യുവജ​ന​ങ്ങളേ—ലോക​ത്തി​ന്റെ ആത്മാവി​നെ ചെറു​ക്കു​വിൻ

“നാമോ ലോക​ത്തി​ന്റെ ആത്മാവി​നെ അല്ല, . . . ദൈവ​ത്തിൽനി​ന്നുള്ള ആത്മാവി​നെ അത്രേ പ്രാപി​ച്ചതു.”—1 കൊരി​ന്ത്യർ 2:12.

1, 2. (എ) ലോക​ത്തി​ലെ യുവജ​ന​ങ്ങ​ളും യഹോ​വ​യു​ടെ സാക്ഷി​ക​ളു​ടെ സഭകളി​ലെ യുവജ​ന​ങ്ങ​ളും തമ്മിൽ എന്തു വ്യത്യാ​സം കാണാ​നാ​കും? (ബി) സാക്ഷി​ക​ളായ മിക്ക യുവജ​ന​ങ്ങ​ളും ഏത്‌ ഊഷ്‌മ​ള​മായ അഭിന​ന്ദനം അർഹി​ക്കു​ന്നു?

“നമ്മുടെ യുവ തലമു​റ​ക്കാർ ഉന്മേഷ​ര​ഹി​ത​രും ത്യജി​ക്ക​പ്പെ​ട്ട​വ​രും മത്സരി​ക​ളു​മാണ്‌.” ഓസ്‌​ട്രേ​ലി​യൻ പത്രമായ ദ സൺ-ഹെറാൾഡ്‌ ആണ്‌ അപ്രകാ​രം പ്രസ്‌താ​വി​ച്ചത്‌. “ഗുരു​ത​ര​മായ അക്രമ​ത്തിൽ ഏർപ്പെട്ട കുറ്റത്തിന്‌ കോടതി മുമ്പാകെ എത്തുന്ന കുട്ടി​ക​ളു​ടെ എണ്ണത്തിൽ [കഴിഞ്ഞ വർഷത്തെ അപേക്ഷിച്ച്‌] 22 ശതമാനം വർധനവ്‌ ഉള്ളതായി കോടതി രേഖകൾ കാണി​ക്കു​ന്നു. . . . കുട്ടി​ക​ളു​ടെ ആത്മഹത്യാ നിരക്ക്‌ 60-കളുടെ മധ്യഘ​ട്ടത്തെ അപേക്ഷിച്ച്‌ മൂന്നി​രട്ടി ആയിരി​ക്കു​ന്നു. . . . തലമു​റ​വി​ടവ്‌ വർധിച്ചു വർധിച്ച്‌ ഒരു അഗാധ​ഗർത്തം ആയിത്തീർന്നി​രി​ക്കു​ന്നു. അതിന്റെ ഫലമായി മയക്കു​മ​രു​ന്നി​ലും മദ്യപാ​ന​ത്തി​ലും ആത്മഹത്യ​യി​ലും അഭയം കണ്ടെത്തുന്ന യുവജ​ന​ങ്ങ​ളു​ടെ എണ്ണം എന്നത്തെ​ക്കാ​ളും കൂടി​വ​രു​ക​യാണ്‌” എന്ന്‌ ആ പത്രം കൂട്ടി​ച്ചേർത്തു. എന്നാൽ ഇത്‌ ഒരു രാജ്യത്തെ മാത്രം പ്രശ്‌നമല്ല. ലോക​ത്തിൽ ഉടനീളം മാതാ​പി​താ​ക്ക​ളും അധ്യാ​പ​ക​രും മാനസി​കാ​രോ​ഗ്യ വിദഗ്‌ധ​രും യുവജ​ന​ങ്ങ​ളു​ടെ അവസ്ഥയെ കുറിച്ചു വിലപി​ക്കു​ന്നു.

² യഹോ​വ​യു​ടെ സാക്ഷി​ക​ളു​ടെ സഭകളി​ലെ മാതൃ​കാ​യോ​ഗ്യ​രായ യുവജ​നങ്ങൾ ഇന്നത്തെ മിക്ക യുവജ​ന​ങ്ങ​ളിൽ നിന്നും എത്രയോ വ്യത്യ​സ്‌ത​രാണ്‌! അവർ പൂർണ​രാ​ണെന്നല്ല. ‘യൗവന​മോ​ഹങ്ങ’ളുമാ​യുള്ള പോരാ​ട്ടം അവർക്കു​മുണ്ട്‌. (2 തിമൊ​ഥെ​യൊസ്‌ 2:22) എന്നാൽ ഒരു കൂട്ടം എന്ന നിലയിൽ അവർ ശരിയാ​യ​തി​നു വേണ്ടി ധീരമായ നിലപാ​ടു സ്വീക​രി​ക്കു​ക​യും ലോക​ത്തി​ന്റെ സമ്മർദ​ങ്ങൾക്കു വഴങ്ങി​ക്കൊ​ടു​ക്കാ​തി​രി​ക്കു​ക​യും ചെയ്‌തി​ട്ടുണ്ട്‌. സാത്താന്റെ “കുടില തന്ത്രങ്ങൾ”ക്ക്‌ എതി​രെ​യുള്ള പോരാ​ട്ട​ത്തിൽ വിജയം വരിക്കുന്ന ചെറു​പ്പ​ക്കാ​രായ നിങ്ങളെ എല്ലാവ​രെ​യും ഞങ്ങൾ മുഴു ഹൃദയ​ത്തോ​ടെ അഭിന​ന്ദി​ക്കു​ന്നു. (എഫെസ്യർ 6:11, NW അടിക്കു​റിപ്പ്‌) “ബാല്യ​ക്കാ​രേ [അഥവാ യുവജ​ന​ങ്ങളേ], നിങ്ങൾ ശക്തരാ​ക​യാ​ലും ദൈവ​വ​ചനം നിങ്ങളിൽ വസിക്ക​യാ​ലും നിങ്ങൾ ദുഷ്ടനെ ജയിച്ചി​രി​ക്ക​യാ​ലും ഞാൻ നിങ്ങൾക്കു എഴുതി​യി​രി​ക്കു​ന്നു” എന്നു പറഞ്ഞ യോഹ​ന്നാൻ അപ്പൊ​സ്‌ത​ലനെ പോലെ പറയാൻ ഞങ്ങൾ പ്രേരി​ത​രാ​കു​ന്നു.—1 യോഹ​ന്നാൻ 2:14.

3. “ആത്മാവ്‌” എന്ന പദത്തിന്‌ എന്ത്‌ അർഥമാ​ക്കാൻ കഴിയും?

