ദൈവ സേവന​ത്തിൽ ഏകീകൃ​ത​രായ വലിയ കുടും​ബ​ങ്ങൾ

‘മക്കൾ, യഹോവ നൽകുന്ന അവകാ​ശ​വും ഉദരഫലം, അവൻ തരുന്ന പ്രതി​ഫ​ല​വും തന്നേ. വീരന്റെ കയ്യിലെ അസ്‌ത്രങ്ങൾ എങ്ങനെ​യോ അങ്ങനെ​യാ​കു​ന്നു യൗവന​ത്തി​ലെ മക്കൾ. അവയെ​ക്കൊ​ണ്ടു തന്റെ ആവനാഴി നിറച്ചി​രി​ക്കുന്ന പുരുഷൻ ഭാഗ്യ​വാൻ” എന്നു സങ്കീർത്ത​ന​ക്കാ​രൻ എഴുതി.—സങ്കീർത്തനം 127:3-5.

അതേ, മക്കൾ യഹോ​വ​യിൽനി​ന്നുള്ള ഒരു അനു​ഗ്രഹം ആയിരി​ക്കാ​വു​ന്ന​താണ്‌. തന്റെ ആവനാ​ഴി​യിൽനിന്ന്‌ എങ്ങനെ അസ്‌ത്രം തൊടു​ത്തു​വി​ടാ​മെന്ന്‌ അറിയാ​വുന്ന വില്ലാളി അതിൽ സംതൃ​പ്‌തി കണ്ടെത്തു​ന്ന​തു​പോ​ലെ, മാതാ​പി​താ​ക്കൾ തങ്ങളുടെ മക്കളെ നിത്യ​ജീ​വ​നി​ലേക്കു നയിക്കുന്ന പാതയിൽ നയിക്കു​മ്പോൾ അവർക്കു സന്തോഷം ഉണ്ടാകു​ന്നു.—മത്തായി 7:14.

പുരാതന കാലത്ത്‌, തങ്ങളുടെ ‘ആവനാഴി നിറ’യെ മക്കളു​ണ്ടാ​യി​രുന്ന കുടും​ബങ്ങൾ ദൈവ​ജ​ന​ത​യ്‌ക്കി​ട​യിൽ സാധാ​ര​ണ​മാ​യി​രു​ന്നു. ഉദാഹ​ര​ണ​ത്തിന്‌, വർഷങ്ങ​ളോ​ളം ഈജി​പ്‌തിൽ അടിമ​ത്ത​ത്തി​ലാ​യി​രുന്ന ഇസ്രാ​യേ​ല്യ​രു​ടെ കാര്യം​തന്നെ: “യിസ്രാ​യേൽമക്കൾ സന്താന​സ​മ്പ​ന്ന​രാ​യി അത്യന്തം വർദ്ധിച്ചു പെരുകി ബലപ്പെട്ടു; ദേശം അവരെ​ക്കൊ​ണ്ടു നിറഞ്ഞു.” (പുറപ്പാ​ടു 1:7) ഈജി​പ്‌തിൽ ഇസ്രാ​യേ​ല്യർ ചെന്ന​പ്പോ​ഴത്തെ സംഖ്യ​യും അവർ അവി​ടെ​നി​ന്നു പുറ​പ്പെ​ട്ട​പ്പോ​ഴത്തെ സംഖ്യ​യും താരത​മ്യം ചെയ്‌താൽ ഓരോ കുടും​ബ​ത്തി​ലും ശരാശരി 10 അംഗങ്ങൾ ഉണ്ടായി​രു​ന്നി​രി​ക്കണം!

ഇന്ന്‌ അനേകർക്കും വലിയ​തെന്നു തോന്നുന്ന ഒരു കുടും​ബ​ത്തി​ലാണ്‌ യേശു വളർന്നത്‌. ആദ്യജാ​ത​നായ യേശു​വി​നെ കൂടാതെ യോ​സേ​ഫി​നും മറിയ​യ്‌ക്കും വേറെ നാലു പുത്ര​ന്മാ​രും ഏതാനും പുത്രി​മാ​രും ഉണ്ടായി​രു​ന്നു. (മത്തായി 13:54-56) അനേകം മക്കൾ ഉണ്ടായി​രു​ന്നു എന്നതാ​കാം മറിയ​യും യോ​സേ​ഫും, കൂട്ടത്തിൽ യേശു ഇല്ല എന്നു തിരി​ച്ച​റി​യാ​തെ യെരൂ​ശ​ലേ​മിൽനി​ന്നു മടക്കയാ​ത്ര ആരംഭി​ക്കാൻ ഉണ്ടായ ഒരു കാരണം.—ലൂക്കൊസ്‌ 2:42-46.

