കുടും​ബ​ത്തിന്‌ യഥാർഥ സഹായം

“വാസ്‌തവം പറഞ്ഞാൽ അമേരിക്ക കുടുംബ പ്രതി​സ​ന്ധി​യെ നേരി​ടു​ക​യാണ്‌. വിവാ​ഹ​മോ​ചനം, അവിവാ​ഹി​ത​രു​ടെ ഇടയിലെ ശിശു ജനനം, കുട്ടി​ക​ളോ​ടും ഇണക​ളോ​ടു​മുള്ള ദ്രോഹം എന്നിവ സംബന്ധി​ച്ചുള്ള കണക്കു​ക​ളിൽനി​ന്നു മറ്റൊരു നിഗമ​ന​ത്തിൽ എത്തി​ച്ചേ​രാ​നാ​വില്ല.”

ഐക്യ​നാ​ടു​ക​ളി​ലെ ടെലി​വി​ഷൻ വാർത്താ അവതാ​ര​ക​നായ ടോം ബ്രോ​ക്കാ​യു​ടെ ഈ വാക്കുകൾ മിക്ക രാജ്യ​ങ്ങൾക്കും ബാധക​മാണ്‌. ഈ പ്രതി​സന്ധി എന്ത്‌ അർഥമാ​ക്കു​ന്നു?

പല വിധങ്ങ​ളി​ലും സമൂഹ​ത്തി​ന്റെ അടിസ്ഥാന ഘടകമാണ്‌ കുടും​ബം. അതു കുഴപ്പ​ത്തി​ലാ​ണെ​ങ്കിൽ സമൂഹ​വും കുഴപ്പ​ത്തിൽ ആയിരി​ക്കും. അതിനു​പു​റമേ, കുട്ടി​ക​ളു​ടെ വൈകാ​രി​ക​വും സാമ്പത്തി​ക​വു​മായ പിന്തു​ണ​യു​ടെ ഉറവാണ്‌ കുടും​ബം. ജീവി​ത​ത്തി​ലെ പ്രഥമ​വും പരമ പ്രധാ​ന​വു​മായ പാഠങ്ങൾ അവർ പഠിക്കു​ന്നത്‌ അവി​ടെ​നി​ന്നാണ്‌. എന്നാൽ കുഴപ്പ​ത്തി​ലായ ഒരു കുടും​ബ​ത്തിൽനി​ന്നു കുട്ടികൾ എന്താണു പഠിക്കുക? അവർക്ക്‌ അവിടെ എന്തു സുരക്ഷി​ത​ത്വ​മാണ്‌ ഉണ്ടായി​രി​ക്കുക? പ്രായ​പൂർത്തി ആകു​മ്പോൾ അവർ എങ്ങനെ​യു​ള്ളവർ ആയിരി​ക്കും?

ഈ പ്രതി​സന്ധി ഘട്ടത്തിൽ കുടും​ബ​ത്തിന്‌ എന്തെങ്കി​ലും സഹായം ലഭ്യമാ​ണോ? ഉവ്വ്‌. ദൈവം​തന്നെ സ്ഥാപിച്ച ഒരു ക്രമീ​ക​ര​ണ​മാണ്‌ കുടും​ബം. (ഉല്‌പത്തി 1:27, 28) തന്റെ വചനമായ ബൈബി​ളിൽ അവൻ കുടും​ബ​ത്തി​നുള്ള സുപ്ര​ധാന മാർഗ​നിർദേശം നൽകി​യി​ട്ടു​മുണ്ട്‌. (കൊ​ലൊ​സ്സ്യർ 3:18-21) നമുക്കു സമൂഹത്തെ ഒന്നാകെ മാറ്റി​യെ​ടു​ക്കാൻ സാധി​ക്കി​ല്ലെ​ന്നു​ള്ളതു സത്യം തന്നെ. എന്നാൽ ബൈബിൾ ബുദ്ധ്യു​പ​ദേശം സ്വന്തം കുടും​ബ​ത്തിൽ ബാധക​മാ​ക്കാൻ നമുക്കു സാധി​ക്കും. അപ്രകാ​രം ചെയ്‌ത ചിലരെ കുറി​ച്ചും അവർക്കു ലഭിച്ച നല്ല ഫലങ്ങളെ കുറി​ച്ചും നിങ്ങ​ളോ​ടു പറയാൻ ഞങ്ങൾ ആഗ്രഹി​ക്കു​ന്നു.

