വെളി​പ്പാ​ടു പുസ്‌ത​ക​ത്തി​ന്റെ സന്തുഷ്ട വായന​ക്കാർ ആയിരി​പ്പിൻ

“ഈ പ്രവച​ന​ത്തി​ന്റെ വാക്കു​കളെ വായിച്ചു കേൾപ്പി​ക്കു​ന്ന​വ​നും കേൾക്കു​ന്ന​വ​രും അതിൽ എഴുതി​യി​രി​ക്കു​ന്നതു പ്രമാ​ണി​ക്കു​ന്ന​വ​രും ഭാഗ്യ​വാ​ന്മാർ [“സന്തുഷ്ടർ,” NW].”—വെളി​പ്പാ​ടു 1:3.

1. വെളി​പ്പാ​ടു പുസ്‌തകം എഴുതി​യ​പ്പോൾ യോഹ​ന്നാൻ അപ്പൊ​സ്‌തലൻ ഏതു സാഹച​ര്യ​ത്തിൽ ആയിരു​ന്നു, അവൻ ആ ദർശനങ്ങൾ എഴുതി​വെ​ച്ചത്‌ എന്ത്‌ ഉദ്ദേശ്യ​ത്തിൽ ആയിരു​ന്നു?

“യോഹ​ന്നാൻ എന്ന ഞാൻ ദൈവത്തെ കുറിച്ചു സംസാ​രി​ക്കു​ക​യും യേശു​വി​നു സാക്ഷ്യം വഹിക്കു​ക​യും ചെയ്‌തതു നിമിത്തം പത്മൊസ്‌ എന്ന ദ്വീപിൽ ആയിത്തീർന്നു.” (വെളി​പ്പാ​ടു 1:9, NW) യോഹ​ന്നാൻ അപ്പൊ​സ്‌തലൻ അപ്പോ​ക്ക​ലി​പ്‌സ്‌, അഥവാ വെളി​പ്പാ​ടു പുസ്‌തകം എഴുതി​യ​പ്പോ​ഴത്തെ സാഹച​ര്യം അതായി​രു​ന്നു. ചക്രവർത്തി​യാ​രാ​ധന കർശന​മാ​ക്കു​ക​യും ക്രിസ്‌ത്യാ​നി​ക​ളു​ടെ ഒരു പീഡക​നാ​യി​ത്തീ​രു​ക​യും ചെയ്‌ത ഡൊമി​ഷ്യൻ ചക്രവർത്തി​യു​ടെ ഭരണ കാലത്താണ്‌ (പൊ.യു. 81-96) അദ്ദേഹം പത്മൊ​സി​ലേക്കു നാടു​ക​ട​ത്ത​പ്പെ​ട്ട​തെന്നു കരുത​പ്പെ​ടു​ന്നു. പത്മൊ​സിൽ ആയിരി​ക്കെ യോഹ​ന്നാ​നു തുടർച്ച​യാ​യി നിരവധി ദർശനങ്ങൾ ലഭിക്കു​ക​യും അവൻ അത്‌ എഴുതി വെക്കു​ക​യും ചെയ്‌തു. അവൻ അത്‌ ആദിമ ക്രിസ്‌ത്യാ​നി​ക​ളോ​ടു വിവരി​ച്ചത്‌ അവരെ ഭയപ്പെ​ടു​ത്താൻ ആയിരു​ന്നില്ല, മറിച്ച്‌ അവർ അനുഭ​വി​ച്ചു​കൊ​ണ്ടി​രു​ന്ന​തും ഭാവി​യിൽ അനുഭ​വി​ക്കാ​നി​രു​ന്ന​തു​മായ പീഡന​ങ്ങ​ളു​ടെ വീക്ഷണ​ത്തിൽ അവരെ ശക്തി​പ്പെ​ടു​ത്താ​നും ആശ്വസി​പ്പി​ക്കാ​നും പ്രോ​ത്സാ​ഹി​പ്പി​ക്കാ​നും ആയിരു​ന്നു.—പ്രവൃ​ത്തി​കൾ 28:22; വെളി​പ്പാ​ടു 1:4, 5; 2:3, 9, 10, 13.

2. യോഹ​ന്നാ​ന്റെ​യും സഹക്രി​സ്‌ത്യാ​നി​ക​ളു​ടെ​യും സാഹച​ര്യം ഇന്നത്തെ ക്രിസ്‌ത്യാ​നി​കൾക്ക്‌ താത്‌പ​ര്യ​മു​ള്ളത്‌ ആയിരി​ക്കു​ന്നത്‌ എന്തു​കൊണ്ട്‌?

² ഈ ബൈബിൾ പുസ്‌തകം എഴുത​പ്പെട്ട സാഹച​ര്യ​ങ്ങൾ ഇന്നത്തെ ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം വളരെ അർഥവ​ത്താണ്‌. യഹോ​വ​യ്‌ക്കും അവന്റെ പുത്ര​നായ ക്രിസ്‌തു​യേ​ശു​വി​നും സാക്ഷ്യം വഹിച്ചതു നിമിത്തം യോഹ​ന്നാൻ പീഡനം അനുഭ​വി​ക്കു​ക​യാ​യി​രു​ന്നു. നല്ല പൗരന്മാർ ആയിരി​ക്കാൻ ശ്രമി​ച്ചി​രു​ന്നെ​ങ്കി​ലും അവർക്കു ചക്രവർത്തി​യാ​രാ​ധന നടത്താൻ കഴിയു​മാ​യി​രു​ന്നില്ല. തന്മൂലം, അവനും സഹക്രി​സ്‌ത്യാ​നി​ക​ളും ശത്രുത നിറഞ്ഞ ഒരു ചുറ്റു​പാ​ടി​ലാ​ണു ജീവി​ച്ചി​രു​ന്നത്‌. (ലൂക്കൊസ്‌ 4:8) ഇന്ന്‌ ചില രാജ്യ​ങ്ങ​ളിൽ സത്യ​ക്രി​സ്‌ത്യാ​നി​കൾ സമാന​മായ സാഹച​ര്യ​ങ്ങ​ളി​ലാണ്‌. അവിട​ങ്ങ​ളിൽ, “മതപര​മാ​യി ശരിയാ​യത്‌” എന്താ​ണെന്നു നിർവ​ചി​ക്കാ​നുള്ള അവകാശം രാഷ്‌ട്രം കയ്യടക്കി വെക്കുന്നു. ആയതി​നാൽ, വെളി​പ്പാ​ടു പുസ്‌ത​ക​ത്തി​ന്റെ ആമുഖ​ത്തിൽ കാണുന്ന പിൻവ​രുന്ന വാക്കുകൾ എത്ര ആശ്വാ​സ​പ്ര​ദ​മാണ്‌: “ഈ പ്രവച​ന​ത്തി​ന്റെ വാക്കു​കളെ വായിച്ചു കേൾപ്പി​ക്കു​ന്ന​വ​നും കേൾക്കു​ന്ന​വ​രും അതിൽ എഴുതി​യി​രി​ക്കു​ന്നതു പ്രമാ​ണി​ക്കു​ന്ന​വ​രും ഭാഗ്യ​വാ​ന്മാർ [“സന്തുഷ്ടർ,” NW]; സമയം അടുത്തി​രി​ക്കു​ന്നു.” (വെളി​പ്പാ​ടു 1:3) അതേ, വെളി​പ്പാ​ടു പുസ്‌തകം ശ്രദ്ധാ​പൂർവം വായിച്ച്‌ അനുസ​രി​ക്കു​ന്ന​വർക്ക്‌ യഥാർഥ സന്തുഷ്ടി കണ്ടെത്താ​നും അനേകം അനു​ഗ്ര​ഹങ്ങൾ ആസ്വദി​ക്കാ​നും സാധി​ക്കും.

