ദൈവ​വ​ച​ന​ത്തിൽനി​ന്നു പഠിക്കുക

ദൈവ​ത്തോട്‌ എങ്ങനെ അടുത്തു​ചെ​ല്ലാം?

നിങ്ങൾ ചോദി​ച്ചി​രി​ക്കാൻ സാധ്യ​ത​യുള്ള ചില ചോദ്യ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌. അവയ്‌ക്കുള്ള ഉത്തരങ്ങൾ നിങ്ങളു​ടെ ബൈബി​ളിൽ എവിടെ കണ്ടെത്താ​മെ​ന്നും ഈ ലേഖന​ത്തിൽ പറയു​ന്നുണ്ട്‌. ഈ വിവരങ്ങൾ നിങ്ങളു​മാ​യി ചർച്ച​ചെ​യ്യാൻ യഹോ​വ​യു​ടെ സാക്ഷി​ക​ളായ ഞങ്ങൾ താത്‌പ​ര്യ​പ്പെ​ടു​ന്നു.

1. എല്ലാ പ്രാർഥ​ന​ക​ളും ദൈവം കേൾക്കു​മോ?

പ്രാർഥ​ന​യി​ലൂ​ടെ തന്നോട്‌ അടുത്തു​വ​രാൻ സകല ജനതക​ളി​ലും​പെട്ട ആളുകളെ യഹോവ ക്ഷണിക്കു​ന്നു. (സങ്കീർത്തനം 65:2) എന്നാൽ എല്ലാ പ്രാർഥ​ന​കൾക്കും ദൈവം ചെവി​കൊ​ടു​ക്കു​ന്നില്ല. ഉദാഹ​ര​ണ​ത്തിന്‌, വഷളത്തം പ്രവർത്തി​ക്കു​ന്ന​തിൽ തുടർന്ന ഇസ്രാ​യേ​ല്യ​രു​ടെ പ്രാർഥന കേൾക്കാൻ ദൈവം വിസമ്മ​തി​ച്ചു. (യെശയ്യാ​വു 1:15) ഭാര്യ​യോട്‌ അപമര്യാ​ദ​യാ​യി പെരു​മാ​റുന്ന ഒരു വ്യക്തി​യു​ടെ പ്രാർഥ​ന​യും തടസ്സ​പ്പെ​ടാൻ ഇടയു​ണ്ടെന്ന്‌ ബൈബിൾ വ്യക്തമാ​ക്കു​ന്നു. (1 പത്രോസ്‌ 3:7) എന്നാൽ, കടുത്ത പാപി​യാ​ണെ​ങ്കിൽപ്പോ​ലും യഥാർഥ അനുതാ​പം പ്രകട​മാ​ക്കുന്ന ഒരു വ്യക്തി​യു​ടെ പ്രാർഥന കേൾക്കാൻ ദൈവം സന്നദ്ധനാണ്‌.—2 ദിനവൃ​ത്താ​ന്തം 33:9-13 വായി​ക്കുക.

2. നാം എങ്ങനെ പ്രാർഥി​ക്കണം?

പ്രാർഥന യഹോ​വ​യിൽനി​ന്നുള്ള അതിവി​ശി​ഷ്ട​മായ പദവി​യാണ്‌; അവനെ ആരാധി​ക്കാ​നുള്ള ഒരു മാർഗം. അതു​കൊണ്ട്‌ നാം യഹോ​വ​യോ​ടു മാത്രമേ പ്രാർഥി​ക്കാ​വൂ. (മത്തായി 4:10; 6:9) അപൂർണ​രാ​യ​തി​നാൽ നാം യേശു​വി​ന്റെ നാമത്തി​ലാണ്‌ പ്രാർഥി​ക്കേ​ണ്ടത്‌. കാരണം ദൈവ​ത്തോട്‌ അടുത്തു​ചെ​ല്ലാ​നുള്ള ഒരേ​യൊ​രു “വഴി” അവനാണ്‌. (യോഹ​ന്നാൻ 14:6) മനഃപാ​ഠ​മാ​ക്കി​യ​തോ അച്ചടി​ച്ച​തോ ആയ പ്രാർഥ​നകൾ ഉരുവി​ടു​ന്നത്‌ ദൈവ​ത്തിന്‌ സ്വീകാ​ര്യ​മല്ല; നമ്മുടെ പ്രാർഥ​നകൾ ഹൃദയ​ത്തിൽനി​ന്നു​ള്ള​താ​യി​രി​ക്കണം.—മത്തായി 6:7; ഫിലി​പ്പി​യർ 4:6, 7 വായി​ക്കുക.

