വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ന്റെ സമർപ്പണം—യഹോ​വ​യ്‌ക്കുള്ള ഒരു ഉത്സവം

പണ്ടു മുതൽക്കേ ആനന്ദഭ​രി​ത​മായ ഉത്സവങ്ങൾ സത്യാ​രാ​ധ​ന​യു​ടെ ഭാഗമാ​യി​രു​ന്നി​ട്ടുണ്ട്‌. പുരാതന ഇസ്രാ​യേ​ലിൽ നടന്ന ചില ഉത്സവങ്ങൾ പല നാളുകൾ നീണ്ടു​നി​ന്നു, യഹോ​വ​യു​ടെ ആയിര​ക്ക​ണ​ക്കിന്‌ ആരാധകർ അതിൽ പങ്കുപ​റ്റു​ക​യും ചെയ്‌തി​രു​ന്നു. ശലോ​മോൻ നിർമിച്ച ആലയത്തി​ന്റെ ഉദ്‌ഘാ​ടനം ഏഴു ദിവസം നീണ്ടു​നി​ന്നു, തുടർന്ന്‌ മുഴു​വാര കൂടാ​ര​പ്പെ​രു​ന്നാ​ളും ആഘോ​ഷി​ക്ക​പ്പെട്ടു. യഹോവ തങ്ങളോട്‌ ഇടപെട്ട അത്ഭുത​ക​ര​മായ വിധത്തെ കുറിച്ചു ധ്യാനി​ക്കാൻ അത്‌ ഇസ്രാ​യേ​ല്യർക്ക്‌ അവസര​മേകി. “യഹോവ . . . ചെയ്‌ത എല്ലാന​ന്മ​യെ​യും കുറിച്ചു സന്തോ​ഷ​വും ആനന്ദവു​മു​ള്ള​വ​രാ​യി” അവർ തങ്ങളുടെ ഭവനങ്ങ​ളി​ലേക്കു മടങ്ങി.—1 രാജാ​ക്ക​ന്മാർ 8:66.

1999 മേയ്‌ 17-22 തീയതി​ക​ളിൽ യു.എസ്‌.എ.-യിലെ ന്യൂ​യോർക്കി​ലുള്ള പാറ്റേ​ഴ്‌സ​ണി​ലെ വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽ നടന്ന പരിപാ​ടി​കൾ, പുരാതന കാലത്തെ സന്തോ​ഷ​പ്ര​ദ​മായ ആ ഉത്സവങ്ങളെ കുറിച്ചു സന്ദർശ​കരെ ഓർമി​പ്പി​ച്ചു. ആഗോള ബൈബിൾ വിദ്യാ​ഭ്യാ​സ​ത്തി​ന്റെ ഉന്നമന​ത്തി​നാ​യി രൂപകൽപ്പന ചെയ്‌ത 28 കെട്ടി​ടങ്ങൾ ഉള്ള സമുച്ച​യ​ത്തി​ന്റെ സമർപ്പ​ണത്തെ കേന്ദ്രീ​ക​രി​ച്ചു നടത്തിയ പ്രത്യേക പരിപാ​ടി​ക​ളു​ടെ ഒരു വാരമാ​യി​രു​ന്നു അത്‌. ആ സ്‌മര​ണീയ വാരത്തിൽ, ബ്രുക്ലി​നി​ലും വാൾക്കി​ലി​ലും പാറ്റേ​ഴ്‌സ​ണി​ലും ഉള്ള 5,400 ഹെഡ്‌ക്വാർട്ടേ​ഴ്‌സ്‌ അംഗങ്ങൾക്ക്‌ പാറ്റേ​ഴ്‌സ​ണി​ലെ കെട്ടി​ട​ങ്ങ​ളെ​ല്ലാം ചുറ്റി​ക്കാ​ണാ​നുള്ള സൗകര്യം ഉണ്ടായി​രു​ന്നു. ഈ വിദ്യാ​ഭ്യാ​സ കേന്ദ്ര​ത്തി​ന്റെ നിർമാ​ണ​ത്തിൽ പങ്കുപ​റ്റിയ 500-ലധികം മുൻ അംഗങ്ങ​ളും വാച്ച്‌ ടവർ സൊ​സൈ​റ്റി​യു​ടെ 23 ബ്രാഞ്ചു​ക​ളിൽ നിന്നുള്ള പ്രതി​നി​ധി​ക​ളും സമീപ പ്രദേ​ശത്തെ സഭാം​ഗ​ങ്ങ​ളും സന്ദർശ​ക​രിൽ ഉൾപ്പെ​ട്ടി​രു​ന്നു. മൊത്തം 8,100-ഓളം പേർ ഹാജരാ​യി.

