ആത്മീയ പുരോ​ഗതി വരുത്തു​ന്ന​തിൽ തുടരുക!

ഓർത്തിരിക്കുകയും വിലമ​തി​ക്കു​ക​യും ചെയ്യേണ്ട ഒന്നാണ്‌ നാം സ്‌നാ​പ​ന​മേറ്റ ദിവസം. ദൈവത്തെ സേവി​ക്കു​ന്ന​തി​നുള്ള നമ്മുടെ സമർപ്പ​ണ​ത്തി​നു പരസ്യ സാക്ഷ്യം നൽകിയ ദിവസ​മാ​ണ​ല്ലോ അത്‌.

പലരെ​യും സംബന്ധി​ച്ചി​ട​ത്തോ​ളം ആ പടിയി​ലെ​ത്താൻ വലിയ ശ്രമങ്ങൾതന്നെ നടത്തേണ്ടി വന്നിട്ടുണ്ട്‌—ദീർഘ​കാ​ലം ഉണ്ടായി​രുന്ന മോശ​മായ ശീലങ്ങൾ ഒഴിവാ​ക്കുക, ചീത്ത സുഹൃ​ത്തു​ക്ക​ളു​മാ​യുള്ള ബന്ധം അവസാ​നി​പ്പി​ക്കുക, ആഴത്തിൽ മുദ്രി​ത​മായ ചിന്താ​രീ​തി​യും പെരു​മാ​റ്റ​വും മാറ്റി​യെ​ടു​ക്കുക തുടങ്ങി​യ​വ​യൊ​ക്കെ അതിൽ പെടുന്നു.

ഒരു ക്രിസ്‌ത്യാ​നി​യു​ടെ ജീവി​ത​ത്തിൽ സ്‌നാ​പനം സന്തോ​ഷ​ക​ര​വും സുപ്ര​ധാ​ന​വു​മായ ഒരു പടിയാ​ണെ​ങ്കി​ലും, അത്‌ വെറു​മൊ​രു തുടക്കം മാത്ര​മാണ്‌. യഹൂദ്യ​യി​ലെ സ്‌നാ​പ​ന​മേറ്റ ക്രിസ്‌ത്യാ​നി​ക​ളോ​ടു പൗലൊസ്‌ അപ്പൊ​സ്‌തലൻ ഇങ്ങനെ പറഞ്ഞു: “അതു​കൊ​ണ്ടു നമുക്കു ക്രിസ്‌തു​വി​ന്റെ തത്ത്വങ്ങ​ളു​ടെ ബാലപാ​ഠങ്ങൾ വിട്ടു പക്വത​യി​ലേക്കു നീങ്ങാം.” (എബ്രായർ 6:1, ഓശാന ബൈബിൾ) അതേ, ക്രിസ്‌ത്യാ​നി​കൾ എല്ലാവ​രും “വിശ്വാ​സ​ത്തി​ലും ദൈവ​പു​ത്ര​നെ​ക്കു​റി​ച്ചുള്ള പരിജ്ഞാ​ന​ത്തി​ലു​മുള്ള ഐക്യ​ത​യും തികഞ്ഞ പുരു​ഷ​ത്വ​വും ക്രിസ്‌തു​വി​ന്റെ സമ്പൂർണ്ണ​ത​യായ പ്രായ​ത്തി​ന്റെ അളവും പ്രാപി”ക്കേണ്ടതുണ്ട്‌. (എഫെസ്യർ 4:13) പക്വത​യി​ലേക്കു പുരോ​ഗ​മി​ക്കു​ന്ന​തി​നാൽ മാത്രമേ “വിശ്വാ​സ​ത്തിൽ ഉറച്ച”വരായി​രി​ക്കാൻ നമുക്കു കഴിയൂ.—കൊ​ലൊ​സ്സ്യർ 2:7, NW.

കഴിഞ്ഞ ഏതാനും വർഷങ്ങ​ളാ​യി, പുതു​താ​യി സ്‌നാ​പ​ന​മേറ്റ ലക്ഷക്കണ​ക്കിന്‌ ആളുകൾ ക്രിസ്‌തീയ സഭയി​ലേക്കു വന്നിട്ടുണ്ട്‌. ഒരുപക്ഷേ നിങ്ങളും അവരിൽ ഒരാൾ ആയിരി​ക്കാം. ഒന്നാം നൂറ്റാ​ണ്ടി​ലെ നിങ്ങളു​ടെ സഹോ​ദ​ര​ങ്ങ​ളെ​പ്പോ​ലെ, ആത്മീയ ശൈശ​വ​ത്തിൽ കഴിയാൻ നിങ്ങൾ ആഗ്രഹി​ക്കു​ന്നില്ല. വളരാൻ, അഭിവൃ​ദ്ധി പ്രാപി​ക്കാൻ നിങ്ങൾ ആഗ്രഹി​ക്കു​ന്നു! എന്നാൽ എങ്ങനെ? നിങ്ങൾക്ക്‌ അത്തരം പുരോ​ഗതി കൈവ​രി​ക്കാൻ കഴിയുന്ന ചില വിധങ്ങൾ ഏതാണ്‌?

വ്യക്തി​പ​ര​മായ പഠനത്തി​ലൂ​ടെ പുരോ​ഗ​മി​ക്കൽ

പൗലൊസ്‌ ഫിലി​പ്പി​യി​ലെ ക്രിസ്‌ത്യാ​നി​ക​ളോട്‌ ഇങ്ങനെ പറഞ്ഞു: ‘നിങ്ങളു​ടെ സ്‌നേഹം മേല്‌ക്കു​മേൽ [സൂക്ഷ്‌മ] പരിജ്ഞാ​ന​ത്തി​ലും സകലവി​വേ​ക​ത്തി​ലും വർദ്ധി​ച്ചു​വ​രാൻ എന്നും ഞാൻ പ്രാർത്ഥി​ക്കു​ന്നു.’ (ഫിലി​പ്പി​യർ 1:9) “സൂക്ഷ്‌മ പരിജ്ഞാന”ത്തിൽ വളരു​ന്നത്‌ ആത്മീയ പുരോ​ഗ​തി​ക്കു നിർണാ​യ​ക​മാണ്‌. ‘യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം നേടു​ന്നത്‌’ സ്‌നാ​പ​ന​ത്തി​നു ശേഷം നിലച്ചു​പോ​കുന്ന ഒരു പ്രക്രിയ അല്ല, മറിച്ച്‌ അനവരതം തുടരുന്ന ഒന്നാണ്‌.—യോഹ​ന്നാൻ 17:3.

