ബാൽ ആരാധന—ഇസ്രാ​യേ​ല്യ​രെ വശീക​രി​ക്കാ​നുള്ള പോരാ​ട്ടം

ആയിരം വർഷ​ത്തോ​ളം ഇസ്രാ​യേൽ ജനതയെ വശീക​രി​ക്കാ​നാ​യി ഒരു പോരാ​ട്ടം നടക്കു​ക​യു​ണ്ടാ​യി. ഒരു വശത്ത്‌ അന്ധവി​ശ്വാ​സ​ത്തിൽ അധിഷ്‌ഠി​ത​മായ ഭയവും ലൈം​ഗിക ആചാര​ങ്ങ​ളും, മറുവ​ശത്ത്‌ വിശ്വാ​സ​വും വിശ്വ​സ്‌ത​ത​യും. യഹോ​വ​യ്‌ക്കുള്ള ആരാധ​ന​യും ബാലാ​രാ​ധ​ന​യും തമ്മിലാ​യി​രു​ന്നു ആ ജീവന്മരണ പോരാ​ട്ടം.

തങ്ങളെ ഈജി​പ്‌തിൽ നിന്നു വിടു​വിച്ച സത്യ​ദൈ​വ​ത്തോട്‌ ഇസ്രാ​യേൽ ജനത വിശ്വ​സ്‌ത​മാ​യി പറ്റിനിൽക്കു​മാ​യി​രു​ന്നോ? (പുറപ്പാ​ടു 20:2, 3) അതോ, ദേശം ഫലഭൂ​യി​ഷ്‌ഠ​മാ​ക്കും എന്നു വാഗ്‌ദാ​നം ചെയ്‌ത, കനാന്റെ ഇഷ്ടദേ​വ​നായ ബാലിന്റെ പക്ഷത്തേക്കു തിരി​യു​മാ​യി​രു​ന്നോ?

ആയിര​ക്ക​ണ​ക്കി​നു വർഷങ്ങൾ മുമ്പു നടന്ന ആ ആത്മീയ പോരാ​ട്ടം നമ്മെ സംബന്ധി​ച്ചി​ട​ത്തോ​ളം പ്രാധാ​ന്യം അർഹി​ക്കു​ന്നു. കാരണം? ‘ഇതു ലോകാ​വ​സാ​നം വന്നെത്തി​യി​രി​ക്കുന്ന നമുക്കു ബുദ്ധ്യു​പ​ദേ​ശ​ത്തി​ന്നാ​യി എഴുതി​യി​രി​ക്കു​ന്നു’ എന്ന്‌ പൗലൊസ്‌ അപ്പൊ​സ്‌തലൻ എഴുതി. (1 കൊരി​ന്ത്യർ 10:11) ബാൽ ആരായി​രു​ന്നു, ബാലാ​രാ​ധ​ന​യിൽ എന്തെല്ലാം ഉൾപ്പെ​ട്ടി​രു​ന്നു എന്നീ കാര്യങ്ങൾ മനസ്സി​ലാ​ക്കു​ന്ന​പക്ഷം ആ ചരി​ത്ര​പ്ര​ധാന പോരാ​ട്ടം സംബന്ധിച്ച, മേൽപ്പറഞ്ഞ ഗൗരവാ​വ​ഹ​മായ മുന്നറി​യിപ്പ്‌ കൂടുതൽ അർഥവ​ത്താ​യി​രി​ക്കും.

ബാൽ ആരായി​രു​ന്നു?

പൊ.യു.മു. 1473-നോട​ടുത്ത്‌ കനാനിൽ എത്തിയ​പ്പോ​ഴാണ്‌ ഇസ്രാ​യേ​ല്യർ ബാലിനെ അറിയാ​നി​ട​യാ​യത്‌. കനാന്യർ ബഹു​ദൈ​വ​ങ്ങളെ ആരാധി​ക്കു​ന്ന​താ​യി ഇസ്രാ​യേ​ല്യർ മനസ്സി​ലാ​ക്കി. പേരു​കൾക്കും ചില സ്വഭാവ വിശേ​ഷ​ങ്ങൾക്കും മാറ്റം ഉണ്ടായി​രു​ന്ന​തൊ​ഴി​ച്ചാൽ ആ ദൈവ​ങ്ങ​ളും ഈജി​പ്‌തി​ലെ ദൈവ​ങ്ങ​ളും തമ്മിൽ കാര്യ​മായ വ്യത്യാ​സ​മൊ​ന്നും ഉണ്ടായി​രു​ന്നില്ല. എന്നുവ​രി​കി​ലും, ബാലിനെ കനാന്യ​രു​ടെ മുഖ്യ ദൈവ​മാ​യി ബൈബിൾ വേർതി​രി​ച്ചു കാട്ടുന്നു. പുരാ​വ​സ്‌തു കണ്ടുപി​ടി​ത്ത​ങ്ങ​ളും അതു സ്ഥിരീ​ക​രി​ക്കു​ന്നു. (ന്യായാ​ധി​പ​ന്മാർ 2:11) ബാൽ തങ്ങളുടെ ഇഷ്ടദേ​വ​ന്മാ​രിൽ പ്രമുഖൻ ആയിരു​ന്നി​ല്ലെ​ങ്കി​ലും കനാന്യ​രെ സംബന്ധി​ച്ചി​ട​ത്തോ​ളം അവൻ ഒരു പ്രധാന ദൈവ​മാ​യി​രു​ന്നു. മഴ, കാറ്റ്‌, മേഘങ്ങൾ എന്നിവ​യു​ടെ​മേൽ ശക്തി ചെലു​ത്താൻ ബാലിനു കഴിവു​ണ്ടെ​ന്നും വന്ധ്യത​യിൽനി​ന്നോ മരണത്തിൽനി​ന്നോ പോലും ജനങ്ങളെ—മൃഗങ്ങ​ളെ​യും വിളവു​ക​ളെ​യും—വിടു​വി​ക്കാൻ അവനു മാത്രമേ സാധിക്കൂ എന്നും അവർ വിശ്വ​സി​ച്ചി​രു​ന്നു. ബാലിന്റെ സംരക്ഷ​ണ​മി​ല്ലെ​ങ്കിൽ മോട്ട്‌ എന്ന പ്രതി​കാ​ര​ദാ​ഹി​യായ കനാന്യ ദേവൻ അവരു​ടെ​മേൽ നിശ്ചയ​മാ​യും വിനാശം വിതയ്‌ക്കു​മാ​യി​രു​ന്ന​ത്രേ.