³ എന്നിരു​ന്നാ​ലും, ദുഷ്ടനാ​യ​വന്‌ എതി​രെ​യുള്ള നിങ്ങളു​ടെ പോരാ​ട്ട​ത്തിൽ തുടർന്നും വിജയി​ക്കാൻ, ബൈബിൾ പറയുന്ന “ലോക​ത്തി​ന്റെ ആത്മാവി​നെ” നിങ്ങൾ ശക്തമായി ചെറു​ത്തു​നിൽക്കണം. (1 കൊരി​ന്ത്യർ 2:12) ഗ്രീക്ക്‌ ഭാഷ​യെ​ക്കു​റി​ച്ചുള്ള ഒരു ആധികാ​രിക ഗ്രന്ഥം പറയു​ന്നത്‌ അനുസ​രിച്ച്‌ “ആത്മാവ്‌” എന്നതിന്‌ “ഒരു വ്യക്തി​യിൽ നിറയു​ക​യും അയാളെ നിയ​ന്ത്രി​ക്കു​ക​യും ചെയ്യുന്ന മനോ​ഭാ​വ​ത്തെ​യോ സ്വാധീ​ന​ത്തെ​യോ” അർഥമാ​ക്കാൻ കഴിയും. ദൃഷ്ടാ​ന്ത​ത്തിന്‌, ഒരുവൻ വഴക്കാ​ളി​യാ​ണെന്നു നിങ്ങൾ കാണു​ന്നെ​ങ്കിൽ, അയാളു​ടേത്‌ മോശ​മായ ഒരു മനോ​ഭാ​വം അഥവാ “ആത്മാവ്‌” ആണെന്നു നിങ്ങൾ പറഞ്ഞേ​ക്കാം. നിങ്ങളു​ടെ “ആത്മാവ്‌,” മനോ​ഭാ​വം, അഥവാ മാനസിക ചായ്‌വ്‌ നിങ്ങളു​ടെ തീരു​മാ​ന​ങ്ങ​ളെ​യും പ്രവർത്ത​ന​ങ്ങ​ളെ​യും സംസാ​ര​ത്തെ​യും സ്വാധീ​നി​ക്കു​ന്നു. രസാവ​ഹ​മാ​യി, വ്യക്തി​കൾക്കു മാത്രമല്ല സമൂഹ​ങ്ങൾക്കും ഒരു പ്രത്യേക “ആത്മാവ്‌” പ്രകട​മാ​ക്കാൻ കഴിയും. പൗലൊസ്‌ അപ്പൊ​സ്‌തലൻ ക്രിസ്‌ത്യാ​നി​ക​ളു​ടെ ഒരു കൂട്ടത്തിന്‌ എഴുതി: “നമ്മുടെ കർത്താ​വായ യേശു​ക്രി​സ്‌തു​വി​ന്റെ കൃപ നിങ്ങളു​ടെ [“നിങ്ങൾ പ്രകട​മാ​ക്കുന്ന,” NW] ആത്മാ​വോ​ടു​കൂ​ടെ ഇരിക്കു​മാ​റാ​കട്ടെ.” (ഫിലേ​മോൻ 25) അപ്പോൾ, ഈ ലോകം പ്രകട​മാ​ക്കുന്ന ആത്മാവ്‌ എന്താണ്‌? “സർവ്വ​ലോ​ക​വും ദുഷ്ടന്റെ,” അതായത്‌ പിശാ​ചായ സാത്താന്റെ “അധീന​ത​യിൽ കിടക്കുന്ന”തിനാൽ ഈ ലോക​ത്തി​ന്റെ ആത്മാവ്‌ എങ്ങനെ ആരോ​ഗ്യാ​വ​ഹ​മാ​യി​രി​ക്കും?—1 യോഹ​ന്നാൻ 5:19.

ലോക​ത്തി​ന്റെ ആത്മാവി​നെ തിരി​ച്ച​റി​യൽ

4, 5. (എ) ക്രിസ്‌ത്യാ​നി​കൾ ആയിത്തീ​രു​ന്ന​തി​നു മുമ്പ്‌ എഫെ​സൊസ്‌ സഭയിൽ ഉണ്ടായി​രു​ന്ന​വ​രിൽ ഏത്‌ ആത്മാവ്‌ സ്വാധീ​നം ചെലു​ത്തി​യി​രു​ന്നു? (ബി) “വായു​വി​ന്റെ അധികാ​ര​ത്തി​ന്റെ അധിപതി” ആരാണ്‌, ഈ “വായു” എന്താണ്‌?

⁴ പൗലൊസ്‌ എഴുതി: “ഒരിക്കൽ ഈ ലോക​ത്തി​ന്റെ വ്യവസ്ഥ​യ്‌ക്കും അനുസ​ര​ണ​ക്കേ​ടി​ന്റെ മക്കളിൽ ഇപ്പോൾ വ്യാപ​രി​ക്കുന്ന ആത്മാവായ വായു​വി​ന്റെ അധികാ​ര​ത്തി​ന്റെ അധിപ​തി​യാ​യ​വ​നും അനുസൃ​ത​മാ​യി നടന്ന്‌ അതി​ക്ര​മ​ങ്ങ​ളാ​ലും പാപങ്ങ​ളാ​ലും മരിച്ച​വ​രാ​യി​രു​ന്നി​ട്ടും നിങ്ങ​ളെ​യാണ്‌ ദൈവം ഉയർപ്പി​ച്ചത്‌. അതെ, അവരുടെ ഇടയിൽ നാമെ​ല്ലാ​വ​രും ഒരിക്കൽ നമ്മുടെ ജഡത്തി​നും ചിന്തകൾക്കും ഇഷ്ടമാ​യതു ചെയ്‌തു​കൊണ്ട്‌ ജഡത്തിന്റെ മോഹ​ങ്ങൾക്ക്‌ അനുസൃ​ത​മാ​യി നടന്നു, പ്രകൃ​ത്യാ നാമും മറ്റുള്ള​വ​രെ​പ്പോ​ലെ കോപ​ത്തി​ന്റെ മക്കളാ​യി​രു​ന്നു.”—എഫെസ്യർ 2:1-3, NW.

⁵ ക്രിസ്‌തീയ മാർഗം പഠിക്കു​ന്ന​തി​നു മുമ്പ്‌ എഫെ​സൊ​സി​ലെ ക്രിസ്‌ത്യാ​നി​കൾ “വായു​വി​ന്റെ അധികാ​ര​ത്തി​ന്റെ അധിപ​തി​യായ” പിശാ​ചായ സാത്താന്റെ അനുഗാ​മി​കൾ ആയിരു​ന്നു, അവർ അതു സംബന്ധി​ച്ചു ബോധ​വാ​ന്മാർ അല്ലായി​രു​ന്നെ​ങ്കി​ലും. സാത്താ​നും ഭൂതങ്ങ​ളും വസിക്കുന്ന ഏതെങ്കി​ലും അക്ഷരീയ സ്ഥലമല്ല ആ “വായു.” പൗലൊസ്‌ ആ വാക്കുകൾ എഴുതി​യ​പ്പോൾ പിശാ​ചായ സാത്താ​നും ഭൂതങ്ങൾക്കും അപ്പോ​ഴും സ്വർഗ​ത്തിൽ പ്രവേ​ശനം ഉണ്ടായി​രു​ന്നു. (ഇയ്യോബ്‌ 1:6; വെളി​പ്പാ​ടു 12:7-12 എന്നിവ താരത​മ്യം ചെയ്യുക.) സാത്താന്റെ ലോകത്തെ നിയ​ന്ത്രി​ക്കുന്ന ആത്മാവി​നെ അഥവാ മനോ​ഭാ​വത്തെ ആണ്‌ “വായു” എന്ന വാക്ക്‌ അർഥമാ​ക്കു​ന്നത്‌. (വെളി​പ്പാ​ടു 16:17-21, NW താരത​മ്യം ചെയ്യുക.) നമുക്കു ചുറ്റു​മുള്ള അക്ഷരീയ വായു​വി​നെ​പ്പോ​ലെ ഈ ആത്മാവും എല്ലായി​ട​ത്തു​മുണ്ട്‌.