ഒരു ക്രിസ്‌തീയ സഹോ​ദ​രി​യു​ടെ കാര്യം നോക്കുക. നമുക്ക്‌ അവളെ അലക്‌സാൻഡ്ര എന്നു വിളി​ക്കാം. 16-ാമത്തെ വയസ്സിൽ സ്‌നാ​പ​ന​മേറ്റ അവൾ പത്തു വർഷം കഴിഞ്ഞാണ്‌ ഇതു മനസ്സി​ലാ​ക്കി​യത്‌. സത്യത്തിൽ വളർന്നു​വന്ന അവൾ പതിവാ​യി ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ക​യും പ്രസംഗ വേലയിൽ പങ്കെടു​ക്കു​ക​യും ചെയ്യു​മാ​യി​രു​ന്നു. അവൾ എഴുതു​ന്നു: “എവി​ടെ​യോ കാര്യ​മായ കുഴപ്പ​മു​ണ്ടെന്നു കഴിഞ്ഞ ഏതാനും മാസം​കൊണ്ട്‌ ഞാൻ മനസ്സി​ലാ​ക്കി. എന്നെത്ത​ന്നെ​യും സത്യ​ത്തോ​ടുള്ള എന്റെ മനോ​ഭാ​വ​ത്തെ​യും ഞാൻ ഇപ്പോ​ഴും സത്യത്തിൽ ആയിരി​ക്കു​ന്ന​തി​ന്റെ കാരണ​ത്തെ​യും സത്യസ​ന്ധ​മാ​യി വിലയി​രു​ത്തി നോക്കാൻ ഞാൻ തീരു​മാ​നി​ച്ചു.” തത്‌ഫ​ല​മാ​യി എന്താണു കണ്ടെത്തി​യത്‌? അവൾ തുടരു​ന്നു: “ഞാൻ സത്യത്തിൽ ആയിരി​ക്കു​ന്ന​തി​ന്റെ കാരണങ്ങൾ എന്നെ അസ്വസ്ഥ​യാ​ക്കു​ന്ന​താ​യി​രു​ന്നു. ചെറുപ്പം ആയിരു​ന്ന​പ്പോൾ യോഗ​ങ്ങൾക്കും വയൽ സേവന​ത്തി​നും ഞാൻ ഊന്നൽ കൊടു​ത്തി​രു​ന്ന​താ​യി ഓർത്തു. പിന്നെ വ്യക്തി​പ​ര​മാ​യി പഠിക്കു​ക​യും പ്രാർഥി​ക്കു​ക​യും ചെയ്യുന്ന ശീലങ്ങൾ എങ്ങനെ​യോ തുടങ്ങി. എന്നാൽ, ഞാൻ എന്റെ അവസ്ഥ വിശക​ലനം ചെയ്‌ത​പ്പോൾ, അത്തരം സംഗതി​കൾ ഇപ്പോൾ ഇല്ലാത്ത​താ​യി ഞാൻ മനസ്സി​ലാ​ക്കി.”

പൗലൊസ്‌ അപ്പൊ​സ്‌തലൻ ഇങ്ങനെ ഉദ്‌ബോ​ധി​പ്പി​ക്കു​ന്നു: “നാം പുരോ​ഗതി പ്രാപി​ച്ചി​രി​ക്കുന്ന അളവി​നൊ​ത്ത​വണ്ണം, അതേ ചര്യയിൽ ക്രമമാ​യി നടക്കു​ന്ന​തിൽ നമുക്കു തുടരാം.” (ഫിലി​പ്പി​യർ 3:16, NW) ഒരു ചര്യയ്‌ക്കു മുന്നോ​ട്ടുള്ള പ്രയാ​ണ​ത്തി​ന്റെ ഗതി നിർണ​യി​ക്കാൻ സാധി​ക്കും. നിങ്ങളു​ടെ സ്‌നാ​പ​ന​ത്തി​നു മുമ്പ്‌, നല്ല യോഗ്യ​ത​യുള്ള ഒരു അധ്യാ​പകൻ നിങ്ങൾക്കു വാരം​തോ​റും ക്രമമാ​യി ബൈബിൾ അധ്യയനം എടുത്തി​രു​ന്നു എന്നതിനു സംശയ​മില്ല. നിങ്ങളു​ടെ വിലമ​തി​പ്പു വർധി​ച്ചു​വ​ന്ന​തോ​ടെ, പരാമർശി​ച്ചി​രി​ക്കുന്ന വാക്യങ്ങൾ ബൈബി​ളിൽനിന്ന്‌ എടുത്തു​നോ​ക്കി​ക്കൊണ്ട്‌ അതതു വാര​ത്തേക്കു മുന്നമേ തയ്യാറാ​കു​ന്നതു പോലുള്ള കാര്യങ്ങൾ നിങ്ങൾ ആ ചര്യയിൽ ഉൾപ്പെ​ടു​ത്തി​യി​രു​ന്നു. ഇപ്പോൾ നിങ്ങൾ സ്‌നാ​പ​ന​മേ​റ്റി​രി​ക്കുന്ന സ്ഥിതിക്ക്‌ ‘അതേ ചര്യയിൽ നടക്കു​ന്ന​തിൽ’ തുടരു​ന്നു​ണ്ടോ?