3. യോഹ​ന്നാ​നു ലഭിച്ച വെളി​പ്പാ​ടി​ന്റെ ഉറവിടം ആരാണ്‌?

³ വെളി​പ്പാ​ടി​ന്റെ ആത്യന്തിക ഉറവിടം ആരാണ്‌? ഏതു സരണി​യി​ലൂ​ടെ​യാണ്‌ അതു കൈമാ​റ​പ്പെ​ട്ടത്‌? പ്രാരംഭ വാക്യം നമ്മോട്‌ ഇങ്ങനെ പറയുന്നു: “യേശു​ക്രി​സ്‌തു​വി​ന്റെ വെളി​പ്പാ​ടു: വേഗത്തിൽ സംഭവി​പ്പാ​നു​ള്ളതു തന്റെ ദാസന്മാ​രെ കാണി​ക്കേ​ണ്ട​തി​ന്നു ദൈവം അതു അവന്നു കൊടു​ത്തു. അവൻ അതു തന്റെ ദൂതൻ മുഖാ​ന്തരം അയച്ചു തന്റെ ദാസനായ യോഹ​ന്നാ​ന്നു പ്രദർശി​പ്പി​ച്ചു.” (വെളി​പ്പാ​ടു 1:1) ലളിത​മാ​യി പറഞ്ഞാൽ, വെളി​പ്പാ​ടി​ന്റെ യഥാർഥ ഉറവിടം യഹോ​വ​യാം ദൈവ​മാണ്‌. അവൻ അത്‌ യേശു​വി​നു നൽകി. തന്റെ ദൂതനി​ലൂ​ടെ യേശു അത്‌ യോഹ​ന്നാ​നെ അറിയി​ച്ചു. സഭകൾക്കു സന്ദേശങ്ങൾ കൈമാ​റാ​നും യോഹ​ന്നാ​നു ദർശനങ്ങൾ നൽകാ​നും യേശു പരിശു​ദ്ധാ​ത്മാ​വി​നെ​യും ഉപയോ​ഗി​ച്ചെന്ന്‌ അൽപ്പം​കൂ​ടെ സൂക്ഷ്‌മ​മാ​യി പരി​ശോ​ധി​ക്കു​മ്പോൾ വ്യക്തമാ​കു​ന്നു.—വെളി​പ്പാ​ടു 2:7, 11, 17, 29; 3:6, 13, 22; 4:2; 17:3; 21:10; പ്രവൃ​ത്തി​കൾ 2:33 താരത​മ്യം ചെയ്യുക.

4. ഭൂമി​യി​ലെ തന്റെ ജനത്തെ നയിക്കാൻ യഹോവ ഇപ്പോ​ഴും ഏതു മാർഗങ്ങൾ ഉപയോ​ഗി​ക്കു​ന്നു?

⁴ ഭൂമി​യി​ലെ തന്റെ ദാസന്മാ​രെ പഠിപ്പി​ക്കാൻ യഹോവ ‘സഭയുടെ തല’യായ തന്റെ പുത്രനെ ഇപ്പോ​ഴും ഉപയോ​ഗി​ക്കു​ന്നു. (എഫെസ്യർ 5:23; യെശയ്യാ​വു 54:13; യോഹ​ന്നാൻ 6:45) തന്റെ ജനത്തെ പ്രബോ​ധി​പ്പി​ക്കാൻ യഹോവ തന്റെ പരിശു​ദ്ധാ​ത്മാ​വി​നെ​യും ഉപയോ​ഗി​ക്കു​ന്നു. (യോഹ​ന്നാൻ 15:26; 1 കൊരി​ന്ത്യർ 2:10) ഒന്നാം നൂറ്റാ​ണ്ടി​ലെ സഭകൾക്കു പരിപു​ഷ്ടി​പ്പെ​ടു​ത്തുന്ന ആത്മീയ ആഹാരം പ്രദാനം ചെയ്യാൻ യേശു “തന്റെ ദാസനായ യോഹന്നാ”നെ ഉപയോ​ഗി​ച്ചതു പോലെ, ഇന്ന്‌ തന്റെ വീട്ടു​കാർക്കും അവരുടെ സഹകാ​രി​കൾക്കും “തക്ക സമയത്ത്‌ [ആത്മീയ] ആഹാരം” നൽകാൻ ഭൂമി​യി​ലെ തന്റെ അഭിഷിക്ത ‘സഹോ​ദ​ര​ന്മാർ’ അടങ്ങിയ “വിശ്വ​സ്‌ത​നും വിവേ​കി​യു​മായ അടിമ”യെ അവൻ ഉപയോ​ഗി​ക്കു​ന്നു. (മത്തായി 24:45-47, NW; 25:40) ആത്മീയ ആഹാര​ത്തി​ന്റെ​യും അതു ലഭ്യമാ​ക്കാൻ ഉപയോ​ഗി​ക്കുന്ന സരണി​യു​ടെ​യും രൂപത്തിൽ നമുക്കു ലഭിക്കുന്ന ‘നല്ല ദാനങ്ങ’ളുടെ ഉറവി​ടത്തെ തിരി​ച്ച​റി​യു​ന്നവർ സന്തുഷ്ട​രാ​കു​ന്നു.—യാക്കോബ്‌ 1:17.

ക്രിസ്‌തു-നിയ​ന്ത്രിത സഭകൾ

5. (എ) ക്രിസ്‌തീയ സഭക​ളെ​യും അതിലെ മേൽവി​ചാ​ര​ക​ന്മാ​രെ​യും എന്തി​നോട്‌ ഉപമി​ച്ചി​രി​ക്കു​ന്നു? (ബി) നാം അപൂർണ​രാ​ണെ​ങ്കി​ലും നമ്മുടെ സന്തുഷ്ടിക്ക്‌ ആക്കം കൂട്ടു​ന്നത്‌ എന്ത്‌?

