ഇസ്രാ​യേ​ലിൽ ദിവ്യ​നാ​മം ഉച്ചരി​ക്ക​പ്പെ​ട്ടു

യഹോവ എന്ന ദിവ്യ​നാ​മം ഉച്ചരി​ക്കു​ന്ന​തിന്‌ യഹൂദ പാരമ്പ​ര്യം നൂറ്റാ​ണ്ടു​ക​ളാ​യി കർശന​മായ വിലക്കു കൽപ്പി​ച്ചി​രി​ക്കു​ന്നു. മിഷ്‌ന പറയുന്ന പ്രകാരം, ദൈവ​നാ​മം ഉച്ചരി​ക്കുന്ന ഏതൊ​രു​വ​നും “വരുവാ​നുള്ള ലോക​ത്തിൽ യാതൊ​രു ഓഹരി​യും ഉണ്ടായി​രി​ക്കു​ക​യില്ല.”—സൻഹെ​ദ്രിൻ 10:1.a

1995 ജനുവരി 30-ന്‌ ഇസ്രാ​യേ​ലി​ലെ മുൻ സെഫാർഡിക്‌ മുഖ്യ റബി മനപ്പൂർവം ദിവ്യ​നാ​മം ഉച്ചരിച്ചു. യഹൂദ കബലു​കാ​രു​ടെ ഒരു തിരുത്തൽ-പ്രാർഥ​ന​യായ ടിക്കൂൻ ഉരുവി​ടു​ന്ന​തിന്‌ ഇടയി​ലാണ്‌ അദ്ദേഹം അതു ചെയ്‌ത്‌. കബലു​കാ​രായ ആരാധ​ക​രു​ടെ അഭി​പ്രാ​യ​ത്തിൽ, ദുഷ്ട ശക്തികൾ അനൈ​ക്യം വിതച്ച പ്രപഞ്ച​ത്തിൽ ദൈവം ഒരു പരിധി വരെ ഐക്യം പുനഃ​സ്ഥാ​പി​ക്കേ​ണ്ട​തി​നാണ്‌ ആ പ്രാർഥന ഉരുവി​ടു​ന്നത്‌. 1995 ഫെബ്രു​വരി 6-ലെ യെദി​യൊട്ട്‌ ആഹാ​രൊ​നൊട്ട്‌ വർത്തമാ​ന​പ്പ​ത്രം ഇങ്ങനെ പ്രസ്‌താ​വി​ച്ചു: “ഇത്‌ അസാമാ​ന്യ ശക്തിയുള്ള പ്രാർഥ​നാ​ക്രമം ആയതി​നാൽ ഇതിലെ പദങ്ങൾ, പൊതു​ജ​ന​ങ്ങൾക്കു വിൽക്കാത്ത ഒരു പ്രത്യേക ചെറു​പു​സ്‌ത​ക​ത്തിൽ മാത്രമേ കാണ​പ്പെ​ടു​ന്നു​ള്ളൂ.” ഈ സാഹച​ര്യ​ത്തിൽ ദൈവ​നാ​മ​ത്തി​ന്റെ ഉപയോ​ഗം പ്രാർഥ​ന​യ്‌ക്കു പ്രത്യേക ശക്തി പകരു​ന്ന​താ​യി കരുത​പ്പെ​ടു​ന്നു.

യഹോവ എന്ന ദിവ്യ​നാ​മം ഉപയോ​ഗി​ക്കാൻ ബൈബിൾ ദൈവ​ദാ​സ​രോ​ടു കൽപ്പി​ക്കു​ന്നു എന്നതു ശ്രദ്ധേ​യ​മാണ്‌. (പുറപ്പാ​ടു 3:15; സദൃശ​വാ​ക്യ​ങ്ങൾ 18:10; യെശയ്യാ​വു 12:4; സെഫന്യാ​വു 3:9) ബൈബി​ളി​ന്റെ മൂല എബ്രായ പാഠത്തിൽ ആ നാമം ഏകദേശം 7,000 തവണ കാണാം. എന്നുവ​രി​കി​ലും, ദൈവ​നാ​മം വൃഥാ ഉപയോ​ഗി​ക്കു​ന്ന​തിന്‌ എതിരെ ബൈബിൾ മുന്നറി​യി​പ്പു നൽകുന്നു. പത്തു കൽപ്പന​ക​ളിൽ മൂന്നാ​മ​ത്തേത്‌ ഇങ്ങനെ പ്രസ്‌താ​വി​ക്കു​ന്നു: “നിന്റെ ദൈവ​മായ യഹോ​വ​യു​ടെ നാമം വൃഥാ എടുക്ക​രു​തു; തന്റെ നാമം വൃഥാ എടുക്കു​ന്ന​വനെ യഹോവ ശിക്ഷി​ക്കാ​തെ വിടു​ക​യില്ല.” (പുറപ്പാ​ടു 20:7) ഒരുവൻ ദൈവ​നാ​മം എങ്ങനെ വൃഥാ എടു​ത്തേ​ക്കാം? “വൃഥാ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദം, ദിവ്യ നാമത്തി​ന്റെ “കാര്യ​ഗൗ​ര​വ​മി​ല്ലാത്ത ഉപയോ​ഗത്തെ” മാത്രമല്ല, അത്‌ “അനാവ​ശ്യ​മാ​യി ആവർത്തിച്ച്‌ ഉരുവി​ടു​ന്ന​തി​നെ”യും അർഥമാ​ക്കു​ന്നു എന്ന്‌ യഹൂദ പ്രസി​ദ്ധീ​കരണ സൊ​സൈ​റ്റി​യു​ടെ ഒരു ഭാഷ്യം അഭി​പ്രാ​യ​പ്പെ​ടു​ന്നു.