ബാലാ​രാ​ധ​ന​യിൽ ലൈം​ഗിക ആചാരങ്ങൾ മുറ്റി​നി​ന്നി​രു​ന്നു. ബാലാ​രാ​ധ​ന​യ്‌ക്ക്‌ ഉപയോ​ഗി​ച്ചി​രുന്ന സ്‌തം​ഭ​വി​ഗ്ര​ഹ​ങ്ങ​ളും അശേരാ​പ്ര​തി​ഷ്‌ഠ​ക​ളും പോലുള്ള പൂജാ​വ​സ്‌തു​ക്കൾക്കു പോലും ലൈം​ഗിക പരി​വേഷം ഉണ്ടായി​രു​ന്നു. സ്‌തം​ഭ​വി​ഗ്ര​ഹങ്ങൾ—പുരു​ഷ​ലിം​ഗ പ്രതീ​ക​ത്തി​ലുള്ള പാറയോ ചെത്തി​യെ​ടുത്ത കല്ലുക​ളോ—രതിബ​ന്ധ​ത്തി​ലുള്ള പുരു​ഷന്റെ പങ്കിനെ പ്രതി​നി​ധാ​നം ചെയ്‌തു. നേരെ​മ​റിച്ച്‌ അശേരാ​പ്ര​തി​ഷ്‌ഠകൾ, ബാലിന്റെ ഭാര്യ​യായ അശേര​യെ​യും രതിബ​ന്ധ​ത്തിൽ സ്‌ത്രീ​യു​ടെ പങ്കി​നെ​യും പ്രതി​നി​ധാ​നം ചെയ്യുന്ന തടി​കൊ​ണ്ടുള്ള വസ്‌തു​ക്ക​ളോ മരങ്ങളോ ആയിരു​ന്നു.—1 രാജാ​ക്ക​ന്മാർ 18:19.

ക്ഷേത്ര​വേ​ശ്യാ​വൃ​ത്തി​യും ശിശു​ബ​ലി​യും ആയിരു​ന്നു ബാലാ​രാ​ധ​ന​യു​ടെ മറ്റു പ്രധാന സവി​ശേ​ഷ​തകൾ. (1 രാജാ​ക്ക​ന്മാർ 14:23, 24; 2 ദിനവൃ​ത്താ​ന്തം 28:2, 3) ബൈബി​ളും പുരാ​വ​സ്‌തു​ശാ​സ്‌ത്ര​വും (ഇംഗ്ലീഷ്‌) എന്ന പുസ്‌തകം ഇങ്ങനെ പറയുന്നു: “കനാന്യ ക്ഷേത്ര​ങ്ങ​ളിൽ സ്‌ത്രീ​ക​ളും പുരു​ഷ​ന്മാ​രും (‘വിശുദ്ധ’ സ്‌ത്രീ​പു​രു​ഷ​ന്മാർ) വേശ്യാ​വൃ​ത്തി​യിൽ ഏർപ്പെ​ട്ടി​രു​ന്നു. അവർ നാനാ​വിധ ലൈം​ഗിക വികട​ത്ത​ര​ങ്ങ​ളി​ലും മുഴു​കി​യി​രു​ന്നു. വിളവു​ക​ളും വളർത്തു മൃഗങ്ങ​ളും സമൃദ്ധ​മാ​യി ഉണ്ടാകാൻ അത്തരം ആചാരങ്ങൾ എങ്ങനെ​യോ ഇടയാ​ക്കു​ന്ന​താ​യി [കനാന്യർ] വിശ്വ​സി​ച്ചു​പോ​ന്നു.” അത്തരം അധാർമിക സംഗതി​ക​ളു​ടെ മതപര​മായ ന്യായീ​ക​രണം അതായി​രു​ന്നെ​ങ്കി​ലും, ആരാധ​ക​രു​ടെ ജഡിക തൃഷ്‌ണ​കൾക്ക്‌ അവ ഹരം പകർന്നി​രു​ന്നു എന്നതാണു വാസ്‌തവം. അങ്ങനെ​യെ​ങ്കിൽ, ഇസ്രാ​യേ​ല്യ​രെ ബാൽ വശീക​രി​ച്ചത്‌ എങ്ങനെ?

അത്ര ആകർഷകം ആയിരു​ന്നത്‌ എന്തു​കൊണ്ട്‌?