⁵ വെളി​പ്പാ​ടു പുസ്‌ത​ക​ത്തി​ന്റെ പ്രാരംഭ അധ്യാ​യ​ങ്ങ​ളിൽ ക്രിസ്‌തീയ സഭകളെ നിലവി​ള​ക്കു​ക​ളോട്‌ ഉപമി​ച്ചി​രി​ക്കു​ന്നു. അവയിലെ മേൽവി​ചാ​ര​ക​ന്മാ​രെ ദൂതന്മാ​രോ​ടും (സന്ദേശ​വാ​ഹകർ) നക്ഷത്ര​ങ്ങ​ളോ​ടും ഉപമി​ച്ചി​രി​ക്കു​ന്നു. (വെളി​പ്പാ​ടു 1:20)a തന്നെക്കു​റി​ച്ചു തന്നെ സംസാ​രി​ച്ചു​കൊണ്ട്‌, ക്രിസ്‌തു യോഹ​ന്നാ​നോട്‌ ഇപ്രകാ​രം എഴുതാൻ പറഞ്ഞു: “ഏഴു നക്ഷത്രം വലങ്കയ്യിൽ പിടി​ച്ചും​കൊ​ണ്ടു ഏഴു പൊൻനി​ല​വി​ള​ക്കു​ക​ളു​ടെ നടുവിൽ നടക്കു​ന്നവൻ അരുളി​ച്ചെ​യ്യുന്ന”താണ്‌ ഈ കാര്യങ്ങൾ. (വെളി​പ്പാ​ടു 2:1) ഏഷ്യയി​ലെ ഏഴ്‌ സഭകൾക്ക്‌ അയച്ച ഏഴ്‌ സന്ദേശങ്ങൾ ഒന്നാം നൂറ്റാ​ണ്ടി​ലെ സഭകൾക്കും അവയിലെ മൂപ്പന്മാർക്കും ശക്തവും ദുർബ​ല​വും ആയ സ്വഭാവ സവി​ശേ​ഷ​തകൾ ഉണ്ടായി​രു​ന്നെന്ന്‌ പ്രകട​മാ​ക്കു​ന്നു. ഇന്നും അതു സത്യമാണ്‌. അതു​കൊണ്ട്‌, നമ്മുടെ തലയായ ക്രിസ്‌തു സഭകളു​ടെ മധ്യേ ഉണ്ടെന്നുള്ള വസ്‌തുത ഒരിക്ക​ലും മറക്കാ​തി​രി​ക്കു​ന്നെ​ങ്കിൽ നാം വളരെ​യേറെ സന്തുഷ്ട​രാ​യി​രി​ക്കും. എന്താണ്‌ സംഭവി​ക്കു​ന്നത്‌ എന്ന്‌ അവനു കൃത്യ​മാ​യി അറിയാം. മേൽവി​ചാ​ര​ക​ന്മാർ ആലങ്കാ​രി​ക​മാ​യി അവന്റെ “വലങ്കയ്യിൽ” ആണ്‌, അതായത്‌ അവന്റെ നിയ​ന്ത്ര​ണ​ത്തി​നും മാർഗ​നിർദേ​ശ​ത്തി​നും കീഴി​ലാണ്‌. കൂടാതെ, തങ്ങൾ സഭയിൽ ഇടയവേല ചെയ്യുന്ന വിധം സംബന്ധിച്ച്‌ അവർ അവനോട്‌ ഉത്തരം പറയേ​ണ്ടി​യു​മി​രി​ക്കു​ന്നു.—പ്രവൃ​ത്തി​കൾ 20:28; എബ്രായർ 13:17.

6. ക്രിസ്‌തു​വി​നോട്‌ ഉത്തരം പറയേ​ണ്ടവർ മേൽവി​ചാ​ര​ക​ന്മാർ മാത്ര​മ​ല്ലെന്ന്‌ എന്തു പ്രകട​മാ​ക്കു​ന്നു?

⁶ എന്നാൽ, മേൽവി​ചാ​ര​ക​ന്മാർ മാത്രമേ തങ്ങളുടെ പ്രവൃ​ത്തി​കൾക്ക്‌ ക്രിസ്‌തു​വി​നോട്‌ ഉത്തരം പറയേ​ണ്ട​തു​ള്ളൂ എന്നു ചിന്തി​ക്കു​ന്നെ​ങ്കിൽ നാം നമ്മെത്തന്നെ വഞ്ചിക്കു​ക​യാ​യി​രി​ക്കും. തന്റെ ഒരു സന്ദേശ​ത്തിൽ ക്രിസ്‌തു പറഞ്ഞു: “ഞാൻ ഉൾപൂ​വു​ക​ളെ​യും ഹൃദയ​ങ്ങ​ളെ​യും ആരായു​ന്നവൻ എന്നു സകലസ​ഭ​ക​ളും അറിയും; നിങ്ങളു​ടെ പ്രവൃ​ത്തി​ക്കു തക്കവണ്ണം ഞാൻ നിങ്ങൾക്കു ഏവർക്കും പകരം ചെയ്യും.” (വെളി​പ്പാ​ടു 2:23) ഇത്‌ ഒരു മുന്നറി​യി​പ്പും അതേസ​മ​യം​തന്നെ ഒരു പ്രോ​ത്സാ​ഹ​ന​വു​മാണ്‌. നമ്മിൽ രൂഢമൂ​ല​മാ​യി​രി​ക്കുന്ന മനോ​ഭാ​വങ്ങൾ ക്രിസ്‌തു അറിയു​ന്നു എന്നതാണ്‌ മുന്നറി​യിപ്പ്‌. ക്രിസ്‌തു നമ്മുടെ ശ്രമങ്ങളെ കുറിച്ചു ബോധ​വാ​നാ​ണെ​ന്നും നമ്മാൽ ആകുന്ന​തെ​ല്ലാം നാം ചെയ്യു​ന്നെ​ങ്കിൽ അവൻ നമ്മെ അനു​ഗ്ര​ഹി​ക്കു​മെ​ന്നും അതു നമുക്കു ഉറപ്പു​ത​രു​ന്ന​തി​നാൽ അതൊരു പ്രോ​ത്സാ​ഹനം കൂടി​യാണ്‌.—മർക്കൊസ്‌ 14:6-9; ലൂക്കൊസ്‌ 21:3, 4.

7. ഫില​ദെൽഫ്യ​യി​ലെ ക്രിസ്‌ത്യാ​നി​കൾ ‘സഹിഷ്‌ണു​ത​യെ​ക്കു​റി​ച്ചുള്ള യേശു​വി​ന്റെ വചനം കാത്തു​കൊ​ണ്ടത്‌’ എങ്ങനെ?