6. ‘വായു​വി​ന്റെ അധികാ​രം’ എന്താണ്‌, അനേകം യുവജ​ന​ങ്ങ​ളിൽ അതു പ്രയോ​ഗി​ക്ക​പ്പെ​ടു​ന്നത്‌ എങ്ങനെ?

⁶ എന്നാൽ ‘വായു​വി​ന്റെ അധികാ​രം’ എന്താണ്‌? ഈ “വായു”വിന്‌ ആളുക​ളു​ടെ മേലുള്ള ശക്തമായ സ്വാധീ​ന​ത്തെ​യാ​കാം അത്‌ അർഥമാ​ക്കു​ന്നത്‌. പ്രസ്‌തുത ആത്മാവ്‌ ‘അനുസ​ര​ണ​ക്കേ​ടി​ന്റെ മക്കളിൽ വ്യാപ​രി​ക്കു​ന്നു’ എന്ന്‌ പൗലൊസ്‌ പറഞ്ഞു. അതു​കൊണ്ട്‌ ലോക​ത്തി​ന്റെ ആത്മാവ്‌ അനുസ​ര​ണ​ക്കേ​ടി​ന്റെ​യും മത്സരത്തി​ന്റെ​യും ഒരു ആത്മാവി​നു വളം​വെ​ക്കു​ന്നു. ആ അധികാ​രം പ്രയോ​ഗി​ക്ക​പ്പെ​ടുന്ന ഒരു മാർഗ​മാണ്‌ സമപ്രാ​യ​ക്കാ​രിൽ നിന്നുള്ള സമ്മർദം. ചെറു​പ്പ​ക്കാ​രി​യായ ഒരു സാക്ഷി പറയുന്നു: “സ്‌കൂ​ളിൽ ആയിരി​ക്കു​മ്പോൾ, അൽപ്പം മത്സര സ്വഭാവം കാണി​ക്കാൻ സർവരും നിങ്ങളെ എല്ലായ്‌പോ​ഴും പ്രോ​ത്സാ​ഹി​പ്പി​ക്കു​ന്നു. മത്സരാ​ത്മ​ക​മായ എന്തെങ്കി​ലും ചെയ്‌താൽ കുട്ടികൾ നിങ്ങ​ളോ​ടു കൂടുതൽ ആദരവ്‌ കാട്ടുന്നു.”

ലോക​ത്തി​ന്റെ ആത്മാവി​ന്റെ വിവിധ വശങ്ങൾ

7-9. (എ) ഇന്നത്തെ യുവജ​ന​ങ്ങ​ളു​ടെ ഇടയിൽ ലോക​ത്തി​ന്റെ ആത്മാവ്‌ പ്രകട​മാ​യി​രി​ക്കുന്ന ചില വിധങ്ങൾ പറയുക. (ബി) ഇതു​പോ​ലുള്ള കാര്യങ്ങൾ നിങ്ങളു​ടെ പ്രദേ​ശത്തു നിരീ​ക്ഷി​ച്ചി​ട്ടു​ണ്ടോ?

⁷ ഇന്നത്തെ യുവജ​ന​ങ്ങ​ളു​ടെ ഇടയിൽ കാണുന്ന ലോക​ത്തി​ന്റെ ആത്മാവി​ന്റെ ചില വശങ്ങൾ ഏവയാണ്‌? വഞ്ചനയും മത്സരവും. കോ​ളെ​ജി​ലെ ജൂനിയർ-സീനിയർ വിദ്യാർഥി​ക​ളിൽ 70 ശതമാനം പേരും തങ്ങളുടെ ഹൈസ്‌കൂൾ വിദ്യാ​ഭ്യാ​സ കാലത്ത്‌ വഞ്ചന കാണി​ച്ചി​ട്ടു​ണ്ടെന്ന്‌ ഒരു മാസി​ക​യി​ലെ റിപ്പോർട്ട്‌ പ്രസ്‌താ​വി​ച്ചു. അധിക​പ്ര​സം​ഗം, കുത്തു​വാക്ക്‌, അശ്ലീല സംഭാ​ഷണം എന്നിവ​യും സർവസാ​ധാ​ര​ണ​മാണ്‌. ഇയ്യോ​ബും പൗലൊസ്‌ അപ്പൊ​സ്‌ത​ല​നും നീതി​നി​ഷ്‌ഠ​മായ രോഷം പ്രകടി​പ്പി​ക്കാ​നാ​യി, കുത്തു​വാ​ക്കാ​യി ചിലർ വീക്ഷി​ച്ചേ​ക്കാ​വുന്ന പ്രസ്‌താ​വ​നകൾ നടത്തി​യി​ട്ടു​ണ്ടെ​ന്നു​ള്ളതു ശരിതന്നെ. (ഇയ്യോബ്‌ 12:2; 2 കൊരി​ന്ത്യർ 12:13) എന്നാൽ ഇന്നത്തെ മിക്ക യുവജ​ന​ങ്ങ​ളു​ടെ​യും വായിൽനി​ന്നു വരുന്ന നിർദ​യ​മായ കുത്തു​വാ​ക്കു​കൾ മിക്ക​പ്പോ​ഴും അധി​ക്ഷേ​പ​ത്തി​നു തുല്യ​മാണ്‌.

⁸ വിനോ​ദ​ത്തി​ലെ അമിത​ത്വ​വും ലോക​ത്തി​ന്റെ ആത്മാവി​ന്റെ പ്രകട​ന​മാണ്‌. യുവജ​ന​ങ്ങ​ളു​ടെ നിശാ​ക്ല​ബ്ബു​ക​ളും റേവുനൃത്തങ്ങളുംa മറ്റു തരത്തി​ലുള്ള വന്യമായ കുടി​ച്ചു​കൂ​ത്താ​ട്ട​ങ്ങ​ളും യുവജ​ന​ങ്ങൾക്ക്‌ ഇടയിൽ വളരെ പ്രിയ​ങ്ക​ര​മാണ്‌. വസ്‌ത്ര​ധാ​ര​ണ​ത്തി​ലെ​യും ചമയത്തി​ലെ​യും അമിത​ത്വ​ങ്ങ​ളും അതു​പോ​ലെ​തന്നെ വ്യാപ​ക​മാണ്‌. അമിത വലുപ്പ​ത്തി​ലുള്ള ഹിപ്പ്‌ ഹോപ്പ്‌ സ്റ്റൈൽ വസ്‌ത്രങ്ങൾ മുതൽ ശരീരം കുത്തി​ത്തു​ള​യ്‌ക്കൽ പോലുള്ള ഞെട്ടി​ക്കുന്ന ഭ്രമങ്ങൾ വരെ പിൻപ​റ്റി​ക്കൊണ്ട്‌ ഇന്നത്തെ നിരവധി യുവജ​നങ്ങൾ ലോക​ത്തി​ന്റെ മത്സര മനോ​ഭാ​വം പ്രകട​മാ​ക്കു​ന്നു. (റോമർ 6:16 താരത​മ്യം ചെയ്യുക.) ഭൗതിക സ്വത്തു​ക്ക​ളി​ലുള്ള അമിത​മായ താത്‌പ​ര്യ​മാണ്‌ ലോക​ത്തി​ന്റെ ആത്മാവ്‌ പ്രകട​മാ​കുന്ന മറ്റൊരു വശം. ഒരു വിദ്യാ​ഭ്യാ​സ മാസിക പറയു​ന്നത്‌ അനുസ​രിച്ച്‌, “അത്യധി​കം ശക്തമായ തന്ത്രങ്ങ​ളും നാനാ​വിധ ഉത്‌പ​ന്ന​ങ്ങ​ളും​കൊണ്ട്‌ വിപണ​ന​ക്കാർ കുട്ടി​കളെ സദാ വേട്ടയാ​ടു​ക​യാണ്‌.” ഐക്യ​നാ​ടു​ക​ളി​ലെ യുവജ​നങ്ങൾ ഹൈസ്‌കൂൾ വിദ്യാ​ഭ്യാ​സം പൂർത്തി​യാ​ക്കുന്ന പ്രായം ആകു​മ്പോ​ഴേ​ക്കും 3,60,000 ടിവി പരസ്യങ്ങൾ കണ്ടിട്ടു​ണ്ടാ​കും. സാധനങ്ങൾ വാങ്ങി​ക്കൂ​ട്ടാൻ സമപ്രാ​യ​ക്കാ​രും സമ്മർദം ചെലു​ത്തി​യേ​ക്കാം. ഒരു പതിന്നാ​ലു​കാ​രി പറയുന്നു: “‘നിന്റെ കമ്പിളി​യു​ടുപ്പ്‌, ജാക്കറ്റ്‌ അല്ലെങ്കിൽ ജീൻസ്‌ ഏതു ബ്രാൻഡാണ്‌’ എന്ന്‌ എല്ലാവ​രും സദാ ചോദി​ക്കു​ന്നു.”