വിവാ​ഹ​മോ​ചനം ഒഴിവാ​ക്കൽ

പല രാജ്യ​ങ്ങ​ളി​ലും 50 ശതമാനം വിവാ​ഹ​ങ്ങ​ളും വിവാ​ഹ​മോ​ച​ന​ത്തിൽ കലാശി​ക്കു​ന്നു. ഇതു മാനുഷ ബന്ധങ്ങളി​ലെ വലി​യൊ​രു പരാജ​യ​മാണ്‌! ഇക്കാര​ണ​ത്താൽ ഇണയി​ല്ലാ​ത്തവർ ആയിത്തീർന്ന അനേകർ തങ്ങളുടെ കുട്ടി​കളെ വളർത്തു​ന്ന​തിൽ ധീരോ​ദാ​ത്ത​മായ കൃത്യം നിർവ​ഹി​ക്കു​ന്നുണ്ട്‌ എന്നുള്ളതു ശരിതന്നെ. എന്നാൽ, ദമ്പതി​കൾക്കു തങ്ങളുടെ പ്രശ്‌നങ്ങൾ പരിഹ​രിച്ച്‌ ഒരുമി​ച്ചു നിൽക്കാൻ സാധി​ക്കു​മെ​ങ്കിൽ അതാണ്‌ ഏറെ മെച്ചം എന്നുള്ള​തി​നോ​ടു തീർച്ച​യാ​യും മിക്കവ​രും യോജി​ക്കും.

സോളമൻ ദ്വീപു​ക​ളി​ലുള്ള ഒരു ദമ്പതി​മാ​രു​ടെ വിവാഹം ഒരു പ്രതി​സ​ന്ധി​യി​ലേക്കു നീങ്ങി​യി​രു​ന്നു. ഒരു ഗ്രാമ മുഖ്യന്റെ മകനായ ഭർത്താവ്‌ അക്രമ പ്രവണ​ത​യും അനേകം ദുഃസ്വ​ഭാ​വ​ങ്ങ​ളും ഉള്ളവനാ​യി​രു​ന്നു. ജീവിതം വളരെ ദുസ്സഹ​മാ​യി​ത്തീർന്നിട്ട്‌ ഭാര്യ ആത്മഹത്യ​യ്‌ക്കു പോലും ശ്രമിച്ചു. അങ്ങനെ​യി​രി​ക്കെ, യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ ഭർത്താവു സമ്മതിച്ചു. ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കുന്ന ഏതൊ​രു​വ​നും തെറ്റ്‌ എന്താ​ണെന്ന്‌ അറിഞ്ഞാൽ മാത്രം പോരാ, “ദോഷത്തെ വെറു”ക്കുകയും ചെയ്യണ​മെന്ന്‌ അദ്ദേഹം പഠിച്ചു. (സങ്കീർത്തനം 97:10) നുണപ​റയൽ, മോഷണം, അക്രമം, അമിത മദ്യപാ​നം തുടങ്ങിയ കാര്യ​ങ്ങളെ വെറു​ക്കു​ന്നത്‌ അതിൽ ഉൾപ്പെ​ടു​ന്നു. അദ്ദേഹം ആ ബുദ്ധ്യു​പ​ദേ​ശ​ത്തി​നു ശ്രദ്ധ കൊടു​ത്തു. പെട്ടെ​ന്നു​തന്നെ തന്റെ ദുഃസ്വ​ഭാ​വ​ങ്ങ​ളെ​യും അക്രമ പ്രവണ​ത​യെ​യും അദ്ദേഹം കീഴടക്കി. ആ മാറ്റം കണ്ടു ഭാര്യ അത്ഭുതം കൂറി. അങ്ങനെ, ദൈവ​വ​ച​ന​ത്തി​ന്റെ സ്വാധീ​ന​ത്താൽ അവരുടെ വിവാ​ഹ​ബന്ധം വളരെ​യേറെ മെച്ച​പ്പെട്ടു.