തങ്ങളിൽ നിന്നു യാതൊ​ന്നും നിഷ്‌കർഷി​ക്കാത്ത ഒരു ആരാധ​നാ​രീ​തി പിൻപ​റ്റാ​നാ​ണു പല ഇസ്രാ​യേ​ല്യ​രും താത്‌പ​ര്യം കാട്ടി​യത്‌. ബാലാ​രാ​ധന പിൻപ​റ്റു​ന്ന​പക്ഷം ന്യായ​പ്ര​മാ​ണം—ശബത്തും പല ധാർമിക നിയമ​ങ്ങ​ളും പോലുള്ള സംഗതി​കൾ—അവർക്കു പാലി​ക്കേ​ണ്ട​തി​ല്ലാ​യി​രു​ന്നു. (ലേവ്യ​പു​സ്‌തകം 18:2-30; ആവർത്ത​ന​പു​സ്‌തകം 5:1-3) ബാലിനെ പ്രീണി​പ്പി​ക്കേ​ണ്ടത്‌ ആവശ്യ​മാ​ണെന്നു കനാന്യ​രു​ടെ ഭൗതിക സമൃദ്ധി അവരെ ബോധ്യ​പ്പെ​ടു​ത്തി​യി​രി​ക്കണം.

പൂജാ​ഗി​രി​കൾ എന്ന്‌ അറിയ​പ്പെ​ട്ടി​രുന്ന കനാന്യ ക്ഷേത്രങ്ങൾ വൃക്ഷനി​ബി​ഡ​മായ കുന്നിൻ മുകളി​ലാ​ണു പണിയ​പ്പെ​ട്ടി​രു​ന്നത്‌. അത്തര​മൊ​രു ചുറ്റു​പാട്‌, അവിടെ നടത്തി​യി​രുന്ന പ്രജനന ചടങ്ങു​കൾക്ക്‌ ആകർഷ​ക​മായ പശ്ചാത്തലം ഒരുക്കി​യി​രി​ക്കണം. കനാന്യ​രു​ടെ ആരാധ​നാ​സ്ഥലം അടിക്കടി സന്ദർശി​ക്കു​ന്ന​തിൽ തൃപ്‌തി​വ​രാഞ്ഞ ഇസ്രാ​യേ​ല്യർ താമസി​യാ​തെ, സ്വന്തം പൂജാ​ഗി​രി​ക​ളും മറ്റും പണിതു. “അവർ ഉയർന്ന കുന്നി​ന്മേ​ലൊ​ക്കെ​യും പച്ചമര​ത്തിൻകീ​ഴി​ലൊ​ക്കെ​യും പൂജാ​ഗി​രി​ക​ളും സ്‌തം​ഭ​വി​ഗ്ര​ഹ​ങ്ങ​ളും അശേരാ​പ്ര​തി​ഷ്‌ഠ​ക​ളും ഉണ്ടാക്കി.”—1 രാജാ​ക്ക​ന്മാർ 14:23; ഹോശേയ 4:13.

എന്നാൽ, പ്രഥമ​പ്ര​ധാ​ന​മായ സംഗതി ബാലാ​രാ​ധന ജഡികാ​ഭി​ലാ​ഷ​ങ്ങളെ തൃപ്‌തി​പ്പെ​ടു​ത്തി​യി​രു​ന്നു എന്നതാണ്‌. (ഗലാത്യർ 5:19-21) ഈ ഭോഗാ​സക്ത ചടങ്ങുകൾ, വിളവു​ക​ളും ആടുമാ​ടു​ക​ളും സമൃദ്ധ​മാ​യി ഉണ്ടാകാൻ മാത്രം ഉദ്ദേശി​ച്ചു​ള്ളവ ആയിരു​ന്നില്ല. ലൈം​ഗി​കത മഹത്ത്വീ​ക​രി​ക്ക​പ്പെട്ടു. ലൈം​ഗിക ഉത്തേജ​നത്തെ ചിത്രീ​ക​രി​ക്കുന്ന, ലൈം​ഗിക വശങ്ങൾ എടുത്തു​കാ​ണി​ക്കുന്ന, ഖനനം ചെയ്‌തെ​ടുത്ത രൂപങ്ങൾ അതു വ്യക്തമാ​ക്കു​ന്നു. സദ്യയും നൃത്തവും സംഗീ​ത​വും കാമാസക്ത പെരു​മാ​റ്റ​ത്തി​നു വേദി​യൊ​രു​ക്കി.

ശരത്‌കാ​ല​ത്തെ ഒരു സാധാരണ രംഗം നമുക്കു വിഭാവന ചെയ്യാം. വശ്യമ​നോ​ഹ​ര​മായ പ്രകൃ​തി​ദൃ​ശ്യം. മൂക്കറ്റം ഭക്ഷിച്ച, വീഞ്ഞു​കു​ടി​ച്ചു മത്തരായ ആരാധകർ നൃത്തമാ​ടു​ന്നു. മഴ പെയ്യിച്ചു ദേശത്തെ അനു​ഗ്ര​ഹി​ക്കു​ന്ന​തി​നാ​യി ഗ്രീഷ്‌മ​കാല നിഷ്‌ക്രി​യാ​വ​സ്ഥ​യിൽ നിന്നു ബാലിനെ ഉണർത്താ​നാണ്‌ അവർ പ്രജനന നൃത്തം ചെയ്യു​ന്നത്‌. പുരു​ഷ​ലിം​ഗ സ്‌തം​ഭ​ങ്ങൾക്കും അശേരാ​പ്ര​തി​ഷ്‌ഠ​കൾക്കും ചുറ്റു​മാ​യി അവർ നൃത്തം ചെയ്യുന്നു. അവരുടെ ചലനങ്ങൾ, പ്രത്യേ​കി​ച്ചു ക്ഷേത്ര​വേ​ശ്യ​ക​ളു​ടേത്‌, കാമാ​സ​ക്ത​വും ഭോഗാ​സ​ക്ത​വു​മാണ്‌. സംഗീതം മാത്രമല്ല ചുറ്റും നിൽക്കു​ന്ന​വ​രും അവരെ ഉത്തേജി​പ്പി​ക്കു​ന്നു. സാധ്യ​ത​യ​നു​സ​രിച്ച്‌, നൃത്തം പാരമ്യ​ത്തിൽ എത്തു​മ്പോൾ നർത്തകർ അധാർമിക ബന്ധത്തിൽ ഏർപ്പെ​ടാ​നാ​യി ബാലിന്റെ ക്ഷേത്ര​ത്തി​ലുള്ള ഉൾമു​റി​ക​ളി​ലേക്കു പോകു​ന്നു.—സംഖ്യാ​പു​സ്‌തകം 25:1, 2; പുറപ്പാ​ടു 32:6, 17-19 താരത​മ്യം ചെയ്യുക; ആമോസ്‌ 2:8.