⁷ ലുദിയൻ നഗരമായ ഫില​ദെൽഫ്യ​യി​ലെ സഭയ്‌ക്കു ക്രിസ്‌തു നൽകിയ സന്ദേശ​ത്തിൽ ശാസനകൾ ഒന്നും ഇല്ല. എന്നാൽ നമുക്കു വളരെ താത്‌പ​ര്യം ഉണ്ടായി​രി​ക്കേണ്ട ഒരു വാഗ്‌ദാ​നം അതു നൽകുന്നു. “സഹിഷ്‌ണു​ത​യെ​ക്കു​റി​ച്ചുള്ള എന്റെ വചനം നീ കാത്തു​കൊ​ണ്ട​തി​നാൽ ഭൂമി​യിൽ വസിക്കു​ന്ന​വരെ പരീക്ഷി​ക്കേ​ണ്ട​തി​ന്നു ഭൂതല​ത്തിൽ എങ്ങും വരുവാ​നുള്ള പരീക്ഷാ​കാ​ലത്തു ഞാനും നിന്നെ കാക്കും.” (വെളി​പ്പാ​ടു 3:10) ഫില​ദെൽഫ്യ​യി​ലെ ക്രിസ്‌ത്യാ​നി​കൾ ക്രിസ്‌തു​വി​ന്റെ കൽപ്പനകൾ അനുസ​രി​ച്ച​തി​നു പുറമേ വിശ്വ​സ്‌ത​ത​യോ​ടെ സഹിച്ചു നിൽക്കാ​നുള്ള അവന്റെ ബുദ്ധി​യു​പ​ദേശം പിൻപ​റ്റു​ക​യും ചെയ്‌തി​രു​ന്നെന്ന്‌ 8-ാം വാക്യം സൂചി​പ്പി​ക്കു​ന്നു.—മത്തായി 10:22; ലൂക്കൊസ്‌ 21:19.

8. (എ) ഫില​ദെൽഫ്യ​യി​ലെ ക്രിസ്‌ത്യാ​നി​കൾക്ക്‌ യേശു എന്തു വാഗ്‌ദാ​നം നൽകി? (ബി) ഇന്ന്‌ “പരീക്ഷാ​കാല”ത്താൽ ബാധി​ക്ക​പ്പെ​ടു​ന്നത്‌ ആരാണ്‌?

⁸ താൻ അവരെ “പരീക്ഷാ​കാ​ലത്തു” സംരക്ഷി​ക്കു​മെന്ന്‌ യേശു കൂട്ടി​ച്ചേർത്തു. അന്നത്തെ ക്രിസ്‌ത്യാ​നി​കൾക്ക്‌ അത്‌ കൃത്യ​മാ​യും എന്ത്‌ അർഥമാ​ക്കി​യെന്നു നമുക്ക്‌ അറിയില്ല. പൊ.യു. 96-ൽ ഡൊമി​ഷ്യ​ന്റെ മരണ ശേഷം പീഡന​ത്തിന്‌ അൽപ്പകാ​ല​ത്തേക്ക്‌ ഒരു ശമനം ഉണ്ടാ​യെ​ങ്കി​ലും ട്രാജന്റെ കീഴിൽ (പൊ.യു. 98-117) പീഡനം വീണ്ടും അലയടി​ച്ചു. അതു കൂടുതൽ പരി​ശോ​ധ​നകൾ വരുത്തി​വെച്ചു എന്നതിൽ തെല്ലും സംശയ​മില്ല. എന്നാൽ “കർത്താ​വി​ന്റെ ദിവസത്തി”ലെ നാം ഇന്നു ജീവി​ക്കുന്ന “അന്ത്യകാല”മാണ്‌ മുഖ്യ ‘പരീക്ഷാ​കാ​ലം.’ (വെളി​പ്പാ​ടു 1:10, NW; ദാനീ​യേൽ 12:4) ഒന്നാം ലോക​മ​ഹാ​യുദ്ധ കാലത്തും അതിനു തൊട്ടു​പു​റ​കെ​യും ആത്മാഭി​ഷിക്ത ക്രിസ്‌ത്യാ​നി​കൾ ഒരു പ്രത്യേക പരീക്ഷാ​കാ​ല​ത്തി​ലൂ​ടെ കടന്നു​പോ​യി. എങ്കിലും, ‘പരീക്ഷാ​കാ​ലം’ ഇപ്പോ​ഴും തുടരു​ക​യാണ്‌. മഹോ​പ​ദ്ര​വത്തെ അതിജീ​വി​ക്കാൻ പ്രതീ​ക്ഷി​ക്കുന്ന മഹാപു​രു​ഷാ​ര​ത്തിൽ പെടുന്ന ദശലക്ഷ​ക്ക​ണ​ക്കിന്‌ ആളുകൾ ഉൾപ്പെടെ “ഭൂതല​ത്തിൽ എങ്ങും” ഉള്ളവരെ അതു ബാധി​ക്കു​ന്നു. (വെളി​പ്പാ​ടു 3:10; 7:9, 14) ‘സഹിഷ്‌ണു​ത​യെ​ക്കു​റി​ച്ചുള്ള യേശു​വി​ന്റെ വചനം കാത്തു​കൊ​ള്ളുന്ന’ പക്ഷം നാം സന്തുഷ്ട​രാ​യി​രി​ക്കും. അവൻ പറഞ്ഞു: “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും.”—മത്തായി 24:13.

യഹോ​വ​യു​ടെ പരമാ​ധി​കാ​ര​ത്തിന്‌ സസന്തോ​ഷം കീഴ്‌പെ​ടൽ

9, 10. (എ) യഹോ​വ​യു​ടെ സിംഹാ​സ​നത്തെ കുറി​ച്ചുള്ള ദർശനം നമ്മെ ഏതു വിധങ്ങ​ളിൽ ബാധി​ക്കണം? (ബി) വെളി​പ്പാ​ടു പുസ്‌തകം വായി​ക്കു​ന്നത്‌ നമ്മുടെ സന്തുഷ്ടി​യെ ഉന്നമി​പ്പി​ച്ചേ​ക്കാ​വു​ന്നത്‌ എങ്ങനെ?

⁹ യഹോ​വ​യു​ടെ സിംഹാ​സ​ന​ത്തെ​യും അവന്റെ സ്വർഗീയ സദസ്സി​നെ​യും കുറിച്ച്‌ വെളി​പ്പാ​ടു 4-ഉം 5-ഉം അധ്യാ​യ​ങ്ങ​ളിൽ കൊടു​ത്തി​രി​ക്കുന്ന ദർശനം നമ്മെ ഭയാദ​ര​വു​കൊ​ണ്ടു നിറയ്‌ക്കണം. യഹോ​വ​യു​ടെ നീതി​നി​ഷ്‌ഠ​മായ പരമാ​ധി​കാ​ര​ത്തി​നു സന്തോ​ഷ​ത്തോ​ടെ കീഴ്‌പെ​ടുന്ന ശക്തരായ സ്വർഗീയ ജീവി​ക​ളു​ടെ ഹൃദയം​ഗ​മ​മായ സ്‌തുതി വചനങ്ങൾ നമ്മിൽ മതിപ്പു​ള​വാ​ക്കണം. (വെളി​പ്പാ​ടു 4:8-11) പിൻവ​രു​ന്ന​പ്ര​കാ​രം പറയു​ന്ന​വ​രു​ടെ കൂട്ടത്തിൽ നമ്മുടെ സ്വരവും മുഴങ്ങി​ക്കേൾക്കണം: “സിംഹാ​സ​ന​ത്തിൽ ഇരിക്കു​ന്ന​വ​ന്നും കുഞ്ഞാ​ടി​ന്നും സ്‌തോ​ത്ര​വും ബഹുമാ​ന​വും മഹത്വ​വും ബലവും എന്നെ​ന്നേ​ക്കും ഉണ്ടാകട്ടെ.”—വെളി​പ്പാ​ടു 5:13.