മൗനമാ​യി പ്രാർഥി​ക്കു​ന്ന​തു​പോ​ലും നമ്മുടെ സ്രഷ്ടാ​വിന്‌ കേൾക്കാ​നാ​കും. (1 ശമൂവേൽ 1:12, 13) എല്ലായ്‌പോ​ഴും പ്രാർഥി​ക്കാൻ അവൻ നമ്മെ പ്രോ​ത്സാ​ഹി​പ്പി​ക്കു​ന്നു; എഴു​ന്നേൽക്കു​മ്പോ​ഴും കിടക്കു​ന്ന​തി​നു​മു​മ്പും ഭക്ഷണ​വേ​ള​യി​ലും പ്രശ്‌നങ്ങൾ നേരി​ടു​മ്പോ​ഴും ഒക്കെ നമുക്ക്‌ അവനോട്‌ പ്രാർഥി​ക്കാം.—സങ്കീർത്തനം 55:22; മത്തായി 15:36 വായി​ക്കുക.

3. ക്രിസ്‌ത്യാ​നി​കൾ യോഗ​ങ്ങൾക്ക്‌ കൂടി​വ​രു​ന്നത്‌ എന്തു​കൊണ്ട്‌?

ദൈവ​ത്തിൽ വിശ്വാ​സ​മി​ല്ലാ​ത്ത​വ​രും ഭൂമി​യിൽ സമാധാ​നം കൊണ്ടു​വ​രു​മെ​ന്നുള്ള ദിവ്യ​വാ​ഗ്‌ദാ​നത്തെ പുച്ഛി​ച്ചു​ത​ള്ളു​ന്ന​വ​രും ആയ ആളുകൾക്കി​ട​യിൽ നാം ജീവി​ക്കു​ന്ന​തി​നാൽ ദൈവ​ത്തോട്‌ അടുത്തു​ചെ​ല്ലുക എന്നത്‌ അത്ര എളുപ്പമല്ല. (2 തിമൊ​ഥെ​യൊസ്‌ 3:1, 4; 2 പത്രോസ്‌ 3:3, 13) അതു​കൊ​ണ്ടു​തന്നെ സഹവി​ശ്വാ​സി​ക​ളു​മൊ​ത്തുള്ള പ്രോ​ത്സാ​ഹനം പകരുന്ന കൂടി​വ​ര​വു​കൾ നമുക്ക്‌ കൂടി​യേ​തീ​രൂ.—എബ്രായർ 10:24, 25 വായി​ക്കുക.

ദൈവത്തെ സ്‌നേ​ഹി​ക്കുന്ന ആളുകളെ സുഹൃ​ത്തു​ക്കൾ ആക്കു​ന്നെ​ങ്കിൽ നിങ്ങൾക്ക്‌ ദൈവ​ത്തോട്‌ അടുത്തു​ചെ​ല്ലാ​നാ​കും. അങ്ങനെ​യു​ള്ള​വ​രു​ടെ വിശ്വാ​സ​ത്തിൽനിന്ന്‌ പ്രോ​ത്സാ​ഹനം നേടാ​നുള്ള അവസര​മാണ്‌ യഹോ​വ​യു​ടെ സാക്ഷി​ക​ളു​ടെ യോഗങ്ങൾ.—റോമർ 1:11, 12 വായി​ക്കുക.

4. ദൈവ​ത്തോട്‌ അടുത്തു​ചെ​ല്ലാൻ നിങ്ങൾക്ക്‌ എങ്ങനെ കഴിയും?