ദക്ഷിണാ​ഫ്രി​ക്ക​യി​ലുള്ള യഹോ​വ​യു​ടെ സാക്ഷി​യായ ഒരു സ്‌ത്രീ, തന്റെ തൊഴി​ലു​ട​മ​യും അവരുടെ ഭർത്താ​വും വിവാ​ഹ​മോ​ചനം നേടു​ന്ന​തി​നെ​പ്പറ്റി ചിന്തി​ക്കു​ക​യാ​ണെന്നു കേൾക്കാ​നി​ട​യാ​യി. വിവാ​ഹത്തെ കുറി​ച്ചുള്ള ദൈവ​ത്തി​ന്റെ വീക്ഷണം സംബന്ധിച്ച്‌ ആ സാക്ഷി തന്റെ തൊഴി​ലു​ട​മ​യോ​ടു സംസാ​രി​ക്കു​ക​യും കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌തകം അവരെ കാണി​ക്കു​ക​യും ചെയ്‌തു. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ഈ പുസ്‌തകം വിവാഹ ബന്ധത്തിൽ ബാധക​മാ​കുന്ന ബൈബിൾ തത്ത്വങ്ങൾ എടുത്തു കാണി​ക്കു​ക​യും പ്രശ്‌നങ്ങൾ പരിഹ​രി​ക്കാൻ ബൈബിൾ ദമ്പതി​മാ​രെ എങ്ങനെ സഹായി​ക്കു​ന്നു എന്നതിനു പ്രത്യേ​ക​മായ ഊന്നൽ നൽകു​ക​യും ചെയ്യുന്നു. തൊഴി​ലു​ട​മ​യും ഭർത്താ​വും ആ പുസ്‌തകം വായിച്ച്‌ അതിൽ കൊടു​ത്തി​രുന്ന ബൈബിൾ ബുദ്ധ്യു​പ​ദേശം ബാധക​മാ​ക്കാൻ ആത്മാർഥ​മാ​യി ശ്രമിച്ചു. തത്‌ഫ​ല​മാ​യി, വിവാ​ഹ​മോ​ചനം വേണ്ടെന്ന്‌ അവർ തീരു​മാ​നി​ച്ചു. അങ്ങനെ, ബൈബിൾ തത്ത്വങ്ങൾ ബാധക​മാ​ക്കുക വഴി മറ്റൊരു വിവാ​ഹ​വും രക്ഷപ്പെട്ടു.

വ്യത്യസ്‌ത മതവി​ശ്വാ​സങ്ങൾ ഉള്ളപ്പോൾ

ഇണകൾ വ്യത്യസ്‌ത മതവി​ശ്വാ​സങ്ങൾ പുലർത്തുന്ന വിവാ​ഹ​ബ​ന്ധ​ങ്ങ​ളു​ടെ കാര്യ​മോ? “കർത്താ​വിൽ വിശ്വ​സി​ക്കു​ന്ന​വ​നു​മാ​യി മാത്രമേ” വിവാഹം കഴിക്കാ​വൂ എന്ന പ്രാ​യോ​ഗിക ബുദ്ധ്യു​പ​ദേശം ബൈബിൾ നൽകുന്നു. (1 കൊരി​ന്ത്യർ 7:39) എന്നാൽ ചില അവസര​ങ്ങ​ളിൽ വിവാഹ പങ്കാളി​ക​ളിൽ ഒരാൾ മതം മാറുന്നു. അത്‌ വിവാ​ഹ​ബ​ന്ധ​ത്തിന്‌ അന്ത്യം കുറി​ക്കേ​ണ്ട​തു​ണ്ടോ? തീർച്ച​യാ​യും ഇല്ല.

അടുത്ത​യി​ടെ ഒരു യഹോ​വ​യു​ടെ സാക്ഷി​യാ​യി​ത്തീർന്ന ഒരു ബോട്‌സ്വാ​ന​ക്കാ​രി​യോട്‌ പുതിയ മതം അവരിൽ എന്തു മാറ്റമാ​ണു വരുത്തി​യി​രി​ക്കു​ന്ന​തെന്നു ചോദി​ച്ചു. തനിക്കു​വേണ്ടി ഉത്തരം പറയാൻ അവർ തന്റെ ഭർത്താ​വി​നോ​ടു പറഞ്ഞു. അദ്ദേഹം പറഞ്ഞത്‌ ഇതാണ്‌: “എന്റെ ഭാര്യ ഒരു യഹോ​വ​യു​ടെ സാക്ഷി ആയതു മുതൽ ഞാൻ അവളിൽ അനേകം നല്ല മാറ്റങ്ങൾ നിരീ​ക്ഷി​ച്ചി​ട്ടുണ്ട്‌. അവൾക്കു മുമ്പ്‌ ഇല്ലാതി​രുന്ന ശാന്തമായ, ജ്ഞാനപൂർവ​ക​മായ ഒരു ശക്തി ഇപ്പോ​ഴുണ്ട്‌. പുകവലി ശീലം നിർത്താൻ വേണ്ട ശക്തിയും ബോധ്യ​വും അവൾ നേടി​യി​രു​ന്നു. എനിക്ക്‌ ഇപ്പോ​ഴും മറിക​ട​ക്കാൻ സാധി​ക്കാത്ത ഒരു പ്രശ്‌ന​മാ​ണത്‌. കുട്ടി​ക​ളോ​ടും എന്നോ​ടും മറ്റുള്ള​വ​രോ​ടും എന്റെ ഭാര്യ ഇപ്പോൾ കൂടുതൽ സ്‌നേ​ഹ​വും പ്രിയ​വും ഉള്ളവളാണ്‌. അവളി​പ്പോൾ കൂടുതൽ സഹിഷ്‌ണു​ത​യും പ്രകട​മാ​ക്കു​ന്നു, വിശേ​ഷി​ച്ചു കുട്ടി​ക​ളോ​ടുള്ള ബന്ധത്തിൽ. തങ്ങളുടെ ജീവിതം മെച്ച​പ്പെ​ടു​ത്താൻ മറ്റുള്ള​വരെ സഹായി​ക്കു​ന്ന​തി​നു ശ്രമി​ച്ചു​കൊണ്ട്‌ അവൾ ശുശ്രൂ​ഷ​യിൽ സമയം ചെലവ​ഴി​ക്കു​ന്നതു ഞാൻ കാണുന്നു. എന്നിൽത്ത​ന്നെ​യും ഞാൻ നല്ല മാറ്റങ്ങൾ കണ്ടിരി​ക്കു​ന്നു. അത്‌ അവളുടെ മാതൃക ഒന്നു​കൊ​ണ്ടു മാത്ര​മാ​ണെന്നു ഞാൻ വിശ്വ​സി​ക്കു​ന്നു.” ഈ വിവാഹ ബന്ധത്തിൽ ബൈബിൾ തത്ത്വങ്ങൾക്ക്‌ എത്ര നല്ല ഫലമാ​ണു​ള്ള​തെന്നു നോക്കൂ! സാക്ഷി​ക​ളായ തങ്ങളുടെ ഇണകളെ കുറിച്ചു സാക്ഷികൾ അല്ലാത്ത അനേകം പേർ സമാന​മായ അഭി​പ്രാ​യങ്ങൾ പറഞ്ഞി​ട്ടുണ്ട്‌.