അവർ നടന്നത്‌ വിശ്വാ​സ​ത്താ​ലല്ല, കാഴ്‌ച​യാ​ലാണ്‌

ഭോഗാ​സക്തി പോ​ലെ​തന്നെ ഭയം നിമി​ത്ത​വും അനേകം ഇസ്രാ​യേ​ല്യർ ബാലാ​രാ​ധ​ന​യിൽ ഏർപ്പെട്ടു. ഇസ്രാ​യേ​ല്യർക്ക്‌ യഹോ​വ​യിൽ വിശ്വാ​സം ഇല്ലാതാ​യ​പ്പോൾ മരിച്ച​വരെ കുറി​ച്ചും ഭാവിയെ കുറി​ച്ചും ഉള്ള ഭയവും ഗൂഢവി​ദ്യ​യി​ലുള്ള ഭ്രമവും അവരെ ആത്മവി​ദ്യ​യി​ലേക്കു നയിച്ചു. അതു ക്രമേണ, അങ്ങേയറ്റം നികൃ​ഷ്ട​മായ ആചാര​ങ്ങ​ളി​ലേക്ക്‌ അവരെ തള്ളിവി​ട്ടു. പൂർവി​കാ​രാ​ധ​ന​യു​ടെ ഭാഗമാ​യി കനാന്യർ മരിച്ച​വ​രു​ടെ ആത്മാക്കളെ പ്രീണി​പ്പി​ച്ചി​രു​ന്നത്‌ എപ്രകാ​ര​മെന്ന്‌ ദി ഇന്റർനാ​ഷനൽ സ്റ്റാൻഡേഡ്‌ ബൈബിൾ എൻ​സൈ​ക്ലോ​പീ​ഡിയ വർണി​ക്കു​ന്നു: “കുടും​ബ​ക്ക​ല്ല​റ​യി​ലോ മൺകൂ​ന​യി​ലോ വെച്ച്‌ സദ്യകൾ നടത്തി​യി​രു​ന്നു. മരിച്ചവർ പങ്കുപ​റ്റി​യി​രു​ന്ന​താ​യി കരുത​പ്പെ​ട്ടി​രുന്ന മദി​രോ​ത്സ​വ​വും ലൈം​ഗിക വേഴ്‌ച​യും (നിഷിദ്ധ ബന്ധു​വേഴ്‌ച ഉൾപ്പെ​ട്ടി​രി​ക്കാൻ സാധ്യ​ത​യുണ്ട്‌) ചടങ്ങിന്റെ ഭാഗമാ​യി​രു​ന്നു.” അധമമായ അത്തരം ആത്മവി​ദ്യാ​ചാ​ര​ങ്ങ​ളിൽ ഏർപ്പെ​ടു​ക​വഴി ഇസ്രാ​യേ​ല്യർ തങ്ങളുടെ ദൈവ​മായ യഹോ​വ​യിൽ നിന്നു കൂടുതൽ അകന്നു.—ആവർത്ത​ന​പു​സ്‌തകം 18:9-12.

വിശ്വാ​സ​ത്താ​ലല്ല, മറിച്ച്‌ കാഴ്‌ച​യാൽ നടക്കാൻ ആഗ്രഹിച്ച ഇസ്രാ​യേ​ല്യ​രെ വിഗ്ര​ഹ​ങ്ങ​ളും ബന്ധപ്പെട്ട ആചാര​ങ്ങ​ളും ആകർഷി​ച്ചു. (2 കൊരി​ന്ത്യർ 5:7) യഹോ​വ​യു​ടെ അദൃശ്യ കരങ്ങളാ​ലുള്ള ശ്രദ്ധേ​യ​മായ അത്ഭുതങ്ങൾ കണ്ടിട്ടും അവനെ കുറിച്ച്‌ ഓർമി​പ്പി​ക്കുന്ന ദൃശ്യ​മായ ഒന്നിന്റെ ആവശ്യ​മു​ള്ള​താ​യി ഈജി​പ്‌തിൽ നിന്നു പോന്ന ഇസ്രാ​യേ​ല്യ​രിൽ അനേകർക്കും തോന്നി. (പുറപ്പാ​ടു 32:1-4) അവരുടെ പിൻഗാ​മി​ക​ളിൽ ചിലർ, ബാലിന്റെ വിഗ്രഹം പോലുള്ള ദൃശ്യ​മായ എന്തി​നെ​യെ​ങ്കി​ലും ആരാധി​ക്കാൻ ആഗ്രഹി​ച്ചു.—1 രാജാ​ക്ക​ന്മാർ 12:25-30.

ആരാണു വിജയി​ച്ചത്‌?