പ്രദർശന ചിത്രങ്ങൾ വിദ്യാ​ഭ്യാ​സ​മേ​കു​ന്നു

ഈ വിദ്യാ​ഭ്യാ​സ കേന്ദ്രത്തെ കുറിച്ചു നന്നായി മനസ്സി​ലാ​ക്കു​ന്ന​തി​നാ​യി പ്രത്യേക പ്രദർശന ചിത്ര​ങ്ങ​ളും വിദ്യാ​ഭ്യാ​സ​പ​ര​മായ വീഡി​യോ അവതര​ണ​ങ്ങ​ളും തനിയെ ചുറ്റി​ന​ടന്നു കാണാ​നുള്ള സൗകര്യ​ങ്ങ​ളും ക്രമീ​ക​രി​ച്ചി​രു​ന്നു. പ്രധാന ലോബി​യിൽ വെച്ചി​രുന്ന, യേശു​വി​ന്റെ ഭൗമിക ശുശ്രൂ​ഷാ കാലത്ത്‌ യെരൂ​ശ​ലേ​മിൽ ഉണ്ടായി​രുന്ന ആലയത്തി​ന്റെ മാതൃക സന്ദർശ​കരെ ഹഠാദാ​കർഷി​ച്ചു. വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ആദ്യകാല ചരിത്രം, ചരിത്ര പ്രധാന കൺ​വെൻ​ഷ​നു​കൾ, സഭാ​യോ​ഗങ്ങൾ, ഭവന ബൈബിൾ അധ്യയ​ന​ങ്ങ​ളു​ടെ ആധുനിക വികാസം—വാരം തോറും അത്തരം ലക്ഷക്കണ​ക്കിന്‌ അധ്യയ​നങ്ങൾ നടത്ത​പ്പെ​ടു​ന്നു—എന്നിവയെ കുറി​ച്ചും അത്തരം പ്രവർത്ത​ന​ങ്ങൾക്കു വഴിതു​റ​ക്കുന്ന നിയമ​വി​ഭാ​ഗ​ത്തി​ന്റെ പ്രവർത്ത​നത്തെ കുറി​ച്ചു​മൊ​ക്കെ വിശേ​ഷ​വ​ത്‌ക​രി​ക്കുന്ന മറ്റു ചിത്ര​പ്ര​ദർശ​ന​ങ്ങ​ളും ഉണ്ടായി​രു​ന്നു. ഇവയെ​ല്ലാം യേശു​വി​ന്റെ കൽപ്പന​യോ​ടുള്ള അനുസ​ര​ണ​ത്തിൽ ചെയ്യുന്ന കാര്യ​ങ്ങ​ളാണ്‌.—മത്തായി 28:19, 20.

ലോബി​യോ​ടു ചേർന്നുള്ള, 1,700 പേർക്ക്‌ സുഖമാ​യി ഇരിക്കാ​വുന്ന ഓഡി​റ്റോ​റി​യ​ത്തിൽ വെച്ചു നടത്തപ്പെട്ട 33 മിനിട്ടു നേരത്തെ ഒരു വീഡി​യോ പ്രദർശനം സമർപ്പണ പരിപാ​ടി​കൾക്ക്‌ എത്തി​ച്ചേർന്ന സന്ദർശകർ ആസ്വദി​ച്ചു. ‘ശക്തിയാ​ലല്ല—എന്റെ ആത്മാവി​നാൽ!’ എന്നതാ​യി​രു​ന്നു അതിന്റെ ശീർഷകം. വാച്ച്‌ടവർ വിദ്യാ​ഭ്യാ​സ കേന്ദ്രം സ്ഥാപി​ത​മാ​യത്‌ എങ്ങനെ​യെന്ന്‌ ഈ വീഡി​യോ വ്യക്തമാ​ക്കി. 15 വർഷം നീണ്ടു​നിന്ന ഈ പദ്ധതി വിജയ​പ്ര​ദ​മാ​ക്കാ​നുള്ള ശ്രമങ്ങ​ളു​ടെ​മേൽ യഹോ​വ​യു​ടെ മാർഗ​ദർശ​ന​വും അനു​ഗ്ര​ഹ​വും പ്രകട​മായ നിരവധി സന്ദർഭങ്ങൾ അഭിമു​ഖ​ങ്ങ​ളിൽ വിവരി​ക്കു​ക​യു​ണ്ടാ​യി. യഥാർഥ നിർമാണ പ്രവർത്ത​ന​ത്തിൽ ആയിര​ക്ക​ണ​ക്കിന്‌ ആളുകൾ പങ്കുപറ്റി. 1994-ൽ, ഒരു ഘട്ടത്തിൽ നിർമാണ പ്രദേ​ശത്ത്‌ 526 ജോലി​ക്കാർ ഉണ്ടായി​രു​ന്നു. അതിൽ 350 മുഴു​സമയ സ്വമേ​ധയാ സേവക​രും 113 താത്‌കാ​ലിക ജോലി​ക്കാ​രും ദിവസ​വും വീട്ടിൽ വന്നു​പോ​യി സഹായ​ഹ​സ്‌തം നീട്ടിയ 63 പേരും ഉണ്ടായി​രു​ന്നു. വേറെ പലരും സംഭാ​വ​നകൾ നൽകി വേലയെ പിന്തു​ണച്ചു. യഹോ​വ​യു​ടെ ആത്മാവി​ന്റെ സഹായം കൂടാതെ ഒരിക്ക​ലും ഇതു സാധ്യ​മാ​കു​മാ​യി​രു​ന്നില്ല എന്ന്‌ എല്ലാവ​രും തിരി​ച്ച​റി​യു​ന്നു.—സെഖര്യാ​വു 4:6.