ഇല്ലെങ്കിൽ, നിങ്ങൾ ഇപ്പോൾ ‘കൂടുതൽ പ്രാധാ​ന്യ​മുള്ള സംഗതി​കൾ തിട്ട​പ്പെ​ടു​ത്തി​ക്കൊണ്ട്‌’ നിങ്ങളു​ടെ മുൻഗ​ണ​നകൾ പരി​ശോ​ധി​ക്കേ​ണ്ട​തുണ്ട്‌. (ഫിലി​പ്പി​യർ 1:10, NW) നമ്മുടെ തിരക്കിട്ട ജീവി​ത​ത്തിൽ വ്യക്തി​പ​ര​മായ ബൈബിൾ വായന​യ്‌ക്കും പഠനത്തി​നും സമയം മാറ്റി​വെ​ക്കു​ന്ന​തിന്‌ ആത്മനി​യ​ന്ത്രണം ആവശ്യ​മാണ്‌. എന്നാൽ ശ്രമത്തി​നു​തക്ക മൂല്യ​മു​ള്ള​താ​യി​രി​ക്കും അതിന്റെ പ്രയോ​ജ​ന​ങ്ങ​ളും. അലക്‌സാൻഡ്ര​യു​ടെ അനുഭവം വീണ്ടും പരിചി​ന്തി​ക്കാം. അവൾ ഇങ്ങനെ സമ്മതി​ക്കു​ന്നു: “യാന്ത്രി​ക​മാ​യി യോഗ​ങ്ങ​ളിൽ സംബന്ധി​ക്കു​ക​യും വയൽ ശുശ്രൂ​ഷ​യിൽ പങ്കെടു​ക്കു​ക​യും ചെയ്‌തു​കൊണ്ട്‌ 20 വർഷ​ത്തോ​ളം ഞാൻ സത്യത്തിൽ ചെലവ​ഴി​ച്ചു എന്നു പറയേ​ണ്ടി​യി​രി​ക്കു​ന്നു.” എന്നിരു​ന്നാ​ലും, അവൾ തുടരു​ന്നു: “അവ പ്രധാ​ന​മാ​ണെ​ങ്കി​ലും സംഗതി​കൾ ദുഷ്‌ക​ര​മാ​കാൻ തുടങ്ങു​മ്പോൾ അവയ്‌ക്കു മാത്രം എന്നെ നിലനിർത്താ​നാ​വില്ല എന്ന നിഗമ​ന​ത്തിൽ ഞാൻ എത്തി​ച്ചേർന്നി​രി​ക്കു​ന്നു. എന്റെ വ്യക്തിഗത പഠന ശീലങ്ങൾ ഫലത്തിൽ ഇല്ലാതാ​വു​ക​യും പ്രാർഥ​നകൾ വല്ലപ്പോ​ഴു​മു​ള്ള​തും ഉപരി​പ്ല​വ​വും ആയിത്തീ​രു​ക​യും ചെയ്‌ത​തി​നാൽ അവ കൂടുതൽ പ്രയാ​സ​ക​ര​മാ​യി അനുഭ​വ​പ്പെ​ടു​ന്നു. യഹോ​വയെ ശരിക്കും അടുത്ത​റി​യാ​നും അവനെ സ്‌നേ​ഹി​ക്കാ​നും അവന്റെ പുത്രൻ നമുക്കു തന്നിരി​ക്കു​ന്ന​തി​നെ വിലമ​തി​ക്കാ​നും കഴി​യേ​ണ്ട​തിന്‌ എന്റെ ചിന്തയിൽ പൊരു​ത്ത​പ്പെ​ടു​ത്തൽ വരുത്തു​ക​യും അർഥവ​ത്തായ ഒരു പഠന പരിപാ​ടി ആരംഭി​ക്കു​ക​യും ചെയ്യണ​മെന്നു ഞാൻ തിരി​ച്ച​റി​യു​ന്നു.”

ആരോ​ഗ്യ​ക​ര​മാ​യ ഒരു വ്യക്തിഗത പഠന​ക്രമം സ്ഥാപി​ക്കു​ന്ന​തിൽ നിങ്ങൾക്കു സഹായം ആവശ്യ​മാ​ണെ​ങ്കിൽ, സഭയിലെ മൂപ്പന്മാ​രും പക്വത​യുള്ള മറ്റുള്ള​വ​രും നിങ്ങളെ സഹായി​ക്കു​ന്ന​തിൽ സന്തോ​ഷ​മു​ള്ളവർ ആയിരി​ക്കും. കൂടു​ത​ലാ​യി, വീക്ഷാ​ഗോ​പു​ര​ത്തി​ന്റെ മേയ്‌ 1 1995; ആഗസ്റ്റ്‌ 15, 1993; ജൂൺ 1, 1987 എന്നീ ലക്കങ്ങളിൽ സഹായ​ക​മായ കൂടുതൽ നിർദേ​ശങ്ങൾ കാണാം.