പിതാവ്‌ തന്റെ ഉത്തരവാ​ദി​ത്വ​ങ്ങൾ അവഗണി​ക്കു​മ്പോൾ

ശക്തമായ കുടും​ബങ്ങൾ കെട്ടി​പ്പ​ടു​ക്കു​ന്ന​തി​ലെ ഒരു മുഖ്യ ഘടകമാണ്‌ പിതാ​വും കുട്ടി​ക​ളും തമ്മിലുള്ള ബന്ധം. പൗലൊസ്‌ അപ്പൊ​സ്‌തലൻ ഇങ്ങനെ ബുദ്ധ്യു​പ​ദേ​ശി​ച്ചു: “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ അവരെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രു​വിൻ.” (എഫെസ്യർ 6:4, NW) ദ വിൽസൺ ക്വാർട്ടേർലി​യി​ലെ ഒരു ലേഖനം പല സാമൂ​ഹിക പ്രശ്‌ന​ങ്ങൾക്കും കുറ്റ​പ്പെ​ടു​ത്തി​യത്‌ തങ്ങളുടെ ധർമം നിർവ​ഹി​ക്കാത്ത പിതാ​ക്ക​ന്മാ​രെ ആണെന്ന​തിൽ അതിശ​യി​ക്കാ​നില്ല. ആ ലേഖനം ഇങ്ങനെ പറഞ്ഞു: “സ്വന്തം പിതാ​ക്ക​ന്മാ​രിൽനിന്ന്‌ അകന്നു താമസി​ക്കുന്ന കുട്ടി​ക​ളു​ടെ ശതമാനം 1960-നും 1990-നും ഇടയ്‌ക്ക്‌ ഇരട്ടി​യിൽ അധിക​മാ​യി വർധിച്ചു. . . . അമേരി​ക്കൻ സമൂഹ​ത്തി​ലെ ഏറ്റവും ആകുല​പ്പെ​ടു​ത്തുന്ന വ്യാപ​ക​മായ പ്രശ്‌ന​ങ്ങ​ളിൽ പലതി​ന്റെ​യും പിന്നിലെ മുഖ്യ കാരണം പിതൃ​ധർമം നിറ​വേ​റ്റു​ന്ന​തി​ലെ അധോ​ഗ​തി​യാണ്‌.”