വിദ്യാ​ഭ്യാ​സ കേന്ദ്ര​ത്തിൽ നടത്ത​പ്പെ​ടുന്ന വേലയു​ടെ മുഖ്യ ഉദ്ദേശ്യം ദിവ്യ പ്രബോ​ധ​നത്തെ ഉന്നമി​പ്പി​ക്കു​ക​യാ​ണെന്നു ടൂർ നടത്തിയ സകലർക്കും മനസ്സി​ലാ​ക്കാൻ കഴിഞ്ഞു. സ്‌കൂൾ കെട്ടി​ട​ത്തി​ന്റെ ഒന്നാം നിലയി​ലുള്ള ഗിലെ​യാദ്‌ സ്‌കൂ​ളി​ന്റെ പ്രവേശന കവാട​ത്തിൽ വെച്ചി​രുന്ന ചിത്രങ്ങൾ ആ സ്‌കൂ​ളി​ന്റെ സമ്പന്നമായ ആത്മീയ പൈതൃ​ക​വും ചരി​ത്ര​വും എടുത്തു​കാ​ട്ടി. 1943-ൽ ന്യൂ​യോർക്കി​ലെ സൗത്ത്‌ ലാൻസിങ്‌ കാമ്പസിൽ നടത്തപ്പെട്ട ഗിലെ​യാദ്‌ സ്‌കൂ​ളി​ന്റെ ആദ്യ ക്ലാസ്സ്‌ മുതൽ ഇന്നോളം 7,000-ത്തിലധി​കം വിദ്യാർഥി​കൾ മിഷനറി സേവന​ത്തി​നു പരിശീ​ലി​പ്പി​ക്ക​പ്പെ​ട്ടി​ട്ടുണ്ട്‌. സ്‌കൂൾ കെട്ടി​ട​ത്തി​ന്റെ രണ്ടാം നിലയിൽ വെച്ചി​രുന്ന ചിത്രങ്ങൾ, ബ്രാഞ്ച്‌ കമ്മിറ്റി അംഗങ്ങൾക്കും സഞ്ചാര മേൽവി​ചാ​ര​ക​ന്മാർക്കും വേണ്ടി അവിടെ നടത്ത​പ്പെ​ടുന്ന സ്‌കൂ​ളി​ന്റെ ദൃശ്യ​മേകി. 1995 നവംബ​റിൽ തുടങ്ങിയ ബ്രാഞ്ച്‌ സ്‌കൂൾ ഇതി​നോ​ടകം 106 രാജ്യ​ങ്ങ​ളിൽ നിന്നുള്ള 360 ബ്രാഞ്ച്‌ കമ്മിറ്റി അംഗങ്ങൾക്കു മികച്ച മാർഗ​നിർദേശം പ്രദാനം ചെയ്‌തി​രി​ക്കു​ന്നു.