ദൈവ​ത്തോട്‌ അടുത്തു​വ​രേ​ണ്ട​തി​ന്റെ ആവശ്യം

അഭിവൃ​ദ്ധി വരുത്താൻ നിങ്ങൾ ശ്രമി​ക്കേണ്ട മറ്റൊരു മണ്ഡലം ദൈവ​വു​മാ​യുള്ള നിങ്ങളു​ടെ ബന്ധമാണ്‌. ചിലരു​ടെ കാര്യ​ത്തിൽ, ഈ ആവശ്യം വളരെ വലുതാ​യി​രി​ക്കാം. ചെറു​പ്പ​ത്തി​ലേ സ്‌നാ​പ​ന​മേറ്റ ആന്റണി​യു​ടെ കാര്യം പരിചി​ന്തി​ക്കുക. “വീട്ടിൽ ആദ്യം സ്‌നാ​പ​ന​മേറ്റ കുട്ടി ഞാൻ ആയിരു​ന്നു,” അവൻ വിവരി​ക്കു​ന്നു. “എന്റെ സ്‌നാ​പനം കഴിഞ്ഞ​പ്പോൾ അമ്മ എന്നെ ഊഷ്‌മ​ള​മാ​യി ആലിം​ഗനം ചെയ്‌തു. ഞാൻ അവരെ അത്ര സന്തോ​ഷ​വ​തി​യാ​യി മുമ്പൊ​രി​ക്ക​ലും കണ്ടിരു​ന്നില്ല. എല്ലാവർക്കും വളരെ സന്തോ​ഷ​മാ​യി​രു​ന്നു, കരുത്തൻ ആയതു​പോ​ലെ എനിക്കും തോന്നി.” എന്നാൽ, അതിന്‌ ഒരു മറുവശം ഉണ്ടായി​രു​ന്നു. “കുറേ കാല​ത്തേക്ക്‌ ഞങ്ങളുടെ സഭയിലെ യുവജ​ന​ങ്ങ​ളിൽ ആരും സ്‌നാ​പ​ന​മേ​റ്റില്ല,” ആന്റണി തുടരു​ന്നു. “അതു​കൊണ്ട്‌, എനിക്ക്‌ എന്നെക്കു​റി​ച്ചു​തന്നെ വളരെ അഭിമാ​നം തോന്നി. യോഗ​ങ്ങ​ളിൽ ഞാൻ പറയുന്ന ഉത്തരങ്ങ​ളി​ലും നടത്തുന്ന പ്രസം​ഗ​ങ്ങ​ളി​ലും എനിക്ക്‌ ഗർവ്‌ തോന്നി​യി​രു​ന്നു. ആളുക​ളു​ടെ പ്രശം​സ​യും അംഗീ​കാ​ര​വും ആയിരു​ന്നു യഹോ​വ​യ്‌ക്കു സ്‌തുതി കരേറ്റു​ന്ന​തി​നെ​ക്കാൾ എനിക്കു പ്രധാനം. വാസ്‌ത​വ​ത്തിൽ അവനു​മാ​യി എനിക്ക്‌ ഒരു അടുത്ത ബന്ധം ഉണ്ടായി​രു​ന്നില്ല.”

ആന്റണി​യെ​പ്പോ​ലെ ചിലർ സമർപ്പണം നടത്തി​യി​രി​ക്കു​ന്നത്‌ മറ്റുള്ള​വരെ സന്തോ​ഷി​പ്പി​ക്കാൻ വേണ്ടി ആയിരി​ക്കാം, അല്ലാതെ ദൈവത്തെ പ്രസാ​ദി​പ്പി​ക്കാൻ ആയിരി​ക്ക​ണ​മെ​ന്നില്ല. എങ്കിൽപ്പോ​ലും, തന്നെ സേവി​ച്ചു​കൊ​ള്ളാം എന്നുള്ള അവരുടെ വാക്കി​നൊത്ത്‌ അവർ ജീവി​ക്കാൻ ദൈവം പ്രതീ​ക്ഷി​ക്കു​ന്നു. (സഭാ​പ്ര​സം​ഗി 5:4 താരത​മ്യം ചെയ്യുക.) ദൈവ​ത്തോട്‌ വ്യക്തി​പ​ര​മായ ഒരു അടുപ്പം ഇല്ലെങ്കിൽ അവർക്ക്‌ അങ്ങനെ ചെയ്യു​ന്നതു ദുഷ്‌കരം ആയിരി​ക്കും. ആന്റണി ഇങ്ങനെ ഓർമി​ക്കു​ന്നു: “സ്‌നാ​പ​ന​മേ​റ്റ​പ്പോൾ എനിക്ക്‌ ഉണ്ടായി​രുന്ന അതിയായ സന്തോഷം അധിക​നാൾ നീണ്ടു​നി​ന്നില്ല. സ്‌നാ​പ​ന​മേറ്റ്‌ ഒരു വർഷം തികയു​ന്ന​തി​നു മുമ്പേ ഞാൻ ഗുരു​ത​ര​മായ ദുഷ്‌പ്ര​വൃ​ത്തി​യിൽ ഏർപ്പെട്ടു, സഭാമൂ​പ്പ​ന്മാ​രു​ടെ ശാസന​യും കിട്ടി. ആവർത്തി​ച്ചാ​വർത്തിച്ച്‌ ദുർന്ന​ട​ത്ത​യിൽ ഏർപ്പെ​ട്ട​പ്പോൾ ഞാൻ സഭയിൽനി​ന്നു പുറത്താ​ക്ക​പ്പെട്ടു. ഞാൻ യഹോ​വ​യ്‌ക്ക്‌ സമർപ്പണം നടത്തി ആറു വർഷം കഴിഞ്ഞ​പ്പോൾ, കൊല​പാ​തക കുറ്റത്തിന്‌ എന്നെ പൊലീസ്‌ അറസ്റ്റ്‌ ചെയ്‌ത്‌ ജയിലി​ലാ​ക്കി.”

യഹോ​വ​യു​മാ​യി ഉറ്റ ബന്ധം വളർത്തി​യെ​ടു​ക്കൽ

നിങ്ങളു​ടെ സ്ഥിതി​വി​ശേഷം എന്തുതന്നെ ആയിരു​ന്നാ​ലും, എല്ലാ ക്രിസ്‌ത്യാ​നി​കൾക്കും ബൈബി​ളി​ന്റെ പിൻവ​രുന്ന ക്ഷണത്തോ​ടു പ്രതി​ക​രി​ക്കാൻ സാധി​ക്കും: “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വ​രും.” (യാക്കോബ്‌ 4:8) നിങ്ങൾ ആദ്യം ബൈബിൾ പഠിച്ച അവസര​ത്തിൽ ദൈവ​ത്തോട്‌ ഒരു പരിധി​വരെ അടുപ്പം നട്ടുവ​ളർത്തി​യി​രു​ന്നു എന്നതിനു സംശയ​മില്ല. യഥാർഥ ദൈവം, ക്രൈ​സ്‌ത​വ​ലോ​കം ആരാധി​ക്കുന്ന വ്യക്തി​ഗു​ണം ഇല്ലാത്ത ദൈവം അല്ലെന്ന്‌, യഹോവ എന്ന നാമ​ത്തോ​ടു കൂടിയ ഒരു വ്യക്തി​യാ​ണെന്നു നിങ്ങൾ മനസ്സി​ലാ​ക്കി. അവന്‌ ആകർഷ​ക​മായ ഗുണങ്ങൾ ഉണ്ടെന്ന്‌, അതായത്‌ അവൻ ‘കരുണ​യും കൃപയു​മു​ള്ള​വ​നും കോപ​ത്തി​നു താമസ​മു​ള്ള​വ​നും മഹാ സ്‌നേ​ഹദയ ഉള്ളവനു​മായ’ ദൈവം ആണെന്ന്‌ നിങ്ങൾ മനസ്സി​ലാ​ക്കി.—പുറപ്പാ​ടു 34:6, NW.