അങ്ങനെ​യെ​ങ്കിൽ, കബലു​കാ​രു​ടെ ടിക്കൂൻ തിരുത്തൽ-പ്രാർഥ​നയെ നാം എങ്ങനെ വീക്ഷി​ക്കണം? അതിന്റെ ഉത്ഭവം എവിടെ നിന്നാണ്‌? പൊ.യു. 12-ഉം 13-ഉം നൂറ്റാ​ണ്ടു​ക​ളിൽ കബല എന്ന പേരിൽ ഒരു നിഗൂഢ യഹൂദമത സമ്പ്രദാ​യം ജനസമ്മതി നേടാൻ തുടങ്ങി. 16-ാം നൂറ്റാ​ണ്ടിൽ, ഐസക്‌ ലുറിയ എന്ന റബി കബലു​കാ​രു​ടെ പ്രാർഥനാ ക്രമത്തിൽ “ടിക്കൂ​നിം” കൂട്ടി​ച്ചേർത്തു. സവിശേഷ ശക്തിയുള്ള, നിഗൂ​ഢ​മായ ഒന്നായാ​ണു ദൈവ​നാ​മം ഉപയോ​ഗി​ച്ചി​രു​ന്നത്‌. അതു കബലു​കാ​രു​ടെ ആചാര​ത്തി​ന്റെ ഭാഗമാ​യി​ത്തീർന്നു. ദൈവ​നാ​മ​ത്തി​ന്റെ ഇത്തരത്തി​ലുള്ള ഉപയോ​ഗം ഉചിത​മാ​ണെന്നു നിങ്ങൾക്കു തോന്നു​ന്നു​ണ്ടോ?—ആവർത്ത​ന​പു​സ്‌തകം 18:10-12.

ആ ചോദ്യ​ത്തി​നുള്ള നിങ്ങളു​ടെ ഉത്തരം എന്തുതന്നെ ആയിരു​ന്നാ​ലും, ഒരു കാര്യം നിങ്ങൾ സമ്മതി​ക്കും—ആധുനിക ഇസ്രാ​യേ​ലിൽ ദൈവ​നാ​മം പരസ്യ​മാ​യി ഉപയോ​ഗി​ക്കു​ന്നതു തികച്ചും അസാധാ​ര​ണ​മാണ്‌. എന്നാൽ, ദൈവം ഇങ്ങനെ മുൻകൂ​ട്ടി പറഞ്ഞി​രു​ന്നു: “അന്നാളിൽ നിങ്ങൾ പറയു​ന്നതു: യഹോ​വെക്കു സ്‌തോ​ത്രം ചെയ്‌വിൻ; അവന്റെ നാമത്തെ വിളി​ച്ച​പേ​ക്ഷി​പ്പിൻ; ജാതി​ക​ളു​ടെ ഇടയിൽ അവന്റെ പ്രവൃ​ത്തി​കളെ അറിയി​പ്പിൻ; അവന്റെ നാമം ഉന്നതമാ​യി​രി​ക്കു​ന്നു എന്നു പ്രസ്‌താ​വി​പ്പിൻ. യഹോ​വെക്കു കീർത്തനം ചെയ്‌വിൻ; അവൻ ശ്രേഷ്‌ഠ​മാ​യതു ചെയ്‌തി​രി​ക്കു​ന്നു; ഇതു ഭൂമി​യിൽ എല്ലാട​വും പ്രസി​ദ്ധ​മാ​യ്‌വ​രട്ടെ.”—യെശയ്യാ​വു 12:4, 5.

സന്തോ​ഷ​ക​ര​മെ​ന്നു പറയട്ടെ, ലോക​വ്യാ​പ​ക​മാ​യി 230-ലധികം രാജ്യ​ങ്ങ​ളിൽ നടക്കു​ന്നതു പോ​ലെ​തന്നെ ഇസ്രാ​യേ​ലി​ലും യഹോ​വയെ കുറി​ച്ചുള്ള സൂക്ഷ്‌മ​പ​രി​ജ്ഞാ​നം നേടാൻ തങ്ങളുടെ അയൽക്കാ​രെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷികൾ സകല ശ്രമവും നടത്തി​വ​രു​ന്നു. ഇനിയും അനേകർ സങ്കീർത്തനം 91:14 പോലുള്ള തിരു​വെ​ഴു​ത്തു​ക​ളു​ടെ അർഥം മനസ്സി​ലാ​ക്കും എന്നാണ്‌ അവരുടെ പ്രതീക്ഷ. ആ തിരു​വെ​ഴുത്ത്‌ ഇങ്ങനെ വായി​ക്കു​ന്നു: “അവൻ എന്നോടു [യഹോ​വ​യോ​ടു] പറ്റിയി​രി​ക്ക​യാൽ ഞാൻ അവനെ വിടു​വി​ക്കും; അവൻ എന്റെ നാമത്തെ അറിക​യാൽ ഞാൻ അവനെ ഉയർത്തും.”

[അടിക്കു​റി​പ്പു​കൾ]

[28-ാം പേജിലെ ചിത്രം]

യഹോവയുടെ ജനം ഇവിടെ, നെഗെ​ബിൽ അവന്റെ നാമവും വചനവും വെളി​പ്പെ​ടു​ത്തു​ന്നു

[29-ാം പേജിലെ ചിത്രം]

ദിവ്യനാമം അടങ്ങി​യി​രി​ക്കുന്ന പോസ്റ്റർ