അബ്രാ​ഹാം—താഴ്‌മ​യുള്ള ഒരു മനുഷ്യൻ

നല്ല ചൂടുള്ള ഒരു ദിവസം, അബ്രാ​ഹാം തന്റെ കൂടാ​ര​ത്തിൽ ഇരിക്കു​ക​യാണ്‌. അങ്ങു ദൂരേക്ക്‌ നോക്കി​യ​പ്പോൾ മൂന്നു​സ​ന്ദർശ​കരെ അവൻ കാണുന്നു.a അവരെ കണ്ടമാ​ത്ര​യിൽ ഒരു മടിയും കൂടാതെ അവരുടെ അടുക്ക​ലേക്ക്‌ ഓടി​ച്ചെന്ന്‌, അൽപ്പം വിശ്ര​മി​ക്കാ​നും തന്റെ ആതിഥ്യം സ്വീക​രി​ക്കാ​നും അവൻ അവരെ നിർബ​ന്ധി​ക്കു​ന്നു. “ഒരു മുറി അപ്പം” കഴിക്കാ​നാണ്‌ അവൻ അവരെ ക്ഷണിക്കു​ന്ന​തെ​ങ്കി​ലും വെണ്ണയും പാലും ചൂടുള്ള അപ്പവും ഇളംമാം​സ​വും സഹിതം വിഭവ​സ​മൃ​ദ്ധ​മായ ഒരു സദ്യതന്നെ അവൻ അവർക്കു​വേണ്ടി ഒരുക്കി. അതെ, അബ്രാ​ഹാ​മി​ന്റെ ആതിഥ്യ​മ​ര്യാ​ദ ശ്രദ്ധേ​യ​മാ​യി​രു​ന്നു. എന്നാൽ അതു മാത്രമല്ല, നാം കാണാൻ പോകു​ന്ന​തു​പോ​ലെ അവന്റെ യഥാർഥ താഴ്‌മ​യും ഈ വിവരണം വെളി​വാ​ക്കു​ന്നു.—ഉല്‌പത്തി 18:1-8.

എന്താണ്‌ താഴ്‌മ? അഹങ്കാ​ര​വും ധാർഷ്ട്യ​വും ഒഴിവാ​ക്കു​ന്ന​താണ്‌ താഴ്‌മ. എല്ലാവ​രും ഒന്നല്ലെ​ങ്കിൽ മറ്റൊരു വിധത്തിൽ തന്നെക്കാൾ ശ്രേഷ്‌ഠ​രാ​ണെന്ന്‌ താഴ്‌മ​യുള്ള ഒരു വ്യക്തി അംഗീ​ക​രി​ക്കും. (ഫിലി​പ്പി​യർ 2:3) അദ്ദേഹം മറ്റുള്ള​വ​രു​ടെ നിർദേ​ശങ്ങൾ സ്വീക​രി​ക്കു​ക​യും മറ്റുള്ള​വർക്കു​വേണ്ടി എളിയ വേലകൾ ചെയ്യാൻ മനസ്സൊ​രു​ക്കം കാണി​ക്കു​ക​യും ചെയ്യും.