ഇന്നത്തെ വലിയ കുടും​ബ​ങ്ങൾ

ഇന്ന്‌, ആത്മീയ​വും സാമ്പത്തി​ക​വും സാമൂ​ഹി​ക​വും പോലുള്ള കാരണ​ങ്ങ​ളാൽ അനേകം ക്രിസ്‌ത്യാ​നി​കൾ തങ്ങളുടെ മക്കളുടെ എണ്ണം പരിമി​ത​മാ​യി​രി​ക്കാൻ തീരു​മാ​നി​ക്കു​ന്നു. എന്നിരു​ന്നാ​ലും, അനേകം സമുദാ​യ​ങ്ങ​ളി​ലും വലിയ കുടും​ബങ്ങൾ സാധാ​ര​ണ​മാണ്‌. സ്റ്റേറ്റ്‌ ഓഫ്‌ ദ വേൾഡ്‌സ്‌ ചിൽഡ്രൻ 1997 പറയുന്ന പ്രകാരം, ഏറ്റവും കൂടുതൽ ജനനനി​രക്ക്‌ സഹാറ​യു​ടെ തെക്കുള്ള ആഫ്രിക്കൻ പ്രദേ​ശ​ത്താണ്‌. അവിടെ, സാധാ​ര​ണ​മാ​യി ഒരു സ്‌ത്രീ ആറു കുട്ടി​കൾക്കു ജന്മം നൽകുന്നു.

വലിയ കുടും​ബ​ങ്ങ​ളി​ലെ ക്രിസ്‌തീയ മാതാ​പി​താ​ക്കൾക്ക്‌ യഹോ​വയെ സ്‌നേ​ഹി​ക്കാൻ പാകത്തിന്‌ കുട്ടി​കളെ വളർത്തി​ക്കൊ​ണ്ടു​വ​രു​ന്നത്‌ എളുപ്പമല്ല, എന്നാൽ അനേക​രും അതു വിജയ​പ്ര​ദ​മാ​യി നിർവ​ഹി​ക്കു​ന്നുണ്ട്‌. കുടും​ബം നിർമ​ലാ​രാ​ധ​ന​യിൽ ഏകീകൃ​ത​മാ​യി​രി​ക്കു​ന്ന​തി​നെ ആശ്രയി​ച്ചാ​ണു വിജയ​മി​രി​ക്കു​ന്നത്‌. കൊരി​ന്ത്യ സഭയ്‌ക്കുള്ള പൗലൊസ്‌ അപ്പൊ​സ്‌ത​ലന്റെ വാക്കുകൾ ഇന്നത്തെ കുടും​ബ​ങ്ങൾക്കും ബാധക​മാണ്‌. അവൻ എഴുതി: “സഹോ​ദ​രൻമാ​രേ, നിങ്ങൾ എല്ലാവ​രും ഒന്നു തന്നേ സംസാ​രി​ക്ക​യും നിങ്ങളു​ടെ ഇടയിൽ ഭിന്നത ഭവിക്കാ​തെ ഏകമന​സ്സി​ലും ഏകാഭി​പ്രാ​യ​ത്തി​ലും യോജി​ച്ചി​രി​ക്ക​യും വേണം എന്നു ഞാൻ നിങ്ങളെ . . . പ്രബോ​ധി​പ്പി​ക്കു​ന്നു.” (1 കൊരി​ന്ത്യർ 1:10) അത്തരം ഐക്യം എങ്ങനെ നേടി​യെ​ടു​ക്കാം?

മാതാ​പി​താ​ക്കൾ ആത്മീയ വ്യക്തികൾ ആയിരി​ക്ക​ണം

മാതാ​പി​താ​ക്കൾ പൂർണ​മാ​യും ദൈവ​ത്തി​നു സമർപ്പി​തർ ആയിരി​ക്കണം എന്നതാണു പ്രധാ​ന​പ്പെട്ട ഒരു സംഗതി. മോശ ഇസ്രാ​യേ​ല്യ​രോ​ടു പറഞ്ഞതു പരിചി​ന്തി​ക്കുക: “യിസ്രാ​യേലേ, കേൾക്ക; യഹോവ നമ്മുടെ ദൈവ​മാ​കു​ന്നു; യഹോവ ഏകൻ തന്നേ. നിന്റെ ദൈവ​മായ യഹോ​വയെ നീ പൂർണ്ണ ഹൃദയ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേ​ഹി​ക്കേണം. ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.”—ആവർത്ത​ന​പു​സ്‌തകം 6:4-7.

ദൈവ​ത്തി​ന്റെ കൽപ്പനകൾ മാതാ​പി​താ​ക്ക​ളു​ടെ ‘ഹൃദയ​ത്തിൽ’ ഇരിക്കേണ്ട ആവശ്യ​മു​ണ്ടെന്നു മോശ പറഞ്ഞതു ശ്രദ്ധി​ക്കുക. എങ്കിൽ മാത്രമേ മക്കൾക്കു ക്രമമാ​യി ആത്മീയ പ്രബോ​ധനം നൽകാൻ മാതാ​പി​താ​ക്കൾ താത്‌പ​ര്യം കാട്ടു​ക​യു​ള്ളൂ. വാസ്‌ത​വ​ത്തിൽ, മാതാ​പി​താ​ക്കൾ ആത്മീയ​മാ​യി ശക്തരാ​യി​രി​ക്കു​മ്പോൾ, ആത്മീയ സംഗതി​കൾ സംബന്ധി​ച്ചു പ്രബോ​ധനം നൽകാൻ അവർക്ക്‌ ഉത്സാഹം ഉണ്ടായി​രി​ക്കും.