⁹ ബൈബിൾ കാലങ്ങൾ മുതൽക്കേ അനാ​രോ​ഗ്യ​ക​ര​മായ സംഗീതം അശ്ലീല പെരു​മാ​റ്റത്തെ ഉത്തേജി​പ്പി​ക്കാ​നുള്ള സാത്താന്റെ ഒരു ഉപകര​ണ​മാ​യി​രു​ന്നി​ട്ടുണ്ട്‌. (പുറപ്പാ​ടു 32:17-19; സങ്കീർത്തനം 69:12; യെശയ്യാ​വു 23:16 എന്നിവ താരത​മ്യം ചെയ്യുക.) അപ്പോൾ, ലൈം​ഗി​ക​മാ​യി വഴിപി​ഴ​പ്പി​ക്കുന്ന—മറകൂ​ടാ​തെ വിളി​ച്ചു​പ​റ​യു​ന്നതു പോലു​മായ—വാക്കു​ക​ളു​ള്ള​തും ദൈവ​നിന്ദ കലർന്ന​തും വന്യവും ഉദ്ദീപ​ക​വു​മായ താള​വേ​ഗ​ത്തോ​ടു കൂടി​യ​തു​മായ സംഗീതം ജനരഞ്‌ജ​ക​മാ​യി​രി​ക്കു​ന്ന​തിൽ അതിശ​യി​ക്കാ​നില്ല. ഈ ലോക​ത്തി​ന്റെ അശ്ലീല ആത്മാവി​ന്റെ മറ്റൊരു പ്രകട​ന​മാണ്‌ ലൈം​ഗിക അധാർമി​കത. (1 കൊരി​ന്ത്യർ 6:9-11) ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു: “അനേകം കൗമാ​ര​ക്കാർക്കും സമപ്രാ​യ​ക്കാ​രാൽ അംഗീ​ക​രി​ക്ക​പ്പെ​ടു​ന്ന​തിന്‌ ലൈം​ഗി​കത ഒരു നിബന്ധന ആയിരി​ക്കു​ക​യാണ്‌ . . . ഹൈസ്‌കൂ​ളി​ലെ മുതിർന്ന വിദ്യാർഥി​ക​ളിൽ മൂന്നിൽ രണ്ടി​ലേറെ പേർ ലൈം​ഗിക ബന്ധത്തിൽ ഏർപ്പെ​ട്ടി​ട്ടുണ്ട്‌.” ദ വാൾസ്‌ട്രീറ്റ്‌ ജേർണ​ലി​ലെ ഒരു ലേഖനം, 8-നും 12-നും ഇടയ്‌ക്കു പ്രായ​മുള്ള കുട്ടി​ക​ളിൽ “ലൈം​ഗിക ബന്ധം പുലർത്തു​ന്ന​വ​രു​ടെ എണ്ണം കൂടി​വ​രു​ന്നു” എന്നതിന്റെ തെളിവു നിരത്തി. അടുത്ത​യി​ടെ റിട്ടയർ ചെയ്‌ത ഒരു സ്‌കൂൾ ഉപദേ​ഷ്‌ട്രി പറയുന്നു: “ഗർഭി​ണി​ക​ളായ ചില ആറാം ക്ലാസു​കാ​രി​കളെ നാം കണ്ടുതു​ട​ങ്ങി​യി​രി​ക്കു​ന്നു.”b

ലോക​ത്തി​ന്റെ ആത്മാവി​നെ നിരസി​ക്കൽ

10. ക്രിസ്‌തീയ കുടും​ബ​ങ്ങ​ളിൽ നിന്നുള്ള ചില യുവജ​നങ്ങൾ ലോക​ത്തി​ന്റെ ആത്മാവി​നു വശംവ​ദ​രാ​യി​രി​ക്കു​ന്നത്‌ എങ്ങനെ?

¹⁰ ദുഃഖ​ക​ര​മെന്നു പറയട്ടെ, ചില ക്രിസ്‌തീയ യുവജ​ന​ങ്ങ​ളും ലോക​ത്തി​ന്റെ ആത്മാവി​നു വശംവ​ദ​രാ​യി​രി​ക്കു​ന്നു. “മാതാ​പി​താ​ക്ക​ളു​ടെ​യും സഹക്രി​സ്‌ത്യാ​നി​ക​ളു​ടെ​യും മുമ്പാകെ ഞാൻ വളരെ നന്നായി പെരു​മാ​റി​യി​രു​ന്നു” എന്ന്‌ ഒരു ജാപ്പനീസ്‌ പെൺകു​ട്ടി സമ്മതിച്ചു പറയുന്നു. “എന്നാൽ ഞാൻ ഒരു ഇരട്ട ജീവിതം നയിക്കു​ക​യാ​യി​രു​ന്നു.” കെനി​യ​യിൽ നിന്നുള്ള ഒരു യുവതി പറയുന്നു: “കുറെ​ക്കാ​ലം ഞാൻ ഒരു ഇരട്ട ജീവിതം നയിച്ചു. അതിൽ പാർട്ടി​ക​ളും റോക്ക്‌ സംഗീ​ത​വും മോശ​ക്കാ​രായ കൂട്ടു​കാ​രും ഉൾപ്പെ​ട്ടി​രു​ന്നു. അതു തെറ്റാ​ണെന്ന്‌ എനിക്ക്‌ അറിയാ​മാ​യി​രു​ന്നു. എന്നാൽ ഞാൻ അത്‌ അത്ര കാര്യ​മാ​ക്കി​യില്ല, ക്രമേണ എല്ലാം ശരിയാ​യി​ക്കൊ​ള്ളും എന്നായി​രു​ന്നു എന്റെ ചിന്ത. എന്നാൽ അങ്ങനെ സംഭവി​ച്ചില്ല. കാര്യങ്ങൾ കൂടുതൽ വഷളാ​യതേ ഉള്ളൂ.” ജർമനി​യിൽ നിന്നുള്ള ഒരു യുവതി പറയുന്നു: “മോശം സുഹൃ​ത്തു​ക്കൾ ഉണ്ടായ​തോ​ടെ​യാണ്‌ അതെല്ലാം തുടങ്ങി​യത്‌. തുടർന്ന്‌ ഞാൻ പുകവ​ലി​ക്കാൻ തുടങ്ങി. എന്റെ മാതാ​പി​താ​ക്കളെ വ്രണ​പ്പെ​ടു​ത്താൻ ഞാൻ ആഗ്രഹി​ച്ചു, എന്നാൽ വ്രണ​പ്പെ​ട്ടത്‌ ഞാൻത​ന്നെ​യാണ്‌.”