ഇസ്രാ​യേ​ല്യ​രെ വശീക​രി​ക്കാ​നുള്ള പോരാ​ട്ടം നൂറ്റാ​ണ്ടു​ക​ളോ​ളം നീണ്ടു​നി​ന്നു. അവർ വാഗ്‌ദത്ത ദേശത്തു പ്രവേ​ശി​ക്കു​ന്ന​തി​നു തൊട്ടു​മുമ്പ്‌ മോവാ​ബിൽ എത്തിയതു മുതൽ ബാബി​ലോ​നി​ലേക്കു നാടു​ക​ട​ത്ത​പ്പെ​ടും വരെ അതു തുടർന്നു. ആരാധ​ന​യിൽ അവർ കൂടെ​ക്കൂ​ടെ അവിശ്വ​സ്‌തർ ആയിത്തീർന്നു. ഇസ്രാ​യേ​ല്യ​രിൽ ഭൂരി​പ​ക്ഷ​വും ചില​പ്പോ​ഴൊ​ക്കെ യഹോ​വ​യോ​ടു വിശ്വ​സ്‌തർ ആയിരു​ന്നെ​ങ്കി​ലും അവർ പലപ്പോ​ഴും ബാലി​ലേക്കു തിരിഞ്ഞു. ചുറ്റു​മു​ണ്ടാ​യി​രുന്ന വിജാ​തീ​യ​രു​മാ​യുള്ള അവരുടെ സഹവാസം ആയിരു​ന്നു അതിനു പ്രധാന കാരണം.

തങ്ങളുടെ സൈനിക പരാജ​യ​ത്തി​നു ശേഷം കനാന്യർ കൂടുതൽ കുടി​ല​മായ വിധങ്ങ​ളിൽ പോരാ​ടി. ഇസ്രാ​യേ​ല്യ​രോ​ടൊ​പ്പം താമസിച്ച അവർ തങ്ങളുടെ ദൈവ​ങ്ങളെ ആരാധി​ക്കാൻ അവരെ പ്രോ​ത്സാ​ഹി​പ്പി​ച്ചു. ഗിദെ​യോ​നെ​യും ശമൂ​വേ​ലി​നെ​യും പോലുള്ള ധൈര്യ​ശാ​ലി​ക​ളായ ന്യായാ​ധി​പ​ന്മാർ അത്തരം പ്രവണ​ത​കളെ ചെറുത്തു. “അന്യ​ദൈ​വ​ങ്ങളെ . . . നിങ്ങളു​ടെ ഇടയിൽനി​ന്നു നീക്കി​ക്ക​ളഞ്ഞു നിങ്ങളു​ടെ ഹൃദയ​ങ്ങളെ യഹോ​വ​യി​ങ്ക​ലേക്കു തിരി​ക്ക​യും അവനെ മാത്രം സേവി​ക്ക​യും ചെയ്‌വിൻ” എന്നു ശമൂവേൽ ജനത്തെ ഉദ്‌ബോ​ധി​പ്പി​ച്ചു. കുറച്ചു കാല​ത്തേക്കു ശമൂ​വേ​ലി​ന്റെ ഉദ്‌ബോ​ധനം അനുസ​രിച്ച ഇസ്രാ​യേ​ല്യർ “ബാൽവി​ഗ്ര​ഹ​ങ്ങ​ളെ​യും അസ്‌തോ​രെ​ത്ത്‌പ്ര​തി​ഷ്‌ഠ​ക​ളെ​യും നീക്കി​ക്ക​ളഞ്ഞു യഹോ​വയെ മാത്രം സേവിച്ചു.”—1 ശമൂവേൽ 7:3, 4; ന്യായാ​ധി​പ​ന്മാർ 6:25-27.

ശൗലി​നും ദാവീ​ദി​നും ശേഷം ശലോ​മോ​ന്റെ വാഴ്‌ച​ക്കാ​ല​മാ​യി. അവൻ തന്റെ പിൽക്കാല വർഷങ്ങ​ളിൽ അന്യ​ദേ​വ​ന്മാർക്കു ബലികൾ അർപ്പി​ക്കാൻ തുടങ്ങി. (1 രാജാ​ക്ക​ന്മാർ 11:4-8) ഇസ്രാ​യേ​ലി​ലെ​യും യഹൂദ​യി​ലെ​യും മറ്റു രാജാ​ക്ക​ന്മാ​രും അങ്ങനെ​തന്നെ ചെയ്‌തു, അവർ തങ്ങളെ​ത്തന്നെ ബാലിനു സമർപ്പി​ച്ചു. എന്നുവ​രി​കി​ലും, ഏലീയാവ്‌, എലീശാ, യോശീ​യാവ്‌ എന്നിവരെ പോലുള്ള വിശ്വസ്‌ത പ്രവാ​ച​ക​ന്മാ​രും രാജാ​ക്ക​ന്മാ​രും ബാലാ​രാ​ധ​ന​യ്‌ക്ക്‌ എതി​രെ​യുള്ള പോരാ​ട്ട​ത്തി​നു ചുക്കാൻ പിടിച്ചു. (2 ദിനവൃ​ത്താ​ന്തം 34:1-5) കൂടാതെ, ഇസ്രാ​യേല്യ ചരി​ത്ര​ത്തി​ലെ ഈ കാലഘ​ട്ട​ത്തി​ലു​ട​നീ​ളം യഹോ​വ​യോ​ടു വിശ്വ​സ്‌തർ ആയിരുന്ന വ്യക്തികൾ ഉണ്ടായി​രു​ന്നി​ട്ടുണ്ട്‌. ബാലാ​രാ​ധന പാരമ്യ​ത്തിൽ എത്തിയി​രുന്ന, ആഹാബി​ന്റെ​യും ഈസേ​ബെ​ലി​ന്റെ​യും കാലത്തു​പോ​ലും ഏഴായി​രം​പേർ ‘ബാലിന്റെ മുമ്പിൽ മുട്ടു​മ​ട​ക്കാൻ’ വിസമ്മ​തി​ച്ചു.—1 രാജാ​ക്ക​ന്മാർ 19:18, പി.ഒ.സി. ബൈബിൾ.