എന്നിരു​ന്നാ​ലും, ദൈവത്തെ സേവി​ക്കാ​നുള്ള നിങ്ങളു​ടെ സമർപ്പ​ണ​ത്തി​നു ചേർച്ച​യിൽ ജീവി​ക്കു​ന്ന​തി​നു നിങ്ങൾ അവനോ​ടു കൂടുതൽ അടുത്തു വരേണ്ട​തുണ്ട്‌! എങ്ങനെ? സങ്കീർത്ത​ന​ക്കാ​രൻ ഇങ്ങനെ പ്രാർഥി​ച്ചു: “യഹോവേ, നിന്റെ വഴികളെ എന്നെ അറിയി​ക്കേ​ണമേ; നിന്റെ പാതകളെ എനിക്കു ഉപദേ​ശി​ച്ചു​ത​രേ​ണമേ!” (സങ്കീർത്തനം 25:4) ബൈബി​ളും സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളും പഠിക്കു​ന്നത്‌ യഹോ​വ​യോ​ടു കൂടുതൽ അടുത്തു വരാൻ നിങ്ങളെ സഹായി​ക്കും. ദിവസേന ഹൃദയം​ഗ​മ​മാ​യി പ്രാർഥി​ക്കു​ന്ന​തും പ്രധാ​ന​മാണ്‌. “നിങ്ങളു​ടെ ഹൃദയം അവന്റെ മുമ്പിൽ പകരു​വിൻ” എന്ന്‌ സങ്കീർത്ത​ന​ക്കാ​രൻ ഉദ്‌ബോ​ധി​പ്പി​ക്കു​ന്നു. (സങ്കീർത്തനം 62:8) നിങ്ങളു​ടെ പ്രാർഥ​ന​കൾക്ക്‌ ഉത്തരം ലഭിക്കു​ന്നതു കാണു​മ്പോൾ, ദൈവ​ത്തി​നു നിങ്ങളി​ലുള്ള വ്യക്തി​പ​ര​മായ താത്‌പ​ര്യം നിങ്ങൾ അനുഭ​വി​ച്ച​റി​യും. ദൈവ​ത്തോ​ടു കൂടുതൽ അടുത്തു വരാൻ ഇതു നിങ്ങളെ സഹായി​ക്കും.

ദൈവ​ത്തോട്‌ അടുത്തു വരുന്ന​തി​നു നമ്മെ സഹായി​ക്കുന്ന മറ്റൊരു ഘടകമാണ്‌ പരി​ശോ​ധ​ന​ക​ളും പ്രശ്‌ന​ങ്ങ​ളും. രോഗങ്ങൾ, സ്‌കൂ​ളി​ലും ജോലി സ്ഥലത്തും ഉള്ള സമ്മർദങ്ങൾ, അല്ലെങ്കിൽ സാമ്പത്തിക ബുദ്ധി​മു​ട്ടു​കൾ എന്നിവ പോലുള്ള വെല്ലു​വി​ളി​ക​ളും വിശ്വാ​സ​ത്തി​ന്റെ പരി​ശോ​ധ​ന​ക​ളും നിങ്ങൾക്കു നേരി​ട്ടേ​ക്കാം. ശുശ്രൂ​ഷ​യിൽ പങ്കെടു​ക്കു​ന്ന​തോ യോഗ​ങ്ങൾക്കു പോകു​ന്ന​തോ കുട്ടി​ക​ളു​മൊ​ത്തു ബൈബിൾ പഠിക്കു​ന്ന​തോ പോലുള്ള സാധാരണ ദിവ്യാ​ധി​പത്യ ദിനചര്യ പോലും നിങ്ങൾക്കു ദുഷ്‌കരം ആയിത്തീർന്നേ​ക്കാം. അത്തരം പ്രശ്‌ന​ങ്ങളെ ഒറ്റയ്‌ക്കു നേരി​ടാ​തി​രി​ക്കുക! വഴിന​ട​ത്തി​പ്പി​നും മാർഗ​നിർദേ​ശ​ത്തി​നും വേണ്ടി അപേക്ഷി​ച്ചു​കൊണ്ട്‌ ദൈവ​ത്തി​ന്റെ സഹായ​ത്തി​നാ​യി യാചി​ക്കുക. (സദൃശ​വാ​ക്യ​ങ്ങൾ 3:5, 6) അവന്റെ പരിശു​ദ്ധാ​ത്മാ​വി​നു വേണ്ടി പ്രാർഥി​ക്കുക! (ലൂക്കൊസ്‌ 11:13) ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ സഹായം നിങ്ങൾ അനുഭ​വി​ക്കു​മ്പോൾ നിങ്ങൾ കുറെ​ക്കൂ​ടി അവനോട്‌ അടുത്തു​വ​രും. സങ്കീർത്ത​ന​ക്കാ​ര​നായ ദാവീദ്‌ പറഞ്ഞതു​പോ​ലെ, “യഹോവ നല്ലവൻ എന്നു രുചി​ച്ച​റി​വിൻ; അവനെ ശരണം പ്രാപി​ക്കുന്ന പുരുഷൻ ഭാഗ്യ​വാൻ [“സന്തുഷ്ടൻ,” NW].”—സങ്കീർത്തനം 34:8.