¹⁰ പ്രാ​യോ​ഗിക തലത്തിൽ ഇത്‌, സകലത്തി​ലും നാം യഹോ​വ​യു​ടെ ഇഷ്ടത്തിനു സന്തോ​ഷ​ത്തോ​ടെ കീഴ്‌പെ​ടു​ന്ന​തി​നെ അർഥമാ​ക്കു​ന്നു. പൗലൊസ്‌ അപ്പൊ​സ്‌തലൻ ഇങ്ങനെ എഴുതി: “വാക്കി​നാ​ലോ ക്രിയ​യാ​ലോ എന്തു ചെയ്‌താ​ലും സകലവും കർത്താ​വായ യേശു​വി​ന്റെ നാമത്തിൽ ചെയ്‌തും അവൻമു​ഖാ​ന്തരം പിതാ​വായ ദൈവ​ത്തി​ന്നു സ്‌തോ​ത്രം പറഞ്ഞും കൊണ്ടി​രി​പ്പിൻ.” (കൊ​ലൊ​സ്സ്യർ 3:17) നമ്മുടെ മനസ്സി​ന്റെ​യും ഹൃദയ​ത്തി​ന്റെ​യും അടിത്ത​ട്ടിൽ നാം യഹോ​വ​യു​ടെ പരമാ​ധി​കാ​രത്തെ അംഗീ​ക​രി​ക്കു​ക​യും നമ്മുടെ ജീവി​ത​ത്തി​ന്റെ സമസ്‌ത മണ്ഡലങ്ങ​ളി​ലും അവന്റെ ഇഷ്ടം കണക്കി​ലെ​ടു​ക്കു​ക​യും ചെയ്യു​ന്നെ​ങ്കിൽ വെളി​പ്പാ​ടു പുസ്‌തകം വായി​ക്കു​ന്നതു നമ്മെ തികച്ചും സന്തുഷ്ട​രാ​ക്കും.

11, 12. (എ) സാത്താന്റെ ഭൗമിക വ്യവസ്ഥി​തി പിടി​ച്ചു​ല​യ്‌ക്ക​പ്പെ​ടു​ക​യും നശിപ്പി​ക്ക​പ്പെ​ടു​ക​യും ചെയ്യു​ന്നത്‌ എങ്ങനെ? (ബി) വെളി​പ്പാ​ടു 7-ാം അധ്യായം അനുസ​രിച്ച്‌, ആ സമയത്ത്‌ “ആർക്കു നില്‌പാൻ കഴിയും”?

¹¹ വ്യക്തി​പ​ര​വും വിശ്വ​വ്യാ​പ​ക​വു​മായ സന്തുഷ്ടി​യു​ടെ അടിസ്ഥാ​നം യഹോ​വ​യു​ടെ പരമാ​ധി​കാ​ര​ത്തി​നു സന്തോ​ഷ​പൂർവം കീഴ്‌പെ​ടു​ന്ന​താണ്‌. പെട്ടെ​ന്നു​തന്നെ പ്രതീ​കാ​ത്മ​ക​മായ ഒരു വലിയ ഭൂകമ്പം സാത്താന്റെ ലോക വ്യവസ്ഥി​തി​യു​ടെ അടിസ്ഥാ​ന​ങ്ങ​ളെ​തന്നെ പിടി​ച്ചു​ല​യ്‌ക്കു​ക​യും നശിപ്പി​ക്കു​ക​യും ചെയ്യും. ദൈവ​ത്തി​ന്റെ നിയമാ​ധി​ഷ്‌ഠിത പരമാ​ധി​കാ​രത്തെ പ്രതി​നി​ധാ​നം ചെയ്യുന്ന ക്രിസ്‌തു​വി​ന്റെ സ്വർഗീയ രാജ്യ ഗവൺമെ​ന്റി​നു കീഴ്‌പെ​ടാൻ വിസമ്മ​തി​ക്കു​ന്ന​വർക്കു യാതൊ​രു അഭയസ്ഥാ​ന​വും ഉണ്ടായി​രി​ക്കില്ല. പ്രവചനം ഇപ്രകാ​രം പറയുന്നു: “ഭൂമി​യി​ലെ രാജാ​ക്ക​ന്മാ​രും മഹത്തു​ക്ക​ളും സഹസ്രാ​ധി​പ​ന്മാ​രും ധനവാ​ന്മാ​രും ബലവാ​ന്മാ​രും സകലദാ​സ​നും സ്വത​ന്ത്ര​നും ഗുഹക​ളി​ലും മലപ്പാ​റ​ക​ളി​ലും ഒളിച്ചു​കൊ​ണ്ടു മലക​ളോ​ടും പാറക​ളോ​ടും; ഞങ്ങളുടെ മേൽ വീഴു​വിൻ; സിംഹാ​സ​ന​ത്തിൽ ഇരിക്കു​ന്ന​വന്റെ മുഖം കാണാ​ത​വ​ണ്ണ​വും കുഞ്ഞാ​ട്ടി​ന്റെ കോപം തട്ടാത​വ​ണ്ണ​വും ഞങ്ങളെ മറെപ്പിൻ. അവരുടെ മഹാ​കോ​പ​ദി​വസം വന്നു; ആർക്കു നില്‌പാൻ കഴിയും എന്നു പറഞ്ഞു.”—വെളി​പ്പാ​ടു 6:12, 15-17.

¹² ആ ചോദ്യ​ത്തി​നുള്ള ഉത്തരം എന്നവണ്ണം അടുത്ത അധ്യാ​യ​ത്തിൽ, മഹോ​പ​ദ്ര​വ​ത്തിൽ നിന്നു പുറത്തു​വന്ന മഹാപു​രു​ഷാ​ര​ത്തിൽ പെട്ടവർ “സിംഹാ​സ​ന​ത്തി​ന്നും കുഞ്ഞാ​ടി​ന്നും മുമ്പാകെ നില്‌ക്കുന്ന”തായി യോഹ​ന്നാൻ അപ്പൊ​സ്‌തലൻ വിവരി​ക്കു​ന്നു. (വെളി​പ്പാ​ടു 7:9, 14, 15) അവർ ദൈവ​ത്തി​ന്റെ സിംഹാ​സ​ന​ത്തി​നു മുമ്പാകെ നിൽക്കു​ന്നത്‌ അവർ ആ സിംഹാ​സ​നത്തെ അംഗീ​ക​രി​ക്കു​ന്നു​വെ​ന്നും യഹോ​വ​യു​ടെ പരമാ​ധി​കാ​ര​ത്തി​നു പൂർണ​മാ​യും കീഴ്‌പെ​ടു​ന്നു​വെ​ന്നും പ്രകട​മാ​ക്കു​ന്നു. അതു​കൊണ്ട്‌ അവർ അംഗീ​കാ​ര​മു​ള്ള​വ​രാ​യി നില​കൊ​ള്ളു​ന്നു.