മിക്കയി​ട​ങ്ങ​ളി​ലും വെറും ചിത്ര പ്രദർശ​ന​ങ്ങ​ളെ​ക്കാൾ അധികം സന്ദർശ​കർക്കു കാണാൻ കഴിഞ്ഞു. ഡിപ്പാർട്ടു​മെ​ന്റു​ക​ളി​ലെ​ല്ലാം യഥേഷ്ടം കടന്നു​ചെ​ല്ലാ​നും ഓഫീ​സു​ക​ളും മറ്റും സന്ദർശി​ക്കാ​നും അവർക്കു സാധിച്ചു. തത്‌ഫ​ല​മാ​യി അവിടെ നടക്കുന്ന വേലയെ കുറിച്ച്‌ ആഴമായ ഗ്രാഹ്യം നേടാൻ അവർക്കു കഴിഞ്ഞു. ഓഡി​യോ/വീഡി​യോ സേവന വിഭാഗ കെട്ടിടം ടൂറിന്റെ ഒരു സവി​ശേ​ഷ​ത​യാ​യി​രു​ന്നു. ബൈബിൾ വിദ്യാ​ഭ്യാ​സ​ത്തി​ന്റെ ഉന്നമന​ത്തി​നാ​യി എത്ര ഉത്‌കൃ​ഷ്ട​മായ സംവി​ധാ​ന​ങ്ങ​ളാണ്‌ അവിടെ ഉപയോ​ഗി​ക്കു​ന്നത്‌! ശബ്ദലേ​ഖനം നടത്തു​ന്ന​തും വീഡി​യോ തയ്യാറാ​ക്കു​ന്ന​തും എങ്ങനെ​യെന്നു വിജ്ഞാ​ന​പ്ര​ദ​മായ നിരവധി ചിത്ര​ങ്ങ​ളി​ലൂ​ടെ​യും ഹ്രസ്വ​മായ വീഡി​യോ അവതര​ണ​ങ്ങ​ളി​ലൂ​ടെ​യും സന്ദർശ​കർക്കു മനസ്സി​ലാ​ക്കാൻ സാധിച്ചു. സ്റ്റേജു​പ​ക​ര​ണ​ങ്ങ​ളും വേഷവി​ധാ​ന​ങ്ങ​ളും സജ്ജീക​രി​ക്കാ​നാ​യി എത്ര ആഴമായ ഗവേഷ​ണ​മാ​ണു നടത്ത​പ്പെ​ടു​ന്ന​തെ​ന്നും അവർ മനസ്സി​ലാ​ക്കി. കുറഞ്ഞ പണച്ചെ​ല​വിൽ ആണെങ്കി​ലും സകല വിശദാം​ശ​ങ്ങൾക്കും ശ്രദ്ധ നൽകി​ക്കൊ​ണ്ടു സ്റ്റേജു​പ​ക​ര​ണങ്ങൾ സജ്ജീക​രി​ക്കു​ന്നത്‌ എങ്ങനെ​യെന്ന്‌ അവർക്കു കാണാ​നാ​യി. തങ്ങൾ വീക്ഷി​ക്കുന്ന രംഗത്തു തങ്ങൾതന്നെ ആയിരി​ക്കു​ന്ന​താ​യി ആളുകൾക്കു തോന്നു​മാറ്‌ സംഗീതം ഉപയോ​ഗി​ക്ക​പ്പെ​ടുന്ന വിധം അവർ നേരിട്ടു കണ്ടു. 1990 മുതൽ, നാനാ ബൈബിൾ വിഷയ​ങ്ങളെ അധിഷ്‌ഠി​ത​മാ​ക്കി 41 ഭാഷക​ളി​ലാ​യി പത്തു വീഡി​യോ​കൾ സൊ​സൈറ്റി നിർമി​ച്ചി​ട്ടുണ്ട്‌. കൂടാതെ, അമേരി​ക്കൻ ആംഗ്യ​ഭാ​ഷ​യിൽ മറ്റു വീഡി​യോ​ക​ളും ഉത്‌പാ​ദി​പ്പി​ച്ചി​ട്ടുണ്ട്‌.

സന്ദർശ​ക​രിൽ പലരും, ഫോട്ടോ ലാബും ആർട്ട്‌ ഡിപ്പാർട്ട്‌മെ​ന്റും കമ്പ്യൂട്ടർ പരിശീ​ല​ന​വും പിന്തു​ണ​യും പ്രദാനം ചെയ്യുന്ന ഇൻഫർമേഷൻ സർവീ​സസ്‌ ഡിപ്പാർട്ട്‌മെ​ന്റും 11,242 സഭകളു​ടെ​യും 572 സഞ്ചാര മേൽവി​ചാ​ര​ക​ന്മാ​രു​ടെ​യും പ്രവർത്ത​ന​ങ്ങൾക്കു മേൽനോ​ട്ടം വഹിക്കുന്ന സേവന വിഭാ​ഗ​വും പ്രതി​വർഷം 14,000 ചോദ്യ​ങ്ങൾക്ക്‌ ഉത്തരം പ്രദാനം ചെയ്യുന്ന എഴുത്തു​കു​ത്തു വിഭാ​ഗ​വും സന്ദർശി​ച്ചു. അവിടെ നിന്ന്‌ അയയ്‌ക്കുന്ന ഓരോ കത്തി​ന്റെ​യും പിന്നിലെ ഗവേഷ​ണ​വും ചോദ്യ​ങ്ങൾ ഉന്നയി​ക്കു​ന്നവർ ഗൗരവാ​വ​ഹ​മായ പ്രശ്‌ന​ങ്ങളെ തരണം ചെയ്യാൻ ശ്രമി​ക്കു​ന്ന​താ​യി തിരി​ച്ച​റിഞ്ഞ്‌ അവരിൽ പ്രകട​മാ​ക്കുന്ന ആത്മാർഥ​മായ താത്‌പ​ര്യ​വും സന്ദർശ​ക​രിൽ മതിപ്പു​ള​വാ​ക്കി.