പിതാ​ക്ക​ന്മാർ മാർഗ​നിർദേശം നൽകാത്ത കുട്ടികൾ എല്ലാം സുനി​ശ്ചി​ത​മാ​യും വഴി​തെ​റ്റി​പ്പോ​കും എന്നാണോ ഇതിന്റെ അർഥം? അല്ല. പുരാതന സങ്കീർത്ത​ന​ക്കാ​രൻ പറഞ്ഞു: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.” (സങ്കീർത്തനം 27:10) തായ്‌ലൻഡി​ലെ ഒമ്പതു വയസ്സുള്ള ഒരു കുട്ടി ഇതു സത്യമാ​ണെന്നു കണ്ടെത്തി. ബാലൻ ആയിരു​ന്ന​പ്പോൾത്തന്നെ അവന്‌ അമ്മയെ നഷ്ടമായി. പിതാ​വി​നാ​ണെ​ങ്കിൽ അവനെ വേണ്ടാ​യി​രു​ന്നു. തന്മൂലം അയാൾ അവനെ വല്യമ്മ​യു​ടെ അടുത്ത്‌ ഉപേക്ഷി​ച്ചു. താൻ ആർക്കും വേണ്ടാ​ത്ത​വ​നും ആരാലും സ്‌നേ​ഹി​ക്ക​പ്പെ​ടാ​ത്ത​വ​നും ആണെന്നു തോന്നിയ ആ കുട്ടി മത്സരി​യാ​യി, മുഠാളൻ എന്ന ദുഷ്‌പ്പേ​രും നേടി. അവൻ തന്റെ വല്യമ്മയെ ഭീഷണി​പ്പെ​ടു​ത്തുക പോലും ചെയ്‌തു. അവൻ മിക്ക​പ്പോ​ഴും പ്രാ​ദേ​ശിക രാജ്യ​ഹാ​ളി​നു വെളി​യിൽ നിൽക്കു​ന്നതു കണ്ട യഹോ​വ​യു​ടെ സാക്ഷി​ക​ളു​ടെ രണ്ടു മുഴു​സമയ സുവി​ശേ​ഷ​ക​മാർ ഒരു ദിവസം അവനെ തങ്ങളുടെ വീട്ടി​ലേക്കു ക്ഷണിച്ചു.

അവർ അവനോ​ടു ദൈവത്തെ കുറിച്ചു വിവരി​ച്ചു. വിശേ​ഷിച്ച്‌ ഒരു പിതാ​വി​നെ​പ്പോ​ലെ അവൻ തന്റെ മക്കളെ സ്‌നേ​ഹി​ക്കു​ന്നു എന്ന്‌ അവർ പറഞ്ഞു. വിശ്വസ്‌ത മനുഷ്യർക്കാ​യി ദൈവം വാഗ്‌ദാ​നം ചെയ്‌തി​രി​ക്കുന്ന ഭൗമിക പറുദീ​സയെ കുറി​ച്ചും അവർ പറഞ്ഞു. (വെളി​പ്പാ​ടു 21:3-5എ) ഇതെല്ലാം അവന്‌ ആകർഷ​ക​മാ​യി തോന്നി. കൂടുതൽ പഠിക്കാ​നാ​യി അവൻ എല്ലാ ദിവസ​വും വരുമാ​യി​രു​ന്നു. വാസ്‌ത​വ​ത്തിൽ ദൈവം തന്റെ പിതാവ്‌ ആയിരി​ക്കാൻ അവൻ ആഗ്രഹി​ക്കു​ന്നെ​ങ്കിൽ മേലാൽ ഒരു മുഠാളൻ ആയിരി​ക്കാൻ പാടി​ല്ലെന്ന്‌ ആ സാക്ഷികൾ അവനോ​ടു പറഞ്ഞു. അത്‌ റോമർക്കുള്ള പൗലൊ​സി​ന്റെ വാക്കു​കൾക്കു ചേർച്ച​യി​ലാ​യി​രു​ന്നു: “കഴിയു​മെ​ങ്കിൽ നിങ്ങളാൽ ആവോളം സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ.” (റോമർ 12:18) വല്യമ്മ​യോട്‌ അവൻ ദയാപൂർവം പെരു​മാ​റേ​ണ്ട​തും ഉണ്ടായി​രു​ന്നു. (1 തിമൊ​ഥെ​യൊസ്‌ 5:1, 2) അവൻ പെട്ടെ​ന്നു​തന്നെ ബൈബിൾ തത്ത്വങ്ങൾ ബാധക​മാ​ക്കാൻ തുടങ്ങി. നിസ്സം​ശ​യ​മാ​യും അത്‌ വല്യമ്മ​യു​മാ​യുള്ള അവന്റെ ബന്ധം ഏറെ മെച്ച​പ്പെ​ടു​ത്തി. (ഗലാത്യർ 5:22, 23) അവനിൽ കണ്ട മാറ്റങ്ങൾ അയൽക്കാ​രിൽ വളരെ​യേറെ മതിപ്പു​ള​വാ​ക്കി. തങ്ങളുടെ കുട്ടി​ക​ളും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്ക​ണ​മെന്ന്‌ അവർ ആഗ്രഹി​ച്ചു.