ഒരുവൻ ആത്മീയ വ്യക്തി ആയിത്തീ​രു​ന്ന​തി​നും മുഴു​ഹൃ​ദ​യ​ത്തോ​ടെ യഹോ​വയെ സ്‌നേ​ഹി​ക്കു​ന്ന​തി​നും ദൈവ​വ​ചനം ക്രമമാ​യി വായി​ക്കു​ന്ന​തും ധ്യാനി​ക്കു​ന്ന​തും ബാധക​മാ​ക്കു​ന്ന​തും മർമ​പ്ര​ധാ​ന​മാണ്‌. യഹോ​വ​യു​ടെ ന്യായ​പ്ര​മാ​ണ​ത്തിൽ ആനന്ദം​കൊ​ള്ളു​ക​യും അതു “രാപ്പകൽ” വായി​ക്കു​ക​യും ചെയ്യു​ന്നവൻ “ആററരി​കത്തു നട്ടിരി​ക്കു​ന്ന​തും തക്കകാ​ലത്തു ഫലം കായ്‌ക്കു​ന്ന​തും ഇല വാടാ​ത്ത​തു​മായ വൃക്ഷം​പോ​ലെ ഇരിക്കും; അവൻ ചെയ്യു​ന്ന​തൊ​ക്കെ​യും സാധി​ക്കും [“വിജയി​ക്കും,” NW].”—സങ്കീർത്തനം 1:2, 3.

ക്രമമാ​യി നനയ്‌ക്കു​ന്നെ​ങ്കിൽ വൃക്ഷം കായ്‌ക്കു​ന്ന​തു​പോ​ലെ, ആത്മീയ​മാ​യി പോഷി​പ്പി​ക്ക​പ്പെ​ടുന്ന കുടും​ബങ്ങൾ ദൈവിക ഫലം ഉത്‌പാ​ദി​പ്പിച്ച്‌ യഹോ​വ​യ്‌ക്കു പുകഴ്‌ച വരുത്തും. ഉദാഹ​ര​ണ​ത്തിന്‌, പശ്ചിമ ആഫ്രി​ക്ക​യിൽ താമസി​ക്കുന്ന ഊവാ​ഡി​യെ​ഗ്‌വൂ​ന്റെ കുടും​ബം. ഊവാ​ഡി​യെ​ഗ്‌വൂ ദമ്പതി​ക​ളു​ടെ എട്ടു മക്കളിൽ രണ്ടു പേർ നിരന്തര പയനി​യർമാർ, അഥവാ യഹോ​വ​യു​ടെ സാക്ഷി​ക​ളു​ടെ മുഴു​സമയ ശുശ്രൂ​ഷകർ ആണ്‌. അദ്ദേഹം പറയുന്നു: “കഴിഞ്ഞ 20 വർഷമാ​യി ഞങ്ങളുടെ കുടും​ബ​ത്തിൽ ക്രമമായ ബൈബിൾ അധ്യയനം ഉണ്ട്‌. ശൈശവം മുതലേ ഞങ്ങൾ കുട്ടി​കളെ, കുടുംബ അധ്യയന വേളയിൽ മാത്രമല്ല ശുശ്രൂ​ഷ​യ്‌ക്കി​ട​യി​ലും മറ്റു സമയങ്ങ​ളി​ലും, ദൈവ​വ​ചനം പഠിപ്പി​ച്ചു. ഞങ്ങളുടെ മക്കൾ എല്ലാവ​രും രാജ്യ​സു​വാർത്താ ഘോഷകർ ആണ്‌. 6 വയസ്സുള്ള ഏറ്റവും ഇളയ കുട്ടി മാത്രമേ ഇനി സ്‌നാ​പ​ന​മേൽക്കാ​നു​ള്ളൂ.”

ഒരു സംഘമാ​യി പ്രവർത്തി​ക്കൽ

“ജ്ഞാനം​കൊ​ണ്ടു ഭവനം പണിയു​ന്നു” എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 24:3) കുടും​ബ​ത്തി​നു​ള്ളിൽ അത്തരം ജ്ഞാനം കൂട്ടായ വേല ഉളവാ​ക്കു​ന്നു. കുടും​ബ​മെന്ന കൂട്ടത്തി​ന്റെ “ക്യാപ്‌റ്റൻ” പിതാവ്‌ ആണ്‌; ഭവനത്തി​ന്റെ ദൈവ​നി​യ​മിത ശിരസ്സ്‌ ആണ്‌ അദ്ദേഹം. (1 കൊരി​ന്ത്യർ 11:3) ശിരഃ​സ്ഥാ​ന​ത്തി​ന്റെ ഉത്തരവാ​ദി​ത്വം എത്ര ഗൗരവ​മാ​യ​താണ്‌ എന്നതിന്‌ ഊന്നൽ നൽകി​ക്കൊണ്ട്‌ നിശ്വസ്‌ത അപ്പൊ​സ്‌ത​ല​നായ പൗലൊസ്‌ എഴുതി: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി [ഭൗതി​ക​മാ​യും ആത്മീയ​മാ​യും] കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.”—1 തിമൊ​ഥെ​യൊസ്‌ 5:8.