ദൈവ​വ​ച​ന​ത്തിൽനി​ന്നു പഠിച്ച കാര്യങ്ങൾ ധ്യാനി​ക്കു​ന്നെ​ങ്കിൽ നിങ്ങൾക്ക്‌ ദൈവ​ത്തോട്‌ അടുത്തു​ചെ​ല്ലാ​നാ​കും. ദൈവ​ത്തി​ന്റെ പ്രവൃ​ത്തി​ക​ളെ​ക്കു​റി​ച്ചും അവൻ നൽകി​യി​രി​ക്കുന്ന നിർദേ​ശ​ങ്ങ​ളെ​ക്കു​റി​ച്ചും അവന്റെ വാഗ്‌ദാ​ന​ങ്ങ​ളെ​ക്കു​റി​ച്ചും ഏകാ​ഗ്ര​മാ​യി ധ്യാനി​ക്കുക. പ്രാർഥ​നാ​നി​ര​ത​മായ അത്തരം ധ്യാനം ദൈവം കാണി​ച്ചി​രി​ക്കുന്ന സ്‌നേ​ഹ​ത്തോ​ടും അവന്റെ ജ്ഞാന​ത്തോ​ടും അഗാധ​മായ വിലമ​തിപ്പ്‌ വളർത്തി​യെ​ടു​ക്കാൻ നിങ്ങളെ സഹായി​ക്കും.—യോശുവ 1:8; സങ്കീർത്തനം 1:1-3 വായി​ക്കുക.

ദൈവ​ത്തിൽ ആശ്രയിച്ച്‌ അവനിൽ വിശ്വാ​സം അർപ്പി​ക്കു​ന്നെ​ങ്കിൽ മാത്രമേ ദൈവ​ത്തോട്‌ അടുത്തു​ചെ​ല്ലാൻ നിങ്ങൾക്കാ​കൂ. ദൈവ​ത്തി​ലുള്ള വിശ്വാ​സത്തെ ജീവനുള്ള ഒരു വസ്‌തു​വി​നോട്‌ താരത​മ്യം ചെയ്യാ​നാ​കും. ജീവനു​ള്ള​വ​യ്‌ക്ക്‌ പോഷണം കൂടി​യേ​തീ​രൂ. സമാന​മാ​യി, വിശ്വാ​സം ജീവസ്സു​റ്റ​താ​യി നിലനി​റു​ത്ത​ണ​മെ​ങ്കിൽ വിശ്വാ​സ​ത്തിന്‌ ആധാര​മായ കാര്യങ്ങൾ വിചി​ന്തനം ചെയ്‌തു​കൊണ്ട്‌ നിങ്ങൾ അതിനെ പോഷി​പ്പി​ക്കേ​ണ്ട​തുണ്ട്‌.—1 തെസ്സ​ലോ​നി​ക്യർ 5:21; എബ്രായർ 11:1, 6 വായി​ക്കുക.

5. ദൈവ​ത്തോട്‌ അടുത്തു​ചെ​ല്ലു​ന്നത്‌ നിങ്ങൾക്ക്‌ എങ്ങനെ പ്രയോ​ജനം ചെയ്യും?

യഹോ​വയെ സ്‌നേ​ഹി​ക്കു​ന്ന​വരെ അവൻ പരിപാ​ലി​ക്കു​ന്നു; വിശ്വാ​സ​ത്തി​നും നിത്യ​ജീ​വ​നെന്ന പ്രത്യാ​ശ​യ്‌ക്കും ക്ഷതമേൽപ്പി​ച്ചേ​ക്കാ​വുന്ന എന്തിൽനി​ന്നും അവൻ അവരെ സംരക്ഷി​ക്കു​ന്നു. (സങ്കീർത്തനം 91:1, 2, 7-10) നമ്മുടെ ആരോ​ഗ്യ​വും സന്തോ​ഷ​വും കവർന്നെ​ടു​ക്കുന്ന ജീവി​ത​ശൈ​ലി​ക​ളെ​ക്കു​റിച്ച്‌ അവൻ മുന്നറി​യിപ്പ്‌ നൽകി​ക്കൊ​ണ്ടാ​ണി​രി​ക്കു​ന്നത്‌. ഉത്‌കൃ​ഷ്ട​മായ ജീവി​ത​രീ​തി ഏതാ​ണെന്ന്‌ അവൻ നമ്മെ പഠിപ്പി​ക്കു​ന്നു.—സങ്കീർത്തനം 73:27, 28; യാക്കോബ്‌ 4:4, 8 വായി​ക്കുക. (w11-E 09/01)

കൂടുതൽ വിവര​ങ്ങൾക്ക്‌, യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ 17-ാം അധ്യായം കാണുക.