പരിഭാ​ഷാ സേവന വിഭാ​ഗ​ത്തി​ലേക്കു സന്ദർശ​ക​രു​ടെ ഒരു നിരന്തര പ്രവാ​ഹം​തന്നെ ഉണ്ടായി​രു​ന്നു. കഴിഞ്ഞ അഞ്ചു വർഷത്തി​നി​ട​യിൽ സൊ​സൈറ്റി പുതു​താ​യി 102 ഭാഷക​ളിൽക്കൂ​ടി ബൈബിൾ സാഹി​ത്യ​ങ്ങൾ ലഭ്യമാ​ക്കാൻ തുടങ്ങി എന്നത്‌ അവരെ അതിശ​യി​പ്പി​ച്ചു. ലോക​വ്യാ​പ​ക​മാ​യി യഹോ​വ​യു​ടെ സാക്ഷി​ക​ളിൽ ഏകദേശം 80 ശതമാനം പേരും സൊ​സൈ​റ്റി​യു​ടെ പ്രസി​ദ്ധീ​ക​ര​ണങ്ങൾ വായി​ക്കു​ന്നത്‌ ഇംഗ്ലീ​ഷി​ലല്ല, മറ്റു ഭാഷക​ളി​ലാണ്‌. അവരുടെ ആവശ്യം നിറ​വേ​റ്റാൻ, 100 രാജ്യ​ങ്ങ​ളി​ലാ​യി 1,700-ലധികം സ്വമേ​ധയാ സേവകർ പരിഭാ​ഷാ​രം​ഗത്തു പ്രവർത്തി​ക്കു​ന്നുണ്ട്‌. വടക്കേ അമേരിക്ക, തെക്കേ അമേരിക്ക, യൂറോപ്പ്‌, ഏഷ്യ, ആഫ്രിക്ക എന്നീ ഭൂഖണ്ഡ​ങ്ങ​ളി​ലെ ഭാഷക​ളി​ലുള്ള വീക്ഷാ​ഗോ​പു​രം പ്രദർശ​ന​ത്തി​നു വെച്ചി​രു​ന്നു. ഇതി​നോ​ടകം പ്രസി​ദ്ധീ​ക​രി​ച്ചി​രി​ക്കുന്ന 31 ഭാഷക​ളി​ലു​മുള്ള പുതി​യ​ലോക ഭാഷാ​ന്തരം സന്ദർശ​കർക്കു കാണാൻ കഴിഞ്ഞു. വാച്ച്‌ ടവർ പ്രസി​ദ്ധീ​ക​ര​ണങ്ങൾ ഇപ്പോൾ 332 ഭാഷക​ളിൽ ലഭ്യമാ​ണെ​ന്നും ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക 219 ഭാഷക​ളിൽ പ്രസി​ദ്ധീ​ക​രി​ച്ചി​രി​ക്കു​ന്നു എന്നും അവർ മനസ്സി​ലാ​ക്കി.

ലോക​വ്യാ​പ​ക​മാ​യി നിയമ​പ​ര​മായ ശ്രദ്ധ ആവശ്യ​മുള്ള വിവിധ പ്രവർത്തന രംഗങ്ങളെ കുറിച്ച്‌ നിയമ​വി​ഭാ​ഗം സന്ദർശി​ച്ച​വർക്കു മനസ്സി​ലാ​ക്കാൻ കഴിഞ്ഞു. സാക്ഷി​ക​ളു​ടെ ഒരു അറ്റോർണി, രക്തപ്പകർച്ച ഉൾപ്പെട്ട ഒരു കേസ്‌ കോട​തി​യിൽ വാദി​ക്കുന്ന യഥാർഥ രംഗം അവർക്കു വീഡി​യോ​യിൽ കാണാൻ കഴിഞ്ഞു. സുവാർത്ത​യു​ടെ പരസ്യ സാക്ഷീ​ക​ര​ണ​ത്തി​നു വഴി തുറക്കു​ന്ന​തിന്‌ എന്താണു ചെയ്‌തു​വ​രു​ന്നത്‌ എന്നും അവർക്കു മനസ്സി​ലാ​ക്കാൻ സാധിച്ചു. (ഫിലി​പ്പി​യർ 1:7) ഈ വർഷം മാർച്ചിൽ, യു.എസ്‌.എ.-യിലെ ന്യൂ​ജേ​ഴ്‌സി​യി​ലുള്ള ഓറ​ഡെ​ലിൽ വീടു​തോ​റു​മുള്ള പരസ്യ ശുശ്രൂ​ഷ​യിൽ ഏർപ്പെ​ടാൻ ആഗ്രഹി​ക്കുന്ന യഹോ​വ​യു​ടെ സാക്ഷി​കൾക്കു പെർമി​റ്റും ബാഡ്‌ജും ഉണ്ടായി​രി​ക്ക​ണ​മെന്ന നിയമ​ത്തി​നു മാറ്റം വരുത്താൻ അവിടു​ത്തെ നഗരര​ക്ഷാ​ധി​കാര സമിതി​യോ​ടു നിർദേ​ശി​ക്കുന്ന ഫെഡറൽ കോടതി വിധിയെ കുറി​ച്ചും സന്ദർശ​ക​രോ​ടു പറയ​പ്പെട്ടു.