ആന്റണി​യു​ടെ കാര്യം എന്തായി? “യഹോ​വ​യു​ടെ ഹിതം ചെയ്യു​ന്ന​തി​നെ കേന്ദ്രീ​ക​രിച്ച്‌ എനിക്കു ധാരാളം ആത്മീയ ലക്ഷ്യങ്ങൾ ഉണ്ടായി​രുന്ന കാല​ത്തെ​ക്കു​റി​ച്ചു ഞാൻ ചിന്തിച്ചു തുടങ്ങി,” അവൻ ഓർമി​ക്കു​ന്നു. “അതു വേദനാ​ക​ര​മാ​യി​രു​ന്നു. ദുഃഖ​വും നിരാ​ശ​യും തോന്നി​യെ​ങ്കി​ലും, ഞാൻ യഹോ​വ​യു​ടെ സ്‌നേ​ഹ​ത്തെ​ക്കു​റിച്ച്‌ ഓർത്തു. കുറെ നാൾ കഴിഞ്ഞ​പ്പോ​ഴാണ്‌ യഹോ​വ​യോ​ടു പ്രാർഥി​ക്കാൻതന്നെ സാധി​ച്ചത്‌. എന്നാൽ അതു സാധി​ച്ച​പ്പോൾ ക്ഷമയ്‌ക്കു വേണ്ടി യാചി​ച്ചു​കൊണ്ട്‌ ഞാൻ ഹൃദയം അവന്റെ മുമ്പാകെ തുറന്നു. ഞാൻ ബൈബിൾ വായന​യും തുടങ്ങി. എത്രയോ കാര്യങ്ങൾ ഞാൻ മറന്നി​രി​ക്കു​ന്നു എന്നും യഹോ​വ​യെ​ക്കു​റി​ച്ചുള്ള എന്റെ അറിവ്‌ എത്ര തുച്ഛമാണ്‌ എന്നും മനസ്സി​ലാ​ക്കി​യ​പ്പോൾ ഞാൻ അമ്പരന്നു​പോ​യി.” ചെയ്‌ത കുറ്റകൃ​ത്യ​ത്തിന്‌ ആന്റണി ഇനിയും ശിക്ഷാ​കാ​ലം പൂർത്തി​യാ​ക്കേ​ണ്ട​തു​ണ്ടെ​ങ്കി​ലും പ്രാ​ദേ​ശിക സാക്ഷി​ക​ളിൽനിന്ന്‌ അവനു സഹായം ലഭിക്കു​ന്നുണ്ട്‌. കൂടാതെ, അവൻ ഇപ്പോൾ ആത്മീയ​മാ​യി സൗഖ്യം പ്രാപി​ച്ചു​വ​രു​ന്നു. ആന്റണി കൃതജ്ഞ​ത​യോ​ടെ പറയുന്നു: “യഹോ​വ​യും അവന്റെ സംഘട​ന​യും നൽകുന്ന സഹായ​ത്തി​ന്റെ ഫലമായി പഴയ വ്യക്തി​ത്വം ഉരിഞ്ഞു​ക​ള​യാൻ എനിക്കു കഴിഞ്ഞി​രി​ക്കു​ന്നു. ഇപ്പോൾ ഓരോ ദിവസ​വും പുതിയ വ്യക്തി​ത്വം ധരിക്കാൻ ഞാൻ കഠിന​മാ​യി യത്‌നി​ക്കു​ക​യു​മാണ്‌. ഇപ്പോൾ എന്നെ സംബന്ധി​ച്ചി​ട​ത്തോ​ളം സർവ​പ്ര​ധാ​നം യഹോ​വ​യു​മാ​യുള്ള ബന്ധമാണ്‌.”

നിങ്ങളു​ടെ ശുശ്രൂ​ഷ​യിൽ ആത്മീയ പുരോ​ഗ​തി

‘രാജ്യ​ത്തി​ന്റെ സുവി​ശേഷം’ പ്രസം​ഗി​ക്കാൻ യേശു​ക്രി​സ്‌തു തന്റെ അനുഗാ​മി​ക​ളോ​ടു കൽപ്പിച്ചു. (മത്തായി 24:14) സുവാർത്ത​യു​ടെ ഒരു പുതിയ പ്രസാ​ധകൻ എന്ന നിലയിൽ, ശുശ്രൂ​ഷ​യി​ലെ നിങ്ങളു​ടെ അനുഭവ പരിചയം പരിമി​ത​മാ​യി​രി​ക്കാം. അപ്പോൾപ്പി​ന്നെ, ‘ശുശ്രൂഷ നിറപ​ടി​യാ​യി നിവർത്തി​ക്കാൻ തക്കവണ്ണം’ നിങ്ങൾക്ക്‌ എങ്ങനെ പുരോ​ഗതി കൈവ​രി​ക്കാൻ സാധി​ക്കും.—2 തിമൊ​ഥെ​യൊസ്‌ 4:5.

ക്രിയാ​ത്മ​ക​മായ ഒരു മനോ​ഭാ​വം വളർത്തി​യെ​ടു​ക്കുക എന്നതാണ്‌ ഒരു മാർഗം. പ്രസം​ഗ​വേല ഒരു “നിക്ഷേപം” ആയി, ഒരു പദവി ആയി വീക്ഷി​ക്കാൻ പഠിക്കുക. (2 കൊരി​ന്ത്യർ 4:7) യഹോ​വ​യോ​ടുള്ള നമ്മുടെ സ്‌നേ​ഹ​വും വിശ്വ​സ്‌ത​ത​യും നിഷ്‌ഠ​യും പ്രകട​മാ​ക്കു​ന്ന​തി​നുള്ള ഒരു അവസര​മാണ്‌ അത്‌. നമ്മുടെ അയൽക്കാ​ര​നോ​ടുള്ള താത്‌പ​ര്യം പ്രകട​മാ​ക്കു​ന്ന​തിന്‌ അതു നമ്മെ സഹായി​ക്കു​ന്നു. ഇക്കാര്യ​ത്തിൽ നമ്മെത്തന്നെ നിസ്വാർഥ​മാ​യി വിട്ടു​കൊ​ടു​ക്കു​ന്നത്‌ യഥാർഥ സന്തുഷ്ടി​യു​ടെ ഒരു ഉറവി​ട​മാ​യി​രി​ക്കാൻ കഴിയും.—പ്രവൃ​ത്തി​കൾ 20:35.

