത്ത്വശാ​സ്‌ത്ര​ങ്ങ​ളാ​ലും പാരമ്പ​ര്യ​ങ്ങ​ളാ​ലും ഏറെ സ്വാധീ​നി​ക്ക​പ്പെ​ടു​ന്നു. മിക്ക​പ്പോ​ഴും, മതനേ​താ​ക്ക​ന്മാർക്ക്‌ തങ്ങളുടെ സന്ദേശ​ത്തി​ന്റെ കൃത്യ​ത​യെ​ക്കാൾ ജനങ്ങളു​ടെ അംഗീ​കാ​ര​ത്തി​ലാണ്‌ താത്‌പ​ര്യ​മെന്നു തോന്നു​ന്നു. ആത്മാർഥത ഉള്ളട​ത്തോ​ളം കാലം ഏതു രൂപത്തി​ലുള്ള ആരാധ​ന​യും ദൈവ​ത്തി​നു തൃപ്‌തി​ക​ര​മാ​ണെന്നു ചിലർ വിചാ​രി​ക്കു​ന്നു. എന്നാൽ യേശു​ക്രി​സ്‌തു വിശദീ​ക​രി​ച്ചു: “സത്യന​മ​സ്‌കാ​രി​കൾ പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കുന്ന നാഴിക വരുന്നു; ഇപ്പോൾ വന്നുമി​രി​ക്കു​ന്നു. തന്നേ നമസ്‌ക​രി​ക്കു​ന്നവർ ഇങ്ങനെ​യു​ള്ളവർ ആയിരി​ക്കേണം എന്നു പിതാവു ഇച്ഛിക്കു​ന്നു.”—യോഹ​ന്നാൻ 4:23.

ദൈവത്തെ സ്വീകാ​ര്യ​മായ വിധത്തിൽ ആരാധി​ക്കാൻ ആഗ്രഹി​ക്കു​ന്നെ​ങ്കിൽ നാം സത്യം അറിഞ്ഞി​രി​ക്കണം. ഇത്‌ ഒരു പ്രധാ​ന​പ്പെട്ട സംഗതി​യാണ്‌. നമ്മുടെ നിത്യ സന്തുഷ്ടി അതിനെ ആശ്രയി​ച്ചാ​ണി​രി​ക്കു​ന്നത്‌. അതു​കൊണ്ട്‌, ഓരോ​രു​ത്ത​രും സ്വയം ഇങ്ങനെ ചോദി​ക്കണം: ‘എന്റെ ആരാധനാ രീതി ദൈവ​ത്തി​നു സ്വീകാ​ര്യ​മാ​ണോ? ദൈവ​വചന സത്യം പഠിക്കാൻ എനിക്ക്‌ ആത്മാർഥ​മായ താത്‌പ​ര്യ​മു​ണ്ടോ? അല്ലെങ്കിൽ, ശ്രദ്ധാ​പൂർവ​ക​മായ ഒരു അന്വേ​ഷണം എന്തു വെളി​പ്പെ​ടു​ത്തി​യേ​ക്കാം എന്നതിനെ ഞാൻ ഭയപ്പെ​ടു​ന്നു​വോ?’