ദൈവ​വ​ച​ന​ത്തിൽനി​ന്നുള്ള ഈ ബുദ്ധ്യു​പ​ദേ​ശ​ത്തി​നു ചേർച്ച​യിൽ, ക്രിസ്‌തീയ ഭർത്താ​ക്ക​ന്മാർ ഭാര്യ​മാ​രു​ടെ ആത്മീയ​ത​യ്‌ക്കു​വേണ്ടി കരുതേണ്ട ആവശ്യ​മുണ്ട്‌. ഭാര്യ​മാർ വീട്ടു​ജോ​ലി​ക​ളാൽ ഭാര​പ്പെ​ടു​ന്നെ​ങ്കിൽ, അവരുടെ ആത്മീയ​തയെ അതു പ്രതി​കൂ​ല​മാ​യി ബാധി​ക്കും. ഒരു ആഫ്രിക്കൻ രാജ്യത്ത്‌ പുതു​താ​യി സ്‌നാ​പ​ന​മേറ്റ ഒരു ക്രിസ്‌ത്യാ​നി സഭയിലെ മൂപ്പന്മാ​രോട്‌ തന്റെ ഭാര്യ ആത്മീയ കാര്യ​ങ്ങ​ളിൽ കാര്യ​മായ താത്‌പ​ര്യം കാണി​ക്കു​ന്നി​ല്ലെന്നു പരാതി​പ്പെട്ടു. ഭാര്യ​യ്‌ക്കു പ്രാ​യോ​ഗിക സഹായ​മാണ്‌ ആവശ്യ​മെന്നു മൂപ്പന്മാർ സൂചി​പ്പി​ച്ചു. അതു​കൊണ്ട്‌ ഭർത്താവ്‌ വീട്ടു​ജോ​ലി​ക​ളിൽ അവളെ സഹായി​ക്കാൻ തുടങ്ങി. ബൈബിൾ വായന​യും പരിജ്ഞാ​ന​വും മെച്ച​പ്പെ​ടു​ത്താ​നും അവളെ സഹായി​ക്കാ​നും അദ്ദേഹം സമയം ചെലവ​ഴി​ച്ചു. അവൾ അതി​നോ​ടു നന്നായി പ്രതി​ക​രി​ച്ചു, ഇപ്പോൾ മുഴു​കു​ടും​ബ​വും ദൈവ​സേ​വ​ന​ത്തിൽ ഏകീകൃ​ത​രാണ്‌.

പിതാ​ക്ക​ന്മാർ തങ്ങളുടെ മക്കളുടെ ആത്മീയ​ത​യ്‌ക്കു​വേ​ണ്ടി​യും പ്രവർത്തി​ക്കേ​ണ്ട​തുണ്ട്‌. പൗലൊസ്‌ എഴുതി: “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ അവരെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രു​വിൻ.” (എഫെസ്യർ 6:4, NW) തങ്ങളുടെ മക്കളെ പ്രകോ​പി​പ്പി​ക്ക​രു​തെന്ന ബുദ്ധ്യു​പ​ദേ​ശ​വും അവരെ പരിശീ​ലി​പ്പി​ക്ക​ണ​മെന്ന കൽപ്പന​യും മാതാ​പി​താ​ക്കൾ ചെവി​ക്കൊ​ള്ളു​മ്പോൾ, തങ്ങൾ കുടും​ബ​മെന്ന സംഘത്തി​ന്റെ ഭാഗമാ​ണെന്ന തോന്നൽ മക്കൾക്ക്‌ ഉണ്ടാകും. തത്‌ഫ​ല​മാ​യി, ആത്മീയ ലക്ഷ്യങ്ങൾ കൈവ​രി​ക്കാൻ കുട്ടികൾ പരസ്‌പരം സഹായി​ക്കാ​നും പ്രോ​ത്സാ​ഹി​പ്പി​ക്കാ​നും സാധ്യ​ത​യുണ്ട്‌.

കൂട്ടായ വേലയു​ടെ ഭാഗമെന്ന നിലയിൽ, കുട്ടികൾ സജ്ജരാ​കു​ന്ന​ത​നു​സ​രിച്ച്‌ അവർക്ക്‌ ആത്മീയ ഉത്തരവാ​ദി​ത്വ​ങ്ങൾ നൽകണം. 11 മക്കളുടെ പിതാ​വായ ഒരു ക്രിസ്‌തീയ മൂപ്പൻ രാവിലെ നേരത്തേ ഉണർന്ന്‌ അവരിൽ പലരു​മാ​യി അധ്യയനം നടത്തി​യി​ട്ടാ​ണു ജോലി​ക്കു പുറ​പ്പെ​ടു​ന്നത്‌. മൂത്ത മക്കൾ, സ്‌നാ​പ​ന​ത്തി​നു​ശേഷം, തങ്ങളുടെ ഊഴമ​നു​സ​രിച്ച്‌ അനുജ​ന്മാ​രെ​യും അനുജ​ത്തി​മാ​രെ​യും സഹായിച്ച്‌ അവരെ ബൈബിൾ പഠിപ്പി​ക്കു​ന്ന​തിൽ പങ്കുപ​റ്റു​ന്നു. പിതാവ്‌ അവരുടെ ശ്രമങ്ങൾക്ക്‌ മേൽനോ​ട്ടം വഹിക്കു​ക​യും അവരെ അതിനു പ്രശം​സി​ക്കു​ക​യും ചെയ്യുന്നു. കുട്ടി​ക​ളിൽ 6 പേർ സ്‌നാ​പ​ന​മേറ്റു. മറ്റുള്ളവർ ആ ലക്ഷ്യത്തി​ലേക്ക്‌ അടുത്തു​കൊ​ണ്ടി​രി​ക്കു​ന്നു.