13. (എ) ഭൂമി​യി​ലെ ഭൂരി​പക്ഷം പേരും എന്തിനെ ആരാധി​ക്കു​ന്നു, അവരുടെ നെറ്റി​യി​ലോ കൈ​മേ​ലോ ഉള്ള അടയാളം എന്തിനെ പ്രതീ​ക​പ്പെ​ടു​ത്തു​ന്നു? (ബി) സഹിഷ്‌ണുത അനിവാ​ര്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹³ അതേസ​മയം, ഭൂമി​യി​ലെ മറ്റു നിവാ​സി​കൾ സാത്താന്റെ രാഷ്‌ട്രീയ വ്യവസ്ഥി​തി​യെ—അതിനെ ഒരു കാട്ടു മൃഗത്താൽ പ്രതീ​ക​പ്പെ​ടു​ത്തി​യി​രി​ക്കു​ന്നു—ആരാധി​ക്കു​ന്ന​താ​യി 13-ാം അധ്യായം വിവരി​ക്കു​ന്നു. ആ വ്യവസ്ഥി​തി​ക്കുള്ള തങ്ങളുടെ മാനസി​ക​വും ശാരീ​രി​ക​വു​മായ പിന്തുണ പ്രകട​മാ​ക്കി​ക്കൊണ്ട്‌ അവർ തങ്ങളുടെ ‘നെറ്റി​യി​ലോ’ ‘കൈ​മേ​ലോ’ ഒരു അടയാളം സ്വീക​രി​ക്കു​ന്നു. (വെളി​പ്പാ​ടു 13:1-8, 16, 17) തുടർന്ന്‌ 14-ാം അധ്യായം ഇങ്ങനെ കൂട്ടി​ച്ചേർക്കു​ന്നു: “മൃഗ​ത്തെ​യും അതിന്റെ പ്രതി​മ​യെ​യും നമസ്‌ക​രി​ച്ചു നെററി​യി​ലോ കൈ​മേ​ലോ മുദ്ര ഏല്‌ക്കു​ന്നവൻ ദൈവ​കോ​പ​ത്തി​ന്റെ പാത്ര​ത്തിൽ കലർപ്പി​ല്ലാ​തെ പകർന്നി​രി​ക്കുന്ന ദൈവ​ക്രോ​ധ​മ​ദ്യം കുടി​ക്കേ​ണ്ടി​വ​രും; . . . ദൈവ​ക​ല്‌പ​ന​യും യേശു​വി​ങ്ക​ലുള്ള വിശ്വാ​സ​വും കാത്തു​കൊ​ള്ളുന്ന വിശു​ദ്ധ​ന്മാ​രു​ടെ സഹിഷ്‌ണു​ത​കൊ​ണ്ടു ഇവിടെ ആവശ്യം.” (വെളി​പ്പാ​ടു 14:9, 10, 12) കാലം കടന്നു​പോ​കു​ന്ന​തോ​ടെ, ചോദ്യം മുഖ്യ​മാ​യും ഇതായി​രി​ക്കും: നിങ്ങൾ ആരെയാ​ണു പിന്തു​ണ​യ്‌ക്കു​ന്നത്‌? യഹോ​വ​യെ​യും അവന്റെ പരമാ​ധി​കാ​ര​ത്തെ​യും ആണോ അതോ കാട്ടു​മൃ​ഗ​ത്താൽ പ്രതീ​ക​വ​ത്‌ക​രി​ക്ക​പ്പെ​ടുന്ന അഭക്ത രാഷ്‌ട്രീയ വ്യവസ്ഥി​തി​യെ ആണോ? മൃഗത്തി​ന്റെ അടയാളം സ്വീക​രി​ക്കാ​തി​രി​ക്കു​ക​യും യഹോ​വ​യു​ടെ പരമാ​ധി​കാ​ര​ത്തി​നു കീഴ്‌പെട്ട്‌ വിശ്വ​സ്‌ത​ത​യോ​ടെ സഹിച്ചു​നിൽക്കു​ക​യും ചെയ്യു​ന്നവർ സന്തുഷ്ട​രാ​യി​രി​ക്കും.

14, 15. അർമ​ഗെ​ദോ​നെ കുറി​ച്ചുള്ള വെളി​പ്പാ​ടി​ലെ വിവര​ണ​ത്തി​നി​ട​യ്‌ക്ക്‌ ഏതു സന്ദേശം കടന്നു​വ​രു​ന്നു, ആ സന്ദേശം നമുക്ക്‌ എന്ത്‌ അർഥമാ​ക്കു​ന്നു?

¹⁴ “സർവ്വഭൂ​ത​ല​ത്തി​ലും ഉള്ള” ഭരണാ​ധി​പ​ന്മാർ ഒരു സംഘട്ട​ന​ത്തി​ന്റെ പാതയി​ലാണ്‌. പരമാ​ധി​കാ​രം സംബന്ധിച്ച വിവാദ വിഷയ​ത്തിൽ യഹോ​വ​യു​മാ​യുള്ള ഒരു ഏറ്റുമു​ട്ട​ലി​ലേ​ക്കാണ്‌ അവർ നീങ്ങു​ന്നത്‌. അന്തിമ ബലപരീ​ക്ഷണം “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”മായ അർമ​ഗെ​ദോ​നിൽ ആയിരി​ക്കും. (വെളി​പ്പാ​ടു 16:14, 16, NW) യഹോ​വ​യു​മാ​യുള്ള യുദ്ധത്തി​നു ഭൂമി​യി​ലെ ഭരണാ​ധി​പ​ന്മാ​രെ കൂട്ടി​ച്ചേർക്കു​ന്ന​തി​നെ കുറി​ച്ചുള്ള വിവര​ണ​ത്തി​ന്റെ നടുവിൽത്തന്നെ രസകര​മായ ഒരു വാക്യം പ്രത്യ​ക്ഷ​പ്പെ​ടു​ന്നു. യേശു​ക്രി​സ്‌തു​തന്നെ ദർശന​ത്തിൽ ഇടയ്‌ക്കു കയറി ഇങ്ങനെ പറയുന്നു: “ഞാൻ കള്ളനെ​പ്പോ​ലെ വരും; തന്റെ ലജ്ജകാ​ണു​മാ​റു നഗ്നനായി നടക്കാ​തി​രി​പ്പാൻ തന്റെ ഉടുപ്പു സൂക്ഷി​ച്ചും ജാഗരി​ച്ചും കൊള്ളു​ന്നവൻ ഭാഗ്യ​വാൻ [“സന്തുഷ്ടൻ,” NW].” (വെളി​പ്പാ​ടു 16:15) ഇവിടെ ലേവ്യ​രായ ആലയ കാവൽക്കാ​രെ പരോ​ക്ഷ​മാ​യി പരാമർശി​ക്കുക ആയിരു​ന്നി​രി​ക്കാം. കാവൽ വേലയിൽ അവർ ഉറങ്ങു​ന്ന​താ​യി കണ്ടാൽ അവരുടെ വസ്‌ത്രം ഉരിഞ്ഞ്‌ അവരെ പരസ്യ​മാ​യി നാണം​കെ​ടു​ത്തി​യി​രു​ന്നു.