സമാധാ​ന​പ​ര​മായ മനോ​ഭാ​വം

പൗലൊസ്‌ അപ്പൊ​സ്‌തലൻ കൊ​ലൊ​സ്സ്യർക്ക്‌ എഴുതി: “എല്ലാറ​റി​ന്നും മീതെ സമ്പൂർണ്ണ​ത​യു​ടെ ബന്ധമായ സ്‌നേഹം ധരിപ്പിൻ. ക്രിസ്‌തു​വി​ന്റെ സമാധാ​നം നിങ്ങളു​ടെ ഹൃദയ​ങ്ങ​ളിൽ വാഴട്ടെ.” (കൊ​ലൊ​സ്സ്യർ 3:14, 15) സമാധാ​ന​പ​ര​മായ മനോ​ഭാ​വ​വും ഹൃദയം​ഗ​മ​മായ സ്‌നേ​ഹ​വും തീർച്ച​യാ​യും കുടുംബ ബന്ധത്തെ അരക്കി​ട്ടു​റ​പ്പി​ക്കും. കുടും​ബ​ത്തി​ലെ ദീർഘ​കാല ഭിന്നതകൾ പരിഹ​രി​ക്കാൻ അതു സഹായി​ക്കും. അൽബേ​നി​യ​യിൽ താമസി​ക്കുന്ന റൂക്കിയ കുടുംബ വിയോ​ജി​പ്പു നിമിത്തം തന്റെ സഹോ​ദ​ര​നോ​ടു സംസാ​രി​ച്ചിട്ട്‌ 17 വർഷത്തി​ലേറെ ആയിരു​ന്നു. അവർ യഹോ​വ​യു​ടെ സാക്ഷി​ക​ളു​മൊ​ത്തു ബൈബിൾ പഠിച്ച​പ്പോൾ, മറ്റുള്ള​വ​രു​മാ​യി സമാധാ​നം നട്ടുവ​ളർത്താൻ എല്ലാ ദൈവ​ദാ​സ​ന്മാ​രെ​യും ഉദ്‌ബോ​ധി​പ്പി​ച്ചി​രി​ക്കു​ന്നു എന്ന്‌ അവർ മനസ്സി​ലാ​ക്കി. ‘അവൻ സമാധാ​നം അന്വേ​ഷി​ച്ചു പിന്തു​ട​രട്ടെ.’—1 പത്രൊസ്‌ 3:11.

തന്റെ സഹോ​ദ​ര​നു​മാ​യി താൻ സമാധാ​ന​ത്തിൽ ആകേണ്ട​താ​ണെന്നു റൂക്കിയ മനസ്സി​ലാ​ക്കി. രാത്രി മുഴു​വ​നും അവർ പ്രാർഥി​ച്ചു. പിറ്റേന്നു രാവിലെ അവർ തന്റെ സഹോ​ദ​രന്റെ വീട്ടി​ലേക്കു പുറ​പ്പെട്ടു, അവരുടെ ഹൃദയ​മി​ടി​പ്പു വർധി​ച്ചി​രു​ന്നു. റൂക്കി​യ​യു​ടെ സഹോ​ദ​ര​പു​ത്രി വാതിൽ തുറന്നിട്ട്‌ അതിശ​യ​ത്തോ​ടെ ചോദി​ച്ചു: “നിങ്ങൾ എന്താ ഇവിടെ?” തന്റെ സഹോ​ദ​രനെ കാണണ​മെന്നു റൂക്കിയ ശാന്തമാ​യി ആവശ്യ​പ്പെട്ടു. സഹോ​ദ​ര​നു​മാ​യി സമാധാ​ന​ത്തി​ലാ​കാൻ താൻ ആഗ്രഹി​ക്കു​ന്നു​വെന്ന്‌ അവർ വിശദീ​ക​രി​ച്ചു. എന്തു​കൊണ്ട്‌? എന്തെന്നാൽ അതു ദൈവ​ഹി​ത​മാ​ണെന്ന്‌ അവർ ഇപ്പോൾ തിരി​ച്ച​റി​ഞ്ഞി​രു​ന്നു. അവരുടെ സഹോ​ദരൻ അനുകൂ​ല​മാ​യി പ്രതി​ക​രി​ച്ചു. തങ്ങളുടെ ബന്ധം പുനഃ​സ്ഥാ​പി​ക്ക​പ്പെ​ട്ട​തിൽ സന്തോ​ഷാ​ശ്രു​ക്കൾ പൊഴി​ച്ചു​കൊണ്ട്‌ അവർ പരസ്‌പരം ആശ്ലേഷി​ച്ചു. അങ്ങനെ, ബൈബിൾ തത്ത്വങ്ങൾ പിൻപ​റ്റി​യ​തി​ന്റെ ഫലമായി ഒരു കുടും​ബം പുന​രേ​കീ​ക​രി​ക്ക​പ്പെട്ടു.