നല്ല ആശയവി​നി​മയം, പൊതു​വായ ലക്ഷ്യങ്ങൾ

സ്‌നേ​ഹ​പു​ര​സ്സ​ര​മായ ആശയവി​നി​മ​യ​വും പൊതു​വായ ആത്മീയ ലക്ഷ്യങ്ങൾ ഉണ്ടായി​രി​ക്കു​ന്ന​തും ഏകീകൃത കുടും​ബ​ങ്ങൾക്ക്‌ മർമ​പ്ര​ധാ​ന​മാണ്‌. നൈജീ​രി​യ​യിൽ പാർക്കുന്ന ഗൊർഡൻ എന്നു പേരായ ക്രിസ്‌തീയ മൂപ്പന്‌ 11 മുതൽ 27 വരെ പ്രായ​മുള്ള ഏഴ്‌ മക്കളുണ്ട്‌. അവരിൽ 6 പേരും മാതാ​പി​താ​ക്ക​ളെ​പ്പോ​ലെ പയനി​യർമാ​രാണ്‌. ഈയിടെ സ്‌നാ​പ​ന​മേറ്റ ഏറ്റവും ഇളയ കുട്ടി കുടും​ബാം​ഗ​ങ്ങ​ളോ​ടൊ​പ്പം ശിഷ്യ​രാ​ക്കൽ വേലയിൽ ക്രമമാ​യി പങ്കെടു​ക്കു​ന്നു. പ്രായ​പൂർത്തി​യെ​ത്തിയ രണ്ടു പുത്ര​ന്മാർ സഭയിൽ ശുശ്രൂ​ഷാ ദാസന്മാർ ആണ്‌.

ഗൊർഡൻ തന്റെ മക്കളിൽ ഓരോ​രു​ത്തർക്കും വ്യക്തി​പ​ര​മാ​യി ബൈബിൾ അധ്യയനം നടത്തി​യി​രു​ന്നു. കൂടാതെ, കുടും​ബ​ത്തിന്‌ സമഗ്ര​മായ ബൈബിൾ പഠന പരിപാ​ടി​യു​മുണ്ട്‌. ദിവസ​വും രാവിലെ അവർ ഒരുമി​ച്ചു​കൂ​ടി ബൈബിൾവാ​ക്യം പരിചി​ന്തി​ക്കു​ന്നു, പിന്നെ സഭാ യോഗ​ങ്ങൾക്കാ​യി തയ്യാറാ​കു​ക​യും ചെയ്യുന്നു.

ഓരോ കുടും​ബാം​ഗ​വും വീക്ഷാ​ഗോ​പു​രം, ഉണരുക! എന്നീ മാസി​ക​ക​ളി​ലെ എല്ലാ ലേഖന​ങ്ങ​ളും വായി​ക്ക​ണ​മെ​ന്ന​താണ്‌ ഒരു ലക്ഷ്യം. ഈയിടെ, അവർ അനുദിന ബൈബിൾ വായന​യും തങ്ങളുടെ ദിനച​ര്യ​യിൽ ഉൾപ്പെ​ടു​ത്തി. വായി​ച്ച​തി​നെ കുറിച്ചു സംസാ​രി​ച്ചു​കൊണ്ട്‌, കുടും​ബാം​ഗങ്ങൾ പരസ്‌പരം പ്രോ​ത്സാ​ഹി​പ്പിച്ച്‌ പ്രസ്‌തുത ശീലം നിലനിർത്തു​ന്നു.

പ്രതി​വാ​ര കുടുംബ ബൈബിൾ അധ്യയനം ഒരു പതിവ്‌ ആയിക്ക​ഴി​ഞ്ഞ​തി​നാൽ അതേക്കു​റിച്ച്‌ ആരും ഓർപ്പി​ക്കേ​ണ്ടി​വ​രു​ന്നില്ല; സകലരും അതിനാ​യി കാത്തി​രി​ക്കു​ക​യാണ്‌. കുട്ടി​ക​ളു​ടെ പ്രായ​വും ആവശ്യ​ങ്ങ​ളും മാറു​ന്ന​ത​നു​സ​രിച്ച്‌ കുടുംബ അധ്യയ​ന​ത്തി​ന്റെ ഉള്ളടക്ക​ത്തി​നും ഘടനയ്‌ക്കും ദൈർഘ്യ​ത്തി​നും വർഷങ്ങ​ളി​ലൂ​ടെ മാറ്റങ്ങൾ വരുത്തി. കുടും​ബം ദൈവ​ത്തി​ന്റെ വിശ്വ​സ്‌ത​രായ മറ്റു ദാസന്മാ​രു​മാ​യി അടുത്തി​രി​ക്കു​ന്നു. ഇത്‌ കുട്ടി​ക​ളു​ടെ​മേൽ ഒരു നല്ല സ്വാധീ​ന​മാ​യി​രു​ന്നു.

ഒരു കുടും​ബം എന്ന നിലയിൽ, അവർ കാര്യങ്ങൾ ഒരുമി​ച്ചു ചെയ്യു​ക​യും വിനോ​ദ​ത്തി​നു സമയം മാറ്റി​വെ​ക്കു​ക​യും ചെയ്യുന്നു. വാരം​തോ​റും അവർ ഒരു “കുടും​ബ​സന്ധ്യ” ആസ്വദി​ക്കു​ന്നു. പ്രശ്‌നോ​ത്തരി, തമാശകൾ, പിയാ​നോ വായന, കഥപറയൽ എന്നിങ്ങ​നെ​യുള്ള പരിപാ​ടി​ക​ളോ​ടു​കൂ​ടിയ ഒരു ഉല്ലാസ​വേ​ള​യാണ്‌ അത്‌. ചില​പ്പോ​ഴൊ​ക്കെ, കടൽപ്പു​റ​ത്തോ മറ്റു വിനോദ കേന്ദ്ര​ങ്ങ​ളി​ലോ പോകു​ക​യും ചെയ്യും.

യഹോ​വ​യിൽ ആശ്രയി​ക്കൽ

മേൽപ്പറഞ്ഞ സംഗതി​ക​ളൊ​ന്നും​തന്നെ വലിയ കുടും​ബത്തെ വളർത്തി​ക്കൊ​ണ്ടു​വ​രു​ന്ന​തി​ലെ ബുദ്ധി​മുട്ട്‌ കുറയ്‌ക്കു​ന്നില്ല. “എട്ടു കുട്ടി​കൾക്ക്‌ ഒരു നല്ല പിതാവ്‌ ആയിരി​ക്കു​ക​യെ​ന്നത്‌ വലി​യൊ​രു വെല്ലു​വി​ളി തന്നെയാണ്‌,” ഒരു ക്രിസ്‌ത്യാ​നി പറയുന്നു. “അതിന്‌ അവരെ നിലനിർത്തുന്ന സമൃദ്ധ​മായ ഭൗതിക, ആത്മീയ ഭക്ഷണം ആവശ്യ​മാണ്‌. അവരെ പിന്തു​ണ​യ്‌ക്കാൻ ആവശ്യ​മായ പണം സമ്പാദി​ക്കു​ന്ന​തി​നു ഞാൻ കഠിന വേല ചെയ്യണം. മൂത്ത കുട്ടികൾ കൗമാ​ര​പ്രാ​യ​ക്കാർ ആണ്‌. എട്ടു പേരും സ്‌കൂ​ളിൽ പോകു​ന്നവർ. ആത്മീയ പരിശീ​ലനം ആണ്‌ മർമ​പ്ര​ധാ​ന​മെന്ന്‌ എനിക്ക​റി​യാം, എങ്കിലും എന്റെ കുട്ടി​ക​ളിൽ ചിലർ ശാഠ്യ​ക്കാ​രും അനുസ​ര​ണം​കെ​ട്ട​വ​രും ആണ്‌. അവർ എന്നെ ദുഃഖി​പ്പി​ക്കു​ന്നു, എന്നാൽ ഞാനും യഹോ​വ​യു​ടെ ഹൃദയത്തെ ചില​പ്പോ​ഴൊ​ക്കെ ദുഃഖി​പ്പി​ക്കു​ന്നു എന്നും യഹോവ എന്നോടു ക്ഷമിക്കു​ന്നു എന്നും എനിക്ക​റി​യാം. അതിനാൽ കുട്ടികൾ സുബോ​ധ​ത്തി​ലേക്കു വരുന്ന​തു​വരെ ഞാൻ അവരെ ക്ഷമാപൂർവം തിരു​ത്തി​യേ തീരൂ.

“എല്ലാവ​രും അനുതാ​പ​ത്തി​ലേക്കു വരാൻ ആഗ്രഹി​ക്കു​ന്ന​തു​കൊണ്ട്‌ നമ്മോടു ക്ഷമ കാട്ടുന്ന യഹോ​വ​യു​ടെ മാതൃക പിൻപ​റ്റാൻ ഞാൻ ശ്രമി​ക്കു​ന്നു. ഞാൻ കുടും​ബ​ത്തിന്‌ അധ്യയനം എടുക്കു​ന്നു, കുട്ടി​ക​ളിൽ ചിലർ സ്‌നാപന ലക്ഷ്യത്തി​ലേക്ക്‌ അടുത്തു​കൊ​ണ്ടി​രി​ക്കു​ന്നു. ഫലങ്ങൾക്കാ​യി ഞാൻ സ്വന്തം ശക്തിയിൽ ആശ്രയി​ക്കു​ന്നില്ല; എന്റെ ശക്തി​കൊണ്ട്‌ ഒന്നും നേടാ​നാ​വില്ല. ഞാൻ പ്രാർഥ​ന​യിൽ യഹോ​വ​യു​മാ​യി അധിക​മ​ധി​കം അടുക്കാ​നും പിൻവ​രുന്ന പ്രകാരം പറയുന്ന സദൃശ​വാ​ക്യം ബാധക​മാ​ക്കാ​നും ശ്രമി​ക്കു​ക​യാണ്‌: ‘പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്ത വിവേ​ക​ത്തിൽ ഊന്നരു​തു. നിന്റെ എല്ലാവ​ഴി​ക​ളി​ലും അവനെ നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും.’ എന്റെ കുട്ടി​ക​ളു​ടെ പരിശീ​ലനം പൂർത്തി​യാ​ക്കാൻ യഹോവ എന്നെ സഹായി​ക്കും.”—സദൃശ​വാ​ക്യ​ങ്ങൾ 3:5, 6.

ഒരിക്ക​ലും വിട്ടു​ക​ള​യ​രുത്‌!

കുട്ടി​കളെ പരിശീ​ലി​പ്പി​ക്കു​ന്നത്‌ നന്ദി ലഭിക്കാത്ത ഒരു ഉദ്യമം ആണെന്നു ചില​പ്പോൾ തോന്നി​യേ​ക്കാ​മെ​ങ്കി​ലും ഒരിക്ക​ലും വിട്ടു​ക​ള​യ​രുത്‌! സ്ഥിരോ​ത്സാ​ഹം കാണി​ക്കുക! നിങ്ങളു​ടെ കുട്ടികൾ നിങ്ങളു​ടെ ശ്രമങ്ങ​ളോ​ടു ക്രിയാ​ത്മ​ക​മാ​യി പ്രതി​ക​രി​ക്കു​ന്നി​ല്ലെ​ങ്കിൽ, അല്ലെങ്കിൽ അവയെ വിലമ​തി​ക്കു​ന്നി​ല്ലെ​ങ്കിൽ, അവർ ഭാവി​യിൽ അങ്ങനെ ചെയ്‌തേ​ക്കാം. ഒരു കുട്ടി വളർന്ന്‌ ആത്മാവി​ന്റെ ഫലം പുറ​പ്പെ​ടു​വി​ക്കുന്ന ഒരു ക്രിസ്‌ത്യാ​നി ആയിത്തീ​രു​ന്ന​തിന്‌ സമയം ആവശ്യ​മാണ്‌.—ഗലാത്യർ 5:22, 23.

കെനി​യ​യിൽ പാർക്കുന്ന, പത്തു മക്കളിൽ ഒരുവ​ളായ മോനിക്ക പറയുന്നു: “എന്റെ മാതാ​പി​താ​ക്കൾ ഞങ്ങളെ ശൈശവം മുതലേ ബൈബിൾ പഠിപ്പി​ച്ചു. വാരം​തോ​റും ഡാഡി ഞങ്ങൾക്ക്‌ ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളിൽനിന്ന്‌ അധ്യയനം എടുത്തു. അദ്ദേഹ​ത്തി​ന്റെ ജോലി നിമിത്തം, അധ്യയനം എല്ലായ്‌പോ​ഴും ഒരേ ദിവസം അല്ലായി​രു​ന്നു. ചില​പ്പോൾ, അദ്ദേഹം ജോലി കഴി​ഞ്ഞെ​ത്തു​മ്പോൾ ഞങ്ങൾ വെളി​യിൽ കളിക്കു​ന്ന​താ​യി കാണു​ന്നെ​ങ്കിൽ അഞ്ചു മിനി​റ്റി​നകം നാമെ​ല്ലാ​വ​രും അകത്ത്‌ ബൈബിൾ അധ്യയ​ന​ത്തി​നു കൂടി​വ​രാൻ പോകു​ക​യാ​ണെന്ന്‌ അദ്ദേഹം പറയും. ഞങ്ങളുടെ ബൈബിൾ അധ്യയ​ന​ത്തി​നു​ശേഷം, ചോദ്യ​ങ്ങൾ ചോദി​ക്കാ​നോ പ്രശ്‌നങ്ങൾ ചർച്ച ചെയ്യാ​നോ ഞങ്ങൾക്കു പ്രോ​ത്സാ​ഹനം ലഭിച്ചി​രു​ന്നു.

“ഞങ്ങൾ ദൈവ​ഭ​ക്തി​യുള്ള കുട്ടി​ക​ളു​മാ​യി സഹവസി​ക്കു​ന്നു എന്ന്‌ അദ്ദേഹം ഉറപ്പാ​ക്കി​യി​രു​ന്നു. അദ്ദേഹം ക്രമമാ​യി സ്‌കൂ​ളിൽ വന്ന്‌ ഞങ്ങളുടെ പ്രവർത്ത​നത്തെ കുറിച്ച്‌ അധ്യാ​പ​ക​രോ​ടു തിരക്കു​മാ​യി​രു​ന്നു. ഒരു സന്ദർശ​ന​ത്തിൽ, എന്റെ മൂന്നു സഹോ​ദ​ര​ന്മാർ മറ്റ്‌ ആൺകു​ട്ടി​ക​ളു​മാ​യി വഴക്കു​ണ്ടാ​ക്കി​യെ​ന്നും അവർ ചില​പ്പോ​ഴൊ​ക്കെ പരുക്കൻമ​ട്ടിൽ ഇടപെ​ട്ടു​വെ​ന്നും അദ്ദേഹം കേട്ടു. മോശ​മാ​യി പെരു​മാ​റി​യ​തിന്‌ ഡാഡി അവരെ ശിക്ഷിച്ചു, അതേസ​മയം അവർ ദൈവി​ക​മായ വിധത്തിൽ പെരു​മാ​റേ​ണ്ടത്‌ എന്തു​കൊ​ണ്ടെന്ന്‌ തിരു​വെ​ഴു​ത്തു​ക​ളിൽനി​ന്നു വിശദ​മാ​ക്കാൻ സമയം എടുക്കു​ക​യും ചെയ്‌തു.

“ഞങ്ങളോ​ടൊ​പ്പം യോഗ​പ​രി​പാ​ടി​കൾ തയ്യാറാ​യി​ക്കൊണ്ട്‌ യോഗ​ങ്ങൾക്കു സംബന്ധി​ക്കു​ന്ന​തി​ന്റെ പ്രയോ​ജ​നങ്ങൾ ഞങ്ങളുടെ മാതാ​പി​താ​ക്കൾ ഞങ്ങൾക്കു കാണി​ച്ചു​തന്നു. റിഹേ​ഴ്‌സ​ലു​ക​ളി​ലൂ​ടെ ശുശ്രൂ​ഷകർ ആയിത്തീ​രു​ന്ന​തി​നുള്ള പരിശീ​ലനം ഞങ്ങൾക്കു വീട്ടിൽവെ​ച്ചു​തന്നെ ലഭിച്ചു. ശൈശവം മുതലേ ഞങ്ങൾ മാതാ​പി​താ​ക്ക​ളോ​ടൊ​പ്പം വയൽസേ​വ​ന​ത്തി​നു പോകു​മാ​യി​രു​ന്നു.

“ഇന്ന്‌, എന്റെ മൂത്ത രണ്ടു സഹോ​ദ​ര​ന്മാർ പ്രത്യേക പയനി​യർമാ​രും ഒരു സഹോ​ദരി നിരന്തര പയനി​യ​റും ആണ്‌. വിവാ​ഹി​ത​യും കുടും​ബി​നി​യു​മായ മറ്റൊരു സഹോ​ദരി തീക്ഷ്‌ണ​ത​യുള്ള സാക്ഷി​യാണ്‌. 18-ഉം 16-ഉം വയസ്സുള്ള എന്റെ രണ്ട്‌ അനുജ​ത്തി​മാർ സ്‌നാ​പ​ന​മേറ്റ പ്രസാ​ധകർ ആണ്‌. രണ്ട്‌ അനുജ​ന്മാ​രെ പരിശീ​ലി​പ്പി​ച്ചു​കൊ​ണ്ടി​രി​ക്കു​ന്നു. മൂന്നു വർഷമാ​യി ഞാൻ യഹോ​വ​യു​ടെ സാക്ഷി​ക​ളു​ടെ കെനിയ ബ്രാഞ്ച്‌ ഓഫീ​സിൽ സേവി​ച്ചു​കൊ​ണ്ടി​രി​ക്കു​ന്നു. എന്റെ മാതാ​പി​താ​ക്കൾ ആത്മീയ വ്യക്തികൾ ആയതു​കൊ​ണ്ടു ഞാൻ അവരെ സ്‌നേ​ഹി​ക്കു​ക​യും വിലമ​തി​ക്കു​ക​യും ചെയ്യുന്നു; അവർ ഞങ്ങൾക്കു നല്ല മാതൃക വെച്ചു.”

നിങ്ങൾക്ക്‌ എത്ര കുട്ടികൾ ഉണ്ടെങ്കി​ലും, നിത്യ​ജീ​വ​നി​ലേ​ക്കുള്ള പാതയിൽ അവരെ സഹായി​ക്കു​ന്നതു നിങ്ങൾ ഒരിക്ക​ലും നിർത്ത​രുത്‌. യഹോവ നിങ്ങളു​ടെ ശ്രമങ്ങളെ അനു​ഗ്ര​ഹി​ക്കു​ന്ന​തു​കൊണ്ട്‌, തന്റെ ആത്മീയ മക്കളെ കുറിച്ച്‌ യോഹ​ന്നാൻ അപ്പൊ​സ്‌തലൻ പറഞ്ഞ വാക്കുകൾ നിങ്ങളും പറയും: “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.”—3 യോഹ​ന്നാൻ 4.