11. പത്ത്‌ ഒറ്റുകാർ ഒരു മോശ​മായ റിപ്പോർട്ടു കൊണ്ടു​വ​ന്ന​പ്പോൾ ഒഴുക്കി​നൊ​ത്തു നീങ്ങാ​തി​രി​ക്കാൻ കാലേ​ബി​നു സാധി​ച്ചത്‌ എങ്ങനെ?

¹¹ എന്നാൽ ലോക​ത്തി​ന്റെ ആത്മാവി​നെ ചെറുത്തു നിൽക്കാൻ, വർജി​ക്കാൻ, നമുക്കു സാധി​ക്കും. പുരാതന കാലത്തെ കാലേ​ബി​ന്റെ ദൃഷ്ടാന്തം പരിഗ​ണി​ക്കുക. ഭീരു​ക്ക​ളായ പത്ത്‌ ഒറ്റുകാർ വാഗ്‌ദത്ത ദേശത്തെ കുറിച്ച്‌ മോശ​മായ ഒരു റിപ്പോർട്ടു കൊണ്ടു​വ​ന്ന​പ്പോൾ യോശു​വ​യെ​പ്പോ​ലെ കാലേ​ബും ഭയപ്പെ​ടു​ക​യോ ഒഴുക്കി​നൊ​ത്തു നീങ്ങു​ക​യോ ചെയ്‌തില്ല. അവർ സധൈ​ര്യം പ്രഖ്യാ​പി​ച്ചു: “ഞങ്ങൾ സഞ്ചരിച്ചു ഒററു​നോ​ക്കിയ ദേശം എത്രയും നല്ല ദേശം ആകുന്നു. യഹോവ നമ്മിൽ പ്രസാ​ദി​ക്കു​ന്നു എങ്കിൽ അവൻ നമ്മെ പാലും തേനും ഒഴുകുന്ന ആ ദേശ​ത്തേക്കു കൊണ്ടു​ചെന്നു നമുക്കു അതു തരും.” (സംഖ്യാ​പു​സ്‌തകം 14:7, 8) ആ സമ്മർദ​ങ്ങളെ എല്ലാം ചെറു​ത്തു​നിൽക്കാൻ കാലേ​ബി​നെ പ്രാപ്‌ത​നാ​ക്കി​യത്‌ എന്തായി​രു​ന്നു? കാലേ​ബി​നെ​ക്കു​റിച്ച്‌ യഹോവ പറഞ്ഞു: “അവനു വ്യത്യ​സ്‌ത​മായ ഒരു ആത്മാവ്‌ ഉണ്ടെന്ന്‌ തെളി​ഞ്ഞി​രി​ക്കു​ന്നു.”—സംഖ്യാ​പു​സ്‌തകം 14:24, NW.

“വ്യത്യ​സ്‌ത​മായ ഒരു ആത്മാവ്‌” പ്രകട​മാ​ക്കൽ

12. ഒരുവന്റെ സംസാ​ര​ത്തി​ന്റെ കാര്യ​ത്തിൽ “വ്യത്യ​സ്‌ത​മായ ഒരു ആത്മാവ്‌” പ്രകട​മാ​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹² ഇന്ന്‌, ലോക​ത്തി​ന്റേ​തിൽനിന്ന്‌ “വ്യത്യ​സ്‌ത​മായ ഒരു ആത്മാവ്‌,” അഥവാ മനോ​ഭാ​വം പ്രകട​മാ​ക്കാൻ ധൈര്യ​വും കരുത്തും ആവശ്യ​മാണ്‌. കുത്തു​വാ​ക്കും അനാദ​ര​ണീയ സംസാ​ര​വും ഒഴിവാ​ക്കു​ന്ന​താണ്‌ അപ്രകാ​രം ചെയ്യാ​നുള്ള ഒരു മാർഗം. രസാവ​ഹ​മാ​യി, കുത്തു​വാക്ക്‌ എന്നതിന്റെ ആംഗലേയ പദം (sarcasm) വന്നിരി​ക്കു​ന്നത്‌ “നായ്‌ക്ക​ളെ​പ്പോ​ലെ മാംസം കടിച്ചു​കീ​റുക” എന്ന്‌ അക്ഷരീയ അർഥമുള്ള ഒരു ഗ്രീക്കു ക്രിയാ​പ​ദ​ത്തിൽ നിന്നാണ്‌. (ഗലാത്യർ 5:15 താരത​മ്യം ചെയ്യുക.) ഒരു നായുടെ പല്ലിന്‌ അസ്ഥിയിൽനി​ന്നു മാംസം കടിച്ചു​കീ​റാൻ കഴിയു​ന്നതു പോലെ കുത്തു​വാ​ക്കു​ക​ളി​ലൂ​ടെ​യുള്ള “നർമ”ത്തിന്‌ മറ്റുള്ള​വ​രു​ടെ മാന്യ​തയെ പിച്ചി​ച്ചീ​ന്താ​നാ​കും. എന്നാൽ “കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടുകള”യാൻ കൊ​ലൊ​സ്സ്യർ 3:8 നമ്മെ ഉപദേ​ശി​ക്കു​ന്നു. സദൃശ​വാ​ക്യ​ങ്ങൾ 10:19 പറയുന്നു: “വാക്കു പെരു​കി​യാൽ ലംഘനം ഇല്ലാതി​രി​ക്ക​യില്ല; അധരങ്ങളെ അടക്കു​ന്ന​വ​നോ ബുദ്ധി​മാൻ.” ഒരുവൻ നിങ്ങളെ അധി​ക്ഷേ​പി​ക്കു​ന്നെ​ങ്കിൽ, ‘മറ്റേ ചെകി​ടും കാണി​ക്കാൻ’ തക്ക ആത്മനി​യ​ന്ത്രണം ഉണ്ടായി​രി​ക്കുക. ഒരുപക്ഷേ അധി​ക്ഷേ​പ​ക​നോട്‌ സ്വകാ​ര്യ​ത​യിൽ ശാന്തമാ​യും സമാധാ​ന​പ​ര​മാ​യും സംസാ​രി​ക്കാ​വു​ന്ന​താണ്‌.—മത്തായി 5:39; സദൃശ​വാ​ക്യ​ങ്ങൾ 15:1.

13. യുവജ​ന​ങ്ങൾക്ക്‌ ഭൗതിക വസ്‌തു​ക്കൾ സംബന്ധിച്ച്‌ ഒരു സമനി​ല​യുള്ള വീക്ഷണം പ്രകട​മാ​ക്കാൻ കഴിയു​ന്നത്‌ എങ്ങനെ?