അബ്രാഹാം താഴ്‌മ കാണി​ച്ചത്‌ എങ്ങനെ? സന്തോ​ഷ​ത്തോ​ടെ അബ്രാ​ഹാം മറ്റുള്ള​വരെ സേവിച്ചു. തുടക്ക​ത്തിൽ പരാമർശി​ച്ച​തു​പോ​ലെ, സന്ദർശ​കരെ കണ്ടപ്പോൾ അവർക്കു വേണ്ട​തെ​ല്ലാം ചെയ്‌തു​കൊ​ടു​ക്കാൻ അബ്രാ​ഹാ​മിന്‌ യാതൊ​രു മടിയും ഇല്ലായി​രു​ന്നു. അവന്റെ ഭാര്യ സാറാ പെട്ടെ​ന്നു​തന്നെ അവർക്കുള്ള ഭക്ഷണം ഒരുക്കാൻ തുടങ്ങി. എന്നാൽ അബ്രാ​ഹാ​മും ഏറെ കാര്യങ്ങൾ ചെയ്‌തു എന്നത്‌ ശ്രദ്ധേ​യ​മാണ്‌: സന്ദർശ​ക​രു​ടെ അടു​ത്തേക്ക്‌ ഓടി​ച്ചെ​ന്നത്‌ അബ്രാ​ഹാ​മാണ്‌, അവരെ അവൻ ഭക്ഷണത്തി​നാ​യി ക്ഷണിച്ചു, കന്നുകാ​ലി​ക്കൂ​ട്ട​ത്തി​ലേക്ക്‌ ഓടി​ച്ചെന്ന്‌ അറുക്കാ​നുള്ള കാളക്കു​ട്ടി​യെ അവൻ പിടിച്ചു. ഒരുക്കി​യ​തെ​ല്ലാം സന്ദർശ​കർക്ക്‌ അവൻ വിളമ്പു​ക​യും ചെയ്‌തു. ഈ എളിയ വേലക​ളെ​ല്ലാം തന്റെ ഭൃത്യ​ന്മാ​രെ ഏൽപ്പി​ക്കു​ന്ന​തി​നു പകരം അബ്രാ​ഹാം​ത​ന്നെ​യാണ്‌ അതെല്ലാം താഴ്‌മ​യോ​ടെ ചെയ്‌തത്‌. മറ്റുള്ള​വരെ സേവി​ക്കു​ന്നത്‌ ഒരു കുറച്ചി​ലാ​യി അവനു തോന്നി​യില്ല.

തന്റെ കീഴി​ലു​ള്ള​വ​രു​ടെ അഭി​പ്രാ​യ​ങ്ങൾക്ക്‌ അബ്രാ​ഹാം വിലകൽപ്പി​ച്ചു. അബ്രാ​ഹാ​മും സാറാ​യും തമ്മിലുള്ള ചുരുക്കം ചില സംഭാ​ഷ​ണങ്ങൾ മാത്രമേ ബൈബി​ളിൽ രേഖ​പ്പെ​ടു​ത്തി​യി​ട്ടു​ള്ളൂ. എങ്കിലും രണ്ടുസ​ന്ദർഭ​ങ്ങ​ളിൽ അബ്രാ​ഹാം സാറാ​യു​ടെ അഭി​പ്രാ​യ​ങ്ങൾക്ക്‌ ചെവി​കൊ​ടു​ത്ത​താ​യും അതിനു ചേർച്ച​യിൽ പ്രവർത്തി​ച്ച​താ​യും നാം വായി​ക്കു​ന്നു. (ഉല്‌പത്തി 16:2; 21:8-14) അതിൽ ഒരവസ​ര​ത്തിൽ സാറാ​യു​ടെ അഭി​പ്രാ​യം തുടക്ക​ത്തിൽ “അബ്രാ​ഹാ​മി​ന്നു അനിഷ്ട​മാ​യി.” എന്നാൽ അവളുടെ അഭി​പ്രാ​യത്തെ ശരി​വെ​ച്ചു​കൊണ്ട്‌ യഹോവ അബ്രാ​ഹാ​മി​നോട്‌ സംസാ​രി​ച്ച​പ്പോൾ അവൻ താഴ്‌മ​യോ​ടെ അതു സ്വീക​രി​ക്കു​ക​യും അതിൻപ്ര​കാ​രം പ്രവർത്തി​ക്കു​ക​യും ചെയ്‌തു.

നമുക്കുള്ള പാഠം: താഴ്‌മ​യു​ള്ള​വ​രാ​ണെ​ങ്കിൽ നാം സന്തോ​ഷ​ത്തോ​ടെ മറ്റുള്ള​വരെ സേവി​ക്കും. മറ്റുള്ള​വ​രു​ടെ ജീവിതം സുഖക​ര​മാ​ക്കാൻ കഴിയു​ന്ന​തെ​ല്ലാം ചെയ്യു​മ്പോൾ നമുക്ക്‌ സന്തോഷം തോന്നും.