പ്രസംഗ പ്രവർത്തനം സംബന്ധിച്ച്‌ യേശു​തന്നെ ഒരു ക്രിയാ​ത്മക വീക്ഷണം പുലർത്തി. ബൈബിൾ സത്യങ്ങൾ മറ്റുള്ള​വ​രു​മാ​യി പങ്കു​വെ​ക്കു​ന്നത്‌ അവന്‌ “ആഹാരം” പോലെ ആയിരു​ന്നു. (യോഹ​ന്നാൻ 4:34) അതു​കൊണ്ട്‌, മറ്റുള്ള​വരെ സഹായി​ക്കാ​നുള്ള അവന്റെ പ്രചോ​ദ​നത്തെ “മനസ്സുണ്ടു” എന്ന അവന്റെ വാക്കു​ക​ളിൽ ഉപസം​ഹ​രി​ക്കാൻ കഴിയും. (മത്തായി 8:3) യേശു​വിന്‌ ആളുക​ളോട്‌, പ്രത്യേ​കിച്ച്‌ സാത്താന്റെ ലോക​ത്താൽ “കുഴഞ്ഞ​വ​രും ചിന്നി​യ​വ​രു​മായ” ആളുക​ളോട്‌, അനുകമ്പ തോന്നി. (മത്തായി 9:35, 36) അതു​പോ​ലെ ആത്മീയ​മാ​യി അന്ധകാ​ര​ത്തിൽ ആയിരി​ക്കു​ന്ന​വ​രെ​യും ദൈവ​വ​ച​ന​ത്തിൽ നിന്നുള്ള പ്രബുദ്ധത ആവശ്യ​മാ​യി​രി​ക്കു​ന്ന​വ​രെ​യും സഹായി​ക്കാൻ നിങ്ങൾക്കു ‘മനസ്സു​ണ്ടോ’? അപ്പോൾ, “നിങ്ങൾ പുറ​പ്പെട്ടു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന യേശു​വി​ന്റെ കൽപ്പന​യോ​ടു പ്രതി​ക​രി​ക്കാൻ നിങ്ങൾ പ്രേരി​ത​രാ​കും. (മത്തായി 28:19) നിങ്ങളു​ടെ ആരോ​ഗ്യ​വും സാഹച​ര്യ​ങ്ങ​ളും അനുവ​ദി​ക്കു​ന്നി​ട​ത്തോ​ളം ഈ വേലയിൽ പൂർണ​മാ​യി പങ്കെടു​ക്കാൻ നിങ്ങൾ തീർച്ച​യാ​യും പ്രേരി​ത​രാ​കും.

ശുശ്രൂ​ഷ​യിൽ പതിവാ​യി—സാധ്യ​മെ​ങ്കിൽ എല്ലാ വാരത്തി​ലും—പങ്കെടു​ക്കു​ന്ന​താണ്‌ അഭിവൃ​ദ്ധി​ക്കുള്ള മറ്റൊരു സംഗതി. അങ്ങനെ ചെയ്യു​ന്നത്‌, വല്ലപ്പോ​ഴും മാത്രം പ്രസംഗ പ്രവർത്ത​ന​ത്തിൽ ഏർപ്പെ​ടുന്ന ഒരു വ്യക്തി​ക്കുള്ള ആശങ്കയും ഭയവും തരണം ചെയ്യാൻ സഹായി​ക്കും. പതിവാ​യി വയൽസേ​വ​ന​ത്തിൽ പങ്കെടു​ക്കു​ന്നതു മറ്റു വിധങ്ങ​ളി​ലും നിങ്ങൾക്കു പ്രയോ​ജനം ചെയ്യും. അത്‌ സത്യ​ത്തോ​ടുള്ള നിങ്ങളു​ടെ വിലമ​തിപ്പ്‌ വർധി​പ്പി​ക്കും, യഹോ​വ​യോ​ടും അയൽക്കാ​ര​നോ​ടു​മുള്ള നിങ്ങളു​ടെ സ്‌നേ​ഹത്തെ പരി​പോ​ഷി​പ്പി​ക്കും, രാജ്യ​പ്ര​ത്യാ​ശ​യിൽ ദൃഷ്ടി കേന്ദ്രീ​ക​രി​ച്ചു നില​കൊ​ള്ളാൻ നിങ്ങളെ സഹായി​ക്കും.

എന്നാൽ, നിങ്ങളു​ടെ ഇപ്പോ​ഴത്തെ സാഹച​ര്യം പ്രസംഗ പ്രവർത്ത​ന​ത്തിൽ പങ്കെടു​ക്കു​ന്ന​തി​നെ വളരെ പരിമി​ത​പ്പെ​ടു​ത്തു​ന്നു എങ്കിലോ? പൊരു​ത്ത​പ്പെ​ടു​ത്ത​ലു​കൾ സാധ്യ​മ​ല്ലെ​ങ്കിൽ, നിങ്ങൾ സേവന​ത്തിൽ മുഴു​ദേ​ഹി​യോ​ടെ പ്രവർത്തി​ക്കു​ന്നി​ട​ത്തോ​ളം കാലം നിങ്ങളു​ടെ പ്രാപ്‌തി​ക്കൊത്ത്‌ ചെയ്യാ​നാ​കുന്ന സകലത്തി​ലും ദൈവം പ്രസാ​ദി​ക്കു​ന്നു എന്നതിൽ ആശ്വാസം കണ്ടെത്തുക. (മത്തായി 13:23) നിങ്ങളു​ടെ പ്രസംഗ പാടവം മെച്ച​പ്പെ​ടു​ത്തു​ന്നതു പോലുള്ള മറ്റു മണ്ഡലങ്ങ​ളി​ലും നിങ്ങൾക്കു പുരോ​ഗ​മി​ക്കാൻ സാധി​ക്കും. സഭയിൽ, ദിവ്യാ​ധി​പത്യ ശുശ്രൂ​ഷാ സ്‌കൂ​ളും സേവന​യോ​ഗ​വും ഈ വശത്തു നല്ല പരിശീ​ലനം നൽകുന്നു. സ്വാഭാ​വി​ക​മാ​യും, നാം ശുശ്രൂ​ഷ​യിൽ എത്രമാ​ത്രം പാടവം നേടു​ന്നു​വോ നാം അത്രയ​ധി​കം അത്‌ ആസ്വദി​ക്കു​ക​യും അതിന്റെ ഫലം കാണു​ക​യും ചെയ്യും.