¹³ “വ്യത്യ​സ്‌ത​മായ ഒരു ആത്മാവ്‌” പ്രകട​മാ​ക്കാ​നുള്ള മറ്റൊരു മാർഗം ഭൗതിക വസ്‌തു​ക്കൾ സംബന്ധിച്ച്‌ സമനി​ല​യുള്ള ഒരു വീക്ഷണം ഉണ്ടായി​രി​ക്കുക എന്നതാണ്‌. നല്ല സാധനങ്ങൾ ഉണ്ടായി​രി​ക്കാ​നുള്ള ആഗ്രഹം സ്വാഭാ​വി​കം മാത്ര​മാണ്‌. യേശു​ക്രി​സ്‌തു​വിന്‌ വളരെ മേന്മയുള്ള വസ്‌ത്രം ഒരെണ്ണം എങ്കിലും ഉണ്ടായി​രു​ന്നു എന്നു വ്യക്തമാണ്‌. (യോഹ​ന്നാൻ 19:23, 24) എന്നിരു​ന്നാ​ലും, സാധനങ്ങൾ സ്വന്തമാ​ക്കു​ന്നത്‌ നിങ്ങൾക്ക്‌ ഒരു ജ്വരമാ​യി​ത്തീർന്നി​രി​ക്കു​ന്നെ​ങ്കിൽ, അല്ലെങ്കിൽ മാതാ​പി​താ​ക്കൾക്കു വാസ്‌ത​വ​ത്തിൽ വാങ്ങി​ത്ത​രാൻ സാധി​ക്കാത്ത സാധന​ങ്ങൾക്കാ​യി നിങ്ങൾ നിരന്തരം കെഞ്ചു​ക​യോ നിങ്ങളു​ടെ ലക്ഷ്യം മറ്റു യുവജ​ന​ങ്ങളെ അനുക​രി​ക്കു​ന്നതു മാത്ര​മാ​യി​രി​ക്കു​ക​യോ ചെയ്യു​ന്നെ​ങ്കിൽ, ലോക​ത്തി​ന്റെ ആത്മാവിന്‌ നിങ്ങൾ തിരി​ച്ച​റി​യു​ന്ന​തി​ലും അധികം അധികാ​രം നിങ്ങളു​ടെ​മേൽ ഉണ്ടായി​രി​ക്കാം. ബൈബിൾ പറയുന്നു: “ജഡമോ​ഹം, കണ്മോഹം, ജീവന​ത്തി​ന്റെ പ്രതാപം ഇങ്ങനെ ലോക​ത്തി​ലു​ള്ളതു എല്ലാം പിതാ​വിൽനി​ന്നല്ല, ലോക​ത്തിൽനി​ന്ന​ത്രേ ആകുന്നു.” അതേ, ലോക​ത്തി​ന്റെ ഭൗതി​കത്വ ആത്മാവി​നു വശംവ​ദ​രാ​ക​രുത്‌! ഉള്ളതു​കൊ​ണ്ടു തൃപ്‌തി​പ്പെ​ടാൻ പഠിക്കുക.—1 യോഹ​ന്നാൻ 2:16; 1 തിമൊ​ഥെ​യൊസ്‌ 6:8-10.

14. (എ) യെശയ്യാ​വി​ന്റെ നാളിലെ ദൈവ​ജനം വിനോ​ദ​ത്തി​ന്റെ കാര്യ​ത്തിൽ സമനി​ല​യി​ല്ലാത്ത ഒരു വീക്ഷണം പ്രകട​മാ​ക്കി​യത്‌ എങ്ങനെ? (ബി) ചില ക്രിസ്‌തീയ യുവജ​നങ്ങൾ നിശാ​ക്ല​ബ്ബു​ക​ളി​ലും വന്യമായ പാർട്ടി​ക​ളി​ലും എന്തെല്ലാം അപകട​ങ്ങളെ അഭിമു​ഖീ​ക​രി​ച്ചി​ട്ടുണ്ട്‌?

¹⁴ വിനോ​ദത്തെ അതി​ന്റേ​തായ സ്ഥാനത്തു നിർത്തു​ന്ന​തും പ്രധാ​ന​മാണ്‌. പ്രവാ​ച​ക​നായ യെശയ്യാവ്‌ പ്രഖ്യാ​പി​ച്ചു: “അതികാ​ലത്തു എഴു​ന്നേ​ററു മദ്യം തേടി ഓടു​ക​യും വീഞ്ഞു കുടിച്ചു മത്തരായി സന്ധ്യാ​സ​മ​യത്തു വൈകി ഇരിക്ക​യും ചെയ്യു​ന്ന​വർക്കും അയ്യോ കഷ്ടം! അവരുടെ വിരു​ന്നു​ക​ളിൽ കിന്നര​വും വീണയും തപ്പും​കു​ഴ​ലും വീഞ്ഞും ഉണ്ടു; എന്നാൽ യഹോ​വ​യു​ടെ പ്രവൃ​ത്തി​യെ അവർ നോക്കു​ന്നില്ല, അവന്റെ കൈ​വേ​ലയെ വിചാ​രി​ക്കു​ന്ന​തു​മില്ല.” (യെശയ്യാ​വു 5:11, 12) ഖേദക​ര​മെന്നു പറയട്ടെ, ചില ക്രിസ്‌തീയ യുവജ​നങ്ങൾ സമാന​മാ​യി വന്യമായ പാർട്ടി​ക​ളിൽ പങ്കെടു​ത്തി​ട്ടുണ്ട്‌. യുവജ​ന​ങ്ങ​ളു​ടെ നിശാ​ക്ല​ബ്ബു​ക​ളിൽ നടക്കു​ന്നത്‌ എന്തെന്നു വിവരി​ക്കാൻ ഒരു കൂട്ടം ക്രിസ്‌തീയ യുവജ​ന​ങ്ങ​ളോട്‌ ആവശ്യ​പ്പെ​ട്ട​പ്പോൾ, ഒരു യുവ സഹോ​ദരി പറഞ്ഞു: “എപ്പോ​ഴും അടിപി​ടി​കൾ ഉണ്ടാകാ​റുണ്ട്‌. ഞാൻ അതിനി​ട​യിൽ പെട്ടി​ട്ടു​മുണ്ട്‌.” “മദ്യപാ​ന​വും പുകവ​ലി​യും അതു​പോ​ലുള്ള കാര്യ​ങ്ങ​ളും,” ഒരു യുവ സഹോ​ദരൻ കൂട്ടി​ച്ചേർത്തു. മറ്റൊരു യുവ സഹോ​ദരൻ സമ്മതിച്ചു പറഞ്ഞു: “ആളുകൾ കുടിച്ചു മത്തരാ​കു​ന്നു. അവർ വിഡ്‌ഢി​ക​ളെ​പ്പോ​ലെ പെരു​മാ​റു​ന്നു! മയക്കു​മ​രു​ന്നും ഉപയോ​ഗി​ക്കാ​റുണ്ട്‌. മോശ​മായ ഒരുപാ​ടു കാര്യങ്ങൾ നടക്കുന്നു. നിങ്ങൾ അവിടെ ചെന്നിട്ട്‌ അതൊ​ന്നും നിങ്ങളെ ബാധി​ക്കി​ല്ലെന്ന്‌ ചിന്തി​ക്കു​ന്നെ​ങ്കിൽ, നിങ്ങൾക്കു തെറ്റു പറ്റിയി​രി​ക്കു​ന്നു.” അതു​കൊണ്ട്‌, ബൈബിൾ വെറി​ക്കൂ​ത്തി​നെ, അഥവാ “വന്യമായ പാർട്ടി”കളെ “ജഡത്തിന്റെ പ്രവൃ​ത്തിക”ളിൽ ഒന്നായി പട്ടിക​പ്പെ​ടു​ത്തു​ന്നത്‌ ശരിയായ കാരണ​ത്താ​ലാണ്‌.—ഗലാത്യർ 5:19-21; ബയിങ്‌ടൺ; റോമർ 13:13.