സന്ദർശ​കർക്കു കാണാൻ ഇനിയും ഉണ്ടായി​രു​ന്നു. കോൺക്രീറ്റ്‌ പാളി​ക​ളും മറ്റും നിർമി​ക്കുന്ന ശാലയി​ലെ ചിത്ര​ങ്ങ​ളും അവർ നിരീ​ക്ഷി​ച്ചു. മലിനജല സംസ്‌കരണ പ്ലാന്റി​ലും പവർ ഹൗസി​ലും ജല ശുദ്ധീ​കരണ ശാലയി​ലും നിരവധി മെയി​ന്റ​നൻസ്‌ ശാലക​ളി​ലും അവർ ടൂർ നടത്തി. അവരെ സംബന്ധി​ച്ചി​ട​ത്തോ​ളം അതു ജീവി​ത​ത്തി​ലെ ഒരു സുവർണാ​വ​സരം ആയിരു​ന്നു.

സമർപ്പണ പരിപാ​ടി ദൈവിക വിദ്യാ​ഭ്യാ​സ​ത്തിന്‌ ഊന്നൽ നൽകുന്നു

യഥാർഥ സമർപ്പണ പരിപാ​ടി തുടങ്ങി​യതു മേയ്‌ 19-ന്‌ ഉച്ചതി​രിഞ്ഞ്‌ 4:00-ന്‌ ആയിരു​ന്നു. 6,929 പേർ അടങ്ങിയ ആ സന്തുഷ്ട ജനക്കൂ​ട്ട​ത്തിൽ ഹെഡ്‌ക്വാർട്ടേ​ഴ്‌സി​ലെ അംഗങ്ങ​ളും സൊ​സൈ​റ്റി​യു​ടെ അതിഥി​ക​ളും ഇലക്‌​ട്രോ​ണിക്‌ മാധ്യ​മ​ത്തി​ലൂ​ടെ ബന്ധപ്പെ​ടു​ത്തി​യി​രുന്ന കാനഡ ബ്രാഞ്ചി​ലെ 372 അംഗങ്ങ​ളും ഉൾപ്പെ​ട്ടി​രു​ന്നു.

വാച്ച്‌ ടവർ സൊ​സൈ​റ്റി​യു​ടെ പ്രസി​ഡ​ണ്ടായ മിൽട്ടൺ ജി. ഹെൻഷ​ലി​ന്റെ ഊഷ്‌മ​ള​മായ സ്വാഗത പ്രസംഗം സദസ്യരെ പുളകി​ത​രാ​ക്കി. തുടർന്ന്‌, പരിപാ​ടിക്ക്‌ ആധ്യക്ഷം വഹിച്ച ഭരണസം​ഘാം​ഗ​മായ തിയോ​ഡർ ജാരറ്റ്‌സ്‌, വില്യം മെയിൽഫോ​ണ്ടി​നെ പരിച​യ​പ്പെ​ടു​ത്തി. “നിർമാണ പ്രവർത്ത​ന​ത്തി​ന്റെ സവി​ശേ​ഷ​തകൾ” എന്ന പരിപാ​ടി അവതരി​പ്പി​ക്കവെ അദ്ദേഹം, വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ന്റെ വികസ​ന​ത്തി​ലും രൂപകൽപ്പ​ന​യി​ലും നിർമാ​ണ​ത്തി​ലും കാര്യ​മായ പങ്കുവ​ഹിച്ച മൂന്നു സഹോ​ദ​ര​ന്മാ​രു​മാ​യി അഭിമു​ഖം നടത്തി. 8,700-ലധികം താത്‌കാ​ലിക ജോലി​ക്കാർ നിർമാണ പ്രവർത്ത​ന​ത്തിൽ പങ്കുപ​റ്റാൻ സ്വന്തം ചെലവിൽ എത്തി​ച്ചേർന്ന​താ​യി അഭിമു​ഖ​ത്തി​നി​ട​യിൽ പറയ​പ്പെട്ടു. ദിവ്യ പ്രബോ​ധ​ന​ത്തി​ലൂ​ടെ സാധ്യ​മായ ഐക്യ​ത്തി​ന്റെ​യും ഉദാര​ത​യു​ടെ​യും എത്ര നല്ല സാക്ഷ്യം!

തുടർന്ന്‌, “ഗോള​വ്യാ​പ​ക​മാ​യി നടക്കുന്ന ദിവ്യ പ്രബോ​ധനം” എന്ന വിഷയ​ത്തി​ലുള്ള ഒരു സിമ്പോ​സി​യം നടത്ത​പ്പെട്ടു. ഭരണസം​ഘ​ത്തി​ലെ നാലു പേരാണ്‌ അതു നടത്തി​യത്‌. ദിവ്യ പ്രബോ​ധ​ന​ത്തി​ന്റെ അടിസ്ഥാ​നം ദൈവ​വ​ച​ന​മായ ബൈബിൾ ആണെന്നും ‘സകല സൽപ്ര​വൃ​ത്തി​യി​ലും ഫലം കായിച്ചു ദൈവ​ത്തെ​ക്കു​റി​ച്ചുള്ള പരിജ്ഞാ​ന​ത്തിൽ വളരാൻ’ അതു ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു എന്നും ജോൺ ഇ. ബാർ ഊന്നി​പ്പ​റഞ്ഞു. (കൊ​ലൊ​സ്സ്യർ 1:10) ക്രിസ്‌തീയ സഭയുടെ ശിരസ്സായ യേശു​ക്രി​സ്‌തു​വിൽ തുടങ്ങി, ലോക​വ്യാ​പക സഹോ​ദ​ര​വർഗ​ത്തി​ന്റെ ഇടയി​ലെ​ങ്ങും ദിവ്യ പ്രബോ​ധനം എങ്ങനെ ദിവ്യാ​ധി​പ​ത്യ​പ​ര​മാ​യി സംഘടി​ത​മായ രീതി​യിൽ നടക്കുന്നു എന്നു ഡാനിയൽ സിഡ്‌ലിക്‌ ചർച്ച ചെയ്‌തു. (1 കൊരി​ന്ത്യർ 12:12-27) സിമ്പോ​സി​യ​ത്തി​ന്റെ അവസാ​നത്തെ രണ്ടു ഭാഗങ്ങൾ അവതരി​പ്പി​ച്ചത്‌ ഗെരിറ്റ്‌ ലോഷും ക്യാരി ബാർബ​റും ആയിരു​ന്നു. എല്ലായി​ട​ത്തു​മുള്ള ആളുക​ളു​ടെ അടുക്കൽ എത്തി​ച്ചേ​രാ​നും ദൈവ​ത്തി​ന്റെ മാർഗ​ത്തിൽ നടക്കാൻ അവരെ പ്രബോ​ധി​പ്പി​ക്കാ​നും ദിവ്യ ബോധനം ശുശ്രൂ​ഷ​കരെ എങ്ങനെ യോഗ്യ​രാ​ക്കു​ന്നു എന്ന്‌ അവർ ചൂണ്ടി​ക്കാ​ട്ടി.—യെശയ്യാ​വു 2:1-4; 2 കൊരി​ന്ത്യർ 3:5.

ഈ വിദ്യാ​ഭ്യാ​സ കേന്ദ്ര​ത്തിൽ പ്രവർത്തി​ക്കുന്ന വ്യത്യസ്‌ത സ്‌കൂ​ളു​കൾ സദസ്യർക്കു പരിച​യ​പ്പെ​ടു​ത്തി കൊടു​ക്കു​ന്ന​തിന്‌ അതിന്റെ അധ്യാ​പ​ക​രു​മാ​യും അതിൽ ഉൾപ്പെ​ട്ടി​രി​ക്കുന്ന മറ്റു ചിലരു​മാ​യും അഭിമു​ഖ​ങ്ങ​ളും ചർച്ചക​ളും നടത്തു​ക​യു​ണ്ടാ​യി. ഗോള​വ്യാ​പ​ക​മാ​യി നിർവ​ഹി​ക്ക​പ്പെ​ടുന്ന ദിവ്യ വിദ്യാ​ഭ്യാ​സ പരിപാ​ടി​യിൽ ഓരോ സ്‌കൂ​ളും വഹിക്കുന്ന പങ്ക്‌ വിശേ​ഷ​വ​ത്‌ക​രി​ക്ക​പ്പെട്ടു. ഗിലെ​യാദ്‌ സ്‌കൂൾ, ഓരോ ബൈബിൾ പുസ്‌ത​ക​ത്തി​ന്റെ​യും യഹോ​വ​യു​ടെ ജനത്തിന്റെ ആധുനി​ക​കാല ചരി​ത്ര​ത്തി​ന്റെ​യും പഠനത്തി​നും മിഷനറി സേവന​ത്തി​നാ​യുള്ള ഒരുക്ക​ത്തി​നും ഊന്നൽ നൽകു​ന്നു​വെന്നു ചൂണ്ടി​ക്കാ​ട്ടു​ക​യു​ണ്ടാ​യി. ബ്രാഞ്ച്‌ സ്‌കൂൾ, ബ്രാഞ്ച്‌ കമ്മിറ്റി അംഗങ്ങൾ ഉൾപ്പെ​ട്ടി​രി​ക്കുന്ന വ്യത്യസ്‌ത പ്രവർത്തന രംഗങ്ങ​ളിൽ സമഗ്ര​മായ പരിശീ​ലനം നൽകുന്നു. സഞ്ചാര മേൽവി​ചാ​ര​ക​ന്മാർക്കാ​യുള്ള സ്‌കൂൾ ആ സഹോ​ദ​ര​ങ്ങ​ളു​ടെ ആവശ്യങ്ങൾ നിവർത്തി​ക്കു​ന്ന​തോ​ടൊ​പ്പം സഭയ്‌ക്ക്‌ അത്യന്തം പ്രയോ​ജ​ന​ക​ര​മായ ആത്മീയ സഹായം പ്രദാനം ചെയ്യാൻ അവരെ സജ്ജരാ​ക്കു​ക​യും ചെയ്യുന്നു.

പരിപാ​ടി​യു​ടെ ഉപസം​ഹാ​ര​മാ​യി, ഭരണസം​ഘാം​ഗം ആയിരുന്ന ലോയിഡ്‌ ബാരി, “നമ്മുടെ മഹാ​സ്ര​ഷ്ടാ​വി​നോ​ടൊ​പ്പം നിർമാ​ണ​വേല നടത്തുന്നു” എന്ന വിഷയ​ത്തി​ലുള്ള സമർപ്പണ പ്രസംഗം നടത്തി. സ്രഷ്ടാ​വായ യഹോവ തന്റെ എല്ലാ സൃഷ്ടി​യി​ലും ആനന്ദി​ക്കു​ന്നു എന്നും തന്നോടു ചേർന്ന്‌ ആനന്ദി​ക്കാൻ അവൻ നമ്മെ ക്ഷണിക്കു​ന്നു എന്നും അദ്ദേഹം ചൂണ്ടി​ക്കാ​ട്ടി. (യെശയ്യാ​വു 65:18) “സർവ്വവും ചമെച്ചവൻ ദൈവം” ആകയാൽ, ഈ നിർമാണ പ്രവർത്ത​ന​ത്തി​ന്റെ​യെ​ല്ലാം ആത്യന്തിക ബഹുമതി യഹോ​വ​യ്‌ക്കു​ള്ള​താണ്‌. (എബ്രായർ 3:4) ആ ആശയങ്ങ​ളെ​ല്ലാം അവതരി​പ്പിച്ച ശേഷം പ്രസം​ഗകൻ, നമ്മുടെ മഹാ​സ്ര​ഷ്ടാ​വായ യഹോ​വ​യ്‌ക്ക്‌ വാച്ച്‌ടവർ വിദ്യാ​ഭ്യാ​സ കേന്ദ്രം സമർപ്പി​ച്ചു​കൊ​ണ്ടു ഹൃദയ​സ്‌പർശി​യായ ഒരു പ്രാർഥന നടത്തി.a

ഒരു വാരം മുഴുവൻ നീണ്ടു നിന്ന സന്തോ​ഷ​ഭ​രി​ത​മായ ആ പരിപാ​ടി​യിൽ പങ്കെടുത്ത സകലരും ഏറെക്കാ​ലം അത്‌ ഓർമ​യിൽ സൂക്ഷി​ക്കും എന്നതിനു തെല്ലും സംശയ​മില്ല. വാച്ച്‌ടവർ വിദ്യാ​ഭ്യാ​സ കേന്ദ്രം സന്ദർശി​ക്കാൻ നിങ്ങൾക്കു ക്രമീ​ക​രണം ചെയ്‌തു​കൂ​ടേ? നമ്മുടെ സ്‌നേ​ഹ​നി​ധി​യായ സ്രഷ്ടാ​വി​നെ കുറിച്ച്‌ അറിയാ​നും അവന്റെ നീതി​നി​ഷ്‌ഠ​മായ പ്രമാ​ണങ്ങൾ അനുസ​രി​ച്ചു ജീവി​ക്കാ​നു​മുള്ള നിങ്ങളു​ടെ ശ്രമത്തിന്‌ അത്തര​മൊ​രു സന്ദർശനം പ്രോ​ത്സാ​ഹനം ആയിരി​ക്കു​മെന്നു ഞങ്ങൾക്ക്‌ ഉറപ്പുണ്ട്‌.

[അടിക്കു​റി​പ്പു​കൾ]

[10-ാം പേജിലെ ചിത്രങ്ങൾ]

ആളുകളെക്കൊണ്ട്‌ നിറഞ്ഞ ഓഡി​റ്റോ​റി​യ​വും ശേഷി​ച്ച​വരെ ഇരുത്തി​യി​രി​ക്കുന്ന ഭോജ​ന​ശാ​ല​യും

[10-ാം പേജിലെ ചിത്രങ്ങൾ]

ടൂറുകൾ അത്യന്തം സന്തോ​ഷ​പ്ര​ദ​മാ​യി​രു​ന്നു