¹⁵ സന്ദേശം വ്യക്തമാണ്‌: അർമ​ഗെ​ദോ​നെ അതിജീ​വി​ക്കാൻ ആഗ്രഹി​ക്കു​ന്നെ​ങ്കിൽ നാം ആത്മീയ​മാ​യി ഉണർന്നി​രി​ക്കു​ക​യും യഹോ​വ​യാം ദൈവ​ത്തി​ന്റെ വിശ്വസ്‌ത സാക്ഷി​ക​ളാ​യി നമ്മെ തിരി​ച്ച​റി​യി​ക്കുന്ന പ്രതീ​കാ​ത്മക ഉടുപ്പ്‌ സൂക്ഷി​ക്കു​ക​യും വേണം. ആത്മീയ നിദ്രാ​ലസത ഒഴിവാ​ക്കി ദൈവ​ത്തി​ന്റെ സ്ഥാപി​ത​മായ രാജ്യത്തെ കുറി​ച്ചുള്ള “നിത്യ​സു​വി​ശേഷം” പ്രചരി​പ്പി​ക്കു​ന്ന​തിൽ അവിരാ​മം തീക്ഷ്‌ണ​ത​യോ​ടെ തുടരു​ന്നെ​ങ്കിൽ നാം സന്തുഷ്ട​രാ​യി​രി​ക്കും.—വെളി​പ്പാ​ടു 14:6.

‘ഈ പ്രവചന വാക്കുകൾ പ്രമാ​ണി​ക്കു​ന്നവർ സന്തുഷ്ടർ’

16. വെളി​പ്പാ​ടു പുസ്‌ത​ക​ത്തി​ന്റെ സമാപന അധ്യാ​യങ്ങൾ സന്തോ​ഷി​ക്കാ​നുള്ള സവിശേഷ കാരണം ആയിരി​ക്കു​ന്നത്‌ എന്തു​കൊണ്ട്‌?

¹⁶ “സർവശ​ക്തി​യുള്ള ദൈവ​മായ യഹോവ”യ്‌ക്കു സ്‌തുതി കരേറ്റുന്ന നമ്മുടെ മഹത്തായ പ്രത്യാ​ശ​യായ പുതിയ ഭൂമി​യെ​യും പുതിയ ആകാശ​ത്തെ​യും, അതായത്‌ ശുദ്ധീ​ക​രി​ക്ക​പ്പെട്ട പുതിയ മനുഷ്യ സമുദാ​യ​ത്തെ​യും അതിന്മേൽ ഭരണം നടത്തുന്ന നീതി​നി​ഷ്‌ഠ​മായ സ്വർഗീയ രാജ്യ ഗവൺമെ​ന്റി​നെ​യും കുറിച്ചു വിവരി​ക്കുന്ന വെളി​പ്പാ​ടി​ലെ സമാപന അധ്യാ​യങ്ങൾ വായി​ക്കുന്ന അതിന്റെ സന്തുഷ്ട വായന​ക്കാർക്കു ആനന്ദപു​ള​കി​ത​രാ​കാൻ കഴിയും. (വെളി​പ്പാ​ടു 21:22) വിസ്‌മ​യാ​വ​ഹ​മായ ദർശന പരമ്പര സമാപി​ക്കവെ ദൂത സന്ദേശ​വാ​ഹകൻ യോഹ​ന്നാ​നോട്‌ ഇങ്ങനെ പറഞ്ഞു: “ഈ വചനം വിശ്വാ​സ​യോ​ഗ്യ​വും സത്യവും ആകുന്നു; പ്രവാ​ച​ക​ന്മാ​രു​ടെ ആത്മാക്ക​ളു​ടെ [“നിശ്വസ്‌ത മൊഴി​ക​ളു​ടെ,” NW] ദൈവ​മായ കർത്താവു വേഗത്തിൽ സംഭവി​ക്കേ​ണ്ടു​ന്നതു തന്റെ ദാസന്മാർക്കു കാണി​ച്ചു​കൊ​ടു​പ്പാൻ തന്റെ ദൂതനെ അയച്ചു ഇതാ, ഞാൻ വേഗത്തിൽ വരുന്നു; ഈ പുസ്‌ത​ക​ത്തി​ലെ പ്രവചനം പ്രമാ​ണി​ക്കു​ന്നവൻ ഭാഗ്യ​വാൻ [“സന്തുഷ്ടൻ,” NW].”—വെളി​പ്പാ​ടു 22:6, 7.

17. (എ) വെളി​പ്പാ​ടു 22:6-ൽ ഏത്‌ ഉറപ്പ്‌ നൽക​പ്പെ​ട്ടി​രി​ക്കു​ന്നു? (ബി) എന്ത്‌ ഒഴിവാ​ക്കാൻ നാം ജാഗ്ര​ത​യു​ള്ളവർ ആയിരി​ക്കണം?

¹⁷ ഇതി​നോ​ടു സമാന​മായ വാക്കുകൾ ഈ “പുസ്‌ത​കത്തി”ന്റെ തുടക്ക​ത്തി​ലും പ്രത്യ​ക്ഷ​പ്പെ​ടു​ന്നു എന്നുള്ളത്‌ വെളി​പ്പാ​ടി​ന്റെ സന്തുഷ്ട വായന​ക്കാർ ഓർമി​ക്കും. (വെളി​പ്പാ​ടു 1:1, 3) ബൈബി​ളി​ലെ അവസാന പുസ്‌ത​ക​ത്തിൽ പ്രവചി​ച്ചി​രി​ക്കുന്ന എല്ലാ കാര്യ​ങ്ങ​ളും ‘വേഗത്തിൽ സംഭവി​ക്കും’ എന്ന്‌ ഈ വാക്കുകൾ നമുക്ക്‌ ഉറപ്പു തരുന്നു. അന്ത്യകാ​ല​ത്തി​ന്റെ പരമാ​ന്ത്യ​ത്തി​ലാ​ണു നാം ജീവി​ക്കു​ന്നത്‌. ആയതി​നാൽ വെളി​പ്പാ​ടു പുസ്‌ത​ക​ത്തിൽ പറഞ്ഞി​രി​ക്കുന്ന സുപ്ര​ധാന സംഭവങ്ങൾ തീർച്ച​യാ​യും ത്വരി​ത​ഗ​തി​യിൽ ഒന്നൊ​ന്നാ​യി സംഭവി​ക്കും. അതു​കൊണ്ട്‌ സാത്താന്റെ വ്യവസ്ഥി​തി​യു​ടെ പ്രഥമ​ദൃ​ഷ്ട്യാ ഉള്ള സ്ഥിരത നമ്മെ നിദ്രാ​ല​സ​രാ​ക്ക​രുത്‌. ജാഗ്ര​ത​യുള്ള ഒരു വായന​ക്കാ​രൻ, ഏഷ്യയി​ലെ ഏഴു സഭകൾക്കു നൽകിയ സന്ദേശ​ത്തി​ലെ മുന്നറി​യി​പ്പു​കൾ ഓർമി​ക്കു​ക​യും ഭൗതി​ക​ത്വം, വിഗ്ര​ഹാ​രാ​ധന, അധാർമി​കത, ശീതോ​ഷ്‌ണാ​വസ്ഥ, വിശ്വാ​സ​ത്യാ​ഗ​പ​ര​മായ വിഭാ​ഗീ​യത എന്നിങ്ങ​നെ​യുള്ള കെണികൾ ഒഴിവാ​ക്കു​ക​യും ചെയ്യും.