മോശ​മായ സഹവാ​സ​ങ്ങൾ

“ഇന്ന്‌, ഒരു സാധാരണ കുട്ടി ദിവസം ഏഴു മണിക്കൂർ ടെലി​വി​ഷൻ കാണുന്നു. പ്രാഥ​മിക സ്‌കൂൾ കഴിയാ​റാ​കു​മ്പോ​ഴേ​ക്കും, അവൻ ഏഴായി​രം കൊല​പാ​ത​ക​ങ്ങ​ളും ഒരു ലക്ഷം അക്രമ പ്രവൃ​ത്തി​ക​ളും കണ്ടിട്ടു​ണ്ടാ​കും” എന്ന്‌ ഏറെ വിജയ​പ്ര​ദ​മായ കുടും​ബ​ങ്ങ​ളു​ടെ 7 ശീലങ്ങൾ (ഇംഗ്ലീഷ്‌) എന്ന പുസ്‌തകം പറയുന്നു. അതൊക്കെ ഒരു കുട്ടി​യു​ടെ മേൽ എന്തു ഫലമാണ്‌ ഉളവാ​ക്കു​ന്നത്‌? അക്കാര്യ​ത്തിൽ “വിദഗ്‌ധർക്ക്‌” അഭി​പ്രായ ഐക്യ​മില്ല. എന്നിരു​ന്നാ​ലും ബൈബിൾ ചീത്ത സഹവാ​സ​ത്തിന്‌ എതിരെ ശക്തമായ മുന്നറി​യി​പ്പു നൽകുന്നു. ദൃഷ്ടാ​ന്ത​ത്തിന്‌, അതു പറയുന്നു: “ഭോഷ​ന്മാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.” (സദൃശ​വാ​ക്യ​ങ്ങൾ 13:20) അത്‌ ഇങ്ങനെ​യും പറയുന്നു: “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.” (1 കൊരി​ന്ത്യർ 15:33, NW) മോശ​മായ സഹവാസം, നേരിട്ടു വ്യക്തി​ക​ളു​മാ​യി ഇടപെ​ടു​ന്ന​തി​ന്റെ​യോ ടെലി​വി​ഷൻ പരിപാ​ടി​കൾ വീക്ഷി​ക്കു​ന്ന​തി​ന്റെ​യോ ഫലമാ​യി​ട്ടാ​യാ​ലും ഈ തത്ത്വങ്ങൾ സത്യമാ​ണെന്നു നാം വിവേ​ക​പൂർവം തിരി​ച്ച​റി​യു​ന്നെ​ങ്കിൽ കുടുംബ ജീവിതം മെച്ച​പ്പെ​ടു​ത്താ​നാ​കും.

ലക്‌സം​ബർഗി​ലുള്ള ഒരു മാതാവ്‌ ഒരു യഹോ​വ​യു​ടെ സാക്ഷി​യു​മൊ​ത്തു ബൈബിൾ പഠിക്കു​ക​യാ​യി​രു​ന്നു. ഏഴും എട്ടും വയസ്സുള്ള തന്റെ പെൺമക്കൾ വൈകു​ന്നേ​ര​ങ്ങ​ളിൽ വല്ലാതെ വഴക്കടി​ക്കു​ന്ന​താ​യി ഒരു ദിവസം അവർ ആ സാക്ഷി​യോ​ടു പറഞ്ഞു. വൈകു​ന്നേ​ര​ങ്ങ​ളിൽ അവർ എന്താണു ചെയ്യു​ന്ന​തെന്നു സാക്ഷി ചോദി​ച്ചു. താൻ അടുക്കള വൃത്തി​യാ​ക്കു​മ്പോൾ അവർ ടെലി​വി​ഷൻ കാണു​മെന്ന്‌ ആ മാതാവ്‌ പറഞ്ഞു. ഏതു പരിപാ​ടി​കൾ? “ഓ, ഏതോ കാർട്ടൂ​ണു​കൾ,” മാതാവ്‌ പ്രതി​വ​ചി​ച്ചു. അത്തരം പരിപാ​ടി​കൾ മിക്ക​പ്പോ​ഴും അക്രമം നിറഞ്ഞ​താ​ണെന്ന്‌ ആ സന്ദർശക പറഞ്ഞ​പ്പോൾ അവർ കാണു​ന്നത്‌ എന്താ​ണെന്നു നിരീ​ക്ഷി​ക്കാ​മെന്നു മാതാവ്‌ സമ്മതിച്ചു.