ഒടുവിൽ, യഹൂദർ ബാബി​ലോ​ന്യ പ്രവാ​സ​ത്തിൽ നിന്നു മടങ്ങി​യെ​ത്തിയ ശേഷം ബാലാ​രാ​ധ​നയെ കുറിച്ച്‌ യാതൊ​രു പരാമർശ​വും ഇല്ല. എസ്രാ 6:21-ൽ പരാമർശി​ച്ചി​രി​ക്കു​ന്ന​വരെ പോ​ലെ​തന്നെ, സകലരും ‘യിസ്രാ​യേ​ലി​ന്റെ ദൈവ​മായ യഹോ​വയെ അന്വേ​ഷി​ക്കേ​ണ്ട​തി​ന്നു ദേശത്തെ ജാതി​ക​ളു​ടെ അശുദ്ധി​യെ വെടിഞ്ഞു.’

ബാലാ​രാ​ധ​ന​യിൽ നിന്നുള്ള മുന്നറി​യി​പ്പു​കൾ

ബാലാ​രാ​ധന മൺമറ​ഞ്ഞി​ട്ടു ദീർഘ​കാ​ലം ആയെങ്കി​ലും, ആ കനാന്യ മതത്തി​നും ഇന്നത്തെ സമൂഹ​ത്തി​നും പൊതു​വാ​യി ഒന്നുണ്ട്‌—ലൈം​ഗി​കത വാഴ്‌ത്ത​പ്പെ​ടു​ന്നു. അധാർമി​ക​ത​യിൽ ഏർപ്പെ​ടാ​നുള്ള പ്രലോ​ഭ​നങ്ങൾ നമുക്കു ചുറ്റു​മുള്ള വായു​വി​ലെ​ങ്ങും വ്യാപി​ച്ചി​രി​ക്കു​ന്ന​താ​യി കാണാം. (എഫെസ്യർ 2:2) “ഈ അന്ധകാര ലോകത്തെ നിയ​ന്ത്രി​ക്കുന്ന അദൃശ്യ ശക്തിക്കും തിന്മയു​ടെ ആസ്ഥാനത്തു നിന്നുള്ള ആത്മീയ ഏജന്റു​മാർക്കും എതി​രെ​യാ​ണു നാം പോരാ​ടു​ന്നത്‌” എന്നു പൗലൊസ്‌ മുന്നറി​യി​പ്പു നൽകി.—എഫെസ്യർ 6:12, ഫിലി​പ്‌സ്‌.

ആളുകളെ ആത്മീയ​മാ​യി തടവി​ലാ​ക്കു​ന്ന​തിന്‌ സാത്താന്റെ ഈ “അദൃശ്യ ശക്തി” ലൈം​ഗിക അധാർമി​ക​തയെ ഊട്ടി​വ​ളർത്തു​ന്നു. (യോഹ​ന്നാൻ 8:34) ഇന്നത്തെ സർവാ​നു​വാദ സമൂഹ​ത്തിൽ അതി​ലൈം​ഗി​ക​ത​യ്‌ക്കു പ്രജനന ആചാര​വു​മാ​യല്ല, മറിച്ച്‌ തന്നിഷ്ട​പ്ര​കാ​രം ജീവി​ക്കാ​നുള്ള ഒരുവന്റെ വാഞ്‌ഛ​യു​മാ​യാ​ണു ബന്ധമു​ള്ളത്‌. അതിനാ​യുള്ള പ്രചാ​ര​ണങ്ങൾ പ്രേര​ണാ​ത്മ​ക​മാണ്‌. വിനോ​ദം, സംഗീതം, പരസ്യങ്ങൾ എന്നിവ​യി​ലൂ​ടെ കടന്നു​ക​യറ്റം നടത്തുന്ന ലൈം​ഗിക സന്ദേശങ്ങൾ ആളുക​ളു​ടെ മനസ്സിൽ തിങ്ങി​നി​റ​യു​ന്നു. ദൈവ​ജ​ന​വും അവയുടെ പിടി​യിൽ അകപ്പെ​ട്ടേ​ക്കാം. വാസ്‌ത​വ​ത്തിൽ, ക്രിസ്‌തീയ സഭയിൽനി​ന്നു പുറത്താ​ക്ക​പ്പെട്ട ഭൂരി​പക്ഷം പേരും അത്തരം നടപടി​ക​ളിൽ ഏർപ്പെ​ട്ടി​രു​ന്ന​വ​രാണ്‌. അധാർമിക നടപടി​കളെ ചെറുത്തു നിൽക്കു​ന്ന​തിൽ തുടരു​ന്നു​വെ​ങ്കിൽ മാത്രമേ ഒരു ക്രിസ്‌ത്യാ​നി​ക്കു നൈർമ​ല്യം കാത്തു​സൂ​ക്ഷി​ക്കാ​നാ​കൂ.—റോമർ 12:9.