18, 19. (എ) യേശു ഇനിയും വരേണ്ടി​യി​രി​ക്കു​ന്നത്‌ എന്തു​കൊണ്ട്‌, യോഹ​ന്നാൻ പ്രകടി​പ്പിച്ച ഏതു പ്രത്യാ​ശ​യി​ലാണ്‌ നാം പങ്കു​ചേ​രു​ന്നത്‌? (ബി) യഹോവ ഇനിയും ‘വരാൻ’ ഇരിക്കു​ന്നത്‌ എന്ത്‌ ഉദ്ദേശ്യ​ത്തിൽ?

¹⁸ “ഞാൻ വേഗം വരുന്നു” എന്ന്‌ യേശു വെളി​പ്പാ​ടു പുസ്‌ത​ക​ത്തിൽ അനേകം പ്രാവ​ശ്യം അറിയി​ക്കു​ന്നു. (വെളി​പ്പാ​ടു 2:16; 3:11; 22:7, 20എ) മഹാബാ​ബി​ലോ​ന്റെ​യും സാത്താന്റെ രാഷ്‌ട്രീയ വ്യവസ്ഥി​തി​യു​ടെ​യും മിശി​ഹൈക രാജ്യ​ത്താൽ ഇപ്പോൾ പ്രതി​നി​ധാ​നം ചെയ്യ​പ്പെ​ടുന്ന യഹോ​വ​യു​ടെ പരമാ​ധി​കാ​ര​ത്തി​നു കീഴ്‌പെ​ടാൻ വിസമ്മ​തി​ക്കുന്ന സകല മനുഷ്യ​രു​ടെ​യും മേൽ ന്യായ​വി​ധി നടപ്പാ​ക്കാ​നാ​യി യേശു വരാനി​രി​ക്കു​ന്ന​തേ​യു​ള്ളൂ. പിൻവ​രുന്ന പ്രകാരം പറയു​ന്ന​തിൽ യോഹ​ന്നാൻ അപ്പൊ​സ്‌ത​ല​നോ​ടൊ​പ്പം നാമും പങ്കു​ചേ​രു​ന്നു: “ആമേൻ, കർത്താ​വായ യേശുവേ, വരേണമേ.”—വെളി​പ്പാ​ടു 22:20ബി.

¹⁹ യഹോ​വ​തന്നെ ഇപ്രകാ​രം പ്രസ്‌താ​വി​ക്കു​ന്നു: “ഇതാ, ഞാൻ വേഗം വരുന്നു; ഓരോ​രു​ത്തന്നു അവനവന്റെ പ്രവൃ​ത്തി​ക്കു തക്കവണ്ണം കൊടു​പ്പാൻ പ്രതി​ഫലം എന്റെ പക്കൽ ഉണ്ടു.” (വെളി​പ്പാ​ടു 22:12) വാഗ്‌ദാ​നം ചെയ്യ​പ്പെ​ട്ടി​രി​ക്കുന്ന “പുതിയ ആകാശ”ത്തിന്റെ​യോ “പുതിയ ഭൂമി”യുടെ​യോ ഭാഗമാ​യുള്ള, അനന്ത ജീവി​ത​മാ​കുന്ന മഹത്തായ പ്രതി​ഫലം നോക്കി​പ്പാർത്തി​രി​ക്കെ ആത്മാർഥ ഹൃദയർക്ക്‌ പിൻവ​രുന്ന ക്ഷണം നീട്ടി​ക്കൊ​ടു​ക്കു​ന്ന​തിൽ നമുക്ക്‌ ഉത്സാഹ​ത്തോ​ടെ പങ്കു​ചേ​രാം: “വരിക . . . ദാഹി​ക്കു​ന്നവൻ വരട്ടെ; ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ.” (വെളി​പ്പാ​ടു 22:17) അവരും ദൈവ നിശ്വ​സ്‌ത​വും പ്രചോ​ദ​നാ​ത്മ​ക​വു​മായ വെളി​പ്പാ​ടു പുസ്‌ത​ക​ത്തി​ന്റെ സന്തുഷ്ട വായന​ക്കാർ ആയിത്തീ​രട്ടെ!

[അടിക്കു​റി​പ്പു​കൾ]

പുനര​വ​ലോ​കന ആശയങ്ങൾ

□ വെളി​പ്പാ​ടു കൈമാ​റാൻ യഹോവ ഏതു സരണിയെ ഉപയോ​ഗി​ച്ചു, നമുക്ക്‌ അതിൽനിന്ന്‌ എന്തു പഠിക്കാ​നാ​കും?

□ ഏഷ്യയി​ലെ ഏഴു സഭകൾക്ക്‌ അയച്ച സന്ദേശങ്ങൾ വായി​ക്കു​ന്ന​തിൽ നാം സന്തുഷ്ട​രാ​യി​രി​ക്കേ​ണ്ടത്‌ എന്തു​കൊണ്ട്‌?

□ ‘പരീക്ഷാ​കാ​ലത്ത്‌’ നമുക്കു സുരക്ഷി​ത​രാ​യി​രി​ക്കാൻ കഴിയു​ന്നത്‌ എങ്ങനെ?

□ വെളി​പ്പാ​ടു പുസ്‌ത​ക​ത്തി​ലെ പ്രവചന വാക്കുകൾ പ്രമാ​ണി​ച്ചാൽ നമുക്ക്‌ എന്ത്‌ സന്തുഷ്ടി കരഗത​മാ​കും?

[15-ാം പേജിലെ ചിത്രം]

സദ്വർത്തമാനങ്ങളുടെ ഉറവിടം തിരി​ച്ച​റി​യു​ന്നവർ സന്തുഷ്ട​രാ​കു​ന്നു

[18-ാം പേജിലെ ചിത്രം]

ഉണർന്നിരിക്കുന്നവൻ സന്തുഷ്ട​നാ​കു​ന്നു