അവർ നിരീ​ക്ഷി​ച്ചു​കൊ​ണ്ടി​രുന്ന കാർട്ടൂ​ണു​കൾ തന്നെ ഞെട്ടി​പ്പി​ച്ചെന്ന്‌ ആ മാതാവ്‌ പിറ്റേ ദിവസം പറഞ്ഞു. തങ്ങളുടെ പാതയി​ലുള്ള സകലതി​നെ​യും നിഷ്‌ക​രു​ണം തച്ചുട​യ്‌ക്കുന്ന സാങ്കൽപ്പിക ബഹിരാ​കാശ ഭീകര ജീവി​കളെ ആണ്‌ അവ ചിത്രീ​ക​രി​ച്ചത്‌. യഹോവ അക്രമത്തെ വെറു​ക്കു​ന്നു​വെ​ന്നും നാം അത്തരം ക്രൂരത നിരീ​ക്ഷി​ക്കു​ന്നത്‌ അവനു സന്തോ​ഷ​ക​ര​മ​ല്ലെ​ന്നും അവർ തന്റെ മക്കളോ​ടു വിശദീ​ക​രി​ച്ചു. (സങ്കീർത്തനം 11:5) യഹോ​വയെ പ്രീതി​പ്പെ​ടു​ത്താൻ ആഗ്രഹിച്ച ആ പെൺകു​ട്ടി​കൾ, ടെലി​വി​ഷൻ കാണു​ന്ന​തി​നു പകരം ഡ്രോ​യി​ങ്ങോ പെയി​ന്റി​ങ്ങോ ചെയ്യാ​മെന്നു സമ്മതിച്ചു. താമസി​യാ​തെ തന്നെ, അവരുടെ അക്രമ​സ്വ​ഭാ​വം മാറി. കുടുംബ അന്തരീക്ഷം മെച്ച​പ്പെട്ടു.

ബൈബിൾ തത്ത്വങ്ങൾ ബാധക​മാ​ക്കു​ന്നത്‌ കുടുംബ ജീവിതം മെച്ച​പ്പെ​ടു​ത്തു​ന്നു​വെന്നു കാണി​ക്കാ​നുള്ള ചുരുക്കം ചില ദൃഷ്ടാ​ന്തങ്ങൾ മാത്ര​മാണ്‌ ഇവ. ബൈബിൾ ബുദ്ധ്യു​പ​ദേശം എല്ലാവിധ സാഹച​ര്യ​ങ്ങൾക്കും ഇണങ്ങു​ന്ന​താണ്‌. അത്‌ ആധികാ​രി​ക​വും നന്മയ്‌ക്കുള്ള ശക്തമാ​യൊ​രു സ്വാധീ​ന​വു​മാണ്‌. (എബ്രായർ 4:12) ആളുകൾ ബൈബിൾ പഠിക്കു​ക​യും അതു പറയു​ന്നതു ബാധക​മാ​ക്കാൻ ആത്മാർഥ​മാ​യി ശ്രമി​ക്കു​ക​യും ചെയ്യു​മ്പോൾ കുടും​ബങ്ങൾ ബലിഷ്‌ഠ​മാ​കു​ന്നു, വ്യക്തി​ത്വ​ങ്ങൾ മെച്ച​പ്പെ​ടു​ന്നു, പിശകു​കൾ ഒഴിവാ​ക്ക​പ്പെ​ടു​ന്നു. ദൈവ​ത്തി​ന്റെ ബുദ്ധ്യു​പ​ദേശം പിൻപ​റ്റു​ന്നതു കുടും​ബ​ത്തി​ലെ ഒരു അംഗം മാത്രം ആയിരി​ക്കു​മ്പോൾ പോലും കാര്യങ്ങൾ മെച്ച​പ്പെ​ടു​ന്നു. ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും, സങ്കീർത്ത​ന​ക്കാ​രൻ വീക്ഷി​ച്ച​തു​പോ​ലെ​തന്നെ നാം ദൈവ​വ​ച​നത്തെ വീക്ഷി​ക്കണം. അവൻ ഇങ്ങനെ എഴുതി: “നിന്റെ വചനം എന്റെ കാലിന്നു ദീപവും എന്റെ പാതെക്കു പ്രകാ​ശ​വും ആകുന്നു.”—സങ്കീർത്തനം 119:105.

[5-ാം പേജിലെ ചിത്രം]

ബൈബിൾ തത്ത്വങ്ങൾ ബാധക​മാ​ക്കി​യ​തി​ലൂ​ടെ കുടുംബ പ്രശ്‌നങ്ങൾ പരിഹ​രി​ക്ക​പ്പെ​ട്ടി​ട്ടുണ്ട്‌