15. വിനോ​ദം സംബന്ധി​ച്ചു സന്തുലി​ത​മായ എന്തു വീക്ഷണ​മാ​ണു ബൈബിൾ നൽകു​ന്നത്‌?

¹⁵ ഹാനി​ക​ര​മായ വിനോ​ദം ഒഴിവാ​ക്കു​ന്ന​തി​നാൽ നിങ്ങളു​ടെ ജീവിതം ഉല്ലാസ​ര​ഹി​ത​മാ​കില്ല. ഒരു “സന്തുഷ്ട ദൈവ”ത്തെയാണു നാം ആരാധി​ക്കു​ന്നത്‌. നിങ്ങൾ യൗവനം ആസ്വദി​ക്ക​ണ​മെന്ന്‌ അവൻ ആഗ്രഹി​ക്കു​ന്നു. (1 തിമൊ​ഥെ​യൊസ്‌ 1:11, NW; സഭാ​പ്ര​സം​ഗി 11:9) എന്നാൽ ബൈബിൾ ഈ മുന്നറി​യി​പ്പു നൽകുന്നു: “ഉല്ലാസ​പ്രി​യൻ [“വിനോ​ദ​പ്രി​യൻ,” ലാംസ] ദരി​ദ്ര​നാ​യ്‌തീ​രും.” (സദൃശ​വാ​ക്യ​ങ്ങൾ 21:17) അതെ, വിനോ​ദത്തെ ജീവി​ത​ത്തി​ലെ ഏറ്റവും മുഖ്യ സംഗതി ആക്കു​ന്നെ​ങ്കിൽ നിങ്ങൾ ആത്മീയ ദാരി​ദ്ര്യം അനുഭ​വി​ക്കും. അതു​കൊണ്ട്‌ വിനോ​ദം തിര​ഞ്ഞെ​ടു​ക്കു​മ്പോൾ ബൈബിൾ തത്ത്വങ്ങൾ പിൻപ​റ്റുക. നിങ്ങളെ തകർത്തു​ക​ള​യുന്ന വിധത്തി​ലല്ല, മറിച്ച്‌ കെട്ടു​പണി ചെയ്യുന്ന വിധത്തിൽ ജീവിതം ആസ്വദി​ക്കാൻ അനേകം മാർഗ​ങ്ങ​ളുണ്ട്‌.c—സഭാ​പ്ര​സം​ഗി 11:10.

16. തങ്ങൾ വ്യത്യ​സ്‌ത​രാ​ണെന്നു ക്രിസ്‌തീയ യുവജ​ന​ങ്ങൾക്ക്‌ എങ്ങനെ പ്രകട​മാ​ക്കാൻ സാധി​ക്കും?

¹⁶ ലോക​ത്തി​ന്റെ ഭ്രമങ്ങൾ നിരസി​ച്ചു​കൊണ്ട്‌ വസ്‌ത്ര ധാരണ​ത്തി​ലും ചമയത്തി​ലും വിനയം പ്രകട​മാ​ക്കു​ന്ന​തും നിങ്ങളെ വ്യത്യ​സ്‌ത​രാ​ക്കും. (റോമർ 12:2; 1 തിമൊ​ഥെ​യൊസ്‌ 2:9) സംഗീതം ശ്രദ്ധാ​പൂർവം തിര​ഞ്ഞെ​ടു​ക്കു​ന്ന​തും സമാന​മായ ഫലം ഉളവാ​ക്കും. (ഫിലി​പ്പി​യർ 4:8, 9) “വലി​ച്ചെ​റി​യേ​ണ്ട​താ​ണെന്ന്‌ എനിക്ക്‌ അറിയാ​വുന്ന പാട്ടുകൾ എന്റെ പക്കലുണ്ട്‌” എന്ന്‌ ഒരു ക്രിസ്‌തീയ യുവതി സമ്മതി​ക്കു​ന്നു, “എന്നാൽ അതു വളരെ നല്ലതായി തോന്നു​ന്നു!” ഒരു ചെറു​പ്പ​ക്കാ​രൻ സമാന​മാ​യി ഇങ്ങനെ സമ്മതിച്ചു പറഞ്ഞു: “പാട്ടുകൾ എനിക്ക്‌ ഒരു കെണി​യാണ്‌, കാരണം ഞാനതു വളരെ​യ​ധി​കം ഇഷ്ടപ്പെ​ടു​ന്നു. ഒരു ഗാനത്തിൽ കുഴപ്പ​മു​ണ്ടെന്ന്‌ ഞാൻ കണ്ടെത്തു​ക​യോ മാതാ​പി​താ​ക്കൾ അത്‌ എന്റെ ശ്രദ്ധയിൽപ്പെ​ടു​ത്തു​ക​യോ ചെയ്യു​ന്നെ​ങ്കിൽ, എന്റെ ഹൃദയ​ത്തി​ന്മേൽ നിയ​ന്ത്രണം നേടാൻ ഞാൻ എന്റെ മനസ്സിനെ നിർബ​ന്ധി​ക്കേ​ണ്ടി​യി​രി​ക്കു​ന്നു, കാരണം ഉള്ളി​ന്റെ​യു​ള്ളിൽ എനിക്ക്‌ ആ ഗാനം ഇഷ്ടമാണ്‌.” യുവജ​ന​ങ്ങളേ, ‘സാത്താന്റെ തന്ത്രങ്ങളെ അറിയാ​ത്തവർ ആയിരി​ക്ക​രുത്‌!’ (2 കൊരി​ന്ത്യർ 2:11) യുവ ക്രിസ്‌ത്യാ​നി​കളെ യഹോ​വ​യിൽനിന്ന്‌ അകറ്റാ​നാ​യി അവൻ സംഗീ​തത്തെ ഉപയോ​ഗി​ക്കു​ന്നു! റാപ്പ്‌, ഹെവി മെറ്റൽ, ഓൾട്ടർനേ​റ്റീവ്‌ റോക്ക്‌ സംഗീതം എന്നിവയെ കുറിച്ച്‌ ചർച്ച ചെയ്യുന്ന ലേഖനങ്ങൾ വാച്ച്‌ടവർ പ്രസി​ദ്ധീ​ക​ര​ണ​ങ്ങ​ളിൽ വന്നിട്ടുണ്ട്‌.d എന്നിരു​ന്നാ​ലും, പുതിയ രൂപത്തി​ലും ഭാവത്തി​ലു​മുള്ള എല്ലാ സംഗീ​തത്തെ കുറി​ച്ചും അഭി​പ്രായ പ്രകടനം നടത്താൻ വാച്ച്‌ടവർ പ്രസി​ദ്ധീ​ക​ര​ണ​ങ്ങൾക്കു കഴി​ഞ്ഞെന്നു വരില്ല. അതു​കൊണ്ട്‌, സംഗീതം തിര​ഞ്ഞെ​ടു​ക്കു​മ്പോൾ നിങ്ങൾ “ചിന്താ​പ്രാ​പ്‌തി”യും “വിവേക”വും ഉപയോ​ഗി​ക്കണം.—സദൃശ​വാ​ക്യ​ങ്ങൾ 2:11, NW.