തങ്ങൾക്ക്‌ ആകർഷ​ക​മെന്നു തോന്നുന്ന പല കാര്യ​ങ്ങ​ളും ലൈം​ഗിക പൂരിതം ആയിരി​ക്കു​ന്ന​തി​നാൽ യുവജ​നങ്ങൾ പ്രത്യേ​കി​ച്ചും അപകട വിധേ​യ​രാണ്‌. അവർക്കു സമപ്രാ​യ​ക്കാ​രു​ടെ സമ്മർദത്തെ ചെറുത്തു നിൽക്കേ​ണ്ട​തുണ്ട്‌ എന്നതു പ്രശ്‌നം കൂടുതൽ വഷളാ​ക്കു​ന്നു. (സദൃശ​വാ​ക്യ​ങ്ങൾ 1:10-15 താരത​മ്യം ചെയ്യുക.) ഉദാഹ​ര​ണ​ത്തിന്‌, വലിയ കൂടി​വ​ര​വു​ക​ളിൽ കുഴപ്പ​ത്തിൽ അകപ്പെ​ട്ടി​ട്ടു​ള്ളതു കുറച്ചു പേരൊ​ന്നു​മല്ല. പുരാതന കാലത്തെ ബാലാ​രാ​ധ​ന​യു​ടെ കാര്യ​ത്തിൽ എന്നപോ​ലെ സംഗീ​ത​വും നൃത്തവും ലൈം​ഗിക വശീക​ര​ണ​വും പ്രലോ​ഭ​നാ​ത്മ​ക​മായ അന്തരീക്ഷം സൃഷ്ടി​ക്കു​ന്നു.—2 തിമൊ​ഥെ​യൊസ്‌ 2:22.

“ബാലൻ തന്റെ നടപ്പിനെ നിർമ്മ​ല​മാ​ക്കു​ന്നതു എങ്ങനെ?” എന്നു സങ്കീർത്ത​ന​ക്കാ​രൻ ചോദി​ച്ചു. “നിന്റെ വചന​പ്ര​കാ​രം അതിനെ സൂക്ഷി​ക്കു​ന്ന​തി​നാൽ തന്നേ” എന്ന്‌ അവൻ ഉത്തരം നൽകി. (സങ്കീർത്തനം 119:9) കനാന്യ​രു​മാ​യുള്ള സഹവാസം ഉപേക്ഷി​ക്കാൻ ദൈവ​ത്തി​ന്റെ ന്യായ​പ്ര​മാ​ണം ഇസ്രാ​യേ​ല്യ​രോട്‌ അനുശാ​സി​ച്ചതു പോ​ലെ​തന്നെ, മോശ​മായ സഹവാ​സ​ത്തി​നെ​തി​രെ ബൈബിൾ നമുക്കു മുന്നറി​യി​പ്പു നൽകുന്നു. (1 കൊരി​ന്ത്യർ 15:32, 33) ഇന്ദ്രി​യ​ങ്ങൾക്ക്‌ ആകർഷ​ക​മാ​യി തോന്നു​ന്ന​തെ​ങ്കി​ലും ധാർമി​ക​മാ​യി ദ്രോ​ഹ​ക​ര​മാ​ണെന്ന്‌ അറിയാ​വുന്ന കാര്യങ്ങൾ നിരാ​ക​രി​ക്കു​മ്പോൾ ഒരു യുവ വ്യക്തി തന്റെ പക്വത പ്രകട​മാ​ക്കു​ക​യാണ്‌. വിശ്വ​സ്‌ത​നായ ഏലീയാ​വി​നെ പോലെ, നമ്മുടെ തീരു​മാ​ന​ങ്ങളെ സ്വാധീ​നി​ക്കാൻ ജനസമ്മതി നേടിയ അഭി​പ്രാ​യ​ങ്ങ​ളു​ടെ തള്ളിക്ക​യ​റ്റത്തെ നാം അനുവ​ദി​ക്ക​രുത്‌.—1 രാജാ​ക്ക​ന്മാർ 18:21; മത്തായി 7:13, 14 താരത​മ്യം ചെയ്യുക.

“നമ്മെ എളുപ്പം കുരു​ക്കുന്ന പാപ”മായ വിശ്വാ​സ​രാ​ഹി​ത്യ​വു​മാ​യി ബന്ധപ്പെ​ട്ട​താ​ണു മറ്റൊരു മുന്നറി​യിപ്പ്‌. (എബ്രായർ 12:1, NW) ഇസ്രാ​യേ​ല്യ​രിൽ അനേക​രും യഹോ​വ​യിൽ വിശ്വ​സി​ച്ച​പ്പോൾതന്നെ, തങ്ങളുടെ വിളവു​കൾ സംരക്ഷി​ക്കു​ക​യും അനുദിന ജീവി​താ​വ​ശ്യ​ങ്ങൾ നിറ​വേ​റ്റു​ക​യും ചെയ്യുന്ന ദൈവ​മാ​യി ബാലിനെ വീക്ഷി​ച്ച​താ​യി തോന്നു​ന്നു. യെരൂ​ശ​ലേ​മി​ലുള്ള യഹോ​വ​യു​ടെ ആലയം വളരെ അകലെ​യാ​ണെ​ന്നും അവന്റെ നിയമങ്ങൾ പാലി​ക്കു​ന്നത്‌ അപ്രാ​യോ​ഗി​ക​മാ​ണെ​ന്നും അവർക്കു തോന്നി​യി​രി​ക്കണം. ബാലാ​രാ​ധ​ന​യിൽ പ്രത്യേക നിബന്ധ​ന​ക​ളൊ​ന്നും ഇല്ലായി​രു​ന്നു, അതു വളരെ എളുപ്പ​വു​മാ​യി​രു​ന്നു—സ്വന്തം ഭവനങ്ങ​ളു​ടെ മേൽപ്പു​ര​ക​ളിൽ വെച്ചു​പോ​ലും ബാലിനു ധൂപം കാട്ടാൻ അവർക്കു സാധി​ച്ചി​രു​ന്നു. (യിരെ​മ്യാ​വു 32:29) ചില ആചാര​ങ്ങ​ളിൽ പങ്കെടു​ക്കു​ക​യോ യഹോ​വ​യു​ടെ നാമത്തിൽ ബാലിനു വഴിപാ​ടു​കൾ അർപ്പി​ക്കു​ക​യോ ചെയ്‌തു​കൊണ്ട്‌ അവർ ബാലാ​രാ​ധ​ന​യി​ലേക്കു വഴുതി​വീ​ണി​രി​ക്കാ​നാ​ണു സാധ്യത.