മറ്റുള്ള​വ​രു​ടെ നിർദേ​ശ​ങ്ങ​ളോട്‌ നാം പ്രതി​ക​രി​ക്കുന്ന വിധത്തി​ലൂ​ടെ​യും നമുക്ക്‌ താഴ്‌മ കാണി​ക്കാ​നാ​കും. മറ്റുള്ള​വ​രു​ടെ അഭി​പ്രാ​യങ്ങൾ നമ്മു​ടേ​തിൽനിന്ന്‌ വ്യത്യ​സ്‌ത​മാ​ണെന്ന ഒറ്റക്കാ​ര​ണ​ത്താൽ അത്‌ നിരസി​ക്കു​ന്ന​തി​നു പകരം, അവർ പറയു​ന്നത്‌ ശ്രദ്ധി​ക്കു​ന്ന​താ​യി​രി​ക്കും ജ്ഞാനം. (സദൃശ​വാ​ക്യ​ങ്ങൾ 15:22) അത്തര​മൊ​രു തുറന്ന സമീപനം അധികാ​ര​സ്ഥാ​ന​ത്തു​ള്ള​വർക്ക്‌ വിശേ​ഷാൽ പ്രയോ​ജനം ചെയ്യും. “ഒരു നല്ല മേൽനോ​ട്ട​ക്കാ​രൻ എല്ലാവർക്കും അഭി​പ്രാ​യങ്ങൾ തുറന്നു​പ​റ​യാ​നുള്ള ഒരു സാഹച​ര്യം ഒരുക്കി​ക്കൊ​ടു​ക്കും എന്നാണ്‌ ഞാൻ മനസ്സി​ലാ​ക്കി​യി​രി​ക്കു​ന്നത്‌,” ജോൺ എന്ന അനുഭ​വ​സ​മ്പ​ന്ന​നായ ഒരു സൂപ്പർ​വൈസർ പറയുന്നു. “നിങ്ങളു​ടെ കീഴി​ലുള്ള ഒരാൾക്ക്‌ നിങ്ങ​ളെ​ക്കാൾ മെച്ചമായ വിധത്തിൽ കാര്യങ്ങൾ ചെയ്യാ​നാ​കു​മെന്ന്‌ അംഗീ​ക​രി​ക്ക​ണ​മെ​ങ്കിൽ താഴ്‌മ കൂടിയേ തീരൂ. മേൽനോ​ട്ടം വഹിക്കുന്ന ആളാ​ണെ​ങ്കി​ലും ശരി, നല്ല അഭി​പ്രാ​യങ്ങൾ ആരു​ടെ​യും കുത്തക​യ​ല്ലെന്ന്‌ മനസ്സിൽപ്പി​ടി​ക്കണം,” അദ്ദേഹം പറയുന്നു.

മറ്റുള്ള​വ​രു​ടെ അഭി​പ്രാ​യങ്ങൾ മാനി​ച്ചു​കൊ​ണ്ടും മറ്റുള്ള​വർക്കു​വേണ്ടി എളിയ ജോലി​കൾ ചെയ്‌തു​കൊ​ണ്ടും നാം അബ്രാ​ഹാ​മി​നെ അനുക​രി​ക്കു​മ്പോൾ നമുക്ക്‌ യഹോ​വ​യു​ടെ അംഗീ​കാ​രം നേടാ​നാ​കും. “എന്തെന്നാൽ ദൈവം ഗർവി​ക​ളോട്‌ എതിർത്തു നിൽക്കു​ന്നു; താഴ്‌മ​യു​ള്ള​വ​രു​ടെ​മേൽ അവൻ കൃപ ചൊരി​യു​ന്നു.”—1 പത്രോസ്‌ 5:5. (w12-E 01/01)

[അടിക്കു​റിപ്പ്‌]