17. (എ) എന്താണ്‌ പോർണിയ, അതിൽ എന്തെല്ലാം പ്രവർത്ത​നങ്ങൾ ഉൾപ്പെ​ടു​ന്നു? (ബി) ധാർമിക കാര്യങ്ങൾ സംബന്ധിച്ച്‌ ദൈവ​ത്തി​ന്റെ ഹിതം എന്താണ്‌?

¹⁷ അവസാ​ന​മാ​യി, നിങ്ങൾ ധാർമി​ക​മാ​യി ശുദ്ധരാ​യി നില​കൊ​ള്ളണം. ബൈബിൾ ഇങ്ങനെ ഉദ്‌ബോ​ധി​പ്പി​ക്കു​ന്നു: “ദുർന്ന​ടപ്പു [“പരസംഗം,” NW] വിട്ടു ഓടു​വിൻ.” (1 കൊരി​ന്ത്യർ 6:18) പരസംഗം എന്നതിന്റെ മൂല ഗ്രീക്ക്‌ പദമായ പോർണിയ ജനനേ​ന്ദ്രി​യ​ങ്ങ​ളു​ടെ ഉപയോ​ഗം ഉൾപ്പെ​ടുന്ന, വിവാ​ഹ​ബ​ന്ധ​ത്തി​നു പുറത്തുള്ള എല്ലാ അധാർമിക ലൈം​ഗിക പ്രവൃ​ത്തി​ക​ളെ​യും പരാമർശി​ക്കു​ന്നു. അതിൽ അധരസം​ഭോ​ഗ​വും ലൈം​ഗിക അവയവങ്ങൾ മനപ്പൂർവം തലോ​ടു​ന്ന​തും ഉൾപ്പെ​ടും. തങ്ങൾ വാസ്‌ത​വ​ത്തിൽ പരസം​ഗ​ത്തിൽ ഏർപ്പെ​ടു​ന്നില്ല എന്നു സങ്കൽപ്പി​ച്ചു​കൊണ്ട്‌ നിരവധി ക്രിസ്‌തീയ യുവജ​നങ്ങൾ അത്തരം പ്രവർത്ത​ന​ങ്ങ​ളിൽ ഉൾപ്പെ​ട്ടി​ട്ടുണ്ട്‌. എന്നിരു​ന്നാ​ലും, ദൈവ​വ​ചനം വ്യക്തമാ​യി ഇങ്ങനെ പറയുന്നു: “ദൈവ​ത്തി​ന്റെ ഇഷ്ടമോ നിങ്ങളു​ടെ ശുദ്ധീ​ക​രണം തന്നേ. നിങ്ങൾ ദുർന്ന​ടപ്പു [“പരസംഗം,” NW] വിട്ടൊ​ഴി​ഞ്ഞു . . . വിശു​ദ്ധീ​ക​ര​ണ​ത്തി​ലും മാനത്തി​ലും താന്താന്റെ പാത്രത്തെ നേടി​ക്കൊ​ള്ളട്ടെ.”—1 തെസ്സ​ലൊ​നീ​ക്യർ 4:3-5.

18. (എ) യുവജ​ന​ങ്ങൾക്ക്‌ ലോക​ത്തി​ന്റെ ആത്മാവി​നാൽ കളങ്ക​പ്പെ​ടു​ന്നത്‌ എങ്ങനെ ഒഴിവാ​ക്കാൻ സാധി​ക്കും? (ബി) അടുത്ത ലേഖന​ത്തിൽ എന്തു ചർച്ച ചെയ്യു​ന്ന​താ​യി​രി​ക്കും?

¹⁸ അതെ, യഹോ​വ​യു​ടെ സഹായ​ത്താൽ നിങ്ങൾക്കു ലോക​ത്തി​ന്റെ ആത്മാവി​നാ​ലുള്ള കളങ്കം ഒഴിവാ​ക്കാൻ സാധി​ക്കും! (1 പത്രൊസ്‌ 5:10) എന്നാൽ സാത്താൻ മാരക​മായ കെണി​കളെ മിക്ക​പ്പോ​ഴും മറച്ചു പിടി​ക്കു​ന്നു. അപകടം മനസ്സി​ലാ​ക്കാൻ പലപ്പോ​ഴും നല്ല വിവേകം ആവശ്യ​മാണ്‌. തങ്ങളുടെ ഗ്രഹണ പ്രാപ്‌തി​കൾ വികസി​പ്പി​ക്കു​ന്ന​തിന്‌ യുവജ​ന​ങ്ങളെ സഹായി​ക്കാൻ ഉദ്ദേശി​ച്ചു​ള്ള​താണ്‌ അടുത്ത ലേഖനം.

[അടിക്കു​റി​പ്പു​കൾ]

പുനര​വ​ലോ​കന ചോദ്യ​ങ്ങൾ

□ ‘ലോക​ത്തി​ന്റെ ആത്മാവ്‌’ എന്താണ്‌, അത്‌ ആളുക​ളു​ടെ​മേൽ ‘അധികാ​രം’ പ്രയോ​ഗി​ക്കു​ന്നത്‌ എങ്ങനെ?

□ ഇന്നത്തെ യുവജ​ന​ങ്ങൾക്ക്‌ ഇടയിൽ ലോക​ത്തി​ന്റെ ആത്മാവ്‌ പ്രകട​മാ​യി​രി​ക്കുന്ന ചില വിധങ്ങൾ ഏവ?

□ സംസാ​ര​ത്തി​ന്റെ​യും വിനോ​ദ​ത്തി​ന്റെ​യും കാര്യ​ത്തിൽ ക്രിസ്‌തീയ യുവജ​ന​ങ്ങൾക്ക്‌ “ഒരു വ്യത്യ​സ്‌ത​മായ ആത്മാവ്‌” പ്രകട​മാ​ക്കാൻ കഴിയു​ന്നത്‌ എങ്ങനെ?

□ ധാർമി​ക​ത​യു​ടെ​യും സംഗീ​ത​ത്തി​ന്റെ​യും കാര്യ​ത്തിൽ ക്രിസ്‌തീയ യുവജ​ന​ങ്ങൾക്ക്‌ “ഒരു വ്യത്യ​സ്‌ത​മായ ആത്മാവ്‌” പ്രകട​മാ​ക്കാൻ കഴിയു​ന്നത്‌ എങ്ങനെ?

[9-ാം പേജിലെ ചിത്രം]

അനേക യുവജ​ന​ങ്ങ​ളു​ടെ​യും നടത്ത അവർ ലോക​ത്തി​ന്റെ ആത്മാവി​ന്റെ “അധികാര”ത്തിൻ കീഴി​ലാ​ണെന്നു പ്രകട​മാ​ക്കു​ന്നു

[10-ാം പേജിലെ ചിത്രം]

സംഗീതം ശ്രദ്ധാ​പൂർവം തിര​ഞ്ഞെ​ടു​ക്കു​ക

[11-ാം പേജിലെ ചിത്രം]

ലോകത്തിന്റെ ആത്മാവി​നെ ചെറുത്തു നിൽക്കാൻ ധൈര്യം ആവശ്യ​മാണ്‌