അതു​കൊണ്ട്‌, വ്യക്തമാ​യും നാം സ്‌നാ​പ​ന​മേൽക്കു​ന്ന​തോ​ടെ ആത്മീയ പുരോ​ഗതി നിലച്ചു​പോ​ക​രുത്‌. സ്വർഗ​ത്തിൽ അമർത്യ ജീവൻ പ്രാപി​ക്കു​ന്ന​തി​നുള്ള തന്റെ പ്രത്യാ​ശ​യെ​ക്കു​റിച്ച്‌ പൗലൊസ്‌ അപ്പൊ​സ്‌തലൻ ഇങ്ങനെ എഴുതി: “സഹോ​ദ​രൻമാ​രേ, ഞാൻ പിടി​ച്ചി​രി​ക്കു​ന്നു എന്നു നിരൂ​പി​ക്കു​ന്നില്ല. ഒന്നു ഞാൻ ചെയ്യുന്നു: പിമ്പി​ലു​ള്ളതു മറന്നും മുമ്പി​ലു​ള്ള​തി​ന്നു ആഞ്ഞും​കൊ​ണ്ടു ക്രിസ്‌തു​യേ​ശു​വിൽ ദൈവ​ത്തി​ന്റെ പരമവി​ളി​യു​ടെ വിരു​തി​ന്നാ​യി ലാക്കി​ലേക്ക്‌ ഓടുന്നു. നമ്മിൽ തികഞ്ഞവർ ഒക്കെയും ഇങ്ങനെ തന്നേ ചിന്തി​ച്ചു​കൊൾക; വല്ലതി​ലും നിങ്ങൾ വേറെ​വി​ധ​മാ​യി ചിന്തി​ച്ചാൽ ദൈവം അതുവും നിങ്ങൾക്കു വെളി​പ്പെ​ടു​ത്തി​ത്ത​രും.”—ഫിലി​പ്പി​യർ 3:13-15.

തങ്ങളുടെ പ്രത്യാശ സ്വർഗ​ത്തി​ലെ അമർത്യ ജീവനാ​യാ​ലും ഭൗമിക പറുദീ​സ​യി​ലെ നിത്യ​ജീ​വ​നാ​യാ​ലും എല്ലാ ക്രിസ്‌ത്യാ​നി​ക​ളും ‘മുമ്പി​ലു​ള്ള​തി​നാ​യി ആയണം’—അതായത്‌, ജീവന്റെ ലാക്കി​ലെ​ത്താൻ കഠിന ശ്രമം നടത്തണം! നിങ്ങളു​ടെ സ്‌നാ​പനം ഒരു നല്ല തുടക്ക​മാ​യി​രു​ന്നു, എന്നാൽ അത്‌ ഒരു തുടക്കം മാത്ര​മാണ്‌. ആത്മീയ പുരോ​ഗതി വരുത്താൻ കഠിന​മാ​യി ശ്രമി​ച്ചു​കൊ​ണ്ടി​രി​ക്കുക. യോഗ​ങ്ങ​ളി​ലൂ​ടെ​യും വ്യക്തി​പ​ര​മായ പഠനത്തി​ലൂ​ടെ​യും “ഗ്രഹണ​ശ​ക്തി​ക​ളിൽ മുതിർന്നവർ ആയിത്തീ”രുക. (1 കൊരി​ന്ത്യർ 14:20, NW) സത്യത്തി​ന്റെ ‘വീതി​യും നീളവും ഉയരവും ആഴവും ഗ്രഹി​ക്കാൻ പ്രാപ്‌ത​രാ​കുക.’ (എഫെസ്യർ 3:18, 19) നിങ്ങൾ കൈവ​രി​ക്കുന്ന പുരോ​ഗതി സന്തോ​ഷ​വും സന്തുഷ്ടി​യും ഇപ്പോൾ നിലനിർത്താൻ മാത്രമല്ല ദൈവ​ത്തി​ന്റെ പുതിയ ലോക​ത്തിൽ സുരക്ഷി​ത​മായ ഒരു സ്ഥാനം കൈവ​രി​ക്കാ​നും സഹായി​ക്കും. അവിടെ അവന്റെ സ്വർഗീയ രാജ്യ​ഭ​ര​ണ​ത്തിൻ കീഴിൽ നിത്യ​മാ​യി പുരോ​ഗ​മി​ക്കാൻ നിങ്ങൾക്കു കഴിയും!

[29-ാം പേജിലെ ചിത്രം]

വ്യക്തിപരമായ പഠനത്തിന്‌ സമയം കണ്ടെത്താൻ ശിക്ഷണം ആവശ്യ​മാണ്‌

[31-ാം പേജിലെ ചിത്രം]

ഒരു ക്രിയാ​ത്മക മനോ​ഭാ​വം ഉണ്ടായി​രി​ക്കു​ന്നത്‌ ശുശ്രൂ​ഷ​യിൽ സന്തോഷം കണ്ടെത്താൻ നമ്മെ സഹായി​ക്കു​ന്നു