വിശ്വാ​സ​രാ​ഹി​ത്യം സംഭവി​ച്ചു നാം സത്യ​ദൈ​വ​ത്തിൽ നിന്ന്‌ സാവധാ​നം എങ്ങനെ അകന്നു പോ​യേ​ക്കാം? (എബ്രായർ 3:12) യോഗ​ങ്ങ​ളി​ലും സമ്മേള​ന​ങ്ങ​ളി​ലും ഉള്ള നമ്മുടെ വിലമ​തി​പ്പു ക്രമേണ കുറഞ്ഞു​വ​ന്നേ​ക്കാം. അത്തരം മനോ​ഭാ​വം “തക്കസമ​യത്ത്‌” ആത്മീയ “ആഹാരം” പ്രദാനം ചെയ്യുന്ന യഹോ​വ​യി​ലുള്ള വിശ്വാ​സ​ത്തി​ന്റെ അഭാവ​ത്തെ​യാ​ണു വെളി​പ്പെ​ടു​ത്തു​ന്നത്‌. (മത്തായി 24:45-47, NW) അങ്ങനെ ദുർബലർ ആയിത്തീ​രു​ന്ന​തി​ന്റെ ഫലമായി “ജീവന്റെ വചന”ത്തിലുള്ള നമ്മുടെ പിടി അയഞ്ഞേ​ക്കാം. അല്ലെങ്കിൽ നമ്മുടെ ഹൃദയം വിഭജി​ത​മാ​യി നാം ഭൗതി​കത്വ അനുധാ​വ​ന​ങ്ങ​ളി​ലേ​ക്കോ അധാർമി​ക​ത​യി​ലേ​ക്കോ വഴുതി​വീ​ണേ​ക്കാം.—ഫിലി​പ്പി​യർ 2:15; സങ്കീർത്തനം 119:113 താരത​മ്യം ചെയ്യുക.

നമ്മുടെ നിർമലത മുറു​കെ​പ്പി​ടി​ക്കൽ

ഇന്ന്‌ ആളുകളെ വശീക​രി​ക്കാ​നുള്ള ഒരു പോരാ​ട്ടം നടക്കുന്നു എന്നതിൽ സംശയ​മില്ല. നാം യഹോ​വ​യോ​ടു വിശ്വ​സ്‌ത​രാ​യി നില​കൊ​ള്ളു​മോ അതോ ഈ ലോക​ത്തി​ന്റെ കുത്തഴിഞ്ഞ ജീവി​ത​രീ​തി​യിൽ അകപ്പെ​ടു​മോ? കനാന്യ​രു​ടെ വെറു​പ്പു​ള​വാ​ക്കുന്ന നടപടി​ക​ളിൽ ഇസ്രാ​യേ​ല്യർ ആകൃഷ്ട​രാ​യ​തു​പോ​ലെ, ഇന്നു ചില ക്രിസ്‌തീയ സ്‌ത്രീ​പു​രു​ഷ​ന്മാർ ലജ്ജാക​ര​മായ പ്രവൃ​ത്തി​ക​ളി​ലേക്കു വശീക​രി​ക്ക​പ്പെ​ട്ടി​രി​ക്കു​ന്നു എന്നതു ദുഃഖ​ക​രം​തന്നെ.—സദൃശ​വാ​ക്യ​ങ്ങൾ 7:7, 21-23 താരത​മ്യം ചെയ്യുക.

മോശ​യു​ടെ കാര്യ​ത്തി​ലെ​ന്ന​വണ്ണം, നാം ‘അദൃശ്യ​ദൈ​വത്തെ കണ്ടതു​പോ​ലെ ഉറെച്ചു​നി​ല്‌ക്കു​ന്നു’ എങ്കിൽ അത്തരം ആത്മീയ പരാജയം ഒഴിവാ​ക്കാ​നാ​കും. (എബ്രായർ 11:27) നാം ‘വിശ്വാ​സ​ത്തി​ന്നു വേണ്ടി [കഠിന​മാ​യി] പോരാ​ടേ​ണ്ട​തുണ്ട്‌’ എന്നതു ശരിതന്നെ. (യൂദാ 3) എന്നാൽ, നമ്മുടെ ദൈവ​ത്തോ​ടും അവന്റെ തത്ത്വങ്ങ​ളോ​ടും നാം വിശ്വ​സ്‌ത​രാ​യി നില​കൊ​ള്ളു​ന്നു​വെ​ങ്കിൽ വ്യാജാ​രാ​ധ​ന​യു​ടെ ഒരു കണിക പോലും അവശേ​ഷി​ക്കാത്ത സമയത്തി​നാ​യി നമുക്കു നോക്കി​പ്പാർത്തി​രി​ക്കാ​നാ​കും. യഹോ​വ​യ്‌ക്കുള്ള ആരാധന ബാലാ​രാ​ധ​നയെ കീഴ്‌പെ​ടു​ത്തി​യ​തു​പോ​ലെ താമസി​യാ​തെ, “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി”ക്കും എന്നു നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—യെശയ്യാ​വു 11:9.

[31-ാം പേജിലെ ചിത്രം]

ബാലാരാധനയ്‌ക്ക്‌ ഉപയോ​ഗി​ച്ചി​രുന്ന സ്‌തം​ഭ​വി​ഗ്ര​ഹ​ങ്ങ​ളു​ടെ ഗെസറി​ലുള്ള ശൂന്യ​ശി​ഷ്ട​ങ്ങൾ

[28-ാം പേജിലെ ചിത്ര​ത്തിന്‌ കടപ്പാട]

Musée